JOY TV

JOY TV Joy TV is an ingenious endeavor designed to reach the young people and also to get the people who ar

JOY TV is a local Christian channel which broadcasts Christian Songs and Messages through sermons,
choreography, talk shows, and gospel shows. This is a 24 x 7x 365 channel which is available in TCCL
network. TCCL network reaches over six lakh homes daily, is also viewed in other places such as Vellore,
Thiruvannamalai, Coimbatore and Nagercoil by the digital set top boxes. The programmes that are

aired in Chennai can be viewed around the world through WEB TV
(www.joytvchennai.com) and apps (JOYTV CHENNAI)

27/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 27

ஆவிக்குள் என்னை வனாந்தரத்திற்குக் கொண்டுபோனான். அப்பொழுது ஏழு தலைகளையும் பத்துக்கொம்புகளையும் உடையதும் தூஷணமான நாமங்களால் நிறைந்ததுமான சிவப்புநிறமுள்ள மிருகத்தின்மேல் ஒரு ஸ்திரீ ஏறியிருக்கக்கண்டேன் (வெளி. 17:3).


“மகா வேசி” – பாகம் 2

யோவானை அந்தத் தூதன் தரிசனத்தில் வனாந்தரத்திற்குக் கொண்டுபோனான்; வனாந்தரம் என்ற சொற்றொடர்மூலம் சிலுவை இருக்கும் இடத்தைப் பிடிப்பதற்கு மதம் எடுக்கும் முயற்சியைப்பற்றிச் சொல்லப்படுகிறது; அதுவே ஆவிக்குரிய வனாந்தரம் எனப்படும்.

யோவான் கண்ட அந்த ஸ்திரீ நன்கு அமைக்கப்பட்ட மதத்தைக் குறிப்பிடுகிறது; இதன் பொருள், எந்த மதமாயிருந்தாலென்ன, எந்த மத அமைப்பாயிருந்தாலென்ன, சிலுவையில்லாமல் இரட்சிப்பையோ, ஜெயங்கொண்ட கிறிஸ்தவ வாழ்க்கையையோ பெறமுடியுமென உரிமை கோரினால் அது சாத்தியப்படாது. “சிவப்பு நிறம்” இரத்தத்தையும், மிகப்பெரிய துன்பத்தையும் அந்த மதம் ஏற்படுத்தும் என்பதை வெளிப்படையாகத் தெரிவிக்கிறது. “தூஷணமான நாமங்களால் நிறைந்ததுமான” என்பதன் பொருள், இந்த ஸ்திரீயைக் குறிப்பிடுகிறது. அவள் தேவனுடைய திட்டத்தையும், ஏற்பாட்டையும் ஒவ்வொரு வழியினாலும் எதிர்க்கிறாள் என்பது தெளிவாகிறது.

“ஏழு தலைகளையும் பத்துக்கொம்புகளையும் உடையதும்” என்பதன் பொருள், ஸ்திரீயை அல்ல, சிவப்பு நிறமுடைய மிருகத்தையே குறிப்பிடுகிறது. “ஏழு தலை” என்பது கடந்தகாலத்தில் இஸ்ரவேலைத் துன்புறுத்திய ராஜ்யங்களைப்பற்றிச் சொல்லப்படுகிறது; அந்த ஏழு ராஜ்யங்களும் முறையே: எகிப்து, அசீரியா, பபிலோன், பெர்சியரும் மேதியரும், கிரேக்கர், ரோமர் ஆகிய ஆறும், இனி வரப்போகிற ஒன்றையும் (அந்திக்கிறிஸ்துவின் ராஜ்யத்தையும்) சேர்த்தே ஏழு தலை என்று சொல்லப்பட்டிருக்கிறது; இனி உருவாகப்போகிற பத்துத்தேசமும் (பத்துக்கொம்புகள்) ஒன்று சேர்ந்து வரப்போவதே அந்த ஏழாவது ராஜ்யம்; ஆறாவதும் கடைசி ராஜ்யமுமான ரோம ராஜ்யம் கிறிஸ்துவுக்குப் பின் 70 ம் ஆண்டில் அழியும்வரை இஸ்ரவேலைத் துன்புறுத்தியது; பத்துக்கொம்புகளைக் கொண்ட அந்திக்கிறிஸ்துவின் ராஜ்யம் ஆரம்பித்து, இஸ்ரவேலைத் துன்புறுத்தும்; இவை யாவும் தீர்க்கதரிசனமாக யோவானுக்கு வெளிப்படுத்தப்பட்டது.

27/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 26

ஏழு கலசங்களையுடைய அந்த ஏழு தூதரில் ஒருவன் வந்து என்னோடே பேசி: நீ வா, திரளான தண்ணீர்கள்மேல் உட்கார்ந்திருக்கிற மகா வேசியோடே பூமியின் ராஜாக்கள் வேசித்தனம்பண்ணினார்களே, அவளுடைய வேசித்தனமாகிய மதுவால் பூமியின் குடிகளும் வெறிகொண்டிருந்தார்களே; அவளுக்கு வருகிற ஆக்கினையை உனக்குக் காண்பிப்பேன் என்று சொல்லி (வெளி. 17:1-2).

“மகா வேசி” – பாகம் 1

“அந்த ஏழு தூதரில்” எனப்படுவது, அநேகமாக ஏழாவது தூதனாயிருக்கலாம்; ஆனாலும் தகவல் வேதாகமத்தில் கொடுக்கப்படாததன் நிமித்தம், யார் அந்தத் தூதன் என்பதனை அறியமுடியாமலிருக்கிறது.

“மகா வேசி” எனக் குறிப்பிடப்பட்டிருப்பது
உலகத்திலிருந்த, உலகத்திலுள்ள சகல மதங்களையும் உள்ளடக்குகிறது. அவைகள் மனிதர்களால் “சிலுவையில் அறையப்பட்ட இயேசுகிறிஸ்துவுக்குப்” பதிலாக உருவாக்கப்பட்டது. தேவனுடைய வழி “சிலுவையில் அறையப்பட்ட இயேசுகிறிஸ்துமட்டுமே” (Iகொரி. 1:23, 2:2) . “திரளான தண்ணீர்கள்” என்பது திரளான ஜனங்களை அடையாளமாகக் காண்பிக்கிறது (வெளி. 17:15) .

“அவளுக்கு” என்பது மகா வேசியைப்பற்றிக் குறிப்பிடுகிறது; சுருக்கமாகச் சகலவிதமான மதங்களையும் இது உள்ளடக்குகிறது. “பூமியின் ராஜாக்கள்” என்பது ஆரம்பகாலத்திலிருந்து ஏறத்தாழ சகலதேசமும் மதத்தினாலேயே ஆளப்பட்டது. மகா வேசி ராஜாக்களையும் ஜனங்களையும் ஆண்டாள்; அந்த ஆட்சி இன்னும் தொடர்கிறது. “பூமியின் ராஜாக்கள் வேசித்தனம் பண்ணினார்களே” என்பதன் பொருள், சகல மதங்களும் மனுஷனாலேயே உருவாக்கப்பட்டது; களங்கப்படுத்தப்பட்ட கிறிஸ்தவமும் மனுஷனால் உருவாக்கப்பட்ட மதமாகும்; இதனையே ரோமர் 7:1-4 ல் “ஆவிக்குரிய வேசித்தனம்” என்று சொல்லப்பட்டிருக்கிறது.

“வெறிகொண்டிருந்தார்களே” என்பதன் பொருள், மதத்தில் மோசமான ஒரு போதை உண்டு; இதனையே ஆண்டவர் இஸ்ரவேலியர்கள் மதம் என்ற போதைக்கு அடிமையாவார்கள் என ஏசாயாவின் தீர்க்கதரிசனம்மூலம் பிரகடனப்படுத்தியிருக்கிறார்: இந்தப் போதையின் பலவந்தம் ஏராளமான இஸ்ரவேலியர்களையும், கிறிஸ்தவர்களையும் பாதாளத்திற்குள் தள்ளிக்கொண்டிருக்கிறது என்பதனால், இந்த மதத்தின் தாக்கத்தைப்பற்றி ஏழுதரம் வேதாகமத்தில் சொல்லப்பட்டிருக்கிறது (மத். 13:14-15; மாற். 4:12; லூக். 8:10; யோவா. 12:39-40; அப். 28:26-27; ரோம. 11:8; ஏசா. 6:9-10) ; மதமே கிறிஸ்துவைச் சிலுவையில் அறைந்து கொன்றது. உண்மையான கிறிஸ்தவர்களையும் இதே மதம் தொடர்ச்சியாகக் கொலை செய்துவருகிறது; பல்வேறு மதங்கள் கிறிஸ்தவர்களைக் கொலைசெய்கிறது.

