Pahadi Hein Bal

29/12/2023

Mondadi Condkot Bus Stand 💙🏔️🚌
DM for Paid Promotion & Sponsorship

28/12/2023

Bhainsro ❤️
📷

27/10/2023

• ᴶᵃⁱ ᴹᵃ ᴰʰᵃʳⁱ ᴷᵃˡⁱⁿᵏᵃ •
🐅🪔 दुर्गा नवमी की हार्दिक शुभकामनाएं 🐆🪔

🪻 ||• सर्व मंगल मांगल्ये,शिव सवार्थ सादिके,
शरण्ये त्र्यंबके माँ धारी नारायणी नमोस्तुते •|| 🧘🪔

26/10/2023

https://youtu.be/y4KnVL2FP7E?si=qlY8-yhxIlOOm-ny

Garhwali Culture | Pakhri Band | Pahadi Shadi | Silaith Wedding Hi,Welcome to our Channel Pahadi Hein BalFor Business & Sponsorship 👉 [email protected]...

29/09/2023

19/09/2023

गणपति बप्पा मोरिया ♥️🚩

18/09/2023

जय माँ भगवती जगदम्बा🙏🌹
(बुंखाल कालिंका मंदिर)उत्तराखंड।🙏🙏

©:-im_kanchannegi

18/09/2023

Uttarakhand News: rojgar Mela Job Fair 2023 is going to be organized in Haridwar. Youth arrived with these documents. Haridwar Job Fair 2023

18/09/2023

🪔🛕 𝗝𝗮𝗶 𝗠𝗮𝗮 𝗗𝗵𝗮𝗿𝗶 𝗞𝗮𝗹𝗶𝗻𝗸𝗮 🧘🚩
||• सर्व मंगल मांगल्ये,शिव सवार्थ सादिके,
शरण्ये त्र्यंबके माँ धारी नारायणी नमोस्तुते •||

17/09/2023

जय धारी माँ 🙏🏻

🪔🛕 𝗝𝗮𝗶 𝗠𝗮𝗮 𝗗𝗵𝗮𝗿𝗶 𝗞𝗮𝗹𝗶𝗻𝗸𝗮 🧘🚩
||• सर्व मंगल मांगल्ये,शिव सवार्थ सादिके,
शरण्ये त्र्यंबके माँ धारी नारायणी नमोस्तुते •||

16/09/2023

15/09/2023

𝗝𝗮𝗶 𝗠𝗮𝗮 𝗗𝗵𝗮𝗿𝗶 𝗞𝗮𝗹𝗶𝗻𝗸𝗮
🪻 ||• सर्व मंगल मांगल्ये,शिव सवार्थ सादिके,
शरण्ये त्र्यंबके माँ धारी नारायणी नमोस्तुते •|| 🧘🪔

15/09/2023

जय कमलेश्वर महादेव

15/09/2023

15/09/2023

14/09/2023

14/09/2023

अपडि थाथ #काथ
*********

चम्पा,विमला नानछिना क दग़डु हय, दगड़े उठड़, दगड़े सितड़ खाण पिण ले दगड़े, एक दिन एक एका यां सितसी दूसर दिन दूसर दूसरा यां सितसी ... पहाड़ा क नानतिन हय पहाड़ क मौहल हय सब आम बात हय l

पहाड़ में अन्यार पड़ो गौर बाछा कें घा पात डालि बेर भियार क काम कि छुट्टी....येक बाद भितेरे कि बुत्ति करि...साग हय पके ली नतरे लासण नूण पिसो हेगो, चार रवट पकूण हय, कभैं गयूँ पिसी हय जब लेसु रवट बणि जाणे हय नतरे मडुव के रवट सही य ले निहय झुंगर के रवट सही... बस रवट पकाया हेगो रात क काम.....

सगट में खूब बांज लाकड़ क आग जले, उं देर रात तक जागने रुने भय खये पी बेर सब सगट क चारों ओर भै जाने भय बस खूब आग तापि, आण काथ डालि आनंद उनेर भय.. पत नि लागछि आदु रात बित जानेर भय.. यई साधन हय पहाड़ में मनोरंजन क... कोई सोचि छि ले ने हमूकें यो हेबेर के सकर चें... भल जमान छि सिध-साद....

आज चम्पा विमला चालीस पैतालिस साल अचानक पहाड़ में अपड़ गंव ही मिल गई.... द्वि दगडु यसिक गाव मिलि जसिक अब यूँ छूटल ने द्विनुकें आँखों में आंसू तहाड़.. गिच बटिक एक आँखर नि निकवड़े.... रउवा रोव ओरि बातें हेंगे.. मणि देर बात द्वि द्वि एक दूसरे कि मुखड़ी के देख बेर अपड अपड हथेई ल एक दूसरा क मुखड़ बटि बाव कें पहिन के सीमेंट्ड लागि... को के कुणो के पत नि लागणे.. ओ इजा तू कां बटि आई क, मिले सोचि जे नि रोछि, त्येर दगड़ कभैं भेट होलि ओ ईजा तू आज कां बटि ऐछे... द्वि द्वि अपड़ अपड़ आँचव ले मुखड़ कें पोछने पोछने मणि शांत हई...

