Thrikkakara Speaks

28/05/2022

എൽഡിഎഫ് സ്ഥാനാർത്ഥി ഡോ. ജോ ജോസഫിനെതിരെ കോൺഗ്രസ് നേതാക്കളും പ്രവർത്തകരും അശ്ലീല വീഡിയോ പ്രദർശിപ്പിച്ച സംഭവത്തിൽ ഉമതോമസ് മാപ്പ് പറയണമെന്ന് പ്രശസ്ത സംവിധായക വിധു വിൻസെന്റ്

28/05/2022

എൽഡിഎഫ്‌ സ്ഥാനാർഥി ഡോ. ജോ ജോസഫിനെതിരായ വ്യാജ അശ്ലീല വീഡിയോ പ്രചാരണത്തെ ന്യായീകരിച്ച പ്രതിപക്ഷ നേതാവ്‌ വി ഡി സതീശന്റെ നിലപാടിനെതിരെ എഐസിസി അംഗവും മഹിളാ കോൺഗ്രസ്‌ മുൻ അഖിലേന്ത്യ സെക്രട്ടറിയുമായ സിമ്മി റോസ്‌ബെൽ ജോൺ രംഗത്ത്‌.

27/05/2022

തൃക്കാക്കരയുടെ മനസ്സ് ആർക്കൊപ്പം ?
മണ്ഡലത്തിലെ വോട്ടർമാർ പറയുന്നു.

24/05/2022

തൃക്കാക്കരകാർക്ക് മാത്രം പ്രിയപ്പെട്ടവനല്ല ഡോക്ടർ ജോ ജോസഫ് എന്നത് വ്യക്തമാക്കുന്നതാണ് തൃക്കാക്കരയിലെ ഇപ്പോഴത്തെ കാഴ്ച്ചകൾ. മണ്ഡലത്തിൽ അങ്ങോളം ഇങ്ങോളം വ്യക്തിബന്ധമുള്ള ഡോക്‌ടറെ കുറിച്ച് വൈകാരികമായി സംസാരിക്കുന്ന തമിഴ്നാട് സ്വദേശിയുടെ വാക്കുകൾ....

23/05/2022

തൃക്കാക്കരയിൽ ബിജെപി - കോൺഗ്രസ് ധാരണ പരസ്യമായി. ബിജെപി വോട്ടുകൾ കോൺഗ്രസിന് മറിച്ച് നൽകാനുള്ള തീരുമാനം നേരത്തെ തന്നെ പുറത്ത് വന്നിരുന്നെങ്കിലും ഈ ബാന്ധവം വ്യക്തമാക്കുന്ന ദൃശ്യങ്ങളാണ് ഇപ്പോൾ പുറത്ത് വന്നിരിക്കുന്നത്. തൃക്കാക്കര മണ്ഡലത്തിലെ കോൺഗ്രസ്-ബിജെപി വോട്ട് കച്ചവട നീക്കത്തിന്റെ ഭാഗമായി കൊച്ചി കോർപ്പറേഷൻ ഉപതെരഞ്ഞെടുപ്പ് നടന്ന വാർഡിലും തൃപ്പൂണിത്തുറ നഗരസഭയിലും ബിജെപി വോട്ടുകൾ കോൺഗ്രസിന് മറിച്ച് നൽകിയിരുന്നു. ഇവിടങ്ങളിൽ ബിജെപി സ്ഥാനാർത്ഥികൾ ജയിക്കുകയും കോൺഗ്രസ് വോട്ടുകൾ രണ്ടക്കം കടക്കാത്ത അവസ്ഥയുമായിരുന്നു. തുടർന്ന് തൃക്കാക്കരയിൽ ബിജെപി വോട്ടുകൾ കോൺഗ്രസിന് എന്നതും നേതൃത്വ തലത്തിൽ തീരുമാനം ആയിരുന്നു. ഈ തീരുമാനത്തിന്റെ കൂടി തുടർച്ചയിലാണ് ബിജെപി തെരഞ്ഞെടുപ്പ് കമ്മിറ്റി ഓഫീസിലെത്തി കോൺഗ്രസ് സ്ഥാനാർത്ഥി ഉമ ബിജെപി പ്രവർത്തകരെ അഭിവാദ്യം ചെയ്യുന്നതിന്റെയും ബിജെപി വോട്ടുകൾ ഉറപ്പിക്കുനത്തിന്റെയും ദൃശ്യങ്ങൾ പുറത്തുവന്നിരിക്കുന്നത്.

22/05/2022

കോൺഗ്രസിനെ ഇന്ന് നയിക്കുന്ന നേതാക്കൾ മുഴുവനും സ്ത്രീ പീഡന കേസിലെ പ്രതികളാണ്. കെ സി വേണുഗോപാലും, മുൻമന്ത്രി എ പി അനിൽകുമാറും, ഹൈബി ഈഡനും, അടൂർ പ്രകാശും ഉൾപ്പെടെ മുഴുവൻ ആളുകളും പീഡനകേസുകളിൽ പ്രതികളാണ്. തൃക്കാക്കര ഉപതെരഞ്ഞെടുപ്പിൽ വോട്ടു തേടുന്ന കോൺഗ്രസ് നേതാക്കളിൽ സ്ത്രീ പീഡന കേസിൽ പ്രതികൾ അല്ലാത്തവർ ആരെല്ലാം ഉണ്ടെന്ന് കോൺഗ്രസ് നേതൃത്വം വെളിപ്പെടുത്തണം.

