HG LIVE

04/05/2024

माता पाथिभरा दर्शन ।के छ त पाथिभरा माताकाे कथा हेर्नू हाेला याे भिडियाे।

23/03/2024

मिरिकमा आगमी 25 मार्चमा भब्यरूपमा हाेली पर्व पालन गरिने आयाेजक समितिका नितेस गुप्त अनि राेहित करूवाले बताए।

22/03/2024

अन्तत: पायो मिरिक महाविद्यालयले आफ्नो जमिनको पर्जा पट्टा

महाविद्यालय स्थापना भएको धेरै वर्षको अन्तरालमा मिरिक महाविद्यालयले शुक्रबार आफ्नो जमिनको पर्जा पट्टा पाएको छ। महाविद्यालयको प्रेक्षागृहमा एक कार्यक्रमको आयोजना गर्दै जमिनको पर्जा पट्टा हस्तान्तरण एवं ग्रहण गरियो। उक्त जमिनको क्षेत्रफल ३.०५ ऐकर रहेको जानकारी प्राप्त भएको छ। महाविद्यालयका नेपाली विभाग प्रमुख विक्रम राईले सञ्चालन गरेको कार्यक्रममा उत्तर बंगाल विश्वविद्यालयका सीआई डा देवशिष दत्त, मिरिक खण्डका भूमि अनि भूमि सुधार अधिकारी उत्तम कुमार दास जेडिपीआई पार्थ गंगोपाध्यय महाविद्यालयका शिक्षक प्रभारी निमा लामा, महाविद्यालय सञ्चालन समितिका अध्यक्ष पुनम विश्व, सदस्यहरू बसन्त राई, यवन गुरूङ, सुन्दर प्रसाद, महाविद्यालयका प्राध्यपक प्राध्यपिकागण, अशिक्षण कर्मचारी लगायत विद्यार्थीहरूको उपस्थिति रहेको थियो। कार्यक्रमपछि पत्रकारहरूसँग कुराकानी गर्ने क्रममा महाविद्यालय सञ्चालन समितिका अध्यक्ष पुनम विश्वले महाविद्यालयको पर्जा पट्टा प्राप्त गर्नमा आफूहरूलाई सहयोग पुर्याइदिए वापत जीटीएका प्रमुख कार्यपाल अनित थापा, मिरिक महकुमाका पूर्व महकुमा अधिकारीहरू अश्विनी कुरमार रोय एवं वी दिपक तेजा,मिरिक नगरपालिका अध्यक्ष एल बी राई, भूमि एवं भूमि सुधार अधिकारी लगायत समपूर्णप्रति आभार प्रकट गर्दै महाविद्यालय परिवारप्रति बधाई दिइन्। यसरी नै महाविद्यालयकी शिक्षक प्रभारी निमा लामाले मिरिक महाविद्यालयको लागि आजको दिनले एक विशेष महत्व राख्ने बताउदै खुशी प्रकट गरिन्। उनले आफूहरूले महाविद्यालयको जमीनको पर्जा पट्टा प्राप्त गर्नका लागि धेरै वर्ष संघर्ष गर्नु परेको बताइन्। उनले सबैको साथ अनि सहयोगको कारण नै महाविद्यालयले आफ्नो मालिकाना हक प्राप्त गरेको बताउदै समपूर्ण सहयोगीहरूप्रति आभार प्रकट गरेकी छन्। वर्ष २००० मा महाविद्यालयको स्थपना भएको र वर्ष २०१६ मा मिरिक नगरपालिकाको वार्ड नम्बर ६ स्थित काउलेमा महाविद्यालयको नयाँ भवन निर्माण भएपछि यस महाविद्यालयको जमिनको ठोष कागजपत्र नरहेको तथापि आजदेखि उक्त आफूहरूको उक्त समस्या समधान भएको बताइन्।

21/03/2024

चुङथुङका श्रमिकहरुले पाए फौलाईको राशी

चुङथुङ 21 मार्च ( दीपक राई ) लगभग छ महिना देखि बन्द चुङथुङ चियाकमानका श्रमिक दाजु भाई दिदी बहिनीहरूले फौलाईको रूपियाँ पाए। श्रमिक अनि स्टाफ, सव स्टाफ गरेर चुङथुङ चिया कमानमा 1073 जना आश्रित छन्। चिया कमानमा आश्रित यति धेरै श्रमिक दाजु भाई दिदी बहिनीहरूले फौलाईको राशी प्रति महिना 1500 रु गरेर पाँच महिनाको जम्मा रूपियाँ 7500 गरेर पाएको जानकारी श्रमिक युनियनका अध्यक्ष प्रह्लाद छेत्रीले दिए। चुङथुङ चियाकमानमा धेरै मालिकहरु आए गए अनि यस अवधि 24 पल्ट कमान बन्द भएको एउटा रेकर्ड नै छ यस कमानको। तर अहिले सम्म श्रमिक दाजु भाई दिदी बहिनीहरूले फौलाई भन्ने न शब्द नै सुनेका थिए न यसको सुविधा र सहुलियत बारे अवगत नै थिए। यस पटक भने फौलाईको राशी प्रति महिना 1500 रूपियाँ गरेर प्राप्त गरेपछि श्रमिक दाजु भाई दिदी बहिनीहरूले केही राहतको अनुभव गरे। यस सन्दर्भ भागोप्रमोका श्रमिक युनियन अध्यक्ष प्रह्लाद छेत्रीले बंगालकी मुख्य मन्त्री ममता बनर्जी,जीटीए मुख्य कार्यपाल अनित थापा, समष्टि सभासद सन्दिप छेत्री लगायत डिपुटी लेबर कमिश्नर प्रति हार्दिक आभार प्रकट गरेका छन्। अध्यक्ष छेत्रीको भनाई अनुसार अहिले सम्म चुङथुङका श्रमिकहरुले अनेकौं पटक कमान बन्द भएर पनि यसरी फौलाईको पैसा पाएको थिएन। तर यसपल्ट पाउन सके । अहिले कमानमा आश्रित श्रमिक दाजु भाई दिदी बहिनीहरू आफ्नो गाउँ घर - परिवारहरुदेखि रोजगारको निम्ति अन्य ठाउँ धेरै पलायन भइसकेका छन्। यही पीडादायी अवस्थालाई मध्यनजर राख्दै पी एफ खोल्न सक्ने प्रावधान तथा सुविधा युनियनले निकालेको पनि छेत्रीले आज बताए। यसको निम्ति जसको ब्याङ्क खाता आफ्नो पी एफ नम्बरसित सम्बन्धित छ उसले अनलाईन खोल्न सक्ने र जसको सम्बन्धित छैन उसले अफलाइन भरेर आफ्नो पी एफ निकाल्न सक्ने उनले बताए। यसको निम्ति आफुहरु संग सम्पर्क गर्ने उनले जनाए।

