U 7trep Media Network

U 7trep Media Network News and Information

Ka skul Mynken Christian Higher Secondary School, Bhoirymbong ka la ioh ban pynkut noh ka ia ka jingrakhe jong ka jingda...
23/10/2023

Ka skul Mynken Christian Higher Secondary School, Bhoirymbong ka la ioh ban pynkut noh ka ia ka jingrakhe jong ka jingdap kaba 60 snem pura ka jong ka lane ka Diamond Jubilee kaba ia katei ka jingrakhe la sdang naduh ka 16 Tarik Risaw bad la pynkut pat ia ka haka 20 Tarik Risaw 2023 kaba la pynlong ha phyllaw skul.

Hakatei ka Sngi pynkut la wan ban sakhi da U Bah Charles Marngar uba dei u MLA/ MDC Mawhati Constituency K*m u Kongsan bad ka Kong W.Blah Principal ka Alpha Higher Secondary School,Nongpoh K*m ka Symbut Kongsan haka jingiadon lang ruh ki Nongialam Balang kiba kynthup naduh ki Pastor ki Tymmen Basan bad kiwei kiwei.

Kat k*m u Principal jong katei skul u Babu Everlasting Pyngrope haba iathuh katto katne ka history lyngkot shaphang katei ka skul naduh ba la sdang ia ka tad haduh haduh kane ka kynti kaba mynta kaba la kynjoh syndon sha u Mawmer ba 60 snem, u la iathuh ba ia skul la sdang seng ha u snem 1963 da ki nongialam ka Balang Presbyterian District Bhoirymbong-Kyrdem hakata ka por la don tang kawei ka jaka p**e hakatei thain Eastern Ri Bhoi kata ka Mynken Senior Basic School kaba dei ka skul sorkar kaba don tang haduh Class - VI bad da ka jingshimkhia bad ka jingtreish*tom ki nongialam ka Balang Presbyterian District Bhoirymbong -Kyrdem haryngkat da ka jingnoh synñiang jong ki Balang lyngba da u khaw kham bad da kiwei kiwei ki jingnoh synñiang hakatei ka por hadien katto katne por la lah ban pat plie sa ia ka Higher Secondary School bad hadien kata hakatei ka hi kajuh ka snem kata 1963 la ioh pat sa ia ADHOC Grand na ka Sorkar Assam bad hadien ka jingiaid lynti haka jingialam u Babu F.S Lapang u ba la bam kwai ha dwar u Blei ha u snem 1981 katei ka skul ka la ioh ban rung haka Dificit Grand bad ha u snem 1993 naka Liang ka sorkar ka la jied ban buh k*m ka Examination centre jong ka ekasamin Matric jong ka MBOSE bad naduh katei ka snem haka jingiaid lynti wat hapdeng ka jingiakynduh ia shibun ki jingeh Hynrei da ka jingtrei sh*tom ki nongialam Balang Ryngkat ka School Managing Committee katei ka skul ka la long k*mba ka long mynta kaba hakatei ka skul ki la don k*mba lai tylli jait jingp**e haka kyrdan Higher Secondary kaba kitei ki jait jingp**e ki long ka Science Stream , Commerce Stream bad ka Art's Stream nalor kitei jait jingp**e ki don ruh sa kiwei pat ki jait ai jinghikai kiba kynthup Ka jinghikai haka rukom rep rukom riang lane ka Agriculture, ka rukom jinghikai ha Ki kam kiba ki samla p**e kin lah ban sengkam sengjam lade lane Vocationall Training bad kiwei kiwei.

Nalor kitei te ale ngin ia sngap shuh shuh ki jingbatai jong Principal U Babu Everlasting Pyngrope shaphang katei ka skul bad ka jingiaid lynti ka jong ka.

Ka Na Rympei Youth Organization ka la plie noh ia ka shlem ai jinghikai k*mno ban nang lehkai bol na ka bynta ki khynnah...
23/10/2023

Ka Na Rympei Youth Organization ka la plie noh ia ka shlem ai jinghikai k*mno ban nang lehkai bol na ka bynta ki khynnah shynrang bad kynthei.

Katei ka shlem ba la tip k*m ka Football Academy kan long kyrpang ia ki khynnah kiba naduh ka 6 snem ka rta haduh 20 snem ka rta, ka ban long ha Nongjri, kaba hap hapoh ka C&RD Block Umsning, Ri Bhoi district, ha kaba la plie paidbah ia ka da u Bah Neversad Makdoh, uwei na ki dkhot ha ka Executive Committee ka Ri Bhoi Youth Federation (RBYF), ha madan Nongjri, ha ka 21 tarik Risaw, 2023.

