https://www.facebook.com/106786801602615/

Chalakudy Media, Chalakudy, Chalakudi (2024)

05/08/2023

ഇന്ന് (05-08-2023) കുറച്ചു മുൻപ് ഉണ്ടായ ഒരു സംഭവമാണ്...

വീട് വീടാന്തരം കയറിയിറങ്ങി മസാലകളും ചായിലയും മറ്റും വിൽക്കുന്ന ഒരു പെൺകുട്ടി കുലയിടം ഉദയ ക്ലബ്ബിന് സമീപം വീണു കിടക്കുന്നു.. അടുത്ത് ചായക്കടയിൽ ഉണ്ടായിരുന്ന ആളുകൾ ഓടിക്കൂടി, വെള്ളം തളിച്ച് നോക്കിയിട്ടും കുട്ടി എണീക്കുന്നില്ല, കണ്ണ് തുറക്കുന്നില്ല... കണ്ടപ്പോഴേ മനസ്സിലായി ആ കുട്ടിയേക്കാൾ വലിയ രണ്ട് ബാഗുകളും അതിനടുത്തുണ്ട്, അത് ഞങ്ങൾക്ക് പോലും പൊക്കാൻ പറ്റാവുന്നതിലും വലുത്... ഞങ്ങൾ അതിന്റെ കഴുത്തിൽ കിടന്ന ഐഡി കാർഡ് നോക്കി ഓഫീസിൽ വിളിച്ചിട്ട് അൻവർഷായുടെ ഓട്ടോയിൽ ഞാനും കൂടി ദേവമാത ഹോസ്പിറ്റലിൽ കൊണ്ട് പോയി...
പോകുന്ന പോക്കിലും കുട്ടി കണ്ണ് തുറക്കുന്നുണ്ടായില്ല...
അതിന്റെ ഒരു ചെറിയ മൊബൈൽ ഉണ്ടായതാണെങ്കിൽ ലോക്കും, കഷ്വാലിറ്റിയിൽ കയറ്റി ഡോക്ടർ വന്നു നോക്കി പറഞ്ഞു ആൾ ഒന്നും കഴിച്ചിട്ടില്ല എന്ന് തോന്നുന്നു, പൾസ് എല്ലാം നോർമൽ ആണെന്നും...
ഞങ്ങൾ ആശുപത്രിയിൽ നിന്നും അങ്കമാലിയിലെ അവരുടെ ഓഫീസിലേക്ക് വീണ്ടും വിളിപ്പിച്ചു... അപ്പോൾ അവിടെ നിന്നും ഒരാൾ ഹോസ്പിറ്റലിലേക് പോന്നിട്ടുണ്ട് എന്നും പറഞ്ഞു.. ഹോസ്പിറ്റലിൽ ഡ്രിപ്പ് ഇട്ടു കിടത്തി, കുറച്ച് കഴിഞ്ഞ് ഒരു മാഡം ആ കുട്ടിയുടെ ഫോണിൽ വിളിച്ചു ഞാനാണ് ഫോൺ എടുത്തത്, ഫുഡ്‌ കഴിക്കാഞ്ഞിട്ടാണ് എന്ന് ഞാൻ പറഞ്ഞപ്പോൾ മാഡം പറഞ്ഞത് ഞങ്ങൾ എല്ലാ ദിവസവും ഫുഡ്‌ കൊടുത്ത് വിടാറുണ്ട് ഇന്ന് അവൾ കൊണ്ട് പോയില്ല എന്നും ആണ്..
അഞ്ച് മിനിറ്റ് കഴിഞ്ഞ് ഓഫീസിൽ നിന്നും വന്ന ആൾ എത്തി, അയാളോടും ഡോക്ടരും ഞാനും ചോദിച്ചപ്പോൾ പറഞ്ഞത് ഫുഡിനുള്ള പൈസ ഓഫീസിൽ നിന്നും കൊടുക്കാറുണ്ട് എന്നാണ്....

ഉത്തരങ്ങളിലെ വൈരുധ്യം കണ്ട് സംശയം തോന്നി..

വീട്ടിലെ ബുദ്ദിമുട്ട് കൊണ്ടായിരിക്കാം തന്നെക്കാൾ വലിയ രണ്ട് വലിയ ബാഗുമായി ആ കുട്ടി വീടുകൾ തോറും കയറി ഇറങ്ങുന്നത്,

ഇവിടെ അധികാരികൾ ശ്രദ്ധിക്കേണ്ട കാര്യം അവരുടെ തൊഴിലിടങ്ങളിൽ അവർക്ക് അർഹമായ അടിസ്ഥാന സൗകര്യങ്ങളും ഭക്ഷണവും ലഭിക്കുന്നുണ്ടോ???

എനിക്കും കൂടെയുണ്ടായവർക്കും തോന്നിയത് ആ കുട്ടി ഭക്ഷണം കഴിച്ചിട്ട് ദിവസങ്ങളായി എന്നാണ്...

അന്യദേശ തൊഴിലാളികൾക്ക് ലഭിക്കുന്ന പരിഗണന നമ്മുട നാട്ടിലെ തൊഴിലാളികൾക്ക് ലഭിക്കുന്നുണ്ടോ????

ഓഫീസിലെ നമ്പർ...9747111437
സേവന ഉത്പന്നങ്ങൾ ആണെന്നാണ് പറഞ്ഞത്... ആ ഭാഗത്തുള്ള സുഹൃത്തുക്കൾ
കൃത്യമായി ഓഫീസിനെ കുറിച്ച് അന്വേഷിക്കാമോ???

© ഷിനു പണിക്കവീട്ടിൽ

26/04/2023

കാടുകുറ്റി പഞ്ചായത്തിലെ വാർഡ് 10 ലെ (കുലയിടം) താമസക്കാരനാണ്...
ഓപ്പൺ ഹാർട്ട് സർജറിക്ക് വൻ സാമ്പത്തിക ചിലവ് ആവശ്യമാണ്, കഴിയുന്നവർ സാമ്പത്തികമായി സഹായിക്കുക..
പരമാവധി ആളുകളിലേക് ഈ പോസ്റ്റ്‌ ഷെയർ ചെയ്ത് സഹായിക്കാൻ അഭ്യർത്ഥിക്കുന്നു...

16/09/2022

തുമ്പൂർമുഴി DMC യുടെ ഓണ വില്ല് ഓണാഘോഷം

28/08/2022

ഞാൻ ഒരു കിണർ

അന്നൊക്കെ ഗ്രാമ പ്രദേശങ്ങളിൽ വളരേ കുറച്ചേ കിണറുകൾ ഉണ്ടായിരുന്നുള്ളു...അതിലാകട്ടെ കൂടുതലും പഞ്ചായത്ത് നിർമിച്ചത് ..ജനങ്ങൾ കുടിവെള്ളത്തിന് അയൽവക്കത്തെ കിണറുകളും അലക്കാനും മറ്റും കുളമോ പുഴയോ ഒക്കെ ആശ്രയിച്ചിരുന്ന കാലം...

ഞാൻ ഉണ്ടായത്
******************
വീട്ടിൽ കിണറ് കുത്താൻ തീരുമാനമായി കഴിഞ്ഞപ്പോൾ ആകെ ഒരു തിക്കും തിരക്കും... സ്ഥാനക്കാരൻ വന്ന് സ്ഥാനം നോക്കുന്നു... കിണറിന്റെ സ്ഥാനം ഉറപ്പിച്ച ശേഷം വട്ടം വരച്ച് കൊണ്ട് ചെറിയ രീതിയിൽ കിണറ് കുത്തൽ ആരംഭിച്ചു... ദിവസം ചെല്ലുന്തോറും ആഴമിങ്ങനെ കൂടി കൂടി വന്നൂ... ഇടയ്ക്ക് മണ്ണ് കോരി കളയാൻ കപ്പി കെട്ടി, മുകൾ ഭാഗത്തോട് ഏറ്റവും അടുത്ത് നിൽക്കുന്ന ഭാഗങ്ങളിൽ മണ്ണ് ഇടിയാതിരിക്കാൻ കല്ല് വെച്ച് കെട്ടി.. വീണ്ടും കിണറ് കുത്തി കൊണ്ടേയിരുന്നു... മണ്ണിന്റെ നിറം മാറി മഞ്ഞ ചെളിയോട് കൂടിയ മണ്ണായി..
മണ്ണ് കുട്ട വലിച്ചു കയറ്റാൻ രണ്ട് പേർ, അവർ കയർ ഒരു ബലമുള്ള വടിയിൽകെട്ടി മണ്ണ് വലിച്ചു കേറ്റും..താഴെ രണ്ട് പേർ.. കിണറിന് ആഴം കൂടുന്തോറും വലിക്കുന്നവരുടെ ദൂരം കൂടികൊണ്ടേയിരുന്നു..
ഇടയ്ക്കിടെ എത്തി നോക്കുന്ന നാട്ടുകാരും, വെള്ളം കാണുമോ എന്ന ആശങ്കയിൽ വീട്ടുകാരും.. അവസാനം വെള്ളം കണ്ടപ്പോൾ എല്ലാവരുടെയും മുഖത്ത് സന്തോഷം...
അങ്ങനെ പിറന്ന എന്നിൽ നിന്നും
ആദ്യമായി കിട്ടിയ വെള്ളം കൊണ്ട് പായസമുണ്ടാക്കിയതും അത് എല്ലാവരുമായി പങ്കു വെച്ചതെല്ലാം സന്തോഷം നിറഞ്ഞ നല്ലോർമ്മകൾ.

സ്കൂൾ വിട്ട് വരുമ്പോഴും കളിക്കാൻ പോകുമ്പോഴുമെല്ലാം കുട്ടികൾ എന്നിൽ നിന്ന് വെള്ളം കോരി കുടിച്ച് ബാക്കിയുള്ളത് കാലും മുഖവും കഴുകി സന്തോഷത്തോടെ പോകുന്നത് കാണുന്നതേ ആകെ ഒരു ഉണർവ്വായിരുന്നു...

മനുഷ്യർ പണ്ടൊക്കെ ഓരോ കിണർ കാണുമ്പോഴും അതിന്റെ ആഴങ്ങളിൽ എന്തൊക്കെയോ രഹസ്യമില്ലേ എന്നൊക്കെ സംശയിച്ച് നിൽക്കാറുണ്ട് ... വീട്ടിലേക്ക് വരുന്നവർ കിണറിലേക്ക് ഒരു എത്തി നോട്ടം പതിവായിരുന്നു..ചിലർക്ക് നോക്കുമ്പോഴേ തലകറങ്ങും.. പണ്ട് നിങ്ങളൊക്കെ എത്രയെത്ര ബക്കറ്റ് വെള്ളം കോരിയിരിക്കുന്നു.

