Yuva Kranti News

28/04/2024

28/09/2023

बाळासाहेब चव्हाण #मॅन ऑफ द मॅच, तर संतोष गिरिगोसावी मॅन ऑफ द #सिरीज.
सध्या सर्वत्र सन उत्सवाचा काळ होता गणपती विसर्जन झाले की आता सर्वांना वेध लागले आहेत क्रिकेट वर्ल्ड कप सिरीज चे. आगामी वर्ल्ड कप कोण जिंकणार, प्रतेक मॅच ला कोण मॅन ऑफ द मॅच ठरतो, तर मॅन ऑफ द सिरीज चा खिताब कोण मिळवणार या कडे सर्व क्रिकेप्रेमींचे लक्ष लागून राहिलेले असते. सन उत्सवाच्या काळ बार्शीकरांसाठी अगदी निर्विघ्न पार पडावा म्हणून प्रशासनातील नगरपालिका व पोलीस प्रशासन या दोन टीम दिवसरात्र झटत होत्या.

प्रशासनातील या दोन टीम ने केलेल्या मेहनतीमुळे बार्शीकरांसाठी सन उत्सवाचा काळ अगदी उत्साही, कोणतीही गैरसोय न होता, शांततेत पार पडला आहे. बार्शीतील मागील काही काळातील आढावा घेतला तर लक्षात येईल की प्रशासनातील या दोन्ही टीम ने अगदी योग्य भूमिका बजावली आहे. बार्शी शहरात नगोबाची जत्रा मोठी असते. यासाठी पोलिसांनी योग्य नियोजन केले होते. या जत्रेत कोणताही अनुचित प्रकार घडला नाही. महिला, लहानमुले अगदी वृध्द नागरिक ही जत्रेत जाऊ शकत होते असे हे नियोजन केले होते.

त्या नंतर बार्शीत दहीहंडी उत्सव सर्वत्र मोठ्या प्रमाणावर साजरा करण्यात आला. या वेळी प्रतेक मंडळाची दहीहंडी उपक्रम वेगवेगळ्या दिवशी होता. तरीही पोलीस प्रशासनाने अडवणूक न करता प्रतेक मंडळाला परवानगी दिली. कार्यक्रम स्थळी योग्य बंदोबस्त तैनात केला. गर्दी झालेल्या ठिकाणी पर्यायी मार्ग सुरू ठेवून वाहतुकीला होणारा अडथळा ही दूर केला. त्या नंतर आलेल्या गणेशोत्सव व ईद ए मिलाद च्या पार्श्वभूमीवर शांतता कमिटीची बैठक घेऊन सन उत्सव उत्साहात, शांततेत व धार्मिक सलोखा ठेऊन साजरे करण्यासाठी बार्शीकर नागरिकांचा मनोबल, उत्साह वाढवला.

या काळात शहरातील बाजारपेठेत होणारी मोठी गर्दी याचे मायक्रो नियोजन करण्यात आले. गर्दीची ठिकाणे, होणारी गैरसोय, संभव्या अडचणी याची योग्य माहिती घेऊन नियोजन आखण्यात आले. हा आराखडा आखताना नागरिक व छोटे मोठे व्यापारी असे कोणाचीच गैरसोय होणार नाही याची खबरदारी घेण्यात आली. गणेशोत्सवा आधीच नगरपालिकेने मुख्य बाजारपेठेत रस्त्याच्या दोन्ही बाजूला पांढऱ्या पट्या ओढून हातगाडी, फेरीवाले, फळ विक्रेते, छोटे व्यावसायिक यांना मुख्य बाजारपेठेतच पण पांढऱ्या रेषेच्या आत जगा निश्चित केली. त्यामुळे बऱ्याच वर्षांनी खऱ्या अर्थाने भगवंत मंदिर ते जुने पोलीस स्टेशन या रस्त्याने मोकळा श्वास घेतला असेल.

त्याच बरोबर गणपती मूर्ती विक्रीसाठी डॉ बाबासाहेब आंबेडकर शॉपिंग सेंटर येथील मोकळ्या जागेत नगरपालिकेने स्टॉल लावले. तर या ठिकाणी येणाऱ्या सर्व मार्गांवर पोलीस बंदोबस्त व बॅरेगेटीग करून गर्दी नियंत्रणात ठेवली. या मुळे सर्वांना मूर्ती घेणे, इतर खरेदी करणे अगदी सुककर झाले. पोलिसांना गर्दीवर लक्ष ठेवणे सहज शक्य झाले. त्यामुळे पाकीट मारी, भुरटी चोरी अशा गोष्टीना आळा बसला. गौरी आगमन काळात बाजारपेठेत होणारी गर्दी लक्षात घेऊन नगरपालिका ते जुने पोलीस स्टेशन तसेच इतर महत्वाच्या मार्गावर काहीकाळ मोठी वाहने, रिक्षा यांना बंदी घातली त्यामुळे ट्रॅफिक जाम सारखी समस्या निर्माण झाली नाही.

पाच दिवस विविध मंडळाने उभारलेल्या देखावे पाहण्यासाठी होणारी गर्दी लक्षात घेऊन सायंकाळी 6 ते रात्री 11 पर्यंत आवश्यक ठिकाणी पोलीस बंदोबस्त, वाहतूक पोलीस तैनात केले होते. गणेशोत्सवाच्या आठव्या, नवव्या व दहाव्या दिवशी ज्या मंडळाला मिरवणूक काढायची त्यांना परवानगी देऊन, त्याचा मार्ग, होणारी गर्दी त्या प्रमाणे पोलीस अधिकारी व कर्मचारी पुरवले होते. यामुळे गणपती आगमन आसो की विसर्जन सर्व मिरवणुका अगदी शांततेत व वेळेत पार पडल्या.

बार्शी शहरातील उत्सव, कोणत्या ठिकाणी काय समस्या येतील, कुठे गर्दी होईल याचा आराखडा तयार करून त्यावर पोलिसांकडून अगदी योग्य उपाययोजना झाल्याचे बार्शीकरानी प्रथमच अनुभवले आहे. पर्यावरण पूरक गणेशोत्सव याचा ही प्रचार, प्रसार चांगल्या पद्धतीने केला होता. बार्शी नगरपालिकेने गणेश विसर्जन दिवशी शहरातील विविध भागात त्यांच्या अधिकारी, कर्मचारी यांची दहा पथके तैनात केली होती. त्याद्वारे घरातील व सार्वजनिक मंडळाने असे सुमारे पाच ते सहा हजार गणपती मूर्ती जमा करून नगरपालिकेने तयार केलेल्या विसर्जन हौदात विसर्जन केले. तसेच शहरातील गणेश तलाव व राऊत तळे या ठिकाणी नगरपालिका कर्मचारी, पोलीस कर्मचारी यांना दिवसभर तैनात केले होते. त्यामूळे विसर्जनाला गेल्या नंतर होणारे अपघात टाळता आले. खऱ्या अर्थाने सन उत्सव निर्विघ्न पार पडले आहेत.

बार्शीतील जनतेनेही प्रशासनाला मोठे सहकार्य केले यात शंका नाही. मागील काळात सुरू असलेली सणांची ही स्पर्धा पुढे ही चालू राहील. पण आज पर्यंतच्या या सणांच्या सामन्यात सर्व बार्शीकर विजेते ठरले त्यांनी सन उत्सव कोणतेही गालबोट न लावता उत्साहात पण तितक्याच शिस्तबध्द साजरे केले आहेत. म्हणूनच या सणांच्या स्पर्धेत सर्वांसाठी झटणारे नगरपालिका व पोलीस प्रशासन हे हिरो ठरले आहेत. म्हणुच बार्शी नगरपालिकेचे मुख्याधिकारी बाळासाहेब चव्हाण मॅन ऑफ द मॅच, तर बार्शी शहर पोलीस स्टेशन चे पोलीस निरीक्षक संतोष गिरिगोसावी मॅन ऑफ द सिरीज ठरले आहेत.
------
सुदर्शन हांडे,
एक बार्शीकर नगरिक.

27/09/2023

बार्शी बाजार समितीत उडीद-मुगाची आवक सुरु

उडीद ८५०० ते ९३०० तर
मुगाला ८५०० ते १०९०० रुपये प्रति क्विंटल दर

बार्शी : बार्शी कृषी उत्पन्न बाजार समिती ही भुसार मालाची उतार पेठ म्हणून राज्यात प्रसिद्ध आहे. बाजारात यंदाच्या हंगामातील उडीद आणि मुगाची आवक मागील पंधरा दिवसापासून सुरु झाली. उडीदाला 8500 ते 9300 रुपये तर मुगाला 8500 ते 10900 रुपये प्रति क्विंटल दर मिळत आहे.

