Punalur Media

27/12/2024

പുനലൂരുകാരി അഭിമാനം 💗🇮🇳
ഇന്ത്യൻ ആർമിയുടെ മെഡിക്കൽ കോർപ്സിൽ പുനലൂർ സ്വദേശിനി ഡോ ഭാഗ്യലക്ഷ്മി ഇന്ന് ചാർജടുത്തു.ജന്മനാടിന്റെ അഭിനന്ദനങ്ങൾ ❤😍

23/12/2024

17/12/2024

വൈദ്യുതി ചാർജ് വർദ്ദനവിലൂടെ സംസ്ഥാന ഗവൺമെന്റ് തീവെട്ടി കൊള്ളയാണ് നടത്തുന്നതെന്ന് കൊല്ലം ജില്ലാ കോൺഗ്രസ് കമ്മിറ്റി ട്രഷറർ നെൽസൺ സെബാസ്റ്റ്യൻ പറഞ്ഞു.
പുനലൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ പുനലൂർ വൈദ്യുതി ബോർഡ് ഓഫീസിലേക്ക് നടത്തിയ മാർച്ച് ഉദ്ഘാടനം ചെയ്തുകൊണ്ട് പ്രസംഗിക്കുകയായിരുന്നു അദ്ദേഹം.

മാർച്ചിന് പുനലൂർ ബ്ലോക്ക് കോൺഗ്രസ് കമ്മിറ്റി പ്രസിഡണ്ട് സി വിജയകുമാർ നേതൃത്വം നൽകി.

പുനലൂർ പോസ്റ്റ് ഓഫീസ് കവലയിൽ നിന്നും ആരംഭിച്ച മാർച്ച് ഇലക്ട്രിസിറ്റി ഓഫീസ് പടിക്കൽ പോലീസ് തടയുകയായിരുന്നു. തുടർന്ന് പോലീസും പാർട്ടി പ്രവർത്തകരും തമ്മിൽ ദീർഘനേരം ഒന്നും തള്ളും ഉണ്ടായി.
മുതിർന്ന നേതാക്കൾ ഇടപെട്ട് പ്രവർത്തകരെ ശാന്തമാക്കിയാണ് യോഗം ആരംഭിച്ചത്.

മാർച്ചനെ അഭിവാദ്യം ചെയ്തുകൊണ്ട് ജില്ലാ കോൺഗ്രസ് കമ്മിറ്റി ജനറൽ സെക്രട്ടറി സഞ്ചു ബുഖാരി, ദളിത് കോൺഗ്രസ് ജില്ലാ പ്രസിഡണ്ട് സുരേന്ദ്രൻ എന്നിവർ പ്രസംഗിച്ചു.

മാർച്ചിന് കോൺഗ്രസ് മണ്ഡലം പ്രസിഡണ്ട് മാരായ എസ് നാസർ, അയ്യൂബ് വെൻ ചേമ്പ്, വിപിൻകുമാർ,ഷെമി എസ് അസീസ്, ചിറ്റാലങ്കോട് മോഹനൻ, കരവാളൂർ ഗ്രാമപഞ്ചായത്ത് പ്രസിഡണ്ട് ലതികമ്മ, വൈസ് പ്രസിഡണ്ട് യോഹന്നാൻകുട്ടി, പാർലമെന്റ് പാർട്ടിയിൽ ലീഡർ പ്രകാശ് കുമാർ, സ്റ്റാൻഡിങ് കമ്മിറ്റി ചെയർമാൻ എ ഗോപി,മുൻ ബ്ലോക്ക് പ്രസിഡണ്ട് ഇടമൺ ഇസ്മായിൽ, പാർട്ടി ബ്ലോക്ക് കമ്മിറ്റി ഭാരവാഹികളായ സാബു അലക്സ്, എൻ അജീഷ്, സി കെ പുഷ്പരാജൻ, ഡി പ്രിൻസ്, ആർ സുഗതൻ, രാജീവ് ഭരണിക്കാവ്, കെ കെ ജയകുമാർ, വിപിൻ വർഗീസ്, വിളയിൽ സഫീർ, കെ വിജയകുമാർ, റഹീം ചാലക്കോട്, സലീം ഇടമൺ, അഡ്വക്കറ്റ് ജിഷ,ബിജു കാർത്തികേയൻ,സജി ജോർജ്, ചെല്ലപ്പൻ ചാലിയക്കര, ജ്യോതി സന്തോഷ്,ഷിബു പിആർ അലക്സ്, രഞ്ജിനി സൂര്യകുമാർ, എബി വിളക്കുവട്ടം, അഡ്വക്കേറ്റ് ജോർജുകുട്ടി, ബിനു ശിവപ്രസാദ്, ആശ്രാമത്ത് ഗോപാലകൃഷ്ണൻ, രവീന്ദ്രൻ പിള്ള കരവാളൂർ, അജികുമാർ വെൻചേമ്പ്, റ്റി എസ് ഷൈൻ, മഹിളാ കോൺഗ്രസ് ജില്ലാ വൈസ് പ്രസിഡണ്ട് ക്യാപ്റ്റൻ സരസ്വതി പ്രകാശ്, ജില്ലാ ഭാരവാഹികളായ എസ്ആർ ഷീബ, അശ്വതി, അന്ന എബ്രഹാം, ബ്ലോക്ക് പ്രസിഡണ്ട് കെ കനകമ്മ, യുഡിഎഫ് യുഡിഎഫ് ചെയർമാൻമാരായ ഓമനക്കുട്ടൻ ഉണ്ണിത്താൻ, ദയാനന്ദൻ,ബ്ലോക്ക് കോൺഗ്രസ് കമ്മിറ്റി ഭാരവാഹികളായ സജീവ് ശാസ്താംകോണം, ക്രിസ്റ്റഫർ രാജൻ, ഷാനു, ബാബു ലൂക്കോസ്,സുകുമാരൻ കലയനാട്, എൻ സുന്ദരേശൻ, ബാബു കുഴിവേലി, മിനി സജു, ജോർജ് തെക്കേമല, സിപി ശ്യാമുവൽ,രാജീവ് കലയനാട്, ബഷീർ അഹമ്മദ്, ജോസ് കക്കോട്, നെടുങ്കയം നാസർ,സോമൻ കരവാളൂർ,ലക്ഷ്മി വട്ടമൺ, മഞ്ജു ശ്രീജി, ഷെർലി പ്രദീപ് ലാൽ, ബീന കെ മൊയ്തീൻ, പ്രസന്ന ടീച്ചർ, റെംലത് സഫീർ, സക്കീർ ഹുസൈൻ, ബാബു കെ ആർ, ലതിക വട്ടമൺ, ബിന്ദു ആർ,കെ പുഷ്പൻ പിള്ള, ഷെറി നെല്ലിപ്പള്ളി, ഷീജ, ഡെയ്സിമോൾ,എന്നിവർ മാർച്ചിന് നേതൃത്വം നൽകി.

