Beautiful Future

02/01/2025

မောင်နှမဆိုတာ သူအိုးသူအိမ် သူ့မိသားစုတွေနဲ့
ဖြစ်သွားကြရင်တစ်ယောက်နဲ့တစ်ယောက်ဝေးသွားကြတာပါ

သူစိမ်းတွေထက်ပိုပီးချစ်ဖို့ကောင်းကြတာ
မောင်နှမတွေပါ
မေတာဆိုတာဝေးရောက်မှနားလည်ကြတာပါ

မိဘရှိတုန်းမို့ တစ်ယောက်နဲ့တစ်ယောက်ရန်ဖြစ်ကြ
ပြန်တည့်ကြပျော်ရွှင်ကြနဲ့
မိဘတွေတာမရှိရင် အဲအိမ်ကြီးကခြောက်ကပ်နေပါလိပ်မယ်

ဘာဖြစ်လို့ခြောက်ကပ်နေလဲဆိုရင်
မိဘရှိတုန်းကဆို
ကိုယ့်အိုးကိုယ့်အိမ်နဲ့နေလဲ
အမေရှိသေးတယ်အဖေရှိသေးတယ်ဆိုနဲ့အတွေးနဲ့
အဲအိမ်ကြီးကိုရောက်လာကြတာပါ

အဲအိမ်ကြီးမှာသာမိဘတွေမရှိကြတော့ရင်
ဘယ်သူကလာဖြစ်ကြဦးမှာလဲ

သူမိသားစု တွေနဲ့ သူ ပျော်သည်ဖြစ်စေ
မပျော်သည်ဖြစ်စေ
အဲဘဝသံသရာကြီးမှာမိုးလင်း မိုးချုပ်နဲ့သူတို့မိသားစုတွေနဲ့အတူ
လည်ပတ်နေကြမှာပေါ့လေ

လင်မယားဆိုတာအခိုက်မသင့်ရင်ကွဲတတ်ကြပါတယ် မောင်နမဆိုတာက မခေါချင်နေ
မတော်လို့မရဘူးဆိုတာပါပဲ

အဲဒါကြောင့် မောင်နမတွေက
ပိုပြီး ချစ်ဖို့ကောင်းပါတယ်လို့
ပြောပြရစေနော်🍁✍️

Credit

01/01/2025

💐👰မိန်းမယူတယ်ဆိုတာ ဒါလား👰💐
_____________________________
အမျိုးသမီးတွေကို
အထင်သေးတဲ့စိတ်နဲ့ မိန်းမယူချင်တာလား

မိန်းမသားဘဝ ဖြစ်ရတာ ယုတ်ညံ့
တယ်ဆိုပြီး ချင်နင်ချင်စိတ်နဲ့
မိန်းမယူတာလား

မိန်းကလေးတွေ အားနွဲ့တယ်ဆိုပြီး
လင်ယူသားမွေးခိုင်းဖို့ မိန်းမယူတာလား

ပြောပြမယ် မှတ်ထား
အထင်သေးစိတ်နဲ့ မိန်းမမယူပါနဲ့
သူတို့လည်း ကိုယ့်အရည်ချင်းကိုယ်ရှိပါတယ်။

နိမ်ချင်ရုံသပ်သပ်နဲ့
မိန်းမမယူပါနဲ့ သင့်ရင်ခွင်ထက်
ပိုလုံခြုံတဲ့ သူမ မိဘရင်ခွင်ရှိပါတယ်။

လင်ယူသားမွေးဖို့ သပ်သပ်နဲ့
မိန်းမမယူပါနဲ့ သူတို့တွေလည်း
ကိုယ့်လုပ်စာနဲ့ကို ရှာစားနိုင်ပါတယ်။

သူမ မယားခံတယ်ဆိုတာ
သင့်ကိုအားကိုဖို့မဟုတ်ဘူး သင်နဲ့အတူ
တစ်ယောက်ဘဝတစ်ယောက် ဖေးမကူညီဖို့ပါ။

သူမ ဇနီးအဖြစ်ခံတယ်ဆိုတာ
သင်ရဲ့ဂရုစိုက်မှုကို လိုချင်လို့မဟုတ်ဘူး
သင်အတွေးလွန်တဲ့အခါ မိခင်လို အနားမှာ
နေပေးဖို့ရောက်လာတာပါ။

သူမ အိမ်သူသက်ထား အဖြစ်နေတာ
သင့်ကို လုပ်စာကိုထိုင်စားဖို့မဟုတ်ဘူး
သင့်ဘဝအတွက်တစ်စိတ်တစ်ဒေသ
ဖြည့်ဆည့်ကူညီဖို့ပါ။

သင်အထင်မြင်သေး နိမ်ချင်ပါတယ်ဆိုတဲ့
မိန်းမဟာ ငယ်ငယ်ကတည်းက သင့်ကို
ရင်ခွင်မှာ ထွေ့ပွေ့ထားတဲ့အမေလို

ဒီအချိန်မှာ င့်အမေအစား သင့်ရဲ့အားငယ်မှုကို
အားပေးဖို့ပါ။

သင်မိန်းမဟာ သင့်အမေမဟုတ်ပေမယ့်
သင့်ရဲ့ အမေလို ယုယကြင်နာတတ်ပါတယ်။

သင့်ဇနီးဟာ သင့်အမေမဟုတ်ပေမယ့်
သင်ညှိနိုင်းတိုင်ပင်လို့ရပါတယ်။

သင့် မယားဟာ သင့်ကိုအသက်နဲ့ရင်းပြီး
မွေးဖွာပေးသူမဟုတ်ပေမယ့်

ဘဝနဲ့ ရင်းပြီး သင်နဲ့အတူ ဆံဖြူသွားကျိုးတဲ့ထိ
အဖော်ရှိပေးသူပါ။

မိန်းမတိုင်းဟာ ကိုယ့်အမေလို
မဟုတ်ပေမယ့် သင့်ရဲ့ရင်သွေးအတွက် မိခင်ပါ။

ဒါတွေကို သိပါလျက်နဲ့
ဘာလို့ နိမ်ချင်သေးတာလဲ

ဘဝချင်းမစာနာရင်တောင် နှမချင်း
အမေချင်းတော့ စာနာပေးပါ။

အထင်မြင်သေးနေတဲ့ မိန်းမတွေနေရာကနေ
ဝင်ခံစားကြည့်ပါ။

သင့်အနာဂတ်အတွက် ဘဝတစ်ခုတည်ဆောက်ဖို့
မိန်းမယူခင်မှာ ကြိုက်တဲ့ မိန်းကလေး
ရွေးချယ်ပါ ကြိုက်လို့ ယူပြီဆိုလည်း
တန္​ဖိုးထားပါ။

