Kadapa Journalist

08/09/2022

**ఓటర్ ఐడీకి ఆధార్ నెంబర్ లింక్ చేయండిలా**

Step 1- ముందుగా మీ స్మార్ట్‌ఫోన్‌లో గూగుల్ ప్లే స్టోర్ లేదా యాపిల్ యాప్ స్టోర్ నుంచి 'Voter Helpline' యాప్ ఇన్‌స్టాల్ చేయండి.

Step 2- యాప్ ఓపెన్ చేసిన తర్వాత 'Voter Registration' ఆప్షన్ సెలెక్ట్ చేయండి.

Step 3- ఎలక్టోరల్ ఆథెంటికేషన్ ఫామ్ (Form 6B) పైన క్లిక్ చేయండి.

Step 4- ఆధార్ నెంబర్‌కు లింక్ అయిన మొబైల్ నెంబర్ ఎంటర్ చేస్తే ఓటీపీ వస్తుంది.

Step 5- 'Yes I have voter ID' ఆప్షన్ సెలక్ట్ చేసి నెక్స్‌ట్ పైన క్లిక్ చేయాలి.

Step 6- మీ ఓటర్ ఐడీ నెంబర్ ఎంటర్ చేసి, స్టేట్ సెలెక్ట్ చేయాలి.

Step 7- 'Fetch Details' పైన క్లిక్ చేయాలి.

Step 8- ఆ తర్వాత ప్రొసీడ్ పైన క్లిక్ చేయాలి.

Step 9- ఆ తర్వాత మీ ఆధార్ నెంబర్, రిజిస్టర్డ్ మొబైల్ నెంబర్ ఎంటర్ చేసి 'Done' పైన క్లిక్ చేయాలి

మీ ఓటర్ ఐడీకి ఆధార్ నెంబర్ లింక్ అవుతుంది. www.nvsp.in వెబ్‌సైట్‌లో కూడా ఎలక్టోరల్ ఆథెంటికేషన్ ఫామ్ (Form 6B) పూర్తి చేసి ఈ ప్రాసెస్ పూర్తి చేయొచ్చు. లేదా మరిన్ని వివరాలకు మీ బూత్ లెవెల్ ఆఫీసర్‌ను సంప్రదించవచ్చు. ఓటర్ ఐడీకి ఆధార్ నెంబర్ లింక్ చేయడానికి చివరి తేదీ ఏమీ లేదు.!!!

08/09/2022

జమ్మలమడుగు.. ముద్దనూరు మధ్య రాకపోకలు బంద్..

జమ్మలమడుగు చుట్టూ ప్రక్కల 10 గ్రామాలకు రాకపోకలు బంద్

మైలవరం నుంచి పెన్నా నదికి 10 వేల క్యూసెక్కుల నీరు విడుదల

ఏడాది పూర్తి అవుతున్న ఇంకా పూర్తిగాని పెన్నా బ్రిడ్జి

పాత బ్రిడ్జి ఆనుకొని ప్రవహిస్తున్న నీరు

ఎగువన కురుస్తున్న భారీ వర్షాలకు గండికోట జలాయశం కు పోటెత్తిన వరద

పెన్నా ,చిత్రావతి నుంచి 18 వేల క్యూసెక్కుల నీరు గండికోటలోకి చేరిక

గండికోటలో 26 టీఎంసీల నీరు నిల్వ ఉంది..

గండికోట నుంచి మైలవరం కు 18 వేల క్యూసెక్కులు నీరు విడుదల

పెన్నా పరివాహక ప్రజలు అప్రమత్తంగా ఉండాలని ఆదేశాలు జారీ..

మైలవరం జలాశయంలో 2.5 టీఎంసీల నీరు నిల్వ ఉంది..

08/09/2022

*పుట్టినరోజు శుభాకాంక్షలు**

తెలుగుదేశంపార్టీ పొలిట్ బ్యూరో సభ్యులు & సీనియర్ నాయకులు, కడప పార్లమెంట్ ఆభ్యర్థి శ్రీ R.SRINIVASA REDDY గారికి హృదయపూర్వక జన్మదిన శుభాకాంక్షలు..,

కడప జిల్లా ప్రజల ఆశీస్సులతో మీరు ఇటువంటి పుట్టినరోజులు మరెన్నో జరుపుకోవాలని, భవిష్యత్తులో ఉన్నతమైన పదవులు అధిష్టించాలని యువతకు స్ఫూర్తిదాయకంగా నిలవాలని నిండు నూరేళ్ళు ఆయురారోగ్యాలతో ఆనందంగా ఉండాలని కోరుకుంటున్నాను.

