Kottayam news

07/12/2023

ദീപാലാങ്കരം✨⭐
പാലാ ജൂബിലി 💫⚡




ചിത്രങ്ങൾ : രമേശ്‌ കിടങ്ങൂർ

07/12/2023

ഡോക്ടർ റുവൈസ്...
PG മെഡിക്കൽ വിദ്യാർത്ഥി സംഘടനയുടെ പ്രസിഡന്റ് ... പറഞ്ഞുറപ്പിച്ച സ്ത്രീധനത്തിൽ നിന്നും കൂടുതലായി നൂറ് പവനും BMW കാറും ലഭിക്കാത്തതിനാൽ പ്രണയിച്ച പെൺകുട്ടിയെ വഞ്ചിച്ചതിന്റെ പേരിൽ ആ ഡോക്ടർ പെൺകുട്ടി ആത്മഹത്യ ചെയ്യാൻ കാരണക്കാരനായവൻ...

ഏതാനും മാസം മുമ്പ് മദ്യ ലഹരിയിൽ അക്രമാസക്തനായ വ്യക്തി ഡോ. വന്ദനയെ ഹോസ്പിറ്റലിൽ വെച്ച് കുത്തിക്കൊലപ്പെടുത്തിയപ്പോൾ നടന്ന പ്രതിഷേധത്തിൽ ഇവൻ സിസ്റ്റത്തിന് എതിരെ ഉറഞ്ഞ് തുള്ളി പ്രസംഗിച്ച വീഡിയോ കണ്ടിരുന്നു. 24 ന്യൂസിന്റെ വീഡിയോ വാർത്തയ്ക്ക് കീഴിൽ വന്ന കമന്റിന്റെ സ്ക്രീൻ ഷോട്ട് ആണ് രണ്ടാമത്തെ ചിത്രം. ഇവനാണ് ആൺകുട്ടി, ഇയാളെ പ്പോലുള്ളവർ രാഷ്ട്രീയത്തിൽ വരണം.. കേരളം നന്നാക്കിയെടുക്കണം... ഇതാണ് കമന്റ്.

50 പവനും 15 ഏക്കറും കാറും നൽകാമെന്ന് പറഞ്ഞിട്ടും അത് പോരാ
150 പവനും 15 ഏക്കർ സ്ഥലവും BMW കാറും.. വേണമെന്ന് നിർബന്ധം പിടിച്ചു. ഇത് ഏകദേശം ഇരുപത്
കോടിയോളം രൂപ വരും..!! പ്രണയിച്ച ഒരു യുവ ഡോക്ടറായ പെൺകുട്ടിയെ വിവാഹം ചെയ്യാൻ റൂവൈസും മാതാപിതാക്കളും വിലപേശി വിലയിട്ടത് ഇരുപത് കോടി രൂപയെന്നാണ് ആരോപണം..

പെൺകുട്ടി പഠിച്ച് MBBS പാസായി PG ചെയ്ത് കൊണ്ടിരിക്കുകയാണ്... ഏതാനും മാസം കഴിഞ്ഞാൽ PG ഡോക്ടർ ആകേണ്ടിയിരുന്ന ആൾ ആണ് ഇന്ന് ഓർമ്മയായി മാറിയത്...

ഇയാൾ MBBS പാസായി PG എടുത്ത പോലെ തന്നെ PG വരെ എത്തിയ കുട്ടി... സ്ത്രീ ആയതു കൊണ്ട് മാത്രം വിവാഹം നടക്കാൻ 20 കോടി കൊടുക്കേണ്ട അവസ്ഥ... അതും പ്രണയിച്ച് ഒപ്പമുണ്ടായ ആൾ....

ചികിത്സ വേണ്ടത് സമൂഹത്തിനാണ്.

കടപ്പാട് : അഡ്വ പെരുമന

06/12/2023

ഓയൂരില്‍ ആറു വയസുകാരിയെ തട്ടിക്കൊണ്ടുപോയ കേസിലെ പ്രതികളെ ഇന്ന് ക്രൈംബ്രാഞ്ച് കസ്റ്റഡിയില്‍

പ്രൊഡക്‌ഷൻ വാറണ്ട് അനുസരിച്ച്‌ മൂന്നു പ്രതികളെയും ഇന്ന് കൊട്ടാരക്കര ഒന്നാം ക്ലാസ് മജിസ്ട്രേറ്റ് കോടതിയില്‍ ഹാജരാക്കും. അപ്പോള്‍തന്നെ ക്രൈംബ്രാഞ്ച് സംഘം കസ്റ്റഡി അപേക്ഷയും കോടതിയില്‍ സമര്‍പ്പിക്കും. കസ്റ്റഡിയില്‍ ലഭിച്ചാല്‍ പ്രതികളെ ചോദ്യം ചെയ്യുന്നതിനുള്ള പരമാവധി തെളിവുകള്‍ അന്വേഷണസംഘം ശേഖരിച്ചുകഴിഞ്ഞു.
ഒന്നാം പ്രതി പദ്മകുമാറിന് അഞ്ചു കോടി രൂപയുടെ സാമ്ബത്തിക ബാധ്യതയുണ്ടോ എന്ന് സ്ഥിരീകരിക്കാൻ, ഇയാള്‍ക്ക് ഇടപാടുകളുള്ള ബാങ്കുകളില്‍നിന്നും മറ്റ് സ്ഥാപനങ്ങളില്‍നിന്നും ഇന്നലെ അന്വേഷണസംഘം വിവരങ്ങള്‍ ശേഖരിച്ചു. പരവൂര്‍, ചാത്തന്നൂര്‍ മേഖലകളിലായിരുന്നു പരിശോധനയും വിവര ശേഖരണവും നടന്നത്. പ്രതികളുടെ മൊബൈല്‍ ഫോണ്‍ കോളുകളുടെ വിശദാംശങ്ങളും ശേഖരിച്ചു കഴിഞ്ഞു. പ്രതികള്‍ക്ക് ഓരോരുത്തര്‍ക്കും എത്ര ഫോണുകള്‍ ഉണ്ട്, വേറേ സിം കാര്‍ഡുകള്‍ ഉപയോഗിച്ചിരുന്നോ എന്ന കാര്യങ്ങളും പരിശോധിച്ചു വരികയാണ്.
കുട്ടിക്ക് ഉറക്കഗുളിക നല്‍കിയതാര്, കുട്ടിയുടെ സ്കൂള്‍ ബാഗ് എവിടെ, സഹോദരന് കൈമാറാൻ സംഘം കരുതിയ കുറിപ്പിന് എന്തു സംഭവിച്ചു എന്നിവയ്ക്ക് ഇവിടത്തെ തെളിവെടുപ്പില്‍നിന്ന് ഉത്തരം കിട്ടുമെന്നാണ് പ്രതീക്ഷ.

തട്ടിക്കൊണ്ടുപോയ കാറില്‍ മൂന്നുപേരേ ഉണ്ടായിരുന്നുള്ളൂവെങ്കിലും വീട്ടില്‍ ഇവരെ കൂടാതെ വേറെയും ചിലര്‍ ഉണ്ടായിരുന്നതായും അവരെ കൃത്യമായി ഓര്‍ക്കാൻ കഴിയുന്നില്ലന്നും കുട്ടിയുടെ മൊഴിയുണ്ട്.