याविषयी अधिक माहिती देताना बाजार समितीचे सचिव तुकाराम जगदाळे म्हणाले की, यंदा पाऊस लेट झाल्याने पेरण्या उशिरा झाल्या. त्यामुळेच उडीद-मूग ही विक्रीसाठी बाजारात उशिरा दाखल झाला. मागील पंधरा दिवसांपूर्वी आवक सुरु झाली होती. उडीद आवक ही चार ते पाच हजार कट्ट्यावर गेली होती. मात्र थोडासा झालेला पाऊस आणि लक्ष्मीच्या सणामुळे थोडीशी आवक कमी झाली होती. आजपासून ती पुन्हा वाढू लागली आहे.

कोटा

आता बाजारात उडीद 2500 कट्टे तर मूग 100 कट्टे आवक आहे. उडीदाला उतार ही चांगला आहे.तसेच मालाची क्वालिटी ही चांगली आहे आणि दर ही चांगला आहे.अद्याप सोयाबीन ची आवक सुरू झालेली नाही. पुढील तीन आठवड्यात सोयाबीन बाजारात दाखल होईल.

सचिन मडके, खरेदीदार बार्शी

बार्शी बाजार शेतमाल दर

दगडी ज्वारी=4200/4500,
मालदांडी ज्वारी =4400/5150,
जूट ज्वारी=5500/6000.
नवीन उडीद- 8500/8600/9200
जुना उडीद- 5500/7000/7500
पांढरी तुर- 11500/12500
तांबडी तुर- 10000/11500/12500
हरभरा- 5500/5900
सोयाबीन- 4600/4750
मुग - 8500/9500/10500
मका- 2350/2400
राजमा=5500/6500
चिंचुका=2450/2600
शेंगा=6100/6500
सूर्यफूल=4000/4200/
करडी=4500/4650/

27/09/2023

उद्या सर्व बँका चालू आहेत. ईद ए मिलाद ची सुट्टी 28 सप्टेंबर ऐवजी 29 सप्टेंबर रोजी शुक्रवारी सुट्टी आहे.

14/07/2023

छ. संभाजी महाराज यांचा बार्शी तालुका दौरा.

14/07/2023

मुकेश वाघ यांच्यावर झालेल्या प्राणघातक हल्ल्याप्रकरणी पुढील तपास करण्याचे आदेश...

बार्शी : येथील मुकेश किसन वाघ यांच्यावर दिनांक २४ जून २०१९ रोजी प्राण घातक हल्ला झाला होता. त्याप्रकरणी अनिल शेळवणे, वसीम शेख, विशाल उर्फ बच्चन सातपुते व एक अनोळखी इसम यांच्या विरुद्ध न्या.श्री एस.बी.विजयकर यांनी पुढील तपास करून त्याबाबतचा अहवाल एक महिन्याच्या आत न्यायालयात सादर करण्याचे आदेश बार्शी शहर पोलिसांना दिले.

याबाबत अधिक माहिती अशी की, या प्राणघातक हल्ला दिनांक २४ जून २०१९ रोजी मुकेश किसन वाघ यांच्यावर झाल्यानंतर त्याबाबत बार्शी शहर पोलिसांत भा.द.वी ३०७, ३४१,३२४,३२३,५०४,५०६ व ३४ आर्म ॲक्ट ४ ,२५ प्रमाणे अनिल दत्तात्रय शेळवणे, वसीम शौकत शेख , विशाल उर्फ बच्चन सातपुते सर्व राहणार बार्शी व एक अनोळखी इसम यांच्या विरोधात गुन्हा दाखल केला होता.