Haba kren ha ka jingialang, u Bah Neversad k*m u Kongsan, u la kyntu jur ia ki nongialam ka Na Rympei Youth Organization ba ki dei ban long ki nongtei kiba stad, bad kiba tylli khlem don kano kano ka jingiapher jingmut hapdeng para ma ki, khnang ban pyntyllun ia ka jingthmu ban seng ia ka shlem bad ban ai jingshakri kaba janai sha ki khun hep bad ki samla kiba don sap ha ki kam lehkai bol.

Kiwei kiba la don lang ki kynthup ia u Bah RB Shadap, President ka RBDSA, k*m u Symbud Kongsan, uba la pynpaw ka jingdiaw ba ka Ri Bhoi district ka la sei ki rang lehkai kiba tbit, hynrei ka long pat ka district ka bym ioh ia ki madan lehkai kiba biang, watla ki bor sorkar ki la kular, pynban kim shym la ibit hangno hangno ruh, hynrei u la ong pat ba ka don ka jingkyrmen ba shisien ka sngi ka sorkar kan sa phai khmat ban pynioh ki madan kiba bha ha ka district.

Kiwei pat kiba la sakhi lang ki kynthup ia u Bah Dipshon Ryntathiang uba la mihkhmat na ka Meghalaya Football Association, u Bah Jeffrey Warlarpih, uwei na ki nonghikai lehkai bol, kiwei ki nonghikai, nangta sa u Bah Jameson Jana, Chairman Nongjri Town Durbar, u Bah Ferdinand Thangkhiew, President ka Nongjri Sports Club, bad kiwei kiwei.

Ha katei ka jingplie, la sakhi ruh da ka jingiakhun lehkai bol paralok ki khynnah rit, kata, hapdeng ka Umsning Grass Root Centre pyrshah ia ka Mawhati Grass Root Centre.

Ka Aventurous Hynñiewtrep Off Roaders ne ka AHOR, ka la pynwai noh ia ka lympung ñiah kali ha ka surok khohruh khohram k...
23/10/2023

Ka Aventurous Hynñiewtrep Off Roaders ne ka AHOR, ka la pynwai noh ia ka lympung ñiah kali ha ka surok khohruh khohram kaba la tip k*m ka 5th 4x4 off roads challenge, bad ka dei ka lympung ba la shim bynta da ki 60 ngut ki nongñiah kali kynthei bad shynrang na kylleng ki jylla ka thaiñ Shatei Lam Mihngi bad ruh na ka jylla.

Katei ka lympung la pynwai noh ha ka 21 tarik Risaw da u Addl Deputy Commissioner ka Ri Bhoi district, u Bah MB Tongper, ha kaba la sakhi lang da ka jingdon lang u Bah William Hek k*m u Symbud Kongsan, ryngkat ki nongkitkam ka AHOR, ba kynthup ia u President u Bah Damian Umdor, u Vice President u Bah Feedynald Kharkamni bad kiwei kiwei.

Ha ka jingialang pynwai noh ia katei ka lympung kaba long ruh k*m kawei na ki tamasa ñiah kali ha ki surok khohruh khohram, la sam ruh ia ki khusnam ha ki kyrdan ba la buh bynta da ki Kongsan ryngkat ki riew pawkhmat.

Lah ban kdew ba katei ka jingiakob ka la sdang ha ka 19 tarik Risaw, 2023, ha ki surok khohruh khohram jong ka Kharsati park, Kyrdemkulai bad kaba la neh lai sngi lynter bad ba la pynwai noh ha ka 21 tarik Risaw, 2023.

NA KI 5 NGUT TANG UWEI U NONGMIHKHMAT BA POI SHA LYMPUNG LEHKMEN KI NONGSHET JA SKUL Haidien ka jingtrei jingsh*tom bad ...
23/10/2023

NA KI 5 NGUT TANG UWEI U NONGMIHKHMAT BA POI SHA LYMPUNG LEHKMEN KI NONGSHET JA SKUL

Haidien ka jingtrei jingsh*tom bad ka jingiaid lynti kaba shisnem pura ki nongshet ja skul kiba don hapoh ka Shatri jong ka Cook Cum Helper P.M Poshan Ri Bhoi District ki la ioh ban rakhe lehkmen ia ka jingdap ba shisnem pura jong ka kynhun kaba ia katei ka jingrakhe la pynlong ha ka 21 Tarik Risaw 2023 ha Umsning Auditorium Hall. Kaba hakatei ka Sngi la poi ban shimbynta lang hakatei ka jingrakhe da u Bah Charles Marngar MLA/MDC Mawhati Constituency K*m u Kongsan Ryngkat haka jing iadonlang ki ophisar naka tnat p**e puthi ka District bad katto katne ki riewrangbah ki longkmie bad ki Nongialam Shnong.

