17/11/2024
சிவகங்கை மாவட்டம் காளையார்கோவில் ஒன்றியத்தில் உள்ள புனித வின்சென்ட் தே பவுல் சபை புனித அருளானந்தர் கிளைச் சபையின் ஆண்டு விழா ஆலய வளாகத்தில் சிறப்பாக நடைபெற்றது.
கிளைத் தலைவர் ஆரோக்கியசாமி தலைமை வகித்தார். ஆன்மீக ஆலோசகர் பங்குத்தந்தை சேசு மத்திய சபை தலைவர் பெர்னாட்ஷா முன்னிலை வகித்தனர். கிளைச் செயலாளர் அன்புநாதன் வரவேற்று கூட்ட அறிக்கை வாசித்தார். கிளைப் பொருளாளர் பால்ஜோசப் வரவு செலவு அறிக்கை சமர்ப்பித்தார். உதவி பங்குத்தந்தை பாஸ்டின் பாரதி மத்தியசபை பொருளாளர் அமிர்தசாமி மாவட்ட கருத்தாளர் அல்போன்ஸ் வட்டார சபை தலைவர் அருள் வாழ்த்துரை வழங்கினர். நலத்திட்ட உதவிகளாக தத்து குடும்பங்களுக்கு உதவி வழங்குதல் மாணவ மாணவிகளுக்கு கல்வி உதவித்தொகை வழங்குதல் நலிந்தோர் தொழில் செய்ய திட்ட கடன் வழங்குதல் 150 க்கும் அதிகமான பயனாளிகளுக்கு புத்தாடை வழங்குதல் மூலம் இரண்டு லட்சத்திற்கு அதிகமான உதவிகள் பயனாளிகளுக்கு வழங்கப்பட்டன. கிளை பொருளாளர் பால்ஜோசப் நன்றி கூறினார். துணைத் தலைவர் ஜோசப் மேனாள் தலைவர் லூர்துராஜ் ஐந்துகாயம் உறுப்பினர்கள் ஆரோக்கிய லூயிஸ்லெவே டேனியல் செல்வம் கஸ்பார் அந்தோணிசாமி லூயிஸ் அல்போன்ஸ் இருதயம் மரியசூசை சகாயராஜ் எஸ் அந்தோணிசாமி ஆரோக்கியசாமி புருனோ புஷ்பம் குழந்தைதெரஸ் ஆகியோர் கலந்து கொண்டு சிறப்பித்தார்கள்.