കെ പി അനിൽകുമാർ
മുൻ കോൺഗ്രസ് നേതാവ്

22/05/2022

സഹോരദന്റെ മരണത്തെ തുടർന്ന്‌ രണ്ടാഴ്‌ചയോളം പൊതുരംഗത്ത്‌ സജീവമല്ലാതിരുന്ന തനിക്കെതിരെ കോൺഗ്രസ്‌ നേതാക്കൾ തെറിവിളി നടത്തുകയായിരുന്നെന്ന്‌ കെ വി തോമസ്‌. ഉമ്മൻചാണ്ടിക്കും രമേശ്‌ ചെന്നിത്തലയ്‌ക്കും കോൺഗ്രസിൽ സമാന അവസ്ഥയാണുള്ളതെന്നും കെ വി തോമസ്‌ വാർത്താസമ്മേളനത്തിൽ പറഞ്ഞു.
മാന്യമായ ഭാഷയിലാണ്‌ എതിർപ്പുകളും പ്രകടിപ്പിക്കേണ്ടത്‌. എന്നാൽ അണികളെക്കൊണ്ട്‌ ചില നേതാക്കന്മാർ സമൂഹമാധ്യമങ്ങളിലടക്കം തെറിവിളി നടത്തുകയാണ്‌. വികസനത്തിനൊപ്പം നിൽക്കേണ്ട സാഹചര്യത്തിൽ പ്രതിപക്ഷം അതിന്‌ തയ്യാറാകുന്നില്ല. മുഖ്യമന്ത്രി പല വെല്ലുവിളികളും ഏറ്റെടുത്തുകൊണ്ടാണ്‌ സർക്കാരിനെ മുന്നോട്ടുകൊണ്ടുപോകുന്നത്‌. കഴിഞ്ഞ സർക്കാരിന്റെ കാലത്ത്‌ രമേശ്‌ ചെന്നിത്തലയും ഉമ്മൻചാണ്ടിയുമടക്കം പ്രതിസന്ധി ഘട്ടങ്ങളിൽ സർക്കാരിനെ പിന്തുണച്ചു. എന്നാൽ ഇപ്പോൾ കോൺഗ്രസിന്‌ മറ്റ്‌ പലതുമാണ്‌ പ്രധാനം.
63 പ്രമുഖ നേതാക്കന്മാരാണ്‌ ദേശീയതലത്തിൽ കോൺഗ്രസ്‌ വിട്ട്‌ ബിജെപിയിലേക്ക്‌ പോയത്‌. കല്ല്യാണം നടത്തുന്നതുപോലെ പാർട്ടിയെ ശക്തിപ്പെടുത്താൻ ഇവന്റ്‌ മാനേജ്‌മെന്റിന്‌ ആകില്ല. അത്‌ മനസ്സിലാക്കിയാണ്‌ പ്രശാന്ത്‌ കിഷോർ പിന്മാറിയതെന്നും കെ വി തോമസ്‌ പറഞ്ഞു. എ പി അനിൽ കുമാർ, ജി രതികുമാർ, എ ബി സാബു, എം ബി മുരളീധരൻ, ഷെരീഫ്‌ മരയ്‌ക്കാർ തുടങ്ങി കോൺഗ്രസിന്റെ വികസന വിരുദ്ധ രാഷ്‌ട്രീയത്തിൽ പ്രതിഷേധിച്ച്‌ എൽഡിഎഫിലേക്ക്‌ വന്ന നേതാക്കളും വാർത്താസമ്മേളനത്തിൽ പങ്കെടുത്തു.

21/05/2022

തൃക്കാക്കര ഉപതെരഞ്ഞെടുപ്പ് ദിവസമായ 31ന്‌ മണ്ഡലത്തിൽ പൊതു അവധി പ്രഖ്യാപിച്ചു. സർക്കാർ, അർധസർക്കാർ സ്ഥാപനം, വിദ്യാഭ്യാസ സ്ഥാപനം, നെഗോഷ്യബിൾഇൻസ്‌ട്രുമെന്റേഷൻആക്‌ടിന്റെ പരിധിയിൽ വരുന്ന വാണിജ്യ സ്ഥാപനം തുടങ്ങിയവയ്‌ക്ക്‌ അവധി ബാധകമാണ്‌. സ്വകാര്യ സ്ഥാപനം, സ്വകാര്യ വ്യവസായ കേന്ദ്രം, ഷോപ്സ് ആൻഡ് കൊമേഴ്സ്യൽ എസ്റ്റാബ്ലിഷ്മെന്റ് ആക്ടിന്റെ പരിധിയിൽ വരുന്ന മറ്റു സ്വകാര്യ സ്ഥാപനം എന്നിവിടങ്ങളിലെ ജീവനക്കാർക്ക് ഈ ദിവസം ശമ്പളത്തോടെയുള്ള അവധി അനുവദിക്കണം. ഇതിനുള്ള നടപടി സ്വീകരിക്കാൻ ലേബർകമീഷണർക്ക്‌ സർക്കാർ നിർദേശം നൽകി. തൃക്കാക്കരയിലെ സമ്മതിദായകരായ മണ്ഡലത്തിനുപുറത്ത്‌ ജോലി ചെയ്യുന്നവർക്കും ശമ്പളത്തോടെയുള്ള അവധി ബാധകമായിരിക്കും.

20/05/2022

സംസ്ഥാന സര്‍ക്കാരിനെ അഭിനന്ദിച്ച് ഉമ്മന്‍ചാണ്ടി; 'കേന്ദ്ര നീക്കം തടഞ്ഞ നടപടി അങ്ങേയറ്റം അഭിനന്ദനാര്‍ഹം'

കെപിപിഎല്‍ പ്രവര്‍ത്തനോദ്ഘാടന ചടങ്ങില്‍ സംസ്ഥാന സര്‍ക്കാരിനെ അഭിനന്ദിച്ച് മുതിര്‍ന്ന കോണ്‍ഗ്രസ് നേതാവ് ഉമ്മന്‍ ചാണ്ടി. എച്ച്എന്‍എല്ലിനെ റിയല്‍ എസ്റ്റേറ്റ് കച്ചവടത്തിന് ഉപയോഗിക്കാനുള്ള കേന്ദ്ര സര്‍ക്കാര്‍ നീക്കം തടഞ്ഞ സംസ്ഥാന സര്‍ക്കാരിന്റെ നടപടി അങ്ങേയറ്റം അഭിനന്ദനാര്‍ഹമാണെന്ന് ഉമ്മന്‍ ചാണ്ടി പറഞ്ഞു.

19/05/2022

"തൃക്കാക്കരയിൽ വികസനം വരണമെങ്കിൽ ഭരണപക്ഷ എംഎൽഎ വരണം, ഒരു പ്രൊഫഷണൽ എംഎൽഎയെ ഞങ്ങൾക്ക് ആവശ്യമുണ്ട്" ടെക്കികൾക്കും പറയാനുണ്ട്.

19/05/2022

എറണാകുളം ഡിസിസി ജനറൽ സെക്രട്ടറിയും ജില്ലയിലെ മുതിർന്ന കോൺഗ്രസ് നേതാവുമായ എം ബി മുരളീധരൻ കോൺഗ്രസ് വിട്ടു. തൃക്കാക്കര നിയോജകമണ്ഡലം ഉപതെരഞ്ഞെടുപ്പിൽ സ്ഥാനാർത്ഥി നിർണയത്തിൽ കോൺഗ്രസ് പാർട്ടിയിൽ ഒരു ചർച്ചയും നടന്നില്ലെന്നും സാധാരണ പ്രവർത്തകരുടെ വികാരം ഉൾക്കൊള്ളാതെയാണ് സ്ഥാനാർത്ഥി പ്രഖ്യാപനം ഉണ്ടായതെന്നും മുരളീധരൻ പറഞ്ഞു. കുടുംബ രാഷ്ട്രീയത്തെയും സഹതാപ രാഷ്ട്രീയത്തേയും എതിർത്ത പി ടി തോമസിനോടുള്ള അനീതിയാണ് ഈ സ്ഥാനാർത്ഥി പ്രഖ്യാപണമെന്നും അദ്ദേഹം പറഞ്ഞു. തൃക്കാക്കര മണ്ഡലത്തിന്റെ സമഗ്ര വികസനത്തിനായി എൽഡിഎഫ് വിജയത്തിനായി പ്രവർത്തിക്കുമെന്നും എൽഡിഎഫ് സ്ഥാനാർത്ഥി ഡോ. ജോ ജോസഫിന്റെ വിജയം അനിവാര്യമാണെന്നും മുരളീധരൻ തൃക്കാക്കര സ്പീക്സിനോട് പറഞ്ഞു.