ഇക്കാര്യത്തിലും അന്വേഷണ സംഘത്തിന് വ്യക്തത വരുത്തേണ്ടതുണ്ട്

04/12/2023

പൈലറ്റ് വാഹനം ഇടിച്ച് പരിക്ക്

മുഖ്യമന്ത്രിമാരും മന്ത്രിമാരും സഞ്ചരിച്ച ബസ്സിന് പൈലറ്റ് പോയ വാഹനമിടിച്ച് ബൈക്ക് യാത്രക്കാരന് പരുക്ക്

ചേലക്കരയിലെ നവ കേരള സദസിലേക്ക് മന്ത്രിസംഘം എത്തുമ്പോഴായിരുന്നു അപകടം

ഗുരുതരമായി പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചു

ചെറുതുരുത്തി സ്വദേശി റഷീദിനാണ് പരിക്കേറ്റത്

വടക്കാഞ്ചേരി ആശുപത്രിയിലേക്ക് മാറ്റി

04/12/2023

ഇവർക്ക് അതിന്റെ ആവശ്യമുണ്ടോ?

04/12/2023

01/12/2023

ചിത്രം ഒന്ന് കുട്ടിയെ തട്ടിക്കൊണ്ടു പോയി എന്നാരോപിച്ച് പോലീസ് അറസ്റ്റ് ചെയ്യപ്പെട്ട പ്രതിയുടെ വീട്

ചിത്രം രണ്ട്, പ്രതി എന്ന് പോലീസ് സംശയിച്ച് പോലീസ് അന്വേഷണം നടത്താൻ വന്ന എന്ന കാരണത്താൽ തകർക്കപെട്ട ഒരാളുടെ വീട്.

തകർക്കപ്പെടാത്ത പ്രതിയായ വീടിന്റ ഉടമസ്ഥന്റെ പേര് പത്മകുമാർ

തകർക്കപ്പെട്ട നിരപരാധിയായ വീടിന്റെ ഉടമസ്ഥന്റെ പേര് ഷാജഹാൻ.

എന്റെ കേരളം എത്ര സുന്ദരം ❤️

01/12/2023

കൂരോപ്പടയിൽ സാമൂഹ്യവിരുദ്ധർ വാഴത്തോട്ടം വെട്ടി നശിപ്പിച്ചു.

കോട്ടയം പാമ്പാടി, കൂരോപ്പടയിൽ ഇരുട്ടിന്റെ മറവിൽ സാമൂഹ്യ വിരുദ്ധർ വാഴത്തോട്ടം വെട്ടിനശിപ്പിച്ചു. പുരയിടം പാട്ടത്തിനെടുത്ത് കൃഷി ചെയ്യുന്ന ളാക്കാട്ടൂർ ഇടയ്ക്കാട്ട് ബാബുവിന്റെ വാഴത്തോട്ടമാണ് സാമൂഹ്യവിരുദ്ധർ കഴിഞ്ഞ ദിവസം വെട്ടിനശിപ്പിച്ചത്.

നാല്പതിലേറെ കുലച്ചു നിന്നിരുന്ന വാഴകളാണ് വെട്ടിക്കളഞ്ഞത്. വിളഞ്ഞ ഏതാനും കുലകളും നഷ്ടപ്പെട്ടിട്ടുമുണ്ട്. പഞ്ചായത്തിന്റെ വിവിധ സ്ഥലങ്ങളിൽ കൃഷി ചെയ്തുവരുന്ന തന്റെ ആദ്യത്തെ ദുരനുഭവമാണിതെന്ന് ബാബു പറയുന്നു. കൂരോപ്പട കോലത്തേട്ട് കുടുംബക്ഷേത്രത്തിന്റെ പുരയിടമാണിത്.

പരാതിയുടെ അടിസ്ഥാനത്തിൽ പാമ്പാടി പോലീസ് സ്ഥലത്ത് എത്തി അന്വേഷണം ആരംഭിച്ചു.

30/11/2023

കൊല്ലം പൂയപ്പള്ളിയിൽ കുട്ടിയെ തട്ടികൊണ്ടുപോയ സംഭവത്തിൽ പ്രതിയെന്നു സംശയിക്കുന്നവരുടെ രേഖാചിത്രമാണിത്. വിവരം കിട്ടുന്നവർ കൊല്ലം റൂറൽ പോലീസിന്റെ 9497980211 എന്ന നമ്പറിൽ അറിയിക്കുക.

30/11/2023

🙏

30/11/2023

കരിങ്ങാച്ചിറ പള്ളിയിൽ ചരിത്രപ്രസിദ്ധമായ തമുക്ക് നേർച്ച തയാറാക്കുന്നതിനുള്ള കായ കുലകൾ പള്ളിയിൽ എത്തിച്ചപ്പോൾ.

29/11/2023

ഒരു മണിക്കൂറിലധികം തടി ലോറിക്കടിയിൽ കുടുങ്ങിയ കാർ യാത്രികന് അത്ഭുത രക്ഷപെടൽ.

കാഞ്ഞിരപ്പള്ളി ഈരാറ്റുപേട്ട റോഡിൽ കോവിൽക്കടവിൽ തടിലോറിയ്ക്കടിയിൽ അകപ്പെട്ട കാഞ്ഞിരപ്പള്ളി സ്വദേശി കൊല്ലപുരയിടത്തിൽ നജീബാണ് അത്ഭുതകരമായി രക്ഷപ്പെട്ടത്.

നജീബ് യാത്ര ചെയ്തിരുന്ന കാറിന് മുകളിലേയ്ക്ക് തടി ലോറി ചരിഞ്ഞതോടെ കാർ മുഴുവനായി ലോറിയുടെ അടിയിലാവുകയായിരുന്നു. ഫയർഫോഴ്സ് എത്തി ക്രയിനിൻ്റെ സഹായത്തോടെ ലോറി ഉയർത്താൻ ശ്രമം നടത്തിയെങ്കിലും വിജയം കണ്ടില്ല.

തുടർന്ന് കയർപൊട്ടിച്ച് തടികൾ എടുത്ത് മാറ്റി ലോറി ഉയർത്തുകയും കാറിന് മുകളിൽ ഉണ്ടായിരുന്ന തടികൾ എടുത്ത് മാറ്റുകയുമായിരുന്നു.

തുടർന്ന് കാറിൻ്റെ തകിട് മുറിച്ചാണ് നജീബിനെ വാഹനത്തിൽ നിന്ന് പുറത്തെടുത്തത്.

ഒരു മണിക്കൂറോളം നീണ്ട പരിശ്രമത്തിനൊടുവിലാണ് നജീബിനെ പുറത്തെടുക്കാനായത്.

29/11/2023

കേരളത്തിന്റെ ആയുസ്സ് എണ്ണപ്പെട്ടു...

എഴുപത് രൂപയുടെ മദ്യം ആയിരം രൂപക്ക് വിറ്റിട്ടും നഷ്ട്ടമാണെങ്കിൽ നിങ്ങൾ ഇനി മദ്യ കച്ചവടം നടത്തണ്ട...

