MS News

06/01/2025

गोविंदभाई श्रॉफ युवा पिढीचे अखंड ऊर्जास्रोत-
संपादक शिरीष देशमुख

माजलगाव:दि-६:मराठवाड्याच्या सर्वांगीण विकासाचा ध्यास घेऊन तत्वनिष्ठ जीवनातून विद्वत्ता,नम्रता,सभ्यता आणि नैतिकतेचा मापदंड निर्माण करणारे पद्मविभूषण स्वातंत्र्यसेनानी गोविंदभाई श्रॉफ हे नव्या पिढीसाठीचे अखंड ऊर्जास्रोत आहेत असे प्रतिपादन नवविकास मंडळाचे संचालक तथा संपादक शिरीष देशमुख यांनी केले.

मराठवाडा जनता विकास परिषद बीड जिल्हा शाखेच्या वतीने जवाहर विद्यालयात आयोजित युवक विकास परिषदेत प्रमुख मार्गदर्शन म्हणून श्री.देशमुख बोलत होते.कार्यक्रमाच्या अध्यक्षस्थानी माजी शिक्षक आमदार डी.के.देशमुख होते.प्रमुख उपस्थितीत मजविपचे उपाध्यक्ष प्राचार्य सोमनाथ रोडे तर व्यासपीठावर मजविपचे सहसचिव सुमंत गायकवाड,प्रा.अर्जुन जाधव,सोमेश्वर वाघमारे यांची उपस्थिती होती.

गोविंदभाई श्रॉफ आणि मराठवाडा जनता विकास परिषद या विषयावर बोलताना श्री.देशमुख म्हणाले की,श्रद्धेय गोविंदभाईंनी महाराष्ट्रात संस्था हे सेवेचे प्रभावी माध्यम असल्याचा विचार रुजवला.यावेळी प्रा.सोमनाथ रोडे यांनी गोविंदभाईचे विचार आत्मसात करून युवकांनी आयुष्याची वाटचाल करण्याचे आवाहन केले.यावेळी युवक विकास समितीची घोषणाही प्रा.रोडे यांनी केली.
याप्रसंगी माजी आ.डी.के.देशमुख यांनी गोविंदभाईंच्या अथक प्रयत्नातून मिळालेल्या मराठवाडा वैधानिक विकास मंडळाच्या पुनरुज्जीवनासाठी सरकार विरोधात जनआंदोलन उभारण्याची गरज असल्याचे सांगून विकास परिषदेने त्यासाठी मुख्यमंत्री देवेंद्र फडणवीस यांची लवकरच भेट घ्यावी असे मत व्यक्त केले.

याप्रसंगी क्रांतीज्योती सावित्रीबाई फुले आणि स्व.गोविंदभाई श्रॉफ यांच्या प्रतिमेस मान्यवरांनी अभिवादन केले. या युवक परिषदेचे प्रास्ताविक मुख्याध्यापक ए.आर.ईबीते यांनी स्वागतपर मनोगत सहसचिव सुमंत गायकवाड यांनी केले.
कार्यक्रमाचे गीत धनंजय जाडे व संकेत गायकवाड यांनी सादर केले.सूत्रसंचालन हिमांशू देशमुख तर आभार राजाराम शिवणकर यांनी केले.कार्यक्रमासाठी मजविपचे तालुकाध्यक्ष सुहास देशमुख, संतोष मुळी, गणपतराव सोंदळे,आर.एन.सावंत यांच्यासह युवक-युवतींची आणि विकासप्रेमी नागरिकांची मोठी उपस्थिती होती.

