𝒥𝑜𝓎𝒻𝓊𝓁 𝓜𝓎𝒶𝓃𝓂𝒶𝓇 𝒱𝒾𝒷𝑒𝓈

23/01/2025

လုပ်ငန်းစီမံခန့်ခွဲမှုဆိုသည်မှာ လုပ်ငန်းတစ်ခုရဲ့ ရည်မှန်းချက်များကို အောင်မြင်စွာ ဆောင်ရွက်နိုင်စေရန်အတွက် အစီအစဉ်များချမှတ်ခြင်း၊ အရင်းအမြစ်များကို ထိထိရောက်ရောက်အသုံးပြုခြင်း၊ ဝန်ထမ်းများကို ညွှန်ကြားဆောင်ရွက်စေခြင်းနှင့် လုပ်ငန်းဆောင်ရွက်မှုများကို ထိန်းချုပ်ကြည့်ရှုခြင်းတို့ ပါဝင်သည်။

အဓိကဖွဲ့စည်းချက်များ
°°°°°°°°°°°°°°°°°°°°°°°°°°
∆ အစီအစဉ်ရေးဆွဲခြင်း (Planning)

ရည်မှန်းချက်များကို သတ်မှတ်ပြီးအကောင်အထည်ဖော်ရန် လမ်းကြောင်းများ ရေးဆွဲခြင်း။

∆ စီမံခန့်ခွဲခြင်း (Organizing)

လုပ်ငန်းတာဝန်များကို ခွဲဝေပြီး အဖွဲ့အစည်းအတွင်း အခန်းကဏ္ဍများအား သတ်မှတ်ခြင်း။

∆ ဦးဆောင်မှု (Leading)

ဝန်ထမ်းများကို လိုအပ်သော လမ်းညွှန်မှု၊ သြဇာသက်ရောက်မှုနှင့် ဆန်းသစ်‌သော စိတ်ဓာတ်ဖြင့် လမ်းပြခြင်း။

∆ ထိန်းချုပ်မှု (Controlling)

လုပ်ငန်းဆောင်ရွက်မှုများကို အချိန်နှင့်တပြေးညီ စစ်ဆေးကာ ရလဒ်များကို သတ်မှတ်ချက်များနှင့် နှိုင်းယှဉ်ခြင်း။

လုပ်ငန်းစီမံခန့်ခွဲမှုမှာ လုပ်ငန်းအောင်မြင်မှုအတွက် အရေးကြီးသော အခန်းကဏ္ဍတစ်ခုဖြစ်ပြီး ထိရောက်မှု (Efficiency) နှင့် အကျိုးရှိမှု (Effectiveness) ရရှိစေရန် ဆောင်ရွက်ရသည်။

17/01/2025

ရောဂါပေါင်း ၆၁ မျိုးအတွက် ဆေးဘက်ဝင်တဲ့ ဆီးဖြူသီး ( တန်ဖိုးရှိတဲ့ ပို့လေးမို့သိမ်းထားလိုက်ပါ )

( ၁ ) ဒူလာသွေးဝမ်းပျက်ရောဂါအတွက် ဆီးဖြူသီးခြောက်ကို ငါးရှဥ့်နှင့် ချက်စားရသည် ၊

( ၂ ) အရေးပြားတွင် ဖြစ်တတ်သော ယားနာ၊ပွေး၊ညင်း၊တင်းတိပ်များအတွက်ဆီးဖြူသီးခြောက်(သို့)အစိုကိုသွေး၍ သံပုရာသီးအနည်းငယ်ထည့်ပြီးလိမ်းရသည် ။

( ၃ ) ဆီးချိုရောဂါအတွက် ဆီးဖြူ(သို့)မြေဆီးဖြူ ပဉ္စငါးပါးပြုတ်သောက်ရသည် ၊

( ၄ ) နှာခေါင်းသွေးလျုံလြင်းအတွက် ဆီးဖြူသီးကို ကြိတ်၍ထိပ်ကအုံပေးရသည် ။

( ၅ )ဆီးပုပ်ရောက်ဂါအတွက် ဆီးဖြူသီးခြောက်မှုန့်ကိုထန်းလျက်၊များရည်၊တကာနှင့်နယ်စားရသည် ။

( ၆ )သွေးဝမ်းသွားလျှင် ဆီးဖြူသီး အစိမ်းကိုထောင်း၍ အရည်ညစ်ယူပြီးသံပုရာရည်နှင့် သောက်ရသည် ။

( ၇ ) လျှာကွဲခြင်း၊ပါးစပ်ကွဲခြင်း၊ပေါက်ခြင်းနှင့်ရေစီးကမ်းပြိုခြင်းများအတွက် ဆီးဖြူသီးရွက်ကို ရေနှင့်သုံးခွက်တစ်ခွက်တင်ကျို၍ရသော အရည်ကို ပလုတ်ကျင်းပေးရသည် ။

( ၈ ) ဆီးဖြူသီးသည် ချောင်းဆိုး၊ ပန်းနာ၊လေနာ တို့ကို ပျောက်ကင်းစေသည် ၊

( ၉ ) မီးလှောင်နာ ၊ ရေနွေးပူလောင်နာ များအတွက် ဆီးဖြူရွက်ကို အကျွမ်းလှော်၍အမှုန့်ပြူပြီး ဖြူးပေးရသည် ၊

( ၁၀ ) ကလေးများတွင် ဖြစ်တတ်သော ကျဗဟုံးနာ အတွက် ဆီးဖြူရွက်ကို ကျွမ်းအောင် လှော်၍ လိမ်း ရသည် ၊

( ၁၁ ) ဝမ်းသက်ခြင်း ၊ အစာမကြေခြင်းများ အတွက် ဆီးဖြူရွက်နုများကိုပုန်းရည်နှင့် ကျွေးရသည် ။

( ၁၂ ) မျက်စိတွင်ဖြစ်တတ်သော ရောဂါများအတွက် အစေ့ကို ထုထောင်းချေပြီးရေနွေးနှင့်ပြုတ်၍မျက်စိကို ဆေးကြောပေးရသည် ။

( ၁၃ ) သွေးလွန်( ရာသီလွန်လျှင်) ဆီးဖြူသီးအလုံးကြီးကို စားရသည်။

( ၁၄ ) သွေးဒူလာ အတွက် ဆီးဖြူ၊ဖန်ခါး၊ကြစု၊သစ်သီးစိမ့်၊ နံသာဆီတုံးခွက်တစ်ခွက်တင်ပြု၍ အသင့်အတင့်သောက်သုံးပေးရသည်။

( ၁၅ ) ဒူလာသရောနာ(ဆီးသွားသော အခါ ခါးကိုက်ပြီးအဖြူဖတ်များပါသောရောဂါ)တွက် ဆီးဖြူသီး၊နနွမ်းစုကြီးတို့ကို ကြိတ်၍ စားပေးရသည်၊

( ၁၆ ) ဒူလာမုတ္တကိတ်ရောဂါအတွက် ဆီးဖြူသီးကို စားပေးရသည်။

( ၁၇ ) သွေးဝမ်းလွန်ရောဂါများ အတွက် ဆီးဖြူရွက်ပြုတ်အရည်ကိုထန်းလျက်(သို့)သကြားနှင့်ဖျော်သောက်ရသည်။

( ၁၈ ) ထုံကျင်နာအတွက် ဆီးဖြူသီးခြောက်၊ ဖန်ခါးသီးခြောက်၊ဆင်သမနွယ်၊ကန့်ချုပ်နီ၊နွားဖြေရင်း၊မာလာ၊အိပ်မွေ့သီး၊ ငရုတ်ကောင်း၊ ကံကော်ဝတ်ဆံနှင့် အတူ စု၍ သကြားနှင့်သုံးဆောင်ရသည်၊