എന്താണ് നിങ്ങൾ ലാഭത്തിലാക്കിയിട്ടുള്ളത്...
രാജ്യത്തെ തന്നെ ഏറ്റവും കുറഞ്ഞ ചിലവിൽ ഉണ്ടാക്കുന്ന വൈദ്യുതി കൊള്ള വിലക്ക് വിറ്റിട്ടും ഇലക്ട്രിസിറ്റി നഷ്ടത്തിലാണ്...

ഒടുക്കത്തെ ടിക്കറ്റ് നിരക്ക് ഈടാക്കിയിട്ടും കെ എസ് ആർ ടി സി ഊർദ്ധശ്വാസം വലിച്ച് കിടക്കുന്നു...

44 നദികളും 12, 000 കുളങ്ങളും 40 ലക്ഷം കിണറുകളും ഉണ്ടായിട്ടും വാട്ടർ അതോററ്റി നഷ്ടത്തിലാണ്...

വണ്ടിയുടെ ആയുസ് തീരുന്ന അന്ന് വരെയുള്ള ടാക്സ് മുൻ‌കൂർ മേടിച്ചിട്ടും റോഡ് പണിയാൻ പണമില്ല...
വർഷത്തിൽ പന്തീരായിരം കോടി രൂപയുടെ കച്ചവടം നടക്കുന്നു എന്ന് നിങ്ങൾ പറയുന്നു...

8000 കോടി രൂപ ലാഭം ഉണ്ടെന്നും നിങ്ങൾ പറയുന്നു..
എന്നിട്ടും ബീവറേജ് നഷ്ടത്തിലാണെന്ന് നിങ്ങൾ തന്നെ പറയുന്നു...

70 രൂപയുടെ സാധനം 1000 രൂപയ്ക്ക് വിൽക്കുന്ന ഏതെങ്കിലും ഒരു വസ്തു കേരളത്തിൽ ഉണ്ടോ...
എന്നിട്ടും നഷ്ടം..

അപ്പോൾ എത്രയോ കോടികളാണ് ഈ നാട്ടിൽ നിന്നും നിങ്ങൾ ഓരോ വർഷവും കട്ടുകൊണ്ടുപോകുന്നത്..

വർഷത്തിൽ 3/4 ലക്ഷം കോടി രൂപയുടെ വൈദ്യുതി ഇടപാടുകൾ നടക്കുന്ന കെഎസ്ഇബിയും നഷ്ടത്തിലാണ്...
ഇങ്ങനെ ഓരോ മേഖലയിൽ നിന്നും എത്ര ശതകോടികളാണ് ഓരോ വർഷവും കളവ് നടക്കുന്നത്...

ഒരുപക്ഷേ ബ്രിട്ടീഷുകാർ പോലും ഇത്രയും ഭയാനകമായ രീതിയിൽ ഈ നാടിനെ കൊള്ളയടിച്ചിട്ടുണ്ടാവില്ല...

കാലങ്ങളായി 33 / 40 ലക്ഷം രൂപ നഷ്ടത്തിൽ പ്രവർത്തിച്ചുകൊണ്ടിരുന്ന ഒരു പഞ്ചായത്തിന്റെ പുതിയ ഭരണസമിതി അധികാരത്തിൽ കയറി അഞ്ച് വർഷം കഴിഞ്ഞപ്പോൾ കടവും നികത്തി 11 കോടി രൂപ നീക്കിയിരിയിപ്പും ആയെന്ന്...!

താഴെ തട്ടിൽ വരെ നടക്കുന്ന വ്യാപകമായ അഴിമതിയുടെ വ്യാപ്തി എത്രയുണ്ടെന്ന് നോക്കൂ...

ഓരോ കേരളീയനും ലോകോത്തര നിലവാരത്തിൽ അന്തസ്സായി ജീവിക്കാനുള്ള പണം നമ്മുടെ നാട്ടിലുണ്ട്...
ഒന്നോർക്കണം,. ഇത്രയും വരുമാനസ്രോതസ്സുള്ള ഭൂപ്രദേശങ്ങൾ ലോകത്ത് തന്നെ കുറവാണ്...

ഇത്രേം സാധ്യതകളുള്ള ഒരു പ്രദേശവും ലോകത്ത് കുറവാണ്...
പക്ഷേ ഉദ്യോഗസ്ഥരും രാഷ്ട്രീയക്കാരും അടങ്ങുന്ന ഒരു ലോബി കാലങ്ങളായി നമ്മുടെ നാടിനെ അതിഭീകരമായ രീതിയിൽ കൊള്ളയടിക്കുന്നത് കൊണ്ടാണ് നമ്മുടെ നാട് ഇന്നും ഇങ്ങനെ തന്നെ തുടരുന്നത്...

മറ്റൊരു വിഭാഗത്തിനെയും ഇതിൽ കുറ്റം പറയാനില്ല..
മടുത്തു...
മറ്റൊന്നും പറയാനില്ല...

29/11/2023

ഇനി അല്പം മനുഷ്യ സ്നേഹം ആവാം!!..❤️

Credits: ബെക്കാം ഡേവിഡ്

29/11/2023

കോട്ടയത്ത് മജിസ്ട്രേറ്റിനെ അസഭ്യം പറഞ്ഞ സംഭവം ജുഡീഷ്യറിക്ക് അവമതിപ്പുണ്ടാക്കിയെന്ന് ഹൈക്കോടതി

29/11/2023

കോട്ടയം കിടങ്ങൂരിൽ മീനച്ചിലാറ്റിൽ ഒഴുക്കിൽപ്പെട്ട് കാണാതായ വിദ്യാർത്ഥിയുടെ മൃതദേഹം കണ്ടെത്തി.*

പാമ്പാടി പൊന്നപ്പൻ സിറ്റി സ്വദേശി ജെസ് വിൻ റോയിയാണ് മരിച്ചത്.

ചൊവ്വാഴ്ച്ച വൈകുന്നേരമാണ് ജെസ് വിൻ ഒഴുക്കിൽപ്പെട്ടത്.

ചെക്ക് ഡാമിന് കുറുകെ നീന്തുന്നതിനിടെ ഒഴുക്കിൽ പെടുകയായിരുന്നു.

ജസ് വിനൊപ്പം ആറ്റിലിറങ്ങിയ ആരോമൽ രക്ഷപെടുത്താൻ ശ്രമിച്ചെങ്കിലും മുങ്ങി പോകുകയായിരുന്നു.

