Evergreen media, Kochi (2025)

10/05/2025

കഷ്ടപാടുള്ളവന് എവിടെ ചെന്നാലും കഷ്ടപ്പാടായിരിക്കും എന്നൊരു പഴമൊഴിയുണ്ട്. അക്ഷരാർത്ഥത്തിൽ അങ്ങനെയൊരു കഷ്ടപ്പാടുള്ളവന്റെ കഥയാണ് സർക്കീട്ട്. ഒരു വലിയ പ്രശ്നത്തിൽ പെട്ട് നിൽക്കുമ്പോൾ അതിൽ നിന്നും രക്ഷപ്പെടാനുള്ളൊരു ശ്രമം അതിലും വലിയൊരു പ്രശ്നത്തിലേക്ക് അമീറിനെ ചെന്നെത്തിക്കുന്നു. ഏതാണ്ട് എരിതീയിൽ നിന്ന് രക്ഷപ്പെടാൻ ശ്രമിച്ച് വറ ചട്ടിയിലേക്ക് എത്തിയത് പോലെ..

ജെപ്പു എന്ന Attention-Deficit Hyperactivity Disorder അഥവാ ADHD എന്ന മാനസിക പ്രശ്നമുള്ള കുട്ടിയുമായി ബന്ധപ്പെട്ട് നിരവധി മാനസിക സംഘർഷങ്ങളിലൂടെ കടന്നു പോകുന്ന ബാലുവിന്റെയും സ്റ്റെഫിയുടെയും ജീവിതത്തിലേക്കാണ് സംവിധായാകൻ ആദ്യം തന്നെ പ്രേക്ഷകരെ കൂട്ടി കൊണ്ട് പോകുന്നത്. ബാലുവിന്റെയും സ്റ്റെഫിയുടെയും പ്രണയവിവാഹം ആയിരുന്നു. അത്കൊണ്ട് തന്നെ ഇരുവരും അവരവരുടെ വീട്ടുകാരുമായി അത്ര നല്ല ബന്ധത്തിലല്ല. ബാലു ദുബായിൽ ഒരു ബാങ്ക് ജീവനക്കാരനാണ്. സ്റ്റെഫി ആശുപത്രി ജീവനക്കാരിയും. ഇരുവരുടെയും മകനാണ് ജെപ്പു എന്ന സിനിമയിലെ പ്രധാന കഥാപാത്രം. ആൾ ADHD എന്ന മാനസിക പ്രശ്നമുള്ള കുട്ടിയാണ്. അതായത് അനാവശ്യമായ പിടിവാശി കാണിക്കുന്ന ജെപ്പു ചെല്ലുന്നിടങ്ങളിലൊക്കെ വലിയ പ്രശ്നക്കാരനാണ്. വീട്ടിലും ആളൊരു തനി പ്രശ്നക്കാരനാണ്. അത്കൊണ്ട് തന്നെ ജെപ്പുവിനെ വീട്ടിലെ മുറിയിൽ പൂട്ടിയിട്ടാണ് സ്റ്റെഫിയും ദിവ്യയും ജോലിക്ക് പോകുന്നത്.സിനിമയിൽ പാരലലായി രണ്ട് കഥ നടക്കുന്നുണ്ട്. അതിലൊരു കഥ സ്റ്റെഫിയുടെയും ദിവ്യയുടെയും ജീവിത പ്രശ്നങ്ങളിലൂടെ മുന്നോട്ട് പോകുന്നു...

