Zio Tamil

13/01/2025

160,000 ஆண்டுகளுக்கு ஒருமுறை நிகழும் வால் நட்சத்திரம் இன்று இரவு தெரியும் ஒரு அரிதிலும் அரிய நிகழ்வு

வாழ்நாளில் ஒருமுறை மட்டுமே தெரியும் வால் நட்சத்திரம் இன்று இரவு தெரியும். இனி இதை 1,60,000 ஆண்டுகளுக்கு பிறகே நாம் பார்க்க முடியும்.
வால்மீன் G3 ATLAS (C/2024) மிகவும் பிரகாசமாக இன்று பூமியில் தெரியும்.
160,000 ஆண்டுகளுக்கு ஒருமுறை நிகழும் இந்த அரிய வான நிகழ்வு, வால் நட்சத்திரம் சூரியனிலிருந்து 8.7 மில்லியன் மைல்களுக்குள் வரும்பொழுது இன்று நல்ல பிரகாசமாக தெரியும்.

ஏப்ரல் 5, 2024 இல், சிலியில் உள்ள ஆஸ்டிராய்டு டெரெஸ்ட்ரியல்-இம்பாக்ட் லாஸ்ட் அலர்ட் சிஸ்டம் Asteroid Terrestrial-impact Last Alert System (ATLAS) மூலம் கண்டுபிடிக்கப்பட்டது. G3 ATLAS ஆரம்பத்தில் தெரியும் பொழுது மிகவும் மங்கலாக இருந்தது. இப்பொழுது அதைவிட 19 மடங்கு அளவில் பிரகாசமாக உள்ளது.

2025 ஜனவரி 2 இல் பிறகு இந்த வால் நட்சத்திரத்தின் பிரகாசம் மிக வேகமாக அதிகரித்துள்ளது. வீனஸ் மற்றும் வியாழன் போன்ற முக்கிய கிரகங்களை விட இதன் பிரகாசம் மிகவும் அதிகமாக உள்ளது. கிட்டத்தட்ட 200 ஆண்டுகளில் காணப்பட்டது மிகவும் பிரகாசமான வால் மீன் இதுவாக இருக்கும் என சொல்லப்படுகிறது.

இன்றிரவு ஜனவரி 13, 2025, G3 ATLAS சூரியனுக்கு மிக அருகில் வருகிறது.
இந்த வால் நட்சத்திரம் மைனஸ் 3.2 மேக்னிடியூட் அளவில் மிகவும் பிரகாசமாக தெரியும் என எதிர்பார்க்கப்படுகிறது சாதகமான சூழல் இருக்கும் பொழுது சாதாரண கண்களில் பார்க்கலாம் தெற்கு அரைக்கோளத்தில் இதை சிறப்பாக பார்க்க முடியும் என சொல்லுகிறார்கள் சூரிய அஸ்தமனத்திற்கு பிறகு இதை பார்க்கலாம் வடக்கு அரைக்கோளத்தில் உள்ளவர்கள் இதை பார்ப்பது கொஞ்சம் கடினம் எனவும் சொல்லப்படுகிறது

160,000 ஆண்டுகளுக்கு ஒருமுறை நிகழும் வால் நட்சத்திரம் இன்று இரவு தெரியும் ஒரு அரிதிலும் அரிய நிகழ்வு வாழ்நாளில் ஒர...

12/01/2025

ஊழியர்களை நெருப்பை விழுங்க வைத்த சீன நிறுவனம் அதிர்ச்சி சம்பவம்

சீனாவில் என்ன நடக்கிறது

ஒரு சீன நிறுவனம் நெருப்பை தன்னுடைய பணியாளர்கள் விழுங்குவதற்கான பயிற்சி ஒன்றை செய்து மிகப்பெரும் அதிர்ச்சியை ஏற்படுத்தியுள்ளது. அங்கு பணிபுரியும் ஊழியர் ரோங்ராங் என்பவர் இதை வெளியில் சொல்லியுள்ளார். பாதுகாப்புக் காரணங்களை மேற்கோள் காட்டி நெருப்பை உண்ணும்படி அழுத்தம் கொடுக்கப்படுவதாகவும் இந்த அனுபவத்தை மிகவும் அவமானகரமானதாக நினைப்பதாகவும் கூறியுள்ளார். இந்த சம்பவம் சீனாவில் ஊழியர்களை தவறாக நடத்துவது அபாயகரமான குழுவை உருவாக்கும் நடைமுறைகள் ஆகியவற்றின் தற்போதைய பிரச்சனைகளை சொல்கிறது. இது வணிக உலகில் அதிர்ச்சி அலைகளை ஏற்படுத்திய ஒரு சமீபத்திய சம்பவம். ஒரு சீன நிறுவனம் தனது ஊழியர்களில் ஒருவர் பழைய ஆபத்தான, அதிர்ச்சியூட்டும் குழு-கட்டுமானப் பயிற்சியைப் பற்றிய கதையை சொன்னதற்காக கடுமையாக விமர்சிக்கப்பட்டது. ஊழியர்களில் ஒருவரான ரோங்ராங், குழுவை உருவாக்குவதை நோக்கமாகக் கொண்ட ஒரு பயிற்சியில் தன்னை எப்படி நெருப்பை சாப்பிட வைத்தார்கள் என்று பதிவிட்டுள்ளார். இது பற்றி அந்த நிறுவனம் சொல்லும்பொழுது இந்த பயிற்சி தனது தொழிலாளர்கள் தங்கள் சுயமரியாதையை வளர்க்க உதவும் அனைத்து அச்சங்களையும் சமாளிக்க உதவும் என்று சொல்லியுள்ளது.

ரோங்ராங் நெருப்பு உண்ணும் செயல் தன்னை பயமுறுத்துவதாக சொல்கிறார். பஞ்சில் நெருப்பை வைத்து அதை விழுங்க செய்துள்ளனர். தனது வேலையை இழக்க நேரிடும் என்ற அழுத்தத்தின் காரணமாக அவர் அவ்வாறு செய்ய நிர்ப்பந்திக்கப்பட்டதால் தனக்கு ஏற்பட்ட பயத்தையும் மீறி நடித்துள்ளார். இந்த பயிற்சியானது வெற்றியை அடைய ஊழியர்களின் விருப்பத்தையும் அர்ப்பணிப்பையும் காட்டுவதாகும். இந்த அம்சம் அவர்களின் வெற்றி மற்றும் பணத்தை சம்பாதிக்கும் திறனை அதிகரிக்கும் என்று நிறுவனம் கூறியுள்ளது என்று அவர் கூறினார். இந்த அனுபவத்தை மிகவும் இழிவானது என்று அவர் கூறியுள்ளார்.

நெருப்பு உண்பது பாதுகாப்பற்றது நிபுணர்களின் முறையான பயிற்சி முறையின் மூலமே நெருப்பு விழுங்குவதை எளிதில் பாதுகாப்பாக செய்ய முடியும். ஆபத்துக்கள் ஏற்படாமல் இருக்க கலைஞர்கள் தங்கள் சுவாசத்தை ஒழுங்குபடுத்த வேண்டும், வாயில் உமிழ்நீரை கட்டுப்படுத்த வேண்டும். தேவையான நேரங்களில் வாயை மூட வேண்டும். சரியான நிபுணர்களின் பயிற்சியின் மூலம் மட்டுமே, அத்தகைய நடவடிக்கைகள் பாதுகாப்பானதாக கருதப்படும். ஆனால் இதை எதையும் செய்யாமல் பணியாளர்கள் இந்த நெருப்பை விழுங்குவதற்கு கட்டாயப்படுத்தப்பட்டுள்ளனர். மேலும் அங்கு பாதுகாப்பு முன்னெச்சரிக்கைகள் இல்லாதது மிக முக்கியமான குறைபாடு என அவர் தெரிவித்துள்ளார்.