K*m ban shu kdew nakaliang katei ka kynhun ki nongshet ja skul kala ia wer ia baroh 5 ngut ki MLA ka Ri Bhoi District hynrei nakidaw ki bym lah kiar 4 ngut ki MLA ki khlem lah ban poi ban shakatei ka Lympung ki nongshet ja skul na Ri Bhoi District hynrei la poi tang u Bah Charles Marngar MLA /MDC Mawhati Constituency.

Hakatei ka Sngi katei ka kynhun lyngba ka Kong Banalis Syiem kaba dei ka President kala pynsngew pynsngap ia ki 5 tylli ki mat jingdawa hakhmat u tei u Nongmihkhmat kaba kitei ki mat kidei kaba ka kynhun ka la ju dawa naka por sha ka por naka sorkar kiba long ki mat ki ban dang ai bor shuh shuh ia ki hakaban ai ka jing shankri khambha sha ki khynnah skul lada ka sorkar kan sngap bad pynurlong ia ka jingdawa ka jong ki.

Nakaliang u Bah Charles haba ai jingkren u la kular haba iadei bad kitei ki mat jingdawa ba un sa iakren bad ki bor sorkar bad k*mjuh yn ia mir jingmut lang ruh bad kiwei pat ki para Nongmihkhmat ka d**g Ri Bhoi, bad k*mjuh u la ai ruh ia ka jingiaroh bad ai mynsiem ruh k*mjuh ia kitei ki nongshet ja skul namar ka jingtrei sh*tom bad ja jinglen lade ka jong ki naka bynta ka kam kaba la bynshet ha Ki ha ka jingsiew kaba rit.

14/10/2023

Ka Synjuk ki Rangbah Shnong Ri Bhoi District kala leit ban ia kynduh ia u CEM ka KHADC Bah Pyniaid Singh Syiem naka bynta pynkynmaw biang ia ki mat jingdawa kiba nakaliang ka Synjuk ka la dep ban dawa haka por jong ka jinglong CEM U Bah Titos Chyne kaba kitei ki mat ki long :

1. Haba iadei bad ka jingkhang pyrshah ia ki Rangbah Shnong ban don bynta haka Kam Saiñ hima sima lane ka Politik kaba iakane la pynmih lyngba da ka Notification da KHADC, kaba ia Kane nakaliang u CEM un sa rah haka EC ban iakren Sani bha.

2. Ka jingbym ithuh ki Bank lane ki Financial institution ia ki dulir jaka ba la ithuh lane ba la issue da ka KHADC bad ia kane da ka jingshimkhia ka EC kaba mynta haka jingialam u Bah Pyniaid Singh Syiem k*m u CEM hakaba la mynjur da u Governor ka jylla lyngba Land Act, kaba mynta ki Bank ki la pdiang ia ki dulir jaka ba la register ha ka KHADC.

3. Haba iadei ka por lane ka term jong ki Rangbah Shnong kaba nakaliang ka Synjuk ka la kyntu ia u CEM ba ka por lane ka term jinglong Rangbah Shnong dei ban buh ryntih lang ha baroh salonsar, kata mar mar 3 snem.

4. Ka jingkyrpad ban pynlong da ka jingialang jong ki Nongialam Shnong ha ka d**g Ri Bhoi ban pynshai ia ki mat ki jura ki rukom treikam ka KHADC bad ki Nongialam Shnong naka bynta ban pyntyllun ia ki kam synshar khadar haki Shnong ki thaw, kaba nakaliang u CEM u la mynjur ia kane.

KLOI U BAH PROCESS T SAWKMIE BAN LONG KYRTONG MP NA KA UDPUwei na ki nongialam bad u Nongthawaiñ barim na ka Mawlai cons...
02/10/2023

KLOI U BAH PROCESS T SAWKMIE BAN LONG KYRTONG MP NA KA UDP

Uwei na ki nongialam bad u Nongthawaiñ barim na ka Mawlai constituency, u Bah Process T Sawkmie, u la long uba la pynkhreh ialade ban ia aireng k*m u kyrtong sha ka Iingdorbar Thawaiñ ka Lok Sabha, na ka Shillong Parliamentary seat, na ka United Democratic Party (UDP), lada katei ka party ka ibit ban jied ia u.

