Purbanchal Prakash

31/10/2024

বিস্ময় আলোচনীৰ সম্পাদক শশী ফুকনদেৱৰ মৃত্যুৰ পিছত বৰ ভাল ভাল কথা অসমৰ আলোচনী জগত খনলৈ আগবঢ়োৱা অৰিহণাৰ বিষয়ে কেইবাজনো বুদ্ধিজীৱীয়ে ফেচবুকত লিখিছে।
কিন্তু তেওঁৰ জীৱিত কালত, বিশেষকৈ আলোচনীখনে ৫০ বছৰ কাল অতিক্ৰম কৰোতে তেওঁলোকে এখনো তথাকথিত মান্যতা থকা বৌদ্ধিক আলোচনীত একোকে নিলিখিলে কিয়?
অসম প্ৰকাশন পৰিষদৰ সম্পাদক প্ৰমোদ কলিতা দীৰ্ঘদিন বিস্ময় আলোচনীৰ লগত জড়িত ব্যক্তি। পৰিষদৰ দ্বাৰা প্ৰকাশিত 'প্ৰকাশ' আলোচনীত বিস্ময় আৰু শশী ফুকনৰ বিষয়ে এটি বিশেষ স‍ংখ্যা প্ৰকাশৰ কথা চিন্তা কৰিব পাৰেনে ?

15/10/2024

12/04/2024

কিতাপৰ নাম: আমাৰ স্বাভাৱিক বিস্মৃতি আৰু ডিমেনচিয়া
লেখক: ডা: অজয়া মহন্ত
প্ৰকাশক: পূৰ্বাঞ্চল প্ৰকাশ
‌‌ গুৱাহাটী
মূল্য: ‌‌২২০ টকা

03/03/2024

কৌস্তুভমণি শইকীয়াৰ কবিতাই cynical অৰ্থাৎ নিৰাশাব্যঞ্জক, নৈৰাজ্যবাদী হা-হুমুনিয়াহেৰে পঢ়ুৱৈক ভাৰাক্ৰান্ত নকৰে৷

15/06/2023

কিতাপৰ নাম : বিশেষ বাতৰি (উপন্যাস)
লেখিকা : ৰুমী লস্কৰ বৰা
মূল্য : ৪৫০ টকা
***********************************************************
কল্পনাৰ মাজেৰে বাস্তৱক উদঙাই দিয়া বা দিব পৰাটো এগৰাকী দক্ষ সাহিত্যিকৰ উৎকৃষ্ট কৰ্ম। তেনে এক কাল্পনিক ঘটনাৰ বিৱৰণ যদিও, বাস্তৱক প্ৰতিফলিত কৰিব পৰাকৈ অসমীয়া সাহিত্যৰ ভঁৰালত নতুনকৈ সংযোজন হোৱা এখন উপন্যাস হ'ল "বিশেষ বাতৰি"। কবি, গল্পকাৰ, ঔপন্যাসিক, অনুবাদক ৰুমী লস্কৰ বৰাৰ "বৰ্ণিল সোণাইকুছিৰ স্বপ্নিল অধ্যায়" আমাৰ লগতে যিসকল পাঠকে পঢ়িছিলে, এইখনৰ পটভূমিৰ সৈতে তেওঁলোকে হইতো ঔপন্যাসিকা গৰাকীৰ "বিশেষ বাতৰি" নামৰ উপন্যাসখনৰ পটভূমিৰ সাদৃশ্য দেখিবলৈ পাব। কিয়নো এসময়ত লেখিকাই সেই একে পটভূমিতে লিখি উলিয়াইছিল তেখেতৰ বহু চৰ্চিত তথা সমাদ্ৰিত উপন্যাস "বৰ্ণিল সোণাইকুছিৰ স্বপ্নিল অধ্যায়" । কিন্তু পটভূমিৰ সাদৃশ্য থাকিলেও কাহিনীৰ দৃশ্যপট, চৰিত্ৰ তথা সময়ৰ ক্ষেত্ৰত পঢ়ুৱৈয়ে নতুনত্ব লাভ কৰিব বুলি কিতাপখনৰ পাতনিতেই লেখিকাই স্পষ্টভাৱে আৰু মননশীলতাৰে এই কথাৰ অৱতাৰণা কৰে।
য'ত এসময়ৰ এছিয়া মহাদেশৰ ভিতৰতে অন্যতম বৃহৎ কাগজ উদ্যোগ বুলি পৰিচিত জাগীৰোড স্থিত (নগাঁও) কাগজ-কল সকলোৰে আকৰ্ষণৰ কেন্দ্ৰবিন্দু আছিল। যি উদ্যোগে বহু নিবনুৱাক কৰ্ম সংস্থাপনৰ বাট মুকলি কৰি দিয়াৰ উপৰি কলা-সাহিত্য- সংস্কৃতিৰ দিশতো যথেষ্ট অৰিহণা যোগোই আহিছিল; তেন্তে তাৰ পৰৱৰ্তী সময়ত এনেকুৱা কি হ'ল যে এনে এক বৃহৎ উদ্যোগৰ হঠাতে ছন্দপতন হ'ল ! কাৰ কাল হাতোৰাত এনে এক মৰ্মান্তিক পৰিস্থিতিৰ কৱলত পৰিব লগা হ'ল! এনেধৰণৰ বহু প্ৰশ্ন, বহু সাঁথৰৰ চন্দুক স্বৰূপ, লেখিকা ৰুমী লস্কৰ বৰাৰ এইখন উপন্যাস "বিশেষ বাতৰি"।
আলোচিত উপন্যাসখনৰ মাজেৰে আগবঢ়া কাহিনীভাগ উদ্যোগটোৰ সৈতে জড়িত কৰ্মচাৰীকে ধৰি বিভিন্নজনৰ দুখ-দুৰ্দশা-হতাশা-সংগ্ৰামৰ এক জীৱন্ত দলিল বুলিব পাৰি। তদুপৰি উদ্যোগটোৰ অৱক্ষয়ৰ মৰ্মগ্ৰাহী ছবি দাঙি ধৰাতো লেখিকা ৰুমী লস্কৰ বৰাৰ দক্ষতাই পাঠকৰ মনৰ দাপোনত খোপনি পুতিব পাৰিব বুলি নিসন্দেহে ক'ব পাৰি।
ইতিমধ্যে এইগৰাকী সুপ্ৰতিষ্ঠিত সাহিত্যিক ৰুমী লস্কৰ বৰাৰ ''ডমফু'' নামৰ উপন্যাসখনৰ বাবে তেখেতে কাঠমাণ্ডু (নেপাল) ৰ পৰা 'ভদ্ৰকুমাৰী প্ৰফেছৰ ড০ উষা নাৰায়ণ ঠাকুৰ ' বঁটা, অসম সাহিত্য সভাই প্ৰদান কৰা 'বিষ্ণু প্ৰসাদ ৰাভা ' বঁটা লাভ কৰাৰ উপৰি লাভ কৰে 'মায়া মিডিয়া এৱাৰ্ড "।