ரோங்ராங்கின் பதிவு நெருப்பு விழுங்குவது அவரது நிறுவனத்தின் சிறப்பு அல்ல என்பதையும் காட்டுகிறது.

ஊழியர்களை நெருப்பை விழுங்க வைத்த சீன நிறுவனம்

12/01/2025

கடலில் விஞ்ஞானிகளின் மிகப்பெரிய டிஎன்ஏ ஆய்வு என்ன சொல்கிறது அதிர்ச்சி தகவல்

பூமியின் மேற்பரப்பில் 70% க்கும் அதிகமான பரப்பளவைக் கொண்ட கடல் வியக்க வைக்கும் பல்வேறு வகையான உயிரினங்களுக்கு வளமான வாழ்வை கொடுக்கிறது. இந்த உயிரினங்களில் பெரும்பாலானவை மர்மமானவை இன்னும் ஆராயப்படாதவை. இந்த கடல்வாழ் உயிரினங்களின் ரகசியங்களை வெளிக் கொண்டு வரும் முயற்சியில் விஞ்ஞானிகள் கடலை பற்றிய மிகப்பெரிய டிஎன்ஏ ஆய்வை மேற்கொண்டுள்ளனர்.

உலகெங்கிலும் உள்ள ஆராய்ச்சியாளர்களை உள்ளடக்கிய ஒரு கூட்டு முயற்சியான இந்த ஆய்வு, பல்வேறு கடல் பகுதிகளில் உள்ள நீர் மாதிரிகளிலிருந்து சேகரிக்கப்பட்ட மில்லியன் கணக்கான டிஎன்ஏ வரிசைகளை பகுப்பாய்வு செய்தது. இந்த மாதிரிகளில் உள்ள மரபணுப் பொருளை ஆராய்வதன் மூலம், விஞ்ஞானிகள் மிகச்சிறிய நுண்ணுயிரிகள் முதல் பெரிய கடல் இனங்கள் வரை அவைகளின் மர்மமான வாழ்க்கை வடிவங்களை அடையாளம் கண்டு கொள்ள முடியும். இந்த ஆராய்ச்சியானது கடல் ஆழத்தில் வாழும் பரந்துபட்ட வாழ்க்கை வரிசைகளை பட்டியலிட்டு புரிந்து கொள்ளும் வகையில் விளக்குகிறது.

அலைகளுக்கு அடியில் கண்டுபிடிப்புகள்

ஆய்வின் மிகவும் குறிப்பிடத்தக்க முடிவுகளில் ஒன்று 317 மில்லியனுக்கும் அதிகமான மரபணு குழுக்களை அடையாளம் காண்பது ஆகும், இது கடல் சுற்றுச்சூழல் அமைப்புகளில் உள்ள நம்பமுடியாத மரபணு வேறுபாட்டிற்கு ஒரு சான்றாகும். இந்த மரபணு குழுக்கள் ஆயிரக்கணக்கான வெவ்வேறு இனங்களைச் சேர்ந்தவை, அவற்றில் பல இதுவரைக்கும் அறிவியலுக்கும் நமக்கும் தெரியாது.

கடல் டிஎன்ஏவின் முக்கியத்துவம்

கடல்சார் டிஎன்ஏவைப் படிப்பது வெறும் கல்வித் தேவை மட்டுமல்ல; இது பாதுகாப்பு, மருத்துவம் மற்றும் உயிரி தொழில்நுட்பம் ஆகியவற்றில் ஆழமான விஷயங்களை கொண்டுள்ளது. கடல் உயிரினங்களின் மரபணு அமைப்பைப் புரிந்துகொள்வது, அழிந்து வரும் உயிரினங்களை பாதுகாப்பதற்கும் சேதமடைந்த சுற்றுச்சூழல் அமைப்புகளை மீட்டெடுப்பதற்கும் விஞ்ஞானிகள் புதிய உத்திகளை உருவாக்க உதவும். கூடுதலாக கடல் மரபணுக்கள் மருந்தியல் முன்னேற்றங்களுக்கான பல விஷயங்களை கொண்டுள்ளன, இதில் பல உயிரினங்கள் மனிதர்களுக்கு ஏற்படும் புதிய நோய் சிகிச்சைகளுக்கு வழிவகுக்கும் தனித்துவமான முடிவுகளை சொல்கின்றன.

ஆய்வு வெற்றியாக இருந்தபோதிலும், ஆராய்ச்சியாளர்கள் முன்னால் இருக்க கூடிய பல சவால்களை ஒப்புக்கொள்கிறார்கள். கடல் ஒரு பரந்த பெரும்பாலும் மனிதர்களால் அணுக முடியாத சூழலாகும், காலநிலை மாற்றம் மற்றும் மனித நடவடிக்கைகளால் மாறுபடும் சுற்றுச்சூழல் மாற்றத்தின் விரைவான வேகம், கடல் பல்லுயிர் ஆய்வு மற்றும் பாதுகாப்பிற்கான நமது முயற்சிகளை கொஞ்சம் அச்சுறுத்துகிறது. எதிர்கால ஆராய்ச்சி இந்த சவால்களை எதிர்கொள்ள வேண்டும், புதிய தொழில்நுட்பங்கள் மற்றும் சர்வதேச ஒத்துழைப்பை மேம்படுத்துவதன் மூலம் கடலின் மர்மங்கள் பற்றிய நமது புரிதலைத் தொடர்ந்து விரிவுபடுத்த வேண்டும்.

பெருங்கடல் பாதுகாப்பிற்கான நடவடிக்கைக்கான அழைப்பு

கடலில் மிகப்பெரிய டிஎன்ஏ ஆய்வின் கண்டுபிடிப்புகள் கடல் சுற்றுச்சூழல் அமைப்புகளின் செழுமை மற்றும் பலவீனம் ஆகியவற்றின் சக்திவாய்ந்த நினைவூட்டலாக செயல்படுகின்றன. கடலின் இரகசியங்களை நாம் தொடர்ந்து வெளிக்கொண்டுவரும்பொழுது இந்த விலைமதிப்பற்ற வளத்தைப் பாதுகாப்பதற்கும் நாம் உறுதியளிக்க வேண்டும். எதிர்கால சந்ததியினருக்காக கடலின் பல்லுயிரியலைப் பாதுகாக்க உலகளாவிய பாதுகாப்பு முயற்சிகளின் அவசியத்தை இந்த ஆய்வு அடிக்கோடிட்டுக் காட்டுகிறது.

கடலில் விஞ்ஞானிகளின் மிகப்பெரிய டிஎன்ஏ ஆய்வு என்ன சொல்கிறது

10/01/2025

எந்த நாட்டில் அதிக இந்தியர்கள் உள்ளனர்

1. அமெரிக்கா 5.4 மில்லியன் இந்தியர்கள்
2. ஐக்கிய அரபு அமீரகம் 3.6 மில்லியன் இந்தியர்கள்
3. மலேசியா 2.9 மில்லியன் இந்தியர்கள்
4. கனடா 2.8 மில்லியன் இந்தியர்கள்
5. சவுதி அரேபியா 2.5 மில்லியன் இந்தியர்கள்

எந்த நாட்டில் அதிக இந்தியர்கள் உள்ளனர் அமெரிக்கா 5.4 மில்லியன் இந்தியர்கள்ஐக்கிய அரபு அமீரகம் 3.6 மில்லியன் இந்த.....

