Google of Salem District

30/04/2023

https://m.facebook.com/story.php?story_fbid=121698924237101&id=100091909817601&mibextid=Nif5oz

மே 1 தொழிலாளர் தினத்தை முன்னிட்டு 01.05.2023 ஞாயிற்றுகிழமை நடைபெறும் கிராம சபை கூட்டத்தில் அனைவரும் பங்கேற்று..தங்கள் கிராமத்தின் கோரிக்கைகளை தீர்மானமாக நிறைவேற்றுவோம்...

28/04/2023

28/04/2023

*அங்கன்வாடி ஊழியர்கள் திடீர் சாலைமறியல்*

சேலம்
சேலத்தில் அங்கன்வாடி ஊழியர்கள் திடீரென சாலை மறியலில் ஈடுபட்டதால் பரபரப்பு ஏற்பட்டது.

காத்திருப்பு போராட்டம்

தமிழகத்தில் அங்கன்வாடி பணியாளர்களை அரசு ஊழியராக்கி ஊதியம் வழங்க வேண்டும், புதிய ஓய்வூதிய திட்டத்தை ரத்து செய்துவிட்டு பழைய ஓய்வூதிய திட்டத்தை உடனே அமல்படுத்த வேண்டும், பணி நிரந்தரம் மற்றும் காலமுறை ஊதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி நேற்று முன்தினம் மாலை முதல் மாநில முழுவதும் அங்கனவாடி ஊழியர்கள் காத்திருப்பு போராட்டத்தில் ஈடுபட்டனர்.

அதன்படி சேலம் கலெக்டர் அலுவலகம் அருகே அங்கன்வாடி ஊழியர்கள் மாவட்ட தலைவர் வசந்தகுமாரி தலைமையில் காத்திருப்பு போராட்டம் நடத்தினர். அங்கன்வாடி ஊழியர்களை இரவில் போலீசார் கலைந்து செல்லுமாறு கூறினர். ஆனால் அவர்கள் கலந்து செல்லாமல் இரவு முழுவதும் சாலையிலேயே படுத்து தூங்கினர்.

சாலை மறியல்

அவர்களுடைய போராட்டம் நேற்று 2-வது நாளாக நீடித்தது. அவர்கள் சாலையிலேயே அமர்ந்திருந்தனர். மேலும் வெயிலை சமாளிக்க கூடாரம் போன்று அமைக்கப்பட்டிருந்தது. திடீரென அங்கன்வாடி ஊழியர்கள் கலெக்டர் அலுவலகம் அருகே சாலை மறியலில் ஈடுபட்டனர். இதனால் பரபரப்பு ஏற்பட்டது. போக்குவரத்தும் பாதிப்பு ஏற்பட்டது. அவர்களிடம் போலீசார் பேச்சுவார்த்தை நடத்தினர். தொடர்ந்து அவர்கள், சாலை மறியலை கைவிட்டனர்.

இதற்கிடையில் சென்னையில் போராட்டக்காரர்களுடன் நடைபெற்ற பேச்சுவார்த்தையில் உடன்பாடு ஏற்பட்ட தகவல் அவர்களுக்கு தெரியவந்தது. இதையடுத்து அங்கன்வாடி ஊழியர்கள் காத்திருப்பு போராட்டத்தை கைவிட்டு கலைந்து சென்றனர்.

வெறிச்சோடிய அங்கன்வாடி மையங்கள்

அங்கன்வாடிகளில் பணிபுரியும் அலுவலர்கள் மற்றும் உதவியாளர்கள் பல்வேறு கோரிக்கைகளை வலியுறுத்தி கடந்த 2 நாட்களாக காத்திருப்பு போராட்டம் நடத்தினர். இதனால் நேற்று பெரும்பாலானோர் அங்கன்வாடி மையங்களுக்கு செல்லாமல் பணியை புறக்கணித்தனர்.

இதன் காரணமாக பெற்றோர்கள் தங்களது குழந்தைகளை அங்கன்வாடி மையங்களுக்கு அனுப்பவில்லை. இதன் காரணமாக அங்கன்வாடி மையங்கள் வெறிச்சோடி காணப்பட்டன.

