Charotar Kheda News

17/06/2024

આરંગેત્રમ | નડિયાદની દીકરીઓએ નૃત્ય થકી કલાના ઓજસ પાથર્યા
ભારતીય સંસ્કૃતિની એક ઉત્કૃષ્ટ ઝલકની સાથે ભાવ, રાગ અને તાલનો અદ્દભુત સમન્વય એટલે ભરતનાટયમ નડિયાદની નિશ્રા શાહ સાથે ભવ્યા, કાવ્યા, કશીશ, દેવાંશી દ્વારા આરંગેત્રલ દ્વારા કલાના ઓજસ પાથરવામાં આવ્યા હતા. જેનેજોઈને શ્રોતાઓ મંત્રમુગ્ધ થયા હતા.

13/06/2024

#વિશ્વ_હિન્દુ_પરિષદ_મંત્રી_ના_હોદ્દા_પરથી_દુર_કર્યા ખેડા જીલ્લા વિશ્વ હિન્દુ પરિષદ (VHP) ના મંત્રી ઈશ્વરદાન બારોટ ની વાયરલ થયેલ ઓડીઓ ક્લિપ માં હિન્દુ સમાજ ની જાતિગત ટીપ્પણીઓ ને મુદ્દે તાત્કાલીક અસરથી ઉત્તર ગુજરાત પ્રાંત અધ્યક્ષે ઈશ્વરદાન બારોટ ને જીલ્લા મંત્રી ના હોદ્દા પર થી દુર કર્યા...

02/06/2024

વડતાલધામમાં દેવોને ૧૦ હજાર કિલો કેરીનો અન્નકુટ.
વડતાલ : શ્રી લક્ષ્મીનારાયણદેવ દ્વિશતાબ્દી મહોત્સવના ઉપક્રમે અનેક વિધ આયોજનો થઈ રહ્યા છે. સેવા ભક્તિ સ્મરણ ના કાર્યક્રમ થઈ રહ્યા છે . ત્યારે આ પ્રચંડ ગરમીમાં ચંપલ વિતરણ જેવી સેવાઓ થઈ છે.
આજે તા. ૨ જુન રવિવારના રોજ વડતાલ મંદિરમાં બીરાજતા દેવોને અમદાવાદ એસ.જી.વી.પી. ગુરૂકુળ પરિવારના સ્વામી માધવપ્રિયદાસજી અને પુરાણીસ્વામી બાલકૃષ્ણદાસજી દ્વારા ૧૦ ટન કેરીનો અન્નકુટ આમ્રોત્સવ ધરાવવામાં આવ્યો હતો. આમ્રોત્સવના આયોજક વડતાલ મંદિરના મુખ્ય કોઠારી ડો.સંતવલ્લભદાસજી સ્વામીએ જણાવ્યું હતું કે નીજ મંદિરમાં દેવોને ભક્તો દ્વારા ઋતુ પ્રમાણે ફળો ધરાવવામાં આવે છે. જે અંતર્ગત ઉનાળાની ઋતુમાં ફળોનો રાજા કેરીનો અમદાવાદ એસજીવીપી ગુરૂકુળ પરિવારના સ્વામી માધવપ્રિયદાસજી અને પુરાણી સ્વામી બાલકૃષ્ણદાસજી દ્વારા ૧૦ ટન કેસર કેરીનો અન્નકુટ ધરાવવામાં આવ્યો હતો. મંદિરના પૂજારીઓ દ્વારા કેરીની કમાનો ઉભી કરવામાં આવી હતી. ત્યારબાદ દેવો સમક્ષ કેરી ધરાવવામાં આવી હતી. રવિવારના રોજ હજ્જારો હરિભક્તોએ આમ્રોત્સવના દર્શન કરી ધન્યતા અનુભવી હતી. સવારે ૮ થી ૧૨ વાગ્યા સુધીમાં અંદાજીત ૭૫ હજારથી વધુ ભક્તોએ દર્શનનો લાભ લીધો હતો. સાંજે ૩.૩૦ થી ૬.૩૦ દરમ્યાન ૯૦મી રવિસભા અજરપુરાના રજનીકાંત ઉમેદભાઇ પટેલ તથા શ્રીમતી ગોપીબેન ધ્વુતીકુમાર પટેલના યજમાન પદે રાખવામાં આવી હતી. રવિસભાના વક્તાપદે ડો.સંતવલ્લભદાસજી સ્વામી બિરાજી વચનામૃત કથાનું રસપાન કરાવ્યું હતું. જ્યારે સમગ્ર આમ્રોત્સવના આયોજક ચેરમેન દેવપ્રકાશસ્વામી તથા કોઠારી ડો.સંતસ્વામી હતા. આમ્રોત્સવની સમગ્ર વ્યવસ્થા શ્યામવલ્લભસ્વામી તથા સ્વયંસેવકોની ટીમે સંભાળી હતી. અન્નકુટબાદ આ કેરીનો પ્રસાદનું વૃદ્ધાશ્રમ, અનાથઆશ્રમ, મહિલા આશ્રમ તથા દિવ્યાંગોને વડતાલધામના સંતો તથા સ્વયંસેવકો દ્વારા વિતરણ કરવામાં આવ્યું હતું.

