Himali Sandesh Channel

16/01/2023

दिपेन ठकुरी अनि प्रतिभा राई बने दार्जिलिङ नगरपालिका वोर्डको नयाँ अध्यक्ष अनि उपाध्यक्ष।

दानपा वोर्ड भागोप्रमोको दखलमा।

16/01/2023

दुःखद खबर !
हार्दिक श्रद्धाञ्जली आमा🙏🙏🙏💐💐🌼

कवि/पत्रकार वरदान सम्मान समूहकी अध्यक्ष तथा हिमाली सन्देश च्यानलका कार्यक्रम प्रमुख सम्पादक सविता संकल्प मातृ शोकमा परेको खबरले हामी मर्माहत बनेका छौँ ।

दिवंगत माता सरस्वती थापाको हिज आइतबार निधन भयो|
मातृ आत्माको चिरशान्तीको कामना गर्दै यसघडी उनको परिवारलाई यो बज्रपात सहने शक्ति प्रदान गरून् भनी ईश्वर समक्ष प्रार्थना चढ़ाउदछौं|

परिवारसूत्रबाट थाहा लागे अनुसार उनको अन्तिम संस्कार मंगलबार गरिने छ भनी सबैमा जानकारी गराउँदछौं।

16/01/2023

मणीपुरका पत्रकार कवि लेखक राहुल राई बोगीकोमाथि दोस्रो पटक हमला:-

नागाल्याण्ड राज्यको डिमापुरमा उक्त घटना घटेको पत्रकार राईले फोन सम्पर्कमा यसरी जनाएको छ|

राहुलमाथि भएको घटनाको कठोर रुपमा प्रतिवाद जनाउदै भारत सरकारले गोर्खा जातिको सुरक्षालाई लिएर यथाशीघ्र ठोस पहल गरिदिने माग गर्दछौं|

15/01/2023

Jetshen D Lama को पिताको अपिल:-

15/01/2023

जीटीभीको सारेगमप लिटल च्याम्प फाइनल राउण्डको लागि भोटिङ लाइन 15 जनवरी 2023 आइतवार राति 9 बजीदेखि खुला भएको छ। सिक्किमकी छोरी, हामी सबैको गर्व सानी बालिका जेत्सन लामा फाइनल राउण्डमा छिन्। उनलाई जिताउन तपाईंको एक भोट अनिवार्य छ। तपाईंको भोटबाटै बाल गायिका जेत्सन राज्यदेखि उठेर राष्ट्रको महा गायन मञ्चमा सफल बन्नेछिन्। यो भोटिङ लाइन आइतवार बेलुकी 9 बजीदेखि बुधवार बिहान 9 बजीसम्म खुल्ला रहनेछ। यो महत्वपूर्ण समयको लाभ उठाएर हाम्रो प्रतिभावान छोरीलाई राष्ट्रमा परिचित गराऔं। जेत्सनको भोटिङ नम्बर 9152915227 रहेको छ। एक मिस कल गरौं, जेत्सनलाई च्याम्पियन बनाऔं।

15/01/2023

15/01/2023

नागरी फार्म युनाइटेड स्पोर्टिङ‌ क्लबका सहसचिव श्री रोशन प्रधानको असामायिक निधनको कारण उक्त क्लबद्वारा आयोजना गरिरहेको जिल्ला स्तरीय खुल्ला लाते भकुण्डो प्रतियोगिताको आजको खेल रद्द गरियो साथै प्रतियोगिताको आगमी खेल बारे मिडिया मार्फत जनाउने छौं भनि सप्पन थापाले भने। स्वर्गीय रोशन प्रधानको आत्माले चीर शान्ति पाउन साथै यस दुःखद घड़ीमा शोक सन्तप्त परिवारलाई ईश्वरले सहन शक्ति प्रदान गरुन भन्दै युनाइटेड स्पोर्टिङ‌ क्लबको पक्षबाट शोक संवेदना व्यक्त गरे।

