JNE ODIA News

15/11/2023

ମୃତ ବ୍ୟକ୍ତିର ଚାଉଳ ଖାଉଛି କିଏ ?

ବାରଙ୍ଗ: ରାସନକାର୍ଡରେ ଦିଆଯାଇଥିବା ସଦସ୍ୟଙ୍କ ମଧ୍ୟରୁ ଜଣେ ଦୁଇଜଣ ମୃତ୍ୟୁ ବରଣ କଲେଣି ହେଲେ ତାଙ୍କ ନାମରେ ଚାଉଳ ଉଠାଣ ହେଉଛି । ଏମିତି ଅନେକ ରାସନକାର୍ଡ ରହିଛି ଯାହାକୁ ପରବର୍ତ୍ତୀ ସମୟରେ ସଂଶୋଧନ କରାଯାଇନାହିଁ । ଡିଲର ଅତି ଚଞ୍ଚକତା କରି ମୃତ ହିତାଧିକାରୀଙ୍କ ନାମରେ ଚାଉଳ ଉଠାଣ କରୁଥିବାର ଅଞ୍ଚଳବାସୀ ଅଭିଯୋଗ କରିଛନ୍ତି । କଟକ ଜିଲ୍ଲା ବାରଙ୍ଗ ବ୍ଳକ ବେଲଗଛିଆ ପଞ୍ଚାୟତର ଜଣେ ହିତାଧିକାରୀ ହେଉଛନ୍ତି ରଞ୍ଜନା ଦାଶ । ରାସନ କାର୍ଡ ନଂ- ୦୭୦୪୦୧୧୧୨୧୫ ରଞ୍ଜନା ଦାଶଙ୍କ ସମେତ ୭ ଜଣ ସଦସ୍ୟଙ୍କ ନାଁ ତାଲିକାରେ ରହିଛି । ହେଲେ ଇତି ମଧ୍ୟରେ ରଞ୍ଜନା ଦାଶଙ୍କ ଆଜକୁ ୨ବର୍ଷ ଉର୍ଦ୍ଧ ହେବ ତାଙ୍କର ଦେହାନ୍ତ ହୋଇସାରିଛି ହେଲେ ରାସନକାର୍ଡରେ ସେହି ୭ ଜଣଙ୍କ ନାଁ ରହିଛି, ଯାହାକି ପରିବାର ସଂଖ୍ୟା ୬ଜଣ ହେବା କଥା । ଏବେ ସୁଧା ରଞ୍ଜାନା ନାମରେ ଚାଉଳ ଉଠାଣ କରାଯାଉଛି ।

ସେହିପରି ଭାବରେ ରାସନ କାର୍ଡ ନଂ- ୦୭୦୪୦୧୧୧୫୨୩ ରୁଷିକେଶ ଘଡ଼େଇ, ରାସନ କାର୍ଡ ନଂ- ୦୭୦୪୦୧୧୧୪୯୩ ଅଲେଖ ସାହୁ ଓ ରମା ସାହୁ, ରାସନ କାର୍ଡ ନଂ- ୦୭୦୪୦୧୧୧୩୮୯ ରଜିତ ପ୍ରସାଦ ରାଉତ, ରାସନ କାର୍ଡ ନଂ- ୦୭୦୪୦୧୧୧୨୨୨ ଜହରେନ୍ଦ୍ର ସାମଲ, ରାସନ କାର୍ଡ ନଂ- ୦୭୦୪୦୧୧୧୫୫୪ ଭାଗ୍ୟଧର ରାଉତ, ରାସନ କାର୍ଡ ନଂ- ୦୭୦୪୦୧୧୧୩୧୦ ବାବାଜୀ ଚ଼ରଣ ବେହେରା, ରାସନ କାର୍ଡ ନଂ- ୦୭୦୪୦୧୧୧୩୭୧ ଚାନ୍ଦ ନାୟକ, ରାସନ କାର୍ଡ ନଂ- ୦୭୦୪୦୧୧୧୧୧୬ ରାଜେଶ କୁମାର ଦାଶ ମୃତ ହୋଇ ସାରିଲେଣି ।

