Malayora Vaarthakal

11/07/2022

07/07/2022

09/06/2022

06/06/2022

Limited Time Offer

31/05/2022

31/05/2022

A one-stop shopping center that provides all household and personal products and a stress-free and happy shopping experience for all our customers.

27/05/2022

💥🌧️CENTRO യിൽ ഓഫർ മഴ🌧️ 💥ഈ വീക്കെൻഡിൽ Centro സന്ദർശിക്കൂ..🎊 നേടൂ വിലക്കുറവിൻറെ സുവർണാവസരം🎊 എല്ലാവിധ സ്കൂൾ ഐറ്റംസ്ന് പ്രത്യേക ഡിസ്കൗണ്ട് 🎉

27/04/2022

CENTRO CUTEE SOAP
TODAY'S OFFER
Offer Valid only on : 28-04-22

21/04/2022

സ്പെഷ്യൽ ഓഫറുകളും വമ്പിച്ച വിലക്കുറവുകളും
ഫ്രീ ഹോം ഡെലിവറിയുമായി സെൻട്രോ സൂപ്പർമാർക്കറ്റുള്ളപ്പോൾ മറ്റെവിടെയും പോവേണ്ട

ഈ വീക്കെൻഡ് സെൻട്രോയിൽ ആഘോഷിക്കാം

13/04/2022

CENTRO VISHU EASTER MEGA SALE

02/04/2022

ആകർഷണീയമായ സ്പെഷ്യൽ ഓഫറുകൾക്കായി Centro Supermarket Edoor വാട്സ്ആപ്പ് ഗ്രൂപ്പിൽ ജോയിൻ ചെയ്യുക

Follow this link to Centro's WhatsApp group for receiving special offers: https://chat.whatsapp.com/BJqyJEg6JkkBcS5E2h5ZdB

14/03/2022

27/01/2022

05/07/2021

നമ്മളെല്ലാവരും കൂടി വിചാരിച്ചാൽ ഒന്നര വയസ്സുകാരൻ മുഹമ്മദിനെ രക്ഷിക്കാം

ഷെയറോ കമന്റോ ലൈക്കോ മാത്രമല്ല നമ്മൾ എല്ലാം പറ്റുന്ന തുക കൊടുക്കണം

Account Details
----------------
Google Pay - 8921223421

Mariyumma Pc
A/C No: 40421100007872
Kerala Gramin Bank
Mattool
IFSC CODE : KLGB0040421

05/07/2021

10/03/2021

*യുപിയില്‍ മകളെ കൂട്ടബലാത്സംഗം ചെയ്തെന്ന് പരാതി നല്‍കി; പിന്നാലെ പിതാവ് വാഹനാപകടത്തില്‍ മരിച്ചു*

10-03-2021

ഉത്തര്‍പ്രദേശിലെ കാന്‍പൂരില്‍ കൂട്ടബലാത്സംഗത്തിനിരയായ 13 വയസ്സുകാരിയുടെ പിതാവ് വാഹനാപകടത്തില്‍ മരിച്ചു. മകള്‍ ബലാത്സംഗത്തിനിരയായെന്ന് പൊലീസില്‍ പരാതി നല്‍കിയതിന് പിന്നാലെയാണ് പിതാവ് വാഹനാപകടത്തില്‍ മരിച്ചത്. മരണത്തില്‍ ദുരൂഹതയുണ്ടെന്ന് പെണ്‍കുട്ടിയുടെ കുടുംബം ആരോപിച്ചു.

രണ്ട് ദിവസം മുന്‍പാണ് പെണ്‍കുട്ടിയെ മൂന്ന് പേര്‍ ചേര്‍ന്ന് ബലാത്സംഗം ചെയ്തത്. മകളെ ആശുപത്രിയില്‍ വൈദ്യപരിശോധനക്കായി കൊണ്ടുപോയതായിരുന്നു പിതാവ്. ചായ കുടിക്കാന്‍ പുറത്തിറങ്ങിയപ്പോഴാണ് ട്രക്ക് ഇടിച്ചത്. ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. പ്രതികളുടെ ആളുകളില്‍ നിന്ന് പിതാവിന് ഭീഷണിയുണ്ടായിരുന്നു. പ്രതികളായ ദീപു യാദവിന്‍റെയും സൌരഭ് യാദവിന്‍റെയും പിതാവ് യുപി പൊലീസിലെ എസ്ഐയാണ്. ബലാത്സംഗ കേസിലെ മൂന്നാം പ്രതി ഗോലു യാദവ് അറസ്റ്റിലായി.

'എന്‍റെ അച്ഛന്‍ എസ്ഐയാണ്' എന്ന് പറഞ്ഞാണ് മുഖ്യപ്രതികളുടെ സഹോദരന്‍ ഭീഷണിപ്പെടുത്തിയതെന്ന് പെണ്‍കുട്ടിയുടെ ബന്ധു പറഞ്ഞു. വാഹനാപകടത്തില്‍ കേസ് രജിസ്റ്റര്‍ ചെയ്തെന്നും അന്വേഷണം നടത്തുമെന്നും കാന്‍പൂരിലെ പൊലീസ് ഉദ്യോഗസ്ഥന്‍ ബ്രിജേഷ് ശ്രീവാസ്തവ അറിയിച്ചു.

എല്ലാവരും പെണ്‍കുട്ടിക്കൊപ്പമാണെന്ന് ജില്ലാ മജിസ്ട്രേറ്റ് ഡോ.അലോക് തിവാരി പറഞ്ഞു. മുഖ്യമന്ത്രി നഷ്ടപരിഹാരം പ്രഖ്യാപിച്ചു. രണ്ട് കേസുകളും അന്വേഷിക്കുമെന്നും കുറ്റവാളികളെ വെറുതെ വിടില്ലെന്നും അദ്ദേഹം പറഞ്ഞു.

02/03/2021

*നിയന്ത്രണങ്ങളിൽ ഇളവും വരുത്താതെ കുടക് ഭരണകൂടം; മാക്കൂട്ടം- ചുരം പാത വഴിയുള്ള ചരക്ക് ഗതാഗതവും നിലയ്ക്കുന്നു*

