Weatherman Kerala

03/02/2025

അസ്വസ്ഥകൾ അനുഭവപ്പെട്ടാൽ ഉടനെ വിശ്രമിക്കുകയും വൈദ്യസഹായം തേടുകയും ചെയ്യുക. *( തുടർന്ന് വായിക്കാൻ )*👇
https://metbeatnews.com/kerala-heat-weather-03-02-25/

*കാലാവസ്ഥ അപ്ഡേറ്റുകൾക്ക്*

https://whatsapp.com/channel/0029Va4nNXQ0rGiHaJp0NS3c

Kerala heat weather 03/02/25: ജാഗ്രത വേണം; രണ്ടു മുതൽ മൂന്നു ഡിഗ്രി വരെ താപനില ഉയരുമെന്ന് മുന്നറിയിപ്പ്

03/02/2025

കഴിഞ്ഞ 60 വര്‍ഷത്തെ ഏറ്റവും രൂക്ഷമായ പ്രളയമാണ് നേരിടുന്നതെന്ന് കാലാവസ്ഥാ ശാസ്ത്രജ്ഞര്‍ പറയുന്നു. മഴയുടെ ശക്തിമാത്രമല്ല, മഴ അതേ ശക്തിയില്‍ ദീര്‍ഘനേരം തുടരുന്നു എന്നതും പ്രതിസന്ധിയാണെന്ന് ശാസ്ത്രജ്ഞര്‍ പറയുന്നു. *( തുടർന്ന് വായിക്കാൻ )*👇
https://metbeatnews.com/heavy-rains-floods-in-queensland/

*കാലാവസ്ഥ അപ്ഡേറ്റുകൾക്ക്*

https://whatsapp.com/channel/0029Va4nNXQ0rGiHaJp0NS3c

ആസ്‌ത്രേലിയയിലെ കേരളം എന്നറിയപ്പെടുന്ന ക്യൂന്‍സ്‌ലന്റില്‍ കനത്ത മഴ, പ്രളയം

03/02/2025

പ്രകൃതി, മനുഷ്യൻ, പ്രളയം. ഒരു കുട്ടി വരച്ച ചിത്രം.

02/02/2025

കാറ്റുണ്ടോ? ഉണ്ടെങ്കിൽ പറയൂ
(Posted on: 02/02/25 : 6:05 PM)
കുറച്ച് കാറ്റ് കൊണ്ടോളൂ.. ഇന്ന് വൈകിട്ട് പതിവില്ലാതെ കുറച്ച് കാറ്റ് കിട്ടും. ഉച്ചയ്ക്കുള്ള കത്തുന്ന ചൂട് കുറഞ്ഞതായി തോന്നും. കാറ്റ് ലൊക്കേഷൻ, കാസർകോടിൻ്റെ കിഴക്കൻ മേഖല, കണ്ണൂർ പയ്യാവൂർ മട്ടന്നൂർ, പേരാവൂർ, ഇരിട്ടി, കൂത്തുപമ്പ്, തൃശൂർ, പാലക്കാട് ജില്ലയിലെ മിക്ക പ്രദേശങ്ങളിലും കൊല്ലം ജില്ലയിലെ കരുനാഗപ്പള്ളി, കായംകുളം, അയൂർ, കിളിമാനൂർ, പുനലൂർ , കുളത്തു പുഴ, കൊട്ടാരക്കര.

02/02/2025

കാടുകളെ കാട്ടുതീയിൽ നിന്നും സംരക്ഷിക്കാനുള്ള പദ്ധതികൾ ഡിസംബർ മുതൽ വനംവകുപ്പ് തു ടങ്ങേണ്ടതായിരുന്നു. ഫണ്ടില്ലാത്തതിനാൽ ഇത്തവണ ജനുവരി കഴിഞ്ഞിട്ടും തുക അനുവദിച്ചിട്ടില്ല. ഇപ്പോൾ കേന്ദ്ര ബജറ്റിൽ കേരളം ഉൾപ്പെടെ കാട്ടുതീ തടയാൻ കേന്ദ്ര ബജറ്റിൽ 818.92 കോടിയുടെ പദ്ധതി വന്നത് കേരളത്തിൻ്റെ വനമേഖലക്കും പ്രതീക്ഷയാണ്.
*(തുടർന്ന് വായിക്കുക 👇)*