ସେହିପରି ଅନେକ ହିତାଧିକାରୀଙ୍କ ଦେହାନ୍ତ ହୋଇସାରିଲାଣି, ହେଲେ କାର୍ଡରେ ସଂଶୋଧନ କରାଯାଇନାହିଁ । ଯୋଗାନଣ ବିଭାଗ ଏମ୍.ଆଇ. ଓ ଡ଼ିଲରଙ୍କୁ ନେଇ କାର୍ଯ୍ୟ ଦକ୍ଷତାକୁ ପ୍ରଶ୍ନ ଉଠିଛନ୍ତି ଅଞ୍ଚଳବାସୀ ।

କେଉଁଠି ଭୁତ ହିତାଧିକାରୀ ଓ ବଡ଼ବଡ଼ିଆଙ୍କୁ ଅନାୟାସରେ ରାସନକାର୍ଡ ମିଳିଛି ତ ଆଉ କେଉଁଠି ଗରିବ, ଖଟିଖିଆ, ଦିନ ମଜୁରିଆ ବାରମ୍ବାର ଦୌଡିବା ନୟାନ୍ତ ହେଲେ ବି ସେମାନଙ୍କ ଭାଗ୍ୟରେ ରାସନ କାର୍ଡ ଜୁଟୁନି ।

ଜାତୀୟ ଖାଦ୍ୟ ନିରାପତ୍ତା ଆଇନ ୨୦୧୩ ପରଠାରୁ ପ୍ରତ୍ୟେକ ଗରିବ ପରିବାରର ସଦସ୍ୟ ପ୍ରତି ମାସରେ ପାଞ୍ଚ କେଜି ଚାଉଳ ଯୋଗାଇ ଦିଆଯାଉଛି । ଯଦି ୧୦ ରୁ ୧୫ ଭୂତ ରାସନ କାର୍ଡ ହିତାଧିକାରୀମାନଙ୍କ ନାଁରେ ଚାଉଳ ପ୍ରତି କାର୍ଡ ଜଣ ପିଛା ଅନୂନ୍ୟ କୋଡ଼ିଏ ପଚିଶ କେଜି ହଡ଼ପ ହେଉଥାଏ, ତେବେ ମାସକ ହିସାବରେ ବର୍ଷକୁ ଲକ୍ଷ ଟଙ୍କା ହଡ଼ପ ହେଉଛି। କେତେବର୍ଷ ହେଲାଣି ଏମିତି ଭୂତ କାର୍ଡରେ ଚାଉଳ ହଡପ ହେଉଛି ତାହା ତଦନ୍ତ ହେଲେ ଜଣାପଡ଼ିବ ବୋଲି ପ୍ରକୃତ ହିତାଧିକାରୀମାନେ ଅଭିଯୋଗ କରିଛନ୍ତି ।

ସେପଟେ ବାରଙ୍ଗ ବ୍ଲକ ଯୋଗାଣ ବିଭାଗ ଅଧିକାରୀ ବିଷ୍ଣୁପ୍ରିୟା ନାୟକଙ୍କ କହିବା କଥା, ଏମିତି ହେବା କଥା ନୁହେଁ I ମୃତ ବ୍ୟକ୍ତିଙ୍କ ତଥ୍ୟ ପାଇବା ପରେ ରାସନକାର୍ଡକୁ ଡିଲର ମାନେ ସଂଶୋଧନ କରିବା କଥା I ଯଦି ସେଭଳି କରାଯାଇନାହିଁ ଏବଂ ମୃତ ହିତାଧିକାରୀନ ନାମରେ ଚାଉଳ ଉଠାଣ ହେଉଛି ତେବେ ସେନେଇ ତଦନ୍ତ କରାଯିବ I ଅଭିଯୋଗରେ ସତ୍ୟତା ଥିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅଧିକାରୀ କହିଛନ୍ତି I