31/05/2024

વડતાલધામ- ૨૦૦ વર્ષ પ્રસંગે તમાકુ નિષિદ્ધ દિવસે યુવકોની પ્રતિજ્ઞા
આજ વિશ્વમાં તંદુરસ્ત જીવન માટે તમાકુ કેટલું ખતરનાક સાબિત થઈ રહ્યુ છે તેની વિગતે વાત કરીને હતી. આચાર્યશ્રી રાકેશપ્રસાદજી મહારાજ , ચેરમેન સ્વામી દેવપ્રકાશ સ્વામી વગેરે એ દરેકને આ કાર્ય માટે અખંડ પુરુષાર્થ કરવા જણાવ્યું છે. વ્યસન મુકત સમાજ એ શાંતિયુક્ત સમાજનો પાયો છે. આજે વડતાલમા તમાકુના વ્યસનથી દૂર રહેવા માટે પોલીસ વિભાગના અધિકારીઓ સાથે આ કેમ્પની અંદર ઉપસ્થિત યુવકોને પ્રતિજ્ઞા લેવરાવતા વડતાલ મંદિરના મુખ્ય કોઠારી શા.શ્રી ડો.સંતવલ્લભદાસજી સ્વામીએ જણાવ્યું કે આજે સમગ્ર ગુજરાતની ધર્મપ્રેમી સજ્જન જનતાને મારી કરબદ્ધ વિનંતી છે આપડા ધર્મશાસ્ત્રોમાં વ્યસનનો ત્યાગ કરવાનું કહ્યું છે.ખાસ કરીને ભગવાન સ્વામિનારાયણે શિક્ષપત્રીમાં વ્યસન કરવાની સદંતર મનાઈ ફરમાવી છે અને તમાકુ આદિનું સેવન કરવું નહીં એવો સ્પષ્ટ આદેશ આપ્યો છે. આજે દુનિયામાં વસતા તમામ લોકો પોતાના સ્વશરીરની સુખાકારી માટે તમાકુ સેવાનનો ત્યાગ કરે એના માટે આ દિવસની ઉજવણી કરવામાં આવે છે. પરંતુ આપડે સંસ્કાર,સંસ્કૃતિ અને માતાપિતાના વારસના આપડે જીવંત વારસદાર છીએ માટે આપણે એક વાત મનમાં ગાંઠ વાળવી કે મારા કુટુંબમાં વ્યસન કરીશ નહીં અને વ્યસન કરવા કોઈને દઇશ નહીં. આવા વિશ્વાસ સાથે આવી દ્રઢતા સાથે આજના તમાકુ દિવસની ઉજવણી કરવી જોઈએ અને ભગવાન સ્વામિનારાયણે જ્યાં બેસીને શિક્ષાપત્રી લખી છે એ વડતાલની ભૂમિ માંથી એક કરબદ્ધ પ્રાર્થના કરવી છીએ.આજે સ્ટુડન્ટ્સ પોલીસ કેડરના તમામ યુવકોને વ્યસન મુક્ત રહેવા તમાકુયુક્ત રહેવાની પ્રતિજ્ઞા લેવરાવી અને એ હોંશે હોંશે કહ્યું અમે અમારા જીવનમાં અમારા પરિવારમાં તમાકુ આવવા દેશું નહીં એનો મને આનંદ છે. હું આપ સૌને કરબદ્ધ પ્રાર્થના કરું છું આપડે આપડા આવતા જનરેશનને માત્ર સંપતિ કે મકાનો જ નહીં આ સંસ્કાર પણ આપવા જ છે અને આપવા જ જોઈએ તો દરેક માતાપિતા પોતે વ્યસનમુક્ત બને અને પોતાના યુવાન દીકરા દીકરીઓ કોઈ પણ વ્યસનમાં ન જાય એ માટે ખાસ પ્રાર્થના કરજો.
જય સ્વામિનારાયણ

27/05/2024

વડતાલધામમાં સહજાનંદી બાળ યુવા શિબિર - ૮ ની પૂર્ણાહુત , સહજાનંદી બાળયુવા શિબિર- ૮ માં 5000 બાળ - બાલિકાઓ તથા યુવાનોએ શિક્ષા - સંસ્કારનું ભાતું બાંધ્યું..
આ બાળકો વડતાલનું ભવિષ્ય છે, આચાર્ય મહારાજ વડતાલ.
શ્રી સ્વામિનારાયણ સંપ્રદાયના તીર્થધામ વડતાલ ધામ ખાતે તારીખ 24 મેથી 26 મે દરમિયાન યોજાયેલી ત્રિદિવસીય સહજાનંદી બાળ યુવા શિબિરની રવિવારે સાંજે પૂર્ણાહુતિ યોજાઈ.
શિબિરમાં ગુજરાત મહારાષ્ટ્ર અને મધ્યપ્રદેશના 5000 બાળક- બાલિકાઓએ ઉત્સાહભેર ભાગ લીધો હતો. અમેરિકામાં સત્સંગ વિચરણ કરી રહેલા આચાર્યશ્રી રાકેશપ્રસાદજી મહારાજ, શ્રી પૂ. જ્ઞાનજીવન સ્વામી (કુંડળ) પુ. નિત્યસ્વરુપદાસજી સરધાર, દેવપ્રકાશદાસજી સ્વામી ચેરમેનશ્રી, ડો સંત સ્વામી - મુખ્ય કોઠારીશ્રી , ગોવિંદપ્રસાદ સ્વામી મેતપુરવાળાએ શિબિરાર્થી બાળકોને આશીર્વાદ પાઠવ્યા હતા.
આ શિબિરમાં માતૃ પિતૃ વંદના પર વિશેષ ભાર મુકાયો હતો. આ બાબત માટે ખાસ ભરૂચ જીલ્લા કલેક્ટર માતા પિતા પરિવાર સાથે ઉપસ્થિત રહ્યા હતા. અને બાળકોને પ્રેરણા આપી હતી . તથા અમિતભાઈ જાદુગરે વૃક્ષ બચાવો - કન્યા બચાવો - વ્યસન છોડો વગેરે પ્રેરક પ્રસંગો કહ્યા હતા. અને જીલ્લા એસ પી શ્રી રાજેશભાઈ ગઢીયા સાહેબે પોતાનું દ્રષ્ટાંત આપીને માતા પિતાનું મહત્વ કહ્યુ હતું. અને મને બાળ મંડળમાં જવાનો અવસર મળ્યો છે પણ આવી બાળ શિબિરમાં આવવાનો અવસર નથી મળ્યો . તમે ભાગ્યશાળી છો.. કહીને બધાને પ્રેરણા આપી હતી. સંસ્થાએ સાહેબનો આભાર માન્યો હતો.
આ શિબિર સમાપન સમયે મંદિરમાં સમૂહ પૂજાનું અને સમૂહ ફોટો શેસન કરવામાં આવ્યું હતું .
શિબિર દરમિયાન નારાયણચરણ સ્વામી બુધેજ , પ્રિયદર્શન સ્વામી પીજ , ગુણસાગર સ્વામી વિરસદ , નયનપ્રકાશ સ્વામી સુરત , હરિગુણ સ્વામી ઉમરેઠ ગોપાલ ભગત જ્ઞાનબાગ , શુકદેવ સ્વામી -નાર , પ્રેમનંદન સ્વામી ઊજ્જૈન , ઇશ્વરચરણ સ્વામી વડોદરા , ભક્તિચરણ સ્વામી , ચંદ્રકાંત ગોહિલ ગાંધીનગર( ફુડ વિભાગ) વગેરેએ પીપીટી સાથે દ્રશ્ય શ્રાવ્ય માધ્યમે બાળ જીવનના ઉપયોગી વિષયોની છણાવટ કરી હતી.
આ શિબિરમાં પોતાના માતા પિતા સાથે શિબિરમાં ભાગ લેવા આવેલ બાળકોએ પોતાના માતા પિતાને પગે લાગી ચરણ પૂજન કરી આશીર્વાદ મેળવ્યા હતા. વિદાય લેતા બાળકોએ ગુરુ- સંતોના આશીર્વાદ માટે ગુરુ વંદના કરી હતી.બાળકોએ સંતો સાથે રાસની રમઝટ બોલાવી હતી. વિવિધ સંસ્કારો અને સામાજિક, ધાર્મિક જ્ઞાન સાથે શિબિરાર્થી બાળકોએ વતન ભણી પ્રસ્થાન કર્યું હતું. શિબિર સમાપન પ્રસંગે સંયોજક શાસ્ત્રી નારાયણચરણ દાસજી સ્વામી, સ્વામી શ્યામવલ્લભ, સ્વામી ભક્તિ ચરણદાસજી, પાર્સદ ગોપાલ ભગત , પાર્ષદ ઘનશ્યામ ભગત ટ્રસ્ટીશ્રી , શ્રી ગોવિંદ સ્વામી મેતપુરવાળા , પુ આનંદ સ્વામી ઉજ્જૈન વગેરે ઉપસ્થિત રહ્યા હતા. આ શિબિરનો મુખ્ય ઉદ્દેશ સત્સંગીઓના બાળકો યુવાનોમાં શ્રી સ્વામિનારાયણ ભગવાન પ્રત્યે દ્રઢ નિશ્ચય થાય અને ધાર્મિક સંસ્કારોનું સિંચન થાય તેવા શુભ આશયથી ત્રણ રાજ્યના 5000 બાળકો- બાલિકાઓ અને યુવાનોએ લાભ લીધો હતો. શિબિરનું આયોજન શ્રીલક્ષ્મીનારાયણ દેવ દ્વિશતાબ્દી મહોત્સવના ઉપક્રમે વડતાલ મંદિરના ચેરમેન દેવ પ્રકાશ સ્વામી અને કોઠારી ડોક્ટર સંત વલ્લભદાસજી સ્વામીએ કર્યું હતું.