21/03/2024

गाेपाल लामाकाे नामाङ्कन दर्ताकाे दिन मिरिक महकुमाबाट दुई सय गाडी समर्थक सहभागी बन्ने।

मिरिक २१ मार्च ( निसं) भारतीय गोर्खा प्रजातान्त्रिक मोर्चा मिरिक चुनाउ काेर कमिटीको सभा बिहीबार मिरिककाे एउटा हाेटलकाे सभा गृहमा भयाे।सभामा सियाेक गाेपालधारा ओकेटी समष्टि सभासद धुर्ब बम्जन, भागाेप्रमाे मिरिक महकुमा अध्यक्ष एंव मिरिक थर्बु डुप्टिन समष्टिका सभासद मिलेस राई, पुर्व सभासद फूबी,मिरिक नगरपालिका अध्यक्ष एलबी राई, भागाेप्रमाे सियाेक गाेपालधारा ओकेटी समष्टि अध्यक्ष समीर राई अनि केन्द्रीय सदस्य सतीस थापा आदि उपस्थित थिए। सभापछि पत्रकारहरूसित बाेल्दै भागाेप्रमाे मिरिक महकुमा अध्यक्ष एंव मिरिक थर्बु डुप्टिन समष्टिका सभासद मिलेस राईले भारतीय गोर्खा प्रजातान्त्रिक मोर्चाले लोक सभा संसदीय चुनावमा गाेपाल लामालाई प्रार्थी बनाई सकेकाे छ।
उनकाे चुनावको नामाङ्कन दर्ता गर्ने तारिक आगामी 28 मार्च 2024 तय गरिएकाे छ। त्यस दिन बिहान महाकाल बाबाको दर्शन अनि आशीर्वाद लिएर ठूलो संख्यामा जिल्ला चुनाव अधिकारीको कार्यालयमा हामी जानेछाै भने।तिनले मिरिककाे चारवटा समष्टिबाट दुई सय गाडी समर्थकहरू दार्जिलिङ जानेछन भन्दै उक्त विषयमा नै सभामा चर्चा गरिएकाे बताए। तिनले हाम्रो प्रार्थी गोपाल लामालाई मिरिक दार्जीलिङ, खरसाङ, पहाड, समतल अनि डुवर्समा नचिन्ने व्यक्ति विरलै होलान्। गोपाल लामाले विगत 20 वर्ष प्रशासनिक कार्यमा बिताएका थिए। उनी दार्जीलिङका एडीएम थिए। उनले जी टी एमा पनि सचिवको कार्यभार समालेका थिए । मङपु सिनकोनाको प्रबंधक थिए। उनी परिचित व्यक्ति हुन। उनी धेरै सँस्थाहरू सँग संलग्न व्यक्ति पनि हुन ।यसैले यसपालिको चुनाउमा धेरै भाेटले विजय बनाँउने हामी मतदाताहरूलाई अनुराेध गर्दछाै भने।तिनले प्रार्थी गाेपाल लामा मिरिकमा पनि आएर चुनाउ प्रचार गर्नेछन।हामी निश्चित मिति तय गरेर प्राथी लामालाई मिरिकमा ल्याँउनेछाै भने।

18/03/2024

प्रोजेक्ट लाइफका नामपर लेप्चा बने रन विथ एसएमआईटी २.० का विजेता

गत १७ मार्च २०२४ मा, सिक्किम मणिपाल इन्स्टिच्युट अफ टेक्नोलोजी (SMIT) रंगपुको क्याम्पसमा आयोजित "रन विथ एसएमआईटी" २.० को ५ किलोमिटर भेटरेन्स वर्गमा १८ मिनेट ५९ सेकेन्ड को आधिकारिक समय लिएर प्रोजेक्ट लाइफका सुखिया पोखरी निवासी नामपर लेप्चा प्रथम बनेका छन्।
यसरी नै प्रोजेक्ट लाइफका अन्य धेरै सदस्यहरुले पनि यस दोडमा भाग लिएका थिए जसमध्ये केहि सदस्यहरूले पनि आ आफ्नो वर्गमा अव्वल प्रदर्शन गरेका छन् अनि जस्का सुचि यस प्रकार छन् :-

उर्गेन दोर्जे शेर्पा - दोस्रो स्थान
लोतिका रत्नम क्षेत्री - तेस्रो स्थान
शिवानी थापा - छैटौं स्थान
सुदिप प्रधान - छैटौं स्थान
प्रतीक सुब्बा - सातौ स्थान
डा. कुनजाङ लेप्चा - पाँचौं स्थान
सरला राई - छैठौं स्थान
कर्मा छिरिङ भुटिया - तेस्रो स्थान

प्रोजेक्ट लाइफका सन्चालक अनि यस दौङका रेस डाइरेक्टर श्री बिक्रम थापाले जानकारी दिए अनुसार यस दौडमा देशभरिबाट जम्मा ५५२ धावक धाविकाहरूले भाग लिएका थिए जस्मा स-साना नानीहरू लगायत धेरै बुजुर्गहरूले पनि सहभागीबनेर हाम्रो समाजलाई स्वस्थ र खुसी बनाउने सन्देश दिएका छन्।

16/03/2024

बिकास र मुद्दा अलग अलग कुरा हुन, गोर्खाको सपना बिकास माथी निर्भर गर्दैन, गोर्खाल्यान्ड राजनीतिक निर्णय हो अनि बिक....

16/03/2024

वर्तमान पहाडको राजनीतिक समीकरण कस्तो छ त ? 2024 को चुनाव र पहाडको भविश्य जनताको हातमा।

बिकास र मुद्दा अलग अलग कुरा हुन, गोर्खाको सपना बिकास माथी निर्भर गर्दैन, गोर्खाल्यान्ड राजनीतिक निर्णय हो अनि बिक....