19/05/2022

സ്ഥാനാര്‍ഥി നിര്‍ണ്ണയത്തിലെ അഭിപ്രായ വ്യത്യാസം പാര്‍ട്ടിയെ അറിയിച്ചിരുന്നു. എന്നാല്‍ നേതൃത്വം വ്യത്യസ്ത സമീപനം സ്വീകരിക്കുകയായിരുന്നു. മോശമായ പ്രതികരണമാണ് കോണ്‍ഗ്രസ് നേതൃത്വത്തില്‍ നിന്ന് ഉണ്ടായത്.
സ്ഥാനാര്‍ഥിത്വം നല്‍കിയല്ല മറ്റ് തരത്തിലാണ് പി ടി തോമസിന്റെ കുടുംബത്തെ സഹായിക്കേണ്ടിയിരുന്നത്. സ്ഥാനാര്‍ഥിയായി കോണ്‍ഗ്രസ് സജീവ പ്രവര്‍ത്തകരെ പരിഗണിക്കേണ്ടിയിരുന്നുവെന്നും മുരളീധരന്‍ പറഞ്ഞു.
നിരവധി അതൃപ്തര്‍ കോണ്‍ഗ്രസ് പാര്‍ട്ടിയിലുണ്ട്. താന്‍ പര്‍ട്ടി പ്രവര്‍ത്തനത്തില്‍ നിന്ന് മാറി നില്‍ക്കുകയായിരുന്നു. ഇനി എല്‍ഡിഎഫിനായി പ്രചാരണത്തിനിറങ്ങുമെന്നും മുരളീധരന്‍ പറഞ്ഞു.

18/05/2022

17/05/2022

16/05/2022

തൃക്കാക്കര നിയോജകമണ്ഡലം എൽഡിഎഫ് സ്ഥാനാർത്ഥി ഡോക്ടർ ജോ ജോസഫിനെ കുറിച്ച് സഹപാഠികൾക്കും സുഹൃത്തുകൾക്കും പറയാനുള്ളത്.

16/05/2022

മുന്നണികളുടെ തെരഞ്ഞെടുപ്പ് പര്യടനം ആരംഭിച്ചതോടെ പരമാവധി വോട്ട് ഉറപ്പിക്കാനുള്ള ശ്രമത്തിലാണ് എൽഡിഎഫ് സ്ഥാനാർത്ഥി ഡോ. ജോ ജോസഫ്. മണ്ഡലത്തിന്റെ വിവിധ ഭാഗങ്ങളിലെ വോട്ടർമാരെ നേരിൽ കണ്ട് മണ്ഡലത്തിലെ പ്രശ്നങ്ങൾ ചോദിച്ചു മനസ്സിലാക്കുന്നതിനോടൊപ്പം എൽഡിഎഫ് സർക്കാർ സംസ്ഥാനത്ത് നടപ്പിലാക്കിയ വികസന നേട്ടങ്ങൾ എണ്ണി പറഞ്ഞുമാണ് ജോ ജോസഫിന്റെ വോട്ട് അഭ്യർത്ഥന. സ്ഥാനാർത്ഥി പ്രഖ്യാപനത്തിന് മുൻപ് തന്നെ മണ്ഡലത്തിൽ സുപരിചിതനായ ഡോക്ടർക്ക് മണ്ഡലത്തിന്റെ എല്ലാ പത്തും സുഹൃത്തുക്കളും പരിചയക്കാരുമുണ്ട്. ഈ വ്യക്തിബന്ധങ്ങൾ വോട്ടായി മാറിയാൽ അതും എൽഡിഎഫിന് ഗുണം ചെയ്യും.

മഹാരാജാസ് കോളേജിൽ മക്കൾക്കും മരുമകൾക്കും ഒപ്പമായിരുന്നു കഴിഞ്ഞ ദിവസം യുഡിഎഫ് സ്ഥാനാർത്ഥി. വോട്ടർമാരെ കാണുന്നതല്ലാതെയുള്ള ഇത്തരം ഓർമ്മ പുതുക്കൽ പരിപാടികൾക്കാണ് യുഡിഎഫ് ക്യാമ്പ് പ്രാധാന്യം നൽകുന്നത്. എൽഡിഎഫ് പറയുന്ന വികസന നേട്ടങ്ങളോട് പിടിച്ച നില്ക്കാൻ ആകാത്തതിനാലും വോട്ടർമാരോട് പുതുതായി ഒന്നും പറയാൻ ഇല്ലാത്തതിനാലുമാണ് ഇത്തരം വൈകാരിക പ്രകടനങ്ങൾ എന്നും ആക്ഷേപമുണ്ട്. സ്ഥാനാർത്ഥി പ്രഖ്യാപനത്തിന്റെ തുടക്കം മുതൽ സഹതാപം പറയുക എന്ന തന്ത്രമാണ് കോൺഗ്രസിന്റേത്. മണ്ഡലത്തിന്റെ നിലവിലെ വികസനമില്ലായ്മയും ഗതാഗത കുരുക്കും കുടിവെള്ള പ്രശ്നവും യുഡിഎഫ് പറയുന്നില്ല എന്നതും ശ്രദ്ധേയമാണ്.

വൈകി വന്ന സ്ഥാനാർത്ഥി പ്രഖ്യാപനത്തിന് പിന്നാലെ മണ്ഡലത്തിൽ സജീവമാകാനുള്ള ശ്രമത്തിലാണ് എൻഡിഎ ക്യാമ്പ്. യുഡിഎഫിനെതിരായി കാര്യമായി വിമർശനം ഉന്നയിക്കാതെയുള്ള ക്യാമ്പയിനാണ് എൻഡിഎ മണ്ഡലത്തിൽ നടത്തുന്നത് എന്നതും ശ്രദ്ധേയമാണ്.

