Ranadxentertainment

11/08/2023

Guess the picture?

21/06/2023

Shout out to my newest followers! Excited to have you onboard!

Anowar Hussain, MI Uddin, Mjibur Rhman, Din Islam, Alim Ali

Thanks for following

17/06/2023

07/06/2022

কালদি বিদ্যালয়ৰ এই বছৰৰ গৌৰৱ । আন্তৰিক অভিনন্দন জ্ঞাপন কৰিছো। তোমাৰ জীৱনৰ ভৱিষ্যত মংগল কামনা কৰিলো।

21/04/2022

Proud to be nalbarian

09/01/2022

https://youtu.be/BAeuwBqEXtI

Rim jhim boroxa namise ।। ৰিমঝিম বৰষা নামিছে।। Assamese bihu cover dance by Narjima parbin # # # ...

10/10/2021

Florina gogoi brings the trophy of Indian super dancers chapter 4 to home town with Rs 15 lakh to Assam. A great congratulations to her wishing her bright future. We also proud to be Assamese child FLORINA.
Florina fetch light and winning path to Assamese children for future

29/08/2021

ekkhan Pan chailam pan Dilana একখান পান চাইলাম পান দিলানা ।। Dance Nargis #

05/07/2021

From page of
Main uddin

পুৰণি চিন্তা নতুন ৰূপত : খিলঞ্জীয়া
@ মাইন উদ্দিন

জাতি ধর্ম ভাষা নির্বিশেষে ভাৰতীয় মূলৰ সকলো খিনিয়েই 'খিলঞ্জীয়া' ! কোনোবাই মানি ললেও সচাঁ আৰু মানি নললেও সচাঁ।
খিলঞ্জীয়া শব্দটোৰ Legal & Constitutional Defination & Sanction কোনোবাই ব্যাখ্যা কৰিলে উপকৃত হলোঁহেঁতেন।

অসম' কি ? এই প্রশ্নটোৰ উত্তৰ ইচ্ছা কৰিলেই সহজে দিব পাৰি কিন্তু যদি জটিল কৰি তুলিব বিচাৰে তেন্তে চাৰিটা দহক নহয়, চাৰিশ টা দহকতো শুদ্ধ উত্তৰ বিচাৰি পোৱা নাযাব। Pragjyotisha ৰ পৰা bhukti আৰু Kamarupa হ'ল , শেষত কামৰূপ মণ্ডলকে গোটেই Pragjyotisha ক বুজোৱা হ'ল। এই Pragjyotisha ৰ চাৰিসীমা নজনা সকলে যিমানেই কুতর্ক নিদিয়ক কিয় কিন্তু এটা কথা স্বীকাৰ কৰিবলৈ বাধ্য হয় - সম্পূর্ণ ব্রহ্মপুত্র উপতক্যাই প্রাচীন Pragjyotisha ৰ অন্তর্গত আছিল। এতিয়া কথা হ'ল- ভূখন্ড যদি Pragjyotisha ৰ আছিল তেন্তে তাত বসবাস কৰা মানুহ খিনি মঙ্গল গ্ৰহৰ এলিয়েন নেকি? এই প্রশ্নৰ উত্তৰ কোনোৱে দিব নিবিচাৰে কাৰণ সত্য উত্তৰ দিলেই বহুতৰে দোকান বন্ধ হোৱাৰ সম্ভবনা থাকে। বহুতে আন এটা যুক্তি দিয়ে - ব্রহ্মপুত্র উপতক্যাৰ নামনি অংশ পৰৱৰ্তী গৌড় ৰাজ্য হিচাবে নাম পাইছিল, গতিকে সেই মানুহ খিনি Pragjyotisha ৰ নহয় গৌড়ৰহে। ঠিক আছে - আপোনাৰ যুক্তি মানি লোৱা হ'ল- এতিয়াৰ 'অসম' খন বৃটিশৰহে আৰু ব্রিটিশৰ ভাৰত গণৰাজ্যই ভাৰ পাইছে। গৌড় ৰাজ্য নাম লোৱা বাবেই যদি মানুহ খিনিৰ Pragjyotisha মূল নোহোৱা হৈ যায় তেন্তে ব্রিটিশে দিয়া নামৰ লগতে 'ভূমিপুত্র' বুলি দাবী কৰাৰ থল নোহোৱা হৈ যায় যে নাযায় ?

আজিৰ তাৰিখত 'অসমীয়া ভাষা' এনেকুৱা এটা পৰ্যায়ত আছে যে এজন ব্যক্তিও অসমীয়া ভাষাত কথা নকলেও অসমীয়া ভাষা' লুপ্ত হৈ নাযায়। অসমীয়া ভাষা ইতিমধ্যেই লব্ধপ্রতিষ্ঠিত হৈছে। গতিকে ভাষাৰ নামত 'ইম'চনেল ব্লেকমেইলিং' যুক্তিযুক্ত নহয়।
পিছে 'অসমীয়া জাতি' গঠনত কি হব সেয়া মোৰ বোধগম্যৰ বাহিৰত। সীমিত অধ্যয়নে কৈ আছে - 'অসমীয়া বুলি নির্দিষ্ট কোনো জনগোষ্ঠী নাই , ১২০+ জনগোষ্ঠীৰ সংমিশ্রণত গঠিত হৈছে অসমীয়া জাতি আৰু বেছি ভাগ জনগোষ্ঠীৰে আছে নিজৰ নিজৰ ভাষা-সংস্কৃতি। '

