Making Public Conscience+
21/03/2023
കെ കെ രമക്കെതിരായ സൈബർ ആക്രമണത്തിനെതിരെ നടത്തിയ ജനകീയ പ്രതിരോധത്തിനു നേരെ കോഴിക്കോട്ട് പോലീസ് അതിക്രമം ....
പ്രതികരണവുമായി ആസാദ്
കെ കെ രമക്കെതിരായ സൈബർ ആക്രമണത്തിനെതിരെ നടത്തിയ ജനകീയ പ്രതിരോധത്തിനു നേരെ കോഴിക്കോട്ട് പോലീസ് അതിക്രമം ....പ്ര.....
21/03/2023
കെ കെ രമയ്ക്ക് എതിരേ നിരന്തരമായ ആക്ഷേപങ്ങളും ആക്രമണങ്ങളുമുണ്ടാകുന്നത് എന്തുകൊണ്ടാവും? കഴിഞ്ഞ പത്തു വര്‍ഷമായി പൊതുവേദികളിലും സൈബറിടങ്ങളിലും ഇപ്പോള്‍ നിയമസഭയില്‍ പോലും അവര്‍ അപമാനിക്കപ്പെടുന്നു. ആസ്ഥാന വിധവയെന്നും ടി പി ചന്ദ്രശേഖരന്റെ ചോര/ ശവം വിറ്റു ജീവിക്കുന്നവളെന്നും ഒക്കെയുള്ളത് അവര്‍ക്കെതിരേ ഉപയോഗിക്കുന്ന ഏറ്റവും മൃദുവായ പദങ്ങള്‍ മാത്രമാണ്. ജീവിത പങ്കാളിയുടെ ശരീരം കൊത്തിയരിയപ്പെട്ട ഭീകര ദൃശ്യത്തിന് സാക്ഷിയാകേണ്ടിവന്ന ഒരുവള്‍, ഈ വിധം മോബ് ലിഞ്ചിങിനും വെര്‍ബല്‍ റേപ്പിനും വിധേയമാക്കപ്പെട്ട് മറ്റെവിടെയെങ്കിലുമുണ്ടാവുമോ?
കേരളത്തിലെ ഏറ്റവും നിഷ്ഠൂരമായ രാഷ്ട്രീയ കൊലപാതകമായിരുന്നു ടി പി ചന്ദ്രശേഖരന്റേത്. 2012 മെയ് 4ന് ശേഷം ഇപ്പോഴും അത് സൃഷ്ടിച്ച അലകള്‍ അടങ്ങിയിട്ടില്ല. പശ്ചിമ ബംഗാളില്‍ നന്ദിഗ്രാമില്‍ നടത്തിയ കൂട്ടക്കൊല പോലെ സിപിഎമ്മിന്റെ ചരിത്രത്തിലുടനീളം ടി പി ചന്ദ്രശേഖരന്റെ രക്തം അവരെ പിന്തുടരുക തന്നെ ചെയ്യും. ചന്ദ്രശേഖരനെ അവസാനിപ്പിച്ചതുകൊണ്ട് സിപിഎം ആഗ്രഹിച്ച ഫലമല്ല ഉണ്ടായത്. ചന്ദ്രശേഖരന്‍ വീണിടത്തു നിന്ന് പതാക ഏറ്റെടുത്ത കെ കെ രമ സിപിഎമ്മിന്റെ കണക്കുകൂട്ടലുകളെ തകിടംമറിച്ചു കളഞ്ഞു. അതോടെയാണ് സിപിഎം കെ കെ രമയ്‌ക്കെതിരേ സംഘടിതാക്രമണങ്ങള്‍ കെട്ടഴിച്ചുവിട്ടത്. 'ഒരു വിധവ ഇങ്ങനെയാണോ പെരുമാറേണ്ടത്?' എന്ന ചോദ്യമാണ് തുടക്കം മുതല്‍ അവര്‍ക്കെതിരേ സിപിഎം ഉയര്‍ത്തിയത്. കെ കെ രമയ്‌ക്കെതിരേ ആക്ഷേപമുന്നയിക്കുമ്പോഴൊക്കെ സമനില തെറ്റിയ പോലെയാണ് സിപിഎം പെരുമാറിയിട്ടുള്ളത്. അപ്പോഴൊക്കെ അതിയാഥാസ്ഥിതികവും സ്ത്രീവിരുദ്ധവും അരാഷ്ട്രീയവും ജനാധിപത്യമര്യാദയ്ക്ക് നിരക്കാത്തതുമായ പദാവലികളെയാണ് അവര്‍ ആശ്രയിച്ചത്.
ടി പി ചന്ദ്രശേഖരന്റെ കൊലപാതകത്തിന് സിപിഎം വലിയ വില കൊടുക്കേണ്ടി വന്നിട്ടുണ്ട്. നേരത്തെയും നിരവധി കൊലപാതക പരമ്പരകള്‍ സിപിഎം നേതൃത്വം ആസൂത്രണം ചെയ്ത് നടപ്പാക്കിയിരുന്നെങ്കിലും 'ഒരു കൊലയാളി പാര്‍ട്ടി' എന്ന മുദ്ര, മായ്ക്കാന്‍കഴിയാത്ത വിധം സിപിഎമ്മില്‍ പതിഞ്ഞത് ടി പി ചന്ദ്രശേഖരന്റെ കൊലപാതകത്തോടെയാണ്. ഇത്രയും മാരകമായ ക്ഷതം നേരിടേണ്ടി വരുമെന്ന് അവര്‍ കരുതിയതല്ല. അതിനിടവരുത്തിയത് ചന്ദ്രശേഖരന്റെ ചേതനയറ്റ ശരീരത്തിന് മുന്നില്‍ വെച്ച് ചന്ദ്രശേഖരന്റ രാഷ്ട്രീയം മുന്നോട്ടു കൊണ്ടുപോകുമെന്ന കെ കെ രമയെടുത്ത പ്രതിജ്ഞകൂടിയാണ്. ചന്ദ്രശേഖരനു ശേഷം അദ്ദേഹമുയർത്തിയ രാഷ്ട്രീയം അഖിലേന്ത്യാതലത്തിലേക്ക് വ്യാപിക്കുകയും ആർ എം പി ഐ എന്ന പേരിൽ നിരവധി സംസ്ഥാനങ്ങളിൽ ഘടകങ്ങൾ രൂപം കൊള്ളുകയും ചെയ്തു.
ടി പി ചന്ദ്രശേഖരന്റെ വഴി പിന്തുടരുമെന്ന കെ കെ രമയുടെ നിശ്ചയം കേരളം സ്വീകരിക്കുകയാണ് ചെയ്തത്. രക്തസാക്ഷിയുടെ ചോരയില്‍ നിന്ന് ഉയര്‍ന്നുവന്ന രാഷ്ട്രീയ നേതൃത്വമാണ് കെ കെ രമ. അതിനര്‍ത്ഥം വിദ്യാര്‍ത്ഥി രാഷ്ട്രീയ പ്രവര്‍ത്തനമടക്കമുള്ള അവരുടെ മുന്‍കാല പ്രവര്‍ത്തനങ്ങള്‍ അപ്രസക്തമാണെന്നല്ല. ചന്ദ്രശേഖരന്റെ രക്തസാക്ഷിത്വത്തിനുശേഷം പുതിയ രാഷ്ട്രീയത്തിന്റെ നേതൃരൂപമായി കേരളീയ സമൂഹം കെ കെ രമയെ ഏറ്റെടുക്കുകയായിരുന്നു. അവര്‍ നിരന്തരം ഇടപെട്ടുകൊണ്ടിരിക്കുന്ന പ്രശ്‌നങ്ങള്‍ അരികുവല്‍ക്കരിക്കപ്പെട്ടവരും മര്‍ദ്ദിതരും കീഴാളരുമായ മനുഷ്യരുടെയും തകര്‍ക്കപ്പെടുന്ന പ്രകൃതിയുടെയും പക്ഷത്തുനിന്നാണെന്ന് കാണാം. ആദിവാസികളുടെയും ദലിതരുടെയും തീരദേശ ജനതയുടെയും ഭൂമിയുടെയും മനുഷ്യാവകാശത്തിന്റെയും പ്രശ്‌നമുയര്‍ത്തി നടക്കുന്ന സമരനിലങ്ങളില്‍ അവരുവരുണ്ടാകാറുണ്ട്. കേരളത്തിന്റെ പുരോഗമന നാട്യങ്ങളുടെയൊക്കെ മുഖംമൂടി പിച്ചിചീന്തി നിരന്തരമാവര്‍ത്തിക്കുന്ന സ്ത്രീകള്‍ക്കു നേരെയുള്ള ആക്രമണങ്ങളില്‍ അതിജീവിതകള്‍ക്കൊപ്പം ചേര്‍ന്നുനില്‍ക്കാന്‍ രമയുണ്ട്. അസംഘടിതമേഖലയിലെ തൊഴിലാളികളുടെ അതിജീവന ചെറുത്തുനില്‍പ്പുകളില്‍ കരുത്തും ആവേശവുമായി അവരുണ്ടായിരുന്നു. കോര്‍പറേറ്റ് വികസനത്തിന്റെ ബുള്‍ഡോസറുകള്‍ക്കിടയില്‍ ഞെരിഞ്ഞമരുന്ന മനുഷ്യരുടെ നെടുവീര്‍പ്പുകളില്‍ പ്രതീക്ഷാകിരണമായി കെ കെ രമയുണ്ട്. ലാഭ ചിന്തയാല്‍ ദുരമൂത്ത മാഫിയകള്‍ മണ്ണും കരിമണലും പാറയും വെള്ളവും കാടും കടലും കവര്‍ന്നെടുക്കുമ്പോള്‍ അരുതെന്ന് പറയാന്‍ അവരെത്താറുണ്ട്. മനുഷ്യാവകാശങ്ങളെ നിര്‍ദ്ദയം കൊലചെയ്യുന്ന ഭരണകൂടഭീകരതയ്‌ക്കെതിരായ ചെറുത്തുനില്‍പ്പിന്റെ മുന്നണിയില്‍ തന്നെ കെ കെ രമയുണ്ട്. ഇങ്ങനെ ജനാധിപത്യ രാഷട്രീയത്തിന്റെ പ്രതിരോധനിലങ്ങളില്‍ കെ കെ രമയുടെ സാന്നിധ്യം അവരുടെ എതിരാളികളെ നിരന്തരം അസ്വസ്ഥരാക്കുകയാണ്.
സിപിഎമ്മിന്റെ മുന്‍നിര നേതാക്കള്‍ തന്നെ ഒളിഞ്ഞും തെളിഞ്ഞും അവര്‍ക്കെതിരേ നുണയില്‍ ചാലിച്ച ആരോപണങ്ങള്‍ ഉന്നയിച്ചുകൊണ്ടിരുന്നു. നിയമസഭയിൽ വെച്ചാണ് സ്ത്രീവിരുദ്ധതയുടെ നികൃഷ്ട മനോഘടനയുള്ള എം എം മണിയുടെ ജല്‍പ്പനമുണ്ടായത്. അവസാനമിപ്പോൾ CPMന്റെ പുതുമുഖ നേതൃത്വത്തിന്റെ നിലവാരം എന്തെന്ന് വെളിപ്പെടുത്തി സച്ചിൻ ദേവ് തന്റെ നെറികെട്ട സംസ്കാര ശൂന്യത സോഷ്യൽ മീഡിയയിൽ പ്രകടമാക്കിയിരിക്കുന്നു. സോഷ്യല്‍ മീഡിയയില്‍ വ്യാജമായി നിര്‍മിക്കപ്പെട്ട നൂറുകണക്കിന് അക്കൗണ്ടുകളില്‍നിന്ന് സാമാന്യ മര്യാദയ്ക്ക് നിരക്കാത്ത ആരോപണങ്ങള്‍ കഴിഞ്ഞ പത്തു വര്‍ഷമായി നിരന്തരം പ്രവഹിച്ചുകൊണ്ടിരിക്കുകയാണ്. കൈരളി ടി വി വ്യാജമായി ശബ്ദരേഖയുണ്ടാക്കി അവരെ അപകീര്‍ത്തിപ്പെടുത്താന്‍ ശ്രമിച്ചു. തെരുവ്കൂത്താടികള്‍ ചുവന്ന കൊടിയുടെ തണലില്‍ സ്ത്രീ വേഷം കെട്ടി ആഭാസന നൃത്തം ചെയ്തു. ഇതൊക്കെ ഉന്നത നേതൃത്വത്തിന്റെ അറിവോടെ തന്നെ ആയിരുന്നുവെന്നതിന്റെ തെളിവായിരുന്നു എം എം മണിയുടെ മലിന മനസ്സില്‍ നിന്നുണ്ടായ നെറികെട്ട ആക്ഷേപങ്ങളെ പിന്തുണച്ചുകൊണ്ടുള്ള മുഖ്യമന്ത്രിയുടെ വാക്കുകളും ഇപ്പോൾ സച്ചിൻ ദേവിന് നൽകുന്ന പിന്തുണയും!!
ഇത്തരം ആക്ഷേപങ്ങളൊന്നും അവരെ തളര്‍ത്തിയില്ലെന്നു മാത്രമല്ല, അതുന്നയിച്ചവരുടെ യഥാര്‍ത്ഥ മുഖം വെളിവാക്കപ്പെടുക കൂടി ചെയ്തു. സിപിഎം പ്രതിനിധാനം ചെയ്യുന്ന വിഭാഗം ഇടതുപക്ഷമെന്നും പുരോഗമന രാഷ്ട്രീയമെന്നും സ്വയം അവകാശപ്പെടാറുണ്ടെങ്കിലും കേരളത്തിലെ നവവലതുപക്ഷമാണ് അവരെന്ന് നിരന്തരമായി തെളിയിക്കപ്പെടുകയാണ്. സംഘപരിവാര്‍ നയിക്കുന്ന നരേന്ദ്ര മോദിയുടെ തീവ്രവലതുപക്ഷ ഭരണകൂടത്തിന്റെ എല്ലാ ജനവിരുദ്ധ, ജനാധിപത്യവിരുദ്ധ നയങ്ങളും വീണ്ടുവിചാരമൊന്നുമില്ലാതെ നടപ്പാക്കുകയാണ് സിപിഎം നയിക്കുന്ന പിണറായി വിജയന്‍ സര്‍ക്കര്‍. മാവോവാദികളെന്ന പേരില്‍ ഒമ്പത് മനുഷ്യരെയാണ് വ്യാജ ഏറ്റുമുട്ടലില്‍ കൊല ചെയ്തത്. യുഎപിഎ ചുമത്തുന്നതില്‍ തികഞ്ഞ സംഘപരിവാര്‍ ഭക്തി പ്രകടിപ്പിക്കുന്നു. ജനകീയസമരങ്ങളെയും ജനാധിപത്യ പ്രതിഷേധങ്ങളെയും നേരിടുന്നതില്‍ ഫാസിസ്റ്റ് രീതികള്‍തന്നെയാണ് പിന്തുടരുന്നത്. സംവരണ കാര്യത്തില്‍ സവര്‍ണ താല്‍പ്പര്യങ്ങളാണ് വിജയന്‍ സര്‍ക്കാറിനെ നയിക്കുന്നത്. ജിഎസ്ടി, ആധാര്‍ തുടങ്ങിയ വിഷയങ്ങളിലൊക്കെ ഫാസിസ്റ്റ് ഭരണകൂടത്തിന്റെ നിശബ്ദ അനുയായിതന്നെയെന്ന് തെളിയിച്ചിട്ടുണ്ട്. കെ റെയിലും അദാനി പോർട്ടും പോലെയുള്ള കോര്‍പറേറ്റ് വികസന മാതൃകകള്‍ കേരളത്തില്‍ അടിച്ചേല്‍പ്പിക്കാന്‍ ശ്രമിക്കുന്നതും നാം കണ്ടതാണ്.
ഇങ്ങനെ പ്രകടമായിതന്നെ ഇടതുപക്ഷമെന്ന് അവകാശപ്പെടുകയും വലതുപക്ഷ പ്രയോഗങ്ങള്‍ നിര്‍വഹിക്കുകയുമാണ് ഇന്ന് സിപിഎം. അതുകൊണ്ട് പരമ്പരാഗതമായ അര്‍ത്ഥത്തില്‍ ഇടത്/ വലത് വിഭജനം മുഖ്യധാരാ രാഷ്ട്രീയത്തില്‍ ഇന്ന് കേരളത്തില്‍ നിലനില്‍ക്കുന്നില്ല. വിമോചന സമരത്തിലൂടെ ദൃഢീകകരിക്കപ്പെട്ട വലതുപക്ഷ രാഷ്ട്രീയത്തിന്റെ ഇന്നത്തെ യഥാര്‍ത്ഥ പ്രതിനിധികള്‍ 'ഇടതുപക്ഷ'മെന്ന് അവകാശപ്പെടുന്നവരാണ് എന്നത് ഒരേ സമയം കൗതുകകരവും വേദനാജനകവുമാണ്.