28/04/2023

ஆத்தூர் புதுப்பேட்டை வேளாண்மை கூட்டுறவு சங்கத்தில் ரூ. 1 கோடியே 85 லட்சத்திற்கு பருத்தி ஏலம் விடப்பட்டது. சுற்றுவட்டார பகுதியில் உள்ள விவசாயிகள் 7300 மூட்டைகளை கொண்டு வந்தனர்.

இந்த நிலையில் பிடி ரகம் ரூ. 6 ஆயிரம் முதல் ரூ. 7620 வரை டிடிஎச் ரகம் ரூ. 5900 முதல் ரூ. 7720 மொட்டு ரகம் ரூ. 4000 முதல் ரூ. 6100 வரை விலை போனது.

28/04/2023

*கொடுத்த கடனை வசூலிக்காத கூட்டுறவு அதிகாரி பணி இடைநீக்கம்*

சேலம் சேலம் மாவட்டம் தோரமங்கலம் தொடக்க வேளாண்மை கூட்டுறவு சங்க செயலாளராக இருந்தவர் அப்புசாமி. இவர், கடந்த 2012-ம் ஆண்டு முதல் 2018-ம் ஆண்டு வரை 600-க்கும் மேற்பட்டவர்களுக்கு ரூ.3½ கோடி வரை கடன் வழங்கி உள்ளார். அந்த கடனை சரிவர வசூலிக்கவில்லை என அப்புசாமி மீது புகார் எழுந்தது. இதுதொடர்பாக ஓமலூர் சரக கூட்டுறவு அதிகாரிகள் விசாரணை நடத்தி அறிக்கையை சேலம் மண்டல கூட்டுறவு சங்கங்களின் இணைப்பதிவாளர் ரவிக்குமாரிடம் ஒப்படைத்தனர். கொடுத்த கடனை வசூலிக்க நடவடிக்கை எடுக்காத அப்புசாமியை பணி இடைநீக்கம் செய்து இணைப்பதிவாளர் ரவிக்குமார் உத்தரவிட்டார். நாளை மறுநாள் (30-ந் தேதி) பணி ஓய்வுபெற இருந்த நிலையில் அப்புசாமி பணி இடைநீக்கம் செய்யப்பட்டுள்ளது குறிப்பிடத்தக்கது.

28/04/2023

*சேலம் சுகவனேசுவரர் கோவில் அர்ச்சகர் பணிநீக்கம்*

சேலம் சேலம் சுகவனேசுவரர் கோவிலுக்கு வந்த பெண்ணிடம், தற்காலிக பணியில் இருந்த அர்ச்சகர் ஒருவர் ஒழுங்கீனமாக நடந்து கொண்டார். இதுதொடர்பான புகாரின் பேரில் அர்ச்சகர் மீது கோவில் உதவி ஆணையாளர் சரவணன் விசாரணை நடத்தினார். விசாரணை முடிவில் அர்ச்சகர் பணி நீக்கம் செய்யப்பட்டதாக உதவி ஆணையாளர் சரவணன் தெரிவித்தார்.

28/04/2023

*மருத்துவ மாணவியை கர்ப்பமாக்கிய தர்மபுரி டாக்டர் மீது வழக்கு*

சேலம்
சேலம் அழகாபுரம் பகுதியை சேர்ந்தவர் ரியா ஸ்டெபி (வயது 23). இவர் சேலத்தில் உள்ள ஒரு தனியார் சித்தா மருத்துவ கல்லூரியில் இறுதியாண்டு படித்து வருகிறார். ரியா ஸ்டெபி அம்மாபேட்டை அனைத்து மகளிர் போலீஸ் நிலையத்தில் புகார் ஒன்று கொடுத்தார். அதில் கூறி இருப்பதாவது:-