29/11/2023

സിന്തറ്റിക് ട്രാക്ക് സ്റ്റേഡിയത്തിൽ പന്തൽ കെട്ടുന്നത് സ്പോർട്ട്സ് പ്രേമികളുടെ നെഞ്ചത്ത് കത്തി ഇറക്കുന്നതിന് തുല്യം; പിണറായി നടത്തുന്നത് കേരള നശീകരണ യാത്ര: തിരുവഞ്ചൂർ രാധാകൃഷ്ണൻ

സിന്തറ്റിക് ട്രാക്ക് സ്റ്റേഡിയത്തിൽ പന്തൽ കെട്ടുന്നത് പാലായിലെയും കേരളത്തിലെയും സ്പോർട്സ് പ്രേമികളുടെ നെഞ്ചത്ത് കത്തിയിറക്കുന്നതിന് തുല്യം ആണെന്ന് മുൻ ആഭ്യന്തരമന്ത്രിയും കെപിസിസി അച്ചടക്കസമിതി അധ്യക്ഷനുമായ തിരുവഞ്ചൂർ രാധാകൃഷ്ണൻ എംഎൽഎ. പിണറായി വിജയൻ ഇപ്പോൾ നടത്തുന്നത് നവ കേരള യാത്രയല്ല കേരള നശീകരണ യാത്രയാണെന്നും അദ്ദേഹം പരിഹസിച്ചു. നവ കേരള സദസ്സിനുവേണ്ടി പാലാ നഗരസഭയുടെ ഉടമസ്ഥതയിലുള്ള സിന്തറ്റിക് ട്രാക്ക് സ്റ്റേഡിയം വിട്ടുകൊടുക്കുന്നതിനെതിരെ യുഡിഎഫ് നടത്തിയ പ്രതിഷേധ മാർച്ച് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. ഉമ്മൻചാണ്ടി സർക്കാർ 20 കോടിയിൽ അധികം രൂപ മുടക്കി പുനരുജ്ജീവിപ്പിച്ച സ്റ്റേഡിയമാണ് പിണറായി വിജയന്റെ സർക്കാർ നവകേരള മാമാങ്കം നടത്തി നശിപ്പിക്കുന്നത് എന്ന് അദ്ദേഹം ആരോപിച്ചു. കേരളമെങ്ങും ഓടിനടന്ന് കുട്ടികൾ കളിക്കുന്നത് പോലെ മന്ത്രി സഭ കൂടി കളിക്കുകയാണ് പിണറായിയും, സഹ മന്ത്രിമാരും എന്നും അദ്ദേഹം തന്റെ പ്രസംഗത്തിൽ ചൂണ്ടിക്കാട്ടി.

ടോമി കല്ലാനി, സജി മഞ്ഞക്കടമ്പിൽ,
, തോമസ് കല്ലാടൻ, ജോർജ് പുളിങ്കാട്,മോളി പീറ്റർ, തമ്പി ചന്ദ്രൻ ,പ്രൊഫ.സതീശ് ചൊള്ളാനി,ആർ.സജീവ്,സി.ടി രാജൻ, ആർ പ്രേംജി, തോമസ് ഉഴുന്നാലിൽ, വിജയകുമാർ,പ്രസാദ് ഉരുളികുന്നം, ശ്രീകുമാർ , രാജൻ കൊല്ലം പറമ്പിൽ, പ്രേംജിത്ത് ഏർത്തയിൽ, മാത്തച്ചൻ പുതിയിടത്തുചാലിൽ, അനസ് മുഹമ്മദ്,
നിർമ്മല മോഹൻ, പ്രിൻസ് വി സി , ഷോജി ഗോപി ,ബിനോയി ചൂരനോലി,സന്തോഷ് മണർകാട്ട്,
തോമസ് ആർ വി ജോസ്
പയസ് മാണി, ജോഷി വട്ടക്കുന്നേൽ .ഷീല ബാബൂ, രാജു കൊക്കോപ്പുഴ,രാജു കോനാട്ട് ,ജയിംസ് ജീരകത്ത്, സാബു അബ്രഹാം, റോബി ഊടുപുഴ, ആൽബിൻ ഇടമനശ്ശേരി, ആനി ബിജോയി,, ലിസികുട്ടി മാത്യു,ബിജോയി എബ്രാഹം, ജോബി കുറ്റിക്കാട്ട്, റെജി തലക്കുളം.ജിനിൽ തേക്കിലക്കാട്ട്,ഷിജി ഇലവും മൂട്ടിൽ ,ഷാജി വലിയപറമ്പിൽജോസ് വടക്കേക്കര,രാഹുൽ പി എൻ ആർ 'ജോസ് എടേട്ട്, സിജി ടോണി ,ലാലി മൈക്കിൾ ,ബിബിൻ രാജ്,
പയസ് തോമസ്, വക്കച്ചൻ മേനാം പറമ്പിൽ .അനിൽ മാധവപ്പള്ളി ,കിരൺ അരീക്കൽ,ജോഷി നെല്ലിക്കുന്നേൽ, കെ സി കുഞ്ഞുമോൻ,ജോസ് കാഞ്ഞമല , ജോസഫ് ഗണപതി പ്ലാക്കൽ,ബാബു മുകാല, സിബി നെല്ലൻകുഴി ബൈജു മുത്തോലി, മോഹൻകുമാർ ,സണ്ണി മുണ്ടനാട്ട്, ഗോകുൽ ജഗന്നിവാസ് ,അർജുൻ സാബു,ബെന്നി കച്ചിറമറ്റം, ഗോപൻ വിളക്കുമാടം,ജയചന്ദ്രൻ കീപ്പാറ, ദേവസ്യ കെ ജെ, തോമാച്ചൻ പുളിന്താനം, ജോയി മഠം, ടോണി ചക്കാല, അലോഷി റോയി,
തുടങ്ങിയവർ പ്രസംഗിച്ചു.

28/11/2023

കുട്ടിയെ കണ്ടെത്തിയിരിക്കുന്നു

25/11/2023

കോട്ടയം കറുകച്ചാലില്‍ ഹോട്ടല്‍ ഉടമയെ കൊലപ്പെടുത്തിയ കേസില്‍ രണ്ട് പേര് കൂടി പിടിയില്‍.

'ചട്ടിയും തവിയും' എന്ന ഹോട്ടലിന്‍റെ ഉടമയായ രഞ്ജിത്തിനെ കൊലപ്പെടുത്തിയ കേസിലാണ് രണ്ട് പേരെ കൂടി അറസ്റ്റ് ചെയ്തത്.

ഹോട്ടലിന്‍റെ സഹ ഉടമ ആലപ്പുഴ എറവുങ്കര സ്വദേശി സോണിയയും ഭര്‍ത്താവ് റെജിയുമാണ് അറസ്റ്റിലായതെന്ന് തൃക്കൊടിത്താനം പോലീസ് അറിയിച്ചു. തൃക്കൊടിത്താനം സ്‌റ്റേഷന്‍ എസ്.എച്ച്‌.ഓ അനൂപ്.ജി യുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്. ഈ മാസം 15നാണ് രഞ്ജിത്തിനെ ഹോട്ടലിലെ ജീവനക്കാരനായ ജോസ്. കെ. തോമസ് എന്നയാള്‍ കുത്തി കൊലപ്പെടുത്തിയത്.

സോണിയയും ജോസും ഏതാനും നാളുകളായി അടുത്ത സൗഹൃദത്തിലായിരുന്നുവെന്നും ഇത് സംബന്ധിച്ച്‌ സോണിയയും രഞ്ജിത്തും തമ്മില്‍ തര്‍ക്കമുണ്ടായിരുന്നുവെന്നും അന്വേഷണത്തില്‍ തെളിഞ്ഞു. കോടതിയില്‍ ഹാജരാക്കിയ പ്രതികളെ റിമാൻഡ് ചെയ്തു.