11/12/2024

പുനലൂർ എസ് എൻ കോളേജ് റിട്ട.പ്രിൻസിപ്പാൾ പ്രൊഫ. ജി സത്യൻ സാർ നിര്യാതനായി..
എഴുകോൺ സ്വദേശി ആണ്. ഭൗതികശരീരം 12/12/2024 വ്യാഴാഴ്ച രാവിലെ 11 മണിക്ക് ഭവനത്തിൽ കൊണ്ടുവരുന്നതും വൈകിട്ട് 4 മണിക്ക് സംസ്കാരം.
ആദരാഞ്ജലികൾ..

06/12/2024

ഇനിയും ഇരുണ്ട കാലത്തിലേക്ക് നമുക്കു പോകേണ്ടതുണ്ടോ . മന്ത്രി ഓ.ആർ. കേളു
അതുകൊണ്ടു സാംസ്കാരിക പ്രവർത്തകരും സാഹിത്യകാരും ജാഗരൂകരാകണം: എന്നും മന്ത്രി ഓ.ആർ കേളു. മകരം ബുക്സിന്റെ പത്താമതു വാർഷികാഘോഷം ഉദ്ഘാടനം ചെയ്തു സംസാരിക്കുകയായിരുന്നു.മകരം ബുക്ക് സ് ചീഫ് എഡിറ്റർ കെ.കെ. ബാബു അധ്യക്ഷനായി.
ചടങ്ങിൽ കെ.എം.ഹാജറ രചിച്ച ബാലസാഹിത്യ നാടകം മന്ത്രി പ്രകാശനം ചെയ്തു.. ഡോ.പ്രമോദ് പയ്യന്നൂർ പുസ്തകം ഏറ്റുവാങ്ങി. രാജൻ താന്നിക്കൽ പുസ്തകം പരിചയപ്പെടുത്തി. മഹേഷ് മാണിക്കം,
സി.ആർ. ഗിരീഷ്, തടിക്കാട് ഗോപാലകൃഷ്ണൻ എന്നിവർ സംസാരിച്ചു. ഡാനിയേൽ ജോൺ സ്വാഗതവും അനിൽ ആഴാ വീട് നന്ദിയും പറഞ്ഞു.
പ്രതിഭാ സംഗമത്തിൽ പൊതു ജീവിതത്തിന്റെ വിവിധ തുറകളിൽ പ്രവർത്തിക്കുന്നവരെ ചടങ്ങിൽ ആദരിച്ചു.
ഡോ. മീര.ആർ. നായർ,
കെ. സന്തോഷ്കുമാർ,
നളിനിക്കുട്ടി അന്തർജ്ജനം
ഖാദി രാമകൃഷ്ണ പിള്ള,
ജയ്സൺ ജയിംസ് തഴവ,
ഷൈന കൈരളി
അനിൽ ആഴാ വീട്,
സുമയ്യ,
ഉഷാ ശശി,
ജ്യോതിലക്ഷ്മി പുനലൂർ,
സുരേഷ് പൊൻകുന്നം, ഡോ.എസ്.ഡി.അനിൽകുമാർ,
സന്തോഷ് ഉറുകുന്ന്, എന്നിവർ പുരസ്ക്കാരങ്ങൾ ഏറ്റുവാങ്ങി.

