Bahzar News

15/01/2025

LUIS DIAZ:
'Ka naupan laiin Argentina jersey ka nei thin a, ka thiante hnênah Messi min pek ka ti a, an awih thei lutuk.

'Messi ka hmuh hnuah a jersey ka dil a, naupan laia ka dâwt sawi chu ka hrilh bawk a. Ani chuan, 'I jersey chu rawn keng la, hming ka lo ziak ang a, i dâwt sawi chu thu dikha kan chantir dawn nia' a ti a. Ka jersey min dil bawk a, ka pek hnu chuan, 'Ti khan I thiante hnênah Messi'n jersey min dil tih hrilh la,' a ti bawk a.

'A felin a zakzum angreng khawp mai. Ka idol a la ni reng.'

13/01/2025

FRANKLIN GRAHAM CHUAN PATHIANIN CALIFORNIA A HREM A RING VE LO

January 13, 2025 (Monday): Bahzar World News

05/01/2025

MTA HRUAITU thar


Mizoram Tipper Association (Driver's & Owners), District Headquarters, Kolasib, 2025-2027 chhunga hruaitu tur thlan thar te -

President: H. Lalchhanchhuaha, Venglai, Kolasib
Vice President: Rohmingliana, Gosen Veng, Kolasib
Treasurer: Lalthara, Diakkawn, Kolasib.

05/01/2025

MISSIONARY HNA RUAK


A hnuaia mi ang hian Presbyterian Kohhran, Diakkawn, Kolasib chuan Missionary pakhat a la dawn a. Qualification a awm hran lo. Hrechiang duh tan milem/thlalak (picture) ah hian zawh fiahna tur phone number a awm nghal e.

24/12/2024

URLAWK NI BAZAR


DT. 24th December 2024, Urlawk Ni, Kolasib Diakkawn Bazar

22/12/2024

KOLASIB TIPPER ASSOCIATION TE AN LUANG CHHUAK


Vawiin, Dt. 22.12.2024 khan Mizoram Tipper Association (Driver's & Owner's) District Hqrs. Kolasib-te chuan Luan chhuah Programme neiin, TNT, Kolasib Khuangpuilam leh, Audrine Schism Children's Home, Khuangpuilam-ah Buhfai, Dal leh Nutella te an pe a, Kolasib Veng hrang hranga hmeithai leh harsa zual bik ni-a an hriat, thlan chhuah bikte hnenah chhawmdawlna sumfai an hlan tel bawk.

22/12/2024

POLICE 250 CHUANG LA THAR DAWN


Mizoram sorkar hnuaiah Police Constable 250 chuang lak thar an ni dawn. K*m 18-28 chin tan dil theih a ni. Thlalakah hian hriat tur kimchang a awm e

19/12/2024

MSCU, KOLASIB BRANCH HAWNG


Dt. 19th December, 2024 (Thursday): Vawiin chawhma dar 11 khan District Co-operative Office, Kolasib-ah Mizoram State Co-operative Union (MSCU), Kolasib Branch hawnna hun hman a ni.

MSCU Branch, Kolasib hawnna inkhawm hi Pu K. Lalduhawma, CEO, MSCU-in a kaihruai a. Hruaitu thar puan chhuhna leh Appointment Order hlanna chu Chairman kaihhruainain Pu K. Lalchamreia, President, MSCU-in a nei a. Heng mite hi MSCU, Kolasib Branch Adhoc Board of Directors atana ruatte chu an ni -

President: Pu B. Lalremliana, Kolasib Multipurpose Co-operative Society Ltd.
Vice President: Pu Lalthlamuanga, Saipum M-PACS Co-operative Society Ltd.
Member Secretary: Pu Cross P. Hlychho, CAO, Kolasib

Board of Directors:
1. Pu Lalmuanpuia, Kawnpui Consumer Co-operative Society Ltd.
2. Pu Hmangaihzuala, Kolasib Consumer Co-operative Society Ltd.
3. Pu R. Lalhmingthanga, Kolasib Agro-Marketing Co-operative Society Ltd.

Ex-Officio: Pu Lalthlamuana, DCO, Kolasib.

He inkhawma thusawitu Pu K. Lalchamreia, MSCU President chuan Mizoram District zawng zawngah MSCU Branch hawn tum a nih thu sawiin, Serchhip-ah hawn a ni tawh a, Kolasib chu MSCU Branch pahnihna a ni a, district dangah pawh hawn belh zel a ni ang a ti a. District tinah Co-operative Society-te inzawm khawm pawl lo ding tawh mah se, sorkar hriatpuia MSCU Branch din chu Society-te hmalam hun atana thil pawimawh tak a nih avangin chak taka hma lak zel a ni ang a ti bawk.