27/05/2024

જિલ્લા કલેકટરશ્રીની અધ્યક્ષતામાં પ્રિ-મોન્સૂન કામગીરી અંગે સમીક્ષા બેઠક યોજાઈ
જિલ્લા કલેકટર શ્રી અમિત પ્રકાશ યાદવની અધ્યક્ષતામાં જિલ્લા કલેકટર કચેરી, નડિયાદ ખાતે પ્રિ-મોન્સૂન 2024ની કામગીરી અંગે સમીક્ષા બેઠક યોજાઈ. જેમાં ચોમાસાની ઋતુ પહેલા ડિઝાસ્ટર સંબંધિત વિભાગો દ્વારા કરવામાં આવેલ કામગીરી બાબતે જિલ્લા કલેક્ટરશ્રી દ્વારા સમીક્ષા કરી જરૂરી માર્ગદર્શન આપવામાં આવ્યું હતું.
આ મીટીંગમાં ખેડા જિલ્લાનાં તમામ ડિઝાસ્ટર નોડલ અધિકારીશ્રીઓ દ્વારા આપત્તિ વ્યવસ્થાપન બાબતે કરવામાં આવેલ કામગીરી અંગે માહિતી રજૂ કરવામાં આવી હતી. જિલ્લા કલેક્ટરશ્રીએ આ કામગીરીની સમીક્ષા કરી માર્ગદર્શક સુચનો આપ્યા હતા. જેમાં, નિયત સમયગાળામાં કાંસ સફાઈ, ડીવોટરીંગ પંપ દુરસ્તી સમીક્ષા, ડિઝાસ્ટર કામગીરી માટે મોકડ્રીલ, કમ્યુનિકેશન પ્લાન, જર્જરીત મકાનો, ભયજનક સ્થળોને કોર્ડન કરવા, જર્જરીત વીજ પોલ, વીજ લાઈનને દુરસ્ત કરવા, પાણી, ગટર વગેરેની લીકેજ લાઈનને દુરસ્ત કરવા સહિતની અગ્તયની બાબતો પર ત્વરીત કામગીરી પુર્ણ કરવા સૂચના આપી હતી.

જિલ્લા કલેક્ટરશ્રીએ સંબધિત વિભાગના તમામ અધિકારીશ્રીઓને ડીઝાસ્ટર મેનેજમેન્ટની કામગીરી જવાબદારીપુર્વક અને ચોક્કસ સમયગાળામાં પુર્ણ કરવા જણાવ્યું હતું.

આ બેઠકમાં જિલ્લા વિકાસ અધિકારી શ્રી એસ.ડી. વસાવા, જિલ્લા પોલીસ અધિક્ષકશ્રી રાજેશ ગઢીયા, અધિક નિવાસી કલેકટર શ્રી ભરત જોષી, પ્રાંત અધિકારીશ્રીઓ સહિત જિલ્લા તથા તાલુકાના તમામ ઉચ્ચ અધિકારીઓ ઉપસ્થિત રહ્યા હતા.

13/05/2024

યોગીરાજ અવધૂત શ્રી સંતરામ મહારાજની દિવ્ય અંખડ જ્યોતના શુભ આશીર્વાદ તથા પ્રાત:સ્મરણીય પ.પૂ. મહંત શ્રી રામદાસજી મહારાજના માર્ગદર્શન અને આજ્ઞા અનુસાર *શ્રી બાલયોગી સત્સંગ સંસ્કાર કેન્દ્ર સભા* શ્રી સંતરામ મંદિર નડિયાદ ૧૦ દિવસીય બાળ સંસ્કાર ગ્રીષ્મ શિબિર નું આયોજન કરવામાં આવ્યું. આ શિબિરમાં લગભગ 110 થી વધારે બાળકોએ ભાગ લીધો છે. તિબેરી ના પ્રથમ દિવસે પરમ પૂજ્ય મહંત શ્રી રામદાસજી મહારાજ, નિર્ગુણદાસજી મહારાજ, ગણેશદાસજી મહારાજ, રામેશ્વરદાસજી મહારાજ ના હસ્તે દીપ પ્રાગટ્ય કરવામાં આવ્યું. શ્રી બાલયોગી સત્સંગ સંસ્કાર કેન્દ્ર સભાના લોગોનું લોકાર્પણ કરવામાં આવ્યું. અને ત્યારબાદ રામદાસજી મહારાજ તથા સંતવૃંદના આશીર્વાદ બાળકોને પ્રાપ્ત થયા. દસ દિવસીય બાળ સંસ્કાર ગ્રીસમાં શિબિર નો મુખ્ય ઉદ્દેશ બાળકોમાં સંસ્કારનું સિંચન થાય તથા યોગ્ય દિશામાં તેમના જીવનનું ઘડતર અને વિકાસ થાય છે. આ શિબિરમાં બાળ સંસ્કાર, સંસ્કૃત, રામાયણ/મહાભારતના પ્રસંગો, પેઇન્ટિંગ, આર્ટ એન્ડ ક્રાફ્ટ, ઇન્ડોર/આઉટડોર રમતો, જીવન કુશળતા, વગેરે પ્રવૃત્તિઓનું આયોજન કરવામાં આવેલ છે.