অসম বা অসমীয়া জাতি বা অসমীয়া সংস্কৃতি’ কোনো এটা নিৰ্দিষ্ট জাতি বা জনগোষ্ঠীৰ একচেতিয়া সম্পতি নহয়। ই মানৱসৃষ্ট; আৰু মানুহৰ মাজত পৰিবৰ্তিত তথা পৰিবৰ্দ্ধিত ৰূপত জীয়াই থাকে। ৰাজৈনৈতিক বা সামাজিক পৰিৱৰ্তনৰ মাজেৰে ভৌগোলিক সীমাৰ ও পৰিবৰ্তন লক্ষণীয় ভাবে হৈ থাকে হৈয়েই আছে। অসম বা অসমীয়াৰ দৰেই পৃথিৱীৰ প্ৰত্যেকটো জাতি বা জনগোষ্ঠীৰ নিজ নিজ সীমা বা সংস্কৃতি আছে কিন্তু constant নহয় । বিভিন্ন জাতি, জনগোষ্ঠীৰ সংস্কৃতিৰ সমলৰ সমাহৰণত অসমীয়া সংস্কৃতি গঁঠিত হৈছে। সেয়ে ক’ব পাৰি যে বিশাল ভাৰতীয় সংস্কৃতিৰ দৰে অসমীয়া সংস্কৃতিও এক সমন্বয় বা মিলনৰ বস্তু যত মিলিত হৈছে - দ্রাবিড় , মঙ্গলীয় , শ'ক , হুন , আহোম , মোগল, মান , আদি নৃগোষ্ঠীয় অৱদান । মানব জাতিৰ আদিম অৱস্থাৰ পৰা সভ্য স্তৰলৈকে আঁত নিছিগাকৈ বৈ আহিছে সংস্কৃতিৰ বোৱতি সুঁতি। অসমীয়া সংস্কৃতিও কোনো এটা নিৰ্দিষ্ট সময়ত গঢ় লোৱা সংস্কৃতি নহয়। ইয়াৰ ইতিহাস অতি প্ৰাচীন। শতাব্দীৰ পিছত শতাব্দী ধৰি ক্ৰমবিকাশৰ পথত আগবাঢ়ি আহিছে অসমীয়া সংস্কৃতি। অৱশ্যে, কালক্ৰমত অসমীয়া সংস্কৃতিৰ ক্ৰমশঃ পৰিবৰ্ত্তন পৰিলক্ষিত হয়। আদিম অৱস্থাত অসমৰ বুকুত আৰ্য-অনাৰ্য, মঙ্গোলীয় তথা নানান জাতি-উপজাতি বসবাস কৰি তেওঁলোকৰ স্বকীয় সংস্কৃতিৰ উপাদান সমূহ আগবঢ়াই অসমীয়া সংস্কৃতি পৰিপুষ্ট সাধন কৰিছিল। পৰৱৰ্তী যুগত আহোম মোগলৰ বিভিন্ন সংস্কৃতিৰ উপাদানৰ সমাহৰনেৰে অসমীয়া সংস্কৃতিৰ বৰঘৰ বন্ধাত সহায়তা কৰিছে। আহোমৰ ৰাজত্বকালৰ সময়চোৱাত অসমীয়া সংস্কৃতিৰ সৰ্বদিশত এটা সুশৃংখল ৰূপ ধাৰন কৰে। এই সময়চোৱা অসমীয়া সংস্কৃতিৰ ভেটি প্ৰতিষ্ঠাৰ যুগ বুলি কোৱা হয়। সেইদৰে ৰাজনৈতিক পথাৰ খন ও সময়ে সময়ে পৰিৱৰ্তিত হৈ আজিৰ অৱস্থা পাইছে। এই পৰিৱৰ্তনক অস্বীকাৰ কৰাৰ অর্থ হৈছে আন এক বৃহৎ পৰিৱৰ্তনৰ আগজাননী কিন্তু আন এটা কথা মনকৰিবলগীয়া - বৃহৎ পৰিৱৰ্তনে কোনোবা এটা জাতি বা ভূখন্ডক সমূলে ধ্বংসস্তুভত পৰিণত কৰাৰ বহু উদাহৰণ ইতিহাসৰ পাতত লিপিবদ্ধ আছে।
বৃটিছ অহাৰ লগে লগে অসমৰ ৰাজনৈতিক, সামাজিক, অৰ্থনৈতিক আদি বিষয়ত পৰিবৰ্তন হোৱাৰ লগতে আবহমান কালকপি চলি অহা অসমীয়া সংস্কৃতিৰ প্ৰবাহলৈ বহুমুখী পৰিৱৰ্ত্তন আহিবলৈ ধৰে যত দুটা বৃহৎ জন গোষ্ঠী সংযোজন হয় - চাহ জনগোষ্ঠী আৰু বঙ্গমূলীয় চৰ চাপৰি জনগোষ্ঠী , বর্তমান সময়ত এই দুই জনগোষ্ঠীৰ সমষ্টি অসমৰ মুঠ জন সংখ্যাৰ আধা । পূৰ্বৰ সামাজিক ব্যৱস্থা, ৰীতি-নীতি, আচাৰ-ব্যৱহাৰ, উত্স-ৱ-পৰ্ব, খোৱা-লোৱা, পিন্ধা-উৰা ইত্যাদি সৰ্বদিশত নতুনত্বৰ পৰিলক্ষিত হয়। পুৰনিকলীয়া সংস্কৃতিৰ ওপৰত আধুনিক বহু কথাৰ প্ৰলেপ পৰে আৰু ক্ৰমশঃ পুৰনিকলীয়া সংস্কৃতিৰ লুপ্তপ্ৰায় অৱস্থা হয়। সময় গতিশীল। যুগৰ পৰিবৰ্ত্তনৰ লগে লগে জনসাধাৰনৰ জীৱন ধাৰণ প্ৰণালীৰ পৰিবৰ্ত্তন হোৱাটো নিতান্তই স্বাভাৱিক।আধুনিকতাৰ স্পৰ্শই অসমীয়া সংস্কৃতি নেতিবাচক আৰু ইতিবাচক দুয়োটা ৰূপেই গ্ৰহণ কৰিছে। যুগৰ লগে লগে মানব সভ্যতা উন্নতিৰ দিশত আগুৱাবলৈ কেৱল পৰম্পৰাক যে খামুচি ধৰি থাকিব লাগিব এইটো সঁচা নহয়; পৰিবৰ্ত্তনৰ প্ৰয়োজন আছে। কিন্তু, পৰিবৰ্ত্তন কেতিয়াও নিজৰ অস্তিত্ব ধ্বংসমুখী হ’ব নালাগে। আধুনিকতাই অসমীয়া সংস্কৃতিৰ যি পৰিৱৰ্তন আনিছে এটা সময়ত অসমবাসীয়ে নিজৰ সংস্কৃতি বিচাৰি বিচাৰি হাবাথুৰি খাব লাগিব সেয়া ধুৰূপ। পৰম্পৰাৰ স’তে আধুনিক এই দুয়োটাৰ সু-সমন্বয় কৰিব পাৰিলে অসমীয়া সংস্কৃতিৰ ইতিহাস সমৃদ্ধ হ’ব বুলি ধাৰণা কৰিব পাৰি !
অপ্রিয় হলেও এটা সত্য প্রকাশ কৰিম - বৈধ বা অবৈধ সকলো প্রব্রজনকাৰীক বা তেখেত সকলৰ স্বকীয়তাক অসমত সন্মান দিয়া হৈছে কিন্তু বঞ্চিত কৰা হৈছে কেৱল তথাকথিত 'মিঞা' (যদি ও আভিধানিক ভাবে মিঞা নামৰ কোনো জনগোষ্ঠী নাই, কেৱল বুজি পাবলৈ) খিনিক আদৰি লোৱা বহু দূৰৰ কথা নূন্যতম ভদ্ৰতা খিনি বজাই ৰাখি ও চলা দেখা নাযায়। এখেত সকলৰ পূর্বপুৰুষ সকলে এই আধুনিক অসম ভূমিৰ বাবে সকলো ত্যাগ কৰিছে - কলা-সংস্কৃতিৰ পৰা আৰম্ভ কৰি জন্মদাত্রী মাতৃৰ কোলাত সপোন দেখা ভাষাটোকো ত্যাগ কৰিছে। আজি পঞ্চমটো পুৰুষে (5th generation) নাজানে বাংলা কি , বঙালী জাতীয়তাবাদ কি। ইতিহাসৰ পাত লুটিয়াই চাওক - গ্রুপিংৰ বিৰোধিতা কৰা সকলৰ ১৩ সদস্যৰ ৯ জনেই আছিল এওঁলোকৰ পূর্বপুৰুষ নহলে আজি যোৰহাটলৈকে থাকিলেহেঁতেন পূর্ব পাকিস্তান, যিদৰে ভাৰতত থাকি গল - মালদাহ আৰু মুর্শিদাবাদ। ভাৰতীয় সংবিধান খন ধর্ম নিৰপেক্ষ হয় নে নহয় সেয়া পিছৰ কথা কিন্তু ব্যক্তি / ব্যক্তি সমষ্টিৰ ধর্ম চাই মানৱতা উদয় হোৱা কথাটো কেৱল মানৱতা বিৰোধীয়েই নহয় ভাৰতীয় সভ্যতা বিৰোধীও। হয়তো, কোনোবাই কুযুক্তি আগবঢ়াব পাৰে - 'নির্যাতিত মানুহক ঠাই দি আছো', এয়াই মানৱতা কিন্তু সেই সকল 'ভক্ত' কুলক প্রতক্ষ্য ভাবে জনাব খোজো - যি জনগোষ্ঠীয়ে জন্মস্থানত নিজৰ অধিকাৰ বিচাৰিব নেজানি চোৰৰ দৰে পলাই আহে সেই সকলে সমাজ এখনৰ বাবে কিমান প্রয়োজনীয় দুনাই কোৱাৰ প্রয়োজনবোধ নকৰো। আপুনি আকৌ কুযুক্তি আগবঢ়াব পাৰে - 'আপোনাৰ পূর্বপুৰুষও দেখোন সেই একে ঠাইৰে পৰা অহা , গতিকে আপুনি আপত্তি কিয় কৰি আছে?' এই প্রশ্নৰ উত্তৰ একেবাৰে সহজ - আমাৰ পূর্বপুৰুষ অহা নাছিল, তদান্তীন চৰকাৰে ৫ টকীয়া ৰেলৰ টিকট দি আনিছিল অধিক খাদ্য আৰু মৰাপাট উৎপাদন কৰিবলৈ তাৰোপৰি তেতিয়া এখন দেশৰ একেই ৰাজ্যৰ এটা প্ৰান্তৰ পৰা আন এটা প্ৰান্তলৈ গমনহে কৰিছিল। ইতিহাস পঢ়িলেই বুজি পোৱাত অসুবিধা নহব।'
অসমীয়াত্বৰ (অসমীয়া জাতীয়তাবাদ) সংকটক কেন্দ্ৰ কৰিয়েই বিগত এটা শতিকাজুৰি অসমৰ ৰাজনৈতিক ইতিহাস ৰচিত হৈছে ।বহুতো উত্থান পতন, আপোচ-আপোচহীনতা , ক্ষমতাৰ খোৱাকামোৰা-হতাশা-ষড়যন্ত্ৰৰ সাক্ষী হৈ আছে অসমৰ জনগন । অসমীয়াৰ সংকটক কেন্দ্ৰ কৰিয়েই এচামৰ ৰাজনীতিত অসম খণ্ড বিখণ্ড হৈছে , অসমীয়া জাতিগঠন প্ৰক্ৰিয়াত হাতুৰি পৰিছে , গোষ্ঠীসংঘাত আৰু সাম্প্ৰদায়িকতাৰ বিষ বাষ্প বিয়পিছে । ছয় বছৰীয়া বহিৰাগত বিতাড়ন পিছলৈ মুছলমান বিতাড়ন আন্দোলনলৈ পৰ্যবসিত হোৱা ছবছৰীয়া অসম আন্দোলনৰ সবাতকৈ ক্ষতিকাৰক দিশসমূহৰ এটা হৈছে গণতান্ত্ৰিক আন্দোলনৰ প্ৰতি সংগ্ৰামী অসমীয়াৰ আস্থা হেৰাই যোৱা। যাৰ বাবেই কিজানো নেকিবুৰ জামান, নুৰুল হুছাইন আদি নেতাই আছুৰ পৰা পদত্যাগ কৰিবলৈ বাধ্য হৈছিল। সেই আবেগিক শ্লোগান বোৰ আজি কেৱল ইতিহাস –
মৰে অসম জীয়ে কোন, জীয়ে অসম মৰে কোন’,
‘অসম মৰিলে আমিও মৰিম’
তেজ দিম , তেল নিদিও , ….. আদি
শ্লোগান দি ৰাজপথলৈ ওলাই অসমীয়াই চকুৰ সন্মুখতে দেখিলে নিৰ্মম প্ৰতাৰণা। ক’ব নোৱাৰাকৈ আন্দেলনৰ প্ৰতি অনীহা জন্মিল আৰু ইয়াৰ কু−প্ৰভাৱ আজি আমাৰ সন্মুখত। অখিল বা অন্য নেতাই ন্যায্য দাবী কৰিলেও সাধাৰণ জনতাৰ আগভাগ শুন্য বুলি কলেও ভুল নহব। সেই আন্দোলনৰ নেতৃত্ব লোৱা সকলৰ বেছি ভাগেই বর্তমান মন্ত্রী, বিধায়ক , বিয়োগম ঠিকাদাৰ আদি। আটাইতকৈ হাস্যকৰ দিশটো হৈছে - সেই নেতাসকলৰ কিছুমানে জাতীয়তাবাদ এৰি ৰাষ্ট্রীয়বাদৰ গেৰুৱা বসন পৰিধান কৰি একনিশাতে ধোৱা তুলসীৰ পাত হৈ পৰিছে। মুঠতে কব গলে ৰাইজে কিবা পাওঁক বা নাপাওঁক নেতা সকলে কিন্তু ধনকুবেৰ হোৱাত কৃপণালি কৰা নাই। আজিকালি আকৌ কেইজনমান ওলাইছে 'খিলঞ্জীয়া' নামৰ নতুন tool এটা লৈ আৰু এই নতুন tool টোৱে হয়তো জন্ম দিব নতুন শব্দ ' Default Khilonjiya'. মহামান্য সর্ব্বোচ্চ ন্যায়ালয় বা ভাৰতৰ সংসদে স্বীকৃতি দিয়া চুক্তিক নস্যাৎ কৰিবলৈ উঠি পৰি লাগিছে। শেষত - এইখিনিকে কম , সময় বৰ নিষ্ঠূৰ, ই কাকো ক্ষমা নকৰে।

টোকা : #অসম্পাদিত , গতিকে বানান বা বাক্যগাঁথনিত ভুল থাকিব পাৰে।

22/06/2021

From sikha sarma page
👉"লোকপিয়লত মিঞাক লাগে"