ကိုယ့်ရဲ့ အတ္တ ကိုယ့်ရဲ့မာန
ကိုယ့်ရဲ့ ယုတ်မာမှုနဲ့ ဘယ်မိန်းကလေးကိုမှ
ထိခိုက်အောင်မလုပ်ပါနဲ့။

အမေ့ရင်ခွင်မှာ ခိုလှုံတုန်းက
သင်ဟာ မင်းသားတစ်ပါးဆိုပေမယ့်

သင့်ဇနီးရင်ခွင်ရောက်တော့ သင်ဟာ
ဘုရင်တစ်ပါးဖြစ်နေပါပြီ။

ဒါကြောင့် အမျိုးသမီးဘဝက်ု နန်းတော်လို
သဘောထားပါ သင်ဟာ ဘုရင်ပါပဲ

အမျိုးသမီးဘဝကို ခိုနားရာ ဇရပ်လိုမြင်ရင်
သင်ဟာ သူဖုန်စာ ပါပဲ။

ဒါကြောင့် မိန်းမယောက်ျား မခွဲခြားပါနဲ့
အချင်းချင်း လေးစားနိုင်မှ ကိုယ်လည်း
အဆင့်တန်းရှိမှာပါ။

သင်မိန်းယူတယ်ဆိုတာ
သင်နဲ့သူမ ကိုယ့်လုပ်စာနဲ့ကိုယ် ရှာစားလို့ရပေမယ့်
လင်ယူသားမွေး အိမ်မှာကိစ္စတွေဟာ
သူမပဲ လုပ်ရပါတယ်။

ဒီလောကမှာ လင်ဆိုးမယားဆိုးရှတယ်ဆိုပေမယ့်
လင်ယုတ်မာမှုကြောင့် လူမဆန်စွာရိုက်နှက်တာရှိတယ်
မိန်းမယုတ်မာလို့ လူမဆန်စွာ ရိုကနှက်တာမရှိပါဘူး။

ဒါကြောင့် ယုတ်မာဖို့သပ်သပ်နဲ့
မိန်းမယူပါနဲ့

စေခိုင်းဖို့ သပ်သပ်နဲ့ မိန်းမမယူပါနဲ့
လင်ယူသာမွေးဖိူ့ သပ်သပ်နဲ့ လက်မထက်ပါနဲ့

ထမင်းကျွေးနိုင်ရုံနဲ့ မပေါင်းဖက်ပါနဲ့။
ကြင်နာပေးပါ ကိုယ်ချင်းစာပေးပါ

အကောင်းမြင်ပေးပါ ဒါမှ သင့်အကြိုက်ကို
သူမကိုသူမပြုပြင်လာပါလိမ့်မယ်။

လောကမှာ အရေးကြီးတဲ့ မိန်းမနှစ်မျိုးရှိတယ်
အမေ နဲ့ ဇနီး ဆိုတာပါပဲ

သင်စိတ်ဓာတ် ကျတိုင်း အမေ့ရင်ခွင်ကို
တမ်းတနိုင်သလို
သင်အတွေးတွေလွန်တိုင်း
သင့်ဇနီး ရင်ခွင်မှာ ဖြေသိမ့်နိူင်ပါတယ်။

ဒါကြောင့် နိမ်ချင် ရုံသပ်သပ်နဲ့
မိန်းမမယူပါနဲ့

အပြစ်မဲ့ သပ်သပ်နဲ့ မိန်းမကို
ရိုက်နှက်မစော်ကားပါနဲ့

သူမဟာ ဇနီးဖြစ်တည်လာတယ်ဆိုတာ
ယောက်ျားတိုင်းကို ယုယကြင်နာပေးတတ်
တဲ့ အမျိုးသမီး ဖြစ်ဖို့ပါ။

အမျိုးသမီးတိုင်း လူစိတ်ရှိတဲ့
ယောက်ျားနဲ့ တွေ့နိုင်ကြပါစေ။

ကိုယ်တိုင်ရေးစာစုလေးများ
‌ခွန်ဆန်းဦး...ပန်းပျိုးလက်

01/01/2025

နိုင်ငံခြား တဲ့ လူတွေကသာအထင်ကြီးကြတာ လကုန်တဲ့အခါ ရတဲ့လစာလေး ခွဲတမ်းချ ပေးရမဲ့အပုံလေးပုံ ပြီးတဲ့အခါ စားဖို့ပဲချန် ခြစ်ကုတ်ငွေလွှဲ နောက်က မိသားစုတွေကတော့ ကိုယ်တွေ ဘယ်လိုနေ ဘယ်လိုစား မသိရှာကြဖူးပဲ ငါ့သားက နိုင်ငံခြားမှာ ငါ့သမီးက လတိုင်းငွေပို့တာနဲ့ လကုန်ရင် ဖုန်းလေးတွေ တဂွမ်ဂွမ် တချို့မိဘတွေ ကိုယ့်သားသမီး လေးတွေ ဘယ်လိုနေ ဘယ်လိုစားရ ဆိုတာ သိကောသိကြပါ့မလား တချို့ ပကာသနတွေ တချို့ လောင်ကစားတွေ တချို့

ဂုဏ်တုဂုဏ်ပြိုင်တွေနဲ့ မိဘအတွက်သိတတ်တဲ့ သားသမီးတွေ ပိုပေးဆပ်ရတာတွေလဲရှိပေါ့ လောကကြီးက တခါတလေ လွဲနေတာက လိမ်မာတဲ့သားသမီးကျ မိဆိုးဘဆိုးနဲ့ကြုံဆုံရပြီး ဆိုးမိုက်တဲ့သားသမီးတွေကျ မိဘကောင်းနဲ့ ဆုံကြရတယ်
နိုင်ငံခြားတဲ့ 😏😏😏

ပေးဆပ်နိုင်သူတွေ အနာဂါတ်ပျောက်နေသူတွေ စုဝေးရာပေါ့
နောက်နှစ်ကျ အိမ်ပြန်မယ်ဆိုတဲ့ စိတ်တွေနဲ့ အားတင်းပြီး ကြိုးစား လိုက်ကြရတာ တနှစ်ပြီး တနှစ်သာ ကုန်သွားတယ် အိမ်ပြန်ချိန် ဆိုတာ မသိတော့ပဲ အိမ်ပြန်ရမဲ့ နောက်နှစ် ကမရောက်နိုင်တော့ဖူး တကယ်တော့ နိုင်ငံခြားရောက် နေသူတွေ အိမ်ပြန်နိုင်ဖို့က နောက်က မိသားစုတွေ လက်ထဲမှာရယ် 😔😔😔