01-03-2021

*ഇരിട്ടി* : മാക്കൂട്ടം - ചുരം പാത വഴി കർണ്ണാടകയിലേക്ക് പ്രവശിക്കുന്നതിന് കോവിഡ് പരിശോധന ആർ.ടി.പി.സി.ആർ സർട്ടിഫിക്കറ്റ് നിർബന്ധമാക്കിക്കൊണ്ടുള്ള കുടക് ജില്ലാ ഭരണകൂടത്തിന്റെ ഉത്തരവ് മൂലം ചുരം പാത വഴിയുള്ളയാത്രക്കാരുടെ എണ്ണം മൂന്നിലൊന്നായി കുറഞ്ഞു. ഇതിനു പിന്നാലെ ചരക്ക് നീക്കവും നിലയ്ക്കുന്നു. ആർ.ടി.പി.സി.ആർ ടെസ്റ്റ് നടത്തി കോവിഡ് നെഗറ്റീവാണെന്ന സർട്ടിഫിക്കറ്റ് ഉള്ളവരെ മാത്രമെ മാക്കൂട്ടം ചെക്ക് പോസ്റ്റ് കടക്കാൻ ഒരാഴ്ച്ചയായി അനുവദിക്കുന്നുള്ളു. കഴിഞ്ഞ
മൂന്ന് ദിവസം ആന്റിജൻ പരിശോധനാ സർട്ടിഫിക്കറ്റ് ഉള്ളവർക്ക് പ്രവേശനാനുമതി നല്കിയിരുന്നു. ആർ.ടി.പി.സി ആർ നിർബന്ധമാക്കിയതോടെ കർണ്ണാടകയിൽ നിന്നും പച്ചക്കറി ഉൾപ്പെടെ ആവശ്യ സാധനങ്ങളുമായി വരുന്ന വാഹനങ്ങളുടെ എണ്ണം നാലിലൊന്നായി കുറഞ്ഞു.
നൂറുക്കണക്കിന് ചരക്ക് വാഹനങ്ങളാണ് അതിർത്തിയിൽ എത്തി മണിക്കൂറുകളോളം കാത്തുനിന്നതിന് ശേഷം മുടങ്ങിപോകുന്നത്. ആർ.ടി.പി.സി.ആർ നിബന്ധന പിൻവലിക്കണെന്ന് പലകോണുകളിൽ നിന്നും ആവശ്യം ഉയർന്നിട്ടും കുടക് ജില്ലാ ഭരണകൂടം നടപടി കടുപ്പിക്കുകയായിരുന്നു. മാക്കൂട്ടം ചെക്ക് പോസ്റ്റിൽ യാത്രക്കാരും ഡ്രൈവർമരും ഇവിടുത്തെ
ജീവനക്കാരുമായി നിരന്തരം വാക്കേറ്റവും മറ്റും ഉണ്ടാകുന്നതായി പരിഗണിച്ച് കുടുതൽ പോലീസിനെ ചെക്ക് പോസ്റ്റിൽ നിയോഗിച്ചു. കഴിഞ്ഞ ദിവസം മാധ്യമപ്രവർത്തകരെപോലും തടയുന്ന നടപടി കർണ്ണാടക പോലീസിന്റെ ഭാഗത്തുനിന്നും ഉണ്ടായി.
ആർ.ി.പി.സി.ആർ പരിശോധനയുടെ കാലാവധി സ്ഥിരം യാത്രക്കാർക്കും ചരക്ക് വാഹന തൊഴിലാളികൾക്കും 14 ദിവസമായും മറ്റുള്ളവർക്ക് 72 മണിക്കൂറുമാണ് നിശ്ചയിച്ചിരിക്കുന്നത്. എന്നാൽ പലപ്പോഴും ആർ.ടി.പി.സി ആർ ഉള്ള ഡ്രൈവർമാരെ പോലും തടഞ്ഞുക്കുന്നതായും പരാതി ഉയർന്നിട്ടുണ്ട്. ആർ.ടി.പി.സി.ആർ ടെസ്റ്റിനുള്ള സാമ്പത്തിക ബാധ്യതയും 14 ദിവസം എന്നത് നടപ്പാകാതതും മൂലമാണ് ചുരം പാതവഴിയുള്ള ചരക്ക് നീക്കം ഉപേക്ഷിക്കാൻ ലോറി ജീവനക്കാർ തെയ്യാറാകുന്നത്.
അതേസമയം കൂട്ടുപുഴയിൽ കേരള പോലീസും പരിശോധന ശക്തമാക്കി.
മാക്കൂട്ടത്ത് കർണ്ണാടക പോലീസും ആരോഗ്യ വകുപ്പും കോവിഡ് പരിശോധ കർശനമാക്കിയതോടെ കേരളാ അതിർത്തിയായ കൂട്ടപുഴയിൽ കേരളാ പോലീസ് പരിശോധന ശക്തമാക്കി. കോവിഡ് പരിശോധനയല്ല കള്ളക്കടത്ത് പരിശോധനയാണ് പോലീസ് നടത്തുന്നത്. ഇപ്പോഴത്തെ അനിശ്ചിതത്വം മുതലെടുത്ത് കർണ്ണാടകത്തിൽ നിന്നും മദ്യവും മയക്കുമരുന്നും മറ്റ് ലഹരി വസ്തുക്കളും കേരളത്തിലേക്ക് കടത്താനുള്ള സാധ്യതയുണ്ടെന്ന റിപ്പോർട്ടിനെ തുടർന്നാണ് നടപടി. വീരാജ് പേട്ട ഭാഗത്തു നിന്നും മാക്കൂട്ടം ചെക്ക് പോസ്റ്റിൽ ഇറങ്ങി കാൽ നടയായും മറ്റും കൂട്ടുപുഴയിലേക്ക് വരുന്നവരുടെ ബാഗുകളും സഞ്ചികളുമെല്ലാം പരിശോധനയ്ക്ക് വിധേയമാക്കുന്നു. വരും ദിവസങ്ങളിലും ശക്തമായ പരിശോധ ഉണ്ടാകുമെന്ന് ഇരിട്ടി ഡി.വൈ.എസ്.പി പ്രിൻസ് അബ്രഹാം പറഞ്ഞു.

28/02/2021

https://www.facebook.com/hivisiononline/videos/3750516761662890/

24/02/2021

പെട്രോൾ ഡീസൽ വിലവർദ്ധനവിൽ പ്രതിഷേധിച്ച് സംയുക്ത വാഹന പണിമുടക്ക് മാർച്ച് രണ്ടിന്.

പെട്രോൾ ഡീസൽ വില ദിനംപ്രതി കുതിച്ചുയരുന്നതിൽ പ്രതിഷേധിച്ച് സംസ്ഥാനത്ത് മാർച്ച് 2ന് മോട്ടോർ വ്യവസായ മേഖലയിലെ ട്രേഡ് യൂണിയനുകളും തൊഴിലുടമകളും സംയുക്ത പണിമുടക്ക് നടത്തും. രാവിലെ ആറുമുതൽ വൈകിട്ട് ആറുവരെയാണ് പണിമുടക്ക്. 2014 ൽ ഒന്നാം മോഡി സർക്കാർ അധികാരത്തിലേറുമ്പോൾ അന്താരാഷ്ട്ര വിപണിയിൽ ക്രൂഡ് ഓയിൽ വില 93 ഡോളർ ആയിരുന്നു അന്ന് ഇന്ത്യയിൽ പെട്രോൾ വില ലിറ്ററിന് 75 രൂപയും ഡീസലിന് 57 രൂപയുമായിരുന്നു.

ഇപ്പോൾ ക്രൂഡോയിൽ വില 56 ഡോളറിൽ താഴെയാണ് എന്നാൽ പെട്രോൾ വില 94 രൂപയായി ഡീസലിന് 89 രൂപ വിലയുണ്ട്. കേന്ദ്ര സർക്കാർ എക്സൈസ് നികുതി,അഡീഷണൽ എക്സൈസ്, സർചാർജ്ജ്, തുടങ്ങിയവ കുത്തനെ ഉയർത്തിയതും പെട്രോളിയം കമ്പനികൾക്ക് കൊള്ള ലാഭമുണ്ടാക്കാൻ അവസരമൊരുക്കുന്നതാണ് വിലക്കയറ്റത്തിന് പിന്നിൽ മോട്ടോർ വ്യവസായത്തെയാണ് പെട്രോൾ ഡീസൽ വിലക്കയറ്റം ഏറ്റവും കൂടുതൽ പ്രതികൂലമായി ബാധിക്കുന്നത്.
ഉപഭോക്ത സംസ്ഥാനമായി കേരളത്തിൽ വിലക്കയറ്റം ഗണ്യമായ തോതിൽ വർദ്ധിക്കാനും ഇത് കാരണമാകും. വിലക്കയറ്റം പിൻവലിക്കാൻ കേന്ദ്ര സർക്കാർ തയ്യാറാകണമെന്നവശ്യപ്പെട്ടാണ് പണിമുടക്ക് നടത്തുന്നത്.

24/02/2021

*അടുത്തത് പാര്‍ലമെന്റ് ഘരാവോ, 40 ലക്ഷം ട്രാക്ടറുകൾ അണിനിരക്കും’; വേണ്ടിവന്നാൽ ഇന്ത്യാ ഗേറ്റിൽ കൃഷിയിറക്കുമെന്നും കർഷകരുടെ മുന്നറിയിപ്പ്*

24-02-2021

വിവാദ കാർഷിക നിയമങ്ങൾക്കെതിരെയുള്ള കർഷക സമരം 92 ദിവസം പിന്നിട്ടു. സർക്കാർ ഇനിയും നിയമങ്ങൾ പിൻവലിക്കാൻ തയാറായില്ലെങ്കിൽ സമരം കടുപ്പിക്കുമെന്ന് കർഷകർ മുന്നറിയിപ്പു നൽകി. പാർലമെന്‍റ് വളയൽ സമരത്തിലേക്ക് കടക്കുമെന്ന് ഭാരതീയ കിസാന്‍ യൂണിയന്‍ നേതാവ് രാകേഷ് തികായത് പറഞ്ഞു. രാജസ്ഥാനിലെ ശികാറില്‍ സംഘടിപ്പിച്ച കിസാന്‍ മഹാപഞ്ചായത്തിനിടെയായിരുന്നു ടികായത്തിന്റെ പരാമര്‍ശം.

