P.R.O Diocese of Punalur

23/12/2024

21/12/2024

സി ആർ ഐ പുനലൂർ യൂണിറ്റിന്റെ നേതൃത്വത്തിൽ ഇന്ന് (21 -12 -2024 ) ശനിയാഴ്ച രാവിലെ പത്തുമണി മുതൽ ഉച്ചയ്ക്ക് 1 മണി വരെ പത്തനാപുരം സെൻറ് സേവിയേഴ്സ് ആനിമേഷൻ സെന്ററിൽ വച്ച് ക്രിസ്മസ് കൂടിവരവ് നടന്നു.

ക്രിസ്മസ് ആഘോഷം പുനലൂർ രൂപത മെത്രാൻ അഭിവന്ദ്യ സെൽവിസ്റ്റർ പൊന്നുമുത്തൻ പിതാവ് ഔദ്യോഗികമായി ഉദ്ഘാടനം ചെയ്തു.

സി എസ് ഐ പ്രൊവിൻഷ്യൽ സുപീരിയർ മദർ തമീം ക്രിസ്മസ് സന്ദേശം നൽകി.

തുടർന്ന് ക്രിസ്മസ് കരോൾ ഗാന മത്സരവും ക്രിസ്മസ് കാർഡ് നിർമ്മാണ മത്സരവും നടന്നു.

പരസ്പരം ക്രിസ്മസ് സമ്മാനങ്ങൾ നൽകി ഉച്ചഭക്ഷണത്തോട്കൂടി കൂടിവരവ് സമാപിച്ചു.

കൂടിവരവിന് ഫാദർ ആൻഡ്രൂ ഓ സി ഡി , സിസ്റ്റർ സില്‍വി ബി എസ് , സിസ്റ്റർ ദർശന എസ് ഐ സി എന്നിവർ നേതൃത്വം നൽകി.

19/12/2024

🎅🎅🎅🎅🎅
ഈശോയിൽ ഏറ്റവും സ്നേഹമുള്ളവരെ, പത്തനാപുരം ഫൊറോനാ സമിതിയുടെ നേതൃത്വത്തിൽ
22 -12-2024 03:30 pm മുതൽ പട്ടാഴിമുക്ക് സെൻ്റ്.മേരീസ് യാക്കോബായ ദേവാലയത്തിൽന്നിന്നും
-നടത്തപ്പെടുന്ന
ക്രിസ്തുമസ് റാലിയുടെ ക്രമങ്ങൾ 👇🏻
📜ബാനർ
( അടൂർ, കൂടൽ ഇടവകയിൽ നിന്നുള്ള അംഗങ്ങൾ)

ബാനറിനു തൊട്ടു പിറകിലായി 10 ദേവാലയങ്ങളിൽ നിന്നുള്ള പാപ്പകൾ 🎅🎅 10 x 10 = 100

അതിനു പിന്നിൽ

1. അടൂർ ദേവാലയം 💒
2. ചൂരക്കോട് ദേവാലയം💒
3. ഏനാത്ത് ദേവാലയം💒
4. കിഴക്കുപുറം ദേവാലയം💒
5. വയല ദേവാലയം 💒
6. പാണൂർ ദേവാലയം💒
7. പത്തനാപുരം ദേവാലയം💒
8. പാടം ദേവാലയം💒
9. കൂടൽ ദേവാലയം💒
10. മരുതിമൂട് ദേവാലയം.💒

🎄🛖🎄മരുതിമൂട് ദേവാലയത്തിന്റെ പ്ലോട്ട്.

🚑 വിശ്വാസ് മെഡിക്കൽ സ്റ്റോറിൻ്റെ ആംബുലൻസ് സർവീസും മെഡിക്കൽ ടീമിന്റെയും സേവനം ഉണ്ടായിരിക്കുന്നതാണ്.( സ്പോൺസർ, ബ്രദേഴ്സ് കൊല്ലായിക്കോടൻസ്‌ )

📌( ഓരോ ദേവാലയത്തിന് മുമ്പിൽ പാപ്പകളും കരോൾ സംഘവും ഉണ്ടായിരിക്കണം.)