Credit

01/01/2025

💪(အချိန် ၁မိနစ်ပေးဖတ်ကြည့်ပါ)💪

တစ်ခါက လူတစ်ယောက်ဟာ
မိန်းမလှ တစ်ယောက်နဲ့ လက်ထပ်လိုက်တယ်
ရုပ်လှတဲ့အပြင်စိတ်ထားကလည်းအရမ်းကောင်းတော့
အမျိုးသမီးကို အရမ်းချစ်ရှာတယ်။ တစ်နေ့မှာ အမျိုးသမီးဟာ အရေပြားရောဂါ စတင်ခံစားလာရတယ်။ အကြောင်း တိုက်ဆိုင်ချင်တော့ တစ်ရက်မှာ အမျိုးသားကလည်း အလုပ်ကိစ္စနဲ့ ခရီးထွက်ရတယ်။ ခရီးကနေ အိမ်ပြန်လမ်းမှာ car accident ဖြစ်ပြီး မျက်စိနှစ်လုံးစလုံး ကွယ်သွားခဲ့တယ်။

ဒီနေရာမှာ ခဏလောက်ရပ်ပြီး စဉ်းစားကြည့်ရအောင်..အရေပြားရောဂါသည်နဲ့ မျက်မမြင်တယောက် ရဲ့ အိမ်ထောင်ရေးဟာ ဘယ်သို့ ဘယ်ပုံခရီးဆက်ကျမလဲ? ဘာတွေဆက်ဖြစ်မယ်လို့ ထင်ပါသလဲ......?

တကယ်တော့ သူတို့ ၂ ယောက်ကြားမှာ ဘာပြောင်းလဲမှု့မှမရှိခဲ့ပါဘူး။ အရင်လို ပျော်စရာကောင်း ပြီး ချစ်ချစ်ခင်ခင်နေတုန်းပဲ။ အချိန်တွေ ကုန်လာတာနဲ့အမျှ အမျိုးသမီးရဲ့ အရေပြားရောဂါဟာလည်း တစ်စ တစ်စ
နဲ့ ပိုဆိုးလာတယ်။ မျက်မမြင် ယောက်ကျားက သူမိန်းမ အရေပြားရောဂါကြောင့်ရုပ်ပြတ် ဆင်းပြတ် ခံစားနေရတာကိုမသိရှာဘူးထင်ပါရဲ့။ သူတို့ နှစ် ယောက်ရဲ့ အိမ်ထောင်ရေးဟာ ဟိုးအရင်ကထက်တောင်တိုးပြီး ပိုလို့ ချစ်မြဲ ချစ်ဆဲ ကြင်နာဆဲပဲ။

နောက်ဆုံးမှာတော့ အမျိုးသမီးဟာ အရေပြားရောဂါနဲ့ ဆုံးသွားရှာတယ်။ သူ့အတွက်တော့ ကြီးကျယ်တဲ့ဆုံးရှုံးမှုကြီးတစ်ခုပဲလို့ခံစားရတယ်။မိရိုးဖလာအတိုင်း ဇနီးရဲ့ အလောင်းကို မြေချပြီးနောက်တစ်နေ့ မှာ အမျိုးသားဟာ ဇနီးသည် ခေါင်းချခဲ့တဲ့ မြို့ ကနေ အပြီးအပိုင်ထွက်သွားဖို့ ဆုံးဖြတ်လိုက်တယ်။

အဲ့ချိန်မှာ အိမ်နီးနားချင်း လူတစ်ယောက်က စကားလှမ်းပြောတယ် " ခင်ဗျား မျက်စိမမြင်တဲ့ ကာလတစ်လျှောက်လုံး ခင်ဗျားရဲ့ ဝေယာဝစ္စတွေ အကုန်လုံးကို ခင်ဗျားအမျိုးသမီးက မငြီးမငြူ လုပ်ပေးခဲ့တာ အခု ခင်ဗျားတစ်ယောက်ထဲ ဘယ်လိုလုပ်မလဲ..ခင်ဗျားတော့ ဒုက္ခ လှလှကြီးတွေ့တော့မယ်"

အမျိုးသားက ပြန်ပြောတယ်။ " ဒီမှာ မိတ်ဆွေ..အမှန်က ကျွန်တော် မျက်စိမကန်းပါဘူး။ မမြင်ချင်ယောင်ဆောင်နေခြင်းသာဖြစ်ပါတယ်။ ကျွန်တော့ အမျိုးသမီးဟာ သူမရဲ့ ရုပ်ဆိုး အကြည်းတန်နေတဲ့ မျက်နှာကို နေ့တိုင်း ကျွန်တော်မြင်နေရတယ်လို့ သူသိရင် အဲ့ခံစားမှု့ဟာ သူရောဂါဝေဒနာ ခံစားမှုထက်ပိုပြီး နာကျင်လိမ့်မယ်။ ဒါကို ကျွန်တော်မမြင်ချင်ဘူး။ ရုပ်ပိုင်းဆိုင်ရာမလှတော့ပေမဲ့ သူမ ရဲ့ စိတ်ပိုင်းဆိုင်ရာမှာ အမြဲလှနေသူတစ်ယောက်ပါ။ စိတ်ထားဖြူစင်သူတစ်ယောက်မို့ ကျွန်တော်အတွက် ဇနီးကောင်း တစ်ယောက်ပါ၊ ကျွန်တော်က သူအမြဲတမ်းပျော်ရွှင်ပြီး စိတ်ချမ်းသာနေတာကိုပဲ မြင်ချင်တဲ့လူတယောက် မို့ အခုလို ဟန်ဆောင်ရခြင်းဖြစ်ပါတယ်။
ဆောင်းပါးလေးက ဒါပါပဲ။