04/09/2022

**ఇసుక ధరలు**

కడప జిల్లాలో ఇసుక తాజా ధరలు నియోజకవర్గాల వారీగా వారానికోసారి ఇసుక ధరలను ప్రభుత్వం ప్రకటిస్తోంది . ఎక్కువకు విక్రయిస్తే 9121101001 కి ఫిర్యాదు చేయాలని పేర్కొన్నారు..

రవాణా ఛార్జీలతో కలిపి టన్ను ధర రూపాయల్లో...

కడప ( 775 ) , కమలాపురం ( 615 ) , ప్రొద్దుటూరు ( 530 ) , బద్వేల్ ( 1105 ) , మైదుకూరు ( 920 ) , పులివెందుల ( 760 ) , జమ్మలమడుగు ( 625 ) , రాయచోటి ( 860 ) , రైల్వేకోడూరు ( 680 ) , రాజంపేట ( 645 )...

03/09/2022

**RED ALERT**

**An Alert message regarding Penna River Flood Releases from MYLAVARAM Reservoir **

It is to bring to notice of all public relation officers like Revenue Dept., Police Staff., Municipal Authorities etc., is that,

"Flood inflows are being received into Mylavaram Reservoir Continuously.
In this regard at any time from now with in 24 hrs flood water from Mylavaram Reservoir will be released into PENNA RIVER based on the upcoming Inflows.

In this regard it is requested to please alert all the Public residents along Penna River to be careful and alert villagers during flood water flows in the Penna River.

EXECUTIVE ENGINEER
MRC DIVISION
MYLAVARAM DAM SITE.

*******************************************************************

**మైలవరం రిజర్వాయర్ నుంచి పెన్నా నదికి వరద విడుదలకు సంబంధించి అలర్ట్ సందేశం **

రెవిన్యూ డిపార్ట్ మెంట్, పోలీస్ స్టాఫ్, మునిసిపల్ అథారిటీస్ మొదలైన పబ్లిక్ రిలేషన్స్ ఆఫీసర్లు అందరి దృష్టికి తీసుకురావడమేమిటంటే,

మైలవరం జలాశయానికి నిరంతరం వరద ప్రవాహం వస్తూనే ఉంది.
ఈ మేరకు ఇప్పటి నుంచి ఏ సమయంలోనైనా మైలవరం జలాశయం నుంచి 24 గంటల్లో వచ్చే ఇన్ ఫ్లోల ఆధారంగా పెన్నా నదిలోకి వరదనీటిని విడుదల చేయనున్నారు.

పెన్నా నదిలో వరదనీరు ప్రవహించే సమయంలో గ్రామస్తులను జాగ్రత్తగా మరియు అప్రమత్తంగా ఉండేలా పెన్నా నది వెంబడి ఉన్న ప్రజా నివాసితులందరినీ అప్రమత్తం చేయాలని అభ్యర్థించబడింది.

ఎగ్జిక్యూటివ్ ఇంజనీర్
MRC డివిజన్
మైలవరం ఆనకట్ట సైట్.

03/09/2022

03/09/2022

**సెప్టెంబరు 27 నుంచి శ్రీవారి వార్షిక బ్రహ్మోత్సవాలు**

26న అంకురార్పణ.. అక్టోబర్ 1న గరుడసేవ..

తిరుమల: రెండేళ్ల తర్వాత భక్తుల సమక్షంలో తిరుమలలో శ్రీవారి వార్షిక బ్రహ్మోత్సవాలను ఘనంగా నిర్వహించేందుకు తిరుమల
తిరుపతి దేవస్థానం (టీటీడీ) సమాయత్తమవుతోంది. ఈనెల 27 నుంచి అక్టోబర్ 5వ తేదీ వరకు ఆలయ మాడ వీధుల్లో వాహన సేవలు జరగనున్నాయి. 26న అంకురార్పణ, అక్టోబర్ 1న గరుడసేవ నిర్వహించనున్నారు.

ఇక కోవిడ్ కారణంగా రెండేళ్లపాటు ఆలయంలో ఏకాంతంగా బ్రహ్మోత్సవాలు నిర్వహించిన విషయం తెలిసిందే. ఈసారి మాడ
వీధుల్లో వాహన సేవలు జరగనుండడంతో భక్తులు పెద్ద సంఖ్యలో విచ్చేసే అవకాశముంది. ఈ క్రమంలో వారి కోసం టీటీడీ విస్తృత
ఏర్పాట్లు చేపడుతోంది. ఈనెల 20న ఉ.6 నుంచి 11 గంటల మధ్య సంప్రదాయబద్ధంగా ఆలయంలో కోయిల్ ఆళ్వార్ తిరుమంజనం
నిర్వహించనున్నారు.

