Media Rangh

17/01/2025

ഇന്ത്യൻ റിപ്പബ്ലിക് ഡേ ആഘോഷങ്ങളുടെ ഭാഗമായി IYCC ബഹ്‌റൈൻ ദേശീയ കമ്മിറ്റി സംഘടിപ്പിക്കുന്ന വെബിനാർ ഇന്ന്

വിഷയം: "ഭരണഘടന ശില്പികൾ, ഭരണഘടന പഠനം"

പ്രഭാഷകൻ: അഡ്വ. അബ്ദുൽ റഷീദ് (യൂത്ത് കോൺഗ്രസ്സ് കേരള ജനറൽ സെക്രട്ടറി)

സമയം: ഇന്ന് (ജനുവരി 17) രാത്രി 7 മണി ബഹ്‌റൈൻ സമയം ( ഇന്ത്യൻ സമയം 9.30 pm)

ലിങ്ക് : https://us06web.zoom.us/j/7327361621?pwd=Yk9XUGZsUlVmL0pHOGQ5ZUlXbEpVQT09&omn=85490481267

Meeting ID: 732 736 1621
Passcode: iycc

17/01/2025

എസ് എൻ സി എസും അൽ ഹിലാൽ ഹോസ്പിറ്റലും ചേർന്നു സൗജന്യ വൈദ്യ പരിശോധന സംഘടിപ്പിച്ചു.

വൈദ്യ പരിശോധനയുടെ ഉൽഘാടനചടങ്ങിൽ അൽ ഹിലാൽ ഹോസ്പിറ്റൽ പ്രതിനിധി, ബി ഐ ഐ ഇ സി ഒ കമ്പനി പ്രതിനിധി ബീനോയ് എന്നിവർക്ക് എസ് എൻ സി എസ് ആക്ടിംഗ് ചെയർമാൻ പ്രകാശ്‌ കെ പി, ആക്ടിംഗ് സെക്രട്ടറി ഷൈൻ സി, എന്നിവർ ചേർന്നു ഉപഹാരങ്ങൾ സമ്മാനിച്ചു.

വെൽനെസ്സ് ഫോറം കോർഡിനേറ്റർ ഓമനക്കുട്ടൻ, വനിതാവിഭാഗം കൺവീനർ സംഗീത ഗോകുൽ എന്നിവർ ചടങ്ങിൽ സന്നിഹിതരായിരുന്നു.

16/01/2025

പതിനൊന്നു വർഷങ്ങൾക്കുശേഷം പുതിയ കെട്ടിലും മട്ടിലും തിരികെയെത്തുന്ന കേരളോത്സവം 2025 മത്സരങ്ങൾക്ക് ബഹ്‌റൈൻ കേരളീയ സമാജത്തിൽ ഫെബ്രുവരി 19 ന് തുടക്കമാകും. ഒന്നര മാസത്തോളം നീളുന്ന കലാമാമാങ്കത്തിന്റെ ഭാഗമായി പൊതുജനങ്ങൾക്കും ആസ്വദിക്കാവുന്ന രീതിയിൽ നിരവധി പരിപാടികളാണ് സമാജം അങ്കണത്തിൽ അരങ്ങേറുക.

ബഹ്‌റൈൻ കേരളീയ സമാജം കുടുംബാംഗങ്ങളുടെ കലാ-സാംസ്‌കാരിക-സാഹിത്യ വാസനകൾ പരിപോഷിപ്പിക്കുന്നതിന്റെ ഭാഗമായി 2000 ൽ രൂപീകരിക്കപ്പെട്ട പരിപാടിയാണ് കേരളോത്സവം. സമാജം അംഗങ്ങൾക്കും 18 വയസ്സ് തികഞ്ഞ കുടുംബാംഗങ്ങൾക്കും പങ്കെടുക്കാവുന്ന കേരളോത്സവത്തിന്റെ ഭാഗമായി നിരവധി വ്യക്തിഗത-ഗ്രൂപ്പ് ഇന മത്സരങ്ങളാണ് നടക്കുക.

1500ൽ പരം അംഗങ്ങളെയും അവരുടെ കുടുംബാംഗങ്ങളെയും ഹിന്ദോളം, അമൃതവർഷിണി, മേഘമൽഹാർ, നീലാംബരി, ഹംസധ്വനി എന്നിങ്ങനെ അഞ്ചു ഗ്രൂപ്പുകളായി തിരിച്ചു നടത്തുന്ന പരിപാടിക്ക് ഇതിനോടകം തന്നെ വൻ ആവേശവും പ്രതികരണവുമാണ് ലഭിച്ചുവരുന്നത്.

കുട്ടികളുടെ കലാസാഹിത്യ വാസനകളെ പ്രോത്സാഹിപ്പിക്കാൻ ബി. കെ. എസ്സ്. ദേവ്ജി ജി. സി. സി. കലോത്സവം പോലെ അനവധി പരിപാടികൾ മലയാളി പ്രവാസി സമൂഹങ്ങൾക്കിടയിൽ ഉണ്ടെങ്കിലും മുതിർന്നവരുടെ കലാവാസനകളെ കണ്ടെത്താനും പ്രോത്സാഹിപ്പിക്കാനുമായി സമാജം അണിയിച്ചൊരുക്കുന്ന കേരളോത്സവം പോലെ വിപുലമായ പരിപാടികൾ വേറെ ഉണ്ടാകാൻ സാധ്യത വിരളമാണ്.

ഈ മാസം 19 ഓടെ ആരംഭിക്കുന്ന പരിപാടികൾ ഫെബ്രുവരി മാസം അവസാനം വരെ നീണ്ടുനിൽക്കും. ആദ്യ ഘട്ടത്തിൽ സ്റ്റേജിതര മത്സരങ്ങളും തുടർന്ന് വ്യക്തിഗത മത്സരങ്ങളും ഒടുവിൽ ഗ്രൂപ്പ് മത്സരങ്ങളും എന്ന രീതിയിലാണ് പരിപാടികൾ ക്രമീകരിച്ചിരിക്കുന്നത്. ഇതിനോടകം തന്നെ ഒരുക്കങ്ങളും പരിശീലനങ്ങളുമായി വൈകുന്നേരങ്ങളിൽ സമാജം അങ്കണം സജീവമായി കഴിഞ്ഞു.