যোৱাবাৰৰ সৰ্বভাৰতীয় লোক পিয়লত অসমৰ ৰাইজে নিজৰ সম্পূৰ্ণ বিৱৰণ দিলে ৷ অসমত থকা বিভিন্ন ভাষা-ভাষী মানুহে, নিজৰ নিজৰ মাতৃভাষা উল্লেখ কৰিলে ৷ হিন্দু বঙালীসকলে নিজৰ মাতৃভাষা "বঙালী" বুলি লিখিলে ৷ মাৰোৱাৰী, পঞ্জাৱী,আৰু আন আন সকলেও নিজৰ মাতৃভাষাৰ শিতানত অসমীয়া ভাষাক নিজৰ মাতৃভাষাৰ স্থানত নবহুৱালে ৷ আমি মিঞা মিঞা বুলি হঁহা, গেদা গেদী বুলি ইতিকিং কৰা, আমি চোৰ দগাবাজ, দ্ৰাগছ বেপাৰী, ডকাইত, ধৰ্ষণকাৰী, হত্যাকাৰী বুলি হঁহা মিঞাসকলে, নিজৰ মাতৃভাষাৰ শিতানত নিজৰ মাকৰ মুখৰ ভাষাটোক আঁতৰাই থৈ, অসমীয়া ভাষাক মাতৃভাষা বুলি উল্লেখ কৰিলে ৷ এইটো কম ডাঙৰ ত্যাগ নহয় ৷ আচলতে ত্যাগ এইবোৰকহে কয় ৷ অসমত যুগে যুগে বাস কৰা হিন্দু বঙালীসকলে কিন্তু এই ত্যাগ নকৰিলে ৷ নিজস্ব নেৰিলে তেওঁলোকে ৷ ভাষাৰ ভিত্তিত গঢ়ি উঠা অসমীয়া জাতিৰ ৰাজহাড়ৰ Disc বোৰ সোলোক-ঢোলোক হৈ পৰিল ৷ মাৰোৱাৰী, পঞ্জাৱী, বঙালী আৰু আনভাষীসকলৰ সেই লৈ ভ্ৰূক্ষেপ নাই ৷ অসমীয়া ভাষাৰ বহুল প্ৰয়োগেৰে, অসমীয়া জাতিৰ ৰক্ষণাবেক্ষণত এই অনাঅসমীয়াসকলৰ আগ্ৰহ নাই ৷ আমি কথাই পতি ঘৃণা কৰা মিঞাসকলেহে অসমীয়া ভাষাক মাকৰ মুখৰ ভাষা বুলি আদৰি ল’লে ৷

কথা হ’ল, নিজস্ব এৰা জাতিৰ সন্মান কিমান দিন ? আনৰ ভাষাক নিজৰ বুলি গ্ৰহণ কৰিলেই যেনিবা, কিবা লাভ হ’ল জানো ? মানুহৰ বুকুত সোমাব পাৰিছে জানো ? মানুহে আদৰি লৈছে জানো ? মানুহেতো "মিঞাখন ,মিঞাসোপা" আদি নামেৰেহে বিতৃষ্ণাভৰা বাক্যবাণ এৰে ৷

এটা উদাহৰণ দিওঁ---

আজি কেইদিনমানৰ আগতে আমাৰ এপাৰ্টমেন্টৰ, মোৰ ফ্লেটৰ তলৰ মহলাৰ ফ্লেটৰ ল’ৰা এজন কভিদ হৈ ভাল হোৱাৰ এমাহৰ পাছত, পষ্টকভিদত ঢুকাল ৷ ১৪ বছৰীয়া ক্লাচ নাইনৰ ল’ৰা ৷ মৰাৰ দ্বিতীয় দিনা ৰাতিপুৱা মাক-দেউতাকৰ কাষত মই বহি আছো ৷ আগৰে পৰা তাত পৰিয়ালটোৰ দুগৰাকী আত্মীয় মহিলা আছিল ৷ কভিদ প্ৰট ’কলৰ বাবেই আত্মীয় দুই এজনৰ বাদে, আন মানুহ আহিব পৰা নাছিল ৷ বৰ দুখ লাগিছিল ৷ ময়ো পষ্ট কভিদৰ দুৰ্বলতাৰ লগত যুঁজি আছো ৷ মোৰ শৰীৰ একেবাৰে নিশকটীয়া ৷ তথাপিও গ’লো মন তাপহিব নোৱাৰি ৷ মাকৰ ওচৰত বহি ময়ো কান্দি আছিলো ৷ বুকু ভাগি গৈছিল মোৰ ৷ হঠাৎ মোৰ মুখৰ পৰা ওলাই আহিল---

" এই সৰু ল’ৰাটোক বাৰু কিয় মাৰিলে ভগৱানে ? তাতকৈ, কোনো কিছু নথকা, কষ্ট পাই পথত লেলাই ধেন্দাই পৰি থকা অসুখীয়া বুঢ়ামানুহ সকলকে মুক্তি দিয়া হ’লে "

মানুহঘৰৰ আত্মীয় এগৰাকীয়ে মোৰ কথাত হয়ভৰ দিলে ৷ আনগৰাকী আত্মীয় মহিলাই কৈ উঠিল--

“ হয় দেই ৷ আৰু এই মিঞাসোপা দেখিছেনে ? সিহঁতৰ একো নহয় পাই ৷ সেইসোপাক ভগৱানে নেদেখে "

সিঁয়ৰি উঠিছিলো মই ৷ মিঞাৰ প্ৰতি ইমান বিতৃষ্ণা কিয় ? কেনেকৈ সোমাল এই ঘৃণা ? মোৰ বুকুখনে বিদ্ৰোহ কৰি উঠিছিল ৷ কৈ দিবৰ মন গৈছিল--

" মিঞাও মানুহ ৷ মিঞাৰো পৰিয়াল আছে ৷ মিঞাৰো হৃদয় আছে "

নোৱাৰিলো ক’ব ৷ সন্তানক নিশা নৱগ্ৰহত জ্বলাই থৈ অহা পৰিয়ালটোৰ মাক, দেউতাক আৰু একমাত্ৰ ককায়েকৰ ভগ্ন হৃদয়ৰ সমুখত, তৰ্কবাদ কৰিবলৈ সত নগ’ল ৷ ঘিণ লাগিল মানুহ নামৰ সেই জন্তুজনীলৈ ৷

মিঞাসকল যদি ইমানেই বৰ্জনীয়, তেন্তে কিন্তু কথাবোৰ ভাবিবৰ হ’ল ৷ স্বাভিমান এৰা মানুহৰ সন্মান নাথাকে ৷ নিজৰ মাকৰ মুখৰ ভাষাটোক ৰাজহুৱা স্বীকৃতি নিদিয়াতো, নিজৰ ভৱিষ্যতৰ বাবে ভয়ঙ্কৰ কথা ৷ অসমৰ অৰ্থনীতিত মিঞাসকলৰ অৱদান অনস্বীকাৰ্য ৷ অসমৰ শ্ৰম ব্যৱস্থাত মিঞাসকল এৰাব নোৱাৰা অঙ্গ ৷ অসমীয়া ভাষাৰ অস্বিত্ব ৰক্ষাত মিঞাসকলৰ ভূমিকা প্ৰাতঃস্মৰণীয় ৷ অসমৰ ৰাজনীতিত মিঞাসকলৰ প্ৰভাৱ শ্বাশ্বত ৷ ইমানৰ পাছতো মিঞাসকলক বৰ্জনীয় পদাৰ্থৰ দৰে ব্যৱহাৰ কৰা কথাটো বাৰু ভাল কথা হৈছেনে ? স্বাধীনতাৰ পূৰ্বতে আহি, বাঘ আৰু হাতীৰ লগত যুঁজ দি, ঘন হাবি কাটি, চহৰ-নগৰৰ পৰা বহু ভিতৰৰ এৰাপৰলীয়া জেগাত বাস কৰিবলৈ লোৱা মিঞাসকলৰ উত্তৰপুৰুষক, কথাই পতি বিতৃষ্ণাৰে আক্ৰমণ কৰি থকাতো বাৰু ভাল কথা হৈছেনে ?

মই ভাবো, মিঞা জনগোষ্ঠীৰ লোকসকলেও কথাবোৰ ভবাৰ সময় আহি পৰিছে ৷ ভগৱান শ্ৰীকৃষ্ণই গীতাত অৰ্জুনক উপদেশ দিছে-- কৰাক কৰিবলৈ ৷ কুৰুক্ষেত্ৰৰ ৰণত বিৰোধী শিৱিৰৰ সমুখত, পিতামহসহ সকলো আত্মীয়ক দেখি অৰ্জুন বিচলিত হৈছিল আত্মীয়ক নিধন কৰিবলৈ কাঁড় মাৰিবলৈ অমান্তি হোৱা অৰ্জুনক, কৃষ্ণই উপদেশ দিছিল ৰণ কৰি যাবলৈ--

"তুমি যুদ্ধভূমিত আৱেগিক নহ’বা ৷ সমুখত সেয়া তোমাৰ শত্ৰু, আত্মীয় নহয় ৷ তুমি যুদ্ধ কৰা ৷ তুমি শত্ৰুক নিধন কৰা ৷ তুমি যদি যুদ্ধ নকৰা, তেওঁলোকক নামাৰা, তেন্তে তোমাক মাৰিব তেওঁলোকে ৷ নিজক ৰক্ষা কৰাটোৱেই যোদ্ধাৰ ধৰ্ম"