ଖାଲି ବେଲଗଛା ଗ୍ରାମ ପଞ୍ଚାୟତ ନୁହେଁ । ଯଦି ଜିଲ୍ଲା ଯୋଗାଣ ବିଭାଗ ସଠିକ୍ ତଦାରଖ କରାଯାଆନ୍ତା ତେବେ ବାରଙ୍ଗ ବ୍ଳକ ୧୬ ଗୋଟି ଗ୍ରାମ ପଞ୍ଚାୟତର ଡିଲରଙ୍କ ଠାରୁ ମୃତ ବ୍ୟକ୍ତି ନାମ କଟା ଯାଇ ପାରନ୍ତା । ବ୍ଲକରେ ଆବେଦନ କରିଥିବା ୧୩୬୫ଜଣ ନୂତନ ହିତାଧିକାରୀ ସାମିଲି ହୋଇ ପାରନ୍ତେ ।

09/10/2023

ନବୀନ ଥିଲେ ସବୁ ସମ୍ଭବ.. || Odisha CM Naveen Patnaik approves DPR for Bhubaneswar Metro Project

14/08/2023

http://jneodia.com/news_detail.php?id=276

26/07/2023

ନନ୍ଦନକାନନ କୁ ଆସିଲା ନୂଆ ଅତିଥି.
ବାରଙ୍ଗ : ନନ୍ଦନକାନନ ପ୍ରାଣୀ ଉଦ୍ୟାନ କୁ ଆସିଲା ନୂଆ ଅତିଥି । ଜନ୍ତୁ ଅଦଳ ବଦଳ ପ୍ରକ୍ରିୟାରେ ଅରୁଣାଚଳ ପ୍ରଦେଶ ଇଟାନଗର ଜୁ କୁ ଗସ୍ତ କରିଥିବା ୬ଜଣିଆ ଦଳଙ୍କ ଦ୍ୱାରା ବିରଳ ପ୍ରଜାତିର ଜନ୍ତୁ ଆଣି ନନ୍ଦନକାନନ ପ୍ରାଣୀଉଦ୍ୟାନ ଆଜି ସନ୍ଧ୍ୟା ୭:୩୦ ସମୟରେ ପହଁଚିଛନ୍ତି । ବିରଳ ପ୍ରଜାତିର ୨ଟି ଉଲକ ଗିବନ ଓ ୨ଟି ଚିତ୍ରା ବିରାଡ଼ି ଅଣାଯାଇଛି । ଗତ ୧୪ ତାରିଖରେ ପ୍ରତି ବଦଳରେ ନନ୍ଦନକାନନ ଋ ଦିଆଯାଇଥିଲା ୨ଟି ମହାବଳ ବାଘ ଓ ୩ଟି ଘଡ଼ିଆଳ କୁମ୍ଭୀର ।

03/06/2023

ଆମ୍ବୁଲାନ୍ସ ରହଣିକୁ ନେଇ ରାଜନୀତି, ମୁହାଁମୁହିଁ ଦୁଇ ସରପଞ୍ଚ

26/05/2023

ଅଧାରୁ ଉଠିଗଲେ ବିଧାୟକ-ବିଡ଼ିଓ || ବୈଠକ ମଝିରେ ବାଜିଲା ଘଣ୍ଟ || baranga panchayat committee meeting was closed for protest

25/05/2023

ଜମିରୁ ମାଟି ନେବାକୁ, କିଏ ଦେଲା ଅନୁମତି || RKD company is taking soil from Barang Naraj Marthapur farm land

21/02/2023

ରାସ୍ତା ଏଠି ମରଣଯନ୍ତା ! || Road widening scam from Barang block Netal to Sanmundali