കൈവിട്ട് പോയ ബക്കറ്റ് എടുക്കാൻ നിയോഗിക്കപ്പെട്ട പാതാള കരണ്ടികൾ എത്രയോ വട്ടം എന്റെ ആഴങ്ങളിലേക്ക് ഇറങ്ങി ബക്കറ്റും കൊണ്ട് പോയിരിക്കുന്നു... കിണറ്റിൽ എങ്ങനയോ വന്നു പെട്ട മീനിനെ ഇടയ്ക്കിടെ കുഞ്ഞ് കല്ലുകൾ ഇട്ട് തീറ്റയാണെന്ന് തെറ്റിദ്ധരിപ്പിച്ചത്..കിണറ്റിൽ പന്ത് പോയപ്പോഴും കോഴി പോയപ്പോഴും വട്ടം കൂടി നിന്ന് കൊട്ടയിൽ കോരിയെടുത്തത്.. എല്ലാം എനിക്ക് സന്തോഷം നൽകുന്ന കാര്യങ്ങളായിരുന്നു..

മോട്ടർ വ്യാപകമായതോടെ പലരും ഞങ്ങളെ നോക്കാതെ തന്നെയായി.. പായൽ പിടിച്ച വെള്ളവും കാടുകയറിയ കിണറുകളുമാണ് ഇപ്പോൾ സർവത്ര കാണാനുള്ളത്...മഴ കൂടുതൽ പെയ്യുമ്പോൾ മോട്ടർ മുങ്ങാറായോ എന്നറിയാനുള്ള നോട്ടം മാത്രമേ ഇപ്പോഴുള്ളു..

പാളയും റബർ കൊട്ടയും ബക്കറ്റുകളും പാതാള കരണ്ടികളും ഒന്നു കൂടി വെള്ളത്തിൽ പതിക്കാനും ആ വെള്ളമാകെ ഒന്ന് കലക്കി മറിക്കാനും എത്ര ആഗഹിക്കുന്നുവെന്നോ...വർഷങ്ങൾ കുറേയായില്ലേ വെള്ളമൊന്ന് അറിഞ്ഞ് ഇളകിയിട്ട്... ഉണ്ടായിരുന്ന മീനൊക്കെ എപ്പോഴേ ചത്തു പൊങ്ങി... അതൊക്കെ ആരറിഞ്ഞു... ആർക്കാ നോക്കാൻ സമയം...

പണ്ടത്തെ കപ്പിയുടെയും ബക്കറ്റ് വെള്ളത്തിൽ ചെന്ന് പതിക്കുന്നതിന്റെയും തിരികെ കോരുന്നതിന്റേയും ശബ്ദങ്ങൾ കണ്ണടച്ചാൽ ഇപ്പോഴും കാതിൽ മുഴങ്ങുന്നു...

മുകളിൽ ഒരു ശബ്ദം കേൾക്കുമ്പോൾ, ആരാണ് കരയിൽ എന്നറിയാൻ ചിലപ്പോഴൊക്കെ പടർന്ന ചെടികളിലൂടെ ഞാനും മുകളിലേക്ക് ഒളിഞ്ഞു നോക്കുന്നുണ്ടായിരുന്നു അതാരും കണ്ടില്ല ...അങ്ങനെ ആർക്കും വേണ്ടാതെ ചപ്പും ചവറും വീണ്... ആദ്യമൊക്കെ രാത്രിയുടെ മറവിലും പിന്നീട് പട്ടാപകലും ആളുകൾ അവർക്ക് വേണ്ടാത്തതായ സാധനങ്ങൾ എല്ലാം നിക്ഷേപിച്ചു പോന്നൂ....
കാടും പടലവും നിറഞ്ഞു വെള്ളമെല്ലാം നശിച്ച് ആർക്കും വേണ്ടാത്തതായി അവസാനം പൊട്ട കിണർ എന്ന പേരും വന്നൂ...

പ്രതാപ കാലത്തെ തിരക്കിൽ നിന്നും അപ്രതാപ കാലത്തെ ഒറ്റപ്പെടലിലേക്ക് ഒരു കൂപ്പുകുത്തൽ..

ഓർമ്മകളിൽ നിന്നുമൊരേട്

20/08/2022

മലയാളിയുടെ ബാല്യം

ബോബനും മോളിയും വായിക്കുമ്പോൾ ആ കഥാപാത്രങ്ങൾ ജീവിക്കുന്ന നാടിനെ പറ്റിയാണ് ഞാൻ ആലോചിച്ചത്... വക്കീലും ഡോക്ടറും മന്ത്രിയും പഞ്ചായത്ത്‌ പ്രസിഡന്റും പൂവാലനും സാധാരണക്കാരനും എന്നിങ്ങനെ എല്ലാവരും ഉള്ളൊരു നാട്..ആശുപത്രിയും സ്‌കൂളുകളും പള്ളിയും വില്ലേജ് ഓഫിസ്സും എല്ലാമുള്ളൊരു സ്ഥലം..

നാട്ടിൻ പുറങ്ങളിൽ സാധാരണ കാണുന്ന പോലെ എങ്ങോട്ടൊക്കെയോ നടന്നു പോകുന്ന മനുഷ്യർ ഇവിടെയും പിന്നണിയിൽ കാണാം....ചിരിച്ച മുഖവുമായി ഓടുന്ന കറുത്ത... വെളുത്ത അംബാസിഡർ കാറുകൾ..ഇടയ്ക്കിടെ കടന്ന് പോകുന്ന തിരക്കുള്ള ബസ്സ്‌...ഒന്ന് രണ്ട് ഇരുചക്ര വാഹനങ്ങൾ അതിലൊന്ന് ചേട്ടത്തി ഓടിക്കുന്ന ബൈക്കാണ്.

പരസ്പരം വഴക്കിടുന്ന വീട്ടുകാരും അയൽവക്കക്കാരും, എന്നാൽ അടുത്ത നിമിഷം പഴയതിലും സൗഹൃദമായി ഇടപെടുന്ന നല്ല മനസ്സുള്ളവർ...പരസ്പരം കുശുമ്പ് പറയുന്ന സ്ത്രീകൾ..

മന്ത്രിയുടെ പൊങ്ങച്ചം സ്ഥിരം കാണുന്ന നാട്ടുകാർ പക്ഷേ അയാളുടെ പ്രസംഗങ്ങൾ എല്ലാം അക്ഷമയോടെ കേട്ടിരിക്കാൻ അവർ മനസ്സുകാണിക്കുന്നു..

എത്ര പറഞ്ഞാലും തല്ല് കൊണ്ടാലും പിന്നേയും കോഴിത്തരം തുടരുന്ന ഗ്രാമത്തിലെ ഏക ഫ്രീക്കനായ അപ്പിഹിപ്പിയെ ചീത്ത പറയുമെങ്കിലും ആൾക്കെതിരെ ഒരു പെണ്ണും കംപ്ലയിന്റ് പറയുന്നില്ല...അയാൾ അയാളുടെ ഗിറ്റാറുമായി വേറെ ലോകത്തിൽ ആണ്.

വേറെയൊരു പ്രത്യേകത എന്തെന്നാൽ ആ നാട്ടിലെ പാവങ്ങളൊക്കെ തീരെ മെലിഞ്ഞ് എല്ലുന്തിയവരും പണക്കാരൊക്കെ വയറന്മാരുമാണ്..

പൊതുവേ സമാധാനപ്രിയരായ നാട്ടുകാർ.. നമ്മുടെ നാട്ടിൻ പുറങ്ങളിൽ കാണുന്ന പോലത്തെ അടുത്ത വീട്ടിലെ കുടുംബ വഴക്കുകൾ എത്തി നോക്കുന്ന ആളുകൾ..

വളരേ നർമ്മബോധമുള്ള നാട്ടുകാർ.. അവരുടെ സംസാരത്തിലെ കൗണ്ടറുകൾ കേട്ടാൽ അറിയാം മുഖത്ത് നോക്കി സത്യം പറയുന്ന അവരുടെ മുനയുള്ള എന്നാൽ നർമ്മത്തോട് കൂടിയ വാക്കുകളിൽ എല്ലാം വ്യക്തം.. പിന്നെ,സന്തോഷം വരുമ്പോൾ തുള്ളി ചാടുന്ന നാട്ടുകാരെ ഞാൻ വേറെ എവിടെയും കണ്ടിട്ടില്ല..

നമ്മൾ എല്ലാവരിലും ഒരു ബോബനോ മോളിയോ ഉണ്ട് എന്നാണ് എന്റെ വിശ്വാസം എന്തെന്നാൽ അത് വായിക്കുമ്പോൾ പലപ്പോഴും ഇത് ഞാൻ ചെയ്തതാണല്ലോ അല്ലെങ്കിൽ എന്റെ നാട്ടിലുമുണ്ട് ഇത് പോലൊരാൾ എന്നുള്ള ചിന്ത ചിലപ്പോഴൊക്കെ ഉണ്ടാവാറുണ്ട്..

അല്ലെങ്കിലും ഒരു ഗ്രാമത്തിലങ്ങോളം കളിച്ചു മദിച്ചു നടക്കുന്ന കുട്ടികൾ, കൂടെ ചാടികളിക്കുന്ന ഒരു പട്ടികുഞ്ഞും... അവര് ചെയ്യുന്ന ഓരോ കുസൃതികളും കാര്യങ്ങളും അവരെയും മറ്റുള്ളവരെയും കുഴപ്പത്തിലാക്കുന്നു..
എത്ര അബദ്ധം പറ്റിയാലും ക്ഷമിക്കാൻ മനസ്സുള്ളവർ എന്നും ആ നാടിനൊരു മുതൽക്കൂട്ടാണ്.

ശരിക്കും വായന ശീലം വളർത്തിയത് ബോബനും മോളിയും പോലെയുള്ളവരാണ്... അതുമല്ലെങ്കിൽ എന്റെ ബാല്യം അവരോടൊപ്പമായിരുന്നു..

ഇനിയൊരു ജന്മമുണ്ടെങ്കിൽ ബോബനും മോളിയുടേയും നാട്ടിൽ ജനിക്കണം.. അവര് ചെയ്തപോലെ അർത്തുല്ലസിച്ച് നടക്കണം.. ഇനിയൊരിക്കലും കിട്ടാത്ത ആ പഴയ കുട്ടിക്കാലം ആസ്വദിക്കണം... ഒരിക്കലും വളരാതെ കുസൃതികളുമായി..എന്നും ഒരു കുട്ടിയായി...

14/08/2022

"കാസ്സെറ്റ്‌വള്ളികളും കുട്ടിക്കാലഓർമ്മകളും "
💕💞📻📼💞💕

80കളിൽ ജനിച്ച് 90കളിൽ വളർന്ന ആ തലമുറയുടെ ഒരിക്കലും മറക്കാനാവാത്ത ഓർമ്മകളിൽ ഒന്നായിരിക്കും ഓഡിയോ കാസറ്റുകൾ...