https://metbeatnews.com/kerala-forest-fire-fund-union-budget-2025/

*Follow Us on WhatsApp:* https://whatsapp.com/channel/0029Va4nNXQ0rGiHaJp0NS3c

01/02/2025

കാലിഫോര്‍ണിയ കാട്ടുതീ പൂര്‍ണമായി നിയന്ത്രണ വിധേയം

അമേരിക്കയിലെ ഏറ്റവും വലിയ രണ്ടാമത്തെ നഗരമായ കാലിഫോര്‍ണിയയില്‍ മൂന്നു ആഴ്ചയായി നീണ്ടു നിന്ന കാട്ടുതീ പൂര്‍ണമായി നിയന്ത്രണ വിധേയമായി. കാലിഫോര്‍ണിയ ഫയര്‍ ഡിപാര്‍ട്‌മെന്റാണ് ഇക്കാര്യം അറിയിച്ചത്. നേരത്തെ ഈ പ്രദേശത്ത് മഴ സാധ്യത നമ്മള്‍ പ്രവചിച്ചിരുന്നല്ലോ. ഈ മഴയാണ് തീ നിയന്ത്രണ വിധേയമാക്കാന്‍ സഹായിച്ചത്.

തെക്കന്‍ കാലിഫോര്‍ണിയയിലെ ലോസ്ആഞ്ചല്‍സ് കൗണ്ടിയിലാണ് തീ കൂടുതല്‍ നാശനഷ്ടം വിതച്ചത്. സമീപത്തെ മൂന്നു കൗണ്ടികളിലേക്കും തീ വ്യാപിച്ചിരുന്നു.

തീപിടിത്തത്തില്‍ 30 പേര്‍ മരിച്ചതായും 10,000 വീടുകള്‍ പൂര്‍ണമായി കത്തിനശിച്ചതായുമാണ് ഔദ്യോഗിക സ്ഥിരീകരണം. പാലിസേഡ്‌സ്, ഈറ്റണ്‍ തീപിടിത്തങ്ങളാണ് ആഴ്ചകളോളം നീണ്ടു നിന്നത്. തുടക്കത്തില്‍ ആറിടങ്ങളിലാണ് തീപിടിത്തമുണ്ടായത്. പിന്നീട് നാലിടങ്ങളിലായി കുറഞ്ഞു.

150 ചതുരശ്ര കി.മി പ്രദേശം (37,000 ഏക്കര്‍) ചാമ്പലായി. 250 - 270 ബില്യണ്‍ ഡോളറിലധികം നാശനഷ്ടമുണ്ട്. ശക്തമായ സാന്റ അന എന്ന വരണ്ട കാറ്റാണ് കാട്ടുതീക്ക് ശക്തിപകര്‍ന്നത്. 120 കി.മി വേഗത്തില്‍ വരെ കാറ്റ് പലപ്പോഴായി വീശിയതോടെ തീക്കാറ്റായി നഗരം എരിഞ്ഞടങ്ങി. ജനുവരി 7 നാണ് തീ ആദ്യമായി റിപ്പോര്‍ട്ട് ചെയ്തത്.

കൂടുതല്‍ തീപിടിത്തം നാശംവിതച്ച പാലിസേഡ്‌സില്‍ അടുത്ത ദിവസം താപനില കുറയുമെന്നും എന്നാല്‍ മഴ സാധ്യതയില്ലെന്നും മെറ്റ്ബീറ്റ് വെതര്‍ പറയുന്നു. അവിടത്തെ കാലാവസ്ഥാ വിവരങ്ങള്‍ അറിയാന്‍ ഈ ലിങ്ക് നോക്കുക. https://metbeat.com/search?lat=39.11026000&lon=-108.35092000&city=Palisade