ଭୁବନେଶ୍ୱର : ଲୋକଙ୍କ ଯାତାୟାତକୁ ସୁଗମ କରିବା ପାଇଁ ରାସ୍ତା ନିର୍ମାଣ କରାଯାଉଛି I ଯେଉଁଥିପାଇଁ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି I ଯଦି ସେହି ରାସ୍ତା ଜନସଧାରଣଙ୍କ ପାଇଁ ମରଣଯନ୍ତା ପାଲଟିବ ତେବେ ଦାୟୀ କିଏ ରହିବ I

ଏ ହେଉଛି କଟକ ଜିଲ୍ଲା ବାରଙ୍ଗ ବ୍ଲକ ନେତଲ ଠାରୁ ସାନମୁଣ୍ଡଳୀ ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ କରାଯାଉଛି I ପ୍ରଧାନମନ୍ତ୍ରୀ ସଡ଼କ ଯୋଜନା ଅଧୀନରେ ପ୍ରାୟ ୭.୫୦୦ କିମି ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ ଅତି ନିମ୍ନ ମାନର ହେଉଥିବା ନେଇ ଅଭିଯୋଗ କରିଛନ୍ତି ଅଞ୍ଚଳବାସୀ

ଠିକାଦାର ଯେଉଁ ଅନୁପାତରେ ରାସ୍ତା ନିର୍ମାଣ କରିବା କଥା ତାହା କରିନାହାନ୍ତି I ରାସ୍ତାରର ବାମ ପାର୍ଶ୍ଵକୁ ମାତ୍ର ଦେଢ଼ ଇଞ୍ଚ ଖୋଲି ତାକୁ ପ୍ଲେଟ ଭୈବ୍ରେଟି କରିଦେଇ ତା ଉପରେ ମେଣ୍ଟାଲ, ଚିପ୍ସ ଓ ଡଷ୍ଟ ପକେଇ ଦେଇ ଛାଡି ଦେଇଛନ୍ତି ଠିକାଦାର I ଗୋଟିଏ ମାସ ହେଲାଣି କାମ ସେମିତି ଅଧାପନ୍ତରିଆ ହୋଇ ପଡି ରହିଛି I ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି I

ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ନିର୍ମାଣ ହେଉଥିବା ଏହି ରାସ୍ତାକୁ ଅଧାପନ୍ତରିଆ ଭାବେ ଛାଡିଦେଇ ଚାଲିଯାଇଛନ୍ତି ଠିକାଦାର I ୧ କୋଟିରୁ ଉର୍ଦ୍ଧ ବେୟବରାଦରେ ନିର୍ମାଣ ହୋଇଥିବା ଏହି ରାସ୍ତାକୁ ନେଇ ଏବେ ହୀନସ୍ତା ହେଉଛନ୍ତି ସାଧାରଣ ଲୋକେ I ଯାହାର ତଦାରଖ କରିବାର ଆବଶ୍ୟକତ ରହିଛି I ନଚେତ ଆଗାମୀ ଦିନରେ ଲୋକେ ରାଜରାସ୍ତାକୁ ଆସିବେ ବୋଲି ଚେତାବନୀ ଦେଇଛନ୍ତି I

03/02/2023

ଭାଉଜ ମଥାରେ ଦିଅର ସିନ୍ଦୁର
Husband's younger brother married his sister-in-law in Cuttack Banki

26/08/2022

ନବରଙ୍ଗପୁର || ଧରିଲେ....ଚୁଟି କାଟିଦେଲେ || Villagers caught mobile thief in Nabarangpur

25/08/2022

ସ୍ୱାମୀ ବିକ୍ରି କରିଦେଲା ସ୍ତ୍ରୀ କିଡ୍ନୀ ! || husband sold kidney of wife in malkangiri

25/08/2022

ଚପଲ ଖୋଲି ପିଟିଲେ || Woman beats web reporter with sandal in cuttack

20/08/2022

ଭୂମିହୀନ କିଏ ?