കുറച്ചൊക്കെ വീടുകളിൽ റേഡിയോയും വളരേ ചുരുക്കം വീടുകളിൽ ടേപ്പ് റെക്കോർഡർ ഉണ്ടായിരുന്ന ഒരു കാലഘട്ടം നമുക്കുണ്ടായിരുന്നു...90 കളുടെ പകുതിയോടെ മിക്ക വീടുകളിലും ടേപ്പ് റെക്കോർഡുകൾ വന്നപ്പോൾ കാസറ്റ് കച്ചവട ബിസിനസും പൊടിപൊടിച്ചു...

പഴയ കാസറ്റുകളിൽ വീണ്ടും വീണ്ടും റെക്കോർഡ് ചെയ്തും... വല്ലപ്പോഴുമൊക്കെ പ്ലെയിൻ കാസറ്റ് വാങ്ങി റെക്കോർഡ് ചെയ്യിപ്പിച്ചും ഒരുപാട് കളക്ഷൻ ഉണ്ടായിരുന്ന സമയം... തമിഴും ഹിന്ദിയും മലയാളവും പിന്നെ കുറച്ച് ശബ്ദ രേഖകളും, അങ്ങനെ നിത്യവസന്തമായ ഗാനങ്ങൾ ടേപ്പ് റിക്കാർഡറിൽ പ്ലേ ചെയ്ത് ഇടയ്ക്കിടെ കേട്ടുകൊണ്ടേയിരിക്കും..ഇന്നത്തെപ്പോലെ ഹിറ്റ്‌ ഗാനങ്ങൾ മാത്രം സെലക്ട്‌ ചെയ്തു കേൾക്കുന്ന പരിപാടി അന്നില്ല. അതുകൊണ്ടുതന്നെ ഒരു കാസ്സെറ്റിലെ എല്ലാഗാനങ്ങളും ഹിറ്റ്‌ ആയിരുന്നു.

ഒരുപാടുത്തവണ ഉപയോഗിച്ച് കുറച്ചുനാളുകൾ കഴിയുമ്പോഴേക്കും കാസ്സെറ്റ് വള്ളികൾ വലിയാൻ തുടങ്ങും.അവ ചിലപ്പോൾ ടേപ്പിനുള്ളിലെ മെക്കാനിസത്തിൽ കുടുങ്ങുകയോ വള്ളികൾ പൊട്ടുകയോ പതിവാണ്.

പൊട്ടിപോകുന്ന വള്ളികൾ വട്ടപ്പശ ഉപയോഗിച്ച് ഒട്ടിക്കാൻ ശ്രമം നടത്തുമെങ്കിലും വീണ്ടും പൊട്ടുന്നത്തോടെ പിന്നീട് കാസറ്റുകൾ തുറക്കപ്പെടുകയായി...ഒരുപാട് പാട്ടുകൾ കേൾപ്പിച്ച് സന്തോഷിപ്പിച്ച കാസറ്റുകൾ വെറും വള്ളിയായി മാറുന്ന നിമിഷം...അവ തുറന്ന് വൃത്തിയായി ചുറ്റി വെച്ചിരിക്കുന്ന കാസറ്റ് വള്ളികൾ ഒരു ദാക്ഷിണ്യവും കൂടാതെ വലിച്ച് പുറത്തെടുക്കുന്നത്തോടെ പരിപാടി ആരംഭിക്കുകയായി..

ആക്കാലത്തു കുട്ടികളുടെ ഒരു പ്രധാന വിനോദമായിരുന്നു കാസ്സറ്റുവള്ളികൾ വീടിന്റെ മുറ്റത്ത് നിൽക്കുന്ന മരത്തിലേക്ക് കല്ലിൽ കെട്ടി വലിച്ചെറിഞ്ഞ് മരത്തിലാകെ കാസറ്റ് വള്ളി കൊണ്ട് നിറയ്ക്കുക...എന്നത്. അവ വെയിലും ഇളം കാറ്റും വരുമ്പോൾ മുന്നോട്ടും പിന്നോട്ടും ചലിക്കുമ്പോലെ തോന്നുമായിരുന്നു. ബാക്കിയുള്ളത് സൈക്കിളിന്റെ ഹാൻഡിലിൽ ഉള്ള ഗ്രിപ്പ് ഊരിയെടുത്ത് അതിൽകൂടി മുറിച്ചെടുത്ത കാസറ്റ് വള്ളികൾ കോർത്തിടും... സൈക്കിൾ ചവിട്ടുമ്പോൾ ഹാൻഡിലിന്റെ രണ്ട് വശത്ത് നിന്നും കാസറ്റ് വള്ളികൾ പറന്നു നടക്കുന്നത് കാണാൻ നല്ല ഭംഗിയാണ്..

വീഡിയോ കാസറ്റുകളും വൻ പ്രചാരത്തിൽ വന്നതോടെ വീഡിയോ കാസറ്റ് വള്ളികളിലേക്ക് ചെറുതായൊന്ന് തിരിഞ്ഞെങ്കിലും ലഭ്യതക്കുറവ് മൂലം വീഡിയോ കാസറ്റ് കൊണ്ടുള്ള അലങ്കാരപണികൾ വിജയിച്ചില്ല... പക്ഷേ അങ്ങനെ ഒരു സാധ്യത ഉണ്ടെന്നും അത് കൂടുതൽ ഭംഗിയുള്ളതാണെന്നുമുള്ള കണ്ടെത്തൽ ആക്കാലത്തെ വൻ വിജയമായിരുന്നു..അവ കൂടുതലും പാടത്തു കിളികളെയും കാക്കയെയുമൊക്കെ തുരത്താനാണ് വലിച്ചു കെട്ടിയിരുന്നത്.

കാസ്സറ്റ് വള്ളികളോ കാസറ്റോ ഇല്ലാത്ത ഒരു കാലഘട്ടത്തിലിരുന്ന് ഇതെഴുതുമ്പോൾ പഴമയിലേക്ക് ഒന്നൂടെ മടങ്ങിയെങ്കിൽ എന്നാശിച്ചുപോകും.

മറന്നു തുടങ്ങിയ നല്ലോർമ്മകൾ
💕📼📻

ആശയം - സിജോ ഇടക്കാട്ടു
എഴുത്ത് ✍️

08/08/2022

ഡയമണ്ട് പതിപ്പിച്ചിട്ടുള്ള രണ്ട് പവൻ തൂക്കം വരുന്ന വള ചാലക്കുടി മാർക്കറ്റിൽ കോറ്റംമ്പുറം വെസ്സെൽസ്ന് പരിസരത്ത് വെച്ച് ( 27-07-2022 ) നഷ്ടപെട്ടിട്ടുണ്ട്, കണ്ട് കിട്ടുന്നവർ ദയവ് ചെയ്ത് ഈ നമ്പറിലോ +91 80893 81179 OR 9895031514 , ചാലക്കുടി പോലീസ് സ്റ്റേഷനിലോ ഏൽപ്പിക്കണമെന്ന് അപേക്ഷിക്കുന്നു

05/08/2022

🇮🇳ഹർ ഘർ തിരംഗാ
( എല്ലാ വീടുകളിലും ത്രിവർണ്ണ പതാക )
🇮🇳
ഈ 75-ാം സ്വാതന്ത്ര്യ ദിനത്തിൽ വീട്ടിൽ ദേശീയ പതാക ഉയർത്തുന്നതിനുള്ള ആഹ്വാനവുമായി ഭാരത സർക്കാർ..ദേശീയ പതാകയായ ത്രിവർണ്ണ പതാകയുമായി പൗരന്മാരുടെ വ്യക്തിപരമായ ബന്ധം സ്ഥാപിക്കുക എന്നതാണ് ഹർ ഘർ തിരംഗ കാമ്പെയ്‌നിന്റെ പ്രധാന ലക്ഷ്യം.

2022 ഓഗസ്റ്റ് 13 മുതൽ 2022 ഓഗസ്റ്റ് 15 വരെ ഓരോ ഇന്ത്യക്കാരനും സ്വന്തം വീടുകളിൽ ദേശീയ പതാക ഉയർത്താനുള്ള അവസരം ലഭിക്കുന്ന ഹർ ഘർ തിരംഗ കാമ്പെയ്‌ൻ ആരംഭിച്ചു കഴിഞ്ഞു.
ദേശീയ പതാക ഉയർത്തുന്നവർക്ക് https://harghartiranga.com/ വെബ്സൈറ്റിൽ രെജിസ്റ്റർ ചെയ്‌താൽ സർട്ടിഫിക്കറ്റും ലഭിക്കുന്നതാണ്.