( ၁၉ ) လျှာကွဲခြင်း အတွက် ဆီုးဖြူသီးကို ရေနှင့်သုံးခွက်တစ်ခွက်တင်ပြုတ်၍ပလုတ်ကျင်းပေးရသည်၊

( ၂၀ ) မက္ခရုရောဂါ အတွက် ဆီးဖြူသီးမီးဖုတ်၊ ယင်းပြာကို ဆီနှင့် ဖျော်၍ပွတ်ပေးရသည်။

( ၂၁ ) မီးယပ်ဖြူဆင်းခြင်း အတွက် ဆီးဖြူသီးစေ့ကို ရေနွေးနှင့်သွေး၍ ရေကိုစစ်ယူပြီး ပျားရည်၊ သကြားတို့နှင့် ရောသောက်ရသည်။

( ၂၂ )အညောင်း၊ခါးနာခါးကိုက်၊ အမောအပန်း၊ဒုလာရောဂါအတွက်ငါးရှဥ့်ပနီမီးကင်ခြောက်ကို ဆီးဖြူသီးခြောက်ထည့်ပြီး နူးအောင် ပြုတ်ရသည်။ကြက်သွန်၊ဆားခတ်၍ နှမ်းဆီနှင့်မကြာမကြာ ကြော်ချက်စားရသည်။

( တစ်နေ့တစ်ဇွန်းမှာ့နှစ်ဇွန်းထိမှီဝဲရသည် ။ )

( ၂၃ ) ဓါတ်ချူပ်ရောဂါအတွက် ဆီးဖြူသီးကို အခြောက်လှမ်း၍ အမှုန့်ပြုပြီးပျားရည်နှင့် ရောစားရသည်။ဓါတ်ကို ပျော့စေပါသည်။

( ၂၄ ) ဆီးဖြူသီးခြောက်ဆေးသည် အစာကိုကြေလွယ်စေသည်။ ယောကျာင်္ံးတို့၏ ခွန်အားကိုဖြစ်စေသည်။ကာမအားကို ဖြစ်စေပါသည်။

( ၂၅ ) အသက်ရှည်၊ အဆင်းလှစေရန် ဆီးဖြူသီးကို အခြောက်လှမ်း၍ အမှုန့်ပြုပြီးပျားရည်နှင့် ရောစားရသည်။

( ၂၆ )ဘင်ခြောက်ခြင်းကို ပြေစေရန် ၊ဓါတ်သွားစေရန် ဆီးဖြူသီး အစိမ်းကို စားရသည်။

( ၂၇ ) အသံသာစေရန် ဆီးဖြူသီးကို ဆားရည်စိမ်၍ ဟင်းလျှာများနှင့် ချက်စားရသည်။

( ၂၈ ) ချောင်းဆိုး၊မျက်စိနာ၊ကင်းပျောက်စေရန်၊ ပိုးများသေစေရန်ဆီးဖြူသီးကို ဆားရည်စိမ်၍ ဟင်းများတွင် ထည့်ချက်စားရသည်။

( ၂၉ ) လေတင်တုန်းရောဂါများအတွက် ဆီးဖြူသီးမှုန့်ကို ပျားရည်နှင့် ရောစားရသည်။

( ၃၀ ) အသားအရေတွန့်ခြင်းကို ကာကွယ်ရန်၊ အသံသာ အဆင်းလှရန်၊ ဓါတ်ချူပ်မူ့ကိုကာကွယ်၍ ဓါတ်ပျော့ရန် ဆီးဖြူသီးခြောက်မှုန့်ကို ရေချိုးပြီး ကိုယ်တိုက်ပေးရသည်။

( ၃၁ ) အတိသာရဝမ်းရောဂါ အတွက် ဆီးဖြူသီးကို မှုန့်ညက်နေအောင် ထောင်း၍ချက်နားတွင် အုံပေးရသည်။

( ၃၂ ) ကြို့ထိုးရောဂါအတွက် ဆီးဖြူသီးကို ကြိတ်ညစ်ရည်၊ပိတ်ချင်းမှုန့်၊ပျားရည်တို့ကို ရောကျွေးရသည်။အသက်ရှုပွန်ချောင်း နာကျင်ခြင်း ပါပျောက်ကင်းစေပါသည်။

( ၃၃ ) ပြည်တုလာသရော ရောဂါများတွက် ဆီးဖြူသီးကို အမြစ်ကြိတ်ညစ်ရည်၊ ပျားရည်နနွမ်းတို့ကိုရောကျွေးရသည်။

( ၃၄ ) ဝမ်းချူပ်၊နှလုံးထုံ၊ အစာမကြေ၊ သည်းခြေရောဂါများတွက် ဆီးဖြူသီးကို(၁၂) နာရီခန့် ရေစိမ်ရသည်။ရေသွန်ပြီး ရေထပ်ထည့်၍ (၃)နာရီခန့်ပြုတ်ရသည်။ အစေ့ထုတ်၍သကြား(၃)ဆ ထပ်ထည့်၍ယိုထုတ်ထား၇သည်။

( ၃၅ ) ဆီးအောင့်ရောဂါများ အတွက် ဆီးဖြူသီးကြိတ်ညစ်ရည်ကို ဖာလာမှုန့်ရော၍သောက်ရ၏။

( ၃၆ ) ဆီးလွန်ရောဂါအတွက် ဆီးဖြူသီးကြိတ်ညစ်ရည်၊ ငှက်ပျောသီးမှည့်၊ပျားရည်၊သကြားတို့ကို ရောပြီးလျှက်ရသည်။

( ၃၇ ) ပိတ်ဝမ်းကိုက်ခြင်း၊ဝမ်းသက်ခြင်း၊ သွေးလျှုံ၊ သွေးအန်၊သွေးကျရောဂါဖြစ်ခြင်း အတွက်ဆီးဖြူသီးခြောက်ကို ပြုတ်ပြီး သကြားခပ်၍ သောက်ရသည်။

( ၃၈ ) မီးယပ်ဖြူဆင်း ရောဂါများအတွက် ဆီးဖြူသီးခြောက်ကို ရေစိမ်၍တစ်နေ့(၂)ကြိမ်တိုက်ရသည်။

( ၃၉ ) သွေးဒူလာအတွက် ဆီးဖြူသီးခြောက်၊ဆားလှော်၊ စမုန်နက်လှော်၊ကြက်သွန်ဖြူ လှော်၊ကြောင်ပန်းရွက်ခြောက်၊ ဆေးပိုတီတို့ကို ညက်ညက်ထောင်းပြီးမန်ကျည်းစေ့ခန့်နေ့စဉ်စားရသည်။

( ၄၀ ) လူပျိုနာများ အတွက် ဆီးဖြူမြစ်၊ ထန်းမြစ်၊ဆူးရစ်မြစ်၊ကင်သလင်းမြစ်တို့ကို ခုတ်ဆင်း၍သုံးခွက်တစ်ခွက် တင်ကျိုရသည်။ အရည်စစ်ပြီး ရေတစ်ဝက်ရော၍သုံးခွက်တစ်ခွက်တင်ကျိုပြီးသုံးကြိမ်ပြုလုပ်ရသည်။တနေ့ အကြမ်းပန်းကန်တစ်လုံး သောက်ရသည်။