|| *જય મહારાજ*||

11/05/2024

નડીઆદના ગીચ વિસ્તાર સાંથ બજારમાં ગેસનો બોટલ બ્લાસ્ટ થતા રહીશોના જીવ અધ્ધર
નડીઆદ નાં ભીડભાડ ભર્યા અને રહેણાક અને દુકાનોની સજજડ વિસ્તાર સાંથ બજારમાં આજે શનિવારે સવારે સોના ચાંદીના દાગીના બનાવતી એક ત્રીજા માળે આવેલ દુકાનમાં ગેસ નો બોટલ બ્લાસ્ટ થતાં ભીષણ આગ લાગી હતી...ફાયરબ્રિગેડ એ આગને કાબૂમાં લીધી હતી . જોકે મહત્વનું એ છે એક જ દુકાનમાંથી ગેસ સિલિનડરની ચાર બોટલો મળી આવી હતી. જે નોન કોમર્શિયલ હોવાનું ચર્ચાઇ રહ્યું છે. ત્યારે કોઈપણ પ્રકારની ફાયર સેફ્ટી વગર ધમધમતી ત્રણ માળની દુકાન અને નોન કોમર્શિયલ ગેરકાયદે ગેસ સિલિન્ડર ની બોટલ ફાટવાથી સર્જાયેલ બનાવમાં મોટી દુર્ઘટના સર્જાઈ શકી હોત, ત્યારે જવાબદારો વિરુદ્ધ પગલાં ભરવા સ્થાનિકોમાં માંગ ઉઠી છે.

07/05/2024

વડતાલના સંતોનું સામુહિક મતદાન ..
લોકસભા ચૂંટણી-૨૦૨૪*
આજે તા.૭મીને મંગળવારે યોજાઇ
રહેલી લોકસભાની ત્રીજા તબક્કાની
ચૂંટણીમાં એક કેન્દ્રશાસિત પ્રદેશ અને
*૧૦* રાજ્યોની *૯૩* બેઠકો પર
મતદાન થઇ રહ્યું છે:
ગુજરાતની *૨૫* બેઠકો માટેના *૫૦,૭૮૭*
મતદાન મથકો પર સવારે શાંતિપૂર્ણ
રીતે મતદાનનો પ્રારંભ થયો હતો:
ગુજરાતના કુલ *૪,૯૬,૨૨,૧૬૨*
મતદારો છે જ્યારે *૨૫૦૦૦* મતદાન કેન્દ્રો છે
અને *૨૬૬* ઉમેદવારો છે: વિધાનસભાની
*૫* બેઠકોની પેટા ચૂંટણીમાં *૨૪* ઉમેદવારો છેઃ
———————
*પહેલા નાગરિક પછી સાધુ..!*
*વડતાલ મંદિરના*
*સંતોનું મતદાન*
———————
યાત્રાધામ વડતાલ મંદિરના સંતો, પાર્ષદો
અને બ્રહ્મચારીઓ લોકસભા ચૂંટણીમાં
મતદાન કરવા ઉમટી પડ્યા હતાઃ
લોકશાહીમાં મતદાન કરવું એ દરેક નાગરિકનો
મૂળભૂત અધિકાર અને નૈતિક ફરજ છેઃ
વડતાલ પ્રાથમિક શાળા બુથ-૧માં કુલ
૧૦૧૦ મતદારો નોંધાયેલા છે તે તેમાં
ત્યાગી મતદારોનો પણ સમાવેશ થાય છેઃ
વડતાલ મંદિરના કોઠારી ડૉ.સંત સ્વામી:
૯૫ વર્ષેના વયોવૃધ્ધ સંત શાસ્ત્રી સ્વામી
ધર્મપ્રસાદદાસજી: શરીરે પરાધિન પણ મતદાન
માટે જોમજુસ્સો અકબંધ..! એટલે તો
'અબકી બાર ૪૦૦ પાર..'
ગોવિંદપ્રસાદ સ્વામી: ભાઇ સ્વામી:
શ્યામવલ્લભ સ્વામી: દેવસ્વરુપ સ્વામી:
રામ સ્વામી: દેવ સ્વામી: જગત સ્વામી:
સંતબાલ સ્વામી: પી.પી.સ્વામી: કે.પી.સ્વામી:
જયેન્દ્ર સ્વામી: ચંદ્રપ્રકાશ સ્વામી:
ઘનશ્યામ સ્વામી સાવદાવાળા: માનસ સ્વામી:
ગુણસાગર સ્વામી:
પૂજારી હરિસ્વરુપાનંદજી: ટ્રસ્ટી ઘનશ્યામ ભગત:
નાનજી ભગત: ચંદુ ભગત: ભગવાન ભગત:
દિનેશ ભગત: રાજુ ભગત: સચિન ભગત
સહિતના સંતો મંદિરેથી વાજતે ગાજતે
મતદાન મતદાન કેન્દ્ર પર ગયા હતા:
સંતોને માર્ગમાં ગૌમાતા મળે છે તેનેે શુકન
ગણવામાં હતા: સંતોએ ઉત્સાહભેર
મતદાન કર્યું હતું:
[ ૭/૫/૨૦૨૪: મંગળવાર ]