01/02/2025

7 ജില്ലകളിൽ ഒറ്റപ്പെട്ട മഴ സാധ്യത നിലനിൽക്കുന്നു എന്നാണ് കാലാവസ്ഥ വകുപ്പിന്റെ പ്രവചനം. *( തുടർന്ന് വായിക്കാൻ)*👇

https://metbeatnews.com/india-weather-updates-01-02-25/

*കാലാവസ്ഥ അപ്ഡേറ്റുകൾക്ക്*

https://whatsapp.com/channel/0029Va4nNXQ0rGiHaJp0NS3c

india weather updates 01/02/25: ദേശീയ തലസ്ഥാനത്ത് കുറഞ്ഞ താപനില 10.8 ഡിഗ്രി സെൽഷ്യസ്, കേരളത്തിൽ ഒറ്റപ്പെട്ട മഴ തുടരും

31/01/2025

ഇലക്ട്രിക് ലൈനിനു കീഴിൽ തൂക്കിയിട്ട നിലയിലുള്ള ചന്ദ്ര പിറവി രണ്ടാം ദിനം. Today's Moon Waxing Crescent 6 % ആണ്. ഇന്നലെ 0.09 % തെളിച്ചത്തോടെ ചന്ദ്രൻ ഉദിച്ചു അസ്തമിച്ചു. ഇന്നലെ മേഘങ്ങൾ നിറഞ്ഞ അന്തരീക്ഷം കാരണം നഗ്നനേത്രങ്ങൾ കൊണ്ട് കാണാൻ കഴിയാത്ത സാഹചര്യം.
📸: Weatherman Kerala
ഇന്നത്തെ ചന്ദ്രൻ സാങ്കേതിക വിവരങ്ങൾ 👇

Current Time:31 Jan 2025, 21:01:07

Moon Direction:262.21° W↑
Moon Altitude:-10.18°
Moon Distance:368,559 km
Next Full Moon:12 Feb 2025, 19:23
Next New Moon:28 Feb 2025, 06:14Next Moonrise:Tomorrow, 08:59

31/01/2025

കാലാവസ്ഥാ വ്യതിയാനം നമ്മുടെ കൃഷിയെയും താളം തെറ്റിച്ചു. ഇതുമൂലം കർഷകർക്ക് വൻതോതിൽ സാമ്പത്തിക നഷ്ടമുണ്ടായി. അത്തരത്തിൽ ഒരു കാർഷിക കലണ്ടർ എവിടെയെന്നാണ് എല്ലാ കർഷകരും ചോദിക്കുന്നത്. ആ പുതിയ കലണ്ടർ വായിക്കാം 👇

https://metbeatnews.com/new-weather-calendar-for-kerala-farmers/

*AgroMet WhatsApp ഗ്രൂപ്പിൽ ചേരാം* : https://chat.whatsapp.com/HS0W42rSon01juOFeldCY0

31/01/2025

Muscut മത്ര റൂവി മഴ 31/01/25 10 am OST 🎥 : Shanoos AP

31/01/2025

മഴ 30/01/25 8 am ഇടുക്കി നെടുംകണ്ടം ശൂലപാറ 🎥: Raju Thomas Mathew

31/01/2025

കിഴക്കൻ കാറ്റ് ശക്തിപ്പെടുന്നത് മൂലം ബംഗാൾ ഉൾക്കടലിൽ നിന്നുള്ള ഈർപ്പമുള്ള കാറ്റ് കരയിലൂടെ പ്രവേശിച്ച് മേഘരൂപീകരണത്തിന് കാരണമാകുന്നു. തമിഴ്നാടിന്റെ തെക്കൻ മേഖലയിലൂടെയും കാറ്റ് കടന്നു പോകുന്നതിനാൽ തെക്കൻ തമിഴ്നാട്ടിലും ഇന്നുമുതൽ മഴ ലഭിക്കും. കേരളത്തിൽ താഴെപ്പറയുന്ന മേഖലകളിൽ ആണ് മഴ സാധ്യത.

https://metbeatnews.com/kerala-weather-todays-rain-locations/

*For WhatsApp Update:*https://whatsapp.com/channel/0029Va4nNXQ0rGiHaJp0NS3c

30/01/2025

കേരളത്തില്‍ തുലാവര്‍ഷം വിടവാങ്ങിയെങ്കിലും കിഴക്കന്‍ കാറ്റ് താല്‍ക്കാലികമായി ശക്തിപ്പെടുന്നതിന്റെ ഭാഗമായി തെക്കൻ കേരളത്തില്‍ നാളെ മഴ സാധ്യത. നാളെ രാത്രിയാണ് മഴ സാധ്യത. എറണാകുളം മുതൽ തെക്കോട്ട് മഴ പ്രതീക്ഷിക്കാം.

