26/09/2024
কাহিলীপাৰাৰ Synergy Apartment ৰ সন্মুখত ৰাতিপুৱা মানুহৰ সমাগম হয়।
মই নাভাবো যে গুৱাহাটীৰ আন কোনোবা Apartment-ৰ সন্মুখত মানুহে এনেদৰে ৰৈ থাকে।
কাৰোবাক চকু অপাৰেশ্যনৰ পইচা লাগে,
কাৰোবাক কিডনি ট্ৰান্সপ্লান্টৰ পইচা লাগে,
কাৰোবাক কেন্সাৰৰ চিকিৎসাৰ পইচা লাগে,
কাৰোবাক বানপানীয়ে উটুৱাই নিয়া ঘৰটো ঠিক কৰিবলৈ পইচা লাগে,
কাৰোবাক স্কুলৰ ফিজ দিবলৈ পইচা লাগে।
মুঠতে Synergy Apartment ৰ সন্মুখত অভাৱী মানুহৰ এটা লাইন থাকে। যিয়ে বিচাৰি যায় সহায়ৰ এখন হাত।
নতুনকৈ চিনেমা এখন ওলাইছে হেনো। মানুহে হোৱাই নোহোৱাই সমালোচনা কৰিছে। বেয়া আমি অলপো পোৱা নাই কাৰণ সকলোৰে মুকলিকৈ কথা কোৱাৰ স্বাধীনতা আছে। কিন্তু মানুহে মনত ষ্টেৰিয়টাইপ কৰি লৈ কথাবোৰ কৈছে, অমুক চিনেমাখন চোৱাৰ পিছত হেনো তেওঁৰ চিনেমা আৰু দৌৰি দৌৰি চাবলৈ নাযায়।
ঠিকেই আছে যাব নালাগে।
খামীডাঠ অসমীয়া এজনে 'অনামিকা'-ৰ পৰা আৰম্ভ কৰি জাতিটোক বহুখিনি দি বৰ্তমান জীৱন্ত কিংবদন্তি হৈ গ'ল।
মই পোষ্টটো লিখি থাকোঁতেও হয়টো কিছুমানে ভাবি আছে, "কাইলৈ কাহিলীপাৰালৈ গৈ Synergy Apartment ৰ সন্মুখত থিয় হৈ ৰৈ থাকিম, মোৰ বেমাৰৰ চিকিৎসাৰ অলপ পইচা যোগাৰ হ'ব, মোৰ বানপানীয়ে উটুৱাই নিয়া ঘৰটো ঠিক কৰিম, সৰু আইৰ পঢ়া ফিজখিনি দিব পাৰিম, অহা সপ্তাহত কেম' থেৰাপী টো কৰিব পাৰিম।"
কাৰণ Synergy Apartment ত জুবিন গাৰ্গ থাকে। জুবিনে অসহায় মানুহক কেতিয়াও নিৰাশ নকৰে। মই চিনেমাৰ প্ৰচাৰ নকৰোঁ কিন্তু নেতিবাচক কথা কোৱা বোৰক কৈছোঁ, " এবাৰ Synergy Apartment ৰ সন্মুখত ৰৈ থকা অসহায় মানুহখিনিৰ কথা ভাবিব।"
শেষত এশাৰী কওঁ, '' দুৰ্বল মানুহে যদি, জীৱনৰ কোবাল নদীত, পাৰ হৈ তোমাৰে সাহত, তুমি হেৰুৱাবানো কি ?"
Long Live Zubeen Garg ❤️
© Anjan Jyoti Sharma দাদাৰ ফেচবুক ৱালৰ পৰা..
