News Janta Times TV

16/12/2023

12/12/2023

02/12/2023

-ਫੁੱਟਬਾਲ ਖਿਡਾਰੀ ਗੁਰਕੀਰਤ ਬੇਦੀ ਦਾ ਮੋਟਰਸਾਈਕਲ ਨਾਲ ਸਨਮਾਨ
-ਸਾਨੂੰ ਮਾਣ ਹੈ ਕਿ ਸਾਡੇ ਗਰੁੱਪ ਦੇ ਹੋਣਹਾਰ ਖਿਡਾਰੀ ਨੇ ਇਲਾਕੇ ਵਿੱਚ ਸਾਡਾ ਮਾਣ ਵਧਾਇਆ ਹੈ –ਭਵਨਦੀਪ
ਮੋਗਾ, 2 ਦਸੰਬਰ(ਰਾਜਿੰਦਰ ਸਿੰਘ ਕੋਟਲਾ)- ਨਾਨਕਸਰ ਕਲੇਰਾਂ (ਲੁਧਿਆਣਾ) ਵਿਖੇ ਫੁੱਟਬਾਲ ਕੱਪ 2023 ਕਰਵਾਇਆ ਗਿਆ ਜਿਸ ਵਿੱਚ 64 ਟੀਮਾਂ ਨੇ ਭਾਗ ਲਿਆ। ਇਸ ਫੁੱਟਬਾਲ ਕੱਪ ਵਿੱਚ ਗੁਰੂਨਾਨਕ ਫੁੱਟਬਾਲ ਕਲੱਬ ਮੋਗਾ ਸਿਟੀ ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਇਸ ਟੀਮ ਵਿੱਚ ਖੇਡ ਰਹੇ ਹੋਣਹਾਰ ਖਿਡਾਰੀ ਗੁਰਕੀਰਤ ਸਿੰਘ (ਗੈਰੀ ਬੇਦੀ) ਨੂੰ ਬੈਸਟ ਪਲੇਅਰ ਦਾ ਐਵਾਰਡ ਮਿਿਲਆ। ਜਿਸ ਦੇ ਤਹਿਤ ਗੁਰਕੀਰਤ ਸਿੰਘ ਬੇਦੀ ਨੂੰ ਮੋਟਰ ਸਾਈਕਲ ਨਾਲ ਸਨਮਾਨਿਤ ਕੀਤਾ ਗਿਆ। ਜਿਕਰਯੋਗ ਹੈ ਕਿ ਇਹ ਹੋਣਹਾਰ ਖਿਡਾਰੀ ਗੁਰਕੀਰਤ ਸਿੰਘ (ਗੈਰੀ ਬੇਦੀ) ਅਤੇ ਗਾਇਕ ਤੇ ਅਦਾਕਾਰ ਹਰਕੀਰਤ ਸਿੰਘ (ਹੈਰੀ ਬੇਦੀ) ਮਹਿਕ ਵਤਨ ਦੀ ਫਾਉਡੇਸ਼ਨ ਦੇ ਵਲੰਟੀਅਰ ਵੀ ਹਨ। ਐਤਕੀ ਦੀਵਾਲੀ ਮੌਕੇ ਰੀਲੀਜ ਹੋਏ ਮਹਿਕ ਵਤਨ ਦੀ ਪ੍ਰਡਕਸ਼ਨ ਦੇ ਨਾਟਕ ਦੀਵਿਆਂ ਵਾਲੀ ਅੰਟੀ ਵਿੱਚ ਗੈਰੀ ਦਾ ਵੀ ਇੱਕ ਕਿਰਦਾਰ ਹੈ। ਸਰਦਾਰ ਭਵਨਦੀਪ ਸਿੰਘ ਪੁਰਬਾ ਨੇ ਕਿਹਾ ਕਿ ਸਾਨੂੰ ਮਾਣ ਹੈ ਕਿ ਸਾਡੇ ਗਰੁੱਪ ਦੇ ਹੋਣਹਾਰ ਖਿਡਾਰੀ ਨੇ ਇਲਾਕੇ ਵਿੱਚ ਸਾਡਾ ਮਾਣ ਵਧਾਇਆ ਹੈ। ਗੁਰਕੀਰਤ ਸਿੰਘ ਬੇਦੀ ਅਤੇ ਉਨ੍ਹਾਂ ਦੇ ਪਿਤਾ ਸ. ਪਰਮਜੀਤ ਸਿੰਘ ਬੇਦੀ ‘ਪੰਮਾ’ ਵੱਲੋਂ ਇਸ ਟੂਰਨਾਮੈਂਟ ਕਮੇਟੀ, ਐਨ.ਆਰ.ਆਈ ਵੀਰਾਂ ਦਾ ਧੰਨਵਾਦ ਕੀਤਾ ਗਿਆ ਜਿਨ੍ਹਾਂ ਨੇ ਇਸ ਨੂੰ ਇਸ ਮੋਟਰਸਾਈਕਲ ਦੇ ਸਨਮਾਨ ਨਾਲ ਨਿਵਾਜਿਆ ਹੈ। ਗੁਰਕੀਰਤ ਸਿੰਘ ਬੇਦੀ ਨੇ ਆਪਣੇ ਪ੍ਰੀਵਾਰ ਦੇ ਨਾਲ ਮੋਗੇ ਸ਼ਹਿਰ ਦਾ ਨਾਮ ਰੋਸ਼ਨ ਕੀਤਾ ਹੈ ਉਸ ਦੀ ਇਸ ਕਾਮਯਾਬੀ ਲਈ ਮੋਗਾ ਸ਼ਹਿਰ ਵਾਸੀਆ ਵੱਲੋਂ ਪ੍ਰੀਵਾਰ ਨੂੰ ਵਧਾਈ ਅਤੇ ਗੁਰਕੀਰਤ ਸਿੰਘ ਬੇਦੀ ਨੂੰ ਸ਼ੁਭਕਾਮਨਾਵਾਂ ਮਿਲ ਰਹੀਆਂ ਹਨ। ਘਰ ਵਿੱਚ ਖੁਸ਼ੀ ਦਾ ਮਾਹੌਲ ਹੈ।

01/12/2023

ਸੰਤ ਬਾਬਾ ਪਰਤਾਪ ਸਿੰਘ ਜੀ ਲੰਗੇਆਣਾ ਅਤੇ ਭਾਈ ਵੀਰ ਸਿੰਘ ਜੀ ਦੀ ਬਰਸੀਂ ਬੜੀ ਸਰਧਾ ਭਾਵਨਾ ਨਾਲ ਮਨਾਈ, ਦੇਸ ਵਿਦੇਸ ਤੋਂ ਹਜਾਰਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨੇ ਹਾਜਰ ਭਰੀ ਬਾਘਾ ਪੁਰਾਣਾ 1 ਦਸੰਬਰ (ਰਾਜਿੰਦਰ ਸਿੰਘ ਕੋਟਲਾ) ਗੁਰਦੁਆਰਾ ਹਰਗੋਬਿੰਦ ਸਾਹਿਬ ਲੰਗਿਆਣਾ ਪੁਰਾਣਾ ਮੋਗਾ ਵਿਖੇ ਮਹਾਨ ਗੁਰਮਤਿ ਵਿਸਾਲ ਸਮਾਗਮ ਕਰਵਾਇਆ ਗਿਆ ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਦੇ ਪਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਅਤੇ ਸੱਚਖੰਡ ਵਾਸੀ ਬਾਬਾ ਪ੍ਰਤਾਪ ਸਿੰਘ ਜੀ ਦੀ 6ਵੀਂ ਬਰਸੀ ਅਤੇ ਭਾਈ ਵੀਰ ਸਿੰਘ ਜੀ ਦੀ 19ਵੀਂ ਬਰਸੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਛੱਤਰ ਛਾਇਆ ਹੇਠ ਮਨਾਈ ਗਈ।ਇਸ ਗੁਰਮਤਿ ਸਮਾਗਮ ਵਿੱਚ ਸੰਤ ਮਹਾਪੁਰਖ,ਕਥਾ ਵਾਚਿਕ, ਪੰਥਕ ਬੁਲਾਰਿਆਂ ਅਤੇ ਕੀਰਤਨੀ ਜੱਥਿਆਂ ਨੇ ਗੁਰੂ ਜਸ ਸੁਣਾ ਕੇ ਸੰਗਤਾਂ ਗੁਰੂ ਗ੍ਰੰਥ ਸਾਹਿਬ ਨਾਲ ਜੋੜਿਆ ਅਤੇ ਪੰਥਕ ਪਰਸਿੱਧ ਢਾਡੀ ਭਾਈ ਗੁਰਜੀਤ ਸਿੰਘ ਮਾਨੋਚਾਹਲ ਨੇ ਸਿੱਖ ਇਤਿਹਾਸ ਦੀਆਂ ਵਾਰਾਂ ਸੁਣਾ ਕੇ ਸੰਗਤਾਂ ਦੀ ਵਾਹ ਵਾਹ ਖੱਟੀ ।ਗੁਰਦੁਆਰਾ ਹਰਗੋਬਿੰਦ ਸਾਹਿਬ ਲੰਗੇਆਣਾ ਦੇ ਮੁੱਖ ਸੇਵਾਦਾਰ ਬਾਬਾ ਸਾਧੂ ਸਿੰਘ ਜੀ ਅਤੇ ਬਾਬਾ ਗੁਰਦਿਆਲ ਸਿੰਘ ਜੀ ਲੰਗੇਆਣਾ ਵੱਲੋਂ ਆਏ ਹੋਏ ਮਹਾਂਪੁਰਖਾਂ ਦੇ ਸੰਤਾਂ ਨੂੰ ਜੀ ਆਇਆ ਕਿਹਾ ਅਤੇ ਇਸ ਸਮਾਗਮ ਸੰਬੰਧ ਵਿੱਚ ਜਾਣਕਾਰੀ ਦਿੰਦਿਆਂ ਮੁੱਖ ਸੇਵਾਦਾਰ ਬਾਬਾ ਸਾਧੂ ਸਿੰਘ ਜੀ,ਬਾਬਾ ਗੁਰਦਿਆਲ ਸਿੰਘ ਅਤੇ ਗਿਆਨੀ ਬਲਵਿੰਦਰ ਸਿੰਘ ਰੋਡੇ ਨੇ ਦੱਸਿਆ ਕਿ 24ਨਵੰਬਰ ਤੋ 30 ਨਵੰਬਰ ਤੱਕ ਧਾਰਮਿਕ ਦੀਵਾਨ ਸਜਾਏ ਗਏ ਜਿੰਨਾ ਦੇ ਭੋਗ ਪਾਏ ਗਏ ਅਤੇ ਸਵੇਰੇ, 10 ਵਜੇ ਤੋਂ ਲੈ ਕੇ 4.00 ਵਜੇ ਤੱਕ ਵਿਸ਼ਾਲ ਦੀਵਾਨ ਸਜਾਏ ਗਏ । ਇਨਾਂ ਸਮਾਗਮਾਂ ਵਿੱਚ ਸਿੰਘ ਸਾਹਿਬ ਗਿਆਨੀ ਅਮਰਜੀਤ ਸਿੰਘ ਜੀ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ,ਸਿੰਘ ਸਾਹਿਬ ਗਿਆਨੀ ਬਲਵਿੰਦਰ ਸਿੰਘ ਜੀ, ਸੰਤ ਬਲਦੇਵ ਸਿੰਘ ਜੋਗੇਵਾਲ ਦਮਦਮੀ ਟਕਸਾਲ ਜੋਗੇਵਾਲਾ,ਸੰਤ ਬਾਬਾ ਹਰੀ ਸਿੰਘ ਜੀ ਰਧਾਵੇ ਵਾਲੇ, ਸੰਤ ਸੁਰਜੀਤ ਸਿੰਘ ਜੀ ਸੋਧੀ,ਸੰਤ ਬਾਬਾ ਅਮੀਰ ਸਿੰਘ ਜੀ ਜਵੱਦੀ ਕਲਾਂ ਵਾਲੇ, ਗਿਆਨੀ ਸਤਨਾਮ ਸਿੰਘ ਜੀ ਦਮਦਮੀ ਟਕਸਾਲ ਵਾਲੇ, ਰਾਗੀ ਗੁਰਪ੍ਰੀਤ ਸਿੰਘ ਜੀ ਤੰਤੀਸਾਜੀ ਜਥਾ ਜਵੱਦੀ ਕਲਾਂ,ਰਾਗੀ ਭਾਈ ਅੰਮਿ੍ਤਪਾਲ ਸਿੰਘ ਤਖਤ ਸ੍ਰੀ ਦਮਦਮਾ ਸਾਹਿਬ,ਸੰਤ ਸਤਨਾਮ ਸਿੰਘ ਖਡੂਰ ਸਾਹਿਬ ਵਾਲੇ, ਸੰਤ ਗੁਰਮੀਤ ਸਿੰਘ ਖੋਸਾ ਕੋਟਲਾ,ਸੰਤ ਰਣਜੀਤ ਸਿੰਘ ਸੇਵਾ ਪੰਥੀ ਸੰਤ ਮਹਿੰਦਰ ਸਿੰਘ ਜਨੇਰ, ਸੰਤ ਗੁਰਮੀਤ ਸਿੰਘ ਕੱਟੂ, ਸੰਤ ਗੁਰਨਾਮ ਸਿੰਘ ਡਰੋਲੀ ਭਾਈ, ਸੰਤ ਕਰਨੈਲ ਸਿੰਘ ਮੋਗਾ,ਬਾਬਾ ਚਮਕੌਰ ਸਿੰਘ ਭਦੌੜ, ਬਾਬਾ ਚਮਕੌਰ ਸਿੰਘ ਗੱਜਣਵਾਲਾ,ਭਾਈ ਜਸਮੇਲ ਸਿੰਘ ਹਕੂਮਤ ਸਿੰਘ ਵਾਲਾ,ਸੰਤ ,ਬਾਬਾ ਅਵਤਾਰ ਸਿੰਘ ਜੀ ਸਾਧਾਂਵਾਲੇ, ਸੰਤ ਬਾਬਾ ਅਵਤਾਰ ਸਿੰਘ ਜੀ ਬੱਧਨੀ ਕਲਾਂ ਵਾਲੇ ,ਸਿੰਘ ਸਾਹਿਬ ਭਾਈ ਜਸਵੀਰ ਸਿੰਘ ਜੀ ਰੋਡੇ, ਬਾਬਾ ਕਰਨੈਲ ਸਿੰਘ ਹਜ਼ੂਰ ਸਾਹਿਬ, ਗਿਆਨੀ ਜਸਵੰਤ ਸਿੰਘ, ਬਾਬਾ ਮੱਘਰ ਸਿੰਘ ਲੰਗਿਆਣਾ ਆਦਿ ਹੋਰ ਸੰਤਾਂ ਮਹਾਪੁਰਖਾਂ ਵੱਲੋਂ ਗੁਰਮਤਿ ਸਮਾਗਮ ਵਿੱਚ ਹਾਜ਼ਰੀਆਂ ਭਰੀਆਂ ਅਤੇ ਕਥਾ ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕੀਤਾ ਅਤੇ ਸੰਤਾਂ ਮਹਾਂਪੁਰਖਾ ਨੇ ਕਿਰਤ ਕਰੋ ਨਾਮ ਜਪੋ ਅਤੇ ਵੰਡ ਕੇ ਛਕਣ ਦਾ ਸੰਦੇਸ਼ ਦਿੱਤਾ,ਅਤੇ ਦੇਹ ਧਾਰੀ ਪਖੰਡੀਆਂ ਦਾ ਖਹਿੜਾ ਛੱਡ ਖੰਡੇ ਬਾਟੇ ਦਾ ਅੰਮਿ੍ਤ ਛੱਕ ਕੇ ਨਾਮ ਜਪਣ ਗੁਰਬਾਣੀ ਨਾਲ ਜੁੜ ਕੇ ਬਾਣੀ ਬਾਣੇ ਦੇ ਧਾਰਨੀ ਹੋ ਕੇ ਗੁਰਸਿੱਖੀ ਜੀਵਨ ਜਿਉਣ ਦੀ ਪੇ੍ਰਨਾ ਦਿੱਤੀ।ਇਸ ਸ੍ਰੀ ਅਕਾਲ ਤਖਤ ਸਾਹਿਬ ਜੀ ਦੇ ਸਾਬਕਾ ਜੱਥੇ:ਜਸਵੀਰ ਸਿੰਘ ਰੋਡੇ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸਿੱਖ ਕੌਮ ਦੇ ਯੋਧੇ ਨੌਜਵਾਨ ਜੋ ਪਿਛਲੇ 32/32 ਸਾਲਾਂ ਤੋਂ ਜੇਲਾ ਦੀਆਂ ਕਾਲ ਕੋਠੜੀਆਂ ਵਿੱਚ ਬੰਦ ਹਨ ਅਤੇ ਆਪਣੀਆਂ ਸਜਾਵਾਂ ਤੇ ਕਿਤੇ ਵੱਧ ਸਜਾਵਾਂ ਭੁਗਤ ਰਹੇ ਹਨ ਪਰ ਸਮੇਂ ਦੀਆਂ ਸਰਕਾਰਾਂ ਉਨ੍ਹਾਂ ਸਿੱਖ ਨੌਜਵਾਨਾਂ ਨੂੰ ਰਿਹਾਅ ਨਹੀਂ ਕਰ ਰਹੀਆਂਇਸ ਲਈ ਜੇਲਾਂ ਵਿੱਚ ਬੰਦ ਸਿੱਖ ਨੌਜਵਾਨਾਂ ਨੂੰ ਰਿਹਾਅ ਕਰਾਉਣ ਲਈ ਪਿਛਲੇ ਲੰਬੇ ਸਮੇ ਤੋਂ ਚੰਡੀਗੜ੍ਹ ਵਿੱਚ ਮੋਰਚਾ ਲਾਇਆ ਇਸ ਲਈ ਸਾਨੂੰ ਸਾਰਿਆਂ ਨੂੰ ਚੰਡੀਗੜ੍ਹ ਮੋਰਚੇ ਦਾ ਵੱਧ ਚੜ ਕੇ ਸਾਥ ਦੇਣਾ ਚਾਹੀਦਾ ਹੈ ਤਾਂ ਜੋ ਜੇਲਾਂ ਵਿੱਚ ਆਪਣੀਆਂ ਸਜਾਵਾਂ ਤੋਂ ਵੱਧ ਕੈਦ ਕੱਟੀ ਬੈਠੇ ਸਿੱਖ ਨੌਜਵਾਨਾਂ ਨੂੰ ਰਿਹਾਅ ਕਰਵਾਇਆ ਜਾ ਸਕੇ। ਇਸ ਮੌਕੇ ਬਾਬਾ ਸਾਧੂ ਸਿੰਘ ਜੀ ਮੁੱਖ ਸੇਵਾਦਾਰ ਗੁਰਦੁਆਰਾ ਹਰਿਗੋਬਿੰਦਸਰ ਸਾਹਿਬ ਲੰਗੇਆਣਾ ਪੁਰਾਣਾ, ਬਾਬਾ ਗੁਰਦਿਆਲ ਸਿੰਘ ਜੀ ਅਤੇ ਨੇ ਗੁਰਮਤਿ ਸਮਾਗਮ ਵਿੱਚ ਹਾਜਰ ਸੰਤ ਮਹਾਪੁਰਸ਼ਾ ਪੰਥਕ ਆਗੂਆਂ ਨੂੰ ਜੀ ਆਇਆ ਕਿਹਾ ਅਤੇ ਲੋਈਆਂ ਅਤੇ ਸਿਰਪਾਓ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇੁ ਗੁਰਮਤਿ ਸਮਾਗਮ ਵਿੱਚ ਆਏ ਹੋਏ ਸੰਤ ਮਹਾਪੁਰਖਾਂ ਅਤੇ ਸੰਗਤਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।ਸਟੇਜ ਸੈਕਟਰੀ ਦੀ ਇਸ ਮੌਕੇ ਚਾਹ ਪਕੌੜੇ ਜਲੇਬੀਆਂ ਅਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ। ਇਸ ਮੌਕੇ ਬਰਸੀ ਸਮਾਗਮ ਵਿਸ਼ੇਸ਼ ਤੌਰ 'ਤੇ,ਜਗਤਾਰ ਸਿੰਘ ਰੋਡੇ ਮੈਂਬਰ ਐਸ ਜੀ ਪੀ ਸੀ,ਪਰਧਾਨ ਜਗਰੂਪ ਸਿੰਘ ਲੰਗੇਆਣਾ ਆੜਤੀਆ, ਅਮਰਜੀਤ ਸਿੰਘ ਖਾਲਸਾ ਆੜਤੀਆਂ, ਇਕਬਾਲ ਸਿੰਘ ਬਰਾੜ ਆੜਤੀਆਂ,ਭਾਈ ਹਰਜਿੰਦਰ ਸਿੰਘ ਬਾਜੇਕੇ , ਜਗਸੀਰ ਸਿੰਘ ਸਰਪੰਚ ਲੰਗਿਆਣਾ ਨਵਾਂ, ਸੁਖਦੇਵ ਸਿੰਘ ਸਰਪੰਚ ਲੰਗਿਆਣਾ ਪੁਰਾਣਾ , ਮੈਂਬਰ ਜੁਗਰਾਜ ਸਿੰਘ,ਗੁਰਤੇਜ ਸਿੰਘ ਮੈਂਬਰ ਲੰਗਿਆਣਾ ਪੁਰਾਣਾ ,ਬਲਰਾਜ ਮੈਂਬਰਭਾਈ ਮਾਘ ਸਿੰਘ ਨਿੰਮ ਵਾਲੇ,ਪਰਧਾਨ ਮਲਕੀਤ ਸਿੰਘ ਲੰਗੇਆਣਾ ਨਵਾਂ,ਜਗਸੀਰ ਸਿੰਘ ਬਰਾੜ ਵਾਇਸ ਪ੍ਰਧਾਨ,ਸਰੂਪ ਸਿੰਘ, ਬਾਬਾ ਬੂਟਾ ਸਿੰਘ ,ਪਰਧਾਨ ਦਲੇਰ ਸਿੰਘ ਡੋਡ, ਜੱਥੇ:ਸੁਬਾ ਸਿੰਘ ਸਿੱਦਕੀ ਡੋਡ, ਭਾਈ ਜਗਰੂਪ ਸਿੰਘ ਕਵਿਸ਼ਰ ਲੰਗੇਆਨਾ, ਭਾਈ ਅਮਰਜੀਤ ਸਿੰਘ ਲਾਂਗਰੀ,ਭਾਈ ਗੁਰਦੇਵ ਸਿੰਘ ਪਰਧਾਨ,ਗੁਰਦੇਵ ਸਿੰਘ ਗ੍ਰੰਥੀ , ਪੇ੍ਮ ਸਿੰਘ ਬਰਾੜ, ਜਸਦੀਪ ਸਿੰਘ ਬਰਾੜ, ਰਣਜੀਤ ਸਿੰਘ ਡੈਨਾਮਿਕ, ਹਰਜੀਤ ਸਿੰਘ ਬਰਾੜ, ਰਾਜਿੰਦਰ ਸਿੰਘ ਖਾਲਸਾ, ਮਨੋਹਰ ਸਿੰਘ , ਬਲਵਿੰਦਰ ਸਿੰਘ ਰੋਡੇ, ਗਿਆਨੀ ਕਰਮ ਸਿੰਘ ਦਮਦਮੀ ਟਕਸਾਲ,ਮਨਜੀਤ ਸਿੰਘ ਫੌਜੀ ਲੰਗੇਆਣਾ,ਸੁਖਚੈਨ ਸਿੰਘ,ਅਤੇ ਇਸ ਮੌਕੇ ਸੰਤ ਮਹਾਂਪੁਰਖ, ਪੰਥਕ ਜੱਥੇ ਬੰਦੀਆਂ ਦੇ ਆਗੂਆਂ ਅਤੇ ਦੇਸ ਵਿਦੇਸ਼ ਦੀਆਂ ਸੰਗਤਾਂ ਭਾਰੀ ਗਿਣਤੀ ਵਿੱਚ ਹਾਜ਼ਰ ਸਨ।

