Kuzhimathicadu news

23/05/2023

https://fb.watch/kIBD_LNi0w/

16/12/2022

പോലീസിൽ ചേരാൻ അവസരം

ആംഡ് പോലീസ് ബറ്റാലിയനിൽ പോലീസ് കോൺസ്റ്റബിൾ തസ്തികയിലേക്ക് നിയമനത്തിനായി കേരള പബ്ലിക് സർവീസ് കമ്മീഷൻ വിജ്ഞാപനം പുറപ്പെടുവിച്ചു. (കാറ്റഗറി നമ്പർ: 537/2022)

വിദ്യാഭ്യാസ യോഗ്യത: ഹയർസെക്കൻഡറി (പ്ലസ് ടു) പാസ്സായിരിക്കണം അല്ലെങ്കിൽ തത്തുല്യമായ പരീക്ഷ ജയിച്ചിരിക്കണം.

പ്രായപരിധി: 18 – 26 വയസ്സ്. 02.01.1996 നും 01.01.2004 നും ഇടയിൽ ജനിച്ചവർ (രണ്ട് തീയതികളും ഉൾപ്പെടുന്നു)

ശാരീരിക യോഗ്യതകൾ
ഉയരം - 168 സെ.മീ, നെഞ്ചളവ് -81 -86 സെ.മീ

അപേക്ഷ സമർപ്പിക്കേണ്ട അവസാന തീയതി: 18/01/2023

യോഗ്യരായ ഉദ്യോഗാർത്ഥികൾ പി എസ് സി വെബ്സൈറ്റ് വഴി ഓൺലൈനായാണ് അപേക്ഷ സമർപ്പിക്കേണ്ടത്.
കൂടുതൽ വിവരങ്ങൾ പി എസ് സി വെബ്‌സൈറ്റിൽ ലഭ്യമാണ്.

15/09/2022

കരീപ്ര ഗ്രാമപഞ്ചായത്തിൽ 16/9ന് പ്ലാക്കോട് housing board colony കോമ്പൗണ്ടിലും,17 ന് ഏറ്റുവായിക്കോട് അംഗൻവാടി പരിസരത്തും 19ന് ഇടക്കിടം market പരിസരത്തും സൗജന്യ പേവിഷ പ്രതിരോധ കുത്തിവെപ്പ് ക്യാമ്പുകൾ ഉണ്ടായിരിക്കും. സമയം രാവിലെ 10 മുതൽ 1 മണി വരെ. സർട്ടിഫിക്കറ്റ് നൽകുന്നതാണ്. സർട്ടിഫിക്കറ്റ് ചാർജ് 15 രൂപ. കൂടാതെ എല്ലാ ദിവസവും തലവൂർക്കോണം മൃഗശുപത്രിയിൽ രാവിലെ 9 മുതൽ 3 മണി വരെ വാക്‌സിനേഷൻ ഉണ്ടായിരിക്കും. എല്ലാ നായ്ക്കളെയും പൂച്ചകളെയും കുത്തി വെപ്പിന് വിധേയരക്കേണ്ടതാണ്.

News/colash

18/05/2022

QR code സ്കാൻ ചെയ്ത് നമ്മുടെ വാട്സ്ആപ്പ് ഗ്രൂപ്പിൽ അംഗമാകാം.....

14/05/2022

പൊതുജനങ്ങൾക്കായി നൽകുന്ന മഴ മുന്നറിയിപ്പ് നിർദ്ദേശങ്ങൾ

1. പുഴകളിലും മറ്റു ജലാശയങ്ങളിലും വരും ദിവസങ്ങളിൽ യാതൊരു കാരണവശാലും ഇറങ്ങാൻ പാടുള്ളതല്ല. ഒഴുക്ക് ശക്തമാകാൻ സാധ്യതയുള്ളതിനാൽ അപകട സാധ്യത കൂടുതലാണ്.

2. കാലാവസ്ഥ മുന്നറിയിപ്പുകൾ ഗൗരവത്തോടെ നിരീക്ഷിക്കുകയും അധികൃതരുടെ നിർദേശങ്ങൾ അനുസരിക്കുകയും ചെയ്യണം. ആവശ്യപ്പെടുന്ന സമയത്ത് ക്യാമ്പുകളിലേക്ക് മാറാൻ തയ്യാറാവണം.

3. കാറ്റിലും മഴയിലും ഇലക്ട്രിക് ലൈനുകൾ പൊട്ടി വീഴാൻ സാധ്യതയുണ്ട്. ശ്രദ്ധയിൽ പെട്ടാൽ ഉടനെ KSEB യുടെ 1912 എന്ന കണ്ട്രോൾ റൂം നമ്പറിൽ അറിയിക്കുക. അതിരാവിലെ ജോലിക്കോ മറ്റു ആവശ്യങ്ങൾക്കോ ഇറങ്ങുന്നവർ വെള്ളക്കെട്ടുകളിൽ വൈദ്യുതി ലൈനുകൾ വീണു കിടക്കുന്നില്ലെന്ന് ഉറപ്പാക്കണം.

