https://www.facebook.com/563048404084773/

𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧

Home
India
Darjeeling
𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧

"𝐃𝐄𝐅𝐄𝐍𝐃𝐄𝐑 𝐎𝐅 𝐓𝐇𝐄 𝐒𝐎𝐕𝐄𝐑𝐄𝐈𝐆𝐍𝐓𝐘"

NEWS MEDIA HOUSE FROM DARJEELING, INDIA. COVERS NATIONAL TO REGIONAL POLITICAL AND SOCIAL ISSUES.
𝐑𝐄𝐆𝐃. 𝐖𝐁-𝟎𝟔-𝟎𝟎𝟑𝟐𝟑𝟗𝟗

NEWS MEDIA PORTAL FROM DARJEELING, INDIA. SPECIALLY COVERS NATIONAL TO REGIONAL POLITICAL AND SOCIAL ISSUES.
𝐑𝐄𝐆𝐃. 𝐖𝐁-𝟎𝟔-𝟎𝟎𝟑𝟐𝟑𝟗𝟗

14/01/2025

■ विज्ञप्ति

खरसाङ "हाउजिङ फर अल" याेजनाका उपभोक्ताहरु, नगरपालिका अनि विभागीय अधिकारी सँग अनित थापाको बैठक आगामी 20 जनवरीमा हुने

■ खरसाङ नगरपालीकामा "हाउजिङ फर अल" याेजनाका उपभोक्ताहरूले विभिन्न समस्या भोग्नु परेको गुनासोलाई मैले मिडिया मार्फत नै जानकारी पाएको हुँ । यस विषयमा मलाई भेट्न उपभोक्ता अनि अधिकारीहरू कोही पनि आएका छैनन्।

मैले नगरपालिकाका अध्यक्ष, एसडीओ सँग पनि कुरा गरे। उपभोक्ताहरूले समयमा पैसा नपाएको कारण के हो भनी आज सम्म मैले स्पष्ट कारण बुझ्न सकेको छैन्।

यही विषयलाई लिएर आगामी 20 जनवरी 2025 को दिन उपभोक्ताहरू, नगरपालिका, सभासद अनि सम्बन्धित विभागका अधिकारी सँग बैठक डाक्न निर्देश दिएको छु। बैठक नयाँ बजार स्थित टाउन हलमा दिनको 11 बजे हुनेछ।

बैठक विषय मैले खरसाङ एसडीओलाई अवगत गराई सकेको छु। त्यही बैठकमा सम्पूर्ण समस्या बुझ्न सकिनेछ साथै हामी सबै मिलेर समस्याको समाधान पनि निकाल्ने छौं।

यदि सम्बन्धित विभागले उपभोक्ता माथि अन्याय गरेका छन् भने, सरकारले पैसा दिएर पनि त्यो पैसा उपभोक्ताको घरमा पुगेको छैन भने, उनीहरूले नगरपालिकालाई सोधेको प्रश्नको जवाब पाएन भने उनीहरु सडकमा उत्रने नै छन्। सोध्ने अनि खोज्ने उनीहरूको अधिकार हो। तर उपभोक्ताहरु मध्ये एकजना पनि म कहाँ आएका छैनन्। मेरो जिम्मेवारी हो कि समस्या सुने पछि त्यसको समाधान मैले निकाल्नु नै पर्छ।

अनित थापा
मुख्य कार्यपाल
जीटीए

14/01/2025

■ चिसो पानीमा सार्वजनिक भवनको उद्घाटन

भवन बनिनु भन्दा पनि महत्वपूर्ण भवनको स्याहार सुसार गर्नु हो।: अनित थापा

आज जीटीए मुख्य कार्यपाल अनित थापाले रोहिणी ग्राम पञ्चायत अन्तर्गत घैयाबारी ३ को चिसो पानीमा सार्वजनिक भवनको उद्घाटन गरे। सार्वजनिक भवनको नामकरण स्वर्गीय साइला गुरुङ अनि स्वर्गीय निर्मला गुरुङको स्मृतिमा राखिएको छ।

भवनलाई समाजको हातमा सुम्पिनदैं अनित थापाले भने, "सार्वजनिक भवन बनियो। भवन बनिनु भन्दा पनि महत्वपूर्ण भवनको स्याहार सुसार गर्नु हो। भवन बनाउँनु अघि जुन आतुरता देखाउनु भएको थियो , त्यही जोश लिएर भवनको स्याहार गर्नुहोस। भवनलाई बिहे, मरौकाे निम्ति मात्र प्रयोग होइन तर गाउँकाे अन्य कार्यक्रम साथै नानीहरूको कार्यक्रमको निम्ति पनि प्रयोग गर्नुहोस।"

भवन उद्घाटन कार्यक्रममा सभासदहरू कल्पना प्रधान, अनोस थापा, खरसाङ पञ्चायत समिति सभापति अनु प्रधान, घैयाबारी ३ का प्रधान सुष्मा वाईबाको उपस्थिति रहेको थियो।

13/01/2025

प्रेषित विज्ञप्ति

चिया श्रमिकहरूको रहल 4% बोनस बारे चाँड़ो फैसला गरियोस भनेर हिमालयन प्लान्टेशन वर्कर्स युनियनले श्रम मन्त्री श्रोत मलय घटकलाई पत्राचार गरेको छ। दार्जिलिङको चियाबारी श्रमिकहरूको 2023-2024 को बोनस दर अझसम्म फैसला भएको छैन। सम्पूर्ण श्रमिकहरूले 20% को दरले बोनस दिनु पर्छ भनी मालिकहरूलाई चाप दिनलाई आन्दोलनमा उत्रेका थिए। मालिकहरू 11% बोनस दिने अड़ान लिएर बन्दा स्थिति तनावपूर्ण भएको थियो। अन्तमा 1 अक्टुबर, 2024 को दिन श्रमिक भवन सिलगड़ीमा भएको सभामा अतिरिक्त श्रम आयुक्तले सरकारको तर्फबाट एडभाइजरी जारी गरेर 16% को दरले बोनस बितरण गर्ने घोषणा गर्दा सबै युनियनहरूले घोर बिरोध गरेका थिए, चारै तिरबाट ब्यापक बिरोध गरिएको थियो र निकै उत्तेजना सृष्टि भएको थियो। पछि 6 नोभेम्बरको दिन श्रम मन्त्रीले कलकत्तामा सभा राखेर यस महत्त्वपूर्ण बिषयलाई समाधान गर्ने प्रयास गर्नु भएको थियो तर मालिकहरू सभामा उपस्थित नहुँदा कुनै निर्णय हुन सकेन। फेरि 16 नोभेम्बर, 2024 को दिन सिलगडी डागापुर स्थित श्रमिक भवनमा श्रममन्त्रीको उपस्थितिमा एउटा त्रिपक्षीय सभा भयो, तर त्यो सभामा पनि 20% बोनस बारे निर्णय हुन सकेन। सभा असफल भएपछि मन्त्री महोदयले उक्त बिषय लिएर पन्ध्र दिनभित्र केहि निर्णय लिइनेछ भनी आश्वासन दिनु भएको थियो तर आजसम्म पनि कुनै खबर नआउँदा श्रमिकहरूमा असन्तुष्टि बड़दै गइरहेछ अनि चाँड़ै समाधान नगरे यस बर्षको पहिलो फसल उठाउने समयमा श्रमिक दिवस आन्दोलनले तीब्र रूप लिने सम्भावना छ। मालिकहरूको मनमानी दिनदिनै बडदै जाँदैछ। आज पनि दार्जीलिङ र तराईमा सातवटा कमानहरू बन्द छन्। खर्च र तलब समयमा नदिएको घटनाहरू हालमा पनि भइरहेछ अनि कति वटा कमानहरूमा भविष्यनिधि कोष सम्बन्धी भइरहेको अनेकौं अनियमितताहरू बारे जान्नमा आइरहेछ । त्यसरीनै श्रमिकहरु अवकाश ग्रहण गरी सकेर पनि
ग्रेच्युटी पाउनुबाट बञ्चित रहन्छन् अनि कति जनाको
ग्रेच्युटी नपाई मृत्यु भएको घटनाहरू पनि थुप्रै छन् ।पत्रमा मन्त्री महोदयलाई रहल 4% बोनसको मुद्दा चाँड़ै समाधान गरियोस भनेर निवेदन गरिएको छ ।

