Gurprit Bains

06/03/2024

ਸਿਆਸੀ ਧਿਰਾਂ ਨੇ ‘ ਮੈਲਾ ’ ਕਰ ਛੱਡਿਆ ‘ ਘਰ ਵਾਪਸੀ ’ ਦਾ ਸੁੱਚਾ ਸ਼ਬਦ
‘ ਘਰ ਵਾਪਸੀ ’ ਸੁੱਚਾ ਜਿਹਾ ਸਾਡਾ ਉਹ ਸ਼ਬਦ ਹੈ ਜਿਸ ਨੂੰ ਪਿਛਲੇ 2-3 ਦਹਾਕਿਆਂ ਦੌਰਾਨ ਆਮ ਪੰਜਾਬ ਜਾਂ ਕਹਿ ਲਓ ਕਿ ਦੁਆਬੇ ਖਿੱਤੇ ਵਿੱਚ ਤਦ ਵਰਤਿਆ ਜਾਂਦਾ ਰਿਹਾ ਜਦੋਂ ਕੋਈ ਸਾਡਾ ਪੁਰਖਾ, ਚਾਚਾ-ਤਾਇਆ, ਭੈਣ-ਭਰਾ ਆਪਣੇ ਘਰ ਦੀ ਗੁਰਬਤ ਨੂੰ ਦੂਰ ਕਰਨ ਲਈ ਵਿਦੇਸ਼ ਜਾ ਕੇ ਸਾਲਾਂ ਦੀ ਮੇਹਨਤ ਕਰਨ ਉਪਰੰਤ ਘਰ ਵਾਪਿਸ ਮੁੜਦਾ ਸੀ ਤਦ ਸ਼ਰੀਕੇ-ਭਾਈਚਾਰੇ ਵਿੱਚ ਆਮ ਬੋਲਚਾਲ ਦਾ ਸੀ ਇਹ ਸ਼ਬਦ ‘ ਕਿ ਫਲਾਣਾ ਸਿੰਘ ਨੇ ਇੰਨੇ ਸਾਲ ਮੇਹਨਤ ਕਰਨ ਪਿੱਛੋ ਮੁੜ ਘਰ ਵਾਪਸੀ ਕੀਤੀ ਹੈ ਲੇਕਿਨ ਮੌਜੂਦਾ ਸਮੇਂ ਦੇਸ਼ ਸਮੇਤ ਪੰਜਾਬ ਦੀਆਂ ਸਿਆਸੀ ਧਿਰਾਂ ਨੇ ਇਸ ‘ ਘਰ ਵਾਪਸੀ ’ ਸ਼ਬਦ ਨੂੰ ਮੈਲਾ ਕਰ ਦਿੱਤਾ ਹੈ ਜਿਸਦੀ ਹਰ ਰੋਜ ਕਿਤੇ ਨਾ ਕਿਤੇ ਮਿਸਾਲ ਵੇਖਣ ਨੂੰ ਮਿਲਦੀ ਹੈ। ਬੀਤੇ ਦਿਨ ਪੰਜਾਬ ਦੀ ਇੱਕੋ ਇੱਕ ਪੰਥਕ ਧਿਰ ਅਕਾਲੀ ਦਲ ਨੇ ਇਸ ਸ਼ਬਦ ਨੂੰ ਹੋਰ ਮੈਲਾ ਕੀਤਾ ਹੈ ਤੇ ਸਾਥ ਦਿੱਤਾ ਹੈ ਫੌਂਤ ਹੋਏ ਸੰਯੁਕਤ ਅਕਾਲੀ ਦਲ ਨੇ, ਪਿਛਲੇ ਸਮੇਂ ਦੌਰਾਨ ਜਦੋਂ ਢੀਂਡਸਾ ਪਰਿਵਾਰ ਨੇ ਅਕਾਲੀ ਦਲ ਛੱਡਿਆ ਸੀ ਤਦ ਢੀਂਡਸਿਆਂ ਨੇ ਇਸ ਪਾਰਟੀ ਦੀ ਲੀਡਰਸ਼ਿਪ ਖਾਸਕਰ ਸੁਖਬੀਰ ਬਾਦਲ ਦੀ ਜਿੰਨੀ ਕੁ ਜੱਖਣਾ ਪੁੱਟ ਸਕਦੇ ਸੀ ਇਨ੍ਹਾਂ ਨੇ ਪੁੱਟੀ ਤੇ ਅੱਗਿਓ ਸੁਖਬੀਰ ਹੁਰਾਂ ਵੀ ਕੋਈ ਕੱਚ-ਕਸਰ ਬਾਕੀ ਨਹੀਂ ਸੀ ਛੱਡੀ ਲੇਕਿਨ ਹਰ ਵਾਰ ਦੀ ਤਰ੍ਹਾਂ ਆਖਿਰ ਵਿੱਚ ਸੱਤਾ ਦੀ ਭੁੱਖ ਨੇ ਇਨ੍ਹਾਂ ਸਿਆਸੀ ਸ਼ਰੀਕਾਂ ਨੂੰ ਫਿਰ ਇੱਕ ਲਾਇਨ ਵਿੱਚ ਖੜ੍ਹਾ ਕਰ ਦਿੱਤਾ ਹੈ, ਹੁਣ ਵੀ ਉਹੀ ਢੀਂਡਸਾ ਹੈ ਤੇ ਉਹੀ ਸੁਖਬੀਰ ਹੈ ਬਦਲਿਆ ਕੁਝ ਵੀ ਨਹੀਂ ਲੇਕਿਨ ਪਤਾ ਨਹੀਂ ਦੋਵਾਂ ਧਿਰਾਂ ਦੇ ਹੱਥ ਕਿਹੜਾ ‘ ਨਿਰਮਾ ਪਾਊਡਰ ’ ਵਾਲਾ ਨੁਸਖਾ ਲੱਗਾ ਹੈ ਕਿ ਦੋਵਾਂ ਧਿਰਾਂ ਨੇ ਇੱਕ-ਦੂਜੇ ਦੀ ਮੈਲ ਧੋ ਦਿੱਤੀ ਹੈ।
ਸਿੱਟਾ-ਸਿਆਸੀ ਧਿਰਾਂ ਪਿੱਛ ਲੱਗ ਕੇ ਆਪਣਾ ਭਾਈਚਾਰਾ ਕਦੇ ਵੀ ਖਰਾਬ ਨਾ ਕਰੋ ਕਿਉਂਕਿ ਇਨ੍ਹਾਂ ਲੋਕਾਂ ਦਾ ਇੱਕੋ-ਇੱਕ ਮਨੋਰਥ ਸੱਤਾ ਦੀ ਭੁੱਖ ਹੈ ਤੇ ਉਸ ਲਈ ਅੱਜ ਦੇ ਸਮੇਂ ਵਿੱਚ ਕੋਈ ਅਜਿਹਾ ਆਗੂ ਦਿਖਾਈ ਦੇ ਨਹੀਂ ਰਿਹਾ ਜਿਸ ਅੰਦਰ ਨਿੱਜ ਦੇ ਸਵਾਰਥਾਂ ਨੂੰ ਮਾਰ ਕੇ ਪੰਜਾਬ ਦਾ ਭਲਾ ਸੋਚਣ ਦਾ ਕੋਈ ‘ ਕਣ ’ ਬਚਿਆ ਹੋਵੇ ਫਿਰ ਉਹ ਭਾਵੇਂ ਸੱਤਾ ਧਿਰ ਹੋਵੇ ਜਾਂ ਵਿਰੋਧੀ ਧਿਰ। -ਗੁਰਪ੍ਰੀਤ ਬੈਂਸ

05/03/2024

ਪੰਜਾਬ ਵਿਧਾਨ ਸਭਾ ਅੰਦਰ ਕੁੱਕੜ-ਖੇਹ ਉਡਾਈ ਗਈ, ਇੱਕ ਪਾਸੇ ਸਰਕਾਰ ਸੀ ਤੇ ਦੂਜੇ ਪਾਸੇ ਵਿਰੋਧੀ ਧਿਰ ਕਾਂਗਰਸ, ਪੰਜਾਬ ਤੋਂ ਬਾਹਰ ਇਹ ਦੋਵੇਂ ਸਿਆਸੀ ਧਿਰਾਂ ਇੱਕ ਪਿੱਚ ਉੱਪਰ ਇਕੱਠੀਆਂ ਹੋ ਕੇ ਖੇਡ ਰਹੀਆਂ ਹਨ ਤੇ ਪੰਜਾਬ ਵਿੱਚ ਇਨ੍ਹਾਂ ਦੋਵਾਂ ਧਿਰਾਂ ਦੇ ਆਗੂ ਇੱਕ-ਦੂਜੇ ਦੇ ਵਾਲ ਪੁੱਟਣ ਤੱਕ ਜਾ ਰਹੇ ਹਨ। 