#मराठवाडा #बीड

06/01/2025

माजलगाव भाजपाच्या वतीने सदस्य नोंदणी अभियान

दि.५ (बातमीदार) : पर्यावरण मंत्री पंकजा मुंडे ,खा डॉ प्रीतम मुंडे जिल्हाध्यक्ष शंकर देशमुख यांच्या मार्गदर्शनाखाली रविवारी राज्यभरात प्राथमिक सदस्यता नोंदणी अभियानाची सुरुवात करण्यात आली आहे. त्याच अनुषंगाने माजलगाव शहरात गजानन मंदिर बाजार रोडबीड येथे जिल्हा प्रभारी महेशराव पांघरकर व भाजप तालुका अध्यक्ष अरुण राऊत यांच्या उपस्थितीत माजलगाव शहरात भाजप सदस्यता नोंदणी अभियानास प्रारंभ झाला.
विधानसभा निवडणुकीच्या ऐतिहासिक विजयानंतर पक्षाची संघटनात्मक बांधणी मजबूत करण्यासाठी हे अभियान राबविले जात असल्याचे या अभियानाचे प्रभारी महेश पांगरकर व तालुकाध्यक्ष अरुण राऊत यांनी सांगितले. भाजपमध्ये सहा वर्षांतून एकदा संघटन पर्व होत असते. या पर्वात केंद्रापासून; तर प्रदेशापर्यंत सर्व ठिकाणी प्राथमिक सदस्यता नोंदणी प्रक्रियेला सुरुवात होते. देशभरात वर्षभर संघटन पर्व सुरू आहे.
राष्ट्राला समर्पित भावनेतून काम करणाऱ्या आणि जगभरात सर्वांत जास्त प्राथमिक सदस्य असलेला एकमेव भाजप आहे, या सदस्य नोंदणी शिबिरात या शिबिराचे ता संयोजक माजी नगराध्यक्ष अशोक तिडके भाजपा उद्योग आघाडीचे सहसंयोजक अमरनाथ खुरपे , प्रदेश कार्यकारणी सदस्य डॉक्टर प्रशांत पाटील जिल्हा संयोजक बाबासाहेब आगे सहसंयोजक तथा नगरसेवक विनायक रत्नपारखी महिला आघाडी तालुकाध्यक्ष गौरी देशमुख ज्ञानेश्वर सरवदे ईश्वर खुरपे दत्ता महाजन आनंत जगताप क्षीरसागर शार्दुल खेडकर सिद्धेश्वर राठोड ख्य्युंम पठाण चिंतेश जोशी रामेश्वर चव्हाण विक्रम खेडकर सतीश जोशी दत्ता क्षीरसागर मा सरपंच प्रल्हाद दळवी , बळीराम बोबडे सुशांत जाधवर यांच्यासह असंख्य पदाधिकारी, कार्यकर्ते व नागरिक उपस्थित होते.

653 जणांची सदस्य नोंदणीने आज सुरुवात झाली.
महाराष्ट्रात निवडणुका संपल्यानंतर दुसऱ्या दिवशीपासूनच भाजप प्रदेशाध्यक्ष चंद्रशेखर बावनकुळे ,मंत्री पंकजा मुंडे ,माजी खासदार डॉ प्रीतम मुंडे जिल्हाध्यक्ष शंकर देशमुख यांनी राज्यातील सर्व पदाधिकारी आणि कार्यकर्त्यांना तत्काळ हे संघटन पर्व सुरू करण्याचे निर्देश दिले होते , सध्या संपूर्ण महाराष्ट्रातच प्राथमिक सदस्यता नोंदणी सुरू आहे. माजलगाव मतदारसंघामध्ये सध्या सहा ठिकाणी सदस्य अभियानाची नोंदणी सुरू आहे, २० जानेवारीपर्यं जास्तीत जास्त नोंदणी करण्यासाठी सर्व भाजप पदाधिकारी कार्यकर्ते प्रयत्न करत आहेत.

#बीड

31/12/2024

वाल्मिक कराड यांची सरेंडर होण्यापूर्वीची पहिली प्रतिक्रिया.