ഈ സന്ദര്‍ഭത്തിലാണ് നിയമസഭാപ്രവര്‍ത്തനങ്ങളിലെ കമ്മ്യൂണിസ്റ്റ് മാതൃക എങ്ങനെയാകണമെന്ന് കെ കെ രമ നിരന്തരമായി തെളിയിച്ചു കൊണ്ടിരിക്കുന്നത്. നിയമസഭയിലെ അവരുടെ ആദ്യത്തെ പ്രസംഗം തന്നെ, മറ്റ് നിരവധി കാര്യങ്ങള്‍ക്കൊപ്പം, സില്‍വര്‍ ലൈന്‍ എന്ന കോര്‍പറേറ്റ് വികസന മാതൃകയെ കടന്നാക്രമിച്ചുകൊണ്ടായിരുന്നു. തുടര്‍ന്ന് ദലിത്, ആദിവാസി വിഭാഗക്കളുടെ ഭൂമി, പൗരാവകാശം, ആരോഗ്യം, വിദ്യാഭ്യാസം, തുടങ്ങിയ പ്രശ്‌നങ്ങള്‍ നിരന്തരം സഭയിലുന്നയിക്കുന്നുണ്ട്. അട്ടപ്പാടിയില്‍, ദേശീയ ചലച്ചിത്രഗാന പുരസ്‌കാരം ലഭിച്ച നഞ്ചിയമ്മ അടക്കമുള്ളവരുടെ ഭൂമി വ്യാജരേഖ ചമച്ച് തട്ടിയെടുക്കാനുള്ള ശ്രമത്തിനെതിരെ സമഗ്രാന്വേഷണത്തിന് ആവശ്യപ്പെട്ടുകൊണ്ടുള്ള ഏകാന്ത ധീരമായ ഇടപെടലാണ് അവര്‍ നടത്തിയത്. വികസനത്തിന്റെ പുറമ്പോക്കുകളിലാണ് മത്സ്യത്തൊഴിലാളി സമൂഹം കേരളത്തിലെന്ന്, കഴിഞ്ഞ നാലു വര്‍ഷമായി ദുരിതാശ്വാസ ക്യാമ്പുകളിലും ബന്ധുവീടുകളിലും അഭയാര്‍ത്ഥികളായി കഴിയുന്ന ജനതയെ മുന്‍നിര്‍ത്തി അവരുന്നയിച്ച കാര്യം നിശ്ശബ്ദമായാണ് സാമാജികര്‍ കേട്ടത്.
'സഞ്ചരിക്കുന്ന അടിയന്തിരാവസ്ഥ' എന്ന് മുഖ്യമന്ത്രിയുടെ സ്വേച്ഛാധികാര നിലപാടിനെ നിശിതമായി വിമര്‍ശിക്കുന്ന പ്രസ്താവന കേരളത്തിന്റെ പൗരാവകാശ പ്രഖ്യാപനമാണ്. കേരളത്തിലെ ജനകീയസമരങ്ങളുടെ രാഷ്ട്രീയം ഏറെയും നിയമസഭയില്‍ കെ കെ രമയിലൂടെയാണ് ഇന്ന് കേള്‍ക്കുന്നത്. സ്ത്രീകളുടെ ഗാര്‍ഹിക അടിമത്തത്തെ സ്ഥാപനവല്‍ക്കരിക്കാനും നിയമസാധുതയുണ്ടാക്കാനും അവസരമൊരുക്കുന്ന സ്വകാര്യ ബില്ല് ഒരു പ്രതിപക്ഷാംഗം അവതരിപ്പിക്കാന്‍ മുതിര്‍ന്നപ്പോള്‍ രമ നടത്തിയ ഇടപെടല്‍ ഭരണ പ്രതിപക്ഷ ഭേദമില്ലാതെ പുരുഷാധികാര രാഷ്ട്രീയത്തോടും സ്ത്രീവിരുദ്ധ നിലപാടുകളോടും വിട്ടുവീഴ്ചയില്ലെന്ന് തെളിയിച്ചിട്ടുണ്ട്. ഇങ്ങനെ താന്‍ ഇടപെടുന്ന മണ്ഡലങ്ങളിലൊക്കെ ജനാധിപത്യ രാഷ്ട്രീയത്തിന്റെ പതാക നാട്ടാനുള്ള ശ്രമമാണ് കെ കെ രമ നിര്‍വഹിക്കുന്നത്.
കേരളത്തിലിന്ന് പുരോഗമന/ ഇടതുപക്ഷ രാഷ്ട്രീയം മുഖ്യധാരയ്ക്ക് പുറത്താണ് നിലനില്‍ക്കുന്നത്. ആദിവാസികള്‍, ദലിതര്‍, മത്സ്യത്തൊഴിലാളി സമൂഹം, തോട്ടം തൊഴിലാളികൾ, അസംഘടിതമേഖല തൊഴിലാളികള്‍, കൃഷിക്കാര്‍ തുടങ്ങിയ ജനവിഭാഗങ്ങള്‍ നടത്തുന്ന ചെറുത്തു നില്‍പ്പുകളും പ്രകൃതിക്കുനേരെ നടക്കുന്ന കടന്നാക്രമണങ്ങളെ പ്രതിരോധിക്കാനുള്ള ശ്രമങ്ങളുമൊക്കെച്ചേര്‍ന്ന് അത്രയൊന്നും സംഘടിതമല്ലാത്ത മുന്നേറ്റങ്ങളാണ് ഇടതുപക്ഷ/ പുരോഗമന ധാരയെ ഇവിടെ മുന്നോട്ടു നയിക്കുന്നത്. നവോത്ഥാന പരിശ്രമങ്ങളും അതിനെ തുടര്‍ന്ന് ദേശീയ പ്രസ്ഥാനത്തിലൂടെയും കര്‍ഷക തൊഴിലാളി മുന്നേറ്റങ്ങളിലൂടെയും വികസിച്ചുവന്ന രാഷ്ട്രീയത്തിലെ പുരോഗമനധാരയുടെ തുടര്‍ച്ചയും വിച്ഛേദവുമാണ് ഇപ്പോഴത്തെ കീഴാള/ പുരോഗമന രാഷ്ട്രീയം. പഴയ പുരോഗമന രാഷ്ട്രീയത്തിലെ ചില അപര്യാപ്തതകളെ അത് തിരിച്ചറിയുന്നുണ്ട്. അധികാര രാഷ്ട്രീയവുമായുള്ള ദീര്‍ഘകാലമായ ബന്ധം അതിനുണ്ടാക്കിയ ആന്തരികമായ ജീര്‍ണത ഇന്ന് മൂടിവെക്കാന്‍ കഴിയാത്ത വിധം വെളിവാക്കപ്പെട്ടിരിക്കുന്നു. അതുകൊണ്ടു തന്നെ ആ ജീർണതകളെ നിരസിക്കുകയും, എന്നാല്‍ ചരിത്രത്തിലെ മനുഷ്യ മുന്നേറ്റത്തിന്റെ ഉജ്ജ്വല പാരമ്പര്യം മുന്നോട്ടു കൊണ്ടുപോവുകയും ചെയ്യുന്ന ഒരു പുതിയ ഇടതുപക്ഷ രാഷ്ട്രീയമായി അത് അടയാളപ്പെടുന്നു. ഈ പുതിയ രാഷ്ട്രീയത്തിന്റെ പ്രതിനിധിയാണ് കെ കെ രമ.
ഈ പുതിയ രാഷ്ട്രീയത്തിന്റെ പ്രതിനിധിയായ കെ കെ രമയെ എതിര്‍പക്ഷത്ത് നിര്‍ത്തുന്നതു കൊണ്ടുതന്നെ നവയാഥാസ്ഥിതികമായ ഒരു ഉള്ളടക്കം സ്വാഭാവികമായും സിപിഎമ്മിന് കൈവരും. സംഘപരിവാര്‍ നിയന്ത്രിക്കുന്ന ഫാസിസ്റ്റ് ഉള്ളടക്കമുള്ള ഭരണകൂടത്തിന്റെ നയങ്ങള്‍ പിന്‍തുടരാന്‍ പല കാരണങ്ങള്‍ കൊണ്ടും നിര്‍ബന്ധിതരാകുന്നതോടൊപ്പം കേരളത്തില്‍ വികസിച്ചുവരുന്ന പുതിയ ജനാധിപത്യ രാഷ്ട്രീയത്തിന്റെ എതിര്‍പക്ഷത്ത് നില്‍ക്കേണ്ടി വരുന്നതുകൊണ്ടും സിപിഎം ഇടതുപക്ഷവിരുദ്ധമായ ഒരു രാഷ്ട്രീയമാണ് പിന്‍പറ്റുന്നത്. അതായത് പഴയ വിമോചന സമര രാഷ്ട്രീയത്തിന്റെ വികസിച്ച രൂപമാണ് ഇന്ന് കേരളത്തിൽ സി പി എം പിൻതുടരുന്നത്. സിപിഎമ്മിന്റെ വര്‍ഗ ഉള്ളടക്കത്തില്‍ വന്ന മാറ്റം ഇതിനെ അനിവാര്യമാക്കുന്നു. നവ ലിബറൽ - കോർപ്പറേറ്റ് വികസന പദ്ധതികളുടെ നടത്തിപ്പുകാരായി ഉപരി - മധ്യ വർഗ്ഗത്തിൻ്റെ പിന്തുണ ഉറപ്പിക്കുന്ന വിധം ആന്തരികമായ ഒരു പൊളിച്ചെഴുത്തിന് സി പി എം വിധേയമായിട്ടുണ്ട്. പുരോഗമന നാട്യങ്ങൾ പരസ്യമായി പ്രകടിപ്പിക്കുമ്പോഴും ഉള്ളിൽ അതിയാഥാസ്ഥിതികതയും ജീർണതയും നുരയ്ക്കുന്ന മനോഘടനയാണ് ഈ പുതിയ മധ്യവർഗത്തിൻ്റെ സ്വഭാവം. സി പി എം പ്രകടിപ്പിക്കുന്ന പ്രത്യയശാസ്ത്ര നിരാസത്തിൽ വർഗഉള്ളടക്കത്തിൽ വന്ന ഈ മാറ്റം ദൃശ്യമാണ്.
അതായത്, കെ കെ രമയ്‌ക്കെതിരേ സിപിഎം കെട്ടഴിച്ചുവിട്ടിരിക്കുന്ന ആക്ഷേപങ്ങളും ആക്രമണങ്ങളും പുരോഗമനപരമായ നവ മുന്നേറ്റങ്ങളോട് യാഥാസ്ഥിതിക പക്ഷത്തിന്റെ അസഹിഷ്ണുതയും വെറിയുമാണ്.
കെ കെ രമ വിമര്‍ശനത്തിന് അതീതയാണെന്ന് ഇതിനര്‍ത്ഥമില്ല. എന്നാല്‍ വിമര്‍ശനവും വ്യക്തിഹത്യയും ഒന്നല്ല. ജനാധിപത്യത്തെ പിന്‍പറ്റാത്ത ഒരു കൂട്ടത്തിനും വിമര്‍ശനം ഉന്നയിക്കാന്‍ സാധ്യമല്ല. നിന്ദയും സ്തുതിയുമാണ് അതിന് പരിചിതം. പിണറായി വിജയനെ സ്തുതിക്കുകയും കെ കെ രമയെ നിന്ദിക്കുകയും ചെയ്യുക എന്നത് അതിന്റെ ആചാരക്രമമാണ്. ആ ആചാരക്രമങ്ങള്‍ പാലിക്കുന്നവര്‍ക്ക് ഇവിടെ വികസിച്ചു വരുന്ന പുതിയ രാഷ്ട്രീയത്തെ തിരിച്ചറിയാന്‍ കഴിയില്ല.
സ്‌നേഹവും കാരുണ്യവും അന്തര്‍ധാരയായി വര്‍ത്തിക്കുന്നതാണ് ഇവിടെ വളർന്നു വരുന്ന പുതിയ രാഷ്ട്രീയം. അതുകൊണ്ടാണ് രാഷ്ട്രീയ കൊലപാതകങ്ങള്‍ക്കെതിരേ നിലപാടെടുക്കാന്‍ കഴിയുന്നത്. ജനാധിപത്യത്തെ ആന്തരികവൽക്കരിക്കാതെ ഒരു മുന്നേറ്റവും സാധ്യമാകില്ല. വിയോജിക്കാനുള്ള സ്വാതന്ത്ര്യമാണ് അതിന്റെ അടയാളം. പുതിയ കാലത്തെ വര്‍ഗരാഷ്ട്രീയമാണ് അത് കൈകാര്യം ചെയ്യുന്നത്. സാമൂഹ്യഘടനയിലും ബോധത്തിലും ഉൾച്ചേർന്ന സവർണതയോടും കീഴാളവിരുദ്ധതയോടും സ്ത്രീവിരുദ്ധ - പുരുഷാധികാര ചിന്തയോടുമൊക്കെ കണക്കുതീർക്കുന്ന, പാരിസ്ഥിതിക വിവേകം ഉയർത്തിപ്പിടിക്കുന്ന ഒരു രാഷ്ട്രീയം. ഇനിയും മുഖ്യധാരയിലിടം നേടിയിട്ടില്ലാത്ത ഈ പ്രതിരോധാത്മക രാഷ്ട്രീയത്തിന്റെ മുഖ്യധാരാ നേതൃത്വമാണ് കെ കെ രമ. അവരെ ആക്ഷേപിക്കുന്നവർ ചരിത്രത്തിൻ്റെ ചവറ്റുകുട്ടയിൽ സ്വയം ഇടം കണ്ടെത്തുന്ന കാലഹരണപ്പെട്ട രാഷ്ട്രീയത്തിൻ്റെ ഈ കാലത്തെ നടത്തിപ്പുകാർ മാത്രം.
കെ.പി. പ്രകാശൻ
19/02/2023
India has been on the roads protesting the rampant curtailment of human rights and extreme levels of exclusionary practices imposed on the common man by the ...
06/02/2023
10/10/2021
15/08/2021
കവിത
ഡോ.ആസാദ്
27/07/2021
നമ്മുടെ നാട്ടിലെ സഹകരണബാങ്കുകള്‍ കൊള്ളയടിക്കുന്നത് കോര്‍പറേറ്റുകളല്ല. കോര്‍പറേറ്റ് പ്രമാണിമാരുടെ ഉള്‍നാടന്‍ ബന്ധുക്കളാണ്. ജനകീയ രാഷ്ട്രീയ പ്രവര്‍ത്തനത്തിന്റെ മുഖവും വിലാസവും ഉള്ളവരാണ്. ചതിയന്‍ നേതാക്കളാണ്.
കോടിക്കണക്കിനു മനുഷ്യരുടെ അദ്ധ്വാനവും സമ്പാദ്യവും സ്വപ്നവും സമര്‍പ്പിക്കപ്പെട്ട വിശ്വസ്ത സ്ഥാപനം. ലോകത്തിലെതന്നെ ഏറ്റവും വലിയ സഹകരണ ശൃംഖല. ഗ്രാമീണ സമ്പദ്ഘടന നട്ടെല്ലുയര്‍ത്തി നില്‍ക്കുന്ന അടിമണ്ണ്. അവിടെ കൊള്ളയടിക്കു പരിശീലനം സിദ്ധിച്ച വിദഗ്ദ്ധ കേഡര്‍നിര വളര്‍ന്നുവന്നിരിക്കുന്നു.
തങ്ങള്‍ക്കു വേണ്ടപ്പെട്ട സഹോദര സ്ഥാപനങ്ങളുടെ ക്ഷീണംതീര്‍ക്കാന്‍ അന്യോന്യം കൈകോര്‍ക്കുന്ന ഉദാരത പുളകം കൊള്ളിക്കും. ഉദാഹരണത്തിന് റബ്കോയില്‍ നഷ്ടം വരുന്ന ഏതൊരു സന്ദര്‍ഭത്തിലും താങ്ങ് നല്‍കാന്‍ മറ്റ് സഹകരണ സ്ഥാപനങ്ങള്‍ ഓടിയെത്തും. എങ്ങനെ നഷ്ടം വന്നു എന്നത് ആരും ഗൗനിക്കാറില്ല. എത്രയോ അനുഭവങ്ങള്‍ ചൂണ്ടിക്കാണിക്കാനാവും.
സഹകരണ സ്ഥാപനങ്ങള്‍ക്ക് പതിനായിരക്കണക്കിന് കോടി രൂപ ആസ്തിയുണ്ടെങ്കിലും ഗ്രാമീണ ഓഹരി ഉടമകള്‍ക്കു ഡിവിഡന്റ് കിട്ടാറുണ്ടോ എന്നു സംശയമാണ്. അവര്‍ക്ക് അര്‍ഹതപ്പെട്ട പണമാണത്. ലാഭത്തില്‍ പ്രവര്‍ത്തിക്കുന്ന സ്ഥാപനങ്ങളില്‍ യഥാസമയം നല്‍കേണ്ട ലാഭവിഹിതം നല്‍കാതിരിക്കുന്നത് കൊള്ള തന്നെയാണ്. ആ പണം എവിടേയ്ക്കാണ് പോകുന്നതെന്ന് കണ്ടെത്തണം.