रिपोर्ट: सुमेन्द्र श्रेष्ठ

15/01/2023

कालेबुङ कृषक कल्याण महासंघको आयोजनामा सिटोङमा जैविक खेति विषयमा कार्यशाला:-

सिटोङ १५ जनवरी (अरुण) कृषकहरुको सर्वाङ्गीण हितलाई आत्मासात गर्दै विगत २० वर्षदेखि दार्जिलिङ क्षेत्रमा जैविक तथा प्राकृतिक खेतीपाती सस्कांर पशुधन एवं कृषिजन्य विविध योजनाहरुमाथि कार्यरत कृषक कल्याण सगंठनको आयोजनामा एकद्विवसीय प्रशिक्षण सिटोङ थामडाडाँमा सम्पन्न भयो । उक्त तालिम अवधि भारत सरकारको कृषि अनि किसान कल्याण मन्त्रालय कृषि कल्याण विभाग भुवनेश्वरवाट सम्बन्धित वैज्ञानिकद्वय डा० पाण्डे अनि डा० पीके शर्मा साथै केकएस महासचिव विष्णु छेत्री उक्त प्रशिक्षणको निम्ति आएका थिए । केकेएसको आयोजनामा सम्पन्न यस प्राकृतिक खेती अनि किसान प्रशिक्षण साथै प्रदर्शनी कार्यशालामा सिटोङ तीवटा जीपीका ६० जना भन्दा अधिक सक्रिय किसानहरुले भाग लिएका थिए । विशेष रुपले जैविक तथा प्राकृतिक खेतीपातीलाई प्रमुखता दिन हेतु किसानहरुलाई प्रेरित गर्ने विविध सरकारी योजनामाथि प्रकाश पार्दै शोध व्यक्तिहरुले कृषकहरुलाई जानकारी गराएका थिए । साथै प्राकृतिक खेतीपातीको निम्ति गौपालन अथवा पशुपालन नै हुनाले देशी गाईवस्तु पालन सस्कांरलाई पनि विकसित गरेर लैजानपर्ने विषयमा पनि उपस्थित किसानहरुलाई अवगत गराएका थिए । यसअवधि किसानहरुलाई जीवामृत साथै अन्य जैविक कीटनाशक आदि बनाउने व्यवहारिक प्रशिक्षण पनि प्रदान गरिएको थियोे भने जीवामृत तयार गर्ने सामाग्री पनि किसानहरुलाई वितरण गरिएको थियोे ।

15/01/2023

हाम्राे एजेण्डा गाेर्खाल्याण्ड हाे - बिमल।

मिरिक १५ जनवरी(विनोद) हाम्राे एजेण्डा गाेर्खाल्याण्ड हाे। गाेर्खाल्याण्डकाेलागि नै अहिले काम गरिरहेका छाै।दार्जिलिङ सिक्किम विलय हाम्राे विषय हाेइन ।हामी जमीनसित आएका हाै ।हाम्राे भूभाग अलग राज्य गाेर्खाल्याण्ड हाे।अब हामी जातिकाेलागि एक हुने समय आएकाे छ।सबै कुराे भूलेर अब जातिकाेलागि अघि बड्नपर्छ।उक्त कुराे गाेर्खा जनमुक्ति माेर्चा केन्द्र अध्यक्ष बिमल गुरूङले मिरिकमा पत्रकारहरूलाई बताए।तिनले विगतमा फाेटाे सेसनले हामीलाई धेरै भुल्लाएकाे छ।अब फाेटाे सेसन हाेइन ब्यवहारिक कार्य गर्नुपर्छ ।यसैले हाल हामीले गुप्तरूपमा दिल्लीमा कार्य गरिरहेका छाै भन्दै १९८६ देखि आजसम्म अलग राज्य गाेर्खाल्याण्डकाे धेरै शहीद बनेका छन। उनीहरूकाे याेगदानकाे कदर अहिलेसम्म भएकाे छैन।गाेर्खाल्याण्ड राज्यले मात्र शहीदकाे सपना पूरा हुनेछ भनेर नै मैले जीटीए त्यागेर गाेर्खाल्याण्डकाेलागि अघि बडेकाे हाे भने। गुरूङले गाेर्खाकाे एघार जात गाेष्ठीलाई जनजातिकाे दर्जा बिषयमा बाेल्दै यस विषयमा बनिएकाे कमिटिले गम्भीरतापूर्वक कार्य गरेकाे जस्ताे मलाई लागेकाे छैन।यस विषयकाे समधान राजनैतिकरूपमा नै हुनसक्छ ।किनभने बुझाँउनु पर्ने ठाँउमा सबै कुराे बुझाई सकेका छाै भने।तिनले सांसद राजू विष्ट र आफ्नाे भेटलाई लिएर कसैले पनि राजनीति गर्नु नमिल्ने बताँउदै उनीसित पुरानाे परिचय भएकाे कारण विजनबारी अनि साेम आँउदा मलाई दाज्युकाे नाताले भेट्नु आएकाे हाे।अन्य कुनै ठूलाे कारण छैन भने।

