𝐊𝐎𝐍𝐃𝐎𝐓𝐓𝐘 𝐔𝐏𝐃𝐀𝐓𝐄𝐒

Home
India
Malappuram
𝐊𝐎𝐍𝐃𝐎𝐓𝐓𝐘 𝐔𝐏𝐃𝐀𝐓𝐄𝐒

കൊണ്ടോട്ടിയിലെ വാർത്തവിശേഷങ്ങൾ പങ്കിടാം

25/02/2024

കൊണ്ടോട്ടിയിൽ ഇന്ന് (Sunday ) രാവിലെ നടന്ന ബസ് അപകടം

02/02/2024

നൃത്തം ചെയ്ത് ഹൃദയം തൊട്ട
കൂട്ടുകാരികൾക്ക് സ്നേഹാദരം
🌀🌀🌀 💃💃💃💃🌀🌀🌀

എത്ര പ്രതിസന്ധിയുള്ളവരെയും ചേർത്തൊന്ന് പിടിച്ചാൽ നെഞ്ചിനുള്ളം സ്നേഹത്തിൻ്റെ ചിറക് മുളക്കുമെന്നതിന് തെളിവാണ് കഴിഞ്ഞ ദിവസം വൈറലായ ഡാൻസ് വീഡിയോ. കൊണ്ടോട്ടി ഇ.എം.ഇ.എ ഹയർ സെക്കൻ്ററി
സ്കൂളിളെ ഭിന്ന ശേഷി വിദ്യാർത്ഥിനി സിയാനെ സഹ വിദ്യാത്ഥിനി ഒന്ന് ചേർത്തു
പിടിച്ചപ്പോൾ കണ്ണുകൾക്കത് മനോഹരമായ നൃത്ത കാഴ്ചയായി.സർവ്വീസിൽ നിന്ന് വിരമി ക്കുന്ന പഴേരി അബ്ദു റസാഖ് ,ഡപ്യൂട്ടി ഹെഡ്മിസ്ട്രസ് അനിത ടീച്ചർ എന്നിവർക്ക് പി.ടി.എയുടെ നേതൃത്വത്തിൽ നൽകിയ യാത്രയയപ്പ് പരിപാടിക്കിടെയാണ് സിയാന നൃത്തം ചെയ്യാൻ ആഗ്രഹം പ്രകടിപ്പിച്ചത്. സഹപാഠി മധുവായി ഫാത്തിമ ഇഖ്ബാൽ
ധൈര്യം നൽകി വേദിക്ക് മുന്നിൽ നിന്ന് പാട്ടിനൊത്ത് നൃത്തചുവടുകൾ വെച്ചതോടെ മറ്റു സഹപാഠികളും നിറഞ്ഞ പ്രോൽസാഹനം നൽകി.രംഗം കണ്ടുനിന്ന തബലിസ്റ്റ് നിസാർ ഇത് ഫോണിൽ പകർത്തിയതോടെ സംഭവം പുറത്തു ചാടി. ഏതാനും പേർ മാത്രം കണ്ടു നിന്ന നൃത്തം സ്മാർട്ട് ഫോണുകളിൽ നിന്ന് പരക്കം പാഞ്ഞു.ടി.വി. ഇബ്രാഹീം എം.എൽ.എ ഉൾപ്പെടെ പലരും ഇത് സാമൂഹ്യ മാധ്യമങ്ങളിൽ ഇത് ഷെയർ ചെയ്തതോടെ രംഗം നിമിഷ നേരം കൊണ്ട് വൈറലായി മാറി. മലപ്പുറം ജില്ലാ വിദ്യാഭ്യാസ ഓഫീസർ കെ.പി. രമേശ് കുമാർ പ്രധാനധ്യാപകനെ വിളിച്ച് പ്രത്യേകം അഭിനന്ദനമറിയിച്ചു. വ്യാഴായ്ച നടന്ന സ്കൂൾ അസംബ്ലിയിൽ ഇരുവരെയും മലപ്പുറം ജില്ലാ വിദ്യാഭ്യാസ വകുപ്പ് ആദരിച്ചു. ജില്ല വിദ്യാഭ്യാസ ഉപ ഓഫീസർ പി.പി.റുഖിയ വിദ്യാർത്ഥികൾ ക്കുള്ള ഉപഹാരം നൽകി. പ്രധാനധ്യാപകൻ പി.ടി ഇസ്മാഈൽ അധ്യക്ഷനായ ഈ മനോഹര ചടങ്ങിൽ നൽകിയ ആദരവ് കുട്ടികൾ ആർപ്പുവിളികളോടെയാണ് നെഞ്ചേറ്റിയത്.പരിപാടിയിയുടെ ഭാഗമാവാൻ കഴിഞ്ഞതിൽ എനിക്ക് മനസ്സ് നിറഞ്ഞ ദിവസമായി മാറി..ഉള്ളിലുള്ള കാര്യം അറിയാത്തിടത്തോളം കാലം മറ്റുള്ളവരുടെ ജീവിതം നമുക്ക് മനോഹരമായി തോന്നും. ആയിരം സാരോപദേശത്തേക്കാൾ വിലപ്പെട്ടതാണ് ഒരു ഔൺസ് പ്രവൃത്തി.
ഈ കാഴ്ച നമ്മിൽ ആർദ്രതയുടെ മഴ പെയ്യിക്കുന്നു..
(ഹസീബ് റഹ്മാൻ)

29/12/2023

ബാലസംഘം സ്ഥാപകദിന ഘോഷയാത്ര സംഘടിപിച്ചു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
29-12-2023

ഓമാനൂർ | ബാലസംഘം ചീക്കോട് വില്ലേജ് തല 85- മത് സ്ഥാപകദിന ഘോഷയാത്ര ഓമാനൂരിൽ സംഘടിപിച്ചു. റാലി ബാലസംഘം ജില്ലാ സെക്രട്ടറി എ.പി അഭിനവ് ഉദ്ഘാടനം ചെയ്തു.നന്ദന ചീക്കോട് അധ്യക്ഷത വഹിച്ചു. നിരഞ്ജൻ പറപ്പൂർ അവകാ പ്രഖ്യാപനം അവതരിപ്പിച്ചു. വില്ലേജ് സെക്രട്ടറി സനുഷ പ്രതിജ്ഞ ചൊല്ലി. വിവിധ യൂണിറ്റിലെ കുട്ടികൾ കലാപരിപാടിക്കൾ അവതരിപ്പിച്ചു.പരിപാടിക്ക് സ്വാഗതസംഘം ചെയർമാൻ മുജീബ് ഓമാനൂർ സ്വാഗതവും അസ്റത്ത് മുണ്ടക്കൽ നന്ദിയും പറഞ്ഞു.