23/11/2023

ചേർത്തലയിൽ വീടിന്റെ ടെറസിൽ നട്ടുവളർത്തിയ കഞ്ചാവ് ചെടികൾ പിടികൂടി

അന്ധകാരനഴിയിൽ എക്സൈസ് സംഘം നടത്തിയ റെയ്ഡിൽ വീടിൻ്റെ ടെറസിൽ വളർത്തിയ രണ്ട് കഞ്ചാവ് ചെടികൾ പിടികൂടി.

സംഭവത്തിൽ പട്ടണക്കാട് പഞ്ചായത്ത് 19-ാം വാർഡ് താന്നിക്കൽ വീട്ടിൽ ഫ്രാൻസിസ് പയസിനെ(23) എക്സൈസ് പിടികൂടി.

പ്രതിയെ ചേർത്തല കോടതി റിമാൻ്റ് ചെയ്തു.

ചേർത്തല എക്സൈസ് റേഞ്ച് ഇൻസ്പെക്ടർ വി ജെ റോയിയുടെ നേതൃത്വത്തിൽ നടത്തിയ റെയ്ഡിൽ പ്രിവന്റീവ് ഓഫീസർമാരായ കെ പി സുരേഷ്,ബെന്നിവർഗ്ഗീസ്,ഷിബു പി ബഞ്ചമിൻ, സിവിൽ എക്സൈസ് ഓഫീസർമാരായ കെ ആർ രാജീവ്, എ പി അരൂൺ, വിഷ്ണുദാസ്,ആകാശ് നാരായണൻ,അമൽ രാജ്,വനിത സിവിൽ എക്സൈസ് ഓഫീസർ അശ്വതി, ടൈഡവർ വിനോദ് കുമാർ എന്നിവർ പങ്കെടുത്തു.

23/11/2023

ഭരണങ്ങാനത്ത് ഒഴുക്കിൽ പെട്ട് കാണാതായ വിദ്യാർത്ഥിനിയുടെ മൃതദേഹം കണ്ടെത്തി.

മൃതദേഹം കണ്ടെത്തിയത് 25 കിലോമീറ്ററുകൾക്ക് അപ്പുറം മീനച്ചിലാറ്റിൽ ഏറ്റുമാനൂരിൽ നിന്ന്.

ഭരണങ്ങാനം ചിറ്റാനപ്പാറ പൊരിയത്ത് അലക്സിൻ്റെ മകൾ ഒമ്പതാം ക്ലാസ് വിദ്യാർത്ഥിനി ഹെലൻ അലക്സിന്റെ മൃതദേഹമാണ് പേരൂർ പായിക്കാട് വേണ്ടാട്ടുമാലി കടവിൽ നിന്നും കണ്ടെത്തിയത്.

പുഴയിലൂടെ ഒഴുകിവരുന്ന നിലയിലായിരുന്നു മൃതദേഹം.

ഇന്നലെ വൈകിട്ട് സ്കൂൾ വിട്ട് വരുബോഴാണ് ഹെലൻ പാലാ അയ്യമ്പാറ കുന്നനാംകുഴി കൈത്തോട്ടിലേക്ക് വീണത്.
ഹെലനോടൊപ്പമുണ്ടായിരുന്ന നിവേദ്യ എന്ന കുട്ടിയെ രക്ഷപെടുത്തിയിരുന്നു.

അപ്രതീക്ഷിതമായി തോട്ടിലെ വെള്ളം റോഡിൽ കയറിയതോടെയാണ് കുട്ടികൾ ഒഴുക്കിൽപ്പെട്ടത്. ഹെലനെ കണ്ടെത്താനായി രാത്രി ഏറെ വൈകിയും തിരച്ചിൽ നടത്തിയിരുന്നുവെങ്കിലും ഫലം ഉണ്ടായിരുന്നില്ല.
ഹെലൻ വീണ കുന്നനാം കുഴിയിൽ നിന്ന് ഏതാനും മീറ്ററുകൾ മാറി മീനച്ചിലാറിലാറാണ് എന്നതും തിരച്ചിൽ ദുഷ്കരമാക്കിയിരുന്നു.

തുടർന്ന് ഇന്ന് രാവിലെ മുതൽ മീനച്ചിലാറിന്റെ വിവിധ പ്രദേശങ്ങൾ കേന്ദ്രീകരിച്ച് പരിശോധന നടത്തിയിരുന്നു.

കുട്ടിയെ കണ്ടെത്താൻ നേവിയുടെ സഹായം അടക്കാൻ തേടാനിരിക്കുകയാണ് കുട്ടിയുടെ മൃതദേഹം 25 കിലോമീറ്റർ മാറി ഏറ്റുമാനൂർ പേരൂർ പായിക്കാട് വേണാട്ടുമാലി കടവിൽ കണ്ടെത്തിയിരിക്കുന്നത്.

22/11/2023

പാലായിൽ ഒൻപതാം ക്ലാസ് വിദ്യാർത്ഥിനിയെ കൈത്തോട്ടിൽ വീണ് കാണാതായി.

പാലാ ഈരാറ്റുപേട്ട റോഡിൽ ഇടപ്പാടിക്ക് സമീപമാണ് അപകടം.

ഭരണങ്ങാനം ചിറ്റാനപ്പാറ സ്വദേശി പൊരിയത്ത് സിബിച്ചന്റെ മകൾ മരിയയെയാണ് കാണാതായത്.

ഒൻപതാം ക്ലാസ് വിദ്യാർത്ഥിനിയാണ്.

ഇന്ന് വൈകുന്നേരം പെയ്ത കനത്ത മഴയ്ക്ക് പിന്നാലെയാണ് പെൺകുട്ടി ഇടപ്പാടി അയ്യമ്പാറ കുന്നേമുറി തോട്ടിൽ പെൺകുട്ടി വീണത്.

പാലാ ഫയർഫോഴ്സും, പോലീസും, ഈരാറ്റുപേട്ടയിലെ നന്മ സന്നദ്ധ പ്രവർത്തകരും ചേർന്നുള്ള തെരച്ചിൽ പുരോഗമിക്കുകയാണ്.

ഇരുട്ട് ആയതിനാൽ രക്ഷാപ്രവർത്തനവും അതീവ ദുഷ്കരമാണ്.

കടപ്പാട് acv news

21/11/2023

തമിഴ്നാട് മോട്ടോർ വാഹന വകുപ്പ് കസ്റ്റഡിയിലെടുത്ത റോബിൻ ബസ് വിട്ടുനല്‍കി. 10,000 രൂപ പിഴ അടച്ചതിന് പിന്നാലെയാണ് ബസ് ഉടമയായ ഗിരീഷിന് വിട്ട് കൊടുക്കാൻ അധികൃതര്‍ തീരുമാനിച്ചത്. പെർമിറ്റ് ലംഘനത്തിനാണ് പിഴ ഈടാക്കിയത്. കോയമ്പത്തൂർ സെൻട്രൽ ആര്‍ടിഒയുടെതാണ് നടപടി. അതേസമയം, റോബിൻ ബസ് ഇന്ന് മുതൽ സാധാരണ പോലെ സർവീസ് നടത്തുമെന്ന് ഉടമ അറിയിച്ചു. വൈകീട്ട് 5 മണി മുതൽ കോയമ്പത്തൂരിൽ നിന്ന് പത്തനംതിട്ടയിലേക്ക് സർവീസ് നടത്തുമെന്നാണ് ഗിരീഷ് അറിയിച്ചത്.