28/11/2023

ਸਰਦਾਰ ਹਾਕਮ ਸਿੰਘ ਗਿੱਲ ਨੱਥੋਕੇ ਨੂੰ ਧਾਰਮਿਕ,ਰਾਜਨੀਤਕ,ਸਮਾਜ ਸੇਵੀ ਅਤੇ ਪੰਥਕ ਆਗੂਆਂ ਨੇ ਸਰਧਾਜਲੀਆਂ ਭੇਟ ਕੀਤੀਆਂ ਬਾਘਾਪੁਰਾਣਾ, 27 ਨਵੰਬਰ (ਰਜਿੰਦਰ ਸਿੰਘ ਕੋਟਲਾ)- ਕੇਸ ਸੰਭਾਲ ਇੰਟਰਨੈਸ਼ਨਲ ਸਿੱਖ ਫਾਊਡੇਸ਼ਨ ਪੰਜਾਬ ਦੇ ਸਰਪ੍ਰਸਤ ਜਗਦੀਪ ਸਿੰਘ ਨੱਥੋਕੇ ਦੇ ਪਿਤਾ ਸਰਦਾਰ ਹਾਕਮ ਸਿੰਘ ਗਿੱਲ ਨੱਥੋਕੇ ਜਿਨ੍ਹਾਂ ਦੀ ਸਿਹਤ ਪਿਛਲੇ ਲੰਮੇ ਸਮੇਂ ਤੋਂ ਠੀਕ ਨਾ ਹੋਣ ਕਾਰਨ ਆਪ ਪ੍ਰਮਾਤਮਾ ਵੱਲੋਂ ਬਖਸੀ ਸੁਆਸਾਂ ਦੀ ਪੂੰਜੀ ਭੋਗਦੇ ਹੋਏ ਹੈਵਿਡ ਸਿਟੀ ਕੈਲੀਫੋਰਨੀਆ (ਯੂ.ਐਸ.ਏ) 'ਚ 21 ਜੁਲਾਈ 2023 ਨੂੰ ਗੁਰੂ ਚਰਨਾਂ 'ਚ ਜਾ ਬਿਰਾਜੇ ਸਨ। ਉਨ੍ਹਾਂ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਸਹਿਜ ਪਾਠ ਦਾ ਭੋਗ ਅਤੇ ਅੰਤਿਮ ਅਰਦਾਸ ਗੁਰਦੁਆਰਾ ਸਾਹਿਬ ਪਿੰਡ ਨੱਥੋਕੇ (ਮੋਗਾ) ਵਿਖੇ ਹੋਈ। ਇਸ ਮੌਕੇ ਰਾਗੀ ਸਿੰਘ ਸ੍ਰੀ ਦਰਬਾਰ ਸਾਹਿਬ ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਮੌਜੂਦਾ ਰਾਗੀ ਭਾਈ ਜਗਤਾਰ ਸਿੰਘ ਦੇ ਜਥੇ ਵੱਲੋਂ ਅਤੇ ਭਾਈ ਅਜਮੇਰ ਸਿੰਘ ਘੋਲੀਏ ਵਾਲੇ ਦੇ ਜਥੇ ਵੱਲੋਂ ਵੈਰਾਗਮਈ ਕੀਰਤਨ ਕੀਤਾ ਗਿਆ । ਪਾਠ ਦੇ ਭੋਗਅਤੇ ਅਰਦਾਸ ਤੋਂ ਬਾਅਦ ਧਾਰਮਿਕ,ਰਾਜਨੀਤਕ,ਸਮਾਜ ਸੇਵੀ ਅਤੇ ਪੰਥਕ ਆਗੂਆਂ ਨੇ ਸਿਰਦਾਰ ਹਾਕਮ ਸਿੰਘ ਨੱਥੋਕੇ ਨੂੰ ਸਰਧਾਜਲੀਆਂ ਭੇਟ ਕਰਦਿਆਂ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਸਾਬਕਾ ਪ੍ਰਧਾਨ ਕਰਨਲ ਬਾਬੂ ਸਿੰਘ, ਕਰਨਲ ਦਰਸ਼ਨ ਸਿੰਘ ਸਮਾਧ ਭਾਈ, ਅਮਰਜੀਤ ਸਿੰਘ ਬਰਾੜ ਰਾਜੇਆਣਾ ਪ੍ਰਧਾਨ ਆੜ੍ਹਤੀਆ ਐਸੋਸੀਏਸ਼ਨ ਯੂਨੀਅਨ ਬਾਘਾਪੁਰਾਣਾ ਅਤੇ ਭਾਈ ਅਜਮੇਰ ਸਿੰਘ ਘੋਲੀਆ ਨੇ ਵਿਛੜੀ ਰੂਹ ਹਾਕਮ ਸਿੰਘ ਗਿੱਲ ਦੇ ਜੀਵਨ ਬਾਰੇ ਵਿਸਥਾਰ ਨਾਲ ਦੱਸਦੇ ਹੋਏ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ।ਇਸ ਮੌਕੇ ਸਾਬਕਾ ਚੇਅਰਮੈਨ ਗੁਰਬਚਨ ਸਿੰਘ ਬਰਾੜ ਬਾਘਾਪੁਰਾਣਾ, ਜਥੇਦਾਰ ਤੀਰਥ ਸਿੰਘ ਮਾਹਲਾ, ਸਾਬਕਾ ਚੇਅਰਮੈਨ ਜਗਸੀਰ ਸਿੰਘ ਕਾਲਕੇ,ਪ੍ਰਧਾਨ ਗੁਰਜੰਟ ਸਿੰਘ ਭੁੱਟੋ, ਧਰਮਾਲ ਸਿੰਘ ਡੀ.ਪੀ ਨਿਹਾਲ ਸਿੰਘ ਵਾਲਾ, ਸ਼ਾਮ ਮੋਹਨ ਸਾਥੀ ਪੁੱਤਰ ਸਾਬਕਾ ਵਿਧਾਇਕ ਵਿਜੇ ਸਾਥੀ, ਭੋਲਾ ਸਿੰਘ ਬਰਾੜ ਸਮਾਧ ਭਾਈ, ਸਾਬਕਾ ਸਰਪੰਚ ਸਲੱਖਣ ਸਿੰਘ ਚੜਿੱਕ, ਪ੍ਰਧਾਨ ਬੂਟਾ ਸਿੰਘ ਰਣਸੀਹ, ਸਰਪੰਚ ਦਰਸ਼ਨ ਸਿੰਘ ਨੱਥੋਕੇ, ਸਾਬਕਾ ਸਰਪੰਚ ਮਿੱਠੂ ਸਿੰਘ ਨੱਥੋਕੇ, ਮਾਸਟਰ ਨਾਹਰ ਸਿੰਘ ਨੱਥੋਕੇ, ਪ੍ਰਧਾਨ ਲਖਵੀਰ ਸਿੰਘ ਕੋਮਲ ਆਲਮ ਵਾਲਾ, ਅਜਮੇਰ ਸਿੰਘ ਕੈਨੇਡੀਅਨ, ਸਰਦੂਲ ਸਿੰਘ ਕੈਨਡੀਅਨ, ਮਨਮੋਹਨ ਸਿੰਘ ਘੋਲੀਆ ਪ੍ਰਧਾਨ ਕੇਸ ਸੰਭਾਲ ਇੰਟਰਨੈਸ਼ਨਲ ਸਿੱਖ ਫਾਊਡੇਸ਼ਨ, ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਪ੍ਰਧਾਨ ਗੋਬਿੰਦ ਸਿੰਘ ਸਮਾਧ ਭਾਈ, ਕੁਲਦੀਪ ਸਿੰਘ ਗਿੱਲ ਕਾਲੇਕੇ, ਬਾਬਾ ਮਲਕੀਤ ਸਿੰਘ ਬਾਘਾਪੁਰਾਣਾ, ਭਾਈ ਨਿਸ਼ਾਨ ਸਿੰਘ ਫਖਰ ਏ ਦਸਤਾਰ ਮੁੱਖੀ ਬਾਘਾਪੁਰਾਣਾ, ਗੁਰਪ੍ਰੀਤ ਸਿੰਘ ਥਾਂਦੇਵਾਲ,ਨੇ ਵੀ ਸਰਜਲੀਆਂ ਭੇਟ ਕੀਤੀਆਂ।ਇਸ ਮੌਕੇ ਕੈਪਟਨ ਬਲਜਿੰਦਰ ਸਿੰਘ ਨੱਥੋਕੇ, ਰੁਪਿੰਦਰ ਸਿੰਘ ਦੀਦਾਰੇਵਾਲਾ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ 'ਚ ਹਲਕੇ ਦੇ ਪਤਵੰਤੇ ਸੱਜਣ ਅਤੇ ਨਗਰ ਨਿਵਾਸੀ ਅੰਤਿਮ ਅਰਦਾਸ 'ਚ ਸ਼ਾਮਲ ਸਨ।

27/11/2023

ਸੁਣੀ ਪੁਕਾਰਿ ਦਾਤਾਰ ਪ੍ਰਭ ,ਗੁਰੂ ਨਾਨਕ ਜਗ ਮਾਹਿ ਪਠਾਇਆ।।
ਕਲਿ ਤਾਰਨ ਗੁਰੂ ਨਾਨਕ ਆਇਆ, ਕਲਿ ਤਾਰਨ ਗੁਰੂ ਨਾਨਕ ਆਇਆ।।
ਸਮੂਹ ਸੰਗਤ ਨੂੰ ਪਹਿਲੀ ਪਾਤਸ਼ਾਹੀ ਧੰਨ ਧੰਨ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਦੀਆਂ ਸਾਡੀ ਟੀਮ ਜਨਤਾ ਟਾਇਮ ਵੱਲੋਂ ਲੱਖ-ਲੱਖ ਵਧਾਈਆਂ ਹੋਵਣ

26/11/2023

ਬਾਘਾ ਪੁਰਾਣਾ ਵਿੱਚ ਸਿਲੰਡਰ ਫਟਨ ਨਾਲ ਦੁਕਾਨ ਨੂੰ ਲੱਗੀ ਭਿਅੰਕਰ ਅੱਗ। ਪੋਸਟ ਨੂੰ ਸ਼ੇਅਰ ਕਰੋ ਤੇ ਸਾਡੇ ਚੈਨਲ ਨੂੰ follow ਕਰੋ l

