Nida e Haque Mustafa Sheikh Aliyavi

01/01/2024

31/12/2023

-us-SalihinHadeesNo:07

28/12/2023

Riyad-us-Salihin Hadees No 06 || ُالثُّلُثُ وَالثُّلُث كَثِيْرٌ اَوْ كَبِيْر

23/12/2023

Riyad-us-Salihin Hadees No 05
لَكَ مَا نَوَيْتَ يَا يَزِيْدُ وَ لَكَ مَا أَ خَذْتَ يَا مَعْنُ

21/12/2023

Riyad-us-Salihin Hadees No 04

11/12/2023

?

10/12/2023

خانۂ کعبہ پر چڑھائی کرنے کی نیت سے ایک لشکر نکلے گا۔
درس حدیث : کتاب : ریاض الصالحین للنووی
حدیث نمبر 02 ۔ وَعَنْ عَائِشَةَ رَضِيَ اللّٰهُ عَنْهَا قَالَتْ : قَالَ رَسُؤلُ اللّٰهِ ﷺ : يَغْزُوْ جَيْشُ الْكَعْبَةَ فَإِذَا كَانُوْا بِبَيْدَاءَ مِنَ الْأَرْضِ يُخْسَفُ بِأَوَّلِهِمْ وَآخِرِهِمْ. قَالَتْ : قُلْتُ : يَا رَسُوْلَ اللّٰهِ كَيْفَ يُخْسَفُ بِأَوَّلِهِمْ وَآخِرِهِمْ وَفِيْهِمْ أَسْوَاقُهِمْ وَمَنْ لَّيْسَ مِنْهُمْ ؟ قَالَ : يُخْسَفُ بِأَوَّلِهِمْ وَآخِرِهِمْ، ثُمَّ يُبْعَثُوْنَ عَلَى نِيَّاتِهِمْ. ( مُتَّفَقٌ عَلَيْهِ)

عائشہ رضی الله عنہا سے روایت ہے کہ رسول الله ﷺ نے فرمایا کہ خانۂ کعبہ پر چڑھائی کرنے کی نیت سے ایک لشکر نکلے گا اور جب وہ لشکر کسی چٹیل میدان میں پہنچے گا تو اس لشکر کے اول و آخر سب کے سب زمین میں دھنسا دیے جائیں گے ۔ عائشہ رضی الله عنہا فرماتی ہیں کہ میں نے پوچھا یا رسول اللهﷺ ان کے اول و آخر سب کے سب زمین میں کیسے دھنسا دے جائیں گے ؟ حالانکہ ان میں اہل سوق یعنی بازار کے لوگ بھی ہوں گے اور وہ لوگ بھی ہوں گے جو ان میں سے نہیں ہیں یعنی کہ خانۂ کعبہ پر چڑھائی کرنے کی نیت ان کی نہیں ہوگی تو سب کے سب زمین میں کیسے دھنسا دیے جائیں گے تو الله کے رسول ﷺ نے فرمایا کہ ان کے اول و آخر سب کے سب زمین میں دھنسا دے جائیں گے اور پھر انہیں قیامت کے دن اپنی اپنی نیتوں پر اٹھایے جائیں گے۔

فوائد :
1 ۔ خانۂ کعبہ پر چڑھائی کرنے کی نیت سے یہ جو لشکر نکلے گا یہ کونسا لشکر ہے ؟ اور کب نکلے گا ؟ اس کا علم صرف الله کو ہے. یہ ایک الله کے رسول ﷺ کی پیش گوئی ہے جن کے واقع اور سچ ہونے پر ایمان رکھنا ہر ایک کے لیے ضروری ہے ۔