കേരളത്തിലെ സഹകരണ ബാങ്ക് തട്ടിപ്പുകളുടെ എത്രയോ കഥകള്‍ പുറത്തു വന്നിട്ടുണ്ട്. പണയത്തിലുള്ള ഭൂമിയും സ്വര്‍ണവും പലതവണ തിരിമറി ചെയ്ത് പണം തട്ടുന്നവരുണ്ട്. കള്ളപ്പേരിലുള്ള ലോണുകള്‍ വഴി പെരുംകൊള്ളകള്‍ നടക്കാറുണ്ട്. ഏറ്റവും അവസാനം പുറത്തുവന്ന കരിവന്നൂര്‍ സര്‍വ്വീസ് സഹകരണ ബാങ്ക് തട്ടിപ്പ് ശതകോടി രൂപയുടേതാണ്.
തെരഞ്ഞെടുപ്പു ഫണ്ടായും ദുരിതാശ്വാസ ഫണ്ട് ചോര്‍ത്തലായും ട്രഷറി ഉദ്യോഗസ്ഥ പണം തിരിമറിയായും സ്വര്‍ണക്കടത്തു തട്ടിപ്പുകളായും ജനങ്ങള്‍ക്കുമേല്‍ വിവിധ രാഷ്ട്രീയ പാര്‍ട്ടികളുടെ നേതൃത്വത്തിലുള്ള സാമ്പത്തികാതിക്രമം വലിയ തോതിലാണ് നടക്കുന്നത്. സഹകരണ മേഖലയില്‍ കാലങ്ങളായി നടക്കുന്ന പണം തട്ടിപ്പ് ഇത്തരം പുതിയ ദുഷ്പ്രവണതകള്‍ക്ക് വേഗമേറ്റുന്നുണ്ട്.
സാമ്പത്തിക തട്ടിപ്പു കേസുകളില്‍ കുറ്റക്കാര്‍ക്കെതിരെ കര്‍ശന നടപടി കൈക്കൊള്ളാന്‍ സര്‍ക്കാറുകള്‍ തയ്യാറല്ല. ട്രഷറി തട്ടിപ്പു കേസിലും പ്രളയ ദുരിതാശ്വാസ ഫണ്ടു തട്ടിപ്പിലും എന്തു നടപടി സ്വീകരിച്ചു എന്നു നോക്കിയാല്‍ ചിത്രം വ്യക്തമാവും. ചിലര്‍ പണം തിരിച്ചടച്ച് രക്ഷപ്പെടും. ചിലരുണ്ടാക്കിയ ബാദ്ധ്യത ജനങ്ങളുടെ മേല്‍ വെച്ചു കെട്ടുന്ന രീതിയുമുണ്ട്. തട്ടിപ്പുകാര്‍ക്ക് ജോലി നഷ്ടപ്പെടുകപോലുമില്ല. വന്‍കിട വ്യവസായികളുടെ കിട്ടാക്കടം എഴുതിത്തള്ളുന്ന വലിയ ബാങ്കുകളുടെ നാട്ടുപതിപ്പാണ് നാം കാണുന്നത്.
പുത്തന്‍പണക്കാരുടെ വളര്‍ച്ചാതോതും ഞെട്ടിക്കുന്നതാണ്. ഗള്‍ഫിലും മറ്റും വിയര്‍പ്പൊഴുക്കി സമ്പാദിക്കുന്ന പണത്തിന് പരിധിയുണ്ട്. എന്നാല്‍ കൊള്ളപ്പണത്തിന്റെ വളര്‍ച്ചയ്ക്ക് അതിരുകളില്ല. ആ പ്രഭാവം നമ്മുടെ ഗ്രാമീണ രാഷ്ട്രീയ നേതാക്കളെപ്പോലും മാറ്റി മറിച്ചിരിക്കുന്നു. വരുമാനത്തിന്റെ ഉറവിടം അന്വേഷിക്കാന്‍ ആരുമില്ല എന്നതാണ് നില.
കേരളത്തിലെ സഹകരണ പ്രസ്ഥാനത്തെ തളര്‍ത്തുകയും ശിഥിലമാക്കുകയും ചെയ്യുന്ന ജനവിരുദ്ധ പ്രവര്‍ത്തനങ്ങള്‍ ജാഗ്രതയോടെ തടയേണ്ടതുണ്ട്. അതിന് സമഗ്രമായ അന്വേഷണം ആവശ്യമുണ്ട്. ഒരു സ്വതന്ത്ര ഏജന്‍സിയെ അതിനു നിയോഗിക്കാന്‍ സര്‍ക്കാര്‍ തയ്യാറാവണം.
ആസാദ്
27 ജൂലായ് 2021
18/07/2021
പൗരത്വഭേദഗതിയെന്ന ജനാധിപത്യവിരുദ്ധവും ആത്യന്തികമായി മുസ്ലീംവിരുദ്ധവുമായ നിയമഭേദഗതി ഇന്ത്യൻ ജനാധിപത്യത്തിനുമുകളിൽതൂങ്ങിനിൽക്കുന്ന, കോവിഡ്കഴിഞ്ഞാൽ തങ്ങളത് നടപ്പിലാക്കുമെന്നു നിരന്തരം പറഞ്ഞുകൊണ്ടിരിക്കുന്ന ഹിന്ദുത്വഭരണകൂടം ഇപ്പോഴും അധികാരത്തിലുള്ള വർത്തമാനം. രാജ്യത്ത് തുടരുന്ന മുസ്ലീം ദലിത് കൂട്ടക്കൊലകൾ. ഇന്ത്യൻ ജയിലിൽ കഴിയുന്നവരിൽ ഭൂരിഭാഗവും മുസ്ലീംങ്ങളും ദലിതുകളുമാണെന്ന് വർഷങ്ങൾക്കുമുമ്പേ മുൻ രാഷ്ട്രപതിയെക്കണ്ട് സംസാരിച്ചത് സി.പി.എമ്മിന്റെ ജനറൽ സെക്രട്ടറി പ്രകാശ് കാരാട്ടായിരുന്നു. ഇന്ത്യയിലെ ഹിന്ദുത്വസർക്കാർ തങ്ങളുടെ ഒന്നാം നമ്പർ ശത്രുവായി പ്രഖ്യാപിച്ചിരിക്കുന്ന മുസ്ലീംങ്ങൾക്കെതിരെ ഒളിഞ്ഞും തെളിഞ്ഞും തുടരുന്ന വർഗീയ അജണ്ടകളുടെ വർത്തമാനത്തിലാണ് മഹേഷ് നാരായണന്റെ 'മാലിക് 'സിനിമ പ്രേക്ഷകരോട് സംവദിക്കാനെത്തുന്നത്.
ഈ പശ്ചാത്തലത്തിൽ, അപരവൽക്കരിക്കപ്പെട്ടുകൊണ്ടിരിക്കുന്ന ഒരു ജനവിഭാഗത്തിനെ കൂടുതൽക്കൂടുതൽ സംശയത്തിന്റെ മുൾമുനയിലേക്ക് വലിച്ചെറിയാനുതകുന്ന പലവിധ കരുക്കൾ ബോധപൂർവം കോർത്തിണക്കിയാണ് സംവിധായകൻ മുസ്ലീംവിരുദ്ധതയ്ക്ക് തന്റേതായ സംഭാവന അഭ്രപാളികളിലൂടെ പകരുന്നത്. മുസ്ലീംവിരുദ്ധത ഈ സിനിമയുടെ അന്തർധാരയല്ല, അറബിക്കടലിന് മുകളിലുള്ള ഉരുവിനെപ്പോലെ ഓവർധാരയാണ്. ഇത് അത്യന്തം സമൂഹവിരുദ്ധമാണ് മനുഷ്യവിരുദ്ധമാണ് ചരിത്രവിരുദ്ധമാണ്.
കോളേജിൽ പോകുന്ന ഏക പെൺകുട്ടിയായി നിമിഷയുടെ കഥാപാത്രത്തെ അവതരിപ്പിക്കുകയാണ്. അതും ക്രിസ്ത്യൻ സമുദായത്തിലെ ഒരു പെൺകുട്ടി. കേരളത്തിലെ വിദ്യാഭ്യാസം വ്യാപകം ആക്കിയ ഒരു മതവിഭാഗം ആണ് ക്രിസ്ത്യൻ മിഷനറിമാർ. അമരത്തിലെ അച്ചു ഡോക്ടറായി റിട്ടയർ ചെയ്യാനുള്ള സമയമായിക്കാണും. മുസ്ലീംങ്ങൾ വിദ്യാഭ്യാസപരമായി പിന്നോക്കമാണെന്ന പഴകിയ മറ്റൊരു വിരുദ്ധതയല്ലാതെ മറ്റൊന്നുമല്ലിത്. ഇത് കേരളീയ സമൂഹമാർജ്ജിച്ച വിശേഷിച്ച് മുസ്ലീം സമൂഹമാർജ്ജിച്ച വിദ്യാഭ്യാസ
പുരോഗതിക്കുനേരെയുള്ള ‘സോമാലിയ’ വിളികളുടെ ദൃശ്യാവിഷ്ക്കാരമല്ലാതെ മറ്റൊന്നുമല്ല.
കള്ളക്കടത്ത് കരിഞ്ചന്ത ആയുധവ്യാപാരം തുടങ്ങിയ സമൂഹവിരുദ്ധതയുടെ താവളമെന്ന തരത്തിലാണ് തുറയുടെ മൊത്തം നരേഷൻ കടന്നുവരുന്നത്. ദിലീഷ് പോത്തന്റെ കഥാപാത്രം എം.എൽ.എ വരെയാകുന്നത് ഇത്തരം കള്ളക്കടത്ത് കച്ചവടത്തിലൂടെ സമൂഹത്തിൽ നേടിയെടുക്കുന്ന ‘അംഗീകാര’ത്തിലൂടെയാണെന്നാണ് പറഞ്ഞുവെക്കുന്നത്.
പള്ളിയിൽ നടക്കുന്ന പ്രസംഗത്തിൽ "വേണ്ടിവന്നാൽ ആയുധമെടുക്കാൻ തായാറാകണമെന്നും അലീക്കയെ തൊട്ടാൽ കത്തിച്ചുകാണിക്കണ"മെന്നൊക്കെയാണ് ഈ എം.എൽ.എ പറയുന്നത്. കേരളത്തിൽ എത്ര പള്ളികളിൽ രാഷ്ട്രീയപ്പാർട്ടികളുടെ ജാഥയോ സ്വീകരണമോ നടക്കുന്നുണ്ട് ? തിരിച്ച് ആർ.എസ്.എസിന്റെ ആയുധപരിശീലനം പരസ്യമായി നടക്കുന്ന ക്ഷേത്രങ്ങൾ ഇപ്പോഴും അനേകായിരമുണ്ടെന്നതാണ് യാഥാർഥ്യം.
"ബോലോ തക്ബീർവിളി" സമൂഹവിരുദ്ധമോ ഭരണഘടനാവിരുദ്ധമോ അല്ല. അത് കേരളത്തിലെ ഒരു രാഷ്ട്രീയപ്പാർട്ടിയും തങ്ങളുടെം മുദ്രാവാക്യങ്ങളായി വിളിക്കുന്നത് നാമാരും കേട്ടിട്ടില്ല. പലപ്പോഴും അത് കടന്നുവരുന്നത് വിധ്വംസകപ്രവർത്തനങ്ങളുടെ പശ്ചാത്തലമായാണ്.
ഇലക്ഷൻ കഴിഞ്ഞാൽ "ബോലോ തക്ബീർ" വിളി നടക്കുകയാണ്. കേരളത്തിൽ എം.എൽ.എയുള്ള ഏതു രാഷ്ട്രീയപ്പാർട്ടിയാണ് ബോലോ തക്ബീർ മുഴക്കുന്നത് ? കോടതിയിൽനിന്ന് വരുന്നതിനുശേഷവും വിളിക്കുന്നത് ബോലോ തക്ബീർ അല്ലാഹു അക്ബർ ആണ്. കേരളത്തിൽ നാമാരും കേൾക്കാത്ത കാണാത്ത സംഭവങ്ങൾ സംവിധായകൻ ബോധപൂർവം അവതരിപ്പിക്കുന്നത് എന്ത് ലക്ഷ്യംവെച്ചാണ് ?
"റമദാ പള്ളിക്കു മുന്നിൽനിന്നും തന്നെ കൊണ്ടുപോകാൻ കഴിയുമെങ്കിൽ കൊണ്ടുപോകണമെന്നു” ഫഹദിനെക്കൊണ്ട് പറയിപ്പിക്കുന്നതും ചന്ദ്രനെ കണ്ടെത്താനുള്ളതിനിടയിൽ പറയുന്ന സംഭാഷണങ്ങളൊക്കെ തുറക്കാരും പള്ളിക്കാരും രാജ്യത്തെ നിയമവ്യവസ്ഥയ്ക്കെതിരാണെന്ന ബോധമാണ് ഉൽപ്പാദിപ്പിക്കുന്നത്. ചന്ദ്രൻ മരിക്കേണ്ടവൻ തന്നെയാണ് പക്ഷേ അത് 'നേരായ വഴിക്കാ’യിരിക്കണമെന്നാണ് ‘നിസ്ക്കരിക്കുന്ന’ കലക്ടറെക്കൊണ്ട് സംവിധായകൻ പറയിക്കാൻ ശ്രമിക്കുന്നത്. അതായത് ഇന്ത്യയിലെ നീതിന്യായ വ്യവസ്ഥയെയാണ് അയാൾ പ്രതീക്ഷയോടെ നോക്കുന്നത്. സി.എ.എ. പ്രക്ഷോഭകാലത്ത്, മുസ്ലീംങ്ങൾക്കും ദലിതുകൾക്കുമെതിരെ യു.എ.പി.എ പോലുള്ള മനുഷ്യവിരുദ്ധ നിയമങ്ങൾ നിരന്തരം ചുമത്തുന്ന സമകാലിക രാഷ്ട്രീയപരിതസ്ഥിതിയിലാണ് സംവിധായകൻ വിധ്വംസകമായരീതിയിൽ ആളുകളിൽ സംശയത്തിന്റേയും തെറ്റിദ്ധാരണയുടേയും വിത്തുകൾ പാകാൻ ശ്രമിക്കുന്നത്.
വർഗീയതയേയും വ്യവസായത്തേയും രാഷ്ട്രീയത്തേയും ഒരുമിച്ചു കൂട്ടുപിടിക്കുന്ന രാഷ്ട്രീയക്കാരന്റെ വേഷം ഇവിടെ ഏതെങ്കിലും മുസ്ലീം എം.എൽ.എയ്ക്ക് മാത്രം ചേരുന്ന ഒന്നല്ലെന്ന തിരിച്ചറിവെങ്കിലും കേരളത്തിനുണ്ടെന്ന് സംവിധായകനോർക്കണമായിരുന്നു.
"എന്റെ മോനാണ് കൊന്നതെങ്കിൽ അവനെതിരെ സാക്ഷിപറയുന്ന" ഉമ്മയാണ് കടന്നുവരുന്ന മറ്റൊരു കഥാപാത്രം. ഭീകരവാദം ആരോപിച്ച് പിടിച്ചുകൊണ്ടുപോയമകനെ ‘മാതൃരാജ്യ’ത്തിനു വേണ്ടി ‘തള്ളിപ്പറഞ്ഞ' ഉമ്മയെ ഇവിടെ നമുക്കോർക്കാം. മുസ്ലീംങ്ങൾ സ്വയം രാജ്യസ്നേഹം തെളിയിക്കേണ്ട അവസ്ഥയാണെന്നത് ആ വിഭാഗത്തിൽപ്പെട്ടവർ തുടർച്ചയായി പറഞ്ഞുകൊണ്ടിരിക്കുന്ന ഒന്നാണ്.
ശബരിമലയിൽ സ്ത്രീകൾക്ക് പ്രവേശനമനുവദിച്ചതിനെത്തുടർന്ന് ഹിന്ദുത്വതീവ്രവാദികൾ സ്ത്രീകളെആക്രമിക്കുകയും അമ്മയുടെ പ്രായമുള്ള ഒരു ഭക്തയായ സ്ത്രീയുടെനേരെ നെയ്ത്തേങ്ങ എറിഞ്ഞ് തലപൊട്ടിക്കാൻ നിന്ന, ശബരിമലയിൽ കലാപം അഴിച്ചുവിട്ട ഏതെങ്കിലും മക്കളുടെ അമ്മമാർ തള്ളിപ്പറഞ്ഞിട്ടുണ്ടോ ? അവർക്ക് അതിന്റെ ആവശ്യംവരുന്നില്ലയെന്നതാണ് സംസ്കാരമെന്നു വിളിക്കപ്പെടുന്ന ഹിന്ദുത്വത്തിന്റെ ശക്തി.
സി.എ.എ പ്രകാരം മുസ്ലീംങ്ങളെ പുറത്താക്കാൻ നിയമം ഉണ്ടാക്കിയ രാജ്യത്തിലെ നിമയത്തേയാണ് സംവിധായകൻ പ്രതീക്ഷയോടെ കാത്തിരിക്കുന്നത് എന്നതാണ് അത്ഭുതകരം.