25/11/2023

ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਨੇ ਕਰਵਾਇਆ ਅੰਤਰ ਸਕੂਲ ਯੁਵਕ ਮੇਲਾ । ਗੁਰਬਾਣੀ,ਕੰਠ,ਦਸਤਾਰ, ਦੁਮਾਲਾ ਮੁਕਾਬਲ, ਸੁੰਦਰ ਲਿਖਾਈ,ਕੁਇਜ਼,ਕਵਿਤਾ ਪੇਂਟਿੰਗ ਮੁਕਾਬਲੇ ਕਰਵਾਏ
ਬਾਘਾਪੁਰਾਣਾ,24 ਨਵੰਬਰ (ਰਾਜਿੰਦਰ ਸਿੰਘ ਕੋਟਲਾ)-ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਖੇਤਰ ਬਾਘਾ ਪੁਰਾਣਾ ਵੱਲੋਂ ਸਕੂਲ ਆਫ ਐਮੀਨੈਸ ਬਾਘਾ ਪੁਰਾਣਾ ਵਿਖੇ ਕਰਵਾਇਆ ਜਿਸ ਬਾਰੇ ਜਾਣਕਾਰੀ ਦਿੰਦਿਆਂ ਡਾ ਰਣਜੀਤ ਸਿੰਘ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਵਿੱਚ 28 ਸਕੂਲਾਂ ਦੇ 312 ਵਿਦਿਆਰਥੀਆਂ ਨੇ ਵੱਖ ਵੱਖ ਮੁਕਾਬਲਿਆਂ ਵਿੱਚ ਭਾਗ ਲਿਆ ਇਹਨਾਂ ਮੁਕਾਬਲਿਆਂ ਦਾ ਨਤੀਜਾ ਇਸ ਤਰ੍ਹਾਂ ਰਿਹਾ ਕੁਇਜ਼ :-ਪਹਿਲਾ ਸਥਾਨ -ਜਸਵੰਤ ਕੌਰ ਤੇ ਪਨੀਤ ਕੌਰ ਅਕਾਲ ਅਕੈਡਮੀ ਕਾਲੇਕੇ, ਦੂਸਰਾਂ ਸਥਾਨ -ਸੁਖਵੀਰ ਕੌਰ ਤੇ ਕਿਰਨਪ੍ਰੀਤ ਕੌਰ ਬੀ ਆਰ ਐਮ ਲੰਗੇਆਣਾ ਖੁਰਦ, ਤੀਜਾ ਸਥਾਨ - ਹਰਲੀਨ ਕੌਰਨ ਤੇ ਜੈਸਮੀਨ ਕੌਰ ਪੀ ਸੀ ਐਸ ਬਾਘਾ ਪੁਰਾਣਾ ਇਸ ਮੁਕਾਬਲੇ ਦੀ ਜੱਜਮਿੰਟ ਮਾ ਚਰਨ ਸਿੰਘ ਠੱਠੀ ਭਾਈ, ਗੁਰਪ੍ਰੀਤ ਸਿੰਘ ਸਮਾਧ ਭਾਈ, ਕਰਮਜੀਤ ਸਿੰਘ ਨੇ ਕੀਤੀ । ਸੁੰਦਰ ਲਿਖਾਈ ਪਹਿਲਾ ਸਥਾਨ :- ਸਿਮਰਨ ਕੌਰ ਸ. ਪ.ਸ. ਡੇਮਰੂ ਕਲਾਂ, ਦੂਸਰਾ ਸਥਾਨ - ਗੁਰਲੀਨ ਕੌਰ ਬੀ ਆਰ ਐਮ ਪਬਲਿਕ ਸਕੂਲ ਲੰਗੇਆਣਾ, ਤੀਜਾ ਸਥਾਨ -ਇਸਮੀਤ ਕੌਰ ਜੀ ਐਨ ਕੌਨਵੈਂਟ ਸਕੂਲ ਭਲੂਰ ਇਸ ਮੁਕਾਬਲੇ ਦੀ ਜੱਜਮਿੰਟ ਮਾ ਪਵਨਜੀਤ ਸਿੰਘ ਮੋਗਾ, ਹਰਦੀਪ ਸਿੰਘ ਅਤੇ ਮਾ ਗੋਬਿੰਦ ਸਿੰਘ ਸਮਾਧ ਭਾਈ ਨੇ ਕੀਤੀ ,ਦੁਮਾਲਾ ਮੁਕਾਬਲਾ :-ਪਹਿਲਾ ਸਥਾਨ ਕਰਨਪ੍ਰੀਤ ਕੌਰ ਮਾਤਾ ਬਲਜਿੰਦਰ ਕੌਰ ਕਲੇਰ ਸਕੂਲ ਸਮਾਧ ਭਾਈ,ਦੂਜਾ ਸਥਾਨ -ਸਿਮਰਨਪੀਤ ਕੌਰ ਅਨੰਦ ਸਾਗਰ ਅਕੈਡਮੀ ਕੋਇਰ ਸਿੰਘ ਵਾਲਾ,ਤੀਸਰਾ ਸਥਾਨ :- ਸਤਵੀਰ ਕੌਰ ਸ.ਸ.ਸ.ਸ ਸਮਾਧ ਭਾਈ ,ਦਸਤਾਰ ਮੁਕਾਬਲਾ ਛੇਵੀਂ ਤੋਂ ਅੱਠਵੀਂ ਪਹਿਲਾਂ ਸਥਾਨ -ਗੁਰਜੋਤ ਸਿੰਘ ਹਾਰਵਰਡ ਕੌਨਵੈਟ ਸਕੂਲ ਬਾਘਾ ਪੁਰਾਣਾ, ਦੂਜਾ ਸਥਾਨ -ਗੁਰਸ਼ਰਨ ਸਿੰਘ ਹਾਰਵਰਡ ਕੌਨਵੈਂਟ ਸਕੂਲ ਬਾਘਾ ਪੁਰਾਣਾ ,ਤੀਸਰਾ ਸਥਾਨ - ਦਿਲਜੋਤ ਸਿੰਘ ਕਲੇਰ ਸਕੂਲ ਸਮਾਧ ਭਾਈ ,ਦਸਤਾਰ ਮੁਕਾਬਲਾ ਨੌਵੀਂ ਤੋਂ ਬਾਰਵੀਂ ਪਹਿਲਾਂ ਸਥਾਨ-ਰਾਹੁਲ ਸ਼ਰਮਾ ਜੀ ਐਨ ਪਬਲਿਕ ਸਕੂਲ ਭਲੂਰ, ਦੂਜਾ ਸਥਾਨ-ਅਰਸਮਿੰਦਰ ਸਿੰਘBRC ਸਕੂਲ ਸਮਾਧ ਭਾਈ, ਤੀਜਾ ਸਥਾਨ-ਹਰਸਿਮਰਨ ਸਿੰਘ ਅਕਾਲ ਅਕੈਡਮੀ ਕਾਲੇਕੇ ਇਹਨਾਂ ਮੁਕਾਬਲਾ ਦੀ ਜੱਜਮਿੰਟ ਸਤਵੀਰ ਸਿੰਘ, ਸੁਖਵੀਰ ਸਿੰਘ, ਇੰਦਰਜੀਤ ਸਿੰਘ, ਗੁਰਪ੍ਰੀਤ ਸਿੰਘ ਸਮਾਧ ਭਾਈ ਨੇ ਕੀਤੀ ,ਕਵਿਤਾ ਮੁਕਾਬਲਾ -ਛੇਵੀ ਤੋਂ ਅੱਠਵੀਂ ਪਹਿਲਾ ਸਥਾਨ - ਇਕਬਾਲ ਸਿੰਘ ਭਾਈ ਰੂਪ ਚੰਦ ਮਾਡਲ ਸਕੂਲ ਸਮਾਧ ਭਾਈ, ਦੂਜਾ ਸਥਾਨ -ਪ੍ਰਭਜੋਤ ਕੌਰ ਅਨੰਦ ਸਾਗਰ ਅਕੈਡਮੀ ਕੋਇਰ ਸਿੰਘ ਵਾਲਾ,ਤੀਜਾ ਸਥਾਨ:- ਪੀ.ਸੀ . ਐਸੇ ਸਕੂਲ ਬਾਘਾ ਪੁਰਾਣਾ ,ਕਵਿਤਾ ਉਚਾਰਨ ਮੁਕਾਬਲਾ ਨੌਵੀਂ ਤੋਂ ਬਾਰਵੀਂ ਪਹਿਲਾ ਸਥਾਨ -ਹਰਮੀਤ ਕੌਰ ਵੀਰ ਸਿੰਘ ਮ ਸ ਸ ਸਕੂਲ ਨੱਥੂਵਾਲਾ ਗਰਬੀ , ਦੂਜਾ ਸਥਾਨ -ਸਨਦੀਪ ਕੌਰ ਬੀ ਆਰ ਐਮ ਪਬਲਿਕ ਸਕੂਲ ਲੰਗੇਆਣਾ , ਤੀਸਰਾ ਸਥਾਨਾ- ਹਰਨੂਰ ਸਿੰਘ ਕਲੇਰ ਸਕੂਲ ਸਮਾਧ ਭਾਈ ਇਹਨਾਂ ਮੁਕਾਬਲਿਆਂ ਦੀ ਜੱਜਮਿੰਟ ਚਮਕੌਰ ਸਿੰਘ ਬਾਘੇਆਲੀਆ, ਲਖਵੀਰ ਸਿੰਘ ਕੋਮਲ,ਮਾਂ ਚਰਨ ਸਿੰਘ ਠੱਠੀ ਭਾਈ ਨੇ ਕੀਤੀ
*ਪੇਟਿੰਗ ਮੁਰਬਲਾ ਛੇਵੀਂ ਤੋਂ ਅੱਠਵੀਂ ਪਹਿਲਾਂ ਸਥਾਨ- ਹਸਨਦੀਪ ਕੌਰ ਬਾਬਾ ਜਸਵੰਤ ਸਿੰਘ ਪਬਲਿਕ ਸਕੂਲ ਰੌਂਤਾ,ਦੂਸਰਾ ਸਥਾਨ : ਰਾਜਬੀਰ ਸਿੰਘ ਜੀ ਐਨ ਪਬਲਿਕ ਸਕੂਲ ਭਲੂਰ ,ਤੀਜਾ ਸਥਾਨਾ- ਤਨਵੀਰ ਸਿੰਘ ਕਲੇਰ ਸਕੂਲ ਸਮਾਧ ਭਾਈ,ਪੇਂਟਿੰਗ ਮੁਕਾਬਲਾ ਨੌਵੀਂ ਤੋਂ ਬਾਰਵੀਂ ਪਹਿਲਾ ਸਥਾਨ : - ਜਸਕੁ ਸਿੰਘ ਸਕੂਲ ਆਫ ਐਮੀਨੈਸ ਬਾਘਾ ਪੁਰਾਣਾ, ਦੂਜਾ ਸਥਾਨ -ਜਸਨਪ੍ਰੀਤ ਕੌਰ ਪੀ ਸੀ ਐਸ ਬਾਘਾ ਪੁਰਾਣਾ, ਤੀਜਾ ਸਥਾਨ ਜਸਵਿੰਦਰ ਕੌਰ ਅਕਾਲ ਅਕੈਡਮੀ ਕਾਲੇਕੇ ਇਹਨਾਂ ਮੁਕਾਬਲਿਆਂ ਦੀ ਜੱਜਮਿੰਟ ਰਵਿੰਦਰਜੀਤ ਸਿੰਘ ਬਾਘਾ ਪੁਰਾਣਾ, ਹਰਪ੍ਰੀਤ ਸਿੰਘ ਠੱਠੀ ਭਾਈ, ਅਮਰਜੀਤ ਸਿੰਘ ਸਮਾਧ ਭਾਈ ਨੇ ਕੀਤੀ ਇਹਨਾਂ ਮੁਕਾਬਲਿਆਂ ਤੋਂ ਇਲਾਵਾ ਅਗਸਤ ਮਹੀਨੇ ਵਿੱਚ ਹੋਏ ਨੈਤਿਕ ਸਿੱਖਿਆ ਇਮਤਿਹਾਨ ਵਿੱਚੋਂ ਪੁਜੀਸ਼ਨ ਹਾਸਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵੀ ਸਨਮਾਨਿਤ ਕੀਤਾ ਸਾਰੇ ਆਏ ਹੋਏ ਅਧਿਆਪਕਾ ਅਤੇ ਵਿਦਿਆਰਥੀਆਂ ਨੂੰ ਲੈਕਚਰ ਮੈਡਮ ਗੁਰਿੰਦਰ ਕੌਰ ਨੇ ਜੀ ਆਇਆਂ ਨੂੰ ਕਿਹਾ।

23/11/2023

ਅੱਜ ਮਿਤੀ 23-11-2023 ਨੂੰ, ਸ਼੍ਰੀ ਵਿਵੇਕ ਸ਼ੀਲ ਸੋਨੀ, ਆਈ.ਪੀ.ਐਸ ਨੇ ਸੀਨੀਅਰ ਪੁਲਿਸ ਕਪਤਾਨ, ਜ਼ਿਲ੍ਹਾ ਮੋਗਾ ਵਜੋਂ ਅਹੁਦਾ ਸੰਭਲਿਆl

22/11/2023

ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਸਮਰਪਿਤ ਪ੍ਰਭਾਤ ਫੇਰੀ ਦਾ ਡਾ.ਸੀਮਾਂਤ ਗਰਗ ਤੇ ਅਹੁਦੇਦਾਰਾਂ ਨੇ ਫੁਲਾਂ ਦੀ ਵਰਖਾ ਕਰਕੇ ਕੀਤਾ ਸੁਆਗਤ
ਮੋਗਾ, 22 ਨਵੰਬਰ (ਰਾਜਿੰਦਰ ਸਿੰਘ ਕੋਟਲਾ)-ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ ਪੁਰਬ ਦੇ ਸਬੰਧ ਵਿਚ ਲੋਕਲ ਗੁਰੁਪੁਰਬ ਕਮੇਟੀ ਵੱਲੋਂ ਕੱਢੀ ਜਾ ਰਹੀ ਪ੍ਰਭਾਤ ਫੇਰੀਆਂ ਦੇ ਸਬੰਧ ਵਿਚ ਅੱਜ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਡਾ.ਸੀਮਾਂਤ ਗਰਗ, ਡਾ. ਮੋਨਿਕਾ ਗਰਗ ਅਤੇ ਪ੍ਰੀਰਿਵਾਰਿਕ ਮੈਂਬਰ ਅਤੇ ਭਾਜਪਾ ਦੇ ਅਹੁਦੇਦਾਰਾਂ ਨੇ ਫੁੱਲਾਂ ਦੀ ਵਰਖਾ ਕਰਕੇ ਪ੍ਰਭਾਤ ਫੇਰੀ ਦਾ ਸੁਆਗਤ ਕੀਤਾ ਗਿਆ ਅਤੇ ਗੁਰਪੁਰਬ ਕਮੇਟੀ ਦੇ ਅਹੁਦੇਦਾਰਾਂ ਨੂੰ ਸਿਰੋਪਾ ਪਾ ਕੇ ਸਨਮਾਨਤ ਕੀਤਾ ਗਿਆ | ਇਸ ਪ੍ਰਭਾਤ ਫੇਰੀ ਦੇ ਨਾਲ ਆਈਆਂ ਸੰਗਤਾਂ ਨੂੰ ਲੰਗਰ ਦਾ ਪ੍ਰਸਾਦ ਵੰਡਿਆ ਗਿਆ | ਇਸ ਮੌਕੇ ਤੇ ਡਾ.ਸੀਮਾਂਤ ਗਰਗ ਨੇ ਕਿਹਾ ਕਿ ਸਿੱਖ ਧਰਮ ਦੇ ਸੰਸਥਾਪਕ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਜਨਮ 15 ਅਪ੍ਰੈਲ 1469 ਨੂੰ ਤਲਵੰਡੀ ਨਾਮਕ ਸਥਾਨ ਜਿਸਦਾ ਨਾਅ ਬਾਦ ਵਿਚ ਸ਼੍ਰੀ ਨਨਕਾਨਾ ਸਾਹਿਬ ਦੇ ਨਾਂਅ ਤੋਂ ਜਾਣਿਆ ਜਾਣ ਲੱਗਿਆ, ਜੋ ਅਜ਼ਾਦੀ ਦੇ ਬਾਅਦ ਹੁਣ ਪਾਕਿਸਤਾਨ ਵਿਚ ਪੰਜਾਬ ਸੂਬੇ ਵਿਚ ਹੈ, ਜਿਸ ਤੇ ਅਸੀ ਨਤਮਸਤਕ ਹੋ ਕੇ ਅਸ਼ੀਰਵਾਦ ਲੈ ਕੇ ਆਏ ਹਾਂ | ਉਹਨਾਂ ਕਿਹਾ ਕਿ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਸਿੱਖਾਂ ਦੇ ਪਹਿਲੇ ਗੁਰੂ ਦੇ ਰੂਪ ਵਿਚ ਪ੍ਰਸਿੱਧ ਸਨ ਅਤੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਹਮੇਸ਼ਾ ਹੀ ਸਮਾਜਿਕ ਕੁਰੀਤੀਆ ਦਾ ਵਿਰੋਧ ਕੀਤਾ ਅਤੇ ਸਮਾਜ ਨੂੰ ਸਹੀ ਰਾਹ ਵਿਖਾਉਣ ਵਾਲੇ ਦੇਵ ਪੁਰਖ ਸਨ ਅਤੇ ਉਹ ਬਚਪਨ ਤੋਂ ਹੀ ਸੰਸਾਰਿਕਤਾ ਤੋਂ ਦੂਰੀ ਅਤੇ ਉਹ ਬਚਪਨ ਤੋਂ ਸੰਸਾਰਿਕ ਵਿਸ਼ਿਆ ਤੋਂ ਉਦਾਸੀਨ ਰਿਹਾ ਕਰਦੇ ਸਨ। ਉਹਨਾਂ ਕਿਹਾ ਕਿ ਅੱਜ ਸਾਨੂੰ ਵੀ ਉਹਨਾਂ ਦੀਆ ਸਿੱਖਿਆਵਾਂ ਅਤੇ ਵਿਖਾਏ ਮਾਰਗ ਤੇ ਚੱਲਣ ਦੀ ਲੋੜ ਹੈ, ਤਾਂ ਜੋ ਸਮਾਜ ਵਿਚ ਪਨਪ ਰਹੀ ਬੁਰਾਈਆ ਨੂੰ ਦੂਰ ਕੀਤਾ ਜਾ ਸਕੇ ਤੇ ਦੇਸ਼ ਦੀ ਤਰੱਕੀ ਵਿਚ ਆਪਣਾ ਯੋਗਦਾਨ ਪਾਇਆ ਜਾ ਸਕੇ । ਇਸ ਮੌਕੇ ਤੇ ਭਾਜਪਾ ਦੇ ਮਹਾ ਮੰਤਰੀ ਅਤੇ ਸਾਬਕਾ ਐਸ.ਪੀ. ਮੁਖਤਿਆਰ ਸਿੰਘ, ਮਹਾ ਮੰਤਰੀ ਵਿੱਕੀ ਸਿਤਾਰਾ, ਐਸ.ਸੀ. ਮੋਰਚੇ ਦੇ ਜ਼ਿਲ੍ਹਾ ਪ੍ਰਧਾਨ ਸੂਰਜ ਭਾਨ, ਮੰਡਲ ਪ੍ਰਧਾਨ ਅਮਿਤ ਗੁਪਤਾ, ਮੰਡਲ ਦੇ ਮਹਾ ਮੰਤਰੀ ਨਾਨਕ ਚੋਪੜਾ,, ਯੁਵਾ ਮੋਰਚਾ ਪ੍ਰਧਾਨ ਰਾਜਨ ਸੂਦ, ਵਿਸਤਾਰਕ ਮਹਿੰਦਰ ਖੋਖਰ, ਧਰਮਵੀਰ, ਤਰਸੇਮ ਜੰਡ, ਸੰਜੀਵ ਅੱਗਰਵਾਲ, ਜਤਿੰਦਰ ਚੱਢਾ, ਹੇਮੰਤ ਸੂਦ ਆਦਿ ਅਹੁਦੇਦਾਰ ਹਾਜ਼ਰ ਸਨ ।