बि के राई
हिमालयन प्लान्टेसन वर्कर्स युनियन , केन्द्रिय समिति ।

12/01/2025

■ मिरिक पुटुङ ग्राम पञ्चायतका निर्दलिय सदस्य कृष्ण तामाङ भागोप्रमोमा सामेल

" वर्तमान पञ्चायती व्यवस्था बीजीपिएम पार्टीको हातमा छ। तपाई आज बीजीपिएम - मा सामेल हुनु भयो। सही निर्णय लिनु भयो। " अनित थापा

अनित थापाको हात बाट झण्डा ग्रहण गरेर मिरिक पुटुङ ग्राम पञ्चायतका निर्दलिय सदस्य कृष्ण तामाङ भागोप्रमोमा सामेल भए।

सामेल समय आफ्नो छोटो सम्बोधनमा अनित थापाले तामाङ्ग लाई पार्टीमा स्वागत गर्दै भने:

+ पञ्चायत सदस्य हुनु चाहिँ गाउँको डाक्टर हुनु सरह हो। गाउँमा कसैलाई केही पर्यो भने उनीहरु पञ्चायत सदस्य कै घरमा पहिला पुग्छन्।

+ पञ्चायत, नेतृत्व विकासको ठाउँ पनि हो। गाउँको विकास देखि लिएर समस्या पनि यही ठाउँमा नै गर्नु सिकिन्छ।

+ पञ्चायत सदस्यकोमा धेरै शक्ति हुन्छ। जन्मको प्रमाण पत्र देखि लिएर मृत्युको प्रमाण पत्र सम्म दिने अधिकार छ पञ्चायतलाई।

+ पञ्चायत चुनाव स्थानीय चुनाव हो। पार्टीले कहिले काहीँ गाउँले रुचाएको उम्मेदवार दिनु सक्दैन। त्यसैले निर्दलीय उम्मेदवार विजयी पनि हुन्छन्।

+ निर्दलीय बसेर गाउँको विकास गर्नु सकिन्न। हाँगा समात्नु नै पर्छ। जहाँ बहुमत छ त्यहाँ पस्नु नै पर्छ। तब जिताएको जनताको सेवा गर्नु सकिन्छ। गाउँको विकास गर्नु सकिन्छ।

+ वर्तमान स्थानीय व्यवस्था अर्थात् पञ्चायती व्यवस्थामा बीजीपिएम-को बहुमत छ। वर्तमान पञ्चायती व्यवस्था बीजीपिएम पार्टीको हातमा छ। तपाई आज बीजीपिएम - मा सामेल हुनु भयो। सही निर्णय लिनु भयो। स्वागत गर्दछु। गाउँको विकास मिलेर गर्नुहोस्।

+ गाली गरेर केही हुनेवाला छैन। यस्तो प्रथा बिस्तारै बन्द हुँदैछ।

12/01/2025

■ स्वतन्त्र रुपमा रहेका मिरिक अन्तर्गत मरमा नयाँ कमानका 40-45 परिवारद्वारा इण्डियन गोर्खा जनशक्ति फ्रण्टको झण्डा थापी समर्थन जनाएँ।

■ मिरिक १२ जनवरी २०२४ (निंस)
आज मिरिकको मरमा चियाबगान अन्तर्गत नयाँकमानमा इण्डियन गोर्खा जनशक्ति फ्रण्टका प्रमुख संयोजक अजय एडवर्ड्सलाई गाउँबासीले गरे स्वागत साथै उक्त गाँउमा समर्थन कार्यक्रम पनि राखेँ।प्रशान्त लामा,जुगलको प्रतिनिधित्वमा लगभग 40 घर-परिवारभन्दा बढ़ता जनसाधारणले आज समर्थन जनाएँ।उक्त समर्थन कार्यक्रममा प्रमुख संयोजक एडवर्ड्सले गाउँबासीहरुलाई आफ्नो परिवारमा स्वागत जनाउँदै सम्बोधन गरे।

■ मिरिक पुटुङ ग्राम पञ्चायतका निर्दलिय सदस्य कृष्ण तामाङ भागोप्रमोमा सामेल" वर्तमान पञ्चायती व्यवस्था बीजीपिएम पार्टीको ...

12/01/2025

■ इण्डियन गोर्खा जनशक्ति फ्रण्ड
केन्द्रीय कार्यलय दार्जीलिङ
प्रेस विज्ञाप्ति 12 जनवरी 2025
"कोलकता र दिल्लीमा मालिक भएकाहरूले जातिया हितको कुरा गर्न सक्दैन"।