2 ۔ خانۂ کعبہ پر چڑھائی کرنے کی نیت سے یہ جو لشکر نکلے گا یہ کتنا بڑا ظالم و جابر ہوگا ؟ اور اس کی نیت کتنا ناپاک اور بری نیت ہوگی ؟ کہ خانۂ کعبہ جو الله کا گھر ہے جس گھر کی تمام مساجد میں سب سے زیادہ فضیلت ہے اس گھر پر چڑھائی کرنے کی نیت نکلے گا چڑھائی تو نہیں کر پائے گا لیکن چڑھائی کرنے کی نیت سے ہی نکلے گا خانۂ کعبہ تک پہنچنے سے پہلے ہی جب وہ لشکر راستے میں کسی چٹیل میدان میں پہنچے گا تو عذاب کے طور پر اس لشکر کے اول و آخر سب کے سب زمین میں دھنسا دیے جائیں گے۔ نیت جتنی بری ہوگی اور اس کا عمل جتنا برا ہوگا اس کا انجام اتنا ہی خطرناک اور بھیانک ہوگا۔ بری نیت کا برا انجام ۔ خانۂ کعبہ جو الله کا گھر ہے جس گھر کی سب سے زیادہ فضیلت ہے اس گھر پر چڑھائی کرنے کا ارادہ کرنا کتنا گھناؤنا اور ناپاک ارادہ ہے. اس بری نیت اور عمل کی وجہ سے الله تعالیٰ اس لشکر کے اول و آخر سب کو عذاب کے طور پر زمین میں دھنسا دے گا ۔

3 ۔ برے لوگوں کی صحبت اور ہم نشینی نہایت ہی خطرناک اور تباہ کن ہے، برائی کی وجہ سے ، بری نیت اور برے عمل کی وجہ سے برے لوگوں پر عذاب آتا ہے اور اس عذاب میں وہ لوگ بھی گرفتار ہو جاتے ہیں جو بذات خود برے تو نہیں ہوتے لیکن برے لوگوں کی صحبت ہوتی ہے، اس لیے برے لوگوں کی صحبت سے بچنا اور برائیوں کو اپنے گھر اور سماج سے نیکیوں کے ذریعے سے ختم کرنا ضروری ہے ۔

4 ۔ ہر شخص کو قیامت کے دن اپنی اپنی نیتوں پر اٹھایا جایے گا، جس کی موت جس نیت پر ہوگی اسی نیت پر اسے اٹھایا جایے گا یعنی کہ جس کی موت نیک نیتی پر ہوگی تو قیامت کے دن اسے نیک نیتی پر ہی اٹھایا جایے گا اور جس کی موت بری نیت پر ہوگی تو قیامت کے دن اسے بری نیت پر ہی اٹھایا جایے گا ۔ اس لیے کہیں بھی رہیں دل میں برائ کرنے کا ارادہ نہ ہو ، گناہ کرنے کا ارادہ نہ ہو ، الله کی نافرمانی کرنے کا ارادہ نہ ہو ، ایسا کام کرنے کا ارادہ نہ ہو جس سے الله تعالیٰ ناراض ہو جائے، کہیں ایسا نہ ہو کہ دل میں برائ کرنے کا ارادہ ہے ، گناہ کرنے کا ارادہ ہے ، الله کی نافرمانی کرنے کا ارادہ ہے ، ایسا کام کرنے کا ارادہ ہے جس سے الله تعالیٰ ناراض ہو جایے اور اسی برے ارادے پر ہی موت آجایے تو اس کا انجام کتنا خطرناک اور بھیانک ہوگا کہ قیامت کے دن اسے اس کے برے ارادے کے ساتھ ہی اٹھایا جایے گا۔ اس لیے نیت ہمیشہ برائیوں سے پاک ہو اور دل میں ہمیشہ نیک عمل کرنے کا ارادہ ہو ۔

مصطفیٰ بن مسلم شیخ، دَامِنْ بِشَنْ پُوْرِی
صاحب گنج، جھارکھنڈ

06/11/2023

Buri Niyat Aur Bure Amal Ke Anjam

01/11/2023

درس حديث : الکتاب : ریاض الصالحین للنبوی

حدیث نمبر ( 1 )