ବାରଙ୍ଗ : ନଦୀ କୂଳରେ ଥିବା ଏହି ଶ୍ମାଶନ ଗୃହ ବର୍ଷା ଦିନେ ପାଣି ଘେରରେ ଥାଏ I ଫଳରେ ଶବ ଦାହ କରିବାକୁ ଗାଁ ଲୋକେ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି I ହେଲେ କରିବେ କଣ... ବିକଳ୍ପ ନଥିବାରୁ ଲୋକେ ପାଣିରେ ପଶି ଶବଦାହ କରୁଛନ୍ତି I

କଟକ ଜିଲ୍ଲା ବାରଙ୍ଗ ତହସିଲ ରାମଦାସପୁର RI ସର୍କଲ ନରାଜମାର୍ଥାପୁର ମୌଜା, ଖାତା ନମ୍ବର 565,ପ୍ଲଟ ନମ୍ବର 816 ରେ 2 ଏକର 75 ଡିସମିଲ ସରକାରୀ ଜମି ଯାହାର କିସମ ରହିଛି ଶ୍ମାଶନ I ସେଠାରେ ଗାଁ ଲୋକଙ୍କ ପାଇଁ ଶ୍ମାଶନ ଗୃହ ନିର୍ମାଣ ହୋଇଛି I 5 ହଜାରରୁ ଉର୍ଦ୍ଧ ଜନସଂଖ୍ୟା ଥିବା ଏହି ଗାଁର ଶ୍ମାଶନ.... ବର୍ଷା ଦିନେ ପାଣି ଘେରରେ ରହିଥାଏ I

ପୂର୍ବରୁ ପ୍ଲଟ ନମ୍ବର 820 ରେ ଥିବା 2 ଏକର 56 ଡିସମିଲ ସରକାରୀ ଜମିରେ ଶ୍ମାଶନ ଗୃହ ନିର୍ମାଣ ହୋଇଥିଲା I ସେଠାରେ ମୃତ ଲୋକଙ୍କର ସମାଧି ମଧ୍ୟ ରହିଛି I ପରବର୍ତ୍ତୀ ସମୟରେ ସେଠାରୁ ଶ୍ମାଶନକୁ ସ୍ଥାନତର କରି ନଦୀ କୂଳରେ ନିର୍ମାଣ କରାଗଲା I 1998 ମସିହାରେ ସରାକର ଏହି ଜମିରୁ ପାଖାପାଖି 2 ଏକର ଜମି ଭୂମିହୀନଙ୍କୁ ଦେଇଦେଲେ I ଯେଉଁମାନେ ଜମି ହାତେଇଲେ ସେମାନଙ୍କ ମଧ୍ୟରେ ଅନେକ ସରକାରୀ କର୍ମଚାରୀ, ଶିକ୍ଷକ, ରାଜନୈତିକ ଦଳର କିଛି ମୁଷ୍ଟିମେୟ ଲୋକ I ଯାହାଙ୍କର ସମ୍ପତ୍ତି କହିଲେ ନ ସରେ,ସରକାରୀ ସୁବିଧା ସୁଯୋଗ ପାଉଥିଲେ ମଧ୍ୟ ସେମାନଙ୍କୁ ଭୂମିହୀନ ଦର୍ଶାଇ ଜମି ଦିଆଗଲା I ଯେଉଁଠି ଦିନେ ଗାଁ ଲୋକେ ଶବଦାହ କରୁଥିଲେ, ମୃତ ବ୍ୟକ୍ତିଙ୍କ ସମାଧି କରିଥିଲେ.. ଏବେ ସେଠି ଚଞ୍ଚକତା କରି ଜମି ହାତେଇଥିବା ଲୋକେ ନିଜ ଅକ୍ତିଆରରେ ରଖିଛନ୍ତି I

ଏବେ ଶବଦାହ ପାଇଁ ଯେଉଁଠି ଶ୍ମାଶନ ଗୃହ ନିର୍ମାଣ ହୋଇଛି.. ସେଠି ସ୍ଥିତି ଆପଣଙ୍କ ସାମ୍ନାରେ I ଏନେଇ ଗାଁ ଲୋକେ ବାରମ୍ବାର ସରକାରଙ୍କଦୃଷ୍ଟି ଆକର୍ଷଣ କରିଛନ୍ତି... ହେଲେ ସେମାନଙ୍କ କଥା ଶୁଣୁଛି କିଏ ?