ஆண்டவர் அந்த ஆபத்திற்குப் பயப்படக்கூடாது என்பதுபற்றி மத்தேயு 10:28 ல் “ஆத்துமாவைக் கொல்ல வல்லவர்களாயிராமல், சரீரத்தை மாத்திரம் கொல்லுகிறவர்களுக்கு நீங்கள் பயப்படவேண்டாம்; ஆத்துமாவையும் சரீரத்தையும் நரகத்திலே அழிக்க வல்லவருக்கே பயப்படுங்கள்” எனக் கிறிஸ்தவர்களைப் பலப்படுத்தியிருக்கிறார்; அதுமட்டுமல்ல, மலைப்பிரசங்கத்தில் இதுபற்றிப் பிரஸ்தாபிக்கையில்: “என்னிமித்தம் உங்களை நிந்தித்துத் துன்பப்படுத்தி, பலவித தீமையான மொழிகளையும் உங்கள்பேரில் பொய்யாய்ச் சொல்வார்களானால் பாக்கியவான்களாயிருப்பீர்கள்” (மத். 5:11) எனக் கூறியிருப்பதை எடுத்துக்கூறிச் சகோதர்களைப் பலப்படுத்துவோமாக.

மதமே மிகவும் வல்லமையான போதை மருந்தாகும்; மத ஆவியே இதனைப் பரந்தளவில் உலகம் முழுவதும் செயற்படுத்துகிறது.

27/12/2024

The Crossway Ministries
அநுதினமும் சிலுவையைச் சுமப்போம்
\
டிசம்பர் 25

தேவதூதன் அவர்களை நோக்கி: பயப்படாதிருங்கள்; இதோ, எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை உங்களுக்கு அறிவிக்கிறேன். இன்று கர்த்தராகிய கிறிஸ்து என்னும் இரட்சகர் உங்களுக்குத் தாவீதின் ஊரிலே பிறந்திருக்கிறார் (லூக். 2:10-11).

“மிகுந்த சந்தோஷத்தை உண்டாக்கும் நற்செய்தி”

இந்த நற்செய்தியைப் பரிசீலனை செய்வதற்கு முன்பு, ஒரு மிகமுக்கியமான அறிக்கையை மேற்கொள்ளவேண்டியதாயிருக்கிறது. அதென்னவென்றால், டிசம்பர் 25 ம் திகதி, இரட்சகராகிய இயேசுகிறிஸ்து பிறக்கவில்லை என்பதனை நாம் அறிந்திருக்கவேண்டும். இந்தத் திகிலூட்டும் அறிக்கையை மேற்கொள்ளுவதற்கு வேதவார்த்தைகள் இசைவாக இருக்கின்றது.

முதலாவதாக , மரியாளும் யோசேப்பும் குடிமதிப்பெழுதப்படும்படி, நாசரேத்தூரிலிருந்து பெத்லகேமுக்குப்போனார்கள் என்று அறியக்கூடியதாயிருக்கிறது; குளிர்காலத்தில் கர்ப்பவதியாகிய மரியாள் இவ்வளவு தூரம் பிரயாணஞ்செய்வது அவ்வளவு இலகுவானதல்ல (லூக். 2:4-5) ; அதுமட்டுமல்ல, அகுஸ்துராயனும் அத்தகைய கட்டளையைக் குளிர்காலத்தில் கொடுத்திருக்கமுடியாது; இரண்டாவதாக , மேய்ப்பர்கள் வயல்வெளியில் இருந்தார்கள் என்று அறியக்கூடியதாயிருக்கிறது (லூக். 2:8) ; டிசம்பர் மாதம் குளிர்காலமாக இருக்கிறபடியினால், அதெப்படி மேய்ப்பர்கள் இராத்திரியிலே வயல்வெளியில் தங்கினார்கள்? மூன்றாவதாகக் குளிர்காலத்தில் பிள்ளையைத் துணிகளில் சுற்றி, முன்னணையில் கிடத்தியிருக்கமுடியாது (லூக். 2:7) ; நான்காவதாக , டிசம்பர் 25 ம் திகதி இரட்சகராகிய இயேசுகிறிஸ்து பிறந்தார் என்பதற்கு எந்த விதமான குறிப்பும் வேதத்தில் கிடையாது. ஐந்தாவதாக , அப்போஸ்தலர்கள் டிசம்பர் 25 ல் கிறிஸ்மஸ் பண்டிகையைக் கொண்டாடியதாக எந்தவிதமான சான்றுகளும் வேதத்தில் கிடையாது; எல்லாவற்றிற்கும் மேலாக டிசம்பர் 25 ம் திகதி கொண்டாடப்படும் பண்டிகை, கிறிஸ்து பிறப்பதற்கு முன்பே, புறஜாதிகளினால் அனுசரிக்கப்பட்டது என்பதற்கு வேதத்தில் சான்றுகள் உண்டு (எரேமி. 10:1-5) . மேற்கூறிய காரணங்கள் சந்தேகத்திற்கிடமின்றி இரட்சகராகிய இயேசுகிறிஸ்து டிசம்பர் 25 ம் திகதி பிறக்கவில்லை என்பதனை உறுதிப்படுத்துகிறது.

ஆயினும், அவர் எப்பொழுது பிறந்தார் என்பது வேதத்தில் குறிப்பிடப்படவில்லை; வேதவல்லுநர்களின் கணிப்பின்படி அக்டோபர் மாதத்தில் பிறந்திருக்கலாம் எனப் பொதுவாக நம்பப்படுகின்றது. கிறிஸ்தவர்களாகிய நமக்கு அவர் எப்பொழுது பிறந்தார் என்பது முக்கியமல்ல; ஏனென்றால், நாம் நாட்களை வழிபடுவதில்லை; ராஜாதி ராஜாவையும், கர்த்தாதி கர்த்தரையுமே நாம் வழிபடுகிறோம். ஒவ்வொரு நாளையும் இயேசுகிறிஸ்து பிறந்த நாளாகக் கிறிஸ்தவர்களாகிய நாம் கொண்டாடுகிறோம். இப்படியிருக்க, கிறிஸ்மஸ் என்ற பாரம்பரியத்தின்கீழ் பல்வேறுவிதமான வழிபாட்டுமுறைகள் நடைமுறையில் உண்டு; இவை யாவும் மதமேதவிர உறவின் அடிப்படையில் ஏற்படுத்தப்பட்டவைகள் அல்ல.

இத்தகைய பாரம்பரியத்தில் மிகமுக்கியமானது ஒன்று, கிறிஸ்மஸ் மரம் ; இந்த மரத்திற்கெதிராகப் பழைய ஏற்பாட்டில் எரேமியாமூலம் கர்த்தர் இஸ்ரவேலிய ஜனங்களை எச்சரித்திருப்பதை நாம் எரேமியா 10:1-9 ல் காணக்கூடியதாயிருக்கிறது. இப்படியாக இன்னும் அநேகமான பாரம்பரியங்கள் உண்டு; இவைகள் புராணக்கதைகளின் அடிப்படையில் ஏற்படுத்தப்பட்டதேதவிர, பரிசுத்த வேதாகமத்தின் அடிப்படையில் அல்ல; கிறிஸ்துவே இவை எல்லாவற்றிலும் முக்கியத்துவம் பெறுகிறார்; கிறிஸ்து ஒருவரே நம்முடைய ஒருமித்த நோக்காக இருக்கவேண்டும்; அவர் சிலுவையில் நிறைவேற்றியதே நம்டைய விசுவாசத்தின் குறிக்கோளாக இருக்கவேண்டும். அவர் பிறந்ததினம் தெரியாவிட்டால், வருஷத்தில் எந்த ஒரு நாளையும் அவரின் பிறந்த தினமாகக் கொண்டாடலாம்; ஆனால், அதற்கு வேதவார்த்தை இசைவாக இருக்கவேண்டுமே!

