Guruvayoor News

02/03/2024

ഗുരുവായൂർ ഉത്സവം ഇന്നലെ ആറാട്ടായിരുന്നു. രുദ്ര തീർഥത്തിൽ ആറാട്ടു കഴിഞ്ഞ് ഭഗവതി വാതിൽമാടത്തിൽ ഉച്ചപ്പൂജയ്ക്ക് ശേഷം 11 ഓട്ടപ്രദക്ഷിണം പൂർത്തിയാക്കി രാത്രി 12.15ന് തന്ത്രി കൊടിയിറക്കിയതോടെ ഉത്സവം സമാപിച്ചു.
ഭക്തരിലേറെയും ഇതോടെ ക്ഷേത്രം അടച്ചു എന്നു കരുതി മടങ്ങി. എന്നാൽ ശ്രീലകത്ത് പഞ്ചലോഹത്തിടമ്പ് എത്തിച്ച് തന്ത്രി 25 കലശവും അത്താഴപ്പൂജയും നിർവഹിച്ചു. അത്താഴ ശീവേലിയും കഴിഞ്ഞ് നടയടച്ചത് രാത്രി ഒന്നരയോടെയാണ്. നിർമാല്യത്തിന് ഇനി അധികം സമയമില്ല.
ഗുരുവായൂരിൽ നിത്യോത്സവമാണ്. ഒന്നും അവസാനിക്കുന്നില്ല. ചടങ്ങുകളുടെ, ആഘോഷങ്ങളുടെ നൈരന്തര്യമാണ്.
മുരളിക പുസ്തക രൂപത്തിൽ എത്തി, പ്രകാശനം കഴിഞ്ഞു എന്നതുകൊണ്ട് മുരളികയും അവസാനിക്കുന്നില്ല. തുടർന്നു കൊണ്ടേയിരിക്കും. ഇന്ന് മുപ്പത്തി ഏഴാമത് ലക്കം മനോരമ തൃശൂർ എഡിഷനിൽ വായിക്കാം. ഉത്സവം ആറാട്ടു ദിവസത്തെ സങ്കട നിവൃത്തി ചടങ്ങിനെ കുറിച്ച്....
Pic: Unni Bhavana
Unnikrishnan Kunnath

02/03/2024

രുദ്രതീർത്ഥത്തിലെ കണ്ണന്റെ ആറാട്ടോടെ ഗുരുവായൂർ ക്ഷേത്രോത്സവത്തിന് സമാപനമായി. ആയിരങ്ങൾ രുദ്രതീർത്ഥത്തിൽ പുണ്യസ്‌നാനം നടത്തി മോക്ഷപ്രാപ്തിനേടി. ആറാട്ടു ചടങ്ങുകൾക്കുശേഷം ക്ഷേത്രം തന്ത്രി സ്വർണ്ണ ധ്വജസ്തംഭത്തിലെ സപ്തവർണ്ണക്കൊടി ഇറക്കിയതോടെയാണ് പത്ത് ദിവസം നീണ്ടുനിന്ന ക്ഷേത്രോത്സവ ചടങ്ങുകൾക്ക് സമാപനമായത്.

പള്ളിവേട്ടയുടെ ആലസ്യത്തിൽ ശ്രീകോവിലിനു പുറത്തെ ശയ്യാഗൃഹത്തിൽ പള്ളിക്കുറുപ്പുകൊണ്ട ഗുരുവായൂരപ്പന്റെ പള്ളിക്കുറുപ്പുണർത്തലോടെയാണ് ആറാട്ടു ദിവസത്തെ ചടങ്ങുകൾക്ക് തുടക്കമായത്. രാവിലെ അഞ്ചുമണിയോടെ പശുക്കിടാവിന്റെ കരച്ചിൽ കേട്ടാണ് കണ്ണൻ പള്ളിക്കുറുപ്പുണർന്നത്. കടലാടി ചമതകൊണ്ട് പല്ല് തേപ്പ്, എണ്ണ അഭിഷേകം എന്നിവയ്ക്കുശേഷം വാകപ്പൊടിതേച്ച് പ്രത്യേക ജലദ്രോണിയിൽ വെള്ളിപ്പീഠത്തിൽ ശ്രീഗുരുവായൂരപ്പന്റെ സ്വർണ്ണതിടമ്പ് വെച്ച് നീരാട്ട് നടത്തി. തുടർന്ന് കൺമഷിയെഴുതി ഗോരോചനക്കുറി തൊടുവിച്ച് മലർ നിവേദ്യവും നടത്തിയശേഷമാണ് ഗുരുവായൂരപ്പനെ ശ്രീലകത്തേക്ക് എഴുന്നള്ളിച്ചത്. ഈ സമയം കരുവാട്ട് ഭട്ടതിരി ഭഗവാനെ ഗ്രന്ഥം വായിച്ച് കേൾപ്പിച്ചു.

ദിവസവും പുലർച്ചെ മൂന്നിന് ഉണരുന്ന ഗുരുവായൂരപ്പൻ പള്ളിവേട്ടയുടെ ആലസ്യത്തിൽ ക്ഷീണിതനായി ഉറങ്ങിയതിനാൽ ആറാട്ട് ദിനത്തിൽ നേരം വൈകിയാണ് ഉണർന്നത്. ഇതിനാൽ ദിവസവും ഉച്ചപൂജനടക്കുന്ന സമയത്താണ് പന്തീരടി പൂജ നടന്നത്. വൈകുന്നേരം നാലരയോടെ ആറാട്ടിനായുള്ള ഗുരുവായൂരപ്പന്റെ എഴുന്നള്ളിപ്പ് ചടങ്ങുകൾക്ക് ആരംഭമായി. നാലരയ്ക്ക് നടതുറന്ന് മൂലവിഗ്രഹത്തിലുള്ള ചൈതന്യം ആവാഹിച്ചെടുത്ത് പഞ്ചലോഹതിടമ്പ് പുറത്ത് സ്വർണ്ണപഴുക്കാമണ്ഡപത്തിൽ എഴുന്നള്ളിച്ച് വെച്ചു. ശ്രീലകത്ത് മൂലവിഗ്രഹത്തിന് സമീപംവെയ്ക്കുന്ന പഞ്ചലോഹതിടമ്പ് ആറാട്ടുദിവസം മാത്രമാണ് പുറത്തേയ്‌ക്കെഴുന്നള്ളിക്കുക. നൂറ്റാണ്ടുകൾ പഴക്കമുള്ള ഈ വിഗ്രഹത്തിന്റെ കാലപഴക്കം ഇതുവരേയും നിർണ്ണയിച്ചിട്ടില്ല. കൊടിമരത്തറയ്ക്കൽ സ്വർണ്ണപഴുക്കാമണ്ഡപത്തിൽ പഞ്ചലോഹതിടമ്പ് എഴുന്നള്ളിച്ച് വെച്ചശേഷം അവിടെ വെച്ച് ശാന്തിയേറ്റ കീഴ്ശാന്തി തിരുവാലൂർ ഹരിനാരായണൻ നമ്പൂതിരി ദീപാരാധന നടത്തി. കൊടിമരത്തറയ്ക്കൽ ഗുരുവായൂരപ്പന്റെ പഞ്ചലോഹത്തിടമ്പ് എഴുന്നള്ളിച്ചുവെച്ചശേഷം നടന്ന ദീപാരാധന കണ്ട് തൊഴുന്നതിനായി അഭൂതപൂർവ്വമായ ഭക്തജനത്തിരക്കാണ് ക്ഷേത്രത്തിൽ അനുഭവപ്പെട്ടത്. ദീപാരാധന കണ്ട് തൊഴുത പതിനായിരങ്ങൾ കണ്ണന് കാണിക്കയർപ്പിച്ചു. ദീപാരാധനയ്ക്കുശേഷം ആറാട്ടിനും ഗ്രാമപ്രദക്ഷിണത്തിനുമായി ഭഗവാന്റെ പഞ്ചലോഹത്തിടമ്പ് സ്വർണ്ണകോലത്തിൽ പുറത്തേയ്ക്ക് എഴുന്നള്ളിച്ചു. ദേവസ്വം ആനത്തറവാട്ടിലെ കൊമ്പൻ നന്ദൻ സ്വർണ്ണകോലമേറ്റി. ചോറ്റാനിക്കര വിജയൻ,
പരയ്ക്കാട് തങ്കപ്പൻ എന്നിവരുടെ നേതൃത്വത്തിൽ പഞ്ചവാദ്യം എഴുന്നള്ളിപ്പിന് അകമ്പടിസേവിച്ചു. വാളും പരിചയുമേന്തിയ കൃഷ്ണനാട്ടം കലാകാരൻമാർ, കൊടി, തഴ, സൂര്യമറ, നാദസ്വരം, ഭജന എന്നിവയുടെ അകമ്പടിയോടെ പഞ്ചവാദ്യത്തിന്റെ നാദത്തിമർപ്പിൽ എഴുന്നള്ളുന്ന ശ്രീഗുരുവായൂരപ്പനെ ശർക്കര, പഴം അവിൽ, മലർ എന്നിവകൊണ്ട് നിറപറയും, നിലവിളക്കും വെച്ച് വഴിനീളെ ഭക്തജനങ്ങൾ എതിരേറ്റു. രുദ്രതീർഥക്കുളത്തിന് വടക്ക്ഭാഗത്ത് എഴുന്നള്ളിപ്പെത്തിയപ്പോൾ പഞ്ചവാദ്യം അവസാനിച്ചു. പിന്നീട് മേളത്തോടുകൂടിയാണ് ഗുരുവായൂരപ്പന്റെ എഴുന്നള്ളത്ത് മുന്നോട്ട് നീങ്ങിയത്. ഭക്തജനങ്ങളുടെ എതിരേൽപ്പുകൾ സ്വീകരിച്ചുകൊണ്ടുള്ള പ്രദക്ഷിണം പൂർത്തിയാക്കി ഭഗവതീക്ഷേത്രത്തിലൂടെ എഴുന്നള്ളിപ്പ് ആറാട്ട് കടവിലെത്തി. തുടർന്ന് പുണ്യതീർഥങ്ങളായ ഗംഗയും, യമുനയുമടക്കമുള്ള എല്ലാ തീർഥങ്ങളേയും രുദ്രതീർഥത്തിലേക്ക് ആവാഹിക്കുന്നതിനായി ക്ഷേത്രം തന്ത്രി ചേന്നാസ് ദിനേശൻ നമ്പൂതിരിയുടെ കാർമികത്വത്തിൽ പൂജനടന്നു. തന്ത്രിയും ഓതിക്കൻമാരും കൂടി പുണ്യാഹത്തിനുശേഷം ഭഗവാന്റെ പഞ്ചലോഹത്തിടമ്പിൽ മഞ്ഞൾപ്പൊടി അഭിഷേകം ചെയ്യ്തശേഷം വലിയ കുട്ടകത്തിൽ തയ്യാറാക്കിയ ഇളനീർകൊണ്ട് ഭഗവാനെ അഭിഷേകം ചെയ്തു. അതിനുശേഷം തന്ത്രി, മേൽശാന്തി, ഓതിക്കൻമാർ, എന്നിവർ ഒരുമിച്ച് ഭഗവാനോടൊപ്പം രുദ്രതീർഥത്തിൽ ഇറങ്ങി സ്‌നാനം ചെയ്തതോടെ കാത്തുനിന്ന ആയിരങ്ങൾ രുദ്രതീർത്ഥത്തിൽ സ്‌നാനം ചെയ്തു. പുണ്യതീർത്ഥങ്ങളുടെ സാന്നിധ്യമുള്ള രുദ്രതീർത്ഥത്തിൽ സ്‌നാനം നടത്തി മോക്ഷപ്രാപ്തിനേടുന്നതിനായി ആയിരങ്ങളാണ് ഗുരുപവനപുരിയിലെത്തിയത്. ആറാട്ട് ചടങ്ങിനു ശേഷം ഇടത്തരികത്തുക്കാവിൽ ഭഗവതിക്ഷേത്രത്തിലെ വാതിൽമാടത്തിൽ ഗുരുവായൂരപ്പനെ എഴുന്നള്ളിച്ചിരുത്തിയ ശേഷം ഉച്ചപൂജനടത്തി. അതിനുശേഷം ഭഗവാന്റെ തിടമ്പ് കൊടിയിറക്കൽ ചടങ്ങുകൾക്കായി ആന പുറത്ത് എഴുന്നള്ളിച്ചു. ആറാട്ട് കഴിഞ്ഞ് ആനപ്പുറത്ത് ക്ഷേത്രത്തിലെത്തുന്ന ഗുരുവായൂരപ്പനെ ക്ഷേത്രം ഊരാളൻ മല്ലിശ്ശേരി പരമേശ്വരൻ നമ്പൂതിരി നിറപ്പറവെച്ച് സ്വീകരിച്ചു. തുടർന്ന് പതിനൊന്ന് ഓട്ടപ്രദക്ഷിണം പൂർത്തിയാക്കിയശേഷം ക്ഷേത്രത്തിലെത്തിയ ഭക്തജനങ്ങളുടെ കണ്ഠങ്ങളിൽ നിന്നും നാമജപമന്ത്രങ്ങളുയർന്ന ഭക്തിസാന്ദ്രമായ അന്തരീക്ഷത്തിൽ രാത്രി 12.15 ഓടെ ക്ഷേത്രം തന്ത്രി ചേന്നാസ് ദിനേശൻ നമ്പൂതിരി സ്വർണ്ണധ്വജത്തിലെ സപ്തവർണ്ണക്കൊടി ഇറക്കി. ഇതോടെ പത്ത് ദിവസം നീണ്ടുനിന്ന ഗുരുവായൂർ ക്ഷേത്രോത്സവം സമാപിച്ചു. അനന്തരം ഭഗവാനെ ശ്രീകോവിലിലേക്ക് എഴുന്നള്ളിച്ച് ചൈതന്യം മൂലവിഗ്രഹത്തിൽ ലയിപ്പിച്ചു. തുടർന്ന് 25കുടം കലശം അഭിഷേകം ചെയ്തശേഷം അത്താഴപൂജ, വിളക്കെഴുന്നള്ളിപ്പ് എന്നിവയും നടന്നു

02/03/2024

തൊഴുതിട്ടും തൊഴുതിട്ടും മതിയാകുന്നില്ലല്ലോ ഗുരുവായൂരപ്പാ നിൻ ദിവ്യരൂപം ...... ഗുരുവായൂരപ്പൻ്റെ ആറാട്ട്

01/03/2024

ഉത്സവ വീഥികളിലൂടെ

01/03/2024

ആറാട്ട് ദിവസമായ ഇന്ന് ഭഗവാൻ പുറത്തേക് എഴുന്നള്ളുന്നു 🙏🙏🙏❤️
Photo: Nithin Narayanan

01/03/2024

ആറാട്ട് എഴുന്നള്ളിപ്പ്

01/03/2024

ഹരേ കൃഷ്ണ ഹരേ കൃഷ്ണ - കൃഷ്ണ കൃഷ്ണ ഹരേ ഹരേ

01/03/2024

ആറാട്ട് അഭിഷേകം:
കരിക്കുമായെത്തിയ കിട്ടയുടെ അനന്തരാവകാശികൾക്ക് സ്വീകരണം നൽകി........
ശ്രീ ഗുരുവായൂരപ്പന് ആറാട്ട് ദിനത്തിൽ ഇളനീർ അഭിഷേകം ചെയ്യാനുള്ള കരിക്കുമായെത്തിയ ഇരിങ്ങപ്പുറം തമ്പുരാൻ പടിക്കൽ കിട്ടയുടെ കുടുംബാംഗങ്ങൾക്ക് ദേവസ്വം നേതൃത്വത്തിൽ വരവേൽപ്പ് നൽകി. കിഴക്കേ നടപ്പുരയിലെ സത്രം ഗേറ്റിന് മുമ്പിൽ വെച്ചായിരുന്നു സ്വീകരണം. ദേവസ്വം ചെയർമാൻ ഡോ.വി.കെ.വിജയൻ ഭദ്രദീപം തെളിയിച്ചു . കിട്ടയുടെ അനന്തരാവശി കുടുംബത്തിലെ മുതിർന്ന അംഗം സുബ്രഹ്മണ്യനെ മാലയിട്ട് ക്ഷേത്രത്തിലേക്ക് അദ്ദേഹം സ്വീകരിച്ചു. ദേവസ്വം ഭരണസമിതി അംഗം സി.മനോജ് അഡ്മിനിസ്ട്രേറ്റർ കെ.പി. വിനയൻ എന്നിവർ സന്നിഹിതരായി. കിട്ടയുടെ കുടുംബാംഗങ്ങളായ ഇരുപതിലേറെ പേരാണ് ഇളനീരഭിഷേകത്തിനുള്ള കരിക്കുമായെത്തിയത്. സ്വീകരണത്തെതുടർന്ന് ചെയർമാൻ ഡോ.വി.കെ.വിജയൻ്റെ നേതൃത്വത്തിൽ ദേവസ്വം ഭരണസമിതി അംഗങ്ങളും കൃഷ്ണനാട്ടം കലാകാരന്മാരും ഭക്തരും ദേവസ്വം ജീവനക്കാരും ചേർന്ന് നാമജപ ഘോഷയാത്രയായി സംഘത്തെ ക്ഷേത്രത്തിലേക്ക് ആനയിച്ചു.
കൃഷ്ണാ!❤️ ശ്രീ ഗുരുവായൂരപ്പാ!❤️

01/03/2024

01/03/2024

ശ്രീ.സുരേഷ് ഗോപി ഗുരുവായൂർ ഉത്സവത്തിൽ പങ്കെടുക്കുവാൻ എത്തിയപ്പോൾ

01/03/2024

ശ്രീ ഗുരുവായൂരപ്പന്റെ ഭക്തി സാന്ദ്രമായ പള്ളിവേട്ട കഴിഞ്ഞ് സന്തോഷവാനായി തിരിച്ചു ശ്രീകോവിലിൽ എത്തുന്ന ശ്രീ ഗുരുവായൂരപ്പൻ പത്താം ഉത്സവ ദിനത്തിൽ ആറാട്ടിന് ഉള്ള തയ്യാറെടുപ്പിൽ ആണ്. രാവും പകലും അറിയാത്ത രീതിയിൽ ഉള്ള ഗുരുവായൂർ അമ്പലവും ആ പരിസരവും ശ്രീ ഗുരുവായൂരപ്പന്റെ ഭക്തി നാമദയത്തിൽ മുഴുകി ഇരിക്കുകയാണ്.ഏത് ഒരു ഭക്ത ജനങ്ങൾക്കും മനസിലെ വിഷമവും,ബുദ്ധിമുട്ടും മാറ്റി അവരെ സന്തോഷ നിർവൃതിയിൽ ആക്കുന്ന ശ്രീ ഗുരുവായൂരപ്പന്റ ചൈതന്യം ജനങ്ങൾക്ക് പകർന്ന് കിട്ടുമ്പോൾ അവർ മറ്റ് ഒരു ലോകത്തേക്ക് മാറുന്നു.
ഓം നമോം ഭഗവതേ വാസുദേവായ....
ശ്രീ ഗുരുവായൂരപ്പ നമഹ.

01/03/2024

ഗുരുവായൂർ ക്ഷേത്രം.. ഗുരുവായൂരപ്പന്റെ ഉത്സവം..പഴമയുടെപെരുമയിൽ...88വർഷം മുമ്പ് ആറാട്ട് കടവിന് ഇരുമ്പഴികൾ..! 218 ക. 4 അണ.ചെലവ്.! 84 വർഷം മുമ്പ് ആറാട്ട് തിടമ്പിന് ഒരു പീഠം...!
____________________________
രാമയ്യർപരമേശ്വരൻ
____________________________
ഗുരുവായൂരപ്പന്റെ ഉത്സവം... ഇന്ന് ആറാട്ട് സുദിനം. ഭക്തിസാന്ദ്രമായ ആറാട്ട് ചടങ്ങുകളും,അതിൽ പങ്കെടുത്തു ഗുരുവായൂരപ്പന്റ അനുഗ്രഹം തേടാൻ ഗുരുപവനപുരത്തിൽ എത്തി ച്ചേരുന്നഭക്തജനത്തിരക്കും കണ്ടാൽ ...ഒന്നേ പറയാൻ കഴിയൂ. ഹന്ത! ഭാഗ്യം ജനാനാം! ഇത്രയൊന്നും യാതൊരു തിരക്കും അനുഭവപ്പെടാത്ത കാലഘട്ടത്തിൽ ആറാട്ട് കടവിന് സംരക്ഷണ വലയം ഇല്ലാത്ത കാലവും, ഉണ്ടായിരുന്നുവെന്നും, ഇന്ന് നാം കാണുന്ന ആറാട്ട് തിടമ്പിനൊരു പീഠം നിർമ്മിച്ചതും പഴമയുടെപെരുമയിലെ സാമൂതിരിരേഖകളിലെ കൗതുകകരമായ രേഖപ്പെടുത്തലുകളാണ്. വർഷത്തിൽ 364 ദിവസവും ക്ഷേത്രം പൂജാ ചടങ്ങുകളുടെ ഭാഗമായ നിത്യശീവേലിക്കും, പള്ളിവേട്ട ദിനത്തിൽ വൈകിട്ട് നടക്കുന്ന ഗ്രാമപ്രദക്ഷിണത്തിനും,ഗുരുവായൂരപ്പന്റെ സ്വർണ്ണത്തിടമ്പ് ആണ് എഴുന്നള്ളിക്കുക പതിവ്.
എന്നാൽ ഇന്ന് ആറാട്ടുസുദിനത്തിൽ മാത്രം ഗുരുവായൂരപ്പന്റ പഞ്ചലോഹ വിഗ്രഹം ക്ഷേത്രം തന്ത്രിയുടെ സാന്നിദ്ധ്യത്തിൽ ശാന്തിയേറ്റ നമ്പൂതിരി പുറത്തേക്കെഴുന്നിള്ളിക്കും. നിത്യേന ഉപയോഗിക്കുന്ന സ്വർണ്ണത്തിടമ്പ് 1975 ലാണ് പുതുതായി നിർമ്മിച്ചതെങ്കിലും , ആറാട്ടിന് എഴുന്നള്ളിക്കുന്ന പഞ്ചലോഹവിഗ്രഹം പൗരാണികകാലഘട്ടം മുതൽ ഉണ്ട്. ഈ വിഗ്രഹത്തിന് ഒരു പീഠം ഉണ്ടാക്കിയത് ക്ഷേത്രം കോ.ട്രസ്റ്റിയായിരുന്ന മല്ലിശ്ശേരി നമ്പൂതിരിയുടെ കത്തും, ദേവസ്വം മാനേജരുടെ റിപ്പോർട്ടും പ്രകാരം 1940 ലാണെന്ന് പഴമയുടെ പെരുമയിലെ സാമൂതിരിരേഖകൾ വ്യക്തമാക്കുന്നു.
പഴമയുടെ രേഖകൾ ഇങ്ങനെ...88 വർഷം മുമ്പ് 1936 ജൂൺ 12 ലെ സാമൂതിരിക്കോവിലകം തിട്ടൂരം.. ഗുരുവായൂർ ദേവസ്വം മാനേജര കണ്ടുകാര്യമാവിത...വടക്കെ ചിറയിൽ ആറാട്ടിന്നായി ഉപയോഗിക്കുന്ന കടവിന് ജനബാധ ഇല്ലാതാക്കേണ്ടതിന് കടവിന് മുൻഭാഗത്ത് 3 ഭാഗവും അര കോൽ അകലെയായി 4 കോൽ ഉയരത്തിൽ ഇരുമ്പഴി ഇടേണ്ടത് അത്യാവശ്യമാകയാൽ ടി പ്രവർത്തി ഇപ്പോൾ കുളത്തിലെ വെള്ളം വറ്റിക്കുന്നതോടുകൂടി ചെയ്തു കിട്ടേണ്ടതാണ് എന്നും മറ്റും ബോധിപ്പിച്ചയച്ച 11.6.36 ആംനുത്തെ റിപ്പോർട്ടും ഇരുമ്പഴി ഇടേണ്ട ചിലവിന് വേണ്ടിവരുന്ന 218 ക.4 അണ.യുടെ എസ്റ്റിമേറ്റും എത്തി.
പ്രവർത്തി ചെയ്യാൻ അനുവദിച്ച് എസ്റ്റിമേറ്റ് മടങ്ങി അയച്ചിരിക്കുന്നു.എന്നാൽ കൊല്ലം 1111 ആംമത് ഇടവം 30 ആംനുത്തെ തീട്ടുപ്രകാരം നടന്നുകൊൾകയും ചെയ്ക.
ഇന്നോ ...1976 ൽ ഗുരുവായൂരപ്പന്റെ ആറാട്ടുകടവിലുണ്ടായ ചില സംഭവങ്ങളെ തുടർന്ന്
ആറാട്ട് കടവിന് സംരക്ഷണവും,സുരക്ഷയും വളരെനിഷ്കർഷയും കർശ്ശനമായ നിർദേശങ്ങൾ പാലിച്ചുകൊണ്ടുള്ളതുമാണ്
84 വർഷം മുമ്പ് 1115 മകരം 17 ലെ സാമൂതിരിപ്പാടു തമ്പുരാന്റെ തിട്ടൂരത്തിലെ വരികൾ കൗതുകകരമാണ്.
ഗുരുവായൂർ ദേവസ്വം മാനേജര കണ്ടുകാര്യമാവിത... ആറാട്ടിന് എഴുന്നള്ളിപ്പാനുള്ള തിടമ്പിന്ന് വെള്ളികൊണ്ട് ഒരു പീഠം ഉണ്ടാക്കിക്കേണ്ടതിന് കല്പനയുണ്ടാവാനും മറ്റും സംഗതിക്ക് ബോധിപ്പിച്ച 24.1.40 ലെ റിപ്പോർട്ടും മല്ലിശ്ശേരിയുടെ കത്തും വായിച്ചു.മല്ലിശ്ശേരിയുടെ കത്ത് മടങ്ങി അയച്ചിരിക്കുന്നു. എന്നാൽ കൊല്ലം 1115 ആമത മകരഞായറ 17:ആനുത്തെ ഈ തീട്ടുപ്രകാരം നടന്നുകൊൾകയും ചെയ്ക(.ഒപ്പ്) സാമൂതിരിരാജ.

01/03/2024

ശ്രീ ഗുരുവായൂരപ്പന്റെ ഗ്രാമപ്രദക്ഷിണം ❤കൃഷ്ണ ഗുരുവായൂരപ്പാ❤❤❤
Photos

01/03/2024

ഉണ്ണിക്കണ്ണനെ വിളിച്ചുണർത്താൻ മഹാഭാഗ്യം ലഭിച്ച പശു കിടാവ്🙏

29/02/2024

ഗുരുവായൂർ ഉത്സവം ആശംസകളോടെ

29/02/2024

ഗുരുവായൂർ ക്ഷേത്രത്തിലെ കൊടിമരം കണ്ട് തൊഴാൻ തൊഴുതോളു 🙏🏽

28/02/2024

ഗുരുവായൂർ ക്ഷേത്രോത്സവം എട്ടാം വിളക്ക് ദിനത്തിൽ ഉത്സവബലി തൊഴുത് ദർശനസായൂജ്യമടയുന്നതിനായി ഭക്തജന സഹസ്രങ്ങൾ ഗുരുപവനപുരിയിലെത്തി. ഗുരുവായൂർ ക്ഷേത്രോത്സവത്തിലെ ഏറ്റവും പ്രധാന താന്ത്രിക ചടങ്ങായ ഉത്സവബലിക്ക് ക്ഷേത്രം തന്ത്രി ചേന്നാസ് ദിനേശൻ നമ്പൂതിരിപ്പാടിന്റെ നാന്നിധ്യത്തിൽ ചേന്നാസ് കൃഷ്ണൻ നമ്പൂതിരി കാർമികത്വം വഹിച്ചു. രാവിലെ പന്തീരടിപൂജക്കുശേഷം ഭക്തിനിർഭരമായ അന്തരീക്ഷത്തിലായിരുന്നു താന്ത്രികമന്ത്രധ്വനികളോടെ ഉത്സവബലി നടന്നത്. ഗുരുവായൂരപ്പന്റെ ഭൂതഗണങ്ങളെ മുഴുവൻ പാണികൊട്ടി മന്ത്രപുരസ്സരം ആവാഹിച്ച് വരുത്തി ബലികൊടുത്ത് തൃപ്തിപ്പെടുത്തുന്നതാണ് ഉത്സവബലി. മുപ്പത്തിമുക്കോടി ദേവൻമാരും ഭഗവത്ദർശനത്തിന് ഉത്സവബലി സമയത്ത് എത്തുമെന്നാണ് സങ്കൽപ്പം. ഇതുകൊണ്ടുതന്നെ അദൃശ്യരൂപികളായ ദേവീദേവന്മാരുടെ സംഗമമെന്നാണ് ഉത്സവബലിയെ വിശേഷിപ്പിക്കുന്നത്. നാലമ്പലത്തിനകത്ത് തെക്കേമുറ്റത്ത് ഗുരുവായൂരപ്പനെ പഴുക്കാമണ്ഡപത്തിൽ എഴുന്നള്ളിച്ചിരുത്തിയ ശേഷം സപ്തമാതൃക്കൾക്ക് ബലി തൂവി. തുടർന്ന് ബലിവട്ടത്തിലെ ബലിപീഠങ്ങളിൽ നിവേദ്യങ്ങൾ പൂജിച്ചു. കൊടിമരത്തിൽ സാന്നിദ്ധ്യമുള്ള ഗരുഡസ്വരൂപിയായ വൈനതേയനും, വലിയ ബലിക്കല്ലിൽ സാന്നിദ്ധ്യമുള്ള പന്ത്രണ്ട് ദേവതകൾക്കുള്ള പൂജകൾ നടത്തി. ഈ പൂജയ്ക്കുമാത്രമായി ഒരു മണിക്കൂറിലധികം സമയം എടുത്തു. ഈ സമയം കൊമ്പൻ ഗോപികണ്ണൻ്റെ പുറത്തെഴുന്നള്ളിയ ഗുരുവായൂരപ്പനെ സാക്ഷി നിർത്തിയായിരുന്നു ബലിതൂവൽ ചടങ്ങ്. ക്ഷേത്രപാലകനുള്ള പൂജയോടെയായിരുന്നു ഉത്സവബലി ചടങ്ങുകൾ സമാപിച്ചത്. ഉത്സവബലി ദർശിക്കുന്നതിനായി ക്ഷേത്രത്തിൽ അഭൂതപൂർവ്വമായ ഭക്തജനത്തിരക്കാണ് അനുഭവപ്പെട്ടത്. മണിക്കൂറുകളോളം കാത്ത് നിന്നാണ് ഭക്തർ ഉത്സവബലി ദർശനം നടത്തിയത്. ക്ഷേത്രത്തിൽ ഉത്സവം ഒമ്പതാം വിളക്ക് ദിനമായ വ്യാഴാഴ്ച പള്ളിവേട്ട നടക്കും.

28/02/2024

ഗുരുവായൂർ ക്ഷേത്രത്തിൽ തിരക്കിന്റെ ഫോട്ടോ എടുക്കുമ്പോൾ കണ്ട കുഞ്ഞു ഭകതയെ പകർത്തിയപ്പോൾ ഒരിക്കലും പത്രത്തിൽ വരുമെന്ന് പ്രതീക്ഷിച്ചില്ല,ഈ ഫോട്ടോ ആ കുട്ടിക്ക് എത്തിക്കണം എന്ന ആഗ്രഹത്തോടെയാണ് ഈ പോസ്റ്റ്. ഇന്ന് മനോരമ പത്രത്തിൽ രണ്ടാം പേജിൽ വന്ന ചിത്രമാണ് ഇതിൽ കാണുന്ന കുട്ടിക്ക് മലയാള മനോരമ പ്രസിദ്ധികരിച്ച Unni Krishnan എഴുതിയ "മുരളിക" സമ്മാനമായി നൽകാൻ ആഗ്രഹിക്കുന്നു, തിരിച്ചറിയാൻ സാഹയിക്കുന്ന ആദ്യ വ്യക്തിക്കും "മുരളിക" ലഭിക്കുന്നതായിരിക്കും.
അറിയുന്നവർ കമൻ്റ് ചെയ്യുക. അല്ലെങ്കിൽ ഷെയർ ചെയ്ത് കണ്ടെത്താൻ സഹായിക്കുക.
Unnikrishnan Kunnath ( Unni Bhavana Studio)

28/02/2024

ഗുരുവായൂർ ഉത്സവത്തോടനുബന്ധിച്ചു രഹന മുരളിദാസ് അവതരിപ്പിച്ച ഫ്യൂഷൻ മ്യൂസിക്

28/02/2024

ഗുരുവായൂർ ഉൽസവം 2024
മെഗാ ഫ്യൂഷൻ ശിവമണി

27/02/2024

നിറഞ്ഞു കവിഞ്ഞ സദസ്സിനു മുന്നിൽ - മേൽപ്പത്തൂർ ഓഡിറ്റോറിയത്തിൽ - വയലിനിൽ നാദ ഗംഗാപ്രവാഹം തീർത്ത് ഗുരുവായൂരിൻ്റെ ഗംഗമോൾ ..!