രണ്ടാംദിനം സർവീസിന് ഇറങ്ങിയ റോബിൻ ബസിനെ കഴിഞ്ഞ ദിവസമാണ് തമിഴ്നാട് മോട്ടോർ വാഹന വകുപ്പ് കസ്റ്റഡിയിലെടുത്തത്. പെർമിറ്റ് ലംഘനം ചൂണ്ടിക്കാട്ടിയാണ് റോബിൻ ബസിനെ പിടികൂടിയത്. കോയമ്പത്തൂരിലേക്ക് സര്‍വീസ് നടത്തിയ ബസ് വാളയാര്‍ അതിര്‍ത്തി കടന്നപ്പോഴാണ് തമിഴ്നാട് മോട്ടോർ വാഹന വകുപ്പ് പിടികൂടിയത്. കസ്റ്റഡിയിലെടുത്ത ബസ് യാത്രക്കാർ ഉൾപ്പെടെ മോട്ടോർ വാഹന വകുപ്പിന്റെ ഗാന്ധിപുരം സെൻട്രൽ ഓഫീസിലേക്ക് മാറ്റുകയും ചെയ്തു. ബസിലെ യാത്രക്കാരെ അന്ന് രാത്രിയോടെ തന്നെ നാട്ടിലേക്ക് എത്തിച്ചിരുന്നു. വാളയാർ അതിർത്തി വരെ തമിഴ്നാട് ആർടിസി ബസിലും ഇതിന് ശേഷം ബസുടമയും വാഹനം ഏർപ്പാട് ചെയ്തിരുന്നു. ഈ വാഹനത്തിലാണ് യാത്രക്കാരെ പത്തനംതിട്ടയിലെത്തിച്ചത്.

21/11/2023

ചങ്ങനാശേരി പാറയ്ക്കൽ കലുങ്കിന് സമീപം AC കനാലിൽ അജ്ഞാത മൃതദേഹം കണ്ടെത്തി

ഏകദേശം 40 വയസ്സ് പ്രായം തോന്നിക്കുന്ന പുരുഷന്റെ മൃതദേഹമാണ് കണ്ടെത്തിയിരിക്കുന്നത്

പോള വാരുന്നതിനിടെയാണ് സംഭവം

മൃതദേഹം അഴുകിയ നിലയിലാണ്

ചങ്ങനാശേരി പോലീസ് അസ്വഭാവിക മരണത്തിന് കേസെടുത്തു

കടപ്പാട് എസിവി ന്യൂസ് കോട്ടയം

21/11/2023

അയ്യപ്പ ദർശനത്തിന് 11 മാസമുള്ള മണികണ്ഠനും

അച്ഛന്റെ കൈകളിൽ ഇരുന്ന് ബംഗളൂരുവിൽ നിന്നും സന്നിധാനത്തെത്തി അയ്യപ്പനെ ദർശിച്ച 11 മാസം പ്രായമുള്ള കൃഷ്ണ എന്ന ആൺകുട്ടി ഏവരുടെയും മനം കവർന്നു. ഇന്നലെ (20/11) വൈകിട്ട് ആറോടെ അച്ഛൻ ഭീമാ ശേഖറിനും ചേച്ചി നാല് വയസുകാരി കൃഷ്ണവേണിക്കും ഒപ്പമാണ് കൃഷ്ണ പതിനെട്ടാം പടി കയറി അയ്യപ്പനെ ദർശിച്ചത്. മറ്റൊരു ചേച്ചി ആറു വയസുള്ള കൃഷ്ണപ്രിയ യും അമ്മ മഹേശ്വരിയും നിലയ്ക്കൽ ഗസ്റ്റ് ഹൗസിൽ കുഞ്ഞിന്റെ വരവും കാത്തിരിക്കുകയാണെന്ന് അച്ഛൻ പറഞ്ഞു. ആദ്യത്തെ രണ്ടും പെൺകുട്ടികൾ ആയതിനാൽ ഒരു ആൺകുട്ടി പിറന്നാൽ അതിനെ പതിനെട്ടാം പടി ചവിട്ടിക്കാം എന്ന പ്രാർഥനയുടെ പുണ്യമാണിതെന്ന് അദ്ദേഹം പറഞ്ഞു. ബംഗളൂരു ഒറാക്കിൾ ഇന്ത്യ പ്രൈവറ്റ് ലിമിറ്റഡിലെ സീനിയർ ഫിനാൻഷ്യൽ അണലിസ്റ്റാണ് ഭീമ ശേഖർ.

21/11/2023

കോട്ടയം കോടിമത നാലുവരി പാതയിൽ കാറിൽ എത്തിയ സ്ത്രീകൾ കെഎസ്ആർടിസി ബസിന്റെ ഹെഡ് ലൈറ്റ് അടിച്ചു തകർത്തു

ബസ് ഓവർടേക്ക് ചെയ്തപ്പോൾ കാറിന്റെ മിററിൽ തട്ടിയിരുന്നു

ഇതിന് പിന്നാലെയാണ് കാറിൽ നിന്നും ലിവർ എടുത്ത ശേഷം ബസ് തകർത്തത്

തിരുവനന്തപുരത്തുനിന്ന് മലപ്പുറത്തേക്ക് പോയ ബസ്സിനു നേരെയാണ് അക്രമം

അക്രമം നടത്തിയ ശേഷം സ്ത്രീകൾ കാറിൽ കയറി രക്ഷപ്പെട്ടു

ആലപ്പുഴ രജിസ്ട്രേഷൻ കാറിൽ ഉണ്ടായിരുന്ന സ്ത്രീകൾ ആണ് അക്രമം നടത്തിയത്

കടപ്പാട് ACV ന്യൂസ് കോട്ടയം

19/11/2023

നടന്‍ വിനോദ് തോമസിനെ കാറിനുള്ളിൽ മരിച്ച നിലയിൽ കണ്ടെത്തി.

കോട്ടയത്ത് പാമ്പാടി കാള ചന്തയിലെ ബാറിന് സമീപം പാർക്ക് ചെയ്തിരുന്ന കാറിനുള്ളിൽ സിനിമ സീരിയൽ താരത്തെ മരിച്ച നിലയിൽ കണ്ടെത്തി.

മീനടം കുറിയന്നൂർ വിനോദ് തോമസ് (47) ആണ് മരിച്ചത്.

രാവിലെ 11നാണ് വിനോദ് ബാറിനുള്ളിൽ എത്തിയിരുന്നു. പിന്നീട് ഉച്ചയ്ക്ക് രണ്ട് മണിയോടെ കാറിനുള്ളിൽ കയറി എസി പ്രവർത്തിപ്പിച്ചു കൊണ്ട് ഇതിനുള്ളിൽ ഇരിക്കുകയായിരുന്നു.