"നാട്ടിലുള്ള സംഭവങ്ങൾ നിങ്ങൾ കാണുന്നതല്ലേ ഏതുസമയത്താണ് നമ്മുടെ ആൾക്കാർക്ക് തോക്കിന്റെ ആവശ്യം വരുമെന്നുപറയാൻ പറ്റില്ലല്ലോ എന്നും തോക്കുകൾ പള്ളിക്കകത്ത് ഒളിപ്പിച്ചാൽമതിയെന്നുമാണ് ‘തൊപ്പി വെച്ച’ ചെറുപ്പക്കാരനെക്കൊണ്ട് പറയിക്കുന്നത്. കേരളത്തിലെ എത്രപള്ളികളിൽ ആയുധം ഒളിപ്പിച്ചിട്ടുണ്ട് ? എത്ര കേസുകൾ കേരളാപ്പോലീസ് രജിസ്റ്റർ ചെയ്തിട്ടുണ്ട്. സി.എ.എ. വിരുദ്ധകാലത്ത് പ്രക്ഷോഭകരെ വെടിവെച്ചുകൊല്ലാൻ പറഞ്ഞയാളും ഗ്രഹാം സ്റ്റെയിൻസിനേയും കുട്ടികളേയും ചുട്ടുകൊന്നരുമൊക്കെ കേന്ദ്രമന്ത്രിമാരാകുന്ന ഭാരതത്തിലാണ് ഇത്തരം വിരുദ്ധതകൾ പടർത്തുന്നത്.
രണ്ടുവർഷംമുമ്പ് കേരളത്തിലുണ്ടായ പ്രളയക്കെടുതിയിൽ കേരളത്തിലെ മിക്കപള്ളികളും അഭയകേന്ദ്രങ്ങളായി മാറിയത് നാം കണ്ടതാണ്. ആ സമയം നാട്ടിലുള്ള വേളയിൽ ആലപ്പുഴയിൽ എത്തിച്ചേർന്ന ഞങ്ങൾക്ക് താമസമൊരുക്കിയത് ആലപ്പുഴയിലെ ഒരു പള്ളിയിലാണ്. അവിടെനിന്ന് കായൽവഴി ബോട്ടുയാത്ര നടത്തി വൃത്തിയാക്കാൻ ഞങ്ങളെ ചുമതലപ്പെടുത്തിയത് ഒരു ക്രിസ്ത്യൻ പള്ളികൂടിയുള്ള സ്കൂളാണ്. അത്തരമൊരിടത്താണ് വിദ്വേഷത്തിന്റെ രാഷ്ട്രീയവുമായി സംവിധായകൻ വരുന്നത്.
കലക്ടറായാലും സാധാരണ തുറക്കാരനായാലും മുസ്ലീംങ്ങൾ കലാപം ആസൂത്രണം ചെയ്യുന്നവരും നടപ്പാക്കുന്നവരുമാണെന്ന സംഘപരിവാര അജണ്ടയാണ് യാതൊരു ഉളുപ്പുമില്ലാതെ സംവിധായകൻ യാഥാർഥ്യബോധമില്ലാതെ പറഞ്ഞുവെക്കാൻ ശ്രമിക്കുന്നത്. അവസാനം കൊല്ലാൻ മടിയില്ലാത്ത മുസ്ലീം ഡോക്ടർ കൂടി രംഗത്തെത്തുന്നതോടെ സംഗതി പൂർണമാകുന്നു. ഈ കഥാപാത്രങ്ങളൊക്കെ മുസ്ലീം വിഭാഗത്തിൽനിന്നു മാത്രം വരുന്നവരായത് വെറും യാദൃശ്ചികമല്ല. ഒരജണ്ടയുടെ ഭാഗംതന്നെയാണ്.
സമകാലിക ഇന്ത്യയിൽ സംഘപരിവാരം ശത്രുവായിപ്രഖ്യാപിച്ചിരിക്കുന്ന ഒരൊറ്റവ്യക്തിയായി ആരെങ്കിലുമുണ്ടെങ്കിൽ അത് ഇന്ത്യയിലെ ആദ്യത്തെ പ്രധാനമന്ത്രി നെഹ്റുവാണ്. ആ നെഹ്റുവിന്റെ പേരിലുള്ള ഉരുവിലാണ് അലിയും കൂട്ടരും കള്ളക്കടത്ത് നടത്തുന്നത്. ഇതൊക്കെ യാദൃശ്ഛികമാണെന്നാണോ വിചാരിക്കേണ്ടത് ? എങ്കിൽ യാദൃശ്ചികതകളുടെ ഘോഷയാത്രയാണ് ഈ ചിത്രം..
'എല്ലാ കലകളിലും ഏറ്റവും പ്രധാനം സിനിമയാണെന്ന് " ലുനാചാർസ്‌കിയോട് ലെനിൻ പറയുന്നത് അതിൻറെ അപാരമായ സ്വാധീനശക്തി തിരിച്ചറിഞ്ഞുകൊണ്ടാണ്. അതു പക്ഷേ ഇപ്പോൾ മറ്റു പലതും പോലെ പിന്തിരിപ്പന്മാരുടെ കൈയിലെ ആയുധമായെന്ന് മാത്രം.
©
ബിബിത്ത് കോഴിക്കളത്തിൽ
17/07/2021
1.
കഴിഞ്ഞ സാമ്പത്തിക വർഷത്തിലും
പല കോടികൾ ലാഭമുണ്ടാക്കിയ മുതലാളിയാണ് സാബൂ ജേക്കബ്. അപ്പോഴും ഒരു പൈസ പോലും
അദ്ദേഹം തൊഴിലാളികൾക്ക് ബോണസ്സായി നൽകിയിട്ടില്ല.
ആരും അത് വാങ്ങിക്കൊടുക്കാൻ പ്രബുദ്ധ കേരളത്തിൽ ഉണ്ടായിരുന്നുമില്ല. ബോണസ്സ് എന്നത് മാറ്റിവെച്ച വേതനമാണെന്നാണ് ഇടതുപക്ഷ നിലപാട്. ലാഭത്തിൻ്റെ വിഹിതമെന്ന്
മുതലാളിമാർ പറയുന്നു.
രണ്ടായാലും അത് തൊഴിലാളികൾക്ക് അവകാശപ്പെട്ടതാണ്.
അതേക്കുറിച്ചൊന്നും പുതിയ കേരളത്തിൽ ചർച്ചയേയില്ല.
2.
3500 കോടി നിക്ഷേപത്തേക്കുറിച്ച് മുതലാളി വീമ്പ് പറയുന്നു.
കേരളത്തിലെ പ്രകൃതി വിഭവങ്ങളും മനുഷ്യാധ്വാനവും ഊറ്റിയെടുത്താണ് സാബൂ ജേക്കബ്ബും കുടുംബവും മുതലാളിമാരായത് എന്ന് മറക്കരുത്.
കടത്തിണ്ണയിൽ അന്തിയുറങ്ങിയ, പട്ടിണിക്കാരായ, ആട്ടിയകറ്റപ്പെട്ട, മനുഷ്യരുടെ അവകാശങ്ങൾക്ക് വേണ്ടി ത്യാഗനിർഭരമായ സമരം നടത്തിയാണ് കേരളത്തിൽ ഇടതുപക്ഷ പ്രസ്ഥാനം പടർന്നു പന്തലിച്ചത് എന്നത്
എപ്പോഴും നമ്മുടെ
ഓർമ്മകളിലുണ്ടായിരിക്കണം.
3.
അവരുടെ അവകാശങ്ങളെ അവഗണിച്ചല്ല; മുതലാളിമാർക്ക് വേണ്ടിയുള്ള
'ഈസ് ഓഫ് ഡൂയിംഗ് ബിസിനസ്സ് ' പോലുള്ള പദ്ധതികൾ നടപ്പിലാക്കേണ്ടത്.
കേരളത്തിൻ്റെ ജലസ്രോതസ്സുകളും പ്രകൃതി വിഭവങ്ങളും
നമ്മുടെ പൊതു സമ്പത്താണ്.
അത് ഒരു മുതലാളി മലിനമാക്കുമ്പോൾ, കുത്തിക്കവരുമ്പോൾ, മിണ്ടാതിരിക്കലല്ല ഒരു സംസ്ഥാനത്തെ നിക്ഷേപസൗഹൃദ സംസ്ഥാനമാക്കാൻ ചെയ്യേണ്ടത്.
വിദേശ നിക്ഷേപത്തിന്
(ഫോറിൻ ഡയരക്ട് ഇൻവെസ്റ്റ്മെൻ്റ് FDI) വേണ്ടി കാത്തിരിക്കലായിരിക്കരുത് ,
ഒരു ഇടതു സർക്കാരിൻ്റെ
വികസന പരിപ്രേക്ഷ്യം.
അവരത് ഓർക്കുന്നില്ലങ്കിൽ
അത് ഓർമ്മിപ്പിക്കാനുള്ള ചുമതല ജനങ്ങൾക്കുണ്ട്.
4.
മുഖ്യമന്ത്രിക്കോ.മന്ത്രിമാർക്കോ ഭരണാധികാരികൾക്കോ ഇടതു വലത് രാഷ്ട്രീയ നേതാക്കൾക്കോ തങ്ങളുടെ ചിലവിൽ സുഖചികിത്സയും വിദേശ വിനോദവും 'ഒക്കെ ഒക്കെ' ഒരുക്കി നൽകുന്നതിൻ്റെ പേരിലല്ല വ്യവസായ സൗഹൃദ പദവികൾ രൂപപ്പെടുന്നത്.
അത് തരപ്പെട്ടില്ലങ്കിൽ റെയ്ഡും പരിശോധനയുമെന്നത് ഇന്ന് കക്ഷിരാഷ്ട്രീയക്കാരുടെ
പൊതു നിലപാടായി മാറുകയാണ്.
5.
ഒരു പൊതുമേഖലാ സ്ഥാപനത്തിൻ്റെ
ഭൂമി സ്വകാര്യ മുതലാളിമാർക്ക്
ചുളുവിൽ മറിച്ചു കൊടുക്കുമ്പോൾ
ഇവിടെ 'ഇടതുപക്ഷ'ഭരണമായിരുന്നു. വ്യവസായ മന്ത്രി, ട്രെയ്ഡ് യൂണിയൻ നേതാവായിരുന്നു .
6.
വ്യവസായ വളർച്ചക്ക് എന്ന പേരിൽ മുതലാളിമാർക്ക് നൽകുന്ന ആനുകൂല്ല്യങ്ങളുടെ നൂറിലൊന്നുപോലും നമ്മുടെ കർഷകർക്ക് നൽകുന്നില്ല എന്നത് നമ്മെ ആകുലപ്പെടുത്തുന്നേയില്ല.
ഇടത്തരക്കാർക്ക് ഫെയ്സ് ബുക്കിലിട്ട് പൊങ്ങച്ചം കാണിക്കാനുള്ള പ്രദർശന കൃഷിയല്ലാതെ, ജീവിക്കാനുള്ള
കാർഷിക വ്യവസായവൽക്കരണം (Agricultural Industrialisation)
എന്ത് കൊണ്ടാണ് കേരളത്തിൽ സാദ്ധ്യമാകാത്തത് എന്ന്,
ഏതെങ്കിലും ഇടതുകർഷക നേതാക്കളോ ഭരണാധികാരികളോ ചിന്തിച്ചിട്ടുണ്ടോ?
7.
വാട്ടർതീം പാർക്കുകൾ പോലുള്ള ഉല്പാദനപരമല്ലാത്ത സഹകരണ സ്ഥാപനങ്ങൾ നിർമ്മിക്കാൻ
മുൻകൈ എടുക്കുന്നവർ എന്തുകൊണ്ടാണ് കർഷകരെ സഹായിക്കാനുതകുന്ന
കാർഷിക ഗവേഷണ സ്ഥാപനങ്ങൾ നിർമ്മിക്കാൻ മുൻകൈ എടുക്കാത്തത്?
8.
കോർപ്പറേറ്റ് വികസന പാതയെ ചെറുക്കേണ്ടത്
'ഈസ് ഓഫ് ഡൂയിംഗ് ബിസിനസ്സ്' സ്റ്റാറ്റസ് നേടികൊണ്ടല്ല. ചെറുകിട ഉല്ലാദകരുടേയും കർഷകരുടേയും ഉല്പാദക സഹകരണ സംഘങ്ങൾ ( പണിയെടുക്കാതെ സംഘം ഭാരവാഹികളായി സൗകര്യങ്ങൾ പറ്റുന്ന രാഷ്ട്രീയ നേതാക്കളുടെ സഹകരണ സംഘങ്ങളല്ല)പടുത്തുയർത്തി മൂല്ല്യ വർദ്ധിത ഉല്പന്നങ്ങുളുണ്ടാക്കി വിപണി മത്സരങ്ങളെ നേരിട്ട് കൃഷിക്കാരേയും തൊഴിലാളികളേയും രക്ഷിച്ചുകൊണ്ടാണ്. അതാണ് ഇടതു ബദൽ.
9.
മുതലാളിമാരെ അകറ്റി നിർത്തണം എന്നല്ല. അവർക്ക് ആനുകൂല്ല്യങ്ങൾ നൽകുകയും അവരെ ക്ഷണിക്കുകയും വേണം. പക്ഷേ അവരുടെ കാൽനക്കരുത്. ഒക്ടോബർ സോഷ്യലിസ്റ്റ് വിപ്ളവാനന്തരം ലെനിൻ നടപ്പിലാക്കിയ
'ന്യൂ എക്കണോമിക് പോളിസി' (NEP) മാതൃകയാണ്. ലോകത്താകമാനമുള്ള മുതലാളികളെ അദ്ദേഹം സോവിയറ്റ് യൂണിയനിലേക്ക് ക്ഷണിച്ചു. അവർക്ക് വമ്പിച്ച ആനുകൂല്ല്യങ്ങൾ പ്രഖ്യാപിച്ചു. ലാഭം കടത്തികൊണ്ടുപോകാനനുവദിച്ചു. പക്ഷേ ഒരു നിശ്ചിത കാലയളവിന് ശേഷം ആവശ്യമാണെങ്കിൽ നഷ്ടപരിഹാരം നൽകി ഫാക്ടറി സ്റ്റേറ്റ് ഏറ്റെടുക്കുമെന്ന് പ്രഖ്യാപിച്ചു.
10.
ചങ്ങാത്ത മുതലാളിത്തത്തിൻ്റെ
(Crony Capital) ഉത്തമമാതൃകയായ രാഷ്ടീയ മുതലാളിയാണ് സാബൂജേക്കബ്ബ്.
അയാൾക്ക് മുമ്പിൽ മുട്ടുമടക്കുന്നതിലല്ല;
അയാളെ മുട്ടുകുത്തിക്കുന്നിടത്താണ് ജനാധിപത്യവും ഇടതുപക്ഷവും വിജയിക്കുക.
അന്നാ അലൂമനിയവും കിറ്റക്സ് ലുങ്കിയും സാറാകറിപൗഡറും സ്കൂബീഡേ ബാഗുകളും മലയാളിക്കു വേണ്ട എന്ന് ജനകീയമായി തീരുമാനിച്ചാൽ തീരുന്ന പ്രശ്നമേയുള്ളൂ ഇത്.
പകരം ഉൽപാദക സഹകരണ സംഘങ്ങൾ സ്ഥാപിച്ച് ഈ ഉൽപന്നങ്ങൾ നിർമ്മിച്ച് ന്യായമായ വിലയിൽ
വിപണിയിലിറക്കാനുള്ള ഇച്ഛാശക്തി കാണിക്കണം.
അതാണ് ഇടതു ബദൽ.
അല്ലാതെ വായ്താരികളല്ല.
© എൻ വി ബാലകൃഷ്ണൻ കൊയിലാണ്ടി
14/07/2021
കോവിഡ് 19: അസംബന്ധങ്ങളുടെ
കാര്യകാരണം
ഉമേഷ് ബാബു. കെ. സി
കോവിഡ് 19 മഹാമാരിക്കു കാരണമായ സാര്‍സ് കോവ് 2 വൈറസ് ഉത്ഭവിച്ചത്, ചൈനീസ് പട്ടണമായ വുഹാനിലെ മാംസച്ചന്തയില്‍ നിന്നായാലും ശരി ഇനി അഥവാ അവിടത്തെ വൈറോളജി ഇന്‍സ്റ്റിറ്റ്യൂട്ടില്‍ നിന്നായാലും ശരി, അത് സൃഷ്ടിച്ച സാര്‍വദേശീയമായ ദുരന്തത്തിന് പിറകിലെ എല്ലാ കാരണങ്ങളും രാഷ്ട്രീയമാണ്. വൈറസിന്റെ ഉത്ഭവം, അതിന്റെ ആദ്യത്തെ പടര്‍ച്ച, അതിനെ പ്രതിരോധിക്കാനുപയോഗിച്ച തന്ത്രങ്ങള്‍, അതില്‍ പ്രത്യക്ഷപ്പെട്ട പലയിനം വിഭാഗീയതകള്‍, അതിലെല്ലാമുണ്ടായ പ്രാകൃതമായ അയുക്തികളും ഭയചകിതത്വവും, അതിലെല്ലാം നിറഞ്ഞുകണ്ട ഭരണവര്‍ഗ ഭ്രാന്തുകള്‍- ഇങ്ങനെ കൊറോണയെ സംബന്ധിച്ച എല്ലാറ്റിലും ഒരു ഒഴിയാബാധയായി രാഷ്ട്രീയം നിവര്‍ന്നു നിന്നു. ഒരുപക്ഷേ, ഇനി ഒരു ദശാബ്ദം കഴിയുമ്പോള്‍ പുറത്തുവരാനിടയുള്ള കൊറോണാക്കാലത്തെ സംബന്ധിച്ച ഏത് ഗൗരവമായ സാമൂഹ്യശാസ്ത്ര പഠനവും ഇതേപ്പറ്റി വിശകലനം ചെയ്തു ലജ്ജിക്കും. അത് ചരിത്രമെഴുത്തിന്റെ സ്വാഭാവികക്രമം. എന്നാല്‍, പ്രക്ഷോഭകാരികള്‍, ഇന്നത്തെ ജീവിതം, നാളത്തെ പഠനവസ്തുവായല്ല കാണേണ്ടത് എന്നതിനാല്‍, ഈ കൊറോണക്കാലം ഗൗരവമായ സവിസ്തര പഠനങ്ങള്‍ അര്‍ഹിക്കുന്നുണ്ട്.
