Ka long kaei kaei kaba itynnad ban ïohi ïa ar ngut ki mei-ieid ki ba dei shipara, kiba la ïaid ryngkat ryngkat sha ka jaka thep vote ban ai ïa ka vote jong ki na bynta ban jied nongmihkhmat ha kane ka elekshon Sohïong ha ka 10 tarik Jymmang 2023.
Kine arngut, kata i mei-ieid Kror Sun, 77 snem ka rta bad i mei-ieid Amula Sun, 67 snem ka rta, ha la ki jaiñ kyrshah bad tapmoh khlieh, kidei kiba ju ïaleit ryngkat beit naduh mynshuwa kata man ba ki leit ban pyndep ïa ka hok jong ki, ban thep vote bad kumjuh ha kane ka sngi ruh, kam shym la don jingkylla bad ki la leit biang kumjuh kumba ju leh.
Ryngkat u dieng shanduh, i mei-ieid Kror Sun i la kren da ka jingsngew sarong ba i la shim bynta sh*trhem ha ka tamasa jong ka synshar khaddar. “Ngi la ju thep vote mynta ym lah ñiew shuh, ngim kynmaw shuh mynno ngi ai nyngkong eh ïa ka vote jong ngi ruh,” la ong i mei- ieid.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #Sohïong #synsharthabah #UDP #voter #election
Katto katne kynta shuwa ban kut ka por ïalap elekshon ha Sohïong, ki nongkyrshan jong ki seng saiñ pyrthei bapher bapher ki la mih paidbah ban kyrshan ïa la ki kyrtong ki ba thmu ban ïakhun ïaka elekshon ha Sohïong.
Kumban shu pynkynmaw, ka elekshon Sohïong kan long ha ka 10 tarik Jymmang bad ka jingpynbna ïa u nongjop pat kan long ha ka 13 tarik Jymmang.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #Sohïong #HSPDP #Congress #NPP #UDP #TMC
U Myntri ka sorkar pdeng, u Nityanand Rai ha ka 3 tarik Jymmang u la plie pyrda ïa ka Land Port ha Dawki, West Jaiñtia Hills, ha ryngkat ka jingïadonlang u Symbud Myntri Rangbah ka jylla, u ba dei ruh Myntri ka Urban Affairs jong ka Sorkar jylla, u Bah Sniawbhalang Dhar ryngkat ka jingdonlang kiwei pat.
Kane ka Land Port kadei ka projek ba kongsan jong ka sorkar pdeng kaba thmu ban kyntiew ïa ka kam khaïi pateng hapdeng ka ri India bad Bangladesh. Kum shibynta ba kane kan long kum ka bynta ba hakhmat ha ka khaïi pateng, ka Land Port ha Dawki kan pynsuk ruh ïa ki nongleit nongwan kiba ha ki thaiñ khappud.
Ka jingpynroi ïa kane ka Land Port Dawki ka dei kaba la mynjur da ka High Level Empowered Committee jong ka MHA ha ka 4 tarik Rymphang jong u snem 2016.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #landport #dawki #border #indobangla #homeminister #NityanandRai
Kawei ka kali ba leit synran pahara ïa u Myntri Rangbah ka jylla ka la lymbub ïa kawei ka thuk thuk ha Domsohshan Nongkasen ha Eastern West Khasi Hills district, katba kane ka kali ka dang wanphai na ka prokram ba la long ha Nongstoiñ ha ka 3 tarik Jymmang.
Ki ba la sakhi ïa kane ka jingjia ki la ong ba u nongñiah jong ka kali saw shaka um shym la kwah ban pynbeit ïa ki jingbakla, hynrei na ka daw ka jingdon ki paidbah ki bym shym la ailad satia ïa u ban mih, um banse ban hap ap haduh da wanpoi ki pulit ha kane ka jaka.
Katkum ba la lum jingtip, kane ka jingjia ka la jia hajan ka skul St. Joseph's Nongkasen katba kane ka thuk thuk ka dang wan ïaid na Markasa, u nongñiah jong kane ka thuk thuk u la mynsaw malu mala bad ym shym la don kano kano ka jingduh kaba heh.
Ynda la wan ki pulit, la ïalam noh ïa kine ki baroh arngut sha Police Station ha Mairang khnang ban pynbeit ïa ka jingbakla hapdeng jong phi.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #mairang #policestation #conradsangma #escort #nongstoin #collide
Ki MLA ka People’s Democratic Front (PDF) u Bah Gavin Miguel Mylliemngap bad u Bah Banteidor Lyngdoh, ha ka 2 tarik Jymmang ki la ong ba ka seng kan sa ai ïa ka khubor ba bha ha ki sngi ban wan.
