28/04/2024
Confirm तिकीटमध्ये ही कधीकधी promotion मिळतं हो हे खरंय !
फुल्लं रिजर्वेशन असतानाही तिकीट booking करणाऱ्या माझ्या अतिउत्साहाची कोकणकन्येच्या तात्काळ quota ने तितक्याच अतिऊत्साहाने हकालपट्टी केली.
हा जिव्हारी लागलेला घाव सावरंत मी डोळे मिटले आणि स्वप्नांत एखादी परी दिसावी तशी लालपरी अवतरली. डोक्यावर सामानाची रिंग, १ हातात F1 वालेही नांग्या टाकतील अशा पध्दतीने स्टेअरिंग धरलेला आणि आणि दुसऱ्या हातात जागतिक प्रसिध्दी लाभलेला तंबाखु तोंडात टाकणारा चालक, कितीही टेंशन असलं तरी प्रवाशांचं तिकीट शांतपणे पाहणारा वाहक हे जणु मला खुणावत होते, ''काय रे ? विसरलंस आमका? ''
बस्स मग काय ... डोळे उघडले माझे.
मोबाईल हातात घेतला आणि पुन्हा डोळे मिटुन लालपरी चं स्मरण केलं. डोळे उघडुन लगबगीने MSRTC चं App उघडलं. एरवी गंडणारं App झटकन् उघडलं मी ही लगबगीने तिकीट बुक करायला बस निवडली... आणि अहो भाग्यं चमात्कार व्हावा तशी १ seat available होती ती ही शेवटची. माझ्या मनाला जितका आनंद झाला असेल ना तितकंच दु:ख माझ्या पाठ आणि कमरेखालच्या भागाला झालं, जास्त विचार करण्यात वेळ घालवायचा नव्हता सुदैवाने तिकिट तर book झालं. पण रात्रंभर माझं मन, पाठ आणि कमरेखालचा भाग यांची वायफळ महाचर्चा रंगली होती.
रात्रीच्या महाचर्चेचा hangover सकाळपर्यंत उतरला नव्हता, संध्याकाळी लालपरीत पाय ठेउन त्या seat वर जाईपर्यंत ही महाचर्चा पुन्हा चालू झाली.
मी मुलीबरोबर निमुटपणे त्या seat वर विसावलो. वाहकाने तिकिट पाहिलं आणि मी त्यांना विनंती केली ''seat adjust होते का बघाल का? Plz''. त्यांनी खचलेल्या पण तितक्याच आत्मविश्वासी आवाजात प्रत्युत्तर दिलं,'' बघुया काय ता''. खरंतर त्याक्षणी ते ३ शब्दं मला कोणत्याही नेत्याने दिलेल्या आश्वासनापेक्षाही जास्त भक्कम आणि धाडसी वाटले. मावळत्या आशेने प्रवास सुरु असतानाच पुढच्या पाच मिनिटांत १कुटुंब मागच्या सीटवर आलं. त्या कुटुंबातील १ महिलेची seat नेमकी चालकाच्या मागे होती. पण कुटुंबातील ईतर मंडळींना सोडुन ती महिला पुढे बसण्यास तयार नव्हती, तितक्यात वाहक आले आणि सोप्प्या भाषेत मांडवली करुन त्यांना म्हणाले,'' तुमी तिथे जातालात की ह्यांका जाउक सांगु? ''. मी, ते कुटुंब आणि सहप्रवासी यांची अवस्था review घेतलेला खेळाड, निर्णय दिलेला पंच आणि दोन्ही संघ यांच्यासारखी झालेली, पण इथे माझ्याकडे निर्णयासाठी ५०% scope होता. मी क्षणाचाही विलंब न करता म्हणालो, '' माका चलतला, ह्यांका चलतला काय? '' त्या महिलेने आणि तिच्या अहोंनी काहीही नं म्हणता मला फक्त स्माईल दिली आणि दोन्ही संघांच्या बाजुने निर्णय लागला आणि सामना बरोबरीत सुटला. मी उभा राहिलो तसा पाठ आणि कमरेच्या खालच्या भागाने सुटकेचा निश्वास सोडला अगदी मनसोक्त
. आणि confirm तिकिटावर मिळालेलं promotion बघुन बऱ्याच जणांच्या भुवया ऊंचावल्या आणि मला बसमध्ये नाही तर corporate office मध्ये असल्याचा क्षणिक भास झाला.
©•••• ••• •• प्रथमेश सुरेश शिरसाट
#दृष्टीत_टिपलेली_दुनिया