သင်ခန်းစာ
----------
လောကကြီးမှာ နှစ်ဦး နှစ်ဖက် ပြေလည် ကောင်းစားဖို့အတွက် တစ်ချို့သောအရာတွေကို မမြင်ချင်ယောင်ဆောင်ပေးရပါတယ်။ အားနည်းချက် ချွတ်ယွင်းချက်ဆိုတာလူတိုင်းမှာရှိစမြဲ။ ဒါကြောင့်
no one is perfect လို့ ဆိုကြတာကိုး။ လူတယောက်ရဲ့ အားနည်းချက် ချွတ်ယွင်းချက်ကို ထောက်ပြီး အနိုင်ယူတာ လူညံ့လူပျော့ တွေရဲ့ လုပ်ရက်ပါ။ အဲ့ထဲမှာ ကိုယ်မပါမိပါစေနဲ့။ တစ်ယောက်ရဲ့ လိုအပ်ချက်ကိုတစ်ယောက်က အပြန်အလှန် ဖြည့်ဆည်းပေးရင်း ရင်ထဲက စစ်မှန်တဲ့ မေတ္တာ တရားနဲ့ သာ ပေါင်းသင်းဆက်ဆံကျမယ်ဆိုရင် အရမ်းပျော်ရွှင်စရာကောင်းတဲ့ ပတ်ဝန်းကျင်တစ်ခု အဖွဲ့အစည်းတစ်ခုဖြစ်လာမှာ သေချာပါတယ်။

Credit

31/12/2024

31/12/2024

2025မှာ🎇
အလိုချင်ဆုံး🥰
ဆုတစ်ခုဆို ဘာဖစ်မလဲ💖

31/12/2024

👪
သားယောက်ျားလေးများကို ပြုစုပျိုးထောင်ခြင်းက ထင်သလောက်မလွယ်ပါ။ သုတေသနများအရ သားလေးများက သမီးလေးများထက် ကျောင်းပြေးဖို့၊ စာမေးပွဲကျဖို့၊ ဆေးလိပ် အရက်နှင့် မူးယစ်ဆေးဝါး စမ်းသုံးကြည့်ဖို့၊ မတော်တဆ ထိခိုက် ဒဏ်ရာ ရဖို့၊ စိတ်ဓာတ်ကျ ရောဂါ ရဖို့ ဖြစ်နိုင်ချေ ပိုများသည်ဟု ဆိုသည်။

👼🏼🙋🏻‍♂️🙅🏻‍♂️
သားယောက်ျားလေးများ၏ စိတ်ပိုင်းဆိုင်ရာ ဖွံ့ဖြိုးမှုကို စိတ်ပညာရှင် အချို့က အဆင့် ၃ ဆင့် ခွဲကြသည်။

(၁) မွေးကင်းစမှ ၆ နှစ် - သားကို ဘယ်သူ လွှမ်းမိုးသလဲ။

🤱🏻👩‍👦သားသည် မိခင်ကို အဓိက တွယ်တာသည်။ ဤ အဆင့်တွင် မိခင်ဆီမှ အရေးကြီးဆုံး၊ အလိုအပ်ဆုံး အရာသည် ချစ်ခြင်းမေတ္တာနှင့် နွေးထွေးလုံခြုံမှုဖြစ်သည်။ မိခင်၏ ဂရုစိုက်မှု၊ ပြုစုစောင့်ရှောက်မှုများက သားငယ်လေး တစ်ယောက်ကို စိတ်ကျန်းမာ ပျော်ရွှင်သည့် ကောင်လေး တစ်ယောက်အဖြစ် ပြောင်းလဲစေနိုင်သည်။

မိခင်၏ အပြောအဆို၊ အပြုအမူများက သားလေး၏ အပြောအဆို၊ အပြုအမူများကို လွှမ်းမိုးနိုင်စွမ်းရှိသည်။ မိခင်ဆီမှ ဆက်ခံနိုင်သော အရည်အသွေးက ယဉ်ကျေး ပျူငှာ ဖော်ရွေခြင်း ဖြစ်သည်။

(၂) ၆ နှစ်မှ ၁၄ နှစ် - သားကို ဘယ်သူ လွှမ်းမိုးသလဲ။

👨‍👦🚶🏻‍♂️သားငယ်လေးက ကောင်လေးတစ်ယောက်ဖြစ်လာဖို့ စတင် သင်ယူချင်သည်။ မိခင်ကို တွယ်တာဆဲ ဖြစ်သော်လည်း ဖခင်ကို ပို၍ စိတ်ဝင်စားလာသည်။ ဖခင်၏ စကားလုံး၊ ကိုယ်နေဟန်ထား၊ ဝတ်စားဆင်ယင်မှုတို့ကို မသိမသာ လေ့လာသည်။

ဤ အဆင့်တွင် ကောင်လေး၏ အရည်အချင်းတစ်မျိုးမျိုးကို မြေတောင် စမြှောက်ပေးနိုင်ဖို့ အရေုးကြီးဆုံးက ဖခင် ဖြစ်သလို၊ ကိုယ်ချင်းစာ ကြင်နာတတ်ပြီး အကြမ်းဖက်မှု မလိုလားတတ်စေရန်လည်း ဖခင်က စံနမူနာ ပြနိုင်သည်။ ထို အချိန်ကို နောက်ကျမှ ပြန်မရနိုင်၍ စီးပွား အတွက် အလုပ်များလွန်းသူ ဖေဖေများ ပို ဂရုစိုက်ပါ။

(၃) ၁၄ နှစ် မှ ၁၈ နှစ် - သားကို ဘယ်သူ လွှမ်းမိုးသလဲ။

👬🕺🏻ဖခင်၏ အပြောအဆို၊ အပြုအမူ တို့ထက် ပတ်ဝန်းကျင်မှ အမျိုးသားတို့၏ အပြုအမူနှင့် လုပ်ဆောင်ချက်များကို ကောင်လေးက စတင် သင်ယူချင်သည်။ ဥပမာ အတန်းကြီးမှ ကစားဖော်များ၊ စကားပြောဖော်များ၊ တစ်လမ်းတည်းသား ဂစ်တာတီးဖော် အစ်ကိုကြီးများ၊ ကျောင်းဆရာ၊ ကျူရှင်ဆရာများကို အထင်ကြီးလွယ်သည်၊ မိသားစုထက် ပိုယုံစားလွယ်သည်။