മണിക്കൂറുകൾ കഴിഞ്ഞിട്ടും കാറിനുള്ളിൽ നിന്ന് വിനോദ് ഇറങ്ങി വരാതായത് ഹോട്ടലിന്റെ സുരക്ഷാ ജീവനക്കാരൻ ശ്രദ്ധിച്ചതോടെയാണ് ബോധരഹിതനാണെന്ന് വ്യക്തമായത്.

തുടർന്ന് കാറിന്റെ ഗ്ലാസ് പൊട്ടിച്ച് പുറത്തെടുത്ത് പാമ്പാടി താലൂക്ക് ആശുപത്രിയിലെത്തിച്ചെങ്കിലും മരിച്ചിരുന്നു.

തുർച്ചയായി കാറിന്റെ എയർ കണ്ടീഷൻ പ്രവർത്തിപ്പിച്ചതിനെത്തുടർന്ന് ഉണ്ടായ വിഷവാതകം ശ്വസിച്ചതാണോ മരണകാരണമെന്ന് സംശയിക്കുന്നുണ്ട്.

നത്തോലി ഒരു ചെറിയ മീനല്ല, അയ്യപ്പനും കോശിയും തുടങ്ങിയ നിരവധി സിനിമകളില് ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്.

അവിവാഹിതനാണ്.

പാമ്പാടി എസ്.എച്ച്.ഒ സുവർണ്ണ കുമാറിന്റെ നേതൃത്വത്തിലുള്ള പോലീസ് സംഘം സ്ഥത്തെത്തി തുടർ നടപടികൾ സ്വീകരിച്ചു.

18/11/2023

😂

17/11/2023

കളമശ്ശേരി തീവ്രവാദി ആക്രമണം ; ഒരാൾ കൂടി മരിച്ചു
ഡൊമിനിക് മാർട്ടിൻ നടത്തിയ
കളമശ്ശേരി സ്‌ഫോടനത്തിൽ മരണം ആറായി. ചികിത്സയിൽ കഴിഞ്ഞിരുന്ന മലയാറ്റൂർ സ്വദേശി പ്രവീൺ (26) ആണ് മരിച്ചത്. സ്‌ഫോടനത്തിൽ പ്രവീണിന്റെ അമ്മയും സഹോദരിയും നേരത്തേ മരിച്ചിരുന്നു.

പ്രവീണിന്റെ സഹോദരി ലിബിന (12) സംഭവദിവസവും മാതാവ് സാലി (46) ശനിയാഴ്ചയും മരിച്ചിരുന്നു. സഹോദരൻ രാഹുലിനും സ്‌ഫോടനത്തിൽ പരിക്കേറ്റിരുന്നെങ്കിലും ഇയാൾ അപകടനില തരണം ചെയ്തിട്ടുണ്ട്.

14/11/2023

ഓൺലൈൻ തട്ടിപ്പിലൂടെ 35 ലക്ഷം രൂപ തട്ടിയ കേസിൽ അഞ്ച് യു.പി സ്വദേശികൾ പാലായിൽ അറസ്റ്റിൽ.

പ്രമുഖ വ്യാപാരസ്ഥാപനത്തിൽ നിന്നും ഓൺലൈൻ തട്ടിപ്പിലൂടെ 35 ലക്ഷം രൂപ തട്ടിയെടുത്ത കേസിൽ ഉത്തർപ്രദേശ് സ്വദേശികളായ അഞ്ചുപേർ പോലീസിന്റെ പിടിയിലായി.

യു.പി ഔറാദത്ത് സന്ത്കബിർ നഗർ സ്വദേശികളായ സങ്കം (19), ദീപക് (23), അമർനാഥ് (19), അമിത് (21), അതീഷ് (20) എന്നിവരാണ് പ്രത്യേക അന്വേഷണ സംഘത്തിന്റെ പിടിയിലായത്.

2023 ജനുവരി 31- ന് പാലായിലെ പ്രമുഖ വ്യാപാര സ്ഥാപനത്തിൽ നിന്നും ഇവര്‍ ഓൺലൈൻ തട്ടിപ്പിലൂടെ 35 ലക്ഷം രൂപ തട്ടിയെടുക്കുകയായിരുന്നു.

സ്ഥാപനത്തിലെ എം.ഡിയുടെ വാട്സ്ആപ്പ് മുഖചിത്രം ഉപയോഗിച്ച്, വ്യാജ വാട്സ്ആപ്പ് മുഖാന്തിരം മാനേജരുടെ ഫോണിലേക്ക് താൻ കോൺഫറൻസിൽ ആണെന്നും ബിസിനസ് ആവശ്യത്തിനായി താന്‍ പറയുന്ന അക്കൗണ്ടുകളിലേക്ക് ഉടൻ തന്നെ പണം അയക്കണമെന്നും, കോൺഫറൻസിലായതിനാൽ തന്നെ തിരികെ വിളിക്കരുത് എന്ന സന്ദേശവും എം.ഡി.ആണെന്ന വ്യാജേന അയക്കുകയായിരുന്നു.

ഇതിൽ പ്രകാരം സ്ഥാപനത്തിൽ നിന്നും 35 ലക്ഷം രൂപ വിവിധ അക്കൗണ്ടുകളിലേക്ക് അയച്ചു നല്‍കുകയും ചെയ്തു. തുടർന്ന് തട്ടിപ്പ് മനസ്സിലായ സ്ഥാപന ഉടമ പാലാ പോലീസിൽ പരാതി നൽകുകയും, പാലാ പോലീസ് കേസ് രജിസ്റ്റർ ചെയ്ത് നടത്തിയ ശാസ്ത്രീയമായ അന്വേഷണത്തിൽ പ്രതികൾ അന്യസംസ്ഥാനത്ത് ഉള്ളവരാണെന്ന് കണ്ടെത്തുകയുമായിരുന്നു.

തുടർന്ന് ജില്ലാ പോലീസ് മേധാവി കെ.കാർത്തിക്കിന്റെ നേതൃത്വത്തിൽ പ്രത്യേക അന്വേഷണസംഘം രൂപീകരിക്കുകയും, ഇവർ ഉത്തർപ്രദേശിലെത്തി നടത്തിയ ശക്തമായ തിരച്ചിലിനൊടുവിൽ ഇവരെ സാഹസികമായി പിടികൂടുകയുമായിരുന്നു.

പാലാ ഡി.വൈ.എസ്.പി എ. ജെ തോമസ്, പാലാ സ്റ്റേഷൻ എസ്.എച്ച്.ഓ കെ.പി ടോംസൺ , രാമപുരം എസ്.ഐ മനോജ് പി.വി, എ.എസ്.ഐ മാരായ ബിജു കെ, സ്വപ്ന,സി.പി.ഓമാരായ സന്തോഷ്, ജോഷി മാത്യു,ശ്രീജേഷ് കുമാർ, ജിനു ആർ നാഥ്,രാഹുൽ എന്നിവരും ജില്ലാ പോലീസ് മേധാവിയുടെ അന്വേഷണസംഘത്തിൽ ഉണ്ടായിരുന്നത്. ഇവരെ കോടതിയിൽ ഹാജരാക്കി. ഈ കേസിൽ കൂടുതൽ പ്രതികൾ ഉൾപ്പെട്ടിട്ടുണ്ടോ എന്ന് അന്വേഷിച്ചുവരികയാണ്.