( ၄၁ ) ဆီးကြောင့် ဖြစ်သော မျက်စိမှုန်၊ မျက်စိနာနှင့် ဒူလာပါဒရက်ရောဂါအတွက်ဆီးဖြူသီး ကြိတ်ညစ်ရည်နှမ်းဆီစစ်စစ်၊ကြိတ်မှန်ရွက်ကြိတ်ညစ်ရည်၊ နွားနို့ နွယ်ချို၊တို့ကို သန့်စင်သော ကြေးအိုးတွင်ထည့်ချက်ရသည်။ ရသော အရည်ကို မျက်စိတွင် ခတ်ပေးရသည်။

( ၄၂ ) ဆီးဝမ်းလေမှန်၍ ကျန်းမာ ဝဖြိုးစေရန် ဆီးဖြူသီးခြောက် စမုန်နက် ၊ဆေးပိုးတီ ဆဝက်သာ၊ကြစု၊ပွေးကိုင်း၊သိန္ဓော၊ ကျောက်ချဉ်၊ဆားတို့ကိုညက်ညက်အမှုန့်ပြူပြီး လျှက်ပေးရသည်။

( ၄၃ ) ဆီးဖြူရွက်ပြုတ်ရည်သည် ခံတွင်း၌ ပေါက်သော အနာ ပျောက်ကင်းစေပါသည်။

( ၄၄ ) သစ်ကိုင်းတွင် သီးလျှာက်ရှိသော အသီးမှ ကွဲစိမ့်၍ ထွက်လာသော အရည်ကိုမျက်စဉ်းဆေးအဖြစ်သုံးသည်။ မျက်စိရောင်ရောဂါကို ကင်းဝေးစေသည်။

( ၄၅ ) ထုံနစိုရောဂါ အတွက် ဆီးဖြူသီး ကြိတ်ညစ်ရည်ကို သကြားနှင့် ရော၍ဖျော်ရည် အဖြစ် သုံးဆောင်ကြသည် ။

( ၄၆ ) ဆီးဖြူသီး ကြိတ်ညစ်ရည်ကို သကြားနှင့် ရော၍ သုံးဆောင်လျှင်ဆီးအောင့်၊ သွေးဝမ်းကိုက်ခြင်းသည်းခြေကြောင့် ထိုးအောင့်ခြင်း ၊ကြို့ထိုးခြင်း ၊အန်ခြင်းနာတာရှည်ဝမ်းချူပ်ရောဂါတို့ကိုပျောက်ကင်းစေပါသည်။

( ၄၇ ) မျက်စဉ်းဆေး အဖြစ် ဆီးဖြူသီးမှုန့်ကို ရေတွင် ထည့်၍ တစ်ညစိမ် ထားရသည်။နံနက်တွင် မျက်စိဆေးပေးနိုင်သည်။ မျက်စဉ်းဆေးအဖြစ် သုံးနိုင်သည်။

( ၄ဂ ) အစာမကြေရောဂါ ဝမ်းသွားရောဂါတို့ အတွက် ဆီးဖြူသီး ရွက်နုနုကိုနွားနို့ ၊ ဒိန်ချဉ်နှင့်ရောသောက်ပေးရသည်။

( ၄၉ ) ဆီးဖြူသီးမှုန့်သည် လိပ်ခေါင်းရောဂါ ၊ ဝမ်းကိုက်ရောဂါ ဝမ်းသွားရောဂါနှာစေးရောဂါတို့အတွက်အလွန်အသုံးဝင်သည်။

( ၅၀ ) ဆီးဖြူသီးသည် ပန်းနာ၊ ချောင်းဆိုး ကိုယ်ခန္ဓာခန်းခြောက်ရောဂါ ၊ အသားဝါရောဂါဝမ်းမီးညံ့ခြင်း၊ သုတ်ခိုင်ခြင်း ကင်းဝေးစေသည်။

( ၅၁ ) ဆီးဖြူသီး အဆံကို ပြုတ်၍ မျက်စဉ်းအဖြစ် မျက်စိနာ ရောဂါကို ပျောက်ကင်းစေပါသည်။

( ၅၂ ) နှလုံး(ရင်ဘတ်)ကို ကောင်းစေသည်။

( ၅၃ ) သွေးကို ချူပ်စေတတ်သဖြင့် နှလုံး၊သွေးအန် ၊သွေးပေါင်ကျရောဂါ သွေးဖောက်ပြန်သောရောဂါတို့ကို ပျောက်ကင်းစေပါသည်။

( ၅၄ ) သုတ်ကိုပွားစေတတ်၊သန္ဓေကို တည်စေတတ် အစွမ်းရှိသဖြင့် သုတ်၊ဆီးရောဂါမီးယပ်ရောဂါ ၊သားအိမ်အားနည်းရောဂါတို့ကို ပျောက်ကင်းစေပါသည်။

( ၅၅ ) ချောင်းဆိုးရောဂါ ၊ပန်းနာရောဂါ ၊ အဆုတ်နာရောဂါတို့ကို ပျောက်ကင်းစေပါသည်။

( ၅၆ ) ဆီးကိုများစေတတ်သည် ။ ဒူလာသရောနာကို ဖျက်ဆီးတတ်သဖြင့် သည်းခြေကြောင့်ဖြစ်သောဒူလာသရောနာ တို့ကို ပျောက်ကင်းစေပါသည်။

( ၅၇ ) နူနာကို ဖျက်ဆီးတတ်သော အစွမ်းရှိ၍ နူနာ၊အနာကြီး အရေပြားရောဂါတို့ကို ပျောက်ကင်းစေပါသည်။

( ၅၈ ) လတ်ဆတ်သောဆီးဖြူသီးသည် အစာအိမ်အားတိုးဆေးနှင့်လေဆေးဖြစ်သည်။

( ၅၉ ) လတ်ဆတ်သောဆီးဖြူသီးသည် သန်ချဆေးအဖြစ်လဲ အသုံးဝင်သည်။

( ၆၀ ) အားဆေးအဖြစ်ဆီးဖြူသီးကြိတ်ညစ်ရည်ကို ထောပတ်နှင့် စားပေးရသည်။

( ၆၁ ) လတ်ဆတ်သောဆီးဖြူသီးသည် ဆီးရွင်စေခြင်း၊ ဝမ်းနုတ်ဆေး အဖြစ် အသုံးဝင်သည်။
To photo original uploader

28/12/2024

ကမ္ဘာပေါ်မှာ အရုပ်ဆိုးတာတွေ သိပ်များနေတယ်။

မနာလိုတာတွေ ၊ အသာစီးရချင်တာတွေ ၊ ကိုယ်ကျိုးစီးပွား သိပ်ကြည့်လွန်းတာတွေ ၊ အနိုင်ကျင့်ချင်တာတွေ ၊ ကိုယ်မဟုတ်သလို အရင်ဦးအောင် သူများကို အပြစ်တင်တာတွေ ၊ ဟန်ဆောင်တာတွေ ၊အသံကောင်းဟစ်တာတွေ ။

နေစကြဝဠာထဲက ဘာမှမဟုတ်တဲ့ အစက်အပြောက်မှုန်တိမှုန်မွှားလေးပေါ်မှာ လူတွေသိပ်ရေးကြီးခွင်ကျယ်လုပ်နေကြတာ

တကယ်တော့ ဘယ်သူမှ ဘာမှ သိပ်မဟုတ်ကြပါဘူး ။

▪️ဇော်ဇော်အောင်

26/12/2024

လူဆိုတာ ------------
ယုံကြည်ထိုက်သူဖြစ်အောင် ရိုးသားရမယ် ။
အားကိုးထိုက်သူဖြစ်အောင် ကြိုးစားရမယ် ။
လေးစားထိုက်သူဖြစ်အောင် စင်ကြယ်ရမယ် ။
လောကမှာ အပေါ်ယံတွေများနေတာမို့
လူကိုမကြည့်နဲ့ မူကိုကြည့်ပါ
ရုပ်ကိုမကြည့်နဲ့ စိတ်ကိုကြည့်ပါ
အပြောကိုမယုံနဲ့ လုပ်ရပ်ကိုကြည့်ပါ