ဤ အဆင့်တွင် မိခင်ရော ဖခင်ပါ လိမ္မာ ပါးနပ်ဖို့ လိုသည်။ အမြင်မတူလျှင် မဆန့်ကျင်ပါနှင့်၊ တူလာအောင် စည်းရုံးပါ။ မတင်းကြပ်ပါနှင့်၊ ပြေလည်ဖို့ ညှိနှိုင်းပါ။ မိမိသားနှင့် ပေါင်းသင်း ဆက်ဆံနိုင်ချေရှိသူများကို ကြိုတင်လေ့လာစူးစမ်းပါ။ တားမြစ်ဖို့ လိုလျှင် အချိန်မီပါစေ။ မိမိသားကို လမ်းမှန်သို့ လက်တွဲခေါ်မည့်သူကို အသိအမှတ်ပြုပါ။ လိုအပ်လျှင် သား လေးစားသော သား၏ ဦးလေး၊ ဘကြီး၊ အဖိုးတို့၏ အကူအညီကို ရယူပါ။

👩🏻‍⚕️သားပိုင်ရှင်များက ကလေး၏ အသက်အပိုင်းအခြားအရ သတိမူစရာများ သတိမူနိုင်ရန်၊ ကျန်းမာပျော်ရွှင် ထူးချွန်ထက်မြက်သော သားယောက်ျားလေးများ ပျိုးထောင်နိုင်ရန် ရည်ရွယ်ရေးပါသည်။

29/12/2024

"အဖေ"
_________

"မိန်းမရေ…ဧည့်ခန်းထဲက တိုင်မှာချိတ်ထားတဲ့၊
နာရီမရှိတော့ပါလားကွ"

"ရှင့်သားဖြုတ်ယူသွားတယ်လေ…
သူ့အိမ်မှာ နာရီမရှိလို့တဲ့…။"

"မိန်းမရေ…ကြောင်အိမ်ထဲက ဓါတ်ဗူးအသစ်တစ်လုံး
မတွေ့ပြန်ဘူး။ မင်းဘယ်သူ့ပေးလိုက်သေးလဲ…။"

"ရှင့်သားလာယူသွားတာပဲလေ။
သူ့အိမ်မှာဓါတ်ဗူးလိုနေလို့တဲ့…။"

"တောက်…ဒီကောင် တို့ကို ဒုက္ခပေးပေါင်းများလှပြီ။
ဘွဲ့ရပညာတတ်ဖြစ်အောင်၊ငွေအကုန်ခံ၊ ဒုက္ခတွေခံပြီး
သင်ပေးခဲ့ပြီးပြီ။ အခုအိမ်ထောင်ကျပြီးတော့လည်း၊
အိမ်ကပစ္စည်းတွေ တစ်ခုပြီးတစ်ခု လာယူနေတယ်။
ကျောင်းဆရာလုပ်နေပြီး၊ ဘာမှမိဘအပေါ်
မသိတတ်တဲ့ကောင်၊သိအောင်တော့ သွားပြောဦးမှပဲ"။

ကိုတင်မောင်တစ်ယောက် တိုက်ပုံအင်္ကျီကောက်စွပ်ပြီး၊
ရပ်ကွက်ရုံးကို သွားမလို့လုပ်တုန်း၊ ဒေါသဖြစ်ပြီး
သူ့သားအိမ်ဘက်ထွက်လာခဲ့တယ်။
သားအိမ်ရှေ့ရောက်တယ်ဆိုရင်ပဲ၊
သားလုပ်သူက အင်္ကျီအဖြူ လည်ကတုံးဝတ်ပြီး၊
အိမ်ပေါ်က ဆင်းလာတာ တွေ့ရတယ်။

"ဟေ့ကောင်…မင်းကိုငါပြောစရာရှိလို့လာခဲ့တာကွ၊
အခု မင်းက…ဘယ်သွားဦးမလို့လဲ"။

"ရပ်ကွက်ဓမ္မာရုံမှာ ဟောပြောပွဲရှိလို့အဖေ။
ပြောစရာရှိရင် နောက်မှပြောပါလား။
အရေးကြီးနေလို့ပါ။"

သားဖြစ်သူရဲ့စကားအဆုံး၊ကိုတင်မောင်သူ့သားကို
သေသေချာချာကြည့်လိုက်တဲ့အခါ…

သြော်…ဒီကောင့်မှာ တိုက်ပုံအင်္ကျီမှ မရှိပဲကိုး"ဟု
ရေရွတ်ပြီး……

"ဟေ့ကောင်…ဟောပြောပွဲသွားမှာဆိုရင် တိုက်ပုံပါမှ
ကောင်းတာကွ…ရော့၊ငါ့တိုက်ပုံအင်္ကျိဝတ်သွား။
ကျောင်း ဆရာဆိုတာ တိုက်ပုံအင်္ကျီနဲ့မှ၊
ကြည့်ကောင်းတာကွ"ဟု
ဆိုကာ သူဝတ်လာသော တိုက်ပုံအား
ချွတ်ပေးလိုက်ပါသည်။

"ကိုတင်မောင်…ရှင်သွားတုန်းက တိုက်ပုံအင်္ကျီနဲ့ပါ။
အခုပြန်လာတာ တိုက်ပုံလည်း မတွေ့တော့ပါလား။
ဘယ်မှာများ မေ့ကျန်ရစ်ခဲ့ပါလိမ့်။"

"မင်းသားကွာ…ဓမ္မာရုံမှာ ဟောပြောပွဲရှိတယ်ဆိုလို့…"

"အလိုတော်…ရှင့်သားက၊ ခန္ဓာကိုယ်ပေါ်က
တိုက်ပုံတောင်ချွတ်ယူသလား။
ဒင်းဆီရောက်သွားရင်ပြန်မရတော့ဘူးဆိုတာ၊
ရှင်လည်းသိသိကြီးနဲ့။"

"မင်းပြောလည်းခံရမှာပဲမိန်းမရယ်…
ဒါပေမယ့်
အခုဟာက၊သားကချွတ်ယူတာမဟုတ်ပါဘူး။
ငါ…ကိုယ်တိုင်က ကျေကျေနပ်နပ်နဲ့ချွတ်ပေးလိုက်တာပါ။"
Crd.