05/12/2024

പുനലൂരിൽ നൊസ്റ്റാൾജിക് ഫീലുണർത്തി 'അമ്മരുചി' നാടൻ ഭക്ഷണശാല..!
പുനലൂർ രാംരാജ് തിയേറ്ററിന് സമീപത്തായി പ്രവർത്തിക്കുന്ന ഭക്ഷണശാലയിൽ രാവിലെ ഒൻപത് മുതൽ വൈകിട്ട് നാല് വരെ കപ്പ, കാച്ചിൽ, ചേമ്പ്, ചേന പുഴുക്കും കാന്താരി ചമ്മന്തിയും ലഭിക്കും.
കപ്പയും ബീഫും, പഴംപൊരിയും ബീഫും, കപ്പ ബിരിയാണി, കൊത്ത് പൊറോട്ട, പുട്ടും പെരട്ടും തുടങ്ങി അമ്മരുചി വൈവിധ്യമാർന്ന മെനു ഒരുക്കിയിട്ടുണ്ട്.
ആശംസകൾ..!
Akhil Bhaskar

03/12/2024

ഏ. ഐ. റ്റി. യൂ .സി സംഘാടക സമിതി രൂപീകരിച്ചു.

പുനലൂർ: സംസ്ഥാന സർക്കാർ കൂലിയും തൊഴിലും സാമൂഹിക സുരക്ഷയും ഉറപ്പുവരുത്തുക. കേന്ദ്ര സർക്കാർ കേരളത്തോട് കാട്ടുന്ന അവഗണന അവസാനിപ്പിക്കുക എന്നീ ആവശ്യങ്ങൾ ഉന്നയിച്ചു കൊണ്ട് ജാഥ ക്യാപ്റ്റൻ കെ. പി. രാജേന്ദ്രൻ നയിക്കുന്ന ഏ. ഐ. റ്റി. യൂ. സി സംസ്ഥാന പ്രക്ഷോഭ ജാഥ ഡിസംബർ 16 ന് പുനലൂരിൽ വരവേൽക്കുന്നതിന് ഏ. ഐ. റ്റി. യൂ. സി പുനലൂർ ഈസ്റ്റ് ലോക്കൽ കമ്മിറ്റി സംഘാടക സമിതി രൂപീകരിച്ചു. ഏ.ഐ.റ്റി.യൂ.സി ജില്ലാ വൈസ് പ്രസിഡന്റ് ജോബോയ് പെരേര ഉദ്ഘാടനം ചെയ്തു. സി.പി.ഐ ജില്ലാ കമ്മിറ്റി അംഗം കെ. രാധാകൃഷ്ണൻ, മണ്ഡലം കമ്മിറ്റി അംഗം ഈ.കെ. റോസ് ചന്ദ്രൻ, ലോക്കൽ കമ്മിറ്റി സെക്രട്ടറി വി. വിഷ്ണുദേവ്, എൽ. സി അംഗം കെ. അനിൽകുമാർ എന്നിവർ സംസാരിച്ചു. രാജേഷ്. എസ് അധ്യക്ഷനായി. വിഷ്ണുദേവ്. വി കൺവീനറായും രാജേഷ്. എസ് ചെയർമാനായുള്ള 51 പേരടങ്ങുന്ന കമ്മിറ്റിയെ തെരത്തെടുത്തു.

26/11/2024

ആട്ടോ തൊഴിലാളികൾ നിർമ്മിച്ച സ്നേഹവീടിന്റെ താക്കോൽ ദാനം നവംബർ 28ന് ധനകാര്യ വകുപ്പ് മന്ത്രി കെ.എൻ.ബാലഗോപാൽ നിർവ്വഹിക്കും.

പുനലൂർ കെ.എസ്.ആർ.ടി.സി ബസ് സ്റ്റാൻ്റ് ആട്ടോ സ്‌റ്റാന്റിലെ ആട്ടോ ഡ്രൈവർ രാമചന്ദ്രിൻ്റെ കുടുംബത്തിന് സഹപ്രവർത്തകൾ നിർമ്മിച്ച് നൽകുന്ന സ്നേഹവീടിന്റെ താക്കോൽ ദാനം നവംബർ 28 വ്യാഴം വൈകിട്ട് 5 മണിക്ക് പുനലൂർ ടി.ബി ജംഗ്ഷനിൽ ചേരുന്ന പൊതുയോഗത്തിൽ വച്ച് ധനകാര്യ വകുപ്പ് മന്ത്രി കെ.എൻ.ബാലഗോപാൽ നിർവ്വഹിക്കും. സി.പി.ഐ(എം) സംസ്ഥാന കമ്മറ്റി അംഗം കെ.രാജഗോപാൽ, സി.ഐ.റ്റി.യു ജില്ലാ സെക്രട്ടറി എസ്.ജയമോഹൻ, യൂണിയൻ ജില്ലാ പ്രസിഡന്റ് എക്സ്‌സ്. ഏണസ്റ്റ്, സെക്രട്ടറി എം.എ. രാജഗോപാൽ, സി.ഐ.റ്റി.യു സംസ്ഥാന വൈസ് പ്രസിഡൻ്റ് അഡ്വ.പി.സജി തുടങ്ങിയ നേതാക്കൾ ചടങ്ങിൽ പങ്കെടുക്കും.