03/09/2022

**ఎన్నికల ట్రైబ్యునళ్లను ప్రకటించరేం?**

కర్నూలు తప్ప మిగిలిన చోట్ల ఏర్పాటు చేయలేదని హైకోర్టు ఆక్షేపణ

అమరావతి: రాష్ట్రంలో జిల్లాల వారీగా ఎన్నికల ట్రైబ్యునళ్లను ప్రకటించడంలో జాప్యంపై హైకోర్టు అసంతృప్తి వ్యక్తంచేసింది. హైకోర్టు ప్రధాన న్యాయమూర్తి నేతృత్వంలోని ధర్మాసనం ఆదేశాలిచ్చినా... కర్నూలు జిల్లాలో తప్ప మిగిలిన చోట్ల ఏర్పాటు చేయలేదని ఆక్షేపించింది. హోం, శాసన వ్యవహారాలశాఖ తరపు ప్రభుత్వ న్యాయవాది మహేశ్వరరెడ్డి స్పందిస్తూ... రెండు వారాల్లో
ట్రైబ్యునళ్లను నోటిపై చేస్తామన్నారు. ఆ వివరాలను నమోదు చేసిన హైకోర్టు విచారణను ఈనెల 14కి వాయిదా వేసింది. న్యాయమూర్తి జస్టిస్ రవినాథ్ తిలరీ ఆగస్టు 30న ఈ మేరకు మధ్యంతర ఉత్తర్వులిచ్చారు.

చిత్తూరు జిల్లాలో ట్రైబ్యునల్ను ప్రకటించకపోవడాన్ని సవాలు చేస్తూ ఎన్. ప్రేమకుమార్ అనే వ్యక్తి హైకోర్టును ఆశ్రయించారు. ఈ కేసులో న్యాయమూర్తి... ప్రభుత్వాన్ని వివరణ కోరారు. ప్రభుత్వ న్యాయవాది స్పందిస్తూ... సీజే ధర్మాసనం ఆదేశాలిచ్చాక జూన్ 21న హైకోర్టు నుంచి పరిపాలనాపరమైన ప్రతిపాదనలు ప్రభుత్వానికి అందాయ
న్నారు. ట్రైబ్యునళ్లను నోటిపై చేసే దస్త్రం సర్క్యులేషన్లో ఉందన్నారు. ప్రతిపాదనలు వచ్చి నెల రోజులైనా పురోగతి లేకపోవడంపై న్యాయమూర్తి అసహనం వ్యక్తంచేశారు. ఇలాంటి విషయాల్లో జాప్యం తగదన్నారు. రెండు వారాల్లో ట్రైబ్యునళ్లను నోటిపై చేస్తామని జీపీ చెప్పడంతో విచారణను వాయిదా వేశారు.

03/09/2022

**కొత్త పతాకం..**

శివాజీకి అంకితం..

బ్రిటిష్ వలస బానిసత్వ ఛాయలను చెరిపేస్తూ నౌకాదళానికి సరికొత్త పతాకాన్ని మోదీ ఆవిష్కరించారు. "ఇన్నాళ్లూ నౌకాదళం జెండాలో బానిసత్వపు ఆనవాళ్లు ఉండేవి. ఇకపై అలాంటి పరిస్థితి ఉండబోదు. ఛత్రపతి శివాజీ స్ఫూర్తితో.. మన సముద్ర జలాల్లో, ఆకాశంలో కొత్త పతాకం సగర్వంగా ఎగురుతుంది. ఈ పతాకాన్ని శివాజీకి అంకితమిస్తున్నా" అని ఆయన పేర్కొన్నారు.

03/09/2022

**సీపీఎస్ రద్దు చేసిన ఝార్ఖండ్**

పథకం అమలుకు చర్యలపై రాష్ట్రానికి కేంద్రం లేఖ..

ఉద్యోగ సంఘాల నాయకుల వెల్లడి..

