Nisin Thuhiltu

Home
India
Churachandpur
Nisin Thuhiltu

Nisin Thuhiltu is the only Vaiphei-dialect daily newspaper based in, Churachandpur District, Manip Established in the year 2004.
(5)

NISIN THUHILTU
The Nisin Thuhiltu is the only Vaiphei-language daily newspaper based in, Churachandpur District, Manipur. It is morning paper with four pages, covers latest news

05/11/2023

Doctorate Degree muthak
Lamka, Nov. 5: Miss Nunchawii Hatlei d/o Rev. T. Zuanlal of Gouchinkhup Veng, Lamka in The English and Foreign Languages University, Shillong Regional Campus apat in tunaicha a khah “Doctor of Philosophy in English Literature” a la mui. Ama thesis min ahileh “Identifying the 'Folk' through their 'Lore': A Study of Vaiphei Oral Culture” ahi. Supervise bawltu ahileh Prof. Mousumi Guha Banerjee ahi.

10/10/2023

FRIDAY SIN AH AIZAWL-LAMKA HELICOPTER SERVICE UM DING
Imphal, Oct. 10 (Nisin Thuhiltu) : Manipur State Government in public hiatsakna a bawlna a chun, Manipur Helicopter Service, Imphal (Manipur)-Aizawl (Mizoram) route via Churachandpur chu Simhaini (Friday) sin leh Imphal International Airport apat um ding in a taklang hi. Director of Transport Department in notification a suadaw dungzui ah tickets booking bawl nuam te’n Manipur Helicopter Service, Imphal International Airport, Imphal ah i) Dinesh (Security Officer)- 7003611936 leh Naorem Bapinchandra (Customer Service) – 7005203080 contact bawlthei ding; Churachandpur ah T Khaiminlal Haokip, BO, SDC (8837420509), Lianzapau Samte, Office Assistant, DC Office (8974452664) contact bawlthei ding leh Mualpui Helipad, Aizawl, Mizoram ah C Lalrinfeli, in-charge, Helicopter Service (9862374153) contact bawl thei ding in a taklang hi.
Helicopter chuanman ahileh Churachandpur apat Mualpui Helipad, Aizawl tiang ah Rs. 4500; Manipur via Lengpui Airport (Aizawl), Mizoram apat Churachandpur tiang ah Rs. 6000 ahi.

06/10/2023

Pre-Matric leh Post Matric ST Scholarship apply bawl theita ding
Imphal, Oct. 4 (Nisin Thuhiltu) : Hannah Kahmei, Director, Tribal Affairs and Hills, Manipur in notification a suana achun, Manipur ah Scheduled Tribe Students, nu-leh-pa annual income Rs. 2,50,000 nuailam, govt. recognised school/ institute/university ah thiamzilna chiapi zinglai te’n Academic Session 2023-24 a ding Pre-Matric (reading class IX & X) leh Post Matric ST Scholarship chu online ah apply bawlthei ding uh ti’n a taklang hi. Manipur Government in 2019-20 apat Scholarship scheme chu National Scholarship Portal (NSP 2.0) ah Direct Benefit Transfer (DBT) mode, Pubice Finance Management System (PFMS) ah implement bawlta ahi dungzui ah scholarship application zosia chu online mode bep ah piaklut ngai ding, National Scholarship Portal (NSP 2.0) website www. scholarships.gov.in ah piaklut thei ding in a taklang hi. Online ah Academic Session 2023-24 a ding scholarship application chu 7 October, 2023 apat piaklut thei ding, 20 Novmber, 2023 ah scheme khak hiding, 11 December, 2023 chu Institution Varification last date hiding, 5 January,2024 chu District Level verification date hiding, 20 February, 2023 chu State Level verification last date hiding in a taklang hi.
Pre-Matric leh Post Matric ST Scholarship apply bawl, Hostel ah um te’n Hostel allowance a mutheina ding ua institution head/head of Department, Warden of institute te'n alotheilo ah certified a bawlnau lekha poimaw ding, certification ahiloleh reject hiding ti’n a taklang hi.

30/09/2023

Percent sangtak ah Bachelor's in Health Information Management zo
Lamka, Sept. 30: Institute of Chartered Financial Analyst of India (ICFAI) University, Agartala, Tripura apat Lamka mi numei khat in percent sang tak in Bachelor's in Health Information Management (BHIM) a zo hi. Ama ahileh Donngaihkim @ Kimkim d/o T. Chinzasawm leh Donngaihlian of Nehru Marg, Central Lamka ahia, zani result puandaw ah um a chun 82.5% in a zo a, ICFAI University a ding in Top 2 tung zo hi. Ama’n 2019 apat BHIM course a zil hunsung in Manipur ah Shija Hospital leh Sky Hospital & Research Centre apat kithuapi ding in zawlna mu maleh internship zolo ti suanlam in a nawl a, internship ahileh Aditya Birla Memorial Hospital, Pune apat a zo hi. Kimkim in ahileh St. Paul’s Institute, New Lamka apat Class X (73%) leh Class XII (76%) in a zo a, ama’n maban zilzawm ding lunggul maleh session kipatkit ma Lamka ah um phawt ding hi’n a kigen a, Bachelor's in Health Information Management ahileh ICFAI a ding ah batch 2na hipan hi’n a kigen hi.