Kolasib-a MSCU Branch hawnna inkhawmah hian Mizoram State Co-operative Union (MSCU) atangin President Pu K. Lalchamreia leh Pu K. Lalduhawma, CEO-te bakah Board of Directors member Pu Lalrinliana Royte leh Pu Zailianthanga-te an tel a ni.

Tun dinhmunah Kolasib District-ah hian Registered Co-operative Society 113 an awm mek a ni.

17/12/2024

BILKHAWTHLIR OUTPOST HUAMCHHUNGAH DUTY NGAWRH DAWN


Vawiin, Dec 17, 2024 (Tuesday) chawhnu dar 3 khan Bilkhawthlir Police Outpost Officer Incharge Pu C.Lalhrezuala chuan Bilkhawthlira Village Council 2 te leh YMA Branch hruaitute bakah Buhchangphai leh N.Chawnpui lam khawtlang hruaitute Police Outpost-ah ko khawmin, Krismas leh K*mthar vuakveta khawtlang himna tur chungchang an sawiho.

He hunah hian Branch hrang hrangten hmalak an tum dan theuh an tarlang a, Kualmawi Branch YMA-in Library-ah duty-in, chuta tang chuan veng chhunga kual thin an tum a; Dawrveng leh Kawnveng chuan a hranpaa duty post siam lovin a tul anga chhuah thin ni se an ti a. Tuithaveng chuan YMA Runah duty thin an tum a; Kharzawl pawhin duty neih an tum bawk a. N.Chawnpui lamin duty neih an tum lo va, Buhchangphai lam chuan ngawrh taka duty hi kalpui an tum bawk a ni.

Kalkhawmte hian puakthei thil khap a nih chungchang pawh veng tin FLS atangin puan thin ni se an ti a, khawtlanga boruak muanawm tak a awm theih nan duty ngawrh taka neih ni se, Police te pawh kal kualin, duty post te pawh a zing thei ang ber tlawh se an ti bawk.

17/12/2024

DC BANGLA TLAWH THEIH


Zanin, Dec 17, 2024 (Thawhlehni) zan atang hian Krismas leh K*mthar puala Kolasib DC chenna (Bungalow) chei chu a duh apiang tan tlawh theih a ni leh dawn ta.

DC Bangla hi tlai lam dar 5:30 atanga zan dar 10 thleng mipuite tan hawn a ni ang. Lirthei tlan luh phal a ni lo a, meizial zuk phal a ni lo a, zu leh ruihtheih thil ken luh phal a ni lo a, rui chunga luh phal a ni lo bawk a ni

Kolasib DC Bangla hi k*m eng emaw zat liam ta atang khan Mas leh K*mthar pualin chei a ni thin a, a duh apiang tan tlawh theihin hawn a ni thin a ni

17/12/2024

ZERO-TOLERANCE CHECK


Kolasib (Traffic) Police-te chuan December ni 15-22 chhung hian Kolasib-ah 'No-Tolerance Week' hmangin, lirthei khalhtute leh lirthei document-te an endik mek a. Lirthei khalhtute chu document felfai nena khalh chhuak turin an hriattir.

(Attached: Diakkawn Square-a lirthei endik lai, 17.12.24)

16/12/2024

MJA-TEN THILPEK HLAN


Vawiin, Dec 26, 2024 (Monday) khan MJA, Kolasib District-te chuan k*m tina an tih thin anga Christmas Charity atana an pawisa leh thawhnaw thawh khawm te chu Golgotha Camping Centre, Vairengte-ah an hlan.

MJA te hian an pawisa thawh khawm hmang hian Buhfai bag 4 an lei a ni.

Golgotha Camping Centre -ah hian awm mek (inmates) 142 awmin, thawktu 63 an awm mek bawk a ni.

15/12/2024

MAXI-CAB HRUAITU THAR


Dt.14.12.2024 khan Kolasib Maxi-cab Driver's Association K*m 2025 hruaitu tur thlanna neih a ni a, hetiangin:

1, President : H.Lalremruata
2, Vice President : Danny Lallawmkima
3, Secretary: Nicky K.Lalrokina.
4, Asst. Secretary: A.Lalhlimpuia
5. Treasurer: Kawldingliana
6. Fin. Secretary: Joseph Laltlankima

Kolasib District Driver's & Owner's Joint Action Committee hruaituten an inthlan pui a ni.

09/12/2024

POLLUTION TEST TUM TAM


Tuithaveng-a lirthei Pollution Test tumin lirthei neitute an intlar tam hle.