05/05/2024

વડતાલ સંસ્થાની મતદાતાઓને અપીલ. દેવ સ્થાનના શણગારથી સંદેશ આપ્યો .
ગુજરાત નહિ વિશ્વભરમાં પ્રસરેલા સ્વામિનારાયણ સંપ્રદાયના મુખ્ય કેન્દ્ર વડતાલમાં આજે દેવના શણગારથી મતદાન જાગૃતિનો સંદેશ આપ્યો છે.
આચાર્યશ્રી રાકેશપ્રસાદજી મહારાજ અને સંતોએ સામુહિક અપીલ કરી છે. રવિસભામાં પણ જાગૃતિનો સંદેશ મળતો હતો. ડો સંત સ્વામીએ જણાવ્યું હતું કે , આપણે આઝાદ થયા એને ૭૫ વર્ષ થયા છતાં આપણે હજી આપણી જાતને આ દેશના માલિક સમજતા નથી થયા...
એટલેજ આપણે મત ને દાન કહીએ છીએ હકીકતમાં આપણે આ દેશ ચલાવવા આપણો પ્રતિનિધિ એપોઇન્ટ કરવાનો છે અને એના માટે આપણા મતાધિકારનો ઉપયોગ કરી આ દેશની સમૃદ્ધિની ચિંતા કરી શકે અને સાંસ્કૃતિ વારસાનું જતન કરી શકે...આપણા નાગરિકોનું દેશના દુશ્મનોથી રક્ષણ કરી શકે અને આપણને ગૌરવ અપાવી એવા શ્રેષ્ઠ પ્રતિનિધિ કહેતા પ્રધાનમંત્રીનું ચયન કરવાનો રૂડો લોકશાહીનો અવસર આપણા આંગણે આવીને ઉભો છે...
પણ કમનસીબી એ વાતની છે કે આપણે આપણા મતનો અધિકાર કરવા માટે ઉદાસીન રહીએ છીએ અને એટલેજ દેશમાં મતની ટકાવારી ૬૦%ની આસપાસ જ રહે છે જે વધે અને વધુમાં વધુ લોકો લોકશાહીના આ પર્વમાં સામેલ થાય અને પોતાની ફરજ અદા કરે એ હેતુથી વડતાલ શ્રી સ્વામિનારાયણ સંસ્થાને અનોખી પહેલ કરી છે અને આજે દેવોના શણગારમાં મતદાન કરવાની અપીલ કરતા સ્લોગનો ગર્ભ ગૃહમાં ઠાકોરજીની શોભામાં મુક્યા છે જેથી આ નિત્યદર્શન કરતાં હરિભક્તોમાં જાગૃતિ આવે અને વધુમાં વધુ મતદાન થાય.
આમેય શ્રી સ્વામિનારાયણ સંપ્રદાયની રાજધાની જ્યા ભગવાનશ્રી સ્વામિનારાયણે શિક્ષાપત્રી લખી છે એ સામાજિક જાગૃતિનું કેન્દ્ર રહ્યું છે અને આ શિક્ષાપત્રીની આજ્ઞાઓ શ્રેષ્ઠ નાગરિક બનાવવા માટે જરૂરી અનેક આજ્ઞાઓ કરે છે જેમાં અધિકારને બદલે શ્રેષ્ઠ સમાજના નિર્માણમાં પોતાની ફરજો ઉપર વધુ ધ્યાન આપાયું છે.
આવી દેવસ્થાનની પહેલ અનેક સામાજિક અને ધાર્મિક સંસ્થાઓ માટે ઉત્તમ ઉદાહરણ બને અને લોકો વધુમાં વધુ મતદાન કરે એ માટે આ અનુકરણીય પહેલને અઢળક અભિનંદન

03/05/2024

સાંકરદામા સત્સંગિજીવન કથા સાથે મુર્તિ પ્રતિષ્ઠા મહોત્સવ સંપન્ન . આચાર્ય શ્રી રાકેશપ્રસાદજી મહારાજ શ્રી સ્વામિનારાયણ સંપ્રદાય ની રાજધાની - સંપ્રદાયના સર્વોચ્ય તીર્થ સ્થાન વડતાલ ધામના શ્રી લક્ષ્મીનારાયણ દેવ દ્વિશતાબ્દી મહોત્સવના ઉપક્રમે વડોદરા જિલ્લાના સાંકરદા ગામે નુતન નવ નિર્મિત મંદિર ના મૂર્તિ પ્રતિષ્ઠા મહોત્સવ ઉજવાયો . મૂર્તિ પ્રતિષ્ઠા મહોત્સવ ઉપક્રમે 1 થી 5 મે સુધી આયોજિત શ્રીમદ સત્સંગી જીવન ની કથા પ્રસંગે કથામૃત નું રસપાન કરાવતા વડતાલ ના મુખ્ય કોઠારી ડો શા શ્રી પૂ.સંતવલ્લભ દાસજી સ્વામી તથા પ.પૂ.સદ્.શ્રી બ્રહ્મસ્વરૂપ સ્વામી લીલામૃતનું રસપાન કરાવી રહ્યા છે.
આજે જેમના વરદ હસ્તે મૂર્તિ પ્રતિષ્ઠા થઈ છે, એવા વડતાલના યશસ્વી આચાર્ય પ.પૂ.ધ ધૂ 1008 આચાર્યશ્રી રાકેશપ્રસાદજી મહારાજનું મંદિરના નિર્માતા પૂ.શુકવલ્લભ સ્વામી - માંજલપુર . પૂ,માધવપ્રિય સ્વામી - વડતાલ તથા યજમાનો અને સ્વયં સેવકો એ ભાવ ભર્યું સ્વાગત કર્યું કર્યુ હતું. આચાર્ય મહારાજશ્રી મંદિર માં પ્રતિષ્ઠાવિધિ કરી યજમાનો અને શ્રોતાગનો ને આશીર્વાદ આપતા કહ્યું કે, આજે ધમ ધમતા તાપ માં આ રીતે ભાવ અને શ્રદ્ધા સાથે ઉત્સવ સમૈયા કરવા તથા મંદિર નું કાર્ય કરવું એજ આપણી સાચી શ્રદ્ધાની ઓળખ છે સ્વામિનારાયણ ભગવાને વચનામૃતમાં કહ્યું છે કે, અમે ત્યાગ નો પક્ષ મોળો કરીને ઉપાસનાનો માર્ગ અક્ષુણ્ણ રાખ્યા સારું મંદિરઓ કર્યા છે મંદિર માં સરસ મજાના ઘનશ્યામ મહારાજ બિરાજમાન થયા છે સંતો એ મંદિર નિર્માણ નું કાર્ય કર્યું છે હવે ગ્રામજનો નીજવાબદારી આવે છે સવાર સાંજ દેવ દર્શન આરતી સ્તુતિ કથા વાર્તા પ્રાર્થના કરવી કરાવી બાળકો યુવકો ,મહિલાઓ એને મંદિર માં અને મંદિર ની સેવા પ્રવ્રૃતિ માં સહ ભાગી કરવા સંપત્તિ ની જેમ સંસ્કાર નું જતન કરવું એ આપણી આજની તાતી જરૂરિયાત છે અને દ્વિશતાબ્દી મહોત્સવ ઉપક્રમે આપણા વિવિધ ઉત્સવો એ જરૂરિયાત તરફ આપણને પ્રેરિત કરે છે અપને આજ રીતે દેવ ની સેવા કરવી છે જાય શ્રી સ્વામિનારાયણ સાથે વડતાલ મંદિર ના મુખ્ય કોઠારી ડો સંતવલ્લભ દાસજી સ્વામી]
ટ્રસ્ટી સભ્ય પાર્ષદ ઘનશ્યામ ભગત ડભોઇ થી પુરાણી શ્રી કૃષ્ણપ્રિયસ્વામી , , બુધેજથી નારાયણચરણ સ્વામી, ઉમરેઠ થી પૂ હરિગુણ સ્વામી વિરસદ થી ગુણસાગર સ્વામી વેજલપુર થી અક્ષરસ્વામી વિરસદ થી ગુણસાગર સ્વામી ઉપસ્થિત રહ્યા હતા યજમાનો એ એ સંતો નું પૂજન કરી આશીર્વાદ ગ્રહણ કર્યા હતા. કનુભાઈ અમેરિકા , જીતુભાઈ , પંકજભાઈ , અનિલભાઈ નડિયાદ વગેરે વડિલો હાજર રહ્યા હતા.. સમગ્ર વ્યવસ્થા શ્યામવલ્લભ સ્વામી અને સ્વયંસેવકોની ટીમ કરી રહી છે.