30/09/2023

Special Legal Aid & Services Camp hawng
Lamka, Sept. 30: District Legal Serviecs Authority (DLSA) saina’n tuni, September 30, 2023 zingkallam dak 11:30 in Greenwood Academy ah Special Legal Aid & Services Camp hawnna hun mat in a um hi. Special Legal Aid & Services Camp ahileh district sung ah relief centre chuamchuam etkaina ah component khat hiding ahia, zia mawpuakna chu training piak a um volunteer te’n enkai ding ahiu a, hun matna chu volunteer banah Greenwood Academy Relief Camp a um inmate hunkhawp in a uap ui. Zia hun matna chu Advocate L. Margaret, Legal Aid Counsel-cum-Penal Advocate, DLSA in a mapui a, Nemkholam Lhungdim, Judicial Magistrate First Class in vaidawnna thu gen in, Janggoulen Haokip, Chief Judicial Magistrate-cum-Secretary, DLSA in hun mat a um hilchian in, Special Legal Aid & Services Camp hawnna a nei hi. Mannuamching, Special Secretary & Nodal Officer (Relief Camp); Karthik Malladi, Superintendent of Police; Thangboi Gangte, Additional DC leh Advocate Songzamang Tombing, Vice President, Churachandpur District Bar Association apat thugenna a um a, Advocate Grace Chinhoiniang, Legal Aid Counsel-cum-Penal Advocate, DLSA in huntawp ah kipakthu gen in hun matzaw ahi. Manipur ah May 3, 2023 apat tualgal thupitak a piandaw apat Lamka leh kiangtuam ah relief camp chuamchuam siam a um in, zia ah umte Dan (legal) tawh kisai a pawimaw dan zil ua kithuapi ding in Special Legal Aid & Services Camp patdaw ahia, zia dungzui a chun relief camp khat chu training piaksa, volunteer khat in enkai ding ahi. Nodal Officer (Relief Camp) Mannuamching in a thugen hun a chun, government in mawpuakna a piak tawh kisai ah kithuapitu pawimaw mama ding khat District Legal Services Authority in a patdaw chu kipakpi ahidan a gen a, relief camp khat etkaina ding ah Camp Committee siam a um in, zia chu government apat Nodal Officer khat, CSO palai banah camp a um inmate apat numei khat leh pawsal khat member ding ah guan a um ahi atia, tu ah hawn a um Special Legal Aid & Services Camp apat volunteer khat kibelap ding ahi ati. Relief camp a um te’n haksatna tamtak a thuak ban ua nei leh lam tamtak mansua ahina ua, a thiltuak uh hem, gou leh gam a matsuate uh FIR bawl nailo umte kithuapi ding volunteer te mawpuak ahi ati. Additional DC, Thangboi in buai kipat apat district administration in a pawimaw dungzui ah sun leh zan umlo in tuni tiang ah panla himaleh panlakna, adiak ah camp a umte a ding ah lungtun um zolo ding ahi kuamsap in a hiat ahi atia, ahinla, zia ziak a chun haisan mai ding hilo in, camp a um naupangte lungthim thawveng ding dawina ah mun chuamchuam phakpi leh program chuamchuam neipi ah um in, tu ah camp a um a ding ah skill development training le patthak a um ahi dan a gen hi.
SP Karthik in CJM panlakna a volunteer 100 val tawh zia gual nasepna patdaw a um chu Lamka bep hipan ahi atia, amau in Dan lam tawh kisai leh police tawh kikal ah a pawimaw dungzui ah nasem ding uh ahi dan gen in, amau panlakna a pat tunung ah le government apat phatchuamna tamtak in amu ding uh ginchakna nei ahi dungzui ah pawimawna liantak nei ahi dan a gen hi. Volunteer te’n camp bitna ding tawh kisai hileh, numei-naupang chung ah mawpuakna liantak nei uh ahi atia, zia dungzui a chun volunteer-te chu pilvang ah thiltung dawi umlo apat enkai ding leh, a pawimaw dungzui ah police station, women police station tite thuhiat pai ding ah hiatsak in, police lam apat kithuapina a pawimaw hun ua SP Office ahiloleh OC Lamka Police Station thuhiat thei zing ding uh ahi dan a gen hi.