13/03/2024

लामा गाउँमा 6 वटा परियोजनाको शिलान्यास

लामा गाउँ : दार्जिलिङ पहाडमा पञ्चायती व्यवस्था फर्किआएपछि ग्रामीण भेगमा धमाधम रूपमा विकासको कार्य चलिरहेको छ। यसै क्रममा आज रेलिङ ग्राम पञ्चायत अधिनस्त मिडल लामा गाउँ अनि लोवर लामा गाउँमा विभिन्न विकास परियोजनाको शिलान्यास गरियो। लोवर लामा गाउँ वार्ड तीनमा दुईवटा परियोजना क्रमश: रबिन हाउसदेखि बल गाउँसम्म जीप लेबल रोडसँगै सोलिङ 11 लाख 81 हजार रूपियाँ बराबरको लागतमा अनटाइट योजना मार्फत निर्माण हुनेछ अनि पिउने पानी सार्की गाउँलाई 8 लाख 69 हजार रूपियाँमा टाइट योजनामार्फत निर्माण हुने भएको छ।

अर्कोतिर, मिडल लामा गाउँमा पनि 6 वटा विभिन्न विकास परियोजनाको शिलान्यास गरेको छ। जसमा ग्रे वाटर ड्रेन लामा गाउँ बीच गाउँमा 7 लाख 49 हजार रूपियाँ, ग्रे वाटर ड्रेन राजेन हाउसदेखि रोड लाइनसम्म 7 लाख 49 हजार रूपियाँ, सोलार लाइट लामा गाउँ 3 लाख 2 हजार रूपियाँ अनि प्लास्टिक सेग्रीगेशन सिट एण्ड कम्पोस्टपिट लामा गाउँ 3 लाख 47 हजार रूपियाँ बराबरको लागतमा टाइट योजना मार्फत निमार्ण हुनेछ।

दार्जिलिङ पहाडमा पञ्चायती व्यवस्था फर्किआएपछि हामीले ग्राम पञ्चायत मार्फत प्रत्येक गाउँमा मानिसहरूलाई विकासको सुविधा दिलाउन शुरू गरिसकेका छाैँ भनी रेलिङ ग्राम पञ्चायतका उपप्रधान एन०डी राईले बताएका छन। उनले बिषय गरि जनताको हितमा पञ्चायती व्यवस्था फर्काएकोमा जीटिए अध्यक्ष अनित थापा अनि क्षेत्रीय भारप्राप्त सभासद सतिश पोखरेललाई आभार प्रकट गरेका छन।

आजको शिलान्यास कार्यक्रममा लामा गाउँ वार्ड नम्बर दुइका वार्ड सदस्या रोनिता लिम्बू , वार्ड नम्बर तीनका वार्ड सदस्य सञ्चमान लिम्बू , पञ्चायत समिति सदस्य लकचन्दा लिम्बू शेर्पा , रेलिङ ग्राम पञ्चायत उपप्रधान एनडी राई, ग्राम सचिव मणिइम सुब्बा, ग्राम कर्मी निमेष सुब्बा उपस्थित थिए भने यसरी नै भारतीय गोर्खा प्रजातान्त्रिक मोर्चा रेलिङ कैंजले समष्टि सदस्य मिलन याक्सो ,भागोप्रमो लामा गाउँ शाखा सभापति पासाङ लामा, सचिव मणिकुमार प्रधान साथै लामा गाउँ बुथ कमिटी सभापति रमेश तामाङ , सचिव किशोर लिम्बू अनि लामा गाउँ शाखा तथा प्रशाखाका प्रतिनिधिगण , ठेगादार शिदार्थ पोखरेल लगायतका गाउँले मानिसहरूको बिशेष उपस्थिति रहेको थियोे ।

12/03/2024

विभिन्न विकास निर्माण कार्यको शिलान्यास सँगै
सौरेनी ग्राम पञ्चायत १ कार्यालयको उद्घाटन

सौरेनी ग्राम पंचायत एक कार्यालय आज विभिन्न विकास निर्माण कार्यको शिलान्यास सँगै सौरेनी ग्राम पञ्चायत १ कार्यालयको उद्घाटन गरेका छन।कार्यक्रममा 12 निर्वाचित पञ्चायत सदस्यहरू अनि पञ्चायत कर्मचारीहरू मुख्य रूपमा उपस्थित थिए। जम्मा ७२ वटा विकास कार्यमध्ये ३० वटा निर्माण कार्यको आज शिलान्यास गरिएको छ।

सौरेनी ग्राम पञ्चायत १ प्रधान अनिता राई अनि उपप्रधान अजित क्षेत्री पत्रकारलाई सम्बोधन गर्दै।

12/03/2024

ग्राम पन्चायत दुईमा २७ वटा कार्यहरूको एक साथ शिलान्यास

मिरिक १२ मार्च ( निसं) मिरिक महकुमाको पहिला गाँउ स्कुल डाँडा ग्राम पन्चायत दुईकाे मंगलबार राणा गाउँ सार्वजनिक भवनमा एकसाथ २७ वटा कार्यहरूको शिलान्यास गरियो। ग्राम पञ्चायत प्रधान जयन्ती सुब्बा अनि ग्राम पन्चायत सचिव नमिका घतानीले संयुक्त रूपमा उक्त कार्यहरूको शिलान्यास गरे। उक्त कार्य जय भवनी कन्स्ट्रक्सन कम्पनले गर्ने भएको छ। समाजिक कार्यकर्ता लक्षुमण राईले सञ्चालन गरेको कार्यक्रममा जेष्ठ नागरिकहरू वसन्त शर्मा,आरबी राई,भूपाल राई,डुचन शर्मा,धनप्रसाद शर्मा,भूपाल राई ,समाजिक कार्यकर्ताहरू मनाेज शर्मा,रमित सुब्बा,सन्ताेष प्रधान आदि उपस्थित थिए। कार्यक्रमलाई सम्बोधन गर्ने ग्राम पन्चायत प्रधान जयन्ती सुब्बाले २२ वर्षपछि पहाडमा जीटीएका मुख्य कार्यपाल अनित थापाको पहलमा पञचायती व्यवस्था फर्किएर आएको र आफूहरूले कुनै रङ अनि वर्ण भेद नगरी कार्य गरिरहेको बताए। उनले सम्पूर्ण पञ्चायत सदस्यहरूले आ- आफ्नो योजनालाई कार्यरूपमा अघि बढाइदिने आह्वान गर्दै गाउँ विकासको निम्ति कार्य गरिदिने बताएका छन्। उनले ग्राम पञ्चायत दुई एक नमुना ग्राम पञ्चायत बनाउनु पर्ने कुरोमा जोर दिए। तिनले ग्राम पञ्चायतमा २७ वटा कार्यको शिलान्यास भएको जानकारी गराइन। यसबाहेक क्षेत्रमा स्ट्रिट लाइटको योजना पनि रहेको बताउदै आज शिलान्यास भएको कार्यलाई सबैले आफ्नै कार्य सोचेर काम गरिदिने उनले आह्वान पनि गरिन्। कार्यक्रममा बाेल्दै ग्राम पन्चायत सचिव नमिका घतानीले ग्राम पन्चायतमा आएकाे विकास याेजनाहरूलाई राम्राेसित काम गरेर ग्राम पन्चायतलाई नमुना बनाँउने अनुराेध गरिन।तिनले शिलान्यास भएकाे याेजनाहरूलाई गुणस्तरीय बनाँउने अनुराेध पनि गरे।कार्यक्रमलाई जेष्ठ नागरिक वसन्त शर्माले पनि सम्बाेधन गरेर