📌ക്രിസ്തുമസ് റാലിയിൽ പങ്കെടുക്കുന്ന ആളുകൾ റെഡ്/ വൈറ്റ് നിറത്തിലുള്ള വസ്ത്രങ്ങൾ ധരിക്കുക.

പൊതുസമ്മേളനം.🥁

ഈശ്വര പ്രാർത്ഥന - റവ :ഫാ: മൈക്കിൾ, കൂടൽ സെന്റ് ജൂഡ് ചർച്ച് വികാരി.

സ്വാഗതം - ശ്രീമാൻ: തോമസ് പി കെ, BCC കോഡിനേറ്റർ മരുതിമൂട് ഇടവക.

അധ്യക്ഷൻ - വെരി.റവ :ഫാ : ജോസ് വർഗീസ്, പത്തനാപുരം ഫൊറോന വികാരി.

ഉദ്ഘാടനം -
ശ്രീമാൻ: പുനലൂർ .സോമരാജൻ
പത്തനാപുരം ഗാന്ധിഭവൻ ചാരിറ്റി ട്രസ്റ്റ് സ്ഥാപകൻ, ജനറൽ. സെക്രട്ടറി

ആശംസകൾ.🥳🥳🥳

1. ശ്രീമാൻ: ഫെലിക്സ് മാരുതിമൂട്, KLCAഫൊറോന ജനറൽ സെക്രട്ടറി.

2. ശ്രീമാൻ: ജോയ് സെൻ്റ്. പോൾസ് ചർച്ച് വയല DCMS പ്രതിനിധി.

3. ശ്രീ: റൂബിൻ റെജി ലിറ്റിൽ വേ പ്രതിനിധി
സെന്റ് ആൻസ് ചർച്ച് പത്തനാപുരം.

4.ശ്രീമതി :രമ്യ അജി പത്തനാപുരം ഫൊറോന ഇടവകകളിലെ സെക്രട്ടറിമാരുടെ പ്രതിനിധി. സെന്റ് മാത്യൂസ് ദേവാലയം

5. കുമാരി: ജൂലി ജോസ് KCYM പ്രതിനിധി സെന്റ് ഫ്രാൻസിസ് ദേവാലയം പാണൂർ മുരുപ്പെൽ

കൃതജ്ഞത 🙏 -റവ :ഫാ :വിപിൻ സെബാസ്റ്റ്യൻ ഫൊറോനാ സെക്രട്ടറി,സെന്റ് ജോർജ് ദേവാലയം മരുതിമൂട്.

ക്രിസ്തുമസ് പ്രോഗ്രാം.🥳💃🏻🎤🥁

1.മരുതിമൂട് ദേവാലയം.
[1. ഡാൻസ്, കരോൾ ഗാനം]
2.കൂടൽ ദേവാലയം
[2. കരോൾ ഗാനം ]
3. പാടം ദേവാലയം
[1. ഡാൻസ്,കരോൾഗാനം]
4.പത്തനാപുരം ദേവാലയം
[1 ഡാൻസ്, കരോൾ ഗാനം]
5. പാണൂർ ദേവാലയം
[1 .ഡാൻസ്, കരോൾ ഗാനം]
6. വയലാ ദേവാലയം
[ കരോൾ ഗാനം]
7. കിഴക്കുപുറം ദേവാലയം
[ കരോൾ ഗാനം]
8. ഏനാത്ത് ദേവാലയം
[ 2 ഡാൻസ് ]
9. ചൂരക്കോട് ദേവാലയം
[ കരോൾ ഗാനം]
10. അടൂർ ദേവാലയം.
[ ഡാൻസ്, കരോൾ ഗാനം]
സ്നേഹവിരുന്നു

17/12/2024

ക്രിസ്മസ് സംഗമം 2024
——————————————
പത്തനാപുരം സെയിന്റ് സേവിയേഴ്സ് ആനിമേഷൻ സെന്ററിൽ പൂനലൂർ രൂപതയിലെ വൈദികരുടെയും സന്ന്യസ്തരുടെയും മാസധ്യാനവും ക്രിസ്മസ് കൂടിവരവും നടത്തി.

