27/01/2023
ইউক্ৰেইনত কালি ৰাছিয়াৰ ক্ষেপণাস্ত্ৰ আক্ৰমণত কমেও ১১ জন লোকৰ মৃত্যু হোৱাৰ লগতে ১০ জন লোক আহত হয়। সমগ্ৰ ইউক্ৰেইনত ৰাছিয়াৰ ক্ষেপণাস্ত্ৰ আক্ৰমণৰ ঢৌ, আমেৰিকা আৰু জাৰ্মানীয়ে কিয়ভলৈ টেংক প্ৰেৰণ কৰিবলৈ সন্মত হোৱাৰ এদিন পিছতে। ইউক্ৰেইনৰ সশস্ত্ৰ বাহিনীৰ মুখ্য অধিনায়ক ভেলেৰী জালুজনিয়ে কয় যে কিয়ভৰ ওপৰত ২০টা ক্ষেপণাস্ত্ৰ নিক্ষেপ কৰা হৈছে।
ইউক্ৰেইনৰ ৰাজ্যিক জৰুৰীকালীন সেৱাৰ মুখপাত্ৰ অলেকজেণ্ডাৰ খোৰুনঝিয়ে কয় যে কিয়ভ অঞ্চলৰ গৃহ নিৰ্মাণৰ অধিকাংশ ক্ষতি হৈছে। তেওঁ কয়, ক্ষেপণাস্ত্ৰ আক্ৰমণত ৩৫টা অট্টালিকা ক্ষতিগ্ৰস্ত হোৱাৰ লগতে দুটা অগ্নিকাণ্ড সংঘটিত হয়। এই ক্ষেপণাস্ত্ৰই সমগ্ৰ ইউক্ৰেইনৰ ১১টা অঞ্চলত ক্ষতিসাধন কৰে। মুখপাত্ৰগৰাকীয়ে কয় যে আক্ৰমণৰ পিছত উদ্ধাৰ প্ৰক্ৰিয়াত প্ৰায় ১০০ জন উদ্ধাৰকাৰী জড়িত হৈ আছে।
