22/05/2024
প্রেম
নাজানো প্রেম মানে কি? জানো মাথোঁ এটা এনে সম্পর্ক য'ত সুখ-দুখ, সৰু সৰু অভিমানবোৰ, সন্মান, মৰম-ভালপোৱাবোৰ জীয়াই থাকে, সেয়াই প্রেম। আছে জানো আধুনিক জগতত এই প্রেম, আচলতে এয়া প্রেমেই নহয়, এয়া ভাললগাহে, যি কিছুদিন পিছতেই সলনি হৈ যায়।,,,, কেনেকৈ সম্পৰ্কবোৰ গঢ়ি উঠাৰ পাছতো সকলো পাহৰি সম্পৰ্কটো ভাঙি পেলাব পাৰে, ইমান নিকৃষ্ট নে মনবোৰ..... ইমান হিংস্র নে মানুহবোেৰ?.........এতিয়া প্ৰেমবোৰ মাথোঁ কাগজৰ টুকুৰাত সলনি হোৱা বিনিময় প্রথা, আছে জানো ইজনে সিজনৰ কাৰণে অপেক্ষা কৰা দিনবোৰ, আছে জানো মাহ-বছৰৰ শেষত পোৱা চিঠিৰ দিনবোৰ.......নিয়তিৰ সোঁতত সকলো শেষ, সকলো যান্ত্রিক, যাৰ কাৰণে হয়তো বিজুতি ঘটি ধ্বংস হয়। ঘৃণ লগা হ'ল এই আধুনিক প্রেম।
কাৰোবাক কন্দুওৱাই জানো কোনোবা সুখত থাকিব পাৰে, এই প্ৰেমবোৰ এনেকুৱাই কোনোবা সুখত থাকিব কোনোবা দুখত.....এজনে শিতানৰ গাৰু তিতাব, এজনে হাঁহি জীৱন কটাব, এজনৰ মাজনিশাৰ টোপনি হেৰাব, এজনে শান্তিৰে শুই থাকিব, কেনেকৈ?..... কেনেকৈ পাৰে এটি সম্পৰ্কত এজনে আনজনক ইমান কষ্ট দিব!...... কেতিয়াবা ভবাই তোলাব, আপোনাক তেওঁ বহু দূৰত এৰি থৈ আহিছে, কিন্তু সেয়া অসত্য। ভবাই তোলাব কেতিয়াবা, ইমান সহ্য কৰিও তেওঁৰ অপেক্ষাত, তেওঁৰ এষাৰ মাতত সকলো সলনি কি যাদু আছে এই মাতষাৰত!...., প্রেম কি অদ্ভুত!... হেজাৰ কষ্ট দিয়াৰ পিছতো প্রিয়জনৰ স্মৃতি বুকুত বান্ধি জীয়াই থকাটোঁও প্রেমেই! প্রিয়জনৰ এষাৰ মাতত, সকলো দুখ-কষ্ট পাহৰি যোৱাটোৱো প্রেমেই!
এই প্ৰেমৰ যুক্তিৰ জানো ক'ৰবাত শেষ আছে!........ প্রেম চাগেই এনেকুৱাই, বহুতো ঘাট-প্রতিঘাট, বহুতো সমস্যা, আকৌ সেই সমস্যাৰ সমাধানো সেই প্রেমেই!..... প্রেম মানে যুদ্ধ, প্রেম মানে ধ্বংস, প্রেম মানে ভৱিষ্যত, প্রেম মানেই সৃষ্টি।
-অনুপম
2024-05-23