12/03/2024

दार्जीलिंगका करण गुरुङ(14) र कालेबुङका जीवन लेप्चा(14) दुवै जना हरियाणाको रोहतकमा आगमी 19 देखि 25 मार्च सम्म चल्ने राष्ट्रिय स्तरको सब जुनियर ब्वोईस बक्सिङ प्रतियोगितामा चयन भएका छन्, सोमबार बेलुकी दुवै युवा बक्सरहरु कोलकत्ताको निम्ति भयो प्रस्थान, HG News को तर्फ बाट हार्दिक #बधाई बधाई।

11/03/2024

चुङथुङ मेरीबोङ तामसाङ समष्टिको तर्फबाट जीटीए प्रमुख कार्यपाल अनित थापाज्यू प्रति आभार व्यक्त समष्टि सभासद सन्दीप छेत्रीले गरेका छन्। घूम भञ्ज्याङ्ग देखी 14 किलो मिटर रोड, मीम चियाबारीको 9 किलो मिटरको लगायत समष्टिमा 11 वटा सार्वजनिक भवनको शिलान्यास कार्य प्रमुख कार्यपाल अनित थापाज्यू गरिदिनु भएका छन्। समष्टिमा विभिन्न पार्टी त्यागेर 130 परिवारले भारतीय गोर्खा प्रजातान्त्रिक मोर्चामा सामेल बनेको जानकारी सभासद सन्दीप क्षेत्रीले दिएका छन्।

11/03/2024

डुप्टिनमा ३१ वटा कार्यहरूको एक साथ शिलान्यास

मिरिक महकुमाको डुप्टिन ग्राम पञ्चायतमा सोमबार एकसाथ ३१ वटा कार्यहरूको शिलान्यास गरियो। ग्राम पञ्चायत प्रधान शर्मिला राई अनि उप प्रधान मानव सुब्बाले संयुक्त रूपमा उक्त कार्यहरूको शिलान्यास गरे। उक्त कार्य विकास लामा कन्स्ट्रक्सनले गर्ने भएको छ। उप प्रधान मानव सुब्बाले सञ्चालन गरेको कार्यक्रममा २४ नम्बर समष्टिका सभासद मिलेश राई प्रमुख रूपमा उपस्थित थिए भने पञ्चायत प्रधान शर्मिला राई, पञ्चायत समिति सदस्य जुना लेप्चा, सदस्यहरू जुगल प्रधान, विषम राई, दमित लेप्चा, पञ्चायत कर्मीहरू मेघराज सुब्बा, अबिस सुब्बा, भारतीय गोर्खा प्रजातान्त्रिक माेर्चा डुप्टिन शाखा अध्यक्ष ओमकार सुब्बा, भागोप्रमो युवा शक्ति २४ नम्बर समष्टि सचिव सन्दिप देवान एवं ग्रामवासीको उपस्थिति रहेको थियो। कार्यक्रमलाई सम्बोधन गर्ने क्रममा सभासद मिलेश राईले २२ वर्षपछि पहाडमा जीटीएका मुख्य कार्यपाल अनित थापाको पहलमा पञचायती व्यवस्था फर्किएर आएको र आफूहरूले कुनै रङ अनि वर्ण भेद नगरी कार्य गरिरहेको बताए। उनले सम्पूर्ण पञ्चायत सदस्यहरूले आ- आफ्नो योजनालाई कार्यरूपमा अघि बढाइदिने आह्वान गर्दै गाउँ विकासको निम्ति कार्य गरिदिने बताएका छन्। उनले डुप्टिन ग्राम पञ्चायत एक नमुना ग्राम पञ्चायत बनाउनु पर्ने कुरोमा जोर दिए। यसरी नै कार्यक्रमपछि पत्रकारहरूसँग कुराकानी गर्ने क्रममा पञ्चायत प्रधान शर्मिला राईले सोमबार डुप्टिन ग्राम पञ्चायतमा ३१ वटा कार्यको शिलान्यास भएको जानकारी गराउदै यी योजनाहरू ८६ लाख रूपियाँको लागतमा निर्माण हुने बताइन्। यसबाहेक क्षेत्रमा स्ट्रिट लाइटको योजना पनि रहेको बताउदै आज शिलान्यास भएको कार्यलाई सबैले आफ्नै कार्य सोचेर काम गरिदिने उनले आह्वान पनि गरिन्।

11/03/2024

सेवा नै परमो धर्म भन्ने भनाई छ।थोपा थोपा मिलेर सागर बन्दछ कण कण मिलेर पहाड बन्दछ।
आउनुहोस आज फेरि एउटा असहाय बिरामीलाई तपाई हामी सबै मिलेर केही सहयोग गरौ। धेरै दिनदेखि धेरै बिमारले थलिएको र हालमा अझ एउटा बिमार थपिएपछि त जीत बहादुर तामाङलाई असह्य नै भएको छ।रंगीत मझुवा मानेभञ्ज्याङ हुलाक बतासे निवासी जीत बहादुर तामाङ २०१४ सालमा आफु बिरामी जस्तो लागेर डाक्टर देखाउन गएका थिए।सबै परिक्षण गरेछि किडनीको समस्या बताइदिए।एक साधारण कृषक जीतबहादुर र उनकी पत्नि पुर्णिमाया तामाङ छाँगोबाट खसे।छर छिमेक आफन्त तथा आफुसित भएको सम्पति जोहो गरी किडनीको लागि सिलगढी झरे।लामो समयसम्मको उपचारपछि केही बिसेक बनेर परिवार धान्नलाई फेरि लागिपरे आफ्नै कामधन्धामा ।अचानक केही समयअघि फेरि डाक्टर देखाउन पर्ने अवस्था आइपर्दा उनी पुगे डाक्टरको शरणमा नै ,तर यसपटक भने जीतबहादुर तामाङको लागि अर्को वज्र झर्यो शिरैमा नै।यसपटक उनको फोक्सोमा घाउ भइसकेको बताए।लङ क्यान्सरले आक्रन्त उनलाई बताएपछि त आफुलाई सपना हो कि विपना लाग्न थाल्यो।भएभरको सबै सकियो ८ पटक केमो गर्दा ,छरछिमेक आफन्तले सहयोग गरि रहेको तर त्यो ऊँटको मुखमा जीरो जस्तो भएको छ।तर जीतबहादुर तामाङ र पत्नि पुर्णिमाया तामाङ आफन्तजन शुभचिन्तक र छरछिमेकप्रति ह्रदयान्तरबाट आभारी रहेको बताउँछन्।उनीहरुले पनि आफुहरुले सक्दो गरिदिइ रहेकोमा उहाँहरुप्रति ऋणी रहेको बताउँछन्। प्रत्येक तीन तीन महिनामा डाक्टर चेकअप गराउन जान पर्ने बाध्यता रहेको छ उनको।एकपटक जाँदा आउँदा १४ हजारदेखि १८ हजारसम्म लाग्ने बताउँछन् उनी।यसरी आफु असक्त बनेपछि उदार ह्रदयहरुसित यसरी सहयोगको लागि हात फैलाउन परेको पनि बताउँछन्।यसरी समाजिक संन्जाल ,खबर ,पत्रिकातिर यो खबर सम्प्रेषण भएपछि कोही दयालु मानिस देवता बनेर आइदेला न भन्ने आशा पनि उनले पालेका छन्।यही आशा पालेर नै उनले आफ्नो पत्निको एकाउन्ट नम्बर र फोन नम्बर सबैसित साझा गरेका छन्।यो खबर हेरिसक्नु भएपछि मानवताको नातामा उनलाई केही सहयोग गरौ,नसके यहि खबरलाई सेयर गरेर उदार मन भएसम्म पुर्याउनमा सहयोग गरौ।किनकि एउटा भनाई नै छ नि -"मानव सेवा नै माधव सेवा हो।"
A/C number 59043969228
Allahabad Bank
Branch Darjeeling
IFSC IDIB000D004
PURNIMAYA TAMANG
Phone Number 6297667198