#बीड #पोलीस

26/12/2024

अटलबिहारी वाजपेयी यांचे कार्य व विचार सदैव प्रेरणादायी राहतील-तालुकाध्यक्ष अरुण राऊत

माजलगाव(प्रतिनिधी): येथे भारतीय जनता पार्टीच्या वतीने नगरसेवक विनायक रत्नपारखी यांच्या निवासस्थानी सुशासन दिवस व भारतरत्न माजी पंतप्रधान स्वर्गीय अटल बिहारी वाजपेयी यांची 100 वी जयंती करण्यात आली. या प्रसंगी तालुकाध्यक्ष अरुण राऊत यांनी अटल बिहारी वाजपेयी यांच्या आठवणीला उजाळा देत काही आठवणी सांगितल्या . अटल बिहारी वाजपेयी हे आजात शत्रू व्यक्तिमत्व होते , त्यामुळे विरोधी पक्षांमध्ये देखील त्यांचा सन्मान केला जात होता , राष्ट्रभक्तीने प्रेरित होऊन शेवटपर्यंत त्यांनी आपले आयुष्य देशासाठी समर्पित केले. त्यामुळे अटलजी हे प्रत्येक भारतीयांच्या मनामध्ये कायम राहतील. अटल बिहारी वाजपेयी यांनी केलेले कार्य व सामाजिक समरसता हे त्यांनी दिलेले विचार या शिकवणीवर आम्ही चालण्याचा प्रयत्न करू व त्यांच्या स्वप्नातील मजबूत भारत घडवण्यासाठी आपण सर्वांनी कितीबद्ध राहू असे सांगितले .

या जयंतीच्या निमित्त उपस्थित भाजपाचे नेते तथा माजी नगराध्यक्ष डॉक्टर अशोक तिडके नगरसेवक विनायक रत्नपारखी ,सरपंच नारायण भले, भागवत गोरे ,प्रल्हादराव दळवी , बाळासाहेब साळवे , रवी गायकवाड सह भाजपाचे पदाधिकारी कार्यकर्ते उपस्थित होते.

26/12/2024

मी जाणार आहे आपणही बहुसंख्येने या;
आमदार प्रकाशदादा सोळंके यांचे आवाहन
https://youtu.be/lD7hTgqZjy8?si=FBS6CITLh0BoOtaw
◆◆◆◆◆◆◆◆◆◆◆◆◆◆◆◆◆

स्व.संतोष देशमुख यांच्या गुन्हेगारांना तातडीने अटक करून फाशी व्हावी व इतर विविध मागण्यांसाठी दि.२८ डिसेंबर २०२४ ...

21/12/2024

विरोधी पक्षनेते राहुल गांधी सोमवारी परभणीत;
दिवंगत सोमनाथ सुर्यवंशी यांच्या कुटुंबीयांची घेणार भेट

अपडेट राहण्यासाठी MS News चा व्हाट्सएप ग्रुप आत्ताच जॉईन करा
https://chat.whatsapp.com/LEdvGDuDalgLFetwf8oNe1
●●●●●●●●●●●●●●●●●●●●●●

21/12/2024

नवनीत कांवत बीडचे नवे पोलीस अधीक्षक,
अविनाश बारगळांची उचलबांगडी

बीड (प्रतिनिधी):बीडचे पोलीस अधीक्षक अविनाश बारगळ यांच्या बदलीची घोषणा मुख्यमंत्री देवेंद्र फडणवीस यांनी शुक्रवारी विधानसभेत केली होती. या घोषणेनंतर 24 तासातच नवीन जिल्हा पोलीस अधीक्षकांची नियुक्ती करण्यात आली आहे. छत्रपती संभाजीनगर येथे पोलीस उपयुक्त म्हणून कार्यरत असलेल्या नवनीत कावत यांना आता बीड जिल्हा पोलीस अधीक्षकपदाची जबाबदारी सोपवण्यात आली आहे.त्यांच्या नियुक्तीचे आदेश तात्काळ प्रभावाने काढण्यात आले आहेत.

#बीड #पोलीस

16/12/2024

माजलगावात कडकडीत बंद;
पोलिस प्रशासना विरोधात जोरदार घोषणाबाजी
https://youtu.be/9m1bBuLBIi0?si=fe-D-TUidRxpx6hV
◆◆◆◆◆◆◆◆◆◆◆◆◆◆◆◆◆

परभणीतील घटनेच्या विरोधात पुकारलेल्या बंदला माजलगाव शहरात मोठा प्रतिसाद मिळाला.