22/11/2023

ਬਾਘਾਪੁਰਾਣਾ (ਮੋਗਾ)
ਅੱਜ ਕਿਰਤੀ ਕਿਸਾਨ ਯੂਨੀਅਨ ਵੱਲੋਂ ਪਿੰਡ ਛੋਟਾ ਘਰ ਵਿਖੇ ਇਕਾਈ ਪ੍ਰਧਾਨ ਚਰਨਜੀਤ ਸਿੰਘ ਦੀ ਅਗਵਾਈ ਵਿੱਚ ਤਿੰਨ ਦਿਨਾਂ ਚੰਡੀਗੜ੍ਹ ਧਰਨੇ 'ਚ ਜਾਣ ਦੀਆਂ ਤਿਆਰੀਆਂ ਸਬੰਧੀ ਮੀਟਿੰਗ ਕੀਤੀ ਗਈ।ਇਸ ਮੌਕੇ ਜ਼ਿਲ੍ਹਾ ਜਰਨਲ ਸਕੱਤਰ ਚਮਕੌਰ ਸਿੰਘ ਰੋਡੇ, ਜ਼ਿਲ੍ਹਾ ਆਗੂ ਛਿੰਦਰਪਾਲ ਕੌਰ ਰੋਡੇ ਬਲਾਕ ਪ੍ਰਧਾਨ ਅਜਮੇਰ ਸਿੰਘ ਛੋਟਾ ਘਰ, ਬਲਾਕ ਖਜ਼ਾਨਚੀ ਜਗਵਿੰਦਰ ਕੌਰ ਰਾਜੇਆਣਾ ਨੇ ਕਿਹਾ ਕਿ ਸੰਯੁਕਤ ਕਿਸਾਨ ਮੋਰਚੇ ਦੀ ਅਗਵਾਈ ਵਿੱਚ ਜੋ ਖੇਤੀ ਕਾਨੂੰਨਾ ਦੇ ਵਿਰੋਧ ਵਿੱਚ ਲੋਕ ਘੋਲ 13 ਮਹੀਨੇ ਲੜਕੇ ਕਾਨੂੰਨ ਰੱਦ ਕਰਵਾਏ ਗਏ ਸਨ। ਉਸੇ ਹੀ ਘੋਲ ਦੇ ਅਗਲੇ ਪੜਾਅ ਨੂੰ ਅੱਗੇ ਤੋਰਦਿਆਂ
ਦੇਸ਼ ਦੀਆਂ ਰਾਜਧਾਨੀਆਂ ਤੇ 72 ਘੰਟੇ ਧਰਨੇ ਦਾ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਸੱਦਾ ਦਿੱਤਾ ਗਿਆ ਹੈ।

ਕੇਂਦਰ ਅਤੇ ਸੂਬਾ ਸਰਕਾਰਾਂ ਲਗਾਤਾਰ
ਜੋ ਇਹ ਰਸਾਇਣਕ ਖਾਦਾਂ ਵਾਲਾ ਖੇਤੀ ਮਾਡਲ ਕਿਸਾਨਾਂ ਲਈ ਘਾਟੇ ਦਾ ਸੌਦਾ ਬਣਿਆਂ ਹੋਇਆ ਹੈ। ਇਸਦਾ ਸਾਰਥਿਕ ਹੱਲ ਕਰਨ ਦੀ ਬਜਾਏ, ਕਾਰਪੋਰੇਟ ਘਰਾਣਿਆਂ ਨੂੰ ਖੇਤੀ ਖੇਤਰ ਤੇ ਕਬਜਾ ਕਰਵਾਉਣ ਲਈ ਟੇਡੇ ਢੰਗ ਨਾਲ ਉਹਨਾਂ ਦੇ ਪੱਖ ਦੇ ਵਿੱਚ ਕਾਨੂੰਨ ਬਣਾ ਰਹੀਆਂ ਹਨ। ਦਿੱਲੀ ਮੋਰਚੇ ਦੌਰਾਨ ਜੋ ਕੇਂਦਰ ਸਰਕਾਰ ਨੇ ਕਿਸਾਨਾਂ ਦੇ ਉੱਪਰ ਝੂਠੇ ਪਰਚੇ ਦਰਜ ਕੀਤੇ ਗਏ ਸਨ, ਅਤੇ ਬਿਜਲੀ ਸੋਧ ਬਿੱਲ ਰੱਦ ਕਰਨ ਦਾ ਭਰੋਸਾ ਦਿੱਤਾ ਸੀ ਉਸ ਦੀ ਵਾਇਦਾ ਖਿਲਾਫੀ ਕੇਂਦਰ ਸਰਕਾਰ ਵੱਲੋਂ ਕੀਤੀ ਗਈ ਹੈ।
ਜਿਵੇਂ ਕਿ ਖੇਤੀਬਾੜੀ ਸੂਬਿਆਂ ਦਾ ਵਿਸ਼ਾ ਹੈ। ਕੇਰਲਾ ਸਰਕਾਰ ਨੇ 15 ਫਲਾਂ ਤੇ ਸਬਜ਼ੀਆਂ ਤੇ ਐਮਐਸਪੀ ਦਿੱਤੀ ਹੋਈ ਹੈ। ਇਸੇ ਤਰਜ ਤੇ ਦੇਸ਼ ਦੇ ਕਿਸਾਨ ਸਮੁੱਚੀ ਪੈਦਾਵਾਰ ਤੇ C2+50%ਫਾਰਮੂਲੇ ਤਹਿਤ ਐਮਐਸਪੀ ਅਤੇ ਖਰੀਦ ਦੀ ਗਰੰਟੀ ਦੀ ਮੰਗ ਕਰ ਰਹੇ ਸਨ। ਤਾਂ ਸੂਬਾ ਸਰਕਾਰਾਂ ਨੇ ਇਸ ਮਸਲੇ ਵੱਲ ਕੋਈ ਧਿਆਨ ਨਹੀਂ ਦਿੱਤਾ।ਉਲਟਾ ਕਾਰਪੋਰੇਟ ਦਾ ਬਿਜਲੀ ਖੇਤਰ ਤੇ ਕਬਜ਼ਾ ਕਰਾਉਣ ਲਈ ਪਿੰਡਾਂ ਤੇ ਸ਼ਹਿਰਾਂ ਵਿੱਚ ਲਗਾਤਾਰ ਪ੍ਰੀਪੇਡ ਚਿੱਪ ਵਾਲੇ ਮੀਟਰ ਲਾਏ ਜਾ ਰਹੇ।ਸਰਲ ਤੇ ਕਿਸਾਨ ਪੱਖੀ ਬੀਮਾ ਯੋਜਨਾ ਲਾਗੂ ਕਰਨ ਅਤੇ 60 ਸਾਲ ਤੋਂ ਉੱਪਰ ਕਿਸਾਨ ਮਰਦ ਔਰਤਾਂ ਨੂੰ 10 ਹਜ਼ਾਰ ਰੁਪਏ ਮਹੀਨਾ ਪੈਨਸ਼ਨ ਦਿੱਤੀ ਜਾਵੇ, ਪਰਾਲੀ ਪ੍ਰਦੂਸ਼ਣ ਦੀ ਰੋਕਥਾਮ ਲਈ ਜੁਰਮਾਨੇ ਅਤੇ ਪੁਲਿਸ ਕੇਸ ਦਰਜ ਕਰਨ ਦੀ ਥਾਂ ਕੌਮੀ ਗ੍ਰੀਨ ਟ੍ਰਿਬਿਊਨਲ ਦਾ ਫ਼ੈਸਲਾ ਲਾਗੂ ਕੀਤਾ ਜਾਵੇ , ਕਿਸਾਨਾਂ ਨੂੰ ਸੁਸਾਇਟੀਆ ਜਾਂ ਖਾਦ ਵਿਕਰੇਤਾ ਵੱਲੋਂ ਧੱਕੇ ਨਾਲ ਨੈਨੋ ਪੈਕਿੰਗ ਦੇਣ ਤੇ ਰੋਕ ਲਾਈ ਜਾਵੇ , ਕਾਰਪੋਰੇਟ ਘਰਾਣਿਆਂ ਵਾਂਗ ਕਿਸਾਨਾਂ ਸਿਰ ਚੜ੍ਹੇ ਕਰਜ਼ੇ ਤੇ ਲੀਕ ਮਾਰੀ ਜਾਵੇ, ਅੰਦੋਲਨ ਦੌਰਾਨ ਸ਼ਹੀਦ ਹੋਏ ਕਿਸਾਨਾਂ ਦੇ ਰਹਿ ਗਏ ਪਰਿਵਾਰਾਂ ਨੂੰ ਮੁਆਵਜ਼ਾ ਅਤੇ ਨੌਕਰੀ ਦਿੱਤੀ ਜਾਵੇ।
ਇਹਨਾਂ ਲੋਕ ਮਸਲਿਆਂ ਨੂੰ ਹੱਲ ਕਰਵਾਉਣ ਲਈ ਲੋਕਾਂ ਦੀ ਪਿੰਡ - ਪਿੰਡ ਜਾਕੇ ਲਾਮਬੰਦੀ ਕੀਤੀ ਜਾ ਰਹੀ ਹੈ। ਵੱਡੀ ਗਿਣਤੀ ਵਿੱਚ ਚੰਡੀਗੜ੍ਹ ਦੇ ਧਰਨੇ ਵਿੱਚ ਸ਼ਮੂਲੀਅਤ ਕੀਤੀ ਜਾਵੇਗੀ।

ਇਸ ਮੌਕੇ:-ਬਲਾਕ ਆਗੂ ਬਲਵਿੰਦਰ ਸਿੰਘ, ਜਗਦੇਵ ਸਿੰਘ, ਮਲਕੀਤ ਸਿੰਘ, ਗੁਰਜੰਟ ਸਿੰਘ, ਅਮਰਜੀਤ ਸਿੰਘ, ਜਗਰੂਪ ਸਿੰਘ, ਰੇਸ਼ਮ ਸਿੰਘ, ਜੋਗਿੰਦਰ ਸਿੰਘ ਛੋਟਾ ਘਰ, ਜਸਵੀਰ ਕੌਰ,ਪ੍ਰਦੀਪ ਕੌਰ, ਸੁਖਚੈਨ ਕੌਰ, ਸਿਮਰਨਜੀਤ ਕੌਰ, ਸੁਖਜੀਤ ਕੌਰ, ਨਰਿੰਦਰ ਕੌਰ, ਮਨਜੀਤ ਕੌਰ, ਵੀਰਪਾਲ ਕੌਰ, ਸੁਖਜੀਤ ਕੌਰ ਛੋਟਾ ਘਰ ਆਦਿ ਹਾਜ਼ਰ ਸਨ।

9888242133

21/11/2023

ਲੁਧਿਆਣਾ ਪੁਲਿਸ ਕਮਿਸ਼ਨਰ ਦਾ ਹੋਇਆ ਤਬਾਦਲਾ, ਕੁਲਦੀਪ ਚਾਹਲ ਬਣੇ ਲੁਧਿਆਣਾ ਦੇ ਨਵੇਂ ਪੁਲਿਸ ਕਮਿਸ਼ਨਰ

20/11/2023

ਵਿਵੇਕ ਸ਼ੀਲ ਸੋਨੀ ਹੋਣਗੇ ਜ਼ਿਲ੍ਹਾ ਮੋਗਾ ਦੇ ਨਵੇਂ ਐਸ.ਐਸ.ਪੀ, ਵਿਵੇਕ ਸ਼ੀਲ ਸੋਨੀ ਇਸ ਤੋਂ ਪਹਿਲਾ ਰੋਪੜ ਵਿੱਚ ਤੈਨਾਤ ਸਨ।