கிறிஸ்துவை அறியாதவர்கள் அந்தப் பாவத்திற்கும், இழிவான உணர்வுகளுக்கும் அடிமைகளாகி, சாத்தானை எஜமானாக்கி, அவனுக்கு அடிபணிகிறார்கள்; அவனோ கொடூரமான எஜமானாயிருக்கிறான் (யோவா. 10:10) ; இப்படியிருக்க, விடுதலையடைந்த ஜனங்கள் இயேசுகிறிஸ்துவினுடைய இரத்தத்தினால் கழுவப்பட்டிருக்கிறார்கள்; நாமோ, சாத்தானுக்கு அடிமைகளாக அல்ல, ஆண்டவராகிய இயேசுகிறிஸ்துவுக்கே அடிமைகளாக இருக்கிறோம்.

அப்பொழுது, மேய்ப்பர்களுக்குத் தேவதூதன் தோன்றினான் என்று சொல்லப்பட்டிருக்கிறது. தற்பொழுது அது ஒரு பெரிய விஷயம் அல்ல; ஆனால், அப்பொழுது அது ஒரு பெரிய விஷயமாகக் கருப்பட்டது; ஏனென்றால், அந்த நேரத்தில் மேய்ப்பர்கள் இஸ்ரவேலியர்களால் கீழ்ஜாதிகளாகக் கருதப்பட்டனர். தேவதூதன் இஸ்ரவேலிய மதத்தலைவர்களுக்குத் தோன்றாமல் இந்தக் கீழ்ஜாதிகளான மேய்ப்பர்களுக்குத் தோன்றியது ஏன்? என்று பொதுவாகக் கிறிஸ்தவர்களால் கேட்கப்படுகிறது; ஆம், மதத்தலைவர்கள் இயேசுகிறிஸ்துவை விசுவாசிக்கவுமில்லை, அவரை ஏற்றுக்கொள்ளவுமில்லை. இந்த எளிமையான ஜனங்கள் என்பது பணரீதியில் கணிக்கப்படவில்லை, அவர்கள் ஆவியில் எளிமையுள்ளவர்களாக இருந்தார்கள்; நாம் ஆவியில் எளிமையாக இருந்தால், இயேசுகிறிஸ்துவிடமிருந்து வெளிப்பாடுகள்வரும் என்பதனை நாம் அறிந்திருப்போமாக. இங்கு மேய்ப்பர்கள் பெற்ற வெளிப்பாடு: “பயப்படாதிருங்கள்; இதோ, எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை உங்களுக்கு அறிவிக்கிறேன்” என்பதாகும்; தேவதூதன் அவர்களுக்கு முதலாவதாகப் “பயப்படாதீர்கள்” என்று சொல்லியிருந்தான்; இதற்குக் காரணம், மேய்ப்பர்கள் பயத்தினால் வஞ்சிக்கப்பட்டிருந்தார்கள்; இந்த நிலைமையில் தேவதூதன் சந்தோஷத்தை உண்டாக்கும் ஒரு நற்செய்தியைக் கொண்டுவந்திருக்கிறான்; அந்த நற்செய்தி, இன்று கர்த்தராகிய கிறிஸ்து என்னும் இரட்சகர் உங்களுக்குத் தாவீதின் ஊரிலே பிறந்திருக்கிறார் என்பதாகும்.

இயேசுவை ஒருவன் தன் சொந்த இரட்சகராக ஏற்றுக்கொண்டவுடன் 24 மணித்தியாலமும் அவனுக்குச் சந்தோஷமே. அவர் சிலுவையில் நிறைவேற்றியதும், நம்மை அந்தப் பாவத்திலிருந்து விடுதலையாக்கியதும் பெரும் சந்தோஷத்தை நமக்குக் கொடுக்கிறது; ஏனென்றால், நம்முடைய பாவங்கள் கழுவப்பட்டது; நாம் இரட்சிக்கப்பட்டோம்; நாம் பரிசுத்தப்படுத்தப்பட்டோம்; நாம் நியாயப்படுத்தப்பட்டோம்; நாம் குணமாக்கப்பட்டோம்; நாம் விடுதலையாக்கப்பட்டோம்; இவை யாவும் நமக்குப் பெரும் சந்தோஷத்தை ஏற்படுத்துகிறது.

மற்றும், அவர் நம்மெல்லோருக்காகவும் மரித்தார் (ஆதி. 3:15; யோவா. 19:30) என்பது எல்லாவற்றையும்விட மிகப்பெரும் சந்தோஷமாகும். மனுஷன் தன்னை அந்தப் பாவத்திலிருந்து விடுவிக்க முடியாதிருந்தபடியினால், அவனை விடுவிப்பதற்கு உலகத்தோற்றத்திற்கு முன்னமே தேவன் திட்டம் தீட்டி ஒரு இரட்சகரை அனுப்பியிருந்தார் (Iபேது. 1:18-20) .

இப்படியிருக்க, மனுஷனுடைய பிரச்னை பணப் பிரச்னையாயிருந்தால், ஒரு வங்கி முகாமையாளனைத் தேவன் அனுப்பியிருப்பார்; பொருளாதாரப் பிரச்னையாயிருந்தால், ஒரு பொருளாதார நிபுணனை அனுப்பியிருப்பார்; கட்டிடப் பிரச்னையாயிருந்தால் ஒரு தச்சனை அனுப்பியிருப்பார்; மனுஷனுடைய பிரச்னை அந்தப் பாவமானபடியினால் , அவனுக்கு, அவர் ஒரு இரட்சகரை அனுப்பினார். அந்த இரட்சகர் தன்னைப் பலியாகக் கல்வாரி சிலுவையில் ஒப்புக்கொடுத்து, மனுஷனை அந்தப் பாவத்திலிருந்து விடுதலையாக்கினார்; சாத்தான் இதனை ஒருபொழுதும் எதிர்பார்த்திருக்கவில்லை.

அந்த இரட்சகரின் உயிர்த்தெழுதல் நமக்குப் பெரும் சந்தோஷத்தை ஏற்படுத்துகிறது; இதனால் ஏற்பட்ட பெந்தெகொஸ்தே அனுபவம் பெரும் சந்தோஷத்தை நமக்கு ஏற்படுத்துகிறது. பரிசுத்த ஆவியானவர் புதிய பரிணாமத்தில் வந்தது பெரும் சந்தோஷத்தை நமக்கு ஏற்படுத்துகிறது. காளை வெள்ளாட்டுக் கடாவின் இரத்தத்திற்குப் பதிலாக இரட்சகரின் இரத்தம் சிந்தப்பட்டு, பரிசுத்த ஆவியானவர் நம்மில் வாசமாயிருக்கக்கூடிய பாக்கியத்தைப் பெற்றுள்ளோம் (Iகொரி. 3:16) . இப்படியாக, அவரை ஏற்றுக்கொண்டவனுக்கு சந்தோஷம் முடிவில்லாமலிருக்கிறது; விசுவாசிக்கு அவருடைய பிறப்பு, இறப்பு, உயிர்த்தெழுதல் மீண்டும் வருவது ஆகியவைகள் எந்த நாளும் சந்தோஷத்தை ஏற்படுத்துவதாக.

27/12/2024

he Crossway Ministries
அநுதினமும் சிலுவையைச் சுமப்போம்

டிசம்பர் 24

ஆகையால் பரலோகங்களே! அவைகளில் வாசமாயிருக்கிறவர்களே! களிகூருங்கள். பூமியிலும் சமுத்திரத்திலும் குடியிருக்கிறவர்களே! ஐயோ, பிசாசானவன் தனக்குக் கொஞ்சக்காலமாத்திரம் உண்டென்று அறிந்து, மிகுந்த கோபங்கொண்டு, உங்களிடத்தில் இறங்கினபடியால், உங்களுக்கு
ஆபத்துவரும் என்று சொல்லக்கேட்டேன் (வெளி. 12:12).