4. ശബരിമലയിലെ മസാപൂജക്കായി ദർശനത്തിന് എത്തുന്നവർ മഴ മുന്നറിയിപ്പ് കൂടി പരിശോധിച്ച് ആവശ്യമായ ജാഗ്രതയോടെ ആയിരിക്കണം ദർശനത്തിന് എത്തുന്നത്. രാത്രി യാത്രകളും ജലശയങ്ങളിൽ ഇറങ്ങുന്നതും ഒഴിവാക്കണം.

5. മലയോര മേഖലകളിലേക്കുള്ള അത്യാവശ്യമല്ലാത്ത എല്ലാ യാത്രകളും മഴ മുന്നറിയിപ്പ് ഒഴിവാകുന്നത് വരെ ഒഴിവാക്കുക.

6. വിനോദ സഞ്ചാരികൾ രാത്രി യാത്രകൾ ഒഴിവാക്കുകയും പരമാവധി താമസ സ്ഥലത്തു തുടരുകയും ചെയ്യണം. ടൂറിസം വകുപ്പിന്റെയും ജില്ലാ ഭരണകൂടത്തിന്റെയും നിർദേശങ്ങൾ കർശനമായി പാലിക്കണം. സുരക്ഷാ സജ്ജീകരണങ്ങളില്ലാത്തതും അനുമതി ഇല്ലാത്തതുമായ ഒരു സ്ഥലത്തും പോകാൻ പാടുള്ളതല്ല.

സംസ്ഥാന ദുരന്ത നിവാരണ അതോറിറ്റി ദിനന്തരീക്ഷാവസ്ഥയേയും ദുരന്ത സാധ്യതകളെയും സസൂക്ഷ്മം നിരീക്ഷിച്ച് വരികയാണ്.


24 മണിക്കൂറും പ്രവർത്തിക്കുന്ന കണ്ട്രോൾ റൂമികളിലേക്ക് 1077 എന്ന ടോൾ ഫ്രീ നമ്പറിൽ ബന്ധപ്പെടാവുന്നതാണ്.

04/05/2022

പാണൻപറമ്പ് ശ്രീ മഹാദേവി ക്ഷേത്രം..... ഉത്സവാഘോഷത്തിൽ നിന്നും

02/05/2022

സന്തോഷ്ട്രോഫി കേരളത്തിന്‌...... ❤

28/04/2022

*വൈദ്യുതി നിയന്ത്രണം ഒഴിവാക്കാൻ സഹകരിക്കുക*

ദേശീയ ഗ്രിഡില്‍ നിന്നുളള വൈദ്യുതി ലഭ്യതയില്‍ കുറവുളളതിനാല്‍ ഇന്ന് (28.04.2022) വൈകിട്ട് 6.30 നും 11.30 നും ഇടയില്‍ 15 മിനിറ്റ് നേരം വൈദ്യുതി നിയന്ത്രണം ഉണ്ടാകാന്‍ സാധ്യതയുണ്ടെന്ന് കെ. എസ്. ഇ. ബി അറിയിച്ചു. നഗരപ്രദേശങ്ങളെയും ആശുപത്രി തുടങ്ങിയ അവശ്യസേവനങ്ങളെയും നിയന്ത്രണത്തില്‍ നിന്ന് ഒഴിവാക്കിയിട്ടുണ്ട്.

രാജ്യവ്യാപകമായി വൈദ്യുതി ആവശ്യകതയില്‍ ഉണ്ടായിട്ടുളള വര്‍ദ്ധനവ് കൊണ്ടും താപവൈദ്യുത ഉല്‍പാദനത്തിലുണ്ടായിട്ടുളള കുറവുകൊണ്ടും ആകെ വൈദ്യുതി ആവശ്യകതയില്‍ 10.7 ജിഗാവാട്ടിന്റെ കുറവാണ് ഉണ്ടായിട്ടുളളത്. വൈകിട്ട് 6.30 മുതല്‍ 11.30 വരെ 4580 മെഗാവാട്ട് വൈദ്യുതി ആവശ്യകതയാണ് സംസ്ഥനത്ത് ഇന്ന് പ്രതിക്ഷിക്കുന്നത്. ഇന്ന് സംസ്ഥാനത്ത് 400 മുതല്‍ 500 മെഗാവാട്ട് വരെ വൈദ്യുതിയുടെ ലഭ്യതക്കുറവ് ഉണ്ടാകുമെന്നാണ് കണക്കാക്കപ്പെടുന്നത്.
വൈദ്യുതി നിയന്ത്രണം പരമാവധി കുറയ്ക്കുന്നതിനായി എല്ലാ ഉപഭോക്താക്കളും വൈകിട്ട് 6.30 മുതല്‍ 11.30 വരെ വൈദ്യുതി ഉപയോഗം പരമാവധി കുറച്ച് സഹകരിക്കണമെന്ന് കെ.എസ്.ഇ.ബി അഭ്യര്‍ത്ഥിച്ചു.


നിലവില്‍ 14 സംസ്ഥാനങ്ങളില്‍ ഒരുമണിക്കൂറിലേറെ ലോഡ് നിയന്ത്രണം ഏര്‍പ്പെടുത്തിയിട്ടുണ്ട്. 200 മെഗാവാട്ട് വൈദ്യുതി ആന്ധ്രപ്രദേശില്‍ നിന്നും സംസ്ഥാനത്തേയ്ക്ക് എത്തുകയും കോഴിക്കോട് താപവൈദ്യുത നിലയം പ്രവര്‍ത്തനക്ഷമമാവുകയും ചെയ്യുന്നതോടെ രണ്ട് ദിവസത്തിനുളളില്‍ സാധാരണ നില കൈവരുന്നതാണ്.