आ भैट.. देख धै यो उई भिड़ छू ने जेमे हम दातुल के धार लगूंछि, घा काटू हूँ जाछि विमला क...

चम्पा.... विमला ठीक कुणे छै, कां गो हुनाल उ दिन, दे यादें यादें छि अब त घरे कि समस्या में फसी बेर रे रेग्यु...

विमला... के हेगो त्यर त सब भल हेरो सुणो छि मिल.. अब तू भारत हेबेर ले भियार नेहेंगेछे विदेशों में तो सब कुछ भल हय, पै के समस्या हेगे... मि त य पहाड़ में रेग्यूँ हड्डी गले हेलि य पहाड़ में के नि हुन सब नानतिन अपड़ अपड़ परिवार में मस्त हेगीं हम द्वि बुढ़-बाढ़ी यकले छू द्वि रवट पकाया खाय और भियार कि के दुनि नेहती हमरि ... बस..

चम्पा... दे घर घर कि काथे कथ छि दगडुवा.. जो घर नि चाओ उई घर ठीक छू.. अब य पढ़ी लिखि जमान ऐगो अब हमूकें को पुछु.. चम्पा बात बात करन करणे अपड़ बचपन में पुजि गे आज क जमान'क पत हुछी त मिले खूब पढ़ छि.. पर उन तकान चेलियों कें को स्कूल भेज छि उई खेति पत्ति काम सिखो गौर बाछा क ग्वाव जाओ,
जासिके सब काम ऐग्यो त चेलियां व्याह कर दियो ... तिकड़ी त सब पत्त हय म्यर व्याह नानछिना में बार-तेर बरस कि उम्र में हेगो... पंद्रह सोलह में जतकाव ले हेगयूं.. तब बटि आज तलक वां बटि भियार ने निकलयूं बस घर गृहस्थी में ही फासिये रेग्ययूँ.... अब यतुके निभ जाछि तो ठीक छि पर आज भोते झझंट में फसी रयूं भुला.... तिकें के बतु भुला..

विमला.. चम्पा क कान में हाथ धरि में क हम नानछिना क डगडु हय.... हम के कि मदद निकर सकन पर पर एक दूसर क दुख कें सुणि बेर दुख आदु बाटि त सकनु ने.. क आघिल क..... के हेगो...

चम्पा.... यूँ फौज म हय मि ले दगड़ हय, नानतिन कें पावड घर क काम करने करने यसिके दिन कटिण लाग रुंछि... म्यर ठुल भव पढन'म होशियार क्लास म फस्ट उनेर हय... बार पास कर बेर येल जिद कर दी मि भियार अमरिका जाबेर अपणी पढ़ाई पुर करुल...

चम्पा ल अपड़ ख़्वर क आँचव ठीक करने करने क...चेली ले यकि पहिन बै है उ ले जवान हेंगे.. उ ले आघिल के पढ़न लागि सब ठीक हे रो छि, च्येल ल भियार जाणे जिद करि, के कर छि हम विक अघिल मजबूर हे ग्यु.. जसिक तसिक डबलों इंतज़ाम करो, भियार सुदे ज के जाण हेरो छि मस्त डबल लगनि वहाँ रुड़'क खर्च हय, पढ़ाई फीस हई.. सब कुछ डबलों क हय... कर्ज पात कर बेर उकें भियार पढूं हूँ भेज दी..

पढन'म उ हुशियार हय वाँ ले फस्ट ऐगय... हमर लिजिक ख़ुशी बात हई... यसिके यसिके विक वई नौकरी ले लागि गे भल हय... हमूल ले सोचि इतु कर्ज पात ल पढ़े लिखें रखो द्वि डबल आफि कमु ... एक चिंता जसि कम हेगे...

दिन धार में पुजिगो द्वि डगडु अपड़ बात में लागि भय... चम्पा ल क.. भुला हमार बात खत्मे नि होल पर देख धे दिन धार में पुजिगो घर मे मिहुँ के कौल लापता हेगे..

विमला नानछिना दिन भूलिगे छै हम् त रात ले बिते दिनेर हय अब यतु साल बाद मिल रयूं के बात ने.. य बात जै कां सुणिनि.. आघिल क.. मि त्यर घर में बते दिनु आज क रात तू म्यर दगड़े छै...

