https://www.facebook.com/882492478544701/

Kolasib TIMES

Home
India
Kolasib
Kolasib TIMES

Mizo Daily Newspaper Read & Advertise @ Kolasib Times

04/12/2023

Round 3 Kolasib

04/12/2023

3rd round Tuirial
Postal ballot ala tello

04/12/2023

2 Round Serlui

04/12/2023

Round 2 Kolasib

04/12/2023

Round 2 Tuirial

04/12/2023

Kolasib Round 1

04/12/2023

Tuirial Round 1

04/12/2023

Serlui Round 1

01/12/2023

Vote chhiar hun sawn

28/11/2023

K*m 2023 Krismas leh K*mthar vuakvetah Kolasib khawpui chhunga veng hrang hrang incheisiak buatsaih leh tum a ni

2023 Sahmulphah thla ni 28: Vawiin chawhma khan Kolasib District Bawrhsap Pu John LT Sanga hovin Kolasib DC Conference Hall-ah k*min Krismas leh K*mthar vuakveta Kolasib khawpui chhunga veng hrang hrang kawn leh hmun remchang lai incheisiak buatsaih dan tur sawi ho a ni.

Kolasib Bawrhsap Pu John LT Sanga chuan Mizo Kristiante hunpui Krismas leh K*mthar vuakveta in leh khawlai chei chu hunpui boruak siamtu pakhat a nih thu sawiin, k*minah pawh Kolasib khawpui chhunga veng hrang hranga kawn leh hmun remchang laite chu VC hrang hrangte kaihhruaina hnuaiah chei leh tura ruahman a nih thu a sawi. K*minah hian 'DC Bungalow' chu k*m dang aia uara chei tum a nih thu sawiin, Krismas leh K*mthar vuakvetah a duh tan DC Bungalow hi tlawhna hun siam leh tum a ni, a ti.

Veng/kawn chei chungchang sawi honaah hian District Administration official-te bakah, DUDO Kolasib; Kolasib Town Joint VC Association Chairman; Kolasib Sub-Headquarters YMA leh MHIP ai awhte; Kolasib District MJA President leh ZOOM Kolasib ai awhte an tel a. Kawn chei Intihsiakna hi VC-te kaihhruaina hnuaiah kalpui ni se, lawmman pawh siam ni se, tih a ni a. VC-te chu hemi chungchangah hian hma la tura ngenna lehkha pek ni se, Kolasib District chhunga Civil Sub-Division-ah te chuan veng/kawn chei an duh a nih chuan SDO (Civil) te kaihhruaina hnuaiah kalpui mai ni se, tih a ni.

K*min atana Kolasib khawpuia Kawn/Veng chei endik turin Sub-Deputy Commissioner Dr Lalramdintluanga kaihhruaina hnuaiah ZOOM Kolasib te ruat an ni a. Endik hun atan ni 23/12/2023 zan ruat niin, result puan leh lawmman sem hun chu DC kutah dah a ni a. Lawmman hi pakhatna aṭanga pathumna thleng bakah consolation prize siam tel ni se tih niin, lawmman atan pawisa leh citation pek ni se, tih a ni bawk.

Kolasib Bawrhsap chuan Krismas 2023 leh K*mthar 2024 lawmna hun lo thleng tur chu mi tinin zalen leh muanawm taka an hman ṭheuh a duhsak thu a sawi a. Mi dangte tana harsatna siamtu ni lo va, mite tana malsawmna thlentu nih tum ṭheuh turin District mipuite a chah a ni.

20/11/2023

Kolasib-ah World Ayurveda Day, 2023 pualin hun hman a ni

2023 Sahmulphah thla ni 20: Vawiin khan Directorate of Ayush, Health & Family Welfare Department, Government of Mizoram hma laknain TS Luaia Middle School, Rengtekawn, Kolasib-ah 8th World Ayurveda Day pualin hun hman a ni.

World Ayurveda Day vawi 8-na puala hun hmannaah hian District Hospital Kolasib aṭangin Senior Medical Officer (Ayush) Dr C. Vanlalhlimpuia hovin doctor leh thawktu dangte thawk chhuakin, TS Luaia Middle School-ah Ayurvidya (School Health and Education Programme) buatsaih a ni a. SMO Dr C. Vanlalhlimpuia chuan Ayurveda chungchang leh hriselna kawnga hriat tur pawimawh hrang hrangte sawiin, zirlai kal khawmte chu rilru leh taksa hrisel nei tura an nunphung leh ei leh in uluk turin a chah a. District Hospital Kolasib-a Physical & Stress Management Instructor Pu R. Lalhmangaihzuala chuan zirlaite chu taksa sawizawi pawimawhna leh taksa sawizawi dan tur (basic yoga exercise) a zirtir bawk.

He hunah hian a thlawna inentirna (free clinic) buatsaih nghal a ni a. Mi 98 hriselna dinhmun enfiah niin, a thlawnin damdawi eng emaw zat sem a ni bawk.

World Ayurveda Day hi k*m 2016 aṭang khan hman ṭan niin, k*m tin thupui neiin October thla chawhnu lam emaw, November thla chawhma lamah emaw hman a ni ṭhin a. K*min thupui atan hian, "Ayurveda for One Health - Ayurveda for everyone on every day" tih chu hman a ni.

20/11/2023

Kolasib-ah clinic leh laboratory chungchanga District Registering Authority an ṭhu khawm

2023 Sahmulphah thla ni 20: Vawiin khan Kolasib District chhunga hriselna dinhmun enfiahna leh inentirna (clinical establishment)-te dan anga chhinchhiah leh khuahkhirh tura din, District Registering Authority (DRA) chu an Chairman, Kolasib District Bawrhsap Pu John LT Sanga hovin Kolasib DC Conference Hall-ah a ṭum khat nan an ṭhu khawm.