■ कठपूतली भएर होइन गोर्खा भएर बाँचै: अजय इण्डियन गोर्खा जनशक्ति फ्रण्ड,ले जाति र माटोको कुरा गर्ने आँट र हिम्मत दिएको छ यो मनतब्य आईजीजेएफ,को केन्द्रीय संयोजक अजय एडवाडर्सले पोखेका हुन।गत 22 दिसम्बर 2024 मा गठन भएको इण्डियन गोर्खा जनशक्ति फ्रण्ड,मा अहिले समर्थन गर्नेहरूको घुइचो लागेको छ।यसै क्रममा आज तकदाह टिष्टा भ्यालीमा इण्डियन गोर्खा जनशक्ति फ्रण्ड,को समर्थन कार्यक्रम रहेको थियो।आयोजित समर्थन कार्यक्रममा पार्टीको केन्द्रीय संयोजक अजय एडवाडर्स स्वयम उपस्थित रहेका थिए।कार्यक्रमलाई सम्बोधन गर्ने क्रममा संयोजक अजय एडवाडर्सले हामी हाम्रो मुद्वामाथि इमान्दार छौ,त्यसैकारण हामीले हाम्रो पार्टी पनि त्यागेका छौ।त्यसै गरी अन्य धेरै नेतृत्वहरूले आ आफ्नो पार्टी त्यागेर हामी सवै एक मुष्ठमा आएका छौ।टीएमसी त्यागेर इण्डियन गोर्खा जनशक्ति फ्रण्ड,मा आएकाहरू धेरै खुशी भएका छन।तिनीहरू टीएमसीमा हुदा जातिको गर्न सक्दैन थिए,माटोको कुरा गर्न सक्दैन थिए,भारतीय गोर्खा प्रजातान्त्रिक मोर्चाको झण्डा मुनि बसेर पनि जाति र माटोको कुरा गर्न सक्दैन,शहीदको त्याग र बलिदानको कुरा गर्न सक्दैन,पिता पूर्खाको रगतले सिचेको जमीन सवै चाहिन्छ भन्न सक्दैन,पाँच डेसिमलको विरोध गर्न सक्दैन त्यसैकारण अहिले भारतीय गोर्खा प्रजातान्त्रिक मोर्चा छोडेर इण्डियन गोर्खा जनशक्ति फ्रण्ड,मा समर्थन जनाउँनेहरूको घुइचो लागेको छ।चिया श्रमिकहरूले आफ्नो हक र अधिकारको मांगमा पहाड बन्दको आहवान गर्दा भागोप्रमोको नेतृत्वहरू चूप लागेर बस्छ,भागोप्रमोको मालिक जनता होइन,कोलकतामा बसेको छ,कोलकताबाट मालिकले जे गर भन्छ,भागोप्रमोको नेतृत्वहरूले त्यही गर्छ।त्यसरी नै पहाडको अन्य राजनैतिक दलहरूको मालिक दिल्लीमा बसेको छ।पहाडको भाजपा र टीएमसीको ए,वी,सी टीम छ,ए टीमले चूनावको समयमा बुथ खर्च अलिक धेर पाउँछ,वी टीमले अलिक कम्ति पाउछ,सी टीमले अझ कम्ति बुथ खर्च पाउँछ।बुथ खर्च हेरेर मात्र बस्नु हुदैन, पहाडको एक जना विधायकले हैट्रिक गर्छु भन्दै हिडदैछ, पार्टी कार्यकर्ताहरू उसलाई हैट्रिक बनाउँन मात्र खटने? गोर्खा जातिको जातिया मुद्वालाई अब चहि फते गर्न पर्छ भनेर हामीले हाम्रो पार्टी त्यागेका हौ।त्यसरी नै टीएमसी लगायत अन्य धेरै पार्टीहरू त्यागेर इण्डियन गोर्खा जनशक्ति फ्रण्ड,मा एक मुष्ठ भएर जातिया एकीकरण, मुद्वा एकीकरणको निम्ति हामी सवै एकबद्व भएका हौ। छुटटै राज्य गोर्खाल्याण्डको मुद्वामाथि आईजीजेएफ इमान्दार छ,इण्डियन गोर्खा जनशक्ति फ्रण्ड तृणमूल काग्रेस,भाजपा कसैको बन्धनमा छैन,स्वतन्त्र छ अनि जातिया मुद्वाको पक्षमा स्वतन्त्र भएर काम गर्न सक्छ,यदि आईजीजेएफ,ले कसैको अघि घुडा टेक्छ भने सिर्फ गोर्खाल्याण्डको अधि टेक्नेछ।हामी समस्त गोर्खा जातिलाई आहवान गर्छौ कसैको कठपूतली भएर होइन गोर्खा भएर बाँचै।

11/01/2025

■ विज्ञप्ति

उत्तर बङ्गाल मेडिकल कलेजमा जीटीए हेल्प डेस्क सञ्चालनको दोश्रो वर्षगाँठको सबैलाई बधाई

हेल्प डेस्क मार्फत उपचार गरिएको बिरामीहरूको संख्या 17796

जीटीए हेल्प डेस्कले पहाडवासीलाई मात्र होइन तराई , डुवर्सका सम्पूर्णवासीलाई मेडिकल कलेजको सेवा सँग जोड्ने पुलको काम गरेको छ। : अनित थापा

11 जनवरी 2023को दिन सिलिगुडी स्थित उत्तर बङ्गाल मेडिकल कलेज परिसरमा जीटीए हेल्प डेस्क सञ्चालन सुरु गरेका थियौँ। आज हेल्प डेस्क सञ्चालन भएको पूरा दुइ वर्ष पुग्यो। हेल्प डेस्कलाई सुचारू ढङ्गमा सञ्चालन गर्नु हुने संयोजक विन्नी शर्मा अनि उनको टिमलाई हार्दिक बधाई।

जीटीए हेल्प डेस्कले पहाडवासीलाई मात्र होइन तराई , डुवर्सका सम्पूर्णवासीलाई मेडिकल कलेजको सेवा सँग जोड्ने पुलको काम गरेको छ। विन्नी शर्माले दिनु भएको आँकडा अनुसार हेल्प डेस्कले आज सम्म 17796 बिरामीहरूको उपचार गर्न सहायता गरेका छन्।

हामी जान्ने मान्छे त मेडिकल कलेजमा पस्दा अल्मलिन्छौ भने साधारण मानिस त्यही डरले निजी नर्सिङ होम तर्फ जान्छन्। हेल्प डेस्कले अल्मलिएका व्यक्तिहरूलाई सहायता दिने काम गरेको छ। हाम्रो मानिसलाई मेडिकल सेवाको खाँचो छ। त्यो खाँचो हेल्प डेस्कले पूरा गरेको छ। हेल्प डेस्क हेर्दा सानो छ तर कामको रूपमा यसले ठूलो रूप लिएको छ।

जीटीए हेल्प डेस्क मार्फत् पहाड, तराई, डुवर्सका मानिसहरूले मेडिकल कलेजको सेवा उपभोग गर्न सकेका छन्। उपचारको निम्ति निजी नर्सिङ होम देखि लिएर दक्षिण भारत जानु पर्ने स्थिति देखि हाम्रा धेरै जनता बाँचेका छन्।

जीटीए हेल्प डेस्कले आगामी दिनहरुमा पनि मानिसहरूको सेवा गरिरहेको होस। हामीले चाहेको उद्देश्य नै जनताको सेवा गर्नु हो। जनताको स्वास्थ सेवा हेल्प डेस्क मार्फत भईरहेको होस।

सबै मानिसहरूलाई हेल्प डेस्क बारे राम्रो जानकारी नपुगेको होला। यस विज्ञप्ति मार्फत सबैलाई जानकारी दिनु चाहन्छु कि उत्तर बङ्गाल मेडिकल कलेजमा उपचार गराउनु चाहनुहुन्छ भने, जीटीए हेल्प डेस्कको सेवा उपभोग गर्नुहोस्।

सबैलाई शुभकामना!