विमला सामड़ी जाणी एक ब्वारी कें घात लगे.. ओ ब्यारी जरा चम्पा घर में के दिये चम्पा आज मयरे दगड़ छू.... चम्पा क ना ना कुन कुनै विमला चम्पा घर तक संदेश पुजे दी...

चम्पा... विमला तू बिलकुल नि बदली क उसी जिद कर छै आज ले जसि नानछिना कर छि.. द्वि द्वि जोर जोर ल हसड़ लागि..

चम्पा... के सुण छै क, निरबु राजे कि काथे कथ... च्यल त भियारे क हेगो... च्येली ले जवान हेगे विक व्याह कि चिंता हेरे छि.. विक लिजिक ले एक भल च्येल मिलगो.. इनर रिटायरमेन्ट ले हेगो.. मिणी डबल मिलि रोछि सब च्येली मे खर्च कर दी.. हम द्वि बुढ़-बाढ़ी यकले रेग्यु.. हमर लिजिक उनरी पेंशने मस्त हे जछि.. और हमूकें चेछि ले के.. l

अब च्येल कि चिंता छि विक ले व्याह हे जछि य हम ले गंग नै लिछी.. कतु बार क चयेला व्याह कर ले... ना कुनर हय, कतु च्येलियां क फोटो भेजी सब ना कुनै ऱ हय.. हमेकें के समझी मे जे के नि उनेर हय.. कसि च्येली चें बातें च्याला कय त, नि बतु नेर ले नि हय..

एक दिन मिकें गुस्स ऐग्यो मिल क देख च्येला आज तुकें बतुड़े पड़ल नतरे म्यर मरि मुख देखले.. यांक क च्येली तिकें पसंद नि उणा जब कोई त्युल पसंद कर रखि त उ बतें दे. हमूकें के फर्क नि पड़न.. तु अपड़ घर बसे ले हम चैनल मर सकुल...

उदिन विल अपड़ मुँह खोलो.. देख ईजा अब मि वापस त नि ऐ सकन मेरि नौकरी यंई कि हे गे मिकें यई कि नागरिकता ले मिलगे... अब तुम ले सब छोडी छाडी बेर म्यर दगड़ ऐजाओ तां जे के धऱ रो..

म्यर दगड़ यां कि एक च्येली काम करि भौते भलि छू तुमरि सेवा ले करलि.. मि सोचणु विके दगड़ व्याह ले कर लियूनु... तू परेशान नि ह ईजा सब भल होल...

चम्पा..... विमला म्यर मुख बटि एक शब्द जे नि आय म्यर उसिके दाडि किसी गई के समझ म जे नि आय... चम्पा दाड़ मारन मारने अपड़ आँचव ल आंसू के पोछड़े पोछडे विमला कानि मे अपड़ मुनव धरि दे...

विमला दाड़ नि मार क,के बात ने हिठ भितेऱ हिठ.. अन्यार हेगो... भितेऱ भै बेर बात करुल.. द्वि द्वि ठाड़ हई और उई चाख म सगट क दगड़ भै गईं.. उई नानछिना कि याद ताज़ा जे हेगई...

विमला ल अपणी भौजी कें क.. ओ भौजी यो मेरि नानछिना क डगडु छू चम्पा, हम नानछिना यसिके दगड़े रूंछी... आज चम्पा यई रुकली रात कें द्वि रवट य ले यई खालि l
ठीक छू नंदा तुम लोग भेटो मि खाऊं पकुनु के बेर भौजी अपड़ चुलफन नेंगे...

चम्पा... आज नानछिना क दिन याद एगई ने.. विमला..कतु भल दिन छि ने उं.. के फिकर नि छि हम कतु उज्याड छि ने एक दिन हमूल आम कें पुर रात नि सितड़ दी आण काथ क चककर म, फिर पे आम ल हम द्वीनु के खूब नडक्या.. सतबांग (सप्तऋषि तारे) त्यर्छ लाग गिँ, जरा देर मे उज्याव हेजाल... सेतो अब....तब जे हम सितु.... द्विये जोर ल हसीं.....

विमला... होई यार उं दिन जे के लौटनी अब न्यारे न्यारे जे दिन ऐगई... अब देखो ने तेरि आबिद ले त कम हेरेछे.. जो ब्यारी देख रखि छि उ अंग्रेज हई ने...