“பரலோகங்களே! அவைகளில் வாசமாயிருக்கிறவர்களே! களிகூருங்கள்”

பரலோகங்களே! அவைகளில் வாசமாயிருக்கிறவர்களே! களிகூருங்கள் என்பதனைப் பார்க்கும்பொழுது பரலோகத்தில் பெரும் கொண்டாட்டமும் ஆரவாரமும் ஏற்பட்டிருப்பதைக் காண்கிறோம்; ஏனெனில், உலகமனைத்தையும் மோசம் போக்குகிற பிசாசு என்றும் சாத்தான் என்றும் சொல்லப்பட்ட பழைய பாம்பாகிய பெரிய வலுச்சர்ப்பம் பூமியிலே தள்ளப்பட்டதே அந்தக் கொண்டாட்டத்திற்கும் ஆரவாரத்திற்கும் காரணமாயிருக்கிறது. இந்தப் பெரிய வலுச்சர்ப்பம் இரவும் பகலும் நம்முடைய தேவனுக்கு முன்பாக நம்முடைய சகோதரர்கள்மேல் குற்றஞ்சாட்டுகிறது. மிகாவேலும் அவனைச் சேர்ந்த தூதர்களும் வலுச்சர்ப்பத்திற்கு எதிராக யுத்தம் பண்ணினதன்மூலம் வலுச்சர்ப்பம் இருந்த இடமும் இல்லாமற்போய்விட்டது (வெளி. 12:7-8) ; வலுச்சர்ப்பமும் அவனுடைய கூட்டமும் பூமியிலே விழத்தக்கதாகத் தள்ளப்பட்டன (வெளி. 12:9) . உபத்திரவகாலத்தின் மத்திய பகுதியில் இந்தச் சம்பவம் நடந்தேறும். இனி ஒருபொழுதும் பரலோகத்தின் மகிமையான வாசலை சாத்தானும் அவனுடைய கூட்டமும் அணுகமுடியாது.

0இப்படியிருக்க, சாத்தான் குடியிருக்கும் இடம் தேவன் வாசமாயிருக்கும் இடமல்ல என்றும், அவன் வசிக்கும் இடம் பூமிக்கு மேல் பூமியைச் சுற்றியிருக்கும் வானமே என்றும் பலர் சான்று பகர்கின்றனர்; ஆனால், இவ்வாறான சான்றுகள் வேதவாக்கியங்களின்மூலம் நிரூபிக்கப்படவில்லை. யோபு 1 ம் 2 ம் அதிகாரங்களைத் தெளிவாக உற்றுநோக்குவோமாகில் சாத்தான் கர்த்தருடைய சந்நிதியில் நிற்பதைக் காணக்கூடியதாயிருக்கிறது (யோபு 1:6, 2:1) . Iஇராஜாக்கள் 22:19-22 ல் மிகாயா தீர்க்கதரிசி சொல்வதைப் பார்த்தால், ஒரு அசுத்த ஆவி கர்த்தருடைய சந்நிதியில் நிற்கிறதை நாம் அறியக்கூடியதாயிருக்கிறது; ஆனபடியினால், இந்த அந்தகார சக்திகள் பரலோகத்திலிருந்து அப்புறப்படுத்தப்பட்டது சந்தோஷமான செய்தியே. பூமிக்குத் தள்ளப்பட்ட இந்தச் சக்திகள் அடுத்ததாக, அக்கினிக்கடலுக்குள் நிரந்தரமாகத் தள்ளப்படும் (வெளி. 20:8-10) என்ற செய்தி அதிக சந்தோஷத்தை நமக்கு ஏற்படுத்துகிறது. கர்த்தர் சொன்னதைச் செய்துமுடிப்பார் (ஏசா. 14:24; எரேமி. 32:27; எசேக். 12:25, 28).

26/12/2024

SIMCHAT TORAH BEIT MIDRASH

23/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 23

பர்வதங்களையும் கன்மலைகளையும் நோக்கி: நீங்கள் எங்கள்மேல் விழுந்து, சிங்காசனத்தின்மேல் வீற்றிருக்கிறவருடைய முகத்திற்கும், ஆட்டுக்குட்டியானவருடைய கோபத்திற்கும் எங்களை மறைத்துக்கொள்ளுங்கள் (வெளி. 6:16);

“மலைகளே எங்கள்மேல் விழுங்கள்”

இது ஒன்றும் புதிதல்ல; மனுஷகுல வீழ்ச்சியின் பின்பு உண்மையான தேவனை மனுஷன் அறியாமற்போனதன் நிமித்தம் இந்தத் துர்ப்பாக்கிய நிலைமை ஏற்பட்டிருக்கிறது; ஆனால், மனுஷனுடைய ஆத்துமாவோ உண்மையான தேவனைத் தேடியவண்ணமேயிருக்கிறது. அவனுக்குள் ஜென்மசுபாவம் இருக்கிறபடியினால், அவன் தேவனை அணுகமுடியாது. பழைய ஏற்பாட்டில் ஆதியாகமம் 3:9 ல் “...... தேவனாகிய கர்த்தர் ஆதாமைக் கூப்பிட்டு: நீ எங்கே இருக்கிறாய்?....” என்று தேவன் மனுஷனைத் தேடினார். புதிய ஏற்பாட்டில் மத்தேயு 2:2 ல் “...... யூதருக்கு ராஜாவாகப் பிறந்திருக்கிறவர் எங்கே?....” என்று மனுஷன் தேவனைத் தேடுகிறான். ஒருவரை ஒருவர் கட்டித்தழுவி ஒன்றாக இணைந்தது கல்வாரி சிலுவையிலேயே என்பதனை அறியும் வரையும் தேடுதல் தொடர்கிறது.

அவரைக் காணாதபடியினாலும், ஜென்மசுபாவத்தின் வஞ்சகத்தினாலும், சாத்தானின் சூழ்ச்சியினாலும் மனுஷன் விக்கிரகங்களைத் தேவர்களாக்கி, அவற்றைத் தொழுதுகொள்கிறான். உலகம் விக்கிரகங்களினால் நிறைந்திருக்கிறது; எப்படியென்றால், நூறுகோடி முஸ்லீம்கள், ஒரு நாளில் பலமுறை “அல்லாவை” தொழுதுகொள்கிறார்கள்; அது அவர்களால் ஏற்படுத்தப்பட்ட கற்பனையேதவிர வேறொன்றுமல்ல. ஒருகோடி பௌத்தர்கள், “புத்தரைத்” தங்கள் தேவனாகத் தொழுதுகொள்கிறார்கள். இந்தத் தேவன் அவர்களால் ஏற்படுத்தப்பட்ட ஒரு கொழுத்த மனுஷனே. கோடிக்கணக்கான இந்துக்கள், பல இலட்சக்கணக்கான தேவர்களை விக்கிரகங்களாக்கித் தொழுதுகொள்கிறார்கள். இது அவர்களுடைய இருதயத்தில் கர்ப்பந்தரித்த சிந்தனையே. கத்தோலிக்க மதத்தினர், (இயேசு என்னும் மனுஷனுடைய தாயாகிய) “மரியாளையும்” “மரித்த மனிதர்களையும்” தொழுதுகொள்கிறார்கள்; இப்படியாக இந்தப் பட்டியல் முடிவில்லாதிருக்கிறது.

கிறிஸ்தவர்களில் ஒரு சாராரைப் பொறுத்தளவில், அவர்கள் தங்களுடைய கிறிஸ்தவ மார்க்கங்களைத் தேவர்களாக்கி அதனை அறிந்தோ அறியாமலோ தொழுதுகொள்கிறார்கள். இன்னும் எண்ணிக்கைக்கு அப்பாற்பட்டோர் தங்களைத் தாங்களே தேவர்களாக்கிக்கொள்கிறார்கள்; ஆகையால், இந்தப் பிரச்னை ஒன்றும் புதிதல்ல; இதுபற்றிப் பவுல் அப்போஸ்தலர் ரோமர் 1:22-23 ல் பரிசுத்த ஆவியினால் ஏவப்பட்டு இதனைக் கண்டித்து உணர்த்துகிறார். வரப்போகிற உபத்திரவகாலத்தின்போது அவர்கள் தேவனை நோக்காமல், மலைகளையும் குன்றுகளையும் நோக்கித் தங்களைக் காப்பாற்றுமாறு கேட்பார்கள் என வேதம் வெளி. 6:15-17 ல் சொல்கிறது; அவர்களுடைய நம்பிக்கை அவர்களைக் காப்பாற்றவில்லையே; ஆனாலும், தங்களுடைய விக்கிரகங்களை அவர்கள் விடுவதாயில்லை; இதுவே வஞ்சகத்தின் உச்சக்கட்டச் செயற்பாடாகும்.