ତେବେ ଖୁବ ଶୀଘ୍ର jne odia ଏହାର ପର୍ଦାଫାଶ କରିବ I ନିଜକୁ ଭୂମିହୀନ କହି ଯେଉଁସବୁ ସରକାରୀ କର୍ମଚାରୀ, ଶିକ୍ଷକ, ରାଜନୈତିକ ଦଳର ଲୋକେ ସରକାରୀ ଜମି ହାତେଇଛନ୍ତି.. ସେମାନଙ୍କର ମୁଖା ଖୋଲିବ I

18/08/2022

ସାହା ହେଲେ ତୁଷାରକାନ୍ତି

ବାଙ୍କୀ-ଡମପଡା : ଚାରିଆଡେ ଖାଲି ବଣ୍ୟପାଣି I ବୁଡ଼ିଯାଇଛି ରାସ୍ତା, ଧୋଇଯାଇଛି ଚାଷଜମି I ଭସେଇନେଇଛି ଚାଷୀର ବର୍ଷବର୍ଷର ଅମଳ I କିଏ ଜାଣିଥିଲା ପ୍ରକୃତି ବି ଦିନେ ଏମିତି ଦଉସାଜିବ ବୋଲି I ହଠାତ ନଦୀରେ ବନ୍ୟା ପାଣି ମାଡି ଆସିବାରୁ ବାହ୍ୟ ଜଗତରୁ ବିଛିନ୍ନ ହୋଯାଇଛନ୍ତି କଟକ ଜିଲ୍ଲା ବାଙ୍କୀ-ଡମପଡା ପାର୍ଥପୁର ପଞ୍ଚାୟତ କଇମୁଣ୍ଡି ଗାଁ I ମହାନଦୀ ଗର୍ଭର ମଧ୍ୟ ଭାଗରେ ଥିବା ଏହି ଗାଁରେ ପାଖାପାଖି 20 ଟି ପରିବାର ବସବାସ କରନ୍ତି I ଦୀର୍ଘ 4 ଦିନ ହେବ ଗାଁ ଲୋକେ ପାଣି ଘେରରେ ଥିଲେ ମଧ୍ୟ ଜିଲ୍ଲା ପ୍ରଶାସନ ସେମାନଙ୍କ ପାଖରେ ପହଞ୍ଚିପାରିନି I ଡ଼ଙ୍ଗା ପାଲଟିଛି ଏବେ ଏମାନଙ୍କ ପାଇଁ ସହାଭାରସା I ହେଲେ ନଦୀର ପ୍ରଖର ସ୍ରୋତ ଗାଁ ଲୋକଙ୍କ ନିଦ ହଜେଇଦେଇଛି I ଭଗବାନଙ୍କ ଭରସାରେ ଦିନ କାଟୁଥିବା ବେଳେ ଦେବଦୂତ ଭଳି ବନ୍ୟା ବିପନ୍ନଙ୍କ ପାଖରେ ପହଞ୍ଚିଥିଲେ ବାରଙ୍ଗ ଜୋନ ଜିଲ୍ଲା ପରିଷଦ ତଥା ବିଜେପି ନେତା ତୁଷାରକାନ୍ତ ଚକ୍ରବତ୍ତି I ନିଜ ଜୀବନକୁ ବାଜିରେ ଲଗାଇ ଡ଼ଙ୍ଗା ସାହାଯ୍ୟରେ କଇମୁଣ୍ଡି ଗାଁରେ ପହଞ୍ଚିଥିଲେ ତୁଷାରକାନ୍ତ I ଲୋକଙ୍କ ସମସ୍ୟା ଶୁଣିବା ସହ ସେମାନଙ୍କୁ ଶୁଖିଲା ଖାଦ୍ୟ ମଧ୍ୟ ବାଣ୍ଟିଥିଲେ I