अनित थापा

प्रमुख कार्यपाल
जीटीए

11/01/2025

■ मञ्जिला तामाङ, जो पूर्व जीएनडब्लूओकी अध्यक्ष थिइन् अनि वर्तमान जनचेतना संघर्ष समिति (GNLF भातृसंगठन) की अध्यक्ष हुनुहुन्छ, आफ्नो टोलीसहित इण्डियन गोर्खा जनशक्ति फ्रण्टका प्रमुख संयोजक, अजय एडवर्ड्ससंग उहाँको निवासमा भेट गर्नुभए। भेटघाटको क्रममा विभिन्न महत्त्वपूर्ण विषयहरू माथि छलफल भयो। अन्तमा, मञ्जिला तामाङ र उहाँको टोलीले गोर्खा जातिको हितका निम्ति मिलेर संयुक्तरूपमा काम गर्ने सहमति जनाउनुभएकी छिन्।।

09/01/2025

■ गाेर्खा राष्ट्रीय कंग्रेसकाे बयान भारत सरकारकाे कप्टिपनकाे उपज हाे। भारत सरकारले भारतकाे सविंधानसभाकाे कालदेखि नै दार्जीलिङ्गलाई सवैंधानिक किनारिकरणकाे नीति अन्तरगत शाेषण गरेकाे छ। भारत सरकारकाे यसप्रकारकाे नितीकाे कारण राष्ट्रलाई ठुलाे आघात पुग्न सक्छ। बंगालकाे सत्ता भन्दा भारतकाे संविधान ठुलाे हाे याे कुरा भाजपाले चाँढै बुझकाे राम्राे हाे।

- गाेर्खा सेवा सेना

08/01/2025

सांसद राजु बिष्टको कार्यालय
प्रेस विज्ञप्ति
०८ जनवरी, २०२५

दार्जिलिङ लोकसभा निर्वाचन क्षेत्रबाट सांसद निर्वाचित भएदेखि मैले आफ्नो पूरा ऊर्जा र ध्यान हाम्रो क्षेत्र, खासगरि ग्रामीण क्षेत्रहरूको तीव्र विकास सुनिश्चित गर्ने दिशामा समर्पित गर्दैआएको छु। मलाई यहाँ यो साझा गर्दा खुशी लागिरहेको छ कि हामीले नयाँ वर्ष २०२५ को थालनी सिलगढ़ी महकुमा परिषद लगायत दार्जिलिङ र कालेबुङ जिल्लाहरूमा प्रधानमन्त्री ग्राम सड़क योजनाअन्तर्गत २५ नयाँ ग्रामीण सड़क परियोजनाहरूका साथ गरिरहेका छौँ।

यी २५ नयाँ ग्रामीण सड़क परियोजनाहरूमा जम्मा १९४.३३ कि.मी. ग्रामीण सड़कहरूको निर्माण ₹१५९.१ करोड़को लागतमा गरिने छ। यी परियोजोनाहरू हुन्:

१. खरसाङ ब्लक अन्तर्गत लोअर सिरुबारी हुँदै गिद्द पहाड़देखि रोहिणी
२. खरसाङ ब्लक अन्तर्गत सब्जेमाना, घलेटार हुँदै कोइला गोदामदेखि जोगीघाट
३. खरसाङ ब्लक अन्तर्गत शिवखोला हुँदै ३ घुम्तीदेखि महलदिराम
४. रङ्ली-रङलिअट ब्लक अन्तर्गत पावर हाउस हुँदै पोबोङदेखि नामरिङ
५. रङ्ली-रङलिअट ब्लक अन्तर्गत मङ्पु पिडब्ल्युडी रोड़देखि तकदह छावनी
६. मिरिक ब्लक अन्तर्गत सौरेनी बजारदेखि दस नम्बर फाटक
७. मिरिक ब्लक अन्तर्गत नोल हुँदै खरबारीदेखि दुधे
८. जोरबङ्गला-सुकियापोखरी ब्लक अन्तर्गत ८, तामसाङ फाटकदेखि मिम चिया बगान
९. जोरबङ्गला-सुकियापोखरी ब्लक अन्तर्गत पुस्सुमबेङ चिया बगान हुँदै पुस्सुमबेङ फाटकदेखि तुङसुङ चिया बगान
१०. पुल-बिजनबारी ब्लक अन्तर्गत बिहिबारे-रेलिङ हुँदै काइँजलेदेखि माने भञ्ज्याङ
११. पुल-बिजनबारी ब्लक अन्तर्गत दार्जिलिङ लेबोङदेखि याङ्कु रोड़
१२. पुलबजार ब्लक अन्तर्गत काइँडले हुँदै बिजनबारीदेखि लोढ़ोमा
१३. खोरिबारी ब्लक अन्तर्गत डांगरभित्ता र टेपु हुँदै कालिडांगादेखि बतासी मोड़
१४. खोरिबारी ब्लक अन्तर्गत चुनिलाल, चेकरमारी हुँदै बतासी मोड़देखि ईस्ट बोडरा
१५. नक्सलबाडी ब्लक अन्तर्गत सास्तुगाछ हुँदै अटल चिया बगानदेखि हाउडाभित्ता
१६. मतिगड़ा ब्लक अन्तर्गत नेताजीपल्लीदेखि बालासन कलोनी (अठाराखाई जी.पी. अन्तर्गत टी-०३ NH-31 देखि बालासन कलोनी)
१७. फाँसीदेवा ब्लक अन्तर्गत चोटोपाइक पाड़ा र बागमारा हुँदै बिधाननगर जी.पी. अफिसदेखि बुखढाला
१८. गोरुबथान ब्लक अन्तर्गत शेर्पा गाउँ (SH) देखि शेरमाली रोड़ (SH)
१९. गोरुबथान ब्लक अन्तर्गत पान डाँड़ा (SH) देखि कुमाई मोड़
२०. गोरुबथान ब्लक अन्तर्गत कुमाई मोड़देखि तांङ्ता
२१. कालेबुङ I ब्लक अन्तर्गत कालदेन डाँड़ा हुँदै अम्बाके गोलाईदेखि चारखोल
२२. कालेबुङ I ब्लक अन्तर्गत फ्याङटार कम्बल हुँदै हनुमान फाटकदेखि चुईखिम
२३. कालेबुङ II ब्लक अन्तर्गत नोक डाँड़ादेखि सामाब्योङ
२४. कालेबुङ II ब्लक अन्तर्गत नोक डाँड़ा हुँदै देउराली फाटकदेखि लाभा (नौ माइल)
२५. कालेबुङ II ब्लक अन्तर्गत लाभा रोड़ ( ६ माईल) देखि कागे