தர்மபுரியை சேர்ந்த தமிழ்செல்வன் என்பவர் திருவண்ணாமலையில் உள்ள ஒரு தனியார் ஆஸ்பத்திரியில் ஆர்த்தோ டாக்டராக பணியாற்றி வருகிறார். இவருக்கும் எனக்கும் முகநூல் மூலம் பழக்கம் ஏற்பட்டது. நாங்கள் இருவரும் காதலித்து வந்தோம். எங்களது காதலை அவரது வீட்டில் ஏற்றுக் கொண்டனர். இதனால் தமிழ்ச்செல்வன் குடும்பத்தினருடன் பழகி வந்தேன். மேலும் தமிழ்செல்வனுடன் நெருங்கி பழகியதால் நான் கர்ப்பம் ஆனேன். அவர் கட்டாயத்தின் பேரில் நான் கருவை கலைத்தேன். இந்த நிலையில் தமிழ்செல்வன் என்னை திருமணம் செய்ய மறுத்து வருகிறார். எனவே காதலித்து ஏமாற்றிய அவர் மீது நடவடிக்கை எடுக்க வேண்டும்.

இவ்வாறு அந்த புகார் மனுவில் கூறப்பட்டுள்ளது.

அதன்பேரில் தமிழ்செல்வன் மற்றும் அவரது குடும்பத்தினர் 3 பேர் மீது போலீசார் வழக்குப்பதிவு செய்துள்ளனர்.

28/04/2023

*சேலம் வழியாக சிறப்பு ரெயில்கள் இயக்கம்*

சேலம்
சூரமங்கலம்:

பயணிகள் கூட்ட நெரிசலை தவிர்க்க சேலம் வழியாக சிறப்பு ரெயில்கள் இயக்கப்படும் விவரங்களை ரெயில்வே நிர்வாகம் அறிவித்து உள்ளது.

சிறப்பு ரெயில்கள்

ரெயில்களில் ஏற்படும் பயணிகள் கூட்ட நெரிசலை தவிர்க்க ரெயில்வே நிர்வாகம் முக்கிய வழித்தடங்களில் சிறப்பு ரெயில்களை இயக்கி வருகிறது. அந்த வகையில் தற்போது கர்நாடக மாநிலம் ஹூப்ளியில் இருந்து காரைக்குடிக்கு சேலம், நாமக்கல், கரூர், திருச்சி வழியாக சிறப்பு ரெயில் இயக்கப்படும் என ரெயில்வே நிர்வாகம் அறிவிப்பு வெளியிட்டுள்ளது.

அதன்படி இந்த சிறப்பு ரெயில் (வண்டி எண்- 07389) இன்று (வெள்ளிக்கிழமை) ஹூப்ளி ரெயில் நிலையத்தில் இருந்து காலை 6.30 மணிக்கு புறப்பட்டு பெங்களூரு, கிருஷ்ணராஜபுரம், பங்காருபேட்டை வழியாக மாலை 6.45 மணிக்கு சேலம் வந்தடையும். பின்னர் இங்கிருந்து 6.55 மணிக்கு புறப்பட்டு இரவு 7.44 மணிக்கு நாமக்கல் சென்றடையும். அங்கிருந்து 7.45 மணிக்கு புறப்பட்டு இரவு 8.23 மணிக்கு கரூரூக்கும், பின்னர் திருச்சி, புதுக்கோட்டை வழியாக நள்ளிரவு 12.35 மணிக்கு காரைக்குடி சென்றடையும்.

இதேபோல் மறு மார்க்கத்தில் சிறப்பு ரெயில் (வண்டி எண்-07390) காரைக்குடி ரெயில் நிலையத்தில் இருந்து நாளை (சனிக்கிழமை) மதியம் 12.10 மணிக்கு புறப்பட்டு புதுக்கோட்டை, திருச்சி, கரூர் வழியாக மாலை 4.03 மணிக்கு நாமக்கல் வந்தடையும். பின்னர் அங்கிருந்து 4.05 மணிக்கு புறப்பட்டு மாலை 4.50 மணிக்கு சேலம் வந்தடையும். பின்னர் இங்கிருந்து 5 மணிக்கு புறப்பட்டு பங்காருபேட்டை, கிருஷ்ணராஜபுரம், பெங்களூரு வழியாக மறுநாள் காலை 5.30 மணிக்கு ஹூப்ளி சென்றடையும்.