15/05/2022

ജില്ലയിൽ മഴ കനക്കുമ്പോഴും തൃക്കാക്കരയിൽ ഉപതെരഞ്ഞെടുപ്പിന്റെ നല്ല ചൂടാണ്. വിവിധ മുന്നണി സ്ഥാനാർത്ഥികൾ കൺവെഷനുകളും പര്യടനങ്ങളുമായി തൃക്കാക്കരയിൽ സജീവമാണ്. മണ്ഡലത്തിന്റെ വിവിധ ഭാഗങ്ങളിൽ സ്ഥാനാർത്ഥികൾ നേരിട്ട് ഇറങ്ങിയതോടെ തൃക്കാക്കര മുഴുവൻ സമയവും ലൈവാണ്. എൽഡിഎഫ് സ്ഥാനാർത്ഥി പ്രധാനമായും ചോദിക്കുന്ന ചോദ്യം തൃക്കാക്കരയ്ക്ക് ഒരു ഭരണപക്ഷ എംഎൽഎ വേണോ പ്രതിപക്ഷ എംഎൽഎ വേണമോ എന്നാണ്. തൃക്കാക്കര താൻ ജയിച്ചാൽ കേരളത്തിലാകമാനം എൽഡിഎഫ് നടപ്പിലാക്കിയ വികസന നേട്ടങ്ങളും പദ്ധതികളും മണ്ഡലത്തിലും നടപ്പിലാക്കുമെന്നും കഴിഞ്ഞ കാലങ്ങളിൽ കിഫ്‌ബി അടക്കമുള്ള പദ്ധതി മണ്ഡലത്തിൽ വേണ്ടെന്ന് വാശിപിടിച്ച കോൺഗ്രസ് എംഎൽഎയെ പോലെ ആകില്ല താനെന്നും ഡോ. ജോ ജോസഫ് പറയുന്നു. കുടിവെള്ളത്തിന്റെ ദൗർലഭ്യം, ഗതാഗത കുരുക്ക്, വെള്ളക്കെട്ട് തുടങ്ങിയ മണ്ഡലത്തിൽ ചർച്ചയാകുന്ന വിഷയങ്ങൾ ഉയർത്തിക്കാട്ടിയാണ് എൽഡിഎഫ് വോട്ടർമാരിലേക്ക് എത്തുന്നത്. മണ്ഡലത്തിന്റെ വോട്ടർമാരെ നേരിട്ട് കണ്ടാണ് എൽഡിഎഫ് ക്യാമ്പിന്റെ വോട്ട് അഭ്യർത്ഥന. മന്ത്രിമാരും എംഎൽഎമാരും ഉൾപ്പെടെയുള്ളവർ തൃക്കാക്കരയിൽ ക്യാമ്പ് ചെയ്താണ് വോട്ടർമാരോട് സർക്കാരിന്റെ വികസന നേട്ടങ്ങൾ പങ്കുവെക്കുന്നത്. എന്നാൽ വോട്ടർമാരെ നേരിട്ട് കാണുന്ന എൽഡിഎഫ് തന്ത്രമല്ല യുഡിഎഫ് ക്യാമ്പിൽ. മണ്ഡലത്തിൽ കാര്യമായ വികസന നേട്ടങ്ങൾ ഒന്നും പറയാനില്ലാത്ത യുഡിഎഫ് സഹതാപത്തിലാണ് കണ്ണ് വെക്കുന്നത്. എൽഡിഫ് പറയുന്ന വികസനങ്ങളെ സഹതാപം ഉപയോഗിച്ച് പിടിച്ചു നിർത്താൻ കഴിയുമെന്ന് യുഡിഎഫ് കരുമ്പോഴും വികസനം ആഗ്രഹിക്കുന്ന കൊച്ചിയിലെ യുവ വോട്ടറാമാർ എങ്ങനെ ചിന്തിക്കും എന്നത് കാത്തിരുന്ന തന്നെ കാണണം. യുഡിഎഫിനെ കടന്ന് ആക്രമിക്കാതെയാ ബിജെപി പ്രചാരണം എന്നതും ശ്രദ്ധേയമാണ്. വികസനം ആഗ്രഹിക്കുന്ന പുതിയ വോട്ടുകളും ബിജെപിക്ക് എതിരായ ന്യൂനപക്ഷ വോട്ടുകളും എൽഡിഎഫ് ക്യാമ്പിൽ എത്തിയാൽ തൃക്കാകരയിൽ ചരിത്രം വഴിമാറും.

15/05/2022

ഒരുപതിറ്റാണ്ടിലേറെ നീണ്ടുനിന്ന അന്താരാഷ്ട്ര കരിയറില്‍ ഓസ്ട്രേലിയന്‍ ക്രിക്കറ്റിലെ നിര്‍ണ്ണായക സാന്നിധ്യമായിരുന്ന ആന്‍ഡ്രൂ സൈമണ്ട്സ് വാഹന അപകടത്തിൽ അന്തരിച്ചു. ക്വീന്‍സ്‌ലാന്‍ഡിലെ ടൗണ്‍സ്‌വില്ലയിലുണ്ടായ കാറപകടത്തില്‍ ശനിയാഴ്ച്ച രാത്രിയാണ് സൈമണ്ട്സിന്‍റെ അന്ത്യം. ഓസ്‌ട്രേലിയക്കായി 26 ടെസ്റ്റുകളും 198 ഏകദിന മത്സങ്ങളും സൈമണ്ട്‌സ് കളിച്ചിട്ടുണ്ട്. 14 ട്വന്റി-20 മത്സരങ്ങളിലും ഓസ്‌ട്രേലിയന്‍ ടീമിനായി കളത്തിലിറങ്ങി. ഓസീസിനൊപ്പം 2003,2007 ലോകകപ്പ് കിരീടനേട്ടങ്ങളിലും സൈമണ്ട്സ് പങ്കാളിയായി. ആന്‍ഡ്രൂ സൈമണ്ട്‌സിന്റെ അകാല വിയോഗത്തിൽ തൃക്കാക്കര സ്പീക്സ് അനുശോചനം രേഖപ്പെടുത്തുന്നു.