23/04/2022

ഇളമ്പള്ളൂർ പത്താമുദയ ആശംസകൾ

2022 ഏപ്രിൽ 23 ശനിയാഴ്ച കുണ്ടറ ഇളമ്പള്ളൂർ പത്താമുദയ മഹോത്സവത്തോടനുബന്ധിച്ചു കർശനമായ ഗതാഗത നിയന്ത്രണം ഉണ്ടായിരിക്കുന്നതാണ്.

1) കൊട്ടാരക്കരയിൽ നിന്നും ഭരണിക്കാവിൽ നിന്നും കൊല്ലം ഭാഗത്തേക്ക് പോകുന്ന വാഹനങ്ങൾ ഇളമ്പള്ളൂർ വരാതെ പള്ളിമുക്ക് ഹോസ്പിറ്റൽ ജംഗ്ഷനിൽ നിന്നും തിരിഞ്ഞു മൊയ്ദീൻമുക്ക് വഴി സാരഥി ജംഗ്ഷനിലൂടെയും കണ്ണനല്ലൂർ റൂട്ട് വഴിയും കൊല്ലം ഭാഗത്തേക്ക് പോകേണ്ടതാണ്.

2) കൊട്ടാരക്കരയിൽ നിന്നും അഞ്ചാലുംമൂട് ഭാഗത്തേക്ക് പോകേണ്ട വാഹനങ്ങൾ ഇളമ്പള്ളൂർ വരാതെ പള്ളിമുക്ക് ഹോസ്പിറ്റൽ ജംഗ്ഷനിൽ തിരിഞ്ഞു മൊയ്ദീൻമുക്ക് സാരഥി ജംഗ്ഷനിൽ എത്തി കേരളപുരം - സ്റ്റാർച് ജംഗ്ഷൻ റോഡ് വഴി പോകേണ്ടതാണ്.

3) അഞ്ചാലുമൂട് ഭാഗത്തു നിന്നും കൊട്ടാരക്കര , ഭരണിക്കാവ് ഭാഗത്തേക്ക് വരുന്ന വാഹനങ്ങൾ ഇളമ്പള്ളൂർ റെയിൽവേ ഗേറ്റിൽ എത്തി പോലീസ് സ്റ്റേഷന് മുന്നിലുള്ള റോഡിലൂടെ പേരയം ജംഗ്ഷൻ തിരിഞ്ഞു കുണ്ടറ പള്ളിമുക്കിലെ എത്തി കൊട്ടാരക്കര ഭാഗത്തേക്ക് പോകേണ്ടതാണ്.

4) കൊല്ലം ഭാഗത്തു നിന്നും കൊട്ടാരക്കര , ഭരണിക്കാവ് ഭാഗത്തേക്ക് വരുന്ന വാഹനങ്ങൾ കേരളപുരം തിരിഞ്ഞു പെരുമ്പുഴ -ഹോസ്പിറ്റൽ ജംഗ്ഷൻ പള്ളിമുക്ക് വഴി ഭരണിക്കാവ് ഭാഗത്തേക്കും , പെരുമ്പുഴ -നല്ലില റൂട്ട് വഴി കൊട്ടാരക്കര ഭാഗത്തേക്കും പോകേണ്ടതാണ്.

5) കൊല്ലം ഭാഗത്തു നിന്നും ഇളമ്പള്ളൂർ -കുണ്ടറ ട്രിപ്പ് അവസാനിപ്പിക്കുന്ന ബസ്സുകൾ ഇളമ്പള്ളൂർ അമ്പലം ഭാഗം എത്താതെ ഇ എസ് ഐ യ്ക്ക് സമീപമുള്ള പെട്രോൾ പമ്പിന് സമീപം യാത്ര അവസാനിപ്പിച്ച് തിരികെ കൊല്ലം ഭാഗത്തേക്ക് പോകേണ്ടതാണ്.

6) അഞ്ചാലുമൂട് ഭാഗത്തു നിന്നും ഇളമ്പള്ളൂർ -കുണ്ടറ ട്രിപ്പ് അവസാനിപ്പിക്കുന്ന ബസ്സുകൾ സ്റ്റാർച് ജംഗ്ഷൻ കഴിഞ്ഞു നന്തിരിക്കൽ എത്തുന്നതിനു മുൻപ് യാത്ര അവസാനിപ്പിച്ച് തിരികെ അഞ്ചാലുമൂട് ഭാഗത്തേക്ക് പോകേണ്ടതാണ്.

7) കൊല്ലം - കൊട്ടിയം -കണ്ണനല്ലൂർ -കുണ്ടറ -ഇളമ്പള്ളൂർ യാത്ര അവസാനിപ്പിക്കുന്ന ബസ്സുകൾ പെരുമ്പുഴ വഴി വന്നു ഹോസ്പിറ്റൽ ജംഗ്ഷനിൽ വരാതെ എൽ എം എസ് ജംഗ്ഷനിൽ എത്തുന്നതിനു മുൻപുള്ള ബെപ്പാസ് റോഡിൽ യാത്ര അവസാനിപ്പിച്ച് തിരികെ പോകേണ്ടതാണ്.