यी परियोजनाहरूका लागि रकम जारी गराउन हामीले कड़ा परिश्रम गरेका छौँ, तसर्थ यी परियोजनाहरूको काम राम्रो तरिकाले होस् अनि निर्माणको चरणमा कुनै किसिमको घोटाला नहोस् भन्ने सुनिश्चित गर्नु हाम्रो कर्तव्य हो।

तसर्थ म खासगरि यी इलाकाहरूमा बसोबासो गर्ने सामाजिक संगठन, समाज, गैर-सरकारी संगठनहरू र राजनितिक दलसँग सम्बन्धित व्यक्तिहरूलाई मिलेर निगरानी समितिहरूको गठन गरी सोशल ऑडिट गर्न अनुरोध गर्दछु ताकि यी परियोजनाका काममा संलग्न हुन र कामको निगरानी गर्न सक्नुहोस्।

यसमा केन्द्रीय सरकारद्वारा पठाइएको सरकारी रकम लागिरहेको छ जो हाम्रो क्षेत्रका गाउँहरूलाई समुचित सड़क सञ्जालद्वारा जोड़ियोस् भनी सुनिश्चित गर्न हो। तसर्थ, यो हाम्रो साझा कर्तव्य हो कि यी परियोजनाहरूको निर्माणमा कुनै भ्रष्टाचार नहोस्, र यो त्यतिबेला मात्रै सम्भव हुनेछ जब स्थानीय विधायकहरू, जीटीए सभासदहरू, महकुमा परिषदका सदस्यहरू, पञ्चायत समितिका सदस्यहरू, ग्राम पञ्चायत सदस्यहरू, समाजका सदस्य, गैर-सरकारी संगठन अनि सामाजिक संगठनहरूका सदस्य, तथा सम्बन्धित नागरिकहरू यी परियोजनाहरूको कड़ा निगरानी र सामाजिक लेखापरीक्षणमा (social audit) संलग्न हुनुहुनेछ।

अहिले ती सड़कहरूका लागि निविदा आह्वान गरिएको छ, र यसमा इच्छुकहरूले निविदा https://pmgsytenderswb.gov.in/nicgep/app मा हेर्न सक्नुहुन्छ।

म जनतालाई ‘Meri Sadak App –
https://play.google.com/store/apps/details?id=com.cdac.pmgsy.citizen&hl=hi डाउनलोड गर्न
प्रोत्साहित गर्दछु। यस एप्पको माध्यमले तपाईं आफ्नो शिकायत सोझै Central PMGSY Monitoring Cell लाई परियोजनाको जी.पी.एस. लोकेशनका साथ पठाउन सक्नुहुन्छ। यसरी परियोजनामा भइरहेको कार्यमाथि कड़ा निगरानी र चेकजाँच गर्नमा मद्दत पाइने छ।

दार्जिलिङ पहाड़, तराई अनि डुवर्सका ग्रामीण क्षेत्रहरूको विकासलाई प्राथमिकतामा राख्नुभएकोमा म माननीय प्रधानमन्त्री श्री नरेन्द्र मोदीज्यू, र माननीय ग्रामीण विकास मन्त्री श्री शिवराज सिंह चौहान प्रति हार्दिक कृतज्ञता व्यक्त गर्दछु।

राजु बिष्ट
लोकसभा सांसद, दार्जिलिङ एवं
राष्ट्रीय प्रवक्ता, भारतीय जनता पार्टी

08/01/2025

■ इण्डियन गोर्खा जनशक्ति फ्रण्टको निम्ति भारतीय गोर्खाहरूको छुट्टै राज्य गोर्खाल्याण्ड मुद्दा साथै हाम्रो माटोको अधिकार सिन्कोना चियाबगानका मजदुर जनताले गरिबी रेखा बाट मुक्ति पाउनुपर्छ साथै सीमा-निर्धारण को बिषयहरु यो सम्पूर्ण बिषयहरु हाम्रो मुद्दा हो - अजय एडवर्डस्

08/01/2025

■ कालेबुङमा इण्डियन गोर्खा जनशक्ति फ्रण्टको गतिविधि बढिरहेको आभास भने एकै दिनमा १७५ भन्दा बड़ी कालेबुङका मानिसहरु भए इण्डियन गोर्खा जनशक्ति फ्रण्टमा सामेल। कालेबुङमा इण्डियन गोर्खा जनशक्ति फ्रण्ट कालेबुङकै नेताहरूले चलाउनेछ, दार्जीलिङको हस्तक्षेप हुनेछैन - अजय एडवर्डस्

07/01/2025

■ शाहलाई एडवाडर्सले लेख्यो पत्र।
■ इण्डियन गोर्खा जनशक्ति फ्रण्ट
केन्द्रीय कार्यलय दार्जीलिङ,
प्रेस विज्ञाप्ति 7 जनवरी 2025

"अब हुने त्रिपक्षीय वार्ता राजनैतिक स्तरको हुन पर्छ"।
गोर्खा,आदिबासी,राजबंशी समुदायहरूले मांग राजनैतिक विषय भएको हुनाले यस विषयमाथि हुने त्रिपक्षीय वार्ता राजनैतिक स्तरकै हुन पर्छ भन्ने मांग गर्दै केन्द्रीय गृहमंत्री अमित शाहलाई मैले पत्रचार गरेको छु।गोर्खाल्याण्ड क्षेत्रिया प्रशासन,दार्जीलिङ नगरपालिका, पंचायत समिति,ग्राम पंचायत जस्ता निर्वाचित क्षेत्रहरूमा इण्डियन गोर्खा जनशक्ति फ्रण्ट प्रमुख विपक्षी दल रहेको हुनाले दार्जीलिङ पहाड तराई डुवर्स एंव गोर्खा आदिबासी,राजबंशी समुदायहरूको सुन्दर भविष्य बारे सोच्ने हाम्रो पनि दाहित्व बन्छ।गत केही दिन अधि सिलगढीमा आयोजित सशस्त्र सीमा बल एसएसवी,को 61 औं स्थापना दिवस समारोहपछि केन्द्रीय गृहमंत्रीसंग दार्जीलिङको सांसद राजु विष्टले केन्द्रीय गृहमंत्री अमित शाहसंग त्रिपक्षीय वार्ताको अनुरोध गरेका थिए। त्रिपक्षीय वार्ता चल्दै गरेको जनवरी 2025 मा हुने अनि वार्तामा गोर्खा,आदिबासी,राजबंशी समुदायहरूको दीर्धकालिन मांग साथै गोर्खा समुदायको 11 जात गोष्ठीहरूलाई जन जातिमा समाबेश गराउँने आदि विषय हुने बताएका थिए।त्रिपक्षीय वार्ताको मिति तय भएको छैन तर अब हुने त्रिपक्षीय वार्ता राजनैतिक स्तरको हुन पर्छ नत्र ती त्रिपक्षीय वार्ताको कुनै अर्थ हुने छैन,त्यसकारण अब हुने त्रिपक्षीय वार्ता राजनैतिक स्तरमा हुन पर्छ।इण्डियन गोर्खा जनशक्ति फ्रण्ड प्रमुख विपक्षी दल भएको हुनाले आयोजित त्रिपक्षीय वार्तामा गोर्खाहरूको दीर्धकालिन मांग एंव गोर्खाहरूको समस्याहरूमाथि आफ्नो पक्ष राख्ने हामीलाई पनि मौका दिनु पर्छ।दार्जीलिङ पहाड तराई डुवर्स एंव गोर्खा,आदिबासी,राजबंशी समुदायहरू बारे अन्य राजनैतिक दलहरूका नेतृत्वहरूको सोच के कस्ता छन त्यस बारे उनीहरूलाई नै थाहा होला तर इण्डियन गोर्खा जनशक्ति फ्रण्ड,ले स्थायी समाधान चाहन्छन,त्यसैकारण हामीले अब हुने त्रिपक्षीय वार्ता राजनैतिक स्तरको हुन पर्छ भनेका हौ।