গীতাৰ এই উপদেশ, সকলো মানুহৰ জীৱনত বিভিন্ন গতিপথেৰে প্ৰযোজ্য হয় ৷ ইয়াৰ অৰ্থ কিন্তু এইটো কেতিয়াও নহয় যে, মই হিংসা কিম্বা যুদ্ধ কৰাৰ কথা কৈছো ৷ গীতা মোৰ প্ৰিয় ধৰ্মগ্ৰন্থ ৷ সেইবাবেই মই গীতাৰ উদাহৰণটো দিলো ৷ গীতাই আত্মৰক্ষাৰ কথা কয় ৷ আত্মৰক্ষা প্ৰতিজন মানুহৰ প্ৰধান কৰ্ত্তব্য ৷ মিঞাসকলেও আত্মসন্মান ৰক্ষাৰ যুঁজত নিজক অৱতীৰ্ণ কৰাওক ৷ আত্মসন্মান ৰক্ষাৰ প্ৰধান আহিলা নিজৰ ভাষা ৷ নিজৰ মাকৰ মুখৰ ভাষাক লুকুৱাই থৈ, আন এটা ভাষাক সমৃদ্ধ কৰিবলৈ যোৱাতো আত্মগ্লানিৰ পৰিচায়ক ৷ কাৰণ মিঞাসকলৰ সেই ত্যাগে সামাজিক স্বীকৃতি পাবলৈ সক্ষম হোৱা নাই ৷ সেই ত্যাগক সমাজৰ বৃহৎ সংখ্যক জনসাধাৰণে আকোঁৱালি লোৱা নাই ৷ সেইবাবেই অসমীয়া ভাষাক নিজৰ মাতৃভাষা বুলি স্ব-ঘোষনাৰে ৰাষ্ট্ৰীয় স্বীকৃতি দিয়াৰ পাছতো, মিঞা আজিও অৱহেলিত ৷ আজিও মিঞাক অসমীয়া বুলি মানি লোৱা হোৱা নাই ৷ গতিকেই, অনাগত দিনত মিঞাসকলে নিজৰ মাতৃ ভাষাক স্বীকৃতি দিয়া উচিত ৷ নিজৰ মাতৃভাষাৰ শিতানত নিজৰ ভাষাটোৰ উল্লেখ কৰা উচিত ৷ লোকপিয়লত নিজৰ নিজৰ ভাষা লিখি যদি হিন্দুবঙালী, মাৰোৱাৰী আদি সকল অসমীয়া হৈ থাকিব পাৰে, তেন্তে মিঞাসকলো পাৰিব ৷ বৈধ মিঞা নাগৰিকসকলে, সম্পূৰ্ণ অধিকাৰেৰে অসমত যুগে যুগে বাস কৰিব পাৰিব ৷ বৈধ নাগৰিকসকলক কোনো অধিকাৰৰ পৰা বঞ্চিত কৰাৰ ক্ষমতা কাৰোৰেই নাই ৷

কথাবোৰ ভাবিবৰ হ’ল ৷ কেতিয়াবা কেতিয়াবা Tit for tat কথাষাৰ প্ৰযোজ্য কৰা দৰকাৰ ৷ তেতিয়াহে মানুহে উপলব্ধি কৰে যে- কি হেৰাল ৷ লোকপিয়লত মিঞাসকলে অসমীয়া ভাষাক নিজৰ মাতৃভাষা বুলি লিখাৰ বাবেই, আজি অসমীয়া ভাষা অসমৰ প্ৰধান ভাষা হৈ আছে ৷ সেইকথা অস্বীকাৰ কৰা মানুহক কিছুদিনৰ বাবে হ’লেও উপলব্ধিৰ সুবিধা দিয়া প্ৰয়োজন ৷ উপলব্ধিৰ পাছত অহা সন্মান চিৰস্থায়ী হয় ৷ মিঞা জনগোষ্ঠীয়ে কথাবোৰ বিশ্লেষণ কৰাৰ সময় সমাগত ৷

পাবলিক জিন্দাবাদ

শিখা শৰ্মা
গুৱাহাটী, অসম
২১/৬/২০২১

( শ্বেয়াৰ আৰু নামসহ কপি কৰাত বাধা নাই )

বিঃদ্ৰঃ মই মিঞাৰ সপক্ষে কথা কোৱা নাই ৷ মই কাৰো পক্ষত নহয় ৷ মই সত্য আৰু যুক্তিৰ পক্ষত ৷ এনে মতামত নিদিব, যাৰ পৰা মানুহে অন্তৰত আঘাত পায় ৷ কাজিয়া কৰাৰ অভিপ্ৰায় ঘৃণনীয় ৷

09/06/2021

From sikha sarma
" মিঞাৰ ইতিকিং, অপমান আৰু সংখ্যালঘু সংগঠন ,সংখ্যালঘু ৰাজনৈতিক নেতাৰ ভূমিকা "

মিঞা মিঞা মিঞা ৷

অসমৰ বিভিন্ন ঠাইৰ একাংশ হিন্দু বা কিছু কিছু গৰিয়া মুছলমান মানুহৰ মুখৰ বিতৃষ্ণাৰে ভৰা প্ৰক্ষেপ- “মিঞা“ ৷ কিবা এটা অপৰাধত ধৰা পৰিলেই চিধাই ক’ব--

"এই মিঞামখা এনেকুৱাই ৷ দ্ৰাগছ, ভাঙ, অপহৰণ, হত্যা, মাৰপিট, চুৰি, ডকাইতিৰ বাদে মিঞাসোপাই জানে কি"

অধিক সংখ্যক অমুছলমান আৰু গৰিয়া মুছলমান মানুহৰে মিঞাৰ প্ৰতি থকা বেয়া ধাৰণা তেওঁলোকৰ কথা বতৰাত প্ৰকাশ পায় ৷ তেওঁলোকৰ বাবে যেন অসমৰ ৯৯% বেয়া কাম কেৱল মিঞাই কৰে ৷ এই ধাৰণাৰ বশবৰ্তী হৈ, নাম আৰু উপাধিৰ পৰিচয়েৰে সকলো মিঞালোক আক্ৰমণৰ বলি হৈ পৰে ৷ এতিয়া অসমত 'মিঞা' যেন এক ত্যাজ্য শব্দ ৷ মিঞা মানেই যেন যত অপৰাধৰ মূল ৷ মিঞা মানেই যেন এসোপা অপৰাধৰ ভঁৰাল ৷ মিঞা মানেই যেন অসমখনৰ সকলো মাটি দখল কৰি, নিজৰ কবললৈ আনিবলৈ অহৰহ চেষ্টা কৰি থকা এটা জাতি ৷ মিঞা মানেই যেন হিন্দুৰ মঠ, মন্দিৰ, সত্ৰ নামঘৰবোৰৰ সীমা ঠেলি ঠেলি, ঢাঁহি মুহি বহি লোৱা এচাম দুৰ্দান্ত মানুহ ৷ মিঞা মানেই যেন অপৰাধীৰ দল ৷ এনে এটা ভাৱধাৰাৰ সোঁত, অসমৰ ইমূৰৰ পৰা সিমূৰলৈ বৰলুইতৰ দৰে বৈ পৰিছে ৷ এই ভাৱধাৰাৰ পৰা জনসাধাৰণক বাহিৰলৈ উলিয়াই অনাৰ উপায় কি ?

১/ ধৰ্ষণ কেৱল মিঞায়েই কৰে জানো ? কালিৰ যোৰহাটৰ মহিলাক ধৰ্ষণ কৰা ৰিক্সাৱালা দুটা মিঞা নেকি ?

২/ মুছলমান নামৰ সকলো দ্ৰাগছ ব্যৱসায়ী মিঞা নেকি ? ডিব্ৰুগড়ৰ দ্ৰাগছ ব্যৱসায়ী মুছলমানকেইজন মিঞা নেকি ?

৩/ চুমীলা ৰংহাংপিৰ গৰ্ভধাৰণ আৰু হত্যা বৰঠাকুৰে কৰিছিল নে মিঞাই ?

৪/ উদালীৰ চিকিৎসক নিগ্ৰহ মিঞাৰ দ্বাৰা হ’ল ৷ আমি মিঞা অপৰাধীৰ চৰকাৰী লিষ্ট পালো ৷ কিন্তু শিলচৰৰ ডাক্তৰৰ দ্বাৰা মুছলমান ৰোগীৰ পিতৃক নিগ্ৰহ কাৰ দ্বাৰা হ’ল ? তাৰ লিষ্ট কিয় নোলাল ?

ভাৰতীয় নাগৰিকত্ব থকা মিঞাসকল সদায় ইতিকিংৰ পাত্ৰ হৈ থাকিব নেকি ? অপৰাধীৰ ক্ষমা নাই ৷ কিন্তু নাম, উপাধি চাই সমগ্ৰ মিঞা জনগোষ্ঠীক তাচ্ছিল্য কিয় ? এইয়া আমি সহ্য কৰিব নোৱাৰা হৈ পৰিছো ৷ ভগৱান সৃষ্ট মানুহ ৷ আৰু মানুহ সৃষ্ট ধৰ্ম ৷ ধৰ্মৰ বাবেই ইতিকিং ভদ্ৰ মানুহৰ পৰিচায়ক নহয় ৷ আমাৰ সমাজৰ এচাম মানুহক আন এচাম মানুহে প্ৰতি পলে ঘৃণাৰ দৃষ্টিৰে চোৱাতো আমাৰ দৰে এচাম নিৰপেক্ষ মানুহৰ বাবে বৰ বেদনাদায়ক কথা হৈ পৰিছে ৷ আমি নিজকে অপৰাধী যেন অনুভৱ কৰিছো মিঞাসকলৰ ওচৰত ৷ কাৰণ আমিও হিন্দু ৷ হিন্দু হোৱাৰ বাবেই আমাৰ এই অপৰাধবোধ ৷

আমি লিষ্ট দিবলৈ গ’লে বহুত ওলাব ৷ দুই এটা উদাহৰণহে দিলো ৷ আজি ভাৰতত পদে পদে সংবিধান উলঙ্ঘা কৰা হৈছে ৷ মানুহৰ বাক স্বাধীনতাত শিকলি লগোৱা হৈছে ৷ সঁচা কথাবোৰ ক’লে জেলত ভৰোৱা নীতি প্ৰযোজ্য হৈছে ৷ চিন্তাৰ প্ৰকাশ কৰিবলৈ বাধা দিয়া হৈছে ৷ এইয়া দেশৰ ভৱিষ্যতৰ শান্তি বিঘ্নিত হোৱাৰ পূৰ্বাভাষ ৷ এই সংকটৰ সময়ত মিঞাসকলৰ হৈ মাত মাতিব কোনে ? এইখিনিতেই সংখ্যালঘু সংগঠন তথা সংখ্যালঘু ৰাজনৈতিক নেতাসকলৰ গুৰুত্বপূৰ্ণ ভূমিকা আহি পৰে ৷ কিন্তু হিন্দুৰ গৰিষ্ঠতা থকা দেশত এই কাম কেনেকৈ আৰু কিমান সম্ভৱ ?