09/03/2024

गाेर्खा रैथाने हाटमा जैविक साग सब्जीकाे विक्री राम्राे।

मिरिक ९ मार्च ( निसं) मिरिक गाेर्खा रैथाने हाटमा बिक्रीमा राखिएकाे जैविक साग सब्जीकाे विक्री राम्राे भइरहेकाे स्थानीय सब्जी ब्यापारीहरूले जानकारी गराएका छन। प्रत्येक शनिबार मिरिक झील परिसरमा लाग्ने गाेर्खा रैथाने हाटमा मिरिक बस्ती अनि साैरेनी बस्तीमा उत्पादित जैविक साग सब्जी अनि दालहरू विक्रीमा राखिएकाे छ।जाे किन्न स्थानीय मानिस लगायत मिरिक पर्यटन केन्द्रमा घुम्न आउने पर्यटकहरूकाे भीड लाग्ने गरेकाे देखिन्छ।हाल हाटमा डुकु,सिमरायाे,ब्राेकाउली,स्कुसकाे जरा,मटर ,सिमी आदि विक्रीमा राखिएकाे छ ।जसकाे विक्रीपट्टा राम्राे भइरहेकाे यहाँका सब्जी ब्यापारीहरूले जानकारी गराँउदै गाेर्खा रैथाने हाट लाग्न थालेपछि आमदानी बडेकाे बताएका छन।यता मिरिक गाेर्खा रैथाने हाट संचालन समितिका अध्यक्ष श्रीदर्शन गुरूङले मिरिक गाेर्खा रैथाने हाटमा बिक्रीपट्टा राम्राे भइरहेकाे जानकारी गराँउदै यसकाे लाभ ब्यापारीहरूलाई भइरहेकाे बताए।तिनले पहिलाकाे ठाँउमा हाट सारिएपछि हाट राम्रोशीत लाग्न थालेकाे जानकारी गराँउदै हाटमा विशेष गरि स्थानीय ब्यापारीहरूलाई नै अवसर प्रदान गरिएकाे बताए।

09/03/2024

भारत भरी BJP बनिन्दैछ दार्जिलिंगबाट 100% बनिन्छ: निरज जिम्बा, विधायक दार्जीलिङ्ग।

09/03/2024

साम्सु अनि लामा गाउँमा विभिन्न विकासको परियोजनाको शिलान्यास

रेलिङ: दार्जिलिङ पहाडमा पञ्चायती व्यवस्था फर्किआएपछि ग्रामीण भेगमा विकासको कार्य युद्धस्तरमा चलिरहेको छ। यसै क्रममा आज रेलिङ ग्राम पञ्चायत अधिनस्त अप्पर साम्सु अनि अप्पर लामा गाउँमा म्याराथन रूपमा विभिन्न विकास परियोजनाको शिलान्यास गरियो । कार्यक्रमको पहिलो चरणमा अप्पर साम्सु शेर्पा गाउँमा बर्निङ घाट 5 लाख 79 हजार रूपियाँ लागतमा अनटाइटमा योजना मार्फत निर्माण हुनेछ भने यसरी नै पिउने पानी अप्पर साम्सु गग्लते झोडादेखि साम्सु प्राथमिक पाठशालालाई दुई लाख 79 हजार रूपियाँ बराबरको लागतमा पञ्चायत समितिबाट टाइट योजना मार्फत निर्माण हुनेछ ।

अर्कोतिर , पञ्चायत समिति मार्फत नै रेलिङ खोलादेखि साम्सु खत्री गाउँसम्म पिउने पानी चार लाख 93 हजार रूपियाँ लागतमा टाइट योजनामा निर्माण हुनेछ भने अनटाइट योजनाबाट अप्पर लामा गाउँ गोकुल हाउसदेखि निमदावा हाउससम्म बाटोको सोलिङ 6 लाख 93 हजार रूपियाँ अनि अप्पर लामा गाउँमा पिउने पानी दुई लाख 97 हजार रूपियाँ बराबरको लागतमा टाइट योजना मार्फत निर्माण हुने भएको छ।

आजको शिलान्यास कार्यक्रममा पञ्चायत समिति सदस्या लकचन्दा लिम्बू शेर्पा , वार्ड सदस्या द्वय पूर्निमा तामाङ, रोनिता लिम्बू, भारतीय गोर्खा प्रजातान्त्रिक मोर्चा साम्सु शाखा सचिव शरण सुवेदी, भारतीय गोर्खा प्रजातान्त्रिक मोर्चा अप्पर साम्सु प्रशाखा सभापति डीएल निराैला, सचिव गणेश खत्री , ठेगादार हेमराज निराेैला लगायतका गाउँले मानिसहरूको बिशेष उपस्थिति थियोे ।