30/01/2025

ഭൂമിയിൽ വസിക്കുന്ന എല്ലാ മനുഷ്യർക്കും ആവശ്യത്തിനുള്ളത് ഭൂമിയിലുണ്ട്.എന്നാൽ അത്യാഗ്രഹത്തിനുള്ളത് ഭൂമിയിൽ ഇല്ല. -മഹാത്മാഗാന്ധി
ഇന്ന് രാഷ്ട്രപിതാവിൻ്റെ സ്മൃതി ദിനം

29/01/2025

ഒരു ചെറിയേ ജ്യോഗ്രഫി ക്ലാസ്..
(Posted on: 29/01/25: 10:21 Pm IST)

സ്‌കൂളില്‍ ഗ്ലോബില്‍ ഭൂമി ചെരിഞ്ഞിരിക്കുന്നത് കണ്ടിട്ടില്ലേ. എന്താണ് അച്ചുതണ്ടില്‍ ഭൂമി ചെരിഞ്ഞിരിക്കാന്‍ കാരണമെന്ന് ചിന്തിച്ചിട്ടുണ്ടോ.? ഭൂമി സാങ്കല്‍പിക അച്ചുതണ്ടില്‍ 23.5 ഡിഗ്രി ചെരിഞ്ഞാണ് സ്ഥിതി ചെയ്യുന്നത്. ഇതാണ് മറ്റു ഗ്രഹങ്ങളെ അപേക്ഷിച്ച് ഭൂമിയില്‍ അന്തരീക്ഷമുണ്ടാക്കുന്നതും ഋതുക്കള്‍ (സീസണുകള്‍) ഉണ്ടാക്കുന്നതുമെന്നതാണ് ഏറ്റവും ശ്രദ്ധേയമായ കാര്യം. കഴിഞ്ഞ പോസ്റ്റില്‍ ഭൂമിയുടെ ചരിവിനെ കുറിച്ച് ചിലര്‍ കമന്റ് ചെയ്തതുകൊണ്ടാണ് ഈ വിശദമായ പോസ്റ്റ്. എല്ലാം ചുരുക്കി എഴുതുന്നത് പ്രായോഗികമല്ല. സംശയങ്ങള്‍ ഉണ്ടെങ്കില്‍ വിശദമായി വെബ്‌സൈറ്റില്‍ എഴുതാം.

കോടിക്കണക്കിന് വര്‍ഷം മുന്‍പ് ഭൂമിയില്‍ മറ്റേതോ ഗ്രഹമോ മറ്റോ കൂട്ടിയിടിച്ചാണ് ഭൂമിക്ക് ഈ ചെരിവ് സംഭവിച്ചതെന്നാണ് അസ്‌ട്രോണമേഴ്‌സ് പറയുന്നത്. യുറാനസ് രൂപം കൊണ്ട സമയത്താണിത്. യുറാനസിന് ആണ് സൗരയൂഥത്തില്‍ ഏറ്റവും ചെരിവുള്ള ഗ്രഹം. യുറാനസിന്റെ ചെരിവ് 98 ഡിഗ്രിയാണ്. അതിനാല്‍ യുറാനസിന്റെ ഉത്തരധ്രുവം അതിന്റെ മധ്യ രേഖയോട് ചേര്‍ന്നാണ്.

ഭൂമിക്ക് സമാനമായ ചെരിവുള്ളത് ചൊവ്വയ്ക്കാണ്. 25 ഡിഗ്രി. എന്നിട്ടും ചൊവ്വയില്‍ അന്തരീക്ഷമില്ല എന്നത് ഓര്‍ക്കുക. ഭൂമിയുടെ ചെരിവില്‍ മാറ്റം വന്നാല്‍ വെള്ളാനകളുടെ നാട് എന്ന സിനിമയില്‍ കുതിരവട്ടം പപ്പു പറയുന്നത് പോലെ അന്തരീക്ഷവും നമ്മളും തവിടുപൊടിയാകും.

