NSS Varadkar -Belose College Dapoli

10/03/2024

Prize distribution NSS department 2023-24

10/03/2024

CPR program by Department of Commerce guided by Dr. Kunal Mandalik

10/03/2024

मुलाखतीत होते उमेदवाराच्या कौशल्याची पारख... श्री कुणाल मंडलिक

दापोली (दि. २९): मुलाखतीच्या वेळी कंपनीच्या गरजेनुसार उमेदवाराकडे योग्य कौशल्ये आहेत, याची पारख होते, असे मत श्री.कुणाल मंडलिक यांनी व्यक्त केले.

वराडकर बेलोसे महाविद्यालयात वाणिज्य विभागातर्फे आयोजित 'मुलाखत तंत्र' या विषयावरील कार्यक्रमात ते बोलत होते.

पुढे बोलतांना त्यांनी विद्यार्थ्यांना मुलाखत म्हणजे काय, मुलाखतीचे प्रकार, मुलाखतीच्या पद्धती, परिचय, बायोडाटा, मुलाखतीचे तंत्र, सॉफ्ट स्किल्स याबाबत सविस्तर माहिती दिली.

लेखाशास्त्र विभाग प्रमुख डॉ. सुरेश निंबाळकर हे कार्यक्रमाच्या अध्यक्षस्थानी होते.

कार्यक्रमाचे प्रास्ताविक डॉ.जयश्री गव्हाणे यांनी केले व शेवटी आभार मानले.

कार्यक्रमाला जेसीआयचे अध्यक्ष श्री.ऋत्विक बापट, जेसीआयचे माजी अध्यक्ष श्री. समीर कदम, प्रा.नगमा जिलानी, प्रा.उत्कर्षा गुरव व विद्यार्थी उपस्थित होते.

28/12/2023

31/08/2023

वराडकर बेलोसेत चांद्रयान-३ ची यशोगाथा उलगडली..
दि.30/08/2023
अंतराळ संशोधनाचे मुळ
संस्कृत ग्रंथात... डॉ. दशरथ भोसले

दापोली (दि.३०): अंतराळ संशोधनाचे मुळ संस्कृत ग्रंथात आहे. चंद्रयान-३ अवकाश संशोधकांना नवी दिशा देणारे ठरेल. अनेक शास्त्रज्ञांच्या अथक प्रयत्नाने चंद्रयान-३ चे यशस्वी प्रक्षेपण करून देशाला जगात मानाचे स्थान मिळाले आहे, असे प्रतिपादन आर. व्ही. बेलोसे एज्युकेशन फाऊंडेशनचे कार्यवाह डॉ. दशरथ भोसले यांनी व्यक्त केले.
दापोली येथील वराडकर बेलोसे महाविद्यालयातील एन.एस.एस. विभागाने आयोजित केलेल्या " चंद्रयान -३" या कार्यक्रमाच्या अध्यक्ष पदावरून ते बोलत होते.

प्रमुख पाहुणे जेसीआय दापोलीचे अध्यक्ष डॉ. सुयोग भागवत यांनी त्यांच्या भाषणात चंद्रयान-3 साठी आर्टिफिशियल इंटेलिजन्सचा वापर, विविध शास्त्रज्ञांचे इस्रो संस्थेच्या कार्यातील योगदान, चांद्रयान प्रक्षेपण प्रक्रियेची शास्त्रीय माहिती उलगडली.

महाविद्यालयाचे प्राचार्य डॉ. बी . डी. कऱ्हाड यांनी सर्वांचे स्वागत केले, आणि चंद्रयान -3 विषयी मार्गदर्शन करतांना विक्रम लँडर आणि प्रज्ञान रोवरला चंद्राच्या दक्षिण ध्रुविय पृष्ठभागावर सल्फर, अल्युमिनियम, मॅग्नीज,आयर्न, सिलिकॉन आणि ऑक्सिजन चे मूलद्रव्य सापडले आहेत. प्रज्ञान रोवर कडून हायड्रोजनच्या उपलब्धतेबाबत पडताळणी सुरू असुन चंद्राच्या पृष्ठभागावरील हवामान, सॉईल टेक्सचर, पाणी बाबतचा चा सखोल अभ्यास सुरू असल्याचे सांगितले.

सूत्रसंचालन करतांना एनएसएस कार्यक्रम आधिकरी डॉ.जयश्री गव्हाणे यांनी चांद्रयान-३ मोहिमेवर संपूर्ण जगाचे लक्ष असून संपूर्ण जग इस्रो कडे नव्या आशेने पाहत आहे, इतर देशांपेक्षा भारताने खूपच कमी बजेट मध्ये चांद्र्यानाचे प्रक्षेपण करून जगाला आश्चर्यचकित केले आहे, अशी माहिती दिली.
शेवटी प्रा. मालदेव कांबळे यांनी सर्वांचे आभार मानले. यावेळी जेसीआय दापोलीचे समीर कदम, ऋत्विक बापट, डॉ.स्वप्नील मेहता, डॉ.पियूष सोंजे, डॉ. ओमकार बागडे, सर्व प्राध्यापक व विद्यार्धी उपस्थित होते.