ത്രിവർണ്ണ പതാക ഉയർത്തുമ്പോൾ ശ്രദ്ധിക്കേണ്ട കാര്യങ്ങൾ
👆പതാക തുറസ്സായ സ്ഥലത്താണെങ്കിൽ കാലാവസ്ഥ എന്തുതന്നെ ആയിരുന്നാലും പുലർന്നതിനു ശേഷം ഉയർത്തേണ്ടതും അസ്തമയത്തിനു മുൻപ്‌ താഴ്ത്തേണ്ടതുമാകുന്നു.
👆ചില പ്രത്യേക സാഹചര്യങ്ങളിൽ മാത്രം പൊതുമന്ദിരങ്ങൾക്കുമുകളിൽ രാത്രിയും പതാക പ്രദർശിപ്പിക്കാവുന്നതാണ്‌.
👆 പ്ലാസ്റ്റിക് പതാകകൾ ഉപയോഗിക്കുന്നതിന് സർക്കാർ നിയന്ത്രണം ഏർപ്പെടുത്തിയിട്ടുണ്ട്.
👆തലകീഴായ രീതിയിൽ പതാകയോ അതിന്റെ ചിത്രമോ തന്നെ പ്രദർശിപ്പിക്കരുതാത്തതാകുന്നു.
👆അഴുക്കുപുരണ്ടതോ കീറിപ്പറിഞ്ഞതോ ആയ രീതിയിൽ പതാക പ്രദർശിപ്പിക്കുന്നതും അതിനെ അവഹേളിക്കുന്നതിനു സമമാണ്‌.
👆ദേശീയപതാക ഉയര്‍ത്തുന്ന സന്ദര്‍ഭങ്ങളില്‍ അവിടെ സന്നിഹിതരായ ആളുകള്‍ എഴുന്നേറ്റ് നിന്ന് അതിനെ ആദരിക്കണം എന്നാണ് വ്യവസ്ഥ. ദേശീയപതാകയോട് അനാദരവു കാട്ടുകയെന്നത് ശിക്ഷാര്‍ഹമായ കുറ്റമാണ്.
👆പതാകാനിയമമനുസരിച്ച് പതാകയെന്നപോലെതന്നെ കൊടിമരവും, കൊടിയുയർ‌ത്താനുപയോഗിക്കുന്ന ചരടും നല്ലരീതിയിൽ ഉപയോഗയോഗ്യമാക്കി വെക്കേണ്ടതാണ്‌.
👆വാഹനങ്ങളിൽ ദേശീയപതാക ഉപയോഗിക്കാനുള്ള വിശിഷ്ടാവകാശം രാഷ്ട്രപതി, ഉപരാഷ്ട്രപതി, പ്രധാനമന്ത്രി, ഗവർണ്ണർമാർ, ലഫ്റ്റനന്റ്‌ ഗവർണ്ണർമാർ, മുഖ്യമന്ത്രിമാർ, കാബിനറ്റ് മന്ത്രിമാർ, ഇന്ത്യൻ പാർലമന്റിലെയും സംസ്ഥാനനിയമസഭകളിലെയും ജൂനിയർ കാബിനറ്റ് അംഗങ്ങൾ, ലോകസഭയിലെയും സംസ്ഥാന നിയമസഭകളിലെയും സഭാദ്ധ്യക്ഷർ, രാജ്യസഭാ ചെയർമാൻ, നിയമനിർമ്മാണ സമിതി ചെയർമാൻ, സുപ്രീം കോടതിയിലേയും ഹൈക്കോടതിയിലേയും ജഡ്ജിമാർ, കര-നാവിക-വ്യോമ സേനകളിലെ ഉന്നത ഉദ്യോഗസ്ഥർ, തുടങ്ങി ചുരുക്കം ചിലർക്കു മാത്രമേയുള്ളൂ.
👆ചെയ്യാൻ പാടില്ലാത്ത കാര്യങ്ങൾ
പൊതു സ്ഥലത്തോ,മറ്റോ വെച്ച് ദേശീയപതാക കത്തിക്കുകയോ, പതാകയെ തരം താഴ്ത്തിക്കൊണ്ട് സംസാരിക്കുക, അനാദരിക്കുക, നശിപ്പിക്കുക, രൂപമാറ്റം വരുത്തുക, പുറത്ത് മറ്റെന്തെങ്കിലും വരച്ച് ചേര്‍ക്കുക, കീറിക്കളയുക, പതാകയെ മോശമാക്കിക്കൊണ്ട് പ്രസംഗിക്കുകയോ, എഴുതുകയോ, വാക്കാലോ, പ്രവര്‍ത്തിയാലോ ചെയ്യുന്നത് തുടങ്ങിയവയെല്ലാം കുറ്റകരമാണ്. ഇത്തരം പ്രവർത്തികൾക്ക് മൂന്ന് വര്‍ഷം വരെ തടവോ, പിഴയോ അല്ലെങ്കിൽ ഇവ രണ്ടും ലഭിക്കുന്നതായിരിക്കും.

04/08/2022

പൊരിങ്ങല്‍ക്കുത്ത് ഡാമിന്റെ നാലാമത്തെ ഷട്ടര്‍ കൂടി തുറക്കുന്നു; ചാലക്കുടി പുഴക്കരയിലുള്ളവര്‍ അടിയന്തരമായി മാറിത്താമസിക്കണം

തൃശൂർ ജില്ലാ കളക്ടർ

04/08/2022

തൃശൂർ ജില്ലാ കളക്ടറുടെ അറിയിപ്പ് 👆👆👆

29/07/2022

*ജീവിക്കാനുള്ള കൊതികൊണ്ടാ നിങ്ങളുടെ മുന്നിൽ കൈനീട്ടുന്നത്.*
*എന്റെ കുഞ്ഞിനെ കണ്ടെനിക്ക് കൊതി മാറിയിട്ടില്ല.*
*എനിക്ക് ജീവിക്കണം.*
*ഞങ്ങൾ ജീവിച്ചു തുടങ്ങിയിട്ടേ ഉള്ളൂ..*
*നെഞ്ച് പിടയും ഈ ചെറുപ്പക്കാരന്റെ വാക്കുകൾ കേട്ടാൽ...* *രണ്ടര വർഷം ആയിട്ടുള്ളൂ ജിഷ്ണുവിന്റെ വിവാഹം കഴിഞ്ഞിട്ട്.*
*ഒന്നര വയസ്സുള്ള മോനുമൊന്നിച്ചുള്ള ജീവിതം സന്തോഷത്തോടെ മുന്നോട്ട് പോകുന്നിതിനിടെയാണ് അപ്ലാസ്റ്റിക് അനീമിയ എന്ന ഗുരുതര രോഗത്തിന്റെ രൂപത്തിൽ വിധി ഈ കുടുംബത്തെ കണ്ണീരിൽ ആഴ്ത്തിയത്.25 വയസ്സ് മാത്രം പ്രായമുള്ള തൃശൂർ ജില്ലയിലെ ചാലക്കുടി മേലൂർ പഞ്ചായത്തിലെ 8ആം വാർഡിൽ താമസിക്കുന്ന ജിഷ്ണു ഇനി മജ്ജ മാറ്റിവെച്ചാലേ ജീവിതത്തിലേക്ക് തിരികെ വരൂ..* *പെയിന്റിംഗ് തെഴിലാളിയായ നാടിനും നാട്ടുകാർക്കും പ്രിയങ്കരനായ ഈ ചെറുപ്പക്കാരന്റെ ജീവന്റെ വില 30 ലക്ഷമാണ്. നമ്മൾ ആണ് സഹായിക്കേണ്ടത്. കൈവിടരുതേ..*
*28/07/2022*
*Google pay 9544336432*
*A/c number :* *20740100066569*
*Account Name - Girija*
*IFSC - FDRL0002074*
*FEDERAL BANK ,*
*MELOOR*
*Branch*
*Call 9544336432*
*വാർഡ് മെമ്പർമാർ* *9846557667*
*9744650864*

26/07/2022

വണ്ടിക്ക് എന്തെങ്കിലും കുറവുകൾ ഉണ്ടെങ്കിൽ അത് പിടിക്കാനും ഫൈൻ അടപ്പിക്കാനും കുറേപേർ ഉണ്ട് എന്നാൽ റോഡിലുള്ള അപാകതകൾ നീക്കാൻ ആരുമില്ല... ഭാഗ്യമുണ്ടെങ്കിൽ മാത്രം വീട്ടിൽ തിരിച്ചെത്തുന്ന അവസ്ഥ.. ചാലക്കുടി കൊടകരയിലെ കാഴ്ച്ച....

26/07/2022

ചാക്കോച്ചനും കാതോട് കാതോരവും :-

1985 ൽ പുറത്തിറങ്ങിയ സിനിമയായ കാതോട് കാതോരത്തിന്റെ പ്രമുഖ ഭാഗങ്ങൾ ഷൂട്ട് ചെയ്തത് തൃശൂർ എറണാകുളം അതിർത്തിയായ കൊരട്ടിയിലെ ഗ്രാമമായ തിരുമുടിക്കുന്നിൽ ആയിരുന്നു സിനിമയിലെ "മഞ്ചാടികുന്ന് ".

അന്നാട്ടിലെ ആദ്യത്തെ ഷൂട്ടിങ് ആയത് കൊണ്ട് മമ്മൂട്ടിയെ കാണാനും ഷൂട്ടിങ് കാണാനും ജനങ്ങൾ അങ്ങോട്ടേക്കൊഴുകി..തിരുമുടിക്കുന്ന് പള്ളി (ലിറ്റിൽ ഫ്‌ളവർ )ആ സിനിമയിലെ പ്രധാന ലൊക്കേഷൻ ആയിരുന്നു, മലയാളത്തിലെ എക്കാലത്തെയും ഹിറ്റ്‌ ആയ "നീയെൻ സർഗ്ഗ സൗന്ദര്യമേ " "ദേവദൂതർ പാടി " എന്നീ ഗാനങ്ങൾ പൂർണ്ണമായും ഷൂട്ട് ചെയ്തത് തിരുമുടിക്കുന്നിൽ വെച്ചായിരുന്നു..

സ്‌കൂളുകളിലും ചായക്കടകളിലും മൊത്തം സംസാരം ആ സിനിമയെ കുറിച്ച് മാത്രം... സരിതയുടെ വിഗ്ഗും ഇന്നസെന്റിന്റെ തമാശകളും സംഘടന രംഗങ്ങളിലെ രഹസ്യങ്ങളും എന്തിനേറെ മമ്മൂട്ടിക്ക് ഒരു പല്ല് കുറവാണെന്ന് വരെ സംസാര വിഷയങ്ങളായി..

ചെറിയ ചെറിയ വേഷങ്ങളിലായി ഒരു പാട് നാട്ടുകാർക്ക് സിനിമയിൽ മുഖം കാണിക്കാൻ അവസരം കിട്ടി, പാട്ടിൽ ഡാൻസ് കളിക്കുന്ന കുട്ടികളും കന്യാസ്ത്രീകളായി വേഷമിട്ടവരും അങ്ങിനെ സ്വന്തം മുഖം കാണാൻ ഒന്നുകിൽ എറണാകുളം സരിത വരെ പോകണം അല്ലെങ്കിൽ ചാലക്കുടിയിലെ തിയേറ്ററിൽ സിനിമ വരും വരെ കാത്തിരിക്കണം.

അങ്ങനെ കാത്തിരുന്ന് തങ്ങളുടെ മുഖമൊന്ന് സ്‌ക്രീനിൽ കാണാൻ ശ്രമിച്ചവർ കയ്യിലെ കടല താഴെ പോയോന്നറിയാൻ നോക്കിയപ്പോഴും തുമ്മൽ വന്നപ്പോഴും കോട്ടുവായ ഇടുന്ന സമയത്തും ആ ഒരു സെക്കന്റിൽ അവരുടെ രൂപം ഒരു നിഴൽ പോലെ സ്‌ക്രീനിൽ വന്നതറിയാതെ പിന്നേയും കാത്തിരുന്ന് അവസാനം നിരാശരായി മടങ്ങി..

ഒരു സെക്കന്റിൽ കൂടുതൽ സ്‌ക്രീനിൽ കാണിച്ചവരൊക്കെ ഭയങ്കര ഭാഗ്യവാന്മാരായി.... ആ സിനിമയിൽ അഭിനയിച്ച ചിലരിൽ, കൂടുതൽ സിനിമകളിൽ അഭിനയിക്കാൻ മദ്രാസിലേക്ക് വണ്ടി കയറിയവർ വരെ ഉണ്ട്.

ഏറെ നാട്ടുകാരെ ഉൾപ്പെടുത്തിയ സീൻ ആണ് " ദൈവദൂതർ പാടി" എന്നുള്ള ഗാന ചിത്രീകരണം.. മമ്മൂട്ടി വയലിൻ വായിച്ചു പാടുന്നു കന്യാസ്ത്രീ ആയി ലിസി.. കൂടെ സരിത.. സ്റ്റേജിൽ കുട്ടികൾ... ളോഹയിട്ട നെടുമുടി വേണു... ഇടയ്ക്കിടെ മിന്നായം പോലെ മിന്നി മറയുന്ന നാട്ടുകാരുടെ മുഖങ്ങൾ....