ഇതേ ദുബായിൽ ജോലി അന്വേഷിച്ച് വിസിറ്റിംഗ് വിസയിലെത്തിയ 27 വയസുകാരനാണ് അമീർ. അമീർ രണ്ടാം തവണയാണ് ജോലി അന്വേഷിച്ച് ദുബായിലെത്തുന്നത്. Recommend ചെയ്യാൻ ആളില്ലെങ്കിൽ ദുബായിൽ ഒരു ജോലി അതത്ര എളുപ്പമല്ല. നിരവധി ഇന്റർവ്യൂകളിൽ പങ്കെടുക്കുന്നുണ്ടെങ്കിലും അമീറിന് ജോലിയൊന്നും ലഭിക്കുന്നില്ല. എങ്ങനെയെങ്കിലും ഒരു ജോലി നേടിയേ മതിയാകൂ. കാരണം വിസിറ്റ് തീരാൻ ഇനി ദിവസങ്ങളേയുള്ളൂ. സി വിയുമായി കയറിയിറങ്ങാൻ ഇനിയൊരു കമ്പനിയില്ല. താമസിച്ച റൂമിൽ നിന്നാണെങ്കിൽ റെന്റ് കൊടുക്കാതിരുന്നത് മൂലവും മറ്റ് കാരണങ്ങളാലും പുറത്തിറങ്ങേണ്ടി വന്നു. അങ്ങനെ നിസ്സഹായതയുടെ പടു കുഴിയിൽ നിൽക്കുന്ന അമീറിനെ തേടി ഒരു കമ്പനിയിൽ നിന്നും പ്രതീക്ഷയുടെ പുൽനാമ്പ് പോലെ ഒരു ഫോൺകോൾ വരുന്നു. അതെ നേരത്തെ ഇന്റർവ്യൂവിന് പോയ കമ്പനിയിൽ നിന്നുമാണ് ഫോൺകോൾ. അതും ജോലി നൽകാൻ തന്നെ. എന്നാൽ ആ ജോലി എളുപ്പത്തിൽ ലഭിക്കില്ല. അതിനായി അമീർ അല്പം കൂടി കഷ്ടപ്പെടണം. അമീർ എന്ന യുവാവിന്റെ ജോലി തേടിയുള്ള ഈ യാത്രയാണ് മറ്റൊരു കഥ.

എങ്ങനെയെങ്കിലും ഒരു ജോലി തരപ്പെടുത്തിയെടുക്കാനുള്ള അവസാനത്തെ കൈവിട്ട ശ്രമത്തിനിടയിൽ തികച്ചും അവിചാരിതമായി അമീർ ജെപ്പുവിനെ കണ്ട് മുട്ടുന്നതും തുടർന്നുണ്ടാകുന്ന പുതിയ പ്രശ്നങ്ങളും പിന്നീട് അവർക്കിടയിൽ രൂപപ്പെടുന്ന സൗഹൃദവും ഒക്കെയയാണ് സിനിമയുടെ രണ്ടാം പകുതി മുന്നോട്ടു പോകുന്നത്.

സിനിമ അതിന്റെ യഥാർത്ഥ ട്രാക്കിലേക്ക് കയറി വരാനെടുക്കുന്ന സമയമാണ് പ്രധാനമായുള്ള പ്രശ്നം. ആദ്യ പകുതി മുഴുവൻ സംവിധായാകൻ ഇതിനായി വിനിയോഗിച്ചു. എന്നാൽ സിനിമ ട്രാക്കിൽ കയറിയതിന് ശേഷമുള്ള രണ്ടാം പകുതി അല്പം കൂടി എൻഗേജിങ്ങായിരുന്നു. ആദ്യ പകുതിയിൽ ബാലുവിന്റെയും സ്റ്റെഫിയുടെയും ജീവിത പ്രശ്നങ്ങളിൽ കിടന്ന് കൂടുതൽ ചുറ്റി തിരിയാനാണ് സംവിധായാകൻ ശ്രമിച്ചത്. ഇത് ആദ്യ പകുതിയെ എൻഗേജിങ്ങായി നിർത്തുന്നതിനെ ബാധിക്കുന്നുണ്ട്.