08/01/2025

500 ஆண்டுகள் பழமையான மரக்காலணி கண்டுபிடிப்பு

டச்சுக்காரர்கள் பண்டைய காலத்தில் இருந்தே மர காலணிகள் அணிந்து வந்துள்ளனர். பண்டைய காலத்தில் இருந்தே அவர்கள் காலணிகளை பாதுகாப்பிற்காகவும் அலங்கார பொருளாகவும் பயன்படுத்தி வந்துள்ளனர்.

சமீபத்தில், தொல்பொருள் ஆராய்ச்சியாளர்கள் ஆம்ஸ்டர்டாமுக்கு வடமேற்கே 30 கிமீ தொலைவில் வடக்கு நெதர்லாந்தில் அமைந்துள்ள அல்க்மார் நகரில் அத்தகைய மர காலணியைக் கண்டுபிடித்தனர்.

இது நகர்ப்புறத்தில் உள்ள ஒரு கிணற்றில் காணப்பட்டது. இது மிகவும் சிறப்பு வாய்ந்தது. கரணம் பொதுவாக மர காலணிகளை விவசாயிகள் வேலை செய்யும் போது பயன்படுத்துவார்கள் என நாம் நினைப்போம். அப்படி என்றால் நகர்ப்புறத்தில் வசித்தவர்களும் இப்படிப்பட்ட மரத்தாலான காலணிகளை அந்த காலத்தில் பயன்படுத்தியது தெரியவந்துள்ளது.

இந்த மர காலணி 1450 மற்றும் 1558 க்கு இடையில் உள்ளது. இது 15 ஆம் நூற்றாண்டின் பிற்பகுதியில் அல்லது 16 ஆம் நூற்றாண்டின் முற்பகுதியில் வடிவமைக்கப்பட்டதாக நம்பப்படுகிறது.

இது நெதர்லாந்தில் பிர்ச் மரத்தால் செய்யப்பட்ட முதல் மர காலணி என்பது குறிப்பிடத்தக்கது.

நாடு முழுவதும் தொல்பொருள் அகழ்வாராய்ச்சியின் போது 44 மர காலணிகள் மட்டுமே கண்டுபிடிக்கப்பட்டதால் இந்த கண்டுபிடிப்பு முக்கியத்துவம் வாய்ந்ததாக இருக்கிறது.

டச்சுக்காரர்கள் பண்டைய காலத்தில் இருந்தே மர காலணிகள் அணிந்து வந்துள்ளனர். பண்டைய காலத்தில் இருந்தே அவர்கள் க.....

06/01/2025

தென்னிந்தியாவில் யானைகளை கண்டுகளிக்க 8 சிறந்த இடங்கள்

துபாரே யானைகள் முகாம் (Dubare Elephant Camp), கர்நாடகா

கூர்க் அருகே அமைந்துள்ள இந்த யானைகள் சரணாலயம், யானைகளுடன் அவற்றின் இயற்கையான வாழ்விடங்களில் சென்று பார்க்கும் அனுபவத்தை கொடுக்கிறது.

பந்திப்பூர் தேசிய பூங்கா (Bandipur National Park), கர்நாடகா

இந்த வனவிலங்கு சரணாலயம் பல்வேறு தாவரங்கள் மற்றும் விலங்கினங்களின் தாயகம். இங்கு யானை சவாரி செய்யவும் அதன் அழகை ரசிக்கவும் நம்மை தூண்டுகிறது.

மூணாறு யானைகள் வரும் இடம்(Munnar Elephant Arrival Spot), கேரளா

மூணாரின் அழகிய மலை வாசஸ்தலத்தில் சுற்றுலாப் பயணிகள் அழகிய யானை சவாரிகளை செய்து ரசிக்க ஒரு பிரபலமான இடம்.

பெரியார் வனவிலங்கு சரணாலயம்(Periyar Wildlife Sanctuary), கேரளா

யானைகளின் எண்ணிக்கை அதிகம் கொண்டதும் பெரியார் ஏரியைச் சுற்றியுள்ள அமைதியான அமைப்பும் கொண்ட இந்த பிரபலமான சரணாலயம் ஒரு மறக்கமுடியாத சவாரி அனுபவத்தை நமக்கு கொடுக்கிறது.

முதுமலை வனவிலங்கு சரணாலயம் (Mudumalai Wildlife Sanctuary), தமிழ்நாடு

நீலகிரி மலையில் அமைந்துள்ள இந்த சரணாலயம், வனவிலங்குகள் நிறைந்த அடர்ந்த காடுகளின் வழியாக யானை சவாரி சென்று இயற்கையை கண்டு கழிக்க உதவுகிறது.

வயநாடு யானை சவாரி (Wayanad Elephant Safari), கேரளா

வயநாட்டின் காடுகள் மற்றும் வனவிலங்கு சரணாலயங்கள் செழிப்பான பல்லுயிர்களுக்கு மத்தியில் ஒரு சாகச யானை சவாரி செய்ய ஏற்றது.

தேக்கடி(Thekkady), கேரளா

பெரியார் தேசிய பூங்காவின் தாயகமான தேக்கடி, இயற்கை மற்றும் வனவிலங்கு ஆர்வலர்களுக்கு நன்கு ஒழுங்கமைக்கப்பட்ட யானை சவாரி அனுபவங்களை கொடுக்கிறது.

நாகர்ஹோல் தேசிய பூங்கா (Nagarhole National Park), கர்நாடகா

அதிக அளவு வனவிலங்குகள் மற்றும் இயற்கை அழகு கொண்ட நாகர்ஹோல் ஆறுகள் மற்றும் காடுகளுக்கு மத்தியில் யானை சவரியோடு மனதை இனிமையாக்கும் அனுபவத்தை வழங்குகிறது.

தென்னிந்தியாவில் யானைகளை கண்டுகளிக்க 8 சிறந்த இடங்கள்தென்னிந்தியாவில் யானைகளை கண்டுகளிக்க 8 சிறந்த இடங்கள்து...

18/12/2024

உடலின் வெளிப்புறத்தில் ஓடு கொண்ட விலங்குகள்

இயற்கை விலங்குகள் உயிரினங்கள் பாதுகாப்பாக இருப்பதற்கு பல்வேறு வழிமுறைகளை செய்து கொடுத்துள்ளது. இயற்கை பொறுத்தவரைக்கும் ஒவ்வொரு உயிரினங்களும் பாதுகாக்கப்பட வேண்டும். அப்படி இயற்கை ஒரு சில விலங்குகளுக்கு உடலை சுற்றி பாதுகாப்பாக இருப்பதற்காக ஓடுகளை கொடுத்துள்ளது. இந்த ஓடுகள் அந்த விலங்குகளை பாதுகாப்பதில் முக்கிய பங்கு வகிக்கிறது. அப்படிப்பட்ட ஒரு சில விலங்குகளை பற்றி பார்ப்போம்.

அர்மாடில்லோ Armadillo

கவசம் போல ஊடு கொண்ட அர்மாடில்லோ வின் அடிப்பகுதி மிகவும் மென்மையாக இருக்கும். இந்த அடிப்பகுதியைப் பாதுகாக்க தன்னை ஒரு பந்தாக சுருட்டுகிறது. அதன் நெகிழ்வான ஓடு அதை காடுகளில் வேட்டை விலங்குகளிடம் இருந்து அதை பாதுகாக்கிறது.

Beetle வண்டு
ஒரு நீண்ட வெளிப்புற எலும்புக்கூடு கொண்ட பகுதி இந்த பூச்சியை பாதுகாக்கிறது. இது அதற்கு ஓடு போல் பாதுகாப்பாக உள்ளது. வண்டுகளின் கடினமான இறக்கைகள் எலிட்ரா என்று அழைக்கப்படுகின்றன. இது இந்த வண்டிற்கு உலகெங்கிலும் உள்ள பல்வேறு சூழல்களில் செழித்து வளர உதவுகின்றது.