ചൊവ്വയില്‍ ശരാശരി താപനില മൈനസ് 60 ഡിഗ്രിയാണ്. ഏറ്റവും കുറഞ്ഞ താപനില മൈനസ് 153 ഡിഗ്രിയും കൂടിയ താപനില 20 ഡിഗ്രിയുമാണ്. ഈ താപനിലയില്‍ നമുക്ക് ജീവിക്കാന്‍ കഴിയില്ല, കൂടാതെ അന്തരീക്ഷമില്ല, ഓക്‌സിജനും ഇല്ല. അന്തരീക്ഷമില്ലാത്തതു കൊണ്ടാണ് ഇത്രയും തണുപ്പ് ചൊവ്വയില്‍ അനുഭവപ്പെടുന്നത്. ഭൂമിക്ക് അന്തരീക്ഷമുള്ളതിനാല്‍ ഭൂമിയുടെ താപനില ശരാശരി 15 ഡിഗ്രി സെല്‍ഷ്യസ് ആണ്. 1850 മുതല്‍ ഈ ശരാശരി താപനിലയില്‍ വര്‍ധനവുണ്ട്.

ഇതിനെ ആഗോള താപനം എന്നു പറയുന്നു. ഭൂമിയുടെ അന്തരീക്ഷം സൂര്യനില്‍ നിന്ന് വരുന്ന ചൂടിനെ തടഞ്ഞു നിര്‍ത്തുന്നുണ്ട്. ഇതിന് സഹായിക്കുന്നത് ഭൂമിയിലെ കാര്‍ബണ്‍ ഡൈ ഓക്‌സൈഡാണ്. മിതമായ അളവില്‍ നമുക്ക് കാര്‍ബണ്‍ ഡൈ ഓക്‌സൈഡ് ആവശ്യമാണ്. ഇല്ലെങ്കില്‍ നാം തണുത്തു ഐസായിക്കാണും. ഗ്രീന്‍ഹൗസില്‍ കൃഷി ഉണ്ടാക്കുന്ന എഫക്ടാണ് ഭൂമിയുടെ അന്തരീക്ഷം സൃഷ്ടിക്കുന്നത്.

ഇതാണ് ഭൂമിയില്‍ ജീവജാലങ്ങള്‍ക്ക് വളരാനുള്ള സാഹചര്യമൊരുക്കുന്നത്. ഭൂമിക്ക് കുറുകെ ഒരു ടേപ്പ് പിടിച്ചാല്‍ അതിന് 40,000 കി.മി ദൂരമുണ്ടാകും. ഭൂമി 24 മണിക്കൂര്‍ കൊണ്ട് ഒരു തവണ കറങ്ങി (ഭ്രമണം) തീരും. കൊറിയോലിസിസ് ബലം കൊണ്ടാണ് ഈ കറക്കം ഉണ്ടാകുന്നത്. ഈ കറക്കം മൂലമാണ് നമുക്ക് രാവും പകലും ഉണ്ടാകുന്നത്. ചുഴലിക്കാറ്റുകളും ന്യൂനമര്‍ദങ്ങളും ദക്ഷിണാര്‍ധ, ഉത്തരാര്‍ധ ഗോളങ്ങളില്‍ വ്യത്യസ്ത ദിശകളില്‍ കറങ്ങാന്‍ കാരണം ഈ കൊറിയോലിസിസ് ബലം മൂലമാണ്.

ഇനി നമ്മള്‍ ഉള്‍പ്പെടുന്ന ഭൂമി എത്ര വേഗതയിലാണ് ഭ്രമണം ചെയ്യുന്നത് എന്നറിയണോ. മണിക്കൂറില്‍ വെറും 1,700 കി.മി വേഗത്തില്‍ ആണ്. പന്തിനു മുകളില്‍ ഒരു ഉറുമ്പിനെ എടുത്തുവച്ച് പന്ത് കറക്കിയാല്‍ പന്ത് കറങ്ങുന്നത് അറിയാതെ ഉറുമ്പ് നടന്നു പോകുന്നത് പോലെയാണ് നമ്മള്‍ ഇത്രയും വേഗം കറങ്ങുന്ന ഭൂമിക്ക് മുകളില്‍ വീട്ടില്‍ കിടന്നുറങ്ങുന്നത്. ഭൂ ഗുരുത്വാകര്‍ഷണമുള്ളതിനാല്‍ നാം ഭൂമിയില്‍ നിന്ന് വലിച്ചെറിയപ്പെടുന്നില്ല.