అమరావతి: కాంట్రిబ్యూటరీ పింఛను పథకం (సీపీఎస్) రద్దుకు
ఆంధ్రప్రదేశ్ ప్రభుత్వం ససేమిరా అంటుండగా... మరోవైపు సీపీఎస్ ను రద్దు చేస్తున్న రాష్ట్రాల జాబితా క్రమంగా పెరుగుతోంది. తాజాగా సీపీఎస్ రద్దు జాబితాలో ఝార్ఖండ్ చేరింది. ఇప్పటికే రాజస్థాన్, ఛత్తీస్గఢ్ రాష్ట్రాలు సీపీఎస్ ను రద్దు చేయగా.. సెప్టెంబరు నుంచి పాత పింఛను విధానాన్ని అమలు చేయనున్నట్లు ఝార్ఖండ్ ప్రకటించింది. ఎలాంటి హామీలు ఇవ్వని రాష్ట్రాలు సీపీఎస్ ను రద్దు చేస్తుంటే.. గత ఎన్నికల సమయంలో హామీ ఇచ్చిన సీఎం జగన్ రద్దు చేయట్లేదని సీపీఎస్ ఉద్యోగ సంఘాల నాయకులు విమర్శించారు. 'మరోపక్క సీపీఎస్ అమలు చేయాలని రాష్ట్రంపై కేంద్రం ఒత్తిడి చేస్తోంది. రాష్ట్ర ప్రభుత్వ ప్రధాన కార్యదర్శికి కేంద్ర ఆర్థికశాఖ పంపిన లేఖలో
సీపీఎస్ కు సంబంధించిన పలు అంశాలను ప్రస్తావించింది. దాని అమలుకు యంత్రాంగాన్ని ఏర్పాటు చేయాలని సూచించింది. రాష్ట్ర ప్రభుత్వం చెల్లించాల్సిన కాంట్రిబ్యూషన్ మొత్తాన్ని 10% నుంచి 14శాతానికి పెంచాలని ఆదేశించింది. ఉద్యోగసంఘాల నాయకులతో చర్చల సమయంలో సీపీఎస్ రద్దు చేస్తే కేంద్రం నట్లు, బోల్టులు బిగిస్తుందని రాష్ట్ర ఆర్థికమంత్రి బుగ్గన రాజేంద్రనాథెడ్డి ఈ లేఖ ఆధారంగానే పేర్కొని ఉంటారు' అని వారు తెలిపారు.

03/09/2022

**జాతీయ పంచాయతీ అవార్డులకు దరఖాస్తుల ఆహ్వానం**
10 నుంచి అక్టోబరు 31 వరకు గడువు

ఢిల్లీ: కేంద్ర ప్రభుత్వం జాతీయ పంచాయతీ అవార్డులకు దరఖాస్తులను ఆహ్వానిస్తోంది. ఆసక్తి ఉన్న పంచాయతీ సంస్థలు ఈ నెల 10వ తేదీ నుంచి అక్టోబరు 31లోపు ఆన్లైన్ ద్వారా దరఖాస్తులు పంపుకోవచ్చు. ఈసారి సుస్థిర అభివృద్ధి లక్ష్యాల సాధనలో ఉత్తమ పనితీరును కనబరిచిన పంచాయతీ సంస్థలకు అవార్డులు ఇచ్చేందుకు వీలుగా 9 ఇతివృత్తాలు రూపొందించారు. వాటిలో ఉత్తమ ప్రతిభ ఆధారంగా పంచాయతీలకు బ్లాక్, జిల్లా, రాష్ట్ర, జాతీయస్థాయి అవార్డులు ప్రకటిస్తారు. ఈ అవార్డులకు సంబంధించిన పూర్తి సమాచారాన్ని www.panchayataward.gov.in పోర్టల్ ద్వారా తెలుసుకోవచ్చు. ఈ అవార్డుల కార్యక్రమంలో దేశవ్యాప్తంగా ఉన్న గ్రామపంచాయతీలు పాల్గొనాలని కేంద్ర పంచాయతీరాజ్ శాఖ
మంత్రి గిరిరాజ్ సింగ్ సర్పంచులకు పిలుపునిచ్చారు.

02/09/2022

**కడపజిల్లా నేతలకు క్లాస్ పీకిన చంద్రబాబు**

తీరు మార్చుకోవాలని హెచ్చరిక..

కార్యక్రమాల్లో పాల్గోనకుండా హౌస్ అరెస్ట్ అంటూ ఇంటి దగ్గర కూర్చోవడమేమిటి..

పోలీసులను నిలదీయండి.. తీరు మార్చుకోండి ఐని హితవు..