പ്രാർത്ഥനയോടെ കൂടി ആരംഭിച്ച കൂടിവരവിന് പുനലൂർരൂപത വികാരി ജനറൽ മോൺ.സെബാസ്റ്റ്യൻ വാസ് സ്വാഗതം ആശംസിച്ചു.

ദൈവം മനുഷ്യനായി അവതരിച്ച് നമ്മിലേക്ക് അടുത്തുവരുന്ന നിമിഷമാണ് ക്രിസ്മസ് എന്ന് സ്വാഗത പ്രസംഗത്തിൽ അദ്ദേഹം പങ്കുവെച്ചു.

പുനലൂർ രൂപത അധ്യക്ഷൻ അഭിവന്ദ്യ സെൽവിസ്റ്റർ പൊന്നുമുത്തൻ പിതാവ് ക്രിസ്മസ് സംഗമത്തിന്റ മുഖ്യാതിഥിയായി കടന്നുവന്ന തിരുവനന്തപുരം ലത്തീൻ അതിരൂപത മെത്രാപ്പോലീത്ത മോസ്റ്റ് റവ.ഡോ.തോമസ് ജെ. നെറ്റോ പിതാവിനെ സംഗമത്തിലേക്ക് ഔദ്യോഗികമായി സ്വാഗതം ചെയ്തു.

അഭിവന്ദ്യ തോമസ് പിതാവിൻറെ സെമിനാരി ജീവിതത്തെയും പൗരോഹിത്യ ജീവിതത്തെയും ഓർത്തുകൊണ്ട്
ഓർമ്മകളിൽ മർമ്മം ഉണ്ടെന്നും
സംസാരത്തിൽ മിതത്വവും പ്രവർത്തിയിൽ കൃത്യതയുള്ള വ്യക്തിയാണ്
തോമസ് ജെ നെറ്റോ പിതാവെന്ന് സെൽവിസ്റ്റർ പൊന്നുമുത്തൻ പിതാവ് പറഞ്ഞു.

ക്രിസ്മസ് സംഗമത്തിന് മോസ്റ്റ്‌ റവ .ഡോ. തോമസ് ജെ നെറ്റോ പിതാവ് മുഖ്യപ്രഭാഷണം നടത്തി.

സ്വാധീനിച്ച വ്യക്തികളെയും ആശയത്തെയും അനുഭവത്തെയും ഇടയന്മാരെ പോലെ മറ്റുള്ളവരോട് പങ്കുവയ്ക്കുന്നതാണ് ക്രിസ്മസ് എന്ന് മെത്രാപ്പോലീത്ത ഓർമ്മപ്പെടുത്തി.

തദവസരത്തിൽ പുനലൂർ രൂപതയുടെ പ്രഥമ മെത്രാൻ ആയിരുന്ന അഭിവന്ദ്യ മത്യാസ് കാപ്പിൽ പിതാവിനെ അനുസ്മരിച്ചു.

പിതാവിൻറെ പ്രസംഗത്തിൽ തന്നെ സ്വാധീനിച്ച ഒരു വാചകം അദ്ദേഹംപങ്കുവെച്ചു.” Keep the rules and the rules will keep you “.
(നിയമം പാലിച്ചാൽ നിയമം നിങ്ങളെ സംരക്ഷിക്കും.)

സെമിനാരി ജീവിതത്തിൽ തന്നെ സ്വാധീനിച്ച പ്രിഫെക്ട് അച്ചനായിരുന്നുയെന്നും സ്നേഹവും കരുതലും അനുകമ്പയും ഉള്ള വ്യക്തിയുമാണ് ബിഷപ്പ് സെൽവിസ്റ്റർ പൊന്നുമുത്തൻ എന്ന് അദ്ദേഹം ഓർമ്മപ്പെടുത്തി.