28/12/2024

သားသမီးရှိရက်နဲ့ အိမ်ထောင်ကွဲလိုက်တဲ့
မိခင်တွေက သားသမီးရှေ့ရေးမကြည့်တဲ့
အတ္တကြီးတဲ့ မိခင်တွေလို့
ဆိုလိုချင်ကြတယ်

ကျ​ေနာ်ပြောချင်တာကတော့
လူတွေဟာ ပုခုံး၂ဖက်ကြား
ခေါင်းပေါက်တာချင်း တူပေမယ့်
စိတ်ဓါတ် ၊ ခံယူချက်ချင်း မတူပါဘူး

သားသမီးမျက်နှာကြောင့်
ယောက်ျား ပုဆိုးစ ဆွဲထားတဲ့
မိခင်တွေလည်း မှန်သလို

သားသမီးရော ကိုယ့်ဘဝပါ
အနစ်မွမ်း မခံနိုင်လို့
မကောင်းတဲ့လူတစ်ယောက်ကို
ကျောခိုင်း လမ်းခွဲတဲ့မိခင်တွေလည်း
မှန်တာပါပဲ

ဒါကို ငါတော့မှန်တယ်
သူကတော့ မှားနေပြီ လို့ပုံသေတွက်လို့မှမရတာ

နောက်တစ်ခုက
အိမ်ထောင်ရေး ပြိုလဲမှာကြောက်လို့
ကလေးတွေမျက်နှာကြောင့်
သည်းခံပါပြီတဲ့
ကျနော် မေးချင်တာက
ဘယ်နှရက် သည်းခံနိုင်မှာလဲ?
၁ရက်လား?
၁ပတ်လား?
၁လလား?
၁နှစ်လား?

လူတိုင်းမှာ resistance ရှိပါတယ်
ရှိတဲ့ resistance ကလည်း limit အလိုက်ရှိတာပါ
အမြဲမရှိနိုင်ပါဘူး

ကျနော့ ခံယူချက်ကတော့ ရှင်းပါတယ်
ဘဝခရီးအရှည်ကြီးမှာ
မကောင်းတဲ့လူတစ်ယောက်ကို
အနားမထားနိုင်ပါဘူး

အိမ်ထောင်ရေး တစ်ခုမှာ
အဓိကအကျဆုံးအချက်များစွာထဲကမှ ၁ခုက
ယုံကြည်မှုပါ
သူနဲ့ ကိုယ်ကြားမှာ
ယုံကြည်မှုပျောက်ဆုံးသွားရင်
ရှေ့ဆက်ဖို့ ဘယ်လိုမှ မဖြစ်နိုင်တော့ပါဘူး

ယုံကြည်မှုဆိုတာ ဖန်ခွက်လိုပါပဲ
တစ်ခါ ကွဲအက်သွားရင် ပြန်ဆက်ဖို့
မလွယ်တော့ပါဘူး

ကိုယ်မယုံကြည်ရတဲ့ လူတစ်ယောက်နဲ့
ရှေ့ဆက်ရတဲ့ဘဝက
အချိန်မရွေး ပေါက်ကွဲနိုင်တဲ့
ဗုံးတစ္လုံးကို အနားမွာထားတဲ့
အဖြစ်နဲ့ အတူတူပါပဲ

နောက်တစ်ခုက
သားသမီးတွေအတွက်မတွေးတဲ့
အတ္တကြီးတဲ့မိခင်လို့
ပြောကြတာကြီးပါ

ဘဝင်မကျဆုံး အချက်ပါပဲ

မိဘ၂ပါးနဲ့တော့ နေရပါရဲ့
တစ်နေ့ တစ်နေ့ အမေနဲ့အဖေရဲ့
ရန်ပွဲတွေ အဆင်မပြေမှုတွေကြားမှာ
ကြီးပြင်းလာတဲ့ကလေးတစ်ယောက်ကရော
ပျော်ရွှင်နိုင်မယ်လို့ထင်ပါသလား?

ကျ​​ေနာ့ရဲ့အဖြေကတော့
I don't think so ပါပဲ

အိမ်ထောင်ရေး သောကတွေကြောင့်
မိခင်ကိုယ်တိုင်တောင် ပျော်ရွှင်မှုပျောက်ဆုံးနေတာ
ကိုယ့်သားသမီးကို ဘယ်လိုပျော်ရွှင်အောင်ထားနိုင်မှာလဲ?

က္မေကတာ့

ကိုယ့်ကို နာကျင်စေတဲ့
ပတ်ဝန်းကျင်ဆို ကျောခိုင်းမယ်
ကိုယ့်ကို ဝမ်းနည်းမှု ၊ ရှက်ရွံ့မှု ၊ သိမ်ငယ်မှုတွေ
ပဲပေးတဲ့သူကို စွန့်ခွာမယ်

ဝမ်းနည်းနာကျင်မှုပေးတဲ့ ပတ်ဝန်းကျင်မှာ
သားသမီးဘဝ မနစ်မွမ်းစေရဘူး

အဖေနဲ့ အမေ စကားများတိုင်း
ချောင်ကပ်ငိုနေရတဲ့ ပုံစံမျိုး
ကိုယ့်ကလေးကို အဖြစ်မခံနိုင်ဘူး

ဒါဟာ သူလည်းမထိခိုက်
ကိုယ်ကိုယ်တိုင်လည်း လွတ်မြောက်နိုင်တဲ့
အငြိမ်းချမ်းဆုံးဖြေရှင်းနည်း တစ်ခုပါပဲ

မိန်းမတစ်ယောက် ထက်မြက်မှု
ရှိတယ် မရှိဘူးဆိုတာ
ငွေရှာနိုင်တာ တစ်ခုထဲနဲ့မဆိုင်ပဲ
သူမရဲ့ ရဲရင့်မှု အရည်အချင်းရှိမှု
ဝေဖန်စဉ်းစားပိုင်းခြားနိုင်တဲ့ ဉာဏ်ပညာတွေနဲ့လည်း
ဆိုင်ကြောင်း ပြောချင်ပါတယ်

နောက်ဆုံးပိတ် အနေနဲ့ပြောရရင်
စုပ်ကိုင်ထားတဲ့သူက သတ္တိရှိတာ မဟုတ်သလို
စွန့်လွှတ်လိုက်တဲ့သူကလည်း သတ္တိကြောင်တာ
မဟုတ်ဘူး

လူဆိုတာ
ကိုယ့်လမ်း ကိုယ်သွား
ကိုယ်သမိုင်း ကိုယ်ရေးနေကြတာချည်းပဲ

ကိုယ့်ဖြစ်တည်မှုကိုလည်း အထင်မသေးသလို
သူတစ်ပါးဖြစ်တည်မှုကိုလည်း
အထင်မသေးဘူး အပြစ်လည်းမဆိုဘူး
Crd.