20/11/2023

20/11/2023

20/11/2023

26,27,28"ਚੰਡੀਗੜ੍ਹ" ਵੱਲ ਕੂਚ ਕਰਨ ਦੇ ਸਬੰਧ ਵਿੱਚ ਕਿਰਤੀ ਕਿਸਾਨ ਯੂਨੀਅਨ ਦੀ ਹੋਈ ਮੀਟਿੰਗ÷
ਬਾਘਾਪੁਰਾਣਾ ( ਸੰਜੀਵ ਧਮੀਜਾ ) ਕਿਰਤੀ ਕਿਸਾਨ ਯੂਨੀਅਨ ਬਲਾਕ ਬਾਘਾਪੁਰਾਣਾ ਦੀ ਵਿਸਥਾਰੀ ਮੀਟਿੰਗ ਅੱਜ ਬਲਾਕ ਆਗੂ ਸਰਬਪਰੀਤ ਸਿੰਘ ਦੀ ਅਗਵਾਈ ਹੇਠ ਪਿੰਡ ਰਾਜਿਆਣਾ ਵਿੱਖੇ ਕੀਤੀ ਗਈ। ਇਸ ਮੀਟਿੰਗ ਦੇ ਸਬੰਧ ਵਿੱਚ ਬਲਾਕ ਪ੍ਰੈੱਸ ਸਕੱਤਰ ਜਸਮੇਲ ਸਿੰਘ ਰਾਜਿਆਣਾ ਨੇ ਦੱਸਿਆ ਕਿ ਅੱਜ ਦੀ ਮੀਟਿੰਗ 26,27,28 ਨਵੰਬਰ ਨੂੰ ਸੰਯੁਕਤ ਮੋਰਚੇ ਦੇ ਸੱਦੇ ਤਹਿਤ "ਚੰਡੀਗੜ੍ਹ ਚੱਲੋ" ਦੇ ਪ੍ਰੋਗਰਾਮ ਤਹਿਤ ਹੋਈ ਹੈ। ਇਸ ਮੌਕੇ ਜਿਲ੍ਹਾ ਸਕੱਤਰ ਚਮਕੌਰ ਸਿੰਘ ਰੋਡੇਖੁਰਦ ਅਤੇ ਬਲਾਕ ਪ੍ਰਧਾਨ ਅਜਮੇਰ ਸਿੰਘ ਛੋਟਾਘਰ ਨੇ ਮੀਟਿੰਗ ਵਿੱਚ ਹਾਜ਼ਰ ਵਰਕਰਾਂ ਨੂੰ ਸੰਬੋਧਨ ਕਰਦਿਆ ਆਖਿਆ ਕਿ ਜੋ ਸੰਯੁਕਤ ਕਿਸਾਨ ਮੋਰਚੇ ਵਲੋਂ ਉਲੀਕਿਆ ਗਿਆ ਪ੍ਰੋਗਰਾਮ ਪੂਰੇ ਦੇਸ਼ ਦੀਆਂ ਸਾਰੀਆ ਰਾਜਧਾਨੀਆਂ ਵਿੱਚ 26,27,28 ਨਵੰਬਰ ਨੂੰ ਧਰਨੇ ਲਗਾਏ ਜਾ ਰਹੇ ਹਨ, ਅਤੇ ਪੰਜਾਬ ਵਿੱਚ 26 ਤੋਂ 28 ਨਵੰਬਰ ਤੱਕ ਚੰਡੀਗੜ੍ਹ ਵਿੱਚ ਧਰਨਾ ਲਗਾਇਆ ਜਾਵੇਗਾ। ਦਿੱਲੀ ਵਿੱਚ ਚੱਲੇ ਤੇਰਾਂ ਮਹੀਨੇ ਕਿਸਾਨ ਅੰਦੋਲਨ ਦੀ ਸਮਾਪਤੀ ਦੌਰਾਨ ਕੇਂਦਰ ਸਰਕਾਰ ਨੇ ਰਹਿੰਦੀਆਂ ਮੰਗਾਂ ਨੂੰ ਲੈਕੇ ਵਾਅਦਾ ਕੀਤਾ ਸੀ, ਕਿ ਸੰਯੁਕਤ ਮੋਰਚੇ ਵਲੋਂ ਰੱਖੀਆਂ ਗਈਆ ਸਾਰੀਆ ਮੰਗਾਂ ਪੂਰੀਆ ਕੀਤੀਆ ਜਾਣਗੀਆ, ਪ੍ਰੰਤੂ ਭਾਜਪਾ ਦੀ ਕੇਂਦਰ ਸਰਕਾਰ ਨੇ ਮੋਰਚੇ ਅਤੇ ਕਿਸਾਨਾਂ ਨਾਲ ਵਾਅਦਾ ਖਿਲਾਫੀ ਕੀਤੀ ਹੈ,ਜਿਸਦੇ ਤਹਿਤ ਇਹ ਅੰਦੋਲਨ ਦੁਬਾਰਾ ਰਾਜਧਾਨੀਆਂ ਤੋਂ ਸੁਰੂ ਕੀਤਾ ਜਾ ਰਿਹਾ ਹੈ। ਇਸੇ ਤਰਾਂ ਪੰਜਾਬ ਸਰਕਾਰ ਵਿੱਚ ਆਮ ਆਦਮੀ ਪਾਰਟੀ ਨੇ ਵੀ ਕਿਸਾਨ ਅੰਦੋਲਨ ਦੀ ਆੜ੍ਹ ਲੈਕੇ, ਕਿਸਾਨਾਂ,ਮੁਲਾਜ਼ਮਾ ਨੌਜਵਾਨ ਵਰਗ ਦੀਆਂ ਵੋਟਾਂ ਲੈਕੇ ਆਪਣੀ ਸਰਕਾਰ ਬਣਾਈ ਤੇ ਸੱਤਾ ਤੇ ਕਾਬਜ ਹੋਈ,ਤੇ ਵਾਅਦਿਆ ਤੋਂ ਮੁਕਰਨ ਹੋਈ। ਇਸ ਲਈ 26,27,28 ਨੂੰ ਚੰਡੀਗੜ੍ਹ ਵਿੱਚ ਧਰਨਾ ਲੱਗੇਗਾ।ਸੰਯੁਕਤ ਮੋਰਚੇ ਦੀਆਂ ਮੰਗਾਂ ਜਿਵੇਂ ਐਮ ਐਸ ਪੀ ਕਨੂੰਨ ਬਣਾਉਣ, C2+50% ਅਨੁਸਾਰ ਭਾਅ ਲੈਣ ਲਈ, ਅੰਦੋਲਨ ਦੌਰਾਨ ਕਿਸਾਨਾਂ ਅਤੇ ਕਿਸਾਨ ਆਗੂਆ ਉੱਪਰ ਕੀਤੇ ਪਰਚੇ ਰੱਦ ਕਰਵਾਉਣ ਲਈ, ਲਖੀਮਪੁਰ ਖੀਰੀ ਦੇ ਸਹੀਦ ਹੋਏ ਕਿਸਾਨਾਂ ਨੂੰ ਮੁਆਵਜ਼ਾ ਅਤੇ ਇਨਸਾਫ ਦਿਵਾਉਣ ਲਈ, ਸਰਲ ਤੇ ਕਿਸਾਨ ਪੱਖੀ ਬੀਮਾ ਯੋਜਨਾ ਲਾਗੂ ਕਰਵਾਉਣ ਲਈ, 60 ਸਾਲ ਤੋਂ ਉੱਪਰ ਕਿਸਾਨ ਮਰਦ-ਔਰਤਾਂ ਨੂੰ 10 ਹਜਾਰ ਰੁਪਏ ਪੈਨਸ਼ਨ ਲਗਵਾਉਣ ਲਈ, ਨਿਊਜ਼ਕਲਿੱਕ ਖਿਲਾਫ ਦਰਜ ਐਫ.ਆਈ.ਆਰ ਰੱਦ ਕਰਵਾਉਣ ਲਈ, ਕਿਸਾਨ ਅੰਦੋਲਨ ਨੂੰ ਦੇਸ਼ ਵਿਰੋਧੀ, ਸਮਾਜ ਵਿਰੋਧੀ,ਆਖ ਕੇ ਬਦਨਾਮ ਕਰਨਾ ਬੰਦ ਕਰਵਾਉਣ ਲਈ, ਖੇਤੀ ਨੂੰ ਕਾਰਪੋਰੇਟ ਦੇ ਹਵਾਲੇ ਕਰਨ ਦੇ ਸਾਰੇ ਨੀਤੀਗਤ ਫੈਸਲੇ ਰੱਦ ਕਰਵਾਉਣ ਨਿੱਜੀਕਰਨ ਬੰਦ ਕਰਨ ਤੇ ਪਬਲਿਕ ਸੈਕਟਰ ਬਹਾਲ ਕਰਵਾਉਣ ਲਈ, ਪ੍ਰੀਪੇਡ ਮੀਟਰ ਲਗਾਉਣੇ ਬੰਦ ਕਰਵਾਉਣ ਲਈ, ਪਰਾਲੀ ਦੀ ਸਾਂਭ-ਸੰਭਾਲ ਦੇ ਸਰਕਾਰ ਵਲੋਂ ਢੁੱਕਵੇਂ ਪ੍ਰਬੰਧ ਨਾ ਕਰਨ ਤੇ, ਪਰਾਲੀ ਸਾੜਨ ਵਾਲੇ ਕਿਸਾਨਾਂ ਤੇ ਕੀਤੇ ਗਏ ਪਰਚੇ ਰੱਦ ਕਰਵਾਉਣ ਲਈ ਆਦਿ ਮੰਗਾਂ ਨੂੰ ਲੈਕੇ ਚੰਡੀਗੜ੍ਹ ਵਿੱਚ ਅੰਦੋਲਨ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਆਗੂਆ ਨੇ ਆਖਿਆ ਕਿ ਚੰਡੀਗੜ੍ਹ ਵੱਲ 25 ਨਵੰਬਰ ਨੂੰ ਹੀ ਕੂਚ ਕੀਤਾ ਜਾਵੇਗਾ, ਜਿਸ ਵਿੱਚ ਬਲਾਕ ਬਾਘਾਪੁਰਾਣਾ ਤੋਂ ਕਿਸਾਨ, ਔਰਤਾਂ, ਨੌਜਵਾਨ ਅਤੇ ਹੋਰ ਵਰਗ ਦੇ ਲੋਕ ਵੱਡੀ ਗਿਣਤੀ ਵਿੱਚ ਸਮੂਲੀਅਤ ਕਰਨਗੇ, ਜੇਕਰ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਨੇ ਸੰਯੁਕਤ ਮੋਰਚੇ ਵਲੋਂ ਰੱਖੀਆਂ ਮੰਗਾਂ ਜਲਦ ਨਾ ਪੂਰੀਆ ਕੀਤੀਆਂ ਤਾਂ ਇਹ ਅੰਦੋਲਨ ਦਿੱਲੀ ਅੰਦੋਲਨ ਵਾਂਗ ਲੰਬਾ ਵੀ ਚੱਲ ਸਕਦਾ ਹੈ।ਇਸ ਦੌਰਾਨ ਔਰਤ ਵਿੰਗ ਦੇ ਜਿਲ੍ਹਾ ਕਨਵੀਨਰ ਛਿੰਦਰਪਾਲ ਕੌਰ,ਜਿਲ੍ਹਾ ਸਕੱਤਰ ਚਮਕੌਰ ਸਿੰਘ ਰੋਡੇਖੁਰਦ, ਬਲਾਕ ਪ੍ਰਧਾਨ ਅਜਮੇਰ ਸਿੰਘ ਛੋਟਾਘਰ ਸਕੱਤਰ ਜਸਮੇਲ ਸਿੰਘ,ਖਜ਼ਾਨਚੀ ਜਗਵਿੰਦਰ ਕੌਰ ਰਾਜਿਆਣਾ,ਮੀਤ ਪ੍ਰਧਾਨ ਮੋਹਲਾ ਸਿੰਘ, ਲਖਵੀਰ ਸਿੰਘ ਰੋਡੇ,ਬਲਵਿੰਦਰ ਸਿੰਘ ਛੋਟਾਘਰ, ਨਿਰਮਲ ਸਿੰਘ ਨੱਥੂਵਾਲਾ, ਹਰਜਿੰਦਰ ਸਿੰਘ ਵੈਰੋਕੇ,ਸਰਬਪਰੀਤ ਵਿੱਕੀ,ਜਗਰੂਪ ਸਿੰਘ ਲੰਗੇਆਣਾ,ਅਮਰਜੀਤ ਸਿੰਘ ਹਰੀਏਵਾਲਾ,ਅੰਗਰੇਜ ਸਿੰਘ ,ਹਰਪ੍ਰੀਤ ਸਿੰਘ ਕੋਟਲਾ,ਰਾਜਿਆਣਾ ਇਕਾਈ ਪ੍ਰਧਾਨ ਬੂਟਾ ਸਿੰਘ, ਕੁਲਵੰਤ ਸਿੰਘ, ਆਦਿ ਆਗੂ ਹਾਜ਼ਰ ਸਨ।

17/11/2023

ਪੋਸਤ ਡੋਡੇ ਖਾਣ ਵਾਲਿਆਂ ਲਈ ਬਾਬਾ ਗੁਰਵਿੰਦਰ ਸਿੰਘ ਖੇੜੀ ਵਾਲੇ ਨੇ ਦਿੱਤਾ ਵੱਡਾ ਬਿਆਨ। ਸਾਡੇ ਚੈਨਲ ਨੂੰ ਵੱਧ ਤੋਂ ਵੱਧ follow ਕਰੋ ਤੇ ਸ਼ੇਅਰ ਵੀ ਕਰੋ।

17/11/2023

ਸ਼ੋਕ ਸਮਾਚਾਰ

17/11/2023

14/11/2023

ਬਾਘਾ ਪੁਰਾਣਾ ਦੇ ਮੇਨ ਬਜਾਰ ਵਿੱਚ ਪਰਾਲੀ ਦੀ ਟਰਾਲੀ ਨੂੰ ਲੱਗੀ ਭਿਅੰਕਰ ਅੱਗ,ਕਈ ਘੰਟੇ ਮੋਗਾ-ਅਬੋਹਰ ਹਾਈਵੇ ਰੋਡ ਰਿਹਾ ਪ੍ਰਭਾਵਿਤ।

06/11/2023

ਨਿਊਜਕਲਿੱਕ ਮਾਮਲਾ
-ਅਣਐਲਾਨੀ ਐਮਰਜੈਂਸੀ -ਭਾਜਪਾ ਦੇ ਖ਼ਤਰਨਾਕ ਇਰਾਦੇ ਜੱਗ-ਜਾਹਰ -ਸੰਯੁਕਤ ਕਿਸਾਨ ਮੋਰਚੇ ਸੱਦੇ ਤਹਿਤ ਅੱਜ ਕਿਰਤੀ ਕਿਸਾਨ ਯੂਨੀਅਨ ਬਲਾਕ ਬਾਘਾਪੁਰਾਣਾ ਨੇ ਨਿਊਜ਼ਕਲਿੱਕ ਦੀਆਂ ਸਾੜੀਆ ਕਾਪੀਆਂ ਬਾਘਾਪੁਰਾਣਾ,6 ਨਵੰਬਰ(ਰਾਜਿੰਦਰ ਸਿੰਘ ਕੋਟਲਾ)-ਸੰਯੁਕਤ ਕਿਸਾਨ ਮੋਰਚੇ ਵਲੋਂ ਦਿੱਤੇ ਗਏ ਪ੍ਰੋਗਰਾਮ ਤਹਿਤ ਅੱਜ ਕਿਰਤੀ ਕਿਸਾਨ ਯੂਨੀਅਨ ਬਲਾਕ ਬਾਘਾਪੁਰਾਣਾ ਨੇ ਬਾਘਾਪੁਰਾਣਾ ਦੇ ਮੇਨ ਚੌਕ ਵਿੱਚ ਨਿਊਜ਼ਕਲਿੱਕ ਦੀਆਂ ਕਾਪੀਆ ਸਾੜੀਆਂ,ਬਲਾਕ ਪ੍ਰੈੱਸ ਸਕੱਤਰ ਜਸਮੇਲ ਸਿੰਘ ਰਾਜਿਆਣਾ ਨੇ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਦਿੱਲੀ ਪੁਲੀਸ ਦੇ ਸਪੈਸ਼ਲ ਸੈੱਲ ਨੇ ਬੀਤੀ 3 ਅਕਤੂਬਰ ਨੂੰ ਨਵੀਂ ਦਿੱਲੀ ਸਥਿਤ ਨਿਊਜਕਲਿੱਕ ਸਟੂਡੀਓ ਪ੍ਰਾਈਵੇਟ ਲਿਮਟਿਡ ਦੇ ਦਫ਼ਤਰ ਸਮੇਤ 50 ਪੱਤਰਕਾਰਾਂ ਉੱਪਰ ਛਾਪੇਮਾਰੀ ਕਰਕੇ ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ। ਸਵੇਰੇ ਤੜਕਸਾਰ ਹੋਈ ਇਸ ਛਾਪੇਮਾਰੀ ਵਿੱਚ ਨਿਊਜਕਲਿੱਕ ਦੇ ਸੰਪਾਦਕ ਪ੍ਰਾਬੀਰ ਪੁਰਕਾਸਥਾ ਅਤੇ ਪ੍ਰਬੰਧਕ ਅਮਿਤ ਚੱਕਰਵਰਤੀ ਤੋਂ ਇਲਾਵਾ 37 ਮਰਦ ਪੱਤਰਕਾਰਾਂ ਅਤੇ ਐਂਕਰਾਂ ਨੂੰ ਸਪੈਸ਼ਲ ਸੈੱਲ ਨੇ ਹਿਰਾਸਤ ਵਿੱਚ ਲੈ ਕੇ ਆਪਣੇ ਦਫ਼ਤਰ ਵਿਖੇ ਲਿਜਾ ਕੇ ਪੁੱਛਗਿੱਛ ਕੀਤੀ ਜਦੋਂਕਿ 9 ਔਰਤ ਪੱਤਰਕਾਰਾਂ ਨੂੰ ਉਨ੍ਹਾਂ ਦੇ ਘਰਾਂ ਦੇ ਅੰਦਰ ਰੋਕ ਕੇ ਸਵਾਲ-ਜਵਾਬ ਕੀਤੇ। ਇਸ ਘਟਨਾਕ੍ਰਮ ਦੌਰਾਨ ਸਾਰਿਆਂ ਦੇ ਕੋਲੋਂ ਕੁੱਝ ਦਸਤਾਵੇਜ, ਇਲੈਕਟਰੌਨਿਕ ਉਪਕਰਨ ਜਿਵੇਂ ਲੈਪਟਾਪ ਅਤੇ ਮੋਬਾਈਲ ਫੋਨ ਆਦਿ ਜਬਤ ਕੀਤੇ ਗਏ। ਇਸ ਸਬੰਧੀ ਕੋਈ ਸੂਚੀ ਤਿਆਰ ਨਹੀਂ ਕੀਤੀ ਗਈ। ਫੜੇ ਗਏ ਵਿਅਕਤੀਆਂ ਨੂੰ ਨਾ ਤਾਂ ਕੋਈ ਐਫ.ਆਈ.ਆਰ. ਦਿਖਾਈ ਗਈ, ਨਾ ਹੀ ਕੋਈ ਵਾਰੰਟ ਜਾਂ ਕੋਈ ਹੋਰ ਦਸਤਾਵੇਜ ਜਾਂ ਹੁਕਮ ਦਿਖਾਇਆ ਗਿਆ। ਰਾਤ ਸਾਢੇ ਅੱਠ ਵਜੇ ਤੱਕ ਪ੍ਰਾਬੀਰ ਪੁਰਕਾਸਥਾ ਅਤੇ ਅਮਿਤ ਚੱਕਰਵਰਤੀ, ਦੋ ਜਣਿਆਂ ਤੋਂ ਇਲਾਵਾ ਬਾਕੀਆਂ ਨੂੰ ਛੱਡ ਦਿੱਤਾ ਗਿਆ। ਇਸ ਲਈ ਭਾਜਪਾ ਦੇ ਖਤਰਨਾਕ ਇਰਾਦੇ ਜੱਗ ਜਾਹਰ ਹੋ ਗਏ ਹਨ, ਭਾਜਪਾ ਸਰਕਾਰ ਲਗਾਤਾਰ ਨਿਊਜ਼ਕਲਿੱਕ ਨੂੰ ਨਿਸ਼ਾਨਾ ਬਣਾ ਰਹੀ ਹੈ, ਜਿਸਦੀ ਅਸੀਂ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕਰਦੇ ਹਾਂ।ਅੱਜ ਦੇ ਨਿਊਜ਼ਕਲਿੱਕ ਦੀਆਂ ਕਾਪੀਆ ਸਾੜਨ ਦੇ ਪ੍ਰੋਗਰਾਮ ਵਿੱਚ ਔਰਤ ਵਿੰਗ ਦੇ ਆਗੂ ਜਗਵਿੰਦਰ ਕੌਰ,ਮਨਜੀਤ ਕੌਰ,ਬੂਟਾ ਸਿੰਘ, ਕੁਲਵੰਤ ਸਿੰਘ, ਹਰਮਨ ਸਿੰਘ ਰਾਜਿਆਣਾ, ਨਿਰਮਲ ਸਿੰਘ,ਬਲਜੀਤ ਕੌਰ ਨੱਥੂਵਾਲਾ,ਰਤਨ ਸਿੰਘ ਲੰਡੇ,ਸੁਰਜੀਤ ਸਿੰਘ ਨੰਬਰਦਾਰ, ਲਛਮਣ ਸਿੰਘ,ਮਲਕੀਤ ਸਿੰਘ, ਗੁਰਸੇਵਕ ਸਿੰਘ ਵੈਰੋਕੇ ਆਦਿ ਆਗੂ ਸ਼ਾਮਲ ਸਨ। ਪ੍ਰੈਸ ਕਲੱਬ ਆਫ ਇੰਡੀਆ ਸਮੇਤ ਦੇਸ਼ ਭਰ ਦੀਆਂ ਮੀਡੀਆ ਜੱਥੇਬੰਦੀਆਂ ਨੇ ਇਸ ਛਾਪੇਮਾਰੀ ਵਿਰੁੱਧ ਜੋਰਦਾਰ ਆਵਾਜ਼ ਬੁਲੰਦ ਕੀਤੀ ਹੈ। ਵਿਰੋਧੀ ਸਿਆਸੀ ਪਾਰਟੀਆਂ, ਜਨਤਕ ਜਮਹੂਰੀ ਜੱਥੇਬੰਦੀਆਂ ਨੇ ਇਸ ਵਿਰੁੱਧ ਪ੍ਰਦਰਸ਼ਨ ਕਰਦੇ ਹੋਏ ਇਸਨੂੰ ਵਿਚਾਰਾਂ ਅਤੇ ਪ੍ਰੈਸ ਦੀ ਆਜ਼ਾਦੀ ਉੱਪਰ ਹਮਲਾ ਕਰਾਰ ਦਿੱਤਾ ਹੈ।