‘ഇത്തവണ പാര്‍ലമെന്റ് ഘരാവോയാണ് ആഹ്വാനം ചെയ്യേണ്ടത്. ഉടന്‍ തന്നെ ഡല്‍ഹിയിലേക്ക് കര്‍ഷകര്‍ മാര്‍ച്ച് ചെയ്യും. ഇത്തവണ നാല് ലക്ഷം ട്രാക്ടറുകള്‍ക്ക് പകരം 40 ലക്ഷം ട്രാക്ടറുകള്‍ അണിനിരക്കും’, ടികായത് പറഞ്ഞു.

ഇന്ത്യാ ഗേറ്റിനരികിലെ പാർക്ക് ഉഴുതുമറിച്ച് കൃഷിയിറക്കുമെന്ന് അദ്ദേഹം പറഞ്ഞു. നേതാക്കൾ ചർച്ച ചെയ്ത് പ്രതിഷേധ ദിവസം തീരുമാനിക്കും. ആവശ്യങ്ങൾ അംഗീകരിച്ചില്ലെങ്കിൽ വൻകിട കുത്തകകളുടെ ഗോഡൗണുകൾ കർഷകർ തകർക്കും.

രാജ്യത്തെ കർഷകരെ താറടിച്ച് കാണിക്കാനുള്ള ഗൂഢാലോചന നടക്കുന്നുവെന്നും അദ്ദേഹം പറഞ്ഞു. ജനുവരി 26ന് നടന്നത് അതാണ്. ത്രിവർണ പതാകയെ രാജ്യത്തെ കർഷകർ ഇഷ്ടപ്പെടുന്നു. പക്ഷേ, രാജ്യത്തെ നയിക്കുന്നവർ ഇഷ്ടപ്പെടുന്നില്ല -അദ്ദേഹം ആരോപിച്ചു.

24/02/2021

രാജ്യത്ത് ഇന്ധനവില ഇന്നും വര്‍ധിപ്പിച്ചു

24-02-2021

രാജ്യത്ത് ഇന്ധനവില ഇന്നും വര്‍ധിപ്പിച്ചു. പെട്രോളിന് 28 പൈസയും ഡീസലിന് 25 പൈസയുമാണ് ഇന്ന് വര്‍ധിപ്പിച്ചത്. ഇതോടെ തിരുവനന്തപുരത്ത് പെട്രോളിന് ലിറ്ററിന് 93 രൂപ കടന്നു. 93 രൂപ 7 പൈസയാണ് തിരുവനന്തപുരത്ത് പെട്രോള്‍ വില. ഡീസല്‍ വില 87 രൂപ 6 പൈസയായി. കൊച്ചിയില്‍ പെട്രോള്‍ വില ലിറ്ററിന് 91 രൂപ 48 പൈസയായി. ഡീസല്‍ ലിറ്ററിന് 86 രൂപ 11 പൈസയായി. ഒന്‍പത് മാസത്തിനിടെ ഇന്ധനവില വര്‍ധിച്ചത് 21 രൂപയാണ്. 48 തവണകളിലായിട്ടാണ് ഈ വിലവര്‍ധനവ് ഉണ്ടായിരിക്കുന്നത്.

24/02/2021

കൂട്ടുപുഴ പാലം നാട്ടുകാർ ഉപരോധിക്കുന്നു

24-02-2021

കേരളത്തിൽനിന്നുള്ള യാത്രക്കാർക്ക് കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കിയതിൽ പ്രതിഷേധിച്ചു കൂട്ടുപുഴയിൽ നാട്ടുകാർ പാലം ഉപരോധിക്കുന്നു. ആന്റിജൻ ടെസ്റ്റ്‌ റിസൾട്ടുമായി വരുന്നവരെപോലും കടത്തിവിടാത്ത കർണാടക അധികൃതരുടെ നടപടിയിൽ പ്രതിഷേധിച്ചാണ് പാലം ഉപരോധിക്കുന്നത്. പാലത്തിന്റെ ഇരുവശങ്ങളിലുമായി വാഹനങ്ങൾ കുടുങ്ങിക്കിടക്കുകയാണ്.

07/02/2021

ലൈസൻസ് കിട്ടാൻ ഡ്രൈവിംഗ് കോഴ്സ്:

അംഗീകൃത ഡ്രൈവർ ട്രെയിനിങ് സെന്റെറുകളിൽ നിന്ന് കോഴ്സ് പൂർത്തിയായവർക്ക് മാത്രം ലൈസൻസ് നൽകുന്ന സംവിധാനത്തിന് ആദ്യ നടപടിയായി. നിലവിലുള്ള സംവിധാനം ഉടൻ പിൻവലിക്കാതതിനാൽ ഡ്രൈവിംഗ് സ്കൂളുകളിൽ തൽക്കാലം ബാധിക്കില്ല. ലൈസൻസ് ലഭിക്കാൻ ആർടിഒ ഓഫീസിൽ നൽകേണ്ട രേഖകളിൽ ഡ്രൈവിംഗ് കോഴ്സ് സർട്ടിഫിക്കറ്റ് ഹാജരാക്കണം. ലേണേഴ്സ് ലൈസൻസ്, മെഡിക്കൽ സർട്ടിഫിക്കറ്റ്, ഫോട്ടോ, ഫീസ് തുടങ്ങിയവ നിലനിർത്തും. ഡ്രൈവർ ട്രെയിനിംഗ് സെന്ററുകൾ എങ്ങനെയായിരിക്കണമെന്നും എന്തെല്ലാമാണ് പഠിപ്പിക്കേണ്ടതെന്നും സംബന്ധിച്ച് വിശദ വിവരങ്ങൾ ഉൾപ്പെടുത്തി കരട് വിജ്ഞാപനം കേന്ദ്ര സർക്കാർ ഗസറ്റിൽ പ്രസിദ്ധീകരിച്ചു. ജനങ്ങൾക്ക് പരാതികളും നിർദ്ദേശങ്ങളും നല്കാൻ ഒരു മാസം സമയമുണ്ട്.

06/02/2021

യാത്രയെ സ്നേഹിക്കുന്നവർക്ക് :

കേരളത്തിന്റെ ടൂറിസ്റ്റ് ഭൂപടത്തിൽ പ്രധാന സ്ഥാനമാണ് ഇടുക്കി ജില്ലക്ക് . ഈ ഇടുക്കിയിലെ ഒരു സുന്ദരമായ ഗ്രാമമാണ് പൂപ്പാറ. കുമളിയിൽ നിന്നും മുന്നാറിലേക്കുള്ള വഴിയിലാണ് ഈ ഗ്രാമം. ആനയിറങ്കൽ ഡാം, സൂര്യനെല്ലി, കൊളുക്കുമല, രാജപ്പാറ തുടങ്ങിയ വിനോദ സഞ്ചാര കേന്ദ്രങ്ങൾ പൂപ്പാറക്ക് സമീപമാണ്. അതുകൊണ്ട് തന്നെ പൂപ്പാറ എത്തിയാൽ ഇവിടുത്തെ കാഴ്ച്ചകൾ മാത്രമല്ല ആനയിറങ്കൽ ഡാം, സൂര്യനെല്ലി, കൊളുക്കുമല, എന്നീ കിടിലൻ സ്ഥലങ്ങളുടെ കാഴ്ചകളും കാണാം.
🍁
അടിമാലിയിൽ നിന്നും രാജക്കാട്ട് വഴി പൊന്മുടി ഡാമിന്റെ മുകളിലൂടെ കൂറ്റൻ പാറക്കെട്ടുകളും താണ്ടി തേനിയിലേക്കുള്ള വഴിയിലാണ് ഈ മനോഹര ഗ്രാമം. ചുറ്റും തേയിലയും, ഏലം, കുരുമുളക് എന്നീ തോട്ടങ്ങൾ നിറഞ്ഞതാണ് പൂപ്പാറ. ആൾതാമസം നോക്കിയാൽ വളരെ ചെറിയ ഗ്രാമമാണിത്.
🍁
നെടുങ്കണ്ടത്തിന് സമീപമായി പൂപ്പാറ തോണ്ടിമലയിലാണ് ഇത്തവണ നീലക്കുറിഞ്ഞി വ്യാപകമായി പൂവിട്ടിരുന്നത്. പൂപ്പാറയിൽ നിന്നും ഏകദേശം 11 Km സഞ്ചരിക്കുകയാണെങ്കിൽ കേരള തമിഴ്നാട് അതിർത്തി ഗ്രാമമായ ബോഡിമെട്ടിലെത്താൻ കഴിയും.