അങ്ങനെ പറയാൻ മാത്രം വലിയ കഥയൊന്നുമില്ല. വൈകുന്നേരങ്ങളിൽ വെറുതെ ഇരിക്കുമ്പോൾ ഫാമിലിയെ ഒക്കെ കൂട്ടി പുറത്ത് സർക്കീട്ട് പോകുന്നത് പോലെ വെറുതെ കണ്ടിരിക്കാം. സിനിമയിൽ പ്രവാസ ജീവിതത്തിലെത്തി ജോലിക്കായി സ്ട്രഗിൾ ചെയ്യുന്ന അമീറിനെ സംവിധായാകൻ മനോഹരമായി അവതരിപ്പിച്ചിട്ടുണ്ട്. സിനിമയുടെ രണ്ടാം പകുതിയിൽ രൂപപ്പെടുന്ന അമീർ ജെപ്പു കൂട്ട്കെട്ടും അവർക്കിടയിലുണ്ടാകുന്ന പ്രശ്നങ്ങളും അതിൽ നിന്ന് കരകയറാനുള്ള ശ്രമങ്ങളുമൊക്കെ ഭംഗിയായി എടുത്തു വെച്ചിട്ടുണ്ട്. വൈകാരിക മുഹൂർത്തങ്ങൾക്കും സിനിമയിൽ പ്രാധാന്യമുണ്ട്. അത്തരം അവസരങ്ങളിലൊക്കെ ആസിഫ് അലി തന്നിലെ നടനെ പീക്ക് ലെവലിൽ ഉപയോഗപ്പെടുത്തി അമ്പരപ്പിക്കുന്നുണ്ട്. ആസിഫ് അലി വെറുതെ വന്നു നിന്നാൽ പോലും സിനിമ എൻഗേജിങ് ആവും. അത്രയ്ക്ക് മനോഹരമായാണ് അയാൾ അഭിനയിക്കുന്നത്. സിനിമയുടെ ഇടക്ക് കൊണ്ട് വരാൻ ശ്രമിച്ച പിതാവുമായുള്ള രംഗങ്ങൾ ഒരു അനാവശ്യമായ ഏച്ചുകെട്ടൽ ഫീലിങ്ങായിരുന്നു നൽകിയത്.അവസാനം നല്ലൊരു ഫീൽ ഗുഡ് ക്ലൈമാക്സ്‌ നൽകാൻ സംവിധായകൻ മറക്കുന്നില്ല.ബാലുവായി അഭിനയിച്ച ദീപക് പറമ്പോളിന് സിനിമയിൽ ഏറെ സ്പെയ്സുണ്ടായിരുന്നു. നിരവധി മാനസിക സമ്മർദ്ദങ്ങളിലൂടെ കടന്ന് പോകുന്ന ബാലു എന്ന കഥാപാത്രം അയാളുടെ കയ്യിൽ സുരക്ഷിതമായിരുന്നു.

കുട്ടികളുമൊത്ത് ഫ്രീ മൈൻഡിൽ കാണാൻ പറ്റിയ ഒരു കൊച്ചു ചിത്രം. ഒരു രസകരമായ കുറച്ച് സമയം നിങ്ങൾക്കും ഫാമിലിക്കും ലഭിക്കും എന്നതിനപ്പുറം ഒന്നുമില്ല.

02/05/2025

സാധാരണ കരിക്ക് ടീം ഒരു എപ്പിസോഡുമായി വന്നാൽ കുറച്ചു ദിവസത്തേക്ക് സോഷ്യൽ മീഡിയയിലെ പ്രധാന ചർച്ചാ വിഷയമായി അത് മാറാറുണ്ടായിരുന്നു. എന്നാൽ something fishy യുടെ കാര്യത്തിൽ അതുണ്ടായില്ല. കരിക്കിനെ ഇഷ്ടപ്പെടുന്നവരിൽ പലരും ഇങ്ങനെയൊരു എപ്പിസോഡ് ഇറങ്ങിയത് പോലും അറിഞ്ഞില്ലെന്ന് തോന്നുന്നു. അതിന്റെ പ്രാധാന കാരണം കരിക്കിൽ നിന്നും പ്രേക്ഷകർ പ്രതീക്ഷിക്കുന്ന കോമഡി ഒന്നും ഈ എപ്പിസോഡിൽ വർക്ക്‌ ആവാതിരുന്നത് കൊണ്ടാകാം.

