BamraTips

17/12/2024

ଗଡପୋଷ କଜଲି ଗ୍ରାମ ର ଜଣେ ଦୃଷ୍ଟିହୀନ ଭିକ୍ଷୁକ ଙ୍କ ସୁନ୍ଦର ଗୀତ, ଭଲ ଲାଗିଲେ ନିଶ୍ଚୟ ସେୟାର କରିବେ

14/12/2024

କୁଚିଣ୍ଡା ଖଣ୍ଡକଟା ରୁ ଏକ ନବଜାତ ଶିଶୁ ର ମୃତ ଦେହ ଉଦ୍ଧାର

14/12/2024

୧୫ ଡିସେମ୍ବର ଦିନ ଉଦଘାଟନୀ ଉତ୍ସବ ରେ ଆପଣ ସମସ୍ତ ଙ୍କୁ ସ୍ଵାଗତ ଜଣାଉଛି

13/12/2024

ବାମରା ଓ କୁଚିଣ୍ଡା ଅଞ୍ଚଳ ରେ ସୁନା କିଣିବା କୁ ଗଲେ ସାବଧାନ ରୁହନ୍ତୁ, ମିଳୁଛି ନକଲି ସୁନା

13/12/2024

ଗୋବିନ୍ଦପୁର ଖେଳପଡ଼ିଆ ଠାରେ କ୍ଲାସିକ କ୍ରିକେଟ କ୍ଳବ୍ ପକ୍ଷରୁ କ୍ରିକେଟ ଟୁର୍ଣ୍ଣାମେଣ୍ଟେ ଉଦଘାଟିତ

13/12/2024

ବାମରା ମିଶନ ସ୍କୁଲ ନିକଟରେ ଟ୍ରକ୍ ଓ ସ୍କୁଟି ମୁହାଁମୁହିଁ ଧକ୍କା, ଜଣେ ମୃତ ଜଣେ ଗୁରୁତର ଆହତ

13/12/2024

ବାମରା ର ପ୍ରସିଦ୍ଧ ମକର ଯାତ୍ରା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ

13/12/2024

ଛେଳି ଚୋରି ଅଭିଯୋଗ ରେ ଲହୁଣୀପଡ଼ା ର ୫ ଗିରଫ

01/12/2024

ବାମରା ସ୍ଥିତ ମଝୀପଡ଼ା ର ଏକ ପରିତ୍ୟକ୍ତ କୁଆଁ ରେ ପଡ଼ିଯାଇଥିବା ବାଛୁରୀ କୁ ସୁରକ୍ଷିତ ଉଦ୍ଧାର କଲା ଦମକଳ ବାହିନୀ

01/12/2024

ଓଡ଼ିଶା ଆଦର୍ଶ ବିଦ୍ୟାଳୟ ରେ ବିପର୍ଯ୍ୟସ୍ତ ପରିମଳ ବ୍ୟବସ୍ଥା କୁ ନେଇ ଉଦବେଗ ପ୍ରକାଶ କଲେ ଅଭିଭାବକ

29/11/2024

26/11/2024

ସୁନ୍ଦରଗଡ଼ ଜିଲ୍ଲା ବଡ଼ଗାଁ ବ୍ଲକ ର ବିଭିନ୍ନ ଗ୍ରାମରେ ଖଣିଜ ପଦାର୍ଥ ସର୍ବେକ୍ଷଣ ଆରମ୍ଭ କଲା ସ୍ଵତନ୍ତ୍ର ହେଲିକପ୍ଟର