Chairman Pu John LT Sanga chuan District Registering Authority tih tur leh thuneihna tlangpui tar langin, ṭhut khawm buatsaih chhan a sawifiah a. Mihring taksa hriselna dinhmun enfiahna (laboratory) chu natna chungchanga inenkawl zui zel dan tur hriltu a nih avangin a pawimawh hle a, mihring himna leh hriselna khawih a nih angin clinic leh laboratory-te chu fimkhur taka kalpui a ṭul a ni, a ti a. Clinic leh laboratory-te khuahkhirh leh vil zui tura din DRA chuan thuneihna leh mawhphurhna sang tak a nei tiin, member-te chu tihtak zeta an mawhphurhna hlen chhuak turin a chah a. Thih leh dam inkar hriltu a nih theih avangin, mihring himna dah pawimawh hmasa ber chunga danin a phut anga clinic leh laboratory te kalpui zel turin Kolasib District chhunga clinic leh laboratory enkawltute chu a chah nghal bawk.

He hunah hian DRA Convener, Kolasib District Senior Chief Medical Officer Dr RK Lalthlamuana chuan Clinical Establishment Act, 2010 hnuaia clinical establishment-te zawm tur tlangpui sawifiahin, clinic leh laboratory te chu DRA-ah an inziah luh (register) vek a, a him chin leh pawm theih chin (minimum standard) an phak ngei ngei a ṭul thu a sawi a. Kolasib District chhunga laboratory-te tan kar hmasa lam khan minimum standard training buatsaih a nih thu sawiin, he hunah hian laboratory-te'n chhinchhiahna an tar tur te, himna tura zawm tur te, faina leh thianghlimna kawnga zawm tur te, khawl enkawl dan tur te, thawktute thiamna ngai chin leh thil pawimawh hrang hrang inzirtir a ni, a ti.

Kolasib CMO Office-in an chhinchhiah danin, tun dinhmunah Kolasib District chhungah sawrkar hriatpui clinical establishment 33 a awm mek a. Hemi zinga 7 chu government establishment (District Hospital, Community Health Centre leh Primary Health Centre) niin, a dang 26 chu mimal din (private) laboratory leh clinic a ni thung.

Sawrkar laipui dan siam, The Clinical Establishments (Registration and Regulation) Act, 2010 behchhanin Mizorama clinical establishment-te chhinchhiah, khuahkhirh leh vil zuina tur, The Mizoram Clinical Establishments (Registration and Regulation) Rules, 2014 chu Mizoramah hman a ni a. Mizoram Sawrkara Health & Family Welfare Department Commissioner & Secretary aṭanga lehkha dawn bawhzui leh Mizoram CE (R&R) Rules, 2014 Section 4(1) tlawh chhanin Kolasib District Bawrhsap & Chairman Pu John LT Sanga chuan Kolasib District Registering Authority chu November ni 16, 2023 khan din tharin, vawiin khan ṭhut khawm hmasa ber koh a ni ta a ni.

Vawiin ṭhut khawmah hian Kolasib District chhunga DRA hnuaia hma lakna tur hrang hrang sawi ho a ni a. Clinic leh laboratory provisional registration nei tawh sate chu DRA hnuaia registration puitling nei thei tura danin a phut ang hlen chhuah nan k*m 2 chhung hun pek an ni dawn a. Provisional registration la nei lote chu thla 6 chhung hun pek an ni dawn thung a ni. Kolasib DRA chuan sawrkar hriatpui loh leh dan anga taksa dinhmun endik leh damdawi chawh phalna nei lote lakah fimkhur a, chuti ang chu pan lo turin Kolasib District mipuite an chah a ni.

16/11/2023

Kolasib-ah National Press Day pualin hun hman a ni

2023 Sahmulphah thla ni 16: Vawiin chawhma dar 11:00 khan Mizoram Journalists' Association (MJA), Kolasib District te chuan Kolasib Press Club-ah 'National Press Day' an hmang a. Kolasib District Information & Public Relations Officer Pu C. Lalhruaitluanga'n hun a hmanpui.

He hun hi MJA Kolasib District President Pu Andrew Vanlalauva chuan kaihruaiin, inlawmna thu a sawi bakah, National Press Day ṭobul leh MJA Kolasib District te'n National Press Day an lo hman tawh ṭhin dan a tar lang a. Resource person, Kolasib DIPRO Pu C. Lalhruaitluanga chuan k*min NPD thupui atana thlan, "Media in an Era of Artificial Intelligence" tih hmangin thu a sawi a. Artificial Intelligence (AI) lo ṭhan chhoh zel dan tar langin, tunlai khawvelah khawlin mihringte min thunun tawh zawk a, he hun (era)-a media-te kal zel dan tur leh hmasawn zel dan tur kan ngaihtuah a ngai a ni, a ti.

Kolasib DIPRO chuan media hmasawnna kal zelah print leh electronic media piah lamah 'new media' kan tih, 'social media' chu nasa taka rawn larin, hei hi media huanga AI rawn inrawlh chhohna a tih theih a; eng tikah emaw chuan print leh electronic media te hi a la lem zo mai ang tih hlauhawm a ni tawh, a ti a. Social media-ah chuan news a chak a, kan mamawh loh thleng thlengin thu thar kan hre ta a; AI nena an ṭan kawp hnuah phei chuan kan ngaihtuah phak bakin media kalphung a rawn khawih danglam chho mek a ni, a ti a. Tunlai khawvelah media liante'n AI hmangin article leh news te an puah tawh tih sawiin, news khawn khawm tur te, thu belh chian dawl lo leh dik lo (fake news/misinformation) thliartuah te a ṭha zawnga kan hman theih laiin, AI hian mihring hna thawh tur tam tak, mihring aia chak leh dika a thawh theih avangin mihring tan hna a vang chho zel a, media lamah pawh hei hi a thleng chho ve thei a ni, a ti a. AI chu siam chawp finna a nih avangin mihring angin ngaihtuahna fim a nei ve lo a, a data hmuh apiang kha a ṭhat leh ṭhat loh te, a dik leh dik loh te pawh thliar lovin a la khawm mai ṭhin a, chu chu phuah khawmin, news ṭha lo tam tak a siam thei bawk a ni, a ti.