चम्पा.... होई पे... मिकणी यस लागड़ फैटो कि उ कसिक हमर दगड़ रोलि और मि कसिक विक दगड़ बुलुल.. उं पहाड़ी त दूर के बात हिंदी ले नि जाड़ने भय.. पे हमर पुज पाठ देवी देवता कें आघिल के को पुजल.. य चिंता हेगे... हमरि पहाड़ कि संस्कृति हर म्हेण त्यार, देहि द्वार लिपड़, ऐपण, गेय काव कें पूजण, अपण पितरों कें पूजण, श्राद्ध करण सब को करल, हमर मरि बाद हमर कोई श्राद्ध करणी ले कोय नि होल... और कसि इनरी औलाद होलि.. मि त तब बटि यौई सोचि बेर बीमार हई गयूँ... भुला...

विमला... तू किले अपड़ खून सुखुड़े छै यतु नि सोचन सब ठीक हेजाल.. उ ले सब सिख जालि, अग्रेज छू त के ह... छू त मंखि ने सब सिख जालि... परेशान नि ह... य हमरि जिंदगी जे के छू.... अब उनरी जिंदगी छू करण दे, जो जे करणी तू मस्त रई कर ....

चम्पा.. सब छोडी रखो दिन काटड़ भौते मुश्किल हे रई भुला... एक च्येल हय हमूकें ले और कोय ठिकाड हय न अब विकें मन कसि करणे पड़ी...

हम ले सब छोडी छाड़ी बेर वैईं नेहगयूं..... म्यर मन नि लागण वाँ मिकें न वाँ बुलाण उनेर हय, न कैके जबाब दिड उनेर हय, बस गुंग जस बैठिये रुनु... उं लोग ले जे बात करूँ हुनाल गिट-पिट गिट-पिट मिकें के समझ नि उन... मि त पगला जसि जानु... मणि टेम पुज पाठ मे लगनु, और के काम नहां म्यर पास...

सब ठीके चल रोछि एक दिन कुंछा हम सब चाइये रेग्यूं.. ब्याव इकोई टेम हुनल संध्या टेम तब तलक व्यारी नाचि गे... केकणी के समझ नि आय, अपड़ सब बाल खोलि दी, विक आंग दयाप्त ऐगो.... नाचन-नाचने उ कुमाउनी में बुलाड़ फेटी...

विमला.. ओ ईजा हाई... पे के होय

चम्पा.... नाचन-नाचने विल क.. फ़लाड़ जाग के म्यर थान छू, कतु साल बटि तुमुल मिकें नि पुज... मेरि खबर किले नि लिड़ा... आपु सब यो विदेश मे भै रो छा... मिकें को पुछल...

उ दिन बटि अब देवता कि खोज खबर करूंहूं यो पहाड़ ऐरयूं..

विमला... य पहाड़ कि जन्मभूमि के कोई ले छोडी बेर कैं ले नैह जानि पर भुला यो पहाड़े कि भूमि अपड़ी थाथ छू....यो अपड़ मैसों कें कभे नि छोड़ि नि... तुम जां जाला य वई बटि तुमकें पहाड़ जरूर बुलालि.... तुई बता धै उ अंग्रेज ब्वारी के पत्त क कि पहाड़ क दयाप्त कस हुनि पहाड़ कि संस्कृति के हिं... फिर ले देखो धै विल सब कसि बता...

चम्पा..... ठीक कुनै छै भुला.. जब बटि उ नाचि तब बटि विल ले पहाड़ उणे कि रट लगे रे.. अब अघिल म्हेण सब पहाड़ आल पे जै ले पुज पाठ होल जब सब करुल... द्यापतों के जे के भूलि रयूं ...

विमला कि भौजी चुल बटि धात लगे... नंदा खाऊं पाकिगो पेलि खये लियो पे पुर रात बात करने रया... आज बरसों बाद द्वि दगडु'ल दगड़े खाऊं खा.... रात अपणी अपणी काथ मे बिते दी...

दूसर दिन रत्तीपर द्वि द्वि दगडु कभते गाव मिलणी कभते दाड मारणी.... दे भुला यतु वर्षो मे आज मुलाक़ात हेरे...अब पत्त ने कब भेंट घाट होलि, होलि ले कि ने के पत्त ने... कुन-कुनै अपड़ आँचव'ल आंसू कें पोछने अपड़ अपड़ घर हूँ गई...

एक म्हेण बाद चम्पा अपड़ च्येल ब्वारी कें लि बेर पहाड़ ऐ.. अपड़ घर क द्यापतों कि पुज करि... ब्वारी ल फिर नाचने नाचने क यहाँ द्यापतों क मंदिर बणाओ.. पे गंव में द्यापतों मंदिर ले बणा...

अंग्रेज ब्वारी कें पहाड़ भौते भल लागो विल क जब तलिक हमरि नौकरी छू हम हर साल ए बेर द्यापतों पुज पाठ करुल रिटायरमेंट क बाद हम अपडे पहाड़ में रूल..
यो बात सबुकें भलि लागि...

पुष्पा
@सर्वाधिकार सुरक्षित
14/9/2023