നൃത്ത-സംഗീത-കലാ-സാഹിത്യ മത്സര ഇനങ്ങൾക്ക് പുറമെ അംഗങ്ങളുടെ മറ്റു കഴിവുകളും പ്രകടിപ്പിക്കാനുള്ള ഒരു വേദിയായാണ് കേരളോത്സവം 2025 ചിട്ടപ്പെടുത്തിയിരിക്കുന്നത്. അംഗങ്ങളുടെ അഞ്ചു ഗ്രൂപ്പുകളും വ്യത്യസ്തമായി സമാജം അങ്കണത്തിൽ 'ഡ്രീംസ്ക്കേപ്സ് - ഭാവനാത്മക ലോകത്തിലേക്കു ഒരു യാത്ര' എന്ന പ്രമേയത്തെ ആസ്പദമായി മത്സരിച്ചൊരുക്കുന്ന ആർട്ട് ഇൻസ്റ്റലേഷൻ ജനുവരി 30 ന് പൂർത്തിയാകും.

ജനുവരി 31 നു ഉച്ചകഴിഞ്ഞു 3 മണിക്ക് നടക്കുന്ന മാസ്സ് പെയിന്റിംഗ് മത്സരത്തിൽ വ്യത്യസ്ത ഗ്രൂപ്പുകളുടേതായി അഞ്ചു മീറ്റർ ക്യാൻവാസ്സിലുള്ള അഞ്ചു ചിത്രകലാ സൃഷ്ടികൾ വിരിയും. ഇവ ഫെബ്രുവരി അവസാനം വരെ സമാജം അങ്കണത്തിൽ പൊതുദർശനത്തിനായി പ്രദർശിപ്പിക്കുന്നതാണ്.

'എൺപതുകളുടെ ഓളവും എൺപതോളം രുചികളും' എന്ന ടാഗ് ലൈനിൽ എത്തുന്ന കേരളോത്സവത്തിലെ ഏറ്റവും നിറമാർന്നതാകുമെന്നു പ്രതീക്ഷിക്കുന്ന പരിപാടിയാണ് "എൺപതോളം..." എന്ന മെഗാ രുചിമേള. ഫെബ്രുവരി 21, വെള്ളിയാഴ്ച്ച നടക്കുന്ന ഈ പരിപാടിയുടെ മുഖ്യ ആകർഷണം 80 കൾ എന്ന തീം തന്നെയാണ്. ഗൃഹാതുരത്വമുണർത്തുന്ന പഴയകാല വസ്ത്രരീതിയും സ്റ്റാളുകളും പാട്ടുകളും ഫ്ലാഷ് മോബും അങ്ങനെ എല്ലാം എൺപതുകളുടെ കെട്ടിലും മട്ടിലുമാകുമ്പോൾ അവ ബഹ്‌റൈനിലെ മലയാളി സമൂഹത്തിനു ഒരു പുതുമയാകുമെന്ന് തീർച്ചയാണ്. മികച്ച വസ്ത്രം, മികച്ച അലങ്കാരം, മികച്ച ഫ്ലാഷ് മോബ് എന്നിങ്ങനെ 80 കളെ ആസ്പദമാക്കി നടക്കുന്ന മത്സരങ്ങളും മികച്ചതും വ്യത്യസ്തവുമായ ഭക്ഷണ പദാർത്ഥങ്ങൾ വിളമ്പുന്ന മത്സരവും ഈ പരിപാടിയെ എന്നും ഓർമ്മിപ്പിക്കുന്നതാക്കും എന്നാണു പ്രതീക്ഷിക്കുന്നത്. 80കളിലെ വേഷ വിധാനത്തിൽ പങ്കെടുക്കാൻ കാണികളെയും പ്രേരിപ്പിക്കുന്ന പരിപാടിയിൽ കാണികൾക്കായും കൈനിറയെ സമ്മാനങ്ങളാണ് സംഘാടകർ കരുതിയിരിക്കുന്നത്.

ശ്രീ. ആഷ്‌ലി കുര്യൻ ജനറൽ കൺവീനറായും, ശ്രീ. വിപിൻ മോഹൻ, ശ്രീമതി. ശ്രീവിദ്യ വിനോദ്, സിജി ബിനു എന്നിവർ ജോയിന്റ് കൺവീനർമാരായും, സമാജം സാഹിത്യ വിഭാഗം സെക്രട്ടറി ശ്രീ. വിനയചന്ദ്രൻ നായർ എക്സ് ഒഫീഷ്യോയായും ഉള്ള സംഘാടക സമിതിയിൽ അൻപതോളം അംഗങ്ങളാണുള്ളത്. പരിപാടികൾ വീക്ഷിക്കുവാനും ആസ്വദിക്കുവാനും ബഹ്‌റൈനിലെ മലയാളി സമൂഹത്തെ മുഴുവൻ സ്വാഗതം ചെയ്യുന്നു.

സമാജം ജനറൽ സെക്രട്ടറി വർഗ്ഗീസ് കാരക്കൽ, ആക്ടിങ് പ്രസിഡണ്ട് ദിലീഷ് കുമാർ എന്നിവർ പത്രസമ്മേളനത്തിൽ സംസാരിച്ചു

16/01/2025

അൽ ഫുർഖാൻ സെന്റർ വർഷങ്ങളായി നടത്തി വരുന്ന രക്തദാന കാമ്പൈയ്നിന്റെ ഭാഗമായി സമൂഹ രക്തദാന ക്യാമ്പ്‌ സംഘടിപ്പിച്ചു.