23/12/2024

20/12/2024

လူတချို့က ...
တွဲလို့ရတယ်
ပေါင်းသင်းလို့မရဘူး။

လူတချို့ကျတော့ ...
စကားပြောလို့ပဲရတယ်
ဆွေးနွေးလို့မရဘူး။

လူတချို့ကျပြန်တော့ ...
မိတ်ဆွေတစ်ယောက်အနေနဲ့ပဲ ခင်လို့ရတယ်
သူငယ်ချင်းစစ်စစ်တော့ ဖြစ်ပေးလို့မရဘူး။

လူတချို့ကိုကျတော့ ...
အရာဝတ္ထု ပစ္စည်းတွေပဲ ပေးလို့ရတယ်
စိတ်အရင်းတော့ ပေးလို့မရဘူး။

လူတချို့ကျတော့..
လူလည်ကျချင်တဲ့ စိတ် ပဲ ရှိကြတယ်
မိတ်ဆွေစစ်မလိုချင်ကြဘူး

18/12/2024

အချိန်မလွန်ခင် အမြန်ကုသသင့်တဲ့ ရောဂါ (၅) ခု

(1) ပထမရောဂါရဲ့နာမည် “ခဏ”

ရောဂါလက္ခဏာ >>>
ခဏ မနက်ဖြန်မှလုပ်မယ်
ခဏ မနက်ဖြန်မှစကြိုးစားမယ်
ခဏလေးထားလိုက်အုံးနောက်မှလုပ်မယ်
နောက်ဆုံးကျတော့ ဘယ်တော့မှ ပြောသလိုမျိုးမလုပ်တဲ့ရောဂါ

ကုနည်း>>> ခဏ ဆိုတဲ့ စကားကို အခု ဆိုပြီးပြောင်းလိုက်ပါ
သူများလိုအောင်မြင်ချင်တယ်ဟုတ်၊ ရတယ် ခုချက်ချင်းပြောင်းပါ

(2) ဒုတိယရောဂါနာမည် “------လို့”

ရောဂါလက္ခဏာ >>>
ငါကိုကူညီပေးမယ့်သူမရှိလို့
မွေးလာတာကံမကောင်းလို့၊ သူများကငါ့ထက်တော်ပြီးသားမို့လို့
သူတို့ကငါ့ထက်ပိုက်ဆံရှိလို့၊ ကျောင်းကောင်းကောင်းတက်နိုင်လို့
ဒီနေ့ဈေးရောင်းမကောင်းတာ မိုးရွာလို့
စသဖြင့်

ကုနည်း >>> Bill Gates ပြောခဲ့တဲ့စကားကိုမှတ်ထားပါ
“ခင်ဗျားမွေးလာကတည်းက ဆင်းရဲရင် အဲ့ဒါခင်ဗျားအပြစ်မဟုတ်ဘူး
ဒါပေမဲ့ ခင်ဗျား ဆင်းဆင်းရဲရဲ နဲ့သေရရင်တော့ အဲ့ဒါခင်ဗျာအပြစ်ပဲပြောရလိမ့်မယ်တဲ့”
ကိုယ့်ရဲ့ဘဝကို ကိုယ်တိုင်တာဝန်ယူပါ
ကိုယ်မအောင်မြင်အောင် အကြောင်းပြချက်တွေပဲ လိုက်ရှာမနေနဲ့
ကိုယ်နည်းလမ်းမှန်မှန်ကြိုးစားရင်အောင်မြင်ကြတာပဲ
“လို့” မနေနဲ့ လက်တွေ့ “လုပ်”ပါ ။

(3) တတိရရောဂါကတော့ “စောင့်ချင်တဲ့ရောဂါ”

အဆင်သင့်ဖြစ်တဲ့ထိစောင့်ပြီးမှ
ပိုက်ဆံရှိတဲ့အထိ စောင့်ပြီးမှ
ဟိုအရာရှိမှ ဒီဟာရှိတဲ့အထိစောင့်ပြီးမှ
သေချာကြိုးစားမယ်ဗျတဲ့
နောက်ဆုံးကျတော့ ဘယ်တော့မှအဆင်သင့်မဖြစ်ခဲ့ဘူး
အဲ့တော့ စောင့်ရင်းစောင့်ရင်းနဲ့ ဘဝကအရင်နေရာပဲ ကွက်ကွက်တောင်မရွေ့ဘူး

ကုနည်း >>> လွယ်လွယ်လေး အချိန်မရပ်မချင်း ဘယ်တော့မှမစောင့်နဲ့

(4)ရောဂါနာမည် (၄)နာမည် "တွန့်ဆုတ် တွန့်ဆုတ်"

လူအများကပြောတယ်
အောင်မြင်တဲ့လူအများစုက ဆုံးဖြတ်ချက်ချတာမြန်တယ် ၊ စိတ်ပြောင်းလဲဖို့ခက်တယ်
(သူတို့သေချာတဲ့ Information မရမချင်းပေ့ါ )
အောင်မြင်တဲ့လူအနဲစုက ဆုံးဖြတ်ချက်ချဖို့ နှေးတယ် ၊ စိတ်ပြောင်းလဲလွယ်တယ်

ဒီနေ့ဒီအရာကိုရွေးလိုက်တယ် ၊ မနက်ဖြန် နောက်အရာတစ်ခုကိုပြောင်းတယ်
ဒီနေ့ဒီအရာလုပ်ဖို့ဆုံးဖြတ်လိုက်တယ် ၊ မနက်ဖြန်ကျတော့ နောက်တစ်ခုလုပ်ဖို့ စိတ်ပြောင်းတယ်
ဒီနေ့အားကစားသမားဖြစ်ချင်တယ် မနက်ဖြန်ကျတော့ စီးပွားရေးသမားဖြစ်ချင်ပြန်ရော ၊နောက်ရက်ကျတော့
ဘာမှမလုပ်တော့ဘူး သာသနာ့ပေါင်ထဲဝင်မယ်ပေါ့
အဲ့လိုမျိုးပဲ ဘာမှသေသေချာချာမရှိဘူး ဒါကြောင့် ဒီလိုမျိုးသူတွေက ဘယ်အရာအပေါ်ကိုမှ Focus လုပ်လို့မရဘူးပေါ့

နန်းတို့ ရည်မှန်းချက် ပြောင်းလို့မရဘူးလိုိ့ဆိုလိုတာမဟုတ်ဘူးနော်
ရည်မှန်းချက်ပန်းတိုင်ကပြောင်းလို့ရပါတယ် ။ နန်းတို့ပန်းတိုင်ကိုကြိုးစားနေတဲ့ချိန်မှာ နောက်ပန်းတိုင်တစ်ခုပိုကောင်းတယ်။ ပိုပြီးတော့လိုချင်တယ်ဆိုရင်ပေါ့
ဒီနေ့တစ်မျိုးနောက်နေ့တစ်မျိုး တွန့်ဆုတ်တွန့်ဆုတ် တော့မလုပ်ပါနဲ့

ကုနည်း ---- ဘာလိုချင်လဲဆိုတာ ကောင်းကောင်းစဉ်းစားပါ ။ပြီးတော့ ပြတ်ပြတ်သားသားဆုံးဖြတ်ပါ။