06/11/2023

-ਬੀਕੇਯੂ ਕਰਾਂਤੀਕਾਰੀ ਨੇ ਨੇਚਰ ਪਾਰਕ ਮੋਗਾ ਕੀਤੀ ਰੋਸ ਰੈਲੀ
ਮੋਗਾ,6 ਨਵੰਬਰ(ਰਾਜਿੰਦਰ ਸਿੰਘ ਕੋਟਲਾ)-ਭਾਰਤੀ ਕਿਸਾਨ ਯੂਨੀਅਨ ਕਰਾਂਤੀਕਾਰੀ ਦੇ ਬਲਾਕ ਸਕੱਤਰ ਅਮਨਾ ਲੰਬੜਦਾਰ ਅਤੇ ਔਰਤ ਆਗੂ ਰਾਣੀ ਮਾਹਲਾ ਨੇ ਪੈ੍ਸ ਬਿਆਨ ਜਾਰੀ ਕਰਕੇ ਦੱਸਿਆ ਕਿ ਅੱਜ ਸੰਯੁਕਤ ਕਿਸਾਨ ਮੋਰਚਾ ਦੇ ਭਾਰਤ ਪੱਧਰੇ ਸੱਦੇ ਤੇ ਨੇਚਰ ਪਾਰਕ ਮੋਗਾ ਵਿਖੇ ਰੋਸ ਰੈਲੀ ਕਰਕੇ ਨਿਊਜ਼ ਕਲਿੱਕ ਦਿੱਲੀ ਤੇ ਯੂ ਏ ਪੀ ਏ ਤਹਿਤ ਮਨਘੜਤ ਕੀਤੀ ਐਫ ਆਈ ਆਰ ਦੀਆਂ ਕਾਪੀਆਂ ਸਾੜੀਆਂ ਗਈਆਂ। ਭਾਰਤੀ ਕਿਸਾਨ ਯੂਨੀਅਨ ਕਰਾਂਤੀਕਾਰੀ ਦੀ ਸੂਬਾ ਕਮੇਟੀ ਨੇ ਦਿੱਲੀ ਕਤਲਿਆਮ ਅਤੇ ਗਾਜਾ ਪੱਟੀ ਤੇ ਕੀਤੇ ਸਾਮਰਾਜੀ ਫੌਜੀ ਹਮਲੇ ਦਾ ਵਿਰੋਧ ਕਰਨ ਦਾ ਵੀ ਸੱਦਾ ਦਿੱਤਾ ਸੀ।ਜਿਲਾ ਪ੍ਧਾਨ ਲਾਭ ਸਿੰਘ ਰੋਡੇ ਨੇ ਬੋਲਦਿਆਂ ਕਿਹਾ ਕਿ ਦਿੱਲੀ ਅੰਦੋਲਨ ਨੂੰ ਦੁਨੀਆਂ ਪੱਧਰ ਤੇ ਉਭਾਰਨ ਵਾਲੇ ਨਿਊਜ਼ ਕਲਿੱਕ ਤੇ ਇਨਸਪੈਕਟਰ ਪਰਵੀਨ ਰਾਹੀਂ ਮੋਦੀ ਫਾਸ਼ੀਵਾਦੀ ਸਰਕਾਰ ਨੇ ਧਾਰਾ 153 ਏ, 120ਬੀ ਅਤੇ ਯੂ ਏ ਪੀ ਏ ਤਹਿਤ ਨਿਊਜ਼ ਕਲਿੱਕ ਨਾਲ ਜੁੜੇ ਬੁਧੀਜੀਵੀਆਂ ਤੇ ਬਿਦੇਸ਼ੀ ਫੰਡਿੰਗ ਦੇ ਦੋਸ਼ ਤਹਿਤ ਕੇਸ ਦਰਜ ਕੀਤਾ ਹੈ। ਉਨ੍ਹਾਂ ਨੂੰ ਦਿੱਲੀ ਅੰਦੋਲਨ ਦੀ ਕੀਤੀ ਮੱਦਦ ਦੀ ਸਜਾ ਦਿੱਤੀ ਜਾ ਰਹੀ ਹੈ। ਰੈਲੀ ਨੇ ਮੰਗ ਕੀਤੀ ਕਿ ਫਰਜੀ ਐਫ ਆਈ ਆਰ ਖਾਰਜ ਕੀਤੀ ਜਾਵੇ। ਬਲਾਕ ਪ੍ਧਾਨ ਜਗਮੋਹਨ ਸਿੰਘ ਕੰਗ ਨੇ 39 ਸਾਲ ਪਹਿਲਾਂ ਇੰਦਰਾ ਗਾਂਧੀ ਦੀ ਮੌਤ ਪਿਛੋਂ ਹਜਾਰਾਂ ਸਿੱਖਾਂ ਦਾ ਜਾਨੀ ਤੇ ਮਾਲੀ ਨੁਕਸਾਨ ਕੀਤਾ ਗਿਆ । ਕਤਲਿਆਮ ਵਿੱਚ ਮੋਹਰੀ ਰੋਲ ਨਿਭਾਉਣ ਵਾਲੇ ਜਗਦੀਸ਼ ਟਾਇਟਲਜ਼ ਅਤੇ ਕੇ ਐਲ ਭਗਤ ਵਰਗਿਆਂ ਨੂੰ ਵਜੀਰੀਆਂ ਬਖਸ਼ੀਆਂ । ਬੀ ਜੇ ਪੀ ਨੇ ਵੀ ਆਪਣੇ ਰਾਜ ਸਮੇ ਕਿਸੇ ਨੂੰ ਕੋਈ ਸਜਾ ਨਹੀਂ ਦਿੱਤੀ। ਪੀੜਤ ਸਿੱਖ ਕੋਰਟਾਂ ਵਿੱਚ ਹੁਣ ਤੱਕ ਰੁਲ ਰਹੇ ਹਨ। ਫਾਸ਼ੀਵਾਦੀ ਮੋਦੀ ਸਰਕਾਰ ਧਾਰਮਿਕ ਘੱਟ ਗਿਣਤੀਆਂ (ਸਿੱਖਾਂ, ਮੁਸਲਮਾਨਾਂ, ਇਸਾਈਆਂ), ਆਦਿ ਵਾਸੀਆਂ,ਦਲਿੱਤਾਂ ਔਰਤਾਂ ਨਾਲ ਅੱਜ ਵੀ ਪੂਰਾ ਵੈਰ ਰੱਖ ਰਹੀ ਹੈ। ਭਾਰਤੀ ਕਿਸਾਨ ਯੂਨੀਅਨ ਕਰਾਂਤੀਕਾਰੀ ਦੇ ਸੂਬਾ ਮੀਤ ਪ੍ਰਧਾਨ ਗੁਰਦੀਪ ਵੈਰੋਕੇ ਨੇ ਪੀੜਤ ਲੋਕਾਂ ਲਈ ਇਨਸਾਫ਼ ਦੀ ਮੰਗ ਕੀਤੀ ਹੈ। ਬਾਘਾਪੁਰਾਣਾ ਬਲਾਕ ਦੇ ਆਗੂ ਜਗਤਾਰ ਸਿੰਘ ਮਾਹਲਾ ਅਤੇ ਜੋਰਾ ਸਿੰਘ ਫੌਜੀ ਨੇ ਕਿਹਾ ਕਿ ਅਮਰੀਕਾ ਸਾਮਰਾਜ ਨੇ ਆਪਣੇ ਜਮਾ ਹਥਿਆਰ ਵੇਚਣ ਅਤੇ ਤੇਲ ਤੇ ਕਬਜਾ ਕਰਨ ਲਈ ਫਲਸਤੀਨ ਨੂੰ ਉਜਾੜ ਕੇ ਇਜਰਾਇਲ ਮੁਲਕ ਬਣਾਇਆ। ਹੁਣ ਇਜਰਾਇਲ ਤੋਂ ਇੱਕ ਕੋਨੇ ਗਾਜਾ ਪੱਟੀ ਤੇ ਪੱਕੇ ਫਲਸਤੀਨੀਆਂ ਤੇ ਅਮਰੀਕਾ ਨੇ ਹਮਲਾ ਕਰਾਕੇ ਫਲਸਤੀਨੀ ਕੌਮ ਖਤਮ ਕਰਨ ਦਾ ਨਾਕਾਮ ਯਤਨ ਕਰ ਰਿਹਾ ਹੈ। ਪਰ ਇਹ ਕੌਮ ਦੱਬੀਆਂ ਕੁਚਲੀਆਂ ਕੌਮਾਂ ਦੀ ਮੱਦਦ ਨਾਲ ਸਾਮਰਾਜ ਨੂੰ ਹਰਾਕੇ ਜਰੂਰ ਆਜਾਦੀ ਪਾ੍ਪਤ ਕਰੇਗੀ। ਜੰਗ ਬੰਦ ਕਰਨ ਅਤੇ ਫਲਸਤੀਨੀ ਕੌਮ ਨੂੰ ਆਜ਼ਾਦੀ ਦਿਓ,ਨਿਊਜ ਕਲਿੱਕ ਦੇ ਪੱਤਰਕਾਰਾਂ ਤੇ ਪੁਲਸ ਕੇਸ ਖਾਰਜ ਕਰੋ ਦਿੱਲੀ ਕਤਲਿਆਮ ਦੇ ਪੀੜਤ ਪਰਿਵਾਰਾਂ ਨੂੰ ਇਨਸਾਫ਼ ਦਿਓ ਆਦਿ ਨਾਹਰੇ ਮਾਰਕੇ ਰੈਲੀ ਖਤਮ ਕੀਤੀ ਗਈ।

03/11/2023

-1984 ਦੀ ਸਿੱਖ ਨਸਲਕੁਸ਼ੀ ਦੇ ਦੋਸ਼ੀਆਂ ਨੂੰ ਸਜਾਵਾਂ ਦਿਵਾਉਣ ਲਈ ਕਿਰਤੀ ਕਿਸਾਨ ਯੂਨੀਅਨ ਨੇ ਕੀਤਾ ਵਿਸਾਲ ਰੋਸ ਮੁਜਾਹਰਾ
ਮੋਗਾ, 3 ਅਕਤੂਬਰ,(ਰਾਜਿੰਦਰ ਸਿੰਘ ਕੋਟਲਾ)- ਅੱਜ ਕਿਰਤੀ ਕਿਸਾਨ ਯੂਨੀਅਨ ਦੇ ਸੱਦੇ 'ਤੇ ਭਰਾਤਰੀ ਜਥੇਬੰਦੀਆਂ ਪੇਂਡੂ ਮਜ਼ਦੂਰ ਯੂਨੀਅਨ, ਨੌਜਵਾਨ ਭਾਰਤ ਸਭਾ ਤੇ ਪੰਜਾਬ ਸਟੂਡੈਂਟਸ ਯੂਨੀਅਨ ਨਾਲ ਮਿਲ ਕੇ 3 ਨਵੰਬਰ 1984 ਦੀ ਸਿੱਖ ਨਸਲਕੁਸ਼ੀ ਦੇ ਦੋਸ਼ੀਆਂ ਸੱਜਣ ਕੁਮਾਰ, ਜਗਦੀਸ਼ ਟਾਈਟਲਰ ਸਮੇਤ ਸਾਰੇ ਦੋਸ਼ੀਆਂ ਨੂੰ ਸਖਤ ਸਜਾਵਾਂ ਦੇਣ, ਜੇਲਾਂ 'ਚ ਬੰਦ ਸਿੱਖ ਕੈਦੀਆਂ, ਬੁੱਧੀਜੀਵੀਆਂ, ਲੇਖਕਾਂ, ਪੱਤਰਕਾਰਾਂ ਨੂੰ ਰਿਹਾਅ ਕਰਾਉਣ ਲਈ ਅੱਜ ਮੋਗਾ ਸ਼ਹਿਰ ਵਿੱਚ ਰੋਸ ਰੈਲੀ ਕਰਨ ਉਪਰੰਤ ਰੋਸ ਮੁਜਾਹਰਾ ਕੀਤਾ ਗਿਆ। ਕਿਰਤੀ ਕਿਸਾਨ ਯੂਨੀਅਨ ਦੇ ਸੂਬਾ ਆਗੂ ਚਮਕੌਰ ਸਿੰਘ ਰੋਡੇ, ਜਿਲਾ ਪ੍ਰਧਾਨ ਪ੍ਰਗਟ ਸਿੰਘ ਸਾਫੂਵਾਲਾ, ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਸੂਬਾ ਆਗੂ ਮੰਗਾ ਸਿੰਘ ਵੈਰੋਕੇ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ 3 1984 ਨੂੰ ਜੋ ਕੁਝ ਦਿੱਲੀ ਤੇ ਸਿੱਖ ਆਬਾਦੀ ਵਾਲੇ ਆਸ ਪਾਸ ਇਲਾਕੇ 'ਚ ਵਾਪਰਿਆ ਉਹ ਕੋਈ ਦੰਗੇ ਨਹੀਂ ਬਲਕਿ ਮਿੱਥ ਕੇ ਕਾਂਗਰਸ ਪਾਰਟੀ ਵੱਲੋਂ ਕੀਤੀ ਗਈ ਸਿੱਖ ਨਸਲਕੁਸ਼ੀ ਸੀ। ਜਿਸ ਦੇ ਦੋਸ਼ੀ ਸੱਜਣ ਕੁਮਾਰ, ਜਗਦੀਸ਼ ਟਾਈਟਲਰ ਵਰਗਿਆਂ ਨੇ ਖੁਦ ਫਿਰਕੂ ਭੀੜ ਦੀ ਅਗਵਾਈ ਕੀਤੀ, ਭੀੜ ਨੂੰ ਹਥਿਆਰ ਦੇ ਉਕਸਾ ਕੇ ਸਿੱਖਾਂ ਦਾ ਕਤਲ ਕਰਵਾਇਆ ਗਿਆ। ਖੁਦ ਸਰਕਾਰ ਦੀਆਂ ਇਪੋਰਟਾਂ ਵਿੱਚ ਇਸ ਗੱਲ ਦਾ ਨਿਰਣਾ ਹੋ ਚੁੱਕਾ ਹੈ। ਪਰ ਘੱਟ ਗਿਣਤੀਆਂ ਵਿਰੋਧ ਭਾਰਤੀ ਨਿਜਾਮ ਨੇ ਪਹਿਲਾਂ ਖੁਦ ਸਿੱਖ ਮਾਰੇ ਤੇ ਅੱਜ 40 ਸਾਲ ਬੀਤ ਜਾਣ 'ਤੇ ਵੀ ਅਦਾਲਤਾਂ ਕੋਲ ਇਨਸਾਫ ਲਈ ਦਰ ਦਰ ਦੀਆਂ ਠੋਕਰਾਂ ਖਾਣ ਲਈ ਮਜਬੂਰ ਹਨ। ਨੌਜਵਾਨ ਭਾਰਤ ਸਭਾ ਦੇ ਸੂਬਾ ਮੀਤ ਪ੍ਰਧਾਨ ਕਰਮਜੀਤ ਮਾਣੂੰਕੇ, ਪੰਜਾਬ ਸਟੂਡੈਂਟਸ ਯੂਨੀਅਨ ਦੇ ਜਿਲਾ ਆਗੂ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ 1984 ਤੋਂ ਲੈ ਕੇ ਅੱਜ ਤੱਕ ਭਾਰਤੀ ਸਟੇਟ ਦਾ ਕਿਰਦਾਰ ਘੱਟ ਗਿਣਤੀ ਵਿਰੋਧੀ ਰਿਹਾ ਹੈ, ਸਟੇਟ ਜਿਸ ਵੀ ਹਾਕਮ ਸਿਆਸੀ ਧਿਰ ਦੇ ਹੱਥ ਆਈ ਸਭ ਨੇ ਫਿਰਕੂ ਧਰੁਵੀਕਰਨ ਲਈ ਘੱਟ ਗਿਣਤੀ ਖਿਲਾਫ ਬਹੁ ਗਿਣਤੀ ਨੂੰ ਭੜਕਾ ਕੇ ਵੋਟਾਂ ਦੀ ਖੇਤੀ ਕੀਤੀ ਹੈ। 1984 ਤੋਂ ਬਾਅਦ ਗੁਜਰਾਤ 'ਚ ਮੁਜੱਫਰਨਗਰ 'ਚ ਮੁਸਲਮਾਨਾਂ ਦਾ ਕਤਲੇਆਮ ਤੇ ਅੱਜ ਵੀ ਮੋਦੀ ਸਰਕਾਰ ਫਿਰਕੂ ਫਾਸ਼ੀਵਾਦ ਦੇ ਰਾਹ ਚੱਲਦਿਆਂ ਘਾਟ ਗਿਣਤੀਆਂ ਦਾ ਘਾਣ ਕਰ ਰਹੀ ਹੈ। ਲੇਖਕਾਂ, ਬੁੱਧੀਜੀਵੀਆਂ ਦੀ ਜੁਬਾਨਬੰਦੀ ਕਰ ਰਹੀ ਹੈ। ਉਕਤ ਤੋਂ ਇਲਾਵਾ ਔਰਤ ਵਿੰਗ ਕਿਰਤੀ ਕਿਸਾਨ ਯੂਨੀਅਨ ਦੇ ਆਗੂ ਛਿੰਦਰਪਾਲ ਕੌਰ ਰੋਡੇ, ਜਗਵਿੰਦਰ ਕੌਰ,ਜਸਵੀਰ ਕੌਰ ਰਾਜਿਆਣਾ,ਕੁਲਜੀਤ ਸਿੰਘ ਭੋਲਾ, ਮੁਖਤਿਆਰ ਸਿੰਘ ਕਾਹਨਸਿੰਘਵਾਲਾ, ਕੁਲਦੀਪ ਸਿੰਘ ਖੁਖਰਾਣਾ, ਮੋਹਨ ਸਿੰਘ ਡਾਲਾ, ਚਮਕੌਰ ਸਿੰਘ ਢੁੱਡੀਕੇ ਆਦਿ ਨੇ ਵੀ ਸੰਬੋਧਨ ਕੀਤਾ।