১/ সংখ্যালঘু সংগঠন সমূহে, বিশেষকৈ মিঞা জনগোষ্ঠীৰ সংগঠনৰ সদস্যসকলে, মিঞাসকলৰ নিৰক্ষৰতাৰ শতকৰা হাৰ কমাবলৈ চেষ্টা কৰক ৷ সকলো সন্তান বিদ্যালয়লৈ গৈছেনে নাই, তাৰ খবৰ কৰক ব্যক্তিগতভাবে ৷

২/ বৈধ নাগৰিকৰ প্ৰতিটো পৰিয়ালৰ অশিক্ষিত প্ৰাপ্তবয়স্ক সকলক সন্ধিয়াৰ বিদ্যালয়ৰ আমেজ দিয়ক ৷ স্থানীয় ভাবে নিৰক্ষৰ লোকসকলক গোটাই, চুবুৰীয়ে চুবুৰীয়ে আখৰ শিকোৱাৰ পৰিকল্পনা কৰক ৷

৩/ সপ্তাহত এদিন চুবুৰীৰ সৰু সৰু ল’ৰা ছোৱালীবোৰক গোট খুৱাই নাচ-গান, ছবি অঁকা, আবৃতি, আকস্মিক বক্তৃতা, তৰ্ক প্ৰতিযোগিতা, কুইজ, অভিনয়, খেল-ধেমালি আদি কৰাওক ৷ এই ক্ষেত্ৰত উঠি অহা ডেকা সমাজে আগভাগ লওক ৷

৪/ গ্লেমাৰৰ পাছত নদৌৰিব ৷ ৰিয়েলিটি শ্ব’ৰ দৰে কৰিবলৈ চেষ্টা কৰি বিফল নহ’ব ৷ কাৰোবাক কোটিপটি বনোৱাৰ দৌৰ নহয় এইয়া ৷ এইয়া নৈতিক উত্তৰণৰ দৌৰ ৷ এইয়া ভৱিষ্যতৰ অপৰাধীক নৈতিক শিক্ষাৰে অপৰাধৰ পৰা আঁতৰাই ৰখাৰ দৌৰ ৷ গতিকে গ্লেমাৰ নহয়, যি জানে তাকে শিকাওক ৷ সাধাৰণ ভাবে ৷ মনত ৰাখিব এইয়া শিশুসকলক সমাজমুখী কৰাৰ পৰিকল্পনাহে যাতে এই শিশুসকল ডাঙৰ হৈ অপৰাধ কৰাৰ পৰা আঁতৰি থাকে ৷ এইয়া সম্পূৰ্ণ বিনামূলীয়া আৰু নিস্বাৰ্থ সমাজসেৱা হ’ব লাগিব একমাত্ৰ মিঞা জনগোষ্ঠীৰ ভৱিষ্যতৰ স্বাৰ্থত ৷ এই ক্ষেত্ৰত মিঞা মহিলাসকলে সংগঠনসমূহক সহযোগিতা আগবঢ়াব লাগিব ৷

ৰাজনৈতিক নেতা বিধায়ক সাংসদসকলে মিঞাসকলৰ গোটা(SOLID) অংকৰ ভোটটোৰে জিকি ৰাজভোগ খায় ৷ গতিকে পিছপৰা মিঞালোকসকলৰ প্ৰতি তেওঁলোকৰ সীমাহীন কৰণীয় আছে ৷ সেই কথা তেওঁলোকে কিমান উপলব্ধি কৰে মই নাজানো ৷ কিন্তু ভাৰত তথা অসমৰ ৰাজনীতিত মিঞা প্ৰতিনিধিৰ বুজন সংখ্যক লোক থকাৰ পাছতো কিয় বাৰে বাৰে আজি মিঞাসকল লজ্জিত, অপমানিত ? ৰাজনৈতিক পদৱী ধাৰী নেতাসকলে খবৰ ৰাখক---

১/ সকলো দৰিদ্ৰ মিঞা নাগৰিকে চৰকাৰৰ আঁচনি পাইছেনে ?

২/ এচাম মিঞাৰ অপৰাধ প্ৰৱণতাৰ মূল কাৰণ জানিবলৈ চেষ্টা কৰি তাৰ সমাধানৰ পদক্ষেপ লওক ৷

৩/ স্থানীয় যুৱক-যুৱতীক নিৰক্ষৰ পিছপৰা লোকসকলৰ মানসিক উত্তৰণৰ হকে কাম কৰিবলৈ আৰ্থিক ভাবে সহায় কৰক ৷

৪/ গুৱাহাটীৰ পল্টন বজাৰ ৰেল ষ্টেচন, মালিগাঁও ৰেলষ্টেচন, চিটিবাচ, চিনেমাহল, ফাঁচী বজাৰ আদিত ঘূৰি ফুৰি পকেটমাৰ, চুৰি, পতিতাবৃত্তি আদিত জড়িত, বৰপেটা, হোজাই, ধুবুৰী, দৰং, গোৱালপাৰা আদিৰ মিঞা জীয়ৰী-বোৱাৰীসকলক চিনাক্ত কৰি নিজ ঠাইলৈ ওভোটাই লৈ গৈ, সৎ পথেৰে জীয়াই থকাত সহযোগ কৰক ৷

৫/ সাংসদ, বিধায়ক হৈ উন্নয়নৰ নামত কেৱল ৰাস্তাঘাট বনালেই জনগোষ্ঠীটোৰ উন্নতি নহয় ৷ মানৱ সম্পদৰ অপব্যৱহাৰে কোনো জাতি বা কোনো দেশক সফল কৰিব নোৱাৰে ৷ মিঞা জনগোষ্ঠীক অপৰাধ মুক্ত কৰাৰ দায়িত্ব লওক ৷

৬/ উচ্ছেদ হোৱা মানুহবোৰ ক’ৰ, সেইটো পৰীক্ষা কৰক ৷ আৰু যদি বৈধ নাগৰিক, তেন্তে তাৰ বাবে উপযুক্ত ব্যৱস্থা লওক ৷ চৰকাৰী মাটিত থাকিলেও, এদিনৰ জাননী দি কাকো উচ্ছেদ কৰি বেঘৰ কৰিব নোৱাৰে ৷ প্ৰয়োজন হ’লে আইনৰ সহায় লওক ৷ এই কাম বিধায়ক সাংসদেহে কৰিব লাগিব ৷

কেৱল দলং, ৰাস্তা, বিমানবন্দৰ, স্কুল, হস্পিটেল আদি বনাই চৰকাৰী পুঁজিৰ ব্যৱহাৰ কৰি ফলকত MLA /MP ৰ নাম জিলিকাই থ’লেই সমষ্টিবাসীৰ বাবে মহান কাম কৰা নুবুজায় ৷ বিধায়ক, সাংসদসকলে জনগোষ্ঠীটোৰ নতুন শিশুসকলৰ মানসিক সুস্থতাৰ বাবে কাম কৰক ৷ শিশুসকলক সমাজমুখী কৰক ৷ মনত ৰাখিব কেৱল ধৰ্মই মানুহক অপৰাধ কৰাৰ পৰা বাৰণ কৰি ৰাখিব নোৱাৰে ৷ যুৱক যুৱতীসকলক ক্লাৱ কৰক ৷ বিনোদনৰ উপায় দিয়ক ৷ এই ক্ষেত্ৰত মই নিস্বাৰ্থভাৱে আৰু বিনামূলীয়াকৈ সকলো সহযোগিতা আগবঢ়াবলৈ সদা প্ৰস্তুত ৷

মিঞা সংগঠন আৰু ৰাজনৈতিক পদৱীধাৰী লোকসকলে জনগোষ্ঠীটোৰ পিছপৰা, দৰিদ্ৰ তথা অশিক্ষিত লোকসকলৰ মাজত সোমাই তেওঁলোকৰ জীৱন সহজ হৈ উঠাৰ বাবে কাম কৰিব লাগিব ৷ এই কাম স্বেচ্ছামূলক আৰু আনন্দদায়ক হ’ব লাগিব ৷ পৰিয়াল পৰিকল্পনাৰ জৰিয়তে কমখৰচী পৰিয়ালৰ ধাৰণাটো এইসকল লোকৰ মাজত বিয়পাই দি, তাক কাৰ্য্যক্ষেত্ৰত সফল কৰি তুলিব পাৰিব লাগিব ৷ এইয়া মিঞা সংগঠনসমূহ আৰু ৰাজনৈতিক ব্যক্তিসকলৰ বাবে এক জোৰদাৰ প্ৰত্যাহ্বান ৷ সময়ে আনি দিয়া এই প্ৰত্যাহ্বান গ্ৰহণ কৰক ৷ নহ’লে সদায় মিঞা মিঞা বুলি অপমানৰ সুৰেৰে ৰজনজনাই থাকিব অসম ৷ মিঞাসকলক এই পৰিৱেশৰ পৰা মুক্ত কৰাৰ দায়িত্ব সংগঠন, সাংসদ আৰু বিধায়কৰ লগতে সকলো মিঞাৰ ৷

আমি আৰু আমাৰ দৰে বহুত হিন্দুৰ বাবে এই পৰিৱেশ বৰ অস্বস্তিকৰ ৷ আমি এই পৰিৱেশৰ পৰা মুক্ত হৈ অসমীয়া হৈ থাকিব বিচাৰো ৷ এইক্ষেত্ৰত খৰালি দুখনমান মিটিং কৰি আমাক মাতি বৰ বৰ লেকচাৰ দিয়ালেই কাম শেষ হৈ নাযায় ৷ সেই লেকচাৰ বোৰক কাৰ্য্যক্ষেত্ৰত পৰিণত কৰিবলৈ সুপৰিকল্পনা আৰু নিৰলস প্ৰচেষ্টাৰ প্ৰয়োজন ৷ এই প্ৰচেষ্টাত প্ৰথম খোজ পেলাওক স্থানীয় সংগঠনসমূহে ৷ তাত সহযোগ কৰক মিঞা বিধায়ক আৰু সাংসদসকলে ৷ দেখিব, এদিন মিঞা জনগোষ্ঠীয়ে সকলোৰে ইতিকিং বন্ধ কৰি দিব ৷