2022 ൽ രാമചന്ദ്രൻ്റെ കുടുംബം താമസിച്ചിരുന്ന പുനലൂർ പനമണ്ണറയിലെ പഴക്കമുള്ള വീടിൻ്റെ മുകളിലേക്ക് കാറ്റത്ത് വലിയ തെങ്ങ് കടപുഴകിവീണതിനെ തുടർന്ന് വീട് പൂർണ്ണമായി തകർന്നുപോയിരുന്നു. സ്വന്തമായി വീട് നർമ്മിക്കാനുള്ള ശേഷിയില്ലാത്ത രാമചന്ദ്രന് ഒരു വീട് നർമ്മിച്ച് നൽകാൻ ആട്ടോ ഡ്രൈവേഴ്സ് അസോസിയേഷൻ (സി.ഐ.റ്റി.യു) അംഗങ്ങളായ സഹപ്രവർത്തകർ തീരുമാനിക്കുക യായിരുന്നു.

2022 നവംബർ 21ന് പുനലൂരിലെ സി.ഐ.റ്റി.യു. അംഗങ്ങളായ ആട്ടോ തൊഴി ലാളികൾ അവരുടെ ഒരു ദിവസത്തെ വരുമാനം വീട് നിർമ്മാണത്തിനായി മാറ്റിവച്ചു. ഒരു ലക്ഷത്തി എൺപതിനായിരും രൂപയാണ് ഒരു ദിവസം കൊണ്ട് സമാഹരിച്ചത്. ചീടിൻ്റെ നിർമ്മാണ ചുമതല ഏറ്റെടുത്ത ഹാബിറ്റാറ്റിൻ്റേയും സുമനസ്സുകളുടേയും സഹായത്തോടെയാണ് ഏഴുലക്ഷം രൂപ നിർമ്മാണ ചെലവ് വന്ന വീടിൻ്റെ പണി ടൂർത്തിയാക്കിയത്.

23/11/2024

*നാടിന്റെ അഭിമാനമായി സഹോദരങ്ങളായ രണ്ട് പൈലറ്റുമാർ*

*പുനലൂർ*

പുനലൂർ ഉറുകുന്ന് സ്വദേശിയായ സാബു കുറ്റിയിലിൻ്റെ മകൾ മിഷയും
സഹോദരൻ്റെ മകൻ ജോയലും ആണ് പരിശീലന പറക്കലിൻ്റെ ഭാഗമായി ഇന്ന് സൗദിയിൽ പൈലറ്റിന്റെ കുപ്പായം അണിയുന്നത്.
അഭിനന്ദനങ്ങക്കൊപ്പം വിജയാശംസകൾ..!

15/11/2024

ഇന്ത്യയിലെ ആദ്യത്തെ ബഹുഭാഷാ എഐ ടീച്ചർ ഇനി പുനലൂർ ഗവ. ഏൽപിജിഎസിൽ.😍😍❤

ശിശുദിനത്തിൽ പ്രവർത്തനമാരംഭിച്ച ആർട്ടിഫിഷ്യൽ ഇന്റലിജൻസ് ടീച്ചറിന് നോവ എന്നാണ് പേരിട്ടിരിക്കുന്നത്. ജനറേറ്റീവ് എഐ അടിസ്ഥാനമാക്കി പ്രവർത്തിക്കുന്ന ഈ എഐ ടീച്ചറോട് നാല് ഭാഷയിൽ കുട്ടികൾക്ക് ചോദ്യങ്ങൾ ചോദിക്കാനും തങ്ങളോട് ചോദ്യങ്ങൾ ചോദിക്കാൻ ആവശ്യപ്പെടാനും സാധിക്കും. അതോടൊപ്പം പാട്ടുകൾ കേൾപ്പിക്കാനും ഈ ടീച്ചർക്ക് സാധിക്കും. ടീച്ചർ നൽകുന്ന മറുപടികൾ പ്രൊജക്റ്ററിലോ ഡിസ്പ്ളേയിലോ കാണാനും പാഠപുസ്തകം അപ്ലോഡ് ചെയ്തു കൊടുക്കാനും ഇതിൽ സൗകര്യമുണ്ട്.