23/04/2024

શ્રી સ્વામિનારાયણ સંપ્રદાય ની રાજધાની વડતાલ ધામ માં ચૈત્રી સમૈયાની પૂર્ણાહુતિ

પૂનમના રોજ દેવોને ર૦૦ કિલો મોગરાના ફુલના વાઘા ધરાવાયા.

વડતાલઃ શ્રી સ્વામિનારાયણસંપ્રદાયના અક્ષરધામ તુલ્ય વડતાલધામમાં ચૈત્ર સુદ પૂર્ણિમાના દિવસે ચૈત્રી સમૈયા અંતર્ગત રાખવામાં આવેલ શ્રીમદ્‌ ભાગવત કથાની પૂર્ણાહુતિ યોજાઈ હતી. આ પ્રસંગે વડતાલ ગાદીના આચાર્ય પ.પૂ.લાલજી શ્રી સૌરભ પ્રસાદદાસજી મહારાજે હરિભક્તોને આર્શીવચન પાઠવ્યા હતા. ચૈત્રી પૂનમ એટલે કે હનુમાન જયંતિનીમંદિર માં પણ ધામધુમથી ઉજવણી કરવામાં આવી હતી. મુંબઈ ખાતે રહેતા મિલનભાઈ શાહ છેલ્લા ર4 વર્ષથી વડતાલ વરંડામાં આવેલ હનુમાનજી મંદિરે મારૂતીયજ્ઞ કરાવે છે. મારુતિ યજ્ઞ નીપુર્ણાહુતી મોટા લાલજી શ્રી સૌરભ પ્રસાદજી મહારાજ એ તથા નાના લાલજી શ્રી દ્વિજેન્દ્ર પ્રસાદજી ના હસ્તે કરવામાં આવી હતી આ પ્રસંગે મંદિર ચેરમેન શ્રી દેવપ્રકાશ દાસજી સ્વામી તથા અન્ય સંતો તેમજ પાર્ષદો પણ ઉપસ્થિત રહ્યા હતા
ચૈત્રી પૂર્ણિમાના રોજ વડતાલ મંદિરના પ્રવેશદ્વારે હનુમાનજી મહારાજને પણ વિશેષ શણગાર ધરાવવામાં આવ્યો હતો. બપોરે દાદાને અન્નકુટ ધરાવવામાં આવ્યો હતો.
આ પ્રસંગે વડતાલ મંદિરનામુખ્ય કોઠારી ર્ડા.સંત સ્વામીએ જણાવ્યું હતું કે, આજે ચૈત્રી પૂનમના રોજ મંગળા આરતીમાં રપ હજારથી વધુ ભક્તોએ દેવોના દર્શન કરીધન્યતા અનુભવી હતી. શણગાર આરતીમાં દેવોને ર૦૦ કિલો મોગરાના ફૂલો તથા આર્કિડ ફૂલોના વિશેષ શણગાર ધરાવવામાં આવ્યા હતા. મંદિરમાંઆચાર્યશ્રી રાકેશપ્રસાદજી મહારાજ તથા મંદિરના પૂજારીએ ધ્વારા દેવોની શણગાર આરતી ઉતારવામાં આવી હતી. કથાના યજમાન પ્રિયાંગભાઈ પટેલ -હર્ષદભાઈ પટેલનું ભાલજાબંધુઓ તથા કિરીટભાઈ પટેલે ફુલહાર પહેરાવી સન્માન કર્યું હતું. સંત ધર્મશાળામાં ત્રણેય સિંહાસનોએ પૂજ્યમહારાજશ્રીનું પૂજારીઓ ધ્વારા સ્વાગત કરાયું હતું
ચાતરી સામૈયા અંતર્ગત ચાલતી શ્રીમદ ભાગવત કથા ના છેલ્લા સત્ર માં વક્તા પૂ,નારાયણચરણદાસજી સ્વામી પોતાની ભાવ વાહી શૈલી માં સુદામા ચરિત્ર ની કથા નું આબેહૂબ વર્ણન કર્યું હતું જીવન માં સંજોગો પલટાય ત્યારે કાંસુ યાદ રહેતું નથી જે ભક્તો ભગવાન ને ફળ ફૂલ ભાવ થી અર્પણ કરે છે તે કયારેય દરિદ્ર ન
રહેતો નથી અને પાપી પણ રહેતો નથી ક્યારેય અયોગ્ય આચરણ થય જાય તો આપઘાત ના કરવો મનુષ્ય દેહ દુર્લભ છે કર્મ ના બંધન થી છૂટવા માટે મન વચન કર્મ થી પ્રભુ નો આશ્રય કરવો કળિયુગ બચવા પ્રભુ નું સ્મરણ કરવું આ પ્રસંગે પૂ, બાપુસ્વામી .પૂ. દેવસ્વામી ચેરમેન .પૂ.પી.પી. સ્વામી તથા કે.પી.સ્વામી અને ગુજરાત વિધાનસભાના ધારાસભ્ય ડી.કે સ્વામી એ આશીર્વચન પાઠવ્યા હતા આ પ્રસંગે પ.પૂ.લાલજી શ્રી સૌરભ પ્રસાદદાસજી મહારાજે આશીર્વાદ પાઠવતા જણાવ્યું હતું કે ભગવાન શ્રી હરી એ ચૈત્રી સામૈયા તથા કાર્તિકી સામૈયા માં વણ તેડે વડતાલ આવાની આજ્ઞા કરીછે જેમાં ચૈત્રી સામૈયા દરમ્યાન પ્રભુ શ્રી રામ નો જન્મ દિવસ સાંજે શ્રી ઘનશ્યામ જન્મોત્સવ અને પૂનમ એ હનુમાન દાદા નો જન્મ દિવસ ઉજવવા માં આવે છે

