MindVision TV

Home
India
Kollam
MindVision TV

MindVision TV NEWS AND ENTERTAINMENT PAGE

20/02/2025

കെ.മുരളീധരൻ കൊട്ടാരക്കരയിൽ സംസാരിച്ചപ്പോൾ.

19/02/2025

മുന്നാറിൽ ടൂറിസ്റ്റ് ബസ് മറിഞ്ഞ് രണ്ട് വിദ്യാർത്ഥികൾ മരിച്ചു.
തമിഴ് നാട് നാഗർകോവിൽ നിന്ന് വന്ന സഞ്ചാരികൾ സഞ്ചരിച്ചിരുന്ന വാഹനമാണ് മറിഞ്ഞത്.നാഗർകോവിൽ സ്ക്കോട് കോളേജ് വിദ്യാർത്ഥികളാണ് അപകടത്തിൽ പെട്ടത്.
കുണ്ടള ഡാം സന്ദർശിയ്ക്കാൻ പോകുന്നതിനിടെ ബസ് മാട്ടുപെട്ടിയ്ക്ക് സമീപം വളവിൽ നിയന്ത്രണം വിട്ട് മറിയുകയായിരുന്നു.

19/02/2025

വനവാസികൾക്കും വനത്തിൽ രക്ഷയില്ല.തൃശ്ശൂർ പീച്ചിയിൽ കാട്ടാനയുടെ ആക്രമണത്തിൽ ആദിവാസി മരിച്ചു.
താമര വെള്ളച്ചാൽ ഊര് നിവാസി 58 വയസ്സുള്ള പ്രഭാകരനാണ് മരിച്ചത്
ആക്രമണം വനത്തിനുള്ളിൽ വച്ച്.

16/02/2025

കൊട്ടാരക്കര വെള്ളാരംകുന്നിൽ ഒരു കുടുംബത്തിനെതിരെ ഉണ്ടായ ആക്രമ സംഭവത്തിൽ പ്രതികളെ ഉടൻ പിടികൂടണം എന്ന് ആവശ്യപ്പെട്ടുകൊണ്ട് പ്രതിഷേധ പ്രകടനം നടത്തി.
സംഘപരിവാർ സംഘടനകളുടെ നേതൃത്വത്തിലായിരുന്നു പ്രതിഷേധ പ്രകടനം നടത്തിയത്. മുട്ടമ്പലം ജംഗഷനിൽ നിന്നും ആരംഭിച്ച പ്രകടനം വെള്ളാരകുന്ന് ജങ്ഷനിൽ സമാപിച്ചു.രാഷ്ട്രീയസ്വയം സേവക സംഘം ജില്ലാ കാര്യവാഹക് സതീഷ്, സഹകാര്യവാഹക് പ്രദീപ്‌, ഖണ്ഡ് കാര്യവാഹക് എം ദീപക്, കെ പി ആർ വിനീഷ് ബിജെപി മണ്ഡലം പ്രസിഡണ്ട്‌ അനീഷ് കിഴക്കേകര എനിവർ നേതൃത്വം നൽകി.

16/02/2025

കൊട്ടാരക്കരയില്‍ ഒരു കുടുംബത്തിലെ മൂന്ന് പേര്‍ക്ക് വെട്ടേറ്റു. വെള്ളാരംകുന്ന് സ്വദേശി അരുണ്‍ പിതാവ് സത്യൻ, അമ്മ ലത എന്നിവർക്കാണ് വെട്ടേറ്റത്.ഏഴുമാസം പ്രായമുള്ള കുഞ്ഞിനും ആക്രമണത്തില്‍ പരിക്കേറ്റു. മുൻവൈരാഗ്യമാണ് സംഘർഷത്തിന് കാരണം.

പള്ളിക്കല്‍ മൈലം മാരിയമ്മന്‍ ക്ഷേത്രത്തിലെ പൊങ്കാല സമര്‍പ്പണം കഴിഞ്ഞ് മടങ്ങുന്നതിനിടെയായിരുന്നു ആക്രമണം. അരുണ്‍, മാതാവ് ലത, പിതാവ് സത്യൻ, ഭാര്യ, ആറ് മാസം പ്രായമായ കുഞ്ഞ് എന്നിവർ നടന്നുവരുന്നതിനിടെ രണ്ടംഗ സംഘം ആക്രമിക്കുകയായിരുന്നു. വടിവാള്‍, കമ്ബിവടി എന്നിവ ഉപയോഗിച്ചായിരുന്നു ആക്രമണം.

അരുണിനാണ് ഗുരുതരമായി പരുക്കേറ്റത്. ഇയാളെ തിരുവനന്തപുരം സ്വകാര്യ മെഡിക്കല്‍ കോളജിലേക്ക് മാറ്റി. മറ്റുള്ളവരുടെ ആരോഗ്യ നിലയില്‍ പ്രശ്‌നങ്ങളില്ല. ഇവര്‍ കൊട്ടാരക്കര താലൂക് ആശുപത്രിയില്‍ ചികിത്സയിലാണ്. കഴിഞ്ഞ കുറച്ച്‌ ദിവസങ്ങളായി ആക്രമിച്ചയാളുമായി കുടുംബത്തിന് പ്രശ്‌നങ്ങളുണ്ടായിരുന്നു.

15/02/2025

വിദേശ വനിത കടലിൽ വീണു മരിച്ചു. കോവളത്തിന് സമീപമുള്ള പുളിങ്കുടി ബീച്ചിലാണ് സംഭവം. ബ്രിജിത് ഷാർലറ്റ് എന്ന അമേരിക്കൻ യുവതിയാണ് കടലിൽ മുങ്ങി മരിച്ചത്. ഇവരെ രക്ഷിക്കാനായി ഇറങ്ങിയ വിദേശ പൗരനെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. കടലിൽ 12 മണിയോടെ ഇറങ്ങിയപ്പോൾ ശക്തമായ തിരയിൽ പെടുകയായിരുന്നു.

15/02/2025

നിലയ്ക്കലിൽ ശബരിമല തീർത്ഥാടകരുടെ വാഹനം കൂട്ടിയിടിച്ച് അപകടമുണ്ടായി.
ട്രാവലറും,കാറും കൂട്ടിയിടിച്ചായിരുന്നു അപകടം.തിരുവനന്തപുരം സ്വദേശികൾ ആയിരുന്നു കാറിൽ ഉണ്ടായിരുന്നത്.ഗുരുതരമായി പരിക്കേറ്റ ആറു പേരെ ആശുപത്രിയിലേക്ക് മാറ്റി.

14/02/2025

കോട്ടാത്തല ശ്രീകുമാറിന്റെ പ്രണയമഴ എന്ന സംഗീത ഓഡിയോ പ്രകാശനം.

13/02/2025

കൊല്ലം കുറ്റിച്ചിറയിൽ തടിമില്ലിൽ തീപിടുത്തമുണ്ടായി. ഫർണീച്ചറുകളും ഉപകരണങ്ങളും കത്തി നശിച്ചു.
പുലർച്ചെ 4 മണിയോടെയാണ് തീപിടുത്തം ഉണ്ടായത്.ഫയർഫോഴ്സ് എത്തി മണിക്കൂറുകൾ പരിശ്രമിച്ചാണ് തീ നിയന്ത്രണ വിധേയമാക്കിയത്.
തീപിടിത്തത്തിൽ ലക്ഷങ്ങളുടെ നഷ്ടം സംഭവിച്ചതായി മില്ലുടമ അബ്ദുൾ റഷീദ് അറിയിച്ചു. തീപിടിത്തതിന്റെ കാരണം വ്യക്തമല്ല.പ്രഭാത സവാരിക്ക് ഇറങ്ങിയ നാട്ടുകാരാണ് മില്ലിലെ തീപിടിത്തം ആദ്യം കണ്ടത്.തുടർന്ന് സമീപത്തായി താമസിച്ചിരുന്ന ഉടമയെ വിവരം അറിയിക്കുകയായിരുന്നു. തുടർന്നാണ് ഫയർ ഫോഴ്‌സ് എത്തുകയും തീ നിയന്ത്രണ വിധേയമാക്കുകയും ചെയ്തത്. മില്ലിന്റെ മുക്കാൽ ഭാഗവും അഗ്നിക്ക് ഇരയായി. പോലിസ് കേസെടുത്തു.