സൽമാനിയ മെഡിക്കൽ കോംപ്ലക്സിലായിരുന്നു രക്തദാന ക്യാമ്പ്‌. വനിതകൾ ഉൾപ്പെടെ നിരവധി പേർ രക്തദാനം നിർവ്വഹിച്ചു

അൽ ഫുർഖാൻ സെന്റർ രക്ഷാധികാരി ബഷീർ മദനി, ജനറൽ സെക്രട്ടറി സുഹൈൽ മേലടി, വൈസ്‌ പ്രസിഡന്റ്‌ ഷറഫുദ്ദീൻ അരൂർ, ജോയിന്റ്‌ സെക്രട്ടറിമാരായ അബ്ദുസ്സലാം ബേപ്പൂർ, മനാഫ്‌ കബീർ, അനൂപ്‌ തിരൂർ, ഇല്യാസ്‌ കക്കയം എന്നിവർ രക്ത ദാന ക്യാമ്പിന്‌ നേതൃത്വം നൽകി. ഫാറൂഖ്‌ മാട്ടൂൽ, യൂസുഫ്‌ കെപി, ഇക്ബാൽ കാഞ്ഞങ്ങാട്‌, ഹനീഫ, അൽ ഫുർഖാൻ വിഷൻ യൂത്ത്‌ പ്രവർത്തകരായ ഹിഷാം കെ ഹമദ്‌, ഷാനിദ്‌ വയനാട്‌, സമീൽ പി, ഫവാസ്‌ സാലിഹ്‌ എന്നിവരും വനിതാ പ്രതിനിധി സബീലാ യൂസുഫും ക്യാമ്പ് നിയന്ത്രിച്ചു.

15/01/2025

ചരിത്രമുറങ്ങുന്ന പശ്ചിമകൊച്ചിയിൽ സ്വന്തമായി ഒരു വീട് എന്ന സ്വപ്‌നം സാക്ഷാത്ക്കരിക്കാൻ ഒരു സുവർണ്ണാവസരം. കൊച്ചിയുടെ ഹൃദയഭാഗത്ത് തന്നെ വളരെ ആകർഷകമായ പുതിയൊരു വില്ല കരസ്ഥമാക്കാം. വിളിക്കേണ്ട നമ്പർ: +91 94473 69037, +91 70129 38218

14/01/2025

ഇന്ത്യൻ സ്കൂൾ ബഹ്‌റൈൻ കാമ്പസിൽ തമിഴ് ദിനം നിറപ്പകിട്ടാർന്ന പരിപാടികളോടെ ആഘോഷിച്ചു.

തൈപൊങ്കലിന്റെ ഭാഗമായി തമിഴ് വകുപ്പ് സംഘടിപ്പിച്ച പരിപാടിയിൽ, തമിഴ് പൈതൃകത്തിന്റെ പ്രാധാന്യം എടുത്തുകാണിക്കുന്ന നിരവധി സാംസ്കാരിക പ്രകടനങ്ങളും ആകർഷകമായ കലാപരിപാടികളും ഉണ്ടായിരുന്നു.

സ്‌കൂൾ സെക്രട്ടറി വി. രാജപാണ്ഡ്യൻ ദീപം തെളിയിച്ചു. തദവസരത്തിൽ സ്‌കൂൾ അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ & അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, സ്റ്റാഫ് പ്രതിനിധി പാർവതി ദേവദാസ്, പ്രധാന അധ്യാപകർ, വകുപ്പ് മേധാവികൾ, വിദ്യാർത്ഥികൾ എന്നിവർ സന്നിഹിതരായിരുന്നു.

പരിപാടിയുടെ ഏകോപനം വകുപ്പ് മേധാവി വിബി ശരത്, തമിഴ് അധ്യാപിക മുത്തരസി അരുൺകുമാർ എന്നിവർ നിർവഹിച്ചു.

സാഹിത്യത്തിന്റെ സമ്പന്നമായ പൈതൃകമുള്ള തമിഴ് ഭാഷയുടെ സൗന്ദര്യവും പ്രാധാന്യവും സെക്രട്ടറി വി രാജപാണ്ഡ്യൻ ഉദ്ഘാടന പ്രസംഗത്തിൽ എടുത്തുപറഞ്ഞു.

ദേശീയ ഗാനാലാപനത്തോടെയാണ് ചടങ്ങ് ആരംഭിച്ചത്. തുടർന്ന് സ്കൂൾ പ്രാർത്ഥനയും നടന്നു.

ഉമ ഈശ്വരി, പൂജ തിലിപ് കുമാർ, മെർലിൻ അനിത സാം, ചെറിൽ ചെല്ല ഐസക്, എ. കാരുണ്യ എന്നിവർ അവതരിപ്പിച്ച സെമി-ക്ലാസിക്കൽ നൃത്തവും എം.എസ്. തിയാന, ജെൻസിലിൻ ദാസ്, പൂജശ്രീ അയ്യനാർ, ശ്രുതിലയ അരവിന്ദ്, ജെലീന എ.എസ്, ആനി പ്രസില്ല, ക്രിസ്റ്റ ഡെബോറ, ശ്രീസന്തോഷിനി എന്നിവർ നാടോടി നൃത്തവും അവതരിപ്പിച്ചു. നിതിക അശോക്, വർഷിണി പ്രഭാകരൻ, ജിംഹാൻസ് ജ്ഞാന ജെഗൻ സെൽവ ശുഭ എന്നിവർ ചടങ്ങുകളുടെ അവതാരകരായിരുന്നു. മെർലിൻ അനിത സാം, ഗുഹൻ കാർത്തികേയൻ, റിതീഷ് ശശികുമാർ, നിതിക അശോക്, വർഷിണി പ്രഭാകരൻ എന്നിവർ തമിഴ് ദിന പ്രസംഗങ്ങൾ അവതരിപ്പിച്ചു.

സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ വിദ്യാർത്ഥികളുടെ ആവേശകരമായ പങ്കാളിത്തത്തെയും പരിപാടിയുടെ സുഗമമായ ഏകോപനവും വിജയവും ഉറപ്പാക്കിയ അധ്യാപകരെയും അഭിനന്ദിച്ചു. വിവിധ മത്സരങ്ങളിലെ വിജയികൾ താഴെ പറയുന്നവരാണ്:

ജൂനിയർ വിഭാഗം
• ചിത്രരചന (ക്ലാസ് 4):
1. തനിഷ്ക കാമരാജ് (4-R),
2. മൗനിത് ശബരി (4-C),
3. നരേഷ് കൃഷ്ണ (4-N).