கரப்பான் பூச்சிகள்

மீள் தன்மையுள்ள கரப்பான் பூச்சியானது கடினமான வெளிப்புற எலும்புக்கூட்டை கொண்டுள்ளது. இது அதற்கு ஓடு போல் பாதுகாப்பாக உள்ளது. இது அதற்கு மோசமான நிலைமைகளில் உயிர்வாழ உதவுகிறது. கரப்பான் பூச்சிகள் எதிரிகளிடமிருந்து தன்னை தற்காத்துக் கொள்ளவும் மிகவும் இடுகலான இடங்களுக்கு செல்லவும் இந்த ஓடுகளை பயன்படுத்துகின்றன.

நண்டு

கடினமான வெளிப்புற எலும்புக்கூடுகள் இந்த நண்டுக்கு வலிமையான பாதுகாப்பை வழங்குகின்றன. நண்டுகள் வளர வளர, இந்த ஓடுகள் ஒரு பெரிய வலுவான கேடயம் போல் செயல்படுகிறது.

ஹெர்மிட் நண்டு

கைவிடப்பட்ட ஓடுகளைப் பயன்படுத்தி இந்த நண்டு தன்னை பாதுகாக்கிறது. ஹெர்மிட் நண்டுகள் தன் உடலுக்கு சரியான அளவு கொண்ட பாதுகாப்பு கொண்ட ஓடுகளைத் தேர்ந்தெடுப்பதன் மூலம் தகவமைப்புத் திறனை வெளிப்படுத்துகின்றன.

ஹார்ஸ்ஸோ நண்டு

ஹார்ஸ்ஸோ நண்டுகள் கவசம் போன்ற ஓடுகள் மற்றும் கூரான வால்களைக் கொண்டுள்ளன. அவற்றின் தனித்துவமான ஓடுகள் பாதுகாப்பை வழங்குவதோடு மணலில் திறம்பட துளையிடவும் உதவுகின்றன.

பாங்கோலின்

கெரட்டின் செதில்கள் இந்த பாங்கோலினை மூடி ஒரு இயற்கையான கவசத்தை உருவாக்குகின்றன. பாங்கோலின்கள் அச்சுறுத்தப்படும் பொழுது தன்னுடைய உடலை இறுக்கி கொண்டு ஒரு பந்து போல் மாறி உருளும்.

நத்தை

ஒரு சுருண்ட கால்சியம் அடிப்படையிலான இந்த ஓடு அதை பாதுகாக்கவும் ஈரப்பதம் சரியாக இருக்கவும் உதவுகிறது. நத்தைகள் அச்சுறுத்தப்படும்போது அவற்றின் ஓடுகளுக்குள் ஒளிகின்றன. இது ஒரு எளிய ஆனால் பயனுள்ள உயிர்வாழும் செயல்முறையாகும்.

ஆமை

ஆமைகள் கடின ஓடுகளுக்கு பெயர் பெற்ற மெதுவாக நகரும் ஊர்வன. அவை முதன்மையாக தாவரவகைகள் மற்றும் காடுகள் முதல் பாலைவனங்கள் வரை பல்வேறு வாழ்விடங்களில் செழித்து ஒரு நூற்றாண்டுக்கும் மேலாக வாழக்கூடியவை.

இயற்கை விலங்குகள் உயிரினங்கள் பாதுகாப்பாக இருப்பதற்கு பல்வேறு வழிமுறைகளை செய்து கொடுத்துள்ளது. இயற்கை பொறுத....

17/12/2024

10 லட்சம் பறவைகளும் 20 மனிதர்களும் வசிக்கும் ரகசிய தீவு

வடக்கு அட்லாண்டிக்கின் பனிக்கட்டி நீரில் வெகு தொலைவில் மறைக்கப்பட்ட ரகசியங்கள் மற்றும் பதில் கிடைக்காத கேள்விகள் நிறைந்த ஒரு சிறிய தீவு உள்ளது. அழகான வானங்கள் மற்றும் பெரிய கடல்களால் சூழப்பட்ட இந்த தீவில் மக்களை விட அதிகமான பறவைகள் தங்கியிருக்கின்றன. மிகவும் அழகாக இருந்தாலும் இங்குள்ள வாழ்க்கை மிகவும் மோசமான அளவிற்கு சவாலானது. ஏனெனில் இங்கு வாழக்கூடிய ஒரு சிறிய சமூகம் உயிருடன் இருக்க மிகவும் போராடுகிறார்கள். அந்த தீவின் பெயர் க்ரிம்ஸி ஐஸ்லாண்டிக் தீவு. இது ஐஸ்லாந்தின் பிரதான தீவின் வடக்கு கடற்கரையிலிருந்து 40 கிலோமீட்டர் தொலைவில் உள்ளது. க்ரிம்ஸி பஃபின்கள் மற்றும் பிற கடல் பறவைகளுக்கும் பிரபலமானது. இங்கு பறவைகள் முக்கியமாக இனப்பெருக்கத்திற்காக இந்த தீவுக்கு வருகின்றன. 2021 இல் இங்கு 57 மக்கள் இருந்தனர். க்ரிம்ஸியின் பரப்பளவு 5.3 சதுர கிலோமீட்டர்கள்.

இந்த தீவில் ஒவ்வொரு கோடைகாலத்திலும் ஆயிரக்கணக்கான கடல் பறவைகள் பாறைகள் நிறைந்த கரையோரங்களில் கூடு கட்டுவதற்காக வருகின்றன. பஃபின்கள், ஆர்க்டிக் டெர்ன்கள், ரேஸர்பில்ஸ் மற்றும் கில்லிமோட்ஸ் ஆகியவை இங்கு மிகவும் பொதுவான பறவைகள். பறவைக் கண்காணிப்பாளர்களுக்கு இது உண்மையான சொர்க்கம் என சொல்லப்படுகிறது.

இங்கு ஐஸ்லாண்டிக் ஆடுகளும் குதிரைகளும் சுதந்திரமாக சுற்றித் திரிகின்றன. தீவின் சீரற்ற பச்சை புல் நிலத்தில் மேய்ந்து அதன் இயற்கை அழகைக் கூட்டுகின்றன. மரங்கள் இல்லாவிட்டாலும், சதுப்பு நிலம், புல் மற்றும் பாசி ஆகியவற்றைக் கொண்ட தீவின் தாவரங்கள் வளமாக உள்ளன. காளைகள் மற்றும் ஆர்க்டிக் டெர்ன்களும் தீவில் வசிக்கின்றன. கருங்கால் கிட்டிவேக்ஸ், அட்லாண்டிக் பஃபின்கள், ரேஸர்பில்ஸ் மற்றும் பொதுவான முர்ரெஸ் போன்ற பெரிய கடற்பறவைகள் இங்கு இனப்பெருக்கம் செய்வதால் இந்த தீவு முக்கியமான பறவைகள் வசிக்கும் அரிய பகுதி என குறிப்பிடப்பட்டுள்ளது.

இந்த தீவு பல நூற்றாண்டுகளாக பூமியில் மிகவும் தொலைதூர இடங்களில் ஒன்றாக இருந்து வந்துள்ளது. வருடத்திற்கு இரண்டு முறை மட்டுமே படகுகள் இங்கு வந்து சென்றதாக சொல்லப்படுகிறது. இங்கு வாழும் மக்கள் உயிர்வாழ அவர்கள் சொந்த திறமை மற்றும் படைப்பாற்றலை நம்பியிருக்க வேண்டும். ஆனால் இன்று இந்த தீவை எளிதில் பார்க்கலாம். அகுரேரியில் இருந்து விமானத்தில் செல்லலாம் அல்லது டால்விக் படகில் சென்று தீவை பார்க்கலாம்.