09/03/2024

https://www.youtube.com/live/o3cvmM-tOnM?si=vb3utWMT7g9mhiF2

LIVE: PM Modi attends public meeting in Siliguri, West Bengal

09/03/2024

गाेर्खाल्याण्ड एक्टीभिट्स समूहद्वरा

मिरिक ९ मार्च ( निसं) गाेर्खाल्याण्ड एक्टीभिट्स समूहले शनिबार मिरिकमा पर्चा वितरण गर्याे।यस अवसरमा बाेल्दै गाेर्खाल्याण्ड एक्टीभिट्स समूहका संयाेजक किशाेर प्रधान,शितल सुब्बा अनि आदर्श मगरले समूहले वितरण गरिरहेकाे पर्चामा गोर्खाहरुले बंगालको शासनदेखि छुट्टिन चाहेको इतिहास कुनै नौलो होईन । यो कुरा भारतीय गोर्खाहरु माथि शासन गर्ने केन्द्रिय शासक गोष्ठीहरुले नबुझेको भने पटक्कै होइन। यदि नबुझ्दो हो त कोही बेला हाम्रो समस्यालाई सहानुभूतिपूर्वक विचार गर्ने, पहाड़ तराई डुवर्सको स्थायी राजनैतिक समाधान गरिदिने जस्ता सङ्कल्पहरु गर्ने थिएनन् अनि हाम्रो दीर्घ लम्बित मागको कुरा कोट्याउने थिएनन् भनी उल्लेख गरिएकाे बताए।उनीहरूले राष्ट्रपिता महात्मा गान्धीले भनेका छन्- 'भविष्य त्यस कुरामाथि निर्भर गर्छ जो आज हामी के गर्दैछौं'।
कुनै पनि घटनाले हामीलाई धेरै शिक्षा दिएर गएका हुन्छन् । हामीले प्रत्येक पाँच वर्ष राष्ट्रिय अनि क्षेत्रिय पार्टीहरुलाई विश्वास गरेर बाटो हेरी बस्यौँ। अब यसरी नहुने कुरा पक्कापक्की भयो। हामीले पहिल्यै भनिसकेका छौँ, गोर्खाल्याण्ड कसैले दिन्छु भनेर मागेका होईनौ अनि कसैले दिदैनाै भन्दा माँग्न छोड्ने पनि होइनाै भन्दै अब हामीले हामी बिचमा रहेका कतिपय त्रुटिहरुलाई निफनेर फ्याँक्नै पर्छ। हामीले भनेका छौँ, परम्परागत् बाटोदेखि छुट्टै बाटो अप्नाउनै पर्छ। हामीलाई बाबा साहेब भिमराव अम्बेडकरले दिएको संविधानमाथि पूर्ण विश्वास, आस्था अनि भरोसा छ। हामीलाई पूर्ण विश्वास छ, संविधानले प्रशस्त गरिदिएको मार्गद्वारा नै लक्ष्य प्राप्त गर्न सक्छौँ । यसैले अब यस्तो दस्ता तयार गरौं जो राजनैतिक चलखेल बुझ्ने तर आफैलाई सत्ता केन्द्रित राजनीतिबाट अलग राखेर जातिमुक्तिको सङ्घर्षलाई अघि लिएर जानेछ भने। उनीहरूले गोर्खाल्याण्डको निम्ति अब पनि हामी राजनैतिक चलखेलहरुको सिकञ्जामा पस्नु र फस्नु हुँदैन । गोर्खाल्याण्डको प्रायोजित आन्दोलन हुनु हुँदैन। सरकारको फण्डले, कुनै राजनैतिक दलको अनुदानले, ठूल-ठूलो ठेकादार, उद्योगपति, व्यवसायी अनि पुञ्जीपतिहरुले महत्वाकांक्षा बोकेर दिएको रकमले गोर्खाल्याण्डको आन्दोलन हाँक्नु हुँदैन भन्दै आवेश, आवेग, आक्रोश, संकट अनि हतारमा गोर्खाल्याण्ड आन्दोलनको रणनीति तयार हुँदैन । गोर्खाल्याण्डको निम्ति फुर्सदमा मात्र समय निकालेर हुँदैन।गोर्खाल्याण्डको मागमा ब्रेक लाग्नु हुँदैन, यो निरन्तर चल्नु पर्छ भने।

09/03/2024

https://www.facebook.com/share/v/qKSWNX43gqnrXU4E/?mibextid=oFDknk

08/03/2024

शिक्षक भर्ती घोटाला, ईडीले पश्चिम बंगालका ६ ठाउँमा छापा मार्यो

कोलकत्ता: प्रवर्तन निदेशालय(ईडी)ले पश्चिम बंगालमा शिक्षक भर्ती घोटालाको एक मामिलामा छ ठाउँमा छापा मार्दै छ। प्रसन्न कुमार रायको गिरफ्तारीपछि यो हमला निकै महत्वपूर्ण मानिएको छ । प्रसन्ना पूर्व मन्त्री पार्थ चटर्जीको निकट हुनुहुन्छ। पछिल्लो समय यो ठगीमा संलग्न व्यापारी, लेखापाललगायतका घर तथा कार्यालयमा छापा मारिएको थियो । ईडी र सीबीआई दुवैले कलकत्ता उच्च न्यायालयको निर्देशन अनुसार घोटालामा कथित अनियमितताको अनुसन्धान गरिरहेका छन्।

07/03/2024

दार्जिलिङका लाेकसभा सांसद राजू विष्ट बिहीबार मिरिक आइपुगे।बिष्ट सर्वप्रथम साैरेनी बजार मनाकामेश्वर मन्दिरमा आयाेजित श्रीराम कथा महा पुराणमा सहभागी बने भने सा‌ैरेनी देखि उनी ओकाइटी चियाकमान मन्दिर गाउँ पुगे।मन्दिर गाँउमा पनि उनले स्थानीय नागेश्वर मन्दिरमा भईरहेकाे लिङ्ग महापुराणमा सहभागी बन्दै पुजा अर्चना गरे।यस अवसरमा सांसद राजू विष्टलाई पुराण आयाेजक समितिले स्वागत जनाँउदै जातीय टाेपी अनि खदा लगाएर सम्मान जनाए। ओकाइटीकाे महापुराणमा सम्बाेधन गर्दै सांसद राजू विष्टले पुराण आयाेजक समितिलाई दुई लाख रूपियाँ अनि अधुराे सडक निर्माणकाेलागि पाँच लाख रूपियाँ प्रदान गर्ने घाेषणा पनि गरे।यस अवसरमा दार्जिलिङका विधायक निरज जिम्बा पनि उपस्थित थिए।

07/03/2024

अर्गनाइजेसनद्वारा सय दिने पैसा दिएकोमा राज्य सरकार प्रति आभार
आज घूम जोरबङ्गलो पीपल्स अर्गानाइजेशनको तर्फबाट यसको अध्यक्ष साङ्गे डुक्पा अनि उपाध्यक्ष वाङ्दी यल्मो द्वारा एक भिडियो सार्वजनिक गर्दै गत केही समय देखि रोकिएर बसेको सय दिने रोजगारको रकम राज्य सरकारको पहलमा प्रदान गरिएकोमा अर्गानाईजेशनको तर्फबाट राज्य सरकार प्रति कृतज्ञता प्रकट गरेका छन्।
सय दिने रोजगारको पैसा अडिएर बसेको कारणले आम नागरिकहरुको अर्थ व्यवस्था माथि ठुलो बज्रपात भएको थियो तर अब राज्य सरकारको तर्फबाट सो रकम श्रमिकहरुको हात हातमा पुगेपछि यसले उनीहरुलाई ठुलो राहत पुर्याउने छ भनी अध्यक्ष डुक्पाले बताएका छन्।