14/05/2022

'വെള്ളം വെള്ളം സർവ്വത്ര തുള്ളി കുടിക്കാൻ ഇല്ലത്രെ' എന്ന് പറയുന്നതാണ് നിലവിലെ തൃക്കാക്കരയുടെ അവസ്ഥ. ജില്ലയിൽ മഴ കനക്കുമ്പോഴും തൃക്കാക്കരയിൽ വെള്ളക്കെട്ടും കൊതുകു കടിയും കൂടി എന്നല്ലാതെ മറ്റ് കാര്യങ്ങളിൽ മാറ്റമൊന്നും ഇല്ല. തൃക്കാക്കരയുടെ കുടിവെള്ള പ്രശ്നത്തിന് പരിഹാരം കണ്ടെത്താൻ ഇപ്പോഴും കഴിയുന്നില്ല എന്നതാണ് യാഥാർഥ്യം. മഴ പെയ്തതോടെ പൊതു കിണറുകൾ പലതും മലിന ജല കുഴികളായി മാറി. തൃക്കാക്കര നിവാസികൾ കാലങ്ങളായി നേരിടുന്ന കുടിവെള്ള ദൗർലഭ്യം തന്നെയാണ് ഇത്തവണയും തെരഞ്ഞെടുപ്പിന്റെ പ്രധാന ചർച്ച വിഷയം. മണ്ഡലത്തിൽ പല ഇടത്തും ഇപ്പോഴും കുടിവെള്ളം എത്തിക്കുന്നത് ടാങ്കറുകളിലാണ്. തങ്ങൾ കാലങ്ങളായി നേരിടുന്ന ഈ പ്രശ്നത്തിന് ഒരു പരിഹാരം വേണമെന്നാണ് തൃക്കാക്കരയിലെ വോട്ടർമാർക്ക് പറയാനുള്ളത്. എറണാകുളം ജില്ലയിലെ മറ്റ് പല ഇടങ്ങളിലും കുടിവെള്ള പ്രശ്നത്തിന് പ്രായോഗികവും ശാസ്ത്രീയവുമായ പരിഹാരം കണ്ടപ്പോഴും തൃക്കാക്കരയിൽ ഒരു പരിഹാരവും ഉണ്ടായില്ലെന്ന് മാത്രമല്ല കുടിവെള്ള ക്ഷാമം കൂടുതൽ രൂക്ഷമാവുകയും ചെയ്തു. മാറി മാറി വന്ന എംഎൽഎമാരും നഗരസഭയും ഈ വിഷയത്തിൽ ഒന്നും ചെയ്തില്ലെന്നും നാട്ടുകാർ പറയുന്നു. മണ്ഡലത്തിലെ കുടിവെള്ള പ്രശ്നത്തിന് പരിഹാരം ഉണ്ടാക്കുമെന്നാണ് എൽഡിഎഫ് പറയുന്നത്. കഴിഞ്ഞ കാലങ്ങളിൽ മണ്ഡലത്തിൽ കുടിവെള്ളം എത്തിക്കാൻ ഒന്നും ചെയ്യാതിരുന്ന യുഡിഎഫിന് എന്തിനാണ് ജനം വോട്ട് ചെയ്യേണ്ടതെന്നും എൽഡിഎഫ് ചോദിക്കുന്നു. തെരഞ്ഞെടുപ്പ് അടുത്തതോടെ കുടിവെള്ള വിഷയത്തിൽ ഇനിയെങ്കിലും ഒരു പരിഹാരം വേണമെന്ന ആവശ്യം മണ്ഡലത്തിൽ ശക്തമായി ഉയർന്നു കഴിഞ്ഞു.

13/05/2022

എറണാകുളം എംപി ഹൈബി ഈഡനെ പീഡന കേസില്‍ സിബിഐ ചോദ്യം ചെയ്തു

എറണാകുളം എംപി ഹൈബി ഈഡനെ സോളാർ പീഡന കേസില്‍ സിബിഐ ചോദ്യം ചെയ്തു. കൊച്ചിയിലാണ് ഹൈബി ഈഡൻ എംപിയെ പീഡന കേസിൽ ചോദ്യം ചെയ്തത്. ഹൈബി ഈഡൻ എംഎല്‍എ ആയിരുന്നപ്പോൾ താമസിച്ചിരുന്ന എംഎൽഎ ഹോസ്റ്റലില്‍ സിബിഐ നേരത്തെ തെളിവെടുപ്പ് നടത്തിയിരുന്നു. പരാതിക്കാരിയുമൊത്താണ്‌ അന്ന്‌ എംഎൽഎ ഹോസ്റ്റലിൽ സിബിഐ പരിശോധനന നടത്തിയത്‌. ഹോസ്റ്റലിലെ നിള ബ്ലോക്കിലെ 34 ആം നമ്പർ മുറിയാണ്‌ പരിശോധിച്ചത്. 2013 ൽ എംഎൽഎ ആയിരിക്കവെ ഹൈബി ഈഡൻ നിള ബ്ലോക്കിലെ 34 നമ്പർ മുറിയിൽ വെച്ച് പീഡിപ്പിച്ചെന്നാണ് പരാതിക്കാരിയുടെ ആരോപണം. തൃക്കാക്കര തെരഞ്ഞെടുപ്പ് വേളയിൽ ജില്ലയിലെ പ്രധാന നേതാവിനെ പീഡന കേസിൽ കേന്ദ്ര ഏജൻസി ചോദ്യം ചെയ്തത് യുഡിഎഫ് ക്യാമ്പിൽ ആശങ്ക സൃഷ്ടിക്കും എന്നതിൽ സംശയമില്ല. പീഡന കേസിൽ സിബിഐ ചോദ്യം ചെയ്തതോടെ തൽക്കാലം പ്രചാരണത്തിൽ നിന്ന് വിട്ട് നിൽക്കാൻ ഹൈബിയോട് കോൺഗ്രസ് നേതൃത്വം ആവശ്യപ്പെട്ടു എന്നാണ് വിവരം. കോൺഗ്രസ് നേതാക്കളായ ഉമ്മൻചാണ്ടി, കെ സി വേണുഗോപാൽ, അടൂർ പ്രകാശ്, എ.പി അനിൽകുമാ‍ർ, അബ്ദുള്ള കുട്ടി, അനിൽകുമാറിന്‍റെ പ്രൈവറ്റ് സെക്രട്ടറിയായിരുന്ന സഹദുള്ള എന്നിവർക്കെതിരെയും പീഡനപരാതി നിലനിൽക്കുന്നുണ്ട്.