07/01/2025

■ अब हुने त्रिपक्षीय वार्तामा हाम्रो राजनैतिक अनि जातिगत मुद्दाहरूको निम्ति दार्जिलिङका माननीय सांसद श्री राजु विष्टको भुमिका महाभारतका पाण्डवका सारथी भगवान श्रीकृष्णको जस्तो हुनुपर्छ अनि हाम्रो प्रतिनिधित्व गरेर जाने प्रतिनिधिहरूको भुमिका अर्जुनको जस्तो हुनुपर्नेछ - विनय तामाङ

07/01/2025

सांसद राजु बिष्टको कार्यालय
प्रेस विज्ञप्ति
०७ जनवरी, २०२५

मलाई यहाँ यो खबर साझा गर्दा अत्यन्तै खुशी लगीरहेको छ कि केन्द्रीय सरकारले सेवोक छावनीलाई सेवोक बजारसँग जोड़्ने १४ किलोमीटर लामो एलिभेटेड कोरिडोरको निर्माणको लागि ₹१४०० करोड़को मञ्जूरी दिएको छ। यो परियोजना आगामी तीन वर्षमा पूरा गरिने छ, र यसले हाम्रो क्षेत्रको विकासमा एउटा अर्को कोसेढुङ्गा स्थापित गर्नेछ।

यस कोरिडोरले हाम्रो क्षेत्रका जनताको लामो समय देखी को मांग र हाम्रो क्षेत्रलाई विश्वस्तरीय पूर्वाधार प्रदान गर्नुका साथै सम्पर्कतामा सुधार अनि यातायातको भीड़भाड़लाई सहज बनाउने मेरो परिकल्पनालाई साकार पार्नेछ। एलिभेटेड कोरिडोरले यात्राको समयमा कटौति गर्नेछ, अनि झण्झटमुक्त यात्रा प्रदान गरेर यहाँका निवासीहरूसँगै पर्यटकहरूलाई पनि लाभ पुऱ्याउने छ।

मई महिना २०२३ मा मैले केन्द्रीय सड़क, परिवहन एवं राजमार्ग मन्त्री श्री नितिन गडकरीज्यूलाई सिमाना क्षेत्रहरू दार्जिलिङ, कालेबुङ, डुवर्स अनि सिक्किमको जीवन-रेखा NH-10 को समुन्नतिकरणसित सम्बन्धित परियोजनाहरूलाई तीव्रता प्रदान गर्न अनुरोध गरेको थिएँ। मैले उहाँलाई NH-10 को प्रयोग गर्दै यात्रा गर्ने मानिसहरूले भोग्नु पर्ने समस्याहरू, अनि राष्ट्रीय सुरक्षाको दृष्टिले यसको महत्त्व बारे जानकारी दिएको थिएँ। म कृतज्ञ छु कि एक वर्षभित्रमा नै यस परियोजनालाई मञ्जूरी प्रदान गरिएको छ। यस कोरिडोरको निर्माण सुचारू यातायात सुनिश्चित गर्ने दिशामा एक महत्त्वपूर्ण पाइलो हुनेछ जसले आर्थिक विकासलाई बढावा दिनुका साथै क्षेत्रमा पर्यटनलाई प्रोत्साहित गर्नेछ।

अहिले सेवोकको रेलवे क्रसिङ्ग (डुवर्स रेल मार्ग) का कारण ट्राफिक जामको सामना गर्न परिरहेका यात्रुहरूलाई यस कोरिडोरको निर्माणपछि सिलगढ़ीबाट कालेबुङ, दार्जिलिङ, डुवर्स वा सिक्किम आउन-जानमा सजिलो हुनेछ र उनीहरूले बाधारहित यात्राको आनन्द लिन सक्नेछन्।

यो परियोजना सम्पन्न भएपछि आफ्नो भौगोलिक सुन्दरताको लागि सुविख्यात सेवोक यात्रुहरूका लागि झन सहजै पहुँचयोग्य बन्नेछ र स्थानीय कारोबारसँगै क्षेत्रमा पर्यटनका नयाँ अवसरहरूको सिर्जना हुनेछ।

यसबाहेक, म कोरोनेशन पुलको वैकल्पिक पुल, सिलगढ़ी रिङ्ग रोड परियोजना, र सिलगढ़ीबाट बालासन, र घूम हुँदै दार्जिलिङलाई जोड़्ने वैकल्पिक राजमार्ग पूरा गर्न, अनि दार्जिलिङ शहरलाई दबाई पानी हुँदै टिस्टालाई जोड़्ने नयाँ राजमार्गको निर्माणको लागि सक्रिय रूपले प्रयासरत छु। म बिजनबारीलाई यस नयाँ वैकल्पिक राजमार्गसँग जोड़्ने काममा पनि लागिपरेको छु जसबाट बिजनबारी, र रिम्बिक-लोधोमा क्षेत्रबाट सिलगढ़ी बीच यात्राको समयमा कमी ल्याउनमा ठूलो मद्दत पाइने छ। म जनतालाई आश्वस्त गर्न चाहन्छु कि यस सम्बन्धमा उल्लेख्यनीय प्रगति भएको छ, र यसबारे चाँड़ै नै सकारात्मक खबर सुन्न पाइने छ।

दार्जिलिङ पहाड़, तराई अनि डुवर्सको तर्फबाट हाम्रो क्षेत्रको विकासलाई उच्च प्राथमिकता दिनुभएकोमा म माननीय प्रधानमन्त्री श्री नरेन्द्र मोदीज्यू र माननीय सड़क, परिवहन एवं राजमार्ग मन्त्री श्री नितिन गडकरीज्यूप्रति हार्दिक कृतज्ञता व्यक्त गर्दछु।