याप्रकरणी फिर्यादी मुकेश वाघ यांच्या वतीने ॲड आकाश तावडे यांनी बाजू मांडताना तपासी अधिकारी यांनी राजकीय दबावात येऊन सदरचा तपास केला तसेच यातील आरोपीने त्यांचे निवेदनामध्ये स्वतः कबूल केलेले आहे, की सदर गुन्ह्यात दोन पेक्षा अधिक आरोपींचा सहभाग आहे. सदरच्या गुन्ह्यातील घटनास्थळ पंचनाम्यात चार आरोपींचा सहभाग असल्याचे नमूद आहे,
तपास अधिकाऱ्याने आरोपी विशाल उर्फ बच्चन सातपुते हा घटनास्थळावर नव्हता याबाबत सी.सी.टी.वी फुटेज जप्त करून त्याचे ६५ ब चे प्रमाण पत्र न्यायालयात दाखल केले आहेत, परंतु ते फुटेज असलेला पेन ड्राईव्ह न्यायालयात दाखल केलेला नाही.तसेच सदर गुन्ह्यातील नेत्र साक्षीदाराने देखील त्याच्या जबाबात दोन पेक्षा जास्त आरोपींचा सहभाग असल्याचे सांगितले असताना देखील त्यांचे म्हणणे दोषारोप पत्रात घेतले नाही, या सर्व बाबी न्यायालयाच्या निदर्शनास आणून देताच प्रथम वर्ग न्यायदंडाधिकारी श्री.एस.बी.विजयकर यांनी सदरचा युक्तिवाद ग्राह्य धरून तसेच विशेष अधिकाराचा वापर करत, तपास अधिकारी पी एस आय व्ही एस गायकवाड व ए पी आय बी बी येडगे यांनी सी.आर.पी.सी १६९ प्रमाणे दोन आरोपींना वगळण्याचा न्यायालयात दिलेला अहवाल फेटाळून लावत पुढील तपास करण्याचे आदेश पारित केला आहे.

याप्रकरणी फिर्यादीच्या वतीने ॲड आकाश तावडे व ॲड सुहास कांबळे यांनी काम पाहिले.

07/07/2023

CREDAI BARSHI यांचा #पदग्रहण समारंभ Live

Barshi Live बार्शी लाईव्ह
OnKar Hingmire
7350084009

06/05/2023

भगवंत व्याख्यानमाला - 2023

23/04/2023

बार्शी #नगरपरिषदेचे मुख्याधिकारी बाळासाहेब #चव्हाण यांची कार्य तत्परता पुन्हा एकदा अधोरेखित

बार्शी:बार्शी नगरपालिका मुख्याधिकारी बाळासाहेब चव्हाण यांच्या कार्यतत्परतेमुळे आणखी एक अवैध बांधकाम थांबविण्यात आले.

याबाबत गोविंदा भिसे यांनी दिनांक 20 एप्रिल 2023 रोजी तक्रारी अर्ज केला होता या तक्रारी अर्जात बार्शी नगरपरिषद हद्दीतील गट क्रमांक 1301/1 येथील प्लॉट क्रमांक 3 ब या क्षेत्रावर नगरपरिषदेने बांधकाम परवाना दिलेला नसतानाही अवैधरित्या बांधकाम चालू असल्याचे नमूद केले होते.

तक्रारी अर्ज केल्यापासून 24 तासांच्या आत मुख्याधिकारी बाळासाहेब चव्हाण यांनी क्षेत्रीय अधिकारी राहुल जाधव यांना घटनास्थळाची पाहणी करण्यास सांगून सदर विनापरवाना अवैधरित्या सुरू असलेले बांधकाम थांबविले. त्यामुळे बाळासाहेब चव्हाण यांची कार्यतत्परता पुन्हा एकदा अधोरेखित झाली आहे.

मुख्याधिकारी बाळासाहेब चव्हाण यांनी जनसामांन्यांच्या न्याय, हक्क, व नागरी सुविधा मिळवून देण्यासाठी बार्शी नगरपरिषदेच्या माध्यमातून मुख्याधिकारी पदाची सर्वसमावेशक भूमिका पार पाडत मुख्याधिकारी म्हणून जनतेच्या हृदयात आपुलकीचे स्थान निर्माण केले आहे.

11/04/2023

बार्शी येथील #श्रीस्वामिनारायण मंदिर येथे तेरावा वर्धापन दिन मोठ्या भक्तिमय वातावरणामध्ये संपन्न....