08/12/2024

*42nd BKI National Karate Championship Medal 8 la*


Dt. 6-8.12.2024 chhunga Puttur, Karnataka-a 42nd BKI Natiinal Karate Championship khelh zawh takah BKI Mizoram Branch aiawhten Medal 8 an la. Medal latute:

John Lalchungnunga - Blackbelt 40+yrs. Individual Kata - Bronze Medal

Zoremmawia Hlondo
Blackbelt 30-40yrs Individual Kata - Bronze Medal

Henry Vanlalrinawma
Blackbelt 17yrs
Individual Kata - Gold Medal

K*mite 50-55kgs - Silver Medal

Isaak Lalpianhuna Hlondo
Blackbelt 12yrs Individual Kata - Gold Medal

K*mite Below 30kgs - Silver Medal

Ethan Lalngaihawma
8-9 yrs Individual Kata - Gold Medal

K*mite below 25kgs - Bronze Medal

Gold Medal - 3
Silver Medal - 2
Bronze Medal - 3

BKI Mizoram Branch Team te hian kawng hrang hranga ṭanpuitute chungah lawmthu an sawi.

03/12/2024

KOLASIB-AH STATE HANDLOOM EXPO
- Bana kaih turten ban lo phar ve a ngai - HM -


Dated Kolasib the 3rd December 2024: Vawiin khan Hathkargha Mela-State Handloom Expo, Kolasiba Taitesena Hall, Venglai a buatsaih chu Pu K Sapdanga, Home Minister, Mizoram chuan a hawng.

He hunah hian Khuallian, Pu K Sapdanga, Home Minister chuan thu sawiin, Sawrkar chuan mipuiten mahni kutkawih a eizawnna an neih theih nana tanpuitu atan PSU thenkhat te chu a kai-tho leh a ni, a ti a. Zohandco chu sumdawnga sum siam nghal tu tur ni lovin a tam thei ang bera zo faten mahni a eizawnna an hmuh theih nana hmahruaitu leh zirtirtu tur an ni, a ti. Mahni kutkawih a eizawn a pawimawh zia sawiin, 'Leilung nena inzawm eizawnna a tamna apiangah ram a hausa thin a ni,' a ti. Sawrkarin a kalpui mek Banakaih Policy pawh Ban a kai tur chuan ban lo phar ve angai a ni, a ti a, chuti lo chuan kaihna tur Sawrkar in a hre dâwn lo a ni, a ti.

25/11/2024

MU (EAGLE) HLIAM TUAR KOLASIB DISTRICT-AH CHHANCHHUAK


November 25, 2024 (Monday): Hortoki-ah Muvanlai (Crested Serpent-eagle) hliam tuar an chhar chu chiu (jection) a nih hnuin vawiin khan Dy Conservator of Forest, Aizawl Wildlife Division-ah him taka thawn chhoh a ni a, k*min chhungin Mu chi hliam pathum chu Kolasib aṭangin Aizawl Wildlife Division-ah hian thlen an ni tawh a ni.

Inrinni khan Muvanlai hliam tuar hi Pu V Lalhruaizela, PES Teacher, Hortoki chuan chharin Honorary Wildlife Warden Pu Christopher JZ Lawlor, Kolasib hnenah a hriattir a, ani hian Chawlhni khan zuk lamin vawiin khan District Vety Hospital, Kolasib-ah vety doctor-ten a hriselna an en fiah nghal a ni. Vety Doctor-te chuan a thlaah hliam tenau a awm niin an sawi a, Nachhâwkna-in an chiu hnuah vawiin tlai khan Dy Conservator of Forest, Aizawl Wildlife Division-ah thawn chhoh leh a ni.

Kar kalta Thawhṭanni pawh khan Phaisen, Kolasib district-ah 'Mukhuaila' hliam tuar chu Pu Lalnunzira, Buhchangphai (Phaisen peng) a mi chuan chharin Honorary Wildlife Warden, Kolasib district-ah a report tawh bawk a. Hemi hma k*min August 18 pawh khan Kolasib Project Veng mi pahnih Pu Michael Lalnunhlua leh Pu Lalrinawma te chuan 'Muvanlai' hliam tuar tho chu Honorary Wildlife Warden kutah an lo hlan tawh bawk. Heng sava te hi enkawlna pek an nih hnuah Dy Conservator of Forest, Aizawl Wildlife Division-ah him taka thawn chhoh an ni ve ve tawh a ni.

[Credit: Kolasib AW & Christopher Z Lawlor]

25/11/2024

MIZORAM CALENDAR HRALH DAWN


MIZORAM CALENDAR, 2025 HRALH DAWN

Mizoram Calendar chu naktuk ni 26.11.2024 (Thawhlehni) hian Mizoram pumah hralh chhuah a ni dawn a. Kolasib-ah pawh zing lam dar 10:30 AM atangin DIPRO Office, Project Veng-ah hralh chhuah a ni dawn a; pakhat man ₹ 70/- a ni ang.