পাবলিক জিন্দাবাদ

শিখা শৰ্মা
গুৱাহাটী, অসম
৯/৬/২০২১

( শ্বেয়াৰ আৰু নামসহ কপি কৰাত বাধা নাই )

বিঃ দ্ৰঃ চাব দেই ৰাইজ, এতিয়া এচাম অতিহিন্দুৰ গা জ্বলিব ৷ মই হিন্দু হৈ মিঞাৰ বাবে মাত মতা বাবে ৷ মোক লেতেৰা গালিৰে উপচাই দিব চাব দেই ৷ তেওঁলোকক কৈ থ’লো--- মোক হত্যা কৰিলেও মই মোৰ দেশৰ বৈধ নাগৰিকৰ বাবে আমৃত্যু মাত মাতি যাম ৷ তেওঁ হিন্দুৱেই হওক কিম্বা মুছলমান ৷ মোক মোৰ নীতিৰ পৰা আঁতৰাব নোৱাৰিবা ৷ গালি দি লাভ নাই ৷ দুই বছৰে অলেখ গালি দিলা, মুছলমানৰ ঘৈণী বুলিলা, গাড়ী ভাঙিলা, হত্যা আৰু গণধৰ্ষণৰ ভাবুকি দিলা, স্বামীৰ চাকৰি খালা, ঘৰৰ পৰা উলিয়াই বাটলৈ খেদি দিলা, জেলত ভৰালা, সন্তানক অপহৰণৰ ভাবুকি দিলা, পাৰিলা জানো মোৰ আদৰ্শক সলনি কৰিব ? নোৱাৰিলা আৰু নোৱাৰা ৷

14/05/2021

Happy Eid Mubarak to all my followers

03/05/2021

New elected winner of assam legislative assembly

বিজেপি👇👇
১) ৰাতাবাৰী বিজয় মালাকাৰ
২) পাথাৰকান্দি কৃষ্ণেন্দু পাল
৩) শিলচৰ দ্বিপায়ন চক্ৰৱৰ্তী
৪) ঢলাই পৰিমল শুক্লবৈদ্য
৫) উদাৰবন্দ মিহিৰকান্তি ছুম
৬) লক্ষীপুৰ কৌশিক ৰায়
৭) হাফলং নন্দিতা গাৰ্লোছা
৮) বোকাজান নোমল মোমিন
৯) হাওৰাঘাট দৰছিং ৰংহাং
১০) ডিফু বিদ্যাসিং ইংলেং
১১) বৈঠালাংছ' ৰূপছিং টেৰণ
১২) বিজনী অজয় কুমাৰ ৰয়
১৩) পাটাছাৰকুছি ৰঞ্জিত দাস
১৪) পলাশবাৰী হেমাংগ ঠাকুৰীয়া
১৫) জালুকবাৰী হিমন্ত বিশ্ব শৰ্মা
১৬) দিছপুৰ অতুল বৰা
১৭) গুৱাহাটী(পূঃ) সিদ্ধাৰ্থ ভট্টাচাৰ্য
১৮) হাজো সুমন হৰিপ্ৰিয়া
১৯) কমলপুৰ দিগন্ত কলিতা
২০) ৰঙিয়া ভৱেশ কলিতা
২১) নলবাৰী জয়ন্ত মল্ল বৰুৱা
২২) ধৰ্মপুৰ চন্দ্ৰমোহন পাটোৱাৰী
২৩) ছিপাঝাৰ পৰমানন্দ ৰাজবংশী
২৪) ঢেকীয়াজুলি অশোক সিংঘাল
২৫) বৰছলা গণেশ লিম্বু
২৬) ৰঙাপাৰা কৃষ্ণকমল তাঁতী
২৭) চতিয়া পদ্ম হাজৰিকা
২৮) বিশ্বনাথ প্ৰমোদ বৰঠাকুৰ
২৯) বিহালী ৰঞ্জিত দত্ত
৩০) গহপুৰ অমিয় কুমাৰ ভূঞা
৩১) জাগীৰোড পীযুষ হাজৰিকা
৩২) মৰিগাঁও ৰমাকান্ত দেউৰী
৩৩) নগাঁও ৰূপক শৰ্মা
৩৪) বঢ়মপুৰ জিতু গোস্বামী
৩৫) হোজাই ৰামকৃষ্ণ ঘোষ
৩৬) লামডিং শিবু মিশ্ৰ
৩৭) সৰুপথাৰ বিশ্বজিত ফুকন
৩৮) গোলাঘাট অজন্তা নেওগ
৩৯) খুমটাই মৃণাল শইকীয়া
৪০) মাহমৰা যোগেন মহন
৪১) সোণাৰি ধৰ্মেশ্বৰ কোঁৱৰ
৪২) বিহপুৰীয়া অমিয় কুমাৰ ভূঞা
৪৩) লখিমপুৰ মানৱ ডেকা
৪৪) ঢকুৱাখনা নৱ দ'লে
৪৫) ধেমাজি ৰণোজ পেগু
৪৬) জোনাই ভূবন পেগু
৪৭) মৰাণ চক্ৰধৰ গগৈ
৪৮) ডিব্ৰুগড় প্ৰশান্ত ফুকন
৪৯) লাহোৱাল বিনোদ হাজৰিকা
৫০) দুলীয়াজান তেৰছ গোৱালা
৫১) টিংখাং বিমল বৰা
৫২) নাহৰকটীয়া তৰংগ গগৈ
৫৩) তিনিচুকীয়া সঞ্জয় কিষাণ
৫৪) ডিগবৈ সুৰেন ফুকন
৫৫) মাৰ্ঘেৰিটা ভাস্কৰ শৰ্মা
৫৬) ডুমডুমা ৰূপেশ গোৱালা
৫৭) শদিয়া বলীন চেতিয়া
৫৮) যোৰহাট হিতেন্দ্ৰনাথ গোস্বামী
৫৯) মাজুলী সৰ্বানন্দ সোণোৱাল
৬০) পানেৰী বিশ্বজিত দৈমাৰী

কংগ্ৰেছ👇👇
১) কৰিমগঞ্জ(উত্তৰ) কমলাক্ষ দে পুৰকায়স্থ
২) কৰিমগঞ্জ(দঃ) ছিদ্দিক আহমেদ
৩) বৰখলা মিছবাহুল ইছলাম লস্কৰ
৪) কাটিগড়া খলিলুদ্দিন বৰভূঞা
৫) দক্ষিণ শালামাৰা ৱাজেদ আলী চৌধুৰী
৬) গোলকগঞ্জ আব্দুছ সোবাহান আলী সৰকাৰ
৭) অভয়াপুৰী(উত্তৰ) আব্দুল বাতেন খণ্ডকাৰ
৮) অভয়াপুৰী(দক্ষিণ) প্ৰদীপ সৰকাৰ
৯) দুধনৈ যাদৱ স্বৰ্গীয়াৰী
১০) গোৱালপাৰা(পূঃ) আবুল কালাম ৰশিদ আলম
১১) গোৱালপাৰা(পশ্চিম) আব্দুৰ ৰশিদ মণ্ডল
১২) জলেশ্বৰ আফতাবুদ্দিন মোল্লা
১৩) বৰপেটা আব্দুৰ ৰহিম আহমেদ
১৪) বাঘবৰ শ্বেৰমান আলী
১৫) সৰুক্ষেত্ৰী জাকিৰ হুছেইন সিকদাৰ
১৬) বকো নন্দিতা দাস
১৭) ছয়গাঁও ৰেকিবুদ্দিন আহমেদ
১৮) বৰক্ষেত্ৰী দিগন্ত বৰ্মন
১৯) মঙলদৈ বসন্ত দাস
২০) বটদ্ৰৱা শিৱামণি বৰা
২১) লাহৰিঘাট আছিফ মহম্মদ নাজাৰ
২২) ৰহা শশীকান্ত দাস
২৩) ৰূপহীহাট নুৰুল হুদা
২৪) চামগুৰি ৰকিবুল হুছেইন
২৫) তিতাবৰ ভাস্কৰজ্যোতি বৰুৱা
২৬) মৰিয়নী ৰূপজ্যোতি কুৰ্মী
২৭) নাজিৰা দেৱব্ৰত শইকীয়া
২৮) থাওৰা সুশান্ত বৰগোঁহাই
২৯) নাওবৈচা ভৰত নৰহ

এজিপি👇👇
১) তেজপুৰ পৃথ্বীৰাজ ৰাভা
২) কলিয়াবৰ কেশৱ মহন্ত
৩) বোকাখাত অতুল বৰা
৪) দেৰগাঁও ভৱেন ভড়ালী
৫) বঙাইগাঁও ফণীভূষণ চৌধুৰী
৬) গুৱাহাটী(পশ্চিম) ৰমেন্দ্ৰ নাৰায়ণ কলিতা
৭) টীয়ক ৰেণুপমা ৰাজখোৱা
৮) আমগুৰি প্ৰদীপ হাজৰিকা
৯) চাবুৱা পোণাকন বৰুৱা

AIUDF👇👇
১) বদৰপুৰ আব্দুল আজিজ
২) হাইলাকান্দি জাকিৰ হুছেইন লস্কৰ
৩) কাটলিচেৰা ছজামুদ্দিন লস্কৰ
৪) আলগাপুৰ নিজামুদ্দিন চৌধুৰী
৫) সোণাই কৰিম উদ্দিন বৰভূঞা
৬) মানকাচৰ আমিনুল ইছলাম
৭) ধুবুৰী নজৰুল হক
৮) গৌৰিপুৰ মিজানুৰ ৰহমান
৯) বিলাসীপাৰা (পশ্চিম) হাফিজ বছিৰ কাছিমী
১০) বিলাসীপাৰা(পূঃ) ছামছুল হুদা
১১) ভৱানীপুৰ ফণী তালুকদাৰ
১২) জনীয়া হাফিজ ৰফিুকুল ইছলাম
১৩) চেঙা আশ্ৰাফুল হুছেইন
১৪) দলগাঁও মজিবুৰ ৰহমান
১৫) ধিং আমিনুল ইছলাম
১৬) যমুনামুখ ছিৰাজুদ্দিন আজমল

BPF👇👇
১) গোসাঁইগাঁও মাজেন্দ্ৰ নাৰ্জাৰী
২) কোকৰাঝাৰ(পশ্চিম) ৰবিৰাম নাৰ্জাৰী
৩) কলাইগাঁও দুৰ্গাদাস বড়ো
৪) মাজবাট চৰণ বড়ো