കോവിഡ് 19 സംബന്ധിച്ചതെല്ലാം രാഷ്ട്രീയമായിരുന്നെന്ന് വാദിക്കുന്നതിന്റെ ഏറ്റവും പ്രധാനപ്പെട്ട കാരണം അതിന്റെ ഉത്ഭവത്തിലും ആദ്യഘട്ട പകര്‍ച്ചയിലും കണ്ട ദുരൂഹതകളാണ്. ചൈന ഒഴികെയുള്ള എല്ലാ രാജ്യങ്ങളും ആവര്‍ത്തിച്ച്
ചൂണ്ടിക്കാണിക്കുന്ന കാര്യമാണത്. വുഹാനില്‍ ഒരു പുതിയ ശ്വാസകോശരോഗം പടര്‍ന്നുപിടിക്കുന്നതിനെക്കുറിച്ച് വുഹാന്‍ സെന്‍ട്രല്‍ ആശുപത്രിയിലെ നേതൃരോഗ വിദഗ്ധനായിരുന്ന ഡോ. ലി വെന്‍ ലിയാങ്, 2019 ഡിസംബര്‍ 30നു തന്നെ സുഹൃത്തുക്കള്‍ക്ക് മുന്നറിയിപ്പ് നല്‍കിയതും അതിന്റെ പേരില്‍ 2020 ജനുവരി 4ന്, ചൈനയെ അപമാനിക്കുന്നവനായി അദ്ദേഹത്തെ സുരക്ഷാ ഏജന്‍സികള്‍ താക്കീത് ചെയ്തതും, ജനുവരി 10ന് അദ്ദേഹം തന്നെ കൊറോണാ ബാധിതനാവുകയും ഫെബ്രുവരി 5ന് മരണമടയുകയും ചെയ്ത കാര്യങ്ങള്‍ പ്രസിദ്ധമാണ്. ഡോ. ലി വെന്‍ ലിയാങ്ങിന്റെ മുന്നറിയിപ്പിനു ശേഷം നിര്‍ണായകമായ മൂന്നാഴ്ചകള്‍ കൂടി നഷ്ടപ്പെടുത്തി. 2020 ജനുവരി 20ന് മാത്രമാണ് ചൈന കൊറോണയ്‌ക്കെതിരായ ആരോഗ്യ അടിയന്തിരാവസ്ഥ പ്രഖ്യാപിക്കുന്നത്. ലോകത്തെ ഏറ്റവും മികച്ച വൈറോളജി ഇന്‍സ്റ്റിറ്റ്യൂട്ടുകളിലൊന്ന്, ഇതേ വുഹാന്‍ നഗരത്തില്‍ത്തന്നെ ഉണ്ടായിരിക്കവേത്തന്നെയാണ്, പിന്നീട് ലോകത്തെ നശിപ്പിക്കുമാറുള്ള അത്ഭുതകരമായ ഈ അലംഭാവം ചൈന കാണിക്കാനിടവന്നത്. അതില്‍ കാണുന്നതാണ് കോവിഡ് 19ന്റെ ഉത്ഭവത്തിനു പിന്നിലെ രാഷ്ട്രീയം. അത് നവലിബറല്‍ വ്യവസ്ഥകളും അതിന്റെ ദേശീയതാ രാഷ്ട്രീയവുമായി ബന്ധപ്പെട്ടതാണ്.
1970കള്‍ക്ക് ശേഷം, ലോകത്തെങ്ങും നിലവില്‍ വന്ന നവമുതലാളിത്ത വ്യവസ്ഥകള്‍, എല്ലാ ദേശീയ രാഷ്ട്രങ്ങള്‍ക്കും ഇതിനകം ഒരു അതി ദേശീയതാ വ്യക്തിത്വം സൃഷ്ടിച്ചുകൊടുത്തിട്ടുണ്ട്. രണ്ടാം ലോക മഹായുദ്ധത്തിനു ശേഷം ആഗോളമായി നിലവില്‍ വന്ന സാര്‍വദേശീയതാ ബോധത്തിന്റെ നേര്‍വിപരീതമായ ഒരു അതി ദേശീയതാ രാഷ്ട്രബോധമാണ് ഇപ്പോള്‍ നിലനില്‍ക്കുന്നത്. ഐക്യരാഷ്ട്രസഭയും ലോകാരോഗ്യ സംഘടനയുള്‍പ്പെടെയുള്ള അതിന്റെ വ്യത്യസ്ത ഏജന്‍സികളും ഇപ്പോള്‍ നേരിടുന്ന ദുര്‍ബലാവസ്ഥ ഇതിന്റെ ഫലമാണ്. ചൈനയെപ്പോലുള്ള ഏകാധിപത്യരാജ്യങ്ങളിലാണെങ്കില്‍, ഈ അതിദേശീയതാ വാദത്തിന് കീഴ്‌പ്പെടാത്തതൊന്നും പൊറുപ്പിക്കാത്ത അവസ്ഥയാണ് നിലവിലുള്ളത്. യാന്ത്രിക കമ്മ്യൂണിസ്റ്റ്‌വാദികള്‍ എന്തൊക്കെപ്പറഞ്ഞാലുംശരി, ചൈന ഇപ്പോള്‍ ഒരു നവ കണ്‍ഫ്യൂഷ്യന്‍ തീവ്ര ഹാന്‍ ദേശീയവാദ രാഷ്ട്രമാണ്. ആ രാജ്യത്തിന്റെ ആഭ്യന്തരവും വൈദേശികവുമായ എല്ലാ നടപടികളും അതിന്റെ തെളിവാണ്. സാര്‍വലൗകികമായ മനുഷ്യരാശിയുടെ ഭാവി എന്നൊരു പരിഗണനാ സ്പര്‍ശം പോലും ചൈനയ്ക്ക് ഇപ്പോഴില്ല. അതുകൊണ്ടാണ് ചൈനയില്‍ ഡോ. ലീ വെന്‍ ലിയാങ്ങിന്റെ 2019 ഡിസംബര്‍ 30ന്റെ കോവിഡ് താക്കീത് പോലിസ് മുറയില്‍ നേരിടാനിടവന്നതും പിന്നീട് 2020 ജനുവരി 20ന് മാത്രം കോവിഡ് മുന്നറിയിപ്പ് ഔദ്യോഗികമായി നല്‍കിക്കൊണ്ട് ഫലത്തില്‍ ലോകത്തെ അനേകം പ്രദേശങ്ങളിലേക്ക് കൊറോണ കയറ്റുമതി ചെയ്യപ്പെടുന്നതുമായ സാഹചര്യം അവര്‍ സൃഷ്ടിച്ചതും. ഒരു ദേശീയ രാഷ്ട്രത്തെക്കുറിച്ചുള്ള അവിടത്തെ അധികാരികളുടെ പ്രാകൃതമായ ദുരഭിമാനം, മനുഷ്യരാശിയെ ഒന്നടങ്കം നിലയില്ലാക്കയത്തിലേക്ക് തള്ളിനീക്കിയതിന്റെ വസ്തുതാപരമായ ചിത്രമാണിത്. വുഹാനിലെ കൊറോണ വൈറസ് ബാധ റിപോര്‍ട്ട് ചെയ്ത കുറ്റത്തിന് ഷാങ് ഷാന്‍ എന്ന 37കാരി സാമൂഹിക പത്രപ്രവര്‍ത്തക നാല് വര്‍ഷം തടവിന് ശിക്ഷിക്കപ്പെട്ട വിചിത്ര വാര്‍ത്തകൂടി ചൈനയില്‍ നിന്ന് പുതുതായി കേള്‍ക്കുന്നു.
എന്നാല്‍, കോവിഡ് 19 സംബന്ധിച്ച രാഷ്ട്രീയത്തിന്റെ അടുത്ത കാഴ്ചയും ഇതേത്തുടര്‍ന്ന് ചൈനയില്‍ നിന്നുതന്നെ ഉണ്ടാകുന്നുണ്ട്. കോവിഡ് ബാധ ആദ്യമുണ്ടായ ചൈന തന്നെയാണ് ജനസംഖ്യാനുപാതമായി കാണുമ്പോള്‍ ഇതുവരെയുള്ള ലോകാനുഭവത്തില്‍ ഈ രോഗത്തെ ഏറ്റവും ഫലപ്രദമായി നേരിട്ട രാജ്യം. 2020 നവംബര്‍ 23വരെയുള്ള കണക്കനുസരിച്ച് 92,000 രോഗികളും 4,742 മരണങ്ങളുമാണ് 144 കോടി ജനങ്ങളുള്ള ചൈനയില്‍ ഉണ്ടായിട്ടുള്ളത്. പക്ഷേ, ചൈന കോവിഡ് 19നെ ഇത്രയും വിജയകരമായി നേരിട്ടതിന്റെ വിശദാംശങ്ങള്‍ പലതും ഇപ്പോഴും ലോകത്തിന് അജ്ഞാതമാണ്. അതു നിര്‍ബന്ധമായും ലഭിക്കേണ്ടിയിരുന്ന ലോകാരോഗ്യസംഘടന തന്നെയും ഇക്കാര്യത്തില്‍ അജ്ഞരാണ്. നവലിബറല്‍ സമ്പദ് രാഷ്ട്രീയത്തിന്റെ ക്രൂരയുക്തികള്‍ മനുഷ്യകുലത്തിന്റെ ഭാവിയെപ്പോലും ഇരുട്ടിലാഴ്ത്തിയതിന്റെ ഭ്രമാത്മക ചിത്രമാണിത്. നാല് ചൈനീസ് കമ്പനികള്‍ നിര്‍മിച്ചുകൊണ്ടിരിക്കുന്ന അഞ്ച് പ്രതീക്ഷിത വാക്‌സിനുകളെക്കുറിച്ചുള്ള കഥകള്‍ മാത്രം ആ രാജ്യം വിശദമായി പ്രചരിപ്പിച്ചുകൊണ്ടിരിക്കുന്നുണ്ട്. ഇപ്പോള്‍ ഒന്നിലേറെ രാജ്യങ്ങളില്‍ ഉപയോഗാനുമതി നേടിക്കഴിഞ്ഞ ഫൈസര്‍ വാക്‌സിന്റെ പ്രധാന സാമ്പത്തിക പങ്കാളിയായ ഗ്ലാക്‌സോ സ്മിത്ത് ക്ലയ്ന്‍ കമ്പനിയാണ്, വുഹാനിലെ ചൈനീസ് ബയോളജിക്കല്‍ ഇന്‍സ്റ്റിറ്റ്യൂട്ടിന്റെ പ്രധാന നിക്ഷേപകര്‍ എന്നുകൂടി മനസ്സിലായാല്‍, കോവിഡ് 19 മഹാമാരിയുടെ പിറകിലെ നിര്‍ദ്ദയമായ നവലിബറല്‍ സമ്പദ്‌രാഷ്ട്രീയം തെളിഞ്ഞുകിട്ടും.
2020 ഫെബ്രുവരി അവസാനം ചൈനയിലെ വുഹാന്‍ നഗരത്തില്‍ നിന്നു മടങ്ങിയെത്തിയ, ലോകാരോഗ്യ സംഘടയിലെ ഒരു ഉയര്‍ന്ന ഉദ്യോഗസ്ഥനായ കാനഡക്കാരന്‍ ബ്രൂസ് എയ്ല്‍വാര്‍ഡാണ് (ആൃൗരല അ്യഹംമൃറ) കോവിഡ് കാര്യത്തില്‍ 'ചൈനയെ കണ്ടുപഠിക്കാന്‍' ലോകത്തെ ഉപദേശിക്കുന്നത്. കര്‍ശനമായ ലോക്ക്ഡൗണ്‍ തന്ത്രങ്ങളിലൂടെയാണ് ചൈന രോഗപ്പകര്‍ച്ചയെ വിജയകരമായി തടയുന്നതെന്നും അതുകൊണ്ട് അതു പകര്‍ത്താനും അദ്ദേഹം മറ്റ് ലോകരാജ്യങ്ങളെ ഉപദേശിച്ചു. അങ്ങനെയാണ് കോവിഡ് പകര്‍ച്ചയെ തടയാന്‍ ലോകരാജ്യങ്ങള്‍
മിക്കതും, ഇന്ത്യയുള്‍പ്പെടെ വളരെ അയഥാര്‍ത്ഥവും അന്ധവുമായ നിലയിലുള്ള സമ്പൂര്‍ണ ലോക്ക് ഡൗണ്‍ പ്രക്രിയയിലേക്ക് നീങ്ങിയത്. ഒട്ടുമേ ശാസ്ത്രീയ പഠനങ്ങളെ ആശ്രയിക്കാതെയും, പരിപൂര്‍ണമായ രാഷ്ട്രീയമുന്‍ഗണന മാത്രം വച്ചുമാണ്, ഇന്ത്യയുള്‍പ്പെടെയുള്ള മിക്ക രാജ്യങ്ങളും സമ്പൂര്‍ണ ലോക്ക് ഡൗണിലേക്ക് നീങ്ങിയതെന്ന കാര്യം വിമര്‍ശകര്‍ നിരന്തരമായി ചൂണ്ടിക്കാട്ടിയിട്ടുണ്ട്. 135 കോടി ജനങ്ങളുള്ള ഇന്ത്യാ മഹാരാജ്യം സമ്പൂര്‍ണ ലോക്ക് ഡൗണിനായി ഇത്രയും മനുഷ്യര്‍ക്ക് നല്‍കിയത് വെറും നാല് മണിക്കൂറിന്റെ ഇടവേളായിരുന്നെന്ന വസ്തുതയെ മുന്‍നിര്‍ത്തി ഇനി വരുന്ന തലമുറകള്‍ പരിഹാസം ചൊരിയാതിരിക്കില്ല. അത് ഈ രാജ്യത്തുണ്ടാക്കിയ, ചരിത്രത്തില്‍ സമാനതകളില്ലാത്ത മനുഷ്യപലായനത്തിന്റെയും മാനുഷികമായ മഹാദുരന്തത്തിന്റെയും കൃത്യമായ പഠനങ്ങളൊന്നും പുറത്തു വരാതിരിക്കാനും ഭരണകൂടം ശ്രദ്ധിച്ചു. സത്യത്തില്‍, നവലിബറല്‍ രാജ്യങ്ങളില്‍ ശക്തമായി രൂപപ്പെട്ടുവന്നിരുന്ന സര്‍വൈലന്‍സ് സ്റ്റേറ്റിന്റെ ഏറ്റവും മാരകമായ ആവിഷ്‌കാരമായാണ്, അശാസ്ത്രീയമായ സമ്പൂര്‍ണ ലോക്ക്ഡൗണുകള്‍ മാറിയത്. ജനതകളെ ഒന്നടങ്കം നിരീക്ഷിച്ചുകൊണ്ടിരിക്കാന്‍ മാത്രമല്ല, അവരെ ഒന്നടങ്കം നിശ്ചലമാക്കി അടച്ചിടാനും ഭരണകൂടത്തിന് കഴിയുമെന്ന് കോവിഡ് 19 പകര്‍ച്ചയുടെ തുടക്കക്കാലം തെളിയിച്ചു. അതാണ്, അതിന്റെ മാരകമായ മറ്റൊരു നവലിബറല്‍ രാഷ്ട്രീയം.