30/09/2023

Post Office ah mail bag 899 tungthak
Lamka, Sept. 30: Main Post Office (MDG), Tuibong ah tuni, September 30, 2023 in security venbitna khautak nuai ah mail tamtak puaktung in a um hi. Mail puaktung a um te ahileh May 3, 2023 apat tualgal um nung ah Lamka a ding mail puaktung ahi a 2veina a hipan a, mail puaktung masakpenna chu August 23, 2023 ahia, zia chu le security force venbitna nuai ah August 19, 2023 a khan puakdaw himaleh Bishnupur ah Meira Paibi pawlkhat in a sawlkit ziak in a guk ah puaktung a um hi’n a kigen hi. Tuni’ puaktung a um le central force te’n aguk ah a puak uh hi’n a kigen a, puaktung a um te a kigawm ah bag 899 pha in, puaktung ahi tawh kitawn ah staff te’n sub-post office chuamchuam - New Lamka, Saikot, Singngat leh Parbung ading khendawna a pan ngal ui. Tualgal kipat apat Meitei staff khenkhat a taidaw ban ua semtu kichawndawk le a um ziak in Main Post Office, Tuibong in staff lam ah taksapna liantak nei uh hi’n a kigen a, mail puaktung a um zosia sub-post office chuamchuam a ding ah khenzak banah computer ah entry zosia bawlzaw ahina ding ah hun sawtthim lut nalai ding hi ah kigen in, zawthiang ahi hunhun ah delivery bawl kipan theipan ding hi’n a kigen hi. Lamka ah Postal Services tawh kisai in India Post Payments Bank ah Recurring Deposit account hawn a um tamtak te buai kipat apat internet chialo ziak ah buaithei ding in um maleh staff te’n kipezotak in Mizoram natiang ah deposit bawlpiak in, internet a um nung a le office ah bawlhawi ahi zianglo ziak in in staff te’n innmun apat in net banking ah update a bawlpiak ui.

30/09/2023

ZMA in T Loklaiphai Unit hawng
Lamka, Sept. 30: T Loklaiphai Village Authority inntekna nuai ah tuni, September 30, 2023 nitaklam dak 1 in Zomi Mothers Association (ZMA) GHQ in amau nuai ah unit khat hiding in T Loklaiphai ah ZMA T Loklaiphai unit hawnna a nei uh ahi. Zia hun ah ZMA GHQ apat president Chingngaihdon mapuina’n executive member te banah unit thak sung apat puitu leh member te, T Loklaipai Village Authority, John K Ngaihte, Chairman, Zomi Council, Thangsianbiak, President, Zomi Youth Association (ZYA) GHQ, Nengzalian Tonsing, President, Zomi Student Federation (ZSF) GHQ banah pawlpi apat puitu hunkhawp in leng zia hun chu a uap ui. Hun matna a chun, ZMA GHQ President, Chingngaihdon in unit thak ZMA T Loklaiphai Unit hawnna a nei a, Zomi nampi puanlap kaipal in, Upa Thanglemsang, Secretary, village authority in ZMA T Loklaiphai unit puitute suklatna nei in John K Ngaihte, Chairman, Zomi Council in unit puitu thak te a ding in tîlkhona thu genna nei in, namdetna a nei hi. ZYA President Thangsianbiak leh ZSF GHQ President Nengzalian Tonsing te apat thugenna a um a, Rev Khuplianlal in ZMA T Loklaiphai Unit puitu thak te a ding ah pauchap piakna a nei a, hun matzaw ah a chiakhawm te’n ankuang a sawk khawm ui. Zomi Mothers’ Association (ZMA) T. Loklaiphai Unit ah Office Bearers te chu President-Nu Sicha, Vice President-Nu Chongngainiang, Secretary-Nu Chichin, Assistant Secretary-Nu Vakdoilian, Finance Secretary-Nu Chongmineu, Treasurer-Nu Niangneimoi leh Information Secretary-Nu Nemneilim ahiu a, member ding in Nu Hoinu, Nu Neilianmoi, Nu Kimthianting, Nu lethoi leh Nu Dimlam banah Adviser ding ah M. Dama Vaiphei, Chief of T. Loklaiphai leh Upa Thanglemsang, Secretary, T. Loklaiphai Village Authority guat in a um ui.

30/09/2023

District Administration in relief centre a ding nek leh chak hawm
Lamka, Sept. 30: District Administration in Civil Society Organization (CSO) te kiang ah tuni, September 30, 2023 in Mini-Secretariat, Tuibong ah nek ding relief van chuamchuam a pedawk hi. Relief van piakdaw a um te chu anchang, âlu, dal/havai, lothûl, thau, chi, malcha leh nutrela ahia, zia hun a chun Lamka khawpi sung ah relief centre enkawl Civil Society Organization (CSO) chuamchuam 16 - Kuki Khanglai Lompi (KKL), Young Vaiphei Association (YVA), Young Mizo Association (YMA), Hmar Youth Association (HYA), Young Paite Association (YPA), Zou Youth Organization (ZYO), Kuki Student Organization (KSO) Sangaikot, Singngat Relief Committee, Headquarter Veng Youth Organization (HYO), Simte Youth Organization (SYO), NECA Rengkai, Tedim-Chin Youth Association (TCYA), Khoirentak Youth Club, Zezaw Community Hall, Gangte Student Organization leh YPA Dorcas Veng Unit te kiang ah piakdaw in a um hi. Nek ding relief van ahileh Centre a um inmate umzat tawh kituak ding ah piak a um ahi. Tu dinmun ahin relief centre enkawl CSO chuam chuam leh gâlzâm a etkawl zat uh chu - Kuki Khanglai Lompi (KKL) in mi 7365, Young Vaiphei Association (YVA) in 2438, Young Mizo Association (YMA)in 761, Hmar Youth Association (HYA) in 1282, Young Paite Association (YPA) in 703, Zou Youth Organization (ZYO) in 513, kuki student organization KSO Sangaikot in 659, Singngat Relief Committee in 376, Headquarter Veng Youth Organization (HYO) in 142, Simte Youth Organization (SYO) in 115, NECA, Rengkai in 148, Tedim-Chin Youth Association (TCYA) in 150, Khoirentak Youth Club in 123; Zezaw Community Hall in 108, Gangte Student Organization in 96 leh YPA Dorcas Veng Unit in mi 109 a enkawl ua, Lamka ah gâlzâm kigawm ah mi 15,088 ahi. Tuni' nek leh chak hawpdaw a um te chu anchang bag 1058, dal bag 272.5, allu bag 250, lothûl bag 88, thau tin 151.5, chi bag 50, malcha bag 80.5 leh nutrela bag 180 ahi.