അന്നത്തെ ആ പാട്ടും സിനിമയും എല്ലാം ഇറങ്ങിയിട്ട് 37 വർഷം കഴിഞ്ഞു ഏറെ ഗാനമേള വേദികളിലും ടിവി ചാനലുകളിലും കേട്ട് കേട്ട് തഴമ്പിച്ച ആ പാട്ടീന് അന്നത്തെ സ്കൂൾ വിദ്യാർത്ഥികളിൽ ഒരു പാരഡിയും ഉണ്ടായിരുന്നു.

" യേശുദാസ് പാടി..
സിൽക്‌സ്മിത ആടി...
കണ്ടു നിന്ന _______...
മുണ്ടും പൊക്കിയോടി "
വിട്ട ഭാഗത്ത്‌ മമ്മൂട്ടി / മോഹൻലാൽ / മാള എന്നൊക്കെയാണ് അന്നത്തെ കുട്ടികൾ പാടി ഫലിപ്പിച്ചിരുന്നത്...

" ന്നാ താൻ പോയി കേസ് കൊട് " എന്ന സിനിമയിലൂടെ ഇപ്പോഴിതാ അതിനൊരു ചാക്കോച്ചൻ വേർഷനും വന്നിരിക്കുന്നു... എല്ലാ നാട്ടിലും കാണും ഗാനമേളക്കും മറ്റും മതിമറന്ന് നല്ല ഭംഗിയായി നൃത്തം വെക്കുന്ന ചിലരെ...നമുക്ക് പരിചയമുള്ള അയാളല്ലേ ഇത് എന്ന് തോന്നിക്കുമാം വിധം ചാക്കോച്ചൻ ജീവിച്ചു കാണിച്ചപ്പോൾ ഓർമ്മകൾ പല വർഷങ്ങൾ പുറകോട്ടേക്ക് പോയി....

ഇങ്ങനെ ഒരു സിനിമയും പാട്ടും തന്നതിന് ഔസേപ്പച്ചൻ മാസ്റ്ററേയും ഭാരതനേയും നന്ദിയോടെ സ്മരിക്കട്ടെ...

വാൽകഷ്ണം : ഇനി ഈ സിനിമ ഇറങ്ങുമ്പോഴും മുൻപ് പറഞ്ഞപോലെ അഭിനയിച്ച ആളുകൾ തങ്ങളുടെ മുഖം ബിഗ് സ്‌ക്രീനിൽ വന്നോ എന്നറിയാൻ കണ്ണും മിഴിച്ച് നോക്കിയിരിക്കുമായിരിക്കും...ല്ലേ

25/07/2022

Chalakudy നഗരസഭ ചെയർമാനആയി തെരഞ്ഞെടുക്കപ്പെട്ട EBY George ന് അഭിനന്ദനങ്ങൾ 👏

24/07/2022

ബ്ലാക്ക് ആൻഡ് വൈറ്റ് ടിവിയിലും കളർ ടിവി വന്നപ്പോഴും തിളങ്ങി നിന്ന സംഭവമാണ് വിക്സ്...

തുമ്മുന്ന.... ചുമക്കുന്ന കുട്ടിയുടെ നെഞ്ചിലും മൂക്കിലും വിക്സ് തേച്ച് പിടിപ്പിക്കുന്ന അച്ഛൻ... ഉറങ്ങുന്ന കുട്ടി.... നേരം വെളുക്കുമ്പോൾ ഉഷാറായി ചാടി മറയുന്ന കുട്ടി.... ആഹാ എന്തെളുപ്പം...

അത് പോലെ തൊണ്ടയിൽ കിച്ച് കിച്ച് വന്നാൽ കൊറോണ പോലത്തെ ഒരു ജീവി കുന്തം കൊണ്ട് കുത്തുന്നതാണ് കിച്ച് കിച്ചിനുള്ള കാരണം എന്നുള്ള തിരിച്ചറിവ്.... വിക്സ് മിട്ടായി കഴിക്കുന്നതോടെ കുന്തവുമായി അലറി കരഞ്ഞു കൊണ്ട് അലിഞ്ഞില്ലാതാകുന്ന ജീവി..
"വിക്സ് ഗുളിക കഴിക്കൂ കിച്ച് കിച്ച് അകറ്റൂ..."

മൂക്കടപ്പിന് പരിഹാരം വിക്സ് ഇൻ ഹെയ്‌ലർ... ചുവന്ന തുടുത്ത മൂക്കിലേക്ക് വലിച്ചു കയറ്റൂ എല്ലാ തടസ്സവും മാറ്റൂ...

വിക്സ് ഇൻഹെയ്ലറിന്റെ പണ്ടത്തെ പരസ്യവാചകം
"കടം വാങ്ങരുതേ...
നിങ്ങൾക്ക് വേണ്ടി നിങ്ങൾ വാങ്ങൂ.....

ഇതെല്ലാം കണ്ട് വിക്സ് വാങ്ങി ഉപയോഗിക്കുന്ന ശരാശരി മലയാളി " വിക്സ് തേക്കുമ്പോൾ കുറച്ച് ബാക്കി വന്നാൽ അത് തൊണ്ടയിലും അൽപ്പം കൂടി ബാക്കിയുള്ളത് മൂക്കിലും തേച്ചില്ലെങ്കിൽ ഒരു സമാധാനവുമില്ല....
ഇനി ആരെങ്കിലും വിക്സ് തേയ്ക്കുന്നത് കണ്ടാൽ അവരുടെ കയ്യിൽ നിന്ന് വിക്സ് വാങ്ങി സ്വയമായി ഒരൽപ്പം തേയ്ക്കാതെ എന്ത് സമാധാനം....

ഇനി ആവി പിടിക്കുമ്പോഴും "ഒരൽപ്പം വിക്സ് അത് നിർബന്ധാ ".. കാൽ ഒന്ന് ഉളുക്കിയാൽ " വിക്സ് തേക്കാതെ എന്ത് ചികിത്സ... എന്തിനേറെ മുട്ടിന്റെ വേദന മാറാത്ത മുത്തശ്ശി പോലും കുഴമ്പിന്റെ കൂടെ വിക്സ് തേക്കുന്നത് കണ്ടപ്പോൾ " ഒന്നുകിൽ കുഴമ്പ് അല്ലെങ്കിൽ വിക്സ്... ആരാ ഗുണം ചെയ്യാന്ന് നമുക്കറിയില്ലല്ലോ " എന്നായിരുന്നു മുത്തശ്ശിയുടെ ഭാഗം.

ഇടയ്ക്ക് അമൃതാഞ്ചൻ വന്ന് മൂക്കടപ്പും ജലദോഷവും മാറ്റാൻ ശ്രമിച്ചുവെങ്കിലും വിക്സിന്റെ തട്ട് താണു തന്നെയിരുന്നു...

പക്ഷേ ഗൾഫിൽ നിന്നും കോടാലി എണ്ണയും ടൈഗർ ബാമും വന്നതോടെ വിക്സ് ഒന്നു പരുങ്ങി.... നാട്ടിൽ പുലികൾ വിലസിയ സമയം... പക്ഷേ പുലികൾക്ക് ശക്തി കൂടിയത് കൊണ്ടാവാം പലരുടെയും നെറ്റി പൊള്ളി... കടയിൽ നിന്ന് വാങ്ങിയവർക്ക് കയ്യും പൊള്ളി...

അപ്പോഴാണ് ദാണ്ടേ വരുന്നു.. വിക്സ് നിരോധനം...ഇത്രയും കാലം തേച്ചതൊക്കെ വിഷമായിരുന്നു എന്നൊക്കെയാണ് വാർത്തകൾ പരന്നത് അതും വിക്സിന്റെ വേപ്പർ ശ്വാസ കോശത്തിലേക്ക് പരക്കുന്നതിലും വേഗത്തിൽ...

പിന്നീടാരോ പറഞ്ഞു... വിക്സ് ബാം അല്ല... വിക്സ് ആക്ഷൻ 500 ആണ് നിരോധിച്ചതെന്ന്... അപ്പോഴും നമ്മൾ സംശയിച്ചു " ഏത് നമ്മൾ ഒടിച്ചു കഴിച്ച ആ നീളൻ ഗുളികയോ?.. എടാ ഭയങ്കരാ... നീ ഇത്തരക്കാരൻ ആയിരുന്നുവല്ലേ...... ആ പേരിനെ ചുറ്റി പറ്റി " മിമിക്സ് ആക്ഷൻ 500" എന്ന സിനിമ വരെ ഇറക്കിയ ഞങ്ങളോടാ ബാലാ..

അങ്ങനെ അതിനേ പറ്റി ആലോചിച്ച് ആലോചിച്ച് തല വേദന വന്ന മലയാളി അവസാനം ആ തലവേദന മാറ്റാൻ വിക്സ് എടുത്ത് തേച്ചു... തലവേദന മാറ്റി...

എന്ത് നഞ്ച് കലക്കിയാലെന്താ... മലയാളിക്ക് പ്രിയം വിക്സ് തന്നെ... അല്ലാ പിന്നെ മലയാളിയോടാ കളി...

20/07/2022

അധികമാരും ശ്രദ്ധിക്കാതെ പോയ ഒരു കലാപ്രതിഭയാണ് ചാലക്കുടിക്ക് അടുത്ത് വെസ്റ്റ് കൊരട്ടി സ്വദേശിയായ നന്ദകുമാർ , പതിറ്റാണ്ടുകൾ ആയി നാടകത്തിലും സിനിമയിലും തൻ്റെതായ വ്യെക്തിമുദ്ര പതിപ്പിച്ച ഇദ്ദേഹം സൂത്രധാരൻ , കസ്തൂരിമാൻ , മൃഗയ എന്നീ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്തിട്ടുണ്ട് .നൂറിലേറെ ചിത്രങ്ങളിൽ അഭിനയിച്ച അദ്ദേഹം അവസാനമായി അഭിനയിച്ച ചിത്രങ്ങൾ വെയിൽ , തണ്ണീർമത്തൻ ദിനങ്ങൾ എന്നിവയാണ്. ഇപ്പോൾ ചാലക്കുടിയിലെ പ്രമുഖ ഒപ്ടിക്കൽസ് ആയ ജോയ്‌സ് ഐ കെയറിന്റെ പരസ്യത്തിലൂടെ ശ്രേധേയനായിരിക്കുക ആണ് നന്ദകുമാർ. തുടർന്നും നല്ല അവസരങ്ങൾ അദ്ദേഹത്തിന് എത്തിച്ചേരട്ടെ എന്ന് ആശംസിക്കുന്നു.