ഭൂമി സ്വയം ഭ്രമണം ചെയ്യുന്നതു പോലെ സൂര്യനെ ചുറ്റുന്ന പരിക്രമണം ചെയ്യുന്നുണ്ട്. 365 കാല്‍ ദിവസം കൊണ്ടാണ് ഒരു തവണ ഭൂമി സൂര്യനെ ചുറ്റുന്നത്. നാലു വര്‍ഷം കൂടുമ്പോള്‍ കാല്‍ ചേര്‍ത്ത് ഒരു ദിവസമാക്കി ഫെബ്രുവരി 29 എന്ന് നമ്മള്‍ കലണ്ടറില്‍ ചേര്‍ക്കും. ഈ പരിക്രമണം മൂലമാണ് നമുക്ക് ഋതുക്കള്‍ (മഴക്കാലം, വേനല്‍ക്കാലം, മഞ്ഞുകാലം) എന്നിവ ഉണ്ടാകുന്നത്. സ്‌കൂളില്‍ ജ്യോഗ്രഫി ക്ലാസില്‍ ഉറങ്ങിയവരും മാഷ്മാര്‍ ബെഞ്ചില്‍ കയറ്റി നിര്‍ത്തിയവരും ദക്ഷിണ വച്ചാല്‍ ഇനിയും ക്ലാസ് തുടരാം. ഇനി ഇതൊന്നും പഠിക്കാതെ മുന്നോട്ടു പോകാന്‍ കഴിയാത്ത കാലമാണ് വരുന്നത്. എല്ലാവര്‍ക്കും #ശുഭരാത്രി

29/01/2025

ഇതാണ് വെയിൽ നേരിട്ട് പതിക്കാൻ കാരണവും കൂടുന്നതിന് ഇടയാക്കുന്നത് എന്ന് ഞങ്ങളുടെ നിരീക്ഷകർ പറയുന്നു. എന്നാൽ അടുത്ത ദിവസങ്ങളിൽ കേരളത്തിൽ ഉൾപ്പെടെ നേടിയ മഴ സാധ്യതയുണ്ട്. ( *തുടർന്ന് വായിക്കുക👇)

https://metbeatnews.com/kerala-weather-temperature-rises-rain-coming/

*For WhatsApp Update:* https://whatsapp.com/channel/0029Va4nNXQ0rGiHaJp0NS3c

kerala weather 29/01/25: ചൂട് കൂടും, ദാഹം ഇല്ലെങ്കിലും വെള്ളം കുടിക്കണം; മഴ സാധ്യത പിന്നാലെ

29/01/2025

(Posted on: 29/01/25 6:50 Am, IST)
ജപ്പാൻ ഉപഗ്രഹം ആയ ഹിമവാരിയുടെ ഇന്ന് പുലർച്ചെ 5 മണിക്കുള്ള (IST) ചിത്രമാണ്. 23.5 ഡിഗ്രി ചെരിവുള്ള ഭൂമിയിൽ സൂര്യപ്രകാശം പതിച്ചു വരുന്നത് കാണുക. ഏകദേശം ഇൻഡോനേഷ്യയുടെ ഭാഗങ്ങളിലും പസഫിക്ക് സമുദ്രത്തിലും വെയിൽ വന്നുതുടങ്ങി. ശ്രീലങ്കയിലും ഇന്ത്യയുടെ തെക്കേ ഭാഗത്തും വെയിൽ ഉദിച്ചിട്ടില്ല. ഭൂമിയിൽ സൂര്യപ്രകാശം തട്ടുന്നത് ഒരു നിശ്ചിത ഡിഗ്രി ചെരിഞ്ഞാണ്. ഇന്ന് കേരളത്തിൽ ചിലയിടങ്ങളിൽ ഭാഗികമായ മേഘാവൃതം. മഴ സാധ്യതയില്ല. പകൽ ചൂട് കൂടും. #ശുഭദിനം