24/12/2023

മന്ത്രിമാരായ അഹമ്മദ് ദേവർകോവിലും ആന്റണി രാജുവും രാജിവെച്ചു

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
24-12-2023

തിരുവനന്തപുരം | മന്ത്രിമാരായ അഹമ്മദ് ദേവർ കോവിലും ആന്റണി രാജുവും രാജിവെച്ചു. രാജി മുഖ്യമന്ത്രിക്ക് സമർപ്പിച്ചു. രണ്ടാം പിണറായി സർക്കാരിന്‍റെ രണ്ടാം മന്ത്രിസഭ പുനഃസംഘടനയുടെ ഭാഗമായാണ് രാജി. രാവിലെ ചേരുന്ന മുന്നണി യോഗം പുനഃസംഘടന ചർച്ച ചെയ്യും. ആന്‍റണി രാജുവിനും അഹമ്മദ് ദേവർകോവിലിനും പകരം ഗണേഷ്കുമാറും കടന്നപ്പള്ളി രാമചന്ദ്രനും മന്ത്രിസഭയില്‍ എത്തും. ഈ മാസം 29നു സത്യപ്രതിഞ്ജ നടത്താനാണ് ആലോചന.

മന്ത്രിസഭ രൂപീകരണ സമയത്ത് ഉണ്ടായ ധാരണ പ്രകാരം ഘടകകക്ഷികളായ നാല് എം.എല്‍.എമാരില്‍ രണ്ടുപേർക്ക് രണ്ടര വർഷവും മറ്റ് രണ്ടുപേർക്ക് രണ്ടരവർഷവുമാണ് തീരുമാനിച്ചത്. ഇത് പ്രകാരം ഗതാഗത മന്ത്രി ആന്‍റണി രാജുവും തുറമുഖ മന്ത്രി അഹമ്മദ് ദേവര്‍കോവിലും മാറി ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിസഭയില്‍ എത്തും. മുന്‍ധാരണ പ്രകാരമാണെങ്കില്‍ നവംബർ അവസാനം പുനഃസംഘടന നടക്കേണ്ടതായിരിന്നു. എന്നാല്‍, നവകേരള സദസ്സ് നടക്കുന്നതുകൊണ്ടാണ് പുനഃസംഘടന നീണ്ടുപോയത്.

നവകേരള സദസ് അവസാനിച്ച പശ്ചാത്തലത്തിലാണ് പുനഃസംഘടനയിലേക്ക് ഇടതുമുന്നണി കടക്കുന്നത്. ഇന്ന് ചേരുന്ന മുന്നണി യോഗം മന്ത്രിമാരെ മാറ്റുന്ന കാര്യത്തില്‍ തീരുമാനമെടുക്കും. ഗണേഷ്കുമാറിന്‍റെയും കടന്നപ്പള്ളി രാമചന്ദ്രന്‍റെയും സത്യപ്രതിജ്ഞ ഈ മാസം 29ന് രാജ്ഭവനില്‍ ഒരുക്കുന്ന പ്രത്യേക വേദിയില്‍ നടക്കും.

24/12/2023

ഗതാഗതം നിരോധിച്ചു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
24-12-2023

കാരാട് | ഫാറൂഖ് കോളജ് വാഴക്കാട് റോഡിൽ പുനരുദ്ധാരണ പ്രവൃത്തികൾ നടക്കുന്നതിനാൽ ഇന്ന് മുതൽ പ്രവൃത്തി തീരുന്നത് വരെ ഗതാഗതം നിരോധിച്ചു.

വാഴക്കാട് ഭാഗത്ത് നിന്നും വരുന്ന വാഹന ങ്ങൾ ആക്കോട് നിന്നും അരൂർ ഐക്കരപ്പടി വഴിയും ഫാറൂഖ് കോളജ് ഭാഗത്തു നിന്നും വരുന്ന വാഹനങ്ങൾ കാരാട് എള്ളത്ത് പുറായ ദാനഗ്രാം വഴി പെരിങ്ങാവ് വാഴയൂർ മുണ്ടക്കശ്ശേരി ആക്കോട് വഴിയും തിരിഞ്ഞ് പോകണം.

24/12/2023

ഗതാഗത നിയന്ത്രണം.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
24-12-2023

എടവണപ്പാറ | എളമരം എടവണ്ണപ്പാറ റോഡിൽ ചോലക്കര ജംഗ്ഷനിൽ റോഡ് റിപ്പയർ പ്രവർത്തി നടക്കുന്നതിനാൽ തിങ്കൾ മുതൽ വെള്ളി [ Dec 25 To Dec 29 ] വരെ എളമരം അങ്ങാടി മുതൽ ജലാലിയ്യ ജംഗ്ഷൻ വരെ ഗതാഗത നിയന്ത്രണം ഉണ്ടാവുമെന്ന് അറിയിക്കുന്നു.
എടവണ്ണപ്പാറ ഭാഗത്തുനിന്ന് വരുന്ന വാഹനങ്ങൾ ജലാലിയ്യ ജംഗ്ഷനിൽ നിന്ന് കൂളിമാട് മപ്രം വഴിയും മാവൂർ ഭാഗത്ത് നിന്ന് വരുന്ന വാഹനങ്ങൾ എളമരം അങ്ങാടിയിൽ നിന്ന് വാലില്ലാപ്പുഴറോഡ് വഴിയും തിരിഞ്ഞു പോകേണ്ടതാണെന്ന് അറിയിക്കുന്നു.

എന്ന്
വാർഡ് മെമ്പർ
അഡ്വ: ജന്ന ഷിഹാബ്

17/12/2023

വൈദ്യുതി മുടക്കം

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
17-12-2023

നാളെ (ഡിസംബർ 18, തിങ്കൾ) അനന്തായുർ ഭാഗത്ത് വാഹനമിടിച്ചു പൊട്ടിയ പോസ്റ്റ്‌ മാറ്റുന്ന വർക്ക്‌ നടക്കുന്നതിനാൽ രാവിലെ 9 മണി മുതൽ വൈകീട്ട് 5 മണി വരെ വേങ്ങശ്ശേരി മേത്തൽ, അനന്തായൂർ കോളനിപ്പടി, അനന്തായൂർ എന്നീ ട്രാൻസ്‌ഫോർമറുകളിൽ വൈദ്യുതി മുടങ്ങും

കൽപള്ളി ടൈൽസ് ട്രാൻസ്‌ഫോർമറിൽ മൈന്റെനൻസ് വർക്ക്‌ നടക്കുന്നതിനാൽ രാവിലെ 9 മുതൽ 1 മണി വരെ ഭാഗികമായി വൈദ്യുതി മുടങ്ങുമെന്നും കെ സി ഇ ബി എടവണ്ണപാറ സെക്ഷൻ എ ഇ അറിയിച്ചു

17/12/2023

അരൂർ നിവാസികളുടെ യാത്രാ പ്രശ്നം: രണ്ട് ബസ് റൂട്ട് അപേക്ഷകൾ നാളത്തെ ആർ.ടി.ഒ അജണ്ഡയിൽ