സ്‌കൂൾ പിടിഎയാണ് ഈ സംരംഭത്തിന് നേതൃത്വം കൊടുത്തത്. പുനലൂർ ആസ്ഥാനമായി പ്രവർത്തിക്കുന്ന ഓൺലൈൻ എഐ വിദ്യാഭ്യാസ സ്ഥാപനമായ സ്കിൽഭാരത് ഓൺലൈൻ എജുക്കേഷന്റെ സാങ്കേതിക സഹായത്തോടെയാണ് ഈ പ്രോജക്റ്റ് പൂർത്തിയാക്കിയത്. ഭാവിയിൽ ക്ലാസ് റൂമിലേക്ക് തനിയെ പോകുന്നതും, കമ്പ്യൂട്ടർ വിഷൻ അടക്കമുള്ള കൂടുതൽ ഫീച്ചറുകൾ കൂട്ടിച്ചേർക്കാനുള്ള ആലോചനയിലാണ് സ്‌കൂളെന്ന് പിടിഎ പ്രസിഡന്റ് അമേഷ് ലാൽ അറിയിച്ചു.

കുട്ടികൾക്ക് പഠനത്തോടുള്ള താല്പര്യം വർദ്ധിപ്പിക്കാനും, സാങ്കേതിക വിദ്യയോടും ശാസ്ത്രത്തോടുമുള്ള കൗതുകം ഉണ്ടാക്കാനും, ഇംഗ്ളീഷ് ഭാഷാ പ്രാവീണ്യത്തിനും എഐ ടീച്ചറുടെ സാന്നിധ്യം സഹായിക്കുമെന്ന് പ്രധാനാധ്യാപിക ബിന്ദു എം കെ പറഞ്ഞു.

14/11/2024

ആശുപത്രിയിൽ ശിശുദിനം ആഘോഷിച്ച് ഏരീസ് പുനലൂർ ഫാമിലി

പുനലൂർ : ഗവ. താലൂക്ക് ആശുപത്രിയിലെ കുട്ടികളുടെ വാർഡിൽ ശിശുദിനം ആഘോഷിച്ച് ഏരീസ് പുനലൂർ ഫാമിലി . ഐക്കരക്കോണം ബ്രാഞ്ച് ഓഫീസിന്റെ നേതൃത്വത്തിൽ പീഡിയാട്രിക് വാർഡിലെ കുട്ടികൾക്ക്
സ്നേഹസമ്മാനം നൽകിയും , കേക്ക് മുറിച്ചും ആണ് ആഘോഷ പരിപാടികൾ സംഘടിപ്പിച്ചത് . ഡോ. സുർജിത് കുമാർ പരിപാടിയുടെ ഉദ്ഘാടനം നിർവഹിച്ചു . കഴിഞ്ഞവർഷവും കുട്ടികളുടെ വാർഡിലാണ് ഏരീസ് ഗ്രൂപ്പ് ശിശുദിനം ആഘോഷിച്ചത് . വാർഡിൽ ഉണ്ടായിരുന്ന കുട്ടികൾക്ക് ഡ്രോയിങ് ബുക്ക്‌ , ക്രയോൺ, റുബിക്സ് ക്യൂബ്, ടോയ്സ് എന്നിവ അടങ്ങിയ കിറ്റ് വിതരണം ചെയ്തു . സ്നേഹസമ്മാനം ഏറ്റുവാങ്ങിയ കുട്ടികളുടെ മുഖത്ത് നിറപുഞ്ചിരിയും സന്തോഷവും പ്രകടമായി .ഡോക്ടർമാർക്കും നേഴ്സുമാർക്കും കുട്ടികൾ പൂക്കൾ നൽകി. പരിപാടിയുടെ ഭാഗമായി മധുര പലഹാരങ്ങളും വിതരണം ചെയ്തു. ശിശുദിനത്തിൽ സ്നേഹസമാനവുമായി ആശുപത്രിയിൽ എത്തിയ ഏരീസ് ഗ്രൂപ്പിനെ ഡോ. സുർജിത് അഭിനന്ദിച്ചു . ഇത്തരം പ്രവർത്തനങ്ങൾ മാതൃകാപരമാണെന്നും
അദ്ദേഹം പറഞ്ഞു.

ആർ എം ഓ ഡോ. വിപിൻ വിജയ്, ലേ സെക്രട്ടറി സുജിത് കുമാർ, നഴ്സിംഗ് സൂപ്രണ്ട് കെ.ബീന, ഡെപ്യൂട്ടി നേഴ്സിങ് സൂപ്രണ്ട് എം. ശ്രീജ, പി ആർ ഓ എസ്. അതുല്യ, ഏരീസ് പുനലൂർ ഓഫീസ് ബ്രാഞ്ച് മാനേജർ ഡി. രാജേഷ് കുമാർ , അഡ്മിൻ എസ്. ലക്ഷ്മി , പ്രൊജക്റ്റ് മാനേജർ അരുൺ കരവാളൂർ , ഓപ്പറേഷൻ കോഡിനേറ്റർ രജീഷ് ശങ്കർ, മാനേജർ സായി ജ്യോതി, ശരത് ബാഹുലയൻ, , രാഹുൽ എസ്. ആർ , മിഥുൻ മധു, ബിതു കൃഷ്ണ, വിശാൽ മുരളി എന്നിവർ പരിപാടിയിൽ പങ്കെടുത്തു.