• കൈയക്ഷരം (ക്ലാസ് 5):
1. അക്ഷര കാർത്തിക് പാണ്ടി (5-L),
2. ധന്യ അരുൺവേൽ (5-I),
3. മുഹമ്മദ് നിഹാൽ (5-L).

മിഡിൽ വിഭാഗം
• തിരുക്കുറൽ പാരായണം (ക്ലാസ് 6)
1.വർദിനി ജയപ്രകാശ് (6-F),
2.ഫർഹീൻ സാറ (6-R),
3.ഗുരു സഞ്ജയ് (6-E).

• കവിതാ പാരായണം - ഭാരതിയാർ കവിതകൾ (ക്ലാസ് 7):
1.ശക്തി പ്രിയൻ (7-E),
2.ഷാനൻ ബോ (7-T),
3.തേജസ്വിനി നാച്ചിയപ്പൻ (7-U).

• കവിതാ പാരായണം - ഭാരതിദാസൻ കവിതകൾ (ക്ലാസ് 8):
1.ഉമാ ഈശ്വരി മീനാക്ഷിനാഥൻ (8-G),
2.ശ്രുതിലയ അരവിന്ദ് (8-F),
3.പരമേഷ് സുരേഷ് പൂമാല (8-F).

സീനിയർ വിഭാഗം
• തമിഴ് പ്രഭാഷണം (ക്ലാസ് 9): 1.മെർലിൻ അനിത സാം (9-K), 2. ഗുഹൻ കാർത്തികേയൻ ( 9-K),
3. കിർത്തിക വിഘ്നേശ്വരൻ (9-W).

• തമിഴ് കവിതാ രചന (ക്ലാസ് 10):
1.രാജീവൻ രാജ്കുമാർ (10-M),
2.സുഭിക്ഷശ്രീ ധർമരാജ (10-S),
3.വിശ്വ ജനനി ജനാർദ്ദനൻ (10-M).

14/01/2025

ബഹ്‌റൈൻ പ്രതിഭ റിഫാ മേഖല കായിക വേദിയുമായി സഹകരിച്ച് പ്രതിഭ സനദ് യൂണിറ്റ് നടത്തിയ ബാഡ്മിന്റൺ ടൂർണമെന്റ് സനദ് പെഡൽ അറീന കോർട്ടിൽ നടന്നു.

വിജീഷ് &ജോസഫ് ടീം വിജയികളായി. നജീർ &ടിജു രണ്ടാംസ്ഥാനവും മഞ്ജുനാഥ്&ശംസിൻ മൂന്നാം സ്ഥാനവും നേടി.

പ്രതിഭ ജനറൽസെക്രട്ടറി മിജോഷ് മൊറാഴ ചാമ്പ്യന്മാർക്കുള്ള ട്രോഫി കൈമാറി. കേന്ദ്ര കമ്മിറ്റി അംഗം അനിൽ കെ പി, റിഫ മേഖല സെക്രട്ടറി മഹേഷ് കെ വി എന്നിവർ മറ്റിതര വിജയികൾക്കുള്ള ട്രോഫികൾ വിതരണം ചെയ്തു.

ചടങ്ങിൽ യുണിറ്റ് ജോയൻ്റ് സെക്രട്ടറിയും ടൂർണമെന്റ് കൺവീനറുമായ സുരേഷ് ബാബു സ്വാഗതം പറഞ്ഞു, യൂണിറ്റ് പ്രസിഡന്റ്‌ ബബീഷ് അദ്ധ്യക്ഷത വഹിച്ചു. വനിത വേദി സെക്രട്ടറി റീഗ പ്രദീപ്‌ ആശംസയും, യൂണിറ്റ് സെക്രട്ടറി കാസിം മഞ്ചേരി നന്ദിയും പറഞ്ഞു.

14/01/2025

കൊല്ലം പ്രവാസി അസ്സോസിയേഷൻ ബഹ്‌റൈൻ അംഗങ്ങൾക്കും, കുടുംബാംഗങ്ങൾക്കുമായി സാഖീർ ടെന്റിൽ വച്ച് ഡെസേർട്ട് വിന്റർ ക്യാമ്പ് സംഘടിപ്പിച്ചു.

രാത്രി 9 മണി മുതൽ പുലർച്ചെ 3 മണി വരെ നീണ്ടു നിന്ന 200 ൽ പരം അംഗങ്ങൾ പങ്കെടുത്ത ക്യാമ്പ് കെ.പി.എ പ്രസിഡന്റ് അനോജ് മാസ്റ്റർ ഉത്‌ഘാടനം ചെയ്തു. യോഗത്തിൽ ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതവും, ക്യാമ്പ് കൺവീനർ സജീവ് ആയൂർ നന്ദിയും അറിയിച്ചു. സെക്രട്ടറിയേറ്റ് കമ്മിറ്റി അംഗങ്ങളായ മനോജ് ജമാൽ, കോയിവിള മുഹമ്മദ്, അനിൽ കുമാർ, രജീഷ് പട്ടാഴി, ക്യാമ്പ് കൺവീനർമാരായ നവാസ് കരുനാഗപ്പള്ളി, ജഗത് കൃഷ്ണകുമാർ, കിഷോർ കുമാർ, രാജ് കൃഷ്ണൻ, സന്തോഷ് കാവനാട് , വിഎം.പ്രമോദ്, വിനു ക്രിസ്ടി എന്നിവർ സന്നിഹിതരായിരുന്നു.