30/09/2023

Youth of Manipur leh Ministers & MLA-te meeting kifuilo
Imphal, Sept. 30: Directorate of Information & Public Relations (DIPR), Manipur in Press Release ah a taklatna achun, Manipur Bhavan, New Delhi ah Manipur valley area apat Ministers leh MLA te’n Youth of Manipur member-te tawh meeting nei a, Manipur buaina chungchang genkhawm ahidan uh a taklang hi. Zia meeting ah kinawptuana a siam dungzui ua, Manipur apat No Separate Administration umsaklo ding, kikaptuana a umtaklo ding ah Security Arrangements kituptak umsak ding, Manipur buaina tawh kisai ah Prime Minister ngaidan lak ding in lemsakna a nei ui. MLA leh Minister zosia’nkinawptuana point no. 3 finalize bawl ding ah Imphal ah kinungle nuam chiat ahidan uh gen maleu social media ah mi khenkhat in thudiklo thezak a, MLA leh Minister-te tawh meeting a neitheilo bak ua, kinawptuana bangma siam theilo ti ah a taklat uh chu thil khawk mama ahidan a taklang hi.
MLA leh Minister-te tawh meeting a nei hun ua, Youth of Manipur in Regional Party khat siamdaw ding, Chief Minister sandaw ding leh Chief Minister dang khat appoint bawl ding ah phutna a bawl uh chu thil pawm thei hilo ahidan taklang in, regional political party siamdaw ding ah phutna kibawl chu tu dinmun tawh kituaklo, Chief Minister sandaw leh sandawlo ding chu meeting thiltup pawlam thil, Chief Minister dang appoint bawl ding ah phutna chu genkhawmna um himaleh kinawptuana umtheilo ti’n DIPR in a taklang hi. Meeting hun ah Youth of Manipur member te umchan demna bawl in, a biktak ah Minister L Susindro Meitei (Yaima) sawisak a guat uh chu thil poimaw hilo, legal action umthei ding ti’n a taklang hi.

30/09/2023

NEET aspirants te’n mobile internet banned ladawk ding ah dawn
Imphal, Sept. 30: National Eligibility cm Entrance test (NEET) aspirant student-te leh student body chuam chuam All Manipur Students’ Union (AMSU), Manipuri Students’ Federation (MSF), Democratic Students’ Alliance of Manipur (DESAM), Kangleipak Students’ Association (KSA), Students’ Union of Kangleipak (SUK), Apunba Ireipakki Maheiroi Sinpanglup (AIMS) tawh kithua in Manipur ah mobile internet banned lâkdaw hiding leh school chapang pani Phijam Hemanjint leh Hijam Linthoingambi kithana chung ah a vaima thei pen ah Justice a um theina ding in sit-in protest a nei uh ahi.
Kuki-Zo khutnung ti ah school chapang pani tha ah um leh Imphal khawsung ah kiphinna nei-te chung ah a khêl a vâl ah security force-te gamtatna dawilo ziak in sit-in protest a nei ui. Placard chuamchuam ah student-te chung ah thagum sualo ding, Kuki-zo terrorist lâkdaw hiding leh National Register of Citizens (NRC) implement ding tite haw tâk in kiphinna a nei uh ahi. Chun, mobile internet banned tawh kisai ah student te’n nasatak ah buaina tuak in leh maban ah NEET exam na ding sukbuai ahi khak ding lau um a sak dan thu protest leader khat chun a taklang hi. State government in gamsung buaina ziak ah kivaipuakna law and order ahi ding bangtak ah a chiathak theina ding in mobile internet chu 1st October chan banned ala bawl ahi.

30/09/2023

CM Biren in Relief Camp ah umte financial assistance pia
Imphal, Sept. 30:Manipur building leh Construction Workers’ Welfare Board chuam chuam saina nuai ah Chief Minister’s Secretariat mun ah financial assistance programme um in ziana chun Chief Minister Shri N. Biren Singh in tu chung gal ziak ah Education of Children of Labour Card Holders scheme nuai ah Relief Camp ah umte one-time financial assistance hawpdawna a nei hi. Education of Children of Labour Card Holders Special Scheme nuai ah Relief camp ah um labour card holder-te chu school chapang thiamzilna kawng ah kithuapina ding in Rs 5000 chiat piak in a um a, chuleh, state government in relief camp ah umte chu first phase ah Rs 1000 chiat piak ala piata in leh maban ah 2nd phase ah Rs 1000 chiat piakbe hiding ti’n CM N. Biren Singh in a gen hi.
Tuchung Manipur namkal buaina chu mipi hawn khat in tup mâwng ah Manipur gamsung sukkêk gua ah pan a lak ziak uh ahi ti’n a gen a, gamsung ah mipi’n haksatna tamtak tuak maleh Pathian zal ah ki cheng khawm zing thei nalai ahi ti’n a gen hi. Chun, Refugee-te umna ding inn sak piakna chiatha zing leh buaina mun ah inn suksiat khaklo-te chu a neitu te’n mani inn chiat bêl kit panta hi’n a gen hi. Relief camp chuam chuam ah umte a ding ah thamuana thu genkawm in a pawimaw bangkim ah government in kithuapi ding ahidan le a gen hi.