14/11/2024

പുനലൂർ: ഒറ്റക്കൽ ലുക്കൗട്ടിലെ
ലീല ചേച്ചി..
കൊല്ലം - തിരുമംഗലം ദേശീയപാതയിലെ കാഴ്ച വിരുന്നാണ് തെന്മല ജലസേചന പദ്ധതിയുടെ ഒറ്റക്കൽ ലുക്ക്ഔട്ട്.
അതിന് ഓരം ചേർന്ന് തെളിഞ്ഞ പുഞ്ചിരിയോടെ ഏലയ്ക്കാ സ്വാദൂറുന്ന ചൂടു ചായ നൽകുന്ന ലീല ചേച്ചിയുടെ സന്തോഷ് ടീ സ്റ്റാൾ.

ആറ് പതിറ്റാണ്ട് ജീവിതം കടന്നു പോകുമ്പോൾ
ഇന്ന് നിശബ്ദ കൊലയാളിയായി
രോഗവും ഒപ്പം ചേർന്ന് നിൽക്കുകയാണ്..
സാറ് ആ ആൽമരം കണ്ടോ..?
ലൂക്ക് ഔട്ട് മുറ്റത്ത് തണൽ വിരിയിച്ചു നിൽക്കുന്ന വട വൃക്ഷം ചുണ്ടിക്കാട്ടിയാണ് ചേച്ചിയുടെ ചോദ്യം.
ഞാൻ നട്ടതാ..
അന്ന് ചായക്കട
അവിടെയായിരുന്നു.
തണൽ നിരത്താനായി
ഞാൻ നട്ട് വളർത്തിയതാ..
42 കൊല്ലം മുൻപ്
പിന്നീട് എന്നെ അവിടെ നിന്നും
കുടിയിറക്കി..
പക്ഷെ ഒരു ദിനം പോലും ഇനിക്ക് ഈ ആൽമരം കാണാതിരിക്കാൻ കഴിയില്ല.
എന്റെ നാല് മക്കളെപ്പോലെ
ഞാൻ പരിചരിച്ചതാ.
പണ്ട് ഒരാന വന്ന് കൊപ്പ് വലിച്ചൊടിച്ചതിന്
പാപ്പാന് എന്റെ വായിലെ മുഴുവൻ
പോഷത്തരവും കേട്ടതാ..
ഉറക്കെ ചിരിച്ച് ലീല ചേച്ചി അത് പറയുമ്പോൾ
സമ്മതം പോലെ ആൽമരം കാറ്റിൽ ആകെയുലഞ്ഞ്
ഇല പൊഴിച്ചത് സന്തോഷം കൊണ്ടാകും..
ലുക്ക് ഔട്ടും തടയണയും കനാലും പണിയാനായി കുറെ കല്ലും
മണ്ണും ചുമന്നതാ ഞാൻ
ഓർമ്മകൾക്ക് ചായക്കലത്തോളം ചൂട് പകരുകയാണ്..
92 ലെ വെള്ളപ്പൊക്കത്തിൽ
കാടും കൃഷിയും മനുഷ്യരും
വാഹനങ്ങളും ഒഴുകി വന്ന കഥകൾ
ചെറു സങ്കട നനവോടെ
കഥ കേൾക്കാനിരിക്കുന്ന എന്റെ മുൻപിൽ
മുത്തശ്ശി വർത്തമാനം പോലെ
പറഞ്ഞു തന്നു..
ഇപ്പം വയ്യ സാറേ..
പക്ഷെ എന്റെ അച്ചൻ പറഞ്ഞു തന്ന
ഒരു വാക്കുണ്ട്..
നീ എങ്ങും തോൽക്കരുത്
തോറ്റ് കൊടുത്താൽ
ഓടാൻ മാത്രമേ സമയം കാണൂ.
30 - 40 കീമോ ചെയ്തിട്ടും
ഞാനിപ്പഴും ചിരിച്ചല്ലേ
നിൽക്കുന്നത്..
അടുപ്പിലേക്ക് വിറക് കക്ഷണം
നീക്കി വച്ചിട്ട് പുകയുടെ മുന്നിൽ നിന്ന്
നിറഞ്ഞ കണ്ണുമായി ചേച്ചി പറഞ്ഞു..
വല്ലാത്ത നോവ് പോലെ തോന്നി ആ ചിരിക്ക്.
കണ്ടുമുട്ടിയ നാൾ മുതൽ
കിഴക്കോട്ട് പോകുന്ന വഴി യാത്രയിൽ
സ്ഥിരമായി ഒരു ചായ പതിവായിരുന്നു
സന്തോഷ് ടീ സ്റ്റാളിൽ നിന്നും.
നാട്ടു വിശേഷങ്ങൾ
കുടുംബ കാര്യങ്ങൾ
ജോലി കാര്യങ്ങൾ
അങ്ങനെ പല ചർച്ചയുടേയും
ഇടത്താവളമാണ് ഈയിടം.