സൃഷ്ടി കലാകാരന്മാരുടെ വിവിധ കലാപരിപാടികളും, കുട്ടികൾക്കും മുതിർന്നവർക്കുമായി സംഘടിപ്പിച്ചിരുന്ന വിവിധ തരത്തിലുള്ള മത്സരങ്ങളും ക്യാമ്പിനെ ആവേശകരമാക്കി . സ്പോർട്സ് കമ്മിറ്റിയുടെ നേതൃത്വത്തിൽ വിവിധ കായിക മത്സരങ്ങളും ഉൾപ്പെടുത്തിയിരുന്നു. വിന്റർ ക്യാമ്പ് കമ്മിറ്റി, സെൻട്രൽ കമ്മിറ്റി, ഡിസ്ട്രിക്ട് കമ്മിറ്റി, പ്രവാസി ശ്രീ അംഗങ്ങൾ എന്നിവർ പരിപാടികൾക്ക് നേതൃത്വം നൽകി.

13/01/2025

ബഹ്‌റൈൻ പ്രതിഭ വനിതാവേദിയുടെ നേതൃത്വത്തിൽ 'പുതിയൊരു നാളെക്കായി' എന്ന ശീർഷകത്തിൽ, വരും നാളുകളിൽ പ്രവാസികൾ നാട്ടിലേക്ക് തിരിക്കും മുൻപ്, സാമ്പത്തിക ഭദ്രതയ്ക്കായി കേരളത്തിൽ ആരംഭിക്കേണ്ടുന്ന ചെറുവ്യവസായ/തൊഴിൽ പദ്ധതികളെ കുറിച്ച്, ബോധവൽക്കരണ പരിപാടി സംഘടിപ്പിച്ചു.

പ്രതിഭ സെന്ററിൽ വെച്ച് നടന്ന പരിപാടിയിൽ, ഔഷധി ചെയർപേഴ്സണും, ഖാദി ബോർഡ് മുൻ ചെയർപേഴ്സണും, ചെങ്ങന്നൂർ മുൻ എം.എൽ.എ. യുമായ ശ്രീമതി ശോഭന ജോർജ് വിഷയമവതരിപ്പിച്ചു. കേരളത്തിൽ ഇപ്പോൾ തുടങ്ങാൻ പറ്റുന്ന തൊഴിൽ സംരംഭങ്ങളുടെ സാധ്യതകളെപറ്റിയും പ്രതിസന്ധികളെക്കുറിച്ചും, ശോഭന ജോർജ് വിശദമായി സംസാരിച്ചു.

പ്രതിഭ വനിതാ വേദി സെക്രട്ടറി റീഗ പ്രദീപ്‌ സ്വാഗതം പറഞ്ഞ ചടങ്ങിൽ വൈസ് പ്രസിഡന്റ് ഷീല ശശി അധ്യക്ഷത നിർവഹിച്ചു. പ്രതിഭ മുഖ്യ രക്ഷാധികാരി പി. ശ്രീജിത്ത്, പ്രതിഭ പ്രസിഡന്റ് ബിനു മണ്ണിൽ എന്നിവർ ചടങ്ങിൽ സംസാരിച്ചു

12/01/2025

ആലപ്പുഴ പ്രവാസി അസോസിയേഷൻ ബഹ്റൈൻ വിൻ്റർ ബൽ എന്ന പേരിൽ ക്രിസ്തുമസ്, ന്യൂ ഇയർ സെലിബ്രേഷൻ സംഘടിപ്പിച്ചു.

സൽമാനിയ ഇന്ത്യൻ ഡിലൈറ്റ്സിൽ വച്ച് നടന്ന ചടങ്ങിൽ പ്രസിഡൻ്റ് ജയ്സൺ കൂടാംപളളത്ത് അധ്യക്ഷത വഹിച്ചു. ജനറൽ സെക്രട്ടറി അനൂപ് പള്ളിപ്പാട് സ്വാഗതവും, വൈസ് പ്രസിഡന്റ് ഹരീഷ് ചെങ്ങന്നൂർ ക്രിസ്തുമസ്, ന്യൂയർ സന്ദേശവും കൈമാറി.

തുടർന്ന് കുട്ടികളുടെ വിവിധയിനം കലാപരിപാടികൾ അരങ്ങേറി. വൈസ് പ്രസിഡൻ്റ് ശ്രീകുമാർ കറ്റാനം പരിപാടിയിൽ പങ്കെടുത്ത എല്ലാവർക്കും നന്ദി അറിയിച്ചു. എക്സിക്യൂട്ടീവ് അംഗങ്ങൾ പരിപാടിക്ക് നേതൃത്വം നൽകി.

12/01/2025

ഫ്രണ്ട്‌സ് അസോസിയേഷൻ ഓഫ് തിരുവല്ല (FAT) ഇരുപത്തി ഏഴാമത് വാർഷികവും ക്രിസ്തുമസ് പുതുവൽസര ആഘോഷവും 24/01/2025 ൽ അദാരി പാർക്കിൽ വച്ച് നടത്തുന്നു. പ്രശസ്ത ഗായകരായ ഫാ.സേവറിയോസ് തോമസ് & ശ്രീ.സുമേഷ് അയിരൂർ (സ്റ്റാർ സിംഗർ ) എന്നിവർ നേത്യത്വം നൽക്കുന്ന സംഗീത നിശയും ഉണ്ടായിരിക്കുന്നതായിരിക്കും

പരിപാടിയുടെ പോസ്റ്റർ പ്രകാശനം. ശ്രീ: കെ.ജി.ബാബുരാജ് നിർവ്വഹിച്ചു. രക്ഷാധികാരികളായ ശ്രീ: വർഗീസ് ഡാനിയേൽ, ശ്രീ: ശ്രീകുമാർ. FAT ജന.സെക്രട്ടറി: ശ്രീ: അനിൽകുമാർ, ജനറൽ കൺവീനർ: ശ്രീ.. ജെയിംസ് ഫിലിപ്പ്, പ്രോഗ്രാം: കൺവീനർ: ശ്രീ: മനോജ് ശങ്കരൻ. ജോ: കൺവീനർ മ്മാരായ: ശ്രീ: വിനോദ് കുമാർ.N.R, ശ്രീ. മാത്യു പാലിയേക്കര എന്നിവർ സന്നിഹിതരായിരുന്നു

12/01/2025

ഇന്ത്യൻ സ്‌കൂൾ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനവും ലോഗോ പ്രകാശനവും ജനവരി 23ന് ഇസാ ടൌൺ ക്യാമ്പസ്സിൽ വെച്ചു നടക്കും. ഒരു വർഷം നീണ്ടു നിൽക്കുന്ന ആഘോഷങ്ങളുടെ ഭാഗമായി സ്കൂളിന്റെ സമ്പന്നമായ ചരിത്രം, നേട്ടങ്ങൾ, സാമൂഹ്യ പ്രതിബദ്ധത തുടങ്ങിയവ വിളിച്ചോതുന്ന നിരവധി പരിപാടികൾ നടക്കും. വർഷം മുഴുവനും വൈവിധ്യമാർന്ന മത്സരങ്ങൾ, ശില്പശാലകൾ, സാംസ്കാരിക പരിപാടികൾ എന്നിവയുൾപ്പെടെ നിരവധി പരിപാടികൾ ആണ് സംഘടിപ്പിക്കുക.

