15/06/2021
Today Voice Barpeta Assam
ভৱানীপুৰ সমষ্টিৰ পথৰ শোচনীয় অৱস্থাত অতিষ্ঠ ৰাইজ- বজালী জিলা #আমছুৰ স্মাৰক পত্ৰ প্ৰদান জিলা উপায়ুক্তলৈ
====================
গুৱাহগাছা- মাজগাঁও পৰা এছ, কে #মাইনুল হকৰ ৰিপৰ্ট ১৫ জুন, বজালী জিলা তথা ৪১ নং ভৱানীপুৰ বিধান সভা সমষ্টিৰ অন্তৰৰ্গত প্ৰায়বোৰ পঞ্চায়তৰ অধীনস্থ গ্ৰাম্য পথৰ
সপ্ৰতি শোচনীয় ৰূপ ধাৰণ কৰাৰ বাবে যাতায়তৰ যমৰ যাতনাত ভুগিছে সমষ্টিবাসি ৰাইজে।এজাক ডবাপিটা বৰষুণতে বাট পথৰ শোচনীয় অৱস্থাই যাতায়তৰ ব্যৱস্থা ব্যহত হোৱাটো সৰ্বজনবিদিত । বিশেষকৈ ১০৮ নং মাজগাঁও গাঁৱ পঞ্চায়তৰ অধীনস্থ ৰৌমাৰী মিলন বজাৰৰ পৰা সৰুপেটালৈ যোৱা ১ কিঃমিঃত কৈ আধিক পথ ভাঙি যোৱাত যাতায়ত ব্যহত হৈ পৰিছে ।তদুপৰি মাজগাঁও গাঁৱ পঞ্চায়তৰ আৰু ১০৯ নং শুকামানাহ গাঁৱ পঞ্চায়তৰ অন্তৰ্গত মাজগাঁওৰ পৰা শুকমনাহ লৈ যোৱা পল্লা নদীৰ মথাউৰি নিৰ্মাণৰ বাবে ব্যৱস্থা কৰি দিয়া আৰু পটা( উত্তৰ) মৃত মুছাউদ্দিন শিক্ষকৰ বাসভৱনৰ পৰা ভালাগুৰি পল্লা বজাৰলৈ যোৱা কেচা পথটোৰ তেনেই শোচনীয় অৱস্থাৰ বাবেই ৰাইজে জীয়াতু ভুগিছে।১০৫ নং গলীয়া গাঁৱ পঞ্চায়তৰ অধিনত এ,ডি,পি বজাৰৰ পূব পিনে ভবানীপুৰ লৈ যোৱা পথটো অতি শোচনীয় অৱস্থাত আছে যদিও ঠিকাদাৰে কাম কৰি আছে, সিয়ো শামুকীয়া গতিৰে । ১১৫ নং ধূমাৰপাথাৰ গাঁৱ পঞ্চায়তৰ অন্তৰ্গত চেংলীমাৰী ৰূপহী নদী দলংৰ পৰা বতিয়ামাৰী পহুমাৰা দলংৰ পথটো প্ৰায়, ২ কিঃমিঃ চলাচল অৱস্থা তেনেই পানীত হাঁহ নচৰা বিধৰ।লগতে উক্ত পঞ্চায়তৰে শিলাপাঠনি গাঁৱৰ পি, ডব্লিউ ডি, পথৰ পৰা দক্ষিণে ২ কিঃমিঃ পথ যাতায়তৰ অনুপযোগী । ১০৭ নং দাতিৰবড়ী গাঁৱ পঞ্চায়তৰ অধিনত ৰাজাখাট বৰশিমলা পথৰ ৰাজাখাটৰ পৰা কাটলা দলংলৈ পথটো অতি বিধ্বস্ত ৰূপ লৈছে।লগতে মাজগাঁও পশ্চিম পাৰা গাঁৱৰ পথটো ডুলিৰভীটা এমি স্কুল লৈ যোৱা পথটো নিম্ন মানদণ্ডৰ কাম কৰাৰ বাবে ঠায়ে ঠায়ে জহি খহি যোৱাৰ বাবে যাতায়ত ব্যৱস্থা ব্যহত হৈ পৰিছে। উক্ত দাবীসমূহ অতি শীঘ্ৰেই পূৰণ কৰিবলৈ অৰ্থাত বিভাগীয় কৰ্তৃপক্ষৰ জৰিয়তে কৰিবৰ বাবে পথসমূহৰ কাম সম্পূৰ্ণ কৰি যাতায়তৰ উপযোগী কৰি দিয়াৰ বাবে বজালী জিলা আমছুৰ সভাপতি জাকিৰ হুছেইন তালুকদাৰ, সম্পাদকদ্বয় মুকুল ইছলাম,ৰফিকুল ইছলাম আৰু কায্যৰ্কৰী সভাপতি আশ্ৰফ আলীয়ে জিলা উপায়ুক্তলৈ স্মাৰক প্ৰত্ৰ প্ৰদান কৰে । উল্লেখ্য যে অতি শীঘ্ৰেই পথসমূহ মেৰামতি নকৰিলে ৰাইজৰ সহযোগত গনতান্ত্ৰিক আন্দোলনৰ গঢ়ি তুলিব বুলি এক প্ৰেছ বিজ্ঞপ্তি যোগে স্থানীয় সংবাদদাতাক জানিবলৈ দিয়ে।