Pu C. Lalhruaitluanga chuan media hian khawvel changkan ruala hma a sawn ve zel a ṭul angin, AI-in hmasawnna a rawn kente pawh media mite'n a ṭha zawnga kan hman a, ṭan kan lo lak a ngai a ni, a ti a. AI kan hmang a nih pawhin journalist ethic vawng reng chungin, kan pian chhuahna kalsan lo leh a ṭha lai chauh seng lut tura kan hman thiam a pawimawh a ni, a ti a. Media zalenna leh mihring hlutna tibuai si lova AI hman thiam zir turin MJA Kolasib District member-te chu a chah a ni.

Hemi hnu hian MJA Kolasib District member-te aṭangin NPD thupui sawi hona hun hlawkthlak tak hman zui a ni a. MJA Kolasib District General Secretary Pu Zairemchhunga chuan lawm thu sawiin hun a khar a ni.

National Press Day hi November ni 16, 1966-a din, ram pum huapa media-te thlung khawmtu Press Council of India (PCI) din ni pualin k*m tin hman ṭhin a ni a. K*m tin thupui neiin, media-te ṭhan chhoh zel dan tur leh hmasawnna tur te, ram rawngbawlna kawnga media-te'n hlawk zawka tha an thawh theih dan tur te zir ho nan hman ṭhin a ni.

14/11/2023

WCD, SW&TA Department hnuaia Aadhaar enrollment kalpui dan sawifiahna

2023 Sahmulphah thla ni 14: Women & Child Development, Social Welfare & Tribal Affairs Department, Government of Mizoram-in Aadhaar Enrollment a kalpui mek chungchangah department dang aṭanga zawhna te a awm ṭhin avangin Women & Child Development (WCD) Director Pi Zoramthangi Chhangte chuan Kolasib Deputy Commissioner hnenah lehkha thawnin, WCD-in Aadhaar Enrollment a kalpui dan tlangpui chu a hnuaia mi ang hian a sawifiah.

Directorate of Women & Child Development, Social Welfare & Tribal Affairs Department hi November 2016 khan Unique Identification Authority of India-in Registrar nihna hlanin, Registrar Code 219 a pe a. Chumi hnuaiah tunah hian Aadhaar Operator mi 54 (sawmnga pali) an awm mek a. He'ng Aadhaar Operator-te hi RD Block tina Child Development Project Officer (CDPO) Office-ah leh Aizawl Urban CDPO Office-ah an awm a. Chuta ṭang chuan Aadhaar Enrollment & Update hi kalpui ṭhin a ni.

Aadhaar Enrollment-a WCD-in a bitum hmasa berte (primary target) chu naupang thla 6 aṭanga k*m 6 inkar te, nu naupai leh nau pawm te leh tleirawl (Integrated Child Development Service beneficiary) te a ni a. He'ng beneficiary-te hian ICDS hnuaia hamṭhatna hrang hrang awmte dawng thei tur chuan Aadhaar number an neih vek a ngai a ni.

Chu vangin, WCD hnuaia Operator tam zawkte hi ICDS Project huam chhung thingtlang khaw hrang hrangah Aadhaar Enrollment leh Update ti turin 'Camp mode'-in tirh chhuah an ni ṭhin a. Hetia an zin chhuah dawn hian an kalna tur khua Village Council-te leh CDPO-te nen sawi ho hmasak ṭhin a ni.

14/11/2023

Kolasib-ah District Election Officer hovin sector officer-te leh FST leh SST leader-te'n MLA Inthlanpui 2023 an thlir let

2023 Sahmulphah thla ni 14: Vawiin khan Kolasib District Election Officer Pu John LT Sanga hovin DC Conference Hall-ah Sector Officer-te, Flying Squad Team leh Static Surveillance Team leader-te chuan Kolasib District-a Mizoram Legislative Assembly Inthlanpui, 2023 buatsaih dan an thlir let.

Kolasib DEO Pu John LT Sanga chuan MLA Inthlanpui 2023-ah Kolasib District-ah felfai leh hlawhtling taka vote thlak zawh fel a ni chu lawmawm a tih thu sawiin, Pathian hruaina leh inthlan kaihhnawiha thawktu zawng zawngte theih tawpa ṭan tlanna vang a ni, a ti a. Mizoram People Forum (MPF), kohhran leh tlawmngai pawlte hma lakna leh election official-te an thawhpuina chu inthlan felfai chhan pakhat a ni tiin, hei hi India ram chhung hmun danga awm lo, Mizoram kan vanneihna a ni, a ti a. Review meeting chu inthlana duty-te'n an duty-naa an thil tawnte a sarhu laia an sawi ho nan leh, ṭha an tih zawng leh hmasawnna tura an rawtnate aṭanga nakin zel atan pawha ṭangkaipui theih tur leh inzirna tur a awm theih beiseia ruahman a nih thu a sawi.

He review meeting-ah hian DEO hi Returning Officer-te, Election Officer, Assistant Returning Officer-te leh DIPRO te'n ṭawiawmin, Kolasib District chhunga sector 16-a Sector Officer-te leh District chhunga assembly bial pathuma FST team 2 leh SST team 2 ṭheuh awma leader-te an tel a. Inthlan vuakveta an duty-naa an thil tawn hrang hrangte tar langin, hmasawnna tur rawtna hrang hrang an neihte chu an sawi ho a. District election office aṭanga bawhzui theihte leh thuneitu sang lama bawhzui ngai tur thil te pawh he hunah hian sawi ho a ni.

13/11/2023

Kolasib-ah District Election Officer hovin election official-te'n MLA Inthlanpui 2023 an thlir let

2023 Sahmulphah thla ni 13: Vawiin khan Kolasib District Election Officer Pu John LT Sanga hovin DC Conference Hall-ah Kolasib District chhunga assembly constituency pathuma Returning Officer-te leh Assistant Returning Officer-te leh Election Officer te chuan Kolasib District-a inthlan buatsaih dan thlir letin, vote chhiarna tur atana ruahmanna hrang hrang an sawi ho nghal.

