16/09/2023
மிகுந்த வருத்தத்தோடு இதனை எழுதுகிறேன்.
தினமும் நான் சென்ட்ரலில் இருந்து சூலூர் பேட்டை மார்க்கமாகச் செல்லும் ரயிலில் காலை பயணிக்கும் போது. ஒரு பெண் மூன்று சிறுமிகளுடன் ரயிலில் ஏறுகிறார். அந்தப் பெண் தட்டில் ஓசை எழுப்ப சிறுமிகள் நடனம் ஆடிக்கொண்டு தங்களுக்குத் தெரிந்த வித்தைகளை செய்து முடித்து. அனைவரிடமும் சென்று தட்டை நீட்டி பணம் கேட்கின்றனர். இப்படி உழைத்து சாப்பிட வேண்டும் என்ற எண்ணத்தை நான் குறை கூறவில்லை. ஆனால் அந்த மூன்று சிறுமிகளும் மிகவும் இளம் வயது சிறுமிகள் அவர்களை குழந்தைகள் என்று கூறலாம். புத்தகத்தையும் பள்ளிக்குச் செல்லும் பையும் எடுத்துச் செல்ல வேண்டிய வயதில், அவர்கள் கைகளில் தட்டை ஏந்தும் போது என் மனது வலிக்கிறது. இந்த குழந்தைகளுக்கு நாம் பேசும் மொழியும் தெரியவில்லை. ஆனால் எந்த மொழி பேசும் குழந்தைகளாக இருந்தால் என்ன, கல்வி மட்டுமே அவர்களின் வாழ்க்கையை மாற்றும். இதனைப் படிக்கும் சமூக ஆர்வலர்கள் யாரேனும் இந்த ஒரு விஷயத்தை கையில் எடுத்து நடவடிக்கை எடுக்க முயற்சி செய்ய வேண்டும் என்று தாழ்மையுடன் கேட்டுக்கொள்கிறேன்.