8) കൊട്ടാരക്കര ഭാഗത്തു നിന്നും കൊല്ലത്തു ഭാഗത്തു നിന്നും അഞ്ചാലുമൂട് ഭാഗത്തു നിന്നും ചരക്കു വാഹനങ്ങൾക്ക് ഉച്ചയ്ക്ക് 3 മണിമുതൽ രാത്രി 8 മണിവരെ കുണ്ടറ ടൗണിലേക്ക് പ്രവേശനം ഉണ്ടായിരിക്കുന്നതല്ല

19/04/2022

*ലൈഫ് മിഷൻ ഇന്റേൺഷിപ്*

കേരള സർക്കാരിന്റെ അഭിമാന പദ്ധതിയായ ലൈഫ് സമ്പൂർണ പാർപ്പിട സുരക്ഷാ പദ്ധതി ലൈഫ് മിഷനിലൂടെ നടപ്പിലാക്കിവരുന്നു. സംസ്ഥാനത്ത് ഇതിനോടകം 2,83,719 കുടുംബങ്ങളുടെ “അടച്ചുറപ്പുള്ള ഒരു വീട്” എന്ന സ്വപ്നം ഈ പദ്ധതിയിലൂടെ സാക്ഷാത്കരിക്കപ്പെട്ടിട്ടുണ്ട്. ഭൂമിയും വീടും ഇല്ലാത്ത നിരവധി കുടുംബങ്ങളുടെ ചിരകാലഅഭിലാഷമാണ് തുടർന്നും സാക്ഷാത്കരിക്കപ്പെട്ടുകൊണ്ടിരിക്കുന്നത്. നിലവിലുള്ള ലൈഫ് ഗുണഭോക്ത്യ പട്ടികയിൽ ഉൾപ്പെടാനാകാതെ പോയ അർഹരായ ഭൂരഹിത/ ഭവനരഹിത കുടുംബങ്ങളെ കണ്ടെത്തുന്നതിനായി പുതിയ അപേക്ഷ ക്ഷണിച്ചതിൽ പ്രകാരം 9 ലക്ഷത്തോളം അപേക്ഷകൾ ലഭിച്ചിട്ടുണ്ട്. ടീ അപേക്ഷകളുടെ പരിശോധന നടപടികൾ പൂർത്തീകരിച്ച് അർഹരായ ഗുണഭോക്താക്കളുടെ ലിസ്റ്റ് ഉടൻ പ്രസിദ്ധീകരിക്കും.

ടി പരിശോധനയിലൂടെ കണ്ടെത്തുന്ന അർഹരായ ഭൂമിയും വീടും ഇല്ലാത്ത ഭവനരഹിതരിൽ നിന്നും ഒരു വർഷം ഒരു ലക്ഷം വീടുകൾ എന്ന രീതിയിൽ അഞ്ചുവർഷം കൊണ്ട് 5 ലക്ഷം വീടുകൾ നിർമ്മിച്ച് നൽകുവാൻ ലക്ഷ്യമിടുന്നു. കൂടാതെ ലൈഫ് മിഷൻ മുഖേന സംസ്ഥാനത്ത് നിർമ്മാണം പുരോഗമിച്ചുകൊണ്ടിരിക്കുന്ന 29 ഭവന സമുച്ചയങ്ങളിലുടെ ഭൂരഹിത ഭവന രഹിത കുടുംബങ്ങളുടെ പുനരധിവാസം സാധ്യമാക്കുന്നതിനും ലക്ഷ്യമിട്ടിട്ടുണ്ട്

സംസ്ഥാനത്തെ സാധാരണക്കാരിൽ സാധാരണക്കാരായ ജനവിഭാഗത്തിന്റെ ഏറ്റവും വലിയ ആഗ്രഹം പൂർത്തീകരണത്തിന്റെ ഭാഗമാകുവാൻ സേവന സന്നദ്ധരായ തുടക്കക്കാർക്ക് ലൈഫ് മിഷനിൽ ഇന്റേൺഷിപിലൂടെ അവസരം നൽകുന്നു. ഈ പ്രവർത്തനങ്ങളുടെ ഭാഗമാകുവാൻ താല്പര്യമുള്ള സേവന സന്നദ്ധർക്ക് ഇന്റേൺഷിപ്പിനായി അപേക്ഷ സമർപ്പിക്കാവുന്നതാണ്.