06/02/2021

4ജി നെറ്റ്‌വര്‍ക്ക്‌ ശക്തിപ്പെടുത്താന്‍ ജിയോ കേരളത്തില്‍ കൂടുതല്‍ ടവറുകള്‍ സ്ഥാപിക്കുന്നു

കണ്ണൂർ:റിലയൻസ് ജിയോ കേരളത്തിൽ 4ജി നെറ്റ്വർക്ക് 15 ശതമാനം വർദ്ധിപ്പിക്കാൻ ഒരുങ്ങുന്നു. നഗരങ്ങളിലും ഗ്രാമങ്ങളിലും 4ജി ടവറുകളുടെ ആവശ്യം വർധിച്ച സാഹചര്യത്തിലാണ് ഈ നീക്കം.

നിലവിൽ ജിയോയ്ക്ക് കേരളത്തിൽ 12,000-ലധികം ട്രൂ4ജി നെറ്റ്വർക്ക് സൈറ്റുകൾ ഉണ്ട്. സംസ്ഥാനത്തെ ഏറ്റവും വിപുലമായ 4ജി നെറ്റ്വർക്കാണിത്. പുതിയ വിപുലകീരണം കൂടിയാവുന്നതോടെ കേരള ടെലികോം രംഗത്തെ ജിയോയുടെ ഈ ആധിപത്യം വർധിക്കും.

റിലയൻസ് ജിയോ 4ജി നെറ്റ്വർക്കിലെ വേഗത പ്രശ്നങ്ങൾ പരിഹരിച്ച് ഉയർന്ന നിലവാരത്തിൽ 4ജി കണക്റ്റിവിറ്റി ആസ്വദിക്കാൻ ഇത് ഉപയോക്താക്കളെ സഹായിക്കും. ജിയോയ്ക്ക് നിലവിൽ കേരളത്തിൽ ഒരു കോടിയിൽ അധികം ഉപഭോക്താക്കൾ ഉണ്ട്.

കോവിഡ് വ്യാപനവും അതിനോടനുബന്ധിച്ച് വീട്ടിലുന്നുള്ള ജോലിയും ഓൺലൈൻ പഠനവുമെല്ലാം വർധിച്ചതും ടവറുകളുടെ ആവശ്യകത വർധിപ്പിച്ചതായി ജിയോ പറയുന്നു. ഏപ്രിൽ മുതൽ ഡാറ്റാ ഉപഭോഗത്തിൽ 35 ശതമാനം വർധനവുണ്ടായിട്ടുണ്ട്.

ലോക്ക്ഡൗൺ സമയത്ത്, കേരളത്തിലെ ജിയോ ടീം പൊതുജനങ്ങളുടെ നിർദേശപ്രകാരം വിവിധ സ്ഥലങ്ങളിലേക്ക് കണക്റ്റിവിറ്റി എത്തിക്കുകയും താൽകാലിക ടവറുകൾ സ്ഥാപിക്കുകയും കണക്റ്റിവിറ്റിയ്ക്കായി ടവറുകൾ വേഗത്തിൽ സ്ഥാപിക്കുകയും ചെയ്തിരുന്നുവെന്ന് ജിയോ പറഞ്ഞു. പൊതുജനങ്ങളുടെ അഭ്യർത്ഥന മാനിച്ച് 2020 ഏപ്രിൽ മുതൽ കമ്പനി 30-ലധികം ടവറുകൾ കേരളത്തിൽ സ്ഥാപിച്ചു.

05/02/2021

05-01-2021
Iritty

Petrol price : 87.10
Diesel price : 81.29

05/02/2021

രണ്ട് ദിവസത്തിനിടയിൽ തേനീച്ചകളുടെ കുത്തേറ്റത് 12 പേർക്ക് - കിളിയന്തറ 32-ാം മൈൽ ഗ്രാമവാസികൾ ഭീതിയിൽ

കിളിയന്തറ : കാട്ടു തേനീച്ചകളുടെ അക്രമണഭീതിയിൽ ഗ്രാമവാസികൾ. പായം പഞ്ചായത്തിലെ കിളിയന്തറ 32-ാം മൈൽ ഗ്രാമവാസികളാണ് കാട്ടു തേനീച്ചകളുടെ അക്രമണഭീതിയിൽ കഴിയുന്നത് . രണ്ട് ദിവസത്തിനിടയിൽ പ്രദേശത്തെ 12 ഓളം പേർക്കാണ് തേനീച്ചകളുടെ കുത്തേറ്റത് . സാരമായി പരിക്കേറ്റ മൂന്ന് പേർ ആസ്പത്രികളിൽ ചികിത്സതേടിയിരിക്കുകയാണ് .
രണ്ട് ദിവസവും രാവിലെ എട്ടുമണിക്കും ഒൻമ്പത് മണിക്കും ഇടയിലാണ് എവിടെ നിന്നോ തേനീച്ചകൾ കൂട്ടമായി പ്രദേശത്ത് എത്തുന്നത്. കഴിഞ്ഞ വർഷവും ഇതേ സമയത്ത് തേനീച്ച കൂട്ടം എത്തി രണ്ട് പേരെ കുത്തി പരിക്കേൽപ്പിച്ചിരുന്നു. തലശേരി- വളവുപാറ അന്തർ സംസ്ഥാന പാതയോരത്തേക്കാണ് തേനിച്ച കൂട്ടമായി എത്തുന്നത്. ഇതാണ് ഏറെ ആശങ്കയുണ്ടാക്കുന്നതും. കിളിയന്തറ 32-ാം മൈൽ ബസ് കാത്തരിപ്പു കേന്ദ്രത്തിൽ നിൽക്കുകയായിരുന്ന ഇരിട്ടി നഗരസഭയിലെ ജൂനിയർ ഹെൽത്ത് ഇൻസ്‌പെക്ടർ എം.ജി. അനിതയ്ക്കാണ് ആദ്യം കുത്തേറ്റത്. അവർ രാവിലെ ഓഫീസിലേക്ക് പോകാൻ വേണ്ടി ബസ് കാത്തു നില്ക്കുകയായിരുന്നു. തേനീച്ചക്കൂട്ടം വളഞ്ഞതോടെ ഇവർ സമീപത്തു തന്നെയുള്ളവീട്ടിനുള്ളിലേക്ക് ഓടിക്കയറി. ശരീരത്തിൽ പലസ്ഥലത്തുമായി കുത്തേറ്റ ഇവർ ആസ്പത്രിയിൽ എത്തി ചികിത്സ തേടി. രണ്ട് ദിവസമായി വീട്ടിൽ വിശ്രമത്തിലാണ്. അനിതയ്ക്ക് പിന്നാലെ റോഡരികിലും കടകളിലുമായി നില്ക്കുകയായിരുന്ന എല്ലാവരും സമീപത്തെ പള്ളികളിലും മറ്റും കയറി വാതിൽ അടയ്ക്കുകയായിരുന്നു. ശരീരത്തിന്റെ പലഭാഗങ്ങളിലും നിരവധി ഈച്ചകളുടെ കുത്തേറ്റവരെ ആസ്പത്രിയിൽ എത്തിച്ച് ചികിത്സ നൽകി. ഈ സമയം ഹൈവേയിലൂടെ ബൈക്കിൽ വരികയായിരുന്ന കിളിയന്തറയിലെ കാർക്ലിനിക്ക് സ്ഥാപനത്തിലെ ജീവനക്കാരനെ തേനിച്ചക്കൂട്ടം വളഞ്ഞതോടെ ബൈക്ക് നടുറോഡിൽ ഉപേക്ഷിച്ച് രക്ഷപ്പെട്ടു. സംഭവം അറിഞ്ഞ് ഗ്രാമപഞ്ചായത്ത് പ്രസിഡന്റും ഇരിട്ടി എസ് ഐയുമെല്ലാം സ്ഥലത്തെത്തിയിരുന്നു.
വ്യാഴാഴ്ച്ച രാവിലെ മാതൃഭൂമി വള്ളിത്തോട് ഏജന്റ് ബീരാനേയും തേനീച്ചക്കൂട്ടം അക്രമിച്ചു. പത്രം റോഡരികിലെ കടയിലും വീട്ടിലും നൽകുന്നതിനായി ബൈക്കിൽ നിന്നും ഇറങ്ങി പോകുന്നതിനിടയിലാണ് തേനീച്ച കൂട്ടമായി ആക്രമിച്ചത്. നൂറോളം ഈച്ചകൾ ശരീരത്തിൽ പൊതിഞ്ഞതോടെ ഉച്ചത്തിലുള്ള ബഹളം കേട്ട് സമീപത്തെ വീട്ടിൽ ഉണ്ടായിരുന്ന മുൻ ഗ്രാമപഞ്ചായത്ത് അംഗം പി.എൻ. സുരേഷ് വീട്ടിൽ നിന്നും ബഡ് ഷീറ്റ് എടുത്തു കൊണ്ടുവന്ന് ദേഹം മൂടിയാണ് രക്ഷപ്പെടുത്തിയത്. ഇദ്ദേഹവും ആസ്പത്രിയിൽ ചികിത്സ തേടി.
കഴിഞ്ഞ വർഷവും ഇതേ സമയം തേനീച്ചക്കൂട്ടം പ്രദേശത്ത് എത്തി രണ്ട പേരെ കുത്തി പരിക്കേൽപ്പിച്ചിരുന്നു. അന്ന് 85കാരനായ ബീരാൻ അത്ഭുതകരമായാണ് രക്ഷപ്പെട്ടത്. അടുത്ത പ്രദേശങ്ങളിൽ നാട്ടുകാർ നടത്തിയ പരിശോധനയിൽ തേനീച്ച കൂടുകളൊന്നും കണ്ടെത്താൻ കഴിഞ്ഞില്ല. രണ്ട് വർഷവും ഒരേ സമയം എങ്ങുനിന്നോ എത്തി ജനങ്ങളെ അക്രമിച്ച് പോകുന്ന തേനീച്ചക്കൂട്ടം നാട്ടുകാർക്ക് മുന്നിൽ ഒരു ചോദ്യ ചിഹ്നമായി മാറിയിരിക്കുകയാണ്.