(5) ရောဂါနံပါတ် "လွယ်လွယ်နဲ့ အရှုံးပေးတတ်"
နဲနဲအခက်အခဲတွေ့တာနဲ့ အရှုံးပေးမယ်
နဲနဲပြဿနာတွေ့တာနဲ့ နောက်ဆုတ်မယ်ဆိုတာပဲ

စာရေးသမား ဖြစ်ချင်တယ်
တစ်ပတ်လောက်ရေးပြီးစာတင်လိုက်တယ်
ဖတ်တဲ့လူမရှိတော့ စာမရေးတော့ဘူးဆိုပြီး အရှုံးပေးမယ်

စီးပွားရေးလုပ်ငန်းရှင်ဖြစ်ချင်တယ်တဲ့
စာအုပ်တစ်အုပ်ဖတ်ပြီး စလုပ်တော့ ပြဿနာနဲနဲတွေ့တော့ မလုပ်တော့ဘူးတဲ့

ချမ်းသာချင်တယ်တဲ့ ကိုယ်ပိုင်စီးပွားရေးရှိချင်တယ်တဲ့
လက်တွေ့ချလုပ် တော့ ကိုယ်ထင်သလောက်မလွယ်တဲ့ချိန်ကျတော့ အရှုံးပေးချင်လာရော

ပန်းတိုင်ကိုကြည့်လိုက်အကြီးကြီးပဲ ဒါပေမဲ့ သူတို့ရဲ့စိတ်ကသူ့ပန်းတိုင်လောက် မကြီးနိုင်ဘူး

ကုနည်း >>> ကိုယ့်ရဲ့ Persistence (မဆုတ်မနစ်ကြိုးစားမှု) ကိုလက်စွဲထားပါ
အကယ်လို့ ခင်ဗျားဆုံးဖြတ်ထားတဲ့အရာက မှန်တယ်လို့ ယုံကြည်တယ်ဆိုရင်
နောက်မဆုတ်ပါနဲ့၊ အကယ်လို့ အလုပ်မဖြစ်ပြန်ရင် နည်းလမ်းပြောင်းပါ
မအောင်မြင်မချင်းကြိုးစားပါ နောက်မဆုတ်ပါနဲ့

ဒါက လူအများဖြစ်တတ်တဲ့ရောဂါ (၅) ခုပါ
ကုနည်းကောထည့်ပေးထားတယ်

ကိုယ်နဲ့တိုက်ဆိုင်တဲ့အချက်ကို ကြိုက်သလိုရွေးပြီးတော့ သုံးလို့ရပါတယ်
အကျိုးရှိရင် ကျေးဇူးပြုပြီး Share ပေးပါ… နန်းနောက်ထပ်ကြိုးစားပြီးစာတွေတင်ပေးပါ့မယ်
ဒီရောဂါဖြစ်ပြီး ကိုယ်တိုင်မသိတဲ့ သူတွေအတွက်ပါ
ကောင်းသောနေ့လေးဖြစ်ပါစေ

#မူရင်းရေးသားသူအား လေးစားစွာဖြင့်

18/12/2024

#နံနက်ဦးခေါင်းညဒူးခေါင်းရေချိုးနည်း

စာရေးသူငယ်စဉ်က ကိုးတန်းစာမေးပွဲဖြေပြီး
မတ်လ နွေ ကျောင်းပိတ်ရက်တွင် ကိုရင်ဝတ်ခဲ့သည်။ သုံးဆယ်မြို့ ထူပါရုံကျောင်းတွင်ဖြစ်သည်။

စာရေးသူ၏ဇာတိမြို့မှာ ဥက္ကံမြို့ဖြစ်သော်လည်း အဖေ၏ အဘွားလေးတော်စပ်သူ၏ စုပေါင်းရှင်ပြုပွဲတွင်ပါဝင်ကာ ဒုတိယအကြိမ် သင်္ကန်း
ဝတ်ရှင်ပြုခဲ့ခြင်း ဖြစ်သည်။

ထူပါရုံကျောင်းတိုက်သည် အလွန်ကျယ်ဝန်းသော ကျောင်းတိုက်ကြီးဖြစ်ပြီး ဆရာတော်ကြီးများ အဆက်ဆက်မှာလည်း သက်တော်ရှည် ဆရာတော်ကြီးများဖြစ်ကြ သည်။

သက်တော် ၉ဝ ကျော် ၁ဝဝ နီးမှ ပျံလွန်တော်မူကြသည်က များသည် ကို တွေ့ရသည်။

ထိုကျောင်းတိုက်ရှိ စာချဆရာတော် ဘဒ္ဒန္တသုဇာတ၏ကျောင်းတွင် စာရေးသူ ကိုရင်ဝတ်ဖြင့် နေရသည်။

ထိုဆရာတော်သည် ယနေ့ထက်တိုင် သက်တော် ထင်ရှားရှိသဖြင့် သက်တော် ၈ဝ ကျော် ၉ဝ ခန့် ရှိနေပြီဖြစ်သည်။

ဆရာတော်များ၏ သက်ရှည်ကျန်းမာခြင်းအကြောင်း တင်ပြလိုသည်။

ဆရာတော် ဘဒ္ဒန္တသုဇာတသည် စာပေပို့ချသည်သာမက ဝိနည်းနှင့်အညီ ကျန်းမာအောင် သွားလာနေထိုင်နည်းများကိုပါ အချိန်အားလပ်သည့်အခါတိုင်း ဆုံးမသြဝါဒပေးလေ့ရှိသည်။

စာရေးသူတို့ သိမီသည့်ကာလအတွင်း ဆရာတော် သည် နေထိုင်မကောင်းဖြစ်သည်ဟု မတွေ့ရ။

စာဝါအမြဲပို့ချနေသော်လည်း မျက်မှန်တပ်ရသည်ကို
မတွေ့ရပေ။

စာရေးသူမှတ်မိနေသည့်အရာတစ်ခုမှာ ဆရာတော်စာချသည့်အနီး နံရံပေါ်တွင် မြေဖြူဖြင့်ရေးသားထားသည့် 'နံနက်(မနက်) ဦးခေါင်း၊ ည ဒူးခေါင်း' ဟူသည့် စာတန်းဖြစ်သည်။

နံနက် (မနက်) ဦးခေါင်းဟူသည် အဘယ်နည်း။

ည ဒူးခေါင်းဟူသည် အဘယ်နည်း။
အချိန်အတော်ကြာအောင် မသိခဲ့ပါ။

နေပူပြင်းသောတစ်နေ့တွင် ဦးပဉ္စင်းများ၊ ကိုရင်များ
ကို ယခုလို ပူပြင်းသည့် ရာသီ၌ ရေချိုးရာတွင် သတိရှိကြရန်မြွက်ကြားထားသည်။

ကျောင်းတိုက်အနီးရှိ ရေကန်၌ ညနေစောင်းတွင် ရေမကူးကြရန် တားမြစ်သည်။

ရေချိုးခြင်းကိစ္စကို ကျောင်းအတွင်းရှိ ရေပိုက်နှင့်သွယ်ထားသော အမိုးအကာရှိသည့် အုတ်ကန်တွင်သာ ချိုးရမည်ဟု မြွက်ကြားထားသည်။

ဆရာတော်မြွက်ကြားထားသည်မှာ ပူပြင်းသောနွေရာသီတွင် ရေကို နံနက်စောစောချိုးခြင်းသာ အကောင်းဆုံးဖြစ်သည်။ အရုဏ်ဆွမ်းခံထွက်သော ကိုယ်တော်များသည် ကျောင်းပြန်ရောက်သည်နှင့် ဆွမ်းတန်းဘုဉ်းမပေးရ။