ഇനി something fishy ലേക്ക് വന്നാൽ ഒരു ഇൻവെസ്റ്റിഗേഷൻ മൂഡിലാണ് എപ്പിസോഡ് പോകുന്നത്. ഒരു ത്രില്ലർ മോഡിൽ പ്ലോട്ട് കൊണ്ട് പോകാനുള്ള സ്കോപ്പ് ഉണ്ടായിരുന്നെങ്കിലും കോമഡി ട്രാക്ക് ആണ് ടീം തിരഞ്ഞെടുത്തത്. എന്നാൽ കോമഡികൾ വർക്ക് ആയോ എന്ന് ചോദിച്ചാൽ അതുമില്ല. തുടക്ക കാലത്തുള്ള അതേ നിലവാരത്തിലുള്ള കോമഡികളുടെ കാലം കഴിഞ്ഞുവെന്ന് കരിക്കിന് ഇതുവരെ മനസിലായിട്ടില്ലെന്ന് തോന്നുന്നു. ഞാൻ പോയി സെറ്റിൽ മെന്റ് ചെയ്യട്ടെ എന്ന് പറയുമ്പോൾ ഈ സമയത്താണോ നീ ഷട്ടിൽ കളിക്കാൻ പോകുന്നത് എന്നൊക്കെ പറയുന്ന ജോർജിനെ കാണുമ്പോൾ സഹതാപം ആണ് തോന്നുന്നത്. ഇതുപോലുള്ള ദിലീപ് ടൈപ്പ് കോമഡികളുടെ അതിപ്രസരം സീരീസിൽ ഉടനീളം ഉണ്ട്.ലക്ഷ്മൺ എന്ന് പേര് പറയുമ്പോൾ എന്ത് കാളിമാണ്ണോ എന്ന് തിരിച്ചു ചോദിക്കുന്നത് പോലുള്ള പരിപ്പ് വട ഐറ്റങ്ങൾ.

കോമഡി രംഗങ്ങൾ മാറ്റി നിർത്തിയാൽ പെർഫോമൻസ് വൈസ് ഒരു ഫ്രഷ്നസ് കൊണ്ട് വരാൻ ടീമിന് സാധിച്ചിട്ടുണ്ട്. അതിൽ എടുത്ത് പറയേണ്ടത് ജോർജിന്റെ പ്രകടനം ആണ്. ഇടയ്ക്ക് കയറി വന്ന മിനിറ്റുകൾ നീണ്ട ലക്ഷ്യയുടെ അരോചകമായ ആഡ് മാറ്റി നിർത്തിയാൽ പ്ലോട്ടും കൊള്ളാം. അടുത്ത എപ്പിസോഡിന് കാത്തിരിക്കാൻ പ്രേരിപ്പിക്കുന്ന ഒരു ക്ലൈമാക്സും കൊണ്ട് വന്നിട്ടുണ്ട്..

30/04/2025

ജേക്സ് ബിജോയ് - സിനിമ ഏതായാലും അതിൽ 100 ശതമാനം എഫർട്ട് ഇട്ട് നമ്മൾ ചെയ്തിട്ട് അത് വർക്ക് ആകാതെ പോകുമ്പോൾ നമുക്ക് വിഷമമുണ്ടാകും. കൊത്തയെ ഞാൻ പോസിറ്റീവ് ആയി ആണ് കാണുന്നത്. നിരവധി അവസരങ്ങൾ ആണ് എനിക്ക് കൊത്തയിലൂടെ കിട്ടിയത്.

ഇന്നും അതിലെ പാട്ടുകളും ബിജിഎമ്മുകളും ആളുകൾ ഓർത്തിരിക്കുന്നുണ്ട്. പല എഡിറ്റർമാരും കൊത്തയിലെ ബിജിഎമ്മുകൾ ഇന്നും ഉപയോഗിക്കാറുണ്ട്. മൂന്നും നാലും മാസമെടുത്ത് ഞങ്ങൾ ചെയ്ത പടമാണ് കിംഗ് ഓഫ് കൊത്ത. വളരെ മ്യൂസിക് സെൻസുള്ള ഒരാളാണ് ആ സിനിമയുടെ സംവിധായകൻ അഭിലാഷ് ജോഷി.