இந்த தீவில் வாழ்க்கை இன்னும் நம்பமுடியாத அளவிற்கு கடினமாக உள்ளது. குளிர்காலம் நீண்டது மிகவும் கடுமையானது. வெப்பநிலை உறைபனி நிலைக்கு சென்றுவிடும். காற்று மிக மோசமாக கொடூரமாக இருக்கும். ஆண்டு முழுவதும் இங்கு வசிக்கும் சில மக்கள் தனிமைப்படுத்தப்பட்ட சூழலை எதிர்கொள்கின்றனர்.

மீன்பிடித்தல் எப்போதும் இந்த தீவின் முக்கிய வாழ்வாதாரமாக இருந்து வருகிறது. விவசாயம் மற்றும் கடற்பறவை முட்டைகளை சேகரிப்பதும் பொதுவானது. ஆனால் அரசாங்கத்தின் மீன்பிடி வரம்புகள் இவர்கள் வாழ்க்கையை மிகவும் கடினமாக்கியுள்ளன. இதனால் பல மீனவர்கள் மீன் பிடி தொழிலை நிறுத்தும் நிலைக்கு தள்ளப்பட்டுள்ளனர். கோடை கால மாதங்களில் சுற்றுலா கொஞ்சம் பணத்தை இவர்களுக்கு கொண்டு சேர்த்தாலும் ஆண்டு முழுவதும் இந்த தீவில் வாழ இந்த பொருளாதாரம் போதாது. இந்த தீவில் ஒரு காலத்தில் ஒரு பெரிய செழிப்பான சமூகம் இருந்தது. ஆனால் இப்போது 20 பேர் மட்டுமே உள்ளனர். குளிர்காலத்தில் பெரும்பாலான வீடுகள் காலியாக இருக்கும். ஏனெனில் அதிகமான மக்கள் பொருளரத்திற்காக வேலை தேடி வேறு இடங்களுக்கு செல்கிறார்கள்.

கோடை காலத்தில் பறவைகளைப் பார்க்கவும் ஆர்க்டிக் அழகை ரசிக்கவும் சுற்றுலாப் பயணிகள் வருவதால் தீவு கலகலப்பாக மாறுகிறது. ஆனால் அவர்கள் சென்றவுடன் அது அமைதியாகவும் காலியாகவும் மாறுகிறது, அங்கு வாழும் சில மக்கள் அன்றாட வாழ்க்கையின் மிகப்பெரும் சவால்களை எதிர்கொள்கின்றனர்.

க்ரிம்ஸி பறவைகளுக்கான வீடு மட்டுமல்ல. இது ஐஸ்லாந்தின் வரலாற்றில் மிகவும் குறிப்பிடத்தக்க பகுதியாகும். மக்கள் குடியேற்றத்தின் ஆரம்ப காலத்திலிருந்தே மக்கள் அங்கு வாழ்ந்துள்ளனர். மேலும் இது போன்ற தொலைதூர மற்றும் கடினமான இடத்தில் வாழத் தேர்ந்தெடுப்பவர்களின் வலிமையையும் உறுதியையும் இது காட்டுகிறது.

க்ரிம்சே விமான நிலையம் இந்த தீவின் மேற்குப் பகுதியில் 1,036மீ வடக்கு தெற்கு ஓடுபாதையைக் கொண்டு செயல்படுகிறது. அகுரேரிக்கு வழக்கமான விமானங்கள் உள்ளன. ஒரு படகு வாரத்தில் மூன்று நாட்கள் தீவை பிரதான நிலப்பரப்பில் உள்ள டால்விக் கு வந்து செல்கிறது.

தீவின் தென்மேற்கு பகுதியில் உள்ள ஒற்றை குடியேற்றம் அதிகாரப்பூர்வமாக சாண்ட்விக் என்று அழைக்கப்படுகிறது. இது ஒரு சமூக மையம், ஒரு கடை, ஒரு நூலகம், ஒரு பொது உட்புற நீச்சல் குளம் மற்றும் மழலையர் பள்ளி முதல் 8 வரை ஒரு பள்ளி ஆகியவற்றைக் கொண்டுள்ளது. இந்த வயதிற்கு அப்பால், மாணவர்கள் மேல் கல்விக்காக அகுரேரிக்கு பயணம் செய்கிறார்கள்.இங்கு இரண்டு சிறிய ஹோட்டல்கள், ஒரு முகாம் மைதானம் ஆகியவற்றைக் கொண்டுள்ளது. மற்றும் கோல்ஃப் மைதானம் ஒன்றும் உள்ளது.

வடக்கு அட்லாண்டிக்கின் பனிக்கட்டி நீரில் வெகு தொலைவில் மறைக்கப்பட்ட ரகசியங்கள் மற்றும் பதில் கிடைக்காத கேள்....

17/12/2024

கல்விக்கு சிறந்த முதல் 10 நாடுகள்

1. அமெரிக்கா
2. இங்கிலாந்து
3. ஜெர்மனி
4. கனடா
5. பிரான்ஸ்
6. சுவிட்சர்லாந்து
7. ஜப்பான்
8. ஆஸ்திரேலியா
9. ஸ்வீடன்
10. டென்மார்க்

1. அமெரிக்கா2. இங்கிலாந்து3. ஜெர்மனி4. கனடா5. பிரான்ஸ்6. சுவிட்சர்லாந்து7. ஜப்பான்8. ஆஸ்திரேலியா9. ஸ்வீடன்10. டென்மார்க்

17/12/2024

கோழி இறைச்சி மிகவும் பிரபலமான இறைச்சிகளில் ஒன்று. இது பரவலாக எல்லா இடங்களிலும் கிடைக்கக்கூடியது. பல்வேறு அத்தியாவசிய ஊட்டச்சத்துக்கள் கோழி இறைச்சியில் உள்ளது. கோழி இறைச்சியில் கலோரிகள் குறைவாக இருந்தாலும் புரதச்சத்து அதிகமாக இருப்பதால் உடல் எடையை குறைக்க உதவும்.
கோழிக்கறி இந்தியாவில் பிரபலமான உணவுகளில் ஒன்று.

கோழி இறைச்சி இதய ஆரோக்கியத்தை மேம்படுத்துகிறது:

வைட்டமின் பி6 அதிகம் உள்ள கோழி இறைச்சி மாரடைப்பு வராமல் தடுக்கிறது. வைட்டமின் B6 ஹோமோசைஸ்டீன் அளவைக் குறைக்க உதவுகிறது. இது மாரடைப்பு அபாயத்துடன் தொடர்புடைய முக்கிய கூறுகளில் ஒன்று.

கோழி இறைச்சி நோய் எதிர்ப்பு சக்தியை அதிகரிக்கிறது
ஜலதோஷம் மற்றும் காய்ச்சல் போன்ற பொதுவான சுவாச நோய்த்தொற்றுகளுக்கு சிகிச்சையளிப்பதற்கு சிக்கன் சூப் நீண்ட காலமாக வீட்டு மருந்தாக பயன்படுத்தப்படுகிறது. சிக்கன் சூப்பில் இருந்து வரும் சூடான நீராவியானது நாசி மற்றும் தொண்டை நெரிசலை போக்க உதவுகிறது. இது நுண்ணுயிரிகளின் தாக்கத்தை குறைத்து தொற்று ஏற்படுவதைத் தடுக்கிறது.

கோழி இறைச்சி டெஸ்டோஸ்டிரோன் அளவை அதிகரிக்க உதவுகிறது

ஆண்கள் துத்தநாகம் நிறைந்த உணவுகளை சாப்பிட வேண்டும், ஏனெனில் இது டெஸ்டோஸ்டிரோன் அளவைக் கட்டுப்படுத்தவும் விந்தணு உற்பத்தியை அதிகரிக்கவும் உதவுகிறது. கோழி இறைச்சியில் துத்தநாகம் உள்ளது.