Katei ka khubor ka la paw ha ka 2 tarik Risaw, 2023, ba utei u rangbah u la shim ia ka kabu ban iakhun watla ha kine ki sngi ba la leit noh, ki la paw sa kiwei de ki kyrteng nalor u Bah Sawkmie, kata, kynthup ia u Bah Paul Lyngdoh, Myntri sorkar jylla mynta, u Bah Jemino Mawthoh, bad u Bah Titostarwell Chyne, CEM barim ka KHADC, hynrei ka shong pat sa ha ki bor bahalor ka UDP iano kin ai tiket napdeng kitei ki saw ngut kiba la kyntiew ia ka party naduh ki phew snem ba mynshuwa.

PAW KA HEPRIT KHASI K*M KA NONGTHOH KOT HA KA RTA BA DANG 12 SNEMHa ka rta ba dang 12 snem, kawei ka heprit na nongbah S...
02/10/2023

PAW KA HEPRIT KHASI K*M KA NONGTHOH KOT HA KA RTA BA DANG 12 SNEM

Ha ka rta ba dang 12 snem, kawei ka heprit na nongbah Shillong ka la pyndep ban thoh ia ka kot ba la ai kyrteng Heros Destiny Everland, kaba katei ka jinglah pyndep jong ka ban thoh ia katei ka kot ka la pynlong ia ka seng ki samla United Democratic Party na ka jylla, ban mih shakhmat bad ban pynkup burom ryngkat bad ki jingai mynsiem ia ka, hadien ba ka la jop ruh ha kawei na ki lympung iakob thoh kot.

Nalor katei ka kot kaba long ha ka dur jong ka puriskam katei ka heprit ka dang pynkhreh biang ban thoh sa kawei pat ka kot, kaba pyni ba ha ka jingim jong ka jinglong khynnah jong ka, ka sngewtynnad ban long ka nongthoh kot bad ka ban sa paw ha kiba bun ki rynsan.

Ha katei ka program ba lyngkot ba la pynlong ha ophis treikam ka UDP ha Laitumkhrah, Shillong, la sakhi da ka jingdon u Bah PT Sawkmie, MLA barim ka Mawlai, u Bah Eugeneson Lyngdoh, MLA barim ka Mawphlang bad u Bah Titostarwell Chyne, MDC uba long ruh u CEM barim ka KHADC, ryngkat lang ruh da ka jingdon ki kmie ki kpa katei ka heprit nongthoh kot bad la ki bahaiing hasem.

Address

Shillong
123456789

Telephone

+917005467547

Website

Alerts

Be the first to know and let us send you an email when U 7trep Media Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to U 7trep Media Network:

Videos

PYNKYNMAW KA SYNJUK KI RANGBAH SHNONG RI BHOI SHA KA KHADC IA KI SAW TYLLI KI MAT JINGDAWA BA SAHTENG
PYNKYNMAW KA SYNJUK KI RANGBAH SHNONG RI BHOI SHA KA KHADC IA KI SAW TYLLI KI MAT JINGDAWA BA SAHTENG

Ka Synjuk ki Rangbah Shnong Ri Bhoi District kala leit ban ia kynduh ia u CEM ka KHADC Bah Pyniaid Singh Syiem naka bynta pynkynmaw biang ia ki mat jingdawa kiba nakaliang ka Synjuk ka la dep ban dawa haka por jong ka jinglong CEM U Bah Titos Chyne kaba kitei ki mat ki long : 1. Haba iadei bad ka jingkhang pyrshah ia ki Rangbah Shnong ban don bynta haka Kam Saiñ hima sima lane ka Politik kaba iakane la pynmih lyngba da ka Notification da KHADC, kaba ia Kane nakaliang u CEM un sa rah haka EC ban iakren Sani bha. 2. Ka jingbym ithuh ki Bank lane ki Financial institution ia ki dulir jaka ba la ithuh lane ba la issue da ka KHADC bad ia kane da ka jingshimkhia ka EC kaba mynta haka jingialam u Bah Pyniaid Singh Syiem kum u CEM hakaba la mynjur da u Governor ka jylla lyngba Land Act, kaba mynta ki Bank ki la pdiang ia ki dulir jaka ba la register ha ka KHADC. 3. Haba iadei ka por lane ka term jong ki Rangbah Shnong kaba nakaliang ka Synjuk ka la kyntu ia u CEM ba ka por lane ka term jinglong Rangbah Shnong dei ban buh ryntih lang ha baroh salonsar, kata mar mar 3 snem. 4. Ka jingkyrpad ban pynlong da ka jingialang jong ki Nongialam Shnong ha ka dong Ri Bhoi ban pynshai ia ki mat ki jura ki rukom treikam ka KHADC bad ki Nongialam Shnong naka bynta ban pyntyllun ia ki kam synshar khadar haki Shnong ki thaw, kaba nakaliang u CEM u la mynjur ia kane.

Shortcuts

Share

Category