എന്നാല്‍ ചൈന ഇങ്ങനെയൊന്നുമല്ല ലോക്ക് ഡൗണ്‍ തന്ത്രങ്ങള്‍ ഉപയോഗിച്ചതെന്ന് ഈയടുത്തായി ലോകത്തിനറിയാം. അവര്‍ ആദ്യം വൈറസ് ബാധയുണ്ടായ വുഹാന്‍ പ്രവിശ്യയും ഹൂബെയ് പ്രവിശ്യയും അടച്ചിട്ടു. ജനുവരി 23 മുതല്‍ ഏപ്രില്‍ 16 വരെ. ഒപ്പം ഫെബ്രുവരി മാസം രാജ്യം മുഴുവന്‍ അടച്ചിട്ടു. ചില പ്രവിശ്യകളില്‍ അവര്‍ അത് മാര്‍ച്ച് വരെ തുടര്‍ന്നു. ഒപ്പം അവര്‍ വ്യാപകമായ രോഗപരിശോധനയും രോഗീസമ്പര്‍ക്ക പരിശോധനയും കൂടി നടപ്പാക്കിക്കൊണ്ടാണ് രോഗത്തെ വരുതിയിലാക്കിയത്. 2020 ഒക്ടോബറില്‍, ക്വിങ് ദാവോ എന്ന ചൈനീസ് നഗരത്തില്‍ രോഗബാധയുണ്ടായപ്പോള്‍, അവര്‍ വെറും അഞ്ച് ദിവസം കൊണ്ട് 10.92 ദശലക്ഷം വരുന്ന മുഴുന്‍ പൗരന്മാരെയും കോവിഡ് 19 പരിശോധനയ്ക്ക് വിധേയരാക്കി. പത്ത് സാംപിളുകള്‍ ഒന്നിച്ചു കലര്‍ത്തി ഒറ്റ പരിശോധന നടത്തുന്ന പൂള്‍ഡ് ടെസ്റ്റിങ് രീതിയാണ് അതിന് ഉപയോഗിച്ചത്. അങ്ങനെ, അവര്‍ രോഗബാധ നിയന്ത്രിച്ചു. ഇത് 2020 ഒക്ടോബര്‍ മാസത്തെ കഥ. എന്നാല്‍, ഇതേ നഗരത്തിന്റെ 2020 ഫെബ്രുവരി മാസത്തെ ആരോഗ്യരക്ഷാസംവിധാനത്തിന്റെ അവസ്ഥയെടുത്താല്‍, പൊതുജനാരോഗ്യരംഗത്തെ അവഗണിക്കുന്ന നവലിബറല്‍ സമ്പദ്ശാസ്ത്ര ക്രമങ്ങള്‍, എങ്ങനെയാണ് കോവിഡ് 19 മഹാമാരി മനുഷ്യരാശിക്ക് വരുത്തിത്തീര്‍ത്ത ദുരന്തത്തിന്റെ യഥാര്‍ത്ഥ രാഷ്ട്രീയകാരണമായിരിക്കുന്നതെന്ന് കാണാന്‍ കഴിയും. സോഷ്യലിസ്‌റ്റെന്ന് കരുതപ്പെടുന്ന ചൈനയിലെ ക്വിങ് ദാവോ എന്ന ഈ നഗരത്തില്‍ 2019 ഫെബ്രുവരിയില്‍ പ്രതിദിനം 2000 കോവിഡ് സാംപിളുകള്‍ പരിശോധിക്കാനുള്ള സംവിധാനമേ ഉണ്ടായിരുന്നുള്ളൂ. ഒക്ടോബര്‍ മാസമായപ്പോഴേക്ക് അവര്‍ അത് പ്രതിദിനം 2,50,000 സാംപിളുകള്‍ എന്ന നിലയിലേക്ക് ഉയര്‍ത്തി.
2002ല്‍ മറ്റൊരു കൊറോണാ വൈറസ് ബാധയായ സാര്‍സ് രോഗം അഭിമുഖീകരിച്ച ചൈനയെന്ന വികസിതരാജ്യം പോലും പൊതുജനാരോഗ്യകാര്യത്തില്‍ കാണിച്ച നവലിബറല്‍ സമ്പദ്ശാസ്ത്രബാധയുടെയും എന്നാല്‍, ആ രാജ്യത്തിന്റെ യഥാര്‍ത്ഥമായ സാമ്പത്തിക സാധ്യതയുടെയും രണ്ട് ഘട്ടങ്ങളെയാണ്, 2020 ഫെബ്രുവരിയിലെയും ഒക്ടോബറിലെയും, ആ നഗരത്തിന്റെ സമാനതകളില്ലാത്ത രണ്ട് അനുഭവങ്ങള്‍ ചൂണ്ടിക്കാട്ടുന്നത്. ചുരുക്കിപ്പറഞ്ഞാല്‍, മനുഷ്യകുലത്തിന്റെ ഭാവിക്ക് മുഴുവന്‍ മാരകമാണെന്ന് മറ്റു പല മാനദണ്ഡങ്ങളിലും തെളിഞ്ഞു കഴിഞ്ഞ നവലിബറല്‍ സമ്പദ് രാഷ്ട്രീയമാണ്, അല്ലാതെ സാര്‍സ് കോവ് 2 വൈറസല്ല, കോവിഡ് 19 കാലത്തെ ഒരു മനുഷ്യ മഹാദുരന്തമാക്കി മാറ്റിയത്.
സത്യത്തില്‍, കോവിഡ് 19 പകര്‍ച്ച തടയാന്‍ സമ്പൂര്‍ണ ലോക്ക് ഡൗണാണ് പരിഹാരമെന്ന ചൈനീസ് പാഠവും, ഒരു നവലിബറല്‍ രാഷ്ട്രീയ പ്രേരിത നിലപാടല്ലാതെ മറ്റൊന്നുമല്ലെന്നതും ഇപ്പോള്‍ വ്യക്തമായിക്കൊണ്ടിരിക്കുകയാണ്. ഏത് പകര്‍ച്ചവ്യാധിയും തടയാനുള്ള യഥാര്‍ത്ഥ മാര്‍ഗം രോഗികളെ കണ്ടെത്തി വേറിട്ട് നിര്‍ത്തി ചികില്‍സിക്കുകയാണെന്ന, വൈദ്യശാസ്ത്രസംബന്ധിയായ പ്രാഥമികയുക്തിയാണ് അവിടെ അട്ടിമറിക്കപ്പെട്ടത്. ശ്രീലങ്കയിലെ കൊളമ്പോയില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഫോര്‍ ഹെല്‍ത്ത് പോളിസിയിലെ ഡോ. രവീന്ദ്ര പ്രസന്‍ റണ്ണന്‍ ഏലിയയും സംഘവും നടത്തി, പ്രാമാണികമായ അമേരിക്കന്‍ ഹൈല്‍ത്ത് ജേര്‍ണലായ ഹെല്‍ത്ത് ഫാക്‌ടേസ് പ്രസിദ്ധീകരിക്കാനിരിക്കുന്ന പഠനം ഇത് തെളിയിക്കുന്നു. വ്യാപകമായ പിസിആര്‍ പരിശോധനയും കോവിഡ് രോഗപ്പകര്‍ച്ചയിലെ കുറവും തമ്മിലെ നേര്‍ക്കുനേര്‍ ബന്ധം ഈ പഠനം കണ്ടെത്തുന്നുണ്ട്. വ്യാപക പരിശോധനയും രോഗനിരക്കും തമ്മിലെ അനുപാതം (ഹൈ ടെസ്റ്റ് ടു കേസ് റേഷ്യോ) വഴി വിയറ്റ്‌നാം എങ്ങനെയാണ് രോഗപ്പകര്‍ച്ച പൂര്‍ണമായും അവസാനിപ്പിച്ചതെന്ന് ഈ പഠനം എടുത്തുകാണിക്കുന്നു. ലോക്ക് ഡൗണിലൂടെ തടയാന്‍ കഴിഞ്ഞ കോവിഡ് രോഗപ്പകര്‍ച്ച വളരെ നിസ്സാരമാണെന്ന് ഈ പഠനം കണ്ടെത്തുന്നുണ്ട്. 2020 മാര്‍ച്ച് 24 മുതല്‍ മെയ് 30 വരെയായി 68 ദിവസം രാജ്യം പൂര്‍ണമായും അടച്ചിട്ട ഇന്ത്യയിലായാലും, ബൊളീവിയ, പെറു, ചിലി തുടങ്ങിയ രാജ്യങ്ങളിലായാലും, ലോക്ക്ഡൗണ്‍ കോവിഡ് കാര്യത്തില്‍ പൊതുവെ നിഷ്ഫലമായിരുന്നെന്ന് ഡോ. രവീന്ദ്രയും സംഘവും പറയുന്നു. വാക്‌സിനുകള്‍ പ്രയോഗത്തില്‍ വന്നുകഴിഞ്ഞാല്‍പ്പോലും കോവിഡിനെ തുരത്താനുളള പ്രധാനപ്പെട്ട മാര്‍ഗം രാജ്യവ്യാപമായ പിസിആര്‍ ടെസ്റ്റുകളാണെന്ന് ഈ ശാസ്ത്രീയ പഠനം സ്ഥാപിക്കുന്നു. എങ്കിലും, നമ്മുടെ നാട്ടിലെ മിക്ക ശാസ്ത്രവാദികളും വിദഗ്ധരും ഇപ്പോഴും ലോക്ക് ഡൗണ്‍ ഭക്തന്മാരായി തുടരുകയാണ്. അവിടെയാണ് രാഷ്ട്രീയത്തിന്റെ കരുത്ത് കാണേണ്ടത്. നവലിബറല്‍ വ്യവസ്ഥകള്‍ എല്ലാ നാടുകളേയും വരേണ്യരില്‍ ഭൂരിഭാഗത്തേയും അസ്വാതന്ത്ര്യത്തിന്റെ അടിമകളാക്കി മാറ്റിയിട്ടുണ്ട്. കോവിഡ് രോഗഭീതി അതിന്റെ വ്യാപ്തി വര്‍ധിപ്പിച്ചിട്ടേയുള്ളൂ.
കോവിഡ് 19 രോഗം ലോകത്ത് പകരാന്‍ തുടങ്ങിയ 2020 ജനുവരി മുതല്‍ ഇതിനെതിരേ സ്വീകരിച്ച വൈദ്യപ്രതിരോധ തന്ത്രങ്ങളിലും ഇതുതന്നെയാണ് സംഭവിച്ചത്. സാര്‍സ് കോവ്2 വൈറസിനോ, അതുണ്ടാക്കുന്ന രോഗാവസ്ഥയ്‌ക്കെതിരേയോ സ്വന്തമായി ഒരു മരുന്നുമില്ലാത്ത അലോപ്പതി വൈദ്യം മാത്രമേ കോവിഡില്‍ ഉപയോഗിക്കാവൂ എന്നൊരു തീരുമാനം നടപ്പാക്കപ്പെട്ടു. അങ്ങനെ വന്നതില്‍ എല്ലാവര്‍ക്കുമറിയാവുന്ന ഒരു കാരണമുണ്ട്. കഴിഞ്ഞ ഒരു മുക്കാല്‍ നൂറ്റാണ്ടുകൊണ്ട്, ആധുനിക വ്യവസായ നാഗരികത, വൈദ്യം സമം അലോപ്പതി എന്നൊരു സമവാക്യം സൃഷ്ടിച്ചെടുത്തിട്ടുണ്ട്. അതുകൊണ്ട് അത് സ്വാഭാവികമാണ്. എന്നാല്‍ ഇതിലുള്ള രണ്ടാമത്തെ കാരണം വളരെ കുറച്ച് ആളുകള്‍ക്കേ അറിയൂ. അത് വ്യാവസായികമായ ഒരു കാരണമാണ്. ഇപ്പോള്‍ ലോകത്ത് ആധിപത്യം സ്ഥാപിച്ചു നില്‍ക്കുന്ന ആതുരശുശ്രൂഷ സമ്പ്രദായം, അലോപ്പതി വൈദ്യമാണോ അതോ മറിച്ച് അലോപ്പതി വൈദ്യവ്യവസായമാണോ എന്ന അടിസ്ഥാന ചോദ്യവുമായി ബന്ധപ്പെട്ടതാണത്.
ലോകത്ത് കോവിഡ് 19 പടര്‍ന്നു തുടങ്ങിയപ്പോള്‍ അലോപ്പതി വൈദ്യവ്യവസ്ഥ, സ്വാഭാവികമായും വലിയ ആശയക്കുഴപ്പത്തിലായിരുന്നു. തീര്‍ത്തും അപരിചിതമായ നിലയില്‍ മനുഷ്യരെ ആക്രമിച്ച് കീഴ്‌പ്പെടുത്തുന്ന ഈ പുതിയ വൈറസ്‌വൈദ്യവൃത്തങ്ങളില്‍ അമ്പരപ്പുണ്ടാക്കി. ഈ ലേഖനത്തില്‍ മുമ്പ്
പരിശോധിച്ച നിലയില്‍ രാഷ്ട്രീയാധികാരികള്‍ വിതച്ച ഭീകരമായ ഭയഗ്രസ്തത കൂടിയതോടെ കോവിഡെന്നാല്‍ മരണമെന്നൊരു ചിത്രം സാമൂഹ്യമായി രൂപപ്പെടുന്നത് വൈദ്യവൃത്തങ്ങളും കണ്ടുനിന്നു. നവലിബറല്‍ കാലത്തെ ഏറ്റവും കഴുത്തറപ്പനായ വ്യവസായ മേഖലയിലൊന്നായിത്തീര്‍ന്നിരുന്ന അലോപ്പതി വൈദ്യവ്യവസായത്തിന് മറ്റൊന്നും ചെയ്യാനാവുമായിരുന്നില്ല. മലേറിയക്കുള്ള മരുന്നായ ഹൈഡ്രോക്‌സി ക്ലോറോക്വിന്‍ സള്‍ഫേറ്റ്, കൊറോണയെ ചികില്‍സിക്കാനുള്ള മാന്ത്രിക മരുന്നാണെന്നൊരു പ്രചാരണം അവര്‍ ആസൂത്രിതമായി അഴിച്ചുവിട്ടു. ഉയര്‍ന്ന ഡോസുകളില്‍ അത്യന്തം മാരകമായ പാര്‍ശ്വഫലം രോഗികളില്‍ സൃഷ്ടിക്കുന്ന ഈ മരുന്ന് അനാവശ്യമായ അനവധി അനവധി മരണങ്ങള്‍ വരെ സൃഷ്ടിക്കുന്നതുകണ്ട, ലോകാരോഗ്യസംഘടന, പിന്നീട് ഈ മരുന്ന് വിലക്കിയെങ്കിലും, ലോക
ത്ത് പലയിടത്തും, കോവിഡിനെതിരേ ഇത് ഇപ്പോഴും ഉപയോഗത്തിലുണ്ട്. തുടര്‍ന്ന് നടന്നതും ഇതേ പോലെ വിചിത്രമായിരുന്നു. പലയിനം വൈറസുകള്‍ക്കെതിരേയെന്ന നിലയില്‍ രൂപപ്പെടുത്തപ്പെട്ടതും ക്ലിനിക്കല്‍ പരീക്ഷണങ്ങളില്‍ കൃത്യമായ ഫലപ്രാപ്തി തെളിയിക്കപ്പെടാത്തതുപോലുമായ സര്‍വ മരുന്നുക
ളും പരീക്ഷണാടിസ്ഥാനത്തില്‍ കോവിഡ് രോഗികള്‍ക്ക് നല്‍കാനുള്ള തീരുമാനം എങ്ങനെയെല്ലാമോ ലോകമെങ്ങും നടപ്പിലായി. ലോപിനാവിര്‍, റെട്ടൊണാവിര്‍ സംയുക്തം, ഫാവിപിരാവിര്‍, റെംഡെസിവിര്‍, ടോസിലി സുമാബ്, ഐവര്‍ മെക്ടിന്‍ തുടങ്ങിയ നിരവധി മരുന്നുകള്‍ ഇങ്ങനെ ഉപയോഗിക്കപ്പെട്ടു. ഇപ്പോഴൊടുവില്‍, ഇവയില്‍ റെംഡെസിവിര്‍ എന്ന മരുന്നിന്റെ ഉപയോഗം മാത്രമാണ് ലോകാരോഗ്യസംഘടന അംഗീകരിക്കുന്നതെന്നിടത്താണ് കാര്യങ്ങള്‍ എത്തിനില്‍ക്കുന്നത്. അതായത് കോവിഡ് കാലത്തിന്റെ അനിശ്ചിതത്വത്തെ, തങ്ങളുടെ മരുന്ന് പരീക്ഷണങ്ങള്‍ക്കും അനിയിന്ത്രിതമായ വില്‍പ്പനയ്ക്കുള്ള സുവര്‍ണാവസരമായി അലോപ്പതി വൈദ്യവ്യവസായം മാറ്റിത്തീര്‍ത്തു.
സോപ്പു വെള്ളത്തില്‍ കുതിര്‍ത്തുവച്ചാല്‍ സാര്‍സ് കോവ് 2 വൈറസ് നശിക്കുമെന്ന് ഉറപ്പിച്ചുപറയുന്നതിനിടയില്‍ തന്നെയാണ്, ഓരോ കോവിഡ് രോഗിയും ഉപയോഗിച്ച ബക്കറ്റും കപ്പും വരെയുള്ള സര്‍വ വസ്തുക്കളും കത്തിച്ചു നശിപ്പിക്കുന്ന പ്രവര്‍ത്തനം കേരളത്തില്‍ വരെ നടന്നത്. കോവിഡ് 19ന്റെ മറവില്‍ നടമാടിയ വ്യവസായിക രാഷ്ട്രീയത്തിന്റെ ദുസ്സാമര്‍ത്ഥ്യങ്ങള്‍ ഇങ്ങനെ പറഞ്ഞാല്‍ തീരില്ല. അവിടെ വൈദ്യയുക്തികള്‍ പൂര്‍ണമായും വ്യവസായയുക്തികള്‍ക്കും സാമ്പത്തിക യുക്തികള്‍ക്കും കീഴ്‌പ്പെട്ടു.