https://bit.ly/3LFnbuK

Internship volunteer call link

22/02/2022

നിരത്തുകളിൽ ചിലർ നടത്തുന്ന അഭ്യാസ പ്രകടനങ്ങളുടെ ഇരകളാകേണ്ടി വരുന്നത് മിക്കവാറും വളരെ അച്ചടക്കം പാലിച്ച് വാഹനം ഓടിക്കുന്നവരും കാൽനടയാത്രക്കാരും വയോധികരുമാണ്. റോഡ് സുരക്ഷക്ക് ഉയർത്തുന്ന ഭീഷണിക്കു പുറമെ ഇത്തരം നിയമലംഘകർ നിരത്തിൽ സൃഷ്ടിക്കുന്ന തീവ്ര ശബ്ദമലിനീകരണം കാരണം ശിശുക്കൾ മുതൽ വയോധികരും ഹൃദ്രോഗികൾ ഉൾപ്പെടെയുള്ള പൊതുസമൂഹത്തിന് കനത്ത ആരോഗ്യ ഭീഷണിയും കൂടെയാണ്.
റോഡ് സുരക്ഷക്ക് വെല്ലുവിളിയാകുന്ന തരത്തിൽ വാഹനങ്ങളിൽ രൂപമാറ്റങ്ങൾ വരുത്തുക , സൈലൻസറുകൾ മാറ്റി അതി തീവ്ര ശബ്ദം പുറപ്പെടുവിക്കുക, പൊതു നിരത്തുകളിൽ അഭ്യാസം പ്രകടനം / മൽസരയോട്ടം നടത്തുക, അമിതവേഗതയിലും അപകടകരമായും വാഹനമോടിക്കുക തുടങ്ങിയ പൊതുജനങ്ങളുടെ സുരക്ഷക്കും സ്വൈര ജീവിതത്തിനും ഭീഷണിയും തടസ്സവും സൃഷ്ടിക്കുന്ന വാഹനങ്ങളെക്കുറിച്ചും, ഡ്രൈവർമാരെ പറ്റിയുമുള്ള വിവരങ്ങൾ, ഫോട്ടോകൾ, ലഘു വീഡിയോകൾ സഹിതം അതത് ജില്ലകളിലെ എൻഫോഴ്സ്മെൻ്റ് ആർ ടി ഒ മാരെ പൊതുജനങ്ങൾക്ക് അറിയിക്കാവുന്നതാണ്.
വിവരങ്ങൾ നൽകുന്നവരുടെ വിശദാംശങ്ങൾ രഹസ്യമായി സൂക്ഷിക്കുന്നതായിരിക്കുമെന്നും ഉറപ്പ് നൽകുന്നു. മേൽപ്പറഞ്ഞ നിയമലംഘനങ്ങളുടെ ഫോട്ടോ /വീഡിയോകളോടൊപ്പം സ്ഥലം, താലൂക്ക്, ജില്ല എന്നീ വിവരങ്ങൾ കൂടി ഉൾപ്പെടുത്താൻ ശ്രദ്ധിക്കുക.

09/02/2022

പ്രണാമം

09/02/2022

Salute........

14/01/2022

അഭിനന്ദനങ്ങൾ

20/12/2021

അഷ്ടമുടിയുടെ രുചിക്കൂട്ടും പുതുതലമുറയുടെ പ്രിയവിഭവങ്ങളും നിറച്ച പിങ്ക് കഫേ കായല്‍ക്കൂട്ട് വണ്ടിക്ക് ധനകാര്യ മന്ത്രി കെ. എന്‍. ബാലഗോപാല്‍ ഇരട്ട മണിയിടിച്ച് തുടക്കമിട്ടു. ഡബിള്‍ ബെല്ലില്‍ ബസ് ഓടില്ല, പക്ഷെ അടുപ്പ് കത്തും. മണം പരക്കും. വേറിട്ട രുചി തേടുന്നവര്‍ക്കായി കെ. എസ്. ആര്‍. ടി. സി ഗ്യാരേജിന് മുന്നിലായി ഓടാത്ത ബസ്സിനുള്ളില്‍ കുടുംബശ്രീ ഒരുക്കിയതാണ് പിങ്ക് കഫെ.

കുടുംബശ്രീ പ്രവര്‍ത്തകര്‍ക്ക് തൊഴില്‍, നാട്ടുകാര്‍ക്ക് മിതമായ വിലയ്ക്ക് നല്ല ആഹാരം, വാടകയിനത്തില്‍ കെ. എസ്. ആര്‍. ടി. സിക്കും വരുമാനം എന്നതാണ് പുതുസംരംഭത്തിന്റെ പ്രത്യേകതയെന്ന് ഉദ്ഘാടനം നിര്‍വഹിച്ച മന്ത്രി പറഞ്ഞു. ലേലം ചെയ്യാന്‍ പാകത്തിലായ വാഹനമാണ് കഫെയായി പ്രവര്‍ത്തിപ്പിക്കാം എന്ന പുതിയ ആശയത്തിലൂടെ വരുമാന സ്രോതസായി മാറിയതെന്നും അദ്ദേഹം വ്യക്തമാക്കി.
കരിമീന്‍ മുതല്‍ കല്ലരിപ്പന്‍ വരെ നീളുന്ന വിഭവ സമൃദ്ധിയാണ് കഫെയുടെ മുഖ്യ ആകര്‍ഷണം. ആവിയില്‍ പുഴുങ്ങിയ പലഹാരങ്ങളും ന്യൂജെന്‍ വൈവിദ്ധ്യവും ഒരുക്കിയിട്ടുണ്ട്.
ചടങ്ങില്‍ കോര്‍പറേഷന്‍ സ്റ്റാന്‍ഡിംഗ് കമ്മിറ്റി ചെയര്‍മാന്‍ എസ്. ജയന്‍ അധ്യക്ഷനായി. കുടുംബശ്രീ മിഷന്‍ ജില്ലാ കോ-ഓര്‍ഡിനേറ്റര്‍ വി. ആര്‍. അജു, സി. ഡി. എസ്. ചെയര്‍പേഴ്‌സന്‍ എസ്. ബീമ, ജില്ലാ പ്രോഗ്രാം മാനേജര്‍ എസ്. നീരജ്, കെ. എസ്. ആര്‍. ടി. സി. ഡി. ടി. ഒ ആര്‍. മനേഷ് തുടങ്ങിയവര്‍ പങ്കെടുത്തു.

