13/11/2023
☘️🌷 *DIWAALI KI MITHAYI KA HUKM* 🌷☘️
1)). Agar Diwaali Ke Mauqe Par Di Jaane Waali Mithayi Par Pooja Ki Gayi Ho To Us Ka Khaana Haraam Hai
2)). Pooja To Nahi Ki Gayi Lekin Us Me Gaaye Ka Paishaab Waghaira Koi Na Paak Cheez Milayi Gayi Ho To Bhi Us Mithayi Ka Khaana Jayez Nahi Hai
3)). Pooja Bhi Nahi Ki Gayi Aur Koi Na Paak Cheez Bhi Nahi Milayi Gayi Lekin Dene Waale Ne Hamaare Aur Un Ke Mazhab Ke Mutaabiq “Haraam Kamaayi” (Jaise Sood Aur Rishwat Ki Raqam) Se Mithayi Khareed Kar Di Hai Tab Bhi Us Ka Khaana Jayez Nahi Hai
4)). Na To Pooja Ki Gayi Aur Na Hi Koi Na Paak Cheez Milayi Gayi Aur Dene Waale Ne Bhi Halaal Kamaayi Se Khareed Kar Mithayi Waghiara Di Hai To Is Soorat Me Agarche Aisi Mithayi Ka Khaana Haraam Ya Na Jayez To Nahi Hai Taaham Lene Waale Musalmaan Ki Niyyat Aur Haalat Ko Dekh Kar Hukm Lagega Ke….
☆ Agar Musalmaan Bhi Ghairon Ke Saath Mil Kar Wo Tahwaar Mana Raha Hai, Ya Phir Us Ko Un Ke Tahwaar Se Dili Nafrat Bhi Nahi Hai Balke In Cheezon Ke Lene Me Use Khushi Mahsoos Ho Rahi Hai, Wo Un Ghair Muslimon Se Bahot Gahri Dosti Rakhta Hai Aur Usi Ke Chalte Un Se Khushi Khushi Wo Mithayi Waghaira Qubool Kar Raha Hai To Is Soorat Me Bhi Us Mithaayi Ka Istemaal Karna Durust Nahi Hai, Balke Musalmaanon Ka Ghair Muslimon Ke Mazhabi Tahwaaron Ke Baare Me Is Tarah Ki Soch Rakhna Bhi Eimaan Ko Khatre Me Daalne Waali Baat Hai..
☆ Aur Agar Musalmaan Ki Niyyat Mahez Rawa Daari, Aur Dunya Ke Zaaheri Talluqaat Ko Baaqi Rakhna Hai, Un Se Gahri Dosti Rakhna, Ya Un Ke Mazhabi Tahwaaron Par Khushi Ka Izhaar Karna Waghaira Nahi Hai To Is Soorat Me Mithaayi Waghaira Ka Istemaal Karna, Jayez Hai
Neez Agar Musalmaan Ghair Muslim Logon Me Deen Ki Mahnat Karne Waala Ho, Aur Mithaayi Dene Waale Ghair Muslim; Islaam Ke Kattar Dushman Nahi Balke Aam Ghair Muslim Hain To Is Sooorat Me Bhi Us Mithaayi Ka Istemaal Karna Duruist Hai…
*NOTE :* Ye Baat Yaad Rakhna Zaroori Hai Ke Kisi Musalmaan Ke Liye Ghair Muslimon Ke Mazhabi Tahwaaron Me, Aur Khaas Taur Se Pooja Waghaira Ke Waqt Shirkat Karna Hargiz Bhi Jayez Nahi Hai, Haan Agar Koi Musalmaan Kisi Ghair Muslim Company Me Job Karta Ho Aur Management Ne Pooja Ke Din Us Musalmaan Ko Bhi Office Me Rahna Zaroori Qaraar Diya Ho To Aisi Soorat Me Us Musalmaan Ko Chaahye Ke Office Me Haazir To Ho Jaaye Lekin Pooja Karne Waalon Ke Saath Khada Na Rahe Balke Khaas Taur Se Jis Jagah Pooja Hoti Hai Wahaan Se Hat Kar Kisi Doosri Jagah "Laa Ta'alluqi" Ka Izhaar Karte Huwe Aur "Dil Hi Dil Me "Sura Qul Ya Ayyuhal'Kaafiroon" Padhte Huwe Khada Ho Jaaye To Ummeed Hai Ke Allaah Ta’aala Us Ki Is Majboori Par Koi Pakad Nahi Farmaaen....... Aur Agar Wo Itna Bhi Nahi Kar Sakta Hai To Us Company Ko Ch'hod Kar Kaheen Aur Job Talaash Kare..
Wallaahu A’lamu Bis’sawaab….
M***i Muhammad Mubeen
Whatsapp No : 9908100239
islam