2022 ਵਿੱਚ ਤਜਰਬੇਕਾਰਾਂ ਦੇ ਤਜਰਬਿਆਂ ਤੋਂ ਪੰਜਾਬ ਦੇ ਲੋਕਾਂ ਨੇ ਤੋਬਾ ਕੀਤੀ ਸੀ ਤੇ ਮੌਜੂਦਾ ਸਮੇਂ ਵਿਧਾਨ ਸਭਾ ਵਿੱਚ ਨਵੇਂ ਤਜਰਬੇ ਹੋ ਰਹੇ ਹਨ। ਪੰਜਾਬ ਦੇ ਲੋਕਾਂ ਨੇ ਬਦਲ ਲੱਭਿਆ ਸੀ ਤੇ ਮੌਜੂਦਾ ਧਿਰ ਪੰਜਾਬੋ ਬਾਹਰ ਉਨ੍ਹਾਂ ਨਾਲ ਮਿਲ ਗਈ ਜੋ ਇੱਥੋ ਬਦਲੇ ਗਏ ਹਨ। ਸੱਤਾ ਧਿਰ ਤਜਰਬਿਆਂ ਨੂੰ ਛੱਡ ਕੰਮ ਵੱਲ ਧਿਆਨ ਦੇਵੇ ਇਹੀ ਲੋਕ ਚਾਹੁੰਦੇ ਹਨ, ਇੱਕ ਘਰ ਉੱਪਰ ਦੋ ਪਾਰਟੀਆਂ ਦੇ ਝੰਡੇ ਲਾਉਣ ਵਾਲਿਆਂ ਨੂੰ ਵੀ ਪ੍ਰਮਾਤਮਾ ਸੁਮੱਤ ਹੀ ਬਖਸ਼ੇ ਕਿਉਂਕਿ ਨਿਰਾ-ਪੁਰਾ ਕਿੱਲ੍ਹਣ ਨਾਲ ਗੱਲ ਕਿਸੇ ਤਣ-ਪੱਤਣ ਨਹੀਂ ਲੱਗਣੀ। ਬਾਕੀ ਪੰਜਾਬੀਓ ਇਨ੍ਹਾਂ ਵੱਲ ਵੇਖ ਆਪਣਾ ਖੂਨ ਨਾ ਸਾੜਿਓ ਕਿਉਕਿ ਪਤਾ ਨਹੀਂ ਇਹ ਕਦ ਡਿਨਰ ’ਤੇ ਗੁੜ-ਸੌਂਫ ਬਣ ਜਾਣ।

05/03/2024

I have reached 100 followers! Thank you for your continued support. I could not have done it without each of you. 🙏🤗🎉

31/12/2023

ਯੂਥ ਅਕਾਲੀ ਦਲ ਭਰਤੀ ਮੁਹਿੰਮ, ਵਿਰੋਧੀ ਤਲਾਵਾਂ ਕੱਸ ਉਡਾ ਰਹੇ ਮੈਂਬਰਸ਼ਿਪ ਪਤੰਗ