Kolasib DEO Pu John LT Sanga chuan MLA Inthlanpui 2023-ah Kolasib District-ah tluang taka vote thlak zawh fel a ni chu lawmawm a tih thu sawiin, inthlan hlawhtling tak buatsaih a nih theih chhan pakhat chu district election official-te, nodal officer-te leh mawhphurhna hrang hrang neitu official-te'n an hma zawna mawhphurhna tlate ṭha taka an hlen chhuah vang a ni, a ti a. Inthlan chu 80% vel zo tawh ang a ni tiin, hmabak la awm pawh official-te ṭhahnem ngaihna leh District mipuite thawhpuina azarah tluang taka hlen chhuah a nih a beisei thu a sawi.

He hunah hian Kolasib District chhunga inthlan buatsaih dan thlir let niin, hma lakna chhinchhiah tlak leh zawngchhangthlak deuhte tar lan a nih bakah, hmasawnna awm thei te sawi ho a ni a. Inthlan kaihhnawiha tih tur hmabak la awmte thlir ho a ni bawk a. Vote chhiarna hmun atana ruahman Government Kolasib College-a counting hall pathum buatsaih dan tur ruahmanna (drawing) awm sa chu thlir hovin, hma lak zui dan tur an sawi ho nghal bawk a ni.

Kolasib District chhunga assembly bial pathuma polling station 89-ah State chhung hmun dang rualin November ni 7, 2023 (Thawhlehni) khan tluang takin vote thlak a ni a. Vote thlak nana hman Electronic Voting Machine (EVM)/Voter Verifiable Paper Audit Trail (VVPAT) leh inthlanna lehkha pawimawhte chu Government Kolasib College-a strong room ruahmanah sipaite venin dah ṭhat nghal a ni a. Election Commission of India (ECI) aṭanga thu thar dang a awm a nih loh chuan, MLA Inthlanpui 2023-a Kolasib District chhunga vote tlate hi December ni 3, 2023 (Pathianni) khian Government Kolasib College-a Counting Hall pathumah chhiar a ni dawn a ni.

13/11/2023

PRESIDING OFFICER SUSPEND

Aizawl South-3 bial huam chhunga Muallungthu polling station a presiding officer Pu Lalremmawia Colney, Agriculture department-a Deputy Director chu November ni 7-a dan kalha a chet avangin a hna aţangin chawlhtir (suspend) a ni.

A hna atanga Pu Lalremmawia chawlhtir lailawk a nihna chhan hi Muallungthu polling station a dik lo taka a thiltih avanga Election Commission of India thupek anga tih an nih thu Agriculture department secretary Pu C. Lalzahngova chuan thupek a tihchhuahah a tarlang a. A thiltih ni a puh hi Agriculture department chuan a chhui chiang (departmental proceedings) dawn a, chumi chhung atana lo chawlhtir lailawk chu a ni a. Election Commission hian a hna (official duty) a tih ţhat loh avang leh document a phuahchawp (fabrication) vanga hremna lek tura kalpui ta an nih thu an tarlang. Thu dawn danin Thawhlehni (November ni 7)-a Mizoram assembly inthlan ni khan mipuiin vote an thlak hma-in he polling station a duty-te'n EVM hmangin vote an thlak chhin (mock poll) a. Chuta vote tlate chu nawtreh leh lovin zing dar 7 aţangin mipui vote an thlaktir chhunzawm nghal a. He thil fel lo, polling station-a vote awm zat aia tam vote tla ta hi thup tumin he polling station a presiding officer Pu Lalremmawia hian a chunglama thuneitute hriattir lovin polling station a vote awm zat chu a lo ziah belh a. Vote nei hming (signature) lem a lo ziah chu man chhuah a ni ta a ni.

Election hotu pakhat chuan vote thlak chhin a vote tla nawtreh lova mipuiin an thlak chhunzawm kha chu thuneitu sang zawk hriattir mai sela chuan tihpalh liau liau a nih avangin ngaihnathiam theih pawh a nih a rinawm thu a sawi a. Chutianga ti ta lova, thuneitu sang zawk hriattir lova phuahchawpa dan bawhchhia a a che ni a lang kha chu ngaihhnathiam theih a ni ta lo a ni, a ti.

Pu Lalremmawia Colney a hna atanga chawlhtirna thupek hi nimin khan tihchhuah a ni a. A chungchang chhui chianna zawhfel a nih hma chuan Aizawl khawpui a awm tura leh niin thuneitute phalna lo chuan Aizawl a chhuahsan phalsak a ni lo. A hna atanga chawlh lailawk tir a nih chhung hian a hlawh chanve a la ang a. Hna dang a thawh loh chuan hetiang hian kalpui a ni dawn a ni.

Thil felhlel a awm avang hian Muallungthu polling station-ah hian Election Commission chuan vote thlak ţhat turin thupek a siam a. Zirtawpni khan vote thlak ţhat a ni a. Muallungthu polling station tih loh chu Mizoram hmun dangah vote thlak ţhat ngai a awm lo a ni.

10/11/2023

Kolasib-ah KVK-in "Training on Glyphosate Use for Pest Control Operators" an buatsaih

2023 Sahmulphah thla ni 10: Vawiin khan Krishi Vigyan Kendra (KVK), Kolasib District chuan KVK Training Hall, Kolasib-ah pest control operator (PCO)-te tana hlo tur (herbicide) chi khat, Glyphosate hman dan him leh dik zir hona, "Training on Glyphosate Use for Pest Control Operators" an buatsaih.