05/02/2021

ചന്ത സൂപ്പർമാർക്കറ്റ് ഓപ്പണിങ് വീക്കിൽ നടത്തിയ സമ്മാന കൂപ്പൺ നറുക്കെടുപ്പിൽ ഒന്നാം സമ്മാനം നേടിയ ജിജി തകിടിപുറത്തിന് അയ്യങ്കുന്ന് പഞ്ചായത്ത് മെമ്പർ ശ്രീ ജോസ് എ വൺ 1001 രൂപയുടെ സമ്മാനങ്ങൾ നൽകുന്നു.

25/01/2021

*ഇരിട്ടിയിൽ നോ പാർക്കിങ്ങ് ഏരിയയിൽ പാർക്ക് ചെയ്താൽ പിഴ ചുമത്തും*

25-01-2021

ഇരിട്ടി : ഇരിട്ടി ടൗണിലെ നോ പാർക്കിങ്ങ് ഏരിയകളിൽപാർക്കുചെയ്യുന്ന വാഹന ഉടമകൾക്കെതിരേ പോലീസും മോട്ടോർ വാഹന വകുപ്പും നടപടി തുടങ്ങി. ട്രാഫിക് പരിഷ്‌കരണത്തിന്റെ ഭാഗമായാണ് നടപടി.തിങ്കളാഴ്ച 40 വാഹനങ്ങൾക്കെതിരെ പിഴചുമത്തി.

നോ പാർക്കിംഗ് ഏരിയ,ബസ് വേ എന്നിവിടങ്ങളിൽ ഗതാഗതം തടസ്സപ്പെടുത്തുന്ന രീതിയിൽ പാർക്ക് ചെയ്യുന്ന വാഹനങ്ങൾക്കെതിരെയാൺ് നടപടി.ഇരിട്ടി പ്രിൻസിപ്പൽ എസ്‌ഐ ദിനേശൻ കൊതേരി,അസിസ്റ്റന്റ് മോട്ടോർ വെഹിക്കിൾ ഇൻസ്‌പെക്ടർമാരായ വി.പി.ശ്രീജേഷ്,ദിപിൻ എന്നിവരുടെ നേതൃത്വത്തിലായിരുന്നു പരിശോധന.വരും ദിവസങ്ങളിലും പരിശോധന തുടരും.

23/01/2021

*ബി എസ് എൻ എൽ സെക്യൂരിറ്റി ജീവനക്കാരൻ്റെയും അഗ്നിരക്ഷാസേനാംഗങ്ങളുടെയും അവസരോചിത ഇടപെടൽ വഴി ഇരിട്ടിയിൽ ഒഴിവായത് വൻ ദുരന്തം*

23-01-2021

ഇരിട്ടി: റോഡിൽ പൊട്ടിവീണ വൈദ്യുതി പ്രവഹിക്കുന്ന വൈദ്യുത കമ്പിയിലൂടെ ഒരു പ്രദേശത്തുണ്ടാകുമായിരുന്ന വൻ ദുരന്ത മൊഴിവായത് ബിഎസ്എൻഎൽ സെക്യൂരിറ്റി ജീവനക്കാരൻ്റെയും അഗ്നി രക്ഷാസേനാംഗങ്ങളുടെയും സന്ദർഭോചിത ഇടപെടൽ മൂലം ഇന്നലെ വൈകീട്ട് ഇരിട്ടി - നേരംമ്പോക്ക് എടക്കാനം റോഡിലെ ബി എസ് എൻ എൽ ഓഫിസിനും ഇരിട്ടി അഗ്നിരക്ഷാനിലയത്തിനും സമീപത്തുള്ള റോഡിലാണ് സംഭവം. ബി എസ് എൻ എൽ ഓഫിസിലെ സെക്യൂരിറ്റി ജീവനക്കാരനായ ആൻറണി റോഡിൽ വലിയ പൊട്ടിത്തെറിയുടെ ശബ്ദം കേട്ടാണ് റോഡിലേക്ക് നോക്കിയത് വാഹന അപകടമാണെന്ന് കരുതി റോഡരികിലെ മതിലിനടുത്ത് വന്നപ്പോഴാണ് റോഡിൽ വൈദ്യുതി ലൈനിലെ രണ്ട് കമ്പി പൊട്ടി വീണുകിടക്കുന്നത് കണ്ടത്. രണ്ടു കമ്പിയും തമ്മിലുരസി വൈദ്യുതി പ്രവഹിക്കുന്നതായി കണ്ടയുടനെ ഒന്നു പക ച്ചെങ്കിലും ധൈര്യം ചോരാതെ ആൻറണി മുന്നിൽ കണ്ട ദുരന്ത മൊഴിവാക്കുന്നതിനായി. റോഡിലൂടെ വന്ന വാഹനങ്ങൾ ഒച്ചയുണ്ടാക്കി നിർത്തിച്ച ശേഷം സമീപത്തെ അഗ്നി രക്ഷാ സേനയെ വിവരമറിയിക്കുകയായിരുന്നു തുടർന്ന് സ്ഥലത്തോടിയെത്തിയ ഇരിട്ടി അഗ്നി രക്ഷാ സേന അസി സ്റ്റേഷൻ ഓഫിസർ എൻ വി അശോകൻ, ഫയർ റെസ്ക്യൂ ഓഫിസർ വിഷ്ണു പ്രകാശ്, സെക്യൂരിറ്റി ആൻറണി എന്നിവർ ചേർന്ന് വൈദ്യുത കമ്പി പ്ലാസ്റ്റിക് ദണ്ഡ് ഉപയോഗിച്ച് റോഡരികിലേക്ക് മാറ്റിയ ശേഷം ഇരിട്ടി കെ.എസ്.ഇ.ബി ഓഫീസിൽ വിവരമറിയിച്ചതിനെ തുടർന്ന് സ്ഥലത്തെത്തിയ കെ.എസ്ഇബി ജീവനക്കാർ അറ്റകുറ്റപ്പണ്ണിനടത്തി അപകടം ഒഴിവാക്കി വൈദ്യുതി ബന്ധം പുന:സ്ഥാപിച്ച ശേഷമാണ് ഗതാഗത തടസ്സം ഒഴിവാക്കി വാഹനങ്ങളും കാൽ നടയാത്രക്കാരും കടന്നു പോയത്. അപകട മുനമ്പിൽ പകച്ചു നിൽക്കാതെ ധൈര്യസമേതം അവസരത്തിനൊത്തുയർന്ന് ഒരു വലിയ ദുരന്തത്തിൽ നിന്നും നാടിനെയും നാട്ടുകാരെയും രക്ഷിക്കാനുള്ള മാതൃകാപരമായ ഇടപെടൽ നടത്തിയ ബി എസ് എൻ എൽ സെക്യുരിറ്റി ജീവനക്കാരൻ ആൻറണിയേയും അഗ്നി രക്ഷാ സേനാംഗങ്ങളായ എൻ വി അശോകൻ, വിഷ്ണു പ്രകാശ് എന്നിവരെ നാട്ടുകാരും വാഹനയാത്രക്കാരും അഭിനന്ദിച്ചു.