16/12/2024

भाजप कार्यकर्त्यां कडूनआनंदोत्सव साजरा
(मुंडे बंधू-भगिनीला मंत्रिपदाची माळ)

माजलगाव (प्रतिनिधी):ना. पकंजाताई गोपीनाथ मुंडे व मंत्री धनंजय मुंडे या बहीण भावाची व महायुतीच्या नेत्यांची मंत्रीपदी निवड झाल्याबद्दल माजलगाव शहरातील छत्रपती शिवाजी महाराज चौक येथे तोफा, फटाके वाजवुण भारतीय जनता पार्टी महायुतीचा विजय असो , देवेंद्रजी फडणवीस तुम आगे बढो, पंकजा मुंडे तुम आगे बढो हम तुम्हारे साथ है अशा महायुतीच्या नेत्यांच्या नावाने विविध घोषणा देत उपस्थित भाजपा महायुतीच्या पदाधिकारी कार्यकर्त्यांनी आनंद उत्सव साजरा केला.
2019 नंतर लोकनेत्या पंकजा मुंडे ह्या पुन्हा एकदा मंत्री झाल्यामुळे सर्व कार्यकर्त्यांच्या मनामध्ये आनंदाचे वातावरण निर्माण झाले आहे येणाऱ्या काळात बीड जिल्ह्यात भरघोस निधी येईल व विकास होईल, तसेच रेल्वेसह अनेक प्रलंबित प्रश्न सुटतील अशी भावना कार्यकर्त्यांनी व्यक्त केली.
यावेळी भाजपा प्रदेश कार्यकारणी सदस्य डॉ. प्रशांतजी पाटील भाजपा ज्येष्ठ नेते ज्ञानेश्वर नाना मेंडके, नगरसेवक विनायक रत्नपारखी , बाबासाहेब आगे, दत्ताजी महाजन, हरिभाऊ नवले, सिद्धू राठोड, दत्ता क्षीरसागर, नारायण मेंडके, कैलास खुरपे ईश्वर खुरपे ,तात्या पांचाळ, रामेश्वर चव्हाण, राम शिंदे, बाळू शिरसागर रवि गायकवाड, ऋषिकेश कुलकर्णी, व सर्व उपस्थित भाजपा पदाधिकारी, कार्यकर्ते.

Pankaja Gopinath Munde Dhananjay Munde

12/12/2024

स्व.गोपीनाथ मुंडे यांना जयंती निमित्त भाजप कार्यालयात अभिवादन

माजलगाव, दि,12:लोकनेते स्व.गोपीनाथ मुंडे यांच्या जयंतीनिमित्त भारतीय जनता पक्षाच्या कार्यालयात स्व.गोपीनाथ मुंडे यांच्या प्रतिमेस पुष्पहार अर्पण करून अभिवादन करण्यात आले. याप्रसंगी तालुकाध्यक्ष अरुण राऊत यांनी स्व.गोपीनाथ मुंडेंच्या स्मृतीस उजाळा देवून आदरांजली वाहिली.

यावेळी माजी नगराध्यक्ष डॉ.अशोक तिडके,डॉ.एस.टी. जुजगर,ज्ञानेश्वर सरवदे,सत्यनारायण उनवणे,हनुमान कदम,सतीश जोशी,बाळासाहेब क्षिरसागर, ईश्वर खुरपे,नितीन मुंदडा,चिंतेश जोशी,राम शिंदे,तात्या पांचाळ,अविनाश कांडुरे,विशाल देवकते,संतोष जाधव,डॉ.ठोसर यांसह भाजप पदाधिकारी-कार्यकर्त्यांची मोठी उपस्थिती होती.

11/12/2024

बीडमध्ये गुन्हेगारीचा कळस;खा.बजरंग सोनवणेंनी घेतली केंद्रीय गृहमंत्री अमित शहांची भेट

(अपहरणाच्या प्रकरणांची सीबीआयमार्फत चौकशी करण्याची केली मागणी)

बीड(प्रतिनिधी):बीड जिल्ह्यात खून, मारामाऱ्या आणि अपहरणाच्या गुन्ह्यांची संख्या दिवसेंदिवस वाढत आहे. असे असताना पोलीस निपक्षपातीपणे कारवाई करायचे सोडून अशासकिय लोकांच्या दबावात काम करत आहेत. यामुळे जिल्ह्यात गुन्हेगारीने कळस गाठला असून जिल्ह्यातील गुन्हेगारी कमी व्हावी, मस्साजोग खून प्रकरणाचा जलद तपास,अपहरणांच्या प्रकरणांची सीबीआय मार्फत चौकशी करावी, या मागणीसाठी खा.बजरंग सोनवणे यांनी केंद्रीय गृहमंत्री अमित शहा यांची भेट घेतली. यावेळी अमित शहा यांनी ठोस कारवाईचे आश्वासन दिले.