கேரளாவுக்கு இயக்கம்

மேலும் கர்நாடக மாநிலம் அர்சிகெரே ரெயில் நிலையத்தில் இருந்து சேலம், ஈரோடு, திருப்பூர், கோவை வழியாக கேரள மாநிலம் கண்ணூருக்கு சிறப்பு ரெயில் இயக்கப்படும். அதன்படி இந்த சிறப்பு ரெயில் (வண்டி எண்-06205) இன்று அர்சிகெரே ரெயில் நிலையத்தில் இருந்து மதியம் 12.15 மணிக்கு புறப்பட்டு பெங்களூரு, கிருஷ்ணராஜபுரம், பங்காருபேட்டை வழியாக இரவு 7.47 மணிக்கு சேலம் வந்தடையும், பின்னர் இங்கிருந்து 7.50 மணிக்கு புறப்பட்டு ஈரோடு, திருப்பூர், கோவை, பாலக்காடு வழியாக மறுநாள் காலை 5.15 மணிக்கு கண்ணூர் சென்றடையும்.

இதேபோல் மறு மார்க்கத்தில் கண்ணூர்-அர்சிகெரே சிறப்பு ரெயில் (வண்டி எண்-06206) நாளை கண்ணூர் ரெயில் நிலையத்தில் இருந்து காலை 8 மணிக்கு புறப்பட்டு தலச்சேரி, வடகரா, கோழிக்கோடு, திரூர், சோரனூர், பாலக்காடு, கோவை, திருப்பூர், ஈரோடு வழியாக மாலை 4.45 மணிக்கு சேலம் வந்தடையும். பின்னர் இங்கிருந்து 4.48 மணிக்கு புறப்பட்டு பங்காருபேட்டை, கிருஷ்ணராஜபுரம், பெங்களூரு வழியாக மறுநாள் அதிகாலை 3 மணிக்கு அர்சிகெரே ரெயில் நிலையம் சென்றடையும்.

இந்த தகவல் சேலம் ரெயில்வே கோட்ட அலுவலக செய்திக்குறிப்பில் தெரிவிக்கப்பட்டு உள்ளது.

28/04/2023

*கிணற்றில் குதித்து பெண் தற்கொலை*

சேலம் மேட்டூர்:- ஜலகண்டாபுரம் அருகே உள்ள கரிக்காபட்டி கிராமம் தோரமங்கலம் பகுதியை சேர்ந்தவர் வடிவேலு, விசைத்தறி தொழிலாளி. இவருடைய மனைவி துர்கா (வயது 23). இவர்களுக்கு திருமணம் ஆகி 4 வயதில் ஜனார்த்தனன் என்ற மகன் உள்ளான். துர்காவின் அத்தை பூங்கொடி என்பவர் கொளத்தூர் அருகே உள்ள பூமனூர் கிராமம் கருங்கரடு பகுதியில் உள்ள பழனியப்பன் என்பவருடைய விவசாய நிலத்தை குத்தகைக்கு எடுத்து விவசாயம் செய்து வருகிறார். இந்த நிலையில் கடந்த 25-ந் தேதி துர்கா தனது கணவர் மற்றும் குழந்தையுடன் கருங்கரடு பகுதியில் உள்ள தனது அத்தை பூங்கொடியின் வீட்டிற்கு வந்தார். நேற்று காலை துர்காவை திடீரென காணவில்லை. இதனால் அவர் கிணற்றில் குதித்திருக்கலாம் என்ற சந்தேகத்தின் பேரில் மேட்டூர் தீயணைப்பு நிலையத்திற்கு துர்காவின் குடும்பத்தினர் தகவல் தெரிவித்தனர்.