17/04/2024

નડીઆદ નજીક અકસ્માતમાં 10નાં મોત
નડીઆદ નાં બિલોદરા હાઇવે પર ગમખ્વાર અકસ્માત
અર્તીકા ટ્રેલર પાછળ ઘૂસી જતા કારમાં સવાર 08નાં સ્થળ પર કમકમાટીભર્યા મોત, બે ના સારવાર દરમિયાન મોત
મૃતકો માં એક બાળકી નો પણ સમાવેશ
વડોદરા થી અમદાવાદ તરફ જઈ રહી હતી અર્તિકા કાર
ઉભેલ ટ્રેલર પાછળ કાર ઘૂસી જતાં સર્જાયો અકસ્માત
અરતિકા કાર પેસેન્જર કાર હતી
હાઇવે પેટ્રોલિંગ અને પોલીસે ઘટના સ્થળે પહોંચી કાર્યવાહી હાથ ધરી

14/04/2024

https://youtu.be/VKRZCkl63Zw?si=4CYj5v5ogFFk8lYx

ખેડા લોકસભા બેઠકના ભાજપના ઉમેદવાર દેવુસિંહ ચૌહાણના સમર્થનમાં મધ્ય ગુજરાત માલધારી સમાજનું મહા સંમેલન મળ્યું- ખે.....

13/04/2024

https://youtu.be/CbKYjPbJ8nw?si=fm6o45ljBVRQlITS

NADIAD NEXUS DUMRAL PREMIER LEAGUE-3 ક્રિકેટ ટુર્નામેન્ટ અંતર્ગત બાલ્યમ ફાઉન્ડેશન તથા ધી હ્યુમન સોસાયટીના સંયુક્ત ઉપક્રમે બ્લાઈન્ડ ક.....

13/04/2024

https://youtu.be/f7GpUKyMa7s?si=DBaD1GriAYpldTTp

નડિયાદના મંજીપુરા ગામની રહેતી યુવતી અંકીતા પટેલ પોતે નડિયાદ શહેરના મહાગુજરાત હોસ્પિટલમાં કેન્સર વિભાગમાં નર્સ....

13/04/2024

https://youtu.be/P1ng0t5KPrU?si=OLQQb9qNMIcE9ZFH

રાજકોટના લોકસભાના ઉમેદવાર પુરુષોત્તમ રૂપાલાની ટીકીટ રદ નહીં કરાતા હવે સમગ્ર રાજ્યના ક્ષત્રિય સમાજમાં ઉગ્ર રોષ .....

11/04/2024

નડિયાદ ખાતે કિન્નર સમાજના સભ્યો દ્વારા અચૂક મતદાન કરવાના શપથ લેવામાં આવ્યા
ખેડા લોકસભા મતવિસ્તારના અન્ય જાતિના તમામ મતદારોને ચૂંટણીમાં મતાધિકારનો ઉપયોગ કરવા આગેવાન શ્રી શબનમકુંવરની અપીલ
શ્રી દાદા ગંગારામી કિન્નર અખાડા દ્વારા ખેડા જિલ્લા વાસીઓને લોકસભા સામાન્ય ચુંટણી-2024માં વધુમાં વધુ મતદાન કરવા અપીલ
આગામી 07 મે, 2024ના રોજ સમગ્ર ગુજરાતમાં લોકસભા સામાન્ય ચૂંટણી માટે મતદાન યોજાનાર છે. જેના માટે સમગ્ર રાજ્યભરમાં મતદાન જાગૃતિ કરવા અનેકવિધ કાર્યક્રમો યોજાઈ રહ્યા છે ત્યારે ખેડા જિલ્લામાં પણ વિવિધ સમુદાયો દ્વારા અવશ્ય મતદાન માટે શપથ લેવામાં આવી રહ્યા છે. જેમાં ખેડા જિલ્લાના નડિયાદ પીજ-ભાગોળ સ્થિત દાદા ગંગારામી કિન્નર અખાડાના કિન્નર સમુદાયના સભ્યો દ્વારા આગામી લોકસભા ચૂંટણી 2024માં કોઈ પણ પ્રકારના ભેદવાવ રહિત, પ્રલોભન રહિત અન નિર્ભયતાપુર્ણ મતદાન કરવા માટે શપથ લેવામાં આવ્યા હતા. અત્રે ઉલ્લેખનીય છે કે નડિયાદ પીજ-ભાગોળ સ્થિત દાદા ગંગારામી કિન્નર અખાડામાં અંદાજિત એકસો થી વધુ કિન્નરો રહે છે. ત્યારે મતદાન જાગૃતિની કિન્નર સમાજની આ પહેલાંનું અનેકગણું મહત્વ વધી જાય છે.

આ પ્રસંગે કિન્નર આગેવાન શ્રી શબનમકુંવરે જણાવ્યું હતું કે મતદાન આપણી પવિત્ર ફરજ છે. કિન્નર સમુદાય પણ સમાજનો એક અભિન્ન અંગ છે. માટે લોકતાંત્રિક પરંપરાઓની જાળવણી કરવા હેતુ અમે સૌ અચૂક મતદાન કરીશું.

ઉલ્લેખનીય છે કે વર્ષ 2014થી સુપ્રીમ કોર્ટ દ્વારા કિન્નર સમુદાયને 'અન્ય જાતિ' કેટેગરીમાં સમાવિષ્ટ કરવામાં આવી છે. ત્યારે અન્ય જાતિ એટલે કે થર્ડ જેન્ડર માટેની અલાયદી કેટેગરીમાં મત આપીને ખેડા જિલ્લાનો કિન્નર સમુદાય પણ ભારતીય નાગરિક તરીકેની ફરજ બજાવવા કટીબદ્ધ થયો છે.