തുടർന്ന് ക്രിസ്മസിന് ഒരുക്കമായ കുമ്പസാരവും സ്നേഹവിരുന്നും ബിഷപ്പ് മത്യാസ് കൾച്ചറൽ & ഹെറിറ്റേജ് ഇൻസ്റ്റിറ്റ്യൂട്ടിന്റെ അഭിമുഖത്തിൽ ക്രിസ്മസ് പരിപാടികളും നടത്തി.

സിസ്റ്റർ ദീപ പ്രൊവിൻഷ്യൽ എസ് ആർ എ കോൺഗ്രിഗേഷൻ എല്ലാവർക്കും നന്ദി അറിയിച്ചു.

ക്രിസ്മസ് ആശംസകൾ പരസ്പരം നേർന്നുകൊണ്ട് നന്ദിയോട് പിരിഞ്ഞു.

16/12/2024

On 16th December 2024, Rev. Sr. Shruti SRA and Sr. Regis SRA, General Councillors of the SRA Congregation in Vienna, Austria, visited Bishop Selvister Ponnumuthan at the Bishop's House in Punalur. They were accompanied by Very Rev. Sr. Deepa Mary, Provincial of Anchal Province.

Their visit was an inspiring and enriching experience, strengthening the bonds of faith and unity that bind us together in our shared mission.

16/12/2024

Dec 17 | പരിശുദ്ധ പിതാവ് ഫ്രാൻസിസ് പാപ്പായ്ക്ക് 88മത് ജന്മദിനാശംസകൾ✨ ❤️

15/12/2024

കടയ്ക്കൽ മിഷന്റെ ഭാഗമായ ഇലവ്പാലം സെൻറ് ജോർജ്ജ് ദേവാലയത്തിൽ 15ഃ12ഃ2024 ഞായറാഴ്ച രാവിലെ അഭിവന്ദ്യ സെൽവിസ്റ്റർ പൊന്നുമുതൻ പിതാവ് ബലിയർപ്പിച്ച് പ്രാർത്ഥിച്ചു.

റവ ഫാദർ ജോമി ഒ സി ഡി സഹകാർമികനായിരുന്നു.

15/12/2024

പത്തനാപുരം സെയിന്റ് സേവിയേഴ്സ് ആനിമേഷൻ സെന്ററിൽ വച്ച് 2024 ഡിസംബർ 12 മുതൽ 14 വരെ നടന്ന വിവാഹ ഒരുക്ക സെമിനാറിൽ പങ്കെടുത്തവർക്കുള്ള സർട്ടിഫിക്കറ്റ് വിതരണം അഭിവന്ദ്യ സെൽവിസ്റ്റർ പൊന്നുമുതൻ പിതാവ് നടത്തി.

ഫാമിലി അപ്പോസ്തോലേറ്റ് ഡയറക്ടർ റവ.ഫാദർ ജോസ് വർഗീസ് സെമിനാറിന് നേതൃത്വം നൽകി.

14/12/2024

ആഗോള കത്തോലിക്ക സഭയുടെ പരമാധ്യക്ഷന്‍ ഫ്രാന്‍സിസ് പാപ്പ തിരുപ്പട്ടം സ്വീകരിച്ചിട്ട് ഇന്നലെ ഡിസംബര്‍ പതിമൂന്നാം തീയതി 55 വര്‍ഷങ്ങള്‍ പൂര്‍ത്തിയായി. പത്തൊന്‍പതാത്തെ വയസിൽ ബെർഗോഗ്ലിയോ എന്ന യുവാവ് കുമ്പസാര കൂദാശയിൽ അനുഭവിച്ച ദൈവീക സാന്നിധ്യമാണ് പിന്നീട് തന്നിലെ ദൈവവിളി തിരിച്ചറിയുവാൻ ഇടയാക്കിയത്. അര്‍ജന്റീനയുടെ തലസ്ഥാനമായ ബ്യൂണസ് ഐറിസില്‍ ജനിച്ച ജോര്‍ജ് മരിയോ ബെർഗോളിയോ ( ഫ്രാന്‍സിസ് പാപ്പ) രസതന്ത്രത്തില്‍ ബിരുദം കരസ്ഥമാക്കിയ ശേഷം 1958 മാര്‍ച്ച് 11-ാം തീയതിയാണ് ജസ്യൂട്ട് സന്യാസ സമൂഹത്തില്‍ ചേര്‍ന്ന് വൈദികനാകുവാനുള്ള തന്റെ പഠനം ആരംഭിച്ചത്.