13/05/2022

ബ്ലോക്കിൽ കുടുങ്ങി ജനം; ആസൂത്രണമില്ലാത്ത നഗര വികസനത്തിൽ വട്ടം കറങ്ങി തൃക്കാക്കര

എറണാകുളം ജില്ലയുടെ ഭരണസിരാ കേന്ദ്രമാണ് തൃക്കാക്കര മണ്ഡലത്തിൽ ഉൾപ്പെടുന്ന കാക്കനാടും സമീപ പ്രദേശങ്ങളും. കേന്ദ്ര സംസ്ഥാന സർക്കാർ ഓഫീസുകൾ, വിവിധ വാണിജ്യ വ്യവസായ സ്ഥാപനങ്ങൾ തുടങ്ങിയവ സ്ഥിതി ചെയ്യുന്നിടം. ജില്ലയിൽ ഏറ്റവും കൂടുതൽ ആളുകൾ വന്ന് പോകുന്ന ഇടമായിട്ടും ഇപ്പോഴും ഒരു അടിസ്ഥാന സൗകര്യ വികസനവും നഗരത്തിൽ ഉണ്ടായിട്ടില്ല. മാറി മാറി വന്ന എംഎൽഎമാരുടെ ഭാഗത്ത് നിന്നും ഒരു മാസ്റ്റർ പ്ലാൻ ഉണ്ടാകാത്തത് ഇപ്പോഴും പ്രദേശത്തിന്റെ വികസനത്തിന് വലിയ വെല്ലുവിളിയാണ് സൃഷ്ടിക്കുന്നത്. ഓരോ ദിവസവും പതിനായിരങ്ങളാണ് മണ്ഡലത്തിന്റെ വിവിധ ഭാഗങ്ങളിൽ വന്ന് പോകുന്നത് എന്നാൽ ഇവിടേക്ക് എത്തുന്ന വാഹനങ്ങൾക്ക് കടന്ന് പോകാൻ റോഡിലോ വാഹനങ്ങൾ പാർക്ക് ചെയ്യാൻ പാർക്കിങ് ഏരിയയോ ഇല്ല. ഇത്തരത്തിലുള്ള വാഹനങ്ങളുടെ നീണ്ട നിര വലിയ ഗതാഗത കുരുക്കാണ് പ്രദേശത്ത് രൂപപ്പെടുത്തുന്നത്. അതിനാൽ തന്നെ ഈ അവസ്ഥയിൽ ഒരു മാറ്റം വേണം എന്നാണ് ജനങ്ങളുടെ കൂട്ടായ ആവശ്യം. ഈ നടക്കുന്ന ഉപതെരഞ്ഞെടുപ്പിൽ ഈ വിഷയത്തിനൊരു പരിഹാരം കണ്ടെത്താൻ കഴിവുള്ളവർക്ക് മാത്രമേ തങ്ങളുടെ വോട്ട് നൽകാൻ ഉദ്ദേശിക്കുന്നുള്ളൂ എന്നും തൃക്കാക്കരയിലെ വോട്ടർമാർ പറയുന്നു. മണ്ഡലത്തിന്റെ സമൂലമായ വികസനം എന്ന വാഗ്ദാനവുമായി വോട്ട് പിടിക്കാൻ ഇറങ്ങുന്ന എൽഡിഎഫ് സ്ഥാനാർത്ഥി ഡോ ജോ ജോസഫ് നഗരത്തിന്റെ ഗതാഗത കുരുക്ക് ഇപ്പോൾ തന്നെ ജനങ്ങൾക്ക് മുന്നിൽ വെച്ച് കഴുഞ്ഞു. കഴിഞ്ഞ കാലത്തെ യുഡിഎഫ് ജനപ്രതിനിധികൾ മണ്ഡലത്തെ പിന്നോട്ട് നടത്തിയെന്നും കിഫ്‌ബി പോലുള്ള ഫണ്ടുകൾ മണ്ഡലത്തിൽ ഉപയോഗിക്കാൻ മുൻ എംഎൽഎ പി ടി തോമസ് തയ്യാറാകാതിരുന്നതരാണ് ഇത്തരം ഒരു അവസ്ഥയുടെ പ്രധാന കാരണമെന്നും എൽഡിഎഫ് ക്യാമ്പ് പറയുന്നു. സംസ്ഥാനം മുഴുവൻ എൽഡിഎഫ് നടത്തുന്ന വികസന പ്രവർത്തനങ്ങൾ തൃക്കാക്കരയ്ക്കും വേണമെന്നും അവർ പറയുന്നു. എന്നാൽ ഈ വിഷയത്തിൽ യുഡിഎഫ് ക്യാമ്പ് പുലർത്തുന്ന മൗനം ഇപ്പോഴും തുടരുകയാണ്. എന്തായാലും തെരഞ്ഞെടുപ്പ് അടുത്ത ഈ വേളയിൽ ഈ ഗാതത കുരുക്ക് ആർക്കാണ് കുരുക്കാവുക എന്നത് കാത്തിരുന്ന തന്നെ കാണണം.

12/05/2022

തൃക്കാക്കരയിൽ തെരഞ്ഞെടുപ്പ് പ്രചാരണം ചൂട് പിടിക്കുന്നതിനിടയിൽ യുഡിഎഫ് ക്യാമ്പിന് തിരിച്ചടിയായി കെ വി തോമസിന്റെ എൽഡിഎഫ് വേദിയിലെ സാന്നിധ്യം. തൃക്കാക്കര മണ്ഡലം ഇടതുപക്ഷ സ്ഥാനാർത്ഥി ഡോ. ജോ ജോസഫിന്റെ തെരഞ്ഞെടുപ്പ് കൺവെൻഷൻ വേദിയിലാണ് മുതിർന്ന കോൺഗ്രസ് നേതാവും മുൻ കേന്ദ്രമന്ത്രിയുമായ കെ വി തോമസ് എത്തിയത്. പാലാരിവട്ടം ജങ്ഷനിൽ സംഘടിപ്പിച്ച പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്ത് സംസാരിച്ചു കൊണ്ടിരിക്കെയാണ് കെ വി തോമസ് വേദിയിലേക്ക് എത്തിയത്. നിറഞ്ഞ കൈയടികളോടെയാണ് കേ വി തോമസിനെ എൽഡിഎഫ് പ്രവർത്തകർ വേദിയിലേക്ക് വരവേറ്റത്. തൃക്കാക്കര മണ്ഡലത്തിൽ ആഴത്തിലുള്ള വ്യക്തി ബന്ധങ്ങളും കുടുംബ വേരുകളുമുള്ള കെ വി തോമസ് എൽഡിഎഫ് വേദിയിലെത്തി ഡോ. ജോ ജോസഫിനായി പര്യസ്യമായി വോട്ട് ചോദിച്ചത് യുഡിഎഫ് ക്യാമ്പിന് കനത്ത തിരിച്ചടിയായപ്പോൾ മുഖ്യമന്ത്രി പങ്കെടുത്ത പരിപാടിയിൽ തന്നെ കെ വി തോമസിനെ പ്രചാരണത്തിനിറക്കായത് എൽഡിഎഫ് ക്യാമ്പിൽ വലിയ ആവേശമാണ് സൃഷ്ടിച്ചത്. കൊച്ചിയുടെയും തൃക്കാക്കരയുടെയും വികസനത്തിന്റെ രാഷ്ട്രീയമാണ് ഈ തെരഞ്ഞെടുപ്പിൽ ചർച്ച ആകേണ്ടതെന്നും നാടിന്റെ വികസനത്തിനും വളർച്ചയ്‌ക്കുമാകണം വോട്ടെന്നും കെ വി തോമസ് പറഞ്ഞു. വേദിയിൽ കോൺഗ്രസ് നേതാക്കളെ വ്യക്തിപരമായി കടന്ന് ആക്രമിച്ച കെവി തോമസ് തൃക്കാക്കരയ്ക്ക് വികസനം അനിവാര്യമാണെന്നും അതിനായി പിണറായി വിജയൻ മുന്നോട്ട് പിടിക്കുന്ന വികസനത്തിന്റെ കൊടിക്കൂറ മുറുകെ പിടിക്കാൻ വോട്ടർമാർ തയ്യാറാകണമെന്നും അദ്ദേഹം പറഞ്ഞു. മുതിർന്ന കോൺഗ്രസ് നേതാവിനെ തന്നെ എൽഡിഎഫ് പ്രചാരണത്തിനായി ഇറക്കി വലിയ മുന്നേറ്റമാണ് തൃക്കാക്കര മണ്ഡലത്തിൽ എൽഡിഎഫ് നടത്തിയത്. എന്നാൽ കെ വി തോമസിന്റെ നിലപാട് യുഡിഎഫ് ക്യാമ്പിന് തിരിച്ചടി ആകുമെന്ന് ഉറപ്പാണ്.