राजु बिष्ट
लोकसभा सांसद, दार्जिलिङ एवं
राष्ट्रीय प्रवक्ता, भारतीय जनता पार्टी

06/01/2025

■ जसरी बोडोल्याण्ड टेरिटोरियल रिजन अनि आसाम सरकारले भुमिको स्वामित्वको निम्ति गोर्खाजातिको प्रमाण-पत्रलाई मान्यता दिए त्यसरी नै पश्चिम बङाल राज्यमापनि गोर्खाल्याण्ड क्षेत्रीय प्रशासन अनि पश्चिम बङाल सरकारले गोर्खाजातिको प्रमाण-पत्रलाई नै आधार अनि मान्यता मानिन्छ भनेर अधिसुचना जारी गर्दै वर्तमानमा पाँच डेसिमलको सर्वेक्षणलाई स्थगित गरिएको हुनुपर्छ - विनय तामाङ, सभासद/ भुतपुर्व अध्यक्ष, गोर्खाल्याण्ड क्षेत्रीय

06/01/2025

प्रेस बिज्ञपति
मिति ६ जनवरी २०२५
केन्द्रीय कार्यलय , दार्जीलिङ
गोर्खा राष्ट्रिय मुक्ति मोर्चा, केन्द्रीय समिति ।

असमका माननीय मुख्यमन्त्री श्री हिमन्त विश्व शर्माज्यु अनि बोडोल्याण्ड क्षेत्रीय परिषदका माननीय प्रमुख कार्यकारी सदस्य (CEM) श्री प्रमोद बोरोज्यु लाई गोर्खा प्रमाणपत्रलाई बोडोल्याण्ड क्षेत्रीय परिषद क्षेत्रमा भूमि वितरण र स्थायित्वका निम्ति वैध दस्तावेजको रूपमा स्वीकार गर्ने निर्णय लिएकोमा आभार व्यक्त गर्दै धन्यवाद ज्ञापन गर्न चाहन्छु। २२ अगस्ट १९८८ को त्रिपक्षीय सम्झौता अनुरुप ( गोर्खा अकर्ड ) भारतीय गोर्खाहरुले दार्जीलिङ गोर्खा पार्वतीय परिषद ( गोर्खा किपट ) प्राप्त गर्न सके । २३ अगस्ट १९८८ को दिन भारत सरकार द्वारा आधिकारिक अधिसुचना जारी गरि गोर्खाहरु भारत देशको खाटी नागरिक हुन् भनी अध्यादेश जारी गरेका हुन् । यसका साथै गोर्खा राष्ट्रिय मुक्ति मोर्चाका संस्थापक अध्यक्ष सुवास घिसिङले भारतको गोर्खा नागरिकहरुको निम्ति छुट्टै गोर्खा रेजिमेन्ट हुन पर्छ र नेपालको नागरिकको निम्ति छुट्टै रेजिमेन्ट हुन पर्छ भनी आफ्नो मांग भारत सरकार समक्ष राखे पछि भारतीय गोर्खाहरुको पहिचानको निम्ति भारतीय सेनामा " गोर्खा सर्टिफिकेट " हुन पर्छ भनी भारत सरकारलाई आफ्नो मांग राखे पछि भारत सरकारले उक्त मांगलाई स्वीकृति प्रदान गरेका थिए । सोही अनुरुप दार्जीलिङ गोर्खा पार्वतीय परिषदले भारतीय सेनामा भर्न हुन भारतीय गोर्खाहरुलाई गोर्खा सर्टिफिकेट जारी गरेका हुन्।
यो निर्णय बोडोल्याण्ड क्षेत्रीय परिषद क्षेत्रमा बसोबास गर्ने गोर्खा समुदायको दीर्घकालीन माग पूरा गर्नेतर्फ एउटा महत्त्वपूर्ण कदम हो। साथै, यसले उक्त क्षेत्रका गोर्खाहरूमा रहेको भय र असुरक्षाको भावना समाप्त गर्न मद्दत पुर्‍याउनेछ।
यस निर्णयले बोडोल्याण्ड क्षेत्रीय परिषदमा विभिन्न समुदायहरूबीच विश्वास र सहकार्यलाई प्रवर्द्धन गर्नेछ। यसले क्षेत्रीय शान्ति, सद्भाव, एकता र विकासका लागि बलियो आधार तयार पार्ने विश्वास गरिएको छ।
यो ऐतिहासिक निर्णय गोर्खा समुदायका निम्ति मात्र नभई बोडोल्याण्ड क्षेत्रीय परिषद क्षेत्रको सामाजिक, आर्थिक र सांस्कृतिक विकासका निम्ति पनि महत्त्वपूर्ण रहनेछ। यस निर्णयप्रति हाम्रो गहिरो आभार प्रकट गर्दै हामी शान्ति, मेलमिलाप र प्रगतितर्फ अघि बढ्ने आशा गर्दछौं।
धन्यवाद।

मन घिसिङ
अध्यक्ष
गोर्खा राष्ट्रिय मुक्ति मोर्चा, केन्द्रीय समिति ।

Address

Darjeeling
734012

Telephone

+917001881364

Website

facebook.com

Alerts

Be the first to know and let us send you an email when 𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧:

Videos

■ जाती माटाेकाे निम्ति अनि आफू उभिएकाे भुमिमाथिकाे स्वमित्वकाे निम्ति गर्नु पर्ने संघर्ष सजिलाे छैन। हामी जातिकाे साँचाे चिन्तकहरुकाे समर्थनले अघि आउने छाैं। बिभाजित स्वार्थिहरु छन्। निस्वार्थ जातिलाई माया गर्नेहरु एकठाँउमा उभिनेछ। हाम्राे जमीनबाट बंगाल आफैले 1986 मा आफ्नै प्रतिवेदन जारि गरि हात काटिसकेकाे छ। याे भुभाग सिक्किमकाे हाे। बंगालकाे हाेईन। ~छुट्टै राज्य समन्वय समिति।

■ पहाडकाे मुलबासिमाथि थाेप्दैछ त्याे असलमा असवैंधानिक हाे भन्दै मिडियामा प्रेस भेला ~छुट्टै राज्य समन्वय समिति ~गाेर्खा सेवा सेना

पुकार गहतराज कार्यकारिणी सचिव हाम्रो पार्टी केन्द्रीय समिति दार्जीलिङ प्रेस विज्ञाप्ति 19 दिसम्बर 2024 पाँच डेसिमल होइन,हामीलाई हाम्रो सवै जमीनको पटटा चाहिन्छ: पुकार गहतराज ■ सरकारले राखेको एजेन्टहरूले जनताको पक्षमा बोल्न सक्दैन।पाँच डेसिमल जमीनको मुद्वा अहिले पहाडमा फेरि चुलिन्दै जान्दैछ।गत 1999 मा सरकारले पाँच डेसिमल जमीनको एक अधिसूचना जारी गरेर बाहिरोबाट आएकाहरूलाई बंगालमा जमीन दिएर राखेको हो।बंगाल सरकारले हामीलाई पनि पाँच डेसिमल जमीनको पटटा दिने अधिसूचना जारी गरेर हामीमाथि सरकारको हेर्ने नजर कस्तो रहेछ भन्ने स्पष्ट भएको छ।हामी गोर्खाहरू रेफ्युजी शरणार्थी होइनौ,इतिहास साक्षी छ हामी गोर्खाहरू जमीनसंगै आएका हौ।देश स्वाधीन हुन अधि हाम्रो पूर्खाहरूले यो जमीनहरूलाई हेरचार गर्दै आएको हो।यो जमीनमा हाम्रो पिता पूर्खाहरूले खून पसिना बगाएको छ।