സ്വന്തമായി ഭൂമി ഒന്നുമില്ല
എന്ന സങ്കടമാ സാറേ
മിച്ചമുള്ളത്..
പട്ടയത്തിന് പരതാത്ത
കയറാത്ത സ്ഥലമില്ല.
പാറ ചുമന്ന് ചെളി കുഴച്ച് കാറ്റിനും മഴയ്ക്കും നേരെ പൊരുതി നിന്ന് പണിത് വച്ചതാ
സാറേ ഈ പുറമ്പോക്കിലെ വീടും കടയും
ഇത് വിട്ട് എവിടെപ്പോകാനാ..
ഞാൻ ചാവുന്നതിന് മുൻപ് എന്തേലും രേഖകൾ പട്ടയം കിട്ടിയാൽ സന്തോഷമാ..
സങ്കടവും പരിഭവവും കലർന്ന
ചെറുപരാതി.
പക്ഷെ എന്നെ കുടിയിറക്കാൻ
നോക്കിയ എല്ലാവരോടും ഞാൻ പൊരുതി നിന്നു.
ഇനിയും ഞാൻ തോറ്റ് കൊടുക്കില്ല
തോൽപ്പിച്ചത് ഈ ക്യാൻസറാ..
പെണ്ണൊരുവളുടെ ഉൾക്കരുത്ത് പോലെ
ലീല ചേച്ചിയുടെ വാക്കുകളിൽ
ആത്മവിശ്വാസത്തിന്റെ തീ ആളിക്കത്തുകയാണ്..
ചായക്കലത്തിലെ വെള്ളവും അതിനൊപ്പം
തിളച്ചുമറിയുന്നു..
സ്റ്റീൽ കലത്തിൽ പാട ചൂടാതെ
പാൽ നിറഞ്ഞു നിൽക്കുന്നു.
ഒപ്പം മനസ്സിൽ പാൽ പുഞ്ചിരിയോളം
തിളക്കം ചാലിച്ച ചിരിയഴകുമായി
ലീല ചേച്ചിയും..
✍️ C R Arun Kumar

10/11/2024

പുനലൂർ: സിപിഐ പുനലൂർ ഈസ്റ്റ് ലോക്കൽ കമ്മിറ്റിയുടെ നേതൃത്വത്തിൽ പാർട്ടി പ്രവർത്തന ഫണ്ട് പൊതു കളക്ഷൻ ഉദ്ഘാടനം സിപിഐ കൊല്ലം ജില്ലാ കമ്മിറ്റി അംഗം കെ. രാധാകൃഷ്ണൻ പ്രസന്ന ഷാജിയിൽ നിന്നും ഏറ്റുവാങ്ങി നിർവ്വഹിക്കുന്നു. ലോക്കൽ കമ്മിറ്റി സെക്രട്ടറി വിഷ്ണുദേവ്. വി സമീപം.

04/11/2024

സിപിഐ (എം )പുനലൂർ ഏരിയാ സെക്രട്ടറിയായി തിരഞ്ഞെടുത്ത സ: അഡ്വ: പി.സജിക്ക് അഭിവാദ്യങ്ങൾ ♥️♥️

01/11/2024

കോട്ടവട്ടം കാഞ്ഞിരംവിള വീട്ടിൽ
മനു(47) നര്യാതനായി🌹

01/11/2024

CPI (M) പുനലൂർ ഏരിയാ സമ്മേളനം.

പുനലൂർ: CPI ( M ) ഇരുപത്തി നാലാം പാർട്ടി കോൺഗ്രസ് 2025 ഏപ്രിൽ മാസത്തിൽ തമിഴ്നാട്ടിലെ മധുരയിൽ ചേരുകയാണ്. പാർട്ടി കോൺഗ്രസിന് മുന്നോടിയായിട്ടുള്ള സംഘടനാ സമ്മേളനങ്ങളുടെ ഭാഗമായിട്ടുള്ള പുനലൂർ ഏരിയ സമ്മേളനം 3, 4, 5 തീയതികളിലായി സ: ടൈറ്റസ് സെബാസ്റ്റ്യൻ നഗറിൽ (സ്വയംവരാ ഹാൾ പുനലൂർ) നടക്കും.
സെപ്തംബർ മാസം 1-ാം തീയതി ജില്ലയിലെ ആദ്യ ബ്രാഞ്ച് സമ്മേളനം അച്ചൻകോവിലിൽ ജില്ലാ സെക്രട്ടറി സ:എസ് സുദേവൻ ഉദ്ഘാടനം ചെയ്തു. തുടർന്ന് ഏരിയയിലെ 157 ബ്രാഞ്ച് സമ്മേളനങ്ങളും 11 ലോക്കൽ സമ്മേളനങ്ങളും പൂർത്തിയാക്കി ഏരിയ സമ്മേളനത്തിലേക്ക് കടക്കുകയാണ്.