22/01/2021

*പേരാവൂർ താലൂക്കാസ്പത്രിക്ക് സംസ്ഥാന ആരോഗ്യ വകുപ്പ് ഒരു ആമ്പുലൻസ് കൂടി അനുവദിച്ചു.*

22-01-2021

പേരാവൂർ: താലൂക്കാസ്പത്രിക്ക് സംസ്ഥാന ആരോഗ്യ വകുപ്പ് ഒരു ആമ്പുലൻസ് കൂടി അനുവദിച്ചു. ആമ്പുലൻസിന്റെ താക്കോൽ ഡ്രൈവർക്ക് കൈമാറി പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ.സുധാകരൻ ഉദ്ഘാടനം ചെയ്തു. വൈസ്.പ്രസിഡന്റ് പ്രീത ദിനേശൻ അധ്യക്ഷത വഹിച്ചു.

ആസ്പത്രി സൂപ്രണ്ട് ഡോ. ഗ്രിഫിൻ സുരേന്ദ്രൻ, ബ്ലോക്ക് പഞ്ചായത്തംഗങ്ങളായ ബൈജു വർഗീസ്, പാൽ ഗോപാലൻ, പ്രേമി പ്രേമൻ, എൽ.ജെ.ഡി.നേതാവ് എ.കെ. ഇബ്രാഹിം, ജോസഫ് കോക്കാട്ട് തുടങ്ങിയവർ സംബന്ധിച്ചു.

നിലവിൽ മുൻ എം.പി.ശ്രീമതി ടീച്ചർ അനുവദിച്ച ആമ്പുലൻസും ഒരു 108 ആമ്പുലൻസുമാണ് പേരാവൂർ താലൂക്കാസ്പത്രിയിലുള്ളത്.

22/01/2021

*കേന്ദ്ര സർവീസിൽ 56 ഒഴിവ്: അപേക്ഷ ജനുവരി 28 വരെ ഓൺലൈനായി അപേക്ഷിക്കാം*

22-01-2021

തിരുവനന്തപുരം: കേന്ദ്ര സർവീസിൽ വിവിധ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. www.upsconline.nic.in എന്ന വെബ്സൈറ്റിലൂടെ ജനുവരി 28 വരെ ഓൺലൈനായി അപേക്ഷിക്കാം. 56 ഒഴിവുകളാണ് ആരോഗ്യ കുടുംബക്ഷേമ മന്ത്രാലയത്തിൽ വിവിധ വിഷയങ്ങളിൽ സ്പെഷലിസ്റ്റ് അസിസ്റ്റന്റ് പ്രഫസർ തസ്തികയിലുള്ളത്.

അസിസ്റ്റന്റ് ഡയറക്ടർ, സ്പെഷലിസ്റ്റ് അസിസ്റ്റന്റ് പ്രഫസർ ഡെർമറ്റോളജി, വെനറോളജ ആൻഡ് ലെപ്രസി, മെഡിക്കൽ ഗ്യാസ്ട്രോഎൻട്രോളജി, ഓഫ്താൽമോളജി, ഒബ്സ്റ്റട്രിക്സ് ആൻഡ് ഗൈനക്കോളജി, പീഡിയാട്രിക് കാർഡിയോളജി, പീഡിയാട്രിക് സർജറി, പ്ലാസ്റ്റിക് ആൻഡ് റികൺസ്ട്രക്റ്റീവ് സർജറി, അസിസ്റ്റന്റ് ഡയറക്ടർ തുടങ്ങിയ തസ്തികകളിലാണ് അവസരം. പ്രായപരിധി അസിസ്റ്റന്റ് ഡയറക്ടർ തസ്തികയിൽ 35 വയസും മറ്റെല്ലാ തസ്തികയിലും 40 വയസും. യോഗ്യത ഉൾപ്പെടെയുള്ള വിശദവിവരങ്ങൾ: www.upsc.gov.in ൽ ലഭ്യമാണ്.

संघ लोक सेवा आयोग की विभिन्न परीक्षाओं के लिए ऑनलाइन आवेदन

22/01/2021

*പെരളശ്ശേരി ക്ഷേത്രത്തിൽ ഭക്തർക്ക് പ്രവേശനമില്ല*

22-01-2021

പെരളശ്ശേരി: പെരളശ്ശേരി സുബ്രഹ്മണ്യസ്വാമി ക്ഷേത്രത്തിലെ മൂന്ന് ജീവനക്കാർക്ക് കോവിഡ് സ്ഥിരീകരിച്ചതിനാൽ 22 മുതൽ ഇനിയൊരു അറിയിപ്പുണ്ടാകുന്നതുവരെ ക്ഷേത്രത്തിൽ ഭക്തജനങ്ങൾക്ക് പ്രവേശനം അനുവദിക്കില്ലെന്ന് ക്ഷേത്രം മാനേജർ അറിയിച്ചു.

21/01/2021

അങ്ങാടികടവ് PHC മെഡിക്കൽ ഓഫീസറിന്റെ അറിയിപ്പ്

ചരൾ : കഴിഞ്ഞ ഒരാഴ്ചയായി കോവിഡ് വ്യാപനം നമ്മുടെ പ്രദേശത്ത് കൂടി വരുന്നതായി കാണുന്നു. കോവിഡ് പോസിറ്റീവ് കേസുകൾ കൂടി വരുന്ന സഹചര്യത്തിൽ 25.1-21ന് തിങ്ക ളാഴ്ച രാവിലെ 10 മണി മുതൽ 12.30 വരെ ചരൾ LP സ്കൂളിൽ വച്ച് ആൻ്റി ജൻ പരിശോധന ക്യാമ്പ്നടത്തുന്നുണ്ട്. നമ്മുടെ പ്രദേശത്തുള്ള ആളുകൾ, വ്യാപാരികൾ പ്രത്യേകിച്ച് പനി ഇലദോഷം ശരി രവേദന തലവേദന,തൊണ്ടവേദന പേശിവേദന രുചിയില്ലായ്മ മണമില്ലായ്മഎന്നി ലക്ഷണങ്ങൾ ഉള്ളവർ
നിർബന്ധമായുo ഈ ക്യാമ്പിൽ പങ്കെടുക്കേണ്ടതാണ്.
ബന്ധപ്പെടെണ്ട ഫോൺ നമ്പർ:
8281363350
9633505454
9562874485