14/12/2021

14/12/2021

പ്ലസ് ടു മുതല്‍ യോഗ്യതയുള്ള 10000 പേര്‍ക്ക് ജോലി സാധ്യതയൊരുക്കുന്ന തൊഴില്‍ മേള ഡിസംബര്‍ 19ന് ചവറ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്റ് കണ്‍സ്ട്രക്ഷനില്‍ ധനകാര്യ വകുപ്പ് മന്ത്രി കെ. എന്‍. ബാലഗോപാല്‍ ഉദ്ഘാടനം ചെയ്യും. നൂറിലധികം കമ്പനികള്‍ പങ്കെടുക്കും. രജിസ്‌ട്രേഷന് - knowledgemission.kerala.gov.in വെബ്‌സൈറ്റില്‍ 15ന് വൈകിട്ട് അഞ്ചു മണി വരെയാണ് സമയം.

ഫോണ്‍ - 0471 2737881.

08/12/2021

ആദരാഞ്ജലികൾ.....

30/11/2021

ആദരാഞ്ജലികൾ

27/11/2021

27/11/2021

27/11/2021

Toll free cc number of KSEB

27/11/2021

📢 കുടുംബശ്രീയില്‍ വിവിധ തസ്തികകളിലേക്ക് അപേക്ഷിക്കാം

കുടുംബശ്രീ മിഷനില്‍ വിവിധ പ്രോജക്ടുകളുടെ ഭാഗമായി ഒഴിവുള്ള തസ്തികകളിലേക്ക് അപേക്ഷ ക്ഷണിച്ചു. കരാര്‍ വ്യവസ്ഥയിലാണ് നിയമനം. സെന്റര്‍ ഫോര്‍ മാനേജ്‌മെന്റ് ഡെവലപ്പ്‌മെന്റ് (സി.എം.ഡി) മുഖേനയാണ് നിയമന പ്രവര്‍ത്തനങ്ങള്‍ നടത്തുന്നത്. അപേക്ഷകള്‍ www.cmdkerala.net എന്ന വെബ്‌സൈറ്റിലൂടെ ഓണ്‍ലൈനായി സര്‍പ്പിക്കേണ്ടതാണ്. പ്രവൃത്തി പരിചയം ഉള്‍പ്പെടെയുള്ള വിശദാംശങ്ങള്‍ മേല്‍പ്പറഞ്ഞ ലിങ്കില്‍ നിന്നും www.kudumbashree.org/careers എന്ന ലിങ്കില്‍ നിന്നും ലഭിക്കും.

അപേക്ഷ ക്ഷണിച്ചിരിക്കുന്ന തസ്തികകളുടെ വിശദാംശങ്ങള്‍ :

📧 1. സിറ്റി മിഷന്‍ മാനേജര്‍
(നാഷണല്‍ അര്‍ബന്‍ ലൈവ്‌ലിഹുഡ് മിഷന്‍)
ഒഴിവുകളുടെ എണ്ണം - 2 (വിവിധ നഗരസഭ/കോര്‍പ്പറേഷനുകളില്‍)
വിദ്യാഭ്യാസ യോഗ്യത- എം.ബി.എ അല്ലെങ്കില്‍ എം.എസ്.ഡബ്ല്യു
പ്രായപരിധി - 01/11/2021 ന് 40 വയസ്സില്‍ കൂടാന്‍ പാടില്ല
വേതനം - പ്രതിമാസം 40,000 രൂപ.
അപേക്ഷ ലഭിക്കേണ്ട അവസാന തീയതി - 08/12/2021 വൈകുന്നേരം 5.

📧 2. സോഷ്യല്‍ ഡെവലപ്പ്‌മെന്റ് സ്‌പെഷ്യലിസ്റ്റ് (പ്രധാനമന്ത്രി ആവാസ് യോജന- ലൈഫ്)
ഒഴിവ് - 3 (വിവിധ നഗരസഭ/കോര്‍പ്പറേഷനുകള്‍)
വിദ്യാഭ്യാസ യോഗ്യത - എം.എസ്.ഡബ്ല്യു അല്ലെങ്കില്‍ അംഗീകൃത സര്‍വ്വകലാശാലകളില്‍ നിന്നും നേടിയ സാമൂഹിക വികസനത്തിലുള്ള ബിരുദാനന്തര ബിരുദം
പ്രായപരിധി - 01/11/2021 ന് 40 വയസ്സില്‍ കൂടാന്‍ പാടില്ല
വേതനം- പ്രതിമാസം 40,000 രൂപ.
അപേക്ഷ ലഭിക്കേണ്ട അവസാന തീയതി - 08/12/2021 വൈകുന്നേരം 5.