തത്വശാസ്ത്രവും, ദൈവശാസ്ത്രവും പഠിച്ച ശേഷം 1964 മുതൽ വിവിധ കോളജുകളിൽ സാഹിത്യവും മനഃശാസ്ത്രവും പഠിപ്പിക്കുകയും ചെയ്തു. 1969 ഡിസംബർ പതിമൂന്നാം തീയതി കോർഡോബായിലെ മെത്രാപ്പോലീത്തയായിരുന്ന മോൺസിഞ്ഞോർ രാമോൻ ഹോസെയുടെ കൈവയ്പു ശുശ്രൂഷയാലാണ് ബെർഗോഗ്ലിയോ വൈദികനായി അഭിഷേകം ചെയ്യപ്പെട്ടത്. അന്ന് അദ്ദേഹം തിരുപ്പട്ടം സ്വീകരിച്ചപ്പോള്‍ അതിന് സാക്ഷികളായവരോ അദ്ദേഹം പോലുമോ ആഗോള കത്തോലിക്ക സഭയുടെ പരമാധ്യക്ഷനായി തെരഞ്ഞെടുക്കപ്പെടുമെന്ന് കരുതിയിരിന്നില്ലായെന്നതാണ് പച്ചയായ യാഥാര്‍ത്ഥ്യം.

1973-ല്‍ അര്‍ജന്റീനയിലെ ജെസ്യൂട്ട് സമൂഹത്തിന്റെ പ്രോവിന്‍ഷ്യാള്‍ സുപ്പീരിയറായി തെരഞ്ഞെടുക്കപ്പെട്ടപ്പോഴും 1992-ല്‍ ബ്യൂണസ് അയേഴ്സ് ഓക്സിലറി ബിഷപ്പായി തെരഞ്ഞെടുക്കപ്പെട്ടപ്പോഴും അദ്ദേഹം തന്റെ എളിമയും കരുണയും ജീവിതത്തിന്റെ പ്രകടമായ സാക്ഷ്യമാക്കി മാറ്റി. തന്റെ ദൈവവിളിയെ, വിശുദ്ധ മത്തായിയുടെ ദൈവവിളിയോടാണ് ഫ്രാൻസിസ് പാപ്പ സാമ്യപ്പെടുത്തി സംസാരിച്ചിരുന്നത്. പാപിയായ തന്നെ, ദൈവം തന്റെ വിരൽ നീട്ടി കൃപ തന്നതിന്റെ ഫലമാണ് തന്റെ ജീവിതം വൈദികവൃത്തിയിൽ മുൻപോട്ട് കൊണ്ടുപോകുന്നതെന്നു ഫ്രാൻസിസ് പാപ്പ വിവിധ സമയങ്ങളില്‍ നല്‍കിയ അഭിമുഖ സംഭാഷണങ്ങളിൽ പലപ്പോഴും സൂചിപ്പിച്ചിരുന്നു.