30/09/2023

NIA in Transnational Conspiracy Case ah Seiminlun Gangte man
New Delhi, Sept. 30: National Investigation Agency (NIA) in Transnational Conspiracy Case ah Seiminlun Gangte s/o Paokhokai Gangte of Phaikholum J Muntha, Churachandpur chu Torbung area, Churachandpur ah tuni, 30 September, 2023 ah man ahidan a taklang a, Spcial Court NIA, Delhi masang ah dinsak ding ah Indigo flight ah Imphal Airport apat Delhi zawtpi ahidan le muthei in a um hi. NIA in press release ah a taklatna achun, Transnational Conspiracy Case, Myanmar leh Bangladesh pansa Chin-Kuki-Mizo militant group-te tawh kihiatua a, Manipur ah Chin-Kuki-Mizo militant group te’n Manipur buaina panlakna a nei bak ua, Government of India chung ah helna a bawl guat ziak ua, NIA New Delhi in 19.07.2023 ah suo moto case registered a bawl, RC 24/2023/NIA/DLI dungzui ah investigation a bawlnau ah Myanmar leh Bangladesh based militant group tawh panlakna a neikhawmnau mudaw ahi dungzui ah mat a um in a taklang hi. Ama chungchang khualna chu chiathazing inle a taklang hi. A langkhatlam ah Manipur Police in a taklatna achun, Transnational Conspiracy Case ah Seiminlun Gangte chu mat a um, tunai ah Kwakta Bomb Blast Case ah prime accused hi’n a taklang hi.

30/09/2023

October 2023 tha ah banks holiday tam
Mumbai, Sept. 30: Reserve Bank of India (RBI) holiday calendar dungzui ah festival chuamchuam te ziak ah October 2023 sung ah ni 18 sung banks te suty/holiday hiding a hiu. RBI’s calendar dungzui ah tu October tha ah ni 11 chu festive holiday hiding, Sunday leh Second Saturday tawh kigawm ah ni 18 sung suty/holiday hiding ahiu. Himaleh bank holidays chu regional, state leh bank to bank zil le hiding ahi. Bank holidays zosia chu category chuamchuam ah khenzak in a um a, Negotiable Instruments Act of 1881-Holidays Under Negotiable Instruments Act nuai ah Banks’ Closing of Accounts leh Real-Time Gross Settlement Holiday ti le a um hi. Tu October 2023 tha ah Bank te holiday masapen ding chu Sunday leh Gandhi Jayanti ziak ah holiday chu hiding ahi. State-wise ah October 2023 bank holidays list chu - October 1: Sunday; October 2: Mahatma Gandhi Jayanti (bank zosia kikhak ding); October 8: Sunday; October 14: Second Saturday; October 15: Sunday; October 18: Kati Bihu ( Guwahati, Imphal & Kolkata); October 21: Durga Puja (Agartala, Guwahati, Imphal, Kolkata), October 22: Sunday; October 23: Dusshera, Ayudha Pooja, Durga Puja, Vijaya Dasami (Agartala, Bengaluru, Bhubaneshwar, Chennai, Guwahati, Hyderabad, Kanpur, Kochi, Kohima, Kolkata, Lucknow, Patna, Ranchi, Shillong, Thiruvananthapuram) ; October 24: Dussehra/Dusshera ; October 25: Durga Puja (Gangtok); October 26: Durga Puja (Gangtok, Jammu, Srinagar); October 27: Durga Puja (Gangtok); October 28: Lakshmi Puja (Kolkata, fourth Saturday); October 29: Sunday; October 31: Sardar Vallabhbhai Patel’s birthday (Ahmedabad) ahi.