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
17-12-2023

പുളിക്കൽ | പുളിക്കൽ നിന്നും അരൂരിലേക്കുള്ള ഏക ബസ് സർവ്വീസ് നിർത്തിയതിന്നാൽ ദുരിതമനുഭവിക്കുന്ന അരൂർ - വള്ളിക്കാട് നിവാസികൾ ഡിസം: 18 ( തിങ്കൾ ) ലെ മലപ്പുറം ആർ.ടി.ഒ യോഗ തീരുമാനത്തിൽ പ്രതീക്ഷയർപ്പിക്കുന്നു. പുളിക്കൽ നിന്നും അരൂർ ആക്കോട് വഴി എടവണ്ണപാറയിലേക്കും പുളിക്കൽ നിന്നും അരൂർ പുതിയോടത്ത് പറമ്പ് വഴി പള്ളിപുറായയിലേക്കും റൂട്ടിനായി രണ്ട് ബസ് ഉടമകൾ സമർപ്പിച്ച അപേക്ഷകളാണ് 18 ലെ ആർ.ടി.ഒ. യോഗത്തിന്റെ പരിഗണനക്കായെത്തുന്നത്.

കൊണ്ടോട്ടിയിൽ നടന്ന മുഖ്യമന്ത്രി പങ്കെടുത്ത നവകേരള സദസിൽ ഈ ആവശ്യം ഉന്നയിച്ച് നൽകിയ പരാതിയും ( നമ്പർ MPM 0336834) ആർ.ടി.ഒ ക്ക് കൈമാറിയിട്ടുണ്ട്. അരൂർ നിവാസികളുടെ യാത്രാ ദുരിതത്തെ കുറിച്ച് നവംബർ 20-ൻ തന്നെ കൊണ്ടോട്ടി അപ്ഡേറ്റ് ഉൾപ്പെടെയുള്ള വാർത്താ മാധ്യമങ്ങൾ വാർത്ത പ്രസിദ്ധീകരിച്ചിരുന്നു.

17/12/2023

വാഴയൂർ പുഞ്ചപ്പാടം പുറ്റേകടവിൽ കണ്ടെത്തിയ മൃതദേഹം തിരിച്ചറിഞ്ഞു. മരണപ്പെട്ടത് പട്ടായത്തിൽ കൃഷണൻ

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
18-12-2023

വാഴയൂർ | വെള്ളിയാഴ്ച ചാലിയാർ തീരത്ത് പുഞ്ചപ്പാടം പുറ്റേകടവ് ഭാഗത് അടിഞ്ഞ നിലയിൽ കണ്ടെത്തിയ മൃതദേഹം തിരിച്ചറിഞ്ഞു. വാഴയൂർ പട്ടായത്തിൽ കൃഷ്ണനാണ് മരിച്ചത്.62 വയസായിരുന്നു.അസ്വാഭാവിക മരണത്തിന് വാഴക്കാട് പോലീസ് കേസെടുത്തിരുന്നു.കൊണ്ടോട്ടി അപ്ഡേറ്റ്.വെള്ളിയാഴ്ച വൈകിട്ടാണ് നാട്ടുകാർ മൃതദേഹം പൊങ്ങിക്കിടക്കുന്ന നിലയിൽ കണ്ടെത്തിയത്. ഇൻക്വസ്റ്റ് നടപടികൾ പൂർത്തിയാക്കി പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ട് നൽകും.ബന്ധുക്കൾ ശബരിമലക്ക് പോയതിനാലാണ് തിരിച്ചറിയാൻ വൈകിയത്.

16/12/2023

ഇ.എം.ഇ.എ. കോളേജ് യൂണിയൻ ഉദ്ഘാടനം ചെയ്തു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
16-12-2023

കൊണ്ടോട്ടി | ഇ.എം.ഇ.എ കോളേജിലെ യൂണിയൻ ഉദ്ഘാടനം സ്ഥാപന ജനറൽ സെക്രട്ടറി പി കെ ബഷീർ എം.എൽ.എ നിർവഹിച്ചു.യൂണിയൻ ചെയർമാൻ ഹസീബ് അധ്യക്ഷത വഹിച്ചു. എഴുത്തുകാരൻ പി സുരേന്ദ്രൻ ഫൈനാർട്സ് ഉദ്ഘാടനം ചെയ്തു.കൊണ്ടോട്ടി അപ്ഡേറ്റ് പ്രിൻസിപ്പൽ ഡോ അബ്ദുൽ മുനീർ, ഷാമിൽ, പി.കെ ഫിറോസ്, തമിഴ്നാട് സ്വാലിഹീൻ മെഡിക്കൽ കോളേജ് പ്രോജക്ട് മാനേജർ അൽ അമീൻ, കെ.ടി ഫിറോസ്, ഡോ നജീബ്, ഡോ അഷ്റഫ് വാളുർ, സിബിൻ ഇജാസ്, പി.കെ മുബഷിർ എന്നിവർ സംസാരിച്ചു. 'സഹപാഠിക്കൊരു സ്നോഹ ഭവനം' പദ്ധതിക്കായി വിദ്യാർത്ഥികൾ സമാഹരിച്ച തുക കൈമാറി.

15/12/2023

സെക്രട്ടറിയേറ്റ് ധർണ്ണ വിജയിപ്പിക്കും - സി.ഐ.ടി.യു കൊണ്ടോട്ടി ഏരിയ

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

കൊണ്ടോട്ടി | നിർമ്മാണ മേഖലയിലെ പ്രതിസന്ധികൾക്ക് പരിഹാരം കാണണമെന്നാവശ്യപ്പെട്ട് ജനുവരി നാലിന് നടത്തുന്ന സെക്രട്ടറിയേറ്റ് ധർണ വിജയിപ്പിക്കാൻ നിർമ്മാണ തൊഴിലാളി യൂണിയൻ സിഐടിയു കൊണ്ടോട്ടി ഏരിയ കൺവെൻഷൻ തീരുമാനിച്ചു.സി ഐ ടി യു ജില്ലാ വൈസ് പ്രസിഡന്റ് വി.പി മുഹമ്മദ് കുട്ടി ഉദ്ഘാടനം ചെയ്തു. ഏരിയ പ്രസിഡന്റ് പി അബ്ദുൽ കരീം അധ്യക്ഷനായി. സംസ്ഥാന കൗൺസിൽ അംഗം എ പി ദാമോദരൻ, സംസ്ഥാന കമ്മിറ്റി അംഗം പി വി റസീന എന്നിവർ സംസാരിച്ചു. സെക്രട്ടറി കെ ബാലകൃഷ്ണൻ സ്വാഗതവും ട്രഷറർ എ.ടി ഭാസ്കരൻ നന്ദിയും പറഞ്ഞു.