Devendra Fadnavis Eknath Shinde - एकनाथ संभाजी शिंदे Ajit Pawar Prakash Solanke CMOMaharashtra

11/12/2024

आ.प्रकाशदादांच्या संवेदनशीलतेला 'लक्षा'वधींचा प्रतिसाद;
तासाभरात १४ लक्ष रू.मदतनिधी जमा,उद्या निघणार मदतफेरी
https://youtu.be/HajLwBE_qDE?si=lMSxiF86jjx2XWaf
◆◆◆◆◆◆◆◆◆◆◆◆◆◆◆◆◆
Prakash Solanke Jaisingh Solanke Pankaja Gopinath Munde Dhananjay Munde

केज तालुक्यातील मस्साजोग येथील सरपंच संतोष देशमुख यांची निर्घुण हत्या केल्याची घटना घडली होती. या घटनेचे सर्वत्....

10/12/2024

सकल हिंदु समाजाच्या निषेध मोर्चाला माजलगावकरांचा उस्फूर्त प्रतिसाद

माजलगाव(प्रतिनिधी):बांगलादेश मधील हिंदू व बौद्ध समाजावर होणाऱ्या अत्याचाराच्या निषेधार्थ आज माजलगाव शहरात निषेध मोर्चा व धरणे आंदोलनाचे आयोजन करण्यात आले होते. आयोजित मोर्चा व धरणे आंदोलनास माजलगाव शहरातील सकल हिंदू समाजाने उत्स्फूर्त प्रतिसाद देऊन बांगलादेशचा निषेध केला

आज माजलगाव शहरात सकल हिंदू समाजाच्या वतीने बांगलादेश मधील हिंदू साधू संतावर व बौद्ध नागरिकांवर होणाऱ्या अत्याचाराच्या निषेधार्थ धरणे आंदोलन व मोर्चाचे आयोजन करण्यात आले होते. शहरातील डॉक्टर बाबासाहेब आंबेडकर चौकात काही वेळ धरणे आंदोलन देऊन मोर्चा सुरुवात झाली डॉक्टर बाबासाहेब आंबेडकर चौक,छत्रपती शिवाजी चौका मार्गे हा मोर्चा उपविभागीय कार्यालयावर धडकला. उपविभागीय कार्यालयावर जमलेल्या मोर्चेकऱ्यांना ह.भ.प. गडदे महाराज व शिवशंभू विचार मंचाचे कार्यकर्ते पवन मोगरेकर यांनी संबोधित केले. उपविभागीय अधिकाऱ्यांना दिलेल्या निवेदनात हिंदू समाजावर होणारे हल्ले त्वरित थांबवण्याची मागणी पंतप्रधान नरेंद्र मोदी यांच्याकडे करण्यात आली आहे. या प्रसंगी ऍडव्होकेट तेरकर, ज्येष्ठ वकील विश्वास जोशी,भानुदास डक, ओंकार खुर्पे, व्यापारी महासंघाचे सुरेंद्र रेदासणी, भाजप तालुकाध्यक्ष अरुण राऊत,शिवसेना तालुकाप्रमुख तुकाराम बापू येवले, माजी सभापती नितीन नाईकनवरे, बजरंग दल प्रमुख मनोज कोरडे, रुपालीताई कचरे, सौरभ जाधव, अभय कोकड, हनुमान कदम, बाबासाहेब आगे, दत्ता महाजन, पवन मानधने यांच्यासह
राष्ट्रीय स्वयंसेवक संघ,विश्व हिंदू परिषद, अखिल भारतीय विद्यार्थी परिषद, शिवसेना शिवप्रतिष्ठान हिंदुस्थान, भारतीय जनता पक्षाच्या कार्यकर्त्यासह मोठ्या संख्येने हिंदु व बौद्ध समाज उपस्थित होता.