30/09/2023

United Naga Council in Naga homeland apat AFSPA lakdaw ding phut
Senapati, Sept. 30: United Naga Council (UNC) in Government of India chu Naga homeland area zosia apat Armed Forces Special Powers Act, 1958, (AFSPA) ladawk ding leh Indo-Naga peace process chung ah muanngamna taktak a umtheina ding ah panlakna nei ding in phutna a bawl hi. Imphal valley ah police station 19 huapsung tilo ah October 1, 2023 apat Manipur state sung pumpi tha 6 sung, Armed Forces (Special Powers) Act, 1958 (AFSPA) suksaube ah um chu kikhenchuamna, siknei langneina, dan umsa ah kingalo leh suangtuana kinga ahidan kilang in a gen a, ASFPA lakdaw ah a umna Imphal valley ah police station 19 huapsung chu May 3, 2023 apat a buaizing ziangna mun, dan leh thupiak bangma a umtheilona mun ahi ti’n a taklang hi. Peaceful Naga area-te ASFPA huapsak ah a umzing chu dawtna sangtak bawltheina thil ahidan gen in, July 1, 1997 ah Indo- Naga Ceasefire leh August 3, 2015 ah Government of India leh NSCN (I-M) in Framework Agreement suai a kai nung ah Naga areas ah“draconian law” AFSPA kawi ah a umzawm zing chu Indo-Naga peace process.ah Government of India leh Government of Manipur gin-um lo ahidan kilang ahi ti’n a gen hi.
Chun, Naga areas ah AFSPA kawi ahizing chu dawilo ahidan a taklang a, Government of India chu a kintheipen ah Naga homeland area zosia apat Armed Forces Special Powers Act, 1958, (AFSPA) ladawk ding leh Indo-Naga peace process chung ah muanngamna taktak a umtheina ding ah panlakna nei ding in a phut hi.

30/09/2023

BJP Manipur in Article 355 lakdaw ding leh thuneina CM Biren piakkit ding phut
Imphal, Sept. 30: BJP Manipur Pradesh in BJP national president JP Nadda kiang ah BJP state president A Sharda Devi, party vice president L Meenabanta Singh, vice president N Nimbus Singh, vice president Ch Chidananda Singh, general secretary L Deben Singh, general secretary P Premananda Meitei, general secretary K Sarathk*mar Singh leh party spokesperson Elangbam Johnson te suaikaina 8-point memorandum a piakna achun, Manipur ah Article 355 kawi ah um chu ladawk ding leh Chief Minister N. Biren Singh kiang ah unified command thuneina zosia nung piak ding in phutna a bawl hi. Zia chu hileh chief minister in Manipur buaina chung ah kimuangtak leh hangsan tak ah state sung buaina panlakna neithei ding leh government ah muan ngamna umkit thei ding ahi ti’n a gen hi.
Zia memorandum achun, BJP Manipur Pradesh in BJP national president JP Nadda chu national highways pani ah thawveng tak a gari a taitua theeina ding ah panlakna nei ding in a phut a, a kintheilam ah Manipur namkal buaina ziak ah galzam te resettlement, rehabilitation, buaina ziak ah thina leh liamna tuakte, inn-leh-lo hal piak ah umte compensation kiningting piak ahitheina ding ah panla ding inle a phut hi.
Chun, SoO (Suspension of Operations) ground rules kituptak ah chiapi ahitheina ding ah panla ding leh ground rules zuilo te chung ah action khautak lak ding, NIA custody apat Moirangthem Anand Singh thadaw ahitheina ding ah kithuapina theichan ah kithuapi ding in a phut hi. Manipur state sung ah kani lei kibawlte sukchimitna ding ah joint monitoring committee siamdawk ding leh civil society organization-te panna ah zia joint monitoring committee chu siamdaw ding a phut hi. Illegal Myanmar immigrant-te biometric lakna avaima theipen ah zaw ahitheina ding ah Central Ministry of Home Affairs kiang ah thil umdan tut piak ding leh avaima theipen ah Manipur ah NRC (National Registrar of Citizenship) chiapi ahitheina ding ah panla ding inle a phut hi. Prime Minister Narendra Modi kimupi ding gua New Delhi ah pansa Manipur apat joint MLAs team te’n Prime Minister a kimupi theina ding ua panlakpi ding inle BJP Manipur Pradesh in BJP national president JP Nadda kiang ah phutna a bawl hi.

29/09/2023

Zo United – Adopted Statement of Purpose

In its first meeting today 29 September 2023, the Zo United committee adopted a 'statement of purpose' in their meeting at the Mizo People's Council office.

In addition to the adoption of the statement of purpose, the committee also resolved to open a bank account for Zo United, MPC office as its head office

29/09/2023

Supreme Court committee in biakna mun te venbit ding ah Manipur govt. hiatsak
New Delhi, Sept. 29: Manipur buaina relief, remedial measures, compensation, rehabilitation lam tawh kisai enzui ding ah Supreme Court in appoint a bawl Committee in Manipur state government chu biakna mun (Churches; Hindu Temples; Sanamahi Temples; Mosques leh a dangdang) suksiat leh hal ah umte a kintheipen ah khualchian ding leh vengbit ding in hiatsakna a bawl hi. Supreme Court appoint committee in state government chu galzam te’n a nutsia uh nei-leh-go te le vengbit ding in hiatsakna a bawl hi. Galzam te’n a nutsia uh inn leh lo munte le mi dang in a chupiak theilona ding ua panla ding in hiatsakna a bawl hi. Zia chungchang chu September 8 ah committee in state government official-te tawh meeting a nei hun ua recommend a bawl uh hita ti’n Supreme Court committee in a taklang hi. Tha masa ah Manipur Police in a taklatna achun, state sung buaina ziak ah biakna mun 386 hal/suksiat a um, zia lak a chu church 254 leh temple 132 pang in a taklang a, zia te chu case chuamchuam 5,132 registered kibawlna pangkha ti’n a taklang hi.
Supreme Court in appoint a bawl three-member committee ahileh Jammu and Kashmir High Court Chief Justice lui Justice Gita Mittal in amapui, committee member dangte chu - Bombay High Court judge lui Shalini P Joshi leh Delhi High Court judge lui Asha Menon te a hiu.
Meitei Christian Churches Council, Manipur in Supreme Court ah writ petition filed a bawlna church 240-247 suksiat leh hal ah a um bak a, biak-inn sung ah thil leh thuam, furniture leh a dangdang te gukdaw leh suksiat ah um ti ah a taklatna chungchang chu three-member committee in a khualzuina nei in thudawnna’n a gen hi. Dominic Lumon, Archbishop of Imphal in June tha ah a taklatna achun, church 249 hal ah um, zia te chu buaina kipatzaw dakkal 36 sung ah kihal ahidan a taklang hi. Supreme Court committee in state government chu buaina ziak ah 03.05.2023 a property suksiat ah umte zosia survey bawl ding leh identify bawl ding in a hiatsak a, Manipur government in inn leh lo hal ah umte venbitna a piak ding ahi ti’n a gen hi. Zia thupiakte chu sukpitin ahi ngeina ding ah Supreme Court in order pass a bawl ding in committee in recommend a bawl hi.