టీడీపీ రాష్ట్ర కమిటీ భేటీలో చంద్రబాబు - పార్టీలో ఏ కార్యకర్తను అక్రమంగా అరెస్ట్ చేసినా నా కుటుంబ సభ్యుడిని అరెస్ట్ చేసినట్లుగా భావిస్తున్నా – కొందరు నేతల్లో కనీస పలకరింపు కరవవుతుండటం తగదు – టీడీపీ అధికారంలోకి వచ్చాక ఇప్పుడు రెచ్చిపోయేవారంతా జగన్ కి కూడా దొరక్కుండా పారిపోతారు – గత మూడేళ్లలో కేసుల్లో పోరాడి ఇరుక్కున్నవారికి పార్టీలో అన్ని రకాలుగా ప్రాధాన్యం ఇస్తాం – అక్రమ కేసుల్లో జైలుకు వెళ్లినవారు – పార్టీకోసం పోరాడిన యోధులుగా గుర్తిస్తాం – హౌస్ అరెస్టుల పట్ల కొందరు నేతల తీరు సరిగాలేదు – కార్యక్రమానికి పిలుపునిచ్చి ఇంట్లో నుంచి బయటకు రాకుండా హౌస్ అరెస్ట్ అయ్యామంటే తగదు – ఓ కానిస్టేబుల్ ఇంటికొచ్చినా హౌస్ అరెస్టయ్యాం.. ఇక మనకు పనిలేదనుకునే కొందరు నేతల తీరు సరికాదు – పోలీసులు ఇంటికొస్తే గట్టిగా నిలదీయండి – పోస్టింగుల కోసం కక్కుర్తిపడి ఇష్టానుసారం ప్రవర్తిస్తే న్యాయస్థానంలో వారిని దోషులుగా నిలబెడదాం : టీడీపీ అధినేత చంద్రబాబు

02/09/2022

*💂‍♂️ఉత్తర్వులు:*

*📌అన్ని ప్రభుత్వ కార్యాలయాల్లో బయోమెట్రిక్!..అమలుకు సిద్ధం!!*

**బయోమెట్రిక్ పడితేనే ఇక జీతభత్యాలు*
ఆంధ్రప్రదేశ్ ప్రభుత్వం పరిపాలనలో సమూల మార్పులకు శ్రీకారం చుట్టింది.

పాఠశాలలు, ఆసుపత్రులు, ప్రభుత్వ శాఖల కార్యాలయాలు ఇలా అన్నిచోట్ల ప్రజలకు అధికారులు, సిబ్బందిని అందుబాటులో ఉంచేందుకు కఠిన నిర్ణయాలు అమలు చేస్తోంది. ఇందులో భాగంగా బయోమెట్రిక్, ఆన్ లైన్ అటెండెన్సును పక్కాగా అమలు చేసేలా ఉత్తర్వులు జారీ చేసింది.

ఇకపై అధికారులు, సిబ్బంది సమయపాలన పాటిస్తూ బయోమెట్రిక్, ఆన్ లైన్ అటెండెన్సు పక్కాగావేస్తే తప్పా నెలాఖరుకి జీతబత్యాలు వచ్చే పరిస్థితితి లేదని తేల్చి చెప్పింది. అందుకోసం సెప్టెంబరు 1వ తేదీ నుంచి ఈ విధానాన్ని పూర్తిస్థాయిలో అమలు చేయాలని అన్నిశాఖలకు ఆదేశాలు జారీచేసింది.

ఈ విషయంలో ఏ ఒక్కప్రభుత్వశాఖకు వెసులుబాటు లేదని, ప్రభుత్వ కార్యాలయాలు పనిచేసే సమయంలో అధికారులతోపాటు, ఉద్యోగులూ ప్రజలకు అందుబాటులో ఉండాల్సిందేనని స్పష్టం చేసింది.

ఈ విధానాన్ని అమలు చేయడం ద్వారా కార్యాలయాల పనివేళల్లో ప్రజలు ఏ పనిపై వచ్చినా వారికి సిబ్బంది అందుబాటులో ఉండి వారి పనులు సత్వరమే చేస్తారనేది ప్రభుత్వ ఆలోచనగా ఉన్నతాధికారులు స్పష్టం చేస్తున్నారు.

**సచివాలయాల్లో 3సార్లు బయో మెట్రిక్..*
ప్రభుత్వ శాఖల్లో తొలిసారిగా తీన్ మార్ బయోమెట్రిక్ ను గ్రామ, వార్డు సచివాలయశాఖలో అమలు చేశారు. ఇక్కడ ఉద్యోగులు రోజులో మూడు సార్లు భయో మెట్రిక్ వేయాల్సి వుంటుంది. మొత్తం 19శాఖలకు చెందిన సిబ్బందిలో అత్యవసర పని ఉన్నప్పుడు తప్పా బయటకు వెళ్లే వీలులేకుండా ఏర్పాట్లను పక్కాగా అమలు చేస్తోంది.

నెలలో హాజరు లో తేడాలు, తక్కువ వస్తే సదరు ప్రభుత్వశాఖ జిల్లా, డివిజన్, మండల శాఖ అధికారుల నుంచి డ్యూటీ సర్టిఫికేట్ తెస్తే తప్పా జీతాల బిల్లులు కూడా సచివాలయాల్లో పెట్టడం లేదు.