Phc
Angadikadavu അങ്ങാടിക്കടവ്

21/01/2021

*സഞ്ജു രാജസ്ഥാൻ റോയൽസിന്റെ ക്യാപ്റ്റനാവുമ്പോൾ*

വ്യാഴം, ജനുവരി 21, 2021

ഐപിഎൽ വരുന്ന സീസണിലേക്കുള്ള രാജസ്ഥാൻ റോയൽസിൻ്റെ ക്യാപ്റ്റനായി മലയാളി താരം സഞ്ജു സാംസണെ നിയമിച്ചു. അതും, ആധുനിക ക്രിക്കറ്റിലെ ബാറ്റിംഗ് ഇതിഹാസം സ്റ്റീവ് സ്മിത്തിനെ ഒഴിവാക്കി. സഞ്ജു, രാജസ്ഥാൻ റോയൽസിൻ്റെ നായകനായി എന്നതിനപ്പുറം ഈ സ്റ്റേറ്റ്മെൻ്റിന് മറ്റൊരു തലം കൂടിയുണ്ട്. ഒരുകാലത്ത് ഉത്തരേന്ത്യൻ കുത്തക ആയിരുന്ന ഇന്ത്യൻ ക്രിക്കറ്റിൻ്റെ ഏറ്റവും സുപ്രധാനമായ ഒരു സ്ഥാനത്ത് ഒരു മലയാളി അവരോധിക്കപ്പെടുകയാണ്. അണ്ടർ-19 ലോകകപ്പിൽ ഇന്ത്യയുടെ ഉപനായകനായിത്തന്നെ രാജ്യാന്തര ക്രിക്കറ്റിൽ തുടക്കമിട്ടയാളാണ് സഞ്ജു. പക്ഷേ, ഒരു ഐപിഎൽ ടീമിൻ്റെ നായകനാവുക എന്നാൽ അതിന് വലിയ മാനങ്ങളാണുള്ളത്.
കേരള ക്രിക്കറ്റ് ടീമിനെ മുൻപ് നയിച്ചിട്ടുണ്ട് സഞ്ജു. ഇക്കഴിഞ്ഞ സയ്യിദ് മുഷ്താഖ് അലി ട്രോഫിയിൽ കേരളത്തിൻ്റെ ക്യാപ്റ്റനായിരുന്നു. അതികായന്മാരായ മുംബൈയെയും ഡൽഹിയെയുമൊക്കെ തോൽപിച്ച് ക്വാർട്ടർ പ്രതീക്ഷ നൽകിയ കേരളം പക്ഷേ, അവസാന രണ്ട് മത്സരങ്ങളിൽ ആന്ധ്രയോടും ഹരിയാനയോടും പരാജയപ്പെട്ട് പുറത്താവുകയായിരുന്നു. ഒരു ക്യാപ്റ്റൻ എന്ന നിലയിൽ സഞ്ജു തരക്കേടില്ലെന്നാണ് മുൻ പ്രകടനങ്ങളിൽ നിന്ന് മനസ്സിലാവുന്നത്. ക്യാപ്റ്റൻസി ബാറ്റിംഗിനെ കാര്യമായി ബാധിക്കുന്നില്ല. മികച്ച ഒരു ബൗളിംഗ് നിര ഇണ്ടെങ്കിൽ സഞ്ജുവിലെ ക്യാപ്റ്റൻ പതറും. ബൗളിംഗ് ചേഞ്ചുകൾ മികച്ചതായി തോന്നി. രാജസ്ഥാൻ റോയൽസിൻ്റെ പ്രശ്നം, ജോഫ്ര ആർച്ചർ അല്ലാതെ ഒരു മികച്ച ബൗളർ ഇല്ല എന്നതായിരിക്കെ വരുന്ന മിനി ഓക്ഷനിൽ ടീം മാനേജ്മെൻ്റ് അതിനാവും കൂടുതൽ ശ്രദ്ധ കൊടുക്കുക. പ്രത്യേകിച്ചും സ്മിത്തിനെ റിലീസ് ചെയ്തതിലുണ്ടായ വലിയ ലാഭം ഒരു വിദേശ പേസറെ വിളിച്ചെടുക്കാൻ ചെലവിട്ടേക്കാം.
കോർ ഗ്രൂപ്പ് രാജസ്ഥാൻ അങ്ങനെ തന്നെ നിലനിർത്തിയിട്ടുണ്ട്. ബെൻ സ്റ്റോക്സ്, ജോസ് ബട്‌ലർ, റിയൻ പരഗ്, രാഹുൽ തെവാട്ടിയ തുടങ്ങിയ താരങ്ങൾ ടീമിലുണ്ട്. അതുകൊണ്ട് തന്നെ മികച്ച ഒരു ബൗളറെക്കൂടി ടീമിലെത്തിക്കുകയാണ് കോമ്പിനേഷൻ ശരിയാക്കാനുള്ള ആദ്യ പടി. ക്യാപ്റ്റൻ ആയതുകൊണ്ട് തന്നെ അസ്‌ഹറുദ്ദീനെപ്പോലെ കേരള താരങ്ങളെ സഞ്ജു രാജസ്ഥാൻ ക്യാമ്പിൽ ട്രയൽസിനായി എത്തിച്ചേക്കാം. എന്ത് തന്നെയായാലും സഞ്ജു രാജസ്ഥാൻ റോയൽസിൻ്റെ ക്യാപ്റ്റനാവുമ്പോൾ മാറ്റിയെഴുതപ്പെടുന്നത് കാലങ്ങളായി നിശ്ചയിച്ചിരുന്ന പതിവുരീതികളാണ്.

21/01/2021

*നിയമസഭാ നടപടികൾ ആരംഭിച്ചു*

വ്യാഴം, ജനുവരി 21, 2021

നിയമസഭാ നടപടികൾ ആരംഭിച്ചു. ചോദ്യോത്തര വേളയാണ് സഭയിൽ ഇപ്പോൾ പുരോഗമിക്കുന്നത്. പ്രതിപക്ഷത്തിന്റെ ചോദ്യത്തിന് വ്യവസായ മന്ത്രി ഇപി ജയരാജനാണ് മറുപടി പറയുന്നത്.
സ്പീക്കർ പി.ശ്രീരാമകൃഷ്ണനെ സ്പീക്കർ സ്ഥാനത്തു നിന്ന് നീക്കണമെന്ന പ്രതിപക്ഷ നോട്ടീസ് നിയമ സഭ ഇന്ന് പരിഗണിക്കും.
സ്വർണക്കടത്ത് കേസ് പ്രതി സ്വപ്ന സുരേഷുമായി സ്പീക്കർക്ക് ബന്ധമുണ്ടെന്നാണ് പ്രതിപക്ഷ ആരോപണം. രാവിലെ 10 മണിക്ക് സഭ നോട്ടീസ് പരിഗണിക്കും.
നോട്ടീസ് പരിഗണിക്കുമ്പോൾ സ്പീക്കർ ഡെപ്യൂട്ടി സ്പീക്കറുടെ ഇരിപ്പിടത്തിലേക്കു മാറും ഡെപ്യൂട്ടി സ്പീക്കറാകും സ്പീക്കർക്കെതിരായ നോട്ടീസ് പരിഗണിക്കുമ്പോൾ സഭ നിയന്ത്രിക്കുക.

21/01/2021

*സമരവേദിയില്‍ ഒരു കര്‍ഷകന്‍ കൂടി ജീവനൊടു ക്കി*

21-01-2021

കാര്‍ഷിക നിയമങ്ങള്‍ പിന്‍വലിക്കണമെന്ന് ആവശ്യപ്പെട്ട് നടത്തുന്ന കര്‍ഷക പ്രക്ഷോഭത്തില്‍ പങ്കെടുത്ത മറ്റൊരു കര്‍ഷകന്‍ കൂടി ആത്മഹത്യ ചെയ്തു. ഡൽഹി തിക്രി അതിർത്തിയിലെ കർഷകസമരവേദിയിലാണ് ജയ ഭഗവാൻ റാണ(42) വിഷം കഴിച്ച് മരിച്ചത്. സംഭവസ്ഥലത്ത് നിന്ന് ആത്മഹത്യാകുറിപ്പ് ലഭിച്ചിട്ടുണ്ട്. ഇതോടെ സമരവേദിയിൽ ജീവനൊടുക്കുന്ന കർഷകരുടെ എണ്ണം അഞ്ചായി.