■ ५ डेसिमल पट्टा जाति विरोधी -अजय एडवर्डस अध्यक्ष हाम्रो पार्टी।

■ सांसद राजु बिष्टको कार्यालय प्रेस विज्ञप्ति १७ डिसेम्बर, २०२४ आज, मैले संसदमा “गोवा राज्यका विधानसभा निर्वाचन क्षेत्रहरूमा अनुसूचित जनजातिहरू (STs) को प्रतिनिधित्व समायोजन विधेयक, २०२४ को समर्थनमा आफ्नो वक्तव्य राखेँ। यस अवसरमा मैले छुटेका ११ गोर्खा जातगोष्ठीहरू – गुरुङ, भुजेल, मगर, नेवार, जोगी, खस, राई, सुनुवार, थामी, यख्खा र धिमाललाई अविलम्ब अनुसूचित जनजातिमा पुनर्शामेल गर्नु पर्ने आवश्यकतामाथि पनि जोड़ दिएँ। छुटेका ११ गोर्खा जातगोष्ठीहरूलाई अनुसूचित जनजातिमा पुनर्शामेल गर्ने विषयमाथि बोल्दै मैले आज संसदलाई जानकारी दिएँ कि गोर्खा जातिलाई भारत स्वतन्त्र भएको बेलासम्म एकमुष्ठ रूपमा “हिल ट्राइब्स”को मान्यता प्राप्त थियो। तर स्वतन्त्रतापछि गोर्खाहरूसँग कुनै सर-सल्लाह नगरिकनै उनीहरूबाट यो “हिल ट्राइब्स”को दर्जा खोसियो। कालान्तरमा, १८ गोर्

अजय एडवाडर्स अध्यक्ष हाम्रो पार्टी केन्द्रीय समिति दार्जीलिङ ■ प्रेस विज्ञाप्ति 16 दिसम्बर 16 दिसम्बर 2024 अजय एडवाडर्स पूग्यो टिष्टा भ्रमणमा। टिष्टा बाँढ पिडितहरूलाई न्याय दिलाउन आन्दोलन गर्नै पर्ने रहेछ। ■ टिष्टा बाँढ पिडितहरूलाई न्याय दिलाउँन अब आन्दोलन गर्नै पर्ने रहेछ।आज म टिष्टा भ्रमणमा गएको थिए।त्यहाँको अवस्था देखेर म धेरै मर्माहित बने।गत केही बर्ष अघि छिमिकी राज्य सिक्किम लगायत बंगालको टिष्टा आदि क्षेत्रहरूमा धेरै क्षति पूराएको थियो।सिक्किम बाँढ पिडितहरूले न्याय पाई सकेका छन तर आज यतिका बर्षहरू विति सक्दा पनि टिष्टा बाँढ पिडितहरूले न्याय पाउँन सकेको छैन। टिष्टामा आएको बाँढले टिष्टा बजार लगायत धेरैवटा क्षेत्रहरूलाई क्षति पूराएको छ,मानिसहरूको घर सम्पतिहरू क्षति ग्रस्त भएको छ।बाँढ पिडितहरूलाई जीटीए चीफ अनित थापाले न्याय दिलाएरै छो

■ भारतमा अलग राज्य गोर्खाल्याण्ड माग बिषयलाई लिएर नयाँ दिल्लीको जन्तर मनतरमा गोर्खाल्याण्ड एक्टिभिस्ट समूहको दुई दिने धरना प्रदर्शन पश्चात आज भारत देशका राष्ट्रपिता महात्मा गाँधीको समाधी स्थल राजघाटबाट गोर्खाल्याण्ड एक्टीभिष्ट समूहका संयोजक किशोर प्रधान देशका गोर्खा समुदायलाई सम्बोधन गर्दे।

■ आदिबासी गोर्खा संयुक्त समिति (AGOSS) का संस्थापक अध्यक्ष सघन मोक्तानद्वारा डुवर्सेली गोर्खाहरुको राजनैतिक अधिकार, सामाजिक, आर्थिक,सामाजिक अधिकार र अस्मिताको सुरक्षा, डुवर्समा नेपाली भाषाको बिकाश र अधिकार मुल फुटाउन एक मञ्च, एक स्वर एक मालामा आउनु पर्छ भन्दै डुवर्सेली गोर्खाहरुको गोर्खा चिन्तन सभामा उपस्थित भईदिने आग्रह गर्दै ।

■ गत २१ नोभेम्बर २०२४ को दिन दार्जिलिङ बालुवा बास नजिक रहेको झोलुङ्गे पुलबाट दुर्घटनामा परेका AJNews24 का मुख्य सम्पदक पत्रकार साथै गायक सुरज राईको स्पाइनल कॉर्ड ऑपरेशनको अनि टाउकोमा गरिएको सिलाई करिब 20 दिन पछि खोलियो। अब केही दिन अचल रहेर आराम गर्नुपर्ने स्वास्थ कर्मीले दिए सुझाव।

आज फेरी तेस्रोपटक भारत देशमा भारतीय गोर्खाहरुको भारतीय जनता पार्टीको संकल्प पत्रमा उल्लेख गोर्खाल्याण्ड स्थायी राजनीतिक समाधान माग पुरा नभएको साथै यस मागलाई कसरी अघि बढ्नुपर्छ भन्ने बिषयमा अलग राज्य समन्वयन समितिको पत्रकार सम्मेलनमा बोल्दै प्रभाव राई।

नयाँ दिल्लीको जन्तर मन्तर बाट आफ्नो सम्बोधन राख्दै गोर्खाल्याण्ड एक्टीभिष्ट समूहका संयोजक किशोर प्रधान

■ गोर्खाल्याण्ड एक्टिभिस्ट समूहको छुट्टै राज्य गोर्खाल्याण्डको माग बिषयलाई लिएर फेरि एकपटक नयाँ दिल्ली प्रस्थान भएका छ्न् भने मिडियालाई सम्बोधन गर्दे समूहका संयोजक किशोर प्रधान।

𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧

14/01/2025

14/01/2025

13/01/2025

12/01/2025

12/01/2025

12/01/2025

12/01/2025

11/01/2025

11/01/2025

09/01/2025

08/01/2025

08/01/2025

08/01/2025

07/01/2025

07/01/2025

07/01/2025

06/01/2025

06/01/2025

Address

Telephone

Website

Alerts

Contact The Business

Videos

Shortcuts

Share

Category