ସେପଟେ ବନ୍ୟା ପାଣି ଘେରରେ ଥିବା ଗାଁ ଲୋକଙ୍କ ସମସ୍ୟା ତୁରନ୍ତ ସମାଧାନ କରାଯାଉ I ସ୍ଥିତିରେ ସୁଧାର ଆସିଲେ ପାଣିରେ ବୁଡି ରହିଥିବା ଚାଷ ଜମିର ଆକଳନ କରାଯାଇ କ୍ଷତିଗ୍ରସ୍ତ ଚାଷୀଙ୍କୁ ସହାୟତା ପ୍ରଦାନ କରିବା ସହ ସେମାନଙ୍କ ଚାଷୀ ଋଣ ଛାଡ଼ କରାଯାଉ I ଗାଁକୁ ସଂଯୋଗ କରୁଥିବା ବ୍ରିଜ ଅଧପନ୍ତରିଆ ଭାବେ ପଡିରହିଛି I ଦୀର୍ଘ 20 ବର୍ଷ ବିତିଯାଥିଲେ ମଧ୍ୟ ତାହା କଣ ପାଇଁ ସମ୍ପୂର୍ଣ ହୋଇପାରୁନି ବୋଲି ସକରକାରଙ୍କୁ ପ୍ରଶ୍ନ କରିଥିଲେ ତୁଷାରକାନ୍ତ I ଆଗାମୀ ଦିନରେ ଗାଁ ଲୋକଙ୍କ ପାଇଁ ସ୍ଥାୟୀ ପ୍ରତିକାର କରାଯାଉ I ନଚେତ ଆଗାମୀ ଦିନରେ ବଡ଼ ଧରଣର ଜନ ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ବିଜେପି ନେତା ତୁଷାରକାନ୍ତ ଚକ୍ରବର୍ତ୍ତି I

ବନ୍ୟା ଭଳି ବିପତ୍ତିରେ ଦେବଦୂତ ଭଳି ଛିଡା ହୋଇଥିଲେ ବାଙ୍କୀର ବିଜେପି ନେତା ତଥା ଜିଲ୍ଲା ପରିଷଦ ତୁଷାରକାନ୍ତି I ଏଭଳି ଜଣେ ଜନତାଙ୍କ ନେତାକୁ ପାଇ ଗାଁ ଲୋକେ ନିଜକୁ ଗର୍ବ ଅନୁଭବ କରୁଛନ୍ତି I