15/12/2023

അസിസ്റ്റന്റ് കളക്ടറായി ഡി രഞ്ജിത്ത് ചുമതയേറ്റു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

കൊണ്ടോട്ടി | പെരിന്തൽമണ്ണ അസിസ്റ്റന്റ് കളക്ടറായി ഡി രഞ്ജിത്ത് ഐ എ എസ് ചുമതലയേറ്റു. 2021 ബാച്ച് ഐഎഎസ് ഉദ്യോഗസ്ഥനാണ് തമിഴ്നാട് കോയമ്പത്തൂർ സ്വദേശി ഡി രഞ്ജിത്ത്. പാലക്കാട് ജില്ലയിൽ അസിസ്റ്റന്റ് കളക്ടർ ആയിരുന്നു. നിലവിൽ അസിസ്റ്റന്റ് കളക്ടർ ആയിരുന്ന ശ്രീധന്യ ഐഎഎസിൻ രജിസ്ട്രേഷൻ വകുപ്പ് ഐ.ജി ആയിട്ടാണ് സ്ഥലംമാറ്റം. സാമൂഹിക സന്നദ്ധ സേന,കേരള യൂത്ത് ലീഡർഷിപ്പ് അക്കാദമി എന്നിവയുടെ അധിക ചുമതലയുമുണ്ട്.

15/12/2023

എടവണ്ണപ്പാറയിൽ തെരുവുനായ ശല്യം രൂക്ഷം. നാലുപേർക്ക് കടിയേറ്റു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

വാഴക്കാട് | എടവണ്ണപ്പാറയില്‍ നാലുപേര്‍ക്ക് തെരുവ് നായുടെ കടിയേറ്റു. ഇന്നലെ ഉച്ചയോടെയാണ് തെരുവ് നായുടെ ആക്രമണമുണ്ടായത്. കടിയേറ്റവരെ പ്രാഥമിക ചികിത്സക്കുശേഷം വിദഗ്ധ ചികിത്സക്കായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.

രാത്രി ഏഴോടെ അരീക്കോട് റോഡില്‍ ഒരു കുട്ടിയെയും നായ് ആക്രമിച്ചു. ദിവസങ്ങള്‍ക്ക് മുമ്ബ് ചാലിയപ്രം ഭാഗത്ത് കുട്ടികള്‍ക്കടക്കം കടിയേറ്റിരുന്നു. ജാഗ്രത പാലിക്കണമെന്ന് അധികൃതര്‍ അറിയിച്ചിട്ടുണ്ട്.

എടവണ്ണപ്പാറയില്‍ തെരുവ് നായ് ശല്യം രൂക്ഷമാണ്. ബുധനാഴ്ച തെരുവുനായ്ക്കള്‍ക്ക് വാക്സിൻ നല്‍കിയിരുന്നു.വന്ധ്യംകരണമടക്കമുള്ള പരിഹാര നടപടികളാണ് വേണ്ടതെന്നാണ് നാട്ടുകാര്‍ പറയുന്നത്.

15/12/2023

കൊണ്ടോട്ടി 17ൽ ഒരാൾ കിണറ്റിൽ വീണു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

കൊണ്ടോട്ടി | കൊണ്ടോട്ടി 17ൽ ഒരാൾ കിണറ്റിൽ വീണ് തലക്ക് ഗുരുതര പരിക്കേറ്റു.85 വയസ്സ് പ്രായം ആയ ആളാണ് വീണത്.കൂടുതൽ വിവരങ്ങൾ അറിവായി വരുന്നു.ആളെ നാട്ടുകാരും ഫയർഫോഴ്സും ചേർന്ന് പുറത്തെടുത്തിട്ടുണ്ട്.നാട്ടുകാർ ചേർന്ന് മേഴ്സി ഹോസ്പിറ്റലിലേക്ക് മാറ്റി.ഉടൻതന്നെ ബേബിയിലേക്ക് കൊണ്ടുപോകാൻ ഒരുങ്ങുന്നു.

15/12/2023

വാഴയൂർ പുഞ്ചപ്പാടം ഭാഗത്ത് ചാലിയാറിൽ ഒരാളുടെ മൃതദേഹം കണ്ടെത്തി.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

വാഴയൂർ | വാഴയൂർ പുഞ്ചപ്പാടം ഭാഗത്ത് ചാലിയാറിൽ മൃതദേഹം കണ്ടെത്തി കണ്ടെത്തി.വാഴക്കാട് പോലീസും ടി ഡി ആർ എഫ് വളണ്ടിയർമാരും ചേർന്ന് മൃതദേഹം ആശുപത്രിയിലേക്ക് മാറ്റി. ആളെ തിരിച്ചറിഞ്ഞിട്ടില്ല.

15/12/2023

വിസ്ഡം ജില്ലാ സർഗ്ഗ വസന്തം സമാപിച്ചു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

പുളിക്കൽ | വിസ്ഡം വിദ്യാഭ്യാസ ബോർഡ് മദ്രസ വിദ്യാർത്ഥികൾക്കായി സംഘടിപ്പിച്ച മലപ്പുറം നോർത്ത് ജില്ലാതല സർഗ്ഗ വസന്തം പുളിക്കൽ അന്നറ കൊണ്ടോട്ടി അപ്ഡേറ്റ് മദ്രസയിൽ വിസ്ഡം ഇസ്ലാമിക് ഓർഗനൈസേഷൻ സംസ്ഥാന പ്രസിഡണ്ട് അബ്ദുല്ലത്തീഫ് മദനി ഉദ്ഘാടനം നിർവഹിച്ചു. 95 ഇനങ്ങളിലായി ജില്ലയിൽ രജിസ്റ്റർ ചെയ്ത 24 മദ്രസകളിൽ നിന്ന് മുന്നൂറോളം മത്സരാർത്ഥികൾ പങ്കെടുത്ത മത്സര പരിപാടിയിൽ യഥാക്രമം 444 പോയിന്റ് നേടി കൊണ്ടോട്ടി കോംപ്ലക്സ് ഒന്നാം സ്ഥാനവും 432 പോയിന്റ് കരസ്ഥമാക്കി മലപ്പുറം കോംപ്ലക്സ് രണ്ടാം സ്ഥാനവും 420 പോയിന്റ് നേടി അരീക്കോട് കോംപ്ലക്സ് മൂന്നാം സ്ഥാനവും കരസ്ഥമാക്കി. ജില്ലാ സെക്രട്ടറി കെ ടി എ ഷാജഹാൻ അധ്യക്ഷനായി.വി പി നൗഷാദ്, യാസർ സാലാഹി,റഫീഖ് ഇരിവേറ്റി,യൂനുസ് നജാത്തി, അബ്ദുള്ള പുളികൽ, ഡോ അബ്ദുൽ ഖാദർ, ഡോ ഷിയാസ് സ്വലാഹി,ആഷിക് മഞ്ചേരി എന്നിവർ പ്രസംഗിച്ചു