बार्शी |

श्रीस्वामिनारायण मंदिर येथे वर्धापन दिनानिमित्त दादर मुंबई येथील पूज्य प्रीतमप्रसाद स्वामी, सुबोधसागर स्वामी तसेच पुणे येथील पूज्य त्यागानंद स्वामी, पूज्य श्रुतीवल्लभ स्वामी व पूज्य निर्दोषनयन स्वामी हे उपस्थित होते. दुपारी चार वाजता महापूजा विधी व वर्धापन दिनानिमित्त मूर्तींना अभिषेकचा कार्यक्रम संपन्न झाला. त्यानंतर देवाला वेगवेगळ्या १२५ पेक्षा जास्त अन्नपदार्थांचा नैवेद्य दाखविण्यात आला.

यावेळी बोलताना आमदार राजेंद्र राऊत म्हणाले, अध्यात्मिक भक्तीशिवाय माणसाचे आयुष्य सुखकर होऊ शकत नाही, त्यामुळेच तालुक्यातील कोणताच धार्मिक कार्यक्रम मी चुकवत नाही असे प्रतिपादनही त्यांनी केले. जेंव्हा पण आपण देवच्या दर्शनाला जातो तेंव्हा आपल्या मनामध्ये एक सकारात्मक विचार येतात तसेच कोणतेही चुकीचे काम होणार नाही याची प्रत्येक वेळेस जाणीव होते. बार्शी हे पौराणिक शहर असून समृद्ध असा धार्मिक वारसा या शहराला लाभलेला आहे. सर्व जाती-धर्माचे लोक एकमेकांचे सण-उत्सव गुण्यागोविंदाने साजरे करतात. लवकरच बार्शीला विशेष तीर्थक्षेत्राचा दर्जा ही प्राप्त होणार असल्याचे सांगितले.

पूज्य त्यागानंद स्वामींनी संस्थेची माहिती देताना सांगितले कि, बी.ए.पी.एस. स्वामिनारायण संस्था ही विश्वव्यापी संस्था असून जगभर बाराशे पेक्षा जास्त मंदिरे, गांधीनगर व दिल्ली येथे अक्षरधाम मंदिर आहे. संस्थेला एनजीओ म्हणून युनोमध्ये कायम सदस्यत्व आहे.
आबुधाबी व अमेरीकेत देखील भव्य मंदिराचे काम चालू आहे. तसेच भूकंप, त्सुनामी, पूर, दुष्काळ, अशा संकटसमयी तातडीने मदत पोहचविण्याचे काम संस्था करते, तसेच करोनाच्या प्रादुर्भाव दरम्यान सर्व प्रकारचे आरोग्य सेवा, अन्नसेवा ,ऑक्सिजन सेवा पुरविल्या आहेत, युक्रेन युध्दावेळी भारतीय विद्यार्थ्यांना सुरक्षित आणण्यासाठी देखील संस्थेचा खुप मोठा वाटा आहे. लहान मुलांसाठी, युवकांसाठी, महिला व पुरूषांसाठी प्रत्येक रविवारी सत्संग सभा असते. संस्कार व संस्कृतीचे ज्ञान या सत्संगामधून दिले जाते.

तसेच बार्शीतील माजी नगराध्यक्ष विश्वासभाऊ बारबोले, माजी नगराध्यक्ष आसिफभाई तांबोळी, माजी उपनगराध्यक्ष कृष्णराज बारबोले, विरोधी पक्ष नेते नागेश अक्कलकोटे, माजी नगरसेवक प्रशांत (मालक) कथले, भगवंत देवस्थानचे सरपंच दादासाहेब बुडूख, गोरक्षक धन्यकुमार पटवा, प्रसन्नदाता ट्रस्टचे अध्यक्ष व मुख्य यजमान कमलेशभाई मेहता, राहुल चांडक, इत्यादि मान्यवर उपस्थित होते.

कार्यक्रम यशस्वी करण्यासाठी स्वामिनारायण मंदिर, बार्शीचे ट्रस्टी भरतभाई ठक्कर, महेंद्रभाई ठक्कर तसेच राजेश माळी, महादेव साळुंखे, सुभाष पूरोहित, प्रशांत ठक्कर, गणेश शिंदे, तेजस ठक्कर, अमित शेटे, अमोल पल्लोड, आशीष मल्होत्रा, विजय काकडे, कल्पेश चंदे, विमल सोमैया, इत्यादिनी परिश्रम घेतले.

09/04/2023

बार्शीत महा आरोग्य शिबीर