15/01/2023

दुःखद समाचार

नागरी फार्म युनाइटेड स्पोर्टिङ‌ क्लबका कर्मठ सदस्य, नागरी फार्म उजीर गाँउ निवासी रोशन प्रधानको असमायिक मृत्युको खबरले क्षेत्रमा शोकको लहर छाएको छ।

प्रधान हिजसम्म स्वास्थ्य रहेर फुटबल खेललाई सञ्चालन गर्न सक्रिय बनेर खटेका थिए भने तिनको अचानक मृत्यूको खबर क्लव कार्यकर्ताहरुको निम्ती गहिरो खति र शोकको कारण बन्न गएको छ|

प्रधानको निधनप्रति गहिरो शोक प्रकट गर्दै तिनको आत्माको चीर शान्तिको कामना गर्दछौं।

हार्दिक श्रद्धांजलि।

14/01/2023

विरामी तथा दीन दुखी नागारिकहरुलाई सेवा सहयोग पुराउने उद्धेश्य राखेर गठन गरिएको एनजीओ हम एक दुसरेका मदत करेद्वारा खेलाइएको लट्री खेलको परिणाम आज सार्वजनिक गरियो|

यस अवधि कलकत्ताका अथितिहरुको उपस्थितिमा एक सचेतनामुलक कार्यक्रम आयोजना गरेर संस्थानले स्थापना कालदेखि गर्दै आएको मानवीय सेवा कार्य विषयमा अवगत गराइयो|

14/01/2023

बसिवियाँलो लघु चलचित्रको छाँयाङ्कन सिटोङको विभिन्न स्थानहरुमा युद्धस्तरमा भइरहेको छ|

यस विषयमा चलचित्र निर्देशक तथा गायक करण थापाले यसरी प्रकाश पार्दै सिटोङको नामलाई अझ उच्च पार्न यस प्रकारको लघु चलचित्र निर्माण अभियानको थालनी स्थानीय कलाकारहरुलाई लिएर प्रारम्भ गरेको बताए|

14/01/2023

युनाइटेड स्पोर्टिङ‌ क्लब नागरी फार्मको आयोजनामा सम्पन्न भईरहेको जिल्ला स्तरीय खुल्ला लाते भकुण्डो प्रतियोगिताको चौथो क्वार्टर फाइनल खेल भोली दिनांक 15/01/2022 आईतबारको दिन एस बी आई सुके बनाम गोपाल धारा एफ सी माझ सम्पन्न हुनेछ तसर्थ उक्त सम्पूर्ण खेल प्रेमी महानुभावहरुलाई आयोजक समिति हार्दिक स्वागत जनाउंदछ।