അഭിയുടെ കൂടെ ഇൻപുട്ട് ആ മ്യൂസിക്കിൽ ഉണ്ട്. ഞാൻ വളരെ പ്രൗഡ് ആയിട്ടുള്ള ഹാപ്പി ആയി ചെയ്ത വർക്ക് ആണ് കിംഗ് ഓഫ് കൊത്ത

28/04/2025

ഐ പി എല്ലിൽ പുതിയ ചരിത്രം രചിച്ച് വൈഭവ് സൂര്യവംഷി..

28/04/2025

ലഹരി ഇടപാട് കേസിൽ നടൻ ഷൈൻ ടോം ചാക്കോയുടെ മൊഴി എക്സൈസ്‌ രേഖപ്പെടുത്തി. താൻ ഹൈബ്രിഡ് കഞ്ചാവ് ഉപയോഗിക്കാറില്ലെന്നും എന്നാൽ മെറ്റാഫിത്തമിൻ ഉപയോഗിക്കലുണ്ടെന്നും താരം മൊഴി നൽകിയതായാണ് സൂചന...

28/04/2025

വിനായക് ശശികുമാറിന്‍റെ വരികള്‍..
ജെയ്ക്സ് ബിജോയുടെ സംഗീതം..
പാടുന്നത് എംജി അണ്ണന്‍..
പെര്‍ഫോം ചെയ്യുന്നത് ലാലേട്ടനും ശോഭനയും 🔥❤️

ഒന്ന് ഇറക്കി വിട് അണ്ണാ

കാത്തിരിപ്പ് തുടരും....

28/04/2025

#വേടൻൻ്റെ ഫ്ലാറ്റിൽ
നിന്നും കഞ്ചാവ് പിടികൂടി
5 ഗ്രാം കഞ്ചാവ് പോലീസ് ആണ് പിടികൂടിയത്

28/04/2025

മോഹൻലാല്‍ ചിത്രമെന്ന് അറിഞ്ഞില്ല, ആദ്യം ചോദിച്ചത് പൈസ എത്ര കിട്ടുമെന്ന്'; ഷൈജു അടിമാലി
ടരും സിനിമയുടെ പോസ്റ്ററുകളില്‍ തരംഗമായ ഒരു പോസ്റ്റർ ആയിരുന്നു സ്‌പ്ലെൻഡർ ബൈക്കില്‍ മോഹൻലാല്‍ പോകുന്നത്. മോഹൻലാലിന് പുറകിലായി ഷൈജു അടിമാലി ആയിരുന്നു ഇരുന്നിരുന്നത്.

സിനിമയിലേക്കുള്ള തന്റെ എൻട്രി തികച്ചും അപ്രതീക്ഷിതമായിരുന്നു എന്ന്

പറയുകയാണ് ഷൈജു. മോഹൻലാല്‍ ചിത്രമാണെന്ന് അറിയാതെ കോള്‍ വന്നപ്പോള്‍ ആദ്യം ചോദിച്ചത് പൈസ എത്ര കിട്ടുമെന്നയിരുന്നുവെന്നും വേണമെങ്കില്‍ അവർക്ക് അപ്പോള്‍ കട്ട് ചെയ്യാമായിരുന്നുവെന്നും എന്നാല്‍ സാധാരണ കലാകാരൻമാരുടെ ബുദ്ധിമുട്ടുകള്‍ മനസിലാക്കി തനിക്ക് വേഷം നല്‍കിയെന്നും ഷൈജു പറഞ്ഞു. വണ്‍ ടു ടോക്ക് എന്ന യൂട്യൂബ് ചാനലിന് നല്‍കിയ അഭിമുഖത്തിലാണ് പ്രതികരണം.