21/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 21

ஆவியானவர் சபைகளுக்குச் சொல்லுகிறதைக் காதுள்ளவன் கேட்கக்கடவன் என்றெழுது என்றார் (வெளி. 3:22).

“காதுள்ளவன் கேட்கக்கடவன்”

இந்த வேதவாக்கியம் யோவானுக்கு வெளிப்படுத்தின விசேஷத்தில் ஏழுமுறை ஆண்டவராகிய இயேசுகிறிஸ்துவினால் சொல்லப்பட்டிருக்கிறது. அவர் ஒருமுறை சொல்வதாயிருந்தால், அது மிகுந்த முக்கியத்துவம் வாய்ந்தது; அதனையே ஏழு முறை சொன்னால், அதுவே முக்கியமானது என்பது வெளிப்படையாயிருக்கிறது.

அப்படியாயின் அந்த முக்கியமான செய்தி, சிலுவையின் செய்தியே என்பதனை நான் நம்புகிறேன். எல்லாச் சபைகளுக்கும் அதுவே செய்தியாக இருக்கிறது. இங்கு நாம் அறிந்திருக்கவேண்டியது என்னவென்றால், கிறிஸ்துவின் சிலுவை என நாம் கூறும்பொழுது ஒரு மரப்பலகையைப்பற்றி நாம் கூறவில்லை; ஒருவேளை அந்த மரப்பலகையில் கிறிஸ்து மரித்திருந்தாலும், அந்த மரப்பலகையினால் ஒரு பிரயோஜனமும் இல்லை; சிலுவையில் அவர் நிறைவேற்றிய நன்மைகளைப்பற்றியே நாம் இங்கு சொல்கிறோம்; அதுவே மிகமுக்கியமானது:

* சிலுவையில்த்தான் இயேசுகிறிஸ்து கடந்தகால, நிகழ்கால, வருங்காலப் பாவங்கள் யாவற்றையும் நிவிர்த்திசெய்தார்; இதனை எவன் விசுவாசிக்கிறானோ அவனே அதன் பலாபலனைப் பெற்றுக்கொள்ளுவான் (கொலோ. 2:10-14) .

* சிலுவையிலேயே சாத்தானையும், அவனுடைய அந்தகாரசக்திகளையும் முற்றுமுழுவதுமாகக் கிறிஸ்து நம்சார்பில் தோற்கடித்தார் (கொலோ. 2:15) ; இதனை எவன் விசுவாசிக்கிறானோ அவனே அதன் பலாபலனைப் பெற்றுக்கொள்ளுவான்.

இன்னும் அநேகமான பலாபலன்கள் சிலுவைமூலம் நமக்குக் கிடைத்திருக்கிறது. சிலுவையின் செய்தியையே பவுல் அப்போஸ்தலர் பிரசங்கித்தார்; ஆனபடியால்த்தான் பவுல் அப்போஸ்தலர் “நாங்களோ சிலுவையில் அறையப்பட்ட கிறிஸ்துவைப் பிரசங்கிக்கிறோம்; அவர் யூதருக்கு இடறலாயும் கிரேக்கருக்குப் பைத்தியமாயும் இருக்கிறார்” (Iகொரி. 1:23) எனக் கூறியிருக்கிறார்; நாமும் அதே செய்தியையே பிரசங்கிக்கிறோம்.

பவுல் அப்போஸ்தலர் மேலும் ஒருபடி கூடச்சென்று, சிலுவையின் செய்தியை நிராகரிப்போருக்கு “ஞானஸ்நானத்தைக் கொடுக்கும்படி கிறிஸ்து என்னை அனுப்பவில்லை; சுவிசேஷத் தைப் பிரசங்கிக்கவே அனுப்பினார்; கிறிஸ்துவின் சிலுவை வீணாய்ப்போகாதபடிக்கு, சாதுரிய ஞானமில்லாமல் பிரசங்கிக்கவே அனுப்பினார்” (Iகொரி. 1:17) என்று சொல்லியிருக்கிறார்.

சிலுவையின் செய்தியே அந்த விசுவாசம் எனப்படும்; இதனையே “இயேசுகிறிஸ்துவை, சிலுவையில் அறையப்பட்ட அவரையேயன்றி, வேறொன்றையும் உங்களுக்குள்ளே அறியாதிருக்கத் தீர்மானித்திருந்தேன்” (Iகொரி. 2:2) எனப் பவுல் அப்போஸ்தலர் கூறியிருக்கிறார்.

20/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 20

நான்: நீ ஐசுவரியவானாகும்படிக்கு நெருப்பிலே புடமிடப்பட்ட பொன்னையும், உன் நிர்வாணமாகிய அவலட்சணம் தோன்றாதபடிக்கு நீ உடுத்திக்கொள்வதற்கு வெண்வஸ்திரங்களையும் என்னிடத்திலே வாங்கிக்கொள்ளவும், நீ பார்வையடையும்படிக்கு உன் கண்களுக்குக் கலிக்கம்போடவும் வேண்டுமென்று உனக்கு ஆலோசனை சொல்லுகிறேன் (வெளி. 3:18).

“உனக்கு என்னுடைய ஆலோசனை”

“எனக்கு ஒருகுறைவுமில்லையென்றும் சொல்லுகிறபடியால்” என்ற சொற்றொடரைப் பரிசீலனை செய்வோமாயின், கடைசிச் சபையாகிய லவோதிக்கேயா சபையினர் பொருள்களின் அதிகரிப்பை ஆவிக்குரிய ஆசீர்வாதத்துடன் சமன்படுத்துகிறார்கள்; லவோதிக்கேயா சபையினரைப்பற்றியே பவுல் அப்போஸ்தலர் Iதீமோத்தேயு 4:1 லும் IIதீமோத்தேயு 3:1-5 லும் பிரஸ்தாபித்திருக்கிறார். இந்தச் சபை இப்பொழுது நடைமுறையில் பரந்தளவில் செயற்படுகிறது என்பதனை நாம் அறிந்திருக்கவேண்டும்; நாம் இப்பொழுது கடைசியின் கடைசிக் காலத்திலிருக்கிறோம் என்பதனைப் பல கிறிஸ்தவர்கள் அறியாமலிருக்கிறது வேதனையைத் தருகிறது. இந்தச் சபையினர் பொருட்களின் செல்வத்தினால் சந்தோஷப்படுகிற அதேநேரம், தமது ஆவிக்குரிய நிலைமையை அறியாமல் மதிமயங்கிப்போய் இருப்பது வேதனைக்குரியது; இதுவே தற்போதைய கிறிஸ்தவ சபைகளின் ஆவிக்குரிய நிலைமையாகும்.

“என்னிடத்திலே வாங்கிக்கொள்ளவும்” என்று சொல்லப்பட்டிருப்பதன் ஆவிக்குரிய பொருள் என்னவென்றால், அவர்கள் வாங்கவேண்டியதைப் பணங்கொடுத்து எங்கும் வாங்கமுடியாது என்பதனை முதற்கண் நாம் அறிந்திருக்கவேண்டும். அதனைக் கிறிஸ்துவின் விலையேறப்பெற்ற இரத்தத்தினாலேயே வாங்கமுடியும்; அந்த விலை கிறிஸ்துவினால் சிலுவையில் 2000 வருஷங்களுக்கு முன்பே செலுத்தப்பட்டுவிட்டது; ஆனால், தற்போதைய கிறிஸ்தவர்களுக்கு அதனில் அக்கறையில்லை. அதனை இலவசமாக அந்த விசுவாசத்தின்மூலம் எந்த மனுஷனும் உடனடியாகவே பெற்றுக்கொள்ளமுடியும்.