கோழி இறைச்சி எலும்புகள் ஆரோக்கியத்தை அதிகரிக்கிறது

புரதத்தைத் தவிர கோழி இறைச்சியில் பாஸ்பரஸ் மற்றும் கால்சியம் போன்ற தாதுக்கள் அதிகம் உள்ளது. இது எலும்புகளை ஆரோக்கியப்படுத்த உதவுகிறது. இதில் செலினியம் உள்ளது இது கீல்வாதத்தை குறைக்க உதவுகிறது.

கோழி இறைச்சி மன அழுத்தத்தை குறைகிறது

கோழி இறைச்சியில் டிரிப்டோபான் மற்றும் வைட்டமின் பி5 ஆகிய இரண்டு ஊட்டச்சத்துக்கள் உள்ளன. அவை மன அழுத்தத்தைக் குறைக்கும். டிரிப்டோபான் மற்றும் வைட்டமின் பி5 ஆகிய இரண்டும் உங்கள் உடலில் அமைதியான நிலையை ஏற்படுத்தும். இது மிகவும் சுவையோடு மன அழுத்தத்தையும் குறைக்கும். மேலும் மகிழ்ச்சியைத் தூண்டும் பண்புகள் இதில் உள்ளது.

கோழி இறைச்சியில் இருக்கும் மெக்னீசியம் என்ற சத்து பெண்களுக்கு மாதவிடாய் காலத்தில் ஏற்படும் மனநிலை மாற்றங்களை எதிர்த்துப் போராட உதவுகிறது.

கோழி இறைச்சி தசை வளர்ச்சிக்கு உதவுகிறது

அசைவப் புரதச் சத்துகளில் கோழி இறைச்சியும் ஒன்று. இது அதிக புரத உள்ளடக்கம் மற்றும் குறைந்த கொழுப்பு உள்ளடக்கம் கொண்டது. 100 கிராம் கோழி இறைச்சியில் 31 கிராம் புரதம் உள்ளது. இது தசை வளர்ச்சிக்கு உதவுகிறது.

கோழி இறைச்சியில் பாஸ்பரஸ் அதிகமாக உள்ளது, இது உங்கள் பற்கள், எலும்புகள், சிறுநீரகம், கல்லீரல் மற்றும் மத்திய நரம்பு மண்டலத்தின் செயல்பாட்டிற்கு உதவும் ஒரு அத்தியாவசிய கனிமமாகும்.

கோழி இறைச்சியில் வைட்டமின் பி3 நியாசின் உள்ளது. இந்த வைட்டமின் நமது வளர்சிதை மாற்றத்தை சீராக வைத்திருக்கவும், நரம்பு மண்டலம் சரியாக செயல்படவும், சோர்வைக் குறைக்கவும் உதவுகிறது.

கோழி இறைச்சி இரத்த அழுத்தத்தை கட்டுப்படுத்த உதவுகிறது. இரத்த அழுத்தம் ஒட்டுமொத்த ஆரோக்கியத்திற்கு கடுமையான பிரச்சனைகளை ஏற்படுத்தும். ஆரோக்கியமான உணவு மற்றும் வாழ்க்கை முறை பழக்கவழக்கங்கள் அதை நிர்வகிக்க மிகவும் பயனுள்ள வழிகள். 2008 ஆம் ஆண்டு நடத்தப்பட்ட ஆய்வில், கோழியிலிருந்து எடுக்கப்பட்ட கொலாஜன் சாறுகள் இரத்த அழுத்தத்தைக் குறைப்பது தெரியவந்துள்ளது.

மாட்டிறைச்சி, பன்றி இறைச்சி, ஆட்டிறைச்சி போன்ற சிவப்பு இறைச்சிகள், கோழி இறைச்சி, மீன் மற்றும் காய்கறிகளை விட அதிக அளவு நிறைவுற்ற கொழுப்பைக் கொண்டுள்ளன. இதன் விளைவாக, அமெரிக்கன் ஹார்ட் அசோசியேஷன் கொலஸ்ட்ரால் மற்றும் இதய நோய் அபாயத்தை குறைக்க சிவப்பு இறைச்சிக்கு பதிலாக கோழி இறைச்சி அல்லது மீன் சாப்பிட பரிந்துரைக்கிறது.

கோழி இறைச்சி இயற்கையான மன அழுத்த மருந்தாக செயல்படுகிறது

நீங்கள் மனச்சோர்வோடு இருந்தால் கோழி இறைச்சி சாப்பிடுவது உங்கள் மூளையில் செரோடோனின் அமினோ அமிலத்தின் அளவை அதிகரிக்கிறது. உங்கள் மனநிலையை மேம்படுத்துகிறது. மன அழுத்தத்தைக் குறைக்கிறது. நல்ல தூக்கத்தை கொடுக்கும்.

கோழி இறைச்சி கனிமங்கள் நிறைந்தது

உதாரணமாக இதில் உள்ள இரும்பு சத்து ஹீமோகுளோபின் உருவாக்கம், தசை செயல்பாடு மற்றும் இரத்த சோகையைத் தடுக்க உதவுகிறது. பொட்டாசியம் மற்றும் சோடியம் ஆகியவை திரவ சமநிலைக்கு உதவும் எலக்ட்ரோலைட்டுகள், அதேசமயம் பாஸ்பரஸ் சோர்வு, எலும்பு ஆரோக்கியம், மூளை செயல்பாடு, பல் பராமரிப்பு மற்றும் வளர்சிதை மாற்ற பிரச்சனைகளுக்கு உதவும்.

கோழி இறைச்சி கண் ஆரோக்கியத்தை மேம்படுத்துகிறது

ரெட்டினோல், ஆல்பா மற்றும் பீட்டா-கரோட்டின் மற்றும் லைகோபீன் ஆகியவை கோழி இறைச்சியில் உள்ளது. இவை அனைத்தும் வைட்டமின் ஏ இலிருந்து கிடைப்பவை. நல்ல கண் பார்வைக்கு இவை அவசியம்.

ஊட்டச்சத்து

கோழியில் புரதம், நியாசின், செலினியம் மற்றும் பாஸ்பரஸ் உள்ளிட்ட பல்வேறு முக்கிய ஊட்டச்சத்துக்கள் நிறைந்துள்ளன.

85 கிராம் கோழி இறைச்சியில்

கலோரிகள்: 122, புரதம்: 24 கிராம், கொழுப்பு: 3 கிராம், கார்போஹைட்ரேட்டுகள்: 0 கிராம், நியாசின்: தினசரி மதிப்பில் 51%, செலினியம்: 36% தினசரி மதிப்பில், பாஸ்பரஸ்: 17% தினசரி மதிப்பில், வைட்டமின் B6: 16% தினசரி மதிப்பில்,
வைட்டமின் பி12: 10% தினசரி மதிப்பில், ரிபோஃப்ளேவின்: 9% தினசரி மதிப்பில், துத்தநாகம்: தினசரி மதிப்பில் 7%, தியாமின்: 6% தினசரி மதிப்பில், பொட்டாசியம்: 5% தினசரி மதிப்பில், தாமிரம்: தினசரி மதிப்பில் 4% ஆகியவை உள்ளது

கோழி இறைச்சி மிகவும் பிரபலமான இறைச்சிகளில் ஒன்று. இது பரவலாக எல்லா இடங்களிலும் கிடைக்கக்கூடியது. பல்வேறு அத்த....

17/12/2024

மனிதனையே நடுங்க வைக்கும் பாம்புகளுக்கும் பயம் உண்டு தெரியுமா ? எதை கண்டால் பயம் தெரியுமா ?