India ram sawrkar laipui chuan October ni 25, 2022 khan, “Glyphosate hmang turte chuan Pest Contol Operator-te phalna an nei tur a ni (The use of Glyphosate formulation to be allowed through Pest Control Operators),” tiin thu chhuah a siam a. Hemi bawhzui hian National Institute of Plant Health Management, Hyderabad leh KVK Kolasib ṭang kawp chuan District level-ah training hi an buatsaih a. FOCUS, ATMA leh District Horticulture Office staff-te chu he training-ah hian an tel a ni.

He hunah hian KVK Kolasib-a Senior Scientist and Head Dr Michelle C. Lallawmkimi chuan Glyphosate chungchanga hriat tur pawimawh te sawi hawngin, hlo tur dose dik lo hmanin mihring tana nghawng ṭha lo a neih theih dan te, ran vulhin a tuar theih dan te leh agro-ecological balance a tihbuai theih dan te a tar lang a. Master Trainer leh Resource Person, KVK Kolasib-a Subject Matter Specialist (Plant Protection) Pi Esther Zonunpuii leh SMS (Agronomy) Pu Zohlunpuia te'n zirtirna an pe a ni.

He training-ah hian Glyphosate chi hrang zinga Mizorama kan hman lar em em Glysel hman dan tur dik te, tih tur leh tih loh tur te inzirtir a ni a. A taka enchhinna (practical class) neih ni bawkin, training-a kalte hi Pest Control Operator certificate hlan nghal an ni.

He training hi SMS (Soil Science) Dr Carolyn Zothansiami chuan a kaihruai a. SMS (Agriculture Extension) Pi R. Lalchhandami chuan lawm thu sawiin hun a khar a ni.

09/11/2023

Kolasib-ah MLA Inthlanpui 2023 buatsaih tak chungchangah Kolasib DEO-in thu thar theh darhtute a kawm

2023 Sahmulphah thla ni 9: Vawiin chawhnu khan Kolasib District Election Officer Pu John LT Sanga, 5-Kolasib (ST) Assembly Constituency Returning Officer ni bawk chuan DC Conference Hall-ah thu thar theh darhtute kawmin, Kolasib District chhunga Mizoram Legislative Assembly Inthlanpui, 2023 inthlan buatsaih tak an thlir ho.

Kolasib DEO Pu John LT Sanga chuan Kolasib District chhungah MLA Inthlanpui 2023 inthlan tluang taka zawh fel a ni chu lawmawm a tih thu sawiin, election chu tih ṭhan a awm lo va, chet sual palh theihna a tam hle a, chuti chunga inthlan felfai tak buatsaih theih chu a lawmawm zual a ni, a ti a. Inthlan hlawhtling tak buatsaih theih chhan chu official-te, tlawmngai pawl, MPF, media, political party leh District mipuite zavaia thawh hona vang a ni tiin, lawm thu a sawi a. Media-te'n inthlan kaihhnawih an puangzar ṭha chu lawmawm a tih thu sawiin, an thu chhuah chhiar nuam leh bengvarthlak tak tak avangin lawm thu a hrilh a ni.

He hunah hian DEO hi 4-Tuirial (ST) Assembly Constituency Returning Officer Pi Melody Ngurthantluangi, 6-Serlui (ST) AC Returning Officer Pu Lalmuan Puia, SDO (Sadar), Election Officer, Assistant Returning Officer-te leh DIPRO te'n an ṭawiawm a. District MJA member eng emaw zat telin, Kolasib District chhunga inthlan kalpui chungchang thlir hovin an sawi ho a ni.

He huna tel MJA member-te chuan District Election Officer Pu John LT Sanga kaihhruaina hnuaia official zawng zawngte hma lakna chu chhuanawm an tih thu leh inthlan an buatsaih dan lungawithlak hlea an hriat thu an sawi a. Kolasib District chhunga inthlan felfai, thianghlim leh muanawm tak buatsaih a ni chu lawmawm an tih thu an sawi a ni.

He hunah hian November ni 7, 2023-a Kolasib District chhunga MLA inthlan kalpui dan sawi ho niin, thil chhinchhiah tlak leh chin zui zel atana ṭha nia an hriatte an sawi khawm a. Hmasawn theihna tur kawng hrang hrangte sawi hovin, ngaih dan an thawh khawm hlawm a ni.

Kolasib District-a ngaw leh nungcha lam hawi (forest theme)-a chei unique polling station, 5/26-Saidan Polling Station chuan hlut a hlawh hle tih te; intlar ngai lova vote thlak theihna atana ruahman 5/16-Project Veng leh 5/28-Project Veng-II Polling Station-ahte inthlan a felfai zualin, chin zui zel atan a duhawm hle tih te sawi lan niin, District hmunpui aṭanga polling station hrang hranga thil thleng vil theihna tura 60% polling station webcasting tih leh vote thlak tura polling station pan harsatte tana home voting tih te chu zawngchhangthlak hlea hriat a ni bawk.

November ni 7-a inthlan buatsaih takah khan Kolasib District-a vote awm thei zawng zawng 63,456 (mipa 30,595 leh hmeichhia 32,861) aṭangin vote thlak nana hman Electoral Voting Machine (EVM)-ah vote 52,637 (mipa 24,954 leh hmeichhia 27,683) a tla a, chu chu 82.95% a ni a. Hriat theih chinah Kolasib District-ah postal ballot vote tla 980 awmin, EVM vote tla nen belh khawmin 53,617 a ni a, hei hi vote awm thei zat (63,456) aṭangin 84.49% a ni.

Election Commission of India (ECI) aṭangin thu thar dang a awm a nih loh chuan, MLA Inthlanpui 2023-a Kolasib District chhunga vote tlate hi December ni 3, 2023 (Pathianni) khian Government Kolasib College-a Counting Hall pathumah chhiar a ni ang.