નોંધનીય છે કે ખેડા લોકસભા મતવિસ્તારના કુલ 19,91,968 મતદારોમાં કુલ 101 અન્ય જાતિના મતદાતાઓ નોંધાયેલ છે. જેમાં નડિયાદ શહેર 53 અન્ય જાતિનાં મતદાતાઓ સાથે મોખરે છે. લોકસભા સામાન્ય ચૂંટણી 2014માં ખેડા લોકસભા મતવિસ્તારના કુલ 17 અન્ય જાતિના મતદાતાઓમાંથી ફક્ત એક જ મતદાતાએ મતદાન કર્યું હતું. જ્યારે લોકસભા સામાન્ય ચૂંટણી 2019માં ખેડા લોકસભા મતવિસ્તારના કુલ 72 અન્ય જાતિના મતદાતાઓમાંથી 30 મતદાતાઓએ મતદાન કર્યું હતું. ત્યારે ખેડા ચૂંટણી તંત્ર અન્ય જાતિના મતદાતાઓ, પ્રથમ વખત મતદાન કરતા મતદારો, યુવા મતદારો, મહિલા મતદારો, સીનિયર સીટીઝન મતદારો, દિવ્યાંગ મતદારો સહિત સૌ મતદાતાઓ અચૂક મતદાન કરી લોકશાહીના પર્વમાં જોડાય તેવી અપીલ કરે છે.

000000

08/04/2024

લોકસભા સામાન્ય ચૂંટણી-2024

મહુધા તાલુકાની કપરૂપુર શાળામાં મતદાન જાગૃતિ અભિયાન અંતર્ગત રેલીનું આયોજન કરવામાં આવ્યું

લોકસભા સામાન્ય ચૂંટણી-2024 અન્વયે જિલ્લા ચૂંટણીતંત્ર દ્વારા મતદાન જાગૃતિ માટે અનેકવિધ પ્રવૃતિઓ કરવામાં આવે છે. જે અંતર્ગત મહુધા તાલુકાની ભાગવત વિદ્યાલય કપરૂપુર તથા પ્રાથમિક શાળા કપરૂપુરના સયુંકત ઉપક્રમે કપરૂપુર ગામમા શેરી અને ફળિયામાં મતદાન જાગૃતિ માટે રેલી કાઢવામાં આવી હતી. જેમાં મતદાન માટેના સુત્રોચાર દ્વારા લોકોને વધુમાં વધુ મતદાન કરવા અપીલ કરવામાં આવી હતી. જેમાં બન્ને શાળાના વિદ્યાર્થીઓ તથા શિક્ષકોએ ભાગ લીધો હતો

07/04/2024

https://youtu.be/xs6OPFonPos?si=2uAuSDFWEriXFlRr

લોકસભાની ચૂંટણીઓમાં ભાજપ ને વોટ આપવા કરી અપીલ ભાજપ સત્તા માં આવવાથી દેશમાં કેવા પરિવર્તનો આવ્યા તેના વિશે ડો સંત ....

06/04/2024

https://youtu.be/wJUoeKuWWJg?si=3PgcjaoVoJvXFFfy

ભારતીય જનતા પાર્ટીના સ્થાપના દિવસ પ્રસંગે ધારાસભ્ય શ્રી પંકજભાઈ દેસાઈ દ્વારા ભારત માતાનું પૂજન કરી પૂ.શ્યામા પ્....

06/04/2024

https://youtu.be/jJ3D1mV1SuY?si=LRrlwyG4M_jKslgO

ભાજપના સ્થાપના દિને વડાપ્રધાન નરેન્દ્રભાઈ મોદીના 400 પારના સંકલ્પને સાકાર કરવા જિલ્લા સંગઠનના પ્રમુખનું આહવાનનડ....

06/04/2024

https://youtu.be/a-bnbwJ650M?si=e4jEOHEz4_hLYSeG

“ચુનાવ કા પર્વ, દેશ કા ગર્વ” - લોકસભા સામાન્ય ચુંટણી 2024***નડિયાદના જાગૃત યુવા મતદારોએ જિલ્લાના નાગરિકોને ચૂંટણીલક્.....

06/04/2024

https://youtu.be/mZstTmkkf2U?si=k0fAkpz_7PUN-mDB

ભાજપના સ્થાપના દિવસે ખેડા સંસદીય બેઠકના ઉમેદવાર દેવુસિંહ ચૌહાણે નડિયાદના નિવાસસ્થાને ધ્વજ ફરકાવી ઘેર ઘેર સંપર્...

06/04/2024

https://youtu.be/1j-ZI2LaLX4?si=CR6SVHc6YxXfhdFY

ખેડા જિલ્લાના નડિયાદ ખાતે આવેલ શ્રી સંતરામ મંદિર સંચાલિત મુક્તિધામ ખાતે , અંતિમ સંસ્કાર માં લાકડાનો બચાવ અને પર્.....

04/04/2024

https://youtu.be/NccTN5-pM1o?si=A6LshMvPgl4iUchH

ગુજરાત પ્રદેશ ભાજપના પ્રમુખ સી.આર. પાટીલે સંસદીય બેઠકની સાતેય વિધાનસભાના બૂથ પ્રમુખોને માર્ગદર્શક સંબોધન કરતા જ....

01/04/2024

https://youtu.be/pmwE2Bj6DCM?si=DvKVysOYaeRPxPv_

નડીઆદ એસટી વર્કશોપ બહારનો રવિવાર રાત્રિનો બનાવ...એક નશામાં ધૂત સ્વિફ્ટનો ચાલક એસટી ને ટક્કર મારી, કાર રોડ પર મૂકી ર....

01/04/2024

https://youtu.be/BFzNfteDJg8?si=XAF9LYbxqOjFEEX7

પવિત્ર યાત્રાધામ ડાકોર રણછોડરાયજી મંદિરમાં આજે સવારે મંગળા આરતી સમયે જગ્યાને લઇને હાજર ભક્તો પૈકી કેટલાક વચ્ચે ....

01/04/2024

https://youtu.be/B9Qx2e8JmNM?si=n2Y7jQmxhLu_GoA9

વસો નાં ગંગાપુર નો બનાવ...ઘર માલિક સૂતા હતા ને તસ્કરો આખું ઘર ફેંદી ૧૫ તોલા સોનાના દાગીના ચોરી ગયા...વસો પોલીસે સ્થળ પ...

01/04/2024

https://youtu.be/fE54yuQAz4E?si=EEAyDeIKOMy2Q5lk

ગળતેશ્વરના મહારાજાના મુવાડા નવી ચેક પોસ્ટ પાસેથી લક્ઝરી બસમાંથી દેશી પિસ્તોલ, કારતુસ અને દેશી તમંચા સાથે ત્રણ શખ...