25/11/2024

ପୃଥକ ପୃଥକ ଦିନରେ ବାତିଲ ରହିବ ବାମରା ଦେଇ ଯାଉଥିବା ୩ଟି ପାସେଞ୍ଜର ଟ୍ରେନ
ଦକ୍ଷିଣ ପୂର୍ବ ରେଳବାଇ ଚକ୍ରଧରପୁର ରେଳ ଡିଭିଜନ ଅନ୍ତର୍ଗତ ବିଭିନ୍ନ ସ୍ଥାନ ରେ ହେବାକୁ ଥିବା ମରାମତି କାର୍ଯ୍ୟ ପାଇ ପୃଥକ୍ ପୃଥକ୍ ଦିନ ଗୁଡ଼ିକରେ ବାତିଲ ରହିବ ବାମରା ଦେଇ ଯାଉଥିବା ୩ ଗୋଟି ଟ୍ରେନ। ଏହି କ୍ରମ ରେ ଆସନ୍ତା ୨୬, ୨୮ ଓ ୩୦ ତାରିଖ ଦିନ ଝାରସୁଗୁଡ଼ା-ରାଉରକେଲା ମେମୁ ଓ ଇତୱାରି-ଟାଟା ଏକ୍ସପ୍ରେସ ଟ୍ରେନ କୁ ରେଳ ବିଭାଗ ବାତିଲ କରିଥିବା ବେଳେ ୨୬ ଓ ୨୮ ତାରିଖ ଦିନ ଝାରସୁଗୁଡ଼ା-ହାଟିଆ ମେମୁ ଟ୍ରେନ ଉଭୟ ଅପ ଓ ଡାଉନ୍ ପଟରୁ ବାତିଲ ରହିବ।

23/11/2024

ଟ୍ରେନରୁ ଓହ୍ଲାଇଲେ ନି ଯୁବତୀ--ନିଖୋଜ ମାମଲା ରୁଜୁ
ମଧ୍ୟରାତ୍ରୀରେ ବାପା ଆସିଥିଲେ ଝିଅକୁ ନେବା ପାଇଁ ରେଲୱେ ଷ୍ଟେସନ । କିନ୍ତୁ ଝିଅ ଟ୍ରେନରୁ ନ ଓହ୍ଲାଇ କେଉଁଆଡ଼େ ଚାଲିଯାଇଥିଲେ । ଶେଷରେ ଏ ନେଇ ବାମରା ଜି ଆର ପି ଫାଣ୍ଡିରେ ଏକ ନିଖୋଜ ମାମଲା ରୁଜୁ କରାଯାଇଛି । ପ୍ରାପ୍ତ ସୂଚନା ଅନୁସାରେ,ବାମରା ବ୍ଲକ ବାଉଁଶଲଗା ପଞ୍ଚାୟତ ତାଲଡିହି(କଲୋନୀ ପଡ଼ା)ର ମାଙ୍ଗରା ସାଙ୍ଗା ଙ୍କ ପରିବାର ଅତି ଗରିବ ଶ୍ରେଣୀର । ପରିବାର ଚଳାଇବା କଷ୍ଟକର ହେଇ ପଡ଼ିବରୁ ତାଙ୍କ ନାତି ବିଷ ସାଙ୍ଗା(୧୮)ଓ ନାତୁଣୀ ବୁଦୋ ସାଙ୍ଗା(୨୦)ଓରଫ ସାନିୟାର ଗତ ପ୍ରାୟ ୨ ମାସ ଆଗରୁ ଆନ୍ଧ୍ରପ୍ରଦେଶର ବିଜୟୱାଡା ସହରକୁ ଦାଦନ ଶ୍ରମିକ ଭାବେ ଘରୁ ବାହାରିଥିଲେ । ସେଠାରେ ସେମାନେ ବିଭିନ୍ନ କିସମର ମାଛ ପ୍ୟାକିଂ କାମରେ ନିୟୋଜିତ ଥିଲେ । ମାତ୍ର ଘରେ କୌଣସି ଏକ ଜରୁରୀ କାମ ପଡ଼ିବରୁ ଉଭୟ ଭାଇ ଭଉଣୀ କୁ ଘରକୁ ଡକାଇଥିଲେ । କିନ୍ତୁ ଠିକା ସଂସ୍ଥାର ମାଲିକ ତାଙ୍କୁ ନ ଛାଡ଼ିବାରୁ, ଭାଇକୁ ଛାଡ଼ି ଦେଇ ବୁଦୋ ସାଙ୍ଗା ବାଧ୍ୟ ହୋଇ ଏକୁଟିଆ ଗତ ୨ ଦିନ ତଳେ ଏଲ୍ଲୀପ୍ପୀ--ଧନବାଦ ଏକ୍ସପ୍ରେସ ଟ୍ରେନ ଯୋଗେ ଘର ମୁହାଁ ହୋଇଥିଲେ । ଭାଇ ବିଷ ତାଙ୍କୁ ଷ୍ଟେସନ ପର୍ଯ୍ୟନ୍ତ ଛାଡିବାକୁ ଆସିଥିଲେ । ଉଭୟ ଭାଇ ଭଉଣୀ ବିଶାଖାପାଟଣା ପର୍ଯ୍ୟନ୍ତ କଥାବାର୍ତ୍ତା ହୋଇଥିଲେ । ଏହାପରେ ବଲାଙ୍ଗୀର ଯାଏଁ ବୁଦୋଙ୍କ ମୋବାଇଲ ଅନ ଥିବାବେଳେ, ସମ୍ବଲପୁର ଆସୁ ଆସୁ ମୋବାଇଲ ଟି ସୁଇଚ ଅଫ ହୋଇ ଯାଇଥିଲା । ରବିବାର ଦିନ ମଧ୍ୟ ରାତ୍ରି ଯାଏଁ ବାପା ପୁନିଆ ସାଙ୍ଗା ,ବାମରା ରେଲୱେ ଷ୍ଟେସନରେ ଅପେକ୍ଷା କରିଥିଲେ,ଝିଅ ଆସିଲେ ସାଙ୍ଗରେ ନେଇକି ଯିବେ । ମାତ୍ର ଟ୍ରେନ ଛାଡ଼ିବା ପରେ ଝିଅ ନ ଆସିବାରୁ ବାଧ୍ୟ ହୋଇ ଦୁଃଖରେ ଘରକୁ ଫେରି ଯାଇଥିଲେ । ଏ ନେଇ ସୋମବାର ଦିନ ବାମରା ଜି ଆର ପି ଫାଣ୍ଡିରେ ଏକ ନିଖୋଜ ମାମଲା ରୁଜୁ କରି ଅନୁସନ୍ଧାନ ଆରମ୍ଭ କରାଯାଇଥିବା ଫାଣ୍ଡି ଅଧିକାରୀ ଅରୁଣ କୁମାର ଭଇଁସାଲ ସୂଚନା ଦେଇଛନ୍ତି ।