29/09/2023

President Droupadi Murmu in Women's reservation bill lemsakpi
New Delhi, Sept. 29: Parliament in passed a bawl Women’s Reservation Bill ‘Nari Shakti Vandan Adhiniyam’ chung ah India President Droupadi Murmu in lemsakpina (assent) a piai. Vice President leh Rajya Sabha Chairman Jagdeep Dhankhar in suai a kai, Women’s Reservation Bill chu President Murmu in lemsakpina a piak ding ah piaklut in a la um a, zia dungzui achu President in lemsakpina suai a kai ahi.
Women’s Reservation Bill ahileh 8 September - 22 September 2023 sung ah um Parliament Special Session ah passed bawl in a um, official ah Nari Shakti Vandan Adhiniyam ti min putsak ahi. Parliament in passed a bawl hitamaleh implement bawlna ding ah hun chawmkhat lut nalai ding ahi. Delimitation exercise zawthian ahitakle bep kimangpan ding, Bill dungzui a reservation chu k*m 15 sung chiapi hiding, numeite a ding reserved seat kikawina ah SC/ST te a ding ah quota chuam umsak hiding ti ahi. Women's Reservation Bill hi, amasapen ding in Parliament (Lok Sabha ) ah HD Deve Gowda mapui United Front government in September 12, 1996 ah a luidawna a nei a, zia bill thiltup pipen chu Lok Sabha leh state legislative assembly zosia ah numei-te a ding 33% seat reserve umsak ding ti ahi. Bill dungzui ah seats reserved chu rotational basis ah chiapi ding, a kizawm ah general election 3-vei a umna khatvei zia reserved chu umsak ding ti ahi. Atal Bihari Vajpayee mapui government inle Lok Sabha ah zia bill chu pass bawlna ding in panlakna a la nei a, himaleh pass lo in a la um hi. Congress mapui UPA-I government in May 2008 ah Lok Sabha leh legislative assembly-te ah luidawna a nei a, himaleh pass thei diaklo in a um hi. March 9, 2010 in Rajya Sabha ah luidaw thak in a um a,Rajya Sabha in passed a la bawl hi. Himaleh Lok Sabha ah pass lo ah umzing (pending) ahi.

29/09/2023

Meitei mi 58 thi, mi 2911 liam; mi 23 tunna kihialo: COCOMI
Imphal, Sept. 29 : Achiathazing Manipur namkal buaina Meitei mi 58 te’n thina tuakta leh mi 2911 te’n liamna tuak a, mi 23 te tunna hiatlo ah um ti’n Coordinating Committee on Manipur Integrity (COCOMI) in a taklang hi. COCOMI office, Lamphelpat ah COCOMI’s Medical and Healthcare Committee coordinator YK Dhiren in a genna achun, Manipur buaina Chin-Kuki narco-terrorists’ attack ziak ah Meitei mi 58 te’n thina tuak a, mi 2911 te’n liamna tuak uh leh mi 23 te tunna hiatlo ah um ahidan a gen a, RIMS Hospital ah Voluntary Help Unit Committee in liamna tuak mi 300 val katua in a gen hi. Voluntary Help Unit Committee, RIMS in liamna tuakte a kaituana Rs 10 lakh val seng inle a gen a, Relief Committee, JNIMS in liamna tuak 1808 kaitua ah Rs 12 lakh tuam seng in a gen hi. JNIMS Hospital ah etkawl ah umte chu relief camps khenkhat apat damlo te le huapkha ahidan agen a, Raj Medicity ah liamna tuak mi 333 puaklut ah umte lak ah mi 11 te chu a thisa puaklut ah um uh ti’n a gen hi. Shija Hospitals and Research Institute ah liamna tuak mi 70 puaklut a um, Little Clinic ah mi 87, Kripadarshini Advanced Hospital ah 22, Advanced Hospital ah 51, Asian Hospital ah 3, Jeevan Hospital ah 50, National Charitable Hospital, Moirang ah 37 puaklut ah um ahidan gen in, liamna tuak khenkhat chu Bishnupur district hospital, Thoubal district hospital leh sub-district hospitals banah PHC-te ah puaklut ah um uh ti’n a gen hi. COCOMI in request a bawl dungzui ah liamna tuakte chu private hospital te’n a thawn ah enkawl sek uh ti’n le YK Dhiren in a gen hi.