மனித வரலாறு முழுவதும் ஆதி காலத்திலிருந்து பாம்புகளை மனிதர்கள் அதிகம் வெறுத்து வந்துள்ளனர். அதற்குக் காரணம் பாம்புகளைப் பற்றிய அதீத பயம்.

ஆதிகாலத்தில் வாழ்ந்த மனிதர்களுக்கு மிகப்பெரிய அச்சுறுத்தலாக இருந்தவற்றில் மிகவும் முக்கியமானது பாம்புகள். ஆதிகால மனிதர்கள் இரவில் தூங்கும் பொழுது கூட பாம்புகளுக்கு அதிகம் பயந்துள்ளனர். அந்த பயம் இப்பொழுதும் நம்முடைய உள்ளுணர்வில் இருக்கும். இரவு நாம் தூங்கும் பொழுது பாம்பை பற்றிய கனவுகளும் பாம்பு பயமுறுத்தும் கனவுகளும் அடிக்கடி நம்மை வந்து தொந்தரவு செய்யும். அந்த அளவிற்கு பாம்புகள் மிகப்பெரிய பயத்தை மனிதர்களுக்கு கொடுத்திருந்தது.

இப்போது மனிதர்கள் பாம்புகளை கண்டால் ஒருவித அச்ச உணர்வோடே அவைகளை பார்க்கிறார்கள். பாம்பை கண்டால் படையே நடுங்கும் என சொல்லுவாங்க. ஆனா இப்படி மனிதர்கள் எல்லோரும் பயந்து நடுங்கக் கூடிய பாம்புகளுக்கும் ஒரு சில உயிரினங்களை கண்டால் பயம். அப்படி பாம்புகளுக்கு எந்தெந்த உயிரினங்களை கண்டால் பயம் என்பதை பற்றி பார்ப்போம்.

பாம்புகள் ஒரு சில விலங்குகளுக்கு ஏன் பயப்படுகின்றன என்பதை பார்க்கும் பொழுது பாம்புகள் பொதுவாக தனிமையாகவும், ரகசியமாக மறைந்தும் வாழக்கூடியது. பாம்பை வேட்டையாடி சாப்பிடும் விலங்குகளிடமிருந்து தப்பிக்க எங்கு மறைவான பகுதிகள் இருக்கிறதோ அந்த இடத்தில் மறைந்து வாழக்கூடிய தன்மை கொண்டது. இந்த பயம் பாம்புகளுக்கு அதனுடைய உள்ளுணர்வால் ஏற்படுகிறது. மில்லியன் கணக்கான ஆண்டுகளாக பரிமாண வளர்ச்சியில் இந்த பயம் தொடர்ந்து மெருகேறிக்கொண்டே வருகிறது.

பாம்புகளுக்கு அதிகம் பயத்தை ஏற்படுத்தக்கூடிய விலங்குகளில் ஒன்று கீரி. கீரி மிகவும் விஷமுள்ள பாம்புகளை கூட அச்சமின்றி தாக்கும். பாம்பின் விஷத்தை குறைக்கும் வலுவான நோய் எதிர்ப்பு சக்தி கீரியின் உடலில் உள்ளது. இதனால் கீரியை கண்டால் பாம்புகளுக்கு மிகப்பெரிய பயம்.

பருந்துகள், கழுகுகள் போன்ற பல வேட்டையாடக்கூடிய பறவைகள் பாம்பை அதிகம் வேட்டையாடி சாப்பிடுகிறது. இந்த பறவைகளின் கூரிய பார்வையும் சக்தி வாய்ந்த உடல் அமைப்பும் பாம்புகளை துல்லியமாக பிடிக்க உதவுகிறது. இந்த பறவைகள் மிக வேகமாக பறந்து வந்து பாம்பை தாக்குவதால் இந்த பறவைகளை கண்டு பாம்புகளுக்கு மிகப்பெரிய பயம். இவைகளை பார்த்து மிகவும் விழிப்போடு பயத்துடன் ஒளிந்து வாழ்கிறது பாம்பு.

காட்டுப்பன்றிகள் பாம்புக்கு மிகப்பெரிய எதிரி இல்லை என்றாலும் ஒரு சில நேரங்களில் தன்னுடைய மூர்க்ககுணத்தால் மிக வேகமாக பாம்பை வேட்டையாடுகிறது. காட்டுப் பன்றிகள் பாம்புகளுக்கு மிகப்பெரிய ஒரு அச்சுறுத்தலாகவே உள்ளது. காட்டுப் பன்றியின் கடினமான தோல் காரணமாக பாம்பு கடியில் இருந்து அவை தப்புவதற்கு பாதுகாப்பை கொடுக்கிறது.

ஒரு சில வகை மிகப் பெரிய எலி இனங்களும் பாம்புகளுக்கு எதிரியாக இருக்கிறது. இவைகளின் கூர்மையான பற்கள் பாம்புகளை மிக எளிதில் வேட்டையாடி விடுகிறது.

பாம்புகளுக்கு பாம்புகளே மிகப்பெரிய எதிரிகளாக இருக்கிறது. பெரிய பாம்புகள் பொதுவாக சிறிய பலவீனமான பாம்புகளை வேட்டையாடி சாப்பிடுகிறது. பாம்புகளுக்கு இடையே உள்ள இந்த போட்டி காரணமாக அதிக விஷம் கொண்ட சிறிய பாம்புகள் வேட்டையாடப்படுகின்றன. இதுவும் பாம்புகளின் பயத்திற்கு மிகப்பெரிய ஒரு காரணம்.

நாய்கள் போன்ற வீட்டில் வளர்க்கும் விலங்குகளும் பாம்புகளுக்கு எதிரியாக இருக்கிறது. இவைகளை கண்டாலும் பாம்புகளுக்கு மிகப்பெரிய பயம். நாய்கள் குறிப்பாக வேட்டையாடும் குணம் கொண்டது. பாம்புகளை கண்டாலே கடித்து குதறி விடும்.

மனிதர்கள் பாம்புகளை கண்டால் அதிகம் பயப்படுவார்கள். ஆனால் இதற்கு நேர்மாறாக பாம்புகள் மனித தொடர்பை தவிர்க்கின்றன. மனிதர்களை கண்டாலும் பாம்புகளுக்கு ஒரு வித பயம் ஏற்படுகிறது. அது அச்சுறுத்தப்படும் பொழுது மட்டுமே மனிதர்களை தாக்குகிறது. பாம்புகளின் வாழ்விடம் அழிப்பு, அதிக அளவில் வேட்டையாடுவது போன்ற மனித நடவடிக்கைகள் பாம்புகளுக்கு பயத்தை ஏற்படுத்துவதை விட அவற்றின் எண்ணிக்கையை மிகப்பெரிய அளவில் குறைக்கிறது.

பாம்புகளுக்கும் பிற விலங்குகளுக்கும் இடையிலான உறவு மிகவும் சிக்கலானது. அது பன்முகத்தன்மை கொண்டது. பாம்புகள் பிற விலங்குகளை வேட்டையாடி சாப்பிட்டாலும் அவைகளும் பல்வேறு வலிமையான உயிரினங்களுக்கு இரையாகிறது. காட்டில் வாழும் பல விலங்குகள் பாம்புகளுக்கு எதிரியாகவே இருக்கிறது. இருந்தாலும் இயற்கையின் நுட்பமான சமநிலை காரணமாக காடுகளில் விலங்குகளின் எண்ணிக்கை கட்டுப்படுத்தப்பட்டு காடுகள் செழிப்பாக இருக்கிறது. இயற்கையின் முன் விலங்குகளை வேட்டையாடி சாப்பிடும் எல்லா விலங்குகளும் ஒரே போல் ஒன்றுக்கொன்று தேவைக்கு உணவுக்காக வேட்டையாடி சாப்பிடுவதன் மூலமாக சமநிலை பாதுகாக்கப்படுகிறது. காடுகளும் விலங்குகளும் அழியாமல் பாதுகாக்கப்படவும் செய்கிறது.