மேட்டூர் தீயணைப்பு படை வீரர்கள் நிலைய அலுவலர் வெங்கடேசன் தலைமையில் அங்கு வந்து கிணற்றில் இறங்கி தேடினர். அப்போது தண்ணீரில் மூழ்கி இறந்து போன துர்காவின் உடலை அவர்கள் மீட்டனர். இது குறித்து தகவல் கிடைத்ததும் விரைந்து வந்த கொளத்தூர் போலீசார், துர்காவின் உடலை கைப்பற்றி பிரேத பரிசோதனைக்காக மேட்டூர் அரசு ஆஸ்பத்திரிக்கு அனுப்பி வைத்தனர். மேலும் சம்பவம் குறித்து போலீசார் வழக்குப்பதிவு செய்தனர். போலீசாரின் முதற்கட்ட விசாரணையில் துர்கா கிணற்றில் குதித்து தற்கொலை செய்து கொண்டது தெரியவந்தது. அவர் எதற்காக தற்கொலை செய்து கொண்டார் என்பது குறித்து போலீசார் விசாரணை தொடர்ந்து விசாரித்து வருகின்றனர்.

27/04/2023

சேலம்: `63 நாயன்மார்களின் திருவீதி உலா' - ஆயிரக்கணக்கான பக்தர்கள் தரிசனம்!

சேலம், அருள்மிகு சுகவனேஸ்வரர் திருக்கோயிலில் ஆண்டுதோறும் திருவெம்பாவைப் பெருவிழாக் கழகம் சார்பில் 63 நாயன்மார்களின் திருவீதி உலா நடைபெறும். அதனடிப்படையில் இந்த வருடம் 20வது ஆண்டு 63 நாயன்மார்களின் திருவீதி உலா நடைபெற்றது.

இதனைத் தொடர்ந்து ருத்ர பாராயணமும் சிறப்புயாகமும் நடைபெற்றதை தொடர்ந்து, வலம்புரி விநாயகர் சுகவனேஸ்வரர் மற்றும் சொர்ணாம்பிகைக்கு சிறப்பு அபிஷேகள் செய்யப்பட்டன. பின்னர் மாலையில் சுகவனேஸ்வரர்- சொர்ணாம்பிகை ஆகியோருக்கு சிறப்பு அலங்காரம் செய்யப்பட்டு நந்தி வாகனப் பல்லக்கில் எழுந்தருளினர்.

அதைத் தொடர்ந்து திருமூலர் புத்தகத்திற்குப் பூஜை செய்யப்பட்ட பின்னர் சேக்கிழார் சிறு தொண்டர் நாயனார், திருமூலர், திருஞானசம்பந்தர், காரைக்கால் அம்மையார், ஸ்ரீசடைய நாயனார், ஸ்ரீ நீலகண்ட யாழ்ப்பாணர், பூசலார் நாயனார் உள்ளிட்ட 63 நாயன்மார்களுக்குப் பல்வேறு வாசனை மலர்களால் சிறப்பு அலங்காரம் செய்யப்பட்டு தனித்தனி பல்லக்கில் அமர்த்தப்பட்டு சிறப்பு பூஜைகள் நடைபெற்றன.

வேதங்கள் முழங்க மங்கள வாத்தியம் இசைக்க சிவாசார்யர் அர்ச்சனை செய்த பின்னர் மகா தீபாராதனை காண்பிக்கப்பட்டது. இதனைத் தொடர்ந்து 63 நாயன்மார்களும் திருவீதி உலா கண்டருளினர். சுகவனேஸ்வரர் கோயிலில் தொடங்கி சின்னக் கடைவீதி கன்னிகா பரமேஸ்வரி கோயில் வழியாக மீண்டும் சுகவனேஸ்வரர் ஆலயத்தை அடைந்தது ஊர்வலம். இந்தத் திருவீதி உலாவைக் காண அப்பகுதியில் இருந்து ஆயிரத்துக்கும் மேற்பட்ட பக்தர்கள் வருகை புரிந்து தரிசனம் செய்தனர். திருவீதி உலா வைபவத்தின் ஏற்பாட்டினை திருவெம்பாவைப் பெருவிழாக் கழக நிர்வாகிகள் சிறப்பாக செய்திருந்தனர்.
மேலும் இதுபோன்ற தகவல்களை அறிய நமது மேலும் இதுபோன்ற தகவல்களை அறிய நமது https://www.facebook.com/profile.php?id=100091862814296&mibextid=ZbWKwL முகநூல் பக்கத்தை பின்தொடருங்கள் Google of Salem District