ഇതോടൊപ്പം സംഭവിച്ച മറ്റൊരു ദുരൂഹമായ കാര്യവും കൊറോണയുടെ മറവില്‍ നടന്ന വ്യവസായ-സാമ്പത്തികാധീശത്വ യുക്തിയുടെ തേരോട്ടം വെളിപ്പെടുത്താന്‍ പോന്നതാണ്. വൈറസ് ബാധകളെ പ്രതിരോധിക്കുന്നതില്‍ ഒന്നിലധികം
നൂറ്റാണ്ടുകളായി കാര്യക്ഷമത തെളിയിച്ചിട്ടുള്ള ആയുര്‍വ്വേദം, ഹോമിയോപ്പതി പോലുള്ള ഇതര വൈദ്യസമ്പ്രദായങ്ങളെ മുഴുവന്‍ കോവിഡ് പ്രതിരോധത്തില്‍ നിന്നും മാറ്റിനിര്‍ത്താനുള്ള ആസൂത്രിത ശ്രമങ്ങളുണ്ടായി. ഇവയെല്ലാം അശാസ്ത്രീയമാണെന്ന് പൊടുന്നനെ ഘോരഘോരം പ്രചരിപ്പിക്കപ്പെട്ടു.
എന്നാല്‍, ആധുനികകാലത്ത് പ്രചാരത്തിലുള്ള അലോപ്പതി, ആയുര്‍വ്വേദം, ഹോമിയോ തുടങ്ങിവയെല്ലാം വ്യവസ്ഥാപിതമായ വെവ്വേറെ ഫാര്‍മാകോപ്പിയകളെ അടിസ്ഥാനമാക്കി പ്രവര്‍ത്തിക്കുന്നവയാണെന്നും ഓരോന്നിനും അതിന്റെ ഉള്ളടക്കത്തിലുള്ള യുക്തികളാണ് നിലവിലുള്ളതെന്നുമുള്ള വാസ്തവം അട്ടിമറിക്കപ്പെട്ടു. കോവിഡ്-19ന് സ്വന്തമായി ഒരു മരുന്നുമില്ലാത്ത അലോപ്പതിയുടെ പേരില്‍, മറ്റ് വൈദ്യസമ്പ്രദായങ്ങളുടെ തെളിവ് മൂല്യം ചോദിക്കുന്ന അസംബന്ധംവരെ അരങ്ങേറി. വൈദ്യത്തിലെ ഒരേയൊരു അടിസ്ഥാന തെളിവ് രോഗശാന്തിയാണെന്ന പ്രാഥമിക വൈദ്യപാഠം പോലും ഓര്‍മിപ്പിക്കാന്‍ ആളുകളുണ്ടായില്ല. മാധ്യമങ്ങള്‍ പോലും ഈ ദുര്‍വൃത്തിക്ക് കൂട്ടുനില്‍ക്കാന്‍ കൊറോണ പകര്‍ച്ച മറയായിത്തീര്‍ന്നു. ഫലത്തില്‍, നവലിബറല്‍ വ്യവയായ നാഗരികതയുടെ നെടുംതൂണുകളിലൊന്നായ, അലോപ്പതി വൈദ്യവ്യവസായത്തിന്റെ അധീശത്വമുറപ്പാക്കാന്‍, ബദല്‍ വൈദ്യസമ്പ്രദായങ്ങളെ മുഴുവന്‍ ആക്രമിച്ചു നശിപ്പിക്കാനുള്ള അവസരമായി കൊറോണക്കാലം മുതലെടുക്കപ്പെട്ടു. ഇന്ത്യയിലാണെങ്കില്‍, കൊറോണക്കെതിരേ, ഹോമിയോ പ്രതിരോധമരുന്ന് നല്‍കാനുള്ള കേന്ദ്ര ആയുഷ് മന്ത്രാലയത്തിന്റെ നിര്‍ദേശം പോലും മിക്ക സംസ്ഥാനങ്ങളിലും പാലിക്കപ്പെട്ടില്ല. പല ഹോമിയോ മെഡിക്കല്‍ കോളജുകള്‍ സ്വന്തമായുള്ള കേരള സര്‍ക്കാരും ഇതിന് എതിര്‍നിന്നു.
അതുകൊണ്ട് ഹോമിയോ പ്രതിരോധ മരുന്ന് വിതരണം ചെയ്തയിടങ്ങളില്‍ അതുണ്ടാക്കിയ ഫലപ്രാപ്തിയെക്കുറിച്ചുള്ള കണക്കുകള്‍ ഇപ്പോള്‍ ആയുഷ്മന്ത്രാലയം പുറത്തുവിടുമ്പോള്‍ അതു നല്‍കാനുള്ള വിവേകം മാധ്യമങ്ങള്‍ക്കുപോലും വേണ്ടതല്ലാതായി.
ഒടുവിലിപ്പോള്‍ കാര്യങ്ങള്‍, ആധുനിക വൈദ്യവ്യവസായം കൊറോണയുടെ തുടക്കം മുതലേ ആഗ്രഹിച്ചപോലെ വാക്‌സിനില്‍ തന്നെ എത്തി. വൈദ്യവ്യവസായത്തിന്റെ ചരിത്രത്തില്‍ കൊറോണ വാക്‌സിനുവേണ്ടി നടന്നതുപോലൊരു കിടമല്‍സരം മറ്റൊന്നിനും വേണ്ടി നടന്നിട്ടുണ്ടാവില്ല. നൂറ്റി അമ്പത്തിരണ്ടോ മറ്റോ കാന്‍ഡിഡേറ്റ് വാക്‌സിനുകളാണ് മല്‍സരത്തിലുണ്ടായിരുന്നത്. അതിലും പക്ഷേ, അമേരിക്കന്‍ കമ്പനികളായ ഫൈസറും മൊഡേണയും തന്നെ ജയിച്ചുവെന്നാണ് കരുതപ്പെടുന്നത്. അവയുടെ കുത്തിവയ്പ്പ്, ബ്രിട്ടണ്‍ തുടങ്ങിയ രാജ്യങ്ങളില്‍ ആരംഭിച്ചുകഴിഞ്ഞു. ഇന്ത്യയിലാണെങ്കില്‍ നവംബര്‍ 30 ആകുമ്പോള്‍ തന്നെ മൂന്നിനം കോവിഡ് വാക്‌സിനുകളുടെ 160 കോടി ഡോസ് ഓര്‍ഡര്‍ ചെയ്തിരിക്കുകയാണ്. ജനസംഖ്യയുടെ അറുപതു ശതമാനത്തിന് കുത്തിവയ്പ് നല്‍കി കോവിഡിനെതിരായ ശാരീരിക പ്രതിരോധം സൃഷ്ടിച്ചിരിക്കുകയാണ് ലക്ഷ്യം. ഇതിനകം തന്നെ ഇന്ത്യയിലെ മിക്ക സംസ്ഥാനങ്ങളിലേയും അറുപതു ശതമാനത്തോളം ആളുകളെ കോവിഡ് 19 വൈറസ് ബാധിച്ചു കഴിഞ്ഞുവെന്ന് ആരോഗ്യവിദഗ്ധര്‍ പലരും അഭിപ്രായപ്പെട്ടതിനിടെയാണ് ഈ വ്യാപാരനീക്കം. ഒരു നാട്ടിലെ അറുപത്
ശതമാനത്തിലധികം പേരെ വൈറസ് ബാധിച്ചിട്ടുണ്ടെങ്കില്‍ സ്വാഭാവികമായ സാമൂഹ്യ ശാരീരിക പ്രതിരോധം അഥവാ ഹേര്‍ഡ് ഇമ്മ്യൂണിറ്റി ആ സമൂഹത്തിലുണ്ടാകുമെന്നതാണ്
ഉറച്ച വൈദ്യശാസ്ത്രതത്ത്വം. പക്ഷേ, അതു തിരിച്ചറിയാനുള്ള സമഗ്രവും ശാസ്ത്രീയവുമായ സീറോ പ്രിവലന്‍സ് സര്‍വേ,
നടത്താനുള്ള നീക്കമോ, ഒപ്പം മുമ്പ് നടത്തിയെന്നു പറയുന്ന സര്‍വ്വേ ഫലങ്ങള്‍ പുറത്തുവിടുന്ന ശ്രമമോ ഇപ്പോള്‍ കേന്ദ്ര സര്‍ക്കാര്‍ കാണിക്കുന്നില്ല. കേരളമാണെങ്കില്‍, സീറോ പ്രിവലന്‍സ് സര്‍വേക്കു വേണ്ടിയുള്ള വിദഗ്ധരുടെ നിരന്തരമായ
മുറവിളികള്‍ ചെവികൊണ്ടിട്ടേയില്ല. ചുരുക്കത്തില്‍, നാളിതുവരെയായി എട്ടര കോടിയോളം പേരെ ബാധിക്കുകയും പതിനെട്ട് ലക്ഷത്തി നാല്‍പ്പത്തി രണ്ടായിരത്തിലധികം പേരെ കൊല്ലുകയും ചെയ്ത സാര്‍സ് കോവ് 2 വൈറസിനെതിരേ, മനുഷ്യരാശി നടത്തിവരുന്ന ധീരോദാത്തമായ പോരാട്ടത്തെ, എളുപ്പത്തില്‍ ചുട്ടെടുത്തതും, പാര്‍ശ്വഫലങ്ങളുടെ കാര്യത്തില്‍ വേണ്ടത്ര ഉറപ്പില്ലാത്തതുമായ വാക്‌സിനുകളുടെ വ്യാപാരസാധ്യതയില്‍ കൊണ്ടുകെട്ടാനാണ് തീരുമാനമുണ്ടായിരിക്കുന്നത്. ഇതിലെ എംആര്‍എന്‍എ വാക്‌സിനുകള്‍, മനുഷ്യരില്‍ വ്യാപകമായി ഉപയോഗിക്കുമ്പോള്‍ ഉണ്ടാകാനിടയുളള കഠിനമായ പാര്‍ശ്വഫലങ്ങളെക്കുറിച്ച് വിദഗ്ധര്‍ക്കിടയില്‍ത്തന്നെ ശക്തമായ ഭിന്നാഭിപ്രായങ്ങളുള്ളതു പോലും കണക്കിലെടുക്കപ്പെടുന്നില്ല. അതാണ് കോവിഡ് 19 സംബന്ധിച്ച നവലിബറല്‍ വ്യവസ്ഥാ രാഷ്ട്രീയത്തിന്റെ പുതിയ ഏട്.
കോവിഡ് 19 മഹാമാരി പടരാന്‍ തുടങ്ങി ഏതാണ്ട് ഒരു വര്‍ഷമാകുമ്പോള്‍, ലോകരാജ്യങ്ങളുടെ സാമ്പത്തികാവസ്ഥകളില്‍ അതുണ്ടാക്കിയ പ്രത്യാഘാതങ്ങളെക്കുറിച്ചുള്ള അന്വേഷണങ്ങളാണ് ഏറ്റവും കൂടുതല്‍ ഉയര്‍ന്നു കേള്‍ക്കുന്നത്. നവലിബറല്‍ ആഗോളീകരണത്തിന്റെ അടിസ്ഥാന ശിലകള്‍തന്നെ കോവിഡിനെത്തുടര്‍ന്ന് തകര്‍ന്നുപോയോ എന്ന തരത്തിലുള്ള സമ്പദ് രാഷ്ട്രീയ ഉല്‍ക്കണ്ഠകളും സജീവമാണ്. കോവിഡ് ഇതിനകം കൊന്നുകളഞ്ഞ പതിനെട്ടര ലക്ഷത്തോളം മനുഷ്യരെക്കുറിച്ചുള്ള ആകുലതകള്‍ തീരെ കേള്‍ക്കാനില്ലെന്നതും പ്രത്യേകിച്ച് ശ്രദ്ധേയമാണ്. ആ മാനുഷിക ദുരന്തത്തിന് ദൈനംദിന കോവിഡ്
കണക്കുകളിലെ മരിച്ച അക്ഷരങ്ങള്‍ എന്നതിനപ്പുറമുള്ള
പ്രാധാന്യം നല്‍കുന്നേയില്ല. സാര്‍വദേശീയമായ നിലയില്‍ ഒറ്റക്കെട്ടായി കോവിഡിനെ പ്രതിരോധിക്കാനുള്ള ഒരു സംയുക്ത ശ്രമവും ഈയൊരു വര്‍ഷത്തിനിടെ ഉണ്ടായിട്ടുമില്ല. മറിച്ച്
കോവിഡ് പ്രതിരോധം പരിപൂര്‍ണമായും അതത് ദേശീയ രാഷ്ട്രങ്ങളുടെ മാത്രം ചുമലിലായി. അടച്ച അതിര്‍ത്തികള്‍ക്കകത്ത് സ്വയം സുരക്ഷിതരാവാന്‍ രാജ്യങ്ങളോരോന്നും ശ്രമിച്ചതോടെ ലോകം വളരെ ശിഥിലീകൃതവും, ദേശീയതാ വികാരം വളരെ ശക്തവുമായും തീര്‍ന്നിട്ടുണ്ട്. നവലിബറല്‍ ആഗോളീകരണം സൃഷ്ടിച്ച മുമ്പത്തെ മായികതകളൊക്കെ വെറും മിഥ്യയായിരുന്നെന്ന് ഇത് തെളിയിക്കുന്നു. എന്നുമാത്രമല്ല, സാര്‍സ് കോവ് 2
വൈറസിനു മുന്നില്‍ പകച്ചും ഭയന്നും പോയ അമേരക്കയുള്‍പ്പെടെയുള്ള സര്‍വ്വ ലോകരാജ്യങ്ങളുടെയും കഴിഞ്ഞ ഒരു വര്‍ഷത്തെ അനുഭവം, നവലിബറല്‍ സമ്പദ്‌വ്യവസ്ഥകളുടെ സാമ്പത്തിക മുന്‍ഗണനാക്രമങ്ങളും പരിഗണനാരീതികളും പരിപൂര്‍ണമായും പാപ്പരാണെന്ന് ഇതിനകം വ്യക്തമാക്കിക്കഴിഞ്ഞു. പക്ഷേ, നവമുതലാളിത്ത വാദികളോ, രാഷ്ട്രനേതൃത്വങ്ങളോ ഇതൊന്നും ഇതുവരെ അംഗീകരിച്ചിട്ടില്ല. ഒരുപക്ഷേ, ഒരിക്കലും അത് അംഗീകരിക്കാനും പോകുന്നില്ല. വെറുതെ മരിക്കേണ്ടി വന്ന ലക്ഷക്കണക്കിന് മനുഷ്യരുടെ ശവക്കൂന നോക്കി, സാമൂഹ്യഘടനാപരമായ തെറ്റുകള്‍ തിരുത്തുന്ന ഹൃദയവിശാലതയോ, മാനുഷികതയോ മുതലാളിത്തത്തിന്റെ ചരിത്രം നാളിതുവരെ കാണിച്ചിട്ടില്ല. അവര്‍ എല്ലാ കാര്യങ്ങളും വികസനം എന്ന ഒറ്റ സംജ്ഞയിലിതൊക്കും. മനുഷ്യന്‍ എന്ന വലിയക്ഷരത്തിലുള്ള പദം അതില്‍ അപ്രസക്തമാണ്. സത്യത്തില്‍, നവലിബറല്‍ വ്യവസ്ഥകളുടെ ഹിംസാത്മകതയും ജനവിരുദ്ധതയും ഇതുപോലെ വ്യക്തമായി അനുഭവപ്പെട്ട മറ്റൊരു സന്ദര്‍ഭവും, കോവിഡ്കാലത്തെപ്പോലെ, ഇതുവരെ വേറെ ഉണ്ടായിട്ടില്ല. എന്നാല്‍ അക്കാര്യം നേര്‍ക്കുനേര്‍ തിരിച്ചറിയപ്പെടുകയോ അതിനെ മുന്‍നിര്‍ത്തുന്ന ഒരു ജനകീയ രാഷ്ട്രീയം, ലോകത്തൊരിടത്തും രൂപ
പ്പെടുകയോ ചെയ്തിട്ടില്ലെന്നതാണ്, മനുഷ്യരാശിയെ സംബന്ധി
ച്ച് വിനാശകരമായ കാര്യം.
ജീവികളുടെയല്ലാം അടിസ്ഥാന ചോദനകളിലൊന്ന് മരണഭയമാണ് എന്നതിനാല്‍ കൊറോണപ്പേടി സമര്‍ത്ഥമായി ഉപയോഗപ്പെടുത്തിക്കൊണ്ട്, വളരെയേറെ സമഗ്രാധിപത്യപരമാകാന്‍, ജനാധിപത്യഭരണകൂടങ്ങള്‍ക്കെല്ലാം സാധിച്ചുവെന്നതാണ് കോവിഡ് മഹാമാരി നല്‍കുന്ന മറ്റൊരു രാഷ്ട്രീയ പാഠം. ട്രിപ്പിള്‍ ലോക്ക് ഡൗണ്‍ എന്നും മറ്റുമുള്ളത് പോലിസ് മാന്വലിലെ ഏറ്റവും ജനാധിപത്യവിരുദ്ധമായ സാമൂഹ്യ മര്‍ദ്ദനമുറയാണ്. ഇതൊക്കെ തുറന്ന് പ്രയോഗിക്കാന്‍ അവസരം കിട്ടി എന്നതുമാത്രമല്ല,
കൊറോണക്കാലം ഭരണകൂടങ്ങള്‍ക്കു നല്‍കിയ സൗകര്യം.