15/12/2023

യു.ഡി.എഫ് കൊണ്ടോട്ടിയിൽ പ്രതിഷേധ പ്രകടനം നടത്തി.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
15-12-2023

കൊണ്ടോട്ടി | എൽദോസ് കുന്നംപള്ളി എംഎൽഎയും യുഡിഎഫ് പ്രവർത്തകരെയും ആക്രമിച്ച ഡിവൈഎഫ്ഐ എസ്എഫ്ഐ അക്രമത്തിൽ പ്രതിഷേധിച്ച് കൊണ്ടോട്ടി യുഡിഎഫ്നിയോജകമണ്ഡലം കമ്മിറ്റി പ്രതിഷേധ പ്രകടനം നടത്തി.പ്രതിഷേധം കൊണ്ടോട്ടി അപ്ഡേറ്റ് ബസ്റ്റാൻഡ് പരിസരത്ത് സമാപിച്ചു. ടി വി ഇബ്രാഹിം എം. എൽ എ ഉദ്ഘാടനം ചെയ്തു. കെ കെ ആലിബാപ്പു അധ്യക്ഷത വഹിച്ചു. പി എ ജബ്ബാർ ഹാജി, പി കെ സി അബ്ദുറഹ്മാൻ, എ ഷൗക്കത്തലി ഹാജി അഡ്വ മുജീബ് റഹ്മാൻ എന്നിവർ സംസാരിച്ചു.

14/12/2023

മുതുവല്ലൂർ ഗവൺമെന്റ് ഹയർ സെക്കൻഡറി സ്കൂളിലെ സമ്പൂർണ്ണ സോളാർ വൈദ്യുതീകരണ പദ്ധതി.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

നീറാട് | സ്കൂളുകളുടെ വൈദ്യുതി സ്വയം പര്യാപ്തത ലക്ഷ്യമാക്കി മലപ്പുറം ജില്ലാ പഞ്ചായത്ത് 2023-24 വാർഷിക പദ്ധതിയിൽ ഉൾപ്പെടുത്തി നടപ്പിലാക്കിയ മധുവല്ലൂർ ഗവൺമെന്റ് ഹയർസെക്കൻഡറി സ്കൂളിലെ സമ്പൂർണ്ണ സോളാർ വൈദ്യുതീകരണ പദ്ധതി ജില്ലാ പഞ്ചായത്ത് അംഗം പി കെ സി അബ്ദുറഹ്മാൻ ഉദ്ഘാടനം ചെയ്തു. 15 ലക്ഷം ചിലവിട്ട് നടത്തിയ പദ്ധതി കെഎസ്ഇബിയുമായി ഓൺ ഗ്രീഡായി ബന്ധിപ്പിക്കുന്ന 20 കെ വി ഉൽപാദനശേഷിയുള്ള സോളാർ പ്ലാന്റ് വിദ്യാലയത്തിലെ ഊർജ്ജ പ്രതിസന്ധിക്ക് പരിഹാരമായി. ജില്ലാ പഞ്ചായത്ത് സ്കൂളിൽ നിർമ്മിച്ച കരാട്ടെ റൂമിന്റെ ഉദ്ഘാടനവും നിർവഹിച്ചു. മുതുവല്ലൂർ ഗ്രാമപഞ്ചായത്ത് പ്രസിഡണ്ട് പി കെ ബാബുരാജ് അധ്യക്ഷനായി. പി റഹ്‌മത്തുള്ള, കെ രാമകൃഷ്ണൻ, സി സമീറ, വി അബ്ദുൽ അസീസ്, ഫസലുറഹ്മാൻ, സി പി ജിനീഷ്, കെ മുഹമ്മദ്‌ അഷ്‌റഫ്‌, എം അജീഷ് എന്നിവർ സംസാരിച്ചു.

14/12/2023

ജില്ലാ കലോത്സവം: അറബിക് പ്രതിഭകളെ അനുമോദിച്ചു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

കൊണ്ടോട്ടി | ജില്ലാ സ്കൂൾ കാലോസവത്തിൽ ഓവറോൾ നേടിയ കൊട്ടുക്കര പി.പി.എം. ഹയർ സെക്കൻഡറി സ്കൂൾ വിദ്യാർഥികളെ സ്കൂളിൽ അനുമോദിച്ചു. മത്സരിച്ച ഇനങ്ങളിലെല്ലാം എ ഗ്രേഡ് നേടുകയും അറബി നാടകം, അറബി സംഘഗാനം എന്നീ ഇനങ്ങളിൽ ഒന്നാം സ്ഥാനത്തോടെ 17 കുട്ടികൾ സംസ്ഥാനത്തിലേക്ക് യോഗ്യത നേടുകയും ചെയ്തു. അറബി നാടകത്തിലെ മികച്ച കൊണ്ടോട്ടി അപ്ഡേറ്റ് നടനായി പി. റിൻഫാനെ തിരഞ്ഞടുത്തിരുന്നു. സ്കൂളിൽ നടന്ന അനുമോദനച്ചടങ്ങിൽ എം അബുബക്കർ ഹാജി പ്രഥമാധ്യാപകൻ പി.കെ സുനിൽകുമാർ, പി.അവറാൻ കുട്ടി, വി.പി സിദ്ദീഖ് എന്നിവർ പങ്കെടുത്തു.

14/12/2023

ഭരണഘടന മൂല്യങ്ങൾ സംരക്ഷിക്കാൻ യുവതലമുറ രംഗത്തിറങ്ങണം : പ്രൊഫ രാം പുനിയാനി

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

കൊണ്ടോട്ടി | ഇ എം ഇ എ കോളേജ് നാൽപ്പതാം വാർഷികാഘോഷങ്ങളുടെ ഭാഗമായി അക്കാദ്യം ലെക്ച്ചർ സീരിയസ് പ്രശസ്ത ചിന്തകൻ പ്രൊ രാം പുനിയാനി ഉദ്ഘാടനം ചെയ്തു. മതാധിഷ്ഠിത രാഷ്ട്രീയം വിദേശത്തിന് വിത്ത് പാകുന്ന കാലത്ത് ഭരണഘടന മൂല്യങ്ങൾ സംരക്ഷിക്കാനുള്ള പോരാട്ടം അനിവാര്യമാണെന്നും യുവാക്കളും വിദ്യാർത്ഥികളും ഈ പോരാട്ടത്തിന്റെ മുന്നിൽ നിൽക്കണമെന്നും അദ്ദേഹം പറഞ്ഞു. രാജ്യത്ത് സമുദായിക ഐക്യവും രാഷ്ട്രീയ മൂല്യങ്ങളും വലിയ വെല്ലുവിളികൾ നേരിടുകയാണ്. രാഷ്ട്ര ശില്പികൾ സ്വപ്നം കണ്ട ഇന്ത്യയുടെ അടിത്തറ ഇളകുന്ന നടപടികൾക്ക് ഭരണകൂടങ്ങൾ തന്നെ നേതൃത്വം നൽകുകയാണ്. ഇത് അപകടകരമായ സാഹചര്യമാണെന്നും അദ്ദേഹം സൂചിപ്പിച്ചു. ഐ. ക്യു. എ.സി യുടെ സഹായത്തോടെ കോളേജിൽ പൊളിറ്റിക്കൽ സയൻസ് വിഭാഗം സംഘടിപ്പിച്ച പരിപാടിയിൽ പ്രിൻസിപ്പൽ മുനീർ വളപ്പിൽ അധ്യക്ഷനായി. പി വി അഹമ്മദ് സാജു, അഷ്റഫ് വാളൂർ,ഷിനു ഷിറിൻ,പി വി നാജില എന്നിവർ സംസാരിച്ചു.