ရေကို အလျင်ချိုးရမည်။ ပြီးမှ ဆွမ်းစားကျောင်းသို့ သွားရမည်ဟုဆိုသည်။

ရေချိုးသည့်နေရာတွင်လည်း ဒူးအောက်ပိုင်းကို အရင် ရေစလောင်းပြီး တဖြည်းဖြည်း အထက်သို့ တက်လောင်းချိုးရမည်။ ဦးခေါင်းကို ရေလောင်းမချိုးသော ကိုရင်ငယ်များကို ဆောင့်ကြောင့်ထိုင်စေပြီး ဆရာတော်ကိုယ်တိုင် ဦးခေါင်းမှ ရေကို အားရပါးရ လောင်းချိုးပေးသည်။

နံနက်စောစော ရေချိုးလျှင် ဦးခေါင်းကိုချန်ထားခဲ့ပါက အခိုးအငွေ့အပူများ ခေါင်းတွင်အောင်းကျန်ခဲ့ပြီး တစ်နေ့
လုံး ခေါင်းမကြည်၊ ဥာဏ်မပွင့်၊ စာကျက်၊ စာကြည့်အား မကောင်းဟု ဆိုသည်။ ဦးခေါင်းအခိုးငုပ်ခြင်းကြောင့် မျက်စိအမြင်အာရုံကို ထိခိုက်လာမည်ဟုဆိုသည်။

မျက်စိအဆုံး၊ နားအရှုံးဟူသော စာဆိုနှင့်အညီ မျက်စိတွင် အခိုးမငုပ်စေရန်၊ တိမ်သလ္လာမကပ်စေရန် အရေးကြီးသည်။ ငယ်စဉ်ကတည်းက ဂရုစိုက်လျှင် အသက်ကြီးလာသည်ထိ မျက်စိမမှုန်ဟု ဆိုသည်။

ညဒူးခေါင်းဆိုသည်မှာ ညအိပ်ရာဝင်ခါနီးလျှင် ဒူးအပေါ်မှ ရေလောင်းပြီး ခြေဆေ:ရမည်။

ထိုသို့ ရေဆေးရာတွင်လည်း နှစ်ခွက်၊ သုံးခွက်လောင်းရုံမျိုးမဟုတ်။ အားပါးတရ ခုနစ်ခွက်၊ ဆယ်ခွက်အထိ လောင်းပြီး ခါးလယ်မှအခိုးများ အောက်သို့ဆင်းသွားသည် ထင်ရသည်အထိ လောင်းဆေ:သင့်သည်။

ထိုသို့ နေ့စဉ်မှန်မှန်ပြုလုပ်သူသည် အညောင်းအကိုက်ရောဂါ၊ ဒူလာပါဒရက်ရောဂါ၊ ခါးနာရောဂါ၊ မျက်စိနှင့်ဦးခေါင်း မကြည်လင်သောရောဂါ များပါ သက်သာပျောက်ကင်းစေနိုင်သည်ဟု ဆိုသည်။

စာရေးသူတို့မျိုးရိုးသည် မျက်စိမှုန်သောမျိုးရိုးဖြစ်သည်။ စာရေးသူ၏ဖခင်သည် အသက် ၁၃ နှစ်သားအရွယ်က မျက်မှန်တပ်ရသည်။ စာရေးသူ၏ဖခင်သည် မျက်စိအဆုံး၊ နားအရှုံးမဖြစ်စေချင်ဟုဆိုကာ မျက်စိအာရုံကောင်းစေမည့် နည်းလမ်းများစွာဖြင့် စာရေးသူကို ဂရုတစိုက်ဆောင်ရွက်ပေးခဲ့သည်။

ရေအပြည့်ထည့်ထားသောဇလုံတွင် မျက်
နှာကိုငုပ်၍ မျက်စိကို ဖွင့်ချည်၊ ပိတ်ချည် လုပ်ခိုင်းသည်။

အစပထမတွင် ရေမွန်း၍ မလုပ်နိုင်သော်လည်း နောင်တွင် အကျင့်ရလာသော အခါ လုပ်နိုင်လာသည်။ နံနက်အိပ်ရာထ မျက်နှာသစ်ပြီးသည်နှင့် ရေဇလုံ တွင် ရေငုပ်ခြင်းကို နေ့စဉ်ပြုလုပ်ခဲ့ရသည်။

ရေဇလုံအတွင်းမှ အေးစက်နေသောရေတွင် မျက်နှာကိုငုပ်၍ မျက်စိဖွင့်ပိတ် ၁ဝ မိနစ်ခန့်ပြုလုပ်ပြီးသောအခါ ပူနွေးကျန်ခဲ့သည်ကို တွေ့ရသည်။ မျက်စိမှ အပူများ ရေအတွင်း သို့ရောက်သွားခြင်းဖြစ်သည်။

စာရေးသူ ကိုးတန်းကျောင်းသားအရွယ်တွင် ဒုတိယအကြိမ် ရှင်သာမဏေဝတ်သောအခါ ထူပါရုံကျောင်းမှ စာချဆရာတော် ၏နည်းလမ်းအတိုင်း နံနက်စောစောရေချိုး၊ ရေချိုးသည့်အခါတွင် ခါးအောက်ပိုင်းမှစ၍ တဖြည်းဖြည်းအထက်သို့ တက်ပြီး ခေါင်းမှရေလောင်းချိုးသည့်အကျင့်ရလာသည်။

ညအိပ်ရာဝင်သည့်အခါတွင်လည်း နွေ၊ မိုး၊ ဆောင်း ဥတုသုံးပါးလုံး ဒူးအထက်ပေါင်လယ်မှစကာ ရေအေးဖြင့်လောင်း၍ ခြေဆေ:သည်။

ရေလောင်းရာတွင် ဖလားအပြည့် ခုနစ်ခွက်မှ ၁ဝ ခွက်အထိ အားပါးတရလောင်းစေသည်။

တစ်ခါတစ်ရံ ပူအိုက်၍ ရေမသုတ်ဘဲထားသော်လည်း လျင်မြန်စွာ ရေခြောက်သွားသည်ကို သတိထားမိသည်။

ငယ်စဉ်က နံနက်အိပ်ရာထလျှင် မျက်ဝတ်များပိတ်ပြီး မျက်ချေးဖတ်များ ကပ်နေလေ့ရှိခြင်းသည် ညအိပ်ရာဝင် ခြေဆေ:အိပ်ခြင်းအကျိုးကြောင့် လုံးဝပျောက်ကင်းသွားသည်ကို သတိပြုမိသည်။

ငယ်စဉ်ကပင် ဖခင်၏နည်းလမ်းဖြင့် မျက်စိကို ရေငုပ်ခြင်း၊ ထို့နောက် ဆရာတော်၏နည်းလမ်းအတိုင်း နံနက်စောစောရေချိုးလျှင် ဦးခေါင်းကို ရေလောင်းချိုးခြင်း၊ ညအိပ်ရာဝင်ချိန် ဒူးအထက်မှ ရေလောင်းခြေဆေခြင်း အကျိုးကျေးဇူးတို့ကြောင့် စာရေးသူမှာ မျိုးရိုးအတိုင်း ငယ်စဉ်ကပင် မျက်စိမှုန်၊ မျက်မှန်တပ်ရခြင်းဘေးမှ ကင်းဝေးခဲ့သည်။

အသက် ၄၆ နှစ်ခန့်မှ စာကြည့်မျက်မှန် (+၁၅ဝ ဒီဂရီ) တပ်ခဲ့ရသည်။ ဤသည်မှာလည်း အသက်အရွယ်အားဖြင့်ပုံမှန်သာဖြစ်သည်ဟု မျက်စိဆရာဝန်က ပြောသည်။