മറിച്ച്, ഇന്ത്യയിലെ അനുഭവമെടുത്താല്‍ത്തന്നെ തൊഴില്‍ പരിഷ്‌കരണ നിയമങ്ങള്‍, കാര്‍ഷിക പരിഷ്‌കരണ നിയമങ്ങള്‍
തുടങ്ങി, നവലിബറല്‍ വ്യവസ്ഥയുടെ ജനവിരുദ്ധ നിയമപരിഷ്‌കരണമെല്ലാം ഒറ്റയടിക്ക് കൊണ്ടുവരാനും കൊറോണക്കാലത്തെ ഭരണകൂടങ്ങള്‍ മറയാക്കി. ഒരു വശത്ത് സൗജന്യ റേഷനും ഭക്ഷണക്കിറ്റുകളും കോവിഡ് ചികില്‍സയും ഭിക്ഷയായി നല്‍കി ജനസാമാന്യത്തെ അടിമകളാക്കുകയും, മറുവശത്തുകൂടെ, തൊഴിലാളികളും കര്‍ഷകരും കാലങ്ങളായി അനുഭവിച്ചുകൊണ്ടുവരുന്ന ഉല്‍പ്പാദനപരമായ ജനാധിപത്യാവകാശങ്ങള്‍ ഒറ്റയടിക്ക് പിടിച്ചുപറിക്കുകയും ചെയ്യുന്ന കുല്‍സിത തന്ത്രമാണ് ഭരണകൂടങ്ങള്‍ കാണിച്ചത്. രണ്ടും വര്‍ഗപരമായ മര്‍ദ്ദനത്തിന്റെ സമാനതകളില്ലാത്ത മാതൃകകളാണെന്ന് ഇപ്പോള്‍ ആളുകള്‍ തിരിച്ചറി
ഞ്ഞു തുടങ്ങിയിട്ടുണ്ട്. കിറ്റു വാങ്ങി നക്കിയവര്‍, തങ്ങളുടെ എല്ലാ
കൊള്ളരുതായ്മകളെയും അംഗീകരിച്ച് വോട്ടു ചെയ്യണമെന്ന്, ഭരണകക്ഷികള്‍ നിര്‍ദേശിക്കുന്നിടത്തുവരെ കാര്യങ്ങളെത്തു
മ്പോള്‍, കോവിഡ് കാലം മനുഷ്യസ്‌നേഹികളെ കരയിക്കുമാ
റുള്ള രാഷ്ട്രീയച്ചതികളുടെ വസന്തകാലവുമാണെന്ന് അംഗീകരിക്കേണ്ടിവരും.
കോവിഡ് മഹാമാരിയെ നിയന്ത്രിക്കുന്നതിനായി ഉപയോഗിച്ച സമ്പൂര്‍ണ ലോക്ക് ഡൗണുകള്‍, സാര്‍വ്വദേശീയമായ യാത്രാവിലക്കുകള്‍, സാമൂഹ്യമായ ഭയനിര്‍മാണങ്ങള്‍ എന്നിവയെത്തുടര്‍ന്ന് ലോകത്തെ സമ്പദ് വ്യവസ്ഥകളെല്ലാം വമ്പിച്ച പ്രതിസന്ധിയെ അഭിമുഖീകരിക്കുകയാണെന്ന കാര്യം പ്രത്യേകിച്ച് പറയേണ്ടതില്ല. പല രാജ്യങ്ങളുടെയും വളര്‍ച്ചാനിരക്ക് പൂജ്യത്തിനും താഴേക്ക് പോയതും മറ്റുമായ കാര്യങ്ങള്‍ വിപുലമായി ചര്‍ച്ച ചെയ്യപ്പെട്ടുകൊണ്ടിരിക്കുകയാണ്. എന്നാല്‍, ഈ അവസ്ഥയെയും നവലിബറല്‍ വ്യവസ്ഥയുടെ അടിസ്ഥാന ശിലകള്‍ക്ക് ലാഭകരമാക്കിത്തീര്‍ക്കുന്ന ശ്രമങ്ങളിലാണ് ഭരണകൂടങ്ങള്‍ ഏര്‍പ്പെട്ടിരിക്കുന്നതെന്ന് തിരിച്ചറിയാനുള്ള വിവേകം വളരെ കുറവെ കാണാനുളളൂ. ചൈന മുതല്‍ ഇന്ത്യ വരെയും അതിനപ്പുറവുമുള്ള രാജ്യങ്ങളിലെല്ലാം അതാണവസ്ഥ.
അതിനാല്‍, കോവിഡ്-19 മഹാമാരി ലോകത്ത് സൃഷ്ടിച്ചുവെന്ന് പറയുന്ന വമ്പിച്ച സാമ്പത്തിക പ്രതിസന്ധികള്‍, യഥാര്‍ത്ഥത്തില്‍, സാര്‍സ് കോവ് 2 വൈറസ് സൃഷ്ടിച്ചതാണോ അതോ, കോവിഡ്കാലത്തിനു മുമ്പും, കോവിഡ്കാലത്തിലും ഒരു പോലെ,
നവലിബറല്‍ രാഷ്ട്രവ്യവസ്ഥകള്‍ സ്വീകരിച്ച സമ്പദ് രാഷ്ട്രീയ നയങ്ങള്‍ സൃഷ്ടിച്ചതാണോ എന്ന മൗലികമായ ചോദ്യം ജനാധിപത്യവാദികളെല്ലാം ഉയര്‍ത്തിപ്പിടിക്കേണ്ടതാണ്. കാരണം, കോവിഡ്കാലം ലോകത്തുണ്ടാക്കിയ പ്രധാന പ്രശ്‌നങ്ങളെല്ലാം, അത് തൊഴിലില്ലായ്മ, ദാരിദ്ര്യം, പട്ടിണി, അസമത്വം തുടങ്ങി എല്ലാം തന്നെ കോവിഡിന് മുമ്പുള്ള കാലത്തെയും നവലിബറല്‍ രാഷ്ട്രവ്യവസ്ഥകളുടെ മുഖമുദ്രയായിരുന്നു. കോവിഡ് കാലം അതെല്ലാം മൂര്‍ച്ഛിപ്പിച്ചുവെങ്കില്‍ അതിന്റെ അടിസ്ഥാന കാരണം, ഈ വൈറസിന്റെ ഉത്ഭവം മുതല്‍ ഇതുവരെയുമായി നവലിബറല്‍ ലോകം ഈ പ്രതിസന്ധിയെ നേരിട്ട വിധങ്ങളാണെന്ന് ഈ പഠനം ശ്രദ്ധിച്ചുവായിച്ചാല്‍ത്തന്നെ കാണാന്‍ കഴിയും. ഒടുവില്‍ പുറത്തുവന്നുകൊണ്ടിരിക്കുന്ന സാമ്പത്തിക സ്ഥിതിവിവരക്കണക്കുകള്‍ പരിശോധിച്ചു നോക്കിയാല്‍ ഇക്കാര്യം
സുവ്യക്തമായി മനസ്സിലാവും.
ഇന്ത്യന്‍ സ്റ്റാറ്റിസ്റ്റിക്‌സ് മന്ത്രാലയവും (ങഛടജക) ബ്ലൂംബെര്‍ഗ് പോലുള്ള ലോക സാമ്പത്തിക സേവനദാതാക്കളും നല്‍കുന്ന പുതിയ കണക്കുകളനുസരിച്ച് കോവിഡ്കാലത്ത് ഇന്ത്യയിലും ചില വിദേശരാജ്യങ്ങളിലും അതിസമ്പന്ന ശക്തികളുടെ ആസ്തിയും സമ്പന്നരുടെ എണ്ണവും നന്നായി വര്‍ധിക്കുകയാണ് ഉണ്ടായത്. ഇന്ത്യയില്‍ കോവിഡ് തകര്‍ത്താടിക്കൊണ്ടിരുന്ന 2020 ജൂണിനുശേഷം ഡിസംബര്‍ വരേയുള്ള കാലത്ത് അദാനിയുടെ ആസ്തി മൂന്നര മടങ്ങ്് വളര്‍ന്നു. ഇതേ കാലത്ത് അംബാനിയുടെ ആസ്തി വളര്‍ന്നത് 1.30 മടങ്ങാണ്. 2020ന്റെ ആദ്യ ആറു
മാസത്തെ ഇന്ത്യയിലെ കോടീശ്വരന്മാരുടെ എണ്ണത്തിലെ വളര്‍ച്ചയും ഇതേ ചിത്രമാണ് നല്‍കുന്നത്. ഇന്ത്യയില്‍ ഏതാണ്ട് 370 കോടി രൂപ (5 കോടി യുഎസ് ഡോളര്‍) ആസ്തിയുള്ള
ആളുകളുടെ എണ്ണം 2019 ഡിസംബറിലെ കണക്കനുസരിച്ച് 4,593
ആണ്. എന്നാല്‍, 2020 ജൂണ്‍ മാസമാകുമ്പോഴേക്കും ഈ പട്ടികയില്‍ പുതുതായി 85 പേര്‍ കൂടി ഇടംപിടിച്ചു. ലോകത്തെ
മറ്റുരാജ്യങ്ങളുടെ കാര്യമെടുത്താല്‍, ഇതേ കാലയളവില്‍
ചൈനയില്‍ 1,330 പേരും, അമേരിക്കയില്‍ 121 പേരും ഫ്രാന്‍സില്‍ 41 പേരും ഈ പട്ടികയില്‍ പുതുതായി സ്ഥാനം നേടി. ഈ പട്ടികയില്‍ നിന്ന്, ഇതേ കാലത്ത് ധാരാളമായി ആളുകള്‍ പുറത്തായ രണ്ട് രാജ്യങ്ങള്‍ ബ്രസീലും ബ്രിട്ടനുമാണ്. ജപ്പാന്‍, കൊറിയ, സ്‌പെയില്‍, ഇറ്റലി തുടങ്ങിയ രാജ്യങ്ങളിലും ചെറിയ തോതില്‍ ഇതേ പ്രവണതയുണ്ടായി. ഇതിനര്‍ത്ഥം കോവിഡിന്റെ പേരില്‍ നവലിബറല്‍ ഭരണകൂടങ്ങളെല്ലാം ഒഴുകിക്കൊണ്ടിരിക്കുന്ന മുതലക്കണ്ണീരിന്റെ മറവില്‍, അവര്‍ യഥാര്‍ത്ഥത്തില്‍ നടത്തിക്കൊണ്ടിരിക്കുന്നത്, നാണംകെട്ട, ജനവിരുദ്ധമായ നവമുതലാളിത്ത ദാസ്യവൃത്തിയാണെന്നുതന്നെയാണ്. ജനങ്ങള്‍ക്കകത്ത് കൂടുതല്‍ കൂടുതല്‍ ദാരിദ്ര്യവും മൂലധനശക്തികള്‍ക്കകത്ത് കൂടുതല്‍ കൂടുതല്‍ കോടീശ്വരന്മാരെയും സൃ
Address
Calicut
Website
Alerts
Be the first to know and let us send you an email when Tea Break Views posts news and promotions. Your email address will not be used for any other purpose, and you can unsubscribe at any time.
Contact The Business
Send a message to Tea Break Views:
Videos
കവിത ഡോ.ആസാദ്
കവിത :' ഞാൻ ക്രിസ്തു, മനുഷ്യ പുത്രൻ ' - കുഞ്ഞപ്പ പട്ടാന്നൂർ ആലാപനം - കെ സി ഉമേഷ്ബാബു വര - സോമൻ കടലൂർ
കോവിഡ് രോഗ പശ്ചാത്തലത്തില്‍ ആരോഗ്യ മേഖല നേരിടുന്ന വെല്ലുവിളികൾ
കോവിഡ് രോഗ പശ്ചാത്തലത്തില്‍ ആരോഗ്യ മേഖല നേരിടുന്ന വെല്ലുവിളികൾ ഡോ. പി കെ ശശിധരൻ വിശദീകരിക്കുന്നു. DR P K Sasidharan
ലോക്ക്ഡൌൺ - മോട്ടോർ തൊഴിലാളികളുടെ ജീവിതം പ്രതിസന്ധിയിൽ
കൊറോണയെ അതിജീവിക്കാനായി നടപ്പാക്കുന്ന ലോക്ക്ഡൌണുകൾ സൃഷ്ടിച്ചിരിക്കുന്ന പ്രതിസന്ധിയെ എങ്ങനെ അതിജീവിക്കും എന്ന ആശങ്കയിലാണ് ബസ് ജീവനക്കാരും ഓട്ടോ തൊഴിലാളികളും മറ്റും. അനിയന്ത്രിതമായി വർദ്ധിക്കുന്ന ഇന്ധന വില ഇവരുടെ ഭാവിയെ കൂടുതൽ ഇരുട്ടിലേക്ക് തള്ളി വിടുന്നു. ഈ വിഷയത്തിൽ സർക്കാരിന്റെ അടിയന്തിര ഇടപെടൽ ആവശ്യപ്പെട്ടുകൊണ്ട് കോഴിക്കോട് കലക്ട്രേറ്റിനു മുമ്പിൽ സമരം ചെയ്യാനൊരുങ്ങുന്ന ഓട്ടോ തൊഴിലാളികൾ സംസാരിക്കുന്നു. Thalhath Vallayil | Shershadaly Elambilathu | ഷംനാസ് 'നേര്'
കടൽ സംരക്ഷിക്കപ്പെടുകയാണെങ്കിൽ ഞങ്ങളെല്ലാവരും സംരക്ഷിക്കപ്പെടും
കടൽ സംരക്ഷിക്കപ്പെടുകയാണെങ്കിൽ ഞങ്ങളെല്ലാവരും സംരക്ഷിക്കപ്പെടും. ബജറ്റിൽ 5000 കോടി വകയിരുത്തിയതുകൊണ്ടും പഠനങ്ങൾ നടത്തുമെന്നു പറഞ്ഞതുകൊണ്ടുമായില്ല. നിർമ്മാണപ്രവർത്തനങ്ങൾ നിർത്തിവെച്ചുകൊണ്ടുള്ള പഠനം അനിവാര്യമാണ്. ലോക സമുദ്ര ദിനത്തിന്റെ പശ്ചാത്തലത്തിൽ കേരളത്തിന്റെ തീരങ്ങളെപ്പറ്റിയും അവിടങ്ങളിലെ ജീവിതങ്ങളെപ്പറ്റിയും മാഗ്ലിൻ ഫിലോമിനയുമായി നടത്തിയ ഓൺലൈൻ അഭിമുഖം. #WorldOceansDay Magline Philomina Yohannan | Sooraj Malayattil
സി ആർ നീലകണ്ഠൻ പരിസ്ഥിതി ദിനത്തിൽ സംവദിക്കുന്നു.
അരാഷ്ട്രീയമായ മുദ്രാവാക്യങ്ങളും അശാസ്ത്രീയമായ വികസന നയങ്ങളും തിരുത്താതെ പരിസ്ഥിതി ദിനം ആചരിക്കുന്നതിൽ അർത്ഥമില്ല. സി ആർ നീലകണ്ഠൻ സംസാരിക്കുന്നു. #EnvironmentDay #June5th
അമിതോക്തികളുടെ വില്‍പ്പനക്കരാറായി മാറുന്ന അപൂര്‍ണ രേഖ
അമിതോക്തികളുടെ വിൽപ്പനക്കരാറായി മാറുന്ന അപൂർണ രേഖ; പുതുക്കിയ കേരള ബജറ്റ് 2021 മാധ്യമ പ്രവർത്തകനും എഴുത്തുകാരനുമായ എൻ പി ചെക്കുട്ടി വിശകലനം ചെയ്യുന്നു. #KeralaBudget2021 #RevisedBudget
കലുഷിതമായ കേരളത്തിന്റെ കടൽത്തീരങ്ങൾ
കേരളത്തിന്റെ തീരപ്രദേശങ്ങളിൽ തിരയടിക്കുന്ന പ്രശ്നങ്ങളിൽ ഭൂരിഭാഗം അശാസ്ത്രീയവും മൂലധനകേന്ദ്രീകൃതവുമായ ഭരണകൂട താൽപര്യങ്ങളിൽ നിന്നും ഉടലെടുത്തതാണ്. മത്സ്യത്തൊഴിലാളികളെ മനസ്സിലാക്കുന്നതിൽ സർക്കാരുകൾ പരാജയപ്പെട്ടതെങ്ങനെ? തീരദേശ വനിതാ ഫെഡറേഷൻ പ്രസിഡണ്ട് മാഗ്ലിൻ ഫിലോമിന (Magline Philomina Yohannan) സംസാരിക്കുന്നു.