16/08/2022

ପୁରସ୍କାର ଦେଲେ, ମନୋବଳ ବଢ଼ାଇଲେ

75 ତମ ସ୍ୱାଧୀନତା ଦିବସ ପୂର୍ତ୍ତି ଅବସରରେ କଟକ ଜିଲ୍ଲା ବାରଙ୍ଗ ବ୍ଲକ ମଧୁପୁର ଗ୍ରାମପଞ୍ଚାୟତ କାର୍ଯ୍ୟାଳୟ ପରିସରରେ ପାଳିତ ହୋଇଯାଇଛି ଆଜାଦି କା ଅମୃତ ମହୋତ୍ସବ ଏବଂ ସମ୍ବର୍ଦ୍ଧନା ସଭା I ବାରଙ୍ଗ ଜୋନର ଜିଲ୍ଲପରିଷଦ ସଭ୍ୟ ତୁଷାରକାନ୍ତ ଚକ୍ରବତୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିବା ଏହି ସଭାରେ ମୁଖ୍ୟ ଅତିଥିଭାବେ ଯୋଗଦେଇଥିଲେ ବାରଙ୍ଗ ଶାନ୍ତି କମିଟିର ସଭାପତି ପ୍ରତାପ ଚନ୍ଦ୍ର ପାଣି, ମୁଖ୍ୟବକ୍ତା ଭାବେ ସୁନୀଲ ସିଂ ମଧୁପୁର ଗ୍ରାମପଞ୍ଚାୟତର ସମିତିସଭ୍ୟ ଯୁବନେତା, ଶ୍ରୀବନ୍ତପୁର ଗ୍ରାମପଞ୍ଚାୟତ ସରପଞ୍ଚ, ସମିତିସଭ୍ୟା, ଦାଢାପଟଣା ଗ୍ରାମପଞ୍ଚାୟତ ସମିତି ସଭ୍ୟ ମୁଣ୍ଡଳୀ ଗ୍ରାମପଞ୍ଚୟତ ର ପ୍ରତିନିଧି, କୁଂହେଇପଡା ଗ୍ରାମପଞ୍ଚାୟତର ସରପଞ୍ଚ, ମୁଣ୍ଡଳୀ ଗ୍ରାମପଂଚାୟତର ସରପଞ୍ଚ,ଉଷୁମା ଗ୍ରାମପଞ୍ଚାୟତର ସରପଞ୍ଚ, ବାରଙ୍ଗ ଜୋନର ପୂର୍ବତନ ଜିଲ୍ଲାପରିଷଦ ସଭ୍ୟ ଅଜୟ କୁମାର ମୁଦୁଲି, ରାମଦାସପୁର ଗ୍ରାମପଂଚାୟତର ବରିଷ୍ଠ ସମାଜସେବୀ ରାମଚନ୍ଦ୍ର ସାହୁ ଯୋଗଦେଇଥିଲେ I ଏହି କାର୍ଯ୍ୟକ୍ରମରେ ଚଳିତ ବର୍ଷ ବାରଙ୍ଗ ଜୋନର ସମସ୍ତ 10 ଟି ହାଇସ୍କୁଲରୁ ସର୍ବାଧିକ ମାର୍କ ରଖି ପାସ ହୋଇଥିବା ଛାତ୍ରଛାତ୍ରୀଙ୍କୁ ମାନପତ୍ର ଓ ଟ୍ରଫି ଦେଇ ସମ୍ଭର୍ଦ୍ଧନା କରାଯଇଥିଲା I ଏହା ସହ ବାରଙ୍ଗ ବ୍ଲକରେ କାର୍ଯ୍ୟରତ ସାମ୍ବାଦିକ, କ୍ରୀଡ଼ାବିତ, ସମାଜସେବୀ, ଚିକିତ୍ସାକ, ଗବେଷକ, କଳାକାର, ପରିବେଷବିତ, ଚାଷୀଙ୍କୁ ମଧ୍ୟ୍ୟ ସମ୍ଭର୍ଦ୍ଧନ କରାଯାଇଥିଲା I

03/08/2022

ଭୂତ କରୁଛି ରାସ୍ତା ! || Irregularity in road construction in Naraj village

06/06/2022

ସୁରକ୍ଷା ଦେବ ନଦୀ ବନ୍ଧ ? || How safe are flood protection dams ?

29/05/2022

29/05/2022

ମାଟି ନେଇଗଲେ ମାଫିଆ || mafia smuggling soil from Narajmarthapur

12/11/2021

କିଏ ପିନ୍ଧିବ ସରପଞ୍ଚ ମୁକୁଟ || Narajmarthapur panchayat elections are being discussed in the village

24/10/2021

ସରପଞ୍ଚ ବାବୁ କାହାର ? || Sarapancha babu kahara ?

15/10/2021

Where is the truck from Barang to Mohram ? || ମୋହରମ ଗାଡ଼ି ଯାଉଛି କୁଆଡେ ?