08/11/2023

Kolasib-ah MLA Inthlanpui 2023 neih zawh taka Kolasib District chhunga assembly bial pathuma inthlan kalpui dan thlir ho a ni

2023 Sahmulphah thla ni 8: Vawiin khan November ni 7, 2023-a MLA Inthlanpui neih zawh taka Kolasib District-a assembly constituency pathum - 4-Tuirial (ST), 5-Kolasib (ST) leh 6-Serlui (ST) biala inthlan kalpui dan leh vote tlak dan thlir hona (post-poll scrutiny) chu he'ng bial pathuma General Observer Pu Anant Lal Gyani hovin Government Kolasib College-ah buatsaih a ni.

He hunah hian Kolasib District Election Officer & 5-Kolasib Assembly Constituency Returning Officer Pu John LT Sanga, 4-Tuirial AC Returning Officer Pi Melody Ngurthantluangi, 6-Serlui AC Returning Officer Pu Lalmuan Puia leh Assistant Returning Officer-te leh political party hrang hrang ai awhte an tel a. Police Observer Pu S. Chaitanya leh Kolasib District chhunga critical polling station 7-a micro observer-te an tel bawk.

Polling station-a inthlan buatsaihnaa thil fel lo complaint awmna emaw; EVM kaihhnawiha harsatna thlenna emaw; polling station-a vote thlak zinga an nihna finfiah nana EPIC aia ID Card dang hmang 25% aia tam an awmna emaw; assembly constituency khata vote tlak dan chawhrual aia za zela 15-a tam emaw, za zela 15-a tlem emaw vote tlakna polling station emaw; Election Commission of India-in enfiah ngai criteria a siam anga enfiah ngai polling station-te chu post-poll scrutiny hmang hian zir bing tur a ni a. He hunah pawh hian Kolasib District chhunga assembly constituency pathuma zir bing ngai polling station-te chu thlir ho niin, thil fel hlel leh rinhlelhawm a awm lo tih pawm tlan a ni.

November ni 7, 2023-a Kolasib District chhunga inthlan buatsaihah EVM/VVPAT khawl chiang lo thlak ngai pali a awm a. Polling station pahnihah inthlan vote thlak ṭan hmaa enchhinna (mock poll) kalpui laiin VVPAT khawl chiang lo thlak a ni a; polling station pakhatah mock poll kalpui laiin EVM Ballot Unit thlak a ni bawk a; vote 17 a tlak tawh hnua VVPAT thlakna polling station pakhat a awm bawk. He'ng polling station-ahte hian harsatna dang thleng lovin tluang takin vote thlak zawh theih a ni.

Vawiina post-poll scrutiny neih zawh hian General Observer leh official-te chuan constituency tin strong room kalh leh seal hmanga char fel tawh chu an enfiah leh a. Political party ai awhte awm laiin inthlanna lehkha pawimawh (election paper) dahna strong room pawh kalh a, seal hmanga char fel nghal a ni bawk.

07/11/2023

MLA Inthlanpui, 2023-ah Kolasib District chhunga polling station 89-ah tluang takin vote thlak a ni

2023 Sahmulphah thla ni 7: Mizoram Legislative Assembly Inthlanpui, 2023 buatsaihah Kolasib District chhunga assembly constituency pathum - 4-Tuirial (ST), 5-Kolasib (ST) leh 6-Serlui (ST) biala polling station 89-ahte vawiin khan tluang takin vote thlak a ni.

Polling station tinah Electronic Voting Machine (EVM) khawl ṭhat leh ṭhat loh enchhin nana mock poll neih hmasak a nih hnuah, zing dar 7-ah MLA Inthlanpui vote thlak hi ṭan a ni a. Tlai dar 4 thlengin vote thlak hun hawn niin, hemi hun chhunga vote thlak zawh hman lohna polling station ṭhenkhatah chuan polling area-a lut hman chin tan hun hi pawh sei a ni.

MLA Inthlanpui 2023-ah hian Kolasib District Election Officer Pu John LT Sanga chu 5-Kolasib (ST) Assembly Constituency-ah Returning Officer a ni a; 4-Tuirial (ST) Assembly Constituency-ah Deputy District Election Officer Pi Melody Ngurthantluangi chu Returning Officer niin, 6-Serlui (ST) Assembly Constituency-ah Kolasib DRDO Project Director Pu Lalmuan Puia chu Returning Officer a ni thung a; RO-te hi Assistant RO pahnih ṭheuhvin an pui bawk.

Kolasib District chhunga assembly bial pathuma MLA Inthlanpui buatsaih hi General Observer Pu Anant Lal Gyani, Expenditure Observer Pu Karni Dan leh Police Observer Pu S. Chaitanya te'n ṭhut chilhin, an vil bawk a. Observer-te leh RO-te hian inthlan kalpui dan endikin polling station hrang hrang an tlawh kual bawk a ni.

Kolasib District chhungah hian polling station 89 (Tuirial bialah 26, Kolasib bialah 29 leh Serlui bialah 34) a awm a. Tuirial biala polling station 3, Kolasib biala polling station 4 leh Serlui biala polling station 3, a zavaiin polling station 10 chu hmeichhe hlang duty-na (all women managed) polling station a ni a. 5/26-Saidan (Kolasib) Polling Station chu polling station dangdai bik (unique polling station) atana cheibawl niin, voter-te hip thei turin ngaw leh nungcha lam hawi (forest theme)-a chei a ni a. 5/28-Project Veng-II (Kolasib) Polling Station chu intlar ngaih lohna (queueless) polling station atana ruahman niin, vote thlak turte chu a chhungkua zelin an kal hun tur hunbi (time slot) ruahmana hrilh lawk vek an ni a; vote thlak tura hun tam tak khawh ral leh intlar ngai lovin voter-te chuan mahni vote thlak hun zelah polling station an pan thei hlawm a ni.

Kolasib District-a polling station 89-ahte hian polling party-te'n inthlan buaipuiin, tluang takin vote thlak a ni a. Kolasib District chhunga sector ṭhen 16-a Sector Officer-te chuan an huam chhung polling station-a vote thlak hi an vil reng a. Kolasib District chhunga critical polling station 7 te pawh a vil tura ruat bik Micro Observer-te'n an vil reng bawk a ni.