နံနက်ခင်းစောစောအချိန် ရေချိုးသောအခါ ဦးခေါင်းကို ရေလောင်းခြင်းသည် သင့်တော်သော်လည်း နေ့လယ်၊ မွန်းတည့်ချိန်နှင့် ညနေစောင်း နေအပူရှိန်ပြင်းနေဆဲ အချိန်များတွင် ဦးခေါင်းကို ရေလောင်းခြင်းမှာ မသင့်ပေ။ အပူရှပ်ခြင်း၊ အပူငုပ်ခြင်း၊ မျက်စိရုတ်တရက်ကွယ်ခြင်းများဖြစ်နိုင်သည်။

အလွန်ပူသောအချိန်တွင် အအေးလောင်းခြင်း သည် ရေနွေးထည့်ထားသော ဖန်ခွက်ကို သွန်ပစ်ပြီး ရုတ်တရက် ရေခဲရေလောင်းထည့်လိုက်သောအခါ ဖန်ခွက်ကွဲ သွားသည့်ဥပမာနှင့် တူသည်။

နံနက်အိပ်ရာထလျှင်ထချင်း မျက်နှာမသစ်မီ ဒူးမှစ၍ ရေလောင်းပြီး ခြေဆေး လျှင် မျက်စိကြည်သည်။ ဒူးနာရောဂါဘေးမှလည်း ကင်းဝေးသည်ဟု နည်းလမ်းတစ်မျိုးရှိသည်။

ဆွမ်းခံကြွသည့်သံဃာတော်များ ဝိနည်းအရ
ဖိနပ်စီးခွင့် မရှိပေ။ မြေကြီးမှ အပူများ ခြေဖဝါးမှတစ်ဆင့် မျက်စိထိတတ်သဖြင့် ဆွမ်းခံကြွပြီး ပြန်အလာတွင် ခြေနှစ်ဖက်ရေဆေရသည်မှာ ဘုရားရှင်လက်ထက်တော်ကပင်ရှိသည်။

နံနက်နှင့် ညအိပ်ရာဝင်ချိန် တို့တွင် ခြေထောက်ရေ ဆေခြင်းမှာ အပြစ်မရှိပေ။ နေ့လယ်နေ ပူပြင်းချိန်တွင် အပြင်မှပြန်လာပြီး ခြေဆေးခြင်းသည် အလွန်ပင် အန္တရာယ်ရှိသဖြင့် မပြုလုပ်သင့်ပေ။

ဒူးသည် ဘဝတစ်သက်တာ သွားလာလှုပ်ရှားမှုဒဏ်၊ အဆင်းအတက်ပြုလုပ်ခဲ့ ရခြင်းများကြောင့် အရွတ်ပြားများ ပွန်းစားခြင်း၊ ဒူးဆစ်နှင့်ခုံညင်းရိုးများ ကျီးပေါင်း တက်ခြင်း တို့ကြောင့် အသက်ကြီးလာလျှင် ဒူးနာရောဂါရလာတတ်သည်။

ဒူးနာရောဂါရှိသူများ၏ ဒူးကိုကြည့်လျှင် ပုံသဏ္ဌာန်မမှန်ခြင်း၊ အဆစ်များရောင်ခြင်း၊ ကြီးခြင်း၊ တောင့်တင်းနေ ခြင်းများကို တွေ့ရတတ်သည်။

ထိုရောဂါများမှ ကင်းဝေးစေရန် ညအိပ်ရာဝင်ချိန်တိုင်း ဒူးအထက်မှ ရေများများလောင်းပြီး ခြေဆေခြင်းသည် မှန်ကန်သော ဒူးနာရောဂါ ကာကွယ်နည်းဖြစ်သည်။
.တစ်ဆင့်ပြပြန်လည်မျှဝေခြင်းဖြစ်ပါသည်

-ကြည်လွင်မြင့်(မုဒြာ)

16/12/2024

အမြင်ကျဉ်းတဲ့ သူဟာ စကားပြောရင်
ဝါးလုံးရှည်နဲ့ ရမ်းတတ်တယ်။
အမြင်ကျယ်တဲ့ သူက
သူပြောမယ့် နယ်ပယ်ထဲကပဲ
ပြောပါလိမ့်မယ် ။

ဥပမာ....
လက်မ မကောင်းရင်
လက်မအကြောင်းပဲ ပြောပါလိမ့်မယ် ။
လက်ငါးချောင်းလုံး
ရောထွေးပြီး မပြောဘူး။

လောကမှာ...
အမြင်ကျဉ်းတဲ့သူနဲ့
စကားပြောရတာလောက်
လက်ပေါက်ကပ်တာ မရှိဘူး ။
သူမြင်ချင်ရာပဲ မြင်ပြီး
သူကြားချင်ရာပဲ ကြားတတ်တယ်။
အဲလိုလူမျိုးတွေနဲ့ တွေ့ခဲ့ရင်
အတတ်နိုင်ဆုံး
မငြင်းခုန်မိအောင် ရှောင်ပါ။

သင့်အတွက်
ဘာအကျိုးမှ မရှိသလို
သူလဲ ဘာအကျိုးမှ
ရမှာလဲ မဟုတ်ဘူး။

သင်ဘယ်လောက်ငြင်းငြင်း
နိုင်မှာလဲ မဟုတ်သလို
အချိန်ကုန် လူပန်း
စိတ်နွမ်းတာပဲ အဖတ်တင်မယ်။

လူဆိုတာ....
တစ်ခါတစ်ရံ
မှန်မှန်မှားမှား
ဘာမှ မပြောပဲ
နုတ်ဆိတ်နေလိုက်ခြင်းက
ပိုပြီး ကောင်းတယ် ။
ပိုပြီး အကျိုးရှိပါတယ်။

14/12/2024

ရှောင်နေလိုက်ပါ မိတ်ဆွေ
*************************
သူ့စိတ်ဓါတ်ကို ကိုယ်သိရပြီဆိုရင်
တိုက်ရိုက် သွားမပြောနဲ့။

မသိသလို နေပေးပြီးတော့
နောက်ဆို ကိုယ်က ရှောင်နေလိုက်ပါ။

သူ့အကျင့်ကို ရိပ်မိနေပြီမလား?
သွားပြီး ပေါက်ကွဲ မပြနဲ့။

မသိသလို နေပေးပြီး
နောက်ဆို ကိုယ်ကဆင်ခြင်လိုက်ပါ။

နင်ကဘယ်လို ငါကဘယ်လိုဆိုပြီး
စကားလုံးတွေနဲ့ စစ်တိုက်နေဖို့မလိုပါဘူး။

ရိုးသားချင်ယောင်ဆောင်နေတဲ့ သူ့အကြောင်းကို
ကိုယ်က နားလည်နေပြီမလား?
ဆက်ပြီး အပေါင်းအသင်း မလုပ်နဲ့။

တဖြည်းဖြည်း ရှောင်နေလိုက်ပါ။
ရှေ့ဆက်သွားရင် ကိုယ့်ကိုပါ
ထိခိုက်စေနိုင်တာမို့ပါ။

တစ်ခါတစ်လေတော့
ကိုယ်သိတဲ့ အရာတစ်ခုဟာ
ကိုယ်စိတ်ထဲမှာ မှတ်သားထားဖို့ပဲလိုတာပါ။

လုံးဝ မပတ်သက် မဆက်ဆံရဘူးလို့
မပြောလိုဘူး။
မဖြစ်သာလို့ ဆက်ဆံနေရအုံးမယ်ဆိုရင်လည်း
ကိုယ်ပေါင်း စိတ်ခွာနဲ့ ပေါင်းသင်းနိုင်ပါတယ်။