20/07/2022

തമിഴ്‌നാട് ട്രാൻസ്‌പോർട്ട് കോർപ്പറേഷന്റെ പൊള്ളാച്ചി -വാൽപ്പാറ-ചാലക്കുടി ബസ് സർവ്വീസിന് ചാലക്കുടി കെ.എസ്.ആർ.ടി.സി ഡിപ്പോയിൽ ചാലക്കുടി പാസഞ്ചേഴ്‌സ്‌ ഫോറത്തിന്റെയും കെ.എസ്.ആർ.ടി.സി ജീവനക്കാരുടെയും നേതൃത്വത്തിൽ ബസിലെ ഡ്രൈവറെയും കണ്ടക്ടറെയും പൊന്നാടയണിയിച്ച് സ്വീകരണം നൽകിയപ്പോൾ...

വർഷങ്ങൾക്ക് ശേഷം പുനരാരംഭിച്ച ബസ് സർവീസിന്റെ സമയക്രമം
രാവിലെ വാൽപ്പാറ 09:00 AM
ചാലക്കുടി - പൊള്ളാച്ചി 02:30 PM

16/07/2022

ക്ലാസിൻ്റെ ഇടവേളകളിൽ മറ്റത്തൂർ ശ്രീകൃഷ്ണ സ്കൂൾ എട്ടാം ക്ലാസ് വിദ്യാർത്ഥി മിലൻ പാടിയ മനോഹരമായ ഗാനം.....❤️

15/07/2022

ചാലക്കുടിയിലെ ആദ്യത്തെ Exclusive Momo shop " LE MOMOZ" 😍😍
വെത്യസ്തമായ ഭക്ഷണരീതികളെ എന്നും പ്രോത്സാഹിപ്പിക്കുന്ന ചാലകുടിക്കാരുടെ മുൻപിലേക്ക് ഞങ്ങൾ കഠ്മണ്ഡുവിന്റെ തനതായ മോമൊ വിഭവങ്ങളുമായി എത്തുന്നു.. 😍😍
📍മോമൊസ്
📍ബബിൾ ടീ
📍മോജിറ്റോ
📍ഫ്രെയ്‌സ്
ഉദഘാടനം ഈ വരുന്ന ജൂലൈ 18 തിങ്കളാഴ്ച 6PM🔥
One of the most famous musician-rapper-DJ "Parimal shais " performs at night💃🏽💃🏽💃🏽
🛑Location: Service road, Near bridge, South Chalakudy.
(near kattanum-puttum shop)
ALL ARE INVITED ❤️❤️❤️

02/07/2022

അന്നമനടയിൽ ഇന്ന് പകൽ ഇടഞ്ഞ ഉമാ മഹേശ്വരൻ എന്ന ആനയുടെ ദൃശ്യങ്ങൾ..

17/06/2022

Congratulations Koratty Police

14/06/2022

കളർകോഴിക്കുഞ്ഞുങ്ങളും കുട്ടിക്കാലവും
🐤🐥🐣🏡🏠

കുട്ടിക്കാല ഓർമ്മകളിൽ മറക്കാനാവാത്ത ഒന്നാണ് കളർക്കോഴിക്കുഞ്ഞുങ്ങൾ. ഇപ്പോഴത്തെ പോലെ കൃത്യമായി വെള്ളം കുടിക്കാനും തീറ്റ എടുക്കാനും, മുട്ടയിട്ടാൽ കൂട് തുറക്കാതെ എടുക്കാനും കഴിയുന്ന ഹൈടെക് കോഴി കൂടുകൾ ഇല്ലാതിരുന്ന കാലം..

എല്ലാ വീട്ടിലും കോഴി വളർത്തിയിരുന്നു...പട്ടിക അടിച്ച് ഓട് വെച്ച കോഴിക്കൂടിന്റെ വാതിൽ രാവിലെ തുറന്ന് കൊടുത്തിട്ട് " ബബബ " എന്ന് വിളിക്കുമ്പോൾ കൂട്ടത്തോടെ വന്ന് അരിയോ ചോറോ കഴിക്കുന്ന കോഴി കുടുംബം..കൂട്ടിൽ ഇട്ടിരിക്കുന്ന നാടൻ മുട്ട എടുത്ത് കൂട്ടി വെയ്ക്കും.. കടയിൽ നിന്ന് മുട്ട വാങ്ങാറേയില്ല... കോഴിക്കൂട്ടം പകൽ മുഴുവൻ ചിക്കി ചികഞ്ഞ് കറങ്ങി നടന്ന് വൈകുനേരമായാൽ കൃത്യമായി അവ കൂട്ടിൽ കയറും...ഇരുട്ടിയാൽ കോഴികളെ കാണാതെ വീട്ടമ്മമാർ അടുത്ത വീടുകളിലെ മരത്തിലും മറ്റും വന്ന് നോക്കി കണ്ടു കിട്ടിയാൽ സന്തോഷിച്ചും കിട്ടിയില്ലെങ്കിൽ വിഷമിച്ചുമിരുന്ന ദിനങ്ങൾ
ചില പൂവൻ കോഴികൾ മരക്കൊമ്പിൽ അഭയം തേടുമ്പോൾ അമ്മമാരും മക്കളും കൂടുകളിൽ തന്നെ ചേക്കേറും..
ഇതിനെ പരിപാലിക്കുന്നതും നോക്കുന്നതും എല്ലാം വീട്ടിലെ മുത്തശ്ശിമാരോ അമ്മൂമ്മമാരോ ഒക്കെയായിരിക്കും..

നാടൻ മുട്ടകളിൽ തള്ളക്കോഴിയെ അടയിരുത്തി മുട്ടകൾ വിരിയിച്ച് നിറയേ കോഴികൾ മുറ്റത്ത് കൂടി നടക്കുമായിരുന്നു.അവയുടെ "കിയോ കിയോ" കരച്ചിലും കുണുങ്ങി കുണുങ്ങി ഉള്ള നടത്തവും കാണാനേ ഭംഗിയാണ്.

അയൽവക്കങ്ങളിലെ കോഴികളും ഒരു അതിരുമില്ലാതെ അങ്ങോട്ടും ഇങ്ങോട്ടും വിലസി നടക്കും... അത് പിന്നീട് വഴക്കിനും വേലി കെട്ടലിലും കാരണമാക്കാറുണ്ട്..

വീട്ടിലെ കോഴിയുടെ മുട്ട കാണാത്തതിന് അയൽവക്കക്കാരെ സംശയിച്ചിരുന്ന വീട്ടുകാരും കുറവല്ല... അത് പോലെ തന്നെ അടപ്പില്ലാത്ത കിണറുകളിൽ വീഴുന്ന കോഴിയെ കൊട്ട കെട്ടിയിറക്കി രക്ഷപ്പെടുത്തുന്നതും ഇടയ്ക്കിടെ കാണാമായിരുന്നു..

അങ്ങനെ ഒരിക്കൽ സ്കൂൾ ഇല്ലാത്ത ദിവസം വലിയ ഈറ്റ കുട്ട നിറയെ വിവിധ നിറത്തിലുള്ള കോഴി കുഞ്ഞുങ്ങളുമായി ഒരു അണ്ണാച്ചി " കോളി കുഞ്ചേ ......" എന്ന് പ്രത്യേക ഈണത്തിൽ നീട്ടി വിളിച്ച് വരുന്നത് കണ്ടത്.. ആ നയനമനോഹരമായ കാഴ്ച്ച കണ്ടപ്പോൾ മുതൽ എനിക്കൊരു കോഴി കർഷകനാകാനുള്ള ആഗ്രഹം അപ്പോൾ തന്നെ പൊട്ടി മുളച്ചു... അമ്മയെ സോപ്പിട്ടും നിർബന്ധിച്ചും ഇഷ്ട്ട നിറങ്ങളിലുള്ള എട്ടു കുഞ്ഞുങ്ങളെ വാങ്ങി..അണ്ണാച്ചി കുട്ടയിൽ നിന്നും വേഗത്തിൽ കുഞ്ഞുങ്ങളെ പെറുക്കി പെറുക്കി എടുത്തപ്പോൾ മനസ്സിൽ പറഞ്ഞു പതുക്കെ എടുക്കു അവക്ക് നോവും.
വീട്ടിൽ എത്തി അവയെ ഓരോന്നിനെയും താലോലിക്കലും ഉമ്മവെക്കലും തീറ്റകൊടുക്കലും പരിപാലിക്കലും ഒക്കെ ആയി... അമ്മയില്ലാത്ത കുഞ്ഞുങ്ങൾക്ക് തള്ളക്കോഴി കൊടുക്കുന്നതിലും വലിയ പരിപാലനമായിരുന്നു അന്ന് ഞാൻ കൊടുത്തത്..

വീട്ടിലെ ചെറിയ കടലാസ്സ് പെട്ടിയിൽ ആയിരുന്നു ആ കുഞ്ഞുങ്ങളുടെ സ്ഥാനം.. എപ്പോഴും കയ്യിലെടുത്ത് കളിപ്പിക്കുക.. ഇടയ്ക്കിടെ വന്ന് നോക്കുക.. അവയ്ക്ക് വെള്ളം കൊടുക്കുക എന്നിങ്ങനെ കോഴിയുടെ എല്ലാ ആവശ്യങ്ങളും കണ്ടറിഞ്ഞു കൊണ്ടുള്ള പ്രവർത്തനം ആയിരുന്നു പിന്നീടങ്ങോട്ട്..കോഴി കുഞ്ഞിന് ചൂട്‌ കിട്ടാൻ ഒരു ബൾബും കത്തിച്ചിടും.

ഇടയ്ക്കൊരു കോഴിയ്ക്ക് ചെറിയൊരു തൂങ്ങൽ കണ്ടപ്പോൾ അമ്മൂമ്മയുടെ സഹായത്തോടെ മഞ്ഞൾ അരച്ച് അതിന്റെ വായിൽ വെച്ച് കൊടുത്ത് ജീവൻ രക്ഷിക്കുന്ന വൈദ്യൻ ആവാൻ ശ്രമിച്ചെങ്കിലും പരാജയപ്പെട്ടു..

ബാക്കിയുള്ള ഏഴണ്ണത്തിൽ ഒന്നിനെ കാക്ക റാഞ്ചിയെടുത്തപ്പോൾ കാക്കയുടെ പിറകേ പാഞ്ഞ് കോഴി കുഞ്ഞിനെ തിരികേ വീണ്ടെടുത്ത് ചാവാറായ കുഞ്ഞിനെ സ്റ്റീൽ കലത്തിന്റെ അടിയിൽ വെച്ച് കൊട്ടി ഉണർത്തിയിരുന്നു... അതും അമ്മൂമ്മയുടെ തന്നെ ബുദ്ധി.. കൊട്ട് പേടിച്ചിട്ടോ എന്തോ അവസാനം കോഴി കുഞ്ഞ് എഴുന്നേറ്റ് നിന്നു..