“உன் நிர்வாணமாகிய அவலட்சணம் தோன்றாதபடிக்கு” என்பதன் ஆவிக்குரிய பொருள், கிறிஸ்துவின் நீதியைப்பற்றிச் சொல்கிறது; அந்த நீதியைக் கிறிஸ்துவிலும், அவர் சிலுவையில் நிறைவேற்றியதிலும்விசுவாசத்தை வெளிப்படுத்திப் பெற்றுக்கொள்ளமுடியும்; வேறெந்தவிதத்தினாலும் பெறமுடியாது. லவோதிக்கேயா சபையினர் இஸ்ரவேலியர்கள்போன்று (ரோம. 10:2-3) சுயநீதியினால் முற்றுமுழுவதும் ஆக்கிரமிக்கப்பட்டிருக்கிறார்கள் என்பதனையே இது வெளிப்படுத்துகிறது. கிறிஸ்துவின் நீதி இல்லாததனால், நியாயத்தீர்ப்புக்கு அவர்கள் நிர்வாணமாயிருக்கிறார்கள்; அதுமட்டுமல்ல, லவோதிக்கேயா சபையினரில் ஏசாயாவின் தீர்க்கதரிசனம் நிறைவேறியிருக்கிறது தெளிவாகிறது (மத். 13:14-15) . இவர்கள் வேண்டுமென்றே ஆவிக்குரிய குருட்டுத்தனத்தினாலும், ஆவிக்குரிய செவிட்டுத்தனத்தினாலும், ஆவிக்குரிய மந்த இருதயத்தினாலும் நிறைந்துபோயிருக்கிறார்கள்.

19/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 19

இப்படி நீ குளிருமின்றி அனலுமின்றி வெதுவெதுப்பாயிருக்கிறபடியினால் உன்னை என் வாயினின்று வாந்திபண்ணிப்போடுவேன் (வெளி. 3:16).

“வெதுவெதுப்பான சபைகள்”

லவோதிக்கேயா சபையை வெளி. 3:14-22 ல் வெதுவெதுப்பான சபையென்று ஆண்டவராகிய இயேசுகிறிஸ்து பிரகடனப்படுத்தியிருக்கிறார். ஆண்டவர் அந்தச் சபையைப்பற்றி மேலும் குறிப்பிடும்பொழுது, அந்தச் சபை குளிராயாவது அனலாயாவது இருந்தால் நலமாயிருக்கும் (வெளி. 3:15) என விரும்பியிருக்கிறார்.

இப்படி அவர் லவோதிக்கேயா சபையை வெறுத்ததற்குக் காரணம் என்ன என்பதனை ஆராய்ந்து பார்க்கும்பொழுது விசுவாசிகள் தாம் பெற்ற ஆசீர்வாதத்திற்கு (வெளி. 3:17) காரணமாயிருந்த இயேசுகிறிஸ்துவையும், அவர் சிலுவையில் நிறைவேற்றியிருப்பதையும் தொடர்ந்து விசுவாசிப்பதற்குப் பதிலாகத் தம்முடைய விசுவாசத்தை வேறொன்றிற்குத் திசைதிருப்பினதே முக்கியகாரணமாகும் என்பது தெளிவாகிறது. சிலுவையில் சகலத்திற்கும் போதுமான அவரது மரணத்தை விசுவாசிப்பதை விலக்கி, “தாம் ஐசுவரியவானென்றும், திரவியசம்பன்னனென்றும், எனக்கு ஒருகுறைவுமில்லையென்றும்....” (வெளி. 3:17) பெருமிதமாகக்கூறி, தம்முடைய வெகுதூரத்திலுள்ள விசுவாசத்தையும் அன்பையும் வெளிப்படுத்தினர்.

அதென்ன அந்த வெகுதூரத்திலுள்ள விசுவாசம்? இதற்குப் பதில் லவோதிக்கேயாவின் பட்டணத்திற்கு அருகில் ஆறுகளும் நீர் வீழ்ச்சிகளும் இல்லை. லவோதிக்கேயா பட்டணம் உண்மையில் வெதுவெதுப்பான தண்ணீருக்குப் பேர்போன இடம். பட்டணத்திற்கு அப்பாலிருந்து கொதி தண்ணீரையோ குளிர்தண்ணீரையோ பழையகால செயற்கை வாய்க்கால் குழாய்மூலம் கொண்டுவந்து சேர்க்கும்பொழுது தண்ணீர் குளிராகவோ அனலாகவோ இல்லாமல் வெதுவெதுப்பு அடைந்துபோகிறது. ஆண்டவராகிய இயேசுகிறிஸ்து வெதுவெதுப்பு என்று அழைத்த காரணம் அவர்கள் தங்களிடத்திலுள்ள ஜீவத்தண்ணீர் ஊற்றாகிய இயேசுகிறிஸ்துவைவிட்டு, தூரமாகப் போய்விட்டார்கள் என்பதேயாகும். வல்லமையான இந்த ஆவிக்குரிய உண்மையைத் தெளிவுபடுத்துவதற்குப் பொதுவாக எல்லாருக்கும் தெரிந்த அந்தப் பட்டணத்தினர் அறிந்த உண்மையை ஆதாரமாக எடுத்துக்கூறியுள்ளார்.

ஆண்டவர் இவர்கள் குளிராயாவது அனலாயாவது இருந்தால் நலமாயிருக்குமென விரும்புகிறார் (வெளி. 3:15) . அவர்கள் குளிராயாவது அனலாயாவது இருந்தால், நீரூற்றாகிய இயேசுகிறிஸ்துவுக்குக் கிட்டவாயிருக்கிறார்கள்; அவர்கள் மனந்திரும்பிக் கிறிஸ்துவின் சிலுவைக்குத் திரும்பி, தங்களுடைய விசுவாசத்தையும் திருப்பவேண்டும்.

இப்படியிருக்க, தற்போதைய கிறிஸ்தவ சபைகள் முற்றுமுழுவதுமாகப் பழைய லவோதிக்கேயா சபை மாதிரி சுயத்திலும், உலகஐசுவரியத்திலும் தங்கியிருப்பதுமட்டுமல்ல, அதனை முற்று முழுவதும் விரும்புகிறது; இத்தகைய விசுவாசிகள் கிறிஸ்துவினுடைய வார்த்தைக்குத் திரும்புவதற்கு இதுவே பொருத்தமான நேரமாயிருக்கிறது (வெளி. 3:19-20) .

18/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 18

ஆவியானவர் சபைகளுக்குச் சொல்லுகிறதைக் காதுள்ளவன் கேட்கக்கடவன்; ஜெயங்கொள்ளுகிறவனெவனோ அவனுக்குத் தேவனுடைய பரதீசின் மத்தியிலிருக்கிற ஜீவவிருட்சத்தின் கனியைப் புசிக்கக் கொடுப்பேன் என்றெழுது (வெளி. 2:7).

“ஜெயங்கொள்ளுகிறவன்”

ஆசியாவிலுள்ள ஏழு சபைகளுக்கும் ஆண்டவராகிய இயேசுகிறிஸ்துவினால் ஏழு செய்திகள் விலாசமிடப்பட்டிருக்கிறது (வெளி. அதி:2-3) . ஒவ்வொரு செய்தியிலும் விசுவாசிகள் ஜெயங்கொள்ளுகிறவர்களாக இருக்கவேண்டும் என்று வலியுறுத்தப்பட்டிருக்கிறது. சபைகள் ஒன்றுக்கொன்று வித்தியாசமாக இருந்தாலும், நாம் ஜெயங்கொள்ளுகிறவர்களாக இருக்கவேண்டுமென்று அறிவிக்கப்பட்டிருக்கிறது. இந்த அறிவிப்புக்களை வாசகர் வாசிக்கும்பொழுது உம்முடைய நிலைமை எப்படி இருக்கிறது? நீர் ஜெயங்கொள்ளுகிறவனாக இருக்கிறீரா? அல்லது உம்முடைய மனதில் இது வேறொன்றைப்பற்றிச் சொல்லப்பட்டிருக்கிறதுபோலத் தெரிகிறதா? அல்லது அப்படி வருவதற்கு நான் முயற்சிக்கிறேன் என்று சொல்லுகிறீரா?

ஒரு விசுவாசியாக நீர் இருந்தால், எப்படி ஒருவன் ஜெயங்கொள்ளமுடியும் என்று நான் ஒரு கேள்வியை உம்மிடம் கேட்டால் உம்முடைய பதில் என்ன? வேதவாக்கியம் வெளி. 12:11 ல் “மரணம் நேரிடுகிறதாயிருந்தாலும் அதற்குத் தப்பும்படி தங்கள் ஜீவனையும் பாராமல், ஆட்டுக்குட்டியின் இரத்தத்தினாலும் தங்கள் சாட்சியின் வசனத்தினாலும் அவனை ஜெயித்தார்கள்” என்று சொல்லப்பட்டிருக்கிறது.