കടപ്പാട് : acv news

14/11/2023

K S E B 😂 നല്ല ഉഗ്രൻ പണി കൊടുത്ത് ഒരു പഞ്ചായത്ത് മെമ്പർ...😂😂.. ഇങ്ങനെ വേണം നമ്മുടെ നാട്ടിലെയും പഞ്ചായത്ത് മെമ്പർമാർ... കാരണം ജനങ്ങളുമായി ഏറ്റവും അടുത്ത് ഇടപഴകുന്നത് പഞ്ചായത്ത് മെമ്പർമാരാണ് അവർക്കാണ് ജനങ്ങളുടെ പ്രശ്നങ്ങൾ ഏറ്റവും കൂടുതൽ അറിയാവുന്നത്.... ഈ പഞ്ചായത്ത് മെമ്പർക്ക് കോട്ടയം ന്യൂസിന്റെ അഭിനന്ദനങ്ങൾ🙏🙏❤❤❤

കടപ്പാട്: GCN NEWS

14/11/2023

ഇതിനുമുമ്പ് കേരളത്തിൽ വധശിക്ഷ കഴിഞ്ഞ കുറെ മഹാന്മാരുടെ ഫോട്ടോ ചുവടെ ചേർക്കുന്നു 😏😏😏😏😏😏

വധ ശിക്ഷ എന്നു പറഞ്ഞിട്ട് എന്താണ് കാര്യം തുക്ക് കയർ എന്നു പറഞ്ഞാൽ അത് എത്രയും പെട്ടെന്ന് അവനെ തുക്കി കൊല്ലാണം . അല്ലാതെ വധശിക്ഷ വിധിച്ച് ഒരു കാര്യവും ഇല്ല .ഇവന് വേണ്ടി മനുഷ്യവകാശം പറയനും ആളുകൾ വരും.വിധി കേട്ടാൽ തോന്നും നാളെ തൂക്കി കൊല്ലുമെന്ന്.😡😡
ഇത് പോലെ കേരളത്തിൽ എത്രയെണ്ണത്തിനെ തൂക്കാൻ വിധിച്ചു എന്നിട്ട് അവരെല്ലാം ഇപ്പോഴും മുട്ടയും പാലും കഴിച്ച് അവിടെ സുഖമായി ജീവിക്കുക യാണ് .കുറ്റകൃത്യം തെളിഞ്ഞാൽ അപ്പീലും,കിപ്പീലും അനുവദിക്കരുത്. ഇതുപോലെ ജയിലിലിട്ട് കൊഴുപ്പിക്കാതെ എത്രയും പെട്ടെന്ന് തൂക്കിലേറ്റുക.....

14/11/2023

ആലുവയിലെ അഞ്ചുവയസുകാരിയുടെ കൊലപാതകം, പ്രതിക്ക് വധശിക്ഷ.

#കേരളാപോലീസ്

09/11/2023

കലാഭവൻ ഹനീഫ് ഇക്കയ്ക്ക് 🙏🏽
ആദരാഞ്ജലികൾ 🌹

09/11/2023

കേരള സർക്കാരിന്റെ പകൽ കൊള്ളക്കെതിരെ തുറന്നടിച്ച് ഒരു യുവാവ്..... ഇതിനെയും ന്യായീകരിക്കാൻ അണികൾ ഉള്ളടത്തോളം കാലം ഈ നാട് നന്നാവില്ല... ഒരുപാട് നാളത്തെ ആഗ്രഹങ്ങളും ഒരുപാട് നാളത്തെ സമ്പാദ്യവും ചേർത്ത് വെച്ച് ഒരാൾ വീട് പണിയാൻ പോകുമ്പോൾ അയാൾക്ക് ഇരുട്ടടി കൊടുക്കുന്നത് എന്ത് വികസനത്തിന്റെ പേരിലാണെങ്കിലും അംഗീകരിക്കാൻ സാധിക്കില്ല 😶

07/11/2023

റൂട്ട് കനാൽ ശസ്ത്രക്രിയക്കിടെ മൂന്നര വയസുകാരന് ഹൃദയാഘാതം, ചികിത്സ പിഴവെന്ന് ബന്ധുക്കൾ.

തൃശൂർ മുണ്ടൂർ സ്വദേശികളായ കെവിൻ-ഫെൽജ ദമ്പതികളുടെ മകൻ ആരോൺ ആണ് മരിച്ചത്.

ചികിത്സാ പിഴവാണ് മരണകാരണമെന്ന് ആരോപണവുമായി കുട്ടിയുടെ ബന്ധുക്കൾ രംഗത്തെത്തി.

കുന്നംകുളം പോലീസ് സ്ഥലത്തെത്തി. ആർഡിഒയുടെ നേതൃത്വത്തിൽ ഇൻക്വസ്റ്റ് നടത്തണമെന്നാണ് ബന്ധുക്കൾ ആവശ്യപ്പെടുന്നത്.

തഹസീൽദാരുടെ നേതൃത്വത്തിൽ ഇൻക്വസ്റ്റ് നടക്കുമെന്നാണ് വിവരം.

ഇന്നലെ വൈകീട്ട് മൂന്നുമണിയോടെയാണ്കുട്ടിയെ കുന്നംകുളം മലങ്കര ആശുപത്രിയിൽ പ്രവേശിപ്പിച്ചത്.

റൂട്ട് കനാൽ സർജറിക്കായി ആശുപത്രിയിൽ അഡ്മിറ്റ് ചെയ്ത ശേഷം ഇന്ന് രാവിലെ 6 മണിയോടെ കുട്ടിയെ സർജറിക്കായി കൊണ്ടുപോയി.

പതിനൊന്നരയോടെ കുട്ടിയെ കാണണമെന്ന് ബന്ധുക്കൾ ആവശ്യപ്പെട്ടെങ്കിലും ആശുപത്രി അധികൃതർ സമ്മതിച്ചില്ല.

പിന്നീട് കുട്ടി മരിച്ചതായി ആശുപത്രി അധികൃതർ അറിയിക്കുകയായിരുന്നു. ശസ്ത്രക്രിയക്ക് ശേഷം ഹൃദയാഘാതം ഉണ്ടായെന്ന് ആശുപത്രി അധികൃതർ അറിയിച്ചതായി ബന്ധുക്കൾ പറയുന്നു.

06/11/2023

മാലിന്യമുക്ത കേരളം ക്യാപയിന്റെ ഭാഗമായി കോട്ടയം മുനിസിപ്പാലിറ്റി സംഘടിപ്പിച്ച പ്രോഗ്രാമിൽ.. സംഘാടകർക്ക് പോലും നാണം ഉണ്ടാകുന്ന രീതിയിൽ ആരെയും ചിന്തിപ്പിക്കുന്ന കുറച്ച് തീ പൊരി ചോദ്യങ്ങൾ ഉന്നയിച്ചിരിക്കുകയാണ് കോട്ടയത്തെ ഒരു യുവാവ്...