समय: 2 बजे
स्थान: नागरी फार्म खेल मैदान।

14/01/2023

वर्ष २०२३को डिके श्रेष्ठ स्मृति साहित्य पुरस्कारले लेखिका तथा समालोचक मणिका मुखिया अलङ्कृत हुने|

श्रीमति मुखियालाई उनको समालोचना कृति साहित्य परिदर्शन को निम्ती उक्त पुरस्कारले सम्मानित गरिने स्रष्टा परिवार नागरी फार्मले जनाएको छ|

14/01/2023

युनाइटेड स्पोर्टिङ‌ क्लब नागरी फार्मको आयोजनामा सम्पन्न भईरहेको जिल्ला स्तरीय खुल्ला लाते भकुण्डो प्रतियोगिताको आज सम्पन्न भएको तेस्रो क्वार्टर फाइनल खेलमा मानेभञ्ज्याङ एफ सीले हिमचुली केडीएमलाई शुन्यको विरुद्ध तीन गोल गरी परास्त गर्दै प्रतियोगिताको सेमीफाइनलमा प्रवेश गर्ने तेस्रो दल बने।

आजको खेलमा आफ्नो दलको निम्ति उत्कृष्ट खेल प्रदर्शन गर्ने मानेभञ्ज्याङ एफ सी का खेलाडी म्याक्सवेललाई म्यान अफ द म्याच घोषणा गर्दै ट्रफी प्रदान गरे।

प्रतियोगिताको अन्तिम क्वार्टर फाइनल खेल आगमी १५ जनवरी २०२३ आईतबारको दिन एस बी आई बनाम गोपाल धारा एफ सी माझ सम्पन्न हुनेछ।

रिपोर्ट: सुमेन्द्र श्रेष्ठ

13/01/2023

युनाइटेड स्पोर्टिङ‌ क्लब नागरी फार्मको आयोजनामा सम्पन्न भईरहेको जिल्ला स्तरीय खुल्ला लाते भकुण्डो प्रतियोगिताको तेस्रो रोमाञ्चक क्वार्टर फाइनल खेल भोली मानेभञ्ज्याङ एफ सी बनाम हिमचुली केडीएम माझ सम्पन्न हुनेछ तसर्थ सम्पूर्ण खेलप्रेमी महानुभावलाई आयोजक समिति हार्दिक स्वागत जनाउँदछ।

समय: 2 बजे
स्थान: नागरी फार्म खेल मैदान,
खबर:-सुमेन्द्र श्रेष्ठ

12/01/2023

भोली (१३/०१/२०२२) पुनः लङ्कुको मार्ग बन्द रहनेछ ।
विशेष सबै चालक वर्गलाई आज लङ्कु सिटोङको सड़क मर्मति कार्यमा सहयोग गरिदिनु भएकोमा धन्यवाद।

भोली १३/०१/२०२३ को दिन फेरि लङ्कु स्थित रमिते गोलाई मुनि मर्मत कार्य चल्ने छ। उक्त ठाउँमा बाटोको अवस्था एकदमै खराब अनि अप्ठ्यारो भएको हुनाले मर्मती कार्य निरन्तर रुपमा सकिदिने क्षेत्रीय चालकवर्गको अनुरोधलाई ध्यानमा राखेर भोली दिनभरि मर्मति कार्य चल्नेछ । तसर्थ, भोली एकदिन बिहान ९:०० बजेदेखि बेलुकी ५:०० बजेसम्म वाहन चलाचल ठप्प गरिनेछ। उक्त नियमित समय भरि कुनै आपातकालीन सेवा आएको खण्डमा विकल्पको लागि लाठपञ्चरको मार्ग भएर सवारी साधन कुदाईदिन हुन भनी निर्माण कार्ता कम्पनी अनि क्षेत्रवासी जनताद्वारा आव्हान गरिएको छ ।
लङ्कु ग्रामबासी अनि construction company को पक्षबाट यो अपिल गरेका छन्।