ഏരിയയിലെ 2772 പാർട്ടി മെമ്പർമാരുടെ പ്രതിനിധികളായി വിവിധ ലോക്കൽ സമ്മേളനങ്ങളിൽ നിന്ന് തെരഞ്ഞെടുക്കപ്പെട്ട ഏരിയ സമ്മേളന പ്രതിനിധികളായി 144 പ്രതിനിധി സഖാക്കളും. ഏരിയ കമ്മറ്റി അംഗങ്ങളായ 20 പേരും,ജില്ലാ , സംസ്ഥാന നേതാക്കളും സമ്മേളനത്തിൽ പങ്കെടുക്കും.

സമ്മേളനത്തിന്റെ ഭാഗമായി നവംബർ മാസം 1-ാം തീയതി പതാകദിനമായി ആചരിച്ചു. എല്ലാം ബ്രാഞ്ച് കേന്ദ്രങ്ങളിലും പതാക ഉയർത്തി. പുനലൂർ ഏരിയ കമ്മറ്റി ഓഫീസിൽ മുതിർന്ന ഏരിയ കമ്മറ്റിയംഗം സഖ:ആർ സുഗതൻ പതാക ഉയർത്തി
നവംബർ 2 ന് സമ്മേളന നഗരിയിൽ സ്ഥാപിക്കാനുള്ള പതാകയും, കൊടിമരവും എത്തിക്കുന്നതിനുള്ള പതാക കൊടിമര ജാഥകൾ നടക്കും.
പ്രീയപ്പെട്ട സഖ: ടൈറ്റസ് സെബാസ്റ്റ്യന്റെ കർമ്മ മണ്ഡലമായ കാഞ്ഞിര മലയിൽ നിന്നും പുനലൂർ വെസ്റ്റ് ലോക്കൽ കമ്മറ്റി സെക്രട്ടറി എസ് അൻവർ ജാഥാ ക്യാപ്റ്റനായ പതാക ജാഥ, സി.ഐ ടി യു കേന്ദ്ര കമ്മറ്റിയംഗം അഡ്വ: പി സജി ഉദ്ഘാടനം ചെയ്യും. തുടർന്ന് ഇരു ചക്ര വാഹനങ്ങളുടെ അകമ്പടിയോട് ചെമ്മന്തൂർ ജംഗഷനിൽ എത്തിച്ചേരും.

സമ്മേളന നഗരിയിൽ സ്ഥാപിക്കുന്നതിനുള്ള കൊടിമരം പ്ലാച്ചേരി പ്രീയപ്പെട്ട സഖാക്കൾ .തങ്കപ്പൻ വൈദ്യർ,എ പ്രകാശ്. സഖ: ലാലൻ സുനി സ്മൃതികുടീരത്തിൽ നിന്നും ആരംഭിയ്ക്കും. പുനലൂർ ഈസ്റ്റ് ലോക്കൽ കമ്മറ്റി സെക്രട്ടറി സ:എസ് സതേഷ് ക്യാപ്റ്റനാകുന്ന കൊടിമര ജാഥ ജില്ലാ കമ്മറ്റിയംഗം എം.എ രാജഗോപാൽ ഉദ്ഘാടനം ചെയ്യും. തുടർന്ന് ഇരു ചക്ര വാഹനങ്ങളുടെ അകമ്പടിയോടെ ജാഥ ചെമ്മന്തൂർ പ്രൈവറ്റ് ബസ് സ്റ്റാൻഡിൽ എത്തിച്ചേരും. അവിടെ നിന്നും
ഇരു ജാഥകളും സംയുക്തമായി നഗരം ചുറ്റി സമ്മേളന നഗരിയിൽ എത്തും.

നവംമ്പർ 3, 4 തീയതികളിലായി പ്രതിനിധി സമ്മേളനം സഖ. ടൈറ്റസ് സെബാസ്റ്റ്യൻ നഗറിൽ ചേരും. പ്രതിനിധി സമ്മേളനം സി.പി ഐ എം സംസ്ഥാന കമ്മറ്റിയംഗം ജെ മേഴ്സി കുട്ടിയമ്മ ഉദ്ഘാടനം ചെയ്യും.
തുടർന്ന് നനവംബർ 5ന് വൈകിട്ട് 4 മണിയ്ക്ക് ടി.ബി ജംഗഷനിൽ നിന്ന് നൂറ് കണക്കിന് ആൾക്കാർ പങ്കെടുക്കുന്ന ബഹുജന മാർച്ചും, റെഡ് വാളണ്ടിയർ പരേഡും നടക്കും.
പ്രീയപ്പെട്ട സഖ: കെ ശിവപ്രസാദ് നഗർ (മാർക്കറ്റ് ജംഗ്‌ഷനിൽ ) ചേരുന്ന പൊതുസമ്മേളനം കോഴിക്കോട് ജില്ലാ കമ്മറ്റിയംഗം പി.കെ പ്രേം നാഥ് ഉദ്ഘാടനം ചെയ്യും. യോഗത്തിൽ പ്രമുഖ നേതാക്കൾ പങ്കെടുക്കും.