28/01/2025

കാലാവസ്ഥ അന്നും ഇന്നും നാളെയും

ഇന്ന് ജനുവരി 28 ന് മകരം 15 ആണ്. കുംഭത്തിൽ ഒരു മഴ പെയ്യുമെന്നാണ് പഴമക്കാർ പറയാറുള്ളത്. എന്നാൽ വെള്ളിയാഴ്ച മുതൽ തന്നെ കേരളത്തിൽ മഴ സാധ്യതയുണ്ട്. തെക്കൻ കേരളത്തിൽ ഒന്നോ രണ്ടോ പ്രദേശങ്ങളിൽ. ഫെബ്രുവരി 1 നും 2 നും എല്ലാ ജില്ലകളിലും മഴ അന്തരീക്ഷം കാണാം. എന്നാൽ ചിലയിടത്ത് ചെറിയ മഴ ചാറി പോകാം. ഈ ഇവൻ്റിൽ 2 -3 സ്ഥലങ്ങളിൽ ശക്തമായ മഴ ഉണ്ട്. തെക്കൻ കേരളത്തിലെ കിഴക്കൻ മേഖലയിൽ ആണ് അതിന് സാധ്യത.
ഈ മഴ നമ്മൾ കുറച്ച് ദിവസം മുൻപത്തെ തുലാമഴ വിടവാങ്ങാൻ മടിച്ച് എന്ന പോസ്റ്റിൽ പറഞ്ഞിട്ടുണ്ട്. അതിൻ്റെ ലിങ്ക് കമൻ്റിൽ ഇടാം.
എനിക്ക് ഭൂമിയെ കുറിച്ചും കാലാവസ്ഥയെ കുറിച്ചും പഠിക്കാൻ കുട്ടിക്കാലത്ത് പ്രചോദനം നൽകിയത് നാട്ടിലെ മുതിർന്ന വ്യക്തിത്വങ്ങൾ ആയിരുന്നു. അയനം, അയനാന്തം, വിഷുവം തുടങ്ങി, ഭൂമിയും സൂര്യനും കാലാവസ്ഥയുമായി ബന്ധപ്പെട്ട കാര്യങ്ങൾ പറഞ്ഞുതന്നിരുന്നത് ഈ ചിത്രത്തിൽ കാണുന്ന അമ്മയായിരുന്നു. എൻ്റെ അയൽ വീട്ടിലെ അമ്മ അവർക്ക് കുട്ടികൾ ഇല്ലാത്തതുകൊണ്ട് ചെറുപ്രായത്തിൽ എന്നോട് വലിയ വാത്സല്യമായിരുന്നു. ഇപ്പോഴും അതിന് കുറവില്ല.

കൃഷിയുമായി ബന്ധപ്പെട്ട കാര്യങ്ങൾ കാലാവസ്ഥ നിർണയിക്കുന്നത് എങ്ങനെയെന്ന് അവർ പറയാറുണ്ടായിരുന്നു. അങ്ങനെയാണ് ഈ വിഷയത്തിൽ കുട്ടിക്കാലത്തെ താല്പര്യം ജനിക്കുന്നത്. അവർ കൃഷി ചെയ്ത പഴവും മറ്റും എനിക്കും വീട്ടിലേക്കും തരും. ചേന എപ്പോൾ നടണം, മഞ്ഞൾ എപ്പോൾ വിളവെടുക്കണം, എന്നൊക്കെ അവർ പറയുന്നത് കേൾക്കുക കൗതുകമായിരുന്നു. കാർഷിക കലണ്ടറുമായി ബന്ധപ്പെട്ട അവരുടെ പഴഞ്ചൊല്ലുകളും കാണാ പാഠാമായി. നാടിൻ്റെ വിളക്കുമാടങ്ങളാണ് മുതിർന്നവർ അന്നും ഇന്നും എന്നും. അവരുടെ എക്സ്പീരിയൻസ് നമുക്ക് പാഠവും പ്രചോദനവുമാണ്. നാം അവരോട് സംസാരിക്കാൻ തയാറായാൽ അവർ നാട്ടറിവിൻ്റെ അക്ഷയഖനികൾ ആണെന്ന് ബോധ്യപ്പെടും.