11/05/2022

രാജ്യത്തെ മുതിർന്ന മാധ്യമ പ്രവർത്തകനും മാതൃഭൂമി ദിനപത്രത്തിന്റെ മുൻ എഡിറ്ററുമായ വി പി രാമചന്ദ്രൻ അന്തരിച്ചു. 98 വയസ്സായിരുന്നു. രാജ്യത്തിന്റെ വിവിധ മേഖലകളിൽ ജോലി ചെയ്തിട്ടുള്ള അദ്ദേഹം ദീർഘകാലം മാതൃഭൂമി പത്രത്തിൽ പ്രവർത്തിച്ചിട്ടുണ്ട്. മാധ്യമ പ്രവർത്തകർക്കും രാഷ്ട്രീയ വിദ്യാർത്ഥികൾക്കും അദ്ദേഹം ഒരു പാഠപുസ്തകം ആയിരുന്നു. ഇന്ത്യ കണ്ട മികച്ച പത്ര പ്രവർത്തകരിൽ പ്രമുഖനായിരുന്നു വി പി രാമചന്ദ്രൻ. വി പി ആർ എന്ന ചുരുക്ക പേരിൽ അറിയപ്പെട്ടിരുന്ന അദ്ദേഹം എപി, പ്രസ്സ് ട്രസ്റ്റ്‌ ഓഫ് ഇന്ത്യ, യുഎൻഎ തുടങ്ങിയ വാർത്താ ഏജൻസികളിൽ പ്രവർത്തിച്ചിട്ടുണ്ട്. അടിയന്തരാവസ്ഥയെ എതിർത്ത പത്ര പ്രവർത്തകനായ അദ്ദേഹത്തിന് സ്വദേശാഭി പുരസ്‌ക്കാരവും ലഭിച്ചിട്ടുണ്ട്. അദ്ദേഹത്തിന്റെ വിയോഗം നമുക്ക് വലിയ നഷ്ടമാണ്. അദ്ദേഹത്തിന്റെ വിയോഗത്തിൽ തൃക്കാക്കര സ്പീക്സിന്റെ അനുശോചനം രേഖപ്പെടുത്തുന്നു.

11/05/2022

തൃക്കാക്കരയിലെ തെരഞ്ഞെടുപ്പ് പോര് കടുക്കുമ്പോൾ ആവനാഴിയിലെ അസ്ത്രങ്ങൾ ഒന്നൊന്നായി പുറത്തെടുക്കുകയാണ് മുന്നണികൾ. സ്ഥാനാർത്ഥികളെ പ്രഖ്യാപിച്ചത് മുതൽ പോസ്റ്ററുകളിൽ പുതുമ പരീക്ഷിക്കുകയാണ് ഇരു മുന്നണികളും. സ്ഥാനാർത്ഥിയായി ഡോക്ടർ ജോ ജോസഫ് വന്നത് മുതൽ പുത്തൻ പരീക്ഷണങ്ങളിൽ മുന്നിലാണ് എൽഡിഎഫ്. സിനിമാ പോസ്റ്ററുകൾ വെല്ലുന്ന പോസ്റ്ററുകളാണ് എൽഡിഎഫ് ക്യാമ്പിൽ നിന്നും പുറത്തേക്ക് വരുന്നത്. അടുത്തിടെ പുറത്തിറങ്ങിയ ഹോളിവുഡ് സിനിമാ സ്റ്റൈൽ മുതൽ പഴയകാല പോസ്റ്ററുകളെ അനുസ്മരിപ്പിക്കുന്നവ വരെ ഡോ. ജോ ജോസഫിന് വോട്ടുകൾ ചോദിച്ച് പുറത്തിറങ്ങി കഴിഞ്ഞു. സിപിഎം പ്രവർത്തകർ സ്വന്തം നിലയ്ക്ക് തയ്യാറാക്കുന്ന പോസ്റ്ററുകൾ സോഷ്യൽ മീഡിയയിൽ വൈറലാണ്. പോസ്റ്ററുകൾക്കൊപ്പം മാസ് റീൽസും സ്റ്റാറ്റസും ഇൻസ്റാഗ്രാമിലും വാട്സാപ്പിലും ഇതിനോടകം നിറഞ്ഞു കഴിഞ്ഞു. എൽഡിഎഫ് സർക്കാരിന്റെ വികസന നേട്ടങ്ങളും തൃക്കാക്കരയിൽ നടപ്പിലാക്കിയ പ്രത്യേക പദ്ധതികളുമാണ് എൽഡിഎഫ് ക്യാമ്പിന്റെ പോസ്റ്ററിലെ പ്രധാന ശ്രദ്ധാകേന്ദ്രമെങ്കിൽ യുഡിഎഫ് ക്യാമ്പ് അത്തരം പരീക്ഷണങ്ങൾക്കപ്പുറം സ്ഥാനാർത്ഥിയെ മാത്രം കേന്ദ്രീകരിച്ചാണ് പോസ്റ്ററുകൾ നിർമിക്കുന്നത്. സോഷ്യൽ മീഡിയ പ്രചാരണത്തിൽ എൽഡിഎഫിനോളം എത്താനായില്ലെങ്കിലും യുഡിഎഫ് ക്യാമ്പും കൂടെ പിടിക്കാനുള്ള ശ്രമത്തിലാണ്. നാളെ വൈകുന്നേരം നാല് മണിക്ക് എൽഡിഎഫ് കൺവെൻഷൻ ഉദഘാടനം ചെയ്യാനായി തൃക്കാക്കരയിലെത്തുന്ന മുഖ്യമന്ത്രി പിണറായി വിജയനെ തൃക്കാക്കരയിലേക്ക് സ്വാഗതം കൊണ്ടുള്ള പോസ്റ്ററുകളും സജീവമാണ്. കളർഫുൾ പോസ്റ്ററുകൾ കളം പിടിച്ചതോടെ തൃക്കാക്കര ഉപതെരഞ്ഞെടുപ്പും കളർ ആക്കുമെന്നത് ഉറപ്പാണ്.