UPPL👇👇
১) কোকাৰাঝাৰ(পূঃ) লৰেন্স ইছলাৰী
২) ছিদলি জয়ন্ত বসুমতাৰী
৩) তামুলপুৰ লেহোৰাম বড়ো
৪) বৰমা ভূপেন বড়ো
৫) চাপাগুৰি ইউ জি ব্ৰহ্ম
৬) ওদালগুৰি গোবিন্দ বসুমতাৰী

CPI(M)👇👇
১) সৰভোগ মনোৰঞ্জন তালুকদাৰ

ৰাইজৰ দল👇👇
১) শিৱসাগৰ অখিল গগৈ

28/04/2021

The two different photos of EARTHQUAKE of today of assam. 1. The ground cracked and underground water come
Out.
Second one . The left handed building is broken down but isn't falling on support on righthanded building

15/02/2021

https://youtu.be/5MlBdrRF9iI

ও দেখতা হে গেইৰো ছে দিল কিও লগাতে হো O dekhta hein gairo se dil q lagate ho by Ahmadiyanazm

15/02/2021

https://youtu.be/3R0_dFMh8aY

Piya re piya re kande hiya rePiya, Re, in, Chirodini, Tumi, Je, Amar, Movie, YouTube,পিয়া রে পিয়া রে কাাঁদে হিয়া রে নিউজ পইন্ট #

19/01/2021

https://youtu.be/-pARKKNsDhQ

indian idol 2021, indian idol 2020 pawandeep rajan, pawandeep rajan & sawai bhatt indian idol, pawandeep rajan indian idol, pawandeep rajan, pawandeep rajan ...

13/01/2021

https://youtu.be/GbXyIs8WAGQ( Indian Idol with shanmuhapriya

shanmukha priya indian idol 2020 audition, scam team special, ndian idol 2020 full episode, singer shanmukha priya, hansal mehta, scam 1992, pratik gandhi, i...

19/11/2020

https://youtu.be/xBJnzfCSXQo

Shakib khan hit 2019 , সাকিব খান হিট, dance song, chaalbaaz, chaalbaaz song, romantic song, shakib, subhasree, shakib subhasree romantic song, subhasree love...

04/11/2020

https://youtu.be/SoN_17rFbI0 exclusive talk show with SARMA #

➡️শিখা শৰ্মা অসমৰ একমাত্ৰ সাহসী মহিলা। ➡️ অসমৰ অন্যায়ৰ বিৰুদ্ধে মাত মাতিছে শিখা শৰ্মা

10/10/2020

FROM SIKHA SARMA PAGE “আছুৰ সন্তান কোন ? স্পষ্ট কৰক“

অসমৰ অস্তিত্ব ৰক্ষাৰ আন্দোলন শেষ হৈছিল অসম চুক্তিৰে ৷ ৰাইজৰ সীমাহীন আশা আৰু বিপুল সঁহাৰিত, আছুৱে জন্ম দিছিল “অসম গণ পৰিষদ“ ৷ এক নতুন ৰাজনৈতিক দল ৷ অসমৰ ৰাজনীতিত এক আলোড়ণৰ সৃষ্টি কৰি, প্ৰথমবাৰৰ বাবে জন্ম হৈছিল এটা বৃহৎ আঞ্চলিক দলৰ ৷ গোলাঘাটত জন্ম হোৱা দলটোত, তেতিয়াৰ আছুৰ সভাপতি প্ৰফুল্ল কুমাৰ মহন্ত, ভৃগু ফুকন আৰু আন আন আন্দোলনকাৰীসকলে যোগদান কৰিছিল ৷ সোলোকাই থৈ আহিছিল ছাত্ৰ সন্থাৰ অৰাজনৈতিক পোচাক ৷ অসমৰ ৰাইজৰ আশীৰ্বাদ লৈ, অসম গণ পৰিষদৰ হাতীটোয়ে ৰাজপথত গতি কৰিলে ৷

মই তেতিয়া সৰু ৷ গান গাই অসমত এক সুকীয়া আসন লাভ কৰিছিলো মোৰ কৈশোৰতেই ৷ যোৰহাটৰ বিভিন্ন সংগীতানুষ্ঠানত গান গাই জনপ্ৰিয় হৈ পৰা মোৰ এখন সংগীতৰ অনুষ্ঠান আছিল বঙালপুখুৰীত ৷ পিছদিনা দেৰগাঁৱৰ আমাৰ ঘৰটোলৈ আহিছিল যোৰহাট কৰ্টৰ চাকৰিয়াল, যোৰহাট চাৰিগাঁৱৰ প্ৰতিমা বৰুৱা বাইদেউ ৷ অবিবাহিতা বাইদেউগৰাকী, সেইসময়ত অসম গণ পৰিষদৰ কাম কাজত জড়িত আছিল ৷ মোক যোৰহাটলৈ লৈ যোৱা হৈছিল ৷ যোৰহাট চাৰিগাঁৱৰ প্ৰতিমা বৰুৱাৰ ঘৰত এজাক মানুহ ৷ তেতিয়া টেপ ৰেকৰ্ডাৰৰ যুগ ৷ মোক গান এটা দিয়া হৈছিল গাবলৈ ৷ যোৰহাটৰ চিনিয়ৰ বাদ্যযন্ত্ৰীসকলে সঙ্গত কৰিছিল ৷ মোৰ কন্ঠত ৰেকৰ্ডিং কৰাই, চাৰিগাঁৱৰ যুৱকসকলে সমাজত এৰি দিছিল, সেইসময়ৰ ৰাইজক উতলা কৰা নিৰ্বাচনী গীত-

“ৰাজপথে যায় চোৱা
কাৰ সৌৱা হাতী ৷
আহাঁ আহাঁ অসমীয়া
বান্ধো মহাজাতি ৷৷
হাতীত উঠি পৰিষদ ৰাজসভালৈ যায় ৷
আশাভৰা জনগণে আছে বাট চাই ৷৷“

মোৰ কন্ঠৰ ৰেকৰ্ডিত গানটোৱে, যোৰহাটৰ অসম গণ পৰিষদৰ নিৰ্বাচনী মিটিং গমগমাই আছিল ৷ মাইকত বজা গানটোৰ লগে লগে ৰাইজৰ সমস্বৰ ৷ মই যোৰহাটৰ বিভিন্ন সভাত সেই গানটো গাইছিলো ৷ এবাৰ প্ৰতিমা বৰুৱা বাইদেউ মোক আনিবলৈ দেৰগাঁৱলৈ যাওঁতে, নিশা এটা স্কুটাৰ দুৰ্ঘটনাত পতিত হৈ, কেইবামাহো হস্পিটেলত আছিল ৷ ইফালে মই আত্মীয়ৰ সৈতে আহি তেওঁৰ ঘৰ পাইছিলোহি ৷ আজিও দুখ লাগে সেই কথা ভাবি ৷ ইমানেই আছিল অসম গণ পৰিষদৰ প্ৰতি মানুহৰ আকৰ্ষণ আৰু আস্থা ৷

গুপ্তহত্যাৰে হাত ৰাঙলী কৰা প্ৰফুল্ল মহন্তৰ ব্যক্তিত্ব, আৰু আন বিভিন্ন সামাজিক বিসঙ্গতিৰ বাবে লোপ পালে ৷ AGP য়ে সময়ৰ বালিত খোজ ৰাখিব নোৱাৰিলে ৷ এতিয়া AGP এটা পুতলা ৷ বিজেপিয়ে নচুৱাই থকা কাঠৰ পুতলা ৷ সৰ্বানন্দই জোকাৰ মাৰি দিলে অতুল বৰাই মূৰ জোকাৰে, হিমন্তই ধমক দিলে ফণীভূষণ পৰ্দাৰ আঁৰত লুকায় ৷ কেৱল আৰু কেৱল নিজে বিধায়ক বা মন্ত্ৰী হৈ থকাৰ আশাতে অতুল বৰা, কেশৱ মহন্তহঁতে নিজক বিক্ৰী কৰে বিজেপিৰ মায়া বজাৰত ৷ জন্মদাতা আছুৱে মৌনতা অৱলম্বন কৰে ৷ আছুৱে এবাৰ সুধিছেনে, কিয় আছুৰ ঔৰষৰ পৰা জন্ম লৈ, AGP গাদ্দাৰ হ’ল ? কিয় অসমৰ ৰাইজৰ আশা আকাঙ্খ্যা ভৰিৰে মোহাৰিলে এজিপিয়ে, আছুয়ে তাৰ বাবে ৰাজহুৱাকৈ জবাবদিহি কৰিছেনে এজিপিক ? মই নাজানো, এনে কিবা কৰা বুলি ৷

এইবাৰো আছুৱে জন্ম দিলে এক নতুন ৰাজনৈতিক দল- অসম জাতীয় পৰিষদ ৷ আছুৰ প্ৰথম সন্তান এজিপি, এই নতুন দলটোৰ ককায়েক ৷ সমন্ধত দুয়ো ককাই-ভাই ৷ আমি নতুন দলটোক সমালোচনা কৰাৰ কথা পাছলৈ ৰাখিলো ৷ কাৰণ তেওঁলোকক গঠন হ’বলৈ সময় দিয়া দৰকাৰ ৷ কিন্তু প্ৰায় ৩৫ বছৰৰ পাছত, আছুৱে জন্ম দিয়া আনটো সন্তান ৰাইজৰ মাজলৈ যাবলৈ ওলাইছে ৷ অসমৰ গণতন্ত্ৰৰ পথাৰত, ২০২১ ত আছুৰ নতুন সন্তানটো নিৰ্বাচনী যুঁজত নামিব ৷ যুঁজখনত আছুৰ প্ৰথম সন্তান এজিপিয়েও যুঁজ দিব বিজেপিৰ ভৰিত ধৰি ৷ এতিয়া আমাৰ প্ৰশ্ন-

- একে পিতৃৰ দুই সন্তানৰ যুঁজত, পিতৃ আছু কাৰ পক্ষত ?