വേനലിൽ ഇടമഴ വരുന്ന തീയതികൾ ഇവർ പറയുന്നത് കാലാവസ്ഥ കുതുകികളിൽ ചിന്തിക്കാൻ ഊർജ്ജം നൽകുന്നവയാണ്. നാട്ടുകാരുടെ സ്വന്തം അമ്മയായ അവർക്ക് കഴിഞ്ഞ ദിവസം നൂറു വയസ്സ് തികഞ്ഞു. തറവാട്ടിൽ നിന്ന് ഒരു കിലോമീറ്റർ അകലെയാണ് പുതിയ വീട് നിർമ്മിച്ചത് എന്നതിൽ ഇപ്പോൾ അവരെ ഇടക്കിടക്ക് പോയി കാണാൻ കഴിയാറില്ല.

കഴിഞ്ഞ ദിവസം കണ്ടപ്പോൾ പക്ഷേ, അവർക്ക് ഇപ്പോഴും വലിയ സ്നേഹമാണ് ഓർമ്മയ്ക്ക് ഒട്ടും കുറവില്ല. നാട്ടിലെ എല്ലാവരുടെയും കുട്ടികളെക്കുറിച്ചും കുടുംബത്തെക്കുറിച്ചും മക്കളെക്കുറിച്ചും അവരുടെ പേരും എല്ലാം നൂറാം വയസ്സിലും വ്യക്തമായി ഓർക്കുന്നു. എൻ്റെ തലമുടി നരച്ചു പോയതിൽ പരിഭവം പറഞ്ഞു. റിപ്പബ്ലിക് ദിനത്തിൽ അവരുടെ 100 ാമത് ജന്മദിനം ആഘോഷമായി നടത്തി. ഇത്തരം മനുഷ്യർക്ക് ദീർഘായുസ്സ് ഉണ്ടാകട്ടെ. അവരെ പോലുള്ളവർ ഇല്ലെങ്കിൽ നിങ്ങൾക്ക് മുന്നിൽ കാലാവസ്ഥ പറയാൻ ഒരു പക്ഷേ, ഞാൻ ഉണ്ടാകുമായിരുന്നില്ല. കുഞ്ഞു നാളിലെ കൗതുകങ്ങളാണല്ലോ നമ്മെ നയിക്കുന്ന ഊർജ കേന്ദ്രങ്ങൾ. ഇപ്പോൾ തന്ത , തള്ള വൈബുകാർക്ക് ഇതൊന്നും മനസിലാകില്ല.

പക്ഷേ ഇന്ന് കാലാവസ്ഥ ഏറെ മാറിയിരിക്കുന്നു. അവരന്ന് പറഞ്ഞതുപോലെ ഇപ്പോൾ മഴ ലഭിക്കുന്നില്ല. കാലാവസ്ഥ വ്യതിയാന കാലത്ത് ശാസ്ത്രത്തിൻ്റെ അറിവുകൾ പരമ്പരാഗത അറിവുകളേക്കാൾ നമ്മെ കാലാവസ്ഥ പറയാൻ സഹായിക്കുന്നു. ശാസ്ത്രീയ പ്രവചനങ്ങളെയും ഇപ്പോൾ കാലാവസ്ഥ വ്യതിയാനം തകിടം മറിക്കുന്നു. താപന തോത് സാധാരണയേക്കാൾ 1.5 ഡിഗ്രി 2040 ൽ മറികടക്കുമെന്നായിരുന്നു നേരത്തെ പ്രവചനം. എന്നാൽ 2024 ൽ തന്നെ 1.5 ഡിഗ്രി പിന്നിട്ടു ചൂട് മുന്നേറുന്നു. ദുരന്തങ്ങളുടെ ഘോഷയാത്ര വരാനുണ്ട്. മനുഷ്യർക്ക് താങ്ങാനാകാത്ത കാലാവസ്ഥ ദുരന്തം അതിവേഗം നമ്മളിലേക്ക് എത്തും എന്നാണ് ഏറ്റവും പുതിയ കണക്കുകൾ പറയുന്നത്.