23/11/2024

କୁଚିଣ୍ଡା ମହାବିଦ୍ୟାଳୟ ର ଯୁକ୍ତ ତିନି ତୃତୀୟ ବର୍ଷ ବିଜ୍ଞାନ ବିଭାଗର ଛାତ୍ରୀ ଜାତୀୟ ସେବା ଯୋଜନା ସ୍ବେଛାସେବୀ ରୁପାଲୀ ପଣ୍ଡା ଭାରତ ସରକାରଙ୍କ ଦ୍ୱାରା ଆୟୋଜିତ ହେବା କୁ ଥିବା ଗଣତନ୍ତ୍ର ଦିବସ ପ୍ୟାରେଡ ଶିବିର -୨୦୨୫ ପାଇଁ ରାଜ୍ୟ ସ୍ତରରେ ମନୋନୀତ ହୋଇ ଭାରତର ପୂର୍ବ ମଣ୍ଡଳ ଶିବିରରେ ଯୋଗ ଦେବାର ଗୌରବ ଅର୍ଜନ କରିଛନ୍ତି । ଏହି ଶିବିର ନଭେମ୍ବର ୭ ରୁ ଆରମ୍ଭ ହୋଇ ୧୯ ତାରିଖ ପର୍ଯ୍ୟନ୍ତ ଗୌହ୍ୱାଟି ବିଶ୍ୱବିଦ୍ୟାଳୟ, ଆସାମ ଠାରେ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ରେ ଓଡିଶା ର ୫୨ ଜଣ ସ୍ବେଛାସେବୀଙ୍କ ମଧ୍ୟ ରେ ରୁପାଲୀ ମଧ୍ୟ ଟିମ ରେ ଥିଲେ। ତାଙ୍କର ଏହି ସଫଳତା ପାଇଁ ଗତ ୧୫ ତାରିଖ ଦିନ ବାଲିଯାତ୍ରା ମହୋତ୍ସବ, କୁଚିଣ୍ଡାରେ ମାନ୍ୟବର ମନ୍ତ୍ରୀ ରବିନରାୟଣ ନାୟକ, ପଂଚାୟତୀରାଜ, ଗ୍ରାମ ଉନ୍ନୟନ ଓ ପାନୀୟ ଜଳ ବିଭାଗ , ଓଡିଶା ସରକାରଙ୍କ ଠାରୁ ରୁପାଲିଙ୍କ ପିତା ମାତା ଙ୍କୁ ସମ୍ବର୍ଦ୍ଧିତ କରାଯାଇଥିଲା। କୁଚିଣ୍ଡା ପହଂଚିବା ପରେ ମହାବିଦ୍ୟାଳୟ ରେ ଖୁସିର ଲହରୀ ଖେଳି ଯାଇଛି। ଅଧ୍ୟକ୍ଷା ସୁଚିତ୍ରା ମିଶ୍ର , ଏନ ଏସ ଏସ ପ୍ରୋଗ୍ରାମ ଅଫିସର ସୁଶ୍ରୀ ବେଲମତୀ କୁମୁରା, ଉଦ୍ଭିଦ ବିଜ୍ଞାନ ବିଭାଗୀୟ ମୁଖ୍ୟ ପ୍ରାଧ୍ୟାପିକା ସୁଭଦ୍ରା ଦାଶ, ପଦାର୍ଥ ବିଜ୍ଞାନ ବିଭାଗୀୟ ମୁଖ୍ୟ ମଞ୍ଜୁଶ୍ରୀ ଦାଶ ଙ୍କ ସମେତ ମହାବିଦ୍ୟାଳୟ ର ଅଧ୍ୟାପକ, ଅଧ୍ୟାପିକା ତଥା ଛାତ୍ରଛାତ୍ରୀ ରୁପାଲୀ ଙ୍କ ସଫଳତା ପାଇଁ ଅଭିନନ୍ଦନ ଜଣାଇଛନ୍ତି ଏବଂ ସେ ତାଙ୍କର ଅନୁଭୂତି ବିଷୟରେ କହିଥିଲେ।