11/02/2025

കൊല്ലം കുളത്തൂപ്പുഴ ഓയില്‍ ഫാം എസ്റ്റേറ്റില്‍ തീപിടുത്തം. കണ്ടൻച്ചിറ എണ്ണപ്പന എസ്റ്റേറ്റിലാണ് തീപിടിത്തമുണ്ടായത്.
എസ്റ്റേറ്റിന് സമീപമുള്ള അഞ്ചേക്കറോളം വരുന്ന എണ്ണപ്പന തോട്ടത്തിലാണ് തീ പടർന്ന് പിടിച്ചത്. പുക ശ്വസിച്ചതിനെ തുടർന്ന് തൊഴിലാളികള്‍ക്ക് ദേഹാസ്വാസ്ഥ്യം അനുഭവപ്പെട്ടു. തുടർന്ന് മൂന്ന് തോട്ടം തൊഴിലാളികളെ ആശുപത്രിയില്‍ പ്രവേശിപ്പിച്ചു.
കുളത്തൂപ്പുഴ,പുനലൂർ സ്റ്റേഷനുകളില്‍ നിന്ന് അഗ്നിശമന സേന എത്തി തീ നിയന്ത്രണവിധേയമാക്കാനും, കൂടുതല്‍ സ്ഥലങ്ങളിലേക്ക് തീ പടരാതിരിക്കാനുമുള്ള ശ്രമങ്ങള്‍ നടത്തി വരികയാണ്. കൂടുതല്‍ ഭാഗങ്ങളിലേക്ക് തീ പടർന്നിട്ടുണ്ടോ എന്നും പരിശോധന നടത്തുന്നുണ്ട്. കടുത്ത വേനലില്‍ ഇടക്കാടുകള്‍ക്ക് തീപിടിച്ചതാണ് അഗ്നിബാധയ്ക്ക് കരണമെന്നാണ് പ്രാഥമിക വിവരം.

10/02/2025

വസ്തു അളന്ന് തിട്ടപ്പെടുത്തി നൽകുന്നതിന് കൈക്കൂലി വാങ്ങുന്നതിനിടയിൽ താലൂക്ക് സർവേയർ വിജിലൻസിന്റെ പിടിയിലായി. പവിത്രേശ്വരം പൊരിയ്ക്കൽ സ്വദേശിയും ഫസ്റ്റ് ഗ്രേയിഡ് സർവ്വേയറുമായ അനിൽകുമാർ ആണ് വിജിലെൻസിന്റെ പിടിയിലായത്. അഞ്ചൽ സ്വദേശിയുടെ മുളവനയിലുള്ള കുടുംബ വസ്തുവിൽ മൂന്ന് സെന്റ് അളന്ന് തിട്ടപ്പെടുത്തുന്നതിനായി അപേക്ഷ നൽകി. കളക്ടറുടെ കയ്യിൽ നിന്ന് സ്പെഷ്യൽ ഓർഡറും വാങ്ങി. എന്നാൽ വസ്തു അളക്കുന്നതിന് വീണ്ടും കാലതാമസം നേരിട്ടതിനെ തുടർന്ന് ഉദ്യോഗസ്ഥനുമായി ബന്ധപ്പെട്ടപ്പോഴാണ് 3000 രൂപ കൈക്കൂലി ആവശ്യപ്പെട്ടത്. തുടർന്ന് അഞ്ചൽ സ്വദേശി വിജിലൻസിനെ വിവരമറിയിക്കുകയായിരുന്നു. തുടർന്ന് തിങ്കളാഴ്ച 11 മണിയോടെ ഫസ്റ്റ് ഗ്രേഡ് സർവ്വെയർ അനിൽകുമാറും ഉദ്യോഗസ്ഥരും മുളവനയിൽ എത്തി. വസ്തു അളക്കുന്നതിന് മുന്നേ പണം ആവശ്യപ്പെടുകയും വിജിലൻസ് നൽകിയ പണം ഉദ്യോഗസ്ഥന് കൈമാറുകയും ചെയ്തു. സംഭവസ്ഥലത്ത് തന്നെ ഉണ്ടായിരുന്ന വിജിലൻസ് ഉദ്യോഗസ്ഥർ അനിൽകുമാറിനെ കയ്യോടെ പിടികൂടുകയായിരുന്നു.