03/11/2023

https://youtu.be/1BNhhCTdoXM?si=NjwTirf0N2wfcLnf 1984 ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਮੋਗਾ ਵਿਖੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਪੰਥਕ ਜਥੇਬੰਦੀਆਂ ਅਤੇ ਸੰਤ ਸਮਾਜ ਦੇ ਸਹਿਯੋਗ ਨੇ ਕੱਢਿਆ ਵਿਸਾਲ ਰੋਸ ਮਾਰਚ,

03/11/2023

-ਨਵੰਬਰ 1984 ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਮੋਗਾ ਵਿਖੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਪੰਥਕ ਜਥੇਬੰਦੀਆਂ ਅਤੇ ਸੰਤ ਸਮਾਜ ਦੇ ਸਹਿਯੋਗ ਨਾਲ ਕੱਢਿਆ ਵਿਸਾਲ ਰੋਸ ਮਾਰਚ, -ਜਥੇਦਾਰ ਹਵਾਰਾ ਸਮੇਤ ਸਜਾਵਾਂ ਪੂਰੀਆਂ ਕਰ ਚੁਕੇ ਸਿੰਘ ਰਿਹਾਅ ਕੀਤਾ ਜਾਣ:ਸੰਤ ਖੁਖਰਾਣਾ, ਪਰਧਾਨ ਡੋਡ, ਰਣਸੀਂਹ,
ਮੋਗਾ, 2 ਨਵੰਬਰ(ਰਾਜਿੰਦਰ ਸਿੰਘ ਕੋਟਲਾ)-ਆਲ ਇੰਡੀਆ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦੇ ਪਰਧਾਨ ਦਲੇਰ ਸਿੰਘ ਡੋਡ, ਸੰਤ ਸਮਾਜ ਦੇ ਮੀਤ ਪ੍ਰਧਾਨ ਸੰਤ ਰੇਸਮ ਸਿੰਘ ਖੁਖਰਾਣਾ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਜਾਲਮ ਕਾਂਗਰਸ ਦੀ ਕੇਂਦਰੀ ਸਰਕਾਰ ਸਮੇ ਨਵੰਬਰ 1984 ਦੇ ਵਿੱਚ ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ ਸਮੇਤ ਵੱਖ ਵੱਖ ਸ਼ਹਿਰਾਂ ਵਿੱਚ ਵਿੱਚ ਸ਼ਰੇਆਮ ਸਿੱਖਾਂ ਨੂੰ ਘਰਾਂ ਚੋਂ ਕੱਢ ਕੇ ਗਲਾਂ ਚ ਟਾਇਰ ਪਾ ਕੇ ਸਾੜਿਆ ਗਿਆ ਧੀਆਂ ਭੈਣਾਂ ਨੂੰ ਬੇਪੱਤ ਕੀਤਾ ਗਿਆ ਸਿੱਖਾਂ ਦੀਆਂ ਦੁਕਾਨਾਂ ਘਰ ਸਾੜ ਦਿੱਤੇ ਗਏ ਪ੍ਰਾਪਰਟੀਆਂ ਨੱਪ ਨੱਪ ਲਈਆਂ39 ਸਾਲ ਬੀਤ ਜਾਣ ਦੇ ਬਾਵਜੂਦ ਵੀ ਸਿੱਖ ਕੌਮ ਨੂੰ ਇਨਸਾਫ ਨਹੀਂ ਮਿਲਿਆ ਸੱਜਣ ਕੁਮਾਰ ਵਰਗਿਆਂ ਨੂੰ ਬਰੀ ਕਰ ਦਿੱਤਾ ਗਿਆ ਜਗਦੀਸ਼ ਟਾਈਟਲ ਵਰਗਿਆਂ ਸਿੱਖ ਕੌਮ ਦੀ ਨਸਲ ਕੁਸ਼ੀ ਦੇ ਦੋਸ਼ੀ ਸ਼ਰੇਆਮ ਘੁੰਮ ਰਹੇ ਆ ਅੱਜ ਤੱਕ ਸਿੱਖ ਕੌਮ ਨੂੰ ਇਨਸਾਫ ਨਹੀਂ ਮਿਲਿਆ ਇਸ ਦੇਸ਼ ਨੂੰ ਯਾਦ ਕਰਵਾਉਣ ਲਈ 95% ਕੁਰਬਾਨੀਆਂ ਸਿੱਖ ਕੌਮ ਨੇ ਦਿੱਤੀਆਂ ਪਰ ਇਸ ਦੇਸ਼ ਦੇ ਵਿੱਚ ਸਿੱਖਾਂ ਨੂੰ ਕਦੇ ਇਨਸਾਫ ਨਹੀਂ ਮਿਲਿਆ 1947 ਦੇ ਵਿੱਚ ਜਿਹੜੇ ਵਾਅਦੇ ਕੀਤੇ ਸਨ ਉਹ ਪੂਰੇ ਤੱਕ ਹੀ ਕਰਨੇ ਸਨ ਸਭ ਤੋਂ ਪਹਿਲਾਂ ਹੀ ਸਿੱਖਾਂ ਨੂੰ ਜਰਾਮ ਪੇਸ਼ਾ ਕੌਮ ਦਾ ਖਿਤਾਬ ਦਿੱਤਾ ਗਿਆ 1947 ਤੋਂ ਲੈ ਕੇ ਸਿੱਖ ਕੌਮ ਆਪਦੇ ਮਸਲਿਆਂ ਨੂੰ ਹੱਲ ਕਰਵਾਉਣ ਲਈ ਹਮੇਸ਼ਾ ਹੀ ਅੰਦੋਲਨ ਕਰਨੇ ਪਏ ਸੰਘਰਸ਼ ਲੜਨੇ ਪਏ ਪੰਜਾਬੀ ਸੂਬਾ ਹੋਂਦ ਚ ਲਿਆਉਣ ਦੇ ਲਈ ਵੀ ਸਿੱਖਾਂ ਨੂੰ ਮਰਨ ਵਰਤ ਰੱਖਣੇ ਪਏ ਅਤੇ ਇਸ ਪੰਜਾਬ ਦੇ ਤਿੰਨ ਟੋਟੇ ਕਰ ਦਿੱਤੇ ਗਏ ਇਹਦੇ ਵਿੱਚ ਹਿਮਾਚਲ ਕੱਢ ਦਿੱਤਾ ਹਰਿਆਣਾ ਕੱਢ ਦਿੱਤਾ 1955 ਦੇ ਵਿੱਚ ਦਰਬਾਰ ਸਾਹਿਬ ਤੇ ਫੌਜ ਵਾੜੀ ਗਈ 1984 ਦੇ ਵਿੱਚ ਫੇਰ ਦੁਬਾਰਾ ਦਰਬਾਰ ਸਾਹਿਬ ਤੇ ਹਮਲਾ ਕਰਕੇ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਢਾਹ ਢੇਰੀ ਕੀਤਾ ਗਿਆ 36 ਹੋਰ ਗੁਰਧਾਮਾਂ ਤੇ ਹਮਲਾ ਕੀਤਾ ਦਰਬਾਰ ਸਾਹਿਬ ਵਿਖੇ ਗੁਰੂ ਅਰਜਨ ਦੇਵ ਜੀ ਦਾ ਸ਼ਹੀਦੀ ਦਿਹਾੜਾ ਮਨਾਉਣਾ ਆਈਆਂ ਸੰਗਤਾਂ ਨੂੰ ਸ਼ਹੀਦ ਕੀਤਾ ਗਿਆ ਪੰਜਾਬ ਦੀਆਂ ਮੰਗਾਂ ਅੱਜ ਜਾਉਂ ਦੀਆਂ ਤਿਉਂ ਲਟਕ ਰਹੀਆਂ ਨੇ ਪੰਜਾਬੀ ਬੋਲਦੇ ਇਲਾਕੇ ਚੰਡੀਗੜ੍ਹ ਦਾ ਮਸਲਾ ਪੰਜਾਬ ਦੇ ਪਾਣੀਆਂ ਦਾ ਮਸਲਾ ਪੰਜਾਬੀ ਮਾਂ ਬੋਲੀ ਮੁਕੰਮਲ ਤੌਰ ਤੇ ਲਾਗੂ ਨਾ ਕਰਨਾ ਸ੍ਰੀ ਅੰਮ੍ਰਿਤਸਰ ਸਾਹਿਬ ਸ੍ਰੀ ਅਨੰਦਪੁਰ ਸਾਹਿਬ ਸ੍ਰੀ ਫਤਿਹਗੜ੍ਹ ਸਾਹਿਬ ਸਥਾਨਾਂ ਨੂੰ ਪਵਿੱਤਰ ਸ਼ਹਿਰ ਦਾ ਦਰਜਾ ਨਾ ਦੇਣਾ ਮੰਗਾਂ ਜਿਉਂਦੀਆਂ ਤਿਉਂ ਲੜਕ ਰਹੀਆਂ ਨੇ ਸਿੱਖ ਨੌਜਵਾਨ ਜਿਹੜੇ ਸਜਾਵਾਂ ਪਰ ਪੂਰੀਆਂ ਕਰ ਚੁੱਕੇ ਨੇ ਉਹਨਾਂ ਨੂੰ ਜਾਣ ਬੁਝ ਕੇ ਰਿਹਾ ਨਹੀਂ ਕੀਤਾ ਜਾ ਰਿਹਾ ਆਓ ਇਕੱਠੇ ਹੋ ਕੇ ਸਾਰੇ ਸ਼ਹੀਦਾਂ ਦੇ ਅਧੂਰੇ ਸੁਪਨਿਆਂ ਨੂੰ ਪੂਰੇ ਕਰਨ ਦੀ ਕੋਸ਼ਿਸ਼ ਕਰੀਏ ਬਾਹਰੀ ਅਤੇ ਅੰਦਰੂਨੀ ਹਮਲੇ ਅੱਜ ਵੀ ਯਾਰੀ ਨੇ ਪੰਜਾਬ ਸਿੱਖਿਆ ਬੋਰਡ ਦੀਆਂ ਕਿਤਾਬਾਂ ਦੇ ਵਿੱਚ ਸਿੱਖ ਗੁਰੂ ਸਾਹਿਬਾਨਾਂ ਨੂੰ ਚੋਰ ਡਾਕੂ ਤੱਕ ਲਿਖਿਆ ਗਿਆ ਜਿਸ ਤੋਂ ਸੇਧ ਲੈ ਕੇ ਸਾਡੇ ਬੱਚਿਆਂ ਨੇ ਸਿੱਖੀ ਨਾਲ ਜੁੜਨਾ ਉਹਨਾਂ ਦੇ ਵਿੱਚ ਗੁਰੂ ਸਾਹਿਬਾਨਾਂ ਦੇ ਖਿਲਾਫ ਭੱਦੀ ਸ਼ਬਦਾਵਲੀ ਵਰਤੀ ਗਈ ਜੋ ਬਰਦਾਸ਼ਤ ਤੋਂ ਬਾਹਰ ਅੱਜ ਵੀ ਇਹ ਕਿਤਾਬਾਂ ਬਾਜ਼ਾਰਾਂ ਦੇ ਵਿੱਚੋਂ ਸ਼ਰੇਆਮ ਵਿਕ ਰਹੀਆਂ ਨੇ ਇਹਨਾਂ ਤੇ ਸਰਕਾਰ ਪਾਬੰਦੀ ਲਾਵੇ ਸਿੱਖ ਨੌਜਵਾਨ ਤੇ NSA ਜੇਲਾਂ ਚ ਡੱਕਿਆ ਹੋਇਆ ਹੈਉਨਾਂ ਨੂੰ ਸਰਕਾਰ ਤੁਰੰਤ ਰਿਹਾ ਕਰੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਆ ਰਹੀਆਂ ਚੋਣਾਂ ਵਿੱਚ ਸਾਰੀਆਂ ਪੰਥਕ ਧਿਰਾਂ ਨੂੰ ਇਕੱਠਿਆ ਹੋ ਕੇ ਲੜਨੀਆਂ ਚਾਹੀਦੀਆਂ ਤਾਂ ਜੋ ਕਿ ਸ਼੍ਰੋਮਣੀ ਕਮੇਟੀ ਨੂੰ ਇੱਕ ਪਰਿਵਾਰ ਦੀ ਗਲਬ ਵਿੱਚ ਯਾਦ ਕਰਵਾਇਆ ਜਾ ਸਕੇ ਸਰਕਾਰ ਨੂੰ ਚਾਹੀਦਾ ਜਿਸ ਤਰ੍ਹਾਂ ਵਿਧਾਨ ਸਭਾ ਦੀਆਂ ਅਤੇ ਲੋਕ ਸਭਾ ਦੀਆਂ ਵੋਟਾਂ ਆਂਗਣਵਾੜੀ ਟੀਚਰਾਂ ਰਾਹੀਂ ਬੀ ਐਲ ਓ ਲਾ ਕੇ ਬਣਾਉਂਦੇ ਆ ਉਸੇ ਤੇਰਾ ਸ਼੍ਰੋਮਣੀ ਗੁਰਦੁਆਰਾ ਕਮੇਟੀ ਦੀਆਂ ਚੋਣਾਂ ਵੀ ਸਰਕਾਰ ਆਪ ਬਣਾਵੇ ਇਸ ਮੌਕੇ ਬੋਲਦਿਆਂ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਮੁੱਖ ਬੁਲਾਰੇ ਭਾਈ ਬਲਵਿੰਦਰ ਸਿੰਘ ਰੋਡੇ ਨੇ ਕਿਹਾ ਕਿ ਸਾਨੂੰ ਪੜਚੋਲ ਕਰਕੇ ਆਨੰਦਪੁਰ ਸਾਹਿਬ ਦੇ ਮਤੇ ਤੇ ਲੜਾਈ ਲੜਨੀ ਚਾਹੀਦੀ ਆ ਕਿਉਂਕਿ ਅਨੰਦਪੁਰ ਸਾਹਿਬ ਦੇ ਮਤੇ ਦੀਆਂ ਮੰਗਾਂ ਸਨ ਜਿਉਂ ਦੀਆਂ ਤਿਉਂ ਲੜਕ ਰਹੀਆਂ ਜਿਨ੍ਹਾਂ ਮੰਗਾ ਨੂੰ ਲੈ ਕੇ ਸਾਨੂੰ ਸੰਘਰਸ਼ ਵਿੱਢਣਾ ਚਾਹੀਦਾ ਇਨਾਂ ਮੰਗਾਂ ਨੂੰ ਲੈ ਕੇ ਸਾਡੇ ਅਨੇਕਾਂ ਨੌਜਵਾਨ ਸ਼ਹੀਦੀਆਂ ਪਾ ਕੇ ਬਹੁਤ ਸਾਰੇ ਸਿੰਘ ਅੱਜ ਵੀ ਜੇਲਾਂ ਦੇ ਵਿੱਚ ਸਜਾਵਾਂ ਕੱਟ ਰਹੇ ਨੇ ਤੇ ਸਾਡੀਆਂ ਮੰਗਾਂ ਜਿਉਂਦਿਆਂ ਤਿਉਂ ਲੜਕ ਰਹੀਆਂ ਨੇ ਉਹਨਾਂ ਤੇ ਸਾਨੂੰ ਸਿਰ ਜੋੜ ਕੇ ਬੈਠ ਕੇ ਪੰਥ ਧਿਰਾਂ ਨੂੰ ਲੜਾਈ ਲੜਨੀ ਚਾਹੀਦੀ ਹੈ ਆਲ ਇੰਡੀਆ ਸਿੱਖ ਫੈਡਰੇਸ਼ਨ ਦੇ ਪ੍ਰਧਾਨ ਭਾਈ ਦਲੇਰ ਸਿੰਘ ਡੋਡ ਨੇ ਕਿਹਾ ਕਿ ਇਕ ਨਵੰਬਰ ਤੋਂ ਲੈ ਕੇ ਪੰਜ ਨਵੰਬਰ ਤੱਕ 18 ਸੂਬਿਆਂ ਦੇ ਵਿੱਚ ਅਤੇ 110 ਸ਼ਹਿਰਾਂ ਦੇ ਵਿੱਚ ਦਿੱਲੀ ਕਾਨਪੁਰ ਬੋਕਾਰੋ ਆਦਿ ਸ਼ਹਿਰਾਂ ਦੇ ਵਿੱਚ ਸਿੱਖਾਂ ਨੂੰ ਬਹੁਤ ਬੇਰਹਿਮੀ ਨਾਲ ਕਤਲੇਆਮ ਕੀਤਾ ਗਿਆ ਜਿਸ ਦਾ ਅੱਜ ਤੱਕ ਕੌਮ ਨੂੰ ਇਨਸਾਫ ਨਹੀਂ ਮਿਲਿਆ ਕਾਤਲ ਸ਼ਰੇਆਮ ਘੁੰਮ ਰਹੇ ਨੇ ਉੱਥੇ ਗੁਰੂਧਾਮਾਂ ਨੂੰ ਵੀ ਅੱਗਾਂ ਲਾਈਆਂ ਗਈਆਂ ਇਹ ਨਾ ਭੁੱਲਣ ਯੋਗ ਨਾ ਬਖਸ਼ਣ ਯੋਗ ਗੁਨਾਹ ਇਸ ਨੂੰ ਕੌਮ ਕਦੇ ਵੀ ਨਹੀਂ ਭੁਲੂਗੀ ਜਿੰਨਾ ਚਿਰ ਇਸ ਦੁਨੀਆਂ ਤੇ ਸਿੱਖ ਕੌਮ ਜਿਉਂਦੀ ਹੈ ਸ਼ਾਂਤੀ ਮਾਰਚ ਹੁੰਦੇ ਰਹਿਣ ਗਾਏ ਇਸ ਮੌਕੇ ਭਾਈ ਅਮਰਦੀਪ ਸਿੰਘ ਜਿਲਾ ਪਰਧਾਨ ਜਲੰਧਰ ਭਾਈ ਜਸਪ੍ਰੀਤ ਸਿੰਘ ਜ਼ਿਲਾ ਪ੍ਰਧਾਨ ਫ਼ਤਹਿਗੜ੍ਹ ਭਾਈ ਗੁਰਮੀਤ ਸਿੰਘ ਮੌੜ ਜ਼ਿਲ੍ਹਾ ਪ੍ਰਧਾਨ ਫਾਜ਼ਿਲਕਾ ਭਾਈ ਰਾਜਵਿੰਦਰ ਸਿੰਘ ਜਿਲ੍ਹਾ ਪ੍ਰਧਾਨ ਫਿਰੋਜ਼ਪੁਰ ਭਾਈ ਰੇਸ਼ਮ ਸਿੰਘ ਜਿਲ੍ਹਾ ਪ੍ਰਧਾਨ ਮੋਗਾ ਧਰਮਿੰਦਰ ਸਿੰਘ ਜੈਤੋ ਜਿਲਾ ਪ੍ਰਧਾਨ ਫਰੀਦਕੋਟ ਭਾਈ ਕੁਲਦੀਪ ਸਿੰਘ ਖਾਲਸਾ ਮਾਲਵਾ ਸੂਬਾ ਸਿੰਘ ਸਿਦਕੀ,ਬਾਬਾ ਰੇਸ਼ਮ ਸਿੰਘ ਖੁਖਰਾਨਾ ਭਾਈ ਬਲਰਾਜ ਸਿੰਘ ਜਿਲਾ ਪ੍ਰਧਾਨ ਭਾਈ ਬਲਦੇਵ ਸਿੰਘ ਸਰਸਾ, ਬੂਟਾ ਸਿੰਘ ਰਣਸੀਂਹ ਕੇ ਪ੍ਰਧਾਨ ਕਿਰਤੀ ਅਕਾਲੀ ਦਲ, ਬਾਬਾ ਗੁਰਦਿਆਲ ਸਿੰਘ ਲੰਗੇਆਣਾ, ਭਾਈ ਰਾਜਾ ਸਿੰਘ ਖੁਖਰਾਣਾ ਸਤਿਕਾਰ ਕਮੇਟੀ, ਭਾਈ ਸੁਖਰਾਜ ਸਿੰਘ ਨਿਆਮੀ ਵਾਲਾ, ਬਾਬਾ ਬਲਦੇਵ ਸਿੰਘ ਜੋਗੇਵਾਲਾ, ਗਿਆਨੀ ਜਸਵਿੰਦਰ ਸਿੰਘ ਜੋਗੇਵਾਲਾ,ਜਗਤਾਰ ਸਿੰਘ ਰਾਜੇਆਣਾ ਜਿਲਾ ਪ੍ਰਧਾਨ ਸੰਯੁਕਤ ਅਕਾਲੀ ਦਲ,ਭਾਈ ਬਲਜਿੰਦਰ ਸਿੰਘ ਗੋਰਾ ਖੁਖਰਾਣਾ, ਰਾਜਿੰਦਰ ਸਿੰਘ ਖਾਲਸਾ, ਸੁਖਬੀਰ ਸਿੰਘ ਪੰਜ ਪਾਣੀ, ਸੁਖਪਾਲ ਸਿੰਘ ਨੱਢਾ, ਹਰਵਿੰਦਰ ਸਿੰਘ ਨਿਹਾਲ ਸਿੰਘ ਵਾਲਾ, ਸਰਕਲ ਪ੍ਰਧਾਨ ਅਮਨਦੀਪ ਸਿੰਘ ਨਿਹਾਲ ਸਿੰਘ ਵਾਲਾ, ਅਮਰਿੰਦਰ ਸਿੰਘ ਫਰੀਦਕੋਟ, ਭਾਈ ਅਮਰੀਕ ਸਿੰਘ ਕੱਚਰ ਭੰਨ,ਭਾਈ ਬਲਦੇਵ ਸਿੰਘ ਗਗੜਾ, ਬਲਜੀਤ ਸਿੰਘ ਨਵਾਂ ਕਿਲਾ, ਬਲਜੀਤ ਸਿੰਘ ਨਵਾਂ ਕਿਲਾ, ਹਰਪ੍ਰੀਤ ਸਿੰਘ ਕੋਟਕਪੂਰਾ, ਕੁਲਵਿੰਦਰ ਸਿੰਘ ਜੰਗ,ਭਾਈ ਗੁਰਮੀਤ ਸਿੰਘ ਹਕੂਮਤ ਸਿੰਘ ਵਾਲਾ, ਆਗੂ ਹਾਜ਼ਰ ਸਨ।