దీనితో రోజులో మూడు సార్లు బయోమెట్రిక్ వేసే తొలి ప్రభుత్వ శాఖగా గ్రామ,వార్డు సచివాలయశాఖ తొలిస్థానంలో ఉంది. చాలా చోట్ల పాత పంచాయతీ కార్యదర్శిలు, కొందరు సచివాలయ కార్యదర్శిలు బయో మెట్రిక్ హాజరు విషయంలో తేడాలు చేస్తున్నవారిని కూడా ప్రభుత్వం గుర్తించి ఒక్కొక్కరినీ ఇంటికి పంపే కార్యక్రమానికి కూడా తెరలేపింది.
**విద్యాశాఖలో ఫేస్ రికగ్నైజేషన్ యాప్..*
విద్యాశాఖలో ఫేస్ రికగ్నైజేషన్ యాప్ తోపాటు, పిల్లల హాజరుని కూడా ఇకపై ఉపాధ్యాయులు ఆన్ లైన్ లో చేపట్టాల్సి వుంటుందని స్పష్టం చేస్తూ ప్రభుత్వం జీఓ కూడా జారీచేసింది.

ఒక్క విద్యాశాఖలోనే ఉపాధ్యాయులు మొత్తం 13 రకాల యాప్ లలో డేటా ప్రతినిత్యం అప్లోడ్ చేయాల్సి వుంటుంది.

పాఠశాలల్లో ఉపాధ్యాయులు పిల్లలకు పాఠ్యాంశాలు చెప్పే సమయం కంటే ప్రభుత్వం ఇచ్చిన యాప్స్ లలో డేటాను నమోదు చేయడానికే అత్యధిక సమయం పడుతోంది. అందులోనూ ఇన్ని రకాల యాప్ లు ఇచ్చిన ప్రభుత్వం ఎవరికీ సెల్ ఫోన్లు మాత్రం ఇవ్వలేదు.

దీనితో ఉపాధ్యాయుల సొంత సెల్ ఫోన్లు కొనుగోలుచేసి ఒక ఫోన్ ను పాఠశాల యాప్ ల కోసం, మరో ఫోను వారి సొంత కార్యకలాపాలకోసం వినియోగించాల్సి వస్తున్నది.

ప్రతినిత్యం చాలా అంశాలకు చెందిన ఫోటోలు, వీడియోలు తీసి అప్లోడ్ చేయాల్సి రావడంతో ఫోన్ మెమొరీలు సైతం నిండిపోయి సొంత అవసరాలకు వినియోగించుకోలేని పరిస్థితి ఏర్పడి ఒక్కొక్క ఉపాధ్యాయుడూ రెండు ఫోన్లు కొనాల్సి వస్తుందని వాపోతున్నారు.

ఇపుడు ప్రభుత్వం ఆన్ లైన్ అటెండెన్సు యాప్ లోనే డేటాను అప్లోడ్ చేయాలని చెప్పడంతో పరిస్థితి మరింత జఠిలంగా మారింది.
నిబంధనలు పాటించకపోతే వేటు తప్పదు.

ప్రభుత్వ శాఖల సిబ్బంది, అధికారులు ఖచ్చితంగా ప్రభుత్వ యాప్ లను ఖచ్చితంగా వినియోగించాలి. ఫేస్ రికగ్నైజేషన్ యాప్ లోనే బయో మెట్రిక్ వేయాల్సి వుంటుంది. అలా కాకుండా నచ్చినట్టు చేయాలని చూస్తే ఇంటికి వెళ్లిపోవడానికి సిద్దపడాలి.

మొన్నటి వరకూ పీహెచ్సీల్లో వైద్యులు, సిబ్బంది వారికి నచ్చినట్టుగా విధులు నిర్వహించేవారు ఇపుడు అక్కడ కూడా విధులకు ఎన్నిగంటలకు వస్తున్నారు..? ఎన్నిగంటలకు విధులు ముగించుకొని వెళుతున్నారు తదితర వివరాలు తెలుసుకునేందుకు ఆన్ లైన్ అటెండెన్సును ప్రభుత్వం ఖచ్చితంగా సెప్టెంబరు 1వ తేదీ నుంచి అమలు చేస్తూ ఉత్తర్వులు జారీ చేసింది.

త్వరలోనే మండల కార్యాలయాల్లో కూడా ఆన్ లైన్ అటెండెన్సు యాప్ లను అమలు చేయడానికి కార్యాచరణ సిద్ధం చేస్తుంది ప్రభుత్వం.