ഇന്ത്യയിലെ എല്ലാ സംസ്ഥാനങ്ങളിൽ നിന്നും കേന്ദ്രഭരണ പ്രദേശങ്ങളിൽ നിന്നുമുള്ള വിദ്യാർത്ഥികളും 18 രാജ്യങ്ങളിൽ നിന്നുള്ള വിദ്യാർത്ഥികളും ഇന്ത്യൻ സ്‌കൂളിൽ പഠിക്കുന്നുണ്ട്‌. ആഘോഷങ്ങളുടെ ഭാഗമായി രാജ്യത്തിന്റെ സാംസ്കാരിക വൈവിധ്യത്തെ പ്രതിഫലിപ്പിക്കുന്ന വിവിധ ഇന്ത്യൻ സംസ്ഥാനങ്ങളിൽ നിന്നുള്ള കലാരൂപങ്ങൾ വിദ്യാർത്ഥികൾ പ്രദർശിപ്പിക്കുമെന്നു ഇന്ത്യൻ സ്‌കൂൾ ചെയർമാൻ അഡ്വ ബിനു മണ്ണിൽ വറുഗീസ് പറഞ്ഞു.

ആഘോഷങ്ങളുടെ പ്രധാന ആകർഷണങ്ങളിലൊന്ന് ആലേഖ് പെയിന്റിംഗ് മത്സരമായിരിക്കും. ഇത് ഇസ ടൗൺ കാമ്പസിൽ നടക്കും. ഗൾഫിലുടനീളമുള്ള 75 സ്കൂളുകളിൽ നിന്നുള്ള വിദ്യാർത്ഥികൾ അവരുടെ കലാപരമായ കഴിവുകൾ പ്രദർശിപ്പിക്കും. കൂടാതെ, പോസ്റ്റർ ഡിസൈൻ, സർഗ്ഗാത്മക എഴുത്ത് മത്സരങ്ങൾ എന്നിവയുൾപ്പെടെ വിദ്യാർത്ഥികളുടെ കലാപരമായ കഴിവുകൾ വികസിപ്പിക്കുന്നതിനുള്ള വർക്ക്ഷോപ്പുകൾ സംഘടിപ്പിക്കും.

വിദ്യാഭ്യാസ മേഖലയിലെ ഏറ്റവും പുതിയ പ്രവണതകളും വികസനങ്ങളും ചർച്ച ചെയ്യുന്നതിനായി വിദ്യാഭ്യാസ കോൺക്ലേവ് പ്രമുഖ അധ്യാപകരെയും വിദഗ്ധരെയും ഒരുമിച്ച് കൊണ്ടുവരും.

ക്വിസ് മത്സരങ്ങൾ, വിദ്യാർത്ഥികൾക്കും അധ്യാപകർക്കും രക്ഷിതാക്കൾക്കും വേണ്ടിയുള്ള ഇന്റർ-സ്കൂൾ മത്സരങ്ങൾ, ടീം വർക്ക് വളർത്തുന്നതിനും മാതാപിതാക്കളുടെ സജീവ പങ്കാളിത്തം പ്രോത്സാഹിപ്പിക്കുന്നതിനും ലക്ഷ്യമിട്ടുള്ള കമ്മ്യൂണിറ്റി സ്പോർട്സ് ഇവന്റുകൾ എന്നിവയാണ് മറ്റ് പരിപാടികൾ.

ഭാഷകളുടെയും സംസ്കാരങ്ങളുടെയും വൈവിധ്യം ആഘോഷിക്കുന്നതിനായി 75 ഭാഷകളിൽ നിന്നുള്ള ഒരു പുസ്തക പ്രദർശനവും സാഹിത്യോത്സവവും ആസൂത്രണം ചെയ്തിട്ടുണ്ട്.

ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന കാഴ്ചകളിലൊന്ന് നാഷണൽ സ്റ്റേഡിയത്തിൽ നടക്കുന്ന റെക്കോർഡ് നൃത്ത പ്രകടനമായിരിക്കും. ഇന്ത്യയുടെ സാംസ്കാരിക പൈതൃകത്തെ പ്രതിനിധീകരിക്കുന്ന 75 വ്യത്യസ്ത നൃത്തരൂപങ്ങൾ വിദ്യാർത്ഥികൾ അവതരിപ്പിക്കും.

സ്കൂളും അതിന്റെ പൂർവ്വ വിദ്യാർത്ഥികളും തമ്മിലുള്ള ബന്ധം ശക്തിപ്പെടുത്തുന്നതിനായി ഒരു ആഗോള പൂർവ്വ വിദ്യാർത്ഥി സംഗമം സംഘടിപ്പിക്കും. ഗൂഗിൾ ഫോം വഴി രജിസ്റ്റർ ചെയ്യാൻ പൂർവ്വ വിദ്യാർത്ഥികളെ ക്ഷണിക്കും. പൂർവ്വ വിദ്യാർത്ഥികൾക്ക് സ്കൂളിന്റെ വളർച്ചയെ എങ്ങനെ പിന്തുണയ്ക്കാനും എന്തൊക്കെ സംഭാവന ചെയ്യാനും കഴിയുമെന്ന് ചർച്ച ചെയ്യുന്നതിനുള്ള ഒരു പ്രധാന അവസരമായിരിക്കും പൂർവ്വ വിദ്യാർത്ഥി സംഗമം.