Kolasib District huam chhunga assembly constituency 3-a polling station 89 awmah vote thlak nana hman Electoral Voting Machine (EVM)-ah vote awm thei zawng zawng 63,456 (mipa 30,595 leh hmeichhia 32,861) aṭangin tlai dar 4 thleng khan vote 50,899 (mipa 23,733 leh hmeichhia 27,166) a tla a, chu chu 80.21% a ni.

Tuirial biala polling station 26-ah vote awm thei zawng zawng 18,366 (mipa 8,991 leh hmeichhia 9,375) aṭangin tlai dar 4 thleng khan EVM-ah vote 14,843 (mipa 7,057 leh hmeichhia 7,786) a tla a, chu chu 80.82% a ni.

Kolasib biala polling station 29-ah vote awm thei zawng zawng 23,970 (mipa 11,296 leh hmeichhia 12,674) aṭangin tlai dar 4 thleng khan EVM-ah vote 18,520 (mipa 8,312 leh hmeichhia 10,208) a tla a, chu chu 77.26% a ni.

Serlui biala polling station 34-ah vote awm thei zawng zawng 21,120 (mipa 10,308 leh hmeichhia 10,812) aṭangin tlai dar 4 thleng khan EVM-ah vote 17,536 (mipa 8,364 leh hmeichhia 9,172) a tla a, chu chu 83.03% a ni.

K*m upa leh vohbik, vote thlak tura polling station pan harsatte leh election duty leh essential service duty avanga inthlan nia mahni vote neihna polling station hmuna vote thlak thei lo turte tana postal ballot hmanga vote thlak theihna hawnah, hriat theih chinah Kolasib District-ah postal ballot vote tla 975 a awm a. Vawiin tlai dar 4 thlenga EVM vote tla leh postal ballot vote tla zat belh khawm chu 51,874 a ni a, chu chu vote awm thei zat (63,456) aṭangin 81.75% a ni.

Kolasib District chhunga polling station 89-a inthlan buatsaihtu polling party-te hian vote thlak zawh fel hnuah Kolasib an pan khawm leh nghal a. District Election Officer leh Returning Officer-te hovin strong room awmna, Government Kolasib College-ah lo hmuah niin, EVM/VVPAT chu strong room-ah dah luh a, kalh hnan nghal a ni a. Strong room hi sipaite'n an veng zui nghal a. Ruahman lawk dan chuan, MLA Inthlanpui 2023-a Kolasib District chhunga vote tlate hi December ni 3, 2023 (Pathianni) khian Government Kolasib College-a Counting Hall pathumah chhiar a ni ang.

Address

New Diakkawn
Kolasib
796081

Website

facebook.com

Alerts

Be the first to know and let us send you an email when Kolasib TIMES posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kolasib TIMES:

Videos

In Loving Memory of Queen Elizabeth II

Martarte Ni

SUPPLY MINISTER-IN KOLASIBAH MARTARTE NI HMANPUI Ex-MNA buatsaihin Hnam Run, Kolasibah Martarte ni hman a ni a, Kolasib bialtu leh Supply Minister ni bawk Pu K.Lalrinliana'n he hun hi a hmanpui. Martar-te ni hi kum dangah chuan MNF Party kaihruaina in ropui taka hman ṭhin a ni a, kuminah erawh chuan Covid-19 hrileng karah sawrkar inkaihhruaina dan zawm a ngaih vangin, Ex-MNA kaihhruaina in Hnam Run, Diakkawn Kolasibah hman a nita a ni. He hunah hian mizo hnam pasaltha ram leh hnam chhan nana Martar tate zahna lantirnan Minute khat chhung ngawireng a suna hun hman a ni bakah an puala lungphun siam (Memorial Stone) ah pangpar dahna hun hman a ni bawk. Pu Lalzawmmawia, President MNF Kolasib Block chuan “Martar-te thisen avangin Mizo hnam hi khawvel hriat a nih mai bakah, Sakhuana lamah pawh hmasawnna nasa tak kan nei a ni” a ti. He hunah hian PAMRA, MURA aiawh leh Martar chhungte a thusawina hun hawn a ni bawk. Minister Pu K.Lalrinliana chuan thusawiin, vawiin a Martar-te pual a hun hmanna ah hian mipui tam zawk leh ropui zawk a hman theih a duhawm hle thu a sawi a, hrileng vangin ram tana nun chhan tate zahna ropui taka lantir a ni thei lo chu pawi a tih thu sawiin a khawhar thlak hle a ti a. Unit leh Frontal lama Members leh hruaitute pawhin he ni hi an ngaih pawimawh hle thu a sawi bawk. Pu Rintea chuan “Khawvel awm chhung chuan, ram tana nunna hlantute hlutna hi a reh ngai dawn lova, ram leh hnam tana Martar-te sawi bawrhban leh sawinep tumtute hi an ngaihtuah tawi vang mai a ni a, Pu Laldenga'n ‘Moral Reform kan mamawh a ni’ a tih hi a dikzia a lo lang chiang chho zel a ni” a ti. Pu Rintea chuan Mizoram tana rammu leh nunna chan hial a Martar-te hnathawh leh inpekna chuan rahtha chhuah zelin chhuantharte thlengin malsawmna an dawn phah a ti a. Mizoram State in tunhnaia harsatna kan tawhna hrang hrangah pawh State thenawma awm zohnahthlak unaute tanpuina kan dawng zel a. Ramri buaina vanga Oil lamah harsatna kan tawh pawn kan Driver-te’n hmun