16/11/2024

ଝରିଆବାହାଲ ନିକଟ ବୁଲାଣି ଠାରେ ବାଇକ୍ ଦୁର୍ଘଟଣାରେ ଜଣେ ମୃତ ଜଣେ ଗୁରୁତର
ବାମରା ଲଇକେରା ମୁଖ୍ୟ ରାସ୍ତା ସ୍ଥିତ ଝରିଆବାହାଲ ନିକଟ ବୁଲାଣି ଠାରେ ବାଇକ୍ ଦୁର୍ଘଟଣାରେ ଜଣେ ବ୍ୟକ୍ତି ଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଥିବା ସୂଚନା ରହିଛି। ସୂଚନା ଅନୁସାରେ ବାମରା ନିକଟ ଗଞ୍ଜୁଡ଼ିହୀ ଗ୍ରାମ ର ରଞ୍ଜନ ବୁଦଲା ଓ ତାଙ୍କ ଶଶୁର ବିରତୁଲା ଗ୍ରାମ ର ଦଶରୁ ମାଝୀ ଶନିବାର ଦିନ ଏକ ବାଇକ୍ ଯୋଗେ ସାହାସପୁର କୁ ଯାଇ ଘର କୁ ଫେରୁଥିବା ବେଳେ ଝରିଆବହାଲ୍ ବୁଲାଣି ଠାରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲେ। ଗୁରୁତର ଅବସ୍ଥାରେ ଉଭୟ ଙ୍କୁ ଉଦ୍ଧାର କରି ଗୋବିନ୍ଦପୁର ଡାକ୍ତରଖାନା ରେ ଭର୍ତି କରାଯାଇଥିଲା। ସେଠାରେ ତାଙ୍କ ପ୍ରାଥମିକ ଚିକିତ୍ସା ପରେ ଉଭୟଙ୍କୁ ସୁନ୍ଦରଗଡ଼ ମେଡିକାଲ କୁ ରେଫର୍ କରାଯାଇଥିବା ବେଳେ ବାଟରେ ରଞ୍ଜନ ଙ୍କ ମୃତ୍ୟୁ ହୋଇ ଥ‌ିବା ଜଣାପଡିଛି। ଅନ୍ୟ ପଟେ ତାଙ୍କ ଶଶୁର ଦଶରୁ ସୁନ୍ଦରଗଡ଼ ରେ ଚିକିତ୍ସିତ ହେଉଥ‌ିବା ସୂଚନା ରହିଛି।