وعن عمر بن الخطاب رضي الله عنه قال : سمعت رسول الله ﷺ يقول : إنما الأعمال بالنيات ، وإنما لكل امرئ مانوى فمن كانت هجرته إلى الله و رسوله فهجرته إلى الله و رسوله ، و من كانت هجرته لدنىا يصيبها او إمرأة ينكحها فهجرته إلى ما هاجر إليه
( متفق على صحته)

ترجمه :

عمر بن خطاب رضی الله عنه کہتے ہیں کہ میں نے الله کے رسول ﷺ کو فرماتے ہوئے سنا کہ " تمام اعمال کا دارومدار نیتوں پر ، اور ہر شخص کو اس کے عمل کا بدلہ اس کی نیت کے مطابق ہی ملے گا ۔ پس جس کی ہجرت الله اور اس کے رسول کے لیے ہوگی تو اس کی ہجرت الله اور اس کے رسول کے لیے ہی سمجھی جائے گی اور جس کی ہجرت دنیا حاصل کرنے کے لیے ہوگی یا کسی عورت سے نکاح کرنے کے لیے ہوگی تو اس کی ہجرت انہی مقاصد کے لیے مانی جائے گی "

معلومات : اس حدیث سے دو اہم بنیادی باتیں معلوم ہوتی ہے

پہلی بات : تمام اعمال میں نیت ضروری ہے اور نیت کے مطابق ہی ہر عمل کا بدلہ ملے گا ۔

دوسری بات : ہر عمل کے لیے اخلاص ضروری ہے ۔

سوال : نیت اور اخلاص کیا ہے ؟

نیت دل کے ارادے کو کہتے ہیں ، نیت کا تعلق دل سے ہے ، کسی بھی عمل کے لیے نیت دل میں کی جاتی ہے نہ کہ زبان سے جس عمل کو کرنا ہے دل میں اس عمل کو کرنے کا ارادہ کرنا یہی نیت ہے مثال کے طور پر نماز پڑھنی ہے تو دل میں نماز پڑھنے کا ارادہ کرنا کہ فرض نماز پڑھنی ہے، سنت پڑھنی ہے یا نفل پڑھنی ہے ، ظہر، عصر، مغرب،عشاء، فجر کون سی نماز پڑھنی ہے دل میں اس نماز کا ارادہ کرنا یہی نیت ہے ۔
روزہ رکھنا ہے تو دل میں روزہ رکھنے کا ارادہ کرنا، حج کرنا ہے تو دل میں حج کرنے کا ارادہ کرنا، زکاۃ دینی ہے تو دل میں زکاۃ دینے کا ارادہ کرنا، صدقہ و خیرات کرنا ہے تو دل میں صدقہ و خیرات کرنے کا ارادہ کرنا، مسجد تعمیر کرنی ہے تو دل میں مسجد تعمیر کرنے کا ارادہ کرنا یعنی کہ جس عمل کو کرنا ہے اس عمل کو کرنے سے پہلے دل میں اس عمل کو کرنے کا ارادہ کرنا یہی نیت ہے جو ہر عمل کے لیے ضروری ہے۔

اور اخلاص کیا ہے ؟ جس عمل کو کرنے کا ارادہ کیا گیا ہے اس عمل کو خالص الله کی رضا کے لیے کرنا یہ ہے اخلاص۔ نماز پڑھنے کا ارادہ کیا گیا ہے نماز کو خالص الله کی رضا کے لیے پڑھنا، روزہ رکھنے کا ارادہ کیا گیا ہے تو روزہ خالص الله کی رضا کے لیے رکھنا تو جس بھی عمل کو کرنے کا ارادہ کیا گیا ہے اسے خالص الله کی رضا کے لیے کرنا یہ ہے اخلاص

قارئین کو اتنی بات سمجھ میں آگئی ہوگی کہ ہر عمل کے لیے نیت اور اخلاص ضروری ہے

28/10/2023

Riyad-us-Salihin Hadees No 01