14/12/2023

"ചങ്ങാതി" പദ്ധതി: പ്രവേശനോത്സവം സംഘടിപ്പിച്ചു

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

വാഴയൂർ | സംസ്ഥാന സാക്ഷരതാ മിഷൻ നടപ്പാക്കുന്ന അതിഥി തൊഴിലാളികൾക്കുള്ള സാക്ഷരതാ പദ്ധതി "ചങ്ങാതി "യുടെ പ്രവേശനോത്സവം വാഴയൂർ പഞ്ചായത്തിലെ കാരാട് ഇ.ജി. പ്ലൈ അങ്കണത്തിൽ മലപ്പുറം ജില്ലാ പഞ്ചായത്ത് പ്രസിഡന്റ് എം.കെ റഫീഖ ഉദ്ഘാടനം ചെയ്തു. കേരള സമൂഹത്തിന്റെ അവിഭാജ്യ ഘടകമായ അതിഥി തൊഴിലാളികളെ ചങ്ങാതി പദ്ധതിയിലൂടെ മലയാളം പഠിപ്പിക്കുന്നത് അതിഥി തൊഴിലാളികൾക്കും മലയാളികൾക്കും ഒരുപോലെ ഗുണകരമാവുമെന്ന് ജില്ലാ പഞ്ചായത്ത് പ്രസിഡന്റ് അഭിപ്രായപ്പെട്ടു. അവരെ മലയാളം പഠിപ്പിക്കുന്നതിലൂടെ മലയാളികളുടെ മനസിനോട് ചേർത്ത് നിർത്തുകയാണ് ചെയ്യുന്നത്. ചങ്ങാതി പദ്ധതിയുടെ പാഠ പുസ്തകങ്ങളുടെ വിതരണ ഉദ്ഘാടനവും ജില്ലാ പഞ്ചായത്ത്‌ പ്രസിഡന്റ് നിർവഹിച്ചു. വാഴയൂർ ഗ്രാമപഞ്ചായത്ത് പ്രസിഡന്റ് ടി.പി വാസുദേവൻ മാസ്റ്റർ അധ്യക്ഷത വഹിച്ചു. സാക്ഷരതാ മിഷൻ ജില്ലാ കോ ഓർഡിനേറ്റർ സി. അബ്ദുൽ റഷീദ് സ്വാഗതം പറഞ്ഞു.
ജില്ലാ പഞ്ചായത്ത് സ്ഥിരം സമിതി അധ്യക്ഷ സറീന ഹസീബ്, അംഗങ്ങളായ സുഭദ്ര ശിവദാസൻ, പി.കെ.സി. അബ്ദു റഹ്മാൻ , കൊണ്ടോട്ടി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ റസീന ടീച്ചർ, വാഴയൂർ പഞ്ചായത്ത് സ്ഥിരം സമിതി അധ്യക്ഷരായ പി.കെ ബാലകൃഷ്ണൻ, റാഷിദ ഫൗലദ്, പ്രസീത ടീച്ചർ, ഡയറ്റ് പ്രിൻസിപ്പാൾ ഡോ. സലീമുദ്ധീൻ, ഇ ജി. പ്ലൈ ഉടമ എൻ.സി. അബൂബക്കർ മാസ്റ്റർ, പി. കെ. എം ഹിബ്ബത്തുള്ള മാസ്റ്റർ , തുളസീ ദാസ് , ഹമീദ് മാസ്റ്റർ , മൂസ ഫൗലദ് , ബി. ദേവൻ, സി.പി. ഫൈസൽ, വാർഡ് മെമ്പർമാർ ,സാക്ഷരതാ മിഷൻ അസി. കോ ഓർഡിനേറ്റർ എം മുഹമ്മദ് ബഷീർ, പ്രേരക്മാരായ സോമ വല്ലി, ഖൈറുന്നീസ, ഇന്ദുജ, അതിഥി തൊഴിലാളി പ്രതിനിധി ബികാസ് എന്നിവർ പ്രസംഗിച്ചു . നോഡൽ പ്രേരക് സി.കെ. പുഷ്പ നന്ദി പറഞ്ഞു.

14/12/2023

കൊണ്ടോട്ടി നഗരസഭ ഉപയോഗങ്ങൾക്ക് സഹായ ഉപകരണങ്ങൾ വിതരണം ചെയ്തു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

കൊണ്ടോട്ടി | കൊണ്ടോട്ടി നഗരസഭ വാർഷിക പദ്ധതിയിൽ ഉൾപ്പെടുത്തി വയോജനങ്ങൾക്ക് സഹായ ഉപകരണങ്ങൾ വിതരണം ചെയ്തു. വിദഗ്ധ ഡോക്ടർമാരെ ഉൾപ്പെടുത്തി നഗരസഭ്യം നടത്തിയ മെഡിക്കൽ ക്യാമ്പിലൂടെയാണ് ഗുണഭോക്താക്കളെ കണ്ടെത്തിയത്. വീൽചെയർ, വാക്കർ ഹിയറിങ് എയ്ഡ് എന്നിവയാണ് വിതരണം ചെയ്തത്. 8 ലക്ഷം രൂപ വകയിരുത്തി നടപ്പിലാക്കിയ പദ്ധതി മുഖേന 93 വയോജനങ്ങൾക്കാണ് ഉപകരണം നൽകിയത്. കൊണ്ടോട്ടി അപ്ഡേറ്റ് മോയിൻ കുട്ടി വൈദ്യർ അക്കാദമിയിൽ നടന്ന ചടങ്ങ് നഗരസഭ ചെയർപേഴ്സൺ സി ടി ഫാത്തിമത്ത് സുഹ്റാബി ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ അഷ്‌റഫ്‌ മടാൻ അധ്യക്ഷതവഹിച്ചു. സ്റ്റാൻഡിങ് കമ്മിറ്റി ചെയർമാൻമാരായ സി.മിനിമോൾ, റംല കൊടവണ്ടി, അബീന പുതിയറക്കൽ കൗൺസിലർമാരായ കെപി ഫിറോസ്, എൻ ഷാഹിദ്, ഐ സി ഡി എസ് സൂപ്പർവൈസർ സുസ്മിന എന്നിവർ സംസാരിച്ചു.