அநேகமான விசுவாசிகள் தாம் ஏதாவதைச் செய்வதனால் அல்லது எதனையாவது செய்யாமல் விடுவதனால் ஜெயங்கொள்ளலாம் என்று நினைக்கிறார்கள். அப்படியல்ல, வேதவாக்கியம் “ஆட்டுக்குட்டியின் இரத்தத்தினாலேயே” நாம் ஜெயங்கொள்ளமுடியும் என்று சொல்கிறது. இதன் பொருள், அந்த விசுவாசத்தைப்பற்றியே இங்கு குறிப்பிடப்பட்டிருக்கிறது. பவுல் அப்போஸ்தலர் இதுபற்றிக் கலாத்தியர் 5:6 ல் “கிறிஸ்து இயேசுவினிடத்தில் விருத்தசேதனமும் விருத்தசேதனமில்லாமையும் ஒன்றுக்கும் உதவாது, அன்பினால் கிரியை செய்கிற விசுவாசமே உதவும்” எனச் சொல்லியிருக்கிறார்.

நம்முடைய விசுவாசத்தைக் கிறிஸ்துவிலும் அவர் சிலுவையில் நிறைவேற்றியதிலும் வைத்திருக்கும்பொழுது நாம் இலகுவாக ஜெயங்கொள்ளுகிறோம்; அதெப்படியெனில், அந்த விசுவாசத்தில் நிலைத்திருக்கும்பொழுது, அவர் தன்னுடைய ஜீவனை இரத்தமாக நமக்கு ஊற்றினார் என்றும், அந்தப் பாவத்தை அந்த இரத்தத்தின்மூலம் பாவநிவிர்த்தி செய்தார் என்றும், சாத்தானையும் அவனுடைய கூட்டத்தையும் தோற்கடித்தார் என்றும் நாம் அறிந்திருக்கிறோம். விசுவாசத்தைக் கிறிஸ்துவின் சிலுவையில் பொருத்தமாகப் பதிவுசெய்யும்பொழுது, பரிசுத்த ஆவியானவருடைய உதவியைப்பெற்று, வெற்றியை (ரோம. 8:1-11) சுவீகரித்துக்கொள்ளமுடியும்; விசுவாசத்தைக் கிறிஸ்துவின் சிலுவையில் பதிவுசெய்யும்பொழுது, கிறிஸ்துவிலும், அவர் சிலுவையில் நிறைவேற்றியதிலும் பதிவுசெய்யவேண்டும்.

நாம் ஏதாவது செய்கிறதினால் ஜெயங்கொள்ளமுடியாது; கிறிஸ்து நிறைவேற்றியதில் விசுவாசத்தை வெளிப்படுத்துவதினால்மட்டுமே ஜெயங்கொள்ளமுடியும்; அந்தக் காரணத்தின் நிமித்தம் பரலோகத்திலிருந்து பலமான குரல் ஒன்று நாம் ஆட்டுக்குட்டியானவருடைய இரத்தத்தினால் ஜெயித்தோம் என்று பலத்த சத்தமாகச் சொல்கிறது; ஆகையால், நம்முடைய தவறின் மேலிருக்கும் நம்முடைய கண்ணை விலக்கி, மனந்திரும்பி (Iயோவா. 1:9) , அவருடைய பரிபூரணத்தின்மேல் நமது கண்களை நிலையாக வைத்திருப்போமாக. ஆமென்.

17/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 17

ஆனாலும், நீ ஆதியில் கொண்டிருந்த அன்பைவிட்டாய் என்று உன்பேரில் எனக்குக் குறை உண்டு (வெளி. 2:4).

“ஆனாலும், நீ ஆதியில் கொண்டிருந்த அன்பை விட்டாய்”

எபேசு சபை ஒரு அருமையான உதாரணமாக இருக்கிறது. அதெப்படியென்றால், சபையோ ஒரு தனிப்பட்ட விசுவாசியோ உபதேசத்தில் பலமாக இருந்தும், அன்பில் குறைவாக இருக்கலாம்; பொல்லாதவர்களைச் சகிக்கக்கூடாமல் இருக்கிறதையும், அப்போஸ்தலர் அல்லாதவர்கள் தங்களை அப்போஸ்தலர்கள் என்று சொல்லுகிறதைச் சோதித்து, அவர்களைப் பொய்யர்கள் என்று கண்டறிந்ததையும் ஆண்டவராகிய இயேசுகிறிஸ்து புகழ்ந்திருக்கிறார்.

எபேசு சபை மற்றவர்களைப் பகுத்தறிவதில் வல்லுநர்களாக இருந்தும், தங்களைப் பகுத்தறிவதில் பலவீனர்களாக இருக்கிறார்கள்; இதன்மூலம் எபேசு சபை நமக்கு ஒரு வல்லமையான படிப்பினையைத் தருகிறது. அதென்னவென்றால், ஒருவன் சரியான செய்தியை மனதினால் அறிந்திருக்கலாம்; ஆனால், இருதயத்தினால் அல்ல (மத். 15:8) ; இந்தச் சபையைப்பற்றி ஆண்டவராகிய இயேசுகிறிஸ்து “ஆனாலும், நீ ஆதியில் கொண்டிருந்த அன்பை விட்டாய் என்று உன்பேரில் எனக்குக் குறை உண்டு” என்று கண்டித்திருப்பதைக் காணக்கூடியதாயிருக்கிறது. “ஆதி அன்பு” என்பது இயேசுகிறிஸ்துவையும், எவ்வித தகுதியுமில்லாத நமக்கு அவர் சிலுவையில் நமக்காக நிறைவேற்றியதையும் குறிப்பிடுகிறது; ஆதி அன்புக்கு எப்படித் திரும்புவது என்று நமக்கும் அவர்களுக்கும் ஆண்டவராகிய இயேசுகிறிஸ்து “ஆகையால், நீ இன்ன நிலைமையிலிருந்து விழுந்தாயென்பதை நினைத்து, மனந்திரும்பி, ஆதியில் செய்த கிரியைகளைச் செய்வாயாக......” என்று சொல்லியிருக்கிறார் (வெளி. 2:5) ; இதன் பொருள், நீ அந்த விசுவாசத்திற்குத் திரும்பு; அந்த விசுவாசம் என்பது சிலுவையில் அறையப்பட்ட இயேசுகிறிஸ்துவேயாகும் (Iகொரி. 2:2) ; ஒருவன் தன்னுடைய அறிவில் நம்பியிருந்ததற்காக மனம்வருந்தி, அந்த சத்தியத்திற்கு மனந்திரும்புவதே தேவனுடைய எதிர்பார்ப்பாகும். அவன் ஆதியில் செய்த கிரியைக்குச் செல்லவேண்டும்; அந்தக் கிரியை எல்லாவற்றிற்கும் இயேசுகிறிஸ்துவில் பரிபூரணமாக நம்பியிருப்பதேயாகும்.

“......இல்லாவிட்டால் நான் சீக்கிரமாய் உன்னிடத்தில் வந்து, நீ மனந்திரும்பாதபட்சத்தில், உன் விளக்குத்தண்டை அதனிடத்தினின்று நீக்கிவிடுவேன்” (வெளி. 2:5) என எச்சரித்திருக்கிறார். எபேசு சபைக்கு இயேசுகிறிஸ்துவின் இந்த நிருபம் 2000 வருஷங்களுக்கு முன்பு கொடுக்கப்பட்டது; அவைகள் இன்றும் பொருத்தமாயிருக்கிறது.

16/12/2024

The Crossway Ministries
அநுதினமும் சிலுவையைச் சுமப்போம்

டிசம்பர் 16

எபேசு சபையின் தூதனுக்கு நீ எழுதவேண்டியது என்னவெனில்: ஏழு நட்சத்திரங்களைத் தம்முடைய வலதுகரத்தில் ஏந்திக்கொண்டு, ஏழு பொன்குத்து விளக்குகளின் மத்தியிலே உலாவிக்கொண்டிருக்கிறவர் சொல்லுகிறதாவது (வெளி. 2:1).