10/02/2025

കൊല്ലം കോർപറേഷൻ മേയർ പ്രസന്ന ഏണസ്റ്റ് രാജിവച്ചു. മുന്നണിയിലെ ധാരണപ്രകാരമാണ് രാജി. അവസാന ഒരു വർഷം മേയർ സ്ഥാനം സിപിഐക്കെന്നായിരുന്നു മുന്നണിയിലെ ധാരണ. കാലാവധി കഴിഞ്ഞിട്ടും പ്രസന്ന ഏണസ്റ്റ് മേയർ സ്ഥാനം ഒഴിയാത്തതിൽ സിപിഐ പ്രതിഷേധത്തിലായിരുന്നു. പലവട്ടം ഇക്കാര്യം മുന്നണിയിൽ ഉന്നയിച്ചിട്ടും ഫലം കാണാതെ വന്നതോടെ ഡെപ്യൂട്ടി മേയർ സ്ഥാനവും രണ്ട് സ്റ്റാൻഡിങ് കമ്മിറ്റി അധ്യക്ഷ സ്ഥാനങ്ങളും സിപിഐ രാജിവെച്ചിരുന്നു. ഫെബ്രുവരി അഞ്ചിനായിരുന്നു സ്ഥാനങ്ങൾ സിപിഐ അംഗങ്ങൾ രാജിവെച്ചത്. അന്ന് തന്നെ ഫെബ്രുവരി പത്തിന് താൻ സ്ഥാനമൊഴിയുമെന്ന് പ്രസന്ന ഏണസ്റ്റ് വ്യക്തമാക്കിയിരുന്നു. ഇത് പ്രകാരമാണ് ഇന്നത്തെ രാജി.

09/02/2025

കൊട്ടാരക്കരയിൽ കനാലിൽ വീണ് എട്ട് വയസുകാരൻ മരിച്ചു.സദാനന്ദപുരം നിരപ്പുവിള സ്വദേശി യാദവാണ് മരിച്ചത്.
പട്ടി ഓടിച്ചതിനെ തുടർന്ന് പേടിച്ചു കാൽ വഴുതി കനാലിൽ വീഴുകയായിരുന്നു.
നാട്ടുകാരും ഫയർ ഫോഴ്‌സും കൊട്ടാരക്കര താലൂക് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.

08/02/2025

കടൽ മണൽ ഖനനത്തിനെതിരെ ചെറു വള്ളങ്ങളുമായി കൊല്ലത്ത് മത്സ്യത്തൊഴിലാളികൾ കടൽ സംരക്ഷണ ശൃംഖല തീർത്തു. സിഐടിയു മത്സ്യത്തൊഴിലാളി ഫെഡറേഷന്‍റെ നേതൃത്വത്തിൽ കൊല്ലം ബീച്ചിൽ നടന്ന ഉപരോധ സമരത്തിൽ നൂറുകണക്കിന് വള്ളങ്ങൾ അണിനിരന്നു.

06/02/2025

കൊല്ലം കടയ്ക്കലിൽ വീട്ടുമുറ്റത്തെ കരിയില കൂട്ടിയിട്ട് കത്തിക്കുന്നതിനിടെ പൊള്ളലേറ്റ് വയോധിക മരിച്ചു. ആൽത്തറമൂട് തളിയിൽ ക്ഷേത്രത്തിന് സമീപം കുഴിഞ്ഞഴികത്ത് വീട്ടിൽ ജാനകി അമ്മ (80)യാണ് മരിച്ചത്. ബുധനാഴ്ച വൈകിട്ടായിരുന്നു സംഭവം. വീടിന് പിന്നിലുള്ള കുഴിയിൽ കരിയിലയിട്ട് കത്തിക്കുന്നതിനിടെ കാൽവഴുതി വീഴുകയായിരുന്നുവെന്ന് കരുതുന്നു.ഈ സമയം വീട്ടിൽ മറ്റാരുമുണ്ടായിരുന്നില്ല. ഏറെ സമയത്തിന് ശേഷം അയൽവാസികളാണ് സാരമായി പൊള്ളലേറ്റ നിലയിൽ കണ്ടത്. കടയ്ക്കൽ താലൂക്ക് ആശുപത്രിയിൽ എത്തിച്ചപ്പോഴേയ്ക്കും മരിച്ചു. മൃതദേഹം ആശുപത്രി മോർച്ചറിയിൽ.
മകൻ: സുനിൽകുമാർ (ബി.എസ്.എഫ്, കശ്മീർ). മരുമകൾ: ഗീത.

05/02/2025

ബാലരാമപുരത്ത് ദേവസ്വം ബോർഡിൽ ജോലി വാഗ്ദാനം നൽകി
സാമ്പത്തിക തട്ടിപ്പും, തൊഴിൽ തട്ടിപ്പും നടത്തിയ ബാലരാമപുരം കോട്ടുകാൽ സ്വദേശി ശ്രീതുവിനെ എട്ടാം തീയതി വരെ പോലീസ് കസ്റ്റഡിയിൽ വിട്ടുനൽകി.

ശ്രീതുവിന്റെ മകൾ ദേവൂവിന്റെ മരണവുമായി ബന്ധപ്പെട്ട് നടത്തിയ അന്വേഷണത്തിലാണ്
പ്രതി കുടുങ്ങിയത്.