Haba kylli halor ka jingpynïasoh sha ka NPP, u Bah Lyngdoh u la buh jingkylli, "Mano ba ong ïa kata? Ym don eiei kaba kum kata. Kumno phi lah ban ong ïa kata haba ka lama jong ka PDF ka dang her shajrong hangne. Kiei kiei baroh kiba ngi leh, ngi leh da kaba ïa sngewthuh jingmut lang bad baroh. Hynrei ap, phin ïoh ka khubor ha ka por kaba biang."
Haba kylli la ki don ka jingïakren bad ka NPP, u la ong, "Hooid, ngi leh ïa kata man la ka sngi. Phin sa ïoh khubor babha ha ki sngi ban wan."
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #PDF #BanteidorLyngdoh #NPP #merger
U National President ka National People’s Party (NPP) uba dei ruh u Myntri Rangbah ka jylla, u Conrad K Sangma, ha ka 2 tarik Jymmang u la ong ba ka seng ka dang ïakren bad ki nongïalam ka People's Democratic Front (PDF) halor ka jingpynïasoh jong ki sha ka NPP.
“La ïathuh ïa nga ba ka PDF ka dang pynlong ïa ka central executive committee katba ngi dang ïakren bad hadien kata kin sa pynlong ïa ka general council meeting, kumta nga tharai ba ki nongïalam ka PDF ki don ha ka bynta kaba ki kham lah ban ïathuh ïa phi kaei ka rai kaba kin shim (halor kane),” u la bynrap.
Haba kylli la la kular ban ai shuki Myntri sorkar ïa ki MLA ka PDF, u Sangma u la ong, “Ïa mynta ngi dang shu ïakren ïa kane ka bynta kumta ngi hap ban ap ïa ka rai kaba kin shim bad ngin sa shim ïa ka rai kumno ban ïaid shakhmat.”
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #ConradKSangma #NPP #PDF #merger
Ka Seng Hynniewtrep National Youth Movement (HNYM), mynta ka sngi ka 26 Ïaïong kala leit ban ïakynduh ïa u Deputy Commissioner ka WKHD, u bah Garod LSN Dykes ban ujor halor ka jingthut khah khah ka network bad internet hapoh ka District.
Kane ka jingleit ujor jong ka Seng sha u DC kadei ruh hadien ba ka Seng kala ïoh pdiang ïa ka jingud jingnam jong ki paidbah kaba la ktah shisha ïa kiba bun khamtam ïa ki jaka treikam kiba pyndon kam da ka internet kumjuh ruh ïaki khynnah pule kiba hap ban pyndonkam da ka internet ha ka pule puthi jong ki.
Na ka liang jong ka Seng kala kyntu ïa u DC ba un shimkhia lem ha kaba ïa dei bad kane ka phang khnang ba kan long ka jingmyntoi ïa ka dong ka thaiñ hi baroh kawei bad na ka liang jong u DC u la kular ha ki dkhot ka Seng ba un sa khot ïa ki kompeni tower ban pynbeit noh ïa kane ka jingthut ba la buh jingeh ïa ki paidbah.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #Nongstoiñ #tower #network #deputycommissioner #HNYM
Lai sngi hadien ka jingtwa u lum kaba la ktah ïa ka bynta ka surok Shillong-Dawki ha Rngaiñ hajan Pynursla, ha kaba ar ngut ki briew ki la duh ei ïa la ki mynsiem, ki bor peit ki la lah ban pynkhuid noh katto katne ki bynta ha ka surok kaba la shah ktah.
“La lah ban pynkhuid noh katto katne ki bynta ha ka surok mynta ka sngi. Ka jingpynkhuid ïa ki synrum na ka surok ka dang ïaid shakhmat,” la ong u Superintendent of Police ka East Khasi Hills, u Bah S Nongtnger ha ka 17 tarik Ïaïong.
Kumban shu pynkynmaw, la khang lynti ïa kane ka surok haduh lai sngi, kata naduh ka janmiet 14 tarik Ïaïong, hadien ba ka jingtwa u lum ka la pynlong ïa ki maw baheh ban lynthem ïa kawei ka kali bad khynñiat ïa ka sha riat, ryngkat bad ar ngut ki nongshong kali, uwei na ki u dei u Rangbah Shnong ka shnong Wahlyngkhat.
La ïoh ban sei noh ïa ka met jong kine ki ar ngut hadien bun kynta ka jingwad kaba la sdang ha ka janmiet jong ka 14 tarik Ïaïong bad kaba la neh haduh ka step jong ka 16 tarik Ïaïong.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #landslide #pynursla #accident
U General Secretary ka seng saiñ pyrthei Voice of the People Party (VPP), u Dr. Ricky A.J Syngkon, ha ka 6 tarik Ïaïong u la phah da ka sh*thi sha u Myntri Rangbah ka jylla, u Conrad K Sangma ban kyrpad ban buh noh da ka dorbar kyrpang na bynta ka mat halor ka ‘Reservation Policy’.