'ആ പോസ്റ്റർ ഇറങ്ങിയപ്പോള്‍ എന്റെ മനസില്‍ ആദ്യം തെളിഞ്ഞ മുഖം തരുണ്‍ മൂർത്തി സാറിന്റേതാണ്. സിനിമയ്ക്ക് മുന്നേ ഞാൻ അദ്ദേഹത്തെ കണ്ടിരുന്നു. അന്ന് ഇങ്ങനെ ഒരു സിനിമയെക്കുറിച്ച്‌ എന്നോട് പറഞ്ഞിരുന്നില്ല. ചേട്ടാ ഒരു പരിപാടി വരുന്നുണ്ട്. ചേട്ടൻ ആ താടി ഒന്നും വടിക്കേണ്ട ചുമ്മാ വേണ്ടി വന്നാല്‍ നമ്മുക്ക് ഉപയോഗിക്കാലോ എന്ന് പറഞ്ഞു. ഇങ്ങനെ ഒരു മികച്ച സിനിമ ആയിക്കുമെന്നോ അതില്‍ എനിക്ക് വേഷം ഉണ്ടാകുമെന്നോ ഒന്നും പറഞ്ഞിരുന്നില്ല. ഞാനത് ചിന്തിച്ചിട്ടുമില്ല.

കണ്‍ട്രോളർ ഡിക്സണ്‍ ചേട്ടൻ വിളിക്കുമ്ബോഴാണ് ഇത് ഞാൻ അറിയുന്നത്. അപ്പോഴും എനിക്ക് ഒരബദ്ധം പറ്റി. പ്രോഗ്രാം കുറഞ്ഞ് വളരെ സാമ്ബത്തികമായി ബുദ്ധിമുട്ട് ഉള്ളപ്പോഴാണ് അദ്ദേഹം എന്നെ വിളിക്കുന്നത്. ഷൈജു ഒരു പടമുണ്ട്, കുറച്ച്‌ ദിവസം വേണ്ടി വരുമെന്നാണ് പറഞ്ഞത്. അതുവരെ ഭാര്യയും മക്കളും സംസാരിച്ചുക്കൊണ്ടിരുന്നത് നമ്മുടെ സാമ്ബത്തിക ബുദ്ധിമുട്ടുകളെക്കുറിച്ചാണ്. അത് മനസില്‍ ഉള്ളത് കൊണ്ട് ഞാൻ ആദ്യം ചോദിച്ചത് 'ചേട്ടാ നമുക്ക് എത്ര പൈസ കിട്ടുമെന്നാണ്'.

ഡയറക്ടറും , പ്രൊഡ്യൂസറും ഈ ക്യാരക്ടറിന് ഒരു തുക ഇട്ടിട്ടുണ്ട് എന്ന് അദ്ദേഹം പറഞ്ഞു. എത്ര ദിവസം വർക്ക് ഉണ്ടാകുമെന്ന് ഞാൻ ചോദിച്ചു ഈ ദിവസത്തിനിടയില്‍ മറ്റു വർക്ക് വന്നത് പോകാൻ കഴിയുമോ എന്നും ചോദിച്ചു. അത് ലാല്‍ സാറിന്റെ ഡേറ്റ് നോക്കിയാണ് ചെയുക എന്നദ്ദേഹം പറഞ്ഞു. എന്ത് എന്ന് ഞാൻ ഒരിക്കല്‍ കൂടെ ചോദിച്ചപ്പോള്‍ ലാല്‍ സാറിന്റെ ഡേറ്റ് എന്ന് പറഞ്ഞു. ആ നിമിഷം ഞാൻ സ്റ്റാക്കായി. ഇപ്പോള്‍ വിളിക്കാം എന്ന് പറഞ്ഞു കോള്‍ കട്ട് ചെയ്തു.