11/05/2022

കോൺഗ്രസ് നേതാവ് കെ വി തോമസ്. തെരഞ്ഞെടുപ്പിൽ എൽഡിഎഫ് സ്ഥാനാർത്ഥി ഡോക്ടർ ജോ ജോസഫിനെ വിജയിപ്പിക്കാൻ തന്റെ പിന്തുണ ഉണ്ടാകുമെന്നും എൽഡിഎഫിന്റെ വിജയത്തിനായി പ്രവർത്തിക്കുമെന്നും കെ വി തോമസ് പറഞ്ഞു. നാളെ പാലാരിവട്ടത്ത് മുഖ്യമന്ത്രി പിണറായി വിജയൻ പങ്കെടുക്കുന്ന തെരഞ്ഞെടുപ്പ് കൺവെൻഷനിൽ പങ്കെടുക്കുമെന്നും അദ്ദേഹം വ്യക്തമാക്കി. വികസനമാണ് നാട്ടിൽ ചർച്ച ആകേണ്ടതെന്നും സഹതാപമല്ലെന്നും പറഞ്ഞ അദ്ദേഹം യുഡിഎഫിന് തൃക്കാക്കരയിലെ വോട്ടർമാരോട് എന്ത് പറഞ്ഞാണ് വോട്ട് ചോദിക്കുന്നതെന്നും ചോദിക്കുന്നു. തൃക്കാക്കര മണ്ഡലത്തിൽ വലിയ വ്യക്തി ബന്ധങ്ങൾ സൂക്ഷിക്കുന്ന കെ വി തോമസിന്റെ പിന്തുണ കൂടി ലഭിച്ചതോടെ വലിയ ആവേശത്തിലാണ് എൽഡിഎഫ് ക്യാമ്പ്. സംസ്ഥാനത്ത് വികസനം നടക്കുന്നില്ലെന്ന് മുൻമുഖ്യമന്ത്രി ഉമ്മൻ‌ചാണ്ടി പറഞ്ഞതിന് പിന്നാലെ മുൻകേന്ദ്രമന്ത്രിയും കോൺഗ്രസിന്റെ ദേശീയ മുഖങ്ങളിൽ ഒന്നുമായ കെ വി തോമസിനെ പോലെ ഒരാളെ വികസനം ചർച്ചയാക്കി പ്രചാരണത്തിന് എത്തിക്കാനായതിന്റെ കരുത്തിലാണ് തൃക്കാക്കരയിൽ എൽഡിഎഫ് പ്രചാരണം. മണ്ഡലത്തിലെ കെ വി തോമസിന്റെ സ്വീകാര്യതയും സ്വാധീനവും വോട്ടായി മാറിയാൽ അത് എൽഡിഎഫിന് നേട്ടമാകും എന്നത് ഉറപ്പാണ്.

10/05/2022

തെരഞ്ഞെടുപ്പ് ചൂടിൽ തൃക്കാക്കര

മൂന്ന് മുന്നണികളും സ്ഥാനാർത്ഥികളെ പ്രഖ്യാപിച്ച് പ്രചാരണം തുടങ്ങിയതിന് പിന്നാലെ തൃക്കാക്കര കേരളത്തിന്റെ മുഴുവൻ ശ്രദ്ധാകേന്ദ്രമാവുകയാണ്. വിവിധ മുന്നണികളുടെ സംസ്ഥാന ദേശീയ നേതാക്കൾ തൃക്കാക്കരയിലേക്ക് എത്തുന്നതോടെ പ്രചാരണം ചൂട് പിടിക്കുകയാണ്. പ്രശസ്‍ത കാർഡിയോളജിസ്റ്റ് കൂടിയായ എൽഡിഎഫ് സ്ഥാനാർത്ഥി ജോ ജോസഫിന്റെ പ്രചാരണത്തിനായി മുഖ്യമന്ത്രി പിണറായി വിജയൻ വ്യാഴാഴ്ച (മെയ് 12) തൃക്കാക്കര എത്തുമ്പോൾ യുഡിഎഫ് പ്രചാരണത്തിന് എത്തിയത് മുൻ മുഖ്യമന്ത്രി ഉമ്മൻചാണ്ടിയാണ്. കഴിഞ്ഞ ആറു വർഷമായി സംസ്ഥാനത്ത് വികസനം നടന്നില്ലെന്ന ഉമ്മൻ‌ചാണ്ടിയുടെ ആരോപണത്തിന് മുഖ്യമന്ത്രി പിണറായി വിജയൻ നേരിട്ട് തൃക്കാക്കരയിലെത്തി എൽഡിഎഫ് സർക്കാരിന്റെ വികസന നേട്ടങ്ങൾ ഒന്നൊന്നായി പറയും എന്നതിന്റെ ആവേശത്തിലാണ് എൽഡിഎഫ് ക്യാമ്പ്. പാലാരിവട്ടം ബൈപ്പാസ് ജങ്ഷനിൽ വൈകുന്നേരം നാല് മണിക്ക് സംഘടിപ്പിക്കുന്ന പരിപാടിയിൽ വിവിധ എൽഡിഎഫ് നേതാക്കൾ പങ്കെടുക്കും. അവസാന നിമിഷം സ്ഥാനാർത്ഥിയെ പ്രഖ്യാപിച്ച ബിജെപിയും പ്രചാരണം കൊഴുപ്പിക്കാനുള്ള ശ്രമത്തിലാണ്. പ്രധാനമായും സംസ്ഥാനത്ത് നടപ്പിലാക്കിയ വികസനങ്ങൾ പറഞ്ഞു വോട്ട് തേടി ഇറങ്ങുന്ന എൽഡിഎഫ് പ്രചാരണത്തിനായി പ്രമുഖ സിനിമാതാരങ്ങളും സാംസ്‌കാരിക പ്രവർത്തകരും വരും ദിവസങ്ങളിൽ എത്തുന്നതോടെ തൃക്കാക്കര വീണ്ടും തെരഞ്ഞെടുപ്പ് ചൂടിൽ അമരും.