14/12/2023

കരിപ്പൂർ വിമാനത്താവളത്തിൽ നിർമ്മാണം പൂർത്തിയായ വാക് വേ ജനങ്ങൾക്കായി തുറന്നു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

കരിപ്പൂർ | കരിപ്പൂർ വിമാനത്താവളത്തിൽ നിർമ്മാണം പൂർത്തിയായ വാക് വേ എയർപോർട്ട് ഡയറക്ടർ എസ് സുരേഷ് ഉദ്ഘാടനം ചെയ്തു. വിമാനം താവളത്തിന്റെ അകത്തും രണ്ടും പുറത്ത് രണ്ടും മേൽക്കൂര സഹിതം ഉള്ള നാല് ആധുനിക വാക് വേ ആണ് ഒന്നരക്കോടി രൂപ ചിലവിട്ടു ഒരുക്കുന്നത്. വിമാനത്താവളത്തിൽ ബസ്സുകളിലാണ് യാത്രക്കാരെ ടെർമിനലിൽ എത്തിക്കുന്നത്. ബസ് നിർത്തുന്നത് മുതൽ ടെർമിനൽ വരെയാണ് രണ്ട് നടപ്പാത നിർമ്മിക്കുന്നത്. ഇത് യാത്രക്കാർക്കും മഴ നനയുന്നതും ഒഴിവാകും. പുറത്ത് ഒന്ന് വാഹന പാർക്കിങ്ങിലേക്ക് മറ്റൊന്ന് കവാടത്തിലേകുമാണ്. കവാടത്തിലേക്കുള്ള നടപ്പാതയാണ് ഇപ്പോൾ തുറന്നു കൊടുത്തത്. മറ്റുള്ളവ അവസാന ഘട്ടത്തിലുമാണ്.

13/12/2023

കൂളിമാട് പാലത്തിനടിയിലെ കടവിൽ യുവാവ് മുങ്ങിമരിച്ചു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
14-12-2023

എടവണ്ണപ്പാറ | എളമരം - കൂളിമാട് കടവിൽ യുവാവ് മുങ്ങിമരിച്ചു. തമിഴ്നാട് നീലഗിരി ഊട്ടി സ്വദേശി സൂര്യയാണ് (25) മരിച്ചത്. കുളിക്കാനിറങ്ങിയതാണെന്ന് സംശയം.

ഇന്നലെ വൈകിട്ട് ആണ് സംഭവം. കുളിക്കടവിൽ വസ്ത്രവും മൊബൈലും കണ്ട നാട്ടുകാരാണ് ആദ്യം തെരച്ചിൽ നടത്തിയത്. റോഡരികിൽ ഇയാളുടെ കാറും നിർത്തിയിട്ടിരുന്നു.

വിവരം അറിയിച്ചതിനെ തുടർന്ന് എത്തിയ ഫയർ ഫോഴ്സ്, പൊലീസ്, സന്നദ്ധ സേനാ പ്രവർത്തകർ, നാട്ടുകാർ തുടങ്ങിയവർ ചേർന്ന് നടത്തിയ തിരച്ചിലിൽ ആണ് മൃതദേഹം കണ്ടെത്തിയത്. മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റി.

13/12/2023

ചീക്കോട് കുനിത്തലക്കടവ് ടി സി അബ്ദുൽ കരീം (കുഞ്ഞു) മുസ്‌ലിയാർ മരണപ്പെട്ടു.

മയ്യിത്ത് നിസ്ക്കാരം ഇന്ന് രാത്രി 8 മണിക്ക് പറപ്പൂർ വലിയ ജുമുഅത്ത് പള്ളിയിൽ

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
13-12-2023

12/12/2023

ബൈക്ക് അപകടത്തിൽ 3 വയസുകാരി മരിച്ചു.

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
12-12-2023

മുണ്ടാകുളം | കൊണ്ടോട്ടി - എടവണ്ണപ്പാറ റോഡിൽ പരതക്കാട് വെച്ച് ഉണ്ടായ ബൈക്ക് അപകടത്തിൽ മൂന്ന് വയസുകാരി മരണപ്പെട്ടു. കുണ്ടിൽ പീടികക്ക് സമീപം താമസിക്കുന്ന അമ്പലപ്പുറവൻ അബ്ദുൾ നാസറിന്റെ മകൾ ഇസാ എസ് വിൻ ആണ് മരിച്ചത്.

പരതക്കാട് അങ്ങാടിയിൽ വെച്ചാണ് സംഭവം.പരിക്കേറ്റ നിലയിൽ കണ്ട കുട്ടിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ഇപ്പോൾ മെഡിക്കൽ കോളജിൽ.

12/12/2023

വയൽ മണ്ണിട്ട് കെട്ടിട നിർമ്മാണം സിപിഐഎം പരാതി നൽകി

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
12-12-2023

എടവണ്ണപാറ | വാഴക്കാട് പഞ്ചായത്തിലെ പണിക്കര പുറായ നയാര പെടോൾ പമ്പിന്ന് പടിഞ്ഞാറ് വശം റവന്യു വകുപ്പിൻ്റെ സ്റ്റോപ്പ് മെമ്മോ നിലവിലുള്ളതും നവകേരള സദസ്സിൽ പരാതി നൽകിയതുമായ വയലിൽ ചെങ്കല്ല് ഉപയോഗിച്ച് കെട്ടിട നിർമ്മാണം നടത്തുകയും ഡ്രൈവിംഗ് പരിശീലനത്തിന് കരിങ്കൽ ചീളുകൾ ഉപയോഗിച്ച് ഡ്രൈവിംഗ് ഗ്രൗണ്ട് നിർമ്മിക്കുകയും ചെയ്തതിനെതിരെ സി.പി.ഐ (എം) പണിക്കര പു റായ ബ്രാഞ്ച് കമ്മറ്റി വാഴക്കാട് പോലീസ് സ്റ്റേഷൻ, വില്ലേജ് ഓഫീസ്', കൃഷിഭവൻ എന്നീ ഓഫീസുകളിൽ പരാതി നൽകി കൃഷി ഭൂമിയിൽ കരിങ്കല്ലും ചെങ്കല്ലും ഉപയോഗിച്ചു് നടത്തിയ നിർമ്മാണ പ്രവർത്തനം തടഞ്ഞ് വയൽ പൂർവ്വസ്ഥിതിയിലാക്കണമെന്ന് കമ്മറ്റി ആവശ്യപ്പെട്ടു കെ അഷറഫിൻ്റെ അദ്ധ്യക്ഷതയിൽ ചേർന്ന യോഗത്തിൽ വി.കെ.അശോകൻ പി നാരായണൻ എന്നിവർ പങ്കെടുത്തു.

12/12/2023

വാഴയൂരിൽ പന്നിശല്ല്യം രൂക്ഷം

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
12-12-2023

വാഴയൂർ | വായുവിൽ പന്നിശല്യം രൂക്ഷം. പന്നി കൃഷി നശിപ്പിക്കുന്നതിനെ തുടർന്ന് വിളവ് ലഭിക്കാത്ത ദുരവസ്ഥയിലാണ് കർഷകർ. വാഴയും പച്ചക്കറികളും വിളവിന് മുന്നേ പന്നികൾ നശിപ്പിക്കുകയാണ്. രാത്രിയായാൽ കാട്ടുപന്നികളും കൃഷിയിടത്ത് സ്ഥിരസാന്നിധ്യമാണ്. പന്നികളെ ഉടൻ പിടികൂടണം എന്നാണ് നാട്ടുകാരുടെ ആവശ്യം.

12/12/2023

കലോത്സവ പ്രതിഭകളെ ആദരിച്ചു

𝗞𝗼𝗻𝗱𝗼𝘁𝘁𝘆 𝗨𝗽𝗱𝗮𝘁𝗲𝘀
12-12-2023

വാഴക്കാട് | കേരള മാപ്പിള കലാ അക്കാദമിയുടെ എടവണ്ണപ്പാറ ചാപ്റ്റർ കമ്മിറ്റിക്ക് കീയിലുള്ള ഇശൽ മാപ്പിള കലാ പഠന കേന്ദ്രത്തിലെ 20 ഓളം വരുന്ന വിദ്യാർത്ഥികൾ ഉപജില്ലാ, ജില്ലാ കലോത്സവത്തിൽ ഉന്നത വിജയം കരസ്തമാക്കി. ഉന്നത വിജയികളെ ആദരിക്കൽ ചടങ്ങ് വാഴക്കാട് പ്രിയ ഓഡിറ്റോറിയത്തിൽ വെച്ച് നടന്നു.

ചടങ്ങ് കേരള മാപ്പിള കലാ അക്കാദമി ഇശൽകൂട്ടം സംസ്ഥാന പ്രസിഡന്റ്‌ സാബിഖ് കൊഴങ്ങോറന്റെ അധ്യക്ഷതയിൽ കേരള മാപ്പിള കലാ അക്കാദമി എടവണ്ണപ്പാറ ചാപ്റ്റർ പ്രസിഡണ്ടും സീനിയർ കലാകാരനുമായ കെ. പി. എം ബഷീർ സാഹിബ്‌ ഉദ്ഘാടനം ചെയ്തു. ചടങ്ങിൽ പ്രമുഖ ഗായകൻ എക്സൽ വാഴക്കാട് മുഖ്യ അഥിതിയായിരുന്നു. വാഴക്കാട് പോലീസ് സബ് ഇൻസ്‌പെക്ടർ വിജു വിദ്യാർത്ഥികളെ ആദരിച്ചു.

ഇശൽ മാപ്പിള കലാ പഠന കേന്ദ്രം അദ്ധ്യാപകനും പ്രമുഖ ഗായകനും സംഗീത സംവിധായകനുമായ ശിഹാബ് അരീക്കോട് മുഖ്യ പ്രഭാഷണം നടത്തി. പ്രമുഖ കിസ്സപാട്ട് ഗായകൻ മൻസൂർ കീഴ്ശ്ശേരി ഗാനമാലപിച്ചു. അക്കാദമി ചാരിറ്റി വിംഗ് എടവണ്ണപ്പാറ ചാപ്റ്റർ ചെയർമാൻ അബുട്ടി ഹാജി വെട്ടുപാറ, പ്രിയ ആർട്സ് and സ്പോർട്സ് ക്ലബ്‌ പ്രസിഡണ്ട്‌ സി. കെ അബൂബക്കർ, അക്കാഡമി എടവണ്ണപാറ ചാപ്റ്റർ ട്രഷറർ മുഹമ്മദ്‌ കോയ മുണ്ടുമുഴി തുടങ്ങിയവർ സംസാരിച്ചു.

ഇശൽ മാപ്പിള കലാ പഠന കേന്ദ്രം പി. ടി. എ പ്രസിഡണ്ട്‌ ബഷീർ മാസ്റ്റർ ചെറുവട്ടൂർ സ്വാഗതം പറഞ്ഞു. വൈസ് പ്രസിഡണ്ട്‌ റംല വാഴക്കാട് നന്ദിയും പറഞ്ഞു

Address

Malappuram
673638

Website

https://voxmedialive.newsreach.in/

Alerts

Be the first to know and let us send you an email when 𝐊𝐎𝐍𝐃𝐎𝐓𝐓𝐘 𝐔𝐏𝐃𝐀𝐓𝐄𝐒 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 𝐊𝐎𝐍𝐃𝐎𝐓𝐓𝐘 𝐔𝐏𝐃𝐀𝐓𝐄𝐒:

Videos

കൊണ്ടോട്ടിയിൽ ഇന്ന് (Sunday ) രാവിലെ നടന്ന ബസ് അപകടം

മിനി സിവിൽസ്റ്റേഷൻ സ്ഥാപിക്കുന്നതിന് മത്സ്യമാർക്കറ്റ് നിലകൊള്ളുന്ന സ്ഥലം ഒഴിവാക്കണമെന്ന് ആവിശ്യപ്പെട്ട് സംയുക്ത ട്രേഡ് യൂണിയൻ നടത്തിയ നഗരസഭ മാർച്ച്

ഇന്നലെ കൊണ്ടോട്ടി എടവണ്ണപാറ റോഡിൽ പരതക്കാട് കോളനിയിൽ നടന്ന അപകടം #accident #malappuram #kondotty

കൊണ്ടോട്ടി എയർപോർട്ട് റോഡിൽ സ്കൂട്ടറും ബസ്സും കൂട്ടിയിടിച്ച് അപകടം രണ്ട് യുവാക്കൾ മരണപ്പെട്ടു കൊണ്ടോട്ടി | കൊണ്ടോട്ടി എയർപോർട്ട് റോട്ടിൽ കൊളത്തൂറിന്റെയും കൊട്ടപ്പുറത്തിന്റെയും ഇടയിൽ നീറ്റാണിമ്മൽ ക്രിസ്ത്യൻ പള്ളിക്ക് സമീപം KSRTC ബസ്സും സ്കൂട്ടറും കൂട്ടി ഇടിച്ച് സ്കൂട്ടർ യാത്രക്കാർ മരണപ്പെട്ടു. പുതുക്കോട് സ്വദേശി നിഹാൽ സുഹൃത്ത് എന്നിവരാണ് മരണപ്പെട്ടത്. മൃതദേഹം കൊണ്ടോട്ടിയിലെ സ്വകാര്യ ഹോസ്പിറ്റലിൽ കൂടുതൽ വിവരങ്ങൾ അറിവായി വരുന്നു. #kondotty #ksrtcbus #accident #kondottyaccident