ആഘോഷങ്ങളുടെ ഭാഗമായി ഇസ ടൗൺ കാമ്പസിലെ പുതിയ അടിസ്ഥാന സൗകര്യ വികസന പദ്ധതികൾ ആസൂത്രണം ചെയ്യും. മുൻ ചെയർമാൻ പ്രിൻസ് എസ്. നടരാജന്റെ നേതൃത്വത്തിലുള്ള പ്ലാറ്റിനം ജൂബിലി സംഘാടക സമിതിയും വ്യവസായ പ്രമുഖനും കമ്മ്യൂണിറ്റി നേതാവുമായ മുഹമ്മദ് ഹുസൈൻ മാലിമിന്റെ നേതൃത്വത്തിലുള്ള രക്ഷാധികാരി സമിതിയും സ്‌കൂളിന്റെ വാർഷിക ആഘോഷങ്ങളുടെ വിജയം ഉറപ്പാക്കാൻ സ്കൂൾ ടീമുമായി ഒരുമിച്ചു സഹകരിക്കും.

ബഹ്‌റൈനിലെ തദ്ദേശ-പ്രവാസി സമൂഹത്തെയും ആഘോഷങ്ങളിൽ ഉൾപ്പെടുത്തി ഒരു സാംസ്കാരിക മേളയും സ്കൂൾ സംഘടിപ്പിക്കുമെന്നു പ്ലാറ്റിനം ജൂബിലി സംഘാടക സമിതി കൺവീനർ പ്രിൻസ് എസ്. നടരാജൻ പറഞ്ഞു. സ്കൂളിന്റെ മുൻകാല നേട്ടങ്ങളെ ആദരിക്കുക, വൈവിധ്യമാർന്ന സമൂഹത്തെ ആഘോഷിക്കുക, സ്ഥാപനത്തിന്റെ യാത്രയിലെ ഒരു പ്രധാന നാഴികക്കല്ല് അടയാളപ്പെടുത്തുക എന്നിവയാണ് ഈ ആഘോഷങ്ങളുടെ ലക്ഷ്യമെന്ന് അദ്ദേഹം പറഞ്ഞു.

വിപുലമായ വിദ്യാഭ്യാസ, സാംസ്കാരിക, നൈപുണ്യ വികസന പരിപാടികൾ ഉൾക്കൊള്ളുന്ന ആഘോഷത്തിന്റെ ഭാഗമായി സ്കൂൾ മനോഹരമായി അലങ്കരിക്കപ്പെടും. ബന്ധപ്പെട്ട അധികാരികളുടെ ആവശ്യമായ അംഗീകാരത്തോടെയാണ് ഈ പരിപാടികളെല്ലാം സംഘടിപ്പിക്കുക. അടുത്ത ആഴ്ച പ്ലാറ്റിനം ജൂബിലി ആഘോഷങ്ങൾ ആരംഭിക്കാനിരിക്കെ, വളർച്ചയ്ക്കും മികവിനും പുതിയ വഴികൾ സൃഷ്ടിക്കുന്നതിനൊപ്പം, സ്‌കൂളിന്റെ സമ്പന്നമായ പാരമ്പര്യത്തെ ആദരിക്കുന്ന പരിപാടികൾക്കായി ഇന്ത്യൻ സ്‌കൂൾ ഒരുങ്ങുകയാണ്.

സ്‌കൂൾ ചെയർമാൻ അഡ്വ. ബിനു മണ്ണിൽ വർഗീസ്, സംഘാടക സമിതി കൺവീനർ പ്രിൻസ് എസ് നടരാജൻ, സെക്രട്ടറി വി. രാജപാണ്ഡ്യൻ, വൈസ് ചെയർമാനും സ്പോർട്സ് അംഗവുമായ ഡോ. മുഹമ്മദ് ഫൈസൽ, അസി.സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, ഫിനാൻസ് & ഐടി അംഗം ബോണി ജോസഫ്, ട്രാൻസ്പോർട്ട് അംഗം മുഹമ്മദ് നയാസ് ഉല്ല, പ്രിൻസിപ്പൽ വിആർ പളനിസ്വാമി, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്കൂൾ & അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി, സ്റ്റാഫ് പ്രതിനിധി പാർവതി ദേവദാസ്, മുൻ സെക്രട്ടറി സജി ആന്റണി, വിപിൻ കുമാർ, ഷാഫി പറക്കാട്ട എന്നിവർ പത്രസമ്മേളനത്തിൽ പങ്കെടുത്തു.

10/01/2025

എം കോം ആൻഡ് പിജി ഡിപ്ലോമ ഇൻ ഇന്റർനാഷനൽ ബിസിനസ് ഓപ്പറേഷനിൽ ഉന്നത വിജയം കരസ്ഥമാക്കിയ സഹദ് അബ്ദുൽ സലിമിനെ മൈത്രി ബഹ്റൈൻ അനുമോദിച്ചു.

വാർഷിക പൊതുയോഗത്തിൽ വച്ച് മൈത്രി രക്ഷാധികാരികൂടിയായ സയ്യിദ് റമദാൻ നദ്‌വി മൊമെന്റോ നൽകി. ചടങ്ങിൽ മൈത്രി പ്രസിഡന്റ് നൗഷാദ് മഞ്ഞപ്പാറ അദ്ധ്യക്ഷൻ ആയിരുന്നു.മൈത്രി ബഹ്റൈൻ വൈസ് പ്രസിഡന്റ് സലിം തയ്യിലിന്റെ മകനാണ് സഹദ്. മൈത്രി ജോയിന്റ് സെക്രട്ടറി സക്കിർഹുസൈൻ, ചീഫ് കോഓർഡിനേറ്റർ നവാസ് കുണ്ടറ, ചാരിറ്റി കൺവീനർ ഷിബു ബഷീർ
എക്സിക്യൂട്ടീവ് അംഗങ്ങൾ ആയ
അനസ് കരുനാഗപ്പള്ളി, ഷാജഹാൻ, അൻവർ ശൂരനാട്, രാജബുദ്ദീൻ, ഷാജഹാൻ, ധൻജീബ് സലാം, ഷിജു ഏഴംകുളം ,ഷഫീക്ക് എന്നിവർ പരിപാടിക്ക് നേതൃത്വം കൊടുത്തു.
മൈത്രി ജനറൽ സെക്രട്ടറി സുനിൽ ബാബു സ്വാഗതവും മൈത്രി ട്രെഷർ അബ്ദുൾബാരി നന്ദി യും പറഞ്ഞു.