11/12/2024

മലങ്കര ഓർത്തഡോക്സ്‌ സഭയും കത്തോലിക്കാ സഭയും തമ്മിലുള്ള ദൈവശാസ്‌ത്ര സംവാദം മാങ്ങാനം സ്പിരിച്ച്യാലിറ്റി സെന്ററിൽ (10-12-2024) ആരംഭിച്ചു. ഓർത്തഡോക്സ്‌ സഭയെ പ്രതിനിധീകരിച്ച് അഭി. ഡോ. യൂഹാനോൻ മാർ ദിമിത്രയോസ് മെത്രാപ്പോലീത്താ (കോ-ചെയർമാൻ), അഭി. ഡോ. യാക്കോബ് മാർ ഐറേനിയോസ് മെത്രാപ്പോലീത്താ, അഭി. ഡോ. യൂഹാനോൻ മാർ ദീയസ്കോറോസ് മെത്രാപ്പോലീത്ത, അഭി. ഡോ .ഗീവർഗ്ഗീസ് മാർ ബർന്നബാസ് മെത്രാപ്പോലീത്ത, ഫാ.ഡോ. ജോസ് ജോൺ, ഫാ. ഡോ. മാത്യു വർഗ്ഗീസ്, ഫാ. ഡോ. കെ.എം. കോശി വൈദ്യൻ (കോ -സെക്രട്ടറി) എന്നിവരും കത്തോലിക്കാ സഭയെ പ്രതിനിധീകരിച്ച് ആർച്ച് ബിഷപ് ഡോ. ഫ്ലാവിയോ പേസ് (കോ -ചെയർമാൻ ), ബിഷപ്പ് ഡോ. ജോസഫ് കല്ലറങ്ങാട്ട്, ബിഷപ്പ് ഡോ. സെൽവിസ്റ്റർ പൊന്നുമുത്തൻ, ആർച് ബിഷപ്പ് ഡോ. തോമസ് മാർ കൂറിലോസ്, ഫാ. ഡോ. ഫിലിപ്പ് നെൽപ്പുരപ്പറമ്പിൽ, ഫാ .ഡോ .അഗസ്റ്റിൻ കടേപ്പറമ്പിൽ ഫാ.ഡോ .ഹൈസിൻത് ടെസിറ്റിവിൽ (കോ -സെക്രട്ടറി) എന്നിവരും പങ്കെടുത്തു. ഡോ. യൂഹാനോൻ മാർ ദിയസ്കോറോസ്, ഡോ. തോമസ് മാർ കൂറിലോസ്, ഫാ. ഡോ. ഫിലിപ്പ് നെൽപ്പുരപ്പറമ്പിൽ, ഫാ. ഡോ കോശി വൈദ്യൻ, ഫാ. ഡോ. ജോസ് ജോൺ, ഫാ. ഡോ. ഹൈസിൻത് ടെസിറ്റിവിൽ എന്നിവർ പ്രബന്ധങ്ങൾ അവതരിപ്പിച്ചു.

08/12/2024

Dec 9 |✨ അമലോത്ഭവ മാതാവിന്റെ തിരുനാൾ ആശംസകൾ✨ | The Solemnity of the Immaculate Conception

◻️അമലോത്ഭവ മാതാവ്
▫️അമലോത്ഭവം എന്നതിനു നിർമ്മലമായ ജനനം എന്നു വാച്യാർത്ഥം. മറിയം ഉത്ഭവത്തിന്റെ ആദ്യനിമിഷത്തിൽ തന്നെ ‘ജന്മപാപ’ ത്തിന്റെ എല്ലാ മാലിന്യങ്ങളിലും നിന്നു സംരക്ഷിക്കപ്പെട്ടു എന്ന വിശ്വാസമാണ് ഈ പ്രയോഗം ഉൾക്കൊള്ളുന്നത്.