12/01/2023

पक्ष,बिपक्ष,जनता सहजै संग लालकोठी(मुख्य कार्यपालको कार्यलय)अनि गोर्खा रङ्गमञ्च भवन(मेरो कार्यलय)जान सक्छ।तर हामी जनताको नै समस्या बुझेर सामाधान निकाल्न गाँउ घर जादैछौ वा कुनै बिभागीय कार्यक्रममा सहभागिता लिदा कार्यलयमा हुदैनौ भने त्यो हाम्रो भूल होइन।त्यो हाम्रो जनता प्रतिको उत्तरदायीत्व अथवा बिभागीय कार्यको अंश हुनेछ।सबैले हामी संग भेटन वा डेपुटेसन दिनु आउदा फोन गरेर वा एपोइन्टमेन लिएर हामी संग भेट घाट गरिरहेको छ।यसमा कुनै समस्या छैन।

अनोश थापा
कार्यकारी सभासद
सूचना एवं सांस्कृतिक बिभाग/सिँचाई एवं जल मार्ग बिभाग
गोर्खाल्याण्ड क्षेत्रीय प्रशासन
गोर्खा रङ्गमञ्च भवन
दार्जिलिङ

12/01/2023

Thank you IRB Delhi Camp for supporting our pride Jetshen Dohna Lama .

12/01/2023

गोरामुमो द्वारा 29 जनवरी 2023 को दिन मञ्जु पार्क मिरिकमा "सुवास घिसिङ श्रद्धाञ्जली सभा "एवं सुवास घिसिङ अनि उनको धर्मपत्नी धनमाया घिसिङको समाधी निर्माण हेतु भुमि पुजन गरिने।

मिरिक,११जनवरी|
गोर्खा राष्ट्रिय मुक्ति मोर्चा द्वारा आगमी दिनाङ्क 29 जनवरी 2023 आइतबारको दिन मञ्जु पार्क मिरिकमा सुवास घिसिङको नवौं पुण्यतिथिमा श्रद्धाञ्जली सभा साथै सुवास घिसिङ अनि उनको धर्मपत्नी धनमाया घिसिङको समाधी निर्माण हेतु भुमि पुजन गरिने गोरामुमो केन्द्रीय समिति प्रवक्ता वाई लामाले जानकारी दिएका छन् ।उनले एक प्रेस बिज्ञप्ति जारी गर्दै भने,गोरामुमो अध्यक्ष मन घिसिङ साथै गोरामुमो केन्द्रीय समितिको निधोमा सुवास घिसिङको जन्म मञ्जु चियाबारीमा भएको साथै वहाँको अन्तिम संस्कार पनि मञ्जु पार्कमा भएको हुनाले मञ्जु पार्कमा नवौं पुण्यतिथिमा श्रद्धाञ्जली कार्यक्रमको आयोजना गरिएको हुनाले त्यस दिन सबैलाई उपस्थित भएर श्रद्धाञ्जली अर्पण गरिदिने वाई लामाले अपिल गरेका छन् ।गोरामुमो अध्यक्ष मन घिसिङ साथै गोरामुमो केन्द्रीय समितिको निधोमा सुवास घिसिङको जन्म मञ्जु चियाबारीमा भएको साथै वहाँको अन्तिम संस्कार पनि मञ्जु पार्कमा भएको हुनाले मञ्जु पार्कमा नवौं पुण्यतिथिमा श्रद्धाञ्जली कार्यक्रमको आयोजना गरिएको हुनाले त्यस दिन सम्पुर्ण गोरामुमो नेतृत्वबर्ग गोरामुमो कार्यकर्ताहरु साथै सुवास घिसिङलाई माया गर्नेहरु सबैजना उपस्थित भएर श्रद्धाञ्जली अर्पण गरिदिने वाई लामाले अपिल गरेका छन् ।सुवास घिसिङको श्रद्धाञ्जली कार्यक्रम संगसगै त्यस दिन उनको धर्मपत्नी धनमाया घिसिङलाई सम्झाना गर्दै श्रद्धाञ्जली अर्पण गर्ने कार्यक्रम रहेको जनाउदै उनले भने, आज सुवास घिसिङलाई बिश्व चिन्छ सबैले माया गर्छ यस्तो जान्ने बुझ्ने बनायो भने त्यसको पछाडी उनको धर्मपत्नी आमा धनमाया घिसिङको ठूलो योगदान छ ।वहाँको योगदानलाई कदर गर्दै त्यस दिन वहाँलाई साँचो श्रद्धाञ्जली चडाउने निधो गरेका छौँ ।साथसाथै सुवास घिसिङ अनि धनमाया घिसिङको समाधी निर्माणको निम्ति भुमि पुजन पनि गरिने छ।जुन आमाले सुवास घिसिङलाई साथ दिएर बिश्वमा चिन्ने बनाए , जुन आमाले गोर्खा जातिको निम्ति आफ्नो पतिलाई युद्धमा होमाए युद्ध लडाए त्यो आमाले जब आफ्नो प्राण त्याग्नु भयो । अन्तिम समयमा आफ्नो अन्तिम संस्कार समेत पहाडमा भित्र्याएर गराउन सकिएन त्यो दुर्भाग्य हो दुखको कुरा हो आफ्नो आमाको अन्तिम संस्कार गर्नु नपाउनु तर अध्यक्ष मन घिसिङले वहाँलाई पहाडमा श्रद्धाञ्जली अर्पण गर्नको निम्ति समाधी निर्माण गर्न निधो गर्नु भएको छ।त्यसकारण सुवास घिसिङ अनि धनमाया घिसिङलाई साँचो श्रद्धाञ्जली अर्पण साथै समाधी निर्माणको निम्ति भुमि पुजनको आयोजना गरिएको हुनाले सबैलाई उपस्थित भइदिन अपिल गर्दछु भनी वाई लामाले आफ्नो बिज्ञप्तिमा जनाएका छन् ।