കസ്റ്റഡിയിൽ വാങ്ങിയശേഷം പ്രതിയുടെ കൂടുതൽ സാമ്പത്തിക ഇടപാടുകളും, കുഞ്ഞിൻറെ മരണത്തിലെ ദുരൂഹതകളും പോലീസ്ചോദിച്ചു മനസ്സിലാക്കും. ആവശ്യം വന്നാൽ സാമ്പത്തിക, ജോലി തട്ടിപ്പ് ഇടപാടുകൾക്ക് കൂട്ടുനിന്ന മറ്റുള്ളവരെയും വിളിപ്പിച്ചു ചോദ്യം ചെയ്യുകയും അറസ്റ്റ് ഉൾപ്പെടെയുള്ള നടപടിയിലേക്ക് പോകുമെന്നും അറിയുന്നു.

04/02/2025

കൊട്ടാരക്കര സദാനന്തപുരത്ത് രോഗിയുമായ പോയ ആംബുലൻസ് കോഴി ലോറിയുമായി കൂട്ടിയിടിച്ച് രണ്ട് പേർ മരിച്ചു. അടൂർ ഏഴംകുളം സ്വദേശികളായ തമ്പി ( 65) ഭാര്യ ശ്യാമള (60) എന്നിവരാണ് മരിച്ചത്. ലോറിയിൽ ഉണ്ടായിരുന്ന നാലുപേരെ ഗുരുതര പരിക്കുകളോടെ തിരുവനന്തപുരം മെഡിക്കൽ കോളേജിലേക്ക് മാറ്റി.

31/01/2025

സോളാര്‍ കേസില്‍ സരിത .എസ് നായര്‍ ഉള്‍പ്പെടെ മൂന്ന് പേരെ കൊയിലാണ്ടി ഒന്നാം ക്ലാസ് ജുഡീഷ്യല്‍ മജിസ്ട്രേറ്റ് കോടതി വെറുതെ വിട്ടു. സരിത എസ് നായര്‍, ബിജു രാധാകൃഷ്ണന്‍, മണി മോന്‍ എന്നിവരായിരുന്നു കേസിലെ പ്രതികള്‍. ഇവരെയാണ് വെറുതെ വിട്ടതായി കോടതി ഉത്തരവിറക്കിയത്.

2014 നാണ് കേസ് രജിസ്റ്റര്‍ ചെയ്തത്. കോഴിക്കോട് എരഞ്ഞിക്കല്‍ മോകവൂരിലുള്ള വിന്‍സെന്റ് സൈമണ്‍ എന്നയാളില്‍ നിന്നും ടീം സോളാര്‍ കമ്പനിയുടെ പാലക്കാട്, തൃശൂര്‍ ജില്ലകളുടെ ഡീലര്‍ഷിപ്പ് അനുവദിക്കാമെന്ന് പറഞ്ഞ് വിശ്വസിപ്പിച്ച് പന്ത്രണ്ടു ലക്ഷം രൂപ കൈവശപ്പെടുത്തി ഡീലര്‍ഷിപ്പ് അനുവദിക്കാതെയും പണം തിരിച്ചു കൊടുക്കാതെയും പണമില്ലാത്ത അക്കൗണ്ടിലെ ചെക്കുകള്‍ നല്‍കി വിശ്വാസ വഞ്ചന ചെയ്തെന്നും ചതിച്ചെന്നും ആയിരുന്നു പ്രോസിക്യൂഷന്‍ കേസ്.

10 വര്‍ഷങ്ങള്‍ക്ക് ശേഷമാണ് കേസില്‍ മുഴുവന്‍ പ്രതികളും കുറ്റക്കാരല്ല എന്നു കണ്ടു മൂന്ന് പ്രതികളെയും വെറുതെ വിട്ടു ഉത്തരവിട്ടത്.

ഒന്നും മൂന്നും പ്രതികള്‍ക്ക് വേണ്ടി കൊയിലാണ്ടിയിലെ അഡ്വ മഹേഷ് എം, അഡ്വ ബിനോയ് ദാസ് വി.വി എന്നിവര്‍ ഹാജരായി.

Address

Kottarakkara
Kollam
691531

Website

http://www.youtube.com/channel/UCQo2U4ETp3VQfM4LgmXuxCw

Alerts

Be the first to know and let us send you an email when MindVision TV posts news and promotions. Your email address will not be used for any other purpose, and you can unsubscribe at any time.