അതു ദൈവം മറിയത്തിനു കനിഞ്ഞരുളിയ സവിശേഷകൃപയാണ്. സമയത്തിന്റെ പൂർത്തിയിൽ സംഭവിക്കാനിരുന്ന യേശുവിന്റെ രക്ഷാകര ദൗത്യത്തിന്റെ യോഗ്യതയുടെ മുൻകൂർ ദാനമാണത്. 1854 ഡിസംബർ എട്ടിന് മാതാവിന്റെ അമലോത്ഭവം വിശ്വാസസത്യമായി പ്രഖ്യാപിച്ചപ്പോൾ, ഒമ്പതാം പിയൂ സ് പാപ്പ പ്രത്യേകം എടുത്തു പറഞ്ഞ കാര്യങ്ങൾ മുകളിൽ പറഞ്ഞവയാണ്. മറിയത്തിന്റെ ജീവിതം തുടങ്ങുന്നതേ പരിശുദ്ധാത്മാവിലാണ് എന്നാണ് ഈ വിശ്വാസസത്യം നമ്മെ പഠിപ്പിക്കുന്നത്. സഭ പണ്ടുമുതലേ വിശ്വസിച്ചുപോന്ന ഒരു വിശ്വാസത്തിന്റെ ഔദ്യോഗിക വിളംബരം മാത്രമായിരുന്നു മാർപാപ്പയുടെ പ്രഖ്യാപനം.

ഈ വിശ്വാസത്തിനു സഭ നൽകുന്ന യുക്തി ഇതാണ്: ആദത്തിന്റെ പാപം നിമിത്തം എല്ലാ മനുഷ്യരും ഉത്ഭവപാപത്തോടെയാണു ജനിക്കുന്നത്. മറിയവും ഈ നിയമത്തിനു വിധേയയായി ഉത്ഭവപാപത്തോടെയാണു ജനിച്ചിരുന്നത് എങ്കിൽ, പാപംകൊണ്ടു മലിനമായൊരു ഉദരത്തിൽ ആകുമായിരുന്നു യേശുവിന്റെ ഉത്ഭവം. അത് അവിടുത്തെ പരിശുദ്ധിക്കു നിരക്കാത്ത കാര്യമാകുമല്ലോ. അതുകൊണ്ട്, യേശുവിന്റെ രക്ഷാകരദൗത്യത്തിന്റെ യോഗ്യത മുൻകൂറായി നൽകി, ദൈവം മറിയത്തെ ഉത്ഭവത്തിന്റെ പ്രഥമനിമിഷംമുതലേ അമലയായി കാത്തുരക്ഷിച്ചു. ‘ദൈവത്തിന് അതു കഴിയുമായിരുന്നു; അതു യുക്തമായിരുന്നു; അതുകൊണ്ട് അവിടുന്ന് അങ്ങനെ ചെയ്തു.’

അതല്ല, അവള്‍ ഉത്ഭവ പാപത്തിലാണ് ജനിച്ചിരുന്നതെങ്കില്‍, തന്റെ അടിമയായി ഉത്ഭവപാപത്തില്‍ പിറന്ന ഒരു സാധാരണ സ്ത്രീയില്‍ നിന്നാണ് യേശു ജനിച്ചതെന്ന് സാത്താന് പില്‍ക്കാലത്ത് വമ്പു പറയുവാന്‍ അവസരം കിട്ടുമായിരുന്നു. എങ്കില്‍, മരുഭൂമിയിലെ പരീക്ഷണത്തില്‍ യേശുവിനു നേരെ സാത്താന്‍ പ്രസ്തുത തൊടുന്യായം കൂടി എടുത്ത് വാളുപോലെ വീശുമായിരുന്നു എന്നതില്‍ തര്‍ക്കമില്ല. ”തന്റെ സന്തതി സാത്താന്റെയും അവന്റെ സന്തതികളുടെയും തല തകര്‍ക്കുമെന്ന്” (ഉല്‍ 3:15) സൃഷ്ടിയുടെ സമാരംഭത്തില്‍ പ്രവചിക്കപ്പെട്ട ദൗത്യനിര്‍വഹണത്തിന് ദൈവം തെരഞ്ഞെടുത്ത മറിയത്തിന് ഉത്ഭവപാപത്തില്‍ ജനിച്ച് സാത്താന് വിധേയയാകുവാന്‍ സാധിക്കുമായിരിന്നുവോ? ഉത്ഭവപാപത്തില്‍ ഉരുവായ ഒരാളില്‍നിന്ന് പരമപരിശുദ്ധ ദൈവപുത്രന്‍ ജന്മമെടുക്കുക എന്നത് അചിന്തനീയവും അനുചിതവും അസംഭ്യവമായ വൈരുദ്ധ്യവുമാണ്.