📧 3. മുനിസിപ്പല്‍ ഫിനാന്‍സ് സ്‌പെഷ്യലിസ്റ്റ് (പ്രധാനമന്ത്രി ആവാസ് യോജന-ലൈഫ്)
ഒഴിവുകളുടെ എണ്ണം - 1 (വിവിധ നഗരസഭ/കോര്‍പ്പറേഷനുകള്‍)
വിദ്യാഭ്യാസ യോഗ്യത- അംഗീകൃത സര്‍വ്വകലാശാലയില്‍ നിന്നും ഫിനാന്‍സ്/കൊമേഴ്‌സില്‍ ബിരുദാനന്തര ബിരുദം
പ്രായപരിധി - 01/11/2021 ന് 40 വയസ്സില്‍ കൂടാന്‍ പാടില്ല.
വേതനം - പ്രതിമാസം 40,000 രൂപ.
അപേക്ഷ ലഭിക്കേണ്ട അവസാന തീയതി - 08/12/2021 വൈകുന്നേരം 5.

📧 4. ജില്ലാ പ്രോഗ്രാം മാനേജര്‍ (മൈക്രോ എന്റര്‍പ്രൈസ്, ഓര്‍ഗനൈസേഷന്‍ & എം.എഫ്, മാര്‍ക്കറ്റിങ്)
ഒഴിവുകളുടെ എണ്ണം - 3
വിദ്യാഭ്യാസ യോഗ്യത - അംഗീകൃത സര്‍വ്വകലാശായില്‍ നിന്നുമുള്ള എം.ബി.എ അല്ലെങ്കില്‍ എം.എസ്.ഡബ്ല്യു അല്ലെങ്കില്‍ റൂറല്‍ ഡെവലപ്പ്‌മെന്റില്‍ ബിരുദാനന്തര ബിരുദം അല്ലെങ്കില്‍ പി.ജി.ഡി.എം അല്ലെങ്കില്‍ പി.ജി.ഡി.ആര്‍.എം
പ്രായപരിധി - 08/11/2021 ന് 40 വയസ്സില്‍ കൂടാന്‍ പാടില്ല
വേതനം- പ്രതിമാസം 30,000 രൂപ
അപേക്ഷ ലഭിക്കേണ്ട അവസാന തീയതി - 10/12/2021 വൈകുന്നേരം 5.

26/10/2021

ഇന്നത്തെ 26.10.21 വാക്‌സിനേഷൻ സെന്ററുകൾ 👇.

വാക്‌സിൻ എടുത്ത് സുരക്ഷിതരായിരിക്കുക.

25/10/2021

കുഴിമതിക്കാട് അജിത ഭവൻ, ശ്രീമാൻ വാസുദേവൻ പിള്ള നിര്യാതനായി.
ആദരാഞ്ജലികൾ

21/10/2021

ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യത : ജാഗ്രത പാലിക്കണം

കേന്ദ്ര കാലാവസ്ഥാ വകുപ്പ് മുന്നറിയിപ്പ് പ്രകാരം ഒക്‌ടോബര്‍ 25 വരെ ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യത നിലനില്‍ക്കെ അതീവ ജാഗ്രത പുലർത്തണം.
ഉച്ചക്ക് 2 മണി മുതല്‍ രാത്രി 10 വരെ സമയത്ത് ഇടിമിന്നലിനുള്ള സാധ്യത കൂടുതലാണ്. ഇടിമിന്നലിന്റെ ആദ്യ ലക്ഷണം കണ്ടാലുടന്‍ സുരക്ഷിതമായ കെട്ടിടത്തിനുള്ളിലേക്ക് മാറണം. തുറസ്സായ സ്ഥലങ്ങളില്‍ നില്‍ക്കരുത്. ജനലും വാതിലും അടച്ചിട്ട് അവയ്ക്കടുത്ത് നിന്ന് മാറണം. കെട്ടിടത്തിനകത്ത് ഭിത്തിയിലോ തറയിലോ സ്പര്‍ശിക്കാതിരിക്കുന്നതാണ് ഉചിതം.
ഗൃഹോപകരണങ്ങളുടെ വൈദ്യുതി ബന്ധം വിഛേദിക്കണം, സാമീപ്യവും ഒഴിവാക്കണം. കുട്ടികള്‍ തുറസായ സ്ഥലത്തും, ടെറസ്സിലും കളിക്കാന്‍ അനുവദിക്കരുത്. വൃക്ഷങ്ങളുടെ ചുവട്ടില്‍ നില്‍ക്കരുത്. വാഹനങ്ങള്‍ മരച്ചുവട്ടില്‍ പാര്‍ക്ക് ചെയ്യാനും പാടില്ല. ഇടിമിന്നലുള്ളപ്പോള്‍ വാഹനത്തിനകത്ത് തുടരണം. കൈകാലുകള്‍ പുറത്തിടരുത്. സൈക്കിള്‍, ബൈക്ക് തുടങ്ങിയ വാഹനങ്ങളിലുള്ള യാത്ര ഒഴിവാക്കണം. സുരക്ഷിതമായ കെട്ടിടത്തില്‍ കഴിയണം.
തുണികള്‍ എടുക്കാന്‍ ടെറസ്സിലേക്കോ, മുറ്റത്തേക്കോ പോകരുത്. കുളിക്കുന്നത് ഒഴിവാക്കണം. പൈപ്പുകളിലൂടെ മിന്നല്‍ സഞ്ചരിക്കാമെന്നതിനാല്‍ ടാപ്പുകളില്‍ നിന്ന് വെള്ളം ശേഖരിക്കരുത്. ജലാശയത്തില്‍ മീന്‍ പിടിക്കാനോ കുളിക്കാനോ ഇറങ്ങരുത്. മല്‍സ്യബന്ധനം, ബോട്ടിങ് തുടങ്ങിയവയും ഒഴിവാക്കണം. ബോട്ടിന്റെ ഡെക്കില്‍ നില്‍ക്കരുത്. ചൂണ്ടയിടാനോ വലയെറിയാനോ പാടില്ല. പട്ടം പറത്തുകയും അരുത്. ഉയരമുള്ള സ്ഥലങ്ങളിലോ വൃക്ഷ കൊമ്പിലോ ഇരിക്കുന്നത് അപകടകരമാണ്.
വളര്‍ത്തു മൃഗങ്ങളെ തുറസായ സ്ഥലത്ത് കെട്ടരുത്. ഇടിമിന്നലില്‍നിന്ന് സുരക്ഷിതമാക്കാന്‍ കെട്ടിടങ്ങള്‍ക്കു മുകളില്‍ മിന്നല്‍ ചാലകം സഹായകമാണ്. വൈദ്യുതോപകരണങ്ങളുടെ സുരക്ഷക്കായി സര്‍ജ്ജ് പ്രോട്ടക്ടറും.
മിന്നല്‍ ഏറ്റാല്‍ ആദ്യ മുപ്പത് സെക്കന്‍ഡ് ജീവന്‍ രക്ഷിക്കാനുള്ള സുവര്‍ണ്ണ നിമിഷങ്ങളാണ്. മിന്നലേറ്റ ആളിന് വൈദ്യ സഹായം ഉടന്‍ എത്തിക്കണം.