আমাক আছুৰ পৰা স্পষ্ট আৰু পৰিস্ফূৰ্ত উত্তৰ লাগে ৷ আছু কাৰ পক্ষত ? কাৰণ পিতৃ হিচাপে আছু দুয়োজন সন্তানৰে পক্ষত থাকিব পাৰে ৷ আমি নিবিচাৰো যে আছু মাজ পানীৰ নাও হওক ৷ আমি আছুক আহ্বান জনাইছো, আছুৱে কাৰ পক্ষ ল’ব সেয়া ৰাইজক জনাওক ৷ ভিতৰুৱাকৈ নহয় ৷ খোলাখুলিকৈ ৷ কাৰণ আছুৰ পৰা ওলাই আহি নেতাসকল ৰজা হয় আৰু তেওঁলোকৰ বেয়া কামত আছুৱে নিজকে অৰাজনৈতিক সংগঠন বুলি নিৰাপদ দূৰত্বত অৱস্থান কৰে ৷ এইয়া সদায় গ্ৰহণযোগ্য নহয় ৷ যদি আছুয়ে ৰাজনৈতিক দল জন্ম দিব পাৰে, তেন্তে সেই দলৰ নেতাৰ কাম কাজৰ সমালোচনা কৰাটোও আছুৰ দায়িত্ব হোৱা উচিত ৷ চাপৰিলে মেঘ নাতৰে ৷

আমি জানো, আছুৰ উত্তৰ- নতুন দল এজেপি ৷ আছুৱে এজেপিৰ পক্ষ লোৱাৰ কথাই ক’ব ৷ কিন্তু এনেকৈ নহ’ব ৷ যদিও আছু এজিপি আৰু এজেপি দুয়োজনৰে পিতৃ, তথাপিও ৰাইজ যেতিয়া এই যুঁজখনৰ অংশীদাৰ, গতিকে ৰাইজৰো ক’ব লগীয়া থাকিব ৷

আমাৰ দাবীঃ

১৷ আছুৱে এজিপিক ত্যাজ্যপুত্ৰ ঘোষণা কৰক ৷

২৷ আছুৱে তেওঁলোকৰ কনমানো সমৰ্থন যে এজিপিৰ লগত নাথাকে, সেই কথা পৰিস্কাৰ কৈ ৰাজহুৱা কৰক ৷

৩৷ নতুন দল এটা গঠন কৰিলেই আমি ভাবি ল’ব নোৱাৰিম যে, আগৰ দলটোক আছুৱে বেয়া পাইছে বা আগৰ দলটোৰ প্ৰতি আছুৰ সমৰ্থন নোহোৱা হৈ গ’ল ৷ গতিকে ৰাইজৰ সন্দেহ দূৰ কৰাটো আছুৰ দায়িত্ব ৷

৪৷ আছুৱে এজিপিৰ লগত সকলো সম্পৰ্ক ছেদ কৰিছে বুলি ৰাইজক লিখিত প্ৰতিশ্ৰুতি দিয়ক ৷

তাকে নহ’লে আমি ভাবিবলৈ বাধ্য হ’ম যে, আছু এজেপি আৰু এজিপি দুয়োৰে সমৰ্থক আৰু ভোট বিভাজন কৰি বিজেপিক জিকোৱাৰ কৌশলত ব্যস্ত ৷

আমি আঞ্চলিক দল বিচাৰো ৷ গতিকে আমি নিগেটিভ কথাৰে আছুক থকা সৰকা কৰিব নিবিচাৰো ৷ কিন্তু আমি এইটোও নিবিচাৰো যে, আছুৰ দোধোৰ মোধোৰ স্থিতিত আকৌ এবাৰ সৰকি যাওক বিজেপি ৷

কৃষক মুক্তিৰ “ৰাইজৰ দলক“ কথা ক’বলৈকে ভয় ৷ সিদিনা মই এটা পষ্ট দিছিলো ৷ যিটোৰ বাবে ফেছবুকৰ “অখিল গগৈ অনুৰাগী মঞ্চত“ মোক তুলাধুনা দিয়া হৈছিল ৷ অথচ পষ্টটো মই কৃষক মুক্তিৰ বিষয়ে দিয়া নাছিলো ৷ ’ৰাইজৰ দল’ তেতিয়া গঠন হোৱাই নাছিল ৷ অখিল গগৈৰ অনুৰাগী মঞ্চই মোক যি অপমান কৰিলে, সেই অপমানে মোক ভাবিবলৈ বাধ্য কৰালে- যদি চৰকাৰত নাহোতেই অনুৰাগীৰ এই অত্যাচাৰ, কাইলৈ ক্ষমতা পালে অনুৰাগীয়ে কিমান পৰ্য্যায়ত আক্ৰমণ কৰিব ? এই অনুৰাগীবোৰক শাসন কৰাৰ ক্ষমতা, কৃষক মুক্তিৰ নাই নেকি ? এনেকৈ হ’লে দেখোন বিজেপিৰ দালালবোৰৰ দৰেই, ’ৰাইজৰ দলতো’ আন এজাক দালালৰ জন্ম হ’ব ! আৰু ৰাইজে দালালৰ দাবি ধমকি খাই পাৰ কৰিব লাগিব, ইটোৰ পিছত সিটো চৰকাৰৰ কাৰ্য্যকাল ৷

আমি একোটা দলক চৰকাৰলৈ নিৰ্বাচিত কৰি পঠিয়াই, সদায় এজাক ভতুৱা কুকুৰৰ কামোৰ খাই থাকিব লাগিব নেকি ? আমাৰ অপৰাধ কি ? তোমালোকক আমাৰ টকাৰে ৰজা বনাই , চৰকাৰী সা-সুবিধাৰে স্নান কৰাই থকাটো ? চৰকাৰৰ বেয়া কামবোৰৰ সমালোচনা কৰাটো ? আমি সমালোচনা কৰিমেই ৷ প্ৰতিখন চৰকাৰৰে সমালোচনা কৰিম ৷ ৰাইজৰ দৰমহা খাব যেতিয়া, চৰকাৰ বনাবলৈ গৈছে যেতিয়া, ৰাইজৰ সমালোচনা সহ্য কৰাৰ ক্ষমতা ৰাখক ৷

ৰাইজৰ দলক নকওঁ বুলিও কওঁ, আপোনালোকৰ বাবে সমুখত বৃহৎ প্ৰত্যাহ্বান ৷ ব্যক্তি সদায় দলৰ অংগহে হোৱাটো উচিত ৷ যেতিয়াই কোনো ব্যক্তি দলৰ একমাত্ৰ সৰ্বেসৰ্বা হৈ পৰে, তেতিয়াই দল সংকটত পৰে ৷ দল ব্যক্তিৰ উৰ্ধত হোৱা উচিত ৷ অখিল গগৈৰ আশু মুক্তিৰ কামনা কৰিও ক’ম, জেলৰ পৰা দলৰ নেতৃত্ব ইমান সহজ নহয় ৷ দলে সহজ বুলি ভাবিলেও, ৰাইজে নেভাবিবও পাৰে ৷ জেল মানে কি ? নেলচন মাণ্ডেলাৰ অন্ধকাৰ মহাদেশ নহয় এইখন ৷ এইয়া নেলচন মাণ্ডেলাৰ সময়ো নহয় ৷ অসম এখন চিন্তাশীল আৰু অভিজ্ঞ ব্যক্তিৰে ভৰপূৰ দেশ ৷ অখিলৰ বন্দীত্বত, দলটোৰ অগ্ৰগতি ৰাইজে নিৰীক্ষণ কৰিব ৷ কিমান ৰাইজে জেলৰ ভিতৰৰ পৰা অখিল গগৈয়ে কৰা নেতৃত্ব মানি ল’ব, সেইয়া সন্দেহ ৷ বিশেষকৈ আজিৰ প্ৰতিযোগিতাৰ দিনত ৷ ইয়াৰ বাবে আচলতে এক সু-পৰিকল্পনাৰ প্ৰয়োজন আছিল ৷ দল, সংগঠন কেতিয়াও একছত্ৰ পৰিচালনাৰ হ’ব নালাগে ৷ প্ৰতিটো দল, সংগঠনে সকলো কৰ্মীক নেতৃত্ব গুণেৰে গঢ়ি তুলিব লাগে ৷ আজি বিজেপি দলত নেতাৰ অভাব নাই , নেতাৰে গিজগিজাই আছে কংগ্ৰেছ ৷ ৰাইজৰ দল এজন মাত্ৰ নেতাৰ অপেক্ষাত ৷ কিয় ? ৰণত যদি এজনেই সেনাপতি হয় আৰু সেই সেনাপতিজন যদি নৰিয়াত পৰে বা বন্দী হয়, তেন্তে সেই সেনানীৰ জয় সম্ভৱনে ? ’ৰাইজৰ দলে’ বিকল্প কেইবাজনো সুদক্ষ আৰু ব্যক্তিত্ব সম্পন্ন নেতাৰ সন্ধান কৰক ৷ কেৱল দলটো আগবঢ়োৱাৰ স্বাৰ্থত ৷

ৰাষ্ট্ৰীয় দলৰ আগ্ৰাসনৰ পৰা অসমক বচাবলৈ, আমাক এখন সুপৰিকল্পিত আঞ্চলিক তথা গণতান্ত্ৰিক মনোভাবাপন্ন চৰকাৰ লাগে ৷ ৰাইজ কিন্তু অন্ধ নহয় ৷ সময় সমাগত ৷ বজাৰ মুকলি ৷ জাপে জাপে টকাৰ গৰম খমখমনি ৷ টকাৰ গোন্ধত আমোলমোল দালালৰ পদূলি ৷ ৰাইজ সজাগ হওক ৷ আমাৰ উত্তৰাধিকাৰীক থৈ যাবলৈ অসমখন সুৰক্ষিত কৰি ৰখাৰ দায়িত্ব, ৰাজনৈতিক দলবোৰৰ নহয়, আমাৰ ৷ আমি সুক্ষ্মভাবে ভাবো আহক,

কোন বেয়া আৰু কোন বেছি বেয়া !!!

শিখা শৰ্মা
গুৱাহাটী

( শ্বেয়াৰ কৰাত বাধা নাই )

বিঃদ্ৰঃ তুমি যদি অসমীয়া, পষ্টটোত গালি নিদি, চিন্তাৰ খোৰাক বিচাৰা ৷
সংগ্ৰহ: শিখা শৰ্মা বাইদেউৰ পেজ