MIZORAM ENGINEERING SERVICE ASSOCIATION (MESA)TEN JCB OPERATOR ASSAM POLICE KUTTUAR THILPEK HLAN Mizoram Engineering Service Association ten September ni 2, 2021 a Assam Police kuttuar Pu Lalnarammawia chu a chenna in Kolasib Vengtharah an kan a. Pu Lalnarammawia hi JCB Operator niin ni 2 September 2021 khan Aitlang hmunah a hnathawk lai chu Assam Police-te chuan tibuaiin a hnathawhna hmunah hian an Assam Police te kut a tur a a lirthei pawh he hunah hian a chhe nual a ni. He thil thleng hi MESA-te chuan pawi an tiin, Assam Police-te chet dan chu an dem tak zet a, Pu Lalnarammawia’n Assam Police-te sawisak a tawk chu an tawrhpui zia lantirnan leh a hna, a chhunzawm leh vat theihnan inenkawlna turin pawisa fai Rs. 15,000/- a nupui Pi Lalnunfeli hnenah Pu H. Lalsiamliana, Sr.EE, PHED Kolasib Watson Division leh Pu Lallawmpuia, SDO ten Mizoram Engineering Service Association (MESA) aiawhin thilpek hi an hlan a ni. MESA-te hian Vairengte Joint Village Council, Phainuam Village Council, Saihapui ‘V’ village Council, Kanhmun Village Council, Saikhawthlir Village Council-ah te tanpuina an lo hlan tawh bawk a ni. Mizoram Engineering Service Association (MESA) hi Kum 1972 adin niin tunah hian Mizoramah member 365 an awm mek bawk..

Remsiami

Zoram mipui chungah Remsiami'n lawmthu a sawi

Vehicles bound for Mizoram

Mizoram bound trucks released Vehicles stranded in Mizoram House, Silchar - Oil tankers, trucks carrying oxygen, Gas and private vehicles are bound for Mizoram.

Mizoram giving free food and shelter to stranded Truck drivers from outside the state by free donations from people.

Rice and Pigs donated

Buhfai leh Vawk pe Vawiin khan Ramri a duty kan sipaite ei turin Anggu Lalengmawia, AUVA Gas Agency, Vairengte leh Henry L. Hlawnmual, Delhi te chuan Buhfai Kg. 50 bag 18 nos. leh Vawk pahnih chu Vairengte Police Station ah an hlan. Pu Anggu hian Vairengte Community Covid Care Centre awm te ei tur Buhfai bag 2 a pe bawk.

Assam take the first shot

THERE WAS NO WAY MY MEN COULD HAVE FIRED FIRST: KOLASIB SP “I was negotiating with the Assam IG. I was telling him we should settle things peacefully. Suddenly, a shot went off from the Assam side. Since I was on the Assam side, there was no way my men could have fired first. But when they came under fire, they responded. That is what happened.” - Vanlalfaka Ralte, Superintendent of Police, Kolasib

Home Minister a lo thleng e

Home Minister hoin, Minister 4 leh MLA 1 te nen Forest IB, Vairengte-ah hun an hmang mek e

Mizoram leh Assam sipaite an inkap

🎥 lawma chhakchhuak

MP RS K. Vanlalvena, Buarchep tlawhna

Rajya Sabha MP thusawi @Buarchep

KT

Bairabi a Mau Hardening-na neitupa chuan a Mau chi hming a hre lo a. Mau chi 1 cheng 30 in nuai 1 a chah mek pawh a hming zu han hre lo a. Chief Minister bakah Horticulture deptt hotu pawhin a tlawh tawh thu a sawi. Hemi bulah hian Bairabi Pa-in Mau hardeningna hmun a nei bawk.

Vid

Muliwala Lower Primary school, Nutun Bosti tukin zingkar a bomb puak Mizoram leh Assam police ten an enfiah.

Meeting

National Highways and Infrastructure Development Corporation Limited ten four lane an siam turah Kawnpui leh Bualpui ram chhunga survey neih zawh tawha compensate la tur, kawngin a tan tlang tur ram neitute list siamfel tawh chu VC ten pawmpuiin, Ministry of Road Transport Highways approve tura database a thun tura tihfel a ni.

Vid

*INNER LINE RESERVE AREA-A ASSAM SCHOOL HI AN SA CHHUNZAWM ZEL A NIH CHUAN ZOFATE CHAWLHBUK KAN SA VE ANG.* *MZP SUB-HQRS, BAIRABI PRESS RELEASE* Ni 13/01/2021 (Nilaini) khan Bairabi Zophai 1st IR camp bul, Inner Line Reserve Area-a Assam School chei that tuma hma lakna thar awm chu MZP Sub-Hqrs Bairabi hruaituten an tlawh a, he School hi an sa chhunzawm zel a nih chuan Zofate chawlhbuk sa ve turin MZP chu a inring reng a ni tih MZP Sub-Hqrs, Bairabi hruaituten an sawi. He school hi hun rei tawh tak atang khan an rohsan tawh a, tunhnaiah leirawhchan (Brick), leh iron rod te inchhawp tharin hmathar an la leh tih MZP in a hriatin Dt. 09/01/2021 khan a hmunah kal nghal a ni a, hna hi lo thawk mekin, hnathawk te hi hnawh kian niin bungrua te la sawn a, hna chhunzawm tawh lo tura hriattir an ni. A kiang maia awm IR Camp-a awmte pawh theihtawp chhuaha lo thlithlai turin MZP Sub-Hqrs, Bairabi chuan a ngen a, vawiin ni 13/01/2021 (Nilaini) khan MZP hruaitute hi va kal lehin vaiho hian hna erawh an lo chhunzawm hrih lo niin an hnuhma atangin a hria a, an chhunzawm lohnan a vil reng dawn bawk a ni. *Zophai 1st IR camp kiang, Inner Line Reserve Area (509 sq miles) chhunga Vai school building rohsan tawh hi Assam sorkar hian a thar thawh leh a an sa lui zel a nih chuan, ZOFATE CHAWLHBUK sakna tura Ban zawmsa kan neih hi phun a, Zofate chawlhbuk sa ve nghal turin MZP chu a inring reng a ni tih MZP Sub-Hqrs, Bairabi hruaitute chuan an sawi a ni. *Tanrual hi chakna* *Issued by : Mizo Zirlai Pawl (MZP) SUB-HQRS, BAIRABI*