“எபேசு சபை”

புதிய ஏற்பாட்டில் மார்க்கங்களென ஒன்றும் இல்லை; சகல மார்க்கங்களும் மனுஷரால் ஏற்படுத்தப்பட்டவைகளேதவிரத் தேவனால் ஏற்படுத்தப்பட்டவைகளல்ல. அப்படியாயின், கிறிஸ்தவ மார்க்கங்களில் பங்குபற்றுவதோ அல்லது அதில் அங்கத்தவர்களாக இருப்பதோ தவறல்ல; மார்க்கங்கள் மனுஷரால் உருவாக்கப்பட்டது என்ற உண்மையை அறிந்துகொள்ளவேண்டியதே அவசியமானது. கிறிஸ்தவ மார்க்கங்களில் எந்தவிதமான தெய்வீகத்தன்மையும் இல்லை; அவைகள் தேவனுடைய ஊழியத்தைச் செய்வதற்கு ஒரு சாதனங்களாக இருக்கிறதேதவிர வேறொன்றுமில்லை. கிறிஸ்துவின் சரீரத்தைப் பிரிப்பது வேதவசனத்திற்கு ஏற்புடையதல்ல; மார்க்கங்கள் தாமாக ஆரம்பமாகவில்லை; இவ்வாறான பிரிவினைகளை உருவாக்கினது சாத்தானேயன்றி வேறொருவருமல்ல; இதுபற்றிப் பவுல் அப்போஸ்தலர் கொரிந்தியர்களுக்கு Iகொரிந்தியர் 1:12-13 ல் தெளிவுபடுத்தியிருக்கிறார்.

ஆதியில், சகோதரர்களுக்குள் வாக்குவாதங்களை ஏற்படுத்தி, கிறிஸ்துவின் சரீரத்தில் பிரிவினையை ஏற்படுத்தினது சாத்தானே (Iகொரி. 1:11) . அப்போஸ்தலர்களின் பலமான வழிகாட்டுதலின் நிமித்தம் பிரிவினை ஓரிரு நூற்றாண்டுகாலமாக செயற்படாமலிருந்தும் அதற்குப் பின்பு பிரிவினை உச்சக்கட்டத்தை அடைந்தது. இந்தப் பிரிவினை முயற்சியில் சாத்தான் பெரும் வெற்றி அடைந்துள்ளான் என்பது வெளிப்படையாயிருக்கிறது; பிரிவினையை ஏற்படுத்தினதுமட்டுமல்ல, பிரிவினைக்கேற்பப் பல்வேறுவிதமான உபதேசங்களையும் வழிபாடுகளையும் சாத்தான் ஏற்படுத்தியிருக்கிறான். இது பரிசுத்த ஆவியினால் ஏற்படுத்தப்பட்டதல்ல (கலா. 5:8) . இந்த மார்க்கபேதங்கள் மனுஷகுலத்திற்கு ஏற்பட்ட சாபக்கேடு என்று சொல்வதே மிகவும் பொருத்தமானது; ஏனெனில், வேதத்திற்கு விரோதமான உபதேசங்களைப் பின்தொடர்பவர்கள் அந்தந்த மார்க்கங்களின் பிரமாணங்களை விசுவாசித்து, தேவனைவிட்டு விலகி, தமக்குச் சாபக்கேட்டை நியமித்திருக்கின்றனர் (உபா. 28:15) .

உண்மையில் தேவனுடைய ஊழியத்தைச் செய்வதற்கு இந்த மார்க்கங்கள் உதவவேண்டுமேதவிரத் தமக்கென ஒரு வழிமுறையை ஏற்படுத்துவது இனவெறியாகும். இனவெறி ஆவியே இந்த இடறலை நடைமுறைப்படுத்துகிறது. வேதவசனத்தில் முதிர்ச்சியடையாத கிறிஸ்தவர்கள் இதற்கு இலகுவாக இரையாகிப்போகிறார்கள். எண்ணிலடங்காதோர் இதற்கு இரையாகப் போய்க்கொண்டிருக்கிறார்கள். நீ என்னுடைய ஜாதியாக இல்லாதபடியினாலும், என்னுடைய கூட்டத்தில் அங்கத்தவனாயிராதபடியினாலும், நீ என்னைவிடக் குறைவானவன் என இனவெறி கூறுகிறது. இனவெறியும் மார்க்கபேதங்களும் வேதவசனத்திற்கு விரோதமானவைகளாகும்; ஆம், அநேகமான கிறிஸ்தவ மார்க்கங்கள் தேவனுக்கு விரோதமாகவே செயற்படுகின்றன.

ஒரு கிறிஸ்தவ மார்க்கம் தேவ ஊழியத்தைச் செய்வதற்கு ஒரு கருவியாகப் பயன்படுத்தப்படாவிட்டால், அந்த மார்க்கம் வெறுமனே ஒரு சமூக ஸ்தாபனமாக செயற்படுகிறது; அதேநேரம் அவைகள் வியாபார ஸ்தாபனங்களின் அமைப்பைக் கொண்டிருக்கிறது. அப்படியான ஏற்பாடுகள் ஒன்றும் புதிய ஏற்பாட்டில் கிடையாது. என்ன பிரசங்கம் செய்யவேண்டுமென்பதைப் பரிசுத்த ஆவியல்ல மனுஷனே தீர்மானிக்கிறான்; இந்த நிலைமை இப்பொழுது ஆகக் கீழ்த்தரமான நிலைமைக்குத் தள்ளப்பட்டு, போதகர்களுக்கு வெவ்வேறு பெயர்கள் கொடுக்கப்படுகிறது.

இவ்வாறான சபைகளில் கிறிஸ்துவின் பிரசன்னம் கிடையாது. போதகர்கள் தேவனால் அழைக்கப்படாமல் மனிதர்களால் தேர்ந்தெடுக்கப்படுகிறார்கள். கத்தோலிக்க சபை தெளிவான உதாரணமாயிருக்கிறது. போப்பின் (Pope) வார்த்தை சட்டமாகி, காடினல் (Cardinal) மூலமாகவும், பிஷப் (Bishop) மூலமாகவும் ஆசாரியர்களைச் (Priest) சென்றடைகிறது. இவ்வாறான முறைகள் யாவும் தேவனுக்கு விரோதமானவைகளே. புரட்டெஸ்டன் (Protestants) மார்க்கத்தினரின் செயற்பாடுகளைப் பொறுத்தமட்டில் அவ்வளவாகப் பெரிய மாற்றங்கள் ஒன்றும் இல்லை. எவனாகுதல் வேதவசனத்தைச் சுட்டிக்காட்டி, அதன்படி நடக்கமுயற்சித்தால், அவன் தண்டிக்கப்பட்டுப் புறம்பாக்கப்படுகிறான். பரிசேயரும் அப்படிச் செய்தார்களே!!! ஆகவே இந்தக் கேடுநிறைந்த, வேதத்திற்குப் புறம்பான அமைப்பைவிட்டு, ஒருவன் விலகாவிட்டால், அவன் கிறிஸ்துவினிடத்திலிருந்து எதையும் பெறமாட்டான் (கலா. 5:2) .
“பிள்ளைகளே, நீங்கள் விக்கிரகங்களுக்கு விலகி, உங்களைக் காத்துக்கொள்வீர்களா. ஆமென்” (Iயோவா . 5:21).

Address

No, 947, 5th Street Periya Kovilambakkam
Chennai
600129

Telephone

+917397222881

Website

Alerts

Be the first to know and let us send you an email when JOY TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to JOY TV:

Videos

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

SIMCHAT TORAH BEIT MIDRASH
SIMCHAT TORAH BEIT MIDRASH

SIMCHAT TORAH BEIT MIDRASH

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

அனுதினமும் சிலுவை சுமப்போம் | Paul Balabaskaran | The Crossway Ministries

Shortcuts

Share

Category

Our Story

JOY TV is a local Christian channel which broadcasts Christian Songs and Messages through sermons, choreography, talk shows, and gospel shows. This is a 24 x 7x 365 channel which is available in TCCL network. TCCL network reaches over six lakh homes daily, is also viewed in other places such as Vellore, Thiruvannamalai, Coimbatore and Nagercoil by the digital set top boxes. The programmes that are aired in Chennai can be viewed around the world through WEB TV (www.joytvchennai.com) and apps (JOYTV CHENNAI)