കാറ്റുള്ളപ്പോഴും ജാഗ്രത പാലിക്കണം. മരങ്ങളുടെ ചുവട്ടില്‍ നില്‍ക്കാനോ വാഹനങ്ങള്‍ പാര്‍ക്ക് ചെയ്യാനോ പാടില്ല. വീട്ട് വളപ്പിലെ മരങ്ങളുടെ അപകടകരമായ ചില്ലകള്‍ വെട്ടിയൊതുക്കണം. പൊതു ഇടങ്ങളിലുള്ളവ തദ്ദേശ സ്ഥാപനങ്ങള്‍ ആവശ്യാനുസരണം വെട്ടി ഒതുക്കണം.
ഉറപ്പില്ലാത്ത പരസ്യ ബോര്‍ഡുകള്‍, വൈദ്യുതി പോസ്റ്റുകള്‍, കൊടിമരങ്ങള്‍ തുടങ്ങിയവയ്ക്ക് അരികിലും പോകരുത്.


വാഹനങ്ങളും നിര്‍ത്തിയിടരുത്.
കാറ്റ് വീശി തുടങ്ങുമ്പോള്‍ ജനലുകളും വാതിലുകളും അടച്ചിടണം. ടെറസിലേക്ക് പോകരുത്. ഓല മേഞ്ഞതോ, ഷീറ്റ് പാകിയതോ, അടച്ചുറപ്പില്ലാത്തതോ ആയ വീടുകളില്‍ താമസിക്കുന്നവര്‍ ഉദ്യോഗസ്ഥരുടെ നിര്‍ദ്ദേശ പ്രകാരം സുരക്ഷിത സ്ഥലങ്ങളിലേക്ക് മാറണം.
വൈദ്യുതി കമ്പികളും പോസ്റ്റുകളും പൊട്ടി വീണാല്‍ കെ.എസ്.ഇ.ബിയുടെ 1912, ജില്ലാ ദുരന്ത നിവാരണ അതോറിറ്റിയുടെ 1077 നമ്പരിലോ അറിയിക്കണം. പത്രം-പാല്‍ വിതരണക്കാര്‍ ഉള്‍പ്പടെ അതിരാവിലെ ജോലിക്ക് ഇറങ്ങുന്നവര്‍ പ്രത്യേക ജാഗ്രത പാലിക്കണം. കൃഷിയിടങ്ങളില്‍ കൂടി കടന്ന് പോകുന്ന വൈദ്യുത ലൈനുകളില്‍ വൈദ്യുതി ഇല്ലെന്ന് ഉറപ്പാക്കണം. നിര്‍മ്മാണ ജോലികളില്‍ ഏര്‍പ്പെടുന്നവര്‍ ജോലി താത്ക്കാലികമായി നിര്‍ത്തി സുരക്ഷിത സ്ഥാനത്തേക്ക് മാറണം. നിർദ്ദേശങ്ങളെല്ലാം പാലിച്ച് ജാഗ്രതയോടെ കരുതിയിരിക്കുക, അപകടങ്ങൾ ഒഴിവാക്കാം.