ਸਿਆਸੀ ਸਾਹਾਂ ਦੀ ਤੁਪਕਾ-ਤੁਪਕਾ ਸੰਜੀਵਨੀ ਭਾਲ ਰਹੇ ਸ਼੍ਰੋਮਣੀ ਅਕਾਲੀ ਦਲ ਦੇ ਯੂਥ ਵਿੰਗ ਵੱਲੋਂ ਪਿਛਲੇ ਸਮੇਂ ਦੌਰਾਨ ਸੂਬੇ ਵਿੱਚ ਸ਼ੁਰੂ ਕੀਤੀ ਗਈ ਮੈਂਬਰਸ਼ਿਪ ਮੁਹਿੰਮ ਵੀ ਬਹੁਤੇ ਥਾੲੀਂ ਵਿਰੋਧੀਆਂ ਦੇ ਧੜੇ ਚੜ੍ਹ ਗਈ ਜਾਪਦੀ ਹੈ ਕਿਉਂਕਿ ਇਸ ਮੈਂਬਰਸ਼ਿਪ ਮੁਹਿੰਮ ਨੂੰ ਹੁੱਲੇ-ਹੁਲਾਰੇ ਅਕਾਲੀ ਦਲ ਦੀਆਂ ਵਿਰੋਧੀ ਪਾਰਟੀਆਂ ਦੇ ਆਗੂ ਵੱਖ-ਵੱਖ ਵਿਧਾਨ ਸਭਾ ਹਲਕਿਆਂ ਵਿੱਚ ਪੀਂਘਾਂ ਪਾ ਕੇ ਦਿੰਦੇ ਦਿਖਾਈ ਦੇ ਰਹੇ ਹਨ ਤੇ ਅਕਾਲੀ ਦਲ ਦੇ ਜਿਹੜੇ ਨੌਜਵਾਨ ਆਗੂ ਜਮੀਨੀ ਪੱਧਰ ’ਤੇ ਈਮਾਨਦਾਰੀ ਨਾਲ ਕੰਮ ਕਰ ਰਹੇ ਹਨ ਉਹ ਮੈਂਬਰਸ਼ਿਪ ਮੁਹਿੰਮ ਦੀ ਵਿਰੋਧੀਆਂ ਵੱਲੋਂ ਕੀਤੀ ਗਈ ਹਾਈਜੈਕਿੰਗ ਤੋਂ ਨਿਰਾਸ਼ ਹਨ, ਜਿਸ ਤੋਂ ਇਹ ਤਾਂ ਸਪੱਸ਼ਟ ਹੈ ਕਿ ਜਿਸ ਸੋਚ ਨੂੰ ਸਾਹਮਣੇ ਰੱਖ ਕੇ ਅਕਾਲੀ ਦਲ ਨੇ ਇਹ ਮੁਹਿੰਮ ਸ਼ੁਰੂ ਕੀਤੀ ਸੀ ਉਹ ਢਹਿ-ਢੇਰੀ ਹੋ ਰਹੀ ਹੈ ਲੇਕਿਨ ਦੂਜੇ ਪਾਸੇ ਅਕਾਲੀ ਦਲ ਦੀ ਲੀਡਰਸ਼ਿਪ ਇਸ ਖਿਆਲ ਵਿੱਚ ਖੁਸ਼ ਹੈ ਕਿ ਪੰਜਾਬ ਦਾ ਯੂਥ ਧੜਾਧੜ ਉਨ੍ਹਾਂ ਨਾਲ ਜੁੜ ਰਿਹਾ ਹੈ ਲੇਕਿਨ ਇਸ ਲੀਡਰਸ਼ਿਪ ਦੀ ਜ਼ਮੀਨੀ ਪਕੜ ਇੰਨੀ ਢਿੱਲੀ ਪੈ ਚੁੱਕੀ ਹੈ ਕਿ ਇਨ੍ਹਾਂ ਨੂੰ ਪਤਾ ਹੀ ਨਹੀਂ ਲੱਗ ਰਿਹਾ ਕਿ ਅਕਾਲੀ ਦਲ ਦੇ ਯੂਥ ਵਿੰਗ ਦਾ ਜਿਹੜਾ ਪਤੰਗ ਇਨ੍ਹਾਂ ਨੂੰ ਹਵਾ ਵਿੱਚ ਕਲਾਬਾਜੀਆਂ ਲਗਾਉਦਾ ਦਿਖਾਈ ਦੇ ਰਿਹਾ ਹੈ ਉਸ ਦੀਆਂ ਉੱਡਣ ਜਾਂ ਉਡਾਉਣ ਤੋਂ ਪਹਿਲਾ ਤਲਾਵਾਂ ਵਿਰੋਧੀ ਪਾਰਟੀਆਂ ਦੇ ਆਗੂਆਂ ਨੇ ਹੀ ਕੱਸੀਆਂ ਹਨ ਤੇ ਜਦੋਂ ਵੀ ਇਸ ਪਤੰਗ ਨੇ ਲੈਡਿੰਗ ਕੀਤੀ ਤਦ ਇਹ ਉਨ੍ਹਾਂ ਵਿਹੜਿਆਂ ਵਿੱਚ ਹੀ ਉਤਰੇਗਾ ਜਿੱਥੋਂ ਇਹਦੀਆਂ ਤਲਾਵਾਂ ਕੱਸਣ ਵਾਲੇ ਅਕਾਲੀ ਦਲ ਦੇ ਵਿਰੋਧੀਆਂ ਨੇ ਇਸ ਨੂੰ ਹਵਾ ਵਿੱਚ ਕੰਨੀ ਦਿੱਤੀ ਸੀ। ਜਾਣਕਾਰੀ ਮੁਤਾਬਿਕ ਯੂਥ ਅਕਾਲੀ ਦਲ ਦੀ ਇਹ ਭਰਤੀ ਮੁਹਿੰਮ ਸਕੂਲਾਂ-ਕਾਲਜਾਂ ਤੋਂ ਅੱਗੇ ਵੱਧ ਕੇ ਧਾਰਮਿਕ ਸਮਾਗਮਾਂ ਦੇ ਪੰਡਾਲਾਂ ਤੱਕ ਵੀ ਪੁੱਜੀ ਹੈ, ਜਿੱਥੇ ਆਪਣੀ ਧਾਰਮਿਕ ਆਸਥਾ ਮੁਤਾਬਿਕ ਕਿਸੇ ਸਮਾਗਮ ਦਾ ਹਿੱਸਾ ਬਣਨ ਪੁੱਜੇ ਨੌਜਵਾਨਾਂ ਦੀ ਫੋਟੋ ਕਲਿੱਕ ਕਰਕੇ ਤੇ ਉਸਦਾ ਨਾਮ-ਪਤਾ ਪੁੱਛ ਕੇ ਉਸ ਨੂੰ ਉਨ੍ਹਾਂ ਲੋਕਾਂ ਨੇ ਅਕਾਲੀ ਦਲ ਦਾ ਮੈਂਬਰ ਦਰਸਾ ਦਿੱਤਾ ਜਿਹੜੇ ਇਸ ਮੈਂਬਰਸ਼ਿਪ ਦੇ ਆਧਾਰ ਉੱਪਰ ਅਕਾਲੀ ਦਲ ਵਿੱਚ ਅਹੁੱਦੇ ਪ੍ਰਾਪਤ ਕਰਨ ਦੀ ਦੌੜ ਵਿੱਚ ਹਨ ਲੇਕਿਨ ਇਸ ਤਰ੍ਹਾਂ ਦੀ ਫਰਜ਼ੀ ਮੁਹਿੰਮ ਵਿੱਚੋ ਅਕਾਲੀ ਦਲ ਦੇ ਪੱਲੇ ਕਿੰਨੇ ਕੁ ਮੈਂਬਰ ਪੈਣਗੇ ਇਹ ਤਾਂ 2024 ਦੀਆਂ ਲੋਕ ਸਭਾ ਚੋਣਾ ਵਿੱਚ ਪਤਾ ਚੱਲ ਜਾਵੇਗਾ ਪਰ ਫਿਰ ਵੀ ਸੂਬੇ ਅੰਦਰ ਸਿਆਸੀ ਹਾਸ਼ੀਏ ਉਪਰ ਚੱਲ ਰਹੇ ਅਕਾਲੀ ਦਲ ਦੇ ਯੂਥ ਵਿੰਗ ਦੇ ਸੂਬਾ ਪ੍ਰਧਾਨ ਸਰਬਜੀਤ ਸਿੰਘ ਨੂੰ ਉਨ੍ਹਾਂ ਦੀ ਅਗਵਾਈ ਹੇਠ ਚੱਲ ਰਹੀ ਮੈਂਬਰਸ਼ਿਪ ਮੁਹਿੰਮ ’ਤੇ ਪਕੜ ਮਜਬੂਤ ਕਰਨ ਦੀ ਜਰੂਰਤ ਹੈ ਤਾਂ ਜੋ ਪਤੰਗ, ਤਲਾਵਾਂ, ਕੰਨੀ ਤੇ ਡੋਰ ਇਨ੍ਹਾਂ ਦੇ ਆਪਣੇ ਹੱਥ ਵਿੱਚ ਹੀ ਰਹੇ ਤਾਂ ਹੀ ਭਵਿੱਖੀ ਸਿਆਸੀ ਨਮੋਸ਼ੀ ਤੋਂ ਬਚਿਆ ਜਾ ਸਕਦਾ ਹੈ ਜੋ ਕਿ ਮੌਜੂਦਾ ਸਮੇਂ ਦੇ ਚੱਲ ਰਹੇ ਸਮੀਕਰਨਾਂ ਤੋਂ ਤੈਅ ਜਾਪ ਰਹੀ ਹੈ। -ਗੁਰਪ੍ਰੀਤ ਸਿੰਘ ਬੈਂਸ

27/12/2023

ਜਥੇਦਾਰ ਕਾਂਉਕੇ ਮਾਮਲਾ- ਸਿੱਖ ਪੰਥ ਦਾ ਜਥੇਦਾਰ ਭਗੌੜਾ ਨਹੀਂ, ਪਿੱਠ ਦਿਖਾਉਣ ਵਾਲੇ ਲੋਕ ਨੇ
ਸਿੱਖਾਂ ਦੀ ਸਿਰਮੌਰ ਸੰਸਥਾ ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ ਗੁਰਦੇਵ ਸਿੰਘ ਕਾਂਉਕੇ ਜਿਨ੍ਹਾਂ ਉੱਪਰ ਸਾਲ 1993 ਵਿੱਚ ਪੁਲਿਸ ਤਸ਼ੱਦਦ ਕੀਤਾ ਗਿਆ ਤੇ ਆਖਿਰ ਹੱਤਿਆ ਕਰ ਸਰੀਰ ਨੂੰ ਟੁੱਕੜਿਆਂ ਵਿੱਚ ਸਿੱਧਵਾ ਬੇਟ ਨਜ਼ਦੀਕ ਸਤਲੁਜ ਦਰਿਆ ਵਿੱਚ ਵਹਾ ਦਿੱਤਾ ਗਿਆ ਲੇਕਿਨ ਸਿੱਖ ਪੰਥ ਦਾ ਜਥੇਦਾਰ ਪੰਜਾਬ ਪੁਲਿਸ ਦੇ ਰਿਕਾਰਡ ਵਿੱਚ ਅੱਜ ਵੀ ਭਗੌੜਾ ਹੈ, ਜਿਸ ਸਮੇਂ ਇਹ ਵਰਤਾਰਾ ਵਾਪਰਿਆ ਉਸ ਸਮੇਂ ਪੰਜਾਬ ਵਿੱਚ ਕਾਂਗਰਸ ਦੀ ਸਰਕਾਰ ਸੀ ਤੇ ਆਖਿਰ ਅਕਾਲੀ ਦਲ ਦੀ ਪੰਥਕ ਸਰਕਾਰ ਸਮੇਂ ਇਸ ਮਾਮਲੇ ਦੀ ਜਾਂਚ ਰਿਪੋਰਟ ਸਾਲ 1999 ਵਿੱਚ ਬੀ.ਪੀ.ਤਿਵਾੜੀ ਨਾਮ ਦੇ ਉੱਚ ਪੁਲਿਸ ਅਫਸਰ ਨੇ ਡੀ.ਜੀ.ਪੀ.ਪੰਜਾਬ ਨੂੰ ਸੌਂਪੀ ਜਿਸ ਵਿੱਚ ਇਸ ਮਾਮਲੇ ਦੀ ਸੱਚਾਈ ਦੱਸੀ ਗਈ ਤੇ ਮਾਮਲਾ ਦਰਜ ਕਰਨ ਦੀ ਸਿਫਾਰਿਸ਼ ਕੀਤੀ ਗਈ ਲੇਕਿਨ ਰਿਪੋਰਟ ਦੱਬ ਦਿੱਤੀ ਗਈ ਤੇ ਇੱਕ ਹੋਰ ਜਾਂਚ ਬਿਠਾ ਦਿੱਤੀ ਗਈ। ਸਾਲ 1993 ਉਪਰੰਤ ਸੂਬੇ ਵਿੱਚ ਕਾਂਗਰਸ ਦੀ ਸਰਕਾਰ ਵੀ ਬਣੀ ਤੇ ਪੰਥਕ ਪਾਰਟੀ ਅਖਵਾਉਣ ਵਾਲੀ ਅਕਾਲੀ ਦਲ ਦੀ ਸਰਕਾਰ ਵੀ ਤਿੰਨ ਵਾਰ ਬਣੀ ਪਰ ਇਸ ਮਾਮਲੇ ਵਿੱਚ ਕੋਈ ਕਾਰਵਾਈ ਤਾਂ ਕੀ ਹੋਣੀ ਸੀ ਅੱਜ ਤੱਕ ਪੰਥਕ ਪਾਰਟੀ ਅਕਾਲੀ ਦਲ ਜਿਸਨੇ ਕਈ ਵਾਰ ਸਰਕਾਰ ਬਣਾਈ ਉਹ ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਦੇ ਨਾਮ ਨਾਲ ਸਰਕਾਰੀ ਰਿਕਾਰਡ ਵਿੱਚ ਦਰਜ ਸ਼ਬਦ ਭਗੌੜਾ ਤੱਕ ਨਾ ਹਟਾ ਸਕੀ ਜੋ ਕਿ ਸ਼ਰਮ ਵਾਲੀ ਗੱਲ ਹੀ ਨਹੀਂ ਇਸ ਤੋਂ ਵੀ ਅੱਗੇ ਦੀ ਗੱਲ ਹੈ। ਮੌਜੂਦਾ ਸਮੇਂ ਸੂਬੇ ਵਿੱਚ ਆਪ ਦੀ ਸਰਕਾਰ ਹੈ ਤੇ ਲੋੜ ਹੈ ਜਥੇਦਾਰ ਗੁਰਦੇਵ ਸਿੰਘ ਕਾਂਉਕੇ ਮਾਮਲੇ ਵਿੱਚ ਤਸਵੀਰ ਸਾਫ ਕੀਤੀ ਜਾਵੇ ਤੇ ਪੰਜਾਬ ਪੁਲਿਸ ਦੇ ਰਿਕਾਰਡ ਵਿੱਚ ਸਿੱਖ ਪੰਥ ਦੇ ਜਥੇਦਾਰ ਲਈ ਵਰਤਿਆ ਗਿਆ ਭਗੌੜਾ ਸ਼ਬਦ ਤੁਰੰਤ ਹਟਾਇਆ ਜਾਵੇ ਕਿਉਂਕਿ ਭਗੌੜੇ ਉਹ ਕਾਂਗਰਸੀ ਤੇ ਅਕਾਲੀ ਦਲ ਦੇ ਲੀਡਰ ਹਨ ਜਿਨ੍ਹਾਂ ਨੇ ਜਥੇਦਾਰ ਕਾਂਉਕੇ ਦੇ ਮਾਮਲੇ ਵਿੱਚ ਹੁਣ ਤੱਕ ਪੰਥ ਨੂੰ ਪਿੱਠ ਦਿਖਾਈ।

31/08/2021