നമ്മുടെ പിടിവിട്ട് പോകുമല്ലോ. ഞങ്ങള്‍ക്ക് എല്ലാവർക്കും വല്ലാതെ സങ്കടം വന്നു. ഉടൻ തന്നെ ഡിക്‌സണ്‍ ചേട്ടനെ വിളിച്ചിട്ട് എനിക്ക് കുഴപ്പമില്ല എന്തായാലും ഓക്കേ ആണെന്ന് പറഞ്ഞു. അങ്ങനെ ഒന്നും വേണ്ട, ഷൈജുവിന് ഒരു പ്രതിഫലം ഉണ്ട് അത് കൃത്യമായി കിട്ടുമെന്ന് പറഞ്ഞു. എനിക്ക് അതില്‍ കൂടുതല്‍ രജപുത്ര രഞ്ജിത് ഞങ്ങളുടെ പ്രൊഡ്യൂസർ തന്നു. അവർക്കുവേണമെങ്കില്‍ ഓ ഇവാൻ പേയ്മെന്റ് ചോദിക്കുകയാണ് എന്ന് പറഞ്ഞു അപ്പോള്‍ തന്നെ കട്ടാക്കാമായിരുന്നു. വേറെ ഒരുപാട് ആർട്ടിസ്റ്റുകള്‍ നില്‍ക്കുകയല്ലേ, അവർ അത് ചെയ്തില്ല. എന്നെ പോലുള്ള കലാകാരന്‍മാരുടെ ബുദ്ധിമുട്ട് മനസിലാക്കി,' ഷൈജു അടിമാലി പറഞ്ഞു.

Thudarum movie actor Shaiju Adimali ( Shyju Adimali

27/04/2025

സംവിധായാകരായ ഖാലിദ് റഹ്മാനെയും അഷ്‌റഫ്‌ ഹംസയെയും ഹൈബ്രിഡ് കഞ്ചാവുമായി എക്സൈസ്‌ പിടികൂടിയ വാർത്ത ഞെട്ടലോടെയാണ് മലയാള സിനിമ ലോകം കേട്ടത്. ഇപ്പോൾ അറസ്റ്റുമായി ബന്ധപ്പെട്ട കൂടുതൽ വിവരങ്ങൾ പുറത്ത് വന്നിരിക്കുകയാണ്. സംവിധായകനും ചായാഗ്രാഹകനുമായ സമീർ താഹിറിന്റെ ഫ്ലാറ്റിൽ വെച്ച് കഞ്ചാവ് ഉപയോഗിച്ച് കൊണ്ടിരിക്കുമ്പോളാണ് ഇരുവരെയും പിടികൂടുന്നത്. എന്നാൽ പിടികൂടുന്ന സമയത്ത് ഇരുവരും സംവിധായകർ ആണെന്ന കാര്യം എക്സൈസ്‌ സംഘത്തിന് അറിയില്ലായിരുന്നു.ഞാൻ മഞ്ഞുമ്മൽ ബോയ്സിൽ ഡ്രൈവറായി അഭിനയിച്ചിട്ടുണ്ടെന്നാണ് ഖാലിദ് റഹ്മാൻ സംഘത്തെ പരിചയപ്പെടുത്തിയത്.

26/04/2025

ആദ്യ സിനിമയിൽ തന്നെ ഇജ്ജാതി പ്രകടനം 😳

ജോർജ് സാർ 🤍

26/04/2025

ആദ്യ ദിന കളക്ഷനിൽ കിങ് ഓഫ് കൊത്തയെ മറി കടന്ന് മോഹൻലാൽ ചിത്രം തുടരും. കിങ് ഓഫ് കൊത്തയുടെ 15.50 Cr എന്ന കളക്ഷൻ ആണ് തുടരും മറി കടന്നത്. ഇതോടെ ഏറ്റവും കൂടുതൽ ആദ്യ ദിന കളക്ഷൻ നേടുന്ന ഏഴാമത്തെ ചിത്രമായി തുടരും മാറി.

26/04/2025

റിലീസ് ദിവസം ഒരു മലയാള സിനിമക്ക് ലഭിക്കുന്ന ഏറ്റവും കൂടുതൽ ടിക്കറ്റ് ബുക്കിങ് എന്ന നേട്ടവുമായി 'തുടരും'. ബുക്ക്‌ മൈ ഷോയിലൂടെ ഇന്നലെ മാത്രം വിട്ടത് 4 ലക്ഷത്തി മുപ്പതിനായിരം ടിക്കറ്റുകൾ...

Evergreen media

10/05/2025

02/05/2025

30/04/2025

28/04/2025

28/04/2025

28/04/2025

28/04/2025

28/04/2025

27/04/2025

26/04/2025

26/04/2025

26/04/2025

Address

Telephone

Website

Alerts

Shortcuts

Share

Category