साथै केही दिन अघि डाइ एण्ड हाइडिङ बिषय जसमा जीटिए क्षेत्रमा कार्यरत शिक्षक शिक्षिकाहरुको मृत्यु उप्रान्त उनीहरुकै ३२ जना छोरा छोरीलाई नोकरी उपलब्ध गराएको बिषय माथि पनि अर्गानाईजेशनको तर्फबाट हर्ष प्रकट गरेका छन्।

साथै अर्गानाईजेशनको तर्फबाट आगामी आँउदै गरेको लोकसभा चुनाउमा सबै मतदाताहरुले आफ्नो अमुल्य मत दान गरी देशको सरकार चुन्ने अनि गणतन्त्रको रक्षा गरिदिने अपिल पनि गरेका छन्।

साथै तीन माईलमा निर्माणधिन अवस्थामा रहेको अस्पतालको पनि चाडो भन्दा चाडो उद्घाटन गरिनु पर्ने अनि विश्व प्रसिद्ध पर्यटन स्थल टाइगर हिलमा पनि पर्यटकहरुको सुविधाको निम्ति साथै यहाँको पर्यटन व्यवस्थालाई अझ व्यवस्थित बनाएर लानको निम्ति आवश्यक कार्यहरु गर्नु पर्ने अर्गानाईजेशनको तर्फबाट डुक्पाले अपिल समेत गरेका छन्।

06/03/2024

गोरामुमो कालेबुङ द्वारा सांगठनिक बिस्तार युद्ध स्तरमा।

गोर्खा राष्ट्रिय मुक्ति मोर्चा द्वारा कालेबुङमा आफ्नो सांगठनिक बिस्तारलाई युद्ध स्तरमा जारी राखेका छन् । समष्टिहरुमा सांगठनिक बिस्तार गर्दै ग्राम पञ्चायत क्षेत्रमा नयाँ कमिटी गठन साथै पुनः गठन प्रक्रियालाई जारी राखेको पार्टीका मिडिया सेल प्रभारी दिनेस साम्पाङले जानकारी दिएका छन् । यसैक्रममा चौबीस नम्बर समष्टि पाबरिङ टार ग्राम पञ्चायत अन्तर्गत सन्यासी डाँडामा सांगठनिक सभा बस्यो । गोरायुमो कालेबुङ ब्राञ्च कमिटी अध्यक्ष बुद्ध तामाङको प्रमुख उपस्थितिमा बसेको सभामा पार्टी अध्यक्ष मन घिसिङको निर्देशन अनुसार प्रत्येक समष्टिलाई दरिलो बनाउनको निम्ति शाखा स्तरीय कमिटी गठन गर्ने सभामा प्रस्ताव पारित गर्दै पाबरिङ टार ग्राम पञ्चायत अन्तर्गत श्रीजिम , चुनाभट्टि , बरबट अनि सन्यासी डाँडलाई लिएर ग्राम पञ्चायत स्तरीय कमिटी गठन गरियो । 2010 देखिनै पाबरिङ टार ग्राम पञ्चायत स्तरीय चिफ कन्भेनरको रुपमा आफ्नो भुमिका निभाइरहेका प्रसाद मगरलाई अध्यक्षको पदमा सभाले सर्वसम्मतिले चयन गरियो । यसैगरी उपाध्यक्षमा जंगे सार्की अनि अमृत छेत्रीलाई चयन गरियो । सचिवमा ग्याल्पो शेर्पा अनि सह सचिवमा दिलीप छेत्री कोषाध्यक्षमा महेश छेत्रीलाई चयन गरिएका छन् ।यसैक्रममा सभाले चाडैंनै ग्राम पञ्चायत स्तरीय गोर्खा राष्ट्रिय युवा मोर्चाको पनि कमिटी गठन गर्ने निर्णय लिएका छन् ।

06/03/2024

आज दिनाङ्ग 6 मार्च बुधबारको दिन भारतीय जनता पार्टी तीनधारे शाखा मण्डलले तीनधारे धैयावारी ग्राम पञ्चायत 2 का पञ्चायत सदस्यहरू साथै पञ्चायत समिती सदस्यहरु मिली, सम्माननीय प्रधान मन्त्रीलाई पहाडको स्थायी समस्याको समाधान गर्न हेतू पत्रचार गरेका छन् । उल्लेखनीय छ मोदीजीले गोर्खाको सपना मेरो सपना भन्नी गोर्खाको आकाक्षा पूरा गर्छु भन्नु भएको थियो । यसर्थ आज भाजपा तिनधारे शाखा मण्डलले भारत सरकार समक्ष पत्र प्रेषित गर्दै उक्त विन्ती पोखेका छन् ।
आज तिनधारे शाखा भाजपा मण्डलद्वारा डाकिएको एउटा प्रेस भेला मार्फत
उक्त जानकारी प्राप्त भएको छ।
आजको उक्त टोलीमा अजय बिश्वकर्म पञ्चायत सदस्य, पञ्चायत समिती स्नेह वरदेवा, सुश्मीता गजमेर, सुरेश बम्जन, दीपराज माझी, सागर दास, ईमानवेल राई आदि उपस्थित रहेका थिए।

06/03/2024

लोवर साम्सु मानेडाँडा नोर्देन हाउसदेखि प्रदिप हाउससम्म सिमेन्ट कंक्रीट रोड निमार्ण कार्य शुरू

रेलिङ : दार्जिलिङ पहाडमा पञ्चायती व्यवस्था फर्किआएपछि प्रत्येक ग्राम पञ्चायतको विभिन्न ठाउँहरूमा धमाधम बिकासको काम चलिरहेको छ। यसै क्रममा आज रेलिङ ग्राम पञ्चायत अधिनस्त लोवर साम्सु मानेडाँडा नोर्देन हाउसदेखि प्रदिप हाउससम्म सिमेन्ट कंक्रीट रोडको निमार्ण कार्य शुरू गरेको छ। रेलिङ ग्राम पञ्चायत अधिनस्त साम्सु वार्ड नम्बर एककी वार्ड सदस्या पुर्निमा तामाङको बहुलीबाट "सिमेन्ट कंक्रीट रोडको" विधिवत रूपमा पूजापाठ गरि उद्धाटन गरियो। उक्त सिमेन्ट कंक्रीट रोड लगभग 5 लाख 92 हजार रूपियाँ बराबरको लागतमा टाइट योजनामार्फत निर्माण हुनेछ भने क्षेत्रका 45 भन्दा बढी घरका मानिसहरूले सुविधा पाउने भएको छ।