01/09/2023

VUMLUNMANG VUALNAM TAKES CHARGE AS SECRETARY, MINISTRY OF CIVIL AVIATION
New Delhi, Sept. 1: Vumlunmang Vualnam, IAS, assumed the charge of Secretary, Ministry of Civil Aviation (MoCA), Government of India, today vice Rajiv Bansal consequent upon his superannuation on 31st August, 2023.
Vualnam is an Indian Administrative Service Officer of 1992 batch, from Manipur cadre. He has held many important positions in the Union Government, including Additional Secretary, Ministry of Finance, Jt. Secretary, M/o Home Affairs, and Deputy Secretary, M/o Finance & Company Affairs. He has also held several key positions in the Government of Manipur including, Commissioner, D/o Health & Family Welfare, and Director, Transport. He has also served as advisor to the Executive Director in the World Bank

Address

I B Road Churachandpur
Churachandpur

Website

http://www.nisinthuhiltu.com/

Alerts

Be the first to know and let us send you an email when Nisin Thuhiltu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nisin Thuhiltu:

Videos

Cristiano Ronaldo in kum khat ah €200 million per year law ding in Saudia Arabia club Al Nassr a la zawm tai, January 3, 2023 in lopitak ah a lawplutna a nei ui. Kum 2 contract ah Portuguese player in Al Nassr zawm ahi.

The Hill Journal #Watch || Students risk their lives by crossing river in sailboats in Churachandpur's Sangaikot sub-division In what could be considered as a story of sheer perseverance, students from New Bijang village in Sangaikot sub-division, Churachandpur district, risk their lives to reach their school as they are forced to cross the Imphal river using a sailboat. The students are studying in Zion Country School at Thingkangphai village, which is located on the other side in Chandel district. Locals have been risking their children’s life to get them educated. They pray for the safe return of their children every day, especially, in the Monsoon. The precarious conditions this little kids have to endured to secure their future is heart-wrenching sight to see.

Viral video.... ✴️✴️✴️ - Gua zuk nuai ah le traffic police duty thullo ah pang muthei in a um... 🙏

Manipur CM Biren in, gua zuk nuai ah duty, CCpur Traffic Police personnel BT Benjoy Vaiphei kipakpina ah cash reward Rs 1 lakh pia

*1st Pauneikhai Memorial Trophy/Tournament khak hita* Sinjang, March. 01: *(Nisin Thuhiltu)* : Sinjang Village, Thanlon Sub- Division ah 23-27, 2018 sung in " The 1st Pauneikhai Memorial Trophy/Tournament a um hi. 27 February 2018 ni ah a khakna leh final match a um a, zia hun chu Dr.Lallianthang Asst.Prof, Manipur Universiry, Dr.Hauminthang, Zillai GHQ President, Minlianthang retd IAS Chief of Sinjang Village ten Chief Guest, Guest of Honour leh Functional President hina tawh a uap ui. The 1st Pauneikhai Memorial Trophy/ Tournament a chun, team 16 te pang in Leijangphai A in Winner hina a chang a, Runner up ah Leijangphai B pang in, Third in Tuilumjang a pang hi. Fair Play team title Kaihlam B in a chang a, Top goal scorers hina Mr Nauboi of Leijangphai B & Kakap of Tuilumjang ten a chang ui. Best goal keeper in Mocha of Tuilumjang a pang a, Best player in Muanthang (defender) of Leijangphai a pang hi. Hiatthei khat chu, Sinjang Village ahileh Thanlon Sub-Division huap sung ah um Churachandpur District Headquarter a pat 87 km ah gamla, inn 19 chenna, population 114 val umna a hi. Famta Pu Pauneikhai Suantak ahileh Vaiphei Community sung a ding ah MLA leh minister masapen leh Churachandpur District ah MLA leh Minister masapen pani te lak ah khat a hi. Kum 93 ahi in 8th February 2014, nitaklam dak 1:00 ah a la mualliam a, 9th February 2014 ah Tuibuong Thanmual ah vuiliam a hi. Famta Pu Pauneikhai Suantak hi, 20 & 21 Centuries hun ah Vaiphei history, custom , culture leh genealogy thil a la kawltuptu ti ah kihia le a hia, October, 1921ah Chongkhozo , Churachandpur Dist. , Manipur ah a la piang, ( L ) Thangminpau Suantak @ Thangmin leh ( L) Thenghoi te gil ah ga, go chan te lak ah khat a hi. Thiam Zilna lam in kum 1925 in Chongkhozo Govt. sikul kiphudaw kum in sikul a la kai pan a, 1934 ah Kangvai Lower Primary sikul kipat Class -II ( Mangasuba ) a la zo in, 1941 ah Chongkhozo Govt. sikul in Class -IV a zo hi. Kum 1943 in Churachandpur Mission Junior H