11/01/2023

भोलि बिरिक_डाँड़ादेखि_सिटोङ_मार्गमा वाहन_चलाचल_ठप्प रहनेछ ।

भोली १२/०१/२०२३ को दिन लङ्कु स्थित छ्याङ्कुटे गोलाईमा मर्मत कार्य चल्ने छ। उक्त ठाउँमा बाटोको अवस्था एकदमै खराब भएको हुनाले मर्मती कार्य गर्न पुरा दिन लाग्नेछ। तसर्थ, भोली एकदिन बिहान ९:०० बजेदेखि बेलुकी ५:०० बजेसम्म वाहन चलाचल ठप्प गरिनेछ। उक्त नियमित समय भरि कुनै आपातकालीन सेवा आइपरे लाठपञ्चरको रोड भएर नै आवतजावत गरिदिने जानकारी गराईएको छ ।
लङ्कु ग्रामबासी अनि construction company को पक्षबाट यो अपिल जारी गरेका छन्।

11/01/2023

प्रजातन्त्रको सीमाभित्र नै हामीले काम गरेका छौ। हल्ला गरेर प्रजातन्त्र आउँदैन।

विनय, विमल अनि अजयको मिलन बी जी पि एम को खतम गर्ने मिलन हो। उनीहरू आफैं भित्र विभाजित छन्।

अनित थापा,
जीटिए प्रमुख।

11/01/2023

गोरामुमो अध्यक्ष मन घिसिङसंग हाम्रो पार्टि अध्यक्ष अजय एडवार्ड्सको आज भेटवार्ता हुने सञ्चार सुत्रको भनाइ:-