மனித வரலாறு முழுவதும் ஆதி காலத்திலிருந்து பாம்புகளை மனிதர்கள் அதிகம் வெறுத்து வந்துள்ளனர். அதற்குக் காரணம் ப.....

16/12/2024

இஸ்ரேலிய குகையில் 35,000 ஆண்டுகள் பழமையான வழிபடும் இடம் கண்டுபிடிப்பு

குகைகள் நீண்ட காலமாக மனிதகுலத்தின் கடந்த காலத்திற்கான ஜன்னல்களாக உள்ளன. நம் முன்னோர்கள் எப்படி வாழ்ந்தார்கள், அவர்கள் எதை நம்பினார்கள், எப்படி அவர்கள் சுற்றுச்சூழலுடன் தொடர்பு கொண்டார்கள் என்பதற்கான தடயங்களை கொடுக்கிறது.

வடக்கு இஸ்ரேலில் லெபனானின் எல்லைக்கு அருகில் ஒரு குகை பல புதிர்களை கொண்டது. 2008 இல் முதன்முதலில் கண்டுபிடிக்கப்பட்ட இந்த மனோட் குகை பல முக்கியமான தொல்பொருள் கண்டுபிடிப்புகளின் தளமாகும்.

இங்கு சமீபத்திய ஆராய்ச்சி ஒன்று முற்றிலும் புதிய ஒன்றைக் கண்டறிந்துள்ளது. அது பண்டைய சடங்குகளுக்குப் பயன்படுத்தப்பட்ட ஒரு ஆழமான அறை.

இந்த குகையின் நுழைவாயிலுக்கு கீழே எட்டு மாடிகள் கீழ் பக்கமாக அறைகள் உள்ளது. இது இருட்டாகவும், ஒதுங்கியதாகவும், அன்றாட நடவடிக்கைகள் நடைபெறும் இடத்திலிருந்து வெகு தொலைவில் உள்ளது.

இஸ்ரேல் மற்றும் ஸ்பெயினின் ஆராய்ச்சியாளர்கள் இப்படி தனிமையாக இருப்பது தற்செயலானது அல்ல என்று சொல்கிறார்கள். அந்த இடம் சுமார் 35,000 ஆண்டுகளுக்கு முன்பு வழிபாட்டிற்கான இடமாக தேர்ந்தெடுக்கப்பட்டிருக்கலாம் என நம்பப்படுகிறது.

அறைக்குள் ஆராய்ச்சியாளர்கள் குழு ஆமை ஓடு உருவத்துடன் செதுக்கப்பட்ட கல்லைக் கண்டுபிடித்தது. இது ஒரு சிறிய இடத்தில் பத்திரமாக வைக்கப்பட்டு இருந்தது.

இது ஒரு சின்னமாக அல்லது ஆன்மீக சின்னமாக செயல்பட்டிருக்கலாம் என ஆராய்ச்சியாளர்கள் கருதுகின்றனர்.

அவர்கள் அறையில் மர சாம்பலின் தடயங்களை ஸ்டாலாக்மிட்டுகளில் கண்டுபிடித்தனர். இது பழங்கால மனிதர்கள் இந்த இடத்தில் தங்கள் விழாக்களை நடத்தும் பொழுது அங்கு வெளிச்சத்திற்காக தீப்பந்தங்களை எடுத்துச் சென்றதாக கருதப்படுகிறது.

அந்த அறை சத்தத்தை அதிகரிக்கும் விதமாக அமைக்கப்பட்டிருக்கிறது. இது அங்கு சடங்குகள் நடக்கும் பொழுது ஒரு தனித்துவமான உணர்ச்சி அனுபவத்தை கொடுக்கும்.

இந்த விஷயங்கள் சரியாக இருந்தால், இது ஆசியாவின் பழமையான சடங்கு தளமாக இருக்கலாம் என நம்புகின்றனர்.

ஆரம்பகால மனிதர்கள் இங்கு உயிர் வாழ்வதற்கு மட்டும் இங்கு வசிக்கவில்லை என்று கண்டுபிடிப்புகள் தெரிவிக்கின்றன. அவர்கள் ஆன்மீக நடைமுறைகளை உருவாக்கி, இயற்பியல் உலகத்திற்கு அப்பாற்பட்ட ஒன்றை இணைக்க வழிகளைக் கண்டுபிடித்தனர் என நம்பப்படுகிறது.

மனோட் குகை ஏற்கனவே மனித வரலாற்றில் உள்ள பல விஷயங்களை வழங்கியுள்ளது. அங்குள்ள மிகவும் பிரபலமான கண்டுபிடிப்புகளில் 55,000 ஆண்டுகள் பழமையான மண்டை ஓடு உள்ளது, இது நியண்டர்தால் மற்றும் நவீனகால மனித வம்சாவளியைக் கொண்ட ஒரு நபருக்கு சொந்தமானது என்று கருதப்படுகிறது.

இரண்டு இனங்களுக்கிடையில் இனக்கலப்பு செய்ததற்கான சில தெளிவான ஆதாரங்களை இது வழங்கியது என சொல்லப்படுகிறது.

இப்போது, ​​இந்த அறையின் ஆய்வு மூலம், ஆராய்ச்சியாளர்கள் தொலைதூர கடந்த கால வாழ்க்கையின் மற்றொரு அம்சத்தை கண்டுபிடித்துள்ளனர்.

ஆன்மீகம் மற்றும் சமூகம் பற்றிய சிக்கலான கருத்துக்களை இன்றும் பிரதிபலிக்கும் வழிகளில் ஆரம்பகால மனிதர்கள் எவ்வாறு ஆராயத் தொடங்கினர் என்பதை இந்த குகைகளில் நடத்தப்பட்ட சடங்குகள் காட்டுகின்றன.

குகைகள் நீண்ட காலமாக மனிதகுலத்தின் கடந்த காலத்திற்கான ஜன்னல்களாக உள்ளன. நம் முன்னோர்கள் எப்படி வாழ்ந்தார்கள்...

15/11/2024

கண்ணை நம்பாதே உன்னை ஏமாற்றும்... கொஞ்சம் திருப்பி பாருங்க பாஸ்..

04/11/2024

சிறுவயதில் இந்த ஐந்து பைசா கிடைத்தாலே அது பொக்கிஷம்

04/11/2024

கொஞ்சம் ஓவர். இருந்தாலும் செம்ம

31/10/2024

தீபாவளியான இன்று இந்திய, சீன ராணுவ வீரர்கள் பல எல்லைப் பகுதிகளில் இனிப்புகளை பரிமாறிக் கொண்டனர்

தீபாவளியையொட்டி கிழக்கு லடாக்கில் உள்ள இடங்கள் உட்பட, பல எல்லைப் பகுதிகளில் இந்தியா மற்றும் சீனாவின் துருப்புக்கள் இனிப்புகளை பரிமாறிக்கொண்டன.

பாரம்பரிய நடைமுறையாக இந்திய மற்றும் சீன துருப்புக்கள் கடந்த காலங்களில் திருவிழாக்கள் மற்றும் பிற முக்கிய நிகழ்வுகளைக் குறிக்க கிழக்கு லடாக் உட்பட பல எல்லைச் சாவடிகளில் இனிப்புகளையும் வாழ்த்துக்களையும் பரிமாறிக்கொண்டன.

தீபாவளியான இன்று இந்திய, சீன ராணுவ வீரர்கள் பல எல்லைப் பகுதிகளில் இனிப்புகளை பரிமாறிக் கொண்டனர்தீபாவளியையொட்...