15/08/2023

15 August 2023

14/08/2023

14 August 23 Flag hoisting

14/08/2023

13 August 2023 Flag hoisting

14/08/2023

76व्या स्वातंत्र्य दिनानिमित्त 14 ऑगस्ट 2023 रोजी महाविद्यालय परिसर स्वच्छता

12/08/2023

आंतरराष्ट्रीय युवा दिन

देशात सकारात्मक बदलासाठी युवकांनी पुढे येण्याची गरज आहे.... डॉ. भारत कराड

वराडकर बेलोसे महाविद्यालयात रेड रिबन कल्ब उद्घाटन व आंतरराष्ट्रीय युवा दिवस साजरा ....

दापोली (दि. १२): आपल्या देशात सकारात्मक बदलासाठी तरुणांनी पुढे येण्याची गरज असल्याचे मत प्राचार्य डॉ.भरत कऱ्हाड यांनी व्यक्त केले. वराडकर बेलोसे महाविद्यालय दापोली राष्ट्रीय सेवा योजना व रेड रिबन क्लब रत्नागिरी उपजिल्हा रुग्णालय दापोली यांच्या संयुक्त विद्यमाने 12 ऑगस्ट रोजी महाविद्यालयात आंतरराष्ट्रीय युवा दिनाचे आयोजन करण्यात आले होते.याप्रसंगी कार्यक्रमाच्या अध्यक्षस्थानावरून डॉ.भारत कराड बोलत होते. पुढे बोलताना ते म्हणाले, निरोगी युवक ही देशाची ताकद आहे. रेड रिबनच्या माध्यमातून तरुणांचे प्रबोधन केल्यास निरोगी तरुणाई वाढेल. निरोगी व ज्ञानी तरुणच जगातील विविध संधींचा लाभ घेऊ शकतील. अशा सकारात्मक बदलासाठी तरुणांनी पुढे येण्याची गरज आहे.

कार्यक्रमाचे प्रमुख पाहुणे उपजिल्हा रुग्णालय दापोलीचे श्री पांडुरंग उबाळे यांनी याप्रसंगी एच आय व्ही एड्स बाबत जनजागृती केली आंतरराष्ट्रीय स्तरावर १२ ऑगस्ट हा दिवस ‘आंतरराष्ट्रीय युवा दिन’ म्हणून साजरा केला जातो. यानिमित्ताने युवकांशी निगडीत विशिष्ट पैलूवर चर्चा घडवून आणली जाते. संयुक्त राष्ट्रांनी १९८५ मध्ये पहिले आंतरराष्ट्रीय युवा वर्ष साजरे केले. युवकांना मिळणाऱ्या संधींची संख्या वाढविणे, त्यांची गुणवत्ता वाढविणे आणि त्या माध्यमातून समाजासाठी युवकांचे योगदान वाढविणे यादिशेने चांगले प्रयत्न झाले आहेत, अशी माहिती विद्यार्थ्याना दिली.

याप्रसंगी राष्ट्रीय सेवा योजनेचे कार्यक्रम अधिकारी डॉ. जयश्री गव्हाणे यांनी कार्यक्रमाची प्रस्तावना व पाहुण्यांची ओळख करून दिली. कार्यक्रमाचे सूत्रसंचालन आणि आभार प्रा. मालदेव कांबळे यांनी केले. राष्ट्रीय सेवा योजनेचे स्वयंसेवक यावेळी उपस्थित होते.

09/08/2023

वृक्षारोपण

*वराडकर बेलोसेत वृक्षारोपण..

दापोली (दि. ९ ):

कारगील म्हणजे भारतीय सैनिकांच्या अपार शौर्याचे प्रदर्शन.. श्री संजीवन सावंत.

दापोली (दि. ९ ):

दोन महिन्यांहून अधिक काळ चाललेले कारगिल युद्ध भारतीय जवानांनी अपार शौर्याने २६ जुलै १९९९ रोजी जिंकले होते.
युद्धात धारातीर्थी पडलेल्या त्या सर्व सैनिकांच्या बलिदानाची आठवण क्रांती दिनाच्या दिवशी प्रकर्षाने होत आहे, असे विचार भारतीय स्थल सेनेतील निवृत्त अधिकारी श्री संजीवन सावंत यांनी व्यक्त केले.

दापोली येथील वराडकर बेलोसे महाविद्यालयातील राष्ट्रीय सेवा योजना विभागातर्फे 'मेरी माटी मेरा देश ' व ९ ऑगस्ट क्रांतीदिन निमीत्त विविध उपक्रमांचे आयोजन करण्यात आले, त्याप्रसंगी ते प्रमुख पाहुणे म्हणून बोलत होते. कारगिल दिन निमीत्ताने त्यांनी अभ्यासपूर्ण भाषण दिले.

सुरवातीस कार्यक्रम अधिकारी डॉ. जयश्री गव्हाणे यांनी सुरुवातीस सामाजिक बांधिलकी आणि देशसेवा याबाबतची पंचप्राण शपथ सर्व विद्यार्थ्यांना व उपस्थिताना दिली.

प्राचार्य डॉ. भारत कराड हे अध्यक्ष स्थानी होते.

वृक्ष लागवडीचे महत्त्व या विषयावर कृषि विद्यापीठ दापोलीच्या प्रा. संतोष वरवडेकर कृषी महाविद्यालय कृषी विद्यापीठ दापोली यांचे व्याख्यान झाले व त्यांच्या हस्ते महाविद्यालय परिसरात वृक्षारोपण करण्यात आले.

कार्यक्रमाच्या यशस्वीतेसाठी एन एस एस स्वयंसेवकांनी विशेष परिश्रम घेतले.आभार डॉ बी पी गुंजाळ यांनी मानले.