01/11/2023

ਕੇਂਦਰ ਸਰਕਾਰ ਪੰਜਾਬ ਦੀਆਂ ਬੁਨਿਆਦੀ ਮੰਗਾਂ ਤੁਰੰਤ ਪੂਰੀਆਂ ਕਰਕੇ ਪੰਜਾਬੀਆਂ ਨੂੰ ਰਾਹਤ ਦੇਵੇ : ਜਥੇਦਾਰ ਬੂਟਾ ਸਿੰਘ ਰਣਸੀਂਹ
ਮੋਗਾ,1ਨਵੰਬਰ(ਰਾਜਿੰਦਰ ਸਿੰਘ ਕੋਟਲਾ)-ਸ਼੍ਰੋਮਣੀ ਅਕਾਲੀ ਦਲ ਕਿਰਤੀ ਦੀ ਜ਼ਿਲਾ ਮੋਗਾ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਦੀ ਮੀਟਿੰਗ ਗੁਰਦੁਆਰਾ ਸਾਹਿਬ ਬੀਬੀ ਕਾਹਨ ਕੌਰ ਜੀ ਮੋਗਾ ਵਿਖੇ ਪਾਰਟੀ ਦੇ ਕਨਵੀਨਰ ਜਥੇਦਾਰ ਬੂਟਾ ਸਿੰਘ ਰਣਸੀਹ ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਮੌਕੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਜਥੇਦਾਰ ਬੂਟਾ ਸਿੰਘ ਰਣਸੀਂਹ ਨੇ ਕਿਹਾ ਕਿ ਦਿੱਲੀ ਵਿੱਚ ਸਿੱਖਾਂ ਦੀ ਨਸਲ ਕੁਸ਼ੀ ਕੀਤੀ ਗਈ ਨੂੰ 39 ਸਾਲ ਹੋ ਗਏ ਹਨ। ਪਰ ਅੱਜ ਤੱਕ ਸਿੱਖਾਂ ਨੂੰ ਪੂਰਾ ਇਨਸਾਫ ਨਹੀਂ ਮਿਲਿਆ ਇੱਕ ਨਵੰਬਰ ਨੂੰ ਦਿੱਲੀ ਵਿੱਚ ਸਿੱਖਾਂ ਦਾ ਸਰੇਆਮ ਕਤਲੇਆਮ ਕੀਤਾ ਗਿਆ ਅਤੇ ਇੱਕ ਨਵੰਬਰ 1966 ਨੂੰ ਕੇਂਦਰ ਨੇ ਹਰ ਪਾਸੇ ਤੋਂ ਲੁੱਟ ਲਿਆ ਸਾਰੇ ਸੂਬੇ ਦੇਸ਼ ਆਜ਼ਾਦੀ ਤੋਂ ਬਾਅਦ ਸੂਬੇ ਬੋਲੀ ਦੇ ਆਧਾਰ ਤੇ ਬਣੇ ਪਰ ਕੁਰਬਾਨੀਆਂ ਵਾਲੇ ਪੰਜਾਬੀਆਂ ਨੂੰ ਮੋਰਚੇ ਲਾ ਕੇ ਸ਼ਹੀਦੀਆਂ ਪਾ ਕੇ ਮਸਾ 1966 ਨੂੰ ਪੰਜਾਬੀ ਸੂਬਾ ਬਣਾਇਆ ਪਰ ਇੰਦਰਾਂ ਗਾਂਧੀ ਦੀ ਸਰਕਾਰ ਨੇ ਜਾਣ ਬੁੱਝ ਕੇ ਬਹੁਤ ਸਾਰੇ ਪੰਜਾਬੀ ਬੋਲਦੇ ਇਲਾਕੇ ਪੰਜਾਬ ਦਾ ਪਾਣੀ ਪੰਜਾਬ ਦੇ ਹੈਡ ਵਰਕਸ ਇਥੋਂ ਤੱਕ ਕਿ ਪੰਜਾਬ ਦੇ ਪਿੰਡ ਉਜਾੜ ਕੇ ਬਣਾਇਆ ਚੰਡੀਗੜ੍ਹ ਵੀ ਪੰਜਾਬ ਨੂੰ ਨਾ ਦਿੱਤਾ ਅੱਜ ਤੱਕ ਪੰਜਾਬ ਦੀ ਖੁਦ ਦੀ ਰਾਜਧਾਨੀ ਨਹੀਂ ਹੈ ਅਸੀਂ ਕੇਂਦਰ ਦੀ ਭਾਜਪਾ ਸਰਕਾਰ ਤੋਂ ਮੰਗ ਕਰਦੇ ਹਾਂ ਕਿ ਪੰਜਾਬ ਦੀਆਂ ਹੱਕੀ ਮੰਗਾਂ ਤੁਰੰਤ ਪੂਰੀਆਂ ਕਰੇ ਉਹਨਾਂ ਕਿਹਾ ਕਿ ਭਾਜਪਾ ਸਰਕਾਰ ਚੰਡੀਗੜ੍ਹ ਪੰਜਾਬ ਨੂੰ ਦੇਣ ਦਾ ਤਰੁੰਤ ਐਲਾਨ ਕਰੇ ਅਤੇ ਇਸ ਵਾਈ ਐਲ ਨਹਿਰ ਦਾ ਮੁੱਦਾ ਕੇਂਦਰ ਤੁਰੰਤ ਬੰਦ ਕਰੇ ਕਿਉਂਕਿ ਪੰਜਾਬ ਕੋਲ ਤਾਂ ਪਹਿਲਾਂ ਹੀ ਪਾਣੀ ਨਹੀਂ ਹੈ ਉਹਨਾਂ ਪੰਜਾਬੀਆਂ ਨੂੰ ਬੇਨਤੀ ਕੀਤੀ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਵੋਟਾਂ ਬਣ ਰਹੀਆਂ ਹਨ ਹਰੇਕ ਗੁਰਸਿੱਖ ਨੂੰ ਵੋਟ ਬਣਾ ਕੇ ਸ਼੍ਰੋਮਣੀ ਅਕਾਲੀ ਦਲ ਦਾ ਪ੍ਰਬੰਧ ਚੰਗੇ ਹੱਥਾਂ ਵਿੱਚ ਦੇਣ ਤਾਂ ਜੋ ਕਮੇਟੀ ਦੀ ਮਹਾਨ ਸਾਖ ਪਹੁੰਚਾਈ ਜਾ ਸਕੇ ਇਸ ਮੀਟਿੰਗ ਦੌਰਾਨ ਜਥੇਦਾਰ ਮੋਹਣ ਸਿੰਘ ਰਾਮਾ ,ਭਾਈ ਗੁਰਚਰਨ ਸਿੰਘ ਚੂੜਚੱਕ, ਹਰਪ੍ਰੀਤ ਸਿੰਘ ਧੱਲੇਕੇ, ਗੁਰਮੀਤ ਸਿੰਘ ਰਣੀਆਂ, ਜਥੇਦਾਰ ਭੁਪਿੰਦਰ ਸਿੰਘ ਵੜੈਚ, ਜੋਗਿੰਦਰ ਸਿੰਘ ਫੌਜੀ, ਹਰਮੇਲ ਸਿੰਘ ਕਪੂਰੇ ,ਗਿਆਨੀ ਭੁਪਿੰਦਰ ਸਿੰਘ ਮੋਗਾ, ਜਥੇਦਾਰ ਮਹਿੰਦਰ ਸਿੰਘ ਕਪੂਰੇ, ਭਾਈ ਜਗਤਾਰ ਸਿੰਘ ਮੋਗਾ, ਬਿੰਦਰ ਸਿੰਘ ਰਾਊਕੇ ਕਲਾਂ, ਹਜੂਰਾ ਸਿੰਘ ਮੰਦਰ ਬੋਹੜ ਸਿੰਘ ,ਭਾਈ ਬਲਜੀਤ ਸਿੰਘ ਅਕਾਲੀਆਂ ਵਾਲਾ ਯੂਥ ਆਗੂ ਦਲੀਪ ਸਿੰਘ ਬੱਧਣੀ, ਬਲਜੀਤ ਸਿੰਘ ਮਹੇਸਰੀ ,ਪਰਮਜੀਤ ਸਿੰਘ ਧੱਲੇਕੇ, ਕੇਵਲ ਸਿੰਘ ਰੋਡੇ, ਭਜਨ ਸਿੰਘ ਧੱਲੇਕੇ, ਜਸਵੀਰ ਸਿੰਘ ਜਨੇਰ ,ਰਜਿੰਦਰ ਸਿੰਘ ਧੱਲੇਕੇ , ਕੇਵਲ ਮਾਛੀ ਕੇ , ਕੇਵਲ ਸਿੰਘ ਕੋਰੇਵਾਲਾ, ਕੁਲਵੰਤ ਸਿੰਘ ਕੋਰੇਵਾਲਾ ,ਸਾਧੂ ਸਿੰਘ, ਗੁਰਮੇਲ ਸਿੰਘ ਬੀੜ ਬੱਧਨੀ ,ਨਛੱਤਰ ਸਿੰਘ ਚੂਹੜਚੱਕ, ਜਥੇਦਾਰ ਓਂਕਾਰ ਸਿੰਘ ਮੋਗਾ, ਗੁਰਦੇਵ ਸਿੰਘ ਘਾਰੂ, ਜਥੇਦਾਰ ਅਜੀਤ ਸਿੰਘ ਲੰਡੇ ਕੇ, ਜੀਤ ਸਿੰਘ ਨੱਥੂਵਾਲਾ ਜਦੀਦ ,ਬਲਵੰਤ ਸਿੰਘ ਬਾਘਾ ਪੁਰਾਣਾ ,ਲਖਵਿੰਦਰ ਸਿੰਘ ਬੁੱਧ ਸਿੰਘ ਵਾਲਾ, ਜਗਜੀਤ ਸਿੰਘ ਡਾਲਾ ,ਲਖਬੀਰ ਸਿੰਘ ਰੋਡੇ ਸੁਰਜੀਤ ਰਾਮ, ਬਲਵੀਰ ਸਿੰਘ ਜਾਨੀਆ, ਦਵਿੰਦਰ ਸਿੰਘ ਫੌਜੀ ਮੋਗਾ, ਛਿੰਦਰਪਾਲ ਸਿੰਘ ਕੜਿਆਲ ,ਸਹਿਲ ਪ੍ਰੀਤ ਸਿੰਘ ਕਲੇਰ, ਜਥੇਦਾਰ ਜਸਵਿੰਦਰ ਸਿੰਘ ਸਮਾਲਸਰ, ਭਾਈ ਜਸਵੀਰ ਸਿੰਘ ਸਮਾਲਸਰ, ਲਾਭ ਸਿੰਘ ਡਾਲਾ, ਮਨਿੰਦਰ ਸਿੰਘ ਮੋਗਾ, ਬਲਜੀਤ ਸਿੰਘ ਰਾਜਾ, ਵੀਰ ਪ੍ਰਤਾਪ ਸਿੰਘ ਮੋਗਾ ਆਦਿ ਹਾਜਰ ਸਨ।