हाम्रोहरु मिल्नु अनि सहि टुङ्गो लाग्नु आजको आवश्यकता हो|
जनता|

11/01/2023

निलो रङको स्कुटी हराएको सुचना:-

सिटोङ सुकेपोखरी आहाल डाँड़ाबाट हिज मंगलबार राती १ बजी WB74BD0778 न० को स्कुटी हराएको जानकारी प्राप्त भएको छ|
दिशा पिसाब गर्न गएको समय उक्त स्थानबाट उल्लेखित न० को स्कुटी हराएको बताइएको छ|

11/01/2023

सिटोङका अर्को उम्दा प्रतिभा ओङमित लेप्चाको दमदार प्रस्तुति:-

चौबन्दीमा पटुकी बाँध्या छैन भन्दैमा………

11/01/2023

11/01/2023

नेपाली चलचित्र जगतका धरोहर तथा गोर्खा जातिका गौरव तुलसी घिमीरेसंग सांसद राजु विष्टको भेटवार्ता:-

10/01/2023

कालेबुङ कृषक कल्याण संगठनद्वारा वाइन बनाउने तालिम प्रदान गरियो|

सिटोङ,१०जनवरी(अरुण खवास)|
कालेम्पोङ कृषक कल्याण सगंठनका महासचिव विष्णु छेत्री आज सिटोङ सरकारी कुलैनबगानका स्वनिर्भर समुहलाई वाइन बनाउने तालिम प्रदान गर्न् सिटोङ आईपुगेका थिए । कृषक कल्याण महासघं सगं सम्बन्धित विशेष महिला स्वनिर्भर समुहहरुलाई स्वालम्बी बनाउने साथै महिला उधमितालाई प्रोत्साहन गर्न् सगंठनले व्यापक रुपमा कार्य गर्दै आईरहेको छ । यसक्षेत्रका समुहहरु पनि धेरै अघिदेखि सक्रिय बनेर विविध कार्यहरु गरिरहेका छन् । यसै सन्दर्भमा आज यहाँका समूह सदस्यहरुलाई थप प्रोत्साहित गर्न् एकदिने वाइन बनाउने तालिम महासचिव छेत्रीले प्रदान गरेका छन् । आज विशेष गरेर अदुवा सुन्तला अनि केराद्वारा कसरी वाइन बनाइन्छ सोबारे प्रयाक्टिकल तालिम सिटोङ प्रगति भवनमा प्रदान गरियो । यहाँ उत्पादित विभिन्न फलफुलहरुवाट शुद्ध प्राकृतिक वाइन बनाएर यसको बजारीकरण गर्न् सके यसलाई राम्रो आयश्रोतको रुपमा लिन सकिन्छ भनी तपनले बताएका छन् । साथै बगांलमा यस उधोगसगं सम्बन्धित अड्चनहरुबारेमा पनि अब सगंठनले प्रस्ताव ग्रहण गरेर विधायक मार्फत सरकारसमक्ष यो कुराको उठान गर्ने बताए कि बगांलमा पनि वाइन निर्माण नीति निर्धारित गरियोस । अनि विस्तारै यहाँ वाइन सेलरहरु विकसित गरि लोकल फलफुलहरुवाट भारीमात्रमा वाइन उत्पादन गर्नसके रोजगारको माध्यम पनि हुने बताए अनि यसरी घरेलु प्रकारले बनाईएको वाइनमा ओैषधीय गुण हुनाले विविध रोगहरुलाई निवारण गर्नमा पनि यसको प्रयोग गर्न् सक्ने जनाए । साथसाथै यो उधोग फस्टाएर गएको खण्डमा यहाँका कृषकहरुमा सुन्तलाको खेती तथा अन्य फलफुलहरुको खेतीप्रति पनि जाँगर चल्ने खेती फस्टाएर जानेपनि तिनको भनाई रहेको छ । यसै क्रममा आगमी दिनमा अरुपनि कृषि सस्कांरसगं सम्बन्धित विविध तालिम अनि आर्थिक अनुदानको पनि स्कीम अनुरुप व्यवस्था गरिने पनि तिनले तालिम अवधि जनाएका छन्|