అమలు చేసిన శాఖల వివరాలను రాష్ట్ర కార్యాలయంలోని డేష్ బోర్డు ద్వారా ఎప్పటికప్పుడు పర్యవేక్షిస్తూ.. పరిపాలనలో మార్పులు, చేర్పులు తీసుకు వచ్చి ప్రజలకు అన్ని ప్రభుత్వ శాఖలను అందుబాటులో ఉంచేలా చేయడంలో వడివడిగా అడుగులు వేస్తోంది ప్రభుత్వం.

ఇప్పటికే ప్రభుత్వ యాప్ లపై ఉద్యోగుల నుంచి తీవ్ర నిరసనలు వ్యక్తమవుతున్నవేళ అన్ని ప్రభుత్వ శాఖల్లో ఆన్ లైన్ అటెండెన్సు అమలు చేసే చర్యలు ముందు ముందు ఎలాంటి ఫలితాలు తెస్తాయనేది.. చూడాల్సిందే!

02/09/2022

For Info..

31/08/2022

వినాయకచవితి నాడు చంద్రుని చూసిన దోషం పోవుటకు ఈ క్రింది శ్లోకమును చదువుకోండి..

"సింహః ప్రసేన మవధీత్ సింహో జాంబవతా హతః
సుకుమారక మా రోదీస్తవ హ్యేష శమంతకః"

31/08/2022

**ట్రిపుల్ ఐటీ నోటిఫికేషన్ విడుదల**

రాష్ట్రంలోని నాలుగు ట్రిపుల్ ఐటీల్లో ప్రవేశాలకు
ఆర్జీయూకేటీ నోటిఫికేషన్ జారీ చేసింది. సెప్టెంబరు 19 వరకు ఆన్లైన్ విధానంలో దరఖాస్తులు స్వీకరిస్తామని తెలిపింది. ప్రత్యేక కేటగిరీలు మినహా నాలుగు క్యాంపస్ల విద్యార్థుల ప్రొవిజినల్ జాబితా 29న విడుదలవుతుందని పేర్కొంది. అనంతరం అక్టోబరు 12 నుంచి 15 వరకు క్యాంపస్ లో సర్టిఫికెట్ల పరిశీలన, అదే నెల 17 నుంచి తరగతులు ప్రారంభమవుతాయని వివరించింది.

31/08/2022

**నేడే ఆఖరు ఛాన్స్.. లేకుంటే డబ్బులు రావు**

ప్రధానమంత్రి కిసాన్ సమ్మాన్ నిధి యోజన లబ్ధిదారులు e-KYCని పూర్తి చేయడానికి నేటితో గడువు ముగియనుంది. PM కిసాన్ వెబ్సైట్లో అందుబాటులో ఉన్న సమాచారం ప్రకారం లబ్ధిదారులైన రైతులు ఆగస్టు 31వ తేదీలోగా eKYC పూర్తి చేయాలి. e-KYCని పూర్తి చేయకపోతే తదుపరి విడతకు సంబంధించిన నగదు ఖాతాలో జమకాదు. అందుకే ఇవాళ e-KYCని పూర్తి చేయాలని ప్రభుత్వం మరోసారి సూచించింది.

31/08/2022

**రూ.10 లక్షల నగదు బహుమతి..
చివరి తేదీ: సెప్టెంబర్10

చెన్నై కేంద్రంగా గల భగవాన్ మహావీర్ ఫౌండేషన్
ఆధ్వర్యంలో "26వ మహావీర్ బహుమతుల" కోసం
అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు స్టెప్ సీఈఓ డాక్టర్ వి.బ్రహ్మయ్య తెలిపారు. అహింస, శాకాహారం, విద్య, వైద్యం, ఔషధం, సంఘం మరియు సామాజిక సేవా విభాగాల్లో విశిష్ట సేవలు అందించిన వారు అక్టోబర్ 10వ తేదీ లోపు దరఖాస్తు చేసుకోవాలన్నారు. రూ.10 లక్షల నగదు బహుమతి, జ్ఞాపక అందజేస్తారని తెలిపారు.

30/08/2022

**4300 ఎస్ఐ పోస్టులు.. నేడే లాస్ట్ డేట్**

స్టాఫ్ సెలక్షన్ కమిషన్ నోటిఫికేషన్ జారీ చేసిన 4300 సబ్ ఇన్స్పెక్టర్ (SI) పోస్టులకు అప్లై చేసుకోవడానికి నేడే ఆఖరు తేదీ. ఈ పోస్టులకు గుర్తింపు పొందిన యూనివర్సిటీ నుంచి డిగ్రీ ఉత్తీర్ణతే అర్హతగా తెలిపారు. రాత పరీక్ష, పర్సనాలిటీ టెస్టు, మెడికల్ ఎగ్జామినేషన్ ద్వారా మాత్రమే ఎంపిక విధానం ఉంటుంది. ఆన్ లైన్ ద్వారా దరఖాస్తు చేసుకునేందుకు ఆగస్టు 30వ తేదీని తుది తేదీగా ప్రకటించారు. పూర్తి వివరాలు, సమాచారం కోసం క్రింది వెబ్ సైట్ ను చూడొచ్చు..
https://ssc.nic.in/

This is Official Website of Staff Selection Commission.