09/01/2025

https://www.facebook.com/share/v/1ENES2GNo7/

05/01/2025

മൈത്രി ബഹ്റൈൻ പുതിയ ഭരണസമിതിയെ തിരഞ്ഞെടുത്തു. സൽമാനിയ ഇന്ത്യൻ ഡിലൈറ്റ്സ് ഹാളിൽ വച്ച് നടന്ന വാർഷിക പൊതുയോഗത്തിൽ അടുത്ത രണ്ട് വർഷത്തേക്കുള്ള പുതിയ ഭരണസമിതിയെ തിരഞ്ഞെടുത്തത്.

നിലവിലെ പ്രസിഡന്റ് നൗഷാദ് മഞ്ഞപ്പറയുടെ അധ്യക്ഷതയിൽ നടന്ന വാർഷിക പൊതുയോഗത്തിൽ കഴിഞ്ഞ രണ്ടു വർഷത്തെ പ്രവർത്തന റിപ്പോർട്ട് ജോയിൻ സെക്രട്ടറി സലീം തയ്യിലും സാമ്പത്തിക റിപ്പോർട്ട് ട്രഷറർ അബ്ദുൽ ബാരിയും അവതരിപ്പിച്ചു

മൈത്രി രക്ഷാധികാരി സയ്യിദ് റമദാൻ നദ്‌വി റിട്ടേണിംഗ് ഓഫീസറായി തിരഞ്ഞെടുപ്പിന് നേതൃത്വം നൽകി.

പുതിയ ഭാരവാഹികളായി തിരഞ്ഞെടുക്കപ്പെട്ടവർ

പ്രസിഡന്റ് - സലിം തയ്യിൽ
ജനറൽ സെക്രട്ടറി - സക്കീർ ഹുസൈൻ
ട്രഷറർ - അബ്ദുൽബാരി
വൈസ് പ്രസിഡന്റ്‌ - നൗഷാദ് മഞ്ഞപ്പാറ
ചീഫ് കോഓർഡിനേറ്റർ - സുനിൽ ബാബു
ജോയിന്റ് സെക്രട്ടറിമാർ - ഷബീർ ക്ലാപ്പന, ഷിബു ബഷീർ
അസിസ്റ്റന്റ് ട്രഷർ - ഷാജഹാൻ
ചാരിറ്റി കൺവീനർ - അൻവർ ശൂരനാട്
മെമ്പർഷിപ് കൺവീനഴ്സ് - അബ്ദുൽ സലിം, റജബുദീൻ തേവലക്കര.
എക്സിക്യൂട്ടീവ് കമ്മറ്റി അംഗങ്ങൾ :
നവാസ് കുണ്ടറ,കോയിവിള മുഹമ്മദ് കുഞ്ഞ്, അജാസ് മഞ്ഞപ്പാറ, ഷിറോസ്
മഞ്ഞപ്പാറ, നൗഷാദ്, ഷറഫുദ്ദീൻ അസീസ്,അൻസാർ തേവലക്കര, ഫരീദ് മീരാൻ,നിസാം പുള്ളോട്ടിൽ ,
ഇ കെ നിസാർ, അജുമൽ അലി

യോഗത്തിൽ ജനറൽ സെക്രട്ടറി സുനിൽ ബാബു സ്വാഗതവും നിയുക്ത ട്രഷറർ അബ്ദുൽ ബാരി നന്ദിയും പറഞ്ഞു

05/01/2025

അറേബ്യൻ ഗൾഫ് കപ്പ്‌ ബഹ്‌റൈന്. കുവൈത്ത് ജാബിർ അൽ അഹ്‌മദ്‌ ഇന്റർ നാഷണൽ സ്റ്റേഡിയത്തിൽ ശനിയാഴ്ച രാത്രി നടന്ന ഇരുപത്താറമത് അറേബ്യൻ ഗൾഫ് കപ്പ് ഫൈനൽ മത്സരത്തിൽ ഒമാനെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തിയാണ് ബഹ്‌റൈൻ ജേതാക്കളായത്.

കളിയുടെ ആദ്യ പകുതിയിൽ17-ാമത്തെ മിനുട്ടിൽ അബ്ദുറഹ്മാൻ മുശൈരിഫീ നേടിയ ഗോളിൽ ഒമാൻ മുന്നിട്ട് നിന്നിരുന്നു. രണ്ടാം പകുതിയിൽ 78-ാമത്തെ മിനുട്ടിൽ ബഹ്‌റൈന്റെ മുഹമ്മദ്‌ മർഹൂൻ നേടിയ പെനാൽറ്റി കിക്കിലൂടെ ബഹ്‌റൈൻ സമനില നേടി. തൊട്ടുപിന്നാലെ 79-ാ മത്തെ മിനുട്ടിൽ മുഹമ്മദ്‌ അൽ മസ്‌ലമി ബഹ്റൈന്റെ രണ്ടാമത്തെ ഗോൾ നേടി

04/01/2025

മൃദം​ഗവിഷൻ നൃത്ത പരിപാടിക്കായി സ്റ്റേഡിയം വിട്ടുനൽകിയതിൽ അഴിമതി ആരോപണം.

കൊച്ചി: കലൂർ സ്റ്റേഡിയത്തിൽ മൃദം​ഗവിഷൻ സംഘടിപ്പിച്ച ഗിന്നസ് റെക്കോഡ് നൃത്ത പരിപാടിക്കായി കലൂര്‍ ജവഹർലാൽ നെഹ...