ရိုးသားချင်ယောင်ဆောင်
သဘောကောင်းသလို ဟန်ပြ
ကွယ်ရာမှာ နောက်ကောက်ချနင်း

ကိုယ့်ရဲ့ မကောင်းသတင်းကို
အလံတလူလူလို လေလွှင့်
ခွင့်ရရင် ရသလိုဖဲ့ညှစ်
အရာရာကို သူ့အပြစ်မဟုတ်ဘူးလို့
ဟန်ဆောင်ကာ မျက်နှာဖုံး စွပ်ထားတဲ့လူမျိုးကို
ဒီတစ်သက် သင်တွေ့ဆုံခဲ့ရင်
ကင်းနိုင်သလောက် ရှောင်ဖယ်ကာ နေလိုက်ပါ။

#စာပေ

13/12/2024

ပုံကပြောသော ချစ်ခြင်းမေတ္တာတရား

13/12/2024

ကြည့်နေတယ်၊ နားထောင်နေလျက်ပါပဲ

မျက်လုံး(၂)လုံးရှိတယ်၊ (၂)မျိုးမြင်ပါ
နား(၂)ဖက်ရှိတယ်၊ (၂)မျိုးနားထောင်ပါ
ပါးစပ်(၁)ခုပဲရှိတယ်၊ (၁)မျိုးပဲ ပြောပါ

13/12/2024

ရိုးသားမှုဆိုတာ ဘာလဲကွဲ့

13/12/2024

မျက်လုံး(၂)လုံးရှိတယ်၊ (၂)မျိုးမြင်ပါ
နား(၂)ဖက်ရှိတယ်၊ (၂)မျိုးနားထောင်ပါ
ပါးစပ်(၁)ခုပဲရှိတယ်၊ (၁)မျိုးပဲ ပြောပါ

12/12/2024

ဖတ်ရင်းနဲ့တွေးပါ📜
****************
(၁)စိတ်ဓာတ်ကို မာမာထားပါ။
အပြင်ပန်းသဏ္ဍာန်ကို ပျော့ပျော့ပျောင်းပျောင်းထားပါ။

(၂) ကိုယ့်ပစ္စည်း မဟုတ်ရင် မယူပါနဲ့။
ဘယ်လောက်ပဲ နှစ်သ-က် နှစ်သ-က် လက်လွှတ်တတ်ဖို့ နားလည်ပါ။

(၃) ကိုယ့်ကိုယ်ကို လေးစားပါ။
သူတစ်ပါးကို လေးစားပါ။ လေးစားမှုကို ထိန်းပါ။
အဲဒီလေးစားမှု သုံးခုကို အမြဲမှတ်ထားပါ ။

(၄) ငွေဆိုတာ ရေလိုပဲ။
ငွေမက်လွန်းရင် နစ်မွန်းတတ်တယ်။

(၅) အရာဝတ္ထုတစ်ခုတိုင်းကို
ရှုထောင့်ပေါင်းစုံ ဘက်ပေါင်းစုံကနေ ခံစားပါ။

(၆) သူတစ်ပါးကို ထိခိုက်နာကျင်မှုမျိုးနဲ့
ကိုယ့်အပြစ် ကိုယ့်ဆိုးကျိုးကို ဖုံးကွယ်တတ်တဲ့သူလောက် ရှက်ဖို့ကောင်းတာ မရှိဘူး။

(၇) လောဘမကြီးနဲ့။
မကောင်းတဲ့အရာတွေက ဘယ်တော့မှ တာရှည်မခံဘူး။

(၈) သူငယ်ချင်းအတွက် အနစ်နာခံတဲ့ အလုပ်က ခက်ခဲတဲ့အလုပ်တော့ မဟုတ်ဘူး
ခက်တာက အနစ်နာခံရလောက်တဲ့ သူငယ်ချင်းမျိုး ရှိဖို့ပဲလိုတယ်။

(၉) ကိုယ့်အတွက်လို့ စဉ်းစားမိတာနဲ့ တစ်ပြိုက်နက်
တစ်ဖက်သူရဲ့ ခံစားချက်ကိုလည်း ထည့်တွက်သင့်တယ်။
သူ့အတွက် ပိုစဉ်းစားသင့်တယ်။ ဒါတွေက အကြင်နာတရားရှိမှုနဲ့ ယဉ်ကျေးမှုရှိတယ့်အပြင် တစ်ဖက်သူကို လေးစားရာလည်း ရောက်တယ်။

(၁၀) လူတွေ သိနိုင်တဲ့အမှားမျိုးက တကယ့်အမှား မဟုတ်သေးဘူး။ တခြားလူ လုသွားနိုင်တဲ့ ချစ်သူမျိုးက တကယ့်ချစ်သူ မဟုတ်သေးဘူး။

(၁၁) ကိုယ့်ဆုံးဖြတ်ချက် ကိုချပါ။
ဖြစ်လာသမျှ ခံယူဖို့ပြင်ဆင်ပါ။
စမလုပ်ခင် လောကကြီးမှာ နောင်တကုဆေးဆိုတာ မရှိကြောင်း
ကိုယ့်ကိုယ်ကိုယ် သတိပေးပါ။

(၁၂) သင်ယူခြင်းက တခဏအတွက် မဟုတ်ဘူး။
တစ်ဘဝအတွက် ဖြစ်တယ်။ ဒါကြောင့် သင်ယူခြင်းမှာ မငြီးငွေ့ပါနဲ့။

(၁၃) ဘယ်အချိန်မှာ စတင်ခဲ့တာဖြစ်ဖြစ် အရေးကြီးတာက စတင်ပြီးနောက် မရပ်နားဖို့ပါပဲ။ ဘယ်အချိန်မှာ အဆုံးသ-တ်တာပဲဖြစ်ဖြစ် အရေးကြီးတာက အဆုံးသ-တ်ပြီးနောက် နောင်တမရဖို့ပါပဲ။

(၁၄) ကံမကောင်းခြင်းဆိုတာ စာရင်းသွင်းစရာ မလိုဘဲ
လူတိုင်းတက်ရတဲ့ ကျောင်းဖြစ်တယ်။ ဒီကျောင်းကို အောင်နိုင်သူက သန်မာထက်မြက်သူဖြစ်တယ်။

(၁၅) အချစ်ခံချင်ရင် အချစ်ခံထိုက်တဲ့ လူတစ်ယောက်ဖြစ်အောင် အရင်လုပ်ပါ။ လူတွေကို ချစ်ချင်ရင် ချစ်တတ်တဲ့ အရည်အချင်းရှိအောင် အရင်လုပ်ပါ။ ကောင်းကွက်ကိုလည်း လက်မခံ ဆိုးကွက်ကိုလည်း နားလည်မှုမပေးရင် ဒီသံယောဇဉ် ဘယ်လောက်တာရှည်နိုင်မလဲ။

(၁၆) အပြစ်ရှာ ညည်းတွားတတ်တဲ့ လူတွေဟာ
စိတ်သဘောထား မကောင်းသူတွေ မဟုတ်ပေမယ့် လူတွေ အမြဲနှစ်သ-က်သူတော့ မဟုတ်ခဲ့ဘူး။

(၁၇) ဦးနှောက်ခြောက် စိတ်ရှုပ်တာတွေက မနက်ဖြန်ရဲ့ဝန်ကို ပေါ့သွားစေမှာပါ။

12/12/2024

ငါ့လိုမနေနဲ့ သူ့လိုနေပါ ဆိုကတည်းက
စေတနာ စိတ်ပါပြီးသားပဲ

12/12/2024

လူဆို သတိကို ထားရမယ်