കോഴി കുഞ്ഞുങ്ങൾ പതിയെ വളരാൻ തുടങ്ങി...അപ്പൊ കടലാസുംകൂട്ടിൽ നിന്നും മാറ്റി കിണർമൂടാൻ ഉപയോഗിച്ച പഴയ വല എടുത്ത് മുറ്റത്ത്‌ നാലു കമ്പുകുത്തി അതിൽ ചുറ്റിവെച്ചു അതിനുള്ളിലാക്കി. വളരുന്നതോടെ പതിയെ അവരുടെ നിറവും മാറാൻ തുടങ്ങി... മൂന്നാഴ്ച്ച കഴിഞ്ഞപ്പോഴേക്കും കുഞ്ഞുങ്ങൾ എല്ലാം തനി നിറമായ വെള്ളയിലേക്ക് എത്തി... എന്തോ പിന്നീടങ്ങോട്ട് കോഴി വളർത്താനുള്ള ഹരം പോയി കിട്ടി..

അങ്ങനെ ആ കോഴി കുഞ്ഞുങ്ങളും അമ്മൂമ്മയുടെ ബാധ്യതയായി തീർന്നു...നിറം പൂശിയ കോഴി കുഞ്ഞുങ്ങൾ ഇടയ്ക്ക് എപ്പോഴോ വഴിയരികിൽ കണ്ടിരുന്നു... സൈക്കിളിലെ അണ്ണാച്ചിക്ക് പകരം തമിഴ് നാടിന്റെ സ്വന്തം വാഹനമായ ലൂണയുടെ പുറകിൽ കെട്ടിവെച്ച വലിയ കൂടിൽ ആണെന്ന് മാത്രം...

പക്ഷേ സ്മാർട്ട്‌ ഫോണും യൂട്യൂബ് ചാനലും കണ്ട് ജീവിക്കുന്ന ഇന്നത്തെ മലയാളികൾക്ക് കോഴിയെ വാങ്ങലും വളർത്തലുമെല്ലാം കണക്ക് തന്നെ... എല്ലാം വിരൽ തുമ്പിൽ കിട്ടുന്ന കാലമായത് കൊണ്ടും....മെനക്കെടാൻ കഴിയാത്തത് കൊണ്ടും പലതും ഇങ്ങനെ നമ്മളുടെ കൈ വിട്ട് പോയി...5 സെന്റിലും രണ്ട് സെന്റിലും വീട് വെച്ച് മുറ്റം നിറയേ ടൈൽ കൂടി ഇട്ട് കഴിഞ്ഞാൽ പിന്നെ മുറ്റമെന്ന് പറയാൻ നാമം മാത്രമായ ഇടമേ കാണൂ അതിനിടയിൽ കോഴികൂടും കോഴിവളർത്തലും എളുപ്പമല്ല എന്നുകൂടി മനസിലാക്കുന്നു... ഇനി അഥവാ സ്ഥല സൗകര്യം ഉണ്ടെങ്കിൽ തന്നെ ഈ ന്യൂ ജനറേഷനിൽ ഇതിനൊക്കെ ആർക്ക് എവിടെയാ നേരം.......

ആശയം - സിജോ ഇടയ്ക്കാട്ട്
എഴുത്ത് ✍️
ഫോട്ടോ കടപ്പാട് - ഗൂഗിൾ

12/06/2022

എന്തര്.. എന്നത്... എന്തുവാ... എന്തേനു... എല്ലാം എ യിൽ തുടങ്ങുമ്പോഴും... എന്തൂട്ടാ എന്ന് കേൾക്കുമ്പോൾ ( അത് സിനിമയായാലും നേരിട്ടായാലും ) ഒരു സന്തോഷമാണ്...

അച്ചടി ഭാഷ എന്ന് അവകാശപ്പെടുന്നവർ പലരും പറയുന്നത് അച്ചടി ഭാഷ പോയിട്ട് അച്ഛന്റെ ഭാഷ പോലുമല്ല... തൃശൂർക്കാർ ഒരിക്കലും അച്ചടി ഭാഷ ആണെന്ന് അവകാശപ്പെടില്ല്യ ( അങ്ങനെ പറഞ്ഞിട്ടും കാര്യല്ല്യ.. ദദ് തന്നെ ).

ചെറിയ വാക്കുകളിൽ സംഭവങ്ങൾ പറയുക...ഉദാ : വേഗം സ്‌കൂട്ടായിക്കോ ട്ടാ ( ഇവിടെ നിന്ന് വേഗം രക്ഷപ്പെട്ടോളൂ കേട്ടോ )..

ഒരു ജ്യാതി പടം ഇഷ്ട്ടോ : നല്ലതാവാം... മോശമാകാം... വെറുത്തത് ആവാം... എല്ലാത്തിനും കൂടി ഒറ്റ വാക്ക് " ജ്യാതി ".

നീ വരുന്നുണ്ടോ എന്ന് ചോദിക്കാൻ ' നീ വന്റാ "...

അപ്പൊ ചോയിക്കും "നിങ്ങള് തൃശൂര് ജില്ല കാരൻ ആയിട്ടും നിങ്ങടെ ബാഷ തൃശൂര് ബാഷ അല്ലല്ലോ " അതേ അത് സത്യാണ്... തൃശൂര് പലയിടത്തും പല ഭാഷ്യല്ലേ?...
ടൗണിലെ... കുന്നങ്കൊളത്തെ... കൊടുങ്ങല്ലൂരിലെ... ചാലക്കുടിയിലെ... ഇരിഞ്ഞാലുടയിലെ... മാളേലെ... എല്ലാ ഭാഷയും ഒന്നിനൊന്ന് വ്യത്യാസം... കൊരട്ടിക്കാണെങ്കി ഒരു അങ്കമാലി ചൊക...

മാങ്ങാക്കറി തൃശൂര് ജില്ലേല് എത്രയോ വർഷം മുൻപ് ഇണ്ട്... എന്നിട്ട് അങ്കമാലിക്കാര് പറയാ സംഭവം അവരടെ ആണെന്ന്... മ്മള് സമ്മയിക്കോ???

ഇക്കൊല്ലത്തെ പൂരം പൊരിച്ചു... പള്ളികളിലെ പെരുന്നാള് പൊളിച്ചൂ... മ്മടെ റൗണ്ടും സിറ്റീം പഴയപോലെ ആയി....

പക്ഷേ നാട്ടീന്ന് പോന്ന ഗൾഫ് കാരന് പറയാൻ തൃശൂര് വിശേഷങ്ങള് മാത്രേ ഉള്ളു... അത് കേട്ട മറ്റ് ജില്ലേലെ ഗടികളുടെ ഒരു ചോദ്യം "നെനക്ക് വട്ടാണോ " അതിപ്പോ പട്ടണ നടുവില് ഒരു റൗണ്ട് ( വട്ട് ) ഉള്ള തൃശൂക്കാരന് തൃശൂര്ന്ന് പറഞ്ഞാൽ വട്ടാകാതിരിക്കുന്നതെങ്ങിനെ...

എല്ലാ കൊല്ലവും വിചാരിക്കും ഇത്തവണ പൂരത്തിന് പോണന്ന്... നടക്കാറില്ല്യഷ്ട്ടാ... എന്തായാലും ഇത്തവണ പൂരം ഉണ്ടായപ്പോ തന്നെ പകുതി സമാധാനമായി... പൂരല്ല്യാണ്ട് എന്തൂട്ട് തൃശൂര്...

വെള്ളേപ്പങ്ങാടീല് വെള്ളേപ്പം ഇണ്ടാക്കണ സ്പീഡ് കാണുമ്പോ അറിയാം തൃശൂക്കാരന്റെ നാവാട്ടിന്റെ വേഗത.. എല്ലാം ഡീം... ഡീം... അത്രേള്ളൂ...

അല്ല ഇതൊക്കെ എന്തിനാ ഇപ്പൊ ഇവിടെ പറയണേ..??? ഒരാള് പറയാ നിങ്ങടെ ഫാഷ ശരിയല്ല.... പാട്ട് പാടുന്ന പോലെ ആണെന്ന്... മാത്രല്ല ആൾക്ക് തൃശൂര് ആകെ ഇഷ്ട്ടം നടി ഫാവന ആണെന്ന്... അത് കൂടി കേട്ടപ്പോൾ ഒരു കാര്യം മൻസിലായി എല്ലാ ഫാഷക്കും അല്ല ബാഷക്കും അതിന്റെതായ കുറവും കൂടുതലും ഇണ്ട്....

അച്ചടി ഭാഷ പോലെ സംസാരിക്കുന്നവർ ആരുമില്ല എന്ന സത്യം... തന്റെ ഭാഷയാണ് ശുദ്ധമലയാളം എന്നുള്ള തോന്നൽ.. ഇത് പതിനാല് ജില്ലകാർക്കും ഉണ്ട്...തല്ക്കാലം വായിക്കുന്നത് എല്ലാം ഒരേപോലെയാണ് എന്ന് കരുതി സമാധാനിക്കാം....

ഇനിയൊന്നും പറയാനില്ലിഷ്ട്ടാ..ഇത്രയൊക്കെ ആണെങ്കിലും കേരളം ഒരുവട്ടമെങ്കിലും മര്യാദയ്ക്ക് കണ്ട എത്രപേർ നമ്മളിലുണ്ട്....ഹിമാലയവും നോർത്ത് ഈസ്റ്റും എന്നും എല്ലാവരുടെയും സ്വപ്നം തന്നെ....പലരും ബുള്ളറ്റും കാറും കൊണ്ട് പറക്കുകയാണ്.. സ്വപ്നങ്ങൾ തേടി...

പക്ഷേ ആദ്യം കേരളം...കേരളത്തിൽ വടക്കും തെക്കുമൊന്നും അറിയില്ലെങ്കിലും മ്മക്ക് ചോയ്ച്ചു ചോയ്ച്ചു പോകാന്നേ...അല്ലാണ്ട് വേറെ വഴിയില്ലാലോ ല്ലേ!

"എന്റെ കേരളം എത്ര സുന്ദരം "കാണാൻ ഏറെയുണ്ട് എന്റെ നാട്ടിൽ..

05/06/2022

കാടുകയറുന്ന ജെസിബിയും അവസാന ശ്വാസം വരെ ശ്രമിക്കുന്ന ആനയും...

ഓരോ മരങ്ങളായി പിഴുതെറിഞ്ഞ് ഇനിയൊരിക്കലും മുളയ്ക്കാനാവാത്ത വിധം അവയെ ഞരിച്ചു കൊണ്ട് മുന്നേറുന്ന ജെസിബിക്ക് മുന്നിൽ ഒരു ആനയുടെ പ്രതിഷേധം...