30/08/2022

కత్తిలాంటి ఫోన్ వాడితే..
https://youtube.com/shorts/I34o78Rbr8c?feature=share

**SUBSCRIBE NOW**https://www.youtube.com/channel/UCXPJF6KusNcFOvNYEa2ozAw?sub_confirmation=1

30/08/2022

**శ్రీశైలం ప్రాజెక్టుకు కొనసాగుతున్న వరద**

ఎగువ ప్రాంతాల నుంచి శ్రీశైలం ప్రాజెక్టుకు వరద ప్రవాహం కొనసాగుతోంది. ప్రాజెక్టులోని 3 గేట్లను పది అడుగులు మేర ఎత్తి నీటిని దిగువకు వదులుతున్నారు. జలాశయానికి ఇన్ ఫ్లో 1,73,674 క్యూసెక్కులు కాగా.. ఔట్ ఫ్లో 1,45,633 క్యూసెక్కులుగా ఉంది. ప్రాజెక్టు పూర్తి నిల్వ సామర్థ్యం 215.8 టీఎంసీలు కాగా ప్రస్తుతం 209.5 టీఎంసీల నీరు నిల్వ ఉంది. శ్రీశైలం ప్రాజెక్టు కుడి, ఎడమ జల విద్యుత్ కేంద్రాల్లో విద్యుత్ ఉత్పత్తి యథావిధిగా కొనసాగుతోంది.

30/08/2022

**సెప్టెంబర్ 1 నుంచి పులివెందుల శ్రీ రంగనాథ స్వామి నూలు పూజోత్సవాలు**

పులివెందులలో వెలసిన శ్రీ రంగనాథస్వామి వారి "నూలు పూజోత్సవాలు" సెప్టెంబర్ 1వ తేదీ నుంచి 9వ తేదీ వరకు నిర్వహించనున్నట్లు ఆలయ కార్యనిర్వహణ అధికారి కేవీ రమణ తెలిపారు. సెప్టెంబర్ 8వ తేదీ ఉదయం 10 గంటల నుంచి శ్రీ రంగనాథస్వామి, శ్రీదేవి, భూదేవి అమ్మవార్ల కళ్యాణోత్సవం స్థానిక శ్రీ రంగనాథస్వామి సర్కిల్ (పూల అంగళ్ళ)నందు గల శ్రీ రంగనాథ స్వామి కాంప్లెక్స్ లో నిర్వహిస్తామన్నారు . చల్లా వంశీయుల ఆధ్వర్యంలో కల్యాణోత్సవం, అన్నదాన కార్యక్రమం నిర్వహిస్తారనీ ఈఓ తెలిపారు.

30/08/2022

నా సంక నాకే..
https://youtube.com/shorts/kcexZXknTLc?feature=share

**SUBSCRIBE NOW**https://www.youtube.com/channel/UCXPJF6KusNcFOvNYEa2ozAw?sub_confirmation=1

30/08/2022

గిల్లితే.. గిల్లించుకో.. అరవొద్దు
https://youtube.com/shorts/x_zn6xoPumY?feature=share

**SUBSCRIBE NOW**https://www.youtube.com/channel/UCXPJF6KusNcFOvNYEa2ozAw?sub_confirmation=1

29/08/2022

ఏయ్ పోరీ.. గిట్లుంటే మీకు పెళ్లిళ్లు గావ్..
https://youtube.com/shorts/cXw7TgxkTvw?feature=share

**SUBSCRIBE NOW**https://www.youtube.com/channel/UCXPJF6KusNcFOvNYEa2ozAw?sub_confirmation=1

29/08/2022

అమ్మా.. లేమ్మా..
అమ్మ సమాధి వద్ద బుడతడి ఆర్తనాదం..
https://youtube.com/shorts/YQuGEU466k4?feature=share

**SUBSCRIBE NOW**https://www.youtube.com/channel/UCXPJF6KusNcFOvNYEa2ozAw?sub_confirmation=1

29/08/2022

జస్ట్ మిస్ ఫైర్..
https://youtube.com/shorts/5RKelSLunwE?feature=share

**SUBSCRIBE NOW**https://www.youtube.com/channel/UCXPJF6KusNcFOvNYEa2ozAw?sub_confirmation=1