03/02/2022
നിലമ്പൂർ - ഷൊർണൂർ പാസഞ്ചർ
മാർച്ച് ഒന്ന് മുതൽ
കാത്തിരിപ്പിനൊടുവിൽ നിലമ്പൂർ - ഷൊർണൂർ പാസഞ്ചർ സർവീസ് പുനരാരംഭിക്കുന്നു. കോവിഡ് സാഹചര്യത്തിൽ നിർത്തിവെച്ച സർവിസ് മാർച്ച് ഒന്നു മുതലാണ് പുനരാരംഭിക്കുക. സതേൺ റെയിൽവേയുടെ പുതിയ സമയ പട്ടികയിൽ നിലമ്പൂർ-ഷൊർണൂർ പാസഞ്ചറും ഇടം പിടിച്ചിട്ടുണ്ട്. രണ്ട് സർവീസുകളാണ് ഉണ്ടാവുക. രാവിലെ ഏഴിന് നിലമ്പൂരിൽ നിന്ന് പുറപ്പെടുന്ന ട്രെയിൻ 8.30ന് ഷൊർണൂരിൽ എത്തും. വൈകുന്നേരം 5.55 ന് ഷൊർണൂരിൽ നിന്ന് തിരിച്ച് 7.55 ന് നിലമ്പൂരിലെത്തും. നിലമ്പൂർ-ഷൊർണൂർ പാതയിൽ ഏഴ് ട്രെയിനുകൾക്ക് 14 സർവീസാണ് കോവിഡിന് മുമ്പ് ഉണ്ടായിരുന്നത്.
ഇപ്പോൾ രാജ‍്യറാണിയും നിലമ്പൂർ -കോട്ടയവും ഉൾപ്പെടെ രണ്ട് വണ്ടികളുടെ നാല് സർവിസ് മാത്രമാണുള്ളത്.