മാത്രവുമല്ല, മണ്‍രൂപ നിര്‍മ്മിതികളായ ആദവും ഹവ്വായും ദൈവനിശ്വസനത്താല്‍ അവിടുത്തെ ആത്മാവിനെ നേരിട്ട് സ്വീകരിച്ച് ഉത്ഭവപാപം കൂടാതെ സൃഷ്ടിക്കപ്പെട്ടവരാണ്. പക്ഷേ, പിന്നീട് അനുസരണക്കേടു കാട്ടി പാപശിക്ഷ ഏറ്റുവാങ്ങിയ ഹവ്വായെക്കാള്‍ ഉത്കൃഷ്ഠയാണ് രണ്ടാം ഹവ്വായായ മറിയം. അതിനാല്‍ അവള്‍ ഉത്ഭവപാപത്തിന് ഉപരിയസ്തിത്വം-അമലോത്ഭവാസ്ഥ-ഉള്ളവളായിരിക്കണമല്ലോ. സായംസന്ധ്യകളില്‍ തേടി വന്നിരുന്ന ദൈവത്തിന്റെ സാന്നിധ്യ,സ്വരങ്ങളില്‍നിന്ന് പാപശേഷം ഓടിയൊളിച്ചവളാണ് ഹവ്വായെങ്കില്‍ ദൈവസന്നിധിയിലെ സ്വര്‍ഗസ്വരവുമായി വന്ന ഗബ്രിയേല്‍ മാലാഖയ്ക്ക്, ‘ഇതാ ഞാന്‍ കര്‍ത്താവിന്റെ ദാസി, നിന്റെ വാക്കുപോലെ എനിക്കു ഭവിക്കട്ടെ’ എന്ന സമ്മോഹനമായ സമ്മതഗീതം പാടിയവളാണ് മറിയം. അവളുടെ ഔന്നത്യവും ദൗത്യവും സംബന്ധിച്ച് അമലോത്ഭവയായി സൃഷ്ടിക്കപ്പെടുക എന്നത് യഥാക്രമം അനുയോജ്യവും അനുപേക്ഷണീയവുമായിരുന്നു.

08/12/2024

The Four Marian Dogmas🇻🇦

06/12/2024

നമ്മുടെ രൂപതയിലെ ഇടകടത്തി ഇടവകയിലെ റവ.സിസ്റ്റർ റെനി ഡി .എസ് .എസ്സിന്റെ വത്സല മാതാവ് ശ്രീമതി റോസമ്മ ചാക്കോ മണിമലകുന്നേൽ കർത്താവിൽ നിദ്ര പ്രാപിച്ച വിവരം വ്യസനസമേതം അറിയിക്കുന്നു.
———————————————-
പരേതയുടെ മൃത സംസ്കാര ശുശ്രൂഷ നാളെ ഉച്ചകഴിഞ്ഞ്
2.30 ന് ഇടകടത്തി സെയിന്റ് ആന്റണി ദേവാലയത്തിൽ നടക്കും.
—————————————-
പരേതയുടെ വേർപാടിൽ വേദനിക്കുന്ന സിസ്റ്റർ റെനിക്കും കുടുംബാംഗങ്ങൾക്കും പുനലൂർ രൂപതാ അധ്യക്ഷൻ അഭിവന്ദ്യ സെൽവിസ്റ്റർ പൊന്നുമുത്തൻ പിതാവിന്റെയും വൈദികരുടെയും സന്ന്യസ്തരുടെയും അല്മായരുടെയും പേരിലുള്ള അനുശോചനവും പ്രാർത്ഥനയും
അറിയിക്കുന്നു.

കർത്താവേ ഈ ആത്മാവിന് നിത്യശാന്തി നൽകേണമേ
ഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃഃ।।ഃഃഃഃഃഃഃഃഃഃഃഃഃഃ