Kane ka long hadien ba ka Ïing bishar Meghalaya High Court ka la ong ba ïa kane ka mat hap ban rai shwa da ki nongthaw aiñ hapoh ka Ïing dorbar thaw aiñ ka jylla , kaba yn sa lah pat ban pdiang da ka Ïing bishar.
Lah ban shu pynkynmaw ba ïa kane ka mat bhah kam bhah jam (Reservation Policy) la wanrah da ki nongmihkhmat na ka seng VPP hapoh ka dorbar mang tyngka ba dang shu dep pynlong shen.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #voiceofthepeople #MDA #meghalayahighcourt #reservationpolicy #specialsession #meghalayalegislativeassembly
Uwei u samla khasi uba shong ba sah hapoh Mawprem, u Jovial Andre Laloo, uba la shah hikai pyntbit kum u Paragliding Pilot na ka shlem ai jinghikai her paragliding ka Skylark School of Paragliding kaba don hapoh Bir Billing Himachal Pradesh Paragliding, yn sa leit ban ïa shim bynta ha ka Accuracy Pre World ka ban sa long ha Himachal Pradesh Bir Billing naduh ka 5 haduh ka 9 tarik Ïaiong 2023.
Ka Bir Billing-Himachal Pradesh ka long ka jaka kynthih paragliding kaba long ba ar ha ka jingjrong ha Pyrthei shi tyllup kaba jrong 5000 feet napoh sla madan bad kumba 8000 feet napoh sla duriaw.
Ka Bir ka long ka jaka hiar ryngkew ha kaba ki nongher paragliding kin hap ban kynthih napoh Billing kaba dei ka jaka ba la ju tip da baroh hapoh ka ri India kum ka India Paragliding paradise.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #paragliding #BirBillingHimachalPradeshParagliding #JovialAndreLaloo #AccuracyPreWorld
U general secretary ka National People’s Party (NPP) na East Khasi Hills distrik, u Bah Aibor Tynsong u la ïathuh ba shen ka seng kan sa pynlong jingïalang haba ïadei bad ka elekshon ban sa long ha Sohïong konstitwensi.
Haba kren sha ki lad pathai khubor ha kane ka sngi, u la ong “Ngi la ïohi ïa ka jingpyntip ba la pynbna da ka election commission bad shen ngin sa shong jingïalang noh. Ka election committee jong ka jylla bad ka distrik ruh kumjuh kan sa shong ban ïakren halor kane.”
Sa shisien ryngkat ka jingïakhun pyrshah ïa kiwei ki seng sain pyrthei, u Bah Tynsong u la ong ba ka jingthmu ka long ban wanrah jingjop na Sohïong konstitwensi wat lada u la ong ba ka rai ka shong ha ki paidbah.
Shuh shuh na ka liang u president ka NPP youth wing,u Bah Nicky Nongkhlaw u la ong ba ka NPP kan trei bad kan pyntip ïa ki paidbah shaphangki rukom pyrkhat jong ka seng bad kin ïaleh ïa kane ka elekshon katkum ka rukom pyrkhat jong ka seng wat lada ka UDP bad ka NPP ka ïateh kam ha kane ka sorkar MDA 2.0.
U la ong ruh, “Ki paidbah ka Sohïong ki long kiba stad. Tangba lada ngi kren ïa kata,ka dei hi ka sorkar ba ïalam da ka NPP.”
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #NPP #Sohïong #Byeelection #MDA2.0
Ha kawei ka jingjia ba la jia ha ka shnong Jengriktgre ha Tikrikilla, West Garo Hills distrik ha ka 29 tarik Lber 2023, kawei ka longkmie ka la khlad noh ryngkat iwei i khyllung hadien ba ka la kha haduh saw ngut ki khyllung shisien kha.
Kane ka longkmie ka la kha saw ngut ki khyllung bad tang mar syn dep kha ka la khlad noh. Iwei napdeng kita ki saw ngut ki khyllung ruh i la khlad noh tang hadien katto katne por.
La shimti noh ban peit bad sumar ïa kita ki laingut ki khyllung ba dang im da ki bahaïing hasem bad ki bor ka tnad ka koit ka khiah.
Follow @kynjatshai_
Website: www.kynjatshai.com
WhatsApp: +91 98638 13780
Email: [email protected]
Facebook: Kynjatshai
YouTube: Kynjatshai
#news #meghalayanews #kynjatshai #Instawithkynjatshai #khasinews #khuborkhasi #Tikrikilla #westgarohills #Quadruplets