दार्जिलिङ पहाडमा मानिसहरूले लामो समयदेखि पञ्चायती व्यवस्थादेखि बञ्चित भएर बसेका थिए भने जीटिए अध्यक्ष अनित थापाको कुशल नेतृत्वमा पहाडमा पञ्चायती व्यवस्था फर्किआएपछि प्रत्येक ग्रामका मानिसहरूले बुनियादी सुविधा पाउनु थालेको छ भनी भारतीय गोर्खा प्रजातान्त्रिक मोर्चा रेलिङ कैंजले समष्टि युथ कार्यकारी अध्यक्ष राजु पोखरेलले बताएका छन। उनलेे अघि भने , हामी पञ्चायती व्यवस्था मार्फत यसरी गाउँलाई विकासको मार्गतिर लगिरहेका छाैँ। विगतमा पञ्चायती व्यवस्था ठिक नभएकोले गर्दा गाउँघरका मानिसहरूले सासानो सुविधा पाउनबाट बञ्चित भएको थियोे । अब बिस्तारै गाउँमा बिकास हुँदैछ । हामी गाउँको पक्षमा जीटिए अध्यक्ष अनित थापा अनि क्षेत्रीय भारप्राप्त सभासद सतिश पोखरेलप्रति हार्दिक आभार प्रकट गर्दछौं उनले भने।

आजको उद्धाटन कार्यक्रममा भागोप्रमो लोवर साम्सु प्रशाखा(5 ) वार्ड नम्बर 1 का सभापति अम्बर बहादुर पोखरेल, सचिव कपिल गुरूङ लगायतका गाउँले मानिसहरूको बिशेष उपस्थिति रहेको थियोे ।

06/03/2024

मिरिक नगरपालिकास्थित बार्ड नम्बर तीन थाना लाइनमा सार्वजनिक भवन निर्माणको शिलान्यास बुधबार जीटीए सभासद धुर्ब बोम्जनद्वारा गरिएको छ। लगभग पचास लाखको लागतमा निर्माण हुने सार्वजनिक भवनले स्थानीयहरुको आवश्यकतालाई सम्बोधन गर्ने बिश्वास छ। सार्वजनिक भवनको अभावको कारण कतिपय सामुदायिक कार्यक्रम तथा अनुष्ठान गर्न असुविधा भइरहेको स्थानीयहरुले बताएका छन। सार्वजनिक भवनको अभावमा कर्मकाण्ड गर्नको निम्ति बाहिर जान पर्ने बाध्यता गाउँलेहरुको रहेको बेला सार्वजनिक भवन निर्माणले धेरै सुविधा हुने स्थानीयहरुको भनाई छ। यस अवसरमा स्थानीयहरुले सार्वजनिक भवन निर्माण गरिदिने गोर्खाल्यान्ड क्षेत्रीय प्रशासनका मुख्य कार्यपाल अनित थापाप्रति आभार प्रकट गरेका छन। यसका साथै 24 नम्बर समष्टि सभासद मिलेश राई अनि 23 नम्बर समष्टि सभासद धुर्ब बोम्जनप्रति पनि स्थानीयहरुले कृतज्ञता प्रकट गरे।
कार्यक्रमको संचालन भागोप्रमो युवाशक्ति मिरिक महकुमाका अध्यक्ष उमेश तोलाङ्गीले गरेका थिए। तोलाङ्गीले पहाडमा हाल बिकासको मुल फुटीरहेको बताएका छन। अनित थापाको नेतृत्वमा रहेको जीटीएले कुनै भेदभावबिना बिकासको आधारशिला राखिरहेको भन्दै तिनले जीटीए प्रमुखप्रति आभार प्रकट गरे। शिलान्यास कार्यक्रममा मिरिक महकुमा युवा शक्ति अध्यक्ष उमेश तोलाङ्गी, पंचायत समिति सदस्य समिर राई, ग्राम पंचायत सदस्य कृष्णबीर प्रधान, मिरिक महकुमा जनसम्पर्क अधिकारी विवेक गोले, आलोक गुरुङ, भुपेन तामाङ, मिङ्मा लेप्चा आदि अतिथिको रुपमा उपस्थित थिए। स्थानीयहरुले जीटीएको यो कदमको स्वागत गर्दै हर्ष प्रकट गरेका छन। शुकबहादुर थिङ, कुमार प्रधान,प्रन्यम लामा, अनिल भारती, अनुप राई,उदय राई, बिमल भारती, समिर गुरुङ आदिले सार्वजनिक भवन निर्माण चाडै पुरा हुन्छ भनी आशा बिसाएका छन।

06/03/2024

कैन्सार रोगी बिष्णुमाया राईलाई आर्थिक सहयोग गरेकोमा दार्जिलिङका संसाद राजु बिष्टप्रति आभार प्रकट

बिजनबारी: दार्जिलिङका संसाद राजु बिष्टले गोक एक ग्राम पञ्चायत अधिनस्त कमजोर बस्ती निवासी बिष्णुमाया राईलाई आर्थिक सहयोग प्रदान गरेको छ। उनी लामो समयदेखि कैन्सार जस्तो घातक रोगले ग्रस्ति थिईन । उनलाई उपचारका लागि बढी खर्च लाग्ने भएकोले गर्दा संसाद राजु बिष्टको पहलमा प्रधानमन्त्री राहत कोषबाट 3 लाख रूपियाँको आर्थिक सहयोग प्रदान गरेको छ। उक्त बिषयमा आज भारतीय जनता पार्टी पुलबजार गोक मण्डल अध्यक्ष प्रमोद लावतीले जानकारी गराउँदै बिमारीलाई यसरी ठूलो आर्थिक सहयोगको हात बढाएकोमा संसाद बिष्टप्रति आभार प्रकट गरेका छन। अर्कोतिर , रङ्गदुमा बुथ सशक्तीकरण गराउनका लागि एक सभाको आयोजना गरियो। जसमा आउँदो लोकसभा चुनाउमा जनताले फेरि पनि संसाद राजु बिष्टलाई प्रार्थीको रूपमा हेर्नू चाहेको अनि उनलाई नै साथ दिने जनताले मान बनाइसकेको प्रमोद लावतीले जनाएका छन भने कार्यक्रममा मण्डल उपाध्यक्ष बिबि रावाली , राजेन तामलिङ्ग, महासचिव रबिन सुब्बा ,कोषाध्यक्ष रोहित प्रधान ,युवा प्रकोष्ठ अध्यक्ष भिम सुब्बा लगायतका अन्य उपस्थित थिए।

05/03/2024

मिरिक वार्ड नम्बर 8 महिन्द्र गाउँको मनकामना समूह द्वारा महादेवटार धाममा सरसफाई अभियान

अध्यक्ष सोनी राई, सचिव मञ्जु शर्मा अनि क्यासियर प्रनिता गिरीले यसबारे जानकारी दिदै।