മനുഷ്യൻ മൃഗങ്ങളുടെ ആവാസ കേന്ദ്രമായ കാടിന്റെ ഒരറ്റത്ത് നിന്ന് വലിയ യന്ത്രങ്ങൾ വെച്ച് തുരന്നെടുക്കുമ്പോൾ സ്വാഭാവികമായും ആ മിണ്ടാപ്രാണികൾ പ്രതികരിക്കും.... ആനയിറങ്ങി, പുലിയിറങ്ങി എന്നെല്ലാം കേൾക്കുന്ന വാർത്തകളിൽ, കുടിയേറി കയ്യേറിയ സ്ഥലത്തൊക്കെയാണ് സാധാരണ ഇതെല്ലാം സംഭവിക്കുന്നത്...

പ്രകൃതിയുടെ ചൂഷണം ഇന്നത്തെ നിലയിൽ തുടർന്നാൽ മനുഷ്യനടക്കമുള്ള ജീവജാലങ്ങൾ ഭൂമിയിൽ നിന്ന് തുടച്ച് നീക്കപ്പെടും എന്ന ഭീഷണി യാഥാർത്ഥമാണ് !

അതാണ് വരുംതലമുറ എന്നറിയപ്പെടുന്ന കുട്ടികൾ ഉൾപ്പെട്ടവർ ആഗോളവ്യാപക പ്രതിഷേധ സമരങ്ങൾ നടത്താൻ തുടങ്ങിയിട്ടുള്ളതും, നടക്കുന്നതും ! കാർബൺ ബഹിർഗമനമടക്കുള്ള ഭീകരമായ പ്രശ്നങ്ങൾക്ക് പരിഹാരം കാണാൻ ലോകനേതാക്കളോട് അവർ രോഷത്തോടെ ആവശ്യപ്പെടുന്നു ! പക്ഷെ ചിലർ ഇതറിയാത്ത ഭാവം നടിച്ച് ലോകാവസാനം ഞാൻ ജീവിക്കുമ്പോൾ സംഭവിക്കില്ല എന്ന വിശ്വാസത്തോടെ ജീവിക്കുന്നു !

ആഗോളതാപനം വനനശീകരണം ചൂഷണം ഇവയെല്ലാം പരസ്പരം ബന്ധപ്പെട്ടതാണ് ! ചെർണോബിൽ മുതൽ കുഞ്ഞാലിപ്പാറ വരെ അതിന് കാരണങ്ങളും! തിരുത്താൻ സാധിക്കുന്നവർക്ക് ഇതൊരു മുന്നറിയിപ്പാകട്ടെ !

📸©Sijo Edakkadu

03/06/2022

ബസ് അപകടം: നിരവധി പേർക്ക് പരിക്ക്😥

പടിഞ്ഞാറെ ചാലക്കുടിയിൽ ബസും ക്രെയിനും കൂട്ടിയിടിച്ച് 7 സ്കൂൾ വിദ്യാർഥികൾ ഉൾപ്പെടെ നിരവധി പേർക്ക് പരിക്ക്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

01/06/2022

ഒരു ചാൺ വയറിന് വേണ്ടി.... ജനങ്ങൾ ഓടി നടന്ന കാലം...വലിയ വലിയ അസുഖങ്ങളെ പറ്റി ചിലരൊക്കെ കേട്ടിട്ടുണ്ട് അത്രമാത്രം .... അഥവാ ചെറിയ എന്തെങ്കിലും അസുഖം വന്നാൽ നാട്ടു വൈദ്യവും നാട്ടിലെ സ്ഥിരം ഡോക്ടറേയും മാത്രം ആശ്രയിച്ചിരുന്നു അതായിരുന്നു വിശ്വാസം.

പാടവും പറമ്പുകളും അതിരിടുന്ന ഞങ്ങളുടെ ഗ്രാമം...കൂടുതലും ക്ഷീര-നെൽ കർഷകർ.. പിന്നേയും കൃഷിയായി, കുറച്ച് കപ്പയും ജാതിയും കവുങ്ങും ലേശം കുരുമുളകും മാത്രം.

അതിരാവിലെ വീടിനുമുന്നിലെ റോഡിൽ കാല് നിലത്തു തൊടാത്തവണ്ണം നടക്കുകയാണോ
ഓടുകയാണോ
എന്നു തീർത്തു പറയാൻ കഴിയാത്ത തരത്തിൽ മിന്നായം പോലെ കൂട്ടമായും ഒറ്റക്കും പോകുന്ന പണിക്കാർ അവരിൽ പുരുഷന്മാരുണ്ട് സ്ത്രീകളുണ്ട് ,
അവരുടെ സംസാര ശബ്ദമല്ല, പലപ്പോഴും അവരുടെ
ശ്വാസ - നിശ്വാസത്തിന്റെ ശബ്ദമാണ് ഉയർന്നു കേൾക്കുക.

വൈകുന്നേരം അങ്ങോട്ട് പോയ അതേ വേഗത്തിൽ അല്ലെങ്കിലും സാമാന്യം വേഗതയിൽ കൂടുതൽ കിതച്ചുകൊണ്ട് മടക്കമാണ്. സ്ത്രീകളുടെ വാരിക്കെട്ടിയ മുടിയിഴകളിൽ ചെളി പറ്റിയിട്ടുണ്ടാവും... ചിലരിൽ സിമന്റിന്റെ അംശം ഉൾപെട്ടിട്ടുണ്ടാകും...
കൈയ്യിൽ കരുതുന്ന സഞ്ചിയിൽ വീട്ടിലെത്തിയിട്ട് പാക പെടുത്താനുള്ള കപ്പ, കൂടിയാൽ ഒരു കഷ്ണം ചേമ്പോ കാച്ചിലോ അല്ലെങ്കിൽ ഒരു ചേന കക്ഷണം.. മിക്കവാറും അത് പണിക്ക് പോയ വീട്ടിൽ നിന്ന് കിട്ടിയതാകും , പൈസ ഉണ്ടെങ്കിൽ ഒരു കാബേജ് വാങ്ങിയാലായി അതായിരുന്നു വാങ്ങാൻ കഴിയുന്ന പച്ചക്കറിയിൽ ഏറ്റവും വലിയ ലക്ഷ്വറി..ഒന്നിനും പറ്റിയില്ലെങ്കിൽ ഒരു സാമ്പാർ കൂട്ടം ( സാമ്പാറിന് മാത്രമുള്ള കക്ഷണങ്ങൾ നുറുക്കിയത് ).

അൽപ്പം കൂടി വൈകിയാൽ ഷാപ്പിലെ അന്തി മോന്തി വീടണയുന്ന ചില സംഗീത പ്രേമികൾ..

സാമ്പാറും, ഉള്ളി വാട്ടിയതും, കടലയും, കായയും ഇടയ്ക്കൊക്കെ മീനും... വല്ലപ്പോഴും പോത്തും നാടൻ കോഴിയും വാങ്ങിയിരുന്ന നാട്ടുകാർ...ഓണത്തിനും വിശേഷ ദിവസങ്ങളിലും മാത്രം കൊടിയെടുത്തിരുന്ന ശീലം..

വഴിയോരത്തെ പലചരക്കു കടയിൽ നിന്ന് പറ്റ് എന്ന പേരിൽ കടമായി വാങ്ങുന്ന... അൻപത് പരിപ്പ്.. നൂറ് വെളിച്ചെണ്ണ, 250 പൻസാര, 100 ചായില ( ചായപ്പൊടി )..150 പയർ.. ഉള്ളീം സബോളയും അരക്കിലോ വീതം... ഇതാണ് ആകെയുള്ള ഷോപ്പിംഗ്..

റേഷൻ കടയിൽ നിന്ന് ലഭിക്കുന്ന പൻസാരയും.. മണ്ണെണ്ണയും.. ഗോതമ്പും അരിയും എല്ലാം ഒരുമിച്ച് വാങ്ങി നടന്ന് പോകുന്ന ചേച്ചിമാരെ സമ്മതിക്കണം... തലയിലെ സഞ്ചി ഒട്ടും ഇളകാതെയിരിക്കുമ്പോൾ ഒരു കയ്യിൽ മണ്ണെണ്ണ കന്നാസും മറ്റേ കയ്യിൽ അരിയും കാണാം...

പോകും വഴി പരിചയക്കാരോടുള്ള കുശലാന്വേഷണത്തിന് ഒരു കുറവുമില്ല... മിക്കവാറും എല്ലാവരും പരസ്പരം അറിയുന്നവർ... ഒരു മരണം സംഭവിച്ചാലോ കല്യാണം നടന്നാലോ ആത്മാർഥമായി സഹകരിക്കാൻ ആളുകൾ ഉണ്ടായിരുന്നു...

വല്ലപ്പോഴും മാത്രം നാട്ടിൽ വരുന്ന ആനയേയും പോലീസിനെയും നാട്ടുകാർക്ക് ഭയവും ബഹുമാനവും ആയിരുന്നു...

ഉത്സവവും, പെരുന്നാളുകളും ഭംഗിയായി കൊണ്ടാടുമ്പോൾ ജാതിമത ഭേതമന്യേ പിരിവ് അത് സാധാരണമായിരുന്നു..

വേഷ വ്യതിയാനങ്ങൾ ഒരു പാർട്ടിയുടെയോ മതത്തിന്റെയോ മാത്രം ആയിരുന്നില്ല... ഇലക്ഷൻ റിസൽട്ട് വരും വരെ മാത്രം മത്സരം, പിന്നേയും പഴയപോലെ അല്ലെങ്കിൽ അതിലും ശക്തമായ സൗഹൃദം..

എല്ലാത്തിനെയും സമന്വയിപ്പിച്ചാൽ "ഒത്തൊരുമ " എന്ന ഒറ്റവാക്ക് ധാരാളം.... ഇന്നില്ലാത്തതും അത് തന്നെ!

ഇനി അതുപോലുള്ള കാഴ്ച്ചകൾ കാണാൻ എത്ര കണ്ണടകൾ വെച്ചാലും സാധിക്കുമോ?..ദൈവങ്ങൾക്ക് പോലും രക്ഷിക്കാനാവാത്ത കാലത്തേയ്ക്ക് പോകും മുൻപ് ഒരു തിരിഞ്ഞു നോട്ടം.

05/08/2023

26/04/2023

16/09/2022

28/08/2022

20/08/2022

14/08/2022

08/08/2022

05/08/2022

04/08/2022

04/08/2022

29/07/2022

26/07/2022

26/07/2022

25/07/2022

24/07/2022

20/07/2022

20/07/2022

16/07/2022

15/07/2022

02/07/2022

17/06/2022

14/06/2022

12/06/2022

05/06/2022

03/06/2022

01/06/2022

Address

Telephone

Website

Alerts

Contact The Business

Videos

CM

CM

CM

CM

CM

CM

CM

CM

CM

CM

CM

Shortcuts

Share

Category