#आंदोलन #मोर्चा

10/12/2024

महाराष्ट्र विधानसभा निवडणूक मतमोजणीत सर्व 288 मतदारसंघांमध्ये एकूण 1440 व्हीव्हीपॅट मधल्या स्लीप्सची अनिवार्य मोजणी दि. 23.11.2024 रोजी पूर्ण, ईव्हीएममधील मतांची उमेदवारनिहाय संख्या आणि व्हीव्हीपॅट मशीनमधील उमेदवारनिहाय स्लीप्सची संख्या यात कोणतीही तफावत आढळली नाही.
Election Commission of India

10/12/2024

आज सकल हिंदु समाजाचे धरणे आंदोलन,
माजलगावातील सकल हिंदु समाज उतरणार रस्त्यावर

माजलगाव (प्रतिनिधी):बांगलादेशमधील हिंदु समाजावर होणाऱ्या हल्ल्याच्या व इस्कॉनचे संत चिन्मयानंद स्वामी यांच्या अटकेच्या निषेधार्थ आज शहरात निषेध मोर्चा व धरणे आंदोलनाचे आयोजन केले आहे.

बांग्लादेश मध्ये हिंदु समाजावर गेल्या दोन तीन महिन्यापासून हल्ले होत आहेत. तेथील हिंदु भयभीत अवस्थेत असुन इस्कॉनचे संत स्वामी चिन्मयानंद यांना बेकायदेशीररित्या अटक करण्यात आली आहे या घटनेच्या निषेधार्थ आज माजलगावात सकल हिंदु समाजाच्या वतीने धरणे आंदोलन होणार असून सकाळी १० वाजता डॉ बाबासाहेब आंबेडकर चौकापासून निषेध मोर्चा निघणार आहे.माजलगाव तहसील कार्यालयात प्रशासनाला निवेदन देण्यात येणार असुन या निषेध मोर्चा व धरणे आंदोलनाला मोठ्या संख्येने उपस्थिती राहण्याचे आवाहन सकल हिंदु समाज माजलगाव च्या वतीने करण्यात आले आहे.

#मोर्चा #आंदोलन

08/12/2024

महाराष्ट्राचे आरोग्यदूत मंगेश चिवटे यांच्याकडे मुख्यमंत्री वैद्यकीय सहाय्यता कक्षाची पुन्हा जबाबदारी द्यावी

{वैद्यकीय सहाय्यक - दीपक तोडकरी यांची मागणी}

माजलगाव(प्रतिनिधी):राज्यभरातील गोरगरीब
व गरजू रूग्णांसाठी संजीवनी ठरलेले मुख्यमंत्री वैद्यकीय सहायता निधी कक्षाला लोकभिमुख करत त्या माध्यमातून आपल्या कार्याचा एक आगळा वेगळा ठसा मंगेश चिवटे यांनी आपल्या रूग्णसेवेच्या माध्यमतून उमटविला आहे
महाविकास आघाडी सरकारच्या काळात मृत अवस्थेत पडलेला मुख्यमंत्री_वैद्यकीय सहायता_निधी कक्ष मुख्यमंत्री एकनाथ शिंदे साहेबांच्या पहिल्या दिवसापासून जनमानसात प्रामाणिकपणे आणि पारदर्शकपणे पोहचविण्याचे काम ज्याने केले ते म्हणजे मंगेश चिवटे साहेब. राज्याचे तात्कालिन संवेदनशील मुख्यमंत्री एकनाथ शिंदे साहेबांच्या कार्यकाळात अवघ्या २.५ वर्षांच्या सरकारमध्ये ४१९ कोटी पेक्षा जास्त निधी हा वैद्यकीय उपचारासाठी गोरगरीब गरजू रुग्णांना मिळवून देवून जगभरात एक आदर्श उभा करणारे व्यक्तिमत्व म्हणजेच करमाळ्याचे मंगेश चिवटे.जात-धर्म-पक्ष-पंथ न पाहता किंवा कोणताही पक्ष न पाहता या व्यक्तीने हजारो शेकडो रुग्णांना निधी मिळवून देण्यासाठी स्वतःहाच्या आरोग्याची काळजी कधी या वितरित केला. मुख्यमंत्री वैद्यकीय सहाय्यता निधी कक्षाच्या माध्यमातून होणाऱ्या रूग्णसेवीची दखल राजकीय पक्ष व सामाजिक संघटनांनी वेळोवेळी घेतली. अडीच वर्षाच्या कार्याकाळात या कक्षाच्या माध्यमातून राज्याच्या कानाकोपऱ्यात त्यांनी वैद्यकीय कक्षाच्या सीमा रूंदावल्या. अनेक गोरगरिब व गरजू रूग्णांसाठी देवदूत ठरलेले मंगेश चिवटे यांनी समर्पितपणे वैद्यकीय मदत निधी कक्षाचे कामकाज बघितले.गरजूंना दर्जेदार वैद्यकीय उपचार मिळावे यासाठी काळ वेळ सण न बघता रूग्णसेवेला त्यांनी प्राधान्य दिले. त्यामुळेच मुख्यमंत्री वैद्यकीय सहाय्यता निधीच्या माध्यमातून रूग्णांच्या मदतीसाठी ३८१ कोटीहन अधिक तर नैसर्गिक आपत्ती साठी ३८ कोटीहून अधिक अर्थसहाय्य वितरित करता आले . संवेदनशील मुख्यमंत्री एकनाथजी शिंदे यांच्या सूचनेनूसार मुख्यमंत्री वैद्यकीय सहाय्यता निधी मध्ये अनेक विविध आजारांचा समावेश करण्यात आला अर्थात त्यांसाठी पाठपुरावा मंगेश चिवटे यांचा होता हे वेगळे सांगायला नको.
महाराष्ट्रात पुन्हा महायुतीचे सरकार सत्तारूढ झाले आहे तत्कालीन मुख्यमंत्री एकनाथजी शिंदे यांचे विश्वासू आणि मुख्यमंत्री वैद्यकीय सहायता निधी कक्षाचे प्रमुख मंगेश चिवटे यांच्याकडेच कक्षप्रमुखांची पुन्हा विद्यमान मुख्यमंत्री देवेंद्रजी फडणवीस ,उपमुख्यमंत्री एकनाथजी शिंदे आणि उपमुख्यमंत्री अजितजी पवार यांनी मंगेश चिवटे यांनाच महायुतीने संधी द्यावी अशी मागणी वैद्यकीय सहाय्यक दीपक तोडकरी यांनी केली आहे.

#वैद्यकीय #आरोग्य

04/12/2024

पुन्हा देवेंद्र!
भाजप विधिमंडळ पक्षाच्या गटनेतेपदी देवेंद्र फडणवीस यांची निवड करण्यात आली.त्यानंतर भाजप कार्यकर्त्यांनी प्रचंड जल्लोष करत फडणवीस यांच्या समर्थनार्थ जोरदार घोषणाबाजी केली.
Devendra Fadnavis Eknath Shinde - एकनाथ संभाजी शिंदे Ajit Pawar Pankaja Gopinath Munde

27/11/2024

आमदार पंकजाताईंच्या भेटीला आमदार प्रकाशदादा!

मुंबई:भाजप नेत्या आमदार पंकजा मुंडे यांच्या निवासस्थानी नवनिर्वाचित आमदार प्रकाशदादा सोळंके यांनी आज सदिच्छा भेट दिली.यावेळी त्यांचे पंकजाताई व प्रज्ञाताई मुंडे यांनी सत्कार करून विजयाबद्दल अभिनंदन केले.याप्रसंगी आमदार हिकमत उढाण,आमदार सीमाताई हिरे यांचीही उपस्थिती होती.
Pankaja Gopinath Munde Prakash Solanke Dhananjay Munde Dr Pritam Gopinath Munde Jaisingh Solanke Eknath Shinde - एकनाथ संभाजी शिंदे Devendra Fadnavis Ajit Pawar





#महायुती