27/12/2024

#ပြဿနာ က ပြောတယ်
အခက်အခဲနဲ့ ကြုံတွေ့တဲ့အခါ
စိတ်ကိုအေးအေးထားပါတဲ့။

နာရီက ပြောတယ်
အချိန်တွေကိုမဖြုန်းတီးနဲ့
တန်ဖိုးရှိရှိအသုံးချပါတဲ့

ဖိနပ်က ပြောတယ်
ခြေထောက်မှာလှဖို့မစီးနဲ့
ဆူးဒဏ်ကိုကာကွယ်နိုင်ဖို့စီးပါတဲ့။

ထီးက ပြောတယ်
ဘယ်သွားသွားငါ့ကိုပါအောင်ခေါ်ပါ
အပူဒဏ်ကိုလည်းကာကွယ်ရမယ်
မိုးဒဏ်ကိုလည်း ကာကွယ်ရမယ်တဲ့။

ပိုက်ဆံက ပြောတယ်
လိုချင်တာထက် လိုအပ်တာကို
ပိုပြီးဦးစားပေးအသုံးချပါ

သုံးနှင့်ဖြုန်းတာ မခွဲခြားတတ်ရင်
မင်းဘဝမှာ ငါမရှိတဲ့အခါ
လူတွေကြားမှာ မျက်နှာငယ်ရမယ်တဲ့။

လမင်းကြီးက ပြောတယ်
ဘယ်လောက်ပဲမှောင်မည်းနေပါစေ
အလင်းရောင်တွေပေးနိုင်တဲ့
လူတစ်ယောက်ဖြစ်အောင်ကြိုးစားပါတဲ့။

နေမင်းကြီးက ပြောတယ်
မင်းဘဝကို ယုံကြည်မှုတွေနဲ့ရှေ့ဆက်ပါ
လူတွေက အလင်းရောင်ပေးနိုင်တဲ့သူကိုပဲ
တောင်းတကြတယ်တဲ့။

ကောင်းကင်ကြီးက ပြောတယ်
တိမ်တိုက်တွေမရှိလည်း
ငါ့အလှနဲ့ငါ လှနေတာပဲတဲ့။

သစ်ပင်က ပြောတယ်
ဘယ်သူပဲခိုနားခိုနား
ငါ့လိုအေးချမ်းတဲ့အရိပ်ကို
ပေးတတ်တဲ့လူ ဖြစ်ပါစေတဲ့။

စာအုပ်တွေက ပြောတယ်
ငါ့နဲ့စကားများများပြော
မင်းကမ္ဘာနှင့် ရင်ဘောင်တန်းနိုင်လိမ့်မယ်တဲ့။

ပင်လယ်ကြီးက ပြောတယ်
ငါ့လိုမနေနဲ့ ငါကရေများပေမယ့်
ဘယ်သူမှ မသောက်ကြဘူးတဲ့။

မီး က ပြောတယ်
ငါ့လိုမနေနဲ့ ငါကပူတယ်
ဒါကြောင့် ....
ငါ့အနားကို ဘယ်သူမှမကပ်ဘူးတဲ့။

ဒါကြောင့် ....
ဘယ်သူတွေဘယ်လောက်ဆိုးဆိုး
မင်းကောင်းအောင်နေရမယ်။
မင်းဘဝအတွက်
မင်းကြိုးစားရမယ်
မင်းအလှကို မင်းမြင်တတ်ရမယ်
မင်းရနေတဲ့အခြေအနေပေါ်မှာ
မင်းအကောင်းဆုံး
ပျော်ရွှင်အောင်နေတတ်ရမယ်
ဆိုတာမမေ့ပါနဲ့။

🤍

26/12/2024

ပိုက်ဆံတာရှာပါ
ပိုက်ဆံမရှိရင်လူမပြောနဲ့ ရင်ဘက်ထဲက
နှလုံးသားတောင် မျက်နာငယ်ရတယ်။

အမျိုးဘယ်လောက် ပေါပေါ ငွေမရှိရင်
တကောင်ကြွတ်ပဲ

မချစ်လို့ကြည့်တဲ့အကြည့်ထက် ငွေမရှိလို့
ကြည့်တဲ့အကြည့်က ပိုနာကျင်ရတယ်။

ငွေကသေရာမပါပေမဲ့ ရှင်ရာဘဝမှာတော့
လူရာဝင်တယ်။

#ဘဝစာပေ

26/12/2024

ဆန္ဒ နဲ့ သိက္ခာကို မလဲနိုင်လို့
မပြောဖြစ်အောင် ထိန်းထားတဲ့
စကားလုံးတွေအများကြီးရှိခဲ့ဖူးတယ်

မာနနဲ့ သစ္စာတရားကိုမလဲနိုင်လို့
အပေါ်ယံ လူတစ်ချို့‌တွေကို
အသ-က်မပါတဲ့ အပြုံးတွေနဲ့
ပြုံးပြနေခဲ့ဖူးတယ်။

အမုန်းနဲ့အပြုံးကို မလဲနိုင်လို့
မကင်းနိူင်သေးတဲ့ လူတစ်ချို့အပေါ်
အကောင်းဆုံး နေပေးလိုက်တယ်။

ဒါပေမယ့်
လူတစ်ချို့ကို ဥပေက္ခာပြုထားပြီး
လူတစ်တစ်ချို့ကို အရင်ကထက်
ပိုအလေးအနက်ထားလိုက်တော့တယ်

တစ်ကယ်တမ်းတော့
လောကဓံ နဲ့ကြုံတဲ့အခါ
ကိုယ့်ဘေးနားမှာရှိနေပေးတဲ့သူကသာ
ကိုယ့်အတွက် အရေးပါတဲ့ သူတွေ
ဆိုတာတော့ ပိုသိခွင့်ရလိုက်ပါတယ်။

Credit #"""
KhinkhinNann@*"

25/12/2024

ဘယ်လိုပဲ ခင်ခင်
ဘယ်လိုပဲ ပေါင်းပေါင်း
ဘယ်လိုပဲ ချစ်ခဲ့ချစ်ခဲ့
ပြောင်းလဲနိုင်တာ လူ့သဘာဝပဲ

အကြောင်းပြချက်မဲ့
အချိုး ပြောင်းသွားတဲ့
လူတွေနဲ့လဲ ကြုံဖူးတယ်

သူတို့စိတ်ထင်နဲ့ တွေးချင်ရာတွေ တွေး
ပြောင်းလဲသွားတာတွေလဲ ကြုံဖူးတယ်

ပိုချစ် ပိုခင်လာကြတဲ့ သူတွေလဲရှိတယ်

အဲလိုတွေ ကြုံဖူးတဲ့နောက်
ဘယ်သူ့အပေါ်မှာမှ စိတ်မနှစ်တော့ဖူး။

တွေ့တဲ့အချိန်တော့ ခေါ်တယ် ပြောတယ်
အကောင်းဆုံး ဆက်ဆံတယ်
အမှန်ကန်ဆုံး ဆက်ဆံတယ်။

ပြီးရင် ပြီးပြီ ပဲ
လွမ်းတာတွေ ဆွေးတာတွေ
သူက ငါ့ကို မခေါ်တော့တာတွေ
စကားမပြောတော့တာတွေ
အရင်ကနဲ့ မတူတော့တာတွေ

တခုမှကို စိတ်ထဲမထည့်တာ
ကိုယ့်ဘေးနားရှိတဲ့သူနဲ့ ပျော်အောင်နေတယ်

စိတ်ချမ်းသာအောင် နေတယ်
အဓိက က
မိသားစုကို အချိန်ပေးတယ်
သူတို့ပျော်ရင် ကိုယ်ပျော်တယ်။

အရေးကြီးတာနဲ့ အရေးမကြီးတာ
ခွဲခြားတတ်လာတယ်။

မလိုအပ်တဲ့ ခံစားချက်တွေကို ဦးစားမပေး တတ်တော့ဖူး
နေတတ်အောင်ပဲနေတယ်...

゚viralfbreelsfypシ゚viral #လူငယ်များအတွက်ဗဟုသုတစာပေများ #ဘဝစာပေ #ကောင်းမှုတစ်ခုနေ့စဉ်ပြုပါ #ခွန်အားဖြစ်စေသောစာများ

25/12/2024

" #တရုတ်လူကြီးသူမတွေ ဆုံးမလေ့ရှိတဲ့
စီးပွားရေးလမ်းညွှန် (၁၇) ချက် "

၁။ ဆိုင်နေရာကောင်းခြင်းဟာ
ဆိုင်ကြီးတာ ငယ်တာထက် ပိုအရေးကြီးတယ်။

၂။ ရောင်းကုန်ရဲ့ အရည်အသွေးဟာ
ဆိုင်နေရာထက် ပိုအရေးကြီးနေတတ် ပြန်တယ်။

၃။ စကားချိုချိုသာသာ စျေးရောင်းတတ်ခြင်းဟာ
အရေးကြီးပါတယ်။
ဖောက်သည်ကို ပိုမြဲစေပါတယ်။

၄။ အရင်းအနှီး နည်းတာကို စိုးရိမ်ခြင်းထက်၊
ယုံကြည်မှု နည်းတာကို ပိုစိုးရိမ်သင့်ပါတယ်။

၅။ ဆိုင်ကို လှလှပပ ခင်းကျင်းတတ်ခြင်းဟာ
အရေးကြီးပေမဲ့
နည်းနည်း ရှုပ်ပွနေတဲ့ ဆိုင်ငယ်ကလေးက
ပိုရောင်းကောင်းနေတတ်ပါတယ်။
စျေးချိုတယ်ဆိုတာကို ဝယ်ယူသူများက
ထင်မြင်သွားစေလို့ပါ။

၆။ ဝယ်သူကို တောက်လျှောက်လိုက်ကပ်နေတာမျိုး၊
မဝယ်မချင်းတိုက်တွန်းနေတာမျိုးရှောင်ကြဉ်ပါ။

၇။ ပိုက်ဆံ တစ်ကျပ်သုံးနိုင်တဲ့ သူကိုလည်း
ပိုက်ဆံ တစ်ရာသုံးနိုင်တဲ့သူလိုပဲ မျှမျှတတ ဆက်ဆံပါ ။

၈။ ငွေလည်ပတ်မှု မြန်ဆန်ပါစေ။

၉။ ဝယ်သူရဲ့ ရှေ့မှာ ဆိုင်ဝန်ထမ်းတွေကို
ဆဲဆိုအပြစ်တင်ခြင်းဟာ ဝယ်သူကို မောင်းထုတ်တာပါ။

၁၀။ နည်းနည်း၊ များများ လက်ကားဖောက်သည်ကို
အမျိုးလို သဘောထားပါ။
တတ်နိုင်သမျှ သူတို့ရဲ့တောင်းဆိုချက်ကို ဖြည့်ဆည်း
ပေးပါ။

၁၁။ ရောင်းကုန်ပစ္စည်း ပြတ်သွားတယ်ဆိုတာ
ဖောက်သည်ကို လျစ်လျူရှုတာ ၊
စော်ကားတာနဲ့ အတူတူပဲ။

၁၂။ စျေးနူန်းတစ်ခုတည်း ဖြစ်ပါစေ ။
တစ်ခုခုကြောင့် စျေးလျှော့ရောင်း ခြင်းဟာ
စိတ်ရှုပ်ထွေးမူကို ဖြစ်စေတတ်ပါတယ်။
ကတိကို ထိခိုက်နိုင်စေပါတယ်။

၁၃။ ဘယ်သူ့ကိုမှ အတင်းရောင်းချခြင်း မပြုပါနဲ့ ။
ဝယ်သူ ကြိုက်တဲ့ပစ္စည်းဟာ
ဝယ်သူ အကျိုးရှိစေတဲ့ ပစ္စည်းလည်း ဖြစ်ပါစေ ။

၁၄။ စက္ကူ တစ်ရွက်ပဲဖြစ်ဖြစ်၊
လက်ဆောင်ကို လူတိုင်းနှစ်သက်တတ်ကြပါတယ်။

၁၅။ ကလေးများဟာ ကျေးဇူးရှင်ပါ။
ဝယ်သူများက ကလေးကို ခေါ်ဆောင်လာတာပဲ ဖြစ်ဖြစ်၊
ကလေးစျေးလာဝယ်တာပဲ ဖြစ်ဖြစ် အထူးဂရုစိုက်ပေးပါ။
(ကလေးကို လွှတ်တာတောင် ဖြစ်ကတတ်ဆန်း
မလုပ်ဘူး) ဆိုတာ သိပါစေ။

၁၆။ အသစ်ထွင်ပါ။
ဝယ်သူကို ဆွဲဆောင်နိုင်အောင်အမြဲ ကြိုးစားပါ။

၁၇။ အရောင်းအဝယ် ကြီးကြီးသေးသေး
အစွမ်းကုန် ကြိုးစားပါ။
ဆိုင်တစ်ခုလုံး ရှင်သန်နေပါစေ။
ဝယ်သူ များလာအောင်
ဆွဲဆောင်နိုင်ကြပါလိမ့်တယ်။

ဦးစိုင်းနေ ( တောင်ကြီး)

23/12/2024