17/11/2024
ആര്യ വൈദ്യൻ പി എം നമ്പൂതിരി അനുസ്മരണ സമ്മേളനവും അവാർഡ് ദാനവും നടന്നു
മണ്ണാര്‍ക്കാട്: ആര്യ വൈദ്യന്‍ പി.എം. നമ്പൂതിരി അനുസ്മരണം
മണ്ണാര്‍ക്കാട് നമ്പൂതിരീസ് ആര്‍ക്കേഡില്‍ കഥകളി ആചാര്യന്‍ പത്മശ്രീ കലാമണ്ഡലം ഗോപി ഉദ്ഘാടനം ചെയ്തു. മണ്ണാര്‍ക്കാട് നഗരസഭ വികസനകാര്യസ്ഥിരം സമിതി ചെയര്‍മാന്‍ കെ. ബാലകൃഷ്ണന്‍ അധ്യക്ഷനായി. ആരോഗ്യ രംഗത്തെ സമഗ്രസംഭാവനയ്ക്കുള്ള ആയുര്‍ രത്ന അവാര്‍ഡ് തൃശൂര്‍ സീതാറാം ആയുര്‍വേദ ഫാര്‍മസി മാനേജിങ്് ഡയറക്ടര്‍ ഡോ.ഡി. രാമനാഥന് സമ്മാനിച്ചു. റിട്ട. പ്രൊഫ. സാബു ഐപ്പ് അനുസ്മരണ പ്രഭാഷണം നടത്തി. വാര്‍ഡ് കൗണ്‍സിലര്‍ സി.പി. പുഷ്പാനന്ദന്‍, ആയുര്‍വേദ മെഡിക്കല്‍ അസോസിയേഷന്‍ ജില്ലാ സെക്രട്ടറി ഡോ. ഇ. ബാസിം, യോഗക്ഷേമസഭ ജില്ലാ സെക്രട്ടറി പാറനാട് വാസുദേവന്‍, വ്യാപാരി വ്യവസായി പ്രതിനിധി രമേഷ്, അബ്ദുള്‍ നാസര്‍ കൊമ്പത്ത്, എ. ജയദേവന്‍, കെ.എം.എന്‍. നമ്പൂതിരി, രാധ നെച്ചുള്ളി, ഡോ.പി.പി. പ്രവീണ്‍, ഡോ.പി.എം. ദിനേശന്‍ എന്നിവര്‍ സംസാരിച്ചു. സംസ്ഥാന യോഗാചാമ്പ്യന്‍ഷിപ്പില്‍ സ്വര്‍ണം നേടിയ യോഗാചാര്യന്‍ സന്തോഷിനെ അനുമോദിച്ചു. പ്ലാറ്റിനം ജൂബിലി ആഘോഷിക്കുന്ന കെ.ടി.എം. ഹൈസ്‌കൂളിലെ തിരഞ്ഞെടുത്ത കുട്ടികള്‍ക്കുള്ള സഹായധനം സ്‌കൂളധികൃതര്‍ ഡോ. പി. സതീശനില്‍ നിന്നും ഏറ്റുവാങ്ങി.
തുടര്‍ന്ന് കെ.സി. വിവേക് രാജ നേതൃത്വം നല്‍കിയ സംഗീതകച്ചേരിയും നടന്നു.