കര്‍ഷകരുടെ സമരം ഒത്തുതീര്‍പ്പാക്കാന്‍ പ്രശ്‌നപരിഹാരത്തിന് സര്‍ക്കാര്‍ ഉടന്‍ നടപടി സ്വീകരിക്കണമെന്ന കുറിപ്പ് എഴുതിവച്ചിട്ടാണ് അദ്ദേഹം ജീവനൊടുക്കിയത്. രാജ്യത്തെ മുഴുവന്‍ കര്‍ഷകരും നിയമത്തിന് എതിരായിട്ടും സര്‍ക്കാര്‍ പറയുന്നത് രണ്ടുമൂന്ന് സംസ്ഥാനങ്ങള്‍ മാത്രമാണ് പ്രശ്‌നങ്ങള്‍ ഉണ്ടാക്കുന്നത് എന്നാണ്. രാജ്യത്തെ മുഴുവന്‍ കര്‍ഷകരുടെ വികാരം മനസിലാക്കി നടപടി സ്വീകരിക്കാന്‍ സര്‍ക്കാര്‍ തയാറാവണമെന്നും കുറിപ്പില്‍ ആവശ്യപ്പെടുന്നു.

20/01/2021

*നടന്‍ ഉണ്ണികൃഷ്ണൻ നമ്പൂതിരി അന്തരിച്ചു*

കണ്ണൂർ∙ ചലച്ചിത്ര നടനും കൈതപ്രം ദാമോദരൻ നമ്പൂതിരിയുടെ ഭാര്യാപിതാവുമായ പുല്ലേരി വാധ്യാരില്ലത്ത് ഉണ്ണിക്കൃഷ്ണൻ നമ്പൂതിരി (98) അന്തരിച്ചു. കോവിഡ് ബാധിച്ച് ചികിത്സയിലായിരുന്നെങ്കിലും കഴിഞ്ഞ ദിവസം നെഗറ്റീവായിരുന്നു. കണ്ണൂരിൽ വച്ചായിരുന്നു അന്ത്യം. ദേശാടനം, കല്യാണരാമൻ, ചന്ദ്രമുഖി, പമ്മല്‍ കെ. സംബന്ധം എന്നിവ പ്രധാന സിനിമകളാണ്.

20/01/2021

കെ സുധാകരൻ കെപിസിസി അധ്യക്ഷനായേക്കും; നൽകുന്നത് താൽക്കാലിക ചുമതല

കോൺഗ്രസ് നേതാവ് കെ സുധാകരന് കെപിസിസി അധ്യക്ഷൻ്റെ താൽക്കാലിക ചുമതല നൽകിയേക്കുമെന്ന് റിപ്പോർട്ടുകൾ. മുല്ലപ്പള്ളി രാമചന്ദ്രൻ തെരെഞ്ഞെടുപ്പിൽ മൽസരിക്കാൻ തീരുമാനിച്ച സാഹചര്യത്തിലാണ് തീരുമാനമെന്നാണ് കോൺഗ്രസ് വൃത്തങ്ങൾ നൽകുന്ന സൂചന.
മുല്ലപ്പള്ളി രാമചന്ദ്രൻ കൽപ്പറ്റയിൽ മൽസരിക്കാൻ താൽപ്പര്യം പ്രകടിപ്പിച്ചതായി റിപ്പോർട്ടുകളുണ്ടായിരുന്നു. അദ്ദേഹത്തിൻ്റെ നിർദ്ദേശത്തിന് ഹൈക്കമാൻ്റ് അനുകൂലമാണെന്നാണ് സൂചന. ഈ സാഹചര്യത്തിലാണ് താൽക്കാലികമായി ചുമതല കെ സുധാകരന് കൈമാറുന്നത്.
എന്നാൽ താൽക്കാലികമായ ചുമതലയിൽ തനിക്ക് താൽപ്പര്യമില്ലെന്നാണ് കെ സുധാകരൻ്റെ നിലപാട്. തദ്ദേശസ്വയംഭരണ തെരെഞ്ഞെടുപ്പിൽ കോൺഗ്രസിന് തിരിച്ചടി നേരിട്ട സാഹചര്യത്തിൽ അധികാരമാറ്റം വേണമെന്ന് അണികൾക്കിടയിലും നേതാക്കന്മാർക്കിടയിലും ആവശ്യമുയർന്നിരുന്നു.

20/01/2021

ആരോഗ്യ സേതു ആപ്പിലൂടെ വാക്സിൻ സ്വീകരണത്തിന് സ്വയം രജിസ്ട്രേഷൻ സൗകര്യം

ആരോഗ്യ സേതു ആപ്പിലൂടെ വാക്സിൻ സ്വീകരണത്തിന് സ്വയം രജിസ്ട്രേഷൻ സൗകര്യം. അരോഗ്യപ്രവർത്തകർക്കുള്ള വാക്സിനുകൾ വിതരണം ചെയ്തുകഴിഞ്ഞാൽ പൊതുജനങ്ങൾക്ക് ആപ്പിലൂടെ വാക്സിനു വേണ്ടി രജിസ്റ്റർ ചെയ്യാൻ സാധിക്കും. എംപവേർഡ് ഗ്രൂപ്പ് ഓഫ് ടെക്നോളജീസ് ചെയർമാൻ ഡോ. രാം സേവക് ശർമ്മ ഇന്ത്യാ ടുഡേയോടാണ് ഇക്കാര്യം വ്യക്തമാക്കിയത്.
“അതെ, പൊതുജനങ്ങൾക്ക് ആപ്പിലൂടെ കൊവിഡ് വാക്സിനായി പേര് രജിസ്റ്റർ ചെയ്യാൻ സാധിക്കും. വാക്സിൻ സ്വീകരണത്തിനു ശേഷം സർട്ടിഫിക്കറ്റ് നൽകുന്ന തരത്തിൽ ആപ്പിനെ സജ്ജമാക്കും. രജിസ്ട്രേഷൻ സമയത്ത് എപ്പോൾ, എവിടെവച്ച് വാക്സിനേഷൻ സ്വീകരിക്കണമെന്ന് ആളുകൾക്ക് തിരഞ്ഞെടുക്കാൻ കഴിയും.”- ഡോ. രാം സേവക് ശർമ്മ പറഞ്ഞു.

അതേസമയം, രാജ്യത്ത് കൊവിഡ് വാക്സിൻ സ്വീകരിച്ചവരിൽ 0.18 ശതമാനം പേർക്ക് മാത്രമാണ് പാർശ്വഫലമുണ്ടായതെന്ന് കേന്ദ്രസർക്കാർ അറിയിച്ചു. ഇതിൽ 0.002 പേരെ മാത്രമാണ് ആശുപത്രിയിൽ പ്രവേശിപ്പിച്ചത്. ഇത് വളരെ കുറഞ്ഞ നിരക്കാണ്. കൊവിഷീൽഡ്, കൊവാക്സിനും എന്നീ വാക്‌സിനുകൾ സുരക്ഷിതമാണെന്നും നിതി ആയോഗ് ചെയർമാൻ വി.കെ. പോൾ പറഞ്ഞു.
ഇപ്പോൾ വാക്‌സിനുകളെ കുറിച്ചുള്ള ആശങ്കയ്ക്കല്ല പ്രാധാന്യം. ഇതുവരെ ലഭ്യമായ കണക്കുകൾ പ്രകാരം, വെറും 0.18 പേരിൽ മാത്രമാണ് ഇമ്യൂണൈസേഷന് ശേഷം പാർശ്വഫലങ്ങൾ ഉണ്ടായിട്ടുള്ളത്. ഇമ്യൂണൈസേഷനു ശേഷം ആശുപത്രിയിൽ പ്രവേശിപ്പിക്കേണ്ടി വന്നത് 0.002 പേരെയാണെന്നും കേന്ദ്ര ആരോഗ്യ സെക്രട്ടറി രാജേഷ് ഭൂഷൻ പറഞ്ഞു. ലോകത്ത് വാക്സിനേഷൻ നടന്ന ആദ്യ മൂന്നു ദിവസങ്ങളിലെ കണക്കുകൾ അനുസരിച്ച് ഏറ്റവും കുറച്ച് പാർശ്വഫലങ്ങൾ ഉണ്ടായത് ഇന്ത്യയിലാണെന്നും അദ്